Tema e ditës

I vendosin embrionin e nje gruaje tjeter Nje grua 40-vjecare ne Ohio do te linde pas nje jave, por duhet ti jape femijen nje cifti tjeter. </p> Klinika e fertilitetit se ciles i ishte drejtuar se bashku me bashkeshortin, i ka vendosur embrionin e gabuar.</p> Carolyn Savage ka bere publike dramen qe i duhet te perballonte pasi eshte njoftuar per gabimin: te abortonte apo te perballonte shtazenine dhe me pas te dorezonte femijen tek prinderit natyral.</p> Por duke qene se eshte shume besimtare, ajo ka deklaruar se do ta beje nje gje te tille.</p> Ky artikull eshte marre nga: http://www.kuriozitete.net/?p=291. Per me shume artikuj te ngjashem vizitoni: http://www.kuriozitete.net/?p=291

Nje paraziti i panjohur shfarros balenat Nuk jane zogjte ata qe shkaktojne ngordhjen e balenave ne bregdetin e Bahia Bustamantes ne Argjentine por ndodhta parazitet.</p> 42 gjitare te llojit pilot jane gjetur te pajete gjate javes se shkuar dhe shkencetaret kane kryer disa autopsi ne trupin e tyre, duke hedhur hipotezen se ato kane ngordhur per shkak te nje paraziti.</p> Shtypi ne Buenos Aires thekson se parazitet jane gjetur ne pjesen e brendshme te vesheve, nje organ jetesor ky per balenat.</p> Veshet i ndihmojne gjitaret gjigande te orientohen dhe te mbajne ekujlibrin.</p> Ky artikull eshte marre nga: http://www.kuriozitete.net/?p=294. Per me shume artikuj te ngjashem vizitoni: http://www.kuriozitete.net/?p=294

Nene ne ekstrem Juli eshte nje nene e re 33 vjecare e divorcuar prej 5 vjetesh. Jeton me te birin dhe prinderit duke zgjedhur nje jete te vecante dhe ndryshe nga shume nena te tjera. </p> Mendoj qe cuni rritet i lumtur tek nje familje e lumtur. Eshte me mire kur ka harmoni ne familje. Ndihem shume e plotesuar dhe mendoj se nuk me mungon asgje, shprehet Juli qe kerkon te harroje plotesisht martesen e deshtuar.</p> Zyrat e Rally Albania jane ndalesa me e gjate e Julit ku ajo eshte e punesuar dhe ku kalon pjesen me te madhe te dites mes posterave dhe te pasionuarve pas ketij sporti. </p> Pasditeve takohem me njerez, me garues dhe nganjehere them pse dita kaq pak ore, shprehet Juli. Me pas ajo shkon ne kopshtin e djalit, Gerit, ku kalon nje kohe te gjate me te. Nje puthje e Gerit me ben qe te harroj gjithcka, shton nena e re, e cila jeton ne harmoni me njerezit qe e rrethojne. /top-channel</p> Ky artikull eshte marre nga: http://www.kuriozitete.net/?p=297. Per me shume artikuj te ngjashem vizitoni: http://www.kuriozitete.net/?p=297

Mbështjellë marihuanën me faqe të Biblës Një grua nga Ohio në Shtetet e Bashkuara të Amerikës e ka lajmëruar të birin e saj në polici sepse e ka kapur duke tymosur marihuanë. Mirëpo, kjo gjë asaj nuk do ti paraqiste problem të madh po që se nuk do ta mbështillte atë me një faqe të shkoqur nga Bibla.</p> Zëdhënësi i policisë së qarkut Erie ka thënë se e ëma e 16-vjeçarit ka lajmëruar policinë gjysmë ore para mesnatës dhe ka lutur zyrtarët të takohen afër një autolarje të qytetit.</p> Atëherë u ka thënë se e ka parë të birin e saj se si tymos në dhomë, dhe veç kësaj ka parë një qese marihuane në sirtarin e tij.</p> Më pas u ka sqaruar, se për ti vënë kapak kësaj pune, tinejxheri ka tymosur marihuanën të cilën e ka mbështjellë me një faqe të shkoqur nga Bibla.</p> Policia ia ka konfiskuar marihuanën të riut, e më pas edhe e ka arrestuar.</p> Ky artikull eshte marre nga: http://www.kuriozitete.net/?p=301. Per me shume artikuj te ngjashem vizitoni: http://www.kuriozitete.net/?p=301

Shqipëri: Tre raste të reja me virusin A H1N1 Tre raste të reja janë konfirmuar me virusin A/H1N1, duke e çuar në 34, numrin e personave të prekur në Shqipëri. Lajmi konfirmohet nga burime zyrtare pranë Institutit të Shëndetit Publik. Dy prej pacientëve janë nga Berati dhe një nga Tirana dhe mësohet se u shëruan plotësisht. ISHP-ja, pret përgjigjet e analizave për 200 mostra, nga Laboratori i Bukureshtit, në Rumani. </p> Ky artikull eshte marre nga: http://www.shqipmedia.com/?p=22839. Per me shume artikuj te ngjashem vizitoni: http://www.shqipmedia.com/?p=22839

