Tema e ditës

Po lexoja qe zu Guttenberg dha doreheqjen pas vertetimit qe ne dizertacionin e tij kishte kopjuar (plagjiature). Jam kurioz te di se si i kane marre titujt ca politikane shqiptare qe pas angazhimeve te tyre ne politike, vura re qe merrnin nga nje Prof para emrit ashtu si papritur :)

Elisiana Hidersha, 22 vjec, këngëtare e njohur me emrin Emmy, ndërroi jetë në Spitalin Ushtarak të Tiranës pas qëndrimit për disa ditë në koma. 22-vjecarja nuk mundi t’i mbijetojë plagëve të rënda që mori nga një përplasje me një automjet, ndodhur në orët e vona të së shtunës së kaluar, në afërsi të një lokali nate në zonën e Varrit të Bamit, në Tiranë. Për këtë ngjarje, policia kishte arrestuar shtetasin kosovar Aziz Kelmendi, 44 vjec, nga qyteti i Pejës. Sipas dëshmive të dhëna në polici, mes këngëtares dhe 44-vjecarit kishte patur një debat, ndërkohë që mes tyre dikur ka patur edhe një lidhje intime. Debati ka vijuar jashtë ambjenteve të lokalit, ku ndodhi edhe aksidenti tragjik. Vajza u dërgua me urgjencë në Spitalin Ushtarak të Tiranës me dëmtime shumë të rënda në kokë dhe në tru. Pas dy ditësh ajo ndërroi jetë. Policia ndaloi 44-vjecarin për të sqaruar rrethanat e ngjarjes, si dhe ka marrë dëshmitë e personave që kanë qenë prezent në momentin e plagosjes së rëndë. 22-vjecarja me origjinë nga Skrapari u bë e njohur 4 vitet e fundit me interpretimin e disa këngëve. Ajo ka konkurruar me një këngë edhe në një nga edicionet e festivalit Top Fest.

Eshte njoftuar nje proteste me daten 21 Janar. Duket sikur protesta do jete e inicuar nga PS, por qe kesaj rradhe nuk do kete fjalime por do duan ta shprehin si nje proteste mbarepopullore duke ftuar kedo qe nuk eshte domosdoshmerisht nje simpatizant i PS. Pyetja, a do dilnit ne proteste!? Di qe shume kush do donte te protestonte, por pa u ngaterruar me PSne apo te ngjashme. Megjithate ky eveniment eshte serish i inicuar politikisht...

