Tema e ditës

Vlorë, hajdutët plagosin dy vëllezërit në banesë, plumba në bark e kokë Dy vëllezër në Llakatund të Vlorës kanë mbetur të plagosur prej dy grabitësve që tentuan t’u vjedhin në banesë. Ngjarja e rëndë ka ndodhur gjatë orëve të para të së hënës. Nga të dhënat e bluve të Vlorës, mësohet se vëllezërit Dane dhe Resmi Torraj përkatësisht 29 dhe 36 vjeç ishin kthyer së fundmi nga emigracioni, duke u bërë shënjestër e grabitësve. Këta të fundit të armatosur dhe të maskuar, pasi kanë hyrë në katin e dytë të banesës së dy vëllezërve, janë ndjerë nga familjarët, çka ka bërë që ndaj tyre të drejtohen armët. Për pasojë dy vëllezërit kanë marrë plumba në bark dhe në kokë dhe aktualisht ndodhen në spitalin rajonal të Vlorës. Sakaq janë shoqëruar në polici 17 persona me preçedentë penalë, kryesisht banorë të zonës. ORA NEWS

Dy atentate me armë zjarri janë verifikuar mbrëmjen e së hënës në kryeqytet, ku si pasojë kanë mbetur të plagosur 5 persona. Ka qenë rasti i dytë që për nga numri i personave të përfshirë ka rezultuar dhe më fatali. Plagosja e parë ka ndodhur në rrugën “Him Kolli”, pranë Rrugës së Kavajës, ku të plagosur kanë mbetur katër persona, njëri prej të cilëve agjent policie. Sipas burimeve zyrtare, dyshohet që efektivi i policisë të ketë shkëmbyer zjarr me një të dyshuar, i cili ka qenë i shoqëruar me dy persona të tjerë. Të 4 personat e përfshirë në këtë incident kanë mbetur të plagosur. Informacione të pakonfirmuara sugjerojnë se njëri prej tyre ka mbetur i vrarë. Plagosja e dytë ka ndodhur në Qafën e Kasharit. Emiljano Shullazi, një emër i njohur për drejtësinë shqiptare për trafik droge dhe armësh, është plagosur pasi është qëlluar me një breshëri plumbash mbrëmjen e sotme në Qafën e Kasharit. Shullazi ishte duke lëvizur me makinën e tij kur është qëlluar nga një tjetër automjet në lëvizje. Pasi ka marrë disa plumba, ai ka humbur kontrollin e timonit dhe makina ka përfunduar në kanal. Kush është Emiljano Shullazi Emiljano Shullazi është një emër i njohur për drejtesinë dhe policinë. Ai është ndaluar disa herë nga policia për kërcenime dhe armëmbajtje pa leje. Ndërsa në nëntor të vitit 2011 ai u lirua nga burgu pasi kreu dënimin prej 7 vjetësh e 4 muaj burg për trafik droge. Emiljano Shullazi, i cili është cilësuar si anëtari dhe si drejtuesi i një grupi kriminal që vepron në rrugën e Kavajës. Anëtarë të tjerë të kësaj bande, e cila është krijuar në Tiranë, janë Pajtim Serjani, Ervin Ferhati, Artan Allushi, Erges Ymeri, Artan Shabani, Selfo Driza, Ermal Gogu, të gjithë të arrestuar. Ky grup kriminal, sipas policisë, merrej me trafikimin e lëndëve narkotike. Arrestimi i fundit i Shullazit ka të bërë me datën 9 nëntor 2011 kur ai së bashku me një shokun e