Berisha takohet me liderë botërorë në Samitin e Ndryshimit të Klimës në SHBA </p> Kryeministri i Shqipërisë, z. Sali Berisha mori pjesë, përkrah liderëve botërorë, në hapjen e Samitit mbi Ndryshimin e Klimës që zhvillon punimet në SHBA. Gjatë seancës së samitit, platenë e përshëndeti Presidenti i Shteteve të Bashkuara të Amerikës, Barak Obama dhe Sekretari i Përgjithshëm i OKB-së, Ban Ki Moon.</p> Pas ceremonisë, në kuadër të Samitit të Ndryshimit të Klimës, Kryeministri Berisha ishte i ftuar në drekën zyrtare dhe pasdite mori pjesë në Tryezën e Rrumbullakët të Kryetarëve të Shteteve dhe të Qeverive, të cilët diskutuan gjerësisht mbi këtë temë kaq shqetësuese për mbarë botën.</p> Ndërkohë më herët, Kryeministri Berisha u takua me liderë botërorë dhe drejtues të organizatave ndërkombëtare, pjesëmarrës në sesionin e 64-të të Asamblesë së Përgjithshme të Kombeve të Bashkuara, në Nju Jork. Z. Berisha pati rastin të takohet dhe të bisedojë me Sekretarin e Përgjithshëm të OKB-së Ban Ki Moon,  me Presidentin e Kinës Hujintao, si dhe me disa homologë të tij, Kryeministrin e Japonisë, Hotajama, Kryeministrin e Kuvajtit, Kryeministrin e Australisë, Kryeministrin e Zelandës së Re. Gjithashtu, Kryeministri u takua edhe me Presidentin e Austrisë, me Presidentin e Finlandës dhe disa personalitete te tjera, të pranishëm në Samit.</p> Gjatë bisedës me ta u diskutua dhe u shkëmbyen pikëpamje mbi zhvillimet në Shqipëri, reformat e ndërmarra nga qeveria shqiptare për integrimin e vendit në BE. Ne fokus te bisedimeve ishin gjithashtu edhe zhvillimet ndërkombëtare.</p> Kryeministri Berisha ftoi liderët botërorë të vizitojnë Shqipërinë si dhe u shprehu atyre gatishmërinë për një intensifikim të marrëdhënieve me vendet e tyre si në rrafshin politik ashtu dhe në atë ekonomik. Takimi Sejdiu – Berisha</p> Presidenti i Kosovës Fatmir Sejdiu dhe ministri i Punëve të Jashtme, Skender Hyseni, u takuan mbrëmë në Nju Jork me kryeministrin e Shqipërisë, Sali Berisha dhe ministrin e Punëve të Jashtme Ilir Meta, në një darkë, që për nderë të dy delegacioneve e kishte shtruar misioni i Përhershëm i Republikës së Shqipërisë në OKB. Në këtë takim të përzemërt u diskutua edhe për koordinimin e veprimeve të të dy delegacioneve në lobimin që do të bëjnë për përshpejtimin e njohjes së Kosovës nga vendet që ende nuk e kanë bërë këtë. Delegacioni i Kosovës dhe Shqipërisë do të marrin pjesë në punimet e Sesionit të 64 të Asamblesë së Përgjithshme të Organizatës së Kombeve të Bashkuara. </p> Ky artikull eshte marre nga: http://www.shqipmedia.com/?p=22834. Per me shume artikuj te ngjashem vizitoni: http://www.shqipmedia.com/?p=22834