Tiranë, 25 shkurt - Paranojë apo kërcënim real, kjo nuk dihet, por ajo që shihet qartë është që kreu i ekzekutivit, po fortifikon çdo ditë e më shumë shtëpinë, zyrën, Kuvendin dhe çdo copë terreni tjetër ku shkel, shkruan sot e përditshmja e Tiranës, “Shekulli”. Makina që bllokojnë sinjalet elektronike kur S.Berisha lëviz me makinë, qen antiminë që kontrollojnë deri edhe gazetarët, ndalime parkimi në një perimetër shumë të gjerë rreth shtëpisë së tij, gardistë në pallatet rreth godinës ku ka apartamentin, janë vetëm disa nga masat e mara, për të mos përmendur super-makinën e blinduar me vlerë kolosale, e cila është porositur dhe detaje për të cilën, u botuan pak kohë më parë në shtyp. Vlera e saj do të ishte 700 mijë euro dhe do të garantonte siguri maksimale ndaj çdo lloj sulmi. Deri më tani kryeministria nuk ka njoftuar blerjen apo jo të saj. Sipas kësaj gazete, masat e para të marra nga kryeministri dhe Garda e Republikës që ka për detyrë sigurinë e tij janë ato pranë shtëpisë. Rruga "Mustafa Matohiti", ku banon kreu i qeverisë, është e bllokuar prej shumë ditësh. Asnjë makinë e paautorizuar nuk lejohet që të kalojë aty pa marrë më parë aprovimin e Gardës dhe policisë. E gjithë rruga është nën patrullimin e rreptë të Gardës së Republikës megjithëse godina ku ka apartamentin Berisha është vetëm një nga dhjetëra godina të rrugës. Gardistët janë të armatosur dhe sa herë që kryeministri apo anëtarët e familjes së tij hyjnë dhe dalin nga ndërtesa, ata dalin në rrugë duke kontrolluar të gjithë perimetrin rreth makinës. Skenat ndonjëherë janë aq të habitshme për banorët sa të kujtojnë ish-Bllokun e udhëheqjes komuniste. Berisha ka adoptuar për rrugën ku ndodhet shtëpia e tij të njëjtën mënyrë ruajtjeje me gardistë në një rreze shumë të gjerë dhe me tabela STOP!. Por masat për ruajtjen e Berishës nuk përfundojnë tek rruga "Mustafa Matohiti", ato shtrihen deri nuk kryeministri. Me vendim të Policisë Rrugore është ndaluar parkimi edhe në rrugën "Papa Gjon Pali II". Nga kryqëzimi i rrugës "Mustafa Matohiti" e deri tek kryqëzimi i rrugës "Ismail Qemali" nuk lejohet më parkimi i makinave. Edhe në krahun e shtëpisë së kryeministrit janë vendosur disa pengesa të Policisë Rrugore që ndalojnë makinat të qëndrojnë aty. Masat e rrepta të sigurisë shtrihen edhe brenda godinës së Këshillit të Ministrave, shkruan sot “Shekulli”. Hyrja është përforcuar me zinxhirë e tela, por jo vetëm ajo. Dy dyer të blinduara në ambientet e brendshme ndalojnë njerëzit që ti afrohen si më parë zyrës së kryetarit të Këshillit të Ministrave. Sipas një burime të Shekullit nga Garda, xhamat janë të blinduara, të llojit që përballojnë plumba të kalibrit të vogël. Situata është më ndryshe edhe në zyrën e kryeministrit. Në daljet publike shihen ndryshime të shpeshta të orareve të paralajmëruara ose të itinerarit të lëvizjeve, shton kjo gazetë. Në mitingun e 20 shkurtit, Berisha mbërriti 40 minuta pas orarit të paralajmëruar, dhe rrethohej nga truproja në çdo hap, madje nga fotot e Juta Benzeberg botuar një ditë më pas në Shekulli, shihen edhe momente acarimi mes gardistëve dhe njerëzve në radhën e parë të turmës. Edhe në ato pak minuta kur kryeministri i gjend në podium, e gjithë situata kontrollohej rreptësisht. Kishte snajperë në çatinë e Korpusit të UT-së dhe një kordon i pazakontë rojesh nuk lejuan as simpatizantët e PD-së që ti afroheshin podiumit. Risia këtë herë ishte ndalimi i valëve të celularëve. Celularët nuk punonin kur ndodheshe pranë kryeministrit Berisha. Një sy eksperti dalloi lehtë një makinë rreth shtatë metra larg podiumit. Ajo kishte një antenë në formë pllake, e ngjashme me aparaturat që ndalojnë valët në një perimetër të caktuar. E njëjta strategji ka gjasa të jetë përdorur që prej 21 janarit. Atë ditë pasdite telefonat celularë nuk punonin pranë kryeministrisë. Të kontaktuar nga "Shekulli", të gjitha kompanitë e telefonisë celulare thanë që nuk kishin pasur asnjë defekt dhe se antenat e tyre kanë funksionuar rregullisht. "Valët nuk i kemi ndaluar ne, duhet të pyesni tjetërkund",- thanë kompanitë e telefonisë celulare. Masat e forta të sigurisë për kryeministrin Berisha janë vënë re edhe në Kuvend. Gazetarët dhe personeli i Kuvendit, për herë të parë, janë kontrolluar ditën e hënë deri edhe nga qentë antiminë. Operatorëve në disa raste iu është kërkuar që të ndezin kamerat për të provuar se ato janë thjesht kamera. S.Berisha ndodhej në mbledhjen e grupit parlamentar të Partisë Demokratike. E njëjta situatë është paraqitur edhe në Parlament gjatë seancës plenare. Në seancën e javës së shkuar janë numëruar më shumë se 70 punonjës të sigurisë në korridoret e Parlamentit, numër i pazakontë për atë mjedis. Poshtë vendit ku ulet kryetari i qeverisë janë vendosur dy truproja të veçanta. Herë pas here dy truprojat ngrihen në këmbë dhe qëndrojnë pa lëvizur përpara kryeministrit. Në raste të tjera Garda krijon një gardh sigurie që qëndron ndërmjet foltores dhe anëtarëve të qeverisë. Qentë antiminë janë bërë shoqëruesit e përhershëm të kryeministrit pothuajse në të gjitha daljet e tij televizive. Sa herë që kreu i qeverisë është i ftuar në ndonjë studio, përpara tij paraqiten punonjësit e Gardës së Republikës që kontrollojnë të gjithë ambientet. Ata shoqërohen edhe nga qentë që kontrollojnë një nga një zyrat. Pasi Garda bindet se çdo gjë është OK, atëherë kryeministri paraqitet në studio. Kjo ka ndodhur edhe në televizione që njihen si pranë kreut të qeverisë. Deri më tani Garda e Republikës që merret me sigurinë e kreut të qeverisë dhe Policia e Shtetit nuk kanë bërë publik asnjë kërcënim të mundshëm ndaj Sali Berishës. Këto janë dy institucionet e vetme që mund të raportojnë kërcënime të tilla pasi Shërbimi Informativ Shtetëror dhe Prokuroria e Përgjithshme janë shpallur "armiq të qeverisë" dhe (duke besuar së paku deklaratat publike të S.Berishës) informacionet që përcillen prej tyre janë të papranueshme. Pavarësisht nëse e gjithë kjo, ka të bëjë me paranojë apo me kërcënim real, teknikisht, thuajse të gjithë ekspertët e sigurisë të pyetur nga Shekulli për këto masa sigurie bien dakord në një pikë: Lloji i masave të ndërmarra, tregon se frika është për një atentat në distancë, pra një shpërthim. Ky përfundim del duke parë se masat kanë perimetër të gjerë sigurie (rruga e banesës), i tremben një telekomandimi shpërthimi me celular (makina e bllokimit të valëve), prania e qenve anti-shpërthim pranë zonave ku i duhet të qëndrojë për një kohë të gjatë (studiot televizive, kuvendi etj), përfundon shkrimi në gazetën “Shekulli”.

Delegacioni Kosovar nënçmoi femrën muslimane me Mbulesë! <span style="font-style: italic">..delegacioni anulon vizitën në gjermani përshkak të veshjes islame ..</span> <span style="font-weight: bold">Një delegacion Kosovar,të kryesuar nga OSBE-ja,për një vizitë në Gjermani,anulon këtë vizitë për arsye se përkthyesja ishte Femër muslimane me Mbulesë!!!</span> - Diskriminimi i vlerave s`paska kufij! - Ajo,motër muslimane u nënçmua,sepse thjeshtë ishte e mbuluar!! - Sherif Konjuca,kryesues i delegacionit kosovar,arsyetonte se: <span style="font-style: italic">&quot; Kemi anuluar vizitën përshkak se përkthyesja ishte një femër me mbulesë,dhe ne i takojmë evropës e jo azisë&quot; ...</span> - As idiotizmi s`paska kufij!! <span style="font-weight: bold">.. Ju lutem të debatojmë rreth kësaj dukurie që shpesh po ndodh,që veshja e femrës muslimane të nënçmohet e të fyhet ..</span>

Shkoder nan lokja Shkoder .... NESER NADJE KUR MI NE RREZJA E DIELLIT KA ME RA KUSH E DIN SA UJ E DHE MU PREJ TEJE KA ME ME NDA C'far ndjen nje emigrant shkodran kur cohet ne nadje e kush si thote ' nadja e mire' ne shkodrance. Nuk nije kumbanoret e kishes se malle. Si e jeton dashurine nje shkodran kur asht jashte Shkodres? A ka mall? :rolleyes: A qan? A asht nostalgjik? A e run burrnine? A e run nderin? A e run Traditen? A e run shpirtin sportiv? C'far asht ADN e gjakut SHkodran qe na ban te dallushem prej te tjereve?