tij u ndaluan për veprën penale të armbajtjes pa leje. Emiljano Shullazi dhe Gilmand Dani, u arrestuan nga forcat e komisariatit të policisë nr. 2. Policia tha se menjëherë pas kapjes së tyre, janë ushtruar kontrolle në banesat përkatese. Efektivët që u morën me kapjen e tyre thanë se në cilësinë e provës materiale u sekuestrua pistoleta, maskat, telefonat e dy të ndaluarve, si dhe makina e cila ishte në pronësi të kuvendit të shqipërisë. Po ashtu edhe gjatë ditës së zgjedhjeve lokale të 8 majit 2011, Shullazi është kapur me armë, por ka deklaruar se ajo ishte artizanale dhe e kishte dhuratë, duke hedhur poshtë dyshimet se po planifikonte ndonjë ngjarje kriminale. Koha Jonë

Videoskandali në QSUT, policia nis hetimet Publikuar më 04.01.2015 | 7:57 Policia e Tiranës ka nisur hetimet lidhur me videon e publikuar në rrjetet sociale, ku shfaqen disa persona që ngacmojnë seksualisht një vajzë, e cila duket se është në gjendje të fikti. Ngjarja besohet se ka ndodhur në ambientet e Qendrës Spitalore “Nënë Tereza”, sipas personave në videon e regjistruar po prej tyre. Përmes një njoftimi për shtyp, policia e kryeqytetit bën me dije se po punojnë për identifikimin e autorëve, mbi të cilët rëndon akuza “Ngacmim seksual të kryer në bashkëpunim”. Deklarata e policisë së Tiranës: “Në vijim të publikimeve në mediat sociale të një video e cila prezantonte se disa persona manifestojnë sjellje me natyrë seksuale, ndaj një shtetaseje të pa identifikuar, veprime aktive të cilat dyshohet se mund të kenë ndodhur në ambientet e Qendrës Spitalore “Nënë Tereza”, në Tiranë, Policia e Tiranës ka nisur hetimet për identifikimin e autorëve dhe të të dëmtuarës nga kjo vepër penale. Hetimet kanë nisur për veprën penale “Ngacmim seksual e kryer në bashkëpunim”. Materialet do t`i referohen Prokurorisë së Rrethit Gjyqësor Tiranë”. Ministria e Shëndetësisë ngre grup pune për verifikimin Dyshimet se i gjithë skandali ka ndodhur në ambientet e Qendrës Spitalore Universitare “Nënë Tereza” ka vënë në lëvizje edhe Ministrinë e Shëndetësisë. Me urdhër të Ministrit të Shëndetësisë, Ilir Beqaj, është ngritur një grup i posaçëm pune për verifikimin e vërtetësisë së kësaj videoje dhe marrjen e masave ndaj autorëve dhe përgjegjësve të kësaj ngjarje të dënueshme, nëse vërtetohet diçka e tillë. Grupi i punës kryesohet nga Zëvendësministrja, Milva Ekonomi, ndërkohë që Ministri Beqaj ka kërkuar menjëherë ekspertizën e Institucionit të Prokurorisë për zbardhjen e ngjarjes dhe kryerjen e ekspertizës së nevojshme hetimore. Videoja: Dje në një faqe në rrjetin social “Facebook” publikoi një video, ku disa persona i zbulonin dhe preknin pjesët intime të një vajze të re, e cila besohet se ka ndodhur në spilatin “Nnën Tereza”.

