Zëra Laike apo zëra Anti-Islame ?!

rrok deda · 30 Jun 2004

Re: Zëra Laike apo zëra Anti-Islame ?!

Per Amar.Normalisht nuk me pelqejne diskutimet fetare,por kur preket edhe vendi im me jep nje fare zori e s'mund te rri pa u pergjigje.Pikesepari do te te pyesja e ndien veten shqiptar apo musliman? Une per vehte para cdo gjeje jam SHQIPTAR dhe jam krenar te jem i tille.Se dyti:qysh kur Shqiperia eshte vend islamik?... se per sa di une edhe ne kohen e turkut ka pase mjaft te krishtere qe s'jane nenshtruar dhe nuk kane nderruar fe,motiv per krenari ky,te pakten sipas meje,se treti,duke u bazuar tek sa thashe me siper si ju mohoka e drejta e kristianeve per te pasur kishat e veta?Se katerti lexo pak historine e Shqiperise,ajo ka qene per nje periudhe shume me te gjate kohore kristiane dhe islamizmi eshte implementuar me force ne menyra nga me te ndryshmet,ndryshe nga kristianizmi qe u perhap si nje fe e re ne gjithe Europen.Se pesti teorite dhe praktikat mbi ndertimin e shtetit s'kane te bejne as me sheriatin,as me te drejten kanonike,te pakten ne vendet e zhvilluara.Sipas asaj qe shkruan ti kristianet duhet te lene vendin e e tyre ku kane jetuar brez pas brezi dhe i kane rezistuar shtypjes se eger turke per 5 shekuj ose t'i nenshtrohen "dashamiresise" se muslimaneve.Eshte ne interesin tone te kemi nje shtet modern laik dhe tolerant sepse vetem keshtu ecet perpara.Kush beson,le te besoje ne menyren e tij pa iu imponuar te tjereve,shtetet me baze fetare nuk kane te ardhme dhe ne duam qe Shqiperia te kete nje te ardhme apo jo???Edhe dicka tjeter,nuk ka fe me te mire apo me te keqe,ka menyra interpretimi qe arrijne ne kete konkluzion.Te mundohesh te nxjerresh nje fe me te mire se te tjerat eshte kulmi i injorances(mendim i imi ky)dhe konsekuencat shihen qarte per ata qe duan te shohin te pakten.

OROSHI · 30 Jun 2004

Re: Zëra Laike apo zëra Anti-Islame ?!

Po mire mo Triumfoo,nqs Muslimanet(ne fakt nuk u drejtohem muslimaneve shqiptar)duan apo deshirojne ta marrin apo ta quajne si :zera anti-islamike,pune per ta!!!Dje ,gjykata Europiane vendosi qe tu jape te drejte vendimeve te atyre shteteve qe e ndalojne shamine neper ente pubike(sic eshte shkolla etj),mua kjo me duket pak me vonese,sepse sikur te mos u kishte lejuar qe ne fillim te kerkimit te azilit(them per azilantet muslimane qe po shijojne te mirat materiale ne vendet Evropiane)mbajtjen e shamive apo gjerave te tjera qe bien ndesh me principet e besimit te banoreve AUTOKTONE,them qe nuk do ishte krijuar nje problem si ky!!!Xhamijat i kane,(gje qe nuk mund te thuash per vendet nga e kane origjinen keta azilante),organizata te ndryshme kane (ne te shumten e rasteve kane organizata qe mundohen ti bejne gropen atij vendi qe ishte mikprites per ta :smash: ),atehere ,qa po na bertisni sikur ju ka kafshuar gomari ne Bithe /pf/images/graemlins/laugh.gif

Kondrapedali · 30 Jun 2004

Re: Zëra Laike apo zëra Anti-Islame ?!

Ore unë nuk kuptoj se si shqiptarët diskutojnë për mbajtjen e perçeve në shkollat evropiane ndërkohë që nuk e kanë të drejtën në shkollat shqiptare. Si mund të pretendohet që të mbahen perçe ne shkolla laike? Si mund të evitohet që të mos futet një pervers apo një terrorist në shkolla? Apo si tek filmi "Nusja dhe shtetrrethimi"? Po mendoni o njerëz para se të shkruani!
Në vendet arabe shkollat janë teiste gjë të cilën e respektoj dhe në shtete të tjera shkolla është laike gjë që respektoj më shumë si besimtar anti-fetar që jam! :thumbsup:

Gysi · 12 Jul 2004

Re: Zëra Laike apo zëra Anti-Islame ?!

Kam kohe qe nuk kam hyre kendej dhe po e shoh qe punet qenkan bere corap. Po se pari njehere, dua te pershendes shkrimin e Qemal Morines, I cili jo vetem qe mu duk interesant, por mbi te gjitha perconte nje fryme jo te vogel tolerance dhe mirekuptim, vlerat e vetme keto qe mund t’a shpetojne boten nga nje kolaps teper I rrezikshem ku po e shtyjne tezat e verbera Huntingtoniane. Keshtu desha te pershendes Kosovarin me disa vargje nga Muhamed Ikbal, qe ka te beje pikerisht me ceshtjen se kujt I takon Islami, perendimit apo lindjes.

Islami ndermjet lindjes dhe perendimit

Edhe pse në lindje dielli lind
Dhe dëfton trimërisht shkëlqimin e vet, pa tis
Ai bëhet flakë e dritë nga zjarri I brendshëm
Vec kur I largohet lindjes dhe perëndimit.
I dehur nga shkëlqimi shfaqet në lindjen e vet
Që t’I pushtojë të gjitha horizontet.
Qenia e tij s’I përket as lindjes, as perëndimit,
Edhe pse nga lindja është

Nje gje nuk po kuptoj une. Kush pot thote ketu me vendos ligjet e sheriatit ne France? Ketu po flitet nese jane shkelur te drejtat e njeriut apo jo. Dhe as qe eshte muhabet ai qe thone disa qe le te kthehen mbrapsht. Hajde ti! Shperngul gjithe familjen! Krijoje jeten tende ketu! Merr edhe nenshtetesine, dhe ne momentin kur ti nuk mund te kthehesh dot andej nga erdhe, te lihet kopili ne dere, o rri, o ik! Te mos flasim pastaj se sa te pasigurte ua ka bere Franca jeten algjerianeve apo edhe tunizianeve p.sh. me politikat e saj, sa I ka shfrytezuar keto vende, dhe tani I le ata qe I ka shfrytezuar edhe ne vendin e vet ku sigurisht qe shumica kryejne pune te rendomta, mes te kater rrugeve. Te kthehen te pashprese ne vendin e tyre, ku vec te tjerash kane humbur cdo kontakt, dhe ku nuk mund te integrohen dot (dhe te mos harrojme qe ka mjaft prej tyre qe kane lindur ne France), apo te c’vishen nga feja, kultura dhe identiteti I tyre per te siguruar ate cope jete qe mund te beje shtresa me e diskriminuar e shoqerise.