Elsa Lila eshte nga ato kengetare per te cilat shqiptaret kane nje dashuri te veçante. Ne nje interviste te botuar sot ne Gazeta Shqiptare, Elsa rrefen ndjesine qe po perjeton ne shtatzani dhe te rejat qe e presin pas lindjes se bebit te saj, Evita. Elsa rrefen se karriera e saj do te vazhdoje ndersa kujton prezantimin e festivalit te RTSH qe sic tregon ajo, nuk I ka lene shije aq te mrie. “Ishte dhjetori i vitit 2008 dhe sapo kisha mbaruar prezantimin e festivalit te kenges ne Shqiperi. Isha shume e lodhur dhe e stresuar (me shume nga prapaskenat e pakendshme qe pata gjate punes sesa nga puna ne vetvete)”. Kengetarja shpreson se lindja e vajzes do gjalleroje dhe jeten e saj artistike. Besoj se kur te shoh syte dhe buzeqeshjen e saj, poezite e tingujt do te lindin vetvetiu. Bota dhe realiteti i veshtire qe na rrethon perdite duke na ngurtesuar fantazine dhe ndjenjen, do te marrin drite te re, ngjyra te reja. Elsa shprehet se dhe Evita e vogel sapo te forocohet pak do te ndjeke prinderit e saj drejt Madagaskarit, ne Afrike. “Kur Evita te behet tre-kater muajshe, do te udhetojme se bashku drejt ishullit magjik ku nisi gjithçka”.

Shtyhet regjistrimi i popullsise mbi baza etnike e fetare TIRANE- Shtyhet regjistrimi i popullsise mbi baza etnike dhe fetare. Ministria për Inovacionin e Teknologjinë e Informacionit e të Komunikimit konfirmon se ky proces shtyhet për shkak të afrimit të zgjedhjeve lokale, informon sot agjencia telegrafike e lajmeve atsh. Regjistrimi i popullsisë mbi baza etnike dhe fetare, ishte përcaktuar që të niste në muajin prill por është shtyrë zyrtarisht për në nëntori të këtij viti. Sipas kësaj ministrie, kryerja e procesit të regjistrimit të popullsisë para zgjedhjeve mund të sjellë probleme në terren, pasi komunat e bashkitë, kryetarët e administratat e tyre kanë përgjegjësi kryesore në administrimin e censusit në terren. Periudha e regjistrimit të popullsisë në një kohë me zgjedhjet lokale mund të linte hapësira për të dhëna jo të sakta. Regjistrimi popullsise mbi baza etnike dhe fetare eshte bere objekt debati ditët e fundit, sidomos pas deklaratave te konsullit grek ne Korce ku bente thirrje vllehve te regjistrohen si greke. Fenomeni i ndërrimit të kombësisë nga shqiptarë në grekë në jug të vendit u denoncua nga nënkryetari i KLD-së Kreshnik Spahiu, ndërkohë që kjo çështje është tashmë në Gjykatën Kushtetuese. Projekti i regjistrimit të popullsisë, me vlerë 15 milionë euro, është kundërshtuar nga përfaqësuesit e komuniteteve fetare, historianët, organizata të ndryshme, etj., të cilët kritikojnë pyetësorin me mbi 100 pyetje për regjistrimin e popullatës. (s.g/BalkanWeb)

