Tema e ditës

Shtëpia e Bardhë i kërkoi administratës dhe Agjensive shtetërore që të krijojnë një program për të bërë të pamundur rrjedhjen e informacionit, bënë të ditur mediat ndërkombëtare gjatë ditës së sotme. Lëvizja vjen pasi faqja e Wikileaks, e drejtuar nga Julien Assange publikon prej javësh sekrete që ambasadat amerikane në të gjithë botën i dërgonin Uashingtonit. Të paktën një punonjës brenda Pentagonit është identifikuar deri tani si bashkëpunëtor i Assange. Një memo prej 11 faqesh e përpiluara nga shërbimet inteligjente i është drejtuar të gjithë Agjensive, duke i këshilluar për mënyrat se si mund të rrisin sigurinë. Në të i kërkohet zyrtarëve që të gjejnë mënyra për të kuptuar ndryshimet e dyshimta në sjelljen e punonjësve që kanë akses në materjalet sekrete. Gjithashtu këshillohet punësimit i psikiatërve dhe sociologëve për të matur “lumturinë relative” të punonjësve, gatishmërinë e tyre ndaj punës dhe aftësinë e secilit në përballimin e stresit. Ekzistenca e memos së publikuar nga rrjeti televiviz NBC nuk është konfirmuar ende zyrtarisht prej Shtëpisë së Bardhë. Aftësia e autoriteteve amerikane për të ruajtur informacionin është vënë nën akuzë, pasi një pirat arriti të siguronte një numër jashtëzakonisht të madh materialesh. Sipas kritikëve, një shërbim spiunazhi i huaj do ta kishte shumë më të lehtë se sa Assange të siguronte akses më materjalet e klasifikuara.

Banka Botërore i sugjeron Shqipërisë të rrisë cilësinë e arsimit dhe lidhjen e tij me aktivitetet prodhuese për të mos vënë në rrezik rritjen ekonomike të vendit. Flet përfaqesuesja e BB në Shqipëri, Ksenija Lvovski. Një raport i Bankës Botërore për Shqipërinë, i prezantuar kohët e fundit në Tiranë lidhur me politikat e reja që duhen zbatuar për të garantuar rritjen ekonomike të vendit, i bën skanerin edhe sistemit të arsimit. Skaneri i BB tregon krahas reformave pozitive tregon edhe pikat e dobëta ku duhet ndërhyrë pa humbur kohë. Të dhënat e raportit në fjalë të BB tregojnë që Shqipëria ka numrin më të ulët të popullsisë, vetëm 48,7 përqind të saj, me arsim të mesëm dhe të lartë, nga 62% që është mesatarja e rajonit. Raporti nuk lë pa u nxjerrë në pah edhe fondin prej 3,5 % të Produktit të Brendshëm Bruto ( PBB) që i dha qeveria e Tiranës arsimit vitin e kaluar, në një kohë kur mesatarja në vendet e Ballkanit është 4,6. Ndërsa shpenzimet për kërkimet shkencore në raportin e BB rezultojnë të jenë në nivelin e 0,2 % të PBB ose rreth 10 herë më të ulëta se në vendet e BE. Por shifrat nuk janë gjithshka. Përtej tyre është problemi i cilësisë së dijeve që brezi i ri merr në sistemin arsimor vendas . Lvovski: rritja e shifrave mos të bëhet në kurriz të cilësisë Ksenija Lvovski, përfaqësuese e Bankës Botërore në Shqipëri, pranon se ka përpjekje për të rritur numrin e personave që kryejnë arsimin e mesëm dhe të lartë. Por nëse kjo rritje shifrash bëhet në kurriz të cilësisë, atëhere vë në rrezik përfitimet prej saj, që përkthehet përdorimin e kapitalit njerëzor në zhvillimin ekonomik të vendit.. “Banka Botërore beson se investimet në arësim janë nga më të rëndësishmet që një qeveri mund të bëjë për të plotësuar nevojat specifike që zhvillimi i vendit kërkon. Rritja e pjesëmarrjes në shkolla dhe universitete duhet shoqëruar me cilësinë, pasi kjo lidhet me rritjen ekonomike dhe me ngritjen e një ekonomie moderne”, tha Ksenija Lvovski. Në këtë kontekst BB sugjeron që të ndërmerren masa në mënyrë që të diplomuarit në arsimin e mesëm dhe të lartë të jenë të aftë të thithin ato njohuri që mund të rrisin produktivitetin e ndërrmarrjeve dhe kompanive shqiptare. Kjo kërkon lidhjen e njohurive me përvoja praktike për t'iu përgjigjur nevojave të tregut të punës. “Është e rëndësishme të gjendën mënyra për të afruar më pranë studentët me aktivitetet praktike, prodhuese,” thotë Znj. Lvovski. Një tjetër sugjerim i BB është futja në masë të gjerë në arsimin e mesëm të ICT, ( Information Communication Tecnology), treinimi i mësuesve për t'u dhënë nxënësve dhe studentëve njohuritë e duhura dhe për t'i bërë ata të përshtatshëm për punët moderne që ofron sot tregu i punës. Shqipëria- një vend i orientuar drejt teknologjisë dhe globalizmit Zv. Ministri i Arsimit dhe Shkences, Halit Shamata, thotë se Shqipëria është vërtet një vend i orientuar drejt teknologjisë dhe globalizmit, gjë që e ka shndrruar në një prioritet përdorimin e ICT -së në arsimin e mesëm dhe atë të lartë. “Kemi ngritur laboratorë kompjuterikë në të gjitha shkollat e Shqipërisë të arsimit parauniversitar. Kemi me lidhje interneti 380 shkolla të mesme, 1477 shkolla të arsimit bazë dhe 250 shkolla fillore, pra gjithë sistemin aersimor në vend. Raporti nxënës kompjuter do të jetë së shpejti , në shkollat e mesme, 15 nxënës një kompjuter." Bashkëpunim rajonal sfidë për vendet e Ballkanit Megjithatë për BB mbetet një sfidë për t' u fituar përdorimi i gjerë i ICT në sistemin arsimor të Shqipërisë. Krahas saj edhe ngritja e shkollave të specializuara në konteks rajonal ku të jepen njohuritë më bashkëkohore, shkolla të njohura, me termin cutting -edge. Kjo pasi vendet e Ballkanit janë të vogla dhe e kanë të vështirë të ndërtojnë secili më vete programme të fuqishme për sektorë të veçantë. Dhe në këtë rast bashkëpunimi rajonal do të rezultojë tepër i frytshëm për secilin vend lidhur me kontributin e njohurive dhe të shprehive praktike të brezit të ri në shërbim të rritjes ekonomike. Banka Botërore: Shqipëria këtë vit rritje ekonomike prej 3,3% BB parashokon një rritje ekonomike deri në 3,% këtë vit dhe është skeptike për shifrën 5,5 të publikuar nga kryeministri Berisha. ”Vlerësojmë se rritja ekonomike këtë vit, 2010, do të jetë midis 2 dhe 3%, më shumë jemi për 3% . Rritja ekonomike do të jetë më e lartë vitin tjetër”, thotë Ksenija Lvovski. Ajo shpjegon se ekonomia shqiptare varet shumë nga ekonomia evropiane dhe kërkesat e saj. Rritja ekonomike e Shqipërisë nuk varet vetëm nga kërkesat e brendshme por edhe nga gjithë sa ndodh në tregjet e jashtme, vështirësitë gjithmonë dhe më të mëdha për të tërhequr kapitalet e huaja. Perfaqesuesja e BB në Tiranë thotë për DW-në se situata ekonomike në Evropë është ende e tronditur. Të gjitha vendet e BE-së kanë rënie ekonomike me përjashtim të Gjermanisë që ka shënuar rritje, thekson Z. Lvovski. Por pritet është që kjo situatë të mbarojë dhe rritja të rifillojë dhe kjo do të ndikojë edhe në rritjen ekonomike të Shqipërisë. Autore: Ani Ruci Redaktoi: Esat Ahmeti

