Tema e ditës

B:Zeri-Amerikes.

NATO do të rikthejë në funksion të ashtuquajturat “linjat e nxehta”, që gjatë Luftës së Ftohtë shërbenin për të vendosur kontakt të drejtpërdrejtë mes ushtarakëve perëndimore dhe atyre në Moskë. Kontakti shërbente për të reduktuar përshkallëzimin e tensioneve ushtarake dhe me të njëjtin objektiv do të rivendoset. Shkak për këtë është bërë rritja e ndjeshme e tensioneve mes Rusisë dhe Perëndimit, që prej nisjes së krizës në Ukrainë dhe pas aneksimit të gadishullit të Krimesë. Paralelisht me përpjekjet për të vendosur kontaktet të drejtpërdrejta me ushtarakët e lartë rus, NATO synon edhe të ‘pastrojë’ zyrat e veta. Në Bruksel dyshohet se janë me dhjetra spiunë që punojnë për llogari të Moskës. Në një intervistë dhënë “The Guardian”, Sekretari i Përgjithshëm i NATO-s, Jens Stoltenberg tha se rritja e prezencës ajrore ruse mbi Detin e Zi, atë Balltik dhe pranë Norvegjisë, lind nevojën e vendosjes së kontaktit të drejtpërdrejtë ushtarak për të shmangur çdo keqkuptim. “Është me rëndësi që të kemi kontakte të drejtpërdrejta ushtarake në një situatë normale për të qenë të përgatitur, që kur të ndodhë diçka jonormale ta sqarojmë atë dhe të shmangim daljen e situatës nga kontrolli. Jemi duke punuar që të vendosim këto linja 24 orë në 24. Po punojmë dhe duam të sigurohemi që të jenë funksionale në rast nevoje”- u shpreh ish-kryeministri norvegjez. Por pavarësisht vendimit për të rihapur “linjat e nxehta”, apo siç njihen ndryshe edhe si “linjat e emergjencës”, në Bruksel NATO ka ndërprerë kontaktet me diplomatët dhe oficerët rusë, që brenda vitit do të duhet të boshatisin pjesën më të madhe të zyrave të tyre në godinën e Aleancës. Muajin e kaluar u mor një vendim ku u reduktua numri i personelit për delegacionet e shteteve joanëtare. Limiti u vendos jo më shumë se 30 vetë. Rregulli i ri, që është duke u zbatuar, prek vetëm Moskën. “The Guardian” shkruan se zyrtarë dhe diplomatë të NATO-s thonë privatisht se më shumë se gjysma e personelit të delegacionit rus dyshohet se punon për shërbimet sekrete. Dyshimet shtohen më shumë nga mungesa e një informacioni të qartë se prej sa anëtarësh përbëhet delegacioni i Moskës në zyrat e NATO-s. Vetë Rusia thotë se është 37, diplomatë të vendeve anëtare thonë 61, të tjerë shkojnë deri në 90. Stoltenberg pranon se ishte në dijeni të rregullit që do të prekte vetëm Rusinë, por mohoi se ky rregull ishte enkas për të goditur Moskën. “Nuk shënjestron asnjë delegacion të asnjë vendi të veçantë. Me aq sa di unë, përshtypja ime është që ky rregull po pranohet dhe do të zbatohet plotësisht brenda pak muajsh. Me rusët kemi vendosur të pezullojmë të gjithë bashkëpunimin praktik, por ruajmë kanalet politike dhe ushtarake dhe një delegacion me 30 vetë mjafton për këtë”- thotë Stoltenberg. Top Channel

Forca të mëdha policore mëngjesin e sotëm kanë nisur një aksion në lagjet shqiptare të Kumanovës, ku si pasojë e përleshjes së armatosur raportohet të jenë vrarë pesë civilë shqiptarë dhe janë arrestuar shumë të tjerë. Në këtë konflikt thuhet të jenë vrarë dhe plagosur edhe disa pjesëtarë të policisë maqedonase. Banorët shqiptarë të Kumanovës kanë rrëfyer për tmerrin që kanë përjetuar në mëngjesin e sotëm, duke konfirmuar vrasjen e një familjeje shqiptare tre anëtarëshe ndër ta edhe të një vajze 8-vjeçare edhe të dy qytetarëve të tjerë. Nga fotografitë dhe xhirimet e bëra shihen edhe arrestimet e kryera nga policia maqedonase, sikurse edhe autoambulanca që ka transportuar në spitak policët e vrarë dhe të plagosur. Zëdhënësi i policisë Ivo Kotevski ka konfirmuar për gazetën “Lajm” përleshjen e armatosur midis policisë dhe një grupi të armatosur. "Aksioni policor ka filluar herët në mëngjes, pas informacioneve për lëvizje të një grupi të armatosur në atë pjesë të Kumanovës", theksoi Kotevski. Më poshtë mund të shihni fotografitë dhe videoincizmet e bëra sot në Kumanovë:

Një ambasador i Maqedonisë në një vend perëndimor ka jetuar në një lidhje dashurie me një kolege të re nga MPJ,(Ministria e Puneve te Jashtme) transmeton “Lajmpress”. Ambasadori është i martuar, ndërkaq gruaja e tij gjithashtu është në pushtet, edhe pse jo në ekzekutiv. Ambasadori është person i afërt me Nikolla Gruevskin. Skandali është “zgjidhur” në atë mënyrë që dyshja e dashuruar është e ndarë në dy qytetet të ndryshme, edhe pse vazhdojnë të punojnë në shtetin e njëjtë europian. Sipas burimeve të gazetës “Lajm” në MPJ, bëhet fjalë për ambasador maqedonas, kurse diplomatja në fjalë është shqiptare. Ky informacion nuk është i konfirmuar zyrtarisht. Burime shqiptare në MPJ moti kohë tërheqin vërejtjen se pozita e diplomatëve shqiptarë është aq margjinale, saqë gjasa për avancim në karrierë kanë vetëm at(o)a diplomatë-e shqiptar-e që janë simpatikë-e për shefat e tyre maqedonas.

Policia shqiptare vazhdon të “reklamojë” anën më të errët të saj gjatë dy viteve të fundit. Dhuna fizike ndaj taksapaguesve ka zbritur këtë herë në qytetin e Tepelenës, në jug të vendit. Ish-shefi i Komisariatit të Tepelenës, Gazment Shehu, i cili tashmë mban të njëjtin post në qytetin e Sarandës prej katër javësh, ka dhunuar punonjësin e një qendre të lojërave të fatit, pronë e biznesmenit A.G. Ngjarja ka ndodhur në muaj mars të këtij viti, rreth orës 14:00, në qendër të Tepelenës, pranë bashkisë së këtij qyteti. “Nuk e kuptova pse më qëlloi me grushta. Unë thjesht isha punonjës”, thotë i dhunuarit B.M., i cili preferoi të mos publikohet emri. Sipas tij, qysh prej asaj dite është larguar nga puna, pasi nuk e duronte dot poshtërimin që i bëri ish-shefi i Komisariatit të Tepelenës me emër të ligjit. “Në qoftë se aktiviteti fitimprurës ishte i paligjshëm, kjo nuk e justifikon ligjshmërinë e tij për të më dhunuar sipas qejfit”, shprehet B.M., 23 vjeç. Më tej, i dhunuari tregon se është përpjekur të denoncojë dhunën e policisë, por nuk është lejuar nga familjarët për shkak të frikës. “Të denoncosh në polici për shefin e Komisariatit të Tepelenës është marrëzi, pasi do të më merrnin për të çmendur”, shprehet B.M. Për të, kjo dhunë ishte i tepërt, pasi “terror” fizikisht nuk kanë ushtruar as prindërit e tij. “Për herë të parë në jetën time jam poshtëruar fizikisht. As prindërit e mi nuk kanë guxuar të ushtrojnë dhunë fizike ndaj meje”, thotë B.M. “Fatkeqësisht dhuna u mundësua nga Policia e Shtetit. Ndihem i zhgënjyer nga kjo qeveri”, shton ai. Keqtrajtimi Videoja prej 74 sekondash flet qartë se si ish-shefi i Komisariatit të Tepelenës, Gazmend Shehu, ushtron dhunë fizike ndaj djaloshit tepelenas, i cili qysh prej asaj dite u largua nga vendi i punës, pasi nuk duronte poshtërimin. Gjatë sekuencës filmike vihet re se dhuna është ushtruar në prani të pesë personave. Është dashur ndërhyrja e kolegut të tij për të frenuar çmendurinë e ish-shefit të komisariatit, i cili ishte gati ta “shqyente” viktimën, pasi lëshoi në tavolinë celularin e tij. Burime konfidenciale, por të sigurta, sqarojnë se Shërbimi i Kontrollit të Brendshëm (SHKB) ishte vënë në dijeni për këtë video, por u mbaj e fshehtë nga drejtuesit e lartë të Policisë së Shtetit.