(Top-Channel) Historia e marrëdhënieve shqiptaro-greke është e tejmbushur me momente delikate, përplasje diplomatike e deri ushtarake. E gjendur përballë një pozicioni historikisht tolerant nga ana e Tiranës zyrtare, politika greke dhe grupime të mbështetura prej saj kanë ushtruar presion të vazhdueshëm për realizimin e ëndrrave me Vorio Epirin. Ndërkohë, Shqipëria është drojtur deri më sot të hedhë në tryezë problemin e vetëm real mes dy vendeve: Çamërinë. Udhëtimi ynë shkel përmes të njëjtave gjurmë të lëna në 1944 nga mijëra e mijëra çame të masakruar e të përzënë me dhunë nga tokat e tyre, gjurmë të cilat nuk janë shuar plotësisht edhe sot, 67 vjet më pas. Igumenicë, Filat e kështu me rradhë, ndër qytetet e zhurmshme është e vështirë të dallosh shenja të një periudhe të cilën vendasit e rinj janë kujdesur mirë që ta fshehin. Edhe ndonjë shqiptar i mbetur druhet të flasë e fshihet menjëherë sa sheh praninë e kamerës. Pas rreth dy orësh mbërrijmë në Margëlliç, fshatin me rreth 1200 banorë, ngritur diku mes kodrave të buta e të gjelbëruara të Thesprotisë. Mjaftojnë vetëm pak metra të përshkuara në rrugicat e tij për të dalluar menjëherë ndoshta simbolin më të fortë e kuptimplotë të një historie tjetër, të një historie të shkuar të cilën në këtë tokë nuk kanë mundur ta çrrënjosin. Minarja, e mbetur jetime pa xhaminë e saj në një fshat ku nuk ka qoftë edhe një musliman, është sot e rrethuar nga kishat ortodokse të cilat bëjnë hije në këtë vend që dikur ka folur ndryshe. Në pjesën e sipërme të fshatit dallohen gërmadhat e dhjetra e dhjetra shtëpive që flasin më mirë se gjithçka për atë që ka ndodhur këtu me çamët 67 vjet më parë. Pronarët e rinj shumicën e tyre i kanë kthyer në haure për bagëtinë, ndërsa rrënoja të tjera shtëpish mezi ngrenë krye nga toka. Prania jonë në Margëlliç nuk mirëpritet, liria për të xhiruar zgjat vetëm pak minuta pasi menjëherë kamera e Top Channel bllokohet nga banorë të irrituar, mes të cilëve edhe kryeplaku i fshatit. Nën presion, kamera e fshehtë mbetet e vetmja zgjidhje. Kryeplaku, i mbështetur nga punonjës të postës policore të fshatit, na detyron ta ndjekim në zyrën e tij. Telefonatat e shumta na bëjnë të kuptojmë se vizita jonë ka shkaktuar shqetësim edhe përtej Margëlliçit. “Duhet të kishit bërë një letër tek bashkia dhe një tek policia. Nëqoftëse nuk do të kishit kamera në dorë nuk do të ndodhte asgjë, as me policine, as me asnjë”, thotë kryeplaku. Drejtuesit e fshatit, pas direktivave të marra nga autoritetet në Igumenicë, na thonë se në Margëlliç jetojnë vetëm 6 familje shqiptare e me këtë rast, jo pa qëllim na ofrojnë intervistë me njërin prej tyre. Sigurisht, emigranti nga Karbunara e Lushnjes është i detyruar të pohojë atë që i kërkohet. « Familjet shqiptare kanë ardhur këtu në vitin 2001, atëherë i solla dhe unë se më parë kam qenë vetëm. Të gjitha familjet shqiptare kanë ardhur pas viteve 90 », thotë një emigrant para kamerës. Përmes emigrantit, tentohet të propagandohet dhe manipulohet një tjetër histori, që lidh shqiptarët me Margëlliçin vetëm pas viteve 90. Pas intervistës lejohemi të filmojmë sërish. Por, edhe këtë herë gjithçka zgjat vetëm pak minuta, pasi grupi i Top Channel vihet nën vëzhgimin e rreptë e të paktën tre makinave të policisë greke. Ndjekja vazhdon edhe pse makina e Top Channel del nga fshati Margëlliç. 2 nga autoveturat greke mbajnë distancë, ndërsa njëra prej tyre, me ngjyre blu, qëndron gjatë gjithë kohës më afër. Shpesh herë gjatë rrugës automjetet e mbushura me civilë ndërrojnë vendet me njëra-tjetrën, por pa hequr dorë nga ndjekja e makinës së Top Channel. Në kufi afrohet vetëm njëra prej tyre nga ku dalin dy persona të veshur civil, të cilët, siç duket edhe nga pamjet, i kërkojnë policisë kufitare të vonojë procedurat e lejim-kalimit të grupit të Top Channel për në Shqipëri. Pas rreth 40 minutash largohemi drejt Shqipërisë duke lënë pas jo vetëm imazhet e një krimi masiv që kërkon drejtësi, por mbi të gjitha të një fqinji që nën ethet e nacionalizmit I trembet edhe një kamere televizive duke ekspozuar kështu anën më të shëmtuar. Kjo ndodh në një kohë kur dërgatat greke të politikanëve, emigrantëve greko-amerikanë, nacionalistëve të të gjitha markave, jashtë apo nën kontrollin e Athinës zyrtare, gazetarë, diplomatë e deputetë, vijnë në Shqipëri e shtrojnë bash mu në mes të shqiptarëve e u mbajnë fjalime për tu kujtuar se tani së fundmi janë bërë grekë. Këta njerëz lejohen t’i bëjnë këto, jo vetëm për shkak të përulësisë së politikës sonë, por mbi të gjitha sepse Shqipëria nuk ka çfarë t’i fshehë Greqisë, përveçse t’i kërkojë me zë të lartë të drejtat e çamëve. Pikërisht këtu buron frika e grekëve, të cilët na ndjekin pas tërë panik sepse e dinë që ne jemi në vendin e krimit, i cili për fat të keq ende nuk është hetuar. Ndërsa altoparlantët grekë të politikës e kishës janë angazhuar në thirrje që banorët e Korçës dhe zonave të tjera të jugut të deklarohen grekë, këtu në fshatrat e Çamërisë të gjithë i tremben një dokumentari që nuk synon të mbjellë nacionalizëm dhe urrejtje, por thjesht të risjellë në kujtesë krimet dhe genocidin grek. Shtëpitë e rrënuara, minarja e mbetur e vetmuar që prej dëbimit të popullsisë vendase dhe mijëra dëshmi të njerëzve që janë ende gjallë janë fakte më të forta se pensionet e Athinës për fukarenjtë të cilëve u kërkohet të shesin edhe identitetin për ca para më shumë.