Eshte Myslim Pasha Personazhi i Vitit 2010, ish-drejtori i Institutit të Topografisë Ushtarake të Shqipërisë, koloneli ne pension qe deshmoi nje akt atdhedashurie të fortë në mbrojtjen me ngulm të kufijve detarë të Shqiperisë, duke dalë kundra marrëveshjes për ndarjen e ujrave detare me Greqinë. Një njeri që në mënyrën më demokratike, përms një oponence të paqtë në media, pa luftë dhe pa shkrehur asnjë armë, arriti të shpëtoje një pjesë të detit të Shqiperisë. Një zgjedhje e publikut, që për herë të parë në historikun e sondazhit të faqes së internetit të Top Channel, vendos në krye një personazh që nuk është politikan, çka dëshmon vlerësimin për njerëz që jo domosdoshmërisht kanë në dorë pushtetin, por që përpiqen me sa munden të ndikojnë pozitivisht për vendin dhe për fatet e tij. Politikës, por jo asaj tradicionale, i takon vendi i dytë, i fituar nga lideri i “Vetëvendosjes” Albin Kurti. Në fakt, i politikes ndryshe, duke konsideruar faktin që Kurti, ndonese jo gjithmonë brenda rregullave dhe institucioneve, ka dalë me forcë kundra politikës së vjetër, nëse mund ta quajmë kështu, dhe politikanëve tradicionalë që shpesh herë me veprimet e tyre janë kthyer në objekt polemikash dhe kundërshtish. Një vote e forte e publikut kundër, që jep me shumë se një sinjal dhe shumë vlerësime se çfarë mendojnë vertetë njerëzit. I votuar për dy vite radhazi si personazh i vitit, kryetari i opozites shqiptare, Edi Rama këtë vit zbret në vendin e tretë. "Rezultatet e votimit të ketij viti, ndryshe nga vitet e shkuara, tregojnë një zhvendosje të vemendjes së qytetareve nga politika tek persona që kanë dhënë kontribut në fusha të tjera të jetës, siç është fituesi Myslim Pasha i cili ngriti zërin kundër një padrejtësie të madhe që mund t'i bëhej shqiptarëve. Po ashtu në vendet e para figurojnë edhe emra te tjere qe nuk i përkasin politikës, si Julian Assange, themeluesi i Wikileaks apo aktori Nik Xhelilaj, ndërkohë që dy politikanët kryesor në vend, renditen në vendin e tretë dhe të gjashtë" - vëren webmasteri i Top Channel, Igli Gjelishti. Në vend të katërt eurodeputetja Tanja Fajon, e cila dha nje kontribut të rëndësishem në liberalizimin e vizave me BE-në. Julian Assange, thelemuesi i Wikileaks, njeriu që publikoi një pjesë të të fshehtave të diplomacisë amerikane, në të pestin. Një vleresim i nje personazhi të huaj që sërish tregon tendencen për t’iu rebeluar pushtetit të njerezve me pushtet. Ne vend të gjashtë kryeministri Berisha. Në të shtatin aktori Nik Xhelilaj. Vendi i tete dhe i nëntë shkon për sportin, përkatesisht Lorik Canën dhe Vioresin Sinanin. Në vend të dhjetë Shkelqim Cani, ish guvernatori i Bankes se Shqiperise, i cili parashikoi përpara në kohë se edhe Shqipëria do të preket nga efektet e krizës globale ekonomike.