Enciklopedi artificiale e një shtet-kombi artificial Nga Valon Kurtishi</p> Masmedia sllavishtfolëse e Fyromit është e mbushur ditëve të fundit me informacione optimiste për promovimin e Enciklopedisë së re maqedonase nga Akademia e shkencave dhe arteve të këtij vendi. Sipas informacioneve të këtyre mediave, enciklopedia është përgatitur nga Qendra për studime leksikografike nën drejtimin e akademik Bllazhe Ristevskit me pjesëmarjen e reth 260 bashkëpunëtorëve shkencorë, të gjithë me përkatësi etnike sllave, të ndarë në bullgarë, sërbë, sllavë që ndjehen si maqedonas etnikë, arumunë të sllavizuar, disa pak shqiptarë të sllavizuar ortodoksë e ca apatridë të tjerë shqiptarë myslimanë gjithashtu. Këtë botim voluminoz dhe luksoz e ka financuar qeveria e Fyromit nga buxheti republikan i cili mbushet me kontributet e gjithë taksapaguesve që jetojnë në këtë shtet artificial. 35 % e këtyre taksapaguesve janë me përkatësi etnike shqiptarë, kurse edhe reth 15-20 % e taksapaguesve të tjerë të këtij vendi janë me kombësi jomaqedonase. Pjesa që mbetet, reth 40-45 % e popullsisë janë sllavishtfolës të papërcaktuar etnikisht që nën ndikimin e propagandave komuniste të Titos dhe Llazar Kolishevskit sot mbahen si ose mendojnë se janë, maqedonas etnikë. Kjo është një kombësi e re e formuar më 1945 me dekretet administrative të Presidiumit të Republikës Popullore Federative të Jugosllavisë për të evituar përçarjen e madhe brendasllave të komunistëve sërbë me Titon në krye dhe atyre bullgarë me Georgi Dimitrovin në lidhje me 25.000 km katrorë të Maqedonisë së Vardarit, e cila që nga viti 1912 ishte në përbërje të Sërbisë. Kështu pra, me paratë e gjithë qytetarëve të këtij vendi është financuar një enciklopedi të cilën e kanë përpiluar vetëm punonjës shkencorë sllavë dhe disa pak shqipfolës apatridë. Kundër falsifikimeve të kësaj pseudo-enciklopedie kanë reaguar një numër i personaliteteve të njohura shkencore shqiptare si zv. Kryetari i ASHASH z.Muzafer Korkuti, historiani dhe politikani i njohur z. Sabri Godo, historiani Pëllumb Xhufi etj. Për herë të parë në reagimet ndaj çoroditjeve tipike të akademikëve maqedonas janë përzier edhe ambasadat e huaja në një akt të paprecedentë diplomatik. Këto ditë ishim dëshmitarë të reagimeve të ambasadës amerikane dhe asaj britanike në lidhje me përfshirjen e tyre në politikën ballkanike dhe maqedonase të viteve 1997-2001. Enciklopedia i akuzonte këto dy shtete demokratike perëndimore për ndihmë dhënë terrorizmit ndërkombëtar!!!.Duket se kësaj specie të akademikëve u mbetet akoma inati i ndërhyrjeve amerikano-britanike në favor të paqes e demokracisë së pari në Kosovë më 1999 dhe më vonë në Maqedoni më 2001 e në vazhdim. Po çpërmban botimi në fjalë? Sipas informacioneve të pakta që i jep shtypi i shkruar dhe mediat vizive në gjuhën shqipe kemi të bëjmë me qëndrime të rezikshme dhe tendencioze kundër të vërtetave historike. Kemi të bëjmë me shtrembërime të frikshme të fakteve historike pikërisht në pjesët që kanë të bëjnë me kulturën shqiptare këtu. Falsifikate të tilla në momente kyçe të historisë së Ballkanit kanë botuar në të kaluarën akademitë respektive të Beogradit dhe Athinës. Çuditërisht, tezave të tilla joshkencore u bën jehonë edhe botimi i fundit i Akademisë së Shkupit. Grekët dhe sërbët thonë se shqiptarët i prunë turqit nga Kaukazi në Ballkan për ti nënshtruar dhe mbajtur nën kontroll popullsitë autoktone të krishtera ballkanike. Këtë e tha Vuk Drashkoviqi i Partisë çetnike sërbe në polemikën e tij të para njëzet viteve me Ismail Kadarenë në Le Mond Diplomatique të Parisit. Njëzet vite më vonë tezave të tilla të dalë boje të shovinizmit greko-sërb gjeti tu bëjë jehonë Bllazhe Ristevski me kompaninë e tij të akademikëve sërbë e bullgarë shumica dërmuese e të cilëve janë shkolluar në Beograd te Vasa Cubrilloviqi i mirënjohur. Pra, në enciklopedinë e vitit 2009 jepen falsifikatet e njëjta që tashmë dy shekuj i plasojnë në Europë qarqet e Naçertanies sërbe dhe Megali-idesë greke. Akademikët