sms06.jpg Gjate seancës së Kuvendit të Kosovës, në kohën e votimit për president, i nominuari për t’u bërë simbol i unitetit të kësaj Republike, duket se ka qenë më shumë i zënë me leximin e mesazheve elektronike në telefonin e tij mobil, të cilat, sipas asaj që ka zënë fotokamera, ishin instruksione për sjelljet dhe pritjet gjatë votimit të tensionuar dhe, në momente, shumë të paparashikueshëm, që - siç tregojnë qartë edhe “SMS-të presidenciale” – është përcjellë me pasiguri nga vetë i nominuari, shkruan sot “Koha Ditore”. Një pjesë e SMS-ve – ato më relevantet në lidhje me procesin e votimit për president - shihet se i janë dërguar Pacollit nga këshilltari i tij, Essad Puskar, i cili, gjatë seancës së Parlamentit, ka qenë në mesin e korit diplomatik, afër ambasadorëve dhe zyrtarëve ndërkombëtarë që ishin prezentë në galerinë e sallës së Kuvendit të Kosovës. Pusskar, sipas informatave nga ueb faqja e tij, është partner me Pacollin në kompaninë e tij Mabetex, ndërkohë i shërben edhe si këshilltar i lartë, ndërsa është edhe këshilltar i lartë për politikë të jashtme i partisë së Pacollit, AKR. Para se t’i bashkëngjitej “Mabetex”-it, sipas informatave nga ueb-faqja e tij (essad.puskar.com), Puskar ka punuar për USAID-in si drejtor i programit për Kosovën veriore të Zyrës për Iniciativa të Traniscionit. SMS-të e Puskarit drejtuar Pacollit qartësojnë copëza të prapaskenës së zgjedhjes së presidentit të vendit, të cilën publiku i Kosovës nuk ka mundur ta shihte në transmetimin e drejtpërdrejtë televiziv, për faktin e thjeshtë se një pjesë e procesit është dirigjuar nga larg. “Koha Ditore” sot sjell një pjesë të fotove që dëshmojnë atë që duket të jetë korruptim i procesit demokratik të Kosovës. Një gjë që për shumëkë nuk përbën më lajm në Kosovë – fatkeqësisht! Foto 1: SMS 1, Esad Pushkar për Behgjet Pacollin: U bë. Urime. Ca dallime në moment të fundit me SLS. Po punoj në to. BR. BP Chris është me mua, a është SLS pyet ai, apo çka Foto 2: SMS 2, Esad Pushkar për Behgjet Pacollin: Dell, nuk është SLS, është një fraksion i PDK-së… Por duket se vota e parë ishin nervat… Foto 3: SMS 3, Behgjet Pacolli për Esad Pushkar: Pyete CD-në çka të bëjmë për raundin e tretë Foto 4: SMS 4, Esad Pushkar për Behgjet Pacollin: … ndryshe, dhe ai i thotë jo Jakupit… nëse ti kalon më mirë në raundin e 2-të, ai thotë që t’i qëndrosh kursit Foto 5: SMS 5, Esad Pushkar për Behgjet Pacollin: CD, do mblidhemi me Hashimin pas këtij raundi nëse del njëjtë apo më keq… BP, Dell mendon që duhet të takohesh me Hashimin… Dell doli, shkoi për 2 minuta… Foto 6: SMS 6, Esad Pushkar për Behgjet Pacollin: Dell: Fatmiri dhe Jakupi ishin të frikësuar nga kërcënimi në fund, mendon se do të jetë ngushtë, por OK… _______________________ Ambasadori i SHBA-së në Prishtinë, Christopher Dell ka reaguar ndaj publikimit të sms porosive të këmbyera gjatë seancës së djeshme të Kuvendit të Kosovës, në të cilën u votua për zgjedhjen e presidentit dhe qeverisë së re të Kosovës. Në letrën dërguar Këshillit të Pavarur të Medieve të Kosovës, Dell shkruan: Isha i zhgënjyer kur mësova sot se mjetet e shtypit kishin përgjuar dhe regjistruar dhe rrjedhimisht edhe kishin shtypur ose transmetuar në shkallë vendi korrespodencat dhe bisedat private. Këto media, përfshirë edhe “Kohën Ditore”, “Express” dhe KTV, kanë tejkaluar kufirin duke transmetuar komunikimin privat që ka ndodhur në sallën e Kuvendit më 22 shkurt, përfshirë edhe një thirrje të qartë telefonike që më përfshin mua. Po ju shkruaj anëtarëve të KPM-së lidhur me këtë veprimtari joprofesionale, joetike dhe potencialisht të paligjshme. Unë nuk jam i trazuar nga përmbajtja e këtyre komunikimeve, të cilat nuk pasqyrojnë asgjë më shumë se sa përpjekje të zakonshme për të mbledhur informata në një ambient të hutuar dhe komentet domethënëse të shprehura nga palët e treta, përfshirë edhe një pohim plotësisht të respektuar se udhëheqësit politikë të vendit duhej të merrnin vetë disa vendime për vetvete, por më shumë nga veprimi i qartë i paligjshëm i mediave [...] _______________________ Koha Ditore përgjigjet: Për zotin Dell “është përtej çdo dyshimi” se të dy mediumet tona, gazetarët, redaktorët dhe udhëheqësit i kemi thyer standardet etike dhe profesionale të pritshme në një shtet demokratik. Kjo për shkak se patëm guximin t’i botonim fotografitë e komunikimit me sms-a ndërmjet këshilltarit të kryetarit të porsazgjedhur të Kosovës, i cili fliste në emër të zotit Dell, apo transmetonte atë që e thoshte zoti Dell në lidhje me momentet e caktuara të procesit, me vetë, atëherë kandidatin për kryetar. Gjithashtu, për shkak se kishim transmetuar incizimin e një bisede që po e zhvillonte ai, dhe e kishim përkthyer. Zoti Dell nuk ishte i kënaqur me faktin se këto i kishim bërë publike, por nuk shfaqte brengë për përmbajtjen e asaj që kishim bërë publike. E ajo që e kishim botuar, megjithatë, nuk ishte “...përpjekje të zakonshme për të mbledhur informata në një ambient të hutuar...”, por, në fakt, ishte ndikim i drejtpërdrejtë në ndërprerjen e procedurës së zgjedhjes së kryetarit, të cilën edhe vetë kryesuesi e cilësoi si shkelje të Rregullores së punës së Kuvendit, e madje edhe të Kushtetutës. Ishte ndërhyrje e drejtpërdrejtë në procesin e zgjedhjes së institucioneve. Për të cilën ne zgjodhëm t’i zbulojmë si fakte të pamohueshme [...]

Thomas Hammarberg, komisioneri për të Drejtat e Njeriut në Këshillin e Evropës përpiloi një raport pas vizitës dyditore në Shqipëri mbi ngjarjet e 21 janarit, ditë në të cilën, sipas raportit, protesta e organizuar nga Partia Socialiste rezultoi në përleshje mes demonstruesve, policisë dhe Gardës. Katër persona u qëlluan për vdekje, dhjetra të tjerë u plagosën, ndërkohë që komisioneri i të drejtave të njeriut vëren se policia ka ushtruar më tepër forcë se ç'duhej. “Ne teresi, zyra e prokurorit te pergjithshem eshte perballur me nje detyre jashtezakonisht te veshtire. Fokusi duhet te jete ne pergatitjen e ndjekjeve penale kunder atyre qe dyshohet se kane kryer krime. Duhet thene se disa nga aktet e kryera ate dite duhen konsideruar ‘krime’, pavaresisht klimes politike, si dhe kush filloi spiralen negative te dhunes. Ky eshte rasti i te shtenave vdekjeprurese, sulmet e disa demonstruesve kunder policise dhe dhuna e paprovokuar e policise gjate arrestimit dhe transportimit te personave te ndaluar”, thuhet në raport. Ne menyre me te detajuar, komisioneri shpjegon ne raport se perceptimet e qeverise dhe opozites, mbi ceshtjen e provokimit te dhunes se 21 janarit, jane te ndryshme dhe konfliktuale. “Sipas autoriteteve qeveritare, protesta u organizua nga opozita, në mënyrë që të rrëzonte qeverinë me forcë, ndërsa opozita pohon se ishte policia që provokoi protestuesit, pothuajse me te filluar demonstrimi. Duket qartë se një grup i demonstruesve kanë kryer akte të dhunshme kundër policisë dhe Gardës së Republikës, duke hedhur gurë dhe duke përdorur shkopinj nga parullat për t'i goditur ata. Disa protestues dogjen edhe makinat e parkuara në afërsi të vendit te protestes. Në përgjigje, policia përdori një shumëllojshmëri mjetesh të tilla si shkopinjtë, uje, gaz lotsjellës dhe plumba gome. Si rezultat i përleshjeve të dhunshme midis demonstruesve dhe policisë, pati dhjetëra te plagosur nga të dyja palët”, thuhet në raport. Pas ketij shpjegimi, raporti e vecon perdorimin e armeve te zjarrit nga Garda e Republikes duke e cilesuar "jo-proporcional" perballe akteve te demonstruesve dhe duke ngitur pikepyetje mbi ligjshmerine e perdorimit te tyre. Ky problem eshte adresuar ne takimin me kryeministrin dhe ministrin e Brendshëm, sipas raportit. “Në një fazë të mëvonshme gjatë demonstratave, armët e zjarrit janë përdorur nga anëtarë të Gardës së Republikës. Katër protestues kanë vdekur dhe disa persona të tjerë u plagosen me armë zjarri, cfare ngre pyetje për ligjshmërinë dhe proporcionalitetin e përdorimit të forcës. Kryeministri dhe ministri i Punëve të Brendshme informuan komisionerin se Garda e Republikes kishte të drejtë për te përdorur forcën vdekjeprurëse në rrethana të veçanta, kur shkelet perimetri i sigurisë së ndërtesave qeveritare. Ndërkohe qe komisioneri kuptoi se të katër vrasjet në fakt kane ndodhur jashtë perimetrit të sigurisë së ndërtesës së kryeministrit, te dy qeveritaret pohuan se ka pasur përpjekje nga protestuesit për të hyrë në oborr”, thuhet në raport. Me tej, ne raport thuhet se ka materiale deshmuese, perfshire edhe pamje filmike, qe tregojne se policia perdori dhune, gjate protestes e pas saj, kur 113 persona u ndaluan, 19 nga te cilet ishin te mitur. “Të gjithe të ndaluarit flasin per keqtrajtim gjatë arrestimit dhe transferimit të tyre në objektet e paraburgimit. Ata argumentuan se, edhe pse dokumentet në lidhje me paraburgimin e tyre mbanin nënshkrimin e avokatëve, apo të psikologëve në rastin e të miturve, atyre nuk u ishte siguruar ndihme juridike në realitet. Të gjithë të arrestuarit vunë në dukje se ata kishin nënshkruar dokumentet në fjalë nën presion psikologjik”, thuhet në raport. Pjesa e trete e raportit nxjerr ne pah nevojen e riorganizimit te masave kontrolluese ndaj turmes. “Policet e reshtuar ne front para nderteses ishin te paarmatosur dhe nuk kishin as mburoja... Pas shperthimit te dhunes, radha e pare e policeve u zevendesua nga te tjere, te trajnuar e te pajisur me mire. Gjithsesi, kur granatat e gazit u hodhen, pati mungesa te maskave kundragaz ne radhet e policise, cfare shkaktoi demtimin e tyre nga gazi. Perfaqesues te OJQ-ve, te pranishem ne demonstrate, treguan se gazi dukej se kishte efekte me helmuese se gazi i zakonshem lotsjelles. Pershtypja e tyre ishte se kjo gje kontribuoi ne tensionimin e metejshem te situates, edhe tek forcat e policise. Mund te argumentohet se nje strategji kontrolli kompetente per trazira duhet te perfshije edhe gatishmerine per ta parandaluar ate, ne rast domosdoshmerie, duke reaguar menjehere me profesionalizem ndaj tendencave te dhunes, edhe nese kjo kerkon investime shtese. Eshte e qarte se pas nje demonstrate me pasoja te tilla tejet negative, nevojitet nje shqyrtim i hollesishem per pajisje, trajnim e strategji per kontrollin e trazirave”, thuhet në raport. “Duhet nenvizuar gjithashtu se ata qe organizojne demonstrata e mitingje proteste duhet te nderrmarrin hapa per te parandaluar zhvillimet e dhunshme, per shembull, nje ekip i demonstrueseve duhet te sherbeje si roje vullnetarisht dhe ata mund te perfaqesojne demonstruesit ne negociata me perfaqesuesit e zbatuesve te ligjit”, lexohet në dokument. Nje vend te posacem ze ne raport dhe hetimi i ngjarjeve nga prokuroria dhe akuzat publike ndaj saj. “Komisioneri mesoi se vete prokurorja e pergjithshme eshte kritikuar nga politikanet ne pushtet dhe se qendrimi i saj eshte shnderruar ne ceshtje fjalimesh te polarizuara politike. Perfaqesuesit e te dy blloqeve politike i thane komisionerit se nuk ekzistonte nje alternative tjeter pervec prokurorit te pergjithshem per te kryer keto hetime. Gjithsesi, komisioneri kuptoi se puna e zyres se saj do te ndiqet ne menyre kritike”, thuhet në dokument. “Asistenca teknike e autoriteteve amerikane ndaj Prokurorise se Pergjithshme duket se ka nje vlere te konsiderueshme. Komisioneri sugjeron se ndihma e komunitetit nderkombetare duhet te vazhdoje pergjigjet pozitive ne kete kontekst”, lexohet në raport. Komisioneri per te drejtat e njeriut ne Keshillin e Evropes konkludon se nevojitet hetim i plote, i paanshem dhe i besueshem mbi shkeljen e te drejtave te njeriut me 21 janar, me qellim qe te parandalohen zhvillime te tilla te renda ne te ardhmen. “Nga ky moment, duhen shmangur akuzat dhe kritikat ndaj Prokurores se Pergjithshme dhe te gjitha autoritetet duhet te bashkpunojne menjehere dhe plotesisht me zyren e akuzes, perfshire ketu dhe Policia e Shtetit”, vecon raporti i suedezit Hammarberg. Përgatiti Arta Tozaj/TCH

