Tema e ditës

Parlamenti Europian paraqet një numër rekord amendamentesh për draft -rezolutën, për progresin në integrimin europian të Shqipërisë.192 amendamente janë paraqitur për draft – rezolutën e Raportuesit Knut Fleckenstein, që do të diskutohet të hënën në Komisionin e Punëve të Jashtme të Parlamentit Europian.Ajo që tërheq vëmendje lidhur me këtë draft – rezolutë, nuk është vetëm aspekti sasior i amendamenteve, por edhe përmbajtja e tyre. Për herë të parë, Kryetarja e të djathtës esktreme franceze të Front National, Marine Le Pen, sëbashku me 3 eurodeputetë të tjerë të kësaj partie, prezantojnë një amendament, sipas të cilit, Shqipëria mund të reformohet jashtë Bashkimit Europian.“Shqipërisë i është akorduar statusi i vendit kandidati. Megjithatë, konsolidimi i reformave demokratike dhe reforma të mëtejshme janë krejtësisht të mundshme jashtë procesit të anëtarësimit”, thuhet në amendament.Një tjetër amendamet vjen edhe nga grupimi i ekstremit të djathtë italian, Lega Nord:“Duke pasur parasysh dobësinë e vazhdueshme të gjyqësorit, korrupsionit në shkallë të lartë, prezencën e fortë të krimit të organizuar, mungesën e mbrojtjes së minoriteteve, diskriminimin kryesisht të grave, mungesën e transparencës në financimin e medias, duke konsideruar rritjen e papunësisë dhe çështjet që lidhen me kushtet e tregut të punës, si dhe nga ana tjetër, se Komisioni Evropian nuk ofron ndonjë anëtarësim të ri në Bashkimin Evropian gjatë pesë viteve të ardhshme, kërkojmë pezullimin e negociatave të anëtarësimit të Shqipërinë në Bashkimin Europian”, thuhet në amendament.Shumica dërrmuese e amendamente ka të bëjnë me pesë kriteret kryesore të Shqipërisë, për hapjen e negociatave të anëtarësimit dhe konkretisht me luftën kundër krimit të organizuar, korrupsionit, administratën publike, të drejtat e njeriut dhe gjyqësorin. Por sigurisht, bashkëpunimi midis forcave politike për integrimin europian, mbetet rekomandim kyç. Tv Klan

Janë të shumta projektet, që zbatohen me qëllim integrimin e romëve në shoqërinë shqiptare. Por sa i pranon shoqëria shqiptare romët? Si reagon ajo, kur romët diskriminohen në publik? Disa ditë më parë, stafi i Top Channel xhiroi në rrugët e Tiranës disa momente të inskenuara nga aktorë jo profesionistë, ku romët diskriminoheshin nëpër stacione autobusi. Ndiqini, për të parë (mos)reagimin e shoqërisë sonë përballë situatave të tilla... / Top Channel

Dëshmi shokuese, vijnë nga Selaniku ku djem të vegjël shqiptarë raportohet të jenë viktima të abuzimi seksual nga meshkuj grekë, mes tyre edhe priftërinj ortodoksë. NOA.al raporton se banorët e zonës tregojnë që pederastë dhe pedofilë kanë gjetur këtu parajsën e shfrenimit seksual deri në orgji me disa djem të mitur, kurse organizatat për mbrojtjen e fëmijëve apelojnë edhe për raste fëmijësh të zhdukur. E përditshmja kombëtare “Espresso” në kryeartikullin e sotëm citon kryetarin e shoqatës greke “Buzëqeshja e Fëmijës” të denoncojë skandalin. Kostas Ianopulos thotë se në qytetin e Selanikut, konkretisht në zonën Vardari te rruga Afrovitis, djem të moshës midis 12 deri 17 vjeç nga Shqipëria, Bullgaria por edhe grekë nga rajone si Veria, Aleksandria etj, gjenden çdo natë në këtë rrugë duke dhënë trupin e tyre tek pedofilë grekë. Kryetari Ianopulos thotë se fëmijët e mitur vijnë çdo ditë me autobuzë nga pikat kufitare e shpesh të pashoqëruar nga prindërit dhe zbarkojnë te rruga Afrovitis. "Ne kemi informacione se çdo ditë vijnë me autobusë nga Shqipëria dhe Bullgaria djem të mitur" pohon z Ianopulos. "Kemi kërkuar nga autoritetet doganore kufitare greke që të verifikojnë mënyrën si vijnë këta fëmijë dhe kush i shoqëron që të dinë të paktën nëse rikthehen në atdheun e tyre" shton ai. Gazetari Nikos Pitsiakidis ka folur me disa banorë të zonës. Ai ka mbledhur dëshmi tronditëse prej tyre që japin detaje për mënyrën si funksionon skandali i abuzimit seksual me fëmijët. "Gjithë ditën rruga Afroditis ka shumë lëvizje dhe plot dyqane. Gjithçka duket normale. Por në mbrëmje dhe gjithë natën këtu bëhet djepi i pederastëve. Meshkuj të moshave nga 35 deri 60 vjeç vijnë me makina dhe ndalen para plot djemve te vegjël që presin punë. Qëndrojnë pak ku bëjnë pazarin dhe marrin me vete një djalë. Pas disa orësh i rikthejnë në zonë" tregon një banor i zonës i cili ka një dyqan me veshje. Në fotot që NOA.al ju sjell më poshtë shikoni pamje nga rruga Afrodhitis dhe zona pranë Cine Laikon, ku qëndrojnë djemtë qe i dorëzohen kundrejt pagesës epsheve seksuale të pedofilëve. Në një rast edhe më skandaloz publikohet dëshmia e një banori 25 vjeçar që pohon se pjesë e pedofilëve është edhe një prift që kryen orgji me disa fëmijë. "Një natë pashë një prift qe erdhi me një Wolksvagen Eos ngjyrë e zezë. Ishte me veladonin e priftit dhe zbriti me të shpejtë nga makina tre djem duke parë sa andej këndej nëse po e shihte ndokush. Pak më vonë mori dy djem te tjerë 13-14 vjeçarë dhe u largua sërish". /a.b/noa.al/