Publikuar më 02.01.2015 | 17:00 VLORË - Dita e dytë e vitit 2015, ka shënuar krimin e parë të rëndë të ndodhur në Shqipëri. Në një atentat të ndodhur sot në mesditë në Vlorë, kanë mbetur të vrarë dy persona. Viktima të këtij ekzekutimi mbetën 21-vjeçarja Paola Bishaj dhe kushëriri i saj, Parid Velaj, 28 vjeç, të dy nga qyteti i Vlorës, ndërsa i plagosur mbeti Gerti Arapi, 28 vjeç banues në Berat, i cili shumë shpejt do të fejohej me motrën e 21-vjeçares. Në një operacion të vështirë për kapjen e autorit, policia ka arrestuar në flagrancë 28-vjeçarin Ervis Lulushi, teksa largohej në vendi i krimit dhe ka sekuestruar armën e krimit. Si rrodhi dinamika e kësaj ngjarjeje deri në vrasjen e kushërinjve? 21-vjeçarja dhe kushëriri i saj ndodheshin në pastiçerinë “Grande Gelato” pranë shkollës së Marinës, ndërsa në tavolinë me ta ishin edhe bashkëshortja e Parid Velajt së bashku me Gerti Arapin. Burime për A1Report nga blutë e Vlorës thanë se autori i dyshuar i vrasjes është afruar në tavolinë dhe ka kërkuar të thërrasë për sqarim 21-vjeçaren. Ka qenë kushëriri i saj i cili nuk e ka lejuar bisedën mes tyre, duke e larguar autorin disa metra larg ambientit të pastiçerisë. Vetëm pak minuta më vonë Ervis Lulushi është kthyer i armatosur dhe ka qëlluar me pistoletë në drejtim të Paolës, duke i shkaktuar vdekjen e menjëhershme. Më tej ka qenë kushëriri i saj, i cili në tentativën për të izoluar autorin është qëlluar me një plumb ne kokë, ku fatkeqësisht ndërroi jetë në spital. Ndërsa Genti Arapi ka shpëtuar mrekullisht nga kjo tragjedi, falë bllokimit të armës. Ai është goditur disa herë në kokë me tytën e pistoletës dhe është në spital jashtë rrezikut për jetën. Menjëherë pas ekzekutimit të dyfishtë dhe plagosjen e të riut tjetër, autori është larguar nga vendi i ngjarjes duke kërcënuar me pistoletë në kokë drejtuesin e një makine të rastësishme që ndodhej pranë pastiçerisë. Policia është vënë në ndjekje të autorit duke e lokalizuar pranë zonës së Skelës. Autori nuk është ndalur me kaq...ka dalë nga automjeti, i ka drejtuar armën efektivëve të policisë dhe ka nisur të ecë me pistoletë në dorë nga Skela në drejtim të Ujit të Ftohtë duke terrorizuar qytetarët që ndodheshin në rrugë. Operacioni për kapjen e tij ka qenë i vështirë për shkak të kërcënimit me armë, derisa efektivët arritën ta vënë në pranga. Sakaq, policia shoqëroi në ambientet e komisariatit dhe kushëririn e autorit, Arlind Lulushin 27 vjeç i cili mbërriti pas ngjarjes, si dhe Daniel Mehmetin 32 vjeç, i cili dyshohet të jetë personi që u kërcënua me armë në kokë nga 28-vjeçari. foto e dy kusherinjve te vrare Shekulli

Shtetasi Shkëlqim Hysa u vetëvar me çarçafë në qelinë e tij të paraburgimit Publikuar më 01.01.2015 | 16:29 Vetëvaret në dhomën e paraburgimit shtetasi i akuzuar për dhunë në familje. Ngjarja mësohet se ka ndodhur rreth orës 13:00 të ditës së sotme në burgun 302, në kryeqytet. Shtetasi Shkëlqim Hysa u vetëvar me çarçafë në qelinë e tij. Punonjësit e burgut kur vunë re ngjarjen bën të mundur lajmërimin dhe dërgimin e shtetasit në spital, por i paraburgosuri nuk mundi dot të