Tema e ditës

Khamenei akuzon Obamën: Ndjekës i politikës së irano-fobisë Udhëheqësi suprem i Iranit, Ajatollah Ali Khamenei, i ka dhënë një përgjigje të ftohtë vendimit amerikan për heqje të një plani të vendosjes së një mburoje raketore që kishte si qëllim përballimin e kërcënimeve që vinin nga Irani.</p> Në reagimin e parë zyrtar ndaj veprimit, Ajatollah Khamenei akuzoi presidentin Obama se po ndiqte politikën e irano-fobisë si paraardhësit e tij.</p> Në fjalimin që shënoi fundin e muajit të Ramazanit, Ajatollah Ali Khamanei tha se autoritetetet amerikane që akuzuan Iranin se kishte si qëllim të ndërtonte bombë bërthamore, e dinin se e kishin gabim.</p> “Është pjesë e politikës së tyre të fobisë që kontrollon sjelljen e këtyre qeverive arrogante sot,” tha ai.</p> “Ne me forcë hedhim poshtë armët bërthamore dhe ndalojmë prodhimin dhe përdorimin e armëve bërthamore.</p> Ai kërkoi që qeveritë perëndimore të rishikonin politikën e tyre. “Ata duhet ta korrigjojnë këtë gjë.”</p> Më herët këtë muaj, SHBA dhe pesë fuqitë botërore pranuan një ofertë të Iranit për të mbajtur ato që u cilësuan si “bisedime të gjera dhe konstruktive” mbi një seri çështjesh, përfshirë dhe çarmatimin global.</p> Shefi i politikave të jashtme të BE, Havier Solana tani do të mbajë bisedime me Iranin rreth programit bërthamor në një Tetor.(Shekulli)</p> Ky artikull eshte marre nga: http://www.albaniasite.net/?p=22687. Per me shume artikuj te ngjashem vizitoni: http://www.albaniasite.net/?p=22687

Flavio Briatore përjashtohet përjetë Flavio Briatore, ish-menaxheri i skuderise Renault ne Formula1 eshte përjashtuar perjetesisht nga ky sport, nderkohe qe skuderia franceze eshte pezulluar me kusht per dy vitet e ardhshme. Ky eshte vendimi surprize i Keshillit Boterore te Federates Nderkombetare te Automobilizmit i mbledhur ne Paris, i cili ka vepruar me dore te hekurt ndaj Briatores dhe skuderise franceze, qe ne Cmimin e Madh te Singaporit ne Boterorin e vitit 2008 ka urdhëruar pilotin e saj Nelson Piquet JR te perplaset, ne menyre qe te ndihmonte shokun e tij te skuadres, dy here kampionin e botes Fernando Alonso.</p> Ky i fundit nuk ka marre asnjë ndeshkim, ndryshe nga zerat se atij do t’i hiqeshin titujt. I ndryshem eshte diskutimi per Flavio Briatoren, i cili eshte dhe nje nga emrat me te mëdhenj te Formula 1. Keshilli Boteror i FIA-s, ka vendosur qe ai te mos marre kurre me nje rol ne Formula1 si dhe nuk do te kete te drejte te apeloje kete vendim.</p> Nderkohe Renault eshte pezulluar dy vjet me kusht. Kjo do te thote se skuderia franceze ka te drejten te apeloje kete vendim dhe deri ne marrjen e nje vendimi definitiv, ajo mund te vazhdoje te garoje.</p> Po ashtu, penalizime ka patur edhe per drejtuesit e tjere te Renault, ku drejtori teknik Pat Symond eshte përjashtuar pese vite nga Formula 1.(Shekulli)</p> Ky artikull eshte marre nga: http://www.albaniasite.net/?p=22690. Per me shume artikuj te ngjashem vizitoni: http://www.albaniasite.net/?p=22690

Enciklopedia maqedonase, goditje e rëndë për shqiptarët Akademikët, studiuesit dhe historianët shqiptarë dënojnë veprën e turpshme dhe kërkojnë heqjen e saj nga qarkullimi</p> “Një provokacion politik maqedonas ndaj shqiptarëve dhe historisë së tyre”. Kështu e kanë cilësuar studiuesit shqiptarë përmbajtjen e Enciklopedisë së realizuar nga Akademia e Shkencave të Shkupit, ku shtrembërohen faktet historike për shqiptarët dhe ata goditen rëndë në identitetin e tyre kombëtar.</p> Zv/kryetari i Akademisë së Shkencave në Tiranë, Myzafer Konkurti, deklaroi dje për median se shkrimet janë shtrembërime të historisë dhe se shqiptarët janë autoktonë në Maqedoni dhe se këto shtrembërime kanë qëllime “politike”. Studiuesit shqiptarë e cilësojnë një minim për bashkëjetesën mes dy komuniteteve Enciklopedinë Maqedonase, duke pohuar madje se ajo nuk është një botim rastësor, por një provokacion politik. Historiani Pëllumb Xhufi ka deklaruar se kjo akademi, në 2001-shin botoi një promemorie që hidhte idenë e ndarjes së Maqedonisë dhe e cilëson këtë enciklopedi si shpirt të keq intolerant, që nuk sheh mundësi bashkëjetese mes sllavëve dhe shqiptarëve.</p> Studiuesi Dritan Egro, e cilëson këtë një dështim të radhës të Maqedonisë dhe argumenton se shqiptarët janë një nga popujt më të vjetër në Ballkan. “Më duket e pavend sot, kur dokumentacioni historik, Maqedoninë, nga shekulli i 15-të nuk e përmend fare. Ky shtet u krijua për të kënaqur fuqitë e mëdha”, – u shpreh Egro. Historiani dhe politikani i njohur, Sabri Godo, në reagimin e tij thotë se enciklopedia është një goditje e rëndë për shqiptarët dhe me këtë “minohet përpjekja për bashkëjetesë në Maqedoni, mes shqiptarëve e maqedonasve”,- duke e cilësuar enciklopedinë një botim me nëntekst nxitjen e maqedonasve. Godo kërkon që të hiqet nga qarkullimi ky botim dhe Qeveria Maqedonase të reagojë. Enciklopedia u promovua të mërkurën nga Akademia e Shkencave dhe Arteve të Maqedonisë. Në të, akademikët maqedonas i paraqesin shqiptarët si të ardhur nga Shqipëria, dhe uzurpues të shtëpive maqedonase.</p> Akademikët maqedonas thonë se shqiptarët njihen si “arbanasë”, “arnautë” dhe “shqiptari”, kjo e fundit shoqërohet me shpjegimin përkatës (njerëz mali). Në këtë enciklopedi, të financuar nga Qeveria e Maqedonisë, shkruhet se “prejardhja e shqiptarëve të Maqedonisë është nga Veriu i Shqipërisë, fisi i gegëve dhe vendosja e tyre fillimisht ishe nëpër qytetet si Tetovë e Gostivar, të cilët me ndihmën e bandave të kaçakëve terrorizuan popullsinë maqedonase duke i detyruar të shpërngulen, për rrjedhojë, vatrat maqedonase dhe fshatrat e tyre u populluan me shqiptarë. Deri në fillimet e shekullit të 20-të, shqiptarët numëronin 20 mijë banorë”. Sipas akademikëve maqedonas, rritja e numrit të popullsisë shqiptare në Maqedoni argumentohet me natalitetin e lartë dhe migrimet nga Kosova.</p> Shoqata e Veteranëve të UÇK-së “Kalaja” ka reaguar lidhur me heshtjen e institucioneve dhe intelektualëve shqiptarë për botimin e “Enciklopedisë maqedonase”, që sipas kësaj shoqate është shumë poshtëruese për shqiptarët. Sipas kësaj shoqate, kësaj enciklopedie qarqet intelektuale shqiptare duhet t`i kundërvihen me argumente dhe fakte shqiptare, duke hartuar një enciklopedi të mirëfilltë që mbron vlerat shqiptare në Maqedoni. “Apelojmë që sa më shpejtë Shoqata e Historianëve Shqiptarë të punojë në hartimin e një `Enciklopedie Shqiptare` të këtyre trevave tona”, – thuhet në thirrjen e shoqatës së veteranëve “Kalaja”, duke reaguar për praninë e Kryeministrit Nikolla Gruevski dhe Presidentit Gjorgje Ivanov në takime të tilla, që, siç thuhet, “kanë tendenca fashizoide”.</p> Partia Demokratike Shqiptare ka reaguar ashpër ndaj enciklopedisë maqedonase</p> “Mos luani me zjarr, sepse ju garantojmë se do të digjeni”</p> Partia Demokratike Shqiptare ka reaguar ashpër ndaj enciklopedisë maqedonase, e cila poshtëron popullin dhe kombin. Anëtari i Kryesisë Qendrore të PDSH-së, Imer Aliu, në një konferencë për shtyp theksoi se Qeveria aktuale tashmë 15 muaj proklamon nacionalizëm primitiv me përmasa shqetësuese. “Paralajmërimet e PDSH-së, tashmë 15 muaj për nacionalizëm primitiv që proklamohet nga ana e kësaj Qeverie, veçmë po merr përmasa shqetësuese duke bërë falsifikim të historisë dhe duke fyer jo vetëm shqiptarët, por edhe amerikanët dhe britanikët.</p> E gjithë kjo është pasojë e servilizmit të puthadorëve të BDI-së dhe Alisë në këtë Qeveri”, – theksoi Imer Aliu. PDSH-ja, publikisht kërkon të sqarohet roli i anëtarëve shqiptarë të kësaj akademie, Alajdin Abazi, Luan Starova dhe Ali Aliu dhe të njëjtit të japin dorëheqje, sepse kjo enciklopedi fashizoide mban vulën e Akademisë maqedonase, anëtarë të së cilës janë edhe këta shqiptarë. “Akademikët maqedonas, Gruevski dhe Alia tentojnë të gërryejnë historinë e shqiptarëve. I përkujtojmë këta se ne shqiptarët jemi një popull i lashtë që na njeh gjithë bota dhe nuk kontestohemi nga askush. Nga selia e PDSH-së ua dërgojmë një porosi: Mos luani me zjarr, sepse ju garantojmë se do të digjeni”, – theksoi Aliu.</p> Deputeti i BDI-së, Xhevat Ademi, ka reaguar ashpër ndaj enciklopedisë maqedonase</p> Do të padisim Akademinë maqedonase</p> Deputeti i BDI-së, Xhevat Ademi, ka reaguar ashpër ndaj enciklopedisë maqedonase, e promovuar ditë më parë nga Akademia e Shkencave dhe kreu shtetëror maqedonas. “Ali Ahmeti personalisht, por edhe Bashkimi Demokratik për Integrim si parti, do të padisin ASHAM-in për insinuatat dhe gënjeshtrat e prezantuara në Enciklopedi. Padia do të jetë jo vetëm për shpifjet për kryetarin Ahmeti për gjoja krime lufte, por edhe për gënjeshtrat dhe pasaktësitë që përmban enciklopedia për origjinën dhe autoktoninë e shqiptarëve”, – theksoi Ademi, njofton agjencia e lajmeve INA.</p> Ademi thotë se në enciklopedia ka aq shumë pasaktësi, budallallëqe dhe aq shumë idiotizëm e shovinizëm, saqë njeriu duhet patjetër të mendohet thellë se pse ndodh kjo…”Çfarë porosie dëshiron të përcjellë ASHAM-i me këtë? Të vihet sot në pikëpyetje origjina dhe autoktonia e shqiptarëve, këtë mund ta bëjnë vetëm njerëz, të cilët nuk marrin erë nga shkenca, nga historia dhe historiografia nuk e kanë as germën h”, – thotë Ademi. Nga Bashkimi Demokratik për Integrim thonë se nuk do të rrinë duarkryq dhe indiferentë ndaj këtij sulmi primitiv të akademikëve maqedonas, por do t’i ndërmarrin të gjitha masat që të korrigjohen gabimet, gënjeshtrat, shtrembërimet dhe budallallëqet e këtij publikimi të shtypur me paratë e popullit.</p> Kishte pohime për trajnimin e UÇK-së nga oficerët anglo-amerikanë</p> ShBA-BRITANI: Enciklopedia maqedonase është false</p> Ambasada e ShBA-ve në Shkup dhe ajo e Britanisë i kanë hedhur si të pavërteta shkrimet në enciklopedinë e promovuar nga Akademia e Shkencave të Maqedonisë. Nga kjo ambasadë thonë se janë të zhgënjyer nga ky institucion, i cili e ka vënë emrin e vet mbi një pohim të pabazë. Nga Ambasada e ShBA-ve vlerësojnë se ky institucion duhet të mendojë se çfarë do të ndërmarrë për të përmirësuar kredibilitetin e saj.</p> “Pohimet se oficerë amerikanë kanë trajnuar ish-ushtarë të UÇK-së janë të pabaza dhe ‘të turpshme’. Do të jemi në kontakt me Akademinë për këtë gjë, dhe jemi të dëshpëruar nga fakti se ky institucion ka vendosur emrin e vet, mbi një pohim të pabazë”, – thuhet në reagimin e Ambasadës Amerikane.</p> Edhe nga Ambasada e Britanisë së Madhe ka pohuar se “Britania nuk ka bërë asnjë trajnim të UÇK-së, dhe se pohimet e tilla janë false.(Shekulli)</p> Ky artikull eshte marre nga: http://www.albaniasite.net/?p=22671. Per me shume artikuj te ngjashem vizitoni: http://www.albaniasite.net/?p=22671