Një gardist është vënë në pranga mbrëmjen e së hënës, i akuzuar si autor i një prej vrasjeve në demonstratën e 21 janarit, ku u vranë 4 demonstrues. Me urdhër të Prokurorisë në pranga është vënë Agim Llupo, shefi i shtabit të njësisë speciale të Gardës se Republikes pasi organi i akuzës e akuzon atë se ka qëlluar për vdekje demonstruesin Ziver Veizi. Burime nga Prokuroria bëjnë të ditur vetem sot se provat e ekspertizës balistike vërtetuan se Veizi u vra nga fishekët e automatikut MP 5, armë kjo që u përdor nga gardisti Agim Llupo që ndodhej në detyrë në 21 Janar.

Procesi i parashikuar të niste më 1 prill është shtyrë pa vendosur një tjetër datë se kur do të kryhet Qeveria shqiptare ka shtyrë projektin e saj për të regjistruar popullsinë në vend mbi baza etnike dhe fetare. Burime zyrtare brenda kabinetit qeveritar bëjnë të ditur se procesi i shumëpërfolur i regjistrimit të popullsisë, i cili pritej të fillonte në 1 prill të këtij viti është shtyrë, pa përcaktuar një tjetër datë se kur ai do të nisë. Në lidhje me këtë shtyrje, burimet japin një sërë arsyesh, por tri mësohet se janë më kryesoret. Arsyeja e parë lidhet me faktin se procesi i regjistrimit të popullsisë mbi baza etnike dhe fetare ngjalli menjëherë reagimin e ashpër të shumë intelektualeve dhe grupeve të interesit në vendin tonë. Frika se me këtë proces do të abuzohej, duke rritur në mënyrë fiktive numrin e minoriteteve, u shpreh menjëherë nga intelektualët shqiptarë dhe po kështu nga grupe të caktuara interesi, siç është komuniteti çam në Shqipëri. Shqetësimi u fokusua kryesisht tek një pjesë e shqiptarëve të cilët për interesa të ditës mund të deklaronin se i përkisnin etnisë greke, nisur edhe nga eksperienca e hidhur që vendi ynë ka pasur me këtë çështje me një pjesë të popullsinë që jeton në Jug. Nga ana tjetër, regjistrimi i popullsisë, proces ky që zakonisht kryhet njëherë në 10 vjet, përkon me fushatën elektorale të partive shqiptare për zgjedhjet lokale të 8 majit. Një proces i zhurmshëm regjistrimi, i përzier me një fushatë zgjedhore intensive, e cila nisur nga gjendja aktuale politike pritet të marrë ngjyrime të forta, nuk do t’i shërbente klimës së përgjithshme në vendin tonë. Burimet përmendin si arsye të tretë, por jo më pak të rëndësishme në marrjen e këtij vendimi, edhe kërkesën që Partia për Drejtësi, Integrim dhe Unitet i ka bërë qeverisë shqiptare, për shtyrjen e procesit të regjistrimit të popullsisë. PDIU, e cila është një parti e formuar nga shkrirja e dy partive që përfaqësonin komunitetin çam në vend, konsiderohet sot si një aleate kyçe për qeverinë ‘Berisha’, nisur edhe nga fakti se kjo parti përfaqësohet me dy deputet në Parlamentin shqiptar. Në këtë kuadër, kryetari i PDIU-së, Shpëtim Idrizi përgjatë ceremonisë së krijimit së partisë së re, i kërkoi në mënyrë të qartë qeverisë që ta shtynte procesin e regjistrimit të popullsisë mbi baza etnike dhe fetare dhe të kërkonte më shumë konsulta në lidhje me këtë proces. Procesi i ri i regjistrimit të popullsisë shqiptare është njoftuar nga përfaqësues të qeverisë në fund të vitit të shkuar, dhe Kryeministri Berisha mandatoi ministrin e Informacionit dhe Teknologjisë, Genc Pollo për ta drejtuar dhe mbikëqyrur atë. Regjistrimi i popullsisë mbi këtë formë u konsiderua si normal dhe si një praktikë që zhvillohej në shumë vende europiane. Por, problemet që mund të hapë ky proces duket se e kanë shtyrë qeverinë që ta rikonsiderojë edhe njëherë këtë çështje dhe të gjejë një mënyrë të re për kryerjen e këtij procesi të rëndësishëm. -Gazeta Shqip