mbijetonte. Hysa ndodhej prej 4 muajsh në dhomat e paraburgimit, pasi më 30 gusht të këtij viti ai bëri një veprim ndaj gruas së tij, që u cilësua “kanibal”. Hysa jo vetëm që e kishte dhunuar bashkëshorten e tij, por e kishte kafshuar duke i këputur hundën. Shkak për incidentin e sotëm, që mund ta ketë shtyrë deri në vetëvrasje shtetasin Hysa, dyshohet se mund të jetë kërkesa për divorc e bashkëshortes së tij. Sipas punonjësve të burgut, Hysa nuk pranoi të dilte mëngjesin e sotëm për ajër të pastër. Hysa: E bëra se më tradhtonte Ngjarja makabër ndodhi në shtëpinë e tyre në Tiranë natën e 30 gushtit rreth orës 4:30 të mëngjesit. Kafshimi ka qenë i tillë që hunda e gruas është këputur. Shkëlqim Hysa dyshonte se bashkëshortja e tradhtonte, kur ai ishte emigrant në Greqi. Dyshimet çuan në sherre të vazhdueshme dhe derisa konflikti arriti kulmin. Në sherr e sipër ai kafshoi bashkëshorten e tij, Mariana, në hundë duke ia këputur atë. Ai tha se gruaja e kishte tradhtuar, ndërsa natën e 30 gushtit bashkëshortja i ishte afruar me një thikë në dorë. Në nerva e sipër tha ai para gjykatës kishte goditur bashkëshorten dhe e kishte kafshuar në hundë. Gjykata dha masën e arrestit me burg pa afat për Hysën, pavarësisht pretendimeve të tij se gjithçka ndodhi në një moment gjaknxehtësie. /Shekulli Online/ J.C./

CountryPercent of VisitorsRank in Country Albania54.4%127 Italy7.4%39,778 United States4.8%366,388 Macedonia2.2%3,456 Serbia1.8%17,447

LUFTA KUNDER ISLAMIT Te nderuar Deshta ta hap nji tem te till sepse mendimi im asht se krejt kjo lufta kunder te 'terrorit' eshte vertet nje lufte kunder islamit. Kjo luften miret me fuqi ushtarake, me fuqi psikologjie, ku rinia muslimane detyrohet te transformohet sepse. telivizoret e perkrahin 'orospillukun' e evropes e amerikes. Pra deshta te ju lexoj disa mendime qe keni. Dhe a dote arij kjo qellim te amerikes per ta transformoj boten muslimane ne ate qe ai done? apo dote pritet me nje rezistence me te forte?

Shqipëria kërcënohet haptazi nga Rusia / SHBA e NATO në alarm TIRANE – Sipas historianes së mirënjohur Znj. Elena Kocaqi, qëndrimet e Rusisë dhe deklaratave të dhëna kohëve të fundit nga ish lider të saj, përbëjnë një kërcënim të hapur e serioz për Shqipërinë, Rajonin dhe gjithë Bllokun Perendimor. Si njohëse e mirë e historisë, influencave gjeopolitiko-strategjike, Znj. Kocaqi thekson qartë rrezikshmërinë …por njëkohësisht shprehet e indinjuar edhe për mosreagimin e shtetit shqiptar në lidhje me këto qëndrime ekspansioniste ruso-serbe. Nëpërmjet një postimi në profilin e saj në Facebook , Znj. Kocaqi thotë: Deklarata e Gorbacovit dhe keto te Sheshelit dhe stervitjet ruse me serbet po tregojne qarte nje politike agresive ruse ne Ballkan qe ka synime edhe ndaj Shqiperise.Shqiperine, Rusia nuk e ka pretenduar as para 100 vitesh pasi Shqiperia e asaj kohe konisderohej zone influence austriake po e pretendon sot hapur fare dhe askush ne kete vend nuk reagon. Deklarata e Gorbacovit se ishin gabim si futja e Shqiperise ne NATO dhe pavarsia e Kosoves si dhe deklarimet e Sheshelit qe Serbia e madhe dhe Shqiperia te