maqedonas nuk kanë bërë asnjë gjetje të re shkencore në këtë drejtim. Thjesht kanë kopjuar kolegët e tyre grekë e sërbë te të cilët duke pasur parasysh moshën shumica edhe kanë magjistruar e doktoruar. Maqedonët antikë skanë lidhje me shqiptarët e sotëm; gjuha e maqedonëve antikë nuk ka lidhje me gjuhën e sotme shqipe; ilirët janë popull pa asnjë lidhje me maqedonët antikë; Ilirët nuk kanë qenë një popullsi unike dhe nuk kanë aritur shkallën e shtetformimit d.m.th Ilirët nuk kanë pasur shtet; gjuha ilire nuk ka asnjë lidhje me shqipen e sotme; Leka i madh është etnikisht maqedonas, në kuptimin sllav modern; artefaktet ilire në Fyrom janë maqedonase sllave; shqiptarët nuk kanë ekzistuar në këto treva para ardhjes së turqve; kishat katolike dhe ortodokse në Fyromin perëndimor nuk janë shqiptare por etnike maqedonase; xhamitë janë turke nuk janë shqiptare; Skënderbeu është maqedonas etnik; Shqiptarët kanë rënë në fushat e Fyromit nga malet e Shqipërisë së veriut në shekullin e XVII; shqiptarët të sjellë nga turqit këtu; shqiptarët nuk kanë luftuar kundër turqve; vetëm 20 mjë shqiptarë në shekulllin e XIX në Maqedoninë historike; lëvizjet kaçake – plane për shpopullimin e zonave sllave nga banorët origjinalë sllavë dhe për kolonizimin e këtyre zonave me shqiptarë të egër; Shqiptarët si hajdutë, kaçakë, të egër, bashkëpunëtorë të barbarisë turke; shqiptarët nuk kanë marë pjesë në kryengritjen e shën Ilisë; Shqipëria ka okupuar një pjesë të vogël të Maqedonisë etnike në vitin 1912; Shqiptarët kanë ndihmuar okupatorin fashist në luftën e dytë botërore; Balli kombëtar ka qenë organizatë fashiste; Shqiptarët janë turq dhe si të tillë emigruan me dëshirën e tyre në vitet 30 dhe 50 në Turqi; Nënë Tereza është shkupjane jo shqiptare; UÇK ishte një organizatë terroriste e cila e prishi stabilitetin në oazën ballkanike të paqes, etj, etj. Siç shihet, enciklopedia në fjalë është produkt dhe rjedhojë e kompleksit të thellë të inferioritetit që mbizotëron sot te pjesë të gjera të shoqërisë sllvishfolëse në IRJM. Kjo pastaj reflektohet edhe në qarqe të caktuara vendimmarrëse në politikë, tek grupet opinionbërëse si dhe në rethet shkencore të cilët dalin me produkte të tilla fund e krye të manipuluara si kjo enciklopedi. Këto botime duhen shikuar edhe si formë presioni ndaj shqiptarëve të këtushëm dhe si mënyrë për të larguar vëmendjen nga problemet serioze identitare dhe kombformuese që i ka komuniteti sllav sot në raport me kulturat tjera sllave dhe atë greke që e rethojnë. Librat e këtillë janë katalizatorë të urrejtjes ndëretnike dhe shërbejnë dhe mund të krijojnë situata shpërthyese politike me pasoja të rezikshme për shoqëri të caktuara. Siç duket ata që botojnë pamflete të këtilla nuk e duan Fyromin në kufijtë e sotëm. Një precedent i tillë shumë i rrezikshëm është shumë i afërt në kohë dhe në hapësirë. Në shtator të vitit 1986 në gazetën beogradase Veçernje novosti, Akademia sërbe e shkencave dhe arteve botoi një memorandum në dy pjesë me titujt përkatës, Kriza në shoqërinë dhe ekonominë jugosllave dhe Statusi i Sërbisë dhe i kombit sërb, i cili pak vite më vonë çoi në shkatërrimin e Jugosllavisë me 22 milionë banorë. Fenomenet shoqërore kanë tendencën të përsëriten nëse nuk studiohen si duhet në mënyrë që të evitohen gabimet e njëjta. Inteligjencia shqiptare në IRJM si avangardë e shoqërisë shqiptare këtu, ka pjesën e vet të fajit për këto falsifikate të ulta që i boton Akademia e shkencave dhe arteve të Shkupit. Inteligjencia shqiptare këtu, ose ajo pjesë vogël e shoqërisë tonë që mund të evidentohet si e tillë, nuk plotëson kushtin themelor të definicionit të një intelektuali të vërtetë, e ajo është: të qenit aktiv në mbrojtje të interesave kombëtare dhe vëzhgues i përhershëm kritik i fenomeve dhe proceseve në një shoqëri të caktuar. Siç duket, shitblerja masive e di Ky artikull eshte marre nga: http://www.shqipmedia.com/?p=22829. Per me shume artikuj te ngjashem vizitoni: http://www.shqipmedia.com/?p=22829