ju uroj nje vite te mbare te keni shendet te mire sa me shume para dhe dashuri per te afermit tuaj. une deri ne 22:00 ne shpi mbas 22:00 jashte ne lokal me familjen mbas nderrimit te viteve ne disko me shoqeri dhe kushurinj.

Wikileaks: “Shqipëria mes aferave të dyshimta” Mes akuzave për korrupsion ndaj qeverive të ndryshme, në fushën e industrisë energjetike, Wikileaks zotëron dhe dokumente për Shqipërinë, konkretisht për qeverinë shqiptare dhe kompanitë e huaja që operojnë në vendin tonë. Këtë e ka konfirmuar vetë drejtori i Wikileaks, Julian Assange në një intervistë ekskluzive për Forbes. Në këtë intervistë, mes të tjerash ai përmend një rast në Shqipëri të një kompanie kanadeze e cila ka puse në vendin tonë. Dokumenti flet pikërisht për dëmet mjedisore, të pronës dhe shëndetit të banorëve në zonën e Visokës, nga kompania kanadeze “Banker Petroleum”, me lejen e autoriteteve shqiptare. Banorët e kësaj zone janë ankuar vazhdimisht për shpërthimet që kryente kompania në fjalë, por nuk ka patur asnjë reagim nga Ministria e Energjetikës. Sipas Julian Assange, një inxhinier i një kompanie anonime kishte dërguar tek “Wikileaks” fakte e detaje për kompaninë e naftës “Banker Petroleum”e cila ka shkaktuar një katastrofë mjedisore në zonën e puseve të naftës në Patos dhe zonat përreth, si pasojë e shpërthimeve për nxjerrjen e naftës. Kompania anonime e cila dha detaje për shpërthimet në pusin e naftës, tregon se më pas vijoi hetimet për këtë situatë, ku kishte ndodhur një katastrofë mjedisore. Analizat treguan se rezultatet e testimit të ujit në terren ishin të ndotura në atë masë që uji nuk duhet të konsumohej pasi nuk ishte i pijshëm. Por më pas kompania sekrete thotë se Bankers kishte injektuar sërish ujë në një tjetër pus në Patos Marinze dhe se fshati Sheqishtë, pretendon se uji po ndotet nga ujërat e puseve, duke shkaktuar përqindje të lartë të kancerit në mesin e popullatës. Pas shpërthimeve ka pasur dëmtime serioze në rreth 300 shtëpi. Medvedev loboi tek vendet arabe kundër pavarësisë së Kosovës Dokumentet e Wikileaks zbulojnë se Presidenti Rus Dimitry Medvedev ka luajtur një rol shumë të rëndësishëm në lobin tek vendet arabe për mosnjohjen e pavarësisë së shtetit të Kosovës. Në një dokument që i referohet informacioni të dërguar nga ambasada amerikane në Doha në 21 dhjetor 2009, ndihmësi i ministrit të jashtëm të Katarit Mohamad Al-Rumaihi i tha ambasadorit amerikan Joseph E.LeBaron se pavarësisht simpatisë së tij, atyre u ishte kërkuar nga Medvedev që të prisnin ca kohë për të njohur Kosovën. “Presidenti Rus, megjithatë i kërkoi Katarit të ecë ngadalë në njohjen e Kosovës”, thonë dokumentet. Duke ju referuar lidhjeve të rëndësishme të Katari ka me Rusinë, Al-Rumaihi ka thënë se Katari u detyrua të veprojë në këtë mënyrë. Deri më tani Katari nuk e ka njohur pavarësinë e Kosovës, të shpallur në vitin 2008 dhe të njohur tanimë nga 72 prej 192 shteteve të Kombeve të Bashkuara përfshirë shtetet kryesore të BE-së dhe Amerikën. Nervozohen Shtetet e Bashkuara “Ndëshkim për kë vjedh të dhënat”, ishte zotimi i shefes se diplomacisë amerikane Hillari Klinton një ditë më parë, e prekur direkt nga publikimet online që ekspozuan një kërkese të cuditshme të saj: spiunimin e krerëve të OKB-së. Por fluksi i informacioneve ka vazhduar, dhe Wikileaks premton të mos ndalet derisa të jenë hedhur të gjitha. Gjate natës së djeshme u publikuan të tjera të dhëna mbi Kinën, Korenë dhe Guantanamon, të cilat nxjerrin në pah fakte shqetësuese. Pekini, sipas tyre, është i vetmi që përfiton nga përshkallëzimi i tensioneve prej programit bërthamor dhe testeve raketore të Koresë së Veriut. Skenarët e përshkruar nga dokumentet e Wikileaks evidentojnë "lojën" e Kinës dhe përpjekjet për të kontrolluar gadishullin korean. Nga njëra anë, ajo e furnizon Penjanin me injeksione ekonomike artificialisht jetike për vendin e varfër. Nga ana tjetër, distancohet prej një regjimi që i ndalon konkurimin ekonomik me Shtetet e Bashkuara, Japoninë dhe Korenë e Jugut. Pekini, vazhdojnë mesazhet, bashkëpunon me amerikanët për të frenuar vrapin bërthamor të aleatit të vet historik, dhe pastaj i shkarkon Uashingtonit përgjegjësinë e zgjidhjes së problemit. Madje publikimet e Wikileaks, zbulojnë edhe disa shqetësime të zyrtarëve kinezë, të bezdisur nga sjellja e Penjanit prej fëmije të llastuar. Zyrtarë të Ministrisë së