integrohen ne Rusi jane alarmante. Kancelarit perndimore jane te alarmuara dhe Obama dhe BE e denuan ashper synimet ekspansioniste ruse.Perendimi kerkon ti veri kufirin Rusit ne Ukrahine por ai po kerkon kufi Adriatikun. Vertet qe Shqiperia eshte ne NATO dhe neni 5 i Traktatit sanksionon mbrojtjen kolektive, pra edhe detyrimin per te mbrojtur Shqiperine ushtarakisht, por historia ka treguar se per te shmangur konfliktet boterore Shqiperia eshte bere gjithmon kurban, kjo ne 1912-1913 dhe ne 1939. Rusi po kerkon te realizoj endrrat e tij te vjetra qe te dal ne Adriatik qe Hoxha ja realizoj me bazen e Vlores, por qe pretendimet e tanishme jane me te medha se ato te meparshme dhe teper te rrezikshme jo vetem per egzistencen e shtetit shqiptar por edhe te shqiptareve. Ballkani sllav e gjene gjuhen me rusin por ne rast te ndonje anarakie jane shqiptaret ata qe mund ta paguajne kete gje shume shtrenjte.Nese shqiptaret humben mbi dy te tretat e territorit te tyre ishte pikerisht nga kercenimi ruse per lufte botrore. Rusi po kerkon te fus ne zonen e influences se tij edhe Shqiperine dhe kete po e thote hapur. Politika shqiptare duhet te jete teper e kujdeshme ne marredheniet me aleatet e saj dhe mos te bej me gafa si ajo e armeve kimike, se kemi per ta paguar shume shtrenjt nje pakujdesi tonen ketej e tutje.Situata nderkombtare eshte teper e dizfavorshme dhe duhet shume kujdes ne situata te tilla, ka shkruar ajo.

TIRANE-Që nga janari i këtij viti, nafta në tregun vendas ka rënë me 12 lekë për litër, apo me rreth 7%, ndërsa në botë, nafta referencë europiane Brent, ka zbritur nga 105 dollarë për fuçi në rreth 66 dollarë aktualisht , apo me 37%… Çmimi i benzinës dhe naftës ka shënuar një ulje me 2-3 lekë për litër ditët e fundit, duke reflektuar rënien e tij në tregjet ndërkombëtare, shkruan revista ekonomike ‘Monitor’. Në pikat e tregtimit të Kastratit, më e madhja në vend, një litër benzinë tregtohet me 178 lekë për litër nga 180 lekë që ishte më parë, ndërsa nafta shitet me 175 lekë, nga 177 që ishte javën e kaluar. Në pikat e tregtimit të “Elda”, operatori i dytë më i madh në vend, benzina shitet me 179 lekë dhe nafta me 176 lekë. IT Oil e shet një litër naftë 2 lekë për litër më lirë sesa konkurrentët kryesorë. Megjithatë, tkurrja e karburanteve përgjatë këtij viti në tregun e brendshëm është shumë më e ulët në raport me bursat ndërkombëtare. Që nga fillimi i fitit, nafta në tregun vendas ka rënë me 12 lekë për litër, apo me rreth 7%, ndërsa në botë, nafta referencë europiane Brent, ka zbritur nga 107 dollarë për fuçi në rreth 70 dollarë aktualisht , apo me rreth 35%. Edhe kjo rënie prej 12 lekë për litër ka shumë të ngjarë që neutralizohet në fillim të vitit të ardhshëm, kur është parashikuar rritje e taksës së qarkullimit për karburantet me 10 lekë për litër (12 lekë me gjithë TVSH). (d.b/BalkanWeb)