Terroristët mund të shfrytëzojnë armë për shkatërrim masiv që në vitin 2013 </p> Terroristët mund të shfrytëzojnë armë për shkatërrim masiv në sulmet mbi cilindo qoftë qytet më të madh në botë që në vitin 2013, thuhet në raportin e publikuar dje nga udhëheqësit e Komisionit për parandalim dhe zgjerim për shkatërrim masiv dhe të terrorizmit në kuadër të Kongresit në SHBA, Bob Grem dhe Xhim Telnt.</p> <p align="justify">Ekspertët mendojnë se është e mundur që ekstremistët për qëllimet e veta të përdorin armë biologjike e jo bërthamore. Sipas tyre kanosja për Amerikën dhe botën është reale dhe po zmadhohet. Përfudimet e tyre bazohen në tre argumente.</p> <p align="justify">I pari ka të bëjë me çmimin e ulët të prodhimit dhe zgjerimin e armëve biologjike, i cili në të ardhmen do të jetë gjithnjë dhe më i lirë dhe me qasje më  lehtë. I dyti është që efikasiteti i këtij lloji të armës është më i madh se gjatë shfrytëzimit të mjetit bërthamor artizanal dhe i treti është se bioterroristët ndeshen me vështirësi më të vogla prej atyre që merren me armët bërthamore.</p> <p align="justify">Në bazë të argumenteve të theksuara, Grem dhe Tlent bënë thirrje për krijimin e nivelit federal dhe lokal të strategjisë nacionale për luftë kundër bioterrorizmit.</p> <p align="justify">Autoritetet amerikane i paralajmëruan shërbimet e policisë për sulme të mundshme terroriste mbi hotelet luksoze edhe përkrah asaj që nuk kanë informata për kohën dhe vendin e saktë.</p> <p align="justify">Paralajmërimi është dërguar nga Ministria amerikane për siguri nacionae dhe Zyra fedreale për kërkime dhe nuk lidhet me hetimin për sulmin e planifikuar me bomba në Nju-Jork dhe në Denver, për shkak të së cilave javën e kaluar kishte dy paralajmërime. </p> Ky artikull eshte marre nga: http://www.shqipmedia.com/?p=22825. Per me shume artikuj te ngjashem vizitoni: http://www.shqipmedia.com/?p=22825

Kasparov Karpov 2:0 Legjenda e shahut rus Gari Kasparov prin 2-0 ndaj mjeshtrit të madh Anatolij Karpov në ditën e parë të meçit të tyre në Spanjë.</p> Kasparovi 46 vjeçar e mundi 58 vjeçarin Karpov në të dyja lojat e para të ndeshjes në Valencia.</p> Meçi me 12 loja ndërmjet dy rivalëve të mëdhej duhet të përfundojë të premten.</p> Dueli zhvillohet 25 vjet pas përballjes së dy ikonave të shahut në një betejë historike në Moskë, që zgjati pesë muaj dhe u mbyll pa fitues, ndonëse dy shahistët dëshironin që ajo të vazhdojë.</p> Rel </p> Ky artikull eshte marre nga: http://www.shqipmedia.com/?p=22821. Per me shume artikuj te ngjashem vizitoni: http://www.shqipmedia.com/?p=22821

LSDM dhe intelektualët maqedonas kundër enciklopedisë Mes kundërshtarëve të Enciklopedisë së Maqedonisë është dhe partia më e madhe maqedone në opozitë, Lidhja Socialdemokrate. Sipas kësaj force, kryeministri Gruevski refuzon të përgjigjet ndërsa në 2001-in, përfaqësues të Akademisë së Shkencave dolën me teza për ndarjen e shtetit. </p> Ndërkaq oërmbajtja e enciklopedisë së parë maqedonase, në të cilën fyhen shqiptarët, ka filluar të kundërshtohet edhe nga intelektualët dhe profesorët maqedonë. I pari që ka ngritur zërin kundër librit është Vllado Popovski, profesor në Universitetin e Shkupit, i cili shprehet i zemëruar me krahasimet që u bëhen shqiptarëve. Në një deklaratë për Radion “Europa e Lirë”, Popovski shprehet, se dihet nga të gjithë se shqiptarët njihen si ‘albanci’, kurse shteti i tyre amë Albania. </p> Poashtu edhe profesori tjetër nga Universiteti i Shkupi dhe ish-kandidati për kryetar shteti në zgjedhjet e fundit Lubomifr Fërçkovski ka kundershtuar ashpër enciklopedinë të përpiluar nga Akademine e Shkencave të Maqedonise duke e quajtur këtë të fundit si Akademia e Shkencave të Serbisë. </p> Ky artikull eshte marre nga: http://www.shqipmedia.com/?p=22818. Per me shume artikuj te ngjashem vizitoni: http://www.shqipmedia.com/?p=22818

Blerim Destani në Festivalin e Filmit në Toronto Festivali i 34-t i filmit në Toronto është hapur pak ditë më parë me premierën botërore të filmit biografik për Carls Darvinin Krijimi.</p> Në programin e Festivalit të 34-t të filmit në Toronto do të shfaqet edhe filmi Get Low, film ku aktori shqiptar Blerim Destani ka luajtur përkrah legjendës së filmit, Robert Duvall. Filmi është me skenar të C. Gaby Mitchell, Chris Provenzano, ndërsa regjisor i filmit është Aaron Schneider (fitues i çmimit Oscar për filmin e shkurtër Two Soldiers në vitin 2004). </p> Get Low është në produksion të kompanisë Zanuck Company me producent Dean Zanuck, i cili është nipi i njërit nga themeluesit e industrisë kinematografike të Holivudit Darryl F. Zanuck.</p> Pas roleve në filmat Truth About Men dhe At Worlds End, angazhimi i Blerimit në filmin Get Low është një sukses i veçantë për karrierën e tij. </p> Projekti Get Low është një ndër filmat i cili pritet të fitojë vlerësime dhe çmime të rëndësishme, ndërsa roli i aktorit tetovar,Blerim Destani ka shkëlqyer në këtë film përkrah ikonës së aktrimit, Robert Duvall si dhe yjeve të kinematografisë siç janë Bill Murray, Sissy Spacek, Scot Cooper, Lucas Black dhe Bill Cobbs</p> Ky artikull eshte marre nga: http://thashethe.me/?p=1168. Per me shume artikuj te ngjashem vizitoni: http://thashethe.me/?p=1168

