Ndodh edhe keshtu

Ndodh edhe keshtu

Ne kete teme sillni lajme "zdromse" te lexuara neper gazeta.

Tek gazeta e Firenzes "La Nazione", nje gazete halldupesh provincial, lexova kete:

Nje gabele shkonte neper tavolinat e nje restoranti per te kerkuar lemoshe. Njeri prej kamariereve e perzuri sepse po bezdiste clientat. Gabelja e nexefur me kamerierin, ngriti fundin (pa te brendeshme) dhe jua tregoi per disa minuta njerezve qe po hanin ne tavolinat perjashta prane bukurive te Firenzes. Ndejti ashtu per rreth 10 minuta duke u drejtuar klienteve me "mangiate la mia fi*a" deri sa nje pjese e klientave u çuan nga tavolinat mbasi dreka nuk u shkonte poshte me kete spektakel te improvizuar te gabeles.. <img src="/pf/images/graemlins/laugh.gif" alt="" /> <img src="/pf/images/graemlins/laugh.gif" alt="" />

 

[peson]

Re: Ndodh edhe keshtu

Njeriu që qëlloi papën, lutet për shëndetin e tij


ANKARA - Turku që u përpoq t’i bënte atentat papa Gjon Palit II në vitin 1981 ka dërguar një letër ku i uron papës së sëmurë që të shërohet sa më shpejt. Lajmin e ka bërë të ditur e përditshmja turke „Vatan“. Lideri 84- vjeçar i katolikëve romanë është shtruar në spitalin Gemelli të Romës, pasi pati probleme me frymëmarrjen ditën e martë. Mehmet Ali Agca, i cili qëlloi me armë ndaj papës në një audicion të përgjithshëm në sheshin „Shën Pjetri“ në 3 maj 1981 shkroi një letër në gjuhën italiane që nga burgu i tij në Stamboll ku po vuan dënimin për vrasjen e një gazetari turk si dhe për vjedhje. ‘Ju dhe unë, kemi vuajtur shumë duke u përpjekur të përhapin fenë nëpër botë. Shpresoj që ju ta rimerrni veten në të ardhmen”, thotë myslimani Agca për gazetën „Vatan“. “Ne po i afrohemi fundit të botës. Ky brez është brezi i fundit. Shpresoj që zoti t’ju japë fuqi dhe shëndet”, shkruante ai.Agca vuajti 19 vjet burg në Itali për tentativën për vrasjen e papës. Autoritetet e falën dhe në vitin 2000 e kthyen në Turqi ku u burgos për krime të tjera. Agca tha se kishte marrë urdhra nga shërbimet sekrete komuniste bullgare me porosi të KGB-së për të vrarë papën, pasi ai mund të nxiste revoltën antikomuniste në Evropën Lindore.


06/02/2005

 

[peson]

Re: Ndodh edhe keshtu

Afat 72-orësh për fatin e gazetares italiane


Shekulli

BAGDAD- Grupi irakian Organizata e Xhihadit Islamik ka marrë përsipër marrjen peng të gazetares italiane Giuliana Sgrena. Kështu thuhet në një deklarate të publikuar në internet. Pengmarrësit kanë vënë një afat prej 72-orësh, perriudhë kur forcat italiane duhet të tërheqin rreth 3000 trupa që kanë në Irak. Megjithatë, deklarata nuk e ka bërë të qartë se nëse kjo kërkesë nuk zbatohet pengu do të vritet. Një shoqe e Sgrenas që ndodhet gjithashtu në Irak tha se ka marrë një telefonatë nga telefoni i Sgrenës, por nuk bëhej e qartë se kush ishte në anën tjetër të telefonit. Sipas disa burimeve, u tha se andej dëgjohej vetëm muzikë islamike. Sgrena është italiania e tetë që kapet peng në Irak, ndërkohë kryeministri Silvio Berluskoni thotë se qeveria e tij po punon për lirimin e saj. Situata në Irak mbetet e dhunshme, edhe pas zgjedhjeve të sukseshsme të së dielës së shkuar. Kështu, që nga zgjedhjet e 30 janarit janë vrarë të paktën 21 irakianë dhe dy ushtarë amerikanë. Ndërkohë vazhdojnë të numërohen fletët e votimit për të përcaktuar deputetët që do të mbushin asamblenë e përkohshme irakiane.


06/02/2005

 

[besim231071]

Re: Ndodh edhe keshtu

bravo dhe faleminderit per informacionet
interesante,per ju Gishteza me gishta te shkashet.

 

[peson]

Re: Ndodh edhe keshtu

Fillimisht postuar nga kanani20204:
[qb] bravo dhe faleminderit per informacionet
interesante,per ju Gishteza me gishta te shkashet. [/qb]

kenaqesija ime gjithashtu

 

[peson]

Re: Ndodh edhe keshtu

Akuza, dyshime për rrëmbimin e Irenës


Shekulli

TIRANË- Irena Seli dyshohet të jetë rrëmbyer. Klasifikimi si “rrëmbim personi” i dosjes që mban emrin e gruas së zhdukur pa asnjë gjurmë që prej 16 dhjetorit të vitit të kaluar, nuk është një rastësi për organin e akuzës. Prokuroria e Krimeve të Rënda ka si pistë kryesore hetimi rrëmbimin e Irenës nga dy persona, pas zbritjes së saj në portin e Durrësit. Dyshimet e prokurorëve të çështjes kanë lindur pas hetimeve të kryera në rrugë operative, hulumtime këto që kanë nxjerrë në dritë një tjetër version për zhdukjen e Irena Selit. “Nuk ka asgjë të dokumentuar, lidhur me zbritjen e Irena Selit në portin e Durrësit, por hetimet në rrugë operative kanë zbuluar se ajo është rrëmbyer nga dy persona, të cilët edhe e kanë kërcënuar më parë”,-thonë për “Shekullin” burime nga Prokuroria e Përgjithshme. Tashmë, prokurorët e çështjes i kanë varur shpresat tek kamerat “spiune” në portin më të madh të vendit, për të zbuluar ndonjë të re lidhur me fatin e gruas 40-vjeçare.

16 dhjetor

Irena Seli, bashkëshortja e pronarit të kompleksit “Bruno“ është zhdukur në portin e Durrësit, teksa po kthehej nga Gjermania. Nuk ka dokumentacion për zbritjen e saj nga trageti në Durrës

20 dhjetor

Bashkëshorti i saj, Agim Musha, ka shkuar në komisariatin numër 2 të policisë, ku ka denoncuar zhdukjen e së shoqes në portin e Durrësit. Ka treguar se ishte zënë me të në traget


10/02/2005

 

[peson]

Re: Ndodh edhe keshtu

Musha: Jam i bindur që ime shoqe është gjallë


Shekulli

Gati 10 ditë më parë, Agim Musha është kthyer nga Gjermania së bashku me të birin e tij Brunon për të t’iu përgjigjur pyetjeve të hetuesve rreth zhdukjes së gruas së tij. Që ditën e mbërritjes në atdhe Musha është marrë në pyetje nga hetuesit e prokurorisë së krimeve të rënda dhe kjo seancë zgjati plot pesë orë. Burime nga grupi i hetimit thanë se Agim Musha i qëndroi stoik, versionit të pohuar prej tij në media. “Jam i bindur që Irena është gjallë dhe në Amerikë. Shfrytëzoi momentin në portin e Durrësit, e u largua prej meje”,-mësohet të ketë thënë Agim Musha para prokurorëve të çështjes. Bashkëshorti i Irenës i ka mëshuar faktit se e shoqja e kishte tradhtuar dhe se ajo ishte larguar në drejtim të Shteteve të Bashkuara të Amerikës. Nga ana tjetër, përfaqësuesit e organit të akuzës kanë qenë shumë këmbëngulës, me pyetjet e tyre. Hetimet e deritanishme kanë shërbyer për mbledhjen e provave dhe dyshimeve lidhur me zhdukjen e 40-vjeçares, e bashkëshorti i Irenës e ka gjetur veten përballë këtyre dyshimeve. Gjatë dëshmisë së tij në prokurori, Musha nuk ka hezituar të përmendë të gjitha konfliktet dhe problemet intime të jetës së tij bashkëshortore. Versioni i tij ka qënë i qartë: e shoqja është larguar me ndihmën e një ose më shumë të dashurve. Ndërkaq, verifikimet e kryera deri më tash nuk flasin për ndonjë largim të Irenës nga Durrësi, në drejtim të Italisë ose SHBA-ve. Emri i saj nuk figuron në asnjë pikë të kalimit kufitar në vendin tonë.


10/02/2005

 

[peson]

Re: Ndodh edhe keshtu

Ambasada Italiane në Tiranë bën publike etapat që duhet të ndjekë një qytetar shqiptar për t’u punësuar në shtetin fqinj

Italia: Dokumentet që ju duhen për një vizë punësimi


Shekulli

TIRANË- Tre mijë shqiptarë pritet të punësohen në Itali, brenda të gjitha rregullave. Në një njoftim për shtyp, Ambasada Italiane në Tiranë njoftoi dje se janë aprovuar kuotat e hyrjes për punë për vitin 2005. Sipas këtij njoftimi, në mënyrë të veçante, qytetarët shqiptarë do të mund të përfitojne një kuotë prej 3000 hyrjesh, të rezervuara vetëm për qytetarët shqiptarë. Për të përfituar këto kuota Ambasada Italiane ka bërë të ditur dhe rregullat që duhet të ndjekë qytetari shqiptar. Kështu, sipas njoftimit të Ambasadës Italiane, punëdhënësi në Itali i qytetarit shqiptar duhet të marrë “autorizimin e nevojshëm të Punës” nga Zyra Provinciale e Punës, dhe Nulla Osta (autorizimin) e Kuesturës, duke paraqitur kontratën që do të nënshkruajë me të punësuarin shqiptar. Punëtori shqiptar, pasi ka marrë këto dokumente nga punëdhënësi i tij në Itali, duhet t’i kërkojë Ambasadës në Tiranë, një takim për lëshimin e vizës. Që nga data e kërkesës janë të nevojshme rreth 2 javë që qytetari shqiptar të marrë një takim për lëshimin e vizës. Takimi mund të kërkohet me faks, në numrin 04 250920, ose duke e dërguar me postë në selinë e Ambasadës Italianë në Tiranë, që ndodhet në rrugën Lekë Dugagjini. Por sipas njoftimit, kërkesa mund të dorëzohet dhe personalisht. Kërkesa mund të drejtohet në gjuhën shqipe, ku të përcaktohet emri dhe mbiemri i të interesuarit, adresa në Shqipëri dhe lloji i vizës së kërkuar (për punë). Pas kësaj procedure, Ambasada do të fiksojë një takim, që do t’i komunikohet të interesuarit ose nëpërmjet një letre që do të dërgohet në adresën e përcaktuar në kërkesë, ose nëpërmjet listave të publikuara çdo ditë në Gazetën Shqiptare. Ambasada italiane nënvizon se në ditën e takimit, kërkuesi i vizës duhet të paraqesë këtë dokumentacion: Origjinalin dhe fotokopjen e kontratës dhe të autorizimit për punë, të lëshuar nga Drejtoria Provinciale e Punës në Itali së bashku me Nulla Osta (autorizimin) e Kuesturës, pasaportën, fotokopjen e pasaportës, formularin e plotësuar në çdo pjesë të tij dhe i firmosur nga i interesuari dhe një fotografi. Tarifa konsullore për një vizë pune, me kohëzgjatje më shume se 90 ditë është e barabartë me 6660 lekë. Zyra e shtypit pranë Ambasadës Italiane bën të ditur se në momentin e tërheqjes së pasaportës dhe të vizës, i interesuari duhet të firmosë kontratën e punës në prani të një nënpunësi të konsullatës, i cili do të njohë firmën e tij, siç është e parashikuar nga ligji. Këtij shërbimi i korrespondon një taksë prej 1165 lekë. Po ashtu Ambasada Italiane vë në dukje se pagesa e vizës kryhet në momentin e paraqitjes së kërkesës dhe në rast refuzimi të vizës shuma e derdhur nuk mund të kthehet.