Ministria e Transportit dhe Infrastrukturës bën me dije se në mbledhjen e ditës së sotme të Këshillit të Ministrave, u miratua projektvendimi “Për miratimin e rregullores së zbatimit të Kodit Rrugor të Republikës së Shqipërisë, i ndryshuar, është një akt zbatues i nenit 120/1 të Kodit Rrugor”, në bazë të së cilit do të funksionojë sistemi i pikëve të lejeve të drejtimit. Sistemi i ri me pikë është unifikim i praktikave të vendeve të BE-së, i cili do të shërbejë për identifikimin dhe sanksionimin e kundravajtësve të përsëritur të normave të sjelljes në trafikun rrugor. "Sipas komunikimeve publike të vazhdueshme të bëra nga institucioni jonë dhe institucionet e varësisë, mbajtësi i çdo leje drejtimi zotëron fillimisht një sasi prej njëzet pikësh. Pikët do të zbriten në bazë të njoftimeve nga komisioni i shqyrtimit të kundravajtjeve në Policinë e Shtetit, për shkeljet e normave të sjelljes, parashikuar në Kodin Rrugor, në masën e treguar në tabelën e pikëve, e cila mund të gjendet në faqen zyrtare Për sa më sipër, drejtuesit e mjeteve mund të marrin informacion për sasinë e pikëve në Drejtorinë e Përgjithshme të Shërbimeve të Transportit Rrugor, nëpërmjet faqes së internetit, e-mail, telefon ose me kërkesë me shkrim. Sistemi i ri pikëve për lejet e drejtimit të mjeteve rrugore, hyn në fuqi menjeherë pas botimit në Fletoren Zyrtare, me datë 22 Prill 2015" .transporti.gov.al