Skandal ne rruget e qytetit te Korces. Ambulanca braktis pasi e terheq zvare nje person ne trotuar. Filmimi amator siguruar nga CityFM.al, tregon se diten e merkure ne 29 prill, rreth pasdites diku ne zonen e quajtur Shen Triadha. Nje ambulance duket e ndaluar ne rruge. Pamjet tregojne sesi dy bluza t e bardha (mjek ose infermier), terheqin zvare nje person te cilin e mbeshtetin ne muri prane trotuarit. Personi duket i pafuqishem dhe nuk reagon. Njeri nga bluzat e bardha hipen ne ambulance, ndersa i dyti duket qe komunikon me nje tjeter femer veshur me te zeza. Personat qe ishin prane thane per cityfm.al se ambulanca ishte njoftuar per nje person qe gjendej i shtrire ne rruge. Femra e veshur me te zeza, qe duket ne video, ju lutej bluzave te bardha ta mernin personin qe gjeten ne rruge dhe ta conin ne spital pasi ai dukej ne gjenje te rende. Por ambulanca pasi e ka hedhur nga rruga ne trotuar eshte larguar. Gjithcka ka ndodhur rreth ores 16.00 te pasdites te dites se merkure. Nuk dihet nese personi i terhequr zvare eshte nje pacient apo nje person i dehur, por rasti eshte skandaloz dhe flagrant. Ambulanca kudo ne bote shkon per ndihme, qofte dhe i dehur personi i jep atij ndihmen nuk e terheq zvare ne trotuar drejt murit. Personi eshte lene aty dhe ambulanca eshte larguar. Ende nuk dihet fati i qytetarit qe u hoq zvare nga bluzat e bardha http://www.cityfm.al/2015/04/ekskluz...in-ne-trotuar/

KUJDES: PAMJE SHQETESUESE Terroristët e Shtetit Islamik kanë kryer një nga ekzekutimet më horror deri më tani, duke goditur me blloqe betoni në kokë dy burra, të akuzuar për vrasje. Fotot shokuese tregojnë se si militantët ngrenë blloqet e betonit sipër kokës, ndërsa të dënuarit janë shtrirë buzë rrugës. Ekzekutimi u krye në provincën Nineveh në veri të Irakut. Policia islamike i kishte arrestuar burrat, pasi ata akuzohen se kanë vjedhur dhe vrarë tre gra. Javën e shkuar, ISIS ekzekutoi dy të dyshuar si homoseksualë. Pasi i përqafojnë dhe i “falin” për mëkatet, ata vriten me gurë.

Një 20-vjeçar nga qyteti i Gjirokastrës i ka dhënë fund jetës në mënyrë tragjike duke u hedhur nga kati i shtatë i një pallati në lagjen “28 shtatori”. I riu Visjar Llaçini, para se të ndërmerrte aktin tragjik ka shkruar një status në “Facebook”, ku shpreh dashurinë për vëllain dhe prindërit, ku mes të tjerash u kërkon falje. Postimi mbyllet me frazën “Allahu Ekber”. Lajmi bëhet i ditur nga burime të brendshme të policisë së Gjirokastrës. Postimi i viktimës në “Facebook” Vajza bëni mirë ti besoni kur një djalë thotë se jap dhe për ty …Vëllai im të dua shumë fort , Ti je bosi im ti je njësh,unë të dua shumë, të dua pa funddd, ti je diell …të dua shumë vëlla …Aldo bosii …Familja ime ju dua pa funddd ..Ti mami dhe ty babi jeni gjëja më e shtrenjtë për mua ..ju dua pa fund ..Dhe mos u mërzitni për muaa … Misioni im kaq ishte mbaroi ,Unë tani duhet të iki , Ju kërkoj falje ..Qëllimi im këtu ka mbaruar ..Përshëndes gjithë shokët e mi …përshendetje çuna ,përshendes shoqet e mia , Për mua kaq ishte ……Allahu Ekber …Lamtumirrrr … g.shqip

Ligji, ja si sekuestrohet shtëpia kur s’paguan dritat. Halimi: Rama është i çmendur Qeveