Re: Bisede me ateistet!
Shume e vertete Hmmm. Nese do te ishim 1000 vjet me pare do mjaftoheshe me perballjen e kompleksitetit aparent te agimeve polare, ose madje dhe pse lumejte rrjedhin ne nje drejtim, ose pse leviz dielli nga njera ane e qiellit tek tjetri.
Eshte interesant fakti qe jo me larg sesa ne 1800 higjena e doktoreve nuk merrej fare parasysh. Koncepti i baktereve ishte jashte arsyes dhe semundjet shpesh u atribuoheshin fenomeneve mistike, megjithese infeksioni si koncept ishte i njohur, sido qe nuk shpjegohej dot pse-ja. Madje infeksioni ne baze te njohurive te deri atehereshme konsiderohej gje e mire. Sipas mjekut antik grek Galen, i vitit 100 - 200 te eres sone, nese nje plage kishte shenja irritimi dhe fryrje, ishte shenje per fillimin e procesit te permiresimit. Nje nga mjeket e kohes me ide krejtesisht te tjera per infeksionin ishte Semmelweis, obstetrist. Ne maternitetin ku punonte me dy dhoma lindjeje, vuri re se ne njeren nga dhomat vdekjet e nenave shtatzana gjate lindjes nga semundja e etheve te shtratit ishte 10%, nderkohe qe ne tjetrin 4%. Infeksioni mendohej se shperndahej ne formen e pluhurit te miazmes, dhe ishte shume e cuditshme qe ne te njejtin spital mund te kishte per dy dhoma perballe njera tjetres diferenca te tilla! Ajo qe vuri re Semmelweis ishte se ne dhomen e pare coheshin studente te mjekesise, ndersa ne te dyten jo, atje punonin vetem disa gra dhe nuk kishte shume hyrje dalje. Duhet patur parasysh se ne ate kohe, pas nje operacioni tek tjetri, veglat e punes se doktoreve perdoreshin ashtu sic ishin, pa asnje lloj pastrimi, pervec se ne darke, qe te mos qelbeshin ere diten tjeter. Kur nje shoku i tij vdiq nga nje semundje e ngjashme me ethet e shtratit pasi u pre ne dore gjate nje autopsie, Semmelweis dyshoi se ne trupin e te vdekurve ka substanca qe cojne drejt kesaj semundjeje dhe menjehere dha urdher qe te tere studentet pas cdo autospie te lanin duart dhe pajimet. (Studentet si studentet: ketu nje autopsi, atje nje ndihme ne lindje, me pas nje praktike heqje bajamesh, me pas nje autopsi tjeter, nje tjeter lindje, etj).
Realisht, logjika e Semmelweis ishte shume larg se vertetes (ethet e lindjes marrin hov nga nje substance ne trupat e te vdekurve) por masa paraprake e larjes se duarve pas autopsive, ishte profilaktike dhe thjesht higjene. Sot ne edhe mund te qeshim me keto njohuri primitive, por atehere nuk besoj se qeshte njeri shume.
Pse eshte kaq e veshtire te kuptoni qe nje e vertete, sa me e thelle qe te jete, aq me te shumta jane njohurite e nevojshme per zbulimin e natyres se saj te vertete? Pse eshte kaq e veshtire te kuptoni qe ajo qe po thoni, ka te njejten natyre me cudine "pse bie rrufeja" ne vitin 100, ose me perfundimin "ethet e lindjes shpejtohen nga nje substance ne trupat e te vdekurve" ne 1800?
Mos postoni ne kete teme per te perseritur "over and over again the same thing", sepse edhe nje here, nuk ka ngelur me gje per t'u thene qe s'eshte thene ne 15 faqet e para. You can cross check and see what I mean, Hmmm.
-------------
"I'm in awe, Lennier. The way you can take a straightforward, logical proposition and turn it inside-out so that in the end it says .. what you want it to say instead of what it actually means. Does this come naturally or did you .. attend some special martial arts class for the philosophically inclined?" -- Marcus, Babylon 5