Jashtme të Kinës citohet t'u kenë thënë në 2009-tën homologëve se Pekini nuk ka ndonjë besim të madh tek neutraliteti i Koresë se Veriut dhe se gadishulli duhet ribashkuar nën kontrollin e Seulit. Administrata amerikane i cilësoi publikimet një sulm ndaj komunitetit botëror, por shtoi se partneritetet për të cilat është luftuar kaq fort, do t’i rezistojnë sfidës. Shtëpia e Bardhë nuk përjashton mundësinë e ndërmarrjes së veprimeve ligjore kundër Wikileaks. “Normal që Presidenti nuk është i kënaqur me faktin që informacione sekrete bëhen publike, kjo vetëkuptohet. Siç e patë gjatë fushatës dhe gjatë periudhës që ai ka kaluar në Shtëpinë e Bardhë, një qeveri e hapur dhe transparente është diçka ku Presidenti beson me forcë. Por vjedhja dhe publikimi i informacioneve të klasifikuara përbën një krim. Një hetim është çelur mbi këtë ngjarje, po shohim një sërë gjërash dhe nuk do të përjashtoja edhe ndonjë veprim ligjor”, tha zëdhënësi i Shtëpisë së Bardhe, Robert Gibbs. Tani radhën e kanë sekretet e bankave të mëdha në SHBA Julian Assange shkruan se tashmë nën shënjestrën e Wikileaks është i ashtuquajturi “biznesi i madh”, bankat. “Në fillim të vitit tjetër, një ndër bankat më të mëdha të Shteteve të Bashkuara do të ndodhet e gozhduar përballë të vërtetës. Qindra mijëra dokumente do të publikohen nga Wikileaks, duke anashkaluar kërkesat e manaxherëve dhe të personave të tjerë të interesuar”, citohet Assange sipas Forbes. Në shkrimin e Forbes nuk përcaktohet saktësisht se çfarë ka kompromentues materiali i vënë në duart e Wikileaks nga banka dhe as emri i institucionit financiar. Assange mjaftohet me përgjigjen se në dritë do të dalin skandalet e më shumë se një banke. Parisi: « Nuk konfirmojmë asnjë deklaratë që i atribuohet Francës » Franca deklaron se nuk konfirmon asnjë deklaratë që pretendohet të jetë thënë nga zyrtarët francezë në takimet me zyrtarët amerikane siç raportohet nga informacionet e Wikileaks. Zëdhënësi i Ministrisë franceze të Punëve të Jashtme dhe Evropiane tha sa më poshtë: Pyetje: - Do të doja të dija nëse ka një reagim nga ju në lidhje me dokumentet e publikuara nga Wikileaks. Z Levitte është cituar se e ka konsideruar Presidentin e Venezuelës Chavez si të "çmendur" dhe regjimin e Iranit si një "shtet fashist". A është e mundur që botimi i këtyre deklaratave të dëmtojë interesat e Francës? A ka bërë përpjekje Franca për të kontaktuar autoritetet e vendeve të prekura nga deklaratat e zyrtarëve francezë të shpallura nga Wikileaks? Përgjigje: - Ne na vjen thellësisht shumë keq nga shpërndarja e qëllimshme dhe e papërgjegjshme në ëebsitin Wikileaks të korrespondencave diplomatike amerikane. Ne nuk konfirmojë asnjë nga deklaratat që i atribuohen diplomatëve francezë në këto dokumente. Shpërndarja e dokumenteve të klasifikuara të Departamentit të Shtetit përbën një cenim të sovranitetit të Shteteve dhe të sekretit të korrespondencës së tyre, të cilat parashikohen në Konventën e Vjenës mbi Marrëdhëniet Diplomatike. Një shkelje e tillë e konfidencialitetit të dokumenteve të brendshme të administratës amerikane është shqetësuese në shumë aspekte. Ajo mund të ndikojë ngativisht në zgjidhjen e çështjeve thelbësore për sigurinë dhe stabilitetin në marrëdhëniet ndërkombëtare dhe të rrezikojnë sigurinë e njerëzve. Partnerët tanë amerikanë na kishin informuar më parë në lidhje me publikimin e këtyre dokumenteve. Zonja Hillari Klinton ka biseduar në telefon me zonjën Alliot-Marie më 26 nëntor mbi këtë temë. Ne i kemi shprehur partnerëve tanë amerikanë gadishmërinë tonë për të punuar së bashku mbi pasojat e një situate të tillë. Pyetje : – A ka diplomacia franceze mjete për t’u mbrojtur kundër një ndërhyrjeje të tillë si ajo që ka pësuar diplomacia amerikane? A inkurajohen diplomatët francezë për të spiunuar kolegët e tyre në Nju Jork apo gjetiu? Sipas Ministrisë së Punëve të Jashtme dhe Evropiane, a bazohen dokumentet e Wikileaks në telegrame të vërteta, dhe a ka a priori dyshime në lidhje me formulimin e tyre? Përgjigje: - Ne përdorim mjetet që ne i konsideron si të përshtatshme për të siguruar ruajtjen e fshehtësisë së korrespondencave tona diplomatike. Veprimtaria e diplomatëve francezë ushtrohet plotësisht brenda rregullave të Konventës së Vjenës mbi Marrëdhëniet Diplomatike. Lidhur me pikën tuaj të tretë, unë ju përgjigjem në bazë të deklaratave zyrtare amerikane.