Të 144 pasagjerët dhe 6 anëtarët e ekuipazhit në bordin e Airbusit A320 të rrëzuar në Alpet Franceze prezumohen të vdekur, e pohuar kjo nga vetë Presidenti Francois Hollande pas deklaratave të ngjashme nga zyrtarë të aviacionit francez dhe të policisë. Gjenden “Kutitë e zeza”, mes viktimave 16 nxënës gjermanë dhe një foshnje Si shpëtoi skuadra e futbollit nga aksidenti tragjikTragjedi ajrore në FrancëRrëzohet avioni gjermanLajmi i tragjedisë bën xhiron e botësDiagrama e lartësisë dhe shpejtësisë së avionit të tragjedisë“Rrethanat e aksidentit, qe ende nuk jane sqaruar plotesisht, na shtyjne te besojme se nuk ka asnje te mbijetuar. Rrezimi i avionit eshte nje tragjedi ne token tone, ndersa qasja ne zonen e aksidentit eshte teper e veshtire”, tha Hollande. Avioni i kompanisë gjermane Germanëings, e cila operon si kontaktuese e Lufthansa-s, udhëtonte nga Barcelona drejt Duesseldorf-it. Ne 10:47 me oren lokale ai ka leshuar nje thirrje per ndihme por ndonese e konfirmon kete lajm, Ministria e Brendeshme franceze nuk jep asnje detaj tjeter. Raportet ne media nga ana tjeter lene te kuptohet se Airbusi po fluturonte shume ulet. Sipas 'Le Figaro', avioni ka rene brenda 9 minutash nga 11.500 ne 2.100 metra; piloti i ka kerkuar kontrolloreve te trafikut ajror ne Marseille qe te beje nje ulje emergjence, çka do te thote se e gjithe hapesira ajrore ne rrugen e tij duhej liruar. 'France Info' pohon se avioni është rrezuar ne 2.000 metra lartesi, ne komunen e Méolans-Revel, nje zone e izoluar me nje terren teper te ashper malore qe veshtireson se tepermi perpjekjet e ndihmes. Lista e pasagjereve po verifikohet, por nderkohe zevendeskryeministri i Spanjes deklaroi se 45 prej tyre jane shtetas spanjolle, ndersa Hollande pohon se shumica ishin gjermane. Sherbimi Meterologjik i Frances thote se kushtet atomsferike kane qene relativisht te mira ne momentin e aksidentit dhe se qielli ishte pothuajse krejtesisht i hapur. 400 xhandare, zjarrfikes dhe punonjes te nderhyrjes se shpejte jane mobilizuar per operacionin e ndihmes, por eshte temrresisht e veshtire te mberrihet ne vendin e aksidentit. Sipas nje zyrtari lokal ne resorten e skive te Val d`Allos, Gilles Gravier, ne fshat rrezimi nuk eshte degjuar. Shefi ekzekutiv i Lufthans-as, Carsten Spohr, shkroi në rrjetin Twitter se “ende nuk dihet çfarë ka ndodhur”, ndërsa u shprehu ngushëllimet familjarëve të personave që ndodheshin në avion. “Nëse frika jonë konfirmohet, kjo është një ditë e zezë për Lufthansa-n. Shpresojmë të gjejmë të mbijetuar”, shkroi ai. Edhe kompania Airbus, tha se ende nuk dihet asgjë për shkaqet që mund të kenë çuar në rrëzimin e avionit që thuhet të ketë qenë 24 vjet i vjetër. Historia e linjes ajrore se ciles i perkiste Airbusi nis ne 1997-ten, kur njihej si Euroëings.Pikat ku ajo operon me se shumti jane aeroporti Keln Bon, ai i Shtutgartit, i Hamburgut, Tegeli ne Berlin, Duseldorfi, aeroporti i Hanoverit e aeroporti i Dortmundit. Kancelargja gjermane Angela Merkel u shpreh thellesisht e tronditur nga ngjarja. Ajo ka komunikuar ne telefon me shefin e Elizese, Hollande dhe me kryeministrin spanjoll Mariano Rahoi, ndersa mesohet te kete anulluar te gjitha takimet qe kishte ne axhende per te ndjekur me vemendjen me te madhe zhvillimet nga Franca. / Top Channel

Historia e trafikantit shqiptar Olsi Beheluli është lajm në shumë media britanike, madje tek Daily Mail është kryelajm.Një ditë më parë u raportuam se Beheluli ishte dënuar me 11 vite burg, pasi ishte pjesë e një bande të trafikut të drogave të klasit A.Sipas Daily Mail, 24- vjeçari shqiptar krenohej në rrjetet sociale me fotot e tij mes tufave të parave. Në një foto ai shihet me 250 mije sterlina cash. Ai u arrestua së bashku me dy shqiptarë të tjerëve. Bandës iu kap rreth 4 milionë sterlina kokainë dhe heroinë. Daily Mail shkruan se trafikanti bukurosh ishte pjesë e një programi reality shoë në Britani, prodhuar nga Channel 4. Programi i njohur quhet “Princesha ime e vogël”, ku kandidatët dalin në takime me një femër. Policia tha se Beheluli ishte i dhënë pas bixhozit dhe luante shuma të mëdha. Ai jetonte jetën në nivele të larta.Oficerët i gjetën një skedinë, ku ai kishte vënë bast 12 mijë sterlina. Gazeta Mapo

Ngushllime Mergim Mavraj.. Mbrojtësit të Kombëtares shqiptare, Mërgim Mavrajt i ka vdekur babai Mërgim Mavraj ka marrë një lajm të hidhur. Mbrojtësit të Kombëtares i ka vdekur babai. Ai vuante nga një sëmundje dhe ishte i shtruar në një spital të Frankfurtit në Gjermani. Lajmi bëhet i ditur edhe nga faqja zyrtare e KF Istogut, klub ky që vjen nga vendlindja e Mavrajt. Sipas tyre, varrimi i të ndjerit do të bëhet nesër në orën 16:00 në fshatin Staradran të Istogut. Për vdekjen e babait të Mërgimit ishte raportuar edhe pas ndeshjes Shqipëri – Armeni. Por, menjëherë pas ndeshjes lojtari i Kolnit e ka demantuar këtë.