Këngëtari Floran Kondi i njohur si Dr. Flori, i cili ka ndërruar jetë sot në spitalin universitar të Tiranës, ka lënë pas dy fëmijë, një vajzë dhe një djalë i cili ka vetëm disa javë që ka lindur. I lindur në Tiranë më 29 shkurt 1979, Flori, gjithë veprimtarinë e tij e ka zhvilluar në Tiranë. Dr. Flori ishte themelues i grupit West Side Family, përmes të cilit edhe u bë i njohur. Shkak i vdekjes së këngëtarit dyshohet një takikardi, ku nga konstatimi i mjekëve mund të ketë ardhur nga përdorimi i substancave narkortike. Sakaq, qendra spitalore Universitare Nënë Tereza pritet të kryejë ekspertizën, nëse familja e tij do të japë dakordësinë. Vdekja e tij e papritur e tij, ka shkaktuar shumë keqardhje. Kjo, jo vetëm pse ai ishte shumë i ri, por edhe për faktin se Flori ka qenë një personazh shumë i dashur për publikun. Dr. Flori ishte një ndër tre anëtarët e rep grupit shqiptar të njohur me emrin Ëest Side Family. Rolandi, Miri dhe Flori, dikur shokë në një klase, të cilët u bënë anëtarë të një prej grupeve më të njohura muzikore të Shqipërisë. Pas suksesit të madh me këngën hit ‘Mesazh’, shikohen në skenën e festivalit të “Këngëve të stinës”, por tashmë jo për të kënduar, por për të prezantuar. Ndërsa kënga më së shumti që bëri jehonë ishte “Tirona”, në të cilën ishte pjesëmarrës edhe kryetari i Bashkisë së Tiranës, Edi Rama, tani kryeministër i Shqipërisë. Teksti i këngës i shkruar nga 34-vjeçari, “Zjarr e Ftohtë”, i kënduar nga këngëtari, Luiz Ejlli, fitoi në “Festivali i Këngës 44” dhe më vonë përfaqësoi Shqipërinë në “Eurovision Song Contest 2006”. Kohët e fundit Doktor Flori shfaqej shpesh me Ermal Mamaqin, me të cilin pati disa bashkëpunime. Madje, ai deklaronte se kishte hequr dorë nga të gjithë veset, pasi me Ermalin shkonte në një kishë ungjillore dhe ishte bërë besimtar i devotshëm. Ja disa nga hitet e Dr.Florit: 2010 – Origjinale (feat. Aurela Gaçe & Marsel) 2011 – Ca po menon (feat. Anila Jonuzi) 2011 – Ca na ke 2011 – S’ma ndjen 2011 – Bota nuk është bardhë e zi 2011 – Personale 2012 – Pasion (feat. Fatima Ymeri) 2012 – Tune tune (feat. Fatima Ymeri) 2012 – Ka kalle (feat. Noga) 2012 – Ku ka si Tirona (feat. Ermal Mamaqi) 2012 – Jam ti! (feat. Fabi)

Një raport prej 6 mijë faqesh nga ana e senatit amerikan mbi CIA-n dhe teknikat e saj të marrjes në pyetje ka konkluduar se Agjencia e Inteligjencës (CIA) ka kryer veprime brutale ndaj personave të dyshuar si pjesëtarë të Al-Qaedas, pas ngjarjeve të 11 shtatorit. Në përmbledhjen e materialit thuhet se qartë se në asnjë rast këto teknika brutale nuk kanë sjellë rezultate pozitive, si dhe se CIA ka dezinformuar opinionin publik amerikan por edhe politikanët po ashtu, për të marrë kështu aprovimin për veprimet e tyre. Raporti përshkruan me detaje teknikat e përdorura nga CIA, nga ato më të thjeshtat deri tek më ekstremet, si për shembull mbajtja e të dënuarve për një kohë të gjatë pa gjumë, për më shumë se 180 orë. Një tjetër teknikë, ajo e simulimit të mbytjes nga uji ishte një tjetër akt që raporti denoncon si të dhunshëm, dhe që ka shkaktuar tek të dënuarit mjaft probleme me shëndetin. Kreu i Shtëpisë së Bardhë, Presidenti Barak Obama në reagimin e tij u shpreh se metodat e përdorura ishin inkonsistente me vlerat e Shteteve të Bashkuara, duke shtuar se të tilla veprime shkaktuan një dëm të madh në pozicionin e Amerikës në