Rregulla
Për të përfituar këto kuota, punëdhënësi në Itali i qytetarit shqiptar duhet të marrë “autorizimin e nevojshëm të Punës” nga Zyra Provinciale e Punes, dhe Nulla Osta (autorizimin) e Kuesturës, duke paraqitur kontratën që do të nënshkruaje me të punësuarin shqiptar.
Punëtori shqiptar, pasi ka marrë këto dokumente nga punëdhënësi i tij në Itali, duhet t’i kërkojë Ambasadës një takim për lëshimin e vizës (që nga data e kërkesës janë të nevojshme rreth 2 javë për të marrë një takim).
Takimi mund të kërkohet me faks në numrin 04 250920, ose duke i dërguar me postë (ose duke e dorëzuar personalisht) një letër Ambasadës (Rruga Lek Dugagjini 2, Tiranë).
Kërkesa mund të drejtohet në gjuhën shqipe, ku të percaktohet emri dhe mbiemri i të interesuarit, adresa në Shqipëri dhe lloji i vizës së kërkuar (për punë).
Ambasada do të fiksojë një takim, që do t’i komunikohet të interesuarit ose nëpërmjet një letre që do të dërgohet ne adresën e përcaktuar në kërkesë, ose nëpërmjet listave të publikuara çdo ditë në Gazetën Shqiptare.

Dokumentacioni që duhet të
paraqesë kërkuesi për vizë
Origjinali dhe fotokopja e kontratës dhe e autorizimit për punë, e lëshuar nga Drejtoria Provinciale e Punës në Itali së bashku me Nulla Osta (autorizimin) e Kuesturës
Pasaportë
Fotokopje e pasaportës
Formular i plotësuar në çdo pjesë të tij dhe i firmosur nga i interesuari


10/02/2005

 

[peson]

Re: Ndodh edhe keshtu

Shtatë shpërthime trondisin Athinën, dëmtohen 6 banka


A. Metaj

Shtatë shpërthime të fuqishme kanë tronditur Athinën në orët e para të mëngjesit të djeshëm. Për rreth gjysmë ore nga ora 02.00 deri në orën 02.30 u kryen sulme ndaj katër filjaleve të bankës greke “Eurobank” në Glifadha dhe Petralona, një ndaj Bankës Kombëtare Greke në Akropoli dhe dy sulme ndaj zyrave të organizimit lokal të “Demokracisë së Re” në Lambrini dhe Iliu. Deri dje asnjë organizatë nuk ka marrë përsipër sulmet e bëra. Nga shpërthimet pati dëmtime materiale të filialeve të bankave si dhe të banesave dhe dyqaneve që ndodheshin afër.
Autorët e kryen sulmin në fjalë nën hundën e policisë. Natën në fjalë, policia greke ishte duke kryer një aksion të madh kundër krimit të organizuar në pesë qytete të mëdha të Greqisë: Athinë, Selanik, Larisa, Janina, Kriti. Si pasojë e këtij aksioni u arrestuan rreth 400 persona një pjesë e të cilëve kërkohej prej kohësh nga policia greke.

 

[peson]

Re: Ndodh edhe keshtu

Kartat e kreditit në Shqipëri, shumë pak të rregulluara


Gj. Erebara

Në të gjithë botën, bankat qëndrore dhe qeveritë miratojnë vazhdimisht rregulla për të mbrojtur konsumatorët nga manipulimet e ndryshme që bëjnë bankat me dhënien e kartave të kreditit, apo kushteve të transparencës që këto i ofrojnë klientit. Të dhëna për abuzime të tilla ka edhe në Shqipëri. Së fundmi, në kontratat e lidhura mes disa bankave dhe institucioneve buxhetore për pagesën e pagave, nuk parashikohet asgjë mbi kushtet e ofruara, gjë që i hap rrugën abuzimeve të ndryshme.
Kujdes nga komisionet
Pagesa me kartë krediti është shumë komode, por ky komoditet nuk ofrohet falas. Nga të dhëna të ndryshme, mësohet se disa banka në Shqipëri aplikojnë komisione deri në 500 lekë për një veprim, pavarësisht shumës së pagesës.


12/02/2005

 

[peson]

Re: Ndodh edhe keshtu

Ai kishte trup mesatar, flokë të shkurtra në ngjyrë të çelët. Me syze. Ishte bardhosh me fytyrë të rrumbullaktë”