Fier, shpërthejnë dy puse nafte në Marinzë, evakuohen banorët. Prokuroria nis hetimet Dy puse nafte kanë shpërthyer mëngjesin e sotëm në zonën e Marinzës të Fierit. Sipas burimeve nga vendi i ngjarjes përveç naftës ka shpërthyer edhe gazi, duke shkaktuar kaos në zonën e banuar dhe pranë një shkolle. Sipas të dhënave janë marrë masat që të evakuohen nxënësit nga godina, ndërkohë forca të shumta policie dhe ambulanca ndodhen në Marinzë. Shpërthimet në këtë zonë nga puset e naftës janë të shpeshta dhe banorët shpesh herë kanë ngritur shqetësimin e tyre në media, por ende nuk është marrë asnjë masë. Zona e banuar është nën pushtetin e naftës, gazit në ajër dhe ujërave të zeza që vazhdojnë të dalin në rrugë. Në vendin e ngjarjes ka shkuar edhe prefekti i Fierit, Xhevit Bushi, i cili u ka bërë thirrje banorëve të Marinzës e më gjerë që të largohen sepse nafta mund të kthehet në zjarr, duke rrezikuar seriozisht jetën e tyre. Ndërkaq si pasojë e shpërthimit të pusit të naftës ka pasur dëmtim të rrjetit të ujësjellësit dhe ujërave të zeza. “Janë marrë masat nga të gjitha institucionet kompetente. Pusi ka qenë në fazën e shpimit, ka pasur shpërthim spontan dhe nuk dihet se në çfarë thellësie ndodhej pusi. Ka shkaktuar dëmtime të rrjetit të ujësjellësit dhe ujërave të zeza. Ka rrezikshmëri për banorët që jetojnë aty pranë. U bëj thirrje banorëve të fshatit Marinzë e më tutje që njerëzit të largohen nga kjo zonë! Mund të ketë viktima se nafta e gazi mund të kthehen në zjarr. Kjo është një fatkeqësi e madhe natyrore”, tha Bushi. Prokuroria dhe Policia e Fierit, hetime ndaj drejtuesve Pas shpërthimit të dy puseve të naftës në zonën e Marinzës, Prokuroria dhe policia Fierit kanë nisur hetimet ndaj drejtuesve të kompanisë “Bankers Petrolium”. Sipas Prokurorisë, hetimet do të zhvillohen në vendin e ngjarjes dhe do të ketë procedime penale ndaj drejtuesve të kompanisë kanadeze që operon në vendin tonë prej vitesh. Hetimi do të kryhet për thellësinë e punimeve nga distanca me banesat e fshatit. Ministria e Mjedisit: I kërkuam më parë kompanisë të merrte masat Duke marrë shkas nga aksidenti i sotëm i katër shpërthimeve të gazit në zonën Patos -Marinzë, të qarkut të Fierit, Inspektoriati Shtetëtor i Mjedisit dhe Pyjeve (ISHMP) sqaron se shkaqet teknike të këtij incidenti janë akoma të paqarta dhe do të zbardhen shumë shpejt. Megjithatë, arsyet e shpërthimit mund të jenë të lidhura me konstatimet e bëra nga ISHMP gjatë javëve të kaluara, masat administrative të marra ndaj kompanisë ‘Bankers’ dhe rekomandimet e pazbatuara nga kjo kompani, të bëra nga ana e ISHMP-së. Burimet zyrtare bëjnë me dije se me 24 shtator 2014 grupi i punës i ngritur nga Ministri i Mjedisit, filloi inspektimin në aktivitetet e kompanisë ‘Bankers Petrolium’ ku një nga çështjet kryesore për ndotjen në mjedis është situata e gropave ekologjike, në të cilat janë depozituar mbetjet e dala nga procesi i shpimit dhe i prodhimit të naftës bruto, të cilat përbëjnë mbetje të rrezikshme. Me Urdhër të Ministrit të Mjedisit, Lefter Koka i është kërkuar kompanisë ‘Bankers Petroleum Albania’, me qëllim parandalimin e aksidenteve të mundshme dhe ndotjes potenciale të mjedisit, që kjo kompani të zbatojë disa masa. Ministria e linjës ka kërkuar pezullimin e aktiviteteve të kompanisë deri në paraqitjen e planit të menaxhimit të mbetjeve, rivlerësimin e raporteve të ndikimit në mjedis dhe rishikimin e kushteve të lejeve mjedisore. Gjitashut kompania në fjalë duhet të marrë masat për trajtimin e mbetjeve që gjenerohen nga aktiviteti, të depozituara në gropat ekologjike, t’i menaxhojë ato. Një laborator i lëvizshëm është dërguar menjëherë në terren për të kryer matjen e nivelit të ndotjes. g.shqip