glob, si dhe vështirësuan vijimin e interesave mes aleatëve dhe partnerëve. Përmbledhja e raportit u bë nga demokratët në Senat, teksa CIA iu kundërpërgjigj akuzave se marrjet në pyetje kanë ndihmuar në marrjen e informacioneve dhe si pasojë kanë shpëtuar dhe jetë njerëzish. Pavarësisht kësaj CIA pranon se gjatë kohës janë bërë edhe gabime, ndërsa republikanët nga ana tyre kanë mbajtur qëndrimin se shumë veprime të CIA-s sollën informacionet e nevojshme që më në fund sollën dhe vrasjen e Osama Bin Laden-it. Deri më tani, 6 mijë faqet mbeten informacion i klasifikuar, ku vetëm rreth 500 të tilla janë bërë deri më tani publike për opinionin. Torturat e CIA-s, 180 orë pa gjumë për të burgosurit CIA ka kryer hetime dhe marrje në pyetje me metoda “brutale”, të të dyshuarve për terrorizëm në vitet pas sulmeve të 11 shtatorit në SHBA, siç thuhet edhe në raportin e Senatit të SHBA të publikuar ditën e sotme. Në përmbledhjen e raportit të hartuar nga demokratët në Komisionit e Senatit për Inteligjencë, thuhet se CIA ka mashtruar amerikanët për atë që ka bërë. “Informacioni që CIA mblodhi në këtë mënyrë nuk arriti të sigurojë informacion e nevojshëm për të shmangur çdo kërcënim”, thuhet në raport. CIA thekson se marrja në pyetje e të dyshuarve për terrorizëm ka ndihmuar për të shpëtuar jetë njerëzish. Megjithatë, CIA pranon se ka pasur gabime në program, sidomos në fillim kur ishte e papërgatitur për shkallën e operacionit për të arrestuar dhe për të marrë në pyetje të burgosurit. Më herët, Presidenti Obama duke iu referuar raportit, duke thënë se metodat e përdorura ishin në kundërshtim me vlerat amerikane. "Këto teknika i kanë shkaktuar dëm të madh Amerikës, dhe vështirëson përmbushjen e interesave tona me aleatët dhe partnerët," tha ai në një deklaratë. Duke reaguar ndaj përmbledhjes së raportit, liderët republikanë të Senatit këmbëngulën se metodat e përdorura ndihmun në kapjen e të dyshuarve të rëndësishëm dhe vrasjen e Osama bin Laden. "Kërkesat e përfshira në këtë raport që pohojnë të kundërtën janë thjesht të gabuara", thanë senatorët Mitch Mçonnell Senatorët dhe Saxby Chambliss në një deklaratë të përbashkët. Raporti i komisionit të Senatit prej më shumë se 6000 faqe, përmban një sasi të mëdha të provave, por ai mbetet i klasifikuar dhe është bërë publike vetëm një përmbledhje prej 500. Në pikat e saj kryesore të raportit thuhet se në asnjë moment teknikat shtrënguese të marrjes në pyetje nuk çuan në mbledhjen e informacioneve mbi kërcënimet e pashmangshme. Në asnjë prej 20 rasteve të antiterrorizmit "suksesi" nuk i atribuohet teknikave që çuan në informacionin e fshehtë të padisponueshëm. CIA ka mashtruar politikanët dhe publikun, duke i dhënë informacion të pasaktë për të marrë miratimin për përdorimin e këtyre teknikave. CIA deklaroi në mënyrë të gabuar se ka asnjë senator nuk e kishte kundërshtuar këtë program. Menaxhimi i programit ishte thellësisht me të meta, për shembull operacion i objektit të dytë të paraburgimit, të njohur si Kobalt. Të paktën 26 prej 119 të burgosurve të programit janë mbajtur pa të drejtë, dhe shumë të tjerë janë