sigurisht qe po.sidomos tani per festat e fundvitit njerezit nuk i blejne te gjitha produktet qe u nevojiten per tryezen e vitit te ri.nuk kane te njejte gjendje ekonomike te gjithe shqiptaret ca me shume e ca me pak.

Tani dhe gjoba 2 milion leke -Masa ndëshkimore e gjobitjes për kundravajtje ndaj shoferëve do të jetë në shumën e 2 milionë lekëve të vjetra. E perditshmja Gazeta Shqiptare zbardh ne numrin er sotem se, kjo masë e re është sanksionuar në udhëzimin e ri të miratuar nga ana e ministrit të Brendshëm, Lulzim Basha në 2.11.2010 dhe që mban numrin 388. I titullar “Për mënyrën e evidentimit dhe të shqyrtimit të kundërvajtjeve administrative, procedurat që ndiqen për masat administrative plotësuese dhe administrimi i gjobave në fushën e qarkullimit rrugor”. “Sanksionet administrative që jep organi administrativ shtetëror janë: I. Gjobë me vlerë deri në 200.000 lekë (ose sipas indeksimeve të bëra nga Ministria e Financave në vlerë minimale dhe maksimale sipas pikës 3 të nenit 193 të Kodit Rrugor)”, thuhet në udhëzimin e miratuar. Gjithashtu si masa administrative plotësuese ndahen në: “a) Pezullim i lejeqarkullimit në kufijtë kohorë të përcaktuar nga nenet përkatëse të legjislacionit rrugor; b) Pezullim i lejedrejtimit në kufijtë kohorë të përcaktuar nga nenet përkatëse të legjislacionit rrugor; c) Heqje e lejedrejtimit”. Ndërsa bëhet e qartë se ndër masat e tjera janë dhe bllokimi dhe sekuestrimi i makinës. Kanë atributet e agjentit verifikues, për marrjen e masave administrative me gjobë dhe masave administrative plotësuese për shkelje të normave të legjislacionit rrugor, punonjësit e shërbimit të Policisë Rrugore dhe patrullave të përgjithshme të policisë. Gjobat e arkëtuara të derdhen në degën e thesarit të rrethit nga operatorë financiarë që kryejnë arkëtimin e gjobave me pjesëmarrje: 40% buxheti dhe 60% organi që ka verifikuar shkeljen. Po sipas udhezimit te publikuar sot ne GSH, në rast se një shofer përdor në makinën e tij targa të një mjeti tjetër, atëherë automjeti do t’i konfiskohet. Ndersa në rast se shoferi i automjetit që bën shkelje disponon patentë të marrë në ndonjë shtet të huaj, atëherë do të jetë prefekti që do ta verifikojë dokumentin në shtetin përkatës. Ballkanweb