TIRANE - Bllokimi që dy drejtues të lartë të Intepol Tiranës i bënë kërkesave të ardhura nga Belgjika për arrestimin e deputetit Mark Frroku, çoi në dorëheqjen e parevokueshme të drejtorit të Përgjithshëm të Policisë së Shtetit Artan Didi. Pak orë pas arrestimit të shefit të Interpol Tiranës Artan Bajraktarit dhe specialistes në këtë institucion Laureta Alla, kryepolici Didi i paraqiti zyrtarisht dorëheqjen ministrit të Punëve të Brendshme dhe kryeministrit Edi Rama. “Duke vlerësuar këtë ngjarje si të papranueshme për prestigjin e institucionit të Policisë së Shtetit, të cilin unë e drejtoj, duke e vlerësuar që nuk pata kapacitetin e mjaftueshëm për të parandaluar një fakt të tillë, vendosa të jap dorëheqjen e parevokueshme nga funksioni i Drejtorit të Përgjithshëm të Policisë së Shtetit”, shkruan Didi në kërkesën drejtuar Tahirit dhe Ramës. Këtë mëngjes Partia Demokratike përmes Arben Ristanit akuzoi se kërkesa për arrestimin e Frrokut nga autoritetet belge kishte rënë në dorën e policisë shqiptare me dy kërkesa të njëpasnjëshme në janar të 2015-ës, por që u mbajtën të fshehta dhe u bënë publike vetëm pak ditë më parë (më 18 mars) kur sipas Ristanit, qeveria kishte garantuar dëshminë e Frrokut në favor të kryeparlamentarit Meta në lidhje me akuzat e Tom Doshit për atentat ndaj tij. Sipas burimeve të A1 Report Didi ia ka përcjellë vendimin drejtuesve më të lartë të Policisë në një mbledhje me dyer të mbyllura në drejtorinë e Përgjithshme të Policisë së Shtetit. Artan Didi mbante postin e drejtorit të Përgjithshëm të Policisë së Shtetit që nga tetori i vitit 2013. Ora 11:15 Përfaqësues të Ambasadës Amerikanë në Policinë e Shtetit Në Policinë e Shtetit pas dorëheqjes së Artan Didit kanë shkuar disa zyrtarë të Ambasadës Amerikane Ora 11:20 Tahiri mbledh drejtuesit e policisë Rreth 40 minuta para konferencës për shtyp të parashikuar në orën 12:00, në lidhje me dorëheqjen e kreut të Policisë së Shtetit, Ministri i Brendshëm Saimir Tahiri është duke zhvilluar një takim krerët e policisë në qarqe. Takimi i Tahirit është duke u zhvilluar në ambientet e Ministrisë e Brendshme. Ora 10:50 Tahiri deklaratë për mediat në orën 12:00 Pas kërkesës për dorëheqje që Didi i ka dërguar zyrtarisht ministrit të Brendshëm dhe kryeministrit, Saimir Tahiri do të mbajë një deklaratë për mediat në institucionin që ai drejton. Ora 10:45 Arrestimi i kreut te Interpol, Didi: Ngjarja e papranueshme, s'pata kapacitetin per ta ndaluar “Modelin e punës që u mundova të fus në institucion po e shoqëroj me modelin e dorëheqjes kur diçka nuk ecën sipas pritshmërisë që ti ke dhe të asaj pritshmërie që kanë të tjerët për punën e institucionit që t’i drejton. Shkelja e procedurave ligjore të specialistit të Interpolit dhe të shefit të këtij sektori, shkelje që i vuri ata përpara përgjegjësisë penale, cenoi në një farë mase imazhin e Drejtorisë së Përgjithshme të policisë, ndonëse ishte po ky institucion që e korrigjoi gabimin. Për këtë arsye, duke vlerësuar këtë ngjarje si të papranueshme për prestigjin e institucionit të Policisë së Shtetit, të cilin unë e drejtoj, duke e vlerësuar që nuk pata kapacitetin e mjaftueshëm për të parandaluar një fakt të tillë, vendosa të jap dorëheqjen e parevokueshme nga funksioni i Drejtorit të Përgjithshëm të Policisë së Shtetit. Punonjësit e ndershëm të policisë të më gjykojnë për këtë vendim!” Ora 10:35 Dorëheqja e Didit përgjegjësi morale ndaj cështjes “Frroku” Sipas zyrës së shtypit të Policisë së Shtetit, vendimi i Didi për dorëheqje lidhet me përgjegjësinë morale ndaj rastit të fundit në çështjen “Frroku”. Bëhet fjalë për arrestimin gjatë orëve të mbrëmjes të kreut të Interpol Tirana Artan Bajraktarit dhe oficeres Laureta Alla të cilët dyshohet se fshehën provat nga Belgjika që implikonin Mark Frrokun në akuzën që ai ka për vrasje në këtë shtet. Burime për A1 Report thanë se dorëheqja është e parevokueshme dhe i është dërguar zyrtarisht ministrit të Punëve të Brendshme Saimir Tahiri dhe kryeministrit Edi Rama. Ora 10:10 Dorëheqja, Didi letër Ramës: Ndjej përgjegjësi morale Burime për A1 Report thanë se kryepolici Artan Didi i ka dërguar letër kryeministrit Edi Rama dhe ministri Saimir Tahiri, ku mësohet se ka sqaruar arsyet e dorëheqjes së tij nga Policia e Shtetit. “Ndjej përgjegjësi morale”, mësohet t’i ketë shkruar Didi kreut të qeverisë. (c)Shqiptarja

Prokurori turk Mehmet Selim Kiraz, përgjegjës për hetimin mbi vrasjen e një 14-vjeçari gjatë manifestimeve për Parkun Gezi, është marrë peng në gjykatë nga anëtarë të grupit të ekstremit të majtë DHKP-C. Lajmin e bëjnë të ditur mediat turke, sipas të cilave brenda ndërtesës janë dëgjuar të shtëna armësh, ndërsa në internet ka qarkulluar me shpejtësi një foto e prokurorit me pistoletën drejtuar në kokë nga pengmarrësi. Hetuesi që mbahet peng është fotografuar nga agresorët përpara një flamuri të grupit ekstremist, që ndërkohë i ka bërë apel autoriteteve që brenda orës 15:36, me orën lokale, agjenti i policisë që në vitin 2013 qëlloi adoleshentin Berkin Elvan në kokë të bëjë një rrëfim televiziv ‘live’. Djaloshi, sot simbol i represionit të egër kundër të rinjve të Gezi Park, vdiq pas 9 muajsh në gjendje kome. Ndërkohë, policia ka rrethuar zyrat përreth katit të gjashtë të pallatit të drejtësisë, ku mbahet peng Mehmet Selim Kiraz dhe forcat speciale kanë zënë pozicion. / Top Channel

4256 është numri i denoncimeve për muajin shkurt të regjistruara në portalin “Stop korrupsionit”, të promovuar nga qeveria shqiptare, si një instrument i rëndësishëm në luftën ndaj korrupsionit. Sipas raportit të publikuar nga Ministria për Çështjet Vendore rezulton se për periudhën 2 shkurt 2015- 3 Mars 2015 janë regjistruar 4256 denoncime dhe shumica e tyre, konkretisht 905 denoncime hedhin dyshime për probleme në sistemin arsimor. Kështu, sipas këtij raporti mësohet se nga 4 256 raste të denoncuara, 30 prej tyre kanë ardhur nga qytetarë, ndërsa 86 raste janë aktualisht në shqyrtim. Mësohet sipas grafikut në fjalë se 412 raste janë refuzuar, teksa 123 denoncime janë konsideruar jashtë kompetence. Së fundmi pritet të kuptohet fati i 839 denoncimeve, të cilat janë pjesë e grupit “të hapura”. Gjatë kësaj periudhe, sipas raportit në fjalë mësohet se shumica e denoncimeve i janë “rezervuar” sistemit arsimor me 905 të tilla. Prej këtyre, vetëm 2 denoncime kanë ardhur nga qytetarët. 299 janë në shqyrtim, ndërsa 64 janë refuzuar. Në 511 raste çështjet janë mbyllur, teksa numërohen dhe 6 çështje të konsideruara jashtë kompetence. Pas arsimit, vjen fenomeni i ndërtimeve pa leje me 613 denoncime, më pas shëndetësia me 450 denoncime, e ndjekur nga policia me 403 të tilla. Më pas është sistemi i drejtësisë me 292 denoncime, për të vijuar me hipotekat që mbartin 279 denoncime. Ankesa ka patur edhe në fushën e doganave me 42 denoncime, teksa në lidhje me tenderat janë regjistruar 67 denoncime, energjia 28 të tilla dhe çështja e pronave vetëm 4 denoncime. Duhet theksuar gjithashtu, se denoncimet më të mëdha të qytetarëve, sipas raportit janë në fushën e drejtësisë, me 11 të tilla. / ATSH