Dhe akoma me idiot eshte argumenti qe ne Arabine Saudite nuk u lejokan kishat! E para njehere kush tha qe nuk ka kisha atje, dhe e dyta, c’me plas mua se cfare ben Arabia Saudite mor lal. Une as jam arab, as saudit. Ne te gjithe boten Islame, sa per dieni (pasi eshte bere zakon qe nganjehere t’ia fusim edhe kot, se s’merret vesh), ka pothuaj ne cdo vend komunitete jo te vogla kristianesh, qe aplikojne lirisht fene e tyre, madje kristianet kane edhe kanale televizive (nja dy a tre I kam pare une vete ne Satelit vetem tek HotBirdi). Por tamam-tamam feja me e diskriminuar ne vendet Islame eshte Islami, dhe kjo pasi te gjithe diktatoret qe I udheheqin keto vende e shohin Islamin si kercenim per shembjen e pushtetit te tyre te themeluar mbi padrejtesine. Dhe madje shume prej ketyre udheheqesve jane aleate te vendeve perendimore. Por fundja edhe sikur te mos ishte keshtu, c’me duhet mua mor vlla se cfare bejne pushtetaret e vendeve islamike?! Une jetoj ne nje vend qe drejtohet nga parimet e lirise dhe demokracise, dhe ku si me lezet sajohet nje ligj qe me detyron mua qe ose te le fene (pergjate orarit te perditshem shkollor), ose te rri pa shkolle. Dhe e gjithe kjo behet per shkak se shkolla qenka laike, ndaj u dashkan ndaluar simbolet. Lere ti urdherin e Zotit, se mua me shqeteson “simboli” qe percjell per mua veshja jote. Une propozoj qe muslimanet ne France (por edhe ketu ne Shqiperi, si nje vend me “standarte te perparuara”) te bejne nje pakt. Te shkruajne ne menyre te detyruar mbi shamite e tyre me germa te medha: “KJO GJEJA QE UNE KAM HEDHUR MBI KOKE, NUK PERBEN SIMBOL”, ne menyre qe njeezit te mos provokohen nga shfaqja e ketij “simboli”. E kam thene edhe me pare, e para shamia nuk perben simbol per muslimanin, e dyta edhe sikur te perbente simbol, eshte dicka jetike, ka te beje me praktiken e jetes se prditshme, ndaj dhe nuk mund t’a lere. Pra fakti qe dikush ka nje besim te caktuar dhe deshiron t’a zbatoje ate, aty ku ai ndjehet I obliguar nga ky besim, eshte me I rendesishem se paraqitja e nje simboli ne ambjente laike. Pasi shkelja e nje lirie eshte me e rende se lejimi I nje shfaqjeje simbolike, qofte edhe sikur te “provokonte” pjesen tjeter te frekuentuesve te ketyre vendeve.

Mbi te gjitha, arsyet qe thuhen ketu, per te cilat qenka e drejte te ndermerret nje ligj I tille, me duke se vetem e agravojne situateen dhe kurrsesi nuk mund t’a zgjidhin. Ne qofte se ne mjaft vende te Evropes sot paska probleme te theksuar racizmi, kjo per mua vjen si pasoje e politikave shoviniste qe kane mbajtur mjaft shtete dhe sidomos ne aspektin mediatik te ketyre politikave. Madje kete racizem kokeforte une e verej ne nje mase jo te vogel edhe ne kete forum, dhe sigurisht qe vjen nga nje industri e fuqishme mediatike qe prodhon nje “feed back” te tille. Ndaj dhe per te sheruar fenomenin duhet shkuar ne rrenje te problemit, duhet hequr dore nga propaganda diskriminuese, dhe duhen hapur mundesi integruese per keta banore te ardhur te vendeve perendimore dhe jot e diskriminohen apo te pengohen nga ushtrimi i lire I pikepamjeve, ideve apo besimeve te veta.
Megjithate, une di te ndaj frymnen zyrtare, nga faktoret negative politike ne perendim (megjithese ne france duket se ky shovinizem po behet zyrtar), ashtu sic di te ndaj elementet shoviniste nga nje pjese e mire e shendoshe qe ruajne racionalitet dhe objektivitet ne trajtimin e fenomeneve. Umberto Eko p.sh. eshte nga njerezit me serioze dhe me objektive ne trajtimin e fenomeneve te tilla. Ne nje shkrim (I perkthyer edhe ne gazeten Shekulli) ai ngre me force te madhe problemin e racizmit ne Europe, si dhe te rrezikut te shuarjes se diversitetit kulturor. Keshtu ai kish hartuar nje projekt kur perpiqej qe neper shkolla te afronte njerez te etnive, racave, kulturave te ndryshme, te jetonin bashkarisht duke ruajtur secili diversitetin e vet, origjinalitetin e vet. Nje fryme e tille duhet future ne programet shkollore, ne tekste e kudo, ne menyre qe brezi I ri te rritet pa paragjykime te tilla qe historikisht kane shkaktuar te gjithe konfliktet ne bote. Dhe kete shprese Eko e sheh tek femijet pasi te rriturit sipas tij e kane marre formimin e tyre te shtrembert si pasoje e indoktrinimit te plote dhe veshtire se drejtohen me. Pra ai me kete projekt, sic thote dhe vete perpiqet t’u mesoje femijeve qe bota eshte me e bukur me diversitet. Pasi duke pare nje tjeter qe eshte I ndryshem nga ty, ti fillon dhe njeh me mire vetveten. Prania e “tjetrit”, ben qe te forcosh identitetin tend, duke skalitur tek vetja vecantite e tua. Duke u krahasuar me tjetrin, percakton me qarte ndryshimet, te cilat kristalizojne identitetin tend.
Kjo eshte rruga e vertete per shuarjen e racizmit dhe menjanimin e konflikteve, dhe jo duke diskriminuar pjese ne minorance te popullsise, duke I larguar nga shkollimi, gje qe e shton jashtezakonisht prirjen per konfliktualitet tek ata, duke e radikalizuar akoma edhe me shume frymen e urrejtjes nderkulturore, nderetnike, nderfetare. Ne kete menyre ne vetem do t’I fryjme me teper atij zjarri konfliktual qe kercenon sot boten drejt nje konflikti global, ose se paku atij fenomeni qe eshte bere sot numer nje per nga rendesia dhe qe quhet “terrorizem”.

Kondrapedali · 12 Jul 2004

Re: Zëra Laike apo zëra Anti-Islame ?!