Hueyda El Saied afishohet rrugëve të Parisit Ndonjëherë thua se çfarë bën ajo sa në Tiranë, në Paris dhe anasjelltas.</p> Por edhe pse të tjerëve u duket se ajo po e shijon jetën duke u argëtuar, ne po ua hedhim poshtë këtë tezë, pasi siç kemi mësuar, përveç argëtimit Hueyda El Saied sapo ka përfunduar një set fotografish për një reklamë për muzeun Exploradrome në Paris, e cila do afishohet këto ditë nëpër metrotë dhe revistat franceze.</p> Ndërkaq, Hueyda ka kaluar javën e fundit në Tiranë dhe është nisur sërish drejt Parisit për të ardhur me plane të tjera ndoshta.</p> Ky artikull eshte marre nga: http://thashethe.me/?p=1163. Per me shume artikuj te ngjashem vizitoni: http://thashethe.me/?p=1163

Të veçantat e dasmave indiane Pjesa më e madhe në Himalajën indiane preferojnë të martohen me shkuesi dhe ta shohin nusen vetëm ditën e martesës. Për ta nuk ka rëndësi pamja e jashtme, sepse, në fund të fundit, janë të bindur që familja ka gjetur partnerin e duhur për të kaluar jetën</p> E ulur në një dhomë të vogël bojëqielli, me dëshirën për të marrë pjesë në përgatitjen për dasmë të dhëndrit, nuk mund të them sesa nervoze ndihem, madje më shumë se dhëndri. Në shtëpinë e tij në Kathdara, një fshat i vogël në Himalajën indiane, Kundan Sigh duket që është para një krize frike që të kap zakonisht para dasme, i ka ngulur thellë sytë në mur, ndërsa në duar përpiqet të rregullojë kravatën. Në ato çaste nuk do shihte edhe sikur vet Kryeministri të ishte aty dhe kjo më bënte të ndihesha më e qetë. Isha nervoze, sepse ftesa ime për këtë dasmë nuk kishte ardhur përmes mënyrave tradicionale: nuk isha as e afërme dhe as mike e familjes. Isha një e huaj që doja të shihja se si zhvilloheshin këto lloj ceremonish nga këto anë. Për këtë iu drejtova një agjencie udhëtimi vendase, “Village ways”, që ka hartuar një projekt turistik në zonën e Sinsarit, në shtetin e Uttarkhans, dhe ofron mundësi për të qenë të pranishëm në martesat e banorëve të kësaj zone. Në Khali mund të shkoje pas një udhëtimi nëntë orë me makinë nga Nju Delhi. Pas qëndrimit të një nate aty, mëngjesin e ditës tjetër kaluam me këmbë malet ngjyrë qelibari, ndërsa rrugës u takuam me disa zonja të vjetra në moshë që kishin dalë për të kullotur bagëtinë. Mbërritëm në Kathdara, një fshat krejtësisht i braktisur. Shtëpitë e bardha prej druri ishin bosh, ndërsa nëpër rrugë nuk fluturon asnjë mizë. Të gjithë kanë shkuar për të takuar nusen apo dhëndrin. Zakonisht kështu ndodh kur në fshat ka dasmë. Marrim rrugën drejt shtëpisë së Kundanit, duke lënë pas pemë të shumta arre dhe limoni. Shtëpia është e zbukuruar si për festë, ndërsa në sfond dëgjohet një muzikë e stilit bollivudian. Të afërmit e Kundanit i presin ngrohtë mysafirët dhe më ftojnë të njoh dhëndrin, ndërsa të tjerë janë duke i pikturuar fytyrën me një bojë tradicionale vendase që nxirret nga orizi. Udhërrëfyesi më shpjegon se “martesat këtu bëhen me shkuesi dhe zakonisht dhëndri nuk e takon nusen deri kur martohen”. Nuk është për tu habitur që Kundani është kaq nervoz. Jashtë shtëpisë një grup njerëzish luan muzikë me daulle dhe trombë, ndërsa shumë të tjerë kërcejnë. Bharat quhet fillimi i ceremonisë, ajo ku dhëndri feston para se të përshkojë rrugën deri te shtëpia e nuses. Në fund, bashkëshorti i ardhshëm, i hipur në një karrige që mbahet mbi supe, shkon në shtëpinë e gruas së ardhshme, Jankit, i shoqëruar nga një numër i madh të afërmish që kërcenin e këndonin. Gratë nuk lejoheshin ti shkonin pas kortezhit. Edhe në një fshat tjetër aty afër, në Dalar, po zhvillohej një dasmë. Kësaj here preferova të shkoj në ceremoninë e martesës së nuses. Afër shtëpisë dëgjohen këngë që vijnë nga dritaret e katit të dytë. Pikërisht aty, Deepa, nusja dhe gjithë gratë e familjes, janë mbledhur para se të vijë dhëndri. Në një dhomë të mbushur me gra, të reja dhe të moshuara, të gjitha janë të ulura në dysheme. Gratë kanë veshur sari ngjyrë bojëqelli, të kuqe dhe të verdha. “Deepa është me fat”, më tregon një grua. Disa nuse u premtohen burrave që jetojnë në fshatra të largët dhe që shpesh nuk e shohin më familjen e tyre. Shandan, burri i ardhshëm, jeton afër dhe Deepa do të ketë mundësinë që ti vizitojë shpesh të afërmit e saj. “Këndojnë sepse janë të trishtuar që nusja do të largohet nga shtëpia e sepse kujtojnë ndjenjën e humbjes që kanë provuar edhe ato kur i kanë thënë lamtumirë shtëpisë së tyre”, më shpjegon ajo. Grupi që i bie veglave muzikore sinjalizon për ardhjen e dhëndrit, i hipur mbi një kalë të bardhë. Në rrugë, një grup vajzash mban në dorë një tabelë ku shkruhet “Mirë se erdhe”. Sipas traditës dhëndri duhet të japë aty një lloj “takse” (para) para se të futet te shtëpia e nuses. Ndërsa në kopsht ka nisur banketi dhe gjithë të ftuarit janë ulur për të ngrënë, dy bashkëshortët e rinj takohen për herë të parë: bukuroshja Deppa del nga dhoma. Duket e kënaqur dhe e lumtur që Chandan është një djalosh bukurosh dhe shumë tërheqës. Momenti që presin të gjithë është ai kur sari i nuses lidhet te këpuca e dhëndrit dhe të dy bëjnë shtatë rrotullime rreth zjarrit, që simbolizojnë lidhjen dhe jetën që do kalojnë së bashku. Indianët martohen kryesisht me shkuesi. Kjo lloj martese është zakon në të gjithë vendin, pa dallim shtrese apo besimi. Por ajo që të çudit më shumë është se të rinjtë jo vetëm që nuk e konsiderojnë si detyrim, por e preferojnë sikur të jetë ndonjë lidhje dashurie tipike perëndimore. Në sondazhin e bërë kohët e fundit, në 2563 çifte të intervistuara, 80 për qind e tyre kanë deklaruar se janë martuar me shkuesi, por 77 për qind kanë pohuar se janë të kënaqur që martesa e tyre ka ndodhur kështu. Natyrisht, në kategorinë e “shkuesive” hyn një gamë e gjerë lidhjesh. Nga një anë janë meshkujt e rinj, të cilët nuk janë takuar kurrë më parë me vajzën që do të martohen dhe në një farë mënyre informohen për martesën e tyre të shpejtë. Nga ana tjetër, janë martesat me vetëshkuesi: ajo mes dy të rinjve të dashuruar, të cilët kanë zgjedhur një partner, i cili është në gjendje tu përgjigjet kërkesave të familjes. Nëse të rinjtë indianë pëlqejnë lidhjet me shkuesi, kjo ndodh edhe për shkak se ata pranojnë dy parime të rëndësishme: i pari, martesa është më tepër një çështje e familjes se sa një problem personal; i dyti, harmonia familjare dhe vlerat njerëzore janë më të rëndësishme se sa ndjenjat individuale. Por është edhe më domethënëse bindja që një familje ngrihet në bazë të raportit mes prindërve dhe fëmijëve e te lidhjet vëllazërore, më tepër se te marrëdhënia mes burrit dhe gruas, e cila lartësohet në shoqërinë moderne perëndimore. Sipas mentalitetit tradicional indian, qendra e familjes nuk është çifti. Kontrasti mes këtyre dy ideve të jetës familjare shpjegon popullaritetin e madh të historive të bazuara në konfliktin mes “saas” dhe “bahu”, vjehrra përbindësh dhe nusja viktimë. “Beteja” që mbyllet me triumfin e nuses mbi vjehrrën, është një nga temat që përsëritet në shumë këngë, legjendave popullore dhe skenarë filmash. Të rinjtë këtu e vlerësojnë këtë lloj martese, sepse i shpëton nga ankthi i gjetjes së një partnereje. Sido që të jenë, të bukur apo të shëmtuar, të shëndoshë apo të dobët, janë të bindur se familja do të arrijë tu gjejë shokun ose shoqen e duhur.(Shqip)</p> Ky artikull eshte marre nga: http://www.albaniasite.net/?p=22809. Per me shume artikuj te ngjashem vizitoni: http://www.albaniasite.net/?p=22809