TIRANE- Dërgimi i Idajet Balliut në Siri për të luftuar në krah të ISIS dhe më pas për të mbetur i vrarë, duket se është mundësuar nga Alban Elezi, 38-vjeçari nga fshati Rrakull i Kavajës, i arrestuar pak ditë më parë, i akuzuar për akte terroriste, pasi së bashku me nipin e tij rekrutonin luftëtarë në vendin tonë për t’i dërguar në Siri në luftë krah ISIS. Sipas vendimit të Gjykatës së Breshias në Itali për arrestimin e Alban Elezit dhe nipit të tij Elvis Elezit, në dosje përmendet edhe një shtetas tjetër po nga Kavaja, për të cilin nuk ka urdhër arresti. Sipas dosjes, shtetasi italian me origjinë marokene, minoreni El Abboubi Anas, më datë 6 dhjetor 2013 ka udhëtuar nga Bari në Durrës, ku ka qëndruar vetëm 5 orë. Nga përgjimet telefonike rezulton se gjatë gjithë udhëtimit, minoreni ka folur me Alban dhe Elvis Elezin. Në dosje thuhet, se “Roli i Alban Elezit dhe Elvis Elezit qartësohet falë informacioneve të ardhura në bashkëpunim me Prokurorinë e Krimeve të Rënda në Tiranë, e cila ka kryer hetime të vazhdueshme për rekrutimin dhe dërgimin e të rinjve myslimanë për të luftuar në Siri. Autoritetet e drejtësisë shqiptare komunikuan që një i ri i identifikuar si Idajet Balliu ka mbetur i vrarë gjatë luftimeve në Siri, më 15 gusht 2014. Idajet Balliu është nisur në drejtim të Sirisë nga aeroporti i Rinasit më datë 8 dhjetor 2013. Rezulton se Alban Elezi është pjesë e së njëjtës linjë familjare me Idajet Balliun, duke qenë se është kunati i tij, burri i motrës së Idajetit”. Madje, në dosje theksohet se edhe pjesëtarë të tjerë të familjes Balliu kanë tentuar të shkojnë në Siri. “Vëllezërit e Idajetit, Hasan dhe Servet Balliu, kanë tentuar të shkojnë në Siri për t’ju bashkuar ISIS-it. Hasan Balliu ka deklaruar se është shoqëruar në aeroport për t’u nisur drejt Turqisë e më pas drejt Sirisë, më datë 13.04.2014 nga Alban Elezi, bashkëshorti i motrës së tij. Po më këtë datë, oficerët e antiterrorit në Shqipëri identifikuan Albanin. Edhe vëllai tjetër, Servet Balliu, është ndaluar më 31 gusht 2014 në aeroportin e Tiranës, teksa tentonte të nisej drejt Stambollit”, shkruhet më tej në fashikujt hetimorë të drejtësisë italiane. Sipas Servetit, vëllai i tij Idajeti, i kishte treguar se në të njëjtin grup në të cilin ai luftonte ishte dhe Shqyri Kaca nga fshati Dragostunjë i Librazhdit dhe fëmijët e tij, Saimir Kaca 20 vjeç, Zejdi Kaca 18 vjeç dhe Enea Kaca 13 vjeç. Por, autoritetet italiane zbardhin faktin se konflikti familjar mes Alban Elezit dhe vëllait të tij të madh, Idajet Elezit, pasi ky i fundit e konsideronte përgjegjës Albanin për radikalizimin e vajzës së tij 16 vjeçe dhe gjithashtu për lidhjen sentimentale që ajo kishte me Idajet Balliun. “Radikalizimi i një pjese të familjes shfaqet gjatë bisedave që Idajet Elezi kishte me persona të tjerë, duke i shprehur se vajza e tij i quante prindërit e saj “njerëz të pafe”. Ndërkaq, Idajet Elezi nënvizonte se ishte i bindur se po të ishte ende gjallë Idajet Balliu, vajza e tij do të bashkohej me të në Siri për të ndjekur traditën e grave që i bashkoheshin bashkëshortëve apo të dashurve të tyre në luftë”, vijon dosja. Gjithashtu, në dosje thuhet se të gjitha këto të dhëna provojnë aktivitetin e rekrutimit nga ana e Alban Elezit, që ka peëfshirë të gjithë familjen Balliu, dhe që shtrihet edhe në nivel ndërkombëtar, me ndihmën në Itali të Elvisit dhe kontakteve të vazhdueshme me luftëtarët në Siri. (c)Shqiptarja

Ka ardhur koha që Serbisë dhe serbëve tu tregohet e vërteta, ka thënë në një intervistë për mediat serbe, Vuk Drashkoviç, udhëheqësi i Lëvizjes për Ringjalljen Serbe. “Nuk ka asnjë serb i vetëm që është gjykuar në Hagë, dhe që në sytë e shumicës dërrmuese të njerëzve nuk është hero. Sllobodan Millosheviç është përgjegjës për politikën e humbjeve të tmerrshme dhe krimet. Ministrat e adhurojnë atë edhe në varr dhe thonë për të se ishte zgjedhur nga vetë Perëndia”, ka thënë ndër tjerash Drashkoviç. Drashkoviq thotë se heshtet në lidhje me të vërtetën, dhe se shumica e krimeve në Kroaci, Bosnjë dhe Kosovë janë kryer nga pala serbe, Ai thekson se Serbia duhet të pranojë humbjen dhe se asgjë nuk mund të justifikohet. “Politika e re duhet të pastrohet nga politika e mëparshme e disfatës dhe krimit dhe të gjitha armiqësitë e luftës duhet të kthehen në miqësi. Këtë e kanë bërë gjermanët pas Luftës së Dytë Botërore dhe e shohim se ku janë sot. Këtë duhet ta bëjë edhe Serbia. Serbia duhet që armiqësinë me shqiptarët, boshnjakët dhe kroatët ta shndërrojë në miqësi. Sigurisht ende ka dhimbje për viktimat e bombardimeve të NATO-s, por numri i këtyre viktimave është shumë më i vogël se sa të themi, numri i viktimave të vrarë nga bombat serbe vetëm në Sarajevë. Për tre vjet, janë vrarë afër 12.000 civilë, nga të cilët më shumë se 2.000 fëmijë”, ka thënë ndër tjerash thotë Drashkoviq. Ai ka folur edhe për marrëveshjen e Rambujesë, duke rikujtuar refuzimin e Millosheviçit për ta pranuar atë. /albeu.