Ciak! Adrian Paci? Zanati piktor, por tani regjisor. Me Adrian Pacin në një bisedë për kapërcimet e artistit vizual në kinema. Per speculum në 7 minuta: ankth dhe çlirim.</p> Vepra më lirike dhe më e paangazhuara e artistit shqiptar në Milano, e xhiruar në 35 mm. E ekspozuar në Bienalen e Tiranës IV. Paci: Jam amator i kinemasë</p> Filmi “Per Speculum” i xhiruar në një mjedis të gjelbër fshati në Northamptonshire, me fëmijë vendas, u prezantua për herë të parë më 2007-ën në Milton Keynes Gallery Film thamë? Po. Kjo vepër e porositur nga galeria britanike dhe galeria “Francesca Kaufmann” në Milano, e kërkoi Adrian Pacin për herë të parë në rolin e filmmaker-it.</p> 40-vjeçari i lindur në Shkodër, që jeton në Milano prej vitit 1997 dhe krijon ku të mundet, po guxon përtej përdorimit “të zakonshëm” që i bën një videoartist imazhit në lëvizje.</p> Paci që krijon në pikturë dhe ka formim akademik klasik (Akademia e Arteve Tiranë), po edhe instilacion e video, për herë të parë prezantohet në Tiranë me “Per Speculum”, të cilin ai e ka xhiruar në 35 mm.</p> Kuadri, “personazhet”, portretet, heshtja, tensioni, montazhi, deri edhe ngjyrat që në 7 minuta janë gati të krijojnë një “fabul” sjellin reminishenca të një kinemaje “të bërë mirë”, diçka nga “skena e krimit” tek Blow-up i M.</p> Antonionit. Themi është gati për një fiction, sepse këtu qëllim nuk është rrëfimi i një historie, por “rrëfimi” i një koncepti, i një nocioni që lidhet me përvoja universale të njeriut, me shqetësime të tijat të shtruara në libra si “Bibla”, që edukojnë në mënyrë jo direkte vetëdijen e njeriut. Disa fëmijë rendin në fushë.</p> Në fokus është një pemë me formën e Pemës së Dijes. Fëmijët rrinë pa lëvizur, kamera ndalet në secilin portret. Janë të bukur, të pafajshëm. Kuadri valëzohet lehtë dhe ca nga ca zbulohet se ky kuadër është pasqyra ku janë reflektuar fëmijët.</p> Një palë llastiqe dhe objekti ynë njohës ndahet copash. Me to, fëmijët të fshehur në degët e pemës, përdorin dritën e diellit ndaj syve të njëri-tjetrit. Është puna më lirike dhe më e paangazhuara e Adrian Pacit, e ekspozuar në Bienalen e Tiranës IV.</p> Është me rëndësi marrja e saj në këtë bisedë me autorin për disa arsye: për përvojën individuale që mban vepra, përvojë me imazhin, filozofike, religjioze, edhe për influencën e arteve, për këmbimet mes tyre, për pamjaftueshmërinë e shprehjes me një mjet vetëm.</p> Nëse kritika e ka lexuar “Per Speculum” si “një udhëtim nga pafajësia tek përvoja”, procesin prej nga ka ardhur mund ta quanim një udhëtim nga përvoja tek pafajësia, kapërcim që Paci ka bërë nga kufijtë e arteve vizuale tek kinemaja.</p> Në çfarë momenti është bërë “Per Speculum”?</p> Shpeshherë, punët e mia, sidomos punët në video kanë lindur edhe falë takimeve me disa momente jetese, ku elementi individual, konkret, i një konteksti të caktuar ka qenë shumë i rëndësishëm.</p> Më vonë, gjatë realizimit, puna hapet drejt kuptimeve të ndryshme, drejt metaforave, drejt një lloj universalizimi. Mirëpo ky lloj qëndrimi ka bërë që puna ime të jetë e lidhur shpesh ose me realitetin shqiptar, ose me realitetin e emigracionit.</p> Asnjëherë nuk kam qenë i interesuar të përshkruaj përvojën time, as të bëj deklarata për emigracionin ose për shqiptarizmën. I kam shfrytëzuar këto si momente që ushqejnë një lloj reflektimi, fantazie, kreativiteti.</p> Nga ana tjetër, dëshira për të ikur ose për të provuar, për të ndërtuar një shprehje ku pjesa imediate është pak më e vagullt, pak më ambigue, ka qenë prezente në kërkimet e mia.</p> Mos do thuash që kjo punë rri në këto kufij të realitetit jo imediat?</p> Kjo punë nuk lind nga një marrëdhënie direkte me një realitet, as nga përvoja personale, as nga marrëdhëniet me Shqipërinë, por duke përdorur elementë të thjeshtë jo të sforcuar – kjo është një kërkesë që unë shpesh e kam në punën time – të krijoj një lloj metafore më të hapur. Kështu që, elementë si fëmijëria, natyra, drita, pema, ose aksioni i thyerjes që ka një lloj dhune brenda, nuk i kam përdorur me dëshirën që të jenë elemente simbolike.</p> Por jam koshient që kanë ngarkesë metaforike, kanë mundësi interpretimi të gjerë. Puna ishte vendosja e tyre në një narracion të thjeshtë, në të njëjtën kohë edhe sugjestiv. Është realizuar në Angli në vitin 2006, në Milton Keynes, një qytet afër Londrës. Kisha kohë që kërkoja një pemë.</p> Një Pemë të Njohjes?</p> Ajo pemë ka referime ikonografike që çojnë në një lloj përshkrimi mesjetar ose alkimik.</p> Përse afër këtyre ndjesive?</p> Para kësaj pune kisha realizuar videon “Turn on”, e të papunëve në Shkodër. Pra, kisha krijuar diçka me një skenografi që ka një lloj monumentaliteti. Edhe tek kjo punë kërkoja të ruaja forcën ikonike, forcën e imazhit që ka pema, që brenda një peizazhi të mbledhë dhe të çlirojë energji në të njëjtën kohë.</p> Nga ana tjetër, më pëlqente ideja e fëmijëve të ulur në pemë që të kujton pemën biblike, pemën alegorike, me elementet e alkimisë.</p> Peizazhi nuk mbetet i qetë, kalon në “aksion”; fëmijët heshtin, hezitojnë, dyshojnë, pastaj qëllojnë.Edhe gjitha kjo kalon nëpërmjet një lloj tensioni. Më pëlqen të krijoj momente dyshimi, tensioni, momente ku ti mendon se kupton diçka, por në të vërtetë shfaqet diçka tjetër.</p> Ti mendon se po sheh diçka, por në të vërtetë po sheh punët e tyre në pasqyrë. Këtu dalim edhe te çështja e statusit të imazhit: ka imazhi materialitet apo jo? Sepse kur thyhet pasqyra zhduket imazhi.</p> Të gjitha këto reflektime kanë qenë prezente tek unë dhe dëshira ime ishte t’i vendosja në një narracion të thjeshtë po edhe jolinear. Ju shihni që shfaqen dy këmbë të varura, pra krijohet një situatë e errët, ankthi, dramatike.</p> Dhe ti je mbrapa kamerës, je regjisori në këtë mes, sepse kemi të bëjmë me një film, në një kuptim.</p> Edhe kjo është. Shiko, unë tamam, tamam jam piktor, pikturën e kam zanat. Me imazhin në lëvizje kam një lidhje aksidentale kur kam bërë videon “Albanian stories”, sepse jam gjetur para një përvoje, historie, portreti që nuk mund të fotografohet, nuk mund të pikturohet, që ka nevojë të shfaqet nëpërmjet një imazhi në lëvizje, nëpërmjet videos.</p> Kjo ishte hera ime e parë që merrja në dorë një videokamera. Qysh nga ajo kohë nuk kam reshtur së eksploruari mundësitë e këtij mjeti. Është pjesë e një lloj kurioziteti.</p> Edhe xhirimi është bërë me film. Ke punuar me drejtor fotografie, kameraman, montazhier, një ekip i vërtetë. Sikur po shkëputesh qartë nga artisti vizual?</p> “Per speculum” është e xhiruar në film. Futet ndër punët që kanë një veçori të vetën. Ka një tentativë pothuajse filmike ku pozicioni im është pothuajse ai i regjisorit, ku nuk është e rëndësishme thjesht ajo çka ndodh, por edhe mënyra se si ajo shihet dhe i serviret shikuesit. Pra është, si të thuash, fiction.</p> Atëherë çfarë statusi është ky?</p> Problemi i identifikimit të statusit të artistit bashkëkohor është problem gjithmonë i hapur, sepse problemi i identifikimit të artit bashkëkohor është i hapur. Kështu që, për rrjedhojë, edhe artisti gjendet vazhdimisht duke riidentifikuar vetveten.</p> Pjesë e këtij identifikimi është fakti që puna ekspozohet në një ekspozitë të arteve vizive. Por kjo nuk do të thotë që nuk mund të ekspozohet në një festival filmi.</p> Ka ndodhur?</p> Ka ndodhur dhe në ato momente të thërrasin film director. Në përgjithësi më interesojnë situatat…</p> E kapërcimit?</p> …ku mungojnë identifikimet e plota, sepse identifikimet e plota kanë brenda kufizimin, kanë brenda heqjen e mundësive, kurse ajo që mua më intereson është hapja e mundësive.</p> Para se të shkosh tek këto situata, çfarë ka ndodhur?</p> Ne folëm për ato imazhet biblike të pemëve. Sigurisht që kjo punë ushqehet nga një fjalor që unë e kam pasuruar nga kontakti me artin viziv. Sigurisht ka edhe regjisorë, ju përmendët Antonionin, unë ju përmend Pasolinin, Felinin.</p> Të gjithë në një farë mënyre e ushqejnë imazhin e tyre filmik edhe nëpërmjet dialogut me artet vizive. Në punën time kjo është organike, sepse unë vij direkt nga kjo eksperiencë. Kupton që nuk mjafton një imazh i vetëm, po është edhe ritmi, edhe lëvizja, për të mbërritur tek ai imazh, gjë që piktura nuk e ka.</p> Nga ana tjetër kur mbaroj një projekt të kësaj natyre që ka brenda shumë telefonata, shumë punë me njerëzit, me e-mail-in, me lëvizjet, me montazhin etj., e ndjej fizikisht të nevojshme të shkoj në studio dhe të marr lapsin ose penelin dhe të punoj vetë, sepse është një nevojë për të pasur një marrëdhënie tjetër me punën që bëj.</p> Cilit i referohet fjalë për fjalë titulli?</p> Fjalë për fjalë do të thotë nëpërmjet pasqyrave. Në një letër që Shën Pali u drejton korintasve, ai flet për momentin e njohjes, i cili është si të ndodhte nëpërmjet pasqyrës, pra i turbullt, dhe vetëm më vonë mund të vijë njohja ballë për ballë.</p> Kjo më interesoi: momenti i mundësisë dhe pamundësisë së njohjes, kur ti sheh një realitet dhe realiteti është i pasqyruar, ajo që ti mendon se është një njohje direkte është një njohje e kundërt.</p> Fëmijëria ka një njohje që ndikon në njohjet e mëvonshme. Sigurisht që marrëdhëniet që fëmijët vendosin me botën është diçka më intereson, por nuk kam dashur të jap një qëndrim për këtë.</p> Pasolini ka një shprehje të bukur që thotë: fëmijët e shohin botën si absolute. Përballë fëmijëve bota shfaqet si absolute. Nga ana tjetër doja të jepja një lloj vazhdimësie nëpërmjet anës lojcake.</p> Shiko, njeriu kurrë nuk e di se si lind një punë, e cila ka momentet e veta të errëta. Me sa kujtoj, e kisha në kokë imazhin e pemës me fëmijët që kanë lidhje me një memorie ikonografike të së kaluarës. Por mungonte një element, të cilin ma zgjidhi në mënyrë të mrekullueshme papritur një ngjare.</p> Shihja lajmet në “Rai Uno”, po flitej për shpërnguljen e kolonëve në Rripin e Gazës dhe pamjet shfaqën disa fëmijë që po luftonin ushtarët me pasqyra, duke i verbuar me dritën që pasqyronin.</p> Fëmijët që përdorin dritën si armë, edhe si dhunë, edhe si mbrojtje dhe si një mundësi për të sulmuar dikë, i dha çelësin e zgjidhjes punës sime. Dhe aty futa thyerjen e pasqyrës. Është një çast çlirues. Fëmijët duke thyer pasqyrën thyejnë imazhin e tyre në pasqyrë.</p> Çfarë lidhjesh ke me kinemanë?</p> Shumë të cunguara. Kam ikur nga Shqipëria me një injorancë të plotë për kinemanë, njohja për të ka qenë gjithmonë fragmentare. Nuk kam studiuar ndonjëherë historinë e saj.</p> Jam i ndërgjegjshëm që kam shumë boshllëqe, por është edhe një njohje që nuk kërkon të jetë shkencore, por të mbajë gjallë entuziazmin kur je përballë një skene apo imazhi. Kinemanë e shoh i infektuar nga syri i piktorit.</p> Shpesh filmat i shoh me telekomandë në dorë duke u ndalur, duke u kthyer mbrapa, duke lëvizur avash, nuk i shoh për të marrë vesh një histori por mënyrën se si regjisori ndërton skenën. Personalisht kam kaluar nga të qenit injorant i kinemasë në amator të kinemasë.</p> Përmende Pasolinin. Është një figurë me të cilën kam dialoguar gjatë edhe nëpërmjet pikturës. Edhe Pasolini është një amator i kinemasë. Më intereson mënyra se si i futet kinemasë.</p> “Accattone” për shembull, është një film ku nuk mungon naiviteti, po pikërisht ngase ka një intensitet shumë të fortë mbrapa kamerës, e cila ndërton fotografinë, imazhin, narracionin, personazhin, ai naivitet bëhet vlerë.</p> Me Pasolinin jam marrë gjatë, sepse më ka interesuar mënyra se si ai vë bashkë memorien piktorike të së kaluarës me një shikim të mprehtë dhe urgjent të një realiteti që e ka rreth e përqark.</p> Ke parasysh “Edipi mbret”, “Ungjilli sipas Mateut”?</p> Janë vepra ku është i qartë citimi i së kaluarës, por edhe po të shohësh “Accattone”-n, e kaluara nuk hyn thjesht nëpërmjet skenave, por hyn si një dritë. Ka diçka që e lidh Pasolinin me Masaccio-n, me Caravaggio-n, po jo thjesht në skenë.</p> Për shembull, tek “La Ricotta” ai rindërton Pontormo-n, por ndikimin piktorik unë nuk e shoh kur ai ndërton skenën e Pontormo-s që është direkt, është citim. Personazhet e Pasolinit janë të ndriçuara me një dritë, e cila vjen që nga Rilindja Italiane. Filmi i parë që kam parë prej tij është “Ungjilli sipas Mateut”.</p> Me të vërtetë jam emocionuar nga fakti se si një histori e treguar për dymijë vjet edhe nëpërmjet pikturave, mund të tregohet sot në një mënyrë që e respekton gjithë këtë memorie piktorike, narrative të së kaluarës, por edhe me një freski e forcë të jashtëzakonshme.</p> Ka një violencë që nuk është e kollajshme, është pjesë e brendshme e mënyrës se si ai i sheh personazhet, ata që merr nga rruga, apostujt që i merr nga rruga…</p> Duhet të pyesim për filmin e ardhshëm apo thjesht për punën e radhës?</p> Po punoj për një film të ri, do të jetë më tepër një film i shkurtër. Historia vjen nga Shkodra. Është një histori e vërtetë, por do jetë fiction. Do xhiroj unë. Po më pëlqen kjo punë. Artisti ka nevojë të jetë i stimuluar për të bërë diçka.</p> Ti nuk mund të jesh para telajos apo kompjuterit dhe të bësh diçka në qoftë se nuk ke një stimul. Dhe stimujt vijnë nga një raport me një realitet jashtë teje dhe veprës. Stimuli është diçka e çmueshme për artistin, kur vjen është momenti i lumtur.</p> Mua, kur më vijnë përpiqem t’i realizoj. Stimuj të ndryshëm kanë nevojë për shprehje të ndryshme dhe kur këto shprehje shfaqen në formën e një narracioni filmik nuk tërhiqem, por bile bëhem kureshtar për të parë deri ku mund ta vendos raportin me këtë gjuhë, me të cilën, siç thashë, kam tash një raport amatorial, në kuptimin e mirë të fjalës, diçka që e do.</p> Adrian, ti mbetesh përherë në kontakt me Shqipërinë…</p> Unë nuk e kam fshehur ndonjëherë këtë interes të vazhdueshëm që kam me Shqipërinë në shumë aspekte, njerëzor, sentimental, shoqëror.</p> Në punën time me Shqipërinë kam një raport njohës, intim, pjesëmarrës, po në të njëjtën kohë kam edhe një distancë. Ky tension mes pjesëmarrjes dhe distancës ka ndikuar në mënyrën se si e shikoj Shqipërinë.</p> Asnjëherë nuk kam dashur që ta përshkruaj Shqipërinë, nuk më intereson kjo gjë. Asnjëherë nuk e kam parë Shqipërinë si një raport objektiv, por si Shqipëri që bëhet një metaforë e botës. Ky është realiteti të cilin ke vendosur ta vësh në fokus, sepse e kupton që me këtë realitet të lidh si interesi, si njohja, si ana emocionale.</p> Atëherë ky realitet është gjithë bota. Pra, ti sheh gjithë botën në këtë realitet, nuk kërkon ta ndalësh shikimin tek pjesa sipërfaqësore e shqiptarizmës dhe e Shkodrës. Dua të kuptoj botën nëpërmjet Shkodrës, jo t’i tregoj botës Shkodrën.(Shekulli)</p> Ky artikull eshte marre nga: http://www.albaniasite.net/?p=22674. Per me shume artikuj te ngjashem vizitoni: http://www.albaniasite.net/?p=22674