Krejt papritur (ne kohe, jo ne pritshmeri) ne mesin e bulevardit te Tiranes ka mbire nje Kulle Ngujimi. Qe te jemi me te sakte ne terma, ndertesa aty ka qene, vetem se i eshte nderruar destinacioni nga Kryeministri ne Kulle ngujimi. Ne “moshen e internetit”, ne kohen e wikileaks, ndersa institucionet shteterore kane krijuar sitet e tyre per te bere transparence me qytetaret, dhe kur politikanet shkembejne mesazhe ne Twitter per te popullarizuar idete e tyre; ne qender te Tiranes ndertesat qeveritare rrethohen me gardhe hekuri, ruhen me ushtare me arme te mbushura dhe me urdher per te qelluar ne mish, si te ishin keshtjella mesjetare. Megjithate kjo ndertese nuk do ta kete kurre fisnikerine e keshtjelles, por do ti mbese per nje kohe te gjate emri i keq i Kulles se Ngujimit, qe ngjan sikur vjen nga thellesite e Bjeshkeve te Namuna per te hedhur hijen e saj ne qender te kryeqytetit. Ne te, ashtu si ne simotrat e saj rurale, fshihen burra te parruar e te palare, te armatosur deri ne dhembe, qe kane vrare e nuk pranojne t’i binden ligjit por ngujohen nen mbrojtjen e kulles se gurte. Nejse, deri ketu te pakten jemi si t’e thuash brenda tradites. Risia qe sjell kjo Kryekulle eshte qe brenda saj eshte ngujuar edhe ai qe e ka bere dhe duhet ta ruaje zbatimin e ketij ligji. Dhe ky eshte kryeministri yne kordhetar. Ketu peshorja e llogjikes thyhet me dysh. Po tani cfare te beje qytetari i gjore? Ai qe nuk eshte as i kuq as blu. Ai qe shpreson qe shteti eshte nje makine qe mbledh taksa, shtyp monedhen, ruan kufijte nga armiqte e jashtem dhe ruan qytetarin nga kriminelet e brendshem! Si t’ia bejme kur gjyqtari ka frike nga vrasesi, polici nga ushtari, populli nga qeveria? Ja nje pyetje e bukur retorike, qe te gjithe ata qe duan te bejne nje jete normale, ne nje vend normal duhet te ulen e t’ia bejne vehtes papushim, pa levizur nga vendi deri sa te gjejne nje rrugezgjidhje. Kesaj rradhe pa Kryeministrin tone kordhetar qe eshte ngujuar me vrasesit ne Kryekulle. Atij e vetmja gje pa bere qe i ka mbetur tani, eshte qe me nje cope thengjill te dale dhe te shkruaje ne murin e kryekulles :“E xanun”. Dhe keshtu e marrim vesh te gjithe, njehere e mire, se perse behet fjale. Nga Spiro Ilo Shume artikull interesante sidomos ky rresht "Atij e vetmja gje pa bere qe i ka mbetur tani, eshte qe me nje cope thengjill te dale dhe te shkruaje ne murin e kryekulles :“E xanun”. "

Harta e territ, kufizimet deri ne 19 ore ne dite Harta e territ, kufizimet deri ne 19 ore ne dite E Shtune, 09 Dhjetor 2006 Korporata Elektroenergjetike Shqiptare beri publike dje grafikun e nderprerjeve te energjise ne rang vendi. Oraret e reja do te variojne nga 4 deri ne 19 ore ne dite. Serish zonat me te penalizuara jane ato te veriut te vendit, ku kufizimet arrijne maksimumin Fatjon Ferko Kufizimet e energjise elektrike ne qytet dhe ne fshatra u rikthehen oreve te gjata. Dje, Korporata Elektroenergjetike Shqiptare beri publike oraret e nderprerjes se energjise elektrike per te gjithe vendin, qe variojne nga 4 deri ne 19 ore ne dite. Tashme vendi i eshte rikthyer krizes energjetike, duke iu nenshtruar oreve te gjata te kufizimeve te energjise. Kryesisht qytetet do te vuajne 4 ore ne dite mungesen e energjise elektrike, ndersa fshatrat do te jene me te penalizuarit. Ashtu si edhe vitin e kaluar, zona e veriut te vendit do te kete kufizimet me te thella, qe arrijne ne 19 ore ne dite. Megjithese nuk eshte deklaruar, duket se edhe kete vit kriteri perzgjedhes eshte niveli i arketimeve. Ndryshe nga vitet e tjera, gjate ketij dimri, Tirana do te jete nje nder qytetet qe do te vuaje rreth 4 ore ne dite mungesen e energjise. Sipas njoftimit per shtyp te KESH-it, mesohet se keto kufizime do te jene provizore, pasi pritet te rritet sasia e energjise se importuar. Megjithate, oraret e kufizimeve kane pak gjasa te ndryshojne, duke pare situaten e prodhimit te energjise ne vend. Qytetet qe jane permendur nga KESH-i, si qytetet me te rregullta te pagesave te energjise elektrike kane vetem 2 ore kufizime ne dite, ndersa rrethet e veriut arrijne ne rreth 19 ore. Gjithashtu, faktor tjeter qe ndikon ne percaktimin e orareve te kufizimeve eshte edhe niveli i humbjeve ne rrjet te energjise. Rrethet e veriut te Shqiperise do te vuajne me teper mungesen e energjise elektrike. Sipas vendimit te Korporates Elektroenergjetike Shqiptare, rrethet veriore te vendit si Tropoje, Kukes, Has dhe Shkoder do te kene nga 6 deri ne 9 ore kufizime te energjise elektrike. Per te rritur oraret e furnizimit me energji, KESH-i vuri si kusht pagimin e faturave, por ne shume pak rrethe u vu re rritje e arketimeve, ndersa ne veri pagimi i faturave qendron ne nivelet me minimale. Alternimi i orarit te kufizimit te energjise eshte bere nje pjese paradite dhe nje pjese pasdite, por ka edhe zona qe nuk do te kene fare energji gjate oreve te nates. Nuk dihet ende se sa do te ndryshojne keto orare gjate diteve te ardhshme, por gjithcka mbetet ne varesi te importeve, pasi prodhimi vendas varet vetem nga reshjet e shiut.