Një biznesmen ka rënë pre e grabitjes me maska në orët e para të mëngjesit të 15 shkurtit 2015. Tre persona të armatosur i kanë zënë pritë në parkimin e pallatit ku jetonte dhe nën kërcënimin e armës I kanë marrë një sasi prej 350 mijë lejë të reja dhe 185 euro, para të xhiros e pagesave që kishte për të kryer. Biznesmeni, Bukurosh Malaj thotë se grabitësit i kanë marrë dhe automjetin, i cili më pas është gjetur i braktisur në afërsi të fshatit Kotë të rrethit të Vlorës. Bukurosh Malaj : “Ishte ora 01:00 e 15 shkurtit 2015, sapo parkova automjetin, pranë pallatit mu afruan me shpejtësi 3 njerëz me kapucë në kokë dhe me armë, pistoletë dhe automatikë. Më morën makinën dhe lekët. Ishin të dhunshëm dhe më goditën” thotë ai në një prononcim për gazetarët. Biznesmeni thotë se ka dyshime se kush mund të jenë grabitësit, por ka rezerva se policia mund ti arrestojë. Një javë më parë përpara lokalit të tij ishte grabitur një tjetër biznesmen. Bukurosh Malaj: “Kam bërë shumë kallzime e deklarata të ndryshme. Çështja shkon, por mbyllet. Dyshoj se kush është por nuk besoj se mund ta arrestohen. Para një jave para lokalit tim u vodh po një biznesmen. Kam dyshime sepse jam biznesmeni i radhës dhe mund të jenë këta grabitësit të njëjtët. Jam shumë i sigurtë se këtij shteti i kam derdhur çdo lloj takes që ka vënë dhe nuk i kërkoj as më shuëm as më pak të më mbrojë jetën Mendoj se grabitësit janë dy burra të rritur dhe një minoren.” Nga ana tjetër policia ka sqaruar se pasi ka marrë informacionin është vënë në ndjekje të autorëve si dhe kanë ngritur pika kontrolli në akset kryesore të qytetit dhe në ato që lidhen me fshatrat, por nuk kanë mundur të arrestojnë njeri pasi grabitësit kanë përfituar nga errësira. Grabitësit janë përpjekur ta djegin makinën Mercedes-Benz me targa AA184CE por nuk kanë mundur “Kishin vënë zjarr makinës për ta djegur por fati nuk e dogji’ Blutë thanë se në lidhje me këtë rast janë shoqëruar disa persona të dyshuar si dhe janë duke u kryer veprime të tjera procedurale, por ende ska asnjë të arrestuar. Në foto: Vendi ku ndodhi grabitja e biznesmenit Bukurosh Malaj, Vlorë, 15 shkurt 2015 ORA NEWS

Gati 200 kilogramë kanabis çonin në Itali çdo javë, të fshehur në funde të dyfishta të makinave, të blinduar dhe të pamundur për ta vënë re. Kjo sasi droge vinte nga Shqipëria në Comasco dhe veçanërisht në zonën e Erbese në Komo, e ndarë në pako prej rreth 7 kilogramësh secila. Hetimi kishte nisur në vitin 2013 dhe ka përfunduar me arrestimin e 7 personave, shqiptarë dhe italianë. Të arrestuarit janë: Lisander Livadhi, 25 vjeç banues në Castelmarte Shpresa Rika, 45 vjeçe banuese në Castelmarte, Juljan Lushaj, 35 vjeç banues në Ponte Lambro, Renato Korra, 28 vjeç, banues në Modena, Amarildo Beqiri, 30 vjeç, banues në Reggio Emilia Lozi, 35 vjeçe, banuese në Xhenova Shpetim Lozi, 36 vjeç banues në Xhenova. Këta persona i janë shtuar 2 korrierëve të drogës, të cilët ishin vënë në pranga më parë. Emanuele Anghileri, 36 vjeç nga Leço dhe James Canali, 38 vjeç nga Asso, të cilët mësohet se aktualisht janë të dënuar. Droga mësohet se nisej nga Lazarati për të përfunduar në Itali. Makinat që përdoreshin ishin Fiat Ulysse, që e kishin të modifikuar dyshemenë dhe me një mekanizëm të sofistikuar të hapjes që e dinte vetëm shoferi dhe që e aktivizonte kur droga paguhej. MAPO