Rrëfimi i plotë i taksistit: Si u vra Sina në semafor


Ardita Hysa

TIRANË – Shoferi i taksisë ku ka udhëtuar vrasësi i Genci Sinës, kishte dhënë një tjetër përshkrim për vrasësin nga ai i Altin Arapit. Prokurorët e Krimeve të Rënda që drejtojnë akuzën në gjyqin e hapur kundër Arapit dhe të fejuarës së tij Imelda Tasho, kanë lexuar dje në gjyq shpjegimet e dëshmitarit okular Arben Tomani. Ky i fundit, pas dhënies së dëshmisë së mëposhtme, nga burimet e gjykatë mësohet se është larguar nga Shqipëria. Thëniet e tij, sipas mbrojtjes së dy të pandehurve, kanë qenë shumë kontradiktore me përshkrimin e ngjarjes dhe të autorit bërë një seancë më parë, nga gruaja e kryeprokurorit, Zina Sollaku, e cila udhëtonte në makinën ku u vra shoferi Sina.
Dëshmia e shoferit Arben Tomani dhënë më 29.09.2003, para prokurorit Henrik Ligori
Taksisti: Rreth orës 21.00 më morën në telefon nga qendra dhe më thanë se duhej të merrja një çift tek bar “Antonela”. E dija që një orë më parë, se një çift në afërsi të gardës po kërkonin taksi, pasi më kishte thënë kolegu im Roland Gusho, që i kishte shoqëruar deri atje. Pasi shkova atje, çifti doli nga restoranti. Vajza ecte pas djalit. Kaluam nga blloku, dolëm para “Rovenës” e pastaj nga “Vip”-i, dhe i ramë nga rruga Bajram Curri për të dalë në Bulevardin “Dëshmorët e Kombit”. Atje u ndalëm në semafor, kishim 3-4 makina përpara. Pas nesh erdhi një fuoristradë e errët, e cila ndaloi para meje në semafor. Pasagjeri im hapi xhamin dhe i tha shoferit që ç’ke që shikon. Pastaj doli nga makina dhe filloi debatin me të. Nxori pistoletën nga brezi dhe e drejtoi për nga fuoristrada. Nuk e kam fiksuar nëse e hapi shoferi apo ai xhamin. Qëlloi e pastaj pashë shoferin të shtrirë brenda në fuoristradë. Pastaj pasagjeri im iku, nuk e di se në çfarë drejtimi, dhe vajza zbriti e shkoi pas tij.
- Prokurori: “Na e përshkruani paraqitjen e dy pasagjerëve”
- Taksisti: Djali ishte trup mesatar, me flokë të shkurtra në ngjyrë të çelët. Mbante syze. Ishte bardhosh me fytyrë të rrumbullaktë. Kishte veshur kostum ngjyrë bezhë, ngjyrën e këmishës nuk e mbaj mend. Ishte rreth 30 vjeç dhe kishte gojë të vogël dhe fytyrë të pastër, të rruar. Vajza ishte bjonde me flokë model kapelon me onde. Ishte rreth 25 vjeç. S’e mbaj mend se çfarë kishte veshur. Mbaj mend që ajo foli e para dhe tha ta çoja tek restoranti kinez. Në fillim kujtova se donin të shkonin tek “Shkolla e kuqe”, pastaj u kujtova se atje nuk kishte më një restorant të tillë.
- Prokurori: Ç’mund të thoni për gjuhën e tyre, çfarë dialekti kishin?
- Taksisti: S’mu duk si e folur nga veriu, por mund të them që më shumë m’u duk si nga jugu
- Prokurori: A t’u duk në ndonjë pjesë të rrugës se po nxitonin? Të thanë të shtoje shpejtësinë?
- Taksisti: S’mu duk se po nguteshin, madje itinerarin e zgjodha vetë unë duke u munduar të shmangia trafikun.
- Prokurori: Ke fiksuar ndonjë targë makine, apo ndonjë person në makinë?
-Taksisti: S’kam fiksuar asnjë targë makine. Me t’u hapur drita jeshile, u nisa se po më dridheshin këmbët. Mora në telefon qendrën dhe u tregova për ngjarjen. Ata pastaj u lidhën me Drejtorin e Policisë Ndreu. Pastaj dhashë shpjegime në polici.


12/02/2005

 

[peson]

Re: Ndodh edhe keshtu

Në sallë është arrestuar një dëshmitar për moskallëzim krimi. Ai e kishte parë ngjarjen dhe s’kishte denoncuar

Avokatët: Dëshmia jo shumë e besueshme


A.Hysa

Pas fjalës së lexuar të Tomanit, avokatët e të fejuarve thanë se ajo është kontradiktore me dëshmitë e tjera të procesit ku autori i vrasjes përshkruhet si ezmer dhe me mjekërr, ndërsa vajza, ndryshe nga Tasho që tani ka flokë të gjata e të drejta, atë natë sipas akuzës i kishte patur të shkurtra dhe me onde. Këtyre vënieve në dukje, prokurori Henrik Ligori iu përgjigj se po flitej për detaje që nuk janë fikse, sepse mjekrra mund të rritet ashtu si edhe flokët, ndërsa të gjitha elementet e tjerë të përfshira në kallëzim i quajti të përputhshëm me ato të Sollakut dhe shoferit Gusho. Një moment tjetër ku mbrojtja dhe akuza debatuan ishte nëse autori e nxori pistoletën nga brezi apo nga xhepi i brendshëm i xhaketës siç kishte thënë Zina Sollaku në seancën e 7 shkurtit të këtij viti. Mbrojtja e quajti shkelje të procedurës që akuza nuk ia kishte dhënë më parë deklarimet dëshmitares okulare, dhe kërkoi para gjykatës që Imelda të njihej me to. Në këtë pikë, gjykata u tërhoqi vëmendje duke thënë se këtë problem dy palët duhej ta kishin zgjidhur para se çështja të mbërrinte për gjykim. Qendrimin e mbrojtjes e përkrahu vetëm dëshmitari Bashkim Dena, i cili tha se kishin qenë 3-4 makina pas makinës së Sollakut dhe e kishte parë ngjarjen. Prokurorët e çështjes vendosën dje në sallën e gjyqit vënien nën pranga të tij, për moskallëzim krimi dhe dëshmi të rreme, pasi Dena, edhe pse kishte qenë në vendngjarje, nuk kishte folur prej një viti e gjysmë. Përshkrimi që ai i bëri dje vrasësit të Sinës, fliste për një djalë me fytyrë të pastër e pa mjekërr siç ishte thënë edhe Tomani para policisë gjyqësore. Dena kishte kërkuar të fliste për këtë histori pasi kishte parë në televizor avokatin e Tashos, Bashkim Sulstarovën, për të cilin tha se kishte patur shumë respekt. Më parë, dëshmitari tha se nuk kishte kallëzuar pasi nuk kishte patur besim tek drejtësia shqiptare. Ndërsa dëshmitarët Aldo Londo, Robert Karati dhe Elson Thana folën për ekspertimin e makinës së Tomanit, ku ishin gjetur katër gjurmë gishtash, dy në trekëndëshin e dritares së mbrapme nga ana e kundërt e shoferit dhe dy në xhamin e madh të pasagjerit të parë. Të katër gjurmët, sipas dështarëve, ishin gjetur brenda makinës dhe dalluar me pluhur gjurmëkopjues.


12/02/2005

 

[peson]

Re: Ndodh edhe keshtu

Zina Sollaku: Altin Arapi është vrasësi i Sinës


Shekulli

Dëshmitarja tjetër e rëndësishme në këtë proces ka qenë Zina Sollaku, bashkëshortja e kryeprokurorit shqiptar, e cila ndodhej në makinën e drejtuar nga Genci Sina. Ulur në bankën e dëshmitarëve, pesë ditë më parë, ajo përshkroi ato që kishte parë në momentin e vrasjes. “Altin Arapi ngjan me autorin e vrasjes së Genci Sinës”,-pohoi Zina Sollaku, në seancën e radhës kundër Altin Arapit. “Kur e pashë më vonë në televizor, mes dy avokatëve të tij belgë, nuk kisha më asnjë dyshim se ishte i njëjti person. Ne e gjetëm në semafor taksinë, nga ku u qëllua. Makina jonë kishte ndaluar tek semafori në urën e madhe të Lanës. Ai i kishte të hapur dy-tre gishta xhamin e makinës dhe prej atje i tha Gencit: Çfarë ke që shikon”,- tha në gjykatë Zina Sollaku. Sipas saj, autori i vrasjes ishte me mjekër, mbante syze optike dhe kishte veshur një kostum ngjyrë bezhë dhe këmishë bezhë me vija të kuqe. Ajo ka treguar se nga e folura vrasësi dukej si nga jugu i Shqipërisë. Pasi goditjes që mori Genci Sina, dëshmitarja kishte bërtitur: “e vranë, e vranë” dhe kishte dalë menjëherë nga makina duke kërkuar ndihmë në kioskën më të afërt. “Në këtë moment, pashë që personi që qëlloi u largua për nga ish- Blloku, së bashku me një vajzë”, -e mbylli dëshminë e saj Zina Sollaku.


12/02/2005

 

[peson]

Re: Ndodh edhe keshtu

Maks Lata, 42 vjeç, është arrestuar pas denoncimit që kishte bërë e shoqja, e cila është shfrytëzuar tetë vjet prej tij

Arrestohet elbasanasi, shfrytëzoi gruan si prostitutë

Policia ka sekuestruar një apartament 2+1 në një pallat të ri si dhe fuoristradë tip “Mitsubishi”

Dashamir Biçaku

TIRANË- Trafikoi dhe shfrytëzoi gruan e tij, si prostitutë në Itali, por denoncimit të saj arrestohet elbasanasi Maks Lata. Policia sekuestron banesën e tij, një apartament 2+1 në katin e pesë të një pallati të ri, në rrugën “Haxhi Dalliu” pranë stacionit të trenit, si dhe një automjet fuoristradë tip “Mitsubishi” L 200, të përfituara me paratë e trafikimit të së shoqes. Arrestimi i Latës ka ardhur pas denoncimit në polici të gruas së tij. Lajmi është pohuar dje nga burimet zyrtare të Drejtorisë së Policisë së Qarkut Tiranë. Sipas tyre, po zhvillohen hetime për të dokumentuar raste të tjera të shfrytëzimit të femrave për qëllime prostitucioni nga ana e të arrestuarit.
Kallëzimi
Oficerët e Sektorit të Antitrafikut në drejtorinë e Policisë së Tiranës, të mërkurën, kishin marrë një kallëzim nga bashkëshortja e Latës, e cila e akuzonte të shoqin se e kishte shfrytëzuar për 8 vite me radhë si prostitutë në qytetin e Modenas në Italisë. Sipas kallëzueses, gjatë kësaj kohe ajo kishte pasur marrëdhënie edhe bashkëshortin e saj të akuzuar për trafik, e madje kishte lindur me të edhe një vajzë. Menjëherë pas kallëzimit të dhënë nga kjo e fundit, së cilës policia nuk pranon t’i bëjë të ditur emrin, agjentët e sektorit të Antitrafikut kanë nisur verifikimet e tyre për të zbardhur të vërtetën e akuzave të dhëna nga bashkëshortja e Maks Latës. Sipas deklarimeve të gruas 33- vjeçare, ajo ishte njohur në vitin 1995 me Latën në qytetin e Elbasanit. Një vit më vonë, sipas saj, ata kishin vendosur të largoheshin në drejtim të Italisë. Për këtë kishin shfrytëzuar bregdetin e Vlorës dhe nëpërmjet një skafi, ishin larguar në drejtim të shtetit përtej Adriatikut. Fillimisht, sipas deklarimeve të të dëmtuarës, Lata e kishte trajtuar mirë atë, por më pas e kishte detyruar me forcë të ushtronte profesionin e prostitutës në qytetin e Modenës, ku edhe ata jetonin. Për gjatë këtyre tetë viteve, sipas kallëzueses, ajo kishte punuar rrugëve të këtij qyteti bashkë me femra të tjera dhe të gjitha fitimet ia jepnin në dorë, Latës.
Arrestimi
Pasi kanë marrë në shqyrtim dëshminë e gruas së trafikuar si dhe kanë kryer hetimet e tjera, uniformat blu kryeqytetase kanë planifikuar arrestimin e Latës. Në rrugë operative, hetuesit e sektorit të Antitrafikut në policinë e Tiranës kanë zbuluar vendndodhjen e tij të saktë. Më pas ata kanë shkuar dhe i kanë hedhur prangat 42- vjeçarit nga Elbasani me banim në kryeqytet. Burimet zyrtare të policisë pohuan dje se mbi të arrestuarin Maks Lata është ngritur tashmë akuza e trafikimit dhe shfrytëzimit të femrave për qëllime prostitucioni në rrethana rënduese. Nga ana e tyre dhe e prokurorisë po hetohet edhe në lidhje me raste të tjera të trafikimit dhe shfrytëzimit të femrave nga ai. Ndërkohë, pas arrestimit, policia ka vendosur edhe sekuestron mbi një apartament luksoz në rrugën “Haxhi Dalliu”, pranë restorant “Perlës”. Madje kohët e fundit Lata, kishte blerë edhe një automjet fuoristradë tip “Mitsubishi”, edhe ky i sekuestruar nga policia. Si shtëpia ashtu edhe makina e sekuestruar ishin blerë nga Maks Lata me paratë e përfituara nga trafikimi dhe shfrytëzimi i femrave për qëllime prostitucioni.


12/02/2005

 

[peson]

Re: Ndodh edhe keshtu

“Heqja e reklamave, për të çliruar qiellin e Tiranës”


B.Prifti

Bashkia e Tiranës ka vendosur të heqë të gjitha reklamat që ndodhen në hapësirat mes pallateve e mbi pallate. Një aksion që pritet të nisë së shpejti në të gjithë kryeqytetin, por fillimisht në qendrën e Tiranës. Burimet zyrtare të bashkisë, bëjnë të ditur se gjithçka do të bëhet në përputhje me masterplanin për qendrën e qytetit, ku natyrisht të tilla “shtesa” në pallate nuk janë marrë parasysh. Sa për zëvendësimin e tyre, me të tjera, as që bëhet fjalë. “Çmontimi i reklamave nga tarracat e pallateve nuk do të bëhet për t’i zëvendësuar ato me reklama të tjera, por për të çliruar qiellin e Tiranës nga një barbari urbane, e cila nuk mund të tolerohet më tutje”,- theksojnë të njëjtat burime. Ndërkaq, vetë kryebashkiaku i Tiranës, Edi Rama është shprehur për një televizion se është koha që t’u jepet fund këtyre pjesëve skeletore të materializuara prej kohësh. “Më në fund Tirana do të ketë një qiell të lirë, ku të mund të marrë frymë”,- tha Rama. Më tej ai i ka cilësuar reklamat që gjenden mbi tarracat e pallateve e rreth tyre, si ca mostra hekuri që kanë monopolizuar qytetin. Sa i përket kioskave për trajtimin e shtypit, ende në bashki nuk ka ndonjë gjë konkrete në horizont lidhur me këtë problem.
Ndërsa, burimet zyrtare të bashkisë, bëjnë të ditur se “Urbanistika e Bashkisë së Tiranës nuk ka dhënë e nuk do të japë leje ndërtimi për asnjë kioskë shpërndarje shtypi, për sa kohë këtë e pengojnë mangësitë e legjislacionit shqiptar”. Të njëjtat burime nënvizojnë se Bashkia e Tiranës nuk ka asnjë tagër dhe nuk bën politikë ekskluzive në raport me asnjë subjekt të licensuar në këtë fushë, apo në çfarëdo fushe tjetër. Sipas kryebashkiakut Rama, puna e institucionit që ai drejton mbështetet tërësisht dhe zbaton deri më një kuadrin ligjor. Kështu, sipas tij, bashkia nuk është për situata favoresh, por për t’i hapur rrugë njerëzve që punojnë në bazë të kuadrit ligjor.


12/02/2005

 

[peson]

Re: Ndodh edhe keshtu

Shkon mik, tenton të përdhunojë të zonjën e shtëpisë


Ll. Kallço

DURRËS - Ka shkuar mik, por ka tentuar të përdhunojë të zonjën e shtëpisë. Nën këtë akuzë policia e Durrësit ka ndaluar 31-vjeçarin B. Sheta, lindur dhe banues në fshatin Bizë të komunës së Ishmit (Durrës) dhe banues në Bubq të Krujës, Burime të policisë thanë dje për gazetën se ngjarja për të cilën akuzohet 31-vjeçari ka ndodhur në fshatin Bizë, të komunës së Ishmit. Të njëjtat burime thanë për gazetën se ngjarja për të cilën ai akuzohet ka ndodhur dy ditë më parë. Sheta kishte shkuar mik në banesën e shtetasit Y. R. Por sipas denoncimit, ai ka tentuar të kryej marrëdhënie seksuale me dhunë me gruan 27-vjeçare të mikut të tij Y. R. Ngjarja është denoncuar nga Y. R dhe nga gruaja e tij, sqaruan burimet. Nga hetimet rezulton se pasi ka drekuar në shtëpinë e mikut të tij, Sheta ka bërë sikur është larguar, por në fakt ai është rikthyer sërish dhe ka tentuar të futet nga dritarja e dhomës së gjumit, me qëllim që të kryejë marrëdhënie seksuale me dhunë me 27- vjeçaren E.R. 31-vjeçari i cili mendohet që të ketë qenë dhe në gjendje të dehur, ka hasur në reagimin e menjëhershëm të 27- vjeçares, ndërkohë që në cast aty është gjendur dhe bashkëshorti i saj. Sipas denoncimit miku i shtëpisë ka mundur të largohet menjëherë në drejtim të paditur. Pas denoncimit policia u hodh në aksion, duke e prangosur atë në orët e vona të dy ditëve më parë. Mësohet se i akuzuari e ka mohuar akuzën.