Legalizimet, emrat e 5161 fituesve që marrin tapinë TIRANË – Kamza tashmë mund të quhet e gjitha legjitime edhe pse në kaos urban dhe e ngritur mbi bazën e zaptimit te tokës. Këshilli i Ministrave ka marrë vendimin për legalizimin e 5000 banesave të reja në qytezën e re krijuar pas ‘90 në periferi të Tiranës.</p> Duke folur për këtë vendim, kryeministri tha se “në këtë mënyrë përfundon legalizimi në një qytet të dytë të madh të krijuar gjatë këtyre viteve, siç është Bashkia e Kamzës”.</p> Në këtë kuadër, Kryeministri ritheksoi se Agjencia e Legalizimeve ia ka dalë të mbledhë deri tani 9 milion euro të cilat po jua shpërndan ish pronarëve të trojeve të zëna nga ndërtimet ilegale dhe se ky proces po ecën në përputhje me ligjin.</p> Sipas tij, me këto 5000 leje, mbyllet procesi i legalizimit në Kamzë.(Shekulli)</p> Lista http://www.shekulli.com.al/2009/11/19/pdf%202%20mbledhur%20listat.pdf</p> Ky artikull eshte marre nga: http://www.albaniasite.net/?p=27169. Per me shume artikuj te ngjashem vizitoni: http://www.albaniasite.net/?p=27169

Zhvillimi ekonomik i një vendi nuk mund të realizohet i plotë në rast se mungon aftësia profesionale e stafeve në universitete publike apo private. Në disa raporte ndërkombëtare pranohet fakti se Shqipëria nuk mund të ecë përpara vetëm përmes politikave nxitëse të investimeve dhe uljes së taksave, por duke i kushtuar vëmendje edhe arsimit. Një raport tronditës i Bankës Botërore, referuar sondazheve të kryera në vitin 2008, tregon qartë se mungesa e kushteve ekonomike, indiferenca e treguar nga shteti dhe mosplotësimi si duhet i nevojave për të pasur një ambient të përshtatshëm arsimi dhe kërkimi shkencor, kanë detyruar stafet e universiteteve të emigrojnë në vende të ndryshme. E thënë ndryshe, mbi 40% e stafeve në universitete ose “truri” i një kombi, ka emigruar për kushte më të mira. BB-ja vë në dukje disa mangësi të sistemit arsimor, që nxitën arsimtarët të largohen nga vendi i tyre, ndërsa sugjeron marrjen e masave. “Gjatë periudhës midis viteve 1990 dhe 2008, rreth 40.6% e stafit të universiteteve publike dhe institucioneve kërkimore emigroi jashtë Shqipërisë. Madhësia dhe intensiteti i këtij fenomeni është kaq i lartë, saqë ekspertët e huaj e përcaktojnë Shqipërinë si një nga vendet me ‘nivelin më të lartë të emigrimit të trurit në botë’”, - thuhet në raportin e fundit të publikuar nga BB-ja. Në shumë institucione shqiptare, emigrimi preku pjesën më dinamike dhe elitare të stafeve akademike dhe kërkimore të Shqipërisë. Të dhënat tregojnë se universiteti shtetëror dhe institucionet kërkimore të Tiranës, sidomos ato që lidhen me shkencat natyrore, inxhinierinë, fizikën bërthamore dhe artet, ishin më të prekurat. “Shumica e emigrantëve nga këto institucione ishin të gjinisë mashkullore ((59.4%), në moshë relativisht të re (35 vjeç) dhe, në dallim me modelet e emigrimit në masë, ata emigruan përmes rrugëve të ligjshme dhe me familjet e tyre”, - thuhet në raport. Gjithashtu, të larguarit kishin mesatarisht 8 vite eksperiencë pune në institucionet kërkimore/universitetet, dhe 43% e tyre kishin përfunduar specializime jashtë shtetit. Sipas Bankës, problemi nuk është thjesht humbja e kapitalit njerëzor, por edhe dobësimi i kapacitetit për trajnimin e brezave të rinj.