mbajtur disa muaj më shumë nga sa ata duhet të kishin qenë. Teknika agresive janë përdorur për të dyshuarit që në fillim, përkundër CIA pretendon se marrja në pyetje do të fillonte me metoda më pak shtrënguese. Një prej metodave të torturës ka qenë edhe privimi për gjumë deri në 180 orë, shpesh në këmbë ose në pozicione të dhimbshme. Tortura me ujë ishte fizikisht e dëmshme për të burgosurit, duke shkaktuar konvulsione dhe të vjella. Publikimi i raportit u shty për shkak të mosmarrëveshjeve në Uashington mbi atë që duhet të bëhej publike. Presidenti Barak Obama ndaloi programin e marrjes në pyetje të CIA-s kur ai mori detyrën në vitin 2009. Ndërkohë që më herët këtë vit, ai tha se sipas mendimit të tij metodat e përdorura në pyetje të burgosurve të Al-Qaeda-s arriti në torturë. Gjatë presidencës së Xhorxh W Bush, në operacionin e CIA-s kundër Al-Qaeda-s më shumë se 100 të dyshuar si terroristë u mbajtën në "faqet e zeza" jashtë SHBA-së. Ata u morën në pyetje duke përdorur metoda të tilla si tortura me ujë, shpulla, poshtërim, ekspozimi ndaj të ftohtit dhe privimi nga gjumi. /telegrafi

Një person i ka vënë flakën vetes para Komisariatit të policisë të Lushnjes vetëm pak minuta më parë. Peroni që kreu aktin ekstrem është identifikuar si Jorgo Derga 53-vjeç. Sipas të dhënave të para mësohet se burri i vuri flakën vetes pasi policia nuk i kishte pranuar denoncimin për një konflikt pronësie “Më është bërë padrejtësi nga komuna. Policia e di” mësohet të ketë thënë 53 vjeçari nga ambientet e spitalit të Lushnjes kur po merrte mjekimin e parë. Kanë qeë kalimtarë të rastit të cilët kanë ndërhyrë duke i dhënë ndihmën e parë për shuarjen e flakëve. Pas mjekimit të parë ai është sjellë me urgjencë në Tiranë për mjekim më të specializuar. ORA NEWS

Gjatë këndimit të himnit të Serbisë në ndeshjen Serbi-Greqi, ka ndodhur diçka e pabesueshme. Tre nga fëmijët që shoqëronin lojtarët, kanë ngritur duart duke formuar shqiponjën, që është simboli kombëtar shqiptar, transmeton koha.net. Ky veprim ka acaruar shumë mediat serbe, të cilat kanë shpërthyer me artikuj, duke e quajtur këtë veprim “provokim të ri”.

"Gazeta Shqiptare" zbardh sot, debatin që u zhvillua në mbledhjen e OSBE-së në Vjenë, ku përfaqësuesit e Shqipërisë dhe SHBA-ve kanë kërkuar pranimin e Kosovës në këtë organizatë, ndërsa ambasadori i Serbisë e ka refuzuar atë. Ambasadori shqiptar, Spiro Koçi ka propozuar pranimin e shtetit më të ri në Evropë si pjesëmarrës, kërkesë e mbështetur edhe nga zv/ambasadorja amerikane, Kate Byrnes, por kjo u kundërshtua fort nga ambasadori i Serbisë në OSBE, Vuk Zugiç, i cili ka mundur të bllokojë sërish kërkesën e tyre. Më 13 nëntor 2014 në Vjenë, Këshilli i Përhershëm i OSBE-së mbajti takimin e radhës, ku një prej shqetësimeve të delegacionit të Bashkimit Evropian, është fakti që në Kosovë, edhe pse kanë kaluar 5 muaj nga zgjedhjet, nuk është formuar ende qeveria dhe institucionet e tjera. Sipas delegacionit të BE-së në Këshillin e Përhershëm, kjo situatë e krijuar po pengon reformat dhe proceset integruese të Kosovës, si dhe procesin e dialogut me Serbinë. b.web