 

[peson]

Re: Ndodh edhe keshtu

Sarah Scantlin, ishte vetëm 18 vjeç kur u aksidentua me makinë dhe në moshën 38 -vjeçare ajo arrin të flasë

<span style="font-weight: bold">DEL NGA KOMA PAS 20 VJETESH</span>
Flet pas 20 vitesh-surprizë prindërve për Shën Valentin


Ishte në gjendje kome për 20 vjet dhe tashmë ka filluar të flasë. Rasti i saj ka qenë shumë i veçantë, dhe është shkruar shpesh në mediat botërore, pas një beteje të ashpër të familjes për ta mbajtur në jetë pavarësisht se ajo ishte gjysmë e vdekur. Sarah Scantlin u bë viktimë e një shoferi të dehur që e goditi ndërsa ajo po shkonte drejt makinës së saj. Ajo ishte vetëm 18 vjeç, një vajzë kolegji në shtator 1984 kur u shtyp për vdekje.
Të afërmit e saj nuk e dinin nëse ajo do të rikthehej ndonjëherë në jetë, megjithatë ajo dje ka shokuar gjithë familjen. Pikërisht dje, ajo ka nisur të flasë. Aty pranë ka qenë e ëma dhe një infermiere e quajtur Jennifer Trammell. “Si je mama”, -e ka pyetur të ëmën Sarah. “Sarah ti po flet”, -i është përgjigjur ajo. Po- i thotë.- Ke nevojë për gjë? – e pyet e ëma. – Për më shumë tualet në fytyrë”, - kthehet ajo. Për prindërit dhe për mjekët kjo ngjarje është quajtur një mrekulli. Sarah prej 20 vitesh ka qenë tërësisht me tru të dëmtuar. Organizimi i saj ende ka pasojat e aksidentit. Ajo i mban duart të kryqëzuara në kraharor, ndërsa duart të ngjeshura pas mjekrës. Këmbët e saj pësojnë lëvizje të forta dhe goditëse. Këmba e djathtë është aq e përkulur sa është gati e kthyer mbrapsht. Muskujt e qafës janë të kontraktuar, sa ajo nuk përkulet dot as të hajë. Shoferi që e përplasi Scatlin, vuajti vetëm gjashtë muaj burg pasi ngiste makinën në gjendje të dehur dhe se ishte larguar nga vendi i ngjarjes pas aksidentit. Në fakt sipas mjekëve, që i rrinin në kokë, Scatlin, falë disa kurave ka qenë në gjendje që të fliste që në mes të janarit, por ajo kishte dëshiruar në mënyrë të fshehtë që t’u bënte prindërve një surprizë për ditën e Shën Valentinit. Megjithatë ajo nuk mund të priste më gjatë. Ndërkohë mjeku i saj Bradley Sceel, tha se nuk mund të besohej se ajo ishte gati për të folur, megjithatë ai beson bashkë me ekipin e tij se qelizat kritike të trurit mund të ishin rigjeneruar. “Është tejet e pazakontë të shohësh që po ndodh diçka e tillë”, -tha mjeku Scheel. Në fakt, vajza nisi të fliste pas punës së një ekipi mjëkësor që kishte si qëllim të nxiste të folurin te kjo e sëmurë dhe tek pacientë të tjerë si ajo. Fjalët e para të Sarah para mjekëve kanë qenë: Ok, që në fakt ka qenë një përsëritje e fjalës që ajo kish dëgjuar aty mes mjekëve. Pas kësaj nisi një terapi intensive me Sarah. Më pas vajza u ka thënë edhe prindërve “ju dua”, duke i mallëngjyer ata. Por fjalët e saj nuk janë thjesht instiktive. I vëllai e pyeti më pas nëse e di se çështë një CD, dhe ajo iu përgjigj “po” dhe se brenda këtij sendi, kishte muzikë. E pyetur sa vjeç, mendonte se ishte ajo, Sarah u përgjigj 22. Kur i vëllai i tha se ajo ishte tashmë 38 vjeç, Sarah e pa e shokuar, pasi ajo mendonte se ishte ende në vitet ‘80.


14/02/2005

 

[Isabelle]

Re: Ndodh edhe keshtu

La Repubblica.it

<span style="font-style: italic">Otto albanesi e un italiano imputati di associazione mafiosa</span>
<span style="font-weight: bold">Assaltarono anche la casa dell'industriale Marangoni a Rovereto
Rapine in villa, raffica di arresti
C'è anche il traffico di eroina</span>
<span style="font-style: italic">Il capo &quot;Tom &amp; Jerry&quot; tradito dalle telefonate erotiche</span>



Parte della refurtiva recuperata nelle case dei malviventi MILANO - Si faceva chiamare Tom &amp; Jerry il capo della banda di albanesi che rapinava le ville del nord d'Italia. Nove pregiudicati sono stati fermati con l'accusa di sequestro di persona e associazione per delinquere di stampo mafioso. Altri sette risultano indagati. La Procura li accusa di aver messo a segno numerosi colpi, sopprattutto nelle ville del Varesotto. L'aggressione più brutale nella casa dell'industriale dei pneumatici Gianni Marangoni a Rovereto il 20 novembre scorso.

A tradire il capo della banda le impronte rilevate all'interno di una villa rapinata, e le frequenti telefonate intercettate a linee erotiche.

Tra i nove fermati, due sono donne. A detta degli investigatori, svolgevano un ruolo centrale nella banda: a loro era demandato il supporto logistico e organizzativo.

Per comunicare tra loro, la banda usava un proprio vocabolario. Nelle telefonate intercettate dalle forze dell'ordine, spesso i malviventi facevano riferimento a &quot;capanne&quot; e a &quot;braccialetti&quot;. Nel gergo, le &quot;capanne&quot; erano le case depredate e i &quot;braccialetti&quot;, la refurtiva arraffata.

La banda avrebbe colpito almeno quattro volte: a Bornasco, in provincia di Pavia, il 5 novembre scorso; a Calcinate del Pesce e Barasso, Varese, il 13 novembre, e a San Cristophe, Aosta, il giorno successivo. Per altre quattro rapine, due in Lombardia, una in Trentino e un'altra in Emilia, sono tuttora in corso le indagini. Dei nove fermati, otto sono albanesi, uno italiano, tutti pregiudicati, uno di loro ha il permesso di soggiorno.