Zbuluesi i sekreteve të mëdha botërore, Julian Assange, strehohet në shtëpinë dhe klubin e një kosovareje. Siç njofton Indeksonline, ajo quhet Pranvera Shema dhe është e martuar me gazetarin britanik, Vaughan Smith. Të dy janë pronarë të klubit gazetaresk në Londër, Frontline, ku janë marrë pamjet e Assange me flamurin kuq e zi pas. Ndërkohë, në shtëpinë e Pranverës gjendet dhe një çifteli, aty ku Assange dha intervistën e parë pas daljes nga burgu për BBC-në, në Suffolk, 130 kilometra larg Londrës. Vaughan Smith është mik i mirë me Assange dhe i ka ofruar strehim, aty ka ai do të kalojë Krishtlindjet. “Do të jenë Krishtlindje jo të zakonshme për mua, Pranverën dhe dy vajzat tona”, ka thënë Smith. Britaniku ka raportuar në vende të ndryshme të botës, duke përfshirë Kosovën. Ai krijoi Frontline Television News gjatë Revolucionit rumun në vitin 1989. Dy nga 4 themeluesit e televizionit u vranë duke raportuar. Një nga të mbijetuarit, Peter Jouvenal, ishte i vetmi në botë që xhiroi krerët e Al-Qaedas, Osama Bin Laden dhe Mullah Omar. Para se televizioni i tij të mbyllej, 8 anëtarë të ekipit u vranë. Për t’i kujtuar ata, Smith e hapi Frontline Club, një klub ku mblidhen e diskutojnë gazetarët. Aty ai ende mban telefonin e tij celular që u godit nga një plumb gjatë një masakre në Kosovë, në vitin 1998. Vitin e kaluar Vaughan dhe Pranvera ishin në Tiranë dhe Prishtinë, për të mbajtur tryezë diskutimi për mediet moderne. Ata do ta strehojnë Assangen, derisa të vendoset për ekstradimin e mundshëm në Suedi, ose vazhdimin e gjykimit në Londër. Gazeta Tema

Ajo që ndodhi para pak kohësh në Itali duke tronditur botën sportive, është përsëritur një ditë më parë, në ndeshjen e elitës së basketbollit maqedonas mes Rabotniçkit dhe Lirisë. "Shqiptar i vdekur, shqiptar i mirë", "dhoma gazi për shqiptarët", ishin brohoritjet e tifozëve maqedonas në sallën e sporteve të qytetit të Shkupit. Ata shkuan edhe më larg me veprime vandale duke djegur flamurin kombëtar shqiptar, skenë kjo e cila i ngjasonte asaj e cila para do kohësh ndodhi në Itali dhe tronditi si botën sportive ashtu dhe atë politike. E vetmja që dallonte këtë herë ishte se kjo nuk indinjoi asnjë nga autoritetet prezente sportive apo ato rendit, të vetmit të cilët reaguan në aktin vandal kundër flamurit shqiptar ishin kryesia dhe lojtarët e "KB Lirisë". Nga Klubi i Basketbollit "Liria" deklaruan për agjencinë e lajmeve INA se, kjo ndeshje sportive, u shndërrua në ndeshje psikologjike terrori dhe "puna e tifozëve maqedonas dha frytet e veta meqë KB Liria dhe lojtarët e saj ishin tepër të shpërqëndruar për të zvogëluar dallimin e pikëve".

Nga shpërthimet e pakove në ambasadat e Zvicrës dhe Kilit në Itali janë plagosur dy persona. Ministria e Jashtme e Zvicrës ka thënë se askush ende nuk e ka marrë përgjegjësinë për incidentin në ambasadën zvicerane, kur pakoja shpërtheu në çastin kur po hapej nga punonjësi i ambasadës. Ndërkaq, mediat rapor tojnë se ministri i Jashtëm i Italisë e quajti incidentin “akt të dënueshëm të dhunës”. Më vonë, një tjetër bombë ka shpërthyer në ambasadën e Kilit në Romë, ku gjithashtu u plagos një person. Ndryshe, shpërthimet pasuan zbulimin e një bombe të martën, të dyshuar në metronë e Romës. Sidoqoftë, policia tha se mjeti nuk kishte detonator dhe testet treguan se nuk përmbante eksploziv.