Praga Aty ku pranvera çeli në dimër 89 çekosllovake na sjell ndër mend se si në këtë qytet historia nga dramë u shndërrua në përrallë. Ishte një shndërrim i ndodhur me shpejtësinë që ndërrohen dekoret në skenën e një shfaqjeje. Në atë vjeshtë të 20 viteve më parë, fi gura e pluhurosur e G</p> Ky ishte edhe sinjali i revoltës. Të nxitur nga ngjarjet e Varshavës, Budapestit, Berlinit, një ditë më pas, pra më 18, mbi 200 mijë kryeqytetas dolën nëpër rrugët e qytetit dhe Vaslav Havel së bashku me miqtë e tij krijuan “Forumin qytetar” dhe morën në duar drejtimin e revolucionit, që më pas mori emrin “Revo-lucioni i kadifenjtë”. Pushteti i tronditur dhe i dobësuar u shpërbë brenda disa ditësh. Më 24 nëntor, zyra politike e Partisë Komuniste dhe vetë sekretari i përgjithshëm i saj, Milos Jakes, dhanë dorëheqjen. Dhe ndërsa Vaslav Haveli doli të fliste para turmës së njerëzve e kuptoi se i gjithë qyteti ishte përfshirë nga një entuziazëm i jashtëzakon-shëm njerëzor. Ky njeri i ad-huruar nga njerëzit, brenda një kohe të shkurtër u bë Presidenti i vendit në një republikë që nuk ishte më socialiste.</p> Vetë tradita letrare e Pragës karakterizohet nga ndryshime dhe alternime shumë të shpe-jta ngjarjesh, që pasojnë njëra-tjetrën me shpejtësinë e pulitjes së qepallave. Në shembujt le-trarë kemi lakime të befta nga ironia në sarkazëm, ose nga dramatikja në komike. Por, megjithatë, ka gjithmonë një fill logjik që i lidh bashkë ngjar-jet dhe ndryshimet e humorit. Edhe në dramaturgjinë çeke vihet re kjo lloj “përzierjeje” situatash, ndjenjash, persona-zhesh të ndryshëm. Në një klimë të tillë nuk do të ishte aspak e çuditshme që Shvejku, ushtari i famshëm i të madhit Jarosllav Hashek, të mund të shëtiste buzë lumit të Pragës përkrah Josef K., nëpunësit të bankës, personazhit plot ankthe të Kaf-kës. Nga ky këndvështrim nuk ka asgjë për tu çuditur që pikërisht një autor veprash letrare, Vaslav Havel, u prit me një entuziazëm të jashtëzakonshëm nga barorët e Pragës në ditët kur po ndërro-heshin pushtetet. Satira e këtij dramaturgu kishte tentuar gjatë gjithë viteve të disidencës që të shfaqte absurditetin e sistemit komunist. Këto tranzicione të befta vlejnë edhe për politikën për sa i takon kalimit traumatik nga racionalizmi iluminist në totalitarizmin më të egër dhe anasjelltas. Kalime që vendi i ka përjetuar shumë herë gjatë his-torisë së tij. Vetë Çekosllovakia lindi nga drama e Luftës së Mad-he, jetoi dy dhjetëvjeçarë shem-bullorë si një vend demokratik dhe industrial i përparuar, për të rënë më pas nën çizmen e Hitlerit. Pas Luftës së Dytë Botërore doli sërish në dritë, por për një kohë shumë të shkurtër, për të rënë nën thundrën e një tjetër të keqeje shumë të madhe: komunizmit të egër e përçmues. Në vitin 1968 ndodhi tentativa e dështuar për shkëputje nga ky regjim i dhunshëm, por pa sukses. Këtë herë ishin sovje-tikët që ndërhynë brutalisht dhe pa mëshirë. Kjo ulje-ngritje ngjarjesh tronditëse u zhvillua gjatë shtatë dhjetëvjeçarësh. Viti 1989 ishte një shpërthim i jashtëzakonshëm, që kishte brenda diçka magjike.</p> Veçantia historike e Pragës nuk qëndron vetëm te kalimet e papritura nga drita në hije, që janë të ngjashme në fund të fun-dit edhe me ato të kryeqyteteve të tjera europiane. Me kullat e saj, urat, kështjellën ku banonin magjistare e shtriga, e lumin, Praga ofron shumë më tepër nga sa mund ta mendosh në fi llim. Në këtë qytet, që përbën në vet-vete një skenë gjigante teatrale, realiteti nuk mund veçse të marrë ngjyra teatrale dhe banorët e saj të shndërrohen në aktorët më të mëdhenj të të gjitha kohërave. Popujt e vegjël, ata që rrethohen nga kombe të fuqishëm e të pushtetshëm, zakonisht dinë ta shfaqin dinjitetin e tyre në momentet më kyç të historisë. Dhe Praga e vitit 89 pa te Vaslav Havel, që ishte njeri i teatrit, por edhe i aksionit politik njëherazi, një regjisor të shkëlqyer.</p> Praga në fakt e jetoi këtë vit magjik pak me vonesë, në kra-hasim me vendet e tjera. Kur në Budapest e Varshavë, loja dukej e përfunduar dhe Europa e bota po vlerësonin pasojat e krizës sovjetike, në Çeko-sllovaki, drejtuesit komunistë shpresonin ende se reformat e Mikail Gorbaçovit do ta kishin jetën e shkurtër dhe situata do të ishte kthyer sërish si më parë, pra nën kontrollin e një grushti partiakësh e funksion-arësh komunistë. E megjithatë sinjalet nga Moska flisnin për ardhjen e një tjetër epoke. Por Gustav Husak, Presidenti i ven-dit, një njeri i shkollës së vjetër, shpresoi deri në fund në një rimarrje të Bashkimit Sovjetik dhe kthim të kohëve të vjetra. Në atë vit, Husak ishte 76 vjeç. Ishte sllovak dhe kishte lindur në periferi të Bratislavës ku ende jetonte i ati. Gjatë gjithë jetës kishte qenë një komu-nist dhe nacionalist i zjarrtë sllovak. Si patriot sllovak kishte luftuar kundër regjimit fashist, ndërsa si komunist kontribuoi në eliminimin, pas çlirimit, të Partisë Demokrate që kishte fituar zgjedhjet në Bratislavë. Në vitet 50 përfundon në burg ku do të qëndrojë 13 vjet, prej nga do të dilte me një besnikëri të verbër ndaj Partisë Komu-niste. Si del nga burgu, Husak futet sërish në jetën politike të vendit. Në këto rrethana e sipër akuzon Presidentin e atëhershëm, Novotni, me të cilin ishte armiqësuar për shkak të refuzimit të një kërkese për falje, duke e quajtur “sllavofob”. Si në të gjitha vendet satelit të Bashkimit Sovjetik, edhe në Çeki emërimet për krerët e partive vinin nga Moska. Në momentin kur Kremlini vendos që të mos ta mbështesë më Novotnin, Hu-sak merr mbështetje. Ai qëndroi përkrah Aleksander Dubçekut, gjatë pranverës së Pragës në vi-tin 1968 dhe pas sulmit të sovje-tikëve për të shtypur revoltën në Pragë, ai bëhet njeriu i tyre më i besuar. Për 20 vjet me radhë ai ishte normalizuesi i situatave në vendin e tij. Husak e tradhtoi “Pranverën e Pragës”, por edhe pse ai e shtypi atë për 20 vjet nuk mund ta zhdukte përgjith-monë. Ajo u ringjall kur lideri e priste më pak. Në vjeshtën e vitit 1989, perandoria ishte ende në këmbë. Presidenti Husak dhe sekretari i partisë Jakes shihnin me frikë zhvillimet e vrullshme të vendeve fqinjë. Por zhvillimet më të rëndësishme dhe më të frikshme vinin nga Moska. Era aty kishte ndryshuar dhe kjo po bënte që e gjithë Lindja të liber-alizohej e situata të ndryshonte me muaj. Dukej sikur fantazma e “Pranverës” po qarkullonte nëpër rrugët e Moskës dhe së shpejti do të shfaqej edhe në rrugët e mistershme të Pragës, por këtë herë për të triumfuar, edhe pse në mesin e dimrit.(Shqip)</p> Ky artikull eshte marre nga: http://www.albaniasite.net/?p=22812. Per me shume artikuj te ngjashem vizitoni: http://www.albaniasite.net/?p=22812