Rrëfimi i Nexhmije Hoxhës: Si më propozoi Enveri për martesë “Enver, shoku im i luftës dhe i jetës”, intervista 38-minutëshe e gazetareve italiane, Caterina Gerardi dhe Ada Donno, për gati 6 dekada histori të Shqipërisë.</p> Bashkëshortja e ish-udhëheqësit komunist, e shtrin rrëfimin e saj nga dita kur pa për herë të parë atë që do të bëhej udhëheqësi absolut i vendit, deri në ditën e ndarjes nga jeta, duke na sjellë anën intime të një çifti bashkëshortësh, që do të ndanin bashkë gjithçka, në krye të vendit, nga viti 1945 deri në 1985-ën.</p> Një rrëfim në italisht, i bërë disa vite më parë, në shtëpinë ku banon ende në Laprakë, për luftën, jetën e pasçlirimit, arritjet dhe dështime e sistemit komunist, keqardhjen për degradimin e Shqipërisë dhe të “njeriut të ri” pas hyrjes së pluralizmit politik dhe së ardhmes së pasigurt.</p> “Unë e kam njohur shokun tim të jetës, bashkëshortin tim, si të thuash, në zemër të betejës. Ishte 28 tetori 1941 dhe ishte një festë, më duket “Marshimi drejt Romës” dhe të gjitha grupet komuniste, kishin organizuar një protestë, edhe si aksion për formimin e Partisë Komuniste.</p> Dhe për të treguar se ishim të gjithë të bashkuar për të formuar Partinë Komuniste. Në këtë demonstratë pashë që në një pikë kishte përleshje më të ndezura dhe aty shoh një person, një kokë më lart se të tjerët.</p> Pyeta kush është dhe më thanë se është një profesor i Liceut të Korçës, Enver Hoxha. Në atë kohë ne ishim të grupeve të ndryshme. Unë bëja pjesë në grupin komunist të Shkodrës, ndërsa Enveri ishte i grupit komunist të Korçës, kështu që deri atëherë nuk njiheshim.</p> Pas dy javësh u formua Partia Komuniste dhe dy javë të tjera më pas u mblodh Konferenca e Rinisë Komuniste, ku unë isha e vetmja femër. Isha vetëm 20 vjeçe dhe në atë mbledhje Enveri erdhi si delegat i Komitetit Qendror të PKSH-së.</p> Mua më bëri përshtypje, sepse ishte një burrë i pjekur, i dashur, edhe i bukur dhe unë isha krenare pse partia kishte një drejtues të tillë. Në këtë mbledhje unë u zgjodha anëtare e Komitetit Qendror të Rinisë dhe ne ishim atëherë vetëm pesë.</p> Enveri vinte shpesh në mbledhjet tona. Kishte filluar të interesohej, të vinte “vërdallë”. Sigurisht në atë kohë unë nuk mund të mendoja asgjë, sepse si të thuash, unë atëherë isha 20 vjeçe, nuk dija se sa vjeç ishte ai, nëse ishte i martuar apo jo.</p> Pak nga pak, në të gjitha mbledhjet, ai bënte të pamundurën për të shfaqur simpatinë e tij, ndërsa unë bëja sikur nuk kish ndodhur gjë. Kështu, deri një ditë, kur pas një mbledhjeje të partisë, ku ishin drejtuesit e të gjitha rretheve dhe ku ishim edhe ne të Komitetit të Rinisë. Në këto ditë unë kisha ikur nga shtëpia e familjes sime, sepse erdhën të më arrestojnë.</p> Pas formimit të Partisë Komuniste kishin gjetur listat e pjesëmarrësve të parë dhe kështu Enveri u dënua me vdekje dhe unë me 13 vite burg dhe erdhën të më arrestojnë. Në mbrëmje, pas mbledhjes, nuk dija ku të shkoja. Atëherë Enveri më tha: “Hajde të të strehoj unë” për të më çuar atje ku fshihej vetë.</p> Në këtë kohë edhe unë isha ilegale dhe mbulohesha, ndonjëherë me kapele, ose me turban dhe me syze të errëta. Enver më tregoi biçikletën dhe më tha: Hip këtu!”. “Si”?- i thashë unë.</p> Të hipje përpara një burri në biçikletë nuk ishte e mundur në atë kohë në Shqipëri dhe unë qeshja. Por ai më tha shpejt dhe duhej nxituar se fillonte ndalimqarkullimi dhe shtëpia ishte larg.</p> Unë kisha vendosur që gjatë luftës të mos bija në dashuri, të mos martohesha dhe bëja sikur nuk i vija re këto sjellje që bënte Enveri, por një ditë ai e vendosi dhe më tha: “Do të martohesh me mua apo jo?”. Unë mbeta e ngrirë dhe i thashë se nuk doja që të martohesha gjatë luftës.</p> “Kush të tha që do të martohemi tani, mund të mos martohemi gjatë luftës,” – më tha ai. Por nuk dua që të tjerët ta marrin vesh. Iu përgjigja se këtë nuk mund ta bëja. Më pas, familjet tona, ku ai ishte djalë i vetëm dhe unë vajzë e vetme, e morën vesh, ashtu si dhe shokët.</p> Gjatë kohës që ai ishte në Tiranë ne takoheshim shpesh. Më pas ai doli në mal, unë mbeta këtu në Tiranë edhe dy vite të tjera dhe më pas edhe unë dola malit si delegate politike e rinisë komuniste dhe e grave.</p> Në atë kohë unë marshova në gati gjysmën e Shqipërisë. U takova më Enverin gjatë mbledhjeve të ndryshme që u bënë në ato kohë dhe më pas të dy punonin të larguar nga njëri-tjetri.</p> Më pas u takuam pas çlirimit të Shqipërisë, më 29 nëntor 1944 dhe në vitin e ri 1945 u martuam. Mund të them se Enveri ishte burri ideal, nuk mund të kërkosh më tepër. Në fakt, përputheshim si karaktere.</p> Unë isha romantike, ndoshta edhe nga mosha, ai jo dhe aq shumë, ndoshta pse ishte 33 vjeç dhe kishte gjithë ato përgjegjësi për qeverinë në një situatë tepër të vështirë. Kjo duket edhe në korrespondencën tonë, sepse unë kërkoja gjithnjë e më tepër ndonjë gjë sentimentale.</p> Unë shkruaja letra të gjata, ai më të shkurtra. Kam një korrespondencë që e mbaj shumë të shtrenjtë, Ai e njihte karakterin tim dhe bënte të pamundurën për të kënaqur romantizmin tim dhe për këtë më shkruante shpesh.</p> Pas martesës unë isha kryetare e Lidhjes së Grave Antifashiste, një punë vullnetare, por zyrtarisht isha përgjegjëse për kulturën në Ministrinë e Kulturës, ku kujdesesha për radion dhe për shtypin, në ato kohë të para.</p> Kështu, deri në 1948-ën dhe më pas, u zgjodha anëtare e Komitetit Qendror të Partisë dhe punova si drejtore në Drejtorinë e Agjitacionit dhe Propagandës dhe në fund si drejtoreshë e Institutit të Studimeve Marksiste-leniniste.</p> Unë nuk kam patur detyra shtetërore. Kam qenë deputete e Parlamentit. Dhe pas vdekjes së bashkëshortit tim, isha kryetare e Frontit Demokratik, që ishte një funksion shumë i nderuar.</p> Pas çlirimit, që të dy ishim të zënë me punë, por ndërkohë kishim krijuar familjen tonë. Enveri i donte shumë fëmijët tanë, por pas çlirimit unë nuk isha ende gati, sepse isha mjaft e dobët, anemike dhe ai i respektoi vendimet e mia.</p> Kështu, në 1949-ën unë pata fëmijën e parë dhe pas dy vjetësh, djalin e dytë dhe pas tre viteve, vajzën. Të gjithë lindën të shëndetshëm edhe pse unë punova deri në momentet e fundit. Enveri më krijonte një ambient të tillë, atmosferë dhe ai thoshte: “dua një skuadër futbolli”.</p> Ai ma linte mua punën e vështirë, dhe vetë donte të ishte i mirë me fëmijët, të cilët u rritën me shumë modesti dhe treguan shumë kurajë në momentet e vështira që kaloi familja jonë. Ata u diplomuan, morën tituj shkencorë. Kemi qenë të kënaqur me ta. Na dhanë 7 nipër e mbesa.</p> Unë mendoj se për të ndihmuar Enverin në punën e tij, kam sakrifikuar me fëmijët, kam bërë gjithçka për shokun dhe burrin tim dhe në 10 vitet e fundit të jetës së tij, pas 40 viteve si diabetik dhe vuajtjeve nga zemra.</p> Nga ana tjetër, në punën time unë merresha me dokumentet e partisë, ku bënte pjesë edhe vepra e Enverit dhe unë merresha me redaktimin e tyre. Nga kjo anë, Enveri ishte shumë i kënaqur, ai kishte besim te unë, dhe unë njoha jetën e vendit, të partisë.</p> Dua të them atë që është përfolur shumë vitet e fundit, se ai ishte i sëmurë dhe se unë kisha një rol parësor në drejtimin e vendit. Kjo nuk është aspak e vërtetë.</p> Unë isha një shoqe e tij prej dekadash dhe bëja të pamundurën për ta ndihmuar, si të thuash, si sekretarja e tij, të gjithë shokët më njihnin, kishin besim te unë dhe ai sigurisht. Ne bënin çdo orë një jetë politike dhe ai ishte shumë racional në punën e tij.</p> Kurrë nuk u tregua në punën e tij me ankth, i nervozuar, ishte gjithnjë i qetë dhe kur duhej të vendoste, merrte vendime për probleme që ishin shumë të vështirë dhe duheshin marrë vendime të menjëhershme.</p> Ishte edhe një njeri që reflektonte, kur kishte kohë për të reflektuar. Mund të them se orët tona në shtëpi, pas pune, ishte një bisedë e qetë dhe miqësore.</p> Dhe këtë nuk e kishte vetëm me mua, por edhe me shokët e tij. Shokët e tij, nuk e di, nëse duhet ta them, sepse nuk më pëlqen, propozuan për të më zgjedhur anëtare të Byrosë Politike. As unë, por as ai nuk donte.</p> Ai vinte dhe më thoshte: “Shokët propozuan këtë, ti si mendon?” Unë e dija se çfarë mendonte edhe ai dhe nuk ishte mirë që të bënim siç kishin bërë të tjerët, në vende të tjera dhe nuk më pëlqente kjo.</p> Jo vetëm ai, me të cilin kisha një jetë, por edhe shokët e tij më trajtonin shumë miqësisht, kur ai ishte i sëmurë dhe mjekët nuk lejonin që të bëheshin vizita, ndërsa ai vazhdonte të punonte. Unë bëja ndërmjetësen.</p> Përgjithësisht, unë nuk e kam shoqëruar në vizitat jashtë. Kam qenë, p.sh., jashtë në një delegacion qeveritar në Çekosllovaki dhe në Gjermaninë Lindore në 1959-ën dhe dy herë në Bashkimin Sovjetik, me rastin e Kongresit të 20-të dhe kam qenë disa herë në takime të ndryshme parlamentare.</p> Kam qenë në Kinë, ku jam takuar me Mao Ce Dunin, por nuk kam qenë as First Lady, as first Çaushesku, as first Çin Çin. Nuk më pëlqenin këto gjëra, i kam shmangur gjithmonë. Por vitet e fundit, kur ai ishte sëmurë nga zemra, unë kam qenë me të në Gjirokastër dhe në Sarandë.</p> Nëse do të flisja për veten time, nuk e di, nuk pendohem për diçka që nuk e kam bërë. Bëra të pamundurën, dhashë gjithçka për burrin tim, deri në ditët e fundit. Isha afër tij, me gjithë zemër.</p> Më pas më ndodhi të përballohem me vështirësitë që vinin prej emrit që mbaja. U detyrova që të bëj burgun, t’u nënshtrohem persekutimeve dhe kam qenë gjithnjë krenare që mbaja këtë emër dhe gjithë atë që kisha bërë.</p> Mendoj se kemi qenë shumë idealistë, dhe jo materialistë, më shumë se çfarë duhej. Kishim shumë besim në punën tonë, unë punova shumë me propagandën dhe besonim se do të ndërtonim njeriun e ri. Mendonim se ia kishim arritur, por gjithçka u përmbys.</p> Ky mentalitet i pronës dhe për përfitimin personal do të thotë se për një shoqëri të re, për të cilën mendonim ne, nuk kishim patur aq kohë, as 50 vite te ne, as 70 vite në Bashkimin Sovjetik.</p> Shumë e akuzojnë Enverin, regjimin tonë, vendimet tona të ashpra ndaj njerëzve që kishin idetë e tyre. Ne kishim deklaruar se ishim një vend i diktaturës së proletariatit, që mendonte për shumicën, kundër këtyre që donin të dëmtonin pushtetin popullor, por të gjitha vendimet janë marrë mbi bazën e ligjeve të miratuara.</p> Arritëm të kishim një jetë të sigurt, modeste, por të sigurt, të qetë. Të gjitha familjet kishin gjërat më të nevojshme, rinia kishte objektivat e saj të qarta. Kur e çliruam Shqipërinë ishte vendi më i varfër i Europës, i pazhvilluar dhe në pak kohë u industrializua, bujqësia u modernizua, për rininë jo vetëm që nuk kishim papunësi, por kishim një ligj që dënonte parazitët.</p> Nuk mund të lejonim që, qoftë edhe një të mos punonte, sepse përfundonte keq dhe i dërgonim nëpër ndërmarrje për të punuar. U elektrifikua gjithë vendi dhe këtë tani e harrojnë, ndërsa tani ne në kryeqytet nuk kemi drita, nuk kemi ujë.</p> Është e vështirë të them se çfarë mendoj për të ardhmen e Shqipërisë, sepse të ardhmen e shikoj me dyshim, sepse asgjë nuk është në duart e popullit tonë, as në duart e politikanëve tanë, mund të thuash, gjithçka bën pjesë në planet e forcave europiane dhe atlantike dhe ata mendojnë ta shfrytëzojnë këtë vend, si një pozicion për planet e tyre strategjike në Ballkan, sepse këtu kalojnë rrugët e tre kontinenteve.</p> Ata e shkatërruan Shqipërinë për t’u hakmarrë, sepse nuk mundën ta bëjnë këtë për 50 vite, e kanë vënë në gjunjë dhe e mbajnë ashtu dhe shfrytëzojnë grindjet mes partive për të bërë punët e tyre. Vendi është një protektorat i tyre, varet nga Fondi Monetar, Banka Botërore, nga Amerika dhe institucionet europiane.</p> Por nga ana materiale, unë them se Shqipëria po bëhet. Ja rrugët, pallatet, jeta materiale, sepse siç e dimë, kapitalizmi nuk mund të rrojë pa investimet. Por kjo që humbëm shpirtërisht nga shqiptarët nuk mund të rikuperohet më. Humbi uniteti mes njerëzve, për të cilin bëmë kaq shumë.</p> Me emigrantët ju e dini më mirë, janë shfrytëzuar keq, në Greqi më keq. Por edhe kanë mësuar, morën një mësim të mirë. Dihej për shqiptarët dikur se ishin krenarë dhe të ndershëm, por sot kjo nuk mund të thuhet.</p> E ardhmja ime? Nuk ka mbetur dhe aq e ardhme (qesh). Unë e kam marrë jetën gjithnjë siç më ka ardhur. Kam mësuar ta zbuloj jetën, Me shëndet jam mirë.</p> Kam mbaruar kujtimet që ishin angazhimi im personal kundrejt burrit tim, në dy vëllime, por kam përpara projekte të reja dhe njëri që kam shumë për zemër është ai i jetës sime partizane, apo si guerile në qytet, por edhe jeta personale, me gratë apo me kulturën, sepse kam patur kontakte me shumë seksione kulturore.</p> Edhe pleqëria ka momentet e saj të lumtura, tani me nipërit që martohen. Jam bërë stërgjyshe dhe kjo është shumë mirë, sepse siç thotë populli, stërnipi është mjalti i mjaltit.(Shekulli)</p> Ky artikull eshte marre nga: http://www.albaniasite.net/?p=22677. Per me shume artikuj te ngjashem vizitoni: http://www.albaniasite.net/?p=22677