Gysi! Jam plotësisht dakort me ty për sa i përket rracizmit që egziston në Evropë! Edhe për sa i përket faktit që ky rracizëm është më i theksuar tek francezët. Megjithatë, nuk më duket e drejtë që për hir të të drejtave të një grupi ta pësojë një grup tjetër (në këtë rast shumica). Nëse lejohet feja në shkolla kjo sjell ndryshimin e orareve, e ambjenteve, të politikave arsimore, etj. pasi një besimtar ka nevojë të lutet/falet, ka nevojë për një hapësirë të madhe për të zhvilluar dhe praktikuar fenë e tij si dhe duhet të ketë qetësinë e nevojshme për këtë gjë. Ajo që thua ti çon në një shkatërrim të sistemit arsimor dhe eventualisht në kthimin e shkollave fetare!
Nëse një bashkësi fetare dëshiron që fëmijët e saj të shkollohen sipas ligjeve të fesë, qoftë kjo myslimane, hebre, katolike, etj., atëherë kjo bashkësi duhet të organizohet që të hapë shkolla private për këtë qëllim.
Studimi i Umberto Eko-s nuk e besoj se bënte fjalë për shkolla ku feja të ishte kriter mësimi! Për më tepër nëse vendoset të krijohet një shkollë e tipit Eko dhe feja lejohet të aplikohet në të kjo do të çonte në shumë konflikte të forta pasi do të kishte një ndërhyrje shumë të fortë të feve agresive (Islami) tek fetë pasive (katolicizmi, etj). Kur e quaj agresiv islamizmin nuk kam parasysh diçka të keqe por thjesht faktin që besimtarËt myslimanë janë më praktikues se shumica e të krishterëve dhe si rrjedhojë janë në pozita dominuese ndaj jo praktikantëve. Ky dominacion përçohet nëpër familje dhe këtu lindin kontradiktat pasi edhe një jo-besimtar ka tendencë të ruajë atë fe që kanë patur paraardhësit e tij nëse ai përballohet me një fe tjetër.
Përsa i përket perçes ke të drejtë pasi ajo nuk është një simbol mysliman por thjesht një SIMBOL ARAB i cili ka hyrë në fenë myslimane pasi njerëz të cilët kërkojnë pushtet të pakufishëm mbi njerëz të tjerë e kanë pËrdorur fenë për të arritur qëllimet e tyre. Tani ti kërkon që në një vend që ka luftuar për ti zhdukur këto fenomene të lejohet akoma dominimi i njeriut (gruas) nga njeriu (burri).
Në një vend të huaj e vetmja gjë që e kam përvetësuar mirë është që kultura dhe tradita e vendësit është ajo që duhet respektuar. Ajo që the ti për kopilin në derë që i ka lënë Franca tunizianëve, marokenëve, etj. më vjen keq por është krejt e kundërta. Deri sa këta të merrnin nënshtetësinë (një pjesë e tyre) duruan gjithshka dhe nuk kërkuan kurrë të shkonin në shkollë me perçe (pak a shumë si në Shqipëri gjatë komunizmit) apo të kërkonin të drejtat e tyre nëpër shkolla, tani që u siguruan me dokumenta këta njerëz fillojnë të ngrejnë zërin e të kërkojnë të drejtat e tyre. Qeveria franceze i thotë që të vazhdojnë në të njëjtën mënyrë si deri më sot pasi të drejtat e tyre nuk janë shkelur (në Francë myslimanët zenë trotuaret kur është koha e faljes) në asnjë moment!

Kështu që herë tjetër ji më realist dhe më pak indoktrinues dhe nuk është nevoja për tu fshehur pas një pseudo-moderizmi! /pf/images/graemlins/wink.gif

OROSHI · 12 Jul 2004

Re: Zëra Laike apo zëra Anti-Islame ?!

eshte shum e thjeshte:ne nuk kemi ndikim ne politiken evropiane.Pra duhet te mbyllim gojen, dhe te ngreme zerin per ceshtje qe na perkasin vetem ne,dhe te mos shnderrohemi ne Proletare te shekullit te XXI,se s'na e var njeri teneqen.

RobertdeNiro · 13 Jul 2004

Re: Zëra Laike apo zëra Anti-Islame ?!

Ne emer te lirive dhe te drejtave te njeriut, ulerasin demagoget e nje feje diktature.
Nje fe e cila ju heq te drejta dhe lirite themelore,gjysmes se besimtareve te saj.Grave.
Nje fe qe nuk i lejon ato ta jetojne jeten e tyre,te vishen si te duan,te dashurojne sa dhe kur te duan,te martohen me ke te duan.
Fanatiket me te flaket te kesaj feje,duke ushtruar kete diktature mbi grate,duke i mbyllur dhe kufizuar ato,mundohen te ruajne me ane te kesaj dhune privilegje qe nuk ju takojne.
(Ngjashmeri kjo e te gjitha diktaturave qe ka njohur njerzimi deri me sot)

Cfar privilegjesh ?

Privilegjin me te madh qe perfiton nder qeniet e gjalla,ai qe eshte me i forti,me i zgjuari,me i bukuri.Privilegjin per te qene ai i zgjedhuri i nje femre,qe tu jap genet i tij ,femijve te saj.

Duke mos pasur besim tek vetvetja se mund te ishin ata te zgjedhurit,keta mjerane e burgosin fizikisht dhe shpirterisht femren.
Sa vajza,gra, te bukura,te zgjuara,plot deshire per jeten mbahen te mbyllura ne shtepi,nuk kane kontakt me boten mashkullore as ne gezime dhe as ne hidherime,detyrohen te mbajne perce,shami koke,pelerina te zeza si thes,ne mes te Korrikut.
Me sa deshire ato do e nzirrnin ne pah bukurine qe ju ka dhuruar natura.
Edhe ato do kishin deshir te vishnin minifunde apo te nxirrnin barkun, jashte.

Tani na ngrihen fanatike te kesaj feje,skllavopronar injorant qe mbajne ne sklaveri gruan,motren,vajzen apo ndoshta edhe nenen dhe ulerasin kunder demokracive boterore,ne emer te te drejtave dhe lirive te njeriut,qe te heqin dore nga laikizmi i tyre dhe tju lejojne skllavopronareve te drejten e ushtrimit te skllaverise.

Skllavopronar mjeran,ne qofte se nuk ju pelqen kjo bota jone e lire dhe e hapur per burra dhe per gra, ateher shkoni dhe strukuni perseri ne shkretetirat e arabise apo stepat e anadollit dhe jetoni si para 1 400 vjeteve.
Ne kohen me te mire tuajen, kur ishit me te forte se kurre nuk arritet te fitoni dot kunder Europes. Tani harrojeni se do fitoni.

Jo per gje,por vete natyra ju ka denuar,per ato qe ju beni njerezve me te afert: vajzave,motrave,g

OROSHI · 13 Jul 2004

Re: Zëra Laike apo zëra Anti-Islame ?!

Gysi,nqs nje njeri nuk jeton si njeri por si kafshe,e cfar i hyn feja ne pune atij/atyre??Te marrim shembull Afganistanin ku njerezit jetonin me keq se kafshet,merr Iranin,ku njerezit nuk kane te drejta te barabarta dhe jetojne ne varferi,merr Sudanin ku njerezit po vdesin urie,merr Somaline ku njerezit jetojne si para 2000 vjetesh e jane kthyer ne njerez-kufoma,pra te gjith keta vende udhehiqen nga fetare ekstremiste injorante.A duhet te na interesoje ngadhenjimi i fese apo ngadhenjimi njerezor???

Gysi · 13 Jul 2004

Re: Zëra Laike apo zëra Anti-Islame ?!

