Re: Mbulesa (hixhabi) tek femrat (besimtare) musli
Nejse meqe nuk e paske te qarte veshjen e nje muslimaneje po te jap disa informacione besoj se do te hyne ne pune.
All-llahu (Suabhenhu ve Teala) thotë:
" O ti Pejgamber, thuaju grave tua, bijave tua dhe grave të besimtarëve le të vëjnë shamitë (mbulojë) e veta mbi trupin e tyre, sepse kjo është më afër që ato të njihen (se nuk janë rrugaçe) e të mos ofendohen. All-llahu fal gabimet e kaluara, Ai është M ëshirues."
[el-Ahzab 33:59]
Ky ajet tregon qartë se është i obligueshëm mbulimi i tërë bukurisë dhe zbukurimeve të gruas dhe të mos shfaqë asnjë pjesë të këtyre para meshkujve jo-mahram ("të huaj"), përveç asaj pjese që duket pa dashje, me ç´rast nuk ka mëkat në këtë, nëse nxiton t´a mbulojë atë.
El Hafiz ibn Kethir ka thënë në Tefsirin e tij:
" Kjo do të thotë se ato nuk duhet të zbulojnë asnjë pjesë të zbukurimeve të tyre para jo-mahramëve, përveç asaj që është e pamundshme të fshihet. Ibn Mesudi ka thënë: ´ sikurse pelerina dhe menteli, që vishnin gratë e arabëve, një veshje e jashtme që mbulonte çfarëdo qoftë që vishnin gratë, përveç asaj që dukej përfundi veshjes së jashtme. Nuk ka mëkat për gruan sa i përket kësaj, sepse kjo është e pamundur të fshihet.´ "
Së dyti:
(nuk duhet të ketë dhe të jetë vetvetiu zbukurim).
All-llahu (Subhanehu ve Teala) thotë:
"...dhe të mos tregojnë zbukurimet e tyre..." [en Nur, 24:31]. Kuptimi i përgjithshëm i këtij ajeti është veshja e jashtme, sepse po që se është e zbukuruar, do të tërhjekë vëmendjen e meshkujve. Kjo përkrahet me ajetin në suren el Ahzab:
" Dhe rrini në shtëpitë tuaja e mos shfaqni bukurinë tuaj si shfaqej në injorancën e hershme.." [el Ahzab, 33:33]. Poashtu, kjo përkrahet me hadithin, ku Pejgamberi (SalAllahu Alejhi ve Selem) ka thënë: " Për tre, mos më pyetni rreth tyre: mashkulli i cili lëshon xhematin, nuk i bindet udhëheqësit dhe vdes me mosbindje, robi femër apo mashkull i cili hikë dhe vdes, dhe gruaja, burri i së cilës nuk është i pranishëm dhe e ka lënë atë me të gjitha që asaj i nevojiten dhe pasi që ai është larguar, ajo u tregua e papërmbajtur në tregimin e vetvetes. Mos më pyetni për këta."
(Transmetuar nga el-Haakim, 1/119; Ahmed, 6/19; prej hadithit të Faddaalah bint ‘Ubejd. Isnedi i tij është sahih dhe gjendet në el-Adab el-Mufrad).
Së treti :
(Duhet të jetë i trashë dhe jo transparent apo i tejdukshëm)
- sepse përndryshe nuk mund të mbulojë si duhet. Veshja transparente apo e tejdukshme e bën gruan më tërheqëse dhe më të bukur. Rreth kësaj, Pejgamberi (SalAllahu Alejhi ve Selem) ka thënë: " Gjatë ditëve të fundit të ummetit tim, do të ketë gra të cilat janë të veshura por lakuriq, me diçka në kokat e tyre që ui gjason gungave të deves. Mallkoni ato, sepse ato janë të mallkuara." Një hadith tjetër shton: " Ato nuk do të hyjnë në Xhannet, as do t´a ndiejnë erën e tij, edhepse era e tij ndihet nga kjo e kjo distancë."
(Transmetuar nga Muslimi prej Ebu Hurejrës).
Ibn Abd el-Barr ka thënë: " Ajo që Pejgamberi (SalAllahu Alejhi ve Selem) ka pasur për qëllim me këtë janë gratë që veshin robe të materialit të hollë, të cilat përshkruajnë dhe nuk mbulojnë. Ato janë të veshura me emër, por janë lakuriqe në realitet."
Transmetuar nga el Sujuuti në Tanveer el-Hawaalik, 3/103
Së katërti:
(Duhet të jetë i çlirë, jo i ngushtë që të përshkruaj ndonjë pjesë të trupit).