Secondo l'accusa, la banda aveva contatti con grossi trafficanti di stupefacenti tra l'Italia e l'Olanda. L'inchiesta della Polizia si è incrociata con quella della Guardia di Finanza che, da tempo, stava indagando su un gruppo di malavitosi specializzato nel traffico di eroina e cocaina.

La polizia di Milano avrebbe anche individuato alcune persone che potrebbero essere coinvolte nella sparatoria avvenuta, nella notte tra sabato e domenica scorsi, al confine tra Milano e San Donato Milanese: in quell'occasione un albanese fu ferito in modo grave da un colpo d'arma da fuoco, sparato all'esterno di un locale, dopo una lite.

15/2/2005

 

[ildina]

Re: Ndodh edhe keshtu

Fillimisht postuar nga GiShteZa:
[qb] Puthja dhe bashkëjetesa përbëjnë krim në Indonezi


06/02/2005 [/qb]

Ske pse me dal ne Indonezi se o akoma krim ne shqiperi &lt;img src=&quot;/pf/images/graemlins/wink.gif&quot; alt=&quot;&quot; /&gt;

 

[peson]

Re: Ndodh edhe keshtu

Historia e L.Koçit, e cila ka vënë në bankën e të akuzuarve Baftjar Gjanën dhe Xhevahir Lushën


<span style="font-weight: bold">Dashurohet me një francez, Kallëzon shfrytëzuesit e saj </span>
TIRANË – Baftjar Gjana, jo vetëm që shfrytëzonte gruan e tij për prostitucion në Itali, por nëpërmjet saj, kishte arritur të mashtronte edhe një vajzë tjetër, kallëzimi i së cilës e ka vënë në pranga. Gjykata e Krimeve të Rënda ka hapur dje shqyrtimin gjyqësor të çështjes në ngarkim të Gjanës dhe Xhevahir Lushës. Në bankën e të akuzuarit ata i ka vënë kallëzimi i L.Koçit, e cila pasi ka bërë sigurimin e provës përpara gjykatës, i është rikthyer jetës së saj me të shoqin në Francë. “Familja e Koçit jeton me mundësi të kufizuara ekonomike”, -filloi leximin e kërkesës për gjykim dje prokurori Adnan Xholi. Vajza e tyre ishte njohur me Gjanën në janar të vitit 2001. Pas disa muajsh, në vjeshtë të po atij viti, Koçi e kishte shoqëruar të pandehurin në shtëpinë e një personi me emrin Qazim, të cilit i pandehuri kishte për t’i dhënë ca lekë, që i kishte patur porosi prej miqve të tij jashtë shtetit. I zoti i shtëpisë i kishte thënë Baftjar Gjanës se vajza ishte shumë e mirë për në Itali. Pak kohë pas kësaj, ajo ia kishte prezantuar familjes Baftjarin, që e thërriste Fredi, si të fejuarin e saj. Por familjarët nuk dinin asgjë për të, as nga vinte dhe as i kujt ishte. Njohjen me të pandehurin, vajzës ia kishte bërë shoqja e saj e ngushtë, Alma, e cila një ditë i kërkoi ta shoqëronte për në qendër të Tiranës. Sipas prokurorit Xholi, në një kafe ajo ka prezantuar Koçin me Xhevahir Lushën. “Pas një bisede njohëse, ai i shpreh dashurinë L. dhe i kërkon të shkojnë bashkë në Itali”, -thuhej në kërkesën për gjykim. Idenë e fundit e mbështetën edhe Baftjari me Almën, të cilët fillimisht gjetën një apartament në Tiranë, ku të rinjtë do të strehoheshin. Në gomonen që i çoi në Itali, vetëm i pandehuri Lusha nuk hipi, ndërsa me të tjerët u bashkua edhe një vajzë me emrin Kozeta. Në Itali kanë qendruar në shtëpinë e një shqiptari, ku kishte edhe vajza të tjera. Pas dy javësh qendrimi në Itali, “i fejuari” i Koçit i kërkon asaj të bënte të njëjtën punë që bënte Alma, të prostituonte. Kur vajza e mori vesh se çfarë punonte shoqja e saj, nuk pranoi, por dhuna e ushtruar mbi të e detyroi të punonte rrugëve të Italisë. Vajza fitonte deri në 700 mijë lireta në natë, të cilat i administronte Alma, e që raportonte një më një sjelljet e saj tek Baftjar Gjana dhe Xhevahir Lusha. Takimi i papritur me një francez, i kishte ndryshuar jetën Koçit, e cila më pas kishte kallëzuar shfrytëzuesit e saj. Mbrojta e të pandehurve i ka kundërshtuar akuzat dje në sallën e gjyqit, duke mohuar edhe se Alma është shoqe me L. Koçin dhe ka pretenduar se akuza nuk ka hetuar për këtë çështje, por është bazuar vetëm në deklarimin e vajzës dhe të të atit të saj

 

[peson]

Re: Ndodh edhe keshtu

E Merkure, 16 Shkurt 2005


<span style="font-weight: bold">GAZETARET LONDINEZE COJNE NE QELI ISH-POLICIN SHQIPTAR</span>

Londer- Gazetaret londineze fusin ne kurth nje ish-polic shqiptar. Duke u shtirur si kliente narkomane, disa gazetare angleze kane zbuluar trafikun e droges se Besnik Qenes. Lajmi eshte publikuar nga nje e perditshme londineze, dy dite me pare. Mesohet se Qena ka qene dikur polic ne Shqiperi dhe me pas ka emigruar ne drejtim te Anglise, ku dhe eshte vendosur perkohesisht prej disa vitesh. Sipas gazetes, Qena shiste doza te kokaines per persona te njohur ne Londer. Ai kishte klientele te perbere nga VIPA dhe per ta zbuluar trafikun qe kryente, gazetareve u jane dashur disa jave. Ata kane gjetur si menyre per te vertetuar me prove kete informacion, duke u shtirur si kliente te rregullt.