Kontrapedal! Po e nis nga fundi, pasi t’I xhiron mrpash dhe keshut besoj se jam ne rregull. Une mor plak nuk fola as si modernist e as si nai lloj tjeter pseudoje. Fola thjesht si njeri qe kam ca ide ne koke dhe perpiqem t’I shpreh. Mund te rri gjithe diten tani te sqaroj te gjitha gjerat qe u hapen ketu, por e di qe duke sqaruar keto do te hapim edhe mjaft te tjera e keshtu nuk do te mbarojme dot. Megjithate une kam nje mendim, qe edhe mosmarreveshja eshte nje lloj marreveshjeje, ndaj po perpiqem te sqaroj dia gjera, por sigurisht qe do te perpiqem qe te mos i hyj shume hollesisht, pasi nuk mund t’ia dalim dot keshtu. Keshtu qe une nuk po merrem me kuptimin e fjales doktrine dhe indoktrinim, pasi kur te gjykon i indoktrinuari per te indoktrinuar, eshte e veshtire t’a sqarosh kete gje, dhe madje nuk po merrem as me termin modernisem apo pseudomodern, edhe pse nuk kam ndonje kompleks sikur te deklaroj qe nuk jam fare modernist, madje edhe sikur te deklaroja qe jam antimodernist, pasi keto jane pikepamje dhe ide mjaft te diskutueshme, dhe nuk eshte e thene qe njerezimi te kete arritur shkallen e njohjes qe e ben te afte te ndaje shapin nga sheqeri per keto pune. Perkundrazi njerezit e indoktrinuar besojne se keto ceshtje jane zgjidhur perfundimisht dhe njerezimi ne kete dretim ka kuptuar tashme “te verteten e madhe”, qe do t’a beje boten parajse.

Tani, ti flet me lart per ndryshime sistemesh arsimore, madje edhe per sistem fetar (gjera shume te medha keto per t’u diskutuar), qe do te sillka “lejimi i fese ne skolle”, gje qe vec te tjerash demtoka shumicen nga pakica. Kush tha mor lal qe ketu behet fjale per ate qe ti e quan “lejim i fese ne shkolle”, prej te cilit u dashka te ndryshohet sistemi arsimor?! Une po them se duhet te mos u prihet e drejta e aplikimit te detyrimeve fetare ne lidhje me paraqitjen e nxenesit ne shkolle, dhe kjo nuk e pengon aspak sistemin arsimor te sotem laik te funksionoje normalisht, dhe madje kjo as nuk e demton aspak “shumicen”, pervec ndonjerit qe e acaron ky fakt (ai i ushtrimit te lire te zgjedhjes individuale te paraqitjes sipas obligimeve fetare), acarim qe vjen pikerisht prej urrejtjes racore te brumosur ne ndergjegjen e tij te helmuar me indoktrinim. Kjo gje nuk con aspak ne kthimin e shkollave ne shkolla fetare. Shkolla mbetet laike edhe duke garantuar lirine fetare. Pasi laicizmi ne vetvete shfaq thjesht indiferencen ndaj fese dhe jo ndalimin e saj. Kete jam perpjekur t’a shpjegoj ne nje postim ne fillim te kesaj teme. Ajo qe ti jep si zgjidhje qe komuniteti te ngreje shkolla fetare, dhe gje kete e kam degjuar shpesh ne media edhe kur ky problem diskutohej ketu tek ne, dhe qe me duket argument absurd, i thene nxitimthi, sa per te gjetur dicka ku mund te kapesh. Mor vlla, une p.sh. sikur te kisha nje vajze ne moshe per gjimnaz qe mbante shami dhe qe deshironte te studionte per ekonomik, ne shkollen e mesme p.sh. cfare te bej sipas teje?! Vajza deshiron te behet ekonomiste, dhe nuk ka njeri ne bote qe duhet t’a pengoje per kete pune, kurse ne i themi qe te shkoje ne medrese. Une mor daje dua te studioj ne nje shkolle laike, ne nje shkolle ku nuk studiohet feja, eshte deshira dhe ajo qe une e konsderoj deritiin e te ardhmes time dhe s'ka te beje fare me fene, madje eshte normale qe te dshiroj te zgjedh ate shkolle qe eshte e forte, ku une mund te pregatitem per qene i afte ne fushen qe dua te studijoj. Kurse ju thoni qe me shami ne koke e ke te ndaluar te behesh ekonomiste, perkthyese (si ne rastin e shkolles se gjuheve te huaja), kuzhiniere, apo ku e di une cfare shkollash te tjera profesionale mund te kete ne kete vend. Po edhe sikur te mesmen e pergjithshme, dua t’a bej ne nje shkolle laike, fene e mesoj per qejf kur kam kohe, kush mund te me pengoje per kete vetem per hir te shamise?!
Ate problemin e dominances se feve nuk e kuptova mire, me duket se nuk shkon, pasi ne nje shkolle laike nuk lejohet propaganda fetare, ndaj edhe te mos kene hall absolutisht perfaqesuesit e feve “pasive”, pasi nuk lejohet qe te fete “agresive” (shtu si edhe cdo lloj tjeter feje), te perpiqet te shtrije ndikimin e vet. Me duket se nuk e paske kuptuar qellimin e Umberto Ekos, si dhe qellimin perse une e permenda ate. Une e permenda per te terhequr vemendje qe te mos anojme nga racizmi, apo diskriminimi, njera pjese, dhe madje ajo me e shemtuara, e mendimit dhe qendrimeve perendimore, por te perqafojme pjesen me t shendoshe te Perendimit qe perpiqet te sjelle harmonine dhe larmine kulturore ne bote. Te mos biem pre e ideologjive qe flasin per fundin e historise dhe per perleshje civilizimesh (si ne rastin e Huntingtonit), por te perpiqemi te anojme nga harmonia e tyre, nga “vallezimi” i tyre ndermjet njeri-tjetrit (sic shprehet Edwart Said, shih rev. “Perpjekja” te Fatos Lubonjes). Une nuk e di se cafre kupton ti me perce, por une po flas per shamine, dhe ajo ka qene mbajtur historikisht nga te gjitha gjyshet tona dhe pothuaj eshte mbajtur historikisht nga te gjitha grate ne te gjith boten, si ne lindje ashtu edhe ne perendim. Une kam pare fotografi te veshjeve te grave ktistiane ne Itali, sigurisht jo ne kohen e sotme, dhe ajo nuk ndryshonte fare nga ajo e muslimaneve sot. Problemi eshte se ne i gjykojme gjerat me kritere te kultures qe jetojme vete, ndaj dhe shfaqim mungese tolerance ndaj perceptimeve dhe koncepteve te ndryshme.

Se fundi, nese do t’ia kesh ndopak me teper haberin kesaj ceshtjeje, do ta dije se muslimanet ne France keshtu jane veshur gjithmone dhe nuk kane pasur problem. Disa vite me pare u hap i njejti problem, per t’i ndaluar shamite neper shkolla, por me protestat e muslimaneve, si dhe me protestat e ashpra te shoqatave te te drejtave te njeriut, madje edhe me vendimet e gjykantave, norma te tilla u quajten te jashteligjshme ne France, keshtu qe muslimanet fituan te dretjten te vazhdonin te lire ne zgjedhjen e tyre. Kur nje gje e tille u synua te behej edhe ne Itali, pati po te njejtin presion ku ne mjaft raste qeverise Italiane i thuhej “kujtoni Francen”, dhe nje ligj i tille nu ku vu. Ajo qe po ndodh sot vjen si pasoje e nje “pune te mire” te bere nga qarqet e politikave diskriminuese, te cilat me ane te mediave dhe rrugeve te tyre politike, kane arritur t’a ndryshojne opinionin publik ne France duke bere nje nje hap i tille, megjithe deshtimin e pare, te mos hase te njejtin presion, duke mos patur me te njejtn sensibilitet ndaj kesaj shkeljeje te te drejtave njerezore. Konkluzioni qe nxirret ne aspekt kohor eshte qe racizmi ka bere mjaft hapa perpara,ndersa demokracia dhe liria mjaft te tilla prapa.

Kondrapedali · 13 Jul 2004

Re: Zëra Laike apo zëra Anti-Islame ?!

Gysi, kërkoj ndjesë pasi unë nuk qenkam fare në temë. Kujtova se bëhej fjalë për perçet dhe jo shamitë e kokës.
Megjithatë, lejimi i fesë në shkollë sjell probleme madhore me pasoja madhore.
Kapim rastin e mylsimanëve. Ata falen 5 herë në ditë! Çifutët falen gjithashtu, katolikët e të tjerë bëjnë të njëjtën gjë por në intervale të ndryshme. Sipas teje duhet që mësimi të ndërpritet sa herë që njëri grup fetar apo tjetri duhet të falen? Për mua ky është lejim i fesë në shkollë.

Kanadaja është shembull i bashkëjetimit të komuniteteve të ndryshme. Në një shkollë shtetërore, një fëmijë u kap me thikë me vete (nuk e perdori) dhe arsyeja ishte se në fenë e tij (më duket se Hindu) thika ishte traditë deh të gjithë burrat dëshironin ta mbanin! Tani ai donte ndofta të bëhej ekonomist apo përkthyes apo nuk e di çfarë por donte të bëhej duke mbajtur thikën me vete!

Qeveria Kanadeze nuk e lejoi, siç nuk lejon edhe paraqitjen në shkollë me perçe (emri shqip për ferexhe). Dhe nuk mund ti vesh faj qeverisë pasi po e lejuam për njërin në baza fetare do ta lejojmë për të gjithë. Mirëpo, në shkollat laike ndalohet aplikimi i fesë.

Dhe në mos u gabofsha, nuk kam përmendur në ndonjë vend shkolla fetare. Kam thënë që komunitetet fetare mund të hapin shkolla private siç hapen për efekt ruajtje të gjuhës nga komunitetet etnike.

Unë i përkas të dy qytetërimeve, perëndimit dhe lindjes (si shumica e shqiptarëve) dhe prindët i kam pasë njërin katolik e tjetrin mysliman (për emër të dy) kështu që nuk dënoj asnjërën fe më shumë se tjetrën. Nuk jam até jam afé.

Jam i mendimt që secili është i lirë të ketë besimin e tij dhe ta praktikojë atë në ambjente tË rezervuara për atë Punë (kishë, xhami, sinagogë, etj.) dhe jo ku ti vijë më për mbarë pasi toleranca e ka një kufi. E keqja është që radikalët nuk i njohin kufijtë dhe pyesin se ç'të keqe ka para se të pyesin "Më fal a të bezdis kjo që unë bëj"? Ti thua që perëndimorët nuk janë tolerantë (një pjesë e madhe) ndërsa unë po të them që ata paskan qenë jashtëzakonisht shumë pasi tolerojnë çdo mëngjes Hoxhën që këndon me sa ka fuqi më keq se gjeli i komshiut (edhe të krishterët e bëjnë, kryesisht ortodoksët).
Pra mos bëj shumë si modernist (pasi mundohesh të flasësh shtruar si dhe të argumentosh me qetësi) dhe mos na trrego këtu në forum që po shkelen të drejtat e njeriut! Po shkelen të drejtat e Zotit shumë-shumë dhe për këtë nuk e besoj se i bëhet shumë vonë shume personave.

Ti si i modedruar që je a do të pranoje një çifut që të vinte në shtëpinë tënde dhe të vendoste rregullat e tij krahas me të tuat? :wave:

Gysi · 13 Jul 2004

Re: Zëra Laike apo zëra Anti-Islame ?!

Newton! Shkrimi yt i mesiper ishte jo vetem i pasakte, i verber dhe inatcor per te te kthyer nje pergjigje, por mbi te gjitha ishte jashte teme. Nuk po flasim ketu per te drejtat apo rolin e gruas ne Islam, gje qe nuk ka te beje aspak as me zonen e forumit ku po shkruajme. Nuk kam ndermend ketu as te diskutoj se perse, qysh, tek eshte problemi i shamise, dhe aq me teper kur nuk shoh as nje minimum deshire per te gjykuar drejte, e lere me ftohte, por dua te them se ti je pikerisht nje deshmi e gjalle e fenomenit qe preka me siper, je nje shembull tipik i brumit te gatur me mjaft ustallik nga “perpunuesit e lirise se te menduarit masiv”, qe pergjithesisht e quajme me mjaft lezet “MEDIA”. Ti je nje viktime e rendomte e SNN-it, madje ti gjithe boten tende te vogel e sheh dhe gjykon pikerisht me “syrin” tij, me syrin e ketij gjigandi te orientimit te mendimit popullor, dhe meqe je nga ata tipa qe besojne vetem ate cka shohin sigurisht qe merret vesh se me mendjen e kujt gjykon.

Pikerisht ti shfaq ate qe sapo e shpreha, ndaj te cilit duhet te kemi kujdes, racizmit, shovinizmit, te gjalleruar jo pak koheve te fundit, gje qe e rezikon ndjeshem boten e sotme. Dhe aq me teper eshte per te ardhur keq kur shikon se me sa irritim, dhe arrogance sulesh si i terbuar kunder “races inferiore”. Pikerisht pamjen tende kishin edhe nazistet ne Auzhvic teksa degjonin me kenaqesi Bethovenin, pasi kishin kthyer ne hi qindra jete njerezish. Pikerisht pamjen tende kishin e dhe ushtaret e kryqezatave, teksa betoheshin se nuk do te ktheheshin gjalle pa vrare kedo qe do t’u dilte perpara dhe pa djegur dhe shkatrruar gjithcka “barbare”, qofshin keto keshtjella, faltore, biblioteka, cdo gje nuk mban nje kryq mbi krye. Madje shume prane ti me kujton fytyrat e marrosura te atyre qe e dogjen kete vend ne 97-en per te kerkuar parate qe nuk i moren dhe nuk kane per t’i marre dot kurre.
Ti flet me zerin e Bushit, dhe madje jo me ate zerin qe shfaq ne “MEDIA”, ku shprehet se ne luftojme terrorizmin dhe jo vlerat e larta njerezore qe predikon Islami, por t’i flet me zerin e ulet e te fshehte te tij, me zerin e marrezise ideologjike qe kerkon t’i veshe unifome gjithe botes. Ky eshte nje ze i cjerre qe zjen brenda vetes, qe turfullon dersa te shpertheje lirisht nje dite qe mezi e pret.
Ju me forcen e “mllefit” te bymyer ne thellesi te urrejtjes suaj patologjike dhe me dehjen e “krenarise” suaj ala Falaci te pompuar nga vlera qe nuk i krijuat ju, por ua kane lene trashegim (pa e ditur ne c’duar te papershtatshme i kane lene), brohorisni se do te mbroni me vendosmeri keto vlera duke i shkelur me kembe, duke i shkrire ne furrenalten e ndergjegjes suaj te semure, per t’i bere plumb me te cilin do te vrisni ate liri qe nuk eshte e denje per tempullin tuaj te lirise, lirine e “barbarit”, lirine e atij qe eshte i ndryshem nga ne, lirine e atij qe nuk i nenshtrohet lirise sone, “vlerave” tona. Te gjitha pushtimet, mizorite, masakrat e botes jane bere ne emer te vlerave, lirise, qyteterimit.

Nuk dua t’a zgjas megjithese kam shume per te thene, “produkte” te tilla si kategoria qe ti perfaqeson i njoh mire, por dua te shpreh edhe njehere keqardhjen qe ndjej kur shoh se sa shpejt rreshqet njeriu drejt verberise qe e shpie drejt totalitarizmave. Utopite e se ardhmes, mijevjecarit te trete, qe po trokasin ne dere e shoh qe do te kene mjaft “material” te gatshem, qe menjehere do t’u vihet ne sherbim per te ngritur godinen e tyre te marrezise utopike.

Gysi · 13 Jul 2004

Re: Zëra Laike apo zëra Anti-Islame ?!

Per sa i perket hollesirave kontrapedal, jane ceshtje qe zgjidhen. Une nuk po kerkoj qiqra ne hell, dhe nuk besoj se feja budiste e ka te detyrueshme te mbash thike se s'ben. Pra ka nje tolerance jo te vogel edhe feja. Ama, aty ku behet fjale per detyrime, dhe aq me tepr kur njeriu ndjehet teresisht i dhunuar, duhet qe shkolla te shfaqe tolerance, pasi ne kete drejtim nuk kushton asgje. Une nuk po them qe hajde tani te falemi ne mes te shkolles, apo ne mes te ores se mesimit. Eshte e qarte qe edhe vete fete kane toleranca te medha ne kete drejtim. Por qe te mbash shami ne koke, nuk ka perse te mos tolerohet.

Persa i perket cifutit, une vertete nuk do t'a duroja te bente ligjin ne shtepine time, por nuk do t'a detyroja qe te hiqte kapelen, te rruante mjekren, apo te tilla gjera, nese do te deshironte te hynte tek une. Pikerisht kjo eshte toleranca, e cila eshte e domosdoshme te ruhet edhe me ligj. Dhe mbi te gjitha, nuk eshte njesoj. Pasi muslimane qe jetojne ne Frane kane marre nenshtetesine e ketij vendi, respektojne ligjet e tij, paguajne edhe taksa ndaj shtetit, ndaj dhe kane te drejte te kerkojne dicka qe u prek gjerat e shenjta te tyre, dhe aq me teper kur kjo nuk i kushton agje shtetit te tyre.

OROSHI · 13 Jul 2004

Re: Zëra Laike apo zëra Anti-Islame ?!

Gysi,mundohesh qe /pf/images/graemlins/tongue.gifroblemin"Perce2,te na e kthesh thjeshte ne nje problem "shami",edhe vete ti e di qe nuk eshte ashtu,nqs eshte ashtu,atehere perse kapen kaq shume arabet e Frances mbas kesaj???Ndersa krahasimi i nenave tone qe kane mbajtur shami,nuk qendron,eshte tjeter shamija dhe tjeter e gjithe fytyra e mbuluar,une i shoh disa gra arabe ketu ne Brussel(nuk jane shume se me duket qe nuk dalin jashte te gjitha)qe e mbulojne te gjith fytyren,dhe te them te drejten me kap nje si habi(nuk e di se cfar emri ti ve asaj ndjenje),si ka mundesi te mbulohet njeriu ashtu????Pra problemi "perce" nuk mund te krahasohet me "shamine",nuk ta lejojne islamistet ne rradhe te pare!!!

RobertdeNiro · 13 Jul 2004

Re: Zëra Laike apo zëra Anti-Islame ?!

Newton

Ne mbreterine islamike te Arabise Saudite zhvillohen ne Mai 2005 per here te pare ne historine e saj, Votime.
Grate nuk lejohen te marrin pjese.

Mos dola gje prap nga tema?
Se tema nuk eshte per te treguar fytyren diktatoriale te islamit ndaj grave.

Tema eshte te shajme demokracite perendimore.

Gysi · 14 Jul 2004

Re: Zëra Laike apo zëra Anti-Islame ?!

Orosh! Je i painformuar per kete pune.
Ne france ligji i fundit qe beri shume zhurme ne media flet per heqjen e mundesise per te frekuentuar shkollen me shami, dhe kjo pasi sipas qeverise franceze perben simbol fetar.

As qe po thote njeri gje ketu per percen, ndaj se ciles une jam po aq kundra sa dhe ju.

Newton, mua nuk me behet vone fare se c'behet ne Arabine Saudite. Une jam musliman dhe jo arab, dhe aq me teper Saudit. Ne qoftese doni te trajtojme problemet e demokracise te mbreterise se Arabise Saudite eshte problem tjeter, qe ka nevoje per nje trajtese te posacme.

Gjithashtu faktet qe renditi Oroshi per zhvillimin qe lidheshin edhe me varferine ne disa vende te "botes islame", me duken jo fort te argumentuara, pasi varferia nuk do te thote detyrimisht mungese qyteterimi.
P.sh. per mua Arabia Saudite ku njeriu mund te rroje si mbret eshte shume me fanatike se Egjipti p.sh., megjithese egjiptianet robtohen duke punuar si refugjate ne Mbreterine saudite.

mon · 14 Jul 2004

Re: Zëra Laike apo zëra Anti-Islame ?!

O njerez mos harroni se ne france para nja dy javesh u perjashtu nga shkolla nje nxenes sepse mbante ne qafe nje kryq te madh. Ky ligj eshte kunder mbajtjes se simboleve fetare shume te dukshme neper shkolla, duke fillu nga shamia te kryqi i madh dhe kesula e cifuteve.
Ndaj mos e ngushtoni debatin vetem te shamia myslimane.

RobertdeNiro · 14 Jul 2004

Re: Zëra Laike apo zëra Anti-Islame ?!

Gysi

Pak me siper une shkruaja:

Ne emer te lirive dhe te drejtave te njeriut, ulerasin demagoget e nje feje diktature.
Nje fe e cila ju heq te drejta dhe lirite themelore,gjysmes se besimtareve te saj.Grave.
Nje fe qe nuk i lejon ato ta jetojne jeten e tyre,te vishen si te duan,te dashurojne sa dhe kur te duan,te martohen me ke te duan.
Fanatiket me te flaket te kesaj feje,duke ushtruar kete diktature mbi grate,duke i mbyllur dhe kufizuar ato,mundohen te ruajne me ane te kesaj dhune privilegje qe nuk ju takojne.
(Ngjashmeri kjo e te gjitha diktaturave qe ka njohur njerzimi deri me sot)

Cfar privilegjesh ?

Privilegjin me te madh qe perfiton nder qeniet e gjalla,ai qe eshte me i forti,me i zgjuari,me i bukuri.Privilegjin per te qene ai i zgjedhuri i nje femre,qe tu jap genet i tij ,femijve te saj.

Duke mos pasur besim tek vetvetja se mund te ishin ata te zgjedhurit,keta mjerane e burgosin fizikisht dhe shpirterisht femren.
Sa vajza,gra, te bukura,te zgjuara,plot deshire per jeten mbahen te mbyllura ne shtepi,nuk kane kontakt me boten mashkullore as ne gezime dhe as ne hidherime,detyrohen te mbajne perce,shami koke,pelerina te zeza si thes,ne mes te Korrikut.
Me sa deshire ato do e nzirrnin ne pah bukurine qe ju ka dhuruar natura.
Edhe ato do kishin deshir te vishnin minifunde apo te nxirrnin barkun, jashte.

Tani na ngrihen fanatike te kesaj feje,skllavopronar injorant qe mbajne ne sklaveri gruan,motren,vajzen apo ndoshta edhe nenen dhe ulerasin kunder demokracive boterore,ne emer te te drejtave dhe lirive te njeriut,qe te heqin dore nga laikizmi i tyre dhe tju lejojne skllavopronareve te drejten e ushtrimit te skllaverise...

Ti mu pergjigje:

Newton! Shkrimi yt i mesiper ishte jo vetem i pasakte, i verber dhe inatcor per te te kthyer nje pergjigje, por mbi te gjitha ishte jashte teme. Nuk po flasim ketu per te drejtat apo rolin e gruas ne Islam, gje qe nuk ka te beje aspak as me zonen e forumit ku po shkruajme...

Ne fillim mendova se mos kisha dale vertet nga tema,por tek kontrollova postimet e tua te meparshme ne kete teme gjeta ne faqen 2 kete postim tendin:

...Për sa I përket shamisë ajo nuk konsiderohet mjet I ”lidhjes”, në Islam. Përkundrazi, mjet I lirisë së femrës. Dinjiteti, fisnikria dhe brishtësia e femrës, të cilat Islami synon t’ia ruajë asaj, cënohen nëse femra bie pre e shikimeve “lakmuese”. Aq më tepër, veshjet “provokative”, ia zbehin mjaft vlerat femrës, duke e bërë të shihet si një krijesë ku mund të shprazësh tërë fantazitë e imagjinatës shtazarake njerëzore. Apo si një biftek I pjekur për merak, me garnitureë që, teksa I ndjen erën ndjellëse dhe ndjen se sa bosh e ke barkun, të shkon goja lëng. Ajo që bën shamia për muslimanen është që t’I mundësojë asaj “shfaqjen” në shoqëri, pa I fryrë prushit të kësaj imagjinate, duke mosngacmuar prirjet e mjaft njerëzve, pafajsisht të dobët për t’a frenuar mendjen të punojë e drejtuar nga pjesët “rurale” apo “jugore” të trupit. Pra shamia është një dalje e femrës në shoqëri, në të kundërtën brenda katër mureve ajo nuk do të kishte nevojë për mbulesë...

Sa bukur.
Dobesite e karakterit mashkullor(epsh,xhelozi,cmir) i mbuloni, duke e deturuar femren te vishet,te sillet,te dashurohet,te jetoj si te doni ju.
Sigurisht,jeni me te forte fizikisht.Bravo ju qofte.
Por mos kerkoni nga shtete demokratike qe tju ndihmojne,te ushtroni diktauren tuaj ne familje.

Tani edhe nje pyetje

Kur martoheni me disa gra,per tu ruajtur dinjitetin e tyre e beni?

Gysi · 17 Jul 2004

Re: Zëra Laike apo zëra Anti-Islame ?!

Per shkrimin qe une kam shkruar me lart, vertete mund te konsiderohet disi i devijuar nga tema, por ai ka qene me teper nje pergjigje ndaj pasaktesive te shprehura nga postime te meparshme, te cilat kam qene i detyruar t’i sqaroj. Gjithashtu, kjo teme fillimisht ka nisur tek teologjia dhe ajo pjese e forumit eshte me e pershtatshme per sqarime te tilla. Megjithate devijimi yt nga tema behet edhe me i madh kur ti fillon e ngre nje mori problemesh qe nuk kane te bejne me ate per cfare po flasim, sic jane, te drejtat e gruas ne Islam, liria ne Islam, demokracia ne Islam, plotikat e shteteve muslimane, dhe madje edhe me teper devijimi thellohet tani ne fund kur ti hap edhe temen e poligamise. Gjera keto qe do te kerkonin jo vetem dije enciklopedike per te sqaruar te gjitha hollesirat, por edhe do te kerkonin libra te tere te postoheshin ketu.

Puna eshte se ti, ne menyre te nxituar duke perdorur nje tufe pasaktesishe si dhe keqperdorimesh te disa koncepteve si dhe normave (te cialt thuajse teresisht nuk jane ashtu), hedh parrulla qe nxisin te pakten diskriminim fetar, per te mos thene urrejtje.

Nejse, nuk po rri e te sqaroj te gjitha marrezirat me te cilat ti e ke sperkatur merine tende te shprehur me lart, por po merrem vetem me nje koncept qe ti ke prekur disi me lart dhe qe me duket thelbi i ndarjes se dy boteve te medha: asaj te qyteteruares, te zhvilluares, te lirise, te emancipimit qe perfaqeson ti dhe Shiraku, apo i gjithe mendimi laicist modern, dhe asaj te prapambetures, fanatikes, te skllaveruares, agresives te perfaqesuar nga une, Talebanet, si dhe i gjithe mendimi Islamik i prapambetur.

Ne postimin tend i dashur une verej tendencen per perplasjen e dy kulturave ne lidhje me trupin e femres. Asaj te veshjes dhe asaj te zhveshjes, dhe une preferoj qe me fjalet veshje dhe zhveshje te kuptoj edhe maredhenien e femres me vlerat morale, kulturore, qe rrjedh si pasoje e dy botekuptimeve. Ti me lart shprehesh:
"Nje fe qe nuk i lejon ato ta jetojne jeten e tyre,te vishen si te duan,te dashurojne sa dhe kur te duan,te martohen me ke te duan".
Sigurisht qe ia ke futur goxha kot, duke qene I verberuar nga pasioni per te share, kur shprehesh se kjo fe nuk I lejon femres ta jetoje jeten, te dashuroje sa dhe kur te doje (nuk e di nese e ke fjalen qe te dashuroje edhe burrin e tjetres), te martohet me ke te doje, por po ndalem tek veshja. E ke gabim. Islami I lejon femres te vishet si te doje, por jo te zhvishet si te doje ne publik. E kunderta me duket se ndodh me pikepamjet e moderuara dhe te zhvilluara te botes se “qyteteruar” qe ti po mbron me shprit. Ti dhe Shiraku i lejoni femres te zhvishet si te doje, por jo te vishet si te doje, te pakten aty ku keni mundesi, e ndaloni (si ne rastin e institucioneve publike, konkretisht shkolles). Dhe kjo pasi kultura e te mbuluarit eshte e vjeter, e prapambetur, fanatike, ndersa kultura e te zbuluarit qe predikon laicizmi yt, eshte e perparuar, moderne, e zhvilluar, e civilizuar. Pra veshja, mbulimi eshte per ty simbol roberie, ndersa zhveshja zbulimi eshte nje simbol i kulluar i lirse. Une propozoj madje qe edhe statujen e lirise ne SHBA t’a restaurojm e t’a bejme nudo. :idea: Keshtu do te jete vertete nje simbol dhe monument i perkryer i lirise. Madje duke i pare gjerat ne kete prizem do te mund te themi me plot goje qe femrat me te lira dhe me te emancipuara sot ne bote jane Pornostaret.

Por ajo qe ti nuk arrin te kuptosh ne lidhje me lirine eshte qe liria ka nje llogjike te sajen, dhe te jesh i lire, nuk do te thote te besh cfare te shkrepet. Liri e vertete eshte liria e arsyeshme, ajo qe vjen ne harmoni me natyren njerezore dhe nuk cenon asgje nga dinjiteti, morali, arsyeja e tij. Me duket se ti ke ngaterruar “koken” e cila duhet te udheheqe lirine tende /pf/images/graemlins/frown.gif , pasi ne nje vend shprehesh:

“Sa vajza,gra, te bukura,te zgjuara,plot deshire per jeten mbahen te mbyllura ne shtepi,nuk kane kontakt me boten mashkullore as ne gezime dhe as ne hidherime,detyrohen te mbajne perce,shami koke,pelerina te zeza si thes,ne mes te Korrikut.
Me sa deshire ato do e nzirrnin ne pah bukurine qe ju ka dhuruar natura.
Edhe ato do kishin deshir te vishnin minifunde apo te nxirrnin barkun, jashte.”

Pra keshtu me duket se funksionon ideali i lirise femerore per ty, liri e kontaktit me “boten mashkullore” (ky togfjalesh me tingellon shume epshndjelles. Duket sikur po behet fjale per nje repart ushtarak qe mezi pret daten e caktuar per te pritur prostitutat. Pergezime, shprehje goxha e gjetur), dhe duket nje kontakt qe mundesohet nepermjet minifundit dhe kerthizes. Nje kontakt qe realizohet permes kofsheve dhe fundbarkut. Ooooo Burraaaaa! Shijojeni boten e lirise! :rockband: :rockband: :rockband: Nuk eshte cudi qe neser te degjojme ndonje reklame te tille “Calvin Clain! Ju Sjellim me afer!” Eh sa afer! :devil:

Por ajo qe ti nuk do qe t’a kuptosh me siper, pasi keshtu realizohet me lehte peisazhi i hirte qe synon te paraqesesh per kete fe, qe eshte kunder “lirise”, eshte fakti se keto femra jane mbuluar me deshiren e tyre, dhe madje kane dale ne proteste per te mbrojtur kete te drejte. Ka nga ato qe kane bere lufte me familjen, me opinionin, me institucionet “laike”, per ta mbajtur kete “simbol” fanatizmi dhe roberie mbi floket e tyre. Ti mund te thuash qe ka mjaft njerez te indokrtinuar dhe te verber qe mund te bejne mjaft gjera, por kjo vlen per te dyja palet, ndaj nuk mund te nxjerrim gje ne kete drejtim. Ajo qe eshte me e qarte eshte se te pakten, kur vendos shamine, nje femer mendohet mire, ndersa kur vesh minifundin nuk ka nevoje te mendohet shume. Pra mundesia e indoktrinimit eshte me e vogel ne rastin e pare. Dhe po e mbyll ne menyre analoge me shprejhjen tende te mesiperme, sa vajza ka sot qe deshirojne me shprit te mbulohen por dhunohen per t’a bere kete, nga familja e tyre, nga opinioni, nga shteti? Sa vajza deshirojne t’a fshehin bukurine e tyre qe nxisin fantazi te shfrenuara ne mendjen e kalimtareve, qe provokojne lengim ne “shpirterat e djegur”, qe i nxit ne perversitete perballe nje presioni te perditshem, mjaft te padurueshem e qe na ben te degjojme shpesh lajme nga me monstruozet? Sa vajza pra deshirojne te mos behen pjese e kesaj shfaqjeje qe provokon sot perversitetin kolektiv, i cilli po gerryen cdo dite dinjitetin e shoqerise sone, por qe ndrydhen ne vetvete te pafuqishme per t’u vecuar nga ky Striptize show i perditshem? sa vajza kane krijuar idealin e tyre te formimit te vetvetes, por qe u shkaterrohet enderra qe ne hapin e pare, duke mos u lejuar askund te bejne jeten e tyre ne kete menyre?

Se fundi nuk kemi cte bejme, jetojm ne kohe moderne, dhe duhet te jesh i detyruar t’i atashohesh turmes. Perndryshe te flakin tej si nje krijese e pavlere. Kjo eshte demokracia e vertete qe garanton diktatura e embel e “laicizmit”.

OROSHI · 17 Jul 2004

Re: Zëra Laike apo zëra Anti-Islame ?!

Gysi eshte nder te paktet anetare te temave Teologjike,qe mund te diskutosh ne menyre tolerante,per kete i heq kapelen une Gysit :thumbsup: ,dhe me vjen shum mire qe Gysi here pas here ve ne dukje qe :ai nuk eshte arab dhe nuk perfaqeson Islamizmin arab,pra diskutimi me Gysin mbetet gjithmone nje privilegj/kenaqesi,te pakten per mua,megjithe kontradiktat ne ide qe kemi!!!

Gysi · 18 Jul 2004

Re: Zëra Laike apo zëra Anti-Islame ?!

Do ta hiqja edhe une kapelen Orosh, por ca t'i boj qe nuk mbaj kapele. /pf/images/graemlins/laugh.gif

Te them te drejten nuk besoj qe jam i vetmi qe shkruaj tek teologjia dhe qe e dua kete vend dhe qe deklaroj qe jam shqiptar. Porblemi qendron se shpesh debatet nisin ters qe ne fillim dhe njerezit menjehere vihen ne pozita mbrojtese. Kjo ben qe debati te kthehet ne arene, dhe te behet i merzithsem.

Pra duhet te tregojme kujdes, te mirekuptojme njeri-tjetrin ne menyre qe biseda te kete "bereqet".

Sidoqofte te falenderoj per opinionin e mire.

Zëra Laike apo zëra Anti-Islame ?!

Primus registratum

Primus registratum

Kondrapedali

Primus registratum

Kondrapedali

Primus registratum

Primus registratum

Primus registratum

Primus registratum

Kondrapedali

Primus registratum

Primus registratum

Primus registratum

Primus registratum

Primus registratum

Primus registratum

Primus registratum

Primus registratum

Primus registratum

Primus registratum