Qëllimi është shmangia e fitnes (sprovimit) dhe kjo mund të arrihet vetëm nëse robet janë të gjëra dhe të çlira. Robet e ngushta, edhe nëse ato fshehin ngjyrën e lëkurës, ato ende përshkruajnë madhësinë dhe formën e trupit apo të pjesëve të tij dhe në këtë mënyrë krijon një figurë të gjallëruar në mendjen e mashkullit. Korrupcioni apo ftesa për korrupcion që rrjedh nga kjo është më se evidente. Andaj, robet duhet të jenë të gjëra. Usameh ibn Zejd ka thënë: " I Dërguari i All-llahut (SalAllahu Alejhi ve Selem) më dha një veshje të trashë egjiptiane, e cila isht një prej dhuratave që i ishin dhënë atij në Duhjat el-Kalbi, dhe unë ia dhurova gruas sime që t´a veshë. Ai tha, ´Pse nuk po të sho duke e veshur atë veshjen egjiptase?´ Unë i thash, ´ Unë ia thash atë gruas sime t´a veshë.´ Ai tha, ´ Thuaj le të veshë një fustan (xhybe) përfundi saj, sepse kam frikë se mund të përshkruaj madhësinë e kocit të saj.´ "
(Transmetuar nga el-Dijaa´ el-Makdisi në el-Hadith el-Mukhtaarah, 1/442, dhe nga Ahmedi dhe el-Bejhekiu, me isned Hasen).
Së pesti:
(Nuk duhet të jetë i parfumosur me temjan apo aromë).
Ka shumë hadithe që flasin rreth ndalesës së parfumosjes së grave, kur ato dalin jashtë shtëpive të tyre. Ne do t´i cekim disa prej tyre me isnede sahih:
Ebu Musa el Eshariu ka thënë: " I Dërguari i All-llahut (SalAllahu Alejhi ve Selem) ka thënë: ´ Çdo grua, e cila parfumoset dhe gjatë kalimit pranë njerëzve ata ndiejnë aromën e saj, është zinaçare.´ "
Zejneb el-Thakafijjeh transmeton se, i Dërguari i All-llahut (SalAllahu Alejhi ve Selem) ka thënë: " Nëse ndonjëra prej jush (grave) shkon në xhami, mos të prekë ndonjë parfum."
Ebu Hurejra ka thënë: " I Dërguari i All-llahut (SalAllahu Alejhi ve Selem) ka thënë:´ Ajo grua e cia është parfumosur me bakhoor (temjan), mos t´i bashkangjitet namazit të jacisë me neve.´ "
Musa ibn Jassaar ka thënë se, një grua kaloi pranë Ebu Hurejres dhe aroma e saj ishte e shfrenuar. Ai tha, " Oj robëresha e el-Xhabbarit, a je duke shkuar në xhami?" Ajo tha, "Po." Ai tha, " Dhe ke vendosur parfum për këtë arsye?" Ajo tha, " Po." Ai tha, " Kthehu prap dhe laju, sepse kam dëgjuar të Dërguarin e All-llahut (SalAllahu Alejhi ve Selem) duke thënë: ´ Nëse një grua vjen në xhami dhe aroma e saj është e shfrenuar, All-llahu nuk do t´ia pranojë asnjë namaz asaj derisa të mos kthehet në shtëpinë e saj dhe të lahet.´ "
Këto hadithe kanë kuptim gjithëpërfshirës. Ashtu sikurse vlenë ndalimi i parfumosjes së trupit, e njëjta vlenë edhe për parfumosjene robeve, sidomos në haditin e tretë, ku përmendet bakhoori (temjani), sepse temjani përdoret posaçërisht për parfumosjen e robave.
Arsyeja për këtë ndalim është shumë e qartë, sepse aroma e femrës mund të shkaktojë provokime të paligjshme të epsheve. Dijetarët poashtu kanë përfshirë edhe gjëra tjera, duke i ndërlidhur me këto të cilat gratë duhet t´i shmangen gjatë shkuarjes në xhami, sikurse janë robet e bukura, stolitë që mund të shihen, zbukurime të tepruara dhe përzierja me meshkuj. Shiko Fet´h el-Baari, 2/279
Ibn Dakeek el-´Eed ka thënë:
Kjo tregon se, është e ndaluar për femrën që të shkojë e parfumosur në xhami, sepse kjo shkakton provokimin e epsheve të meshkujve. Kjo është transmetuar nga el Manaawi në Fejs el-Kadir, në komentimin e hadithit të parë të Ebu Hurejres, që cekëm më lartë.
Së gjashti:
(Nuk duhet të gjasojë veshjen e meshkujve)
Është transmetuar në hadithe sahih se, gruaja e cila imiton mashkullin ne veshje apo në mënyra tjera, është e mallkuar. Në vijim do të cekim disa prej tyre që na janë të njohur:
Ebu Hurejra ka thënë: " I Dërguari i All-llahut (SalAllahu Alejhi ve Selem) mallkoi mashkullin i cili vesh robat e femrës dhe femrën që vesh robat e mashkullit."
AbdAllah ibn Amr ka thënë: " Kam dëgjuar të Dërguarin e All-llahut (SalAllahu Alejhi ve Selem) duke thënë: ´ Ata nuk janë nga ne, gratë që imitojnë burrat dhe burrat që imitojnë gratë.´ "
Ibn Abbasi ka thënë: " I Dërguari i All-llahut (SalAllahu Alejhi ve Selem) mallkoi mashkullin e femërzuar dhe gruan e mashkëlluar. Ai tha, ´ Dëboni nga shtëpitë tuaja.´ " Ai tha: " I Dërguari i All-llahut (SalAllahu Alejhi ve Selem) dëboi kështu dhe kështu, dhe Omeri dëboi kështu dhe kështu." Sipas një transmetimi tjetër: " I Dërguari i All-llahut (SalAllahu Alejhi ve Selem) mallkoi meshkujt që imitojnë gratë dhe gratë që imitojnë meshkujt."
AbdAllah ibn Amr ka thënë: " I Dërguari i All-llahut (SalAllahu Alejhi ve Selem) ka thënë: ´Janë tre prej tyre, të cilët nuk do të hyjnë në Xhennet dhe All-llahu as që do t´i shikojë ata në Ditën e Ringjalljes: ai që nuk iu bindet prindërve të vet, gruaja që imiton burrin, dhe dujuthi (brinar, mashkull i dobët, i cili nuk ndien xhelozi ndaj grave të veta).´ "
Ibn Ebi Maleekah - emri i të cilit ishte AbdAllah ibn UbejdAllah - ka thënë: " I është thënë Aishes (All-llahu qoftë i kënaqur me të), ´ E nëse gruaja i mbathë sandallet (e mashkullit)?´ Ajo tha: ´ I Dërguari i All-llahut (SalAllahu Alejhi ve Selem) mallkoi gruan që sjellet si mashkull.´ "
Këto hadithe tregojnë qartë se, është e ndaluar pë femrën që të imitojë mashkullin dhe anasjelltas. Kjo zakonisht përfshinë veshëmbathjen dhe çështjet e tjera, pavarësisht nga hadithi i parë që u cekë më lartë, i cili tregon vetëm në veshje.
Ebu Davudi thotë në Masaa´il el-Imaam Ahmed (f.261): " Kam dëgjuar kur Ahmedi u pyet rreth mashkullit, i cili e vesh robëreshën e vet me xhaketë. Ai tha, ´ Mos e vesh atë me roba të mashkullit, mos e bëjë atë të duket si mashkull.´ " Ebu Davudi ka thënë: " Unë i thash Ahmedit, ´ A mund t´i jap ai asaj sandallet e një beqari që t´i vesh?´ Ai tha, ´ Jo, përveçse ajo i vesh ato për të marrë abdes´. Unë thash, ´ Po për bukuri?´ Ai tha, ´ Jo.´ Unë i thash, ´ A mundet ai t´ia shkurtojë asaj flokët?´ Ai tha, ´ Jo.´ "
Së shtati:
(Nuk duhet t´i gjasojë veshjes së grave kafire).
Është cekur në Sheriat se Muslimanët, qofshin gra apo burra, nuk duhet të imitojnë apo t´u gjasojnë kafirave në adhurim, festa apo veshje që janë specifike për ta. Ky është një parim i rëndësishëm Islamik, i cili në kohën tonë, fatkeqësisht është i lën pas dore nga shumë muslimanë, edhe nga ata që kujdesen për fenë dhe thërrasin tjerët në Islam. Kjo, si pasoj e injorancës së tyre rreth fesë, ose sepse janë duke pasuar trillimet dhe epshet e tyre, ose nga devijimi i kombinuar me tradita moderne dhe imitim të Europës kafire. Kjo ishte njëra prej shkaqeve të tatëpjetës dhe dobësimit të Muslimanëve, që u mundësoi të huajve t´i pushtojë dhe t´i kolonizojë ata. "... Me të vërtetë, Allahu nuk do t´ua përmirësojë gjendjen e një populli, derisa ata të përmirësojnë veten e tyre..." [el Ra´d, 13:11] Vetëm sikur ta dinin ata.
Duhet të jetë e qartë se egziston numër i madh i argumeneteve sahih rreth këtyre rregullave në Kur´an dhe Sunnet dhe se argumentet në Kur´an janë detalizuar në Sunnet, sikurse është rasti gjithmonë.
Së teti:
(Nuk duhet të jetë veshje e famës dhe e krenimit)
Ibn Omeri (All-llahu qoftë i kënaqur me të) ka thënë: " I Dërguari i All-llahut (SalAllahu Alejhi ve Selem) ka thënë: ´ Kushdo që vesh veshje të famës dhe të krenimit në këtë botë, All-llahu do t´a vesh atë me veshje të përbuzjes në Ditën e Ringjalljes, pastaj Ai do të shkaktojë Zjarrin që të flakë rreth tij.´ "
( Hixhab el-Mar´ah el-Muslimah, f. 54-67).
All-llahu (Subhanehu ve Teala) e di më së miri