VEZHGIM / Jeta e natës, ish- blloku gdhin gjithmonë zgjuar Zhurmat dhe ndotja akustike në qendër të kryeqytetit, por jo vetëm në qendër, për shkak të lokaleve të natës që aplikojnë muzikën e lartë, për banorët e lagjes së konsideruar luksoze, nuk ka kurrë rehati. Prej shumë vitesh që kur pab-et dhe lokalet e natës, kanë hedhur rrënjë në rrugët e bllokut, banorëve iu ka sosur durimi i të quajturit lagje luksoze. Në rrugët “Brigada VIII”, “Ismail Qemali”, “Nikolla Tupe”, “Petër Bogdani”, janë të përqëndruar më së shumti lokalet e natës dhe që aplikojnë muzikën e lartë, klientela e të cilëve është në shumicën e rasteve, e moshës së re dhe rrallë herë të bie të shikosh moshë të madhe në këto lokale. Shumë prej banorëve të kontaktuar dje nga gazeta “Shekulli”, në disa prej këtyre rrugëve janë shprehur të shqetësuar në lidhje me nivelin e lartë të zhurmave që shkaktojnë lokalet që ndodhen poshtë shtëpive të tyre, e që për më tepër sipas tyre thuajse asnjë nuk praktikon adaptimin e sistemeve të amortizimit të zhurmës. “Kemi pesë vite që jetojmë në këtë pallat, në këtë apartament dhe nuk ka pasur natë që në këto rrugë të ketë pasur qetësi. Muzika nuk pushon dhe njerëzit në orën 3:00 apo deri në 5:00 të mëngjesit nuk pushojnë së ulërituri. Dalin nga lokalet pasi janë dehur dhe nisin e ulërasin. Mbrëmë një grup djemsh po debatonin me zë të lartë, pranë një pub-i tek rruga pas pallatit tim dhe nuk flija dot. Por kjo nuk është hera e parë dhe ne jemi mësuar. Edhe të rrihen na duket sikur janë gjëra normale”,- thotë një grua rreth të 40-ve. Banorët e pallateve që kufizohen nga “Brigada e VIII”, si dhe nga ajo “Pjetër Bogdani”, duket se janë ndër më të shqetësuarit. Adorim Mirdita, është një prej banorëve që banon në një pallat gri në rrugën “Brigada VIII”, i cili tregon se që kur ka ardhur është ndërtuar pallati në të cilin ai ka apartamentin e tij, nuk ka qëlluar një herë të mos dëgjojë grindje sherre apo të shohë njerëz të dehur poshtë ballkonit të shtëpisë së tij. Mbrëmë disa femra përballë një lokali natë te “Pjetër Bogdani”, po shaheshin dhe fyheshin me zë të lartë me fjalë të ndyra që nuk ia zë një burri goja t’i thotë. Merita, një grua që banon në në rrugën “Vaso Pasha”, thotë se kur i ndodh që ta zërë gjumi gjatë natës është një gjë e rrallë. Më tej ajo tregon se dy javë më parë, në rrugën përballë shtëpisë së saj në një lokal ishin të ftuar dy vëllezër këngëtarë, dhe muzika nuk ndaloi një minutë. Nuk dinim ç’të bënim. Ata kënduan deri vonë dhe ne ndenjëm dëgjuam muzikën e tyre s’kishim nga t’ia mbanim”. “Unë jetoj shumë pak këtu me tim shoq, por kur vijmë na zë tmerri.”,- thotë gruaja me flokë të verdhë të prera shkurt.</p> Banorët, kemi frikë të debatojmë me pronarët Disa prej banorëve të zonës së ish- bllokut pohojnë se në asnjë rast nuk kanë mundur të merren vesh me pronarët e lokaleve të cilët thuajse në asnjë raste nuk kanë pranuar të ulin muzikën. Tani hajde merre vesh se kush është pronari i lokalit ç’ njerëz mund të jenë e me se merren”. Kështu thotë Sandri, një burrë rreth 55- vjeç nga Fieri që banon në një pallat me ngjyrë jeshile në rrugën “Brigada e VIII”. Një mbrëmje, im shoq doli dhe nisi t’iu flasë. Por sa po nisi t’iu ankohet atyre, ata e panë me inat dhe i kthyen kurrizin. Një grua e katit të gjashtë të një prej apartamenteve në rrugën “Nikolla Tupe”, tregon se një kushëri i saj që banon në rrugën “Vaso Pasha”, mbi një lokal pranë pallateve “Agimi”, gjithmonë ka probleme. “Aty pranë ndodhet një lokal që frekuentohet nga njerëz të ndryshëm që mbajnë motorë të mëdhenj dhe në mes të natës ndonjë prej tyre e lëshon gazin deri në fund. Merre me mend zhurmën që mund të bëjnë motorë të tillë”,-thotë një burrë rreth 47 vjeç, banues në këtë rrugë.</p> Deri kur Tirana do të rrijë pa gjumë</p> Reporterët e “Shekullit” ndjekin çështjen zhurmave në kryeqytet, shqetësimin e banorëve dhe indiferencën e autoriteteve</p> Ka kaluar ora 22.00. Nëse ke kaluar një ditë të lodhshme, je i sëmurë, të ka ardhur orari i gjumit dhe do të qetësohesh duke fjetur, as mos e ço ndërmend. Nëse për ty ka mbaruar aktiviteti i asaj dite, për disa të tjerë sapo ka filluar. Është koha kur lokalet e natës në kryeqytet hapin dyert duke pritur klientët e tyre të përnatshëm shoqëruar me një muzikë super të lartë duke u bërë makthi i përnatshëm i gjithë banorëve të lagjes. Zona e ish-bllokut dhe ajo përreth Parlamentit janë nga më të njohurat për sa i përket kësaj problematike. Në mënyrë të vazhdueshme banorë të pallateve përreth janë shprehur të shqetësuar nga zhurmat e larta që shkaktohen nga PUB-et dhe lokalet e natës që ushtrojnë aktivitetin aty.</p> Por nuk qëndrojnë aspak më pas për sa i përket kësaj problematike edhe zona të tjera të Tiranës, ku banorëve iu vështirësohet çdo ditë e më shumë jeta nën stresin që të shkaktojnë zhurmat nga muzika gjithnjë e më e lartë që vijnë nga lokalet e natës. Muzika e lartë vazhdon deri rreth orës 03.00 pas mesnate duke u kthyer në një pjesë integrale të natës kryeqytetase. Ajo shoqërohet edhe me zhurmën e madhe të makinave dhe njerëzve të shumtë që preferojnë të rrinë brenda dhe jashtë këtyre lokaleve. Dhe për këtë gjë askush nuk mban përgjegjësi. Banorët janë ata që detyrohen të vuajnë këtë ndotje akustike që shoqërohet me një sërë sëmundjesh të tjera. Ata denoncojnë dhe denoncojnë por pa asnjë zgjidhje. Shpesh herë e vetmja zgjidhje që u japin menaxherët e lokaleve është: Prisni sa të nisë dimri se pastaj nuk rri më askush jashtë…</p> Banorë të zonës përballë godinës së Parlamentit, japin alarmin për nivelin e lartë të ndotjes akustike që shkaktohet nga niveli i lartë i muzikës shkaktuar nga lokalet e natës që ushtrojnë aktivitetin e tyre në këtë lagje. Banorët shprehen se janë ankuar pranë organeve të rendit dhe pushtetit lokal por përsëri gjendja nuk ka ndryshuar. Madje ka prej atyre, që tregojnë se pas ankesave drejtuar policisë bashkiake apo edhe vetë menaxherëve të këtyre lokaleve janë dhunuar fizikisht nga këta të fundit. “Kam burrin sëmurë dhe këtu çdo natë është e njëjta situatë. Muzika në kupë të qiellit. Jam ankuar në polici dhe bashki por ata ia hedhin topin njëri-tjetrit.</p> Askush nuk ngrihet e të na e zgjidhë këtë hall, të vendosë disa sanksione, orare, apo edhe t’i mbyllë fare këto lokale. Në këtë lagje kaq të madhe, nuk mund të ketë një klub natë me një zë kaq të lartë. Jam sharë dhe fyer për disa herë nga menaxherët apo pronarët e lokaleve pasi e dinë që unë jam personi që ankohem më shpesh për këtë situatë”,- shprehet një banore e lagjes e cila për arsye se ndjehet e kërcënuar nuk preferon të identifikohet. Banesa e saj ndodhet shumë pranë një lokali nate në rrugën “Xhorxh W. Bush”.</p> Më tej zonja rreth të pesëdhjetave, shpjegon se për këtë çështje i është drejtuar edhe organeve përkatëse por pa asnjë rezultat. “I bëj apel, strukturave përgjegjëse që mos të mbrojnë vetëm interesin e disa personave që duan të bëjnë qejf në orët e vona të darkës, pasi ka edhe nga ata, që kanë punuar gjithë ditën, janë të sëmurë, apo me fëmijë të vegjël dhe shtëpia është i vetmi vend çlodhës”,- thotë ajo.</p> Agim Shehu, edhe ky banor i zonës, shprehet se situata është tejet alarmante për shkak se zhurmat janë aq të larta sa e është e pamundur të flesh. “Unë kam edhe punën edhe shtëpinë këtu afër dhe nuk e di se si janë zonat e tjera të Tiranës, po kjo është tmerr. Rri gjithë ditën në rrugë se të tillë e kam punën dhe kur shkoj në shtëpi për të bërë atë gjumin, nuk ka mundësi. E kam në dritare atë të shkretë lokal që rri gjithë natën zgjuar. Jemi ankuar disa herë, por gjithmonë asnjëherë nuk na i kanë dëgjuar fjalën. Mirë-mirë, thonë do vijmë dhe nga ana tjetër çdo natë e njëjta gjë”, – thotë ai.</p> Ismail Derjaj, një tjetër banor i zonës, shprehet tejet i indinjuar për nivelet e lartë të zhurmës që shkaktohen nga lokalet e natës në këtë lagje. Më shumë se me të fjeturin problemi i tij ka të bëjë shqetësimet që sjellin në familje këto zhurma. “U bë vite që ky avaz vazhdon dhe nuk gjen asnjëherë zgjidhje. Nuk është normale, ndërsa ti je në shtëpi, të ka ardhur një mik, apo je duke biseduar me fëmijët e tu dhe nga ana tjetër dëgjon një zhurmë që të shpartallon veshët. Kjo zonë mban rekord për muzikën e lartë në orët e vona të darkës”, -tha ai.</p> Ismail Derjaj</p> U bë vite që vazhdon ky avaz dhe nuk gjen asnjëherë zgjidhje. Nuk është normale, ndërsa ti je në shtëpi, të ka ardhur një mik, apo je duke biseduar me fëmijët e tu dhe nga ana tjetër dëgjon një zhurmë që të shpartallon veshët. Kjo zonë mban rekord për muzikën e lartë në orët e vona të darkës. Ne shqiptarët nuk e kemi kulturën e zërit të ulët. Edhe në qoftë se ke një gosti apo një festë, ule zërin ta dëgjosh vetëm ti, pse duhet të dëgjojë edhe komshia. Ne edhe kur flasim, e ngremë tonin e zërit. Kjo nuk është normale. Ti je në shtëpi dhe nga poshtë pallatit dëgjon një prind që i thërret fëmijës së vet me zë të lartë. Çfarë kusuri kam unë që të dëgjoj ulërimën e tjetrit. Për mos të folur për ato lokale që zakonisht janë poshtë pallateve. Fillon harbimi kur të tjerët nisën për të fjetur gjumë. Sikur ta bëjnë si për inat, sa shtrihesh për të fjetur, muzika në kupë të qiellit”.</p> Agim Shehu</p> Unë kam edhe punën edhe shtëpinë këtu afër dhe nuk e di se si janë zonat e tjera të Tiranës, po kjo është tmerr. Rri gjithë ditën në rrugë se të tillë e kam punën dhe kur shkoj në shtëpi për të bërë atë gjumin, nuk ka mundësi. E kam nën dritare atë të shkretë lokal që rri gjithë natën zgjuar. Jemi ankuar disa herë, por gjithmonë asnjëherë nuk na i kanë dëgjuar fjalën. Mirë-mirë, thonë do vijmë dhe nga ana tjetër çdo natë e njëjta gjë. Unë kam mendimin se gjithçka duhet të ketë një kufij. Të ketë një orar të caktuar të paktën. Dhe një gjë tjetër kam unë. Nuk jam kundra argëtimit të të rinjve, por vende të tilla me muzikë të lartë të ndërtohen larg zonave të banuara. Ata që kanë shtëpi këtu nuk janë vetëm të rinj, po janë familjarë me fëmijë të vegjël dhe me pleq, nuk përballohet kështu.</p> Një nga banoret e zonës pranë Parlamentit ankohet për zhurmën e madhe që i sjellin lokalet e natës “Jeta në këtë lagje po bëhet e pamundur”</p> Shtëpia e saj është ngjitur me një lokal nate në Rrugen “Xhorxh W.Bush”. Edhe pse e pa mbrojtur e ka ngritur zërin, duke telefonuar dhe ankuar shpesh në Polici. Madje shpesh ka marrë guximin të shkojë privatisht në atë lokal dhe t’i ankohet personave përgjegjës, por si përgjigje i është dhënë një e shtyrë duke e flakur 50-vjeçaren disa metra tutje dhe ofenduar me fjalët më të renda. Kam burrin sëmurë thotë ajo, dhe këtu çdo natë është e njëjta situatë. “Muzika në kupë të qiellit. Kam trokitur në të gjithë dyert, dhe topin ia hedhin njëri-tjetrit”. Askush nuk ngrihet e të na e zgjidhë këtë hall, të vendosi disa sanksione, orare, apo edhe t’i mbylli fare. Në këtë lagje kaq të madhe, nuk mund të ketë një klub natë me një zë kaq të lartë”. Në këtë rrëfim për gazetën “Shekulli” banorja e zonës pranë Parlamentit, nuk ka pranuar të fotografohet apo të japë identitetin e saj pasi ndihet e kërcënuar nga pronarët e lokaleve. Jam sharë dhe fyer disa herë thotë ajo, pasi e dinë që unë jam personi që ankohem më shpesh për këtë situatë. “Po dola me foto në gazetë, ata kush e di se çfarë mund të më bëjnë po më panë këtu në lagje. Në këtë moment, i bëj një apel, strukturave përgjegjëse që, mos të mbrojnë vetëm interesin e disa personave që duan të bëjnë qejf në orët e vona të darkës, pasi ka edhe nga ata, që kanë punuar gjithë ditën, janë të sëmurë, apo me fëmijë të vegjël dhe shtëpia është i vetmi vend çlodhës”. Sipas zonjës, të jetuarit në atë lagje po bëhet gjithnjë e më e pamundur.</p> Kreu i policisë bashkiake të Tiranës thotë që lokalet marrin gjoba por klientët nuk mund të nxirren se krijohen incidente</p> TIRANË- Një natë e zhurmshme në Tiranë i kushton një lokali një milion lekë të vjetra. Kaq është shuma e gjobës që vendoset nga policia bashkiake për lokalet që tejkalojnë limitet e zhurmës, gjithmonë nëse ato kapen. Por kjo shumë mund të quhet e papërfillshme për një lokal që bën një xhiro nga 14 deri në 18 milionë lekë të vjetra në natë. Të bindur për zhurmën e shkaktuar dhe të informuar për ankesat e shumta të qytetarëve, policia bashkiake thotë se gjobitja është maksimumi i saj.</p> “Jemi në dijeni të ankesave të qytetarëve. Edhe ne na kanë ardhur dhjetëra ankesa të ndryshme nga qytetarët. Situata në këto lokale është e tillë: asnjë prej tyre nuk është i pajisur me licencë “non stop” për të qëndruar hapur tërë natën dhe jo më për të bërë zhurmë. Problemi është se ato e bëjnë”,- thotë për “Shekullin” kreu i policisë ndërtimore të kryeqytetit, Ndrec Deda. Ai shpjegon se lejet për lokalet “non stop” kanë kohë që nuk jepen. Nga ana tjetër, lokalet janë hapur çdo fundjavë dhe muzika e tyre dëgjohet fuqishëm edhe më shumë se 100 metra larg.</p> Për secilin rast që policia bashkiake konstaton se janë tejkaluar normat e zërit ndërhyn duke vënë gjobë por vetëm kaq. “Kemi vënë shumë gjoba nga një milion lekë të vjetra. Kur bëhen shqetësuese për banorët ne shkojmë dhe pasi verifikojmë zhurmat vendosim gjobat përkatëse. Në disa raste përdorin taktika të tjera që sapo vjen policia bashkiake lokalet ulin zërin për ta ngritur prapë kur ikën policia”,- tha Deda.</p> Ai shpjegon se policia bashkiake ka edhe mundësi që të mbyllë lokalin por kjo praktikisht është pothuajse e pamundur. Kjo për faktin që në lokal ndodhen qindra ose në disa raste edhe më shumë se njëmijë njerëz. Nëse ata nxirren jashtë do të lindte ndonjë konflikt ose incident i papëlqyeshëm për asnjë nga palët. “Ne vëmë gjoba ose kërkojmë të ulin zërin por për të mbyllur lokalin është e vështirë. Janë shumë njerëz brenda dhe duhet të zihesh me ta për t’i nxjerrë jashtë. Na ndodh që hyjmë në ndonjë lokal dhe aty ka shumë ministra, deputetë e politikanë. Ne nuk mund të nxjerrim jashtë njerëzit me imunitet”,- thotë Ndrec Deda. Sipas tij, ankesat më të shumta janë gjatë fundjavës por ka raste që ende në mesjavë zhurmat e lokaleve të natës bëhen shqetësuese për banorët.</p> Gjoba kemi vënë. Vendosëm rregull, por tani e ngrenë zërin. Kemi vënë gjoba shpesh, një milion. Leje për “non stop” nuk kanë. Kur bëhen shqetësuese për banorët duhet të mbyllen por nuk nxjerrin dot njerëzit jashtë sepse zihemi. Mbrëmë patëm shumë ankesa. Ankesa tek unë në telefon privat. Policia shkon shpesh dhe ata ulin zërin por kohët e fundit janë bërë shumë problematikë. Ne nuk kemi mundësi t’i nxjerrim sepse janë vipa,</p> Monitorimi, zonat më të ndotura nga zhurmat</p> Sipas monitorimit më të fundit për zhurmat, ndotja akustike, në shumë pika të qyteteve rezulton mbi normat e lejuara nga Bashkimi Evropian. Kështu, Tirana, ndotjen akustike nuk e shënon vetëm në zonën e ish-Bllokut, ku zhurmat të ofrohen ditën dhe natën, por edhe në zona të tjera. Kulmi i zhurmave arrihet në zonën e Laprakës, me 73,8 dB (decibel) gjatë ditës, ndërkohë që normat e lejuara, sipas BE-së, duhet të jetë 55 dB ditën. Zona e dytë më e zhurmshme në kryeqytet është “Stacioni i Trenit”, me 73,3 dB dhe vendin e tretë, sipas monitorimit, e zë kryqëzimi te “Selvia”, me 72 dB.</p> ISHP: Sa të bezdisur janë qytetarët nga zhurmat</p> Instituti i Shëndetit Publik mori në studim 275 familje në zonat më problematike nga zhurmat në qytetin e Tiranës. Në fakt, rezultatet dolën problematike, pasi pjesa më e madhe e banorëve ankohen nga zhurmat. “Ky studim tregoi se përqindja e popullatës së bezdisur nga zhurmat ishte 44 për qind, ndërsa përqindja e popullatës së bezdisur ishte 28 për qind dhe më alarmantja është se përqindja e popullatës me çrregullime të gjumit ishte 50 për qind”,- bëhet e ditur në raportin e ISHP-së, duke shtuar se këto të dhëna janë shumë problematike dhe ndikojnë negativisht mbi shëndetin e popullatës.</p> 275 familje janë marrë në studim në zonat më problematike nga zhurmat në qytetin e Tiranës</p> 50 për qind e banorëve ankohen se vuajnë nga pagjumësia, për shkak të zhurmave, sipas ISHP-së</p> 44 për qind e banorëve ankohen se janë shumë të bezdisur nga zhurmat, sipas ISHP-së</p> 28 për qind e banorëve ankohen se janë të bezdisur nga zhurmat, sipas studimit të ISHP-së</p> Sipas specialistit të ISHP-së, Cicolli, zhurmat shkaktojnë nervozizëm, stres dhe deri në shurdhim, kur janë të forta</p> Specialistët: Zhurmat, ja pasojat mbi shëndetin</p> Nervozizëm, deri në shurdhim për zhurma shumë të forta. Këto janë pasojat ekstreme që shkaktojnë zhurmat. “Zhurmat, padyshim kanë efekte negative mbi shëndetin”, – thotë specialisti i ISHP-së, Arti Cicolli. Sipas tij, zhurmat e theksuara dhe të vazhdueshme ndikojnë mbi shëndetin mendor dhe shkaktojnë efekte psikofiziologjike. Ndërkohë, zhurmat gjatë natës, sipas tij, tashmë të shtuara, ndikojnë në prishjen e gjumit, duke shkaktuar probleme për njerëzit. “Zhurmat, në shumë raste shkaktojnë edhe efekte mbi sjelljet me fqinjët dhe reagime patologjie”, – thekson ai.</p> Por, ajo që është më e dukshme, sipas tij, është se për shkak të zhurmave tej normave të lejuara mund të shkaktohet edhe shurdhim. Të ndodhur përballë këtij fakti, ai thekson se duhen marrë masa emergjente për t’i ardhur në ndihmë popullatës. “Kur shfaqet një risk që vë në rrezik shëndetin e popullatës, duhet të merren masa urgjente për mbrojtjen e shëndetit publik”, – theksoi Cicolli, duke shtuar se masat për reduktimin e zhurmës në burim duhet të merren sa herë që është e qartë se mund të realizohet. Ndërkohe, ai theksoi se është e nevojshme fusha juridike e zhurmave, pasi mungon një ligj për ndotjen akustike. Sipas tij, duhet të vihet në zbatim një program me faza mbi reduktimin e zhurmës, sidomos në ambiente specifike, si shkolla, banesat, spitalet etj. e. bardhi</p> Policia: Bashkia merret me lokalet e natës</p> Ndotja akustike vazhdon akoma të jetë në nivele të larta në kryeqytet dhe në disa qytete të tjera në Shqipëri. Shumë qytetarë ankohen për nivelin e lartë të zhurmës të krijuar sidomos nga muzika e lartë në lokalet e natës. Por pavarësisht kësaj situate dhe shqetësimeve të vazhdueshme të banorëve të kryeqytetit, eliminimi i zhurmave mbetet problematik për sa i përket ndërhyrjes së strukturave të Policisë së Tiranës për të marrë masa ndëshkuese ndaj lokaleve që nuk respektojnë normat e ndotjes akustike dhe orarin e veprimtarisë së tyre.</p> Policia shfajësohet se vendosja e masave ndëshkuese për të gjitha llojet e bizneseve që krijojnë ndotje akustike është në kompetencë të Policisë Bashkiake, ndërsa roli i saj mbetet vetëm mbështes për të shmangur incidentet e mundshme. Për nivelin e lartë të ndotjes akustike në kryeqytet, sidomos në zonën e ish- Bllokut ka patur ankesa dhe nga përfaqësues të trupit diplomatik të akredituar në Tiranë.</p> Burime zyrtare nga Avokati i Popullit pohuan për “Shekullin”, se një diplomat i huaj është ankuar pranë këtij institucioni për zhurmat e lokaleve të natës, në Rrugën “Dëshmorët e 4 Shkurtit”. Ankuesit kanë paraqitur pretendimet e tyre se nga ushtrimi i aktiviteteve të lokaleve deri në orët e vona të natës, sidomos në fundjavë, volumi i muzikës ngrihet jashtë çdo norme, duke e bërë qëndrimin në banesë sipas banorëve jo normal.(Shekulli)</p> Ky artikull eshte marre nga: http://www.albaniasite.net/?p=22681. Per me shume artikuj te ngjashem vizitoni: http://www.albaniasite.net/?p=22681

Zyrtarët e Kosovës po pasurohen brenda natës Sipas Agjencisë Kosovare Kundër Korrupsionit, ndër institucionet më të korruptuara në Kosovë janë: Pushteti qendror, pushteti lokal dhe ndërmarrjet publike. Ndërsa, në rend të parë radhitet gjyqësori. Në një prononcim për Radion Deutsche Welle, shefi i kësaj agjencie Hasan Preteni ka shpjeguar se, fakti se korrupsioni në Kosovë nuk lajmërohet në masën e duhur, edhe më pak hetohet, kurse nuk gjykohet fare, përbën pengesën më të madhe për luftimin e kësaj dukurie…</p> Agjensia Kosovare Kundër Korrupsionit është themeluar në korrik të vitit 2006, me qëllim të parandalimit dhe luftimit të këtij fenomeni. Kjo agjenci ndër të tjera, ka përgjegjësinë të përcjellë tek Prokuroria Publike e Kosovës informatat për shkelje të mundshme korrupsioni, që e njëjta të iniciojë procedurë të mëtutjeshme penale si dhe zhvillon hetime administrative lidhur me akuzat e supozuara për korrupsion në ato raste kur nuk iniciohet procedurë penale.</p> Mirëpo, procedura ngec pikërisht tek gjyqësori, sepse sipas Pretenit, “gjyqësori në Kosovë nuk merret me trajtimin e çështjeve siç është korrupsioni”.</p> “Dhe, këtë e them me përgjegjësi të plotë, sepse agjencia deri më tani ka përcjellë më shumë se 150 informata për veprime të mundshme korruptive. Mirëpo, edhe me këtë korrupsion të pranueshëm në masë shqetësuese, asnjë peshk i madh ende nuk është arrestuar për veprime të korrupsionit”, ka thënë ai.</p> Si rrjedhojë, ka shpjeguar ai, shumica e rasteve të lajmëruara janë tërhequr nga Gjyqësori i Kosovës dhe janë bartur te Misioni Evropian për Polici dhe Gjyqësi në Kosovë.</p> Sipas Pretenit, në krye të listës së institucioneve të korruptuara prin pushteti qendror, pushteti lokal, ndërmarrjet publike dhe gjyqësori i Kosovës. “Ndërsa, e them me përgjegjësi se korrupsioni nuk është i shtrirë tek Policia e Kosovës. Korrupsioni është i shtrirë më lart, ku edhe buxhetet janë më të mëdha. Zyrtarët po pasurohen brenda natës dhe për kohë të shkurtër po krijojnë pasuri të patundshme marramendëse. Ndërsa, qytetarët e Kosovës këtë e shohin…”, ka thënë ai.</p> Agjencia Kosovare Kundër Korrupsionit, së bashku me përfaqësuesit e institucioneve vendore dhe ndërkombëtare të instaluara në Kosovë, kanë përgatitur Draft Ligjin për deklarimin, prejardhjen dhe kontrollin e pasurisë, Draftligjin për parandalimin e konfliktit të interesit në ushtrimin e funksionit publik, Amandamentimin e Ligjit kundër korrupsionit si dhe Strategjinë antikorrupsion 2009-20011, dokumente të cilat nga qeveria i kanë kaluar për miratim Kuvendit të Kosovës. /Telegrafi/</p> Ky artikull eshte marre nga: http://www.albaniasite.net/?p=22668. Per me shume artikuj te ngjashem vizitoni: http://www.albaniasite.net/?p=22668

TIA: Partitë, jo transparente, fshehin donatorët e fushatës Transparency International Albania ka publikuar raportin e saj të fundit për financat e partive, sipas të cilit partitë kanë fshehur shpenzimet dhe faturat e fushatës elektorale.</p> TIA bën thirrje që partitë t’i japin fund heshtjes së tyre të plotë lidhur me një transparencën që duhet të bëjnë për fondet e tyre.</p> “Partitë politike janë në mungesë transparence dhe nuk respektojnë Kushtetutën dhe Kodin Zgjedhor”- thuhet në raport, madje në të ngrihen edhe dyshime se fushata mund të jetë bërë edhe me financime të paligjshme, apo me fonde publike.</p> “Informacioni ekziston vetëm për fondet e përftuara nga buxheti i shtetit por nuk ka asnjë të dhënë për të ardhurat nga donacionet private. Në asnjë nga mjetet e informimit publik partitë politike nuk kanë deklaruar shumën totale të shpenzimeve të tyre gjatë kësaj fushate elektorale. Për këtë i kërkojmë sa më parë partive politike të bëjnë publike sa më parë shumën e shpenzimeve të tyre pasi kjo është mënyra më e mirë për të verifikuar respektimin e Nenit 90 të Kodit Zgjedhor i cili parashikon ndalimin e shpenzimeve më të mëdha se 10 fishi i shumës më të madhe që një subjekt zgjedhor ka marrë nga fondet publike”- thuhet në raport.</p> Publikimi i listës së kontributorëve të fushatës elektorale të partive politike, sipas TIA është mënyra më e mirë për të kontrolluar respektimin e Nenit 89 të Kodit Zgjedhor, i cili ndalon financimin nga subjekte të posaçme si investitorët me fonde publike, financuesit e huaj etj.</p> “Përdorimi i fondeve publike në fushatë është një shqetësim i shprehur si nga raportet e ndërkombëtarëve ashtu edhe media vendase, por publiku ende nuk di masën në të cilën është thyer ligji dhe përkatësisht Neni 3/pika 7 dhe Nenin 88 të Kodit Zgjedhor , i cili ndalon përdorimin e fondeve publike për qëllime elektorale”- thuhet më tej.</p> Transparency International Albania propozon hartimin e një ligji të plotë për financimin e partive politike (ligj që përfshin jo vetëm çka ndodh në fushatë, por edhe midis dy fushatave) duke synuar respektimin e Nenit 9 të Kushtetutës.</p> Dt 17 shtator GRECO për Shqipërinë: Problem korrupsioni dhe financat e partive</p> Strasburg- Grupi i Shteteve Kundër Korrupsionit (GRECO) ka vënë në fokus të raportit të saj për vendin tonë, kriminalizimin e korrupsionit dhe transparencën e financimit të partive politike në Shqipëri. Raporti konstaton se megjithë përparimet në sferën ligjore ka ende mangësi në legjislacionin aktual shqiptar për korrupsionin, ndërkohë që sugjeron ngritjen e një mekanizmi të posaçëm për mbikëqyrjen e financave politike në përgjithësi. Korrupsioni Sipas raportit janë identifikuar probleme siç është aplikimi i kufizuar i neneve ekzistuese përsa i përket korrupsionit të punonjësve publikë të huaj dhe ndërkombëtar; nivelin e dobët të sanksioneve të mundshme për vepra korrupsioni të kryera në sektorin privat ; dhe disa boshllëqe në raport me kompetencën në raste shkeljesh me korrupsion dhe trafik influence kryer jashtë shtetit. Vënia në praktikë e legjislacionit penal të duhur duhet të forcohet. Transparenca e financimit të partive Lidhur me transparencën e financimit të partive politike, raporti dëshmon se Shqipëria është tashmë e angazhuar në procesin e reformave premtuese, me qëllim përmirësimin e nivelit të ulët të transparencës në financimin e partive politike shqiptare. “Kodi i ri elektoral, në fuqi që prej janarit 2009, futi një sistem të ri për të siguruar transparencën dhe kontrollin e financimit të fushatave zgjedhore. GRECO nënvizon se është e nevojshme të miratohen tani masa konkrete për të vënë efektivisht në punë rregulloret e reja”- thekson raporti. Sipas tij, si fillim, është e nevojshme të zhvillohet një mekanizëm i pavarur i pajisur me pushtete të mjaftueshme për të mbikqyrur një herësh edhe financimin e fushatave zgjedhore edhe financimin politik në përgjithësi – në kundërshtim me regjimin aktual të ndarjes së përgjegjësive mes shumë institucioneve.</p> “Për më tepër, duhet vënë në një linjë Ligji për partitë politike me normat e Kodit të ri Elektoral për sa i përket transparencës, mbikqyrjes, aplikimit të rregulloreve. Autoritetet shqiptare janë të ftuara të vazhdojnë përpjekjet e tyre me qëllim vendosjen dhe vënien në zbatim të një sistemi të plotë për të siguruar transparencën e financimit politik”-përfundon rekomandimi i raportit.</p> Ky raport është përgatitur në kuadrin e Ciklit të tretë të Vlerësimit të GRECO. Vënia në zbatim e këtyre rekomandimeve, do të përbëjë objektin e një shqyrtimi të ri nga ana e GRECO-s, nga fundi i vitit 2010, në kuadrin e procedurës së saj specifike të përmbushjes.(shekulli)</p> Ky artikull eshte marre nga: http://www.albaniasite.net/?p=22665. Per me shume artikuj te ngjashem vizitoni: http://www.albaniasite.net/?p=22665

Kërkohet tërheqja e enciklopedisë, akademikët maqedonas kundërshtojnë Lëvizja qytetare Zgjohu, e mbështetur nga thuajse të gjitha partitë politike shqiptare dhe disa institucione dhe OJQ kanë kërkuar largimin e redaktorit kryesor, Bllazhe Ristevski, nga Akademia Maqedonase e Shkencave si dhe tërheqjen e këtij botimi. Përfaqësuesi i Lëvizjes Zgjohu, Adrian Limani, theksoi se enciklopedia e rrezikon karakterin multietnik kushtetues të Maqedonisë, nxit urrejtje ndëretnike, falsifikon historinë e popullit shqiptar dhe i përvetëson figurat më të ndritura të kombit shqiptar, siç është Nënë Tereza. OJQ-të dhe partitë politike shqiptare kërkojnë që edhe kryeministri i Maqedonisë publikisht të tërhiqet nga enciklopedia, në të kundërtën do të thotë se ai dhe Qeveria i mbështesin qëndrimet e Akademisë maqedonase. Ristovski: Nuk e bëmë Enciklopedinë që dikush ta tërheqë!</p> Redaktori kryesor i Enciklopedisë maqedonase, akademiku Bllazhe Ristovski, në një deklaratë për BBC ka deklaruar se nuk do ta tërheqin nga qarkullimi këtë enciklopedi, përkundër reagimeve të ashpra nga faktori shqiptarë dhe ai ndërkombëtarë. Qëndrimi ynë është thënë në atë Enciklopedi maqedonase. Ne nuk e bëmë atë që dikush ta tërheqë, por që të shërbejë si produkt shkencor nga shkenca maqedonase në tërësi dhe të shërbejë si dëshmi për Maqedoninë dikur dhe tani dhe nuk mund të mendojmë që ta tërheqim. Për sa i përket ndryshimeve…, rreth ndryshimeve le të urdhërojnë do të flasim atëherë për atë. Në tërë</p> Ky artikull eshte marre nga: http://www.shqipmedia.com/?p=22749. Per me shume artikuj te ngjashem vizitoni: http://www.shqipmedia.com/?p=22749

Maradona i konfiskohen vathët për tatimet Agjencia italiane e lajmeve ANSA pohon se Maradona ka borxh 37 milionë euro nga koha kur në mes të viteve 1984 e 1991 ka luajtur për Napolin. Policia italiane ia ka marrë vathët trajnerit të kombëtares argjentinase Diego Maradonas, në tentim që të paguaje një pjesë të tatimit të cilin ish futbollisti ia ka borxh shtetit nga koha kur ai ka luajtur për ekipin nga Napoli. Maradona ia ka dorëzuar vathët me vlerë prej rreth 4.000 eurosh policisë në një spital në veri të Italisë, njofton transmetuesi britanik BBC. </p> Agjencia italiane e lajmeve ANSA pohon se Maradona ka borxh 37 milionë euro nga koha kur në mes të viteve 1984 e 1991 ka luajtur për Napolin.</p> Në spital ai po qëndronte pas një serie të humbjeve të kombëtares argjentinase dhe ku po gjente shërim për shkak të problemeve me stres dhe peshë të tepërt. </p> Për shkak të rezultateve të dobëta, për të cilat Maradona ka marrë përsipër fajin, kombëtarja argjentinase është në rrezik që për herë të parë pas vitit 1970 të mos kualifikohet për Kampionatin Botëror./telegraf/</p> Ky artikull eshte marre nga: http://www.albaniasite.net/?p=22655. Per me shume artikuj te ngjashem vizitoni: http://www.albaniasite.net/?p=22655

Derbi show në Manchester, Owen firmos 4-3 për United Një sfidë e paharrueshme në stadiumin Old Trafford ku United ka fituar në minutën e 96 ndaj milionerëve të City. Premtimet para ndeshjes tregonin se do të kishte spektakël dhe derbi i Manchesterit nuk ka zhgënjyer duke dhuruar 7 gola. Në sfidën e luajtur në në stadiumin Old Trafford Manchester United ka fituar në minutën e 96 ndaj milionerëve të City dhe ndeshja është vendosur nga një gol i Michael Owen.</p> Në fillim ishte sulmuesi Rooney që gjeti në sekondat e para avantazhin por u barazua nga City me Bellamy. Edhe goli i Fletcher për United është barazuar sërish nga Barry. Fletcher shënoi sërish por barazimi për herë të tretë u vendos nga Bellamy.</p> Më pas goli i Michael Owen në minutën e 6-të shtesë shpërtheu në delir impiantin Old Trafford me fitoren e United./thesun/</p> Ky artikull eshte marre nga: http://www.albaniasite.net/?p=22658. Per me shume artikuj te ngjashem vizitoni: http://www.albaniasite.net/?p=22658

Albanologët: Maqedonia trillon për shqiptarët Qendra e Studimeve Albanologjike në Tiranë ka kundërshtuar fuqimisht shpifjet dhe trillimet e botuara në Enciklopedinë e Akademikëve të Maqedonisë për kombet e tjera, si në rastin më konkret, shqiptarët. Në një reagim të fortë, albanologët i janë përgjigjur tezës së maqedonsve me fakte historike duke i kritikuar se po dëshmojnë se “e shohin demokracinë si një rrezik dhe jo si një projekt zhvillimi dhe lirie qytetëruese”. “Qendra e Studimeve Albanologjike në Tiranë, ashtu si dhe institucionet e tjera shkencore shqiptare, alarmohen nga rishfaqja në Ballkan e metodave tendencioze antishkencore me frymëzim nacionalist, të cilat minojnë urat e miqësisë dhe të solidaritetit ndëretnik që shtetet tona po përpiqen të ndërtojmë”, shprehet në një deklaratë për shtyp Qendra e Studimeve Albanologjike në Tiranë. Në të shpjegohet se liria akademike është gjithçka tjetër, përpos liri për të mashtruar. “Shkenca shpeshherë mund të jetë e ashpër në afirmimin e së vërtetës, por ajo nuk mund të jetë shkencë kur merr përsipër të fabrikojë fiksion dhe të prodhojë urrejtje”. Studiuesit shqiptarë shpjegojnë se gjuha shqipe është prova e qartë që tregon vjetërsine e popullit tonë. “Zhvillimi historik i gjuhës shqipe dëshmon qartë për praninë e pandërprerë të faktorit shqiptar në trevat ku shqiptarët banojnë sot. E faktojnë këtë sidomos marrëdhëniet gjuhësore të shqipes me greqishten e vjetër, me latinishten, me rumanishten dhe me gjuhët sllave”,- thuhet në deklaratën e albanologëve Sipas tyre, shkencat historike e arkeologjike kanë provuar me kohë se Maqedonia e sotme nuk ka të bëjë me Maqedoninë antike, popullsia e së cilës ishte heterogjene dhe përbëhej nga helenë, trakë e ilirë. Ndaj sipas tyre, rimarrja, së fundi, nga studiues maqedonas e tezës së vjetër të një “ekspansioni të dhunshëm demografik” të shqiptarëve, pa sjellë kurrfarë argumenti të qenësishëm, tingëllon mjaft arkaike në kushtet e sotme. Sipas albanologëve me trillimet dëshmohet qartë se “Është e kuptueshme që kombi i ri maqedon, që e fitoi të drejtën shtetformuese mbas shembjes së Murit të Berlinit, ndodhet ende në fazën e ndërtimit të identitetit të vet”. “Për fat të keq, botimi akademik i “Enciklopedisë maqedonase”, në vend që të ndërtojë një identitet të ri dhe të qëndrueshëm maqedon për të gjithë, padit një krizë të fortë identiteti”. Albanologët shprehen se për fat të keq studiuesit maqedonas duket se nuk kanë nxjerrë mësime nga e kaluara e hidhur e afërt, kur dokumente të ngjashme pseudoshkencore të Akademikëve serbë, sipas albanologëve u përdorën prej ultranacionalistëve shovinistë për të përgatitur fushatat e konflikteve dhe spastrimin etnik në ish-Jugosllavi, duke frymëzuar ndër të tjera genocidin kundër shqiptarëve të Kosovës dhe revoltat e armatosura të shqiptarëve të Maqedonisë. “Akademikët maqedonas po dëshmojnë se e shohin demokracinë si një rrezik dhe jo si një projekt zhvillimi dhe lirie qytetëruese”, citohet në deklaratën e djeshme për shtyp. Sipas tyre me trillime antishkencore dhe denigruese ndaj kombeve të tjerë nuk i shërbehet integrimit dhe prosperitetit të popujve ballkanikë. Në këtë pikë albanologët bëjnë thirrje se pjesa e dhunshme e historisë së copëtuar të Ballkanit, duhet thjesht të mbetet në histori. Reagimi i albanologeve shqiptare vijne pasi Akademia e Maqedonisë publikoi një enciklopedi para pak ditësh ku në pjesën për shqiptarët përdor termat “arbanasi”, “arnautë”, “shiptari” me interpretimin se shqiptarët janë njerëz të ardhur nga malet. Më tej thuhet se shqiptarët në Maqedoni janë dyndur në shekullin e 16-të dhe 18-të e deri pas luftës së Dytë Botërore duke e ngushtuar popullatën maqedonase, duke e terrorizuar atë dhe dëbuar nga vatrat e tyre.</p> Akademikët Gjuha shqipe dëshmi e vjetërsisë</p> “Zhvillimi historik i gjuhës shqipe dëshmon qartë për praninë e pandërprerë të faktorit shqiptar në trevat ku shqiptarët banojnë sot. E faktojnë këtë sidomos marrëdhëniet gjuhësore të shqipes me greqishten e vjetër, me latinishten, me rumanishten dhe me gjuhët sllave. Veçanërisht marrëdhëniet gjuhësore me rumanishten, të cilat shtrihen në elementin autokton të këtyre dy gjuhëve dhe në evolucionin e njëjtë që kanë ndjekur huazimet e hershme latine, dëshmojnë se këta dy popuj kanë qenë në kontakt me njëri-tjetrin në periudhën e antikitetit dhe të mesjetës së hershme dhe se vetëm dyndjet sllave e ndanë botën shqiptaro-rumune në dy pjesë. Bashkëjetesa e këtyre dy popujve në një periudhë të hershme parasllave është dëshmi e qartë e pranisë së pandërprerë të elementit shqiptar në trevat ku këta banojnë sot, sidomos në pjesën kontinentale në perëndim të Gadishullit Ballkanik. Nga ana tjetër, të dhënat e toponomastikës antike e mesjetare, disa prej të cilave i përkasin shtresës ilire, kurse disa të tjera janë me origjinë latine, në formën e tyre dhe në zhvillimet që kanë pësuar në gojë të shqiptarëve dëshmojnë për praninë e pandërprerë të elementit shqiptar në trevat ballkanike. Ndërkaq, toponimet që kanë hyrë më vonë nga gjuhët sllave dëshmojnë për një shtresë më të re, duke vërtetuar se popullsitë sllave kanë ardhur e janë ngulur në trevat e banuara nga shqiptarët në një epokë më të vonë, e njohur si epoka e dyndjeve të mëdha”.</p> Dokumentet Dokumentet mesjetare të kancelarive të kohës, si dhe udhëtarë e misionarë perëndimorë gjatë shekujve XI-XIV, kanë përmendur ekzistencën në viset e banuara sot nga shqiptarët të një popullsie që fliste një gjuhë origjinale dhe krejt të ndryshme nga latinishtja, nga greqishtja bizantine e nga sllavishtja mesjetare. Po kështu, në shekullin XV regjistruesit e popullsisë dhe kronistët osmanë i përcaktojnë shqiptarët si një nga elementet etnikë përbërës në territorin e Maqedonisë aktuale. Ky realitet historik është i pranuar nga qarqet shkencore ndërkombëtare qysh në shekullin XIX.</p> Shtrembërimi i historisë Akademikët maqedonas po dëshmojnë se e shohin demokracinë si një rrezik dhe jo si një projekt zhvillimi dhe lirie qytetëruese. Pritej që me idetë e tyre ata ta çonin përpara drejt integrimeve rajonale dhe evropiane republikën e tyre të re, kurse në fakt i lejuan vetes që të tërhiqen prapa nga forca të së shkuarës, duke iu rikthyer politikave përjashtuese e diskriminuese raciste, të frymëzuara nga pseudo-akademizimi i perënduar pansllav. Me trillime antishkencore dhe denigruese ndaj kombeve të tjerë nuk i shërbehet integrimit dhe prosperitetit të popujve ballkanikë. Shtrembërimi i historisë, fyerja ndaj identitetit të shqiptarëve të Maqedonisë e të shqiptarëve në përgjithësi, jo vetëm që nuk i sjellin asnjë dobi afirmimit dhe konsolodimit identitar maqedonas, por krijojnë në mënyrë artificiale tensione ndëretnike në vend, duke vënë në vështirësi perspektivat euro-atlantike rajonale.</p> Kosova “Enciklopedia maqedonase, skandal i pashembullt” Akademia e Shkencave dhe e Arteve të Kosovës ka reaguar dje ndaj një botimi të Akademisë së Shkencave dhe Arteve të Maqedonisë, ku përdoren referenca përçmuese dhe fyese për shqiptarët si dhe fakte të padëshmuara historike. Akademia e Kosovës thotë se shpërdorimi i Enciklopedisë për llogari të paragjykimeve etnike mund të jetë vetëm rezultat i urrejtjes. Kryesia e Akademisë së Shkencave dhe e Arteve të Kosovës shkruan se kishte besuar se qëndrimet antishqiptare të një pjese të Akademisë Maqedonase kishin marrë fund para disa vitesh me largimin e ish-Kryetarit të saj që kishte kërkuar ndarjen e vendit dhe shpërngulje të popullatave. “Gafat elementare në paraqitjen e historisë,vlerësimet primitive shoviniste të popullit tjetër të kujtojnë kohë të kaluara e të errëta”, thonë më tej akademikët e Kosovës, të cilët shtojnë se ky skandal i pashembullt për nivelet akademike shtyn të mendohet me tërë seriozitetin për pozitën e shqiptarëve në Maqedoni. Akademia e Maqedonisë publikoi një enciklopedi para pak ditësh ku në pjesën për shqiptarët përdor termat “arbanasi”, “arnautë”, “shiptari” me interpretimin se shqiptarët janë njerëz të ardhur nga malet. Më tej thuhet se shqiptarët në Maqedoni janë dyndur në shekullin e 16-të dhe 18-të e deri pas luftës së Dytë Botërore duke e ngushtuar popullatën maqedonase, duke e terrorizuar atë dhe dëbuar nga vatrat e tyre.</p> dt 20 shtator Enciklopedia maqedonase, goditje e rëndë për shqiptarët</p> UPDATE Akademikët, studiuesit dhe historianët shqiptarë dënojnë veprën e turpshme dhe kërkojnë heqjen e saj nga qarkullimi</p> “Një provokacion politik maqedonas ndaj shqiptarëve dhe historisë së tyre”. Kështu e kanë cilësuar studiuesit shqiptarë përmbajtjen e Enciklopedisë së realizuar nga Akademia e Shkencave të Shkupit, ku shtrembërohen faktet historike për shqiptarët dhe ata goditen rëndë në identitetin e tyre kombëtar.</p> Zv/kryetari i Akademisë së Shkencave në Tiranë, Myzafer Konkurti, deklaroi dje për median se shkrimet janë shtrembërime të historisë dhe se shqiptarët janë autoktonë në Maqedoni dhe se këto shtrembërime kanë qëllime “politike”. Studiuesit shqiptarë e cilësojnë një minim për bashkëjetesën mes dy komuniteteve Enciklopedinë Maqedonase, duke pohuar madje se ajo nuk është një botim rastësor, por një provokacion politik. Historiani Pëllumb Xhufi ka deklaruar se kjo akademi, në 2001-shin botoi një promemorie që hidhte idenë e ndarjes së Maqedonisë dhe e cilëson këtë enciklopedi si shpirt të keq intolerant, që nuk sheh mundësi bashkëjetese mes sllavëve dhe shqiptarëve. Studiuesi Dritan Egro, e cilëson këtë një dështim të radhës të Maqedonisë dhe argumenton se shqiptarët janë një nga popujt më të vjetër në Ballkan. “Më duket e pavend sot, kur dokumentacioni historik, Maqedoninë, nga shekulli i 15-të nuk e përmend fare. Ky shtet u krijua për të kënaqur fuqitë e mëdha”, – u shpreh Egro. Historiani dhe politikani i njohur, Sabri Godo, në reagimin e tij thotë se enciklopedia është një goditje e rëndë për shqiptarët dhe me këtë “minohet përpjekja për bashkëjetesë në Maqedoni, mes shqiptarëve e maqedonasve”,- duke e cilësuar enciklopedinë një botim me nëntekst nxitjen e maqedonasve. Godo kërkon që të hiqet nga qarkullimi ky botim dhe Qeveria Maqedonase të reagojë.</p> Enciklopedia u promovua të mërkurën nga Akademia e Shkencave dhe Arteve të Maqedonisë. Në të, akademikët maqedonas i paraqesin shqiptarët si të ardhur nga Shqipëria, dhe uzurpues të shtëpive maqedonase. Akademikët maqedonas thonë se shqiptarët njihen si “arbanasë”, “arnautë” dhe “shqiptari”, kjo e fundit shoqërohet me shpjegimin përkatës (njerëz mali). Në këtë enciklopedi, të financuar nga Qeveria e Maqedonisë, shkruhet se “prejardhja e shqiptarëve të Maqedonisë është nga Veriu i Shqipërisë, fisi i gegëve dhe vendosja e tyre fillimisht ishe nëpër qytetet si Tetovë e Gostivar, të cilët me ndihmën e bandave të kaçakëve terrorizuan popullsinë maqedonase duke i detyruar të shpërngulen, për rrjedhojë, vatrat maqedonase dhe fshatrat e tyre u populluan me shqiptarë. Deri në fillimet e shekullit të 20-të, shqiptarët numëronin 20 mijë banorë”. Sipas akademikëve maqedonas, rritja e numrit të popullsisë shqiptare në Maqedoni argumentohet me natalitetin e lartë dhe migrimet nga Kosova.</p> Shoqata e Veteranëve të UÇK-së “Kalaja” ka reaguar lidhur me heshtjen e institucioneve dhe intelektualëve shqiptarë për botimin e “Enciklopedisë maqedonase”, që sipas kësaj shoqate është shumë poshtëruese për shqiptarët. Sipas kësaj shoqate, kësaj enciklopedie qarqet intelektuale shqiptare duhet t`i kundërvihen me argumente dhe fakte shqiptare, duke hartuar një enciklopedi të mirëfilltë që mbron vlerat shqiptare në Maqedoni. “Apelojmë që sa më shpejtë Shoqata e Historianëve Shqiptarë të punojë në hartimin e një `Enciklopedie Shqiptare` të këtyre trevave tona”, – thuhet në thirrjen e shoqatës së veteranëve “Kalaja”, duke reaguar për praninë e Kryeministrit Nikolla Gruevski dhe Presidentit Gjorgje Ivanov në takime të tilla, që, siç thuhet, “kanë tendenca fashizoide”.</p> Partia Demokratike Shqiptare ka reaguar ashpër ndaj enciklopedisë maqedonase</p> “Mos luani me zjarr, sepse ju garantojmë se do të digjeni”</p> Partia Demokratike Shqiptare ka reaguar ashpër ndaj enciklopedisë maqedonase, e cila poshtëron popullin dhe kombin. Anëtari i Kryesisë Qendrore të PDSH-së, Imer Aliu, në një konferencë për shtyp theksoi se Qeveria aktuale tashmë 15 muaj proklamon nacionalizëm primitiv me përmasa shqetësuese. “Paralajmërimet e PDSH-së, tashmë 15 muaj për nacionalizëm primitiv që proklamohet nga ana e kësaj Qeverie, veçmë po merr përmasa shqetësuese duke bërë falsifikim të historisë dhe duke fyer jo vetëm shqiptarët, por edhe amerikanët dhe britanikët. E gjithë kjo është pasojë e servilizmit të puthadorëve të BDI-së dhe Alisë në këtë Qeveri”, – theksoi Imer Aliu. PDSH-ja, publikisht kërkon të sqarohet roli i anëtarëve shqiptarë të kësaj akademie, Alajdin Abazi, Luan Starova dhe Ali Aliu dhe të njëjtit të japin dorëheqje, sepse kjo enciklopedi fashizoide mban vulën e Akademisë maqedonase, anëtarë të së cilës janë edhe këta shqiptarë. “Akademikët maqedonas, Gruevski dhe Alia tentojnë të gërryejnë historinë e shqiptarëve. I përkujtojmë këta se ne shqiptarët jemi një popull i lashtë që na njeh gjithë bota dhe nuk kontestohemi nga askush. Nga selia e PDSH-së ua dërgojmë një porosi: Mos luani me zjarr, sepse ju garantojmë se do të digjeni”, – theksoi Aliu.</p> Deputeti i BDI-së, Xhevat Ademi, ka reaguar ashpër ndaj enciklopedisë maqedonase</p> Do të padisim Akademinë maqedonase</p> Deputeti i BDI-së, Xhevat Ademi, ka reaguar ashpër ndaj enciklopedisë maqedonase, e promovuar ditë më parë nga Akademia e Shkencave dhe kreu shtetëror maqedonas. “Ali Ahmeti personalisht, por edhe Bashkimi Demokratik për Integrim si parti, do të padisin ASHAM-in për insinuatat dhe gënjeshtrat e prezantuara në Enciklopedi. Padia do të jetë jo vetëm për shpifjet për kryetarin Ahmeti për gjoja krime lufte, por edhe për gënjeshtrat dhe pasaktësitë që përmban enciklopedia për origjinën dhe autoktoninë e shqiptarëve”, – theksoi Ademi, njofton agjencia e lajmeve INA. Ademi thotë se në enciklopedia ka aq shumë pasaktësi, budallallëqe dhe aq shumë idiotizëm e shovinizëm, saqë njeriu duhet patjetër të mendohet thellë se pse ndodh kjo…”Çfarë porosie dëshiron të përcjellë ASHAM-i me këtë? Të vihet sot në pikëpyetje origjina dhe autoktonia e shqiptarëve, këtë mund ta bëjnë vetëm njerëz, të cilët nuk marrin erë nga shkenca, nga historia dhe historiografia nuk e kanë as germën h”, – thotë Ademi. Nga Bashkimi Demokratik për Integrim thonë se nuk do të rrinë duarkryq dhe indiferentë ndaj këtij sulmi primitiv të akademikëve maqedonas, por do t’i ndërmarrin të gjitha masat që të korrigjohen gabimet, gënjeshtrat, shtrembërimet dhe budallallëqet e këtij publikimi të shtypur me paratë e popullit.</p> Kishte pohime për trajnimin e UÇK-së nga oficerët anglo-amerikanë</p> ShBA-BRITANI: Enciklopedia maqedonase është false</p> Ambasada e ShBA-ve në Shkup dhe ajo e Britanisë i kanë hedhur si të pavërteta shkrimet në enciklopedinë e promovuar nga Akademia e Shkencave të Maqedonisë. Nga kjo ambasadë thonë se janë të zhgënjyer nga ky institucion, i cili e ka vënë emrin e vet mbi një pohim të pabazë. Nga Ambasada e ShBA-ve vlerësojnë se ky institucion duhet të mendojë se çfarë do të ndërmarrë për të përmirësuar kredibilitetin e saj. “Pohimet se oficerë amerikanë kanë trajnuar ish-ushtarë të UÇK-së janë të pabaza dhe ‘të turpshme’. Do të jemi në kontakt me Akademinë për këtë gjë, dhe jemi të dëshpëruar nga fakti se ky institucion ka vendosur emrin e vet, mbi një pohim të pabazë”, – thuhet në reagimin e Ambasadës Amerikane. Edhe nga Ambasada e Britanisë së Madhe ka pohuar se “Britania nuk ka bërë asnjë trajnim të UÇK-së, dhe se pohimet e tilla janë false.</p> dt. 19 shtator</p> Enciklopedia minon bashkëjetesën</p> TIRANË- Studiuesit shqiptare e cilësojnë një minim për bashkëjetesën mes dy komuniteteve Enciklopedinë Maqedonase, duke pohuar madje se ajo nuk është një botim rastësor, por një provokacion politik.</p> Historiani Pëllumb Xhufi ka deklaruar se kjo akademi në 2001 botoi promemorie që hidhte idenë e ndarjes së Maqedonisë dhe e cilëson këtë enciklopedi si shpirt të keq intolerant, që nuk sheh mundësi bashkëjetese mes sllavëve dhe shqiptarëve.</p> Ndërkohë, historiani Sabri Godo pohon se një botim i tillë duhet të hiqet urgjent nga qarkulli, kurse qeveria maqedonase duhet të mbajë një reagim zyrtar për këtë dokument.</p> Në vijim të reagimeve për skandalin e krijuar pas publikimit të Enciklopedisë Maqedonase, që i cilëson shqiptarët ardhacakë dhe njerëz mali, kreu i BDI-së, Ali Ahmeti deklaron se enciklopedia duhet të hiqet nga qarkullimi dhe të pezullohet këshilli miratues i këtij dokumenti. “Pres që akademikë të komunitetit maqedonas të reagojnë mbi këto dokumente dhe të rishikojnë këtë dokument përçarës dhe luftënxitës mes komunitetit shqiptar e maqedonas”- tha ai. Në të njëjtën linjë është edhe Xhevat Ademi, anëtar i kryesisë së Bashkimit Demokratik për Integrim, sipas të cilit “Enciklopedia e re e Maqedonisë është me përmbajtje tendencioze, që nuk e reflekton realitetin e të gjithë popujve, që jetojnë në Maqedoni, e veçanërisht të popullit shqiptar”.</p> Reagojnë veteranët e UÇK: Të hartohet ‘Enciklopedia shqiptare’</p> Shoqata e Veteranëve të UÇK-së “Kalaja” kanë reaguar lidhur me heshtjen e institucioneve dhe intelektualëve shqiptarë për botimin e “Enciklopedisë maqedonase”, që sipas kësaj shoqate është shumë poshtëruese për shqiptarët.</p> Sipas kësaj shoqate, kësaj enciklopedie qarqet intelektuale shqiptare duhet t`i kundërvihen me argumente dhe fakte shqiptare, duke hartuar një enciklopedi të mirëfilltë që mbron vlerat shqiptare në Maqedoni.</p> “Apelojmë që sa më shpejtë Shoqata e Historianëve Shqiptarë të punojë në hartimin e një `Enciklopedie Shqiptare` të këtyre trevave tona”, thuhet në thirrjen e shoqatës së veteranëve “Kalaja”, duke reaguar për praninë e kryeministrit Nikolla Gruevski dhe presidentit Gjorgje Ivanov në takime të tilla që siç thuhet “kanë tendenca fashizoide”. (INA)</p> Enciklopedia Maqedonase, shkakton debat e zemërim: ‘Shqiptarët, njerëz mali’</p> Qytetarët shqiptarë në Maqedoni shprehen jashtëzakonisht të fyer me përmbajtjen skandaloze të Enciklopedisë së parë të Maqedonisë, të promovuar ditë më parë nga Akademia e Shkencave dhe Arteve të Maqedonisë., në të cilën akademikët maqedonas paraqesin shqiptarët si të ardhur nga Shqipëria, dhe uzurpues të shtëpive maqedonase. Reagon ashpër shoqëria civile.</p> Në këtë enciklopedi të financuar nga Qeveria e Maqedonisë, akademikët maqedonas thonë se shqiptarët njihen si “arbanasë”, “arnautë” dhe “shqiptari”, kjo e fundit shoqërohet me shpjegimin përkatës (njerëz mali).</p> Në këtë enciklopedi shkruhet se “prejardhja e shqiptarëve të Maqedonisë është nga Veriu i Shqipërisë, fisi i gegëve dhe vendosja e tyre fillimisht ishe nëpër qytetet si Tetovë e Gostivar, të cilët me ndihmën e bandave të kaçakëve terrorizuan popullsinë maqedonase duke i detyruar të shpërngulen, për rrjedhojë vatrat maqedonase dhe fshatrat e tyre u populluan me shqiptarë. Deri në fillimet e shekullit të XIX-të shqiptarët numëronin 20 mijë banorë”.</p> Sipas akademikëve maqedonas, rritja e numrit të popullsisë shqiptare në Maqedoni argumentohet me natalitetin e lartë dhe migrimet nga Kosova</p> Nderkohe edhe Ambasadat britanike dhe amerikane në Shkup, kanë mohuar kategorikisht çdo lloj njoftimi që sygjeron ky botim, se ushtritë e dy vendeve kanë stërvitur Ushtrinë Çlirimtare Kombëtare.(Shekulli)</p> Ky artikull eshte marre nga: http://www.albaniasite.net/?p=22663. Per me shume artikuj te ngjashem vizitoni: http://www.albaniasite.net/?p=22663

Anceloti jo i shqetësuar për lëndimin e Drogba-s Lëndimi që pësoi sulmuesi I Chelsea-t Didier Drogba në fitoren 3:0 ndaj skuadrës angleze Totenham nuk e shqetëson trajnerin Carlo Ancelotti. Kemi luajtur pa Drogban edhe më parë. Ai është fantastik por ne mund tia dalim edhe pa të tha ish bossi I rossonerëve.</p> Bellamy nën hetime</p> Federata angleze e futbollit është duke shqyrtuar rastin e lojtarit të skuadrës angleze Manchester City Craig Bellamy. Ky I fundit goditi një tifoz të Manchester United I E tëra kjo ndodhi në derbin e fundjavës kur Manchester City ishte mysafir I djajve të kuq në Old Trafford.</p> Ky artikull eshte marre nga: http://www.shqipmedia.com/?p=22743. Per me shume artikuj te ngjashem vizitoni: http://www.shqipmedia.com/?p=22743

Kapelo për Kasanon: Është talent i madh Nga Anglia, ku leviz nga nje stadium ne tjetrin (dje ndoqi derbin londinez, Celzii-Totenhem), tekniku italian Fabio Kapelo ka gjetur kohen per te vleresuar mesfushorin e Sampdorias, Antonio Kasano, si futbollistin me te talentuar ne futbollin italian. Kapelo i gezohet dhe suksesit te skuadres se Anglise qe drejton qe vendosi nje rekord ne rrugen e kualifikimit per ne finalet e boterorit te ardhshem, duke arritur tete fitore radhazi. Tani ka pak dyshime per ne, nuk mund ta quash ultra-mbrojtese lojen e Anglise, pohoi Kapelo. Ne treguam se mund te adaptojme kualitetet e futbollisteve, qe ata te bashkejetojne me njeri-tjetri. Por pa futbolliste te mire nuk mund te arrish te fitosh. Kapelo ritheksoi dhe nje here planin e tij per te ardhmen: Enderra ime eshte te jem tekniku i Anglise. Nuk kam ndjere deshiren te madhe per te drejtuar Italine. Nuk e di pse, por ndoshta eshte ai ambicion per te bere nje aventure jashte apo dick ate ndryshme. Viti 2012 do te jete dhe ai i ndarjes sime me futbollin. Nuk ishte e lehte te kualifikohesh me tete fitore radhazi per ne finalet e kupes se bote. Mendoj se eshte nje arritje e madhe qe na rrit besimin. Kapelo prek dhe problemin-Kasano qe refuzohet nga Lipi per tu perfshire ne skuadren kombetare te Italise. Kur shikoje tani Antonion me kujton kohen kur ai luante me Romen. Nuk e di se si sillet jashte fushe, komentoi Kapelo. Kam thene gjithnje se ai eshte talenti me i madh ne futbollin italian dhe shpresoj qe nje dite te jete pjese e skuadres se Italise. Me pyesni nese une mund ta grumbulloje? Por ai nuk eshte anglez. </p> Ky artikull eshte marre nga: http://www.shqipmedia.com/?p=22738. Per me shume artikuj te ngjashem vizitoni: http://www.shqipmedia.com/?p=22738

Ferguson: Mbrotja duhet të përmisoje gabimet Nje derb i paharruar ai i Mancesterit, fituar nga djajte e kuq te Fergusonit, 4:3, me nje gol nga Majkell Ouen  kur u tejkaluar koha shtese me me shume se nje minute. Tekniku Ferguson ka pranuar se ky derbi mund te quhet me i madh ne historine e tij, por kjo per shkak te gabimeve ne mbrojtje nga skuadra ime. Tre here ne epersi skuadra kampione e Anglise dhe tre here barazon Mancester Siti dhe tekniku skocez eshte i pakenaqur me gabimet ne mbrojtje nga djajte e kuq. Kjo fitore mund te quhet emfatike, pasi ne mund ta kishim fituar ate me rezultat te thelle, pohoi Ferguson. Duke bere jo pak gabime ne mbrojtje, ne ndoshta ndihmuam qe ky te jete derbi me i madh per te gjitha koherat. Nese do te kshim fituar 6:0 ai do te ishte ky derbi me i madh per te gjitha koherat? Une rralle mund te kem fituar 6:0. Mancester Junajted pati nje start enderr kur realizoi shume shpejte me Runin pas kombinimit me Evran. Por Tevez i feshkellyer gjate gjithe lojes ne Old Traford, ndeshkon gabimin e portjerit Ben Foster duke i dhuruar topin gol, Garreth Berri. Ne pjesen e dyte kemi pergjigjet dhe kunderpergjigjet e mesfushorit skocez Fletcher dhe sulmuesi uellsian Kraig Bellami qe realizojne nga dy gola secili. Dhe kur ndeshja po i drejtohej minutes se 96-te vendos finalizimi i Oeunit. Mancester Junajted tani eshte vene ne ndjekje te Celesit qe nuk po gabon. Dhe derbin me Totenhem skuadra e teknikut italian Anceloti e fitoi me merited he dominim 3:0. Megjithate Mancester Junajted ne ndryshim nga sezonet e fundit, tregon se po rigjen nivelin e tij me te mire, pa perfunduar muaji shtator.</p> Ky artikull eshte marre nga: http://www.shqipmedia.com/?p=22734. Per me shume artikuj te ngjashem vizitoni: http://www.shqipmedia.com/?p=22734