Nje Ebook me poshte per krimet Serbe ne Kosove!! Libri mund te shkarkohet ketu

Abdulla Katuçi nga Gurra e Matit ka akuzuar Dick Martyn, duke thënë se gjatë vizitës në shtëpinë tij, e njohur si “Shtëpia e Verdhë”, dy vjet më parë, ai ka tentuar të hedhë eshtra aty. Parlamenti Europian kërkon hetimin e pretendimeve të Martyt, e në Prishtinë raporti i tij vazhdon të cilësohet antishqiptar e inkriminues. Nga Nexhmije Ahmeti më 21 dhjetor 2010 në ora 09:08 Familja Katuçi në Gurrë të Matit vazhdon të ngrejë supet, teksa dëgjon të ripërsëriten akuzat ndaj shtëpisë së tyre, se është përdorur si qendër për grumbullimin e robërve serbë dhe heqjen e organeve të tyre. Në një rrëfim për TV News24, kryefamiljari Abdulla Katuçi ka reaguar ashpër ndaj Dick Martyt, i cili në raportin e tij thekson se ka prova që dëshmojnë se shtëpia e tij, e njohur si “Shtëpia e Verdhë”, ka shërbyer si vend ku UÇK’ja kryente transplantime organesh të robërve serbë. Katuçi pretendon se gjatë vizitës së tij, dy vjet më parë, Marty tentoi t’i hidhte eshtra në shtëpi, ndërsa kërkon nga shteti që të padisë raportuesin e KE’së dhe ish- kryeprokuroren e Hagës, Carla del Ponte. “Makinat kishin kocka të vdekurish që donin të m’i linin në shtëpi. Ne i ndaluam ato, ndryshe do të m’i kishin hedhur brenda. Kemi shtatë vjet që bezdisemi nga akuzat që na bëhen. Na është bërë një e padrejtë, që nuk dimë se ku ta zgjidhim”, ka thënë Katuçi. Familjarët shprehen të bindur se nuk kanë parë asnjë ushtar apo civil serb të kapur rob, ndërsa pohojnë se dy vjet më parë, një ekip hetuesish të huaj ka kontrolluar çdo cep të kullës dykatëshe. Sipas tyre, gjithçka që rezultoi pas këtyre kontrolleve, rrëzon akuzat e Martyt, sikurse edhe ato të Del Pontes. Ndërkohë, Dick Marty vazhdon të mbrojë raportin e tij. Në një intervistë për gazetën zvicerane ”NZZ am Sonntag”, ai ka thënë se këtë veprimtari po e bën për Kosovën, e jo kundër saj.

Vendi "digjet", Rama dhe Keti Bazhdari "krihen". Degjeneron në sherr masiv Asambleja e PS Zgjedhje me armë në PS e Shkodrës, sulmohet Rama Konferenca e degës së PS të Shkodrës ka rrezikuar të shndërrohet në një kasaphanë, pas përleshjeve fizike mes dy grupeve kundërshtare që synonin kreun e degës së kësaj partie. Mbledhja e strukturave drejtuese të këtij qyteti pritej prej kohësh të përfshihej në një sherr të përmasave të atilla, pas imponimit me forcë që Rama kërkonte ti bënte kandidaturës së tij të preferuar për kreun e PS së këtij qyteti. Megjithëse ishte kundërshtuar prej kohësh kandidatura e Keti Bazhdarit nga baza e PS, Rama e ka shpërfillur këtë protestë të socialistëve të Shkodrës. Në takimin e zhvilluar në Shkodër, ai e ka paraqitur këtë si kandidaturën e tij personale për në krye të PS së këtij qyteti. Përgjatë tre javëve të fundit, presioni i deputetit socialist Tom Doshi në drejtim të të zgjedhurve të PS ka qenë mjaft i madh, në mënyrë që në Asamblenë e degës së kësaj partie të votohej pikërisht kandidatura të cilën kishte kërkuar Rama. Por situata nuk ka qenë aspak e qetë. Socialistët shkodranë nuk i janë bindur as thirrjeve, por as nuk i janë dorëzuar presioneve të Kryetarit të PS dhe deputetit Doshi. Kandidatura e Ramës ka qenë ajo e Keti Bazhdarit, e cila është kundërshtuar hapur nga shumica e pjesëmarrësve në Asamblenë e degës së kësaj partie. Mbledhja ka nisur e tensionuar dhe palët kanë qenë gjatë gjithë kohës nën presion. Rama kishte urdhëruar deputetin Doshi që të përgatitej për më të keqen. Ky i fundit kishte angazhuar një eksponent kriminal të këtij qyteti me emrin Ardian Kiri, i cili përgjatë gjithë kohës që zhvillohej konferenca kishte si detyrë që të terrorizonte pjesëmarrësit. Pjesa më e madhe e mbështetësve të Ramës dhe Doshit kanë qenë të armatosur. Armët janë nxjerrë hapur ndërsa në sallë zhvilloheshin debatet me qëllimin frikësimin e të pranishmëve. Pasi Rama ka vendosur në mënyrë të njëanshme, duke thyer të gjitha rregullat e funksionimit të kësaj partie zgjedhjen e kryetares së PS të PS të Shkodrës, Keti Bazhdari, ka ardhur edhe sherri i cili për pak ka degjeneruar në përdorimin e armëve. Njerëzit e thërritur nga deputeti Doshi kanë nxjerrë armët për të mbrojtur Ramën. Ky i fundit është sulmuar fizikisht nga socialistët shkodranë të cilët e kanë goditur atë madje edhe me grushta. Ndërhyrja e Doshit dhe e njerëzve të tij të armatosur ka qenë e menjëhershme në mbrojtje të kryetarit të PS. Prej kohësh vazhdon një situatë amullie dhe kaosi jo vetëm në degën e PS së Shkodrës, por edhe në degët e tjera të kësaj partie. Ka një konflikt të hapur mes kandidaturave të mbështetura nga Rama dhe bazës së partisë e cila i kundërshton ato hapur. Ky konflikt ka bërë që në shumë degë PS të mos funksionojë dhe në krye të zyrave të PS të ketë vetëm njerëz të emëruar, të Ramës të cilët nuk kanë asnjë lidhje me PS-në. www.rilindjademokratike.com