Pickime të rrezikshme Mushkonjat transmetojnë gjithnjë e më shpesh viruse të reja, deri tani të panjohura për botën perëndimore. Për të ulur rrezikun, duhen përdorur disa masa paraprake</p> Në korrik të 2007-ës, një amerikan që kish vizituar të gjithë Indinë, deri në zonën ekstreme jugperëndimore të Kelaras, kur ishte kthyer në shtëpi, e kishin zënë ethet, kishte dhembje artikulare dhe muskulore, diarre dhe shqetësime gastrointestinale. Pas disa ditësh edhe prindërit e tij kishin të njëjtat simptoma. Në shtator të po atij viti, rastet e infeksionit nga “Chikungunya”, një virus që transmetohet nga insektet, deri në atë kohë i panjohur, kishin arritur në 197.</p> Jo shumë larg, në një fermë kuajsh, nëntë vite më parë (1998), ishte shfaqur një tjetër virus, “West Nile”, ose virusi i Nilit Perëndimor. Nga shtatori 2008 deri në shkurt të 2009-ës, pesë gra banuese në zonën e lumit Po ishin shtruar në spital me simptoma të rënda neurologjike. Mjekët kishin zbuluar një infeksion nga virusi i Nilit. Por pse shfaqen papritur këto sëmundje të panjohura? Çfarë duhet bërë për të zvogëluar rreziqet?</p> Ndryshimet klimatike</p> Si virusi “Chikungunya”, ashtu dhe ai “West Nile” nuk transmetohen nga njeriu te njeriu. Kanë nevojë për një agjent transmetues: zakonisht një mushkonjë infektohet duke pickuar një të sëmurë dhe më pas e përhap infeksionin te të tjerët. Mushkonjat përhapin edhe sëmundje të tjera. Në listë janë malaria, ethet tropikale, si dhe viruset veterinare si “Bluetongue”, ose virusi katarral ripërtypës dhe “Rift Valley”, virusi i lumit Ross, encefaliti japonez dhe ethet e verdha…</p> Pra një sërë virusesh që nuk i njihnim deri më tani.</p> Studiuesit ia atribuojnë një pjesë të këtyre fenomeneve faktorit klimë: ngrohja globale krijon një habitat të përshtatshëm. Nga shtatë thatësirat e verifikuara 60 vitet e fundit katër kanë ndodhur këto 20 vjet dhe 10 milionë hektarë janë sot në rrezik dezertifikimi. Në të njëjtin interval kohor, temperatura mesatare është rritur 0,4°C në veri dhe 0,7°C në jug. Me rritjen e temperaturave shtohen edhe insektet e reja, siç është “Aedes albipictus”, ose mushkonja tigër, që futen në Europë me shkëmbimet tregtare. Si pasojë, mushkonjat, po shndërrohen në një problem shëndetësor.</p> Në vitin 1998, një studiues i ngrohjes globale kishte parashikuar që ethet tropikale, virusi i transmetuar nga mushkonja tigër, do të përhapej edhe në rajonet e buta. Më 13 maj të po atij viti, një studim i revistës shkencore “Lancet”, që mbante firmën e Anthony Costello, nga Universiteti i Londrës, konfirmoi: “Nuk ka më dyshime: gjatë 50 viteve të fundit përhapja e viruseve ka ndryshuar jashtëzakonisht. Viruset përhapen nga mushkonjat, ndërkohë që popullsia rritet në zonat e nxehta e me lagështirë”.</p> Temperaturat dimërore</p> Habitati perfekt i mushkonjave, sidomos atyre tigër, limitohet nga ashpërsia e klimës dimërore që vret larvat dhe vezët dhe kjo shpjegon se përse deri tani transmetimi i virusit ishte i kufizuar në zonat tropikale dhe subtropikale. Studiuesit paralajmërojnë se ngrohja globale nuk do të kufizohet për të zgjeruar habitatin e mushkonjave. Madje do të ndryshojë edhe mënyrën e jetesës. I nxehti, thonë studiuesit, do të ndryshojë përmasat e insekteve. Për të bërë vezë, edhe insektet më të vogla, duhet të hanë më shpesh. Ngrohja e klimës, do ti nxisë ato të pickojnë më shumë, e për pasojë rreziku i transmetimit të sëmundjeve do të jetë më i madh. Sipas përllogaritjeve të Universitetit të Kornuellit, në Amerikë, do të zvogëlohet koha e inkubacionit të virusit. Inkubacioni i virusit të etheve tropikale në 30°C është 12 ditë, ndërsa nga 32-35°C është 7 ditë, e si pasojë do të trefishohet fuqia mesatare e transmetimit të sëmundjes.</p> Informacioni</p> Ndërkohë që për disa nga këto infeksione ka ilaçe (vaksina kundër etheve të verdha, ilaçe kundër malaries), për sëmundje të tjera nuk ka ende ilaçe, sepse prekin vetëm botën e tretë, kështu që asnjë nuk shqetësohej të shpikte ilaçe ose vaksina të reja. Kundër etheve tropikale, për shembull, vetëm mund të pimë dhe të shpresojmë që temperatura të ulet. Në fillim duket si një virozë e tmerrshme, me temperaturë të lartë, dhembje koke, trupi, të vjella dhe ekzantemë. Më pas temperatura ulet dhe në disa raste mund të japë hemorragji të brendshme dhe të jashtme. 50 milionë persona në vit preken nga ethet tropikale, dy e treta e popullsisë botërore është në rrezik. Në Meksikë, ku dikur ky virus ishte i panjohur, sot rastet me virusin e tmerrshëm rriten me 300% në vit. Përqindja është rritur edhe në Europë: “Europian Network on imported infections disease surveillance” ka raportuar se rastet e prekura nga ethet tropikale janë rritur: nga 64 në vitin 1999 kanë arritur në 218 në vitin 2002.</p> Zogjtë shtegtarë</p> Virusi “West Nile” është transportuar nga zogjtë shtegtarë dhe transmetohet te njeriu nga mushkonjat e tipit “Culex”, që pickojnë zogjtë dhe njerëzit. 80 për qind e infeksioneve njerëzore nuk kanë simptoma. Në 20 për qind të rasteve janë simptoma të ngjashme me gripin e zakonshëm. Në 1 për qind të rasteve sëmundja ka simptoma neurologjike të rënda: meningjit, encefalit, ose infeksione të motoneuroneve kurrizore me frekuencë të lartë dëmtimesh neurologjie të përkohshme ose të përhershme. Me fjalë të tjera: në zonën e lumit Po, pesë gra patën simptoma të rënda neurologjike. Për këtë rast u hodhën dy hipoteza: ose virusi ka pësuar ndryshime dhe është bërë më agresiv (për momentin nuk ka prova për ta vërtetuar këtë hipotezë), ose ka gjasa që nga shtatori i 2008-ës e deri në shkurt të 2009-ës janë verifikuar edhe 400 raste të gripit pa simptoma dhe 100 me simptoma të ngjashme me gripin, që askush nuk i ka vënë re.(Shqip)</p> Ky artikull eshte marre nga: http://www.albaniasite.net/?p=22815. Per me shume artikuj te ngjashem vizitoni: http://www.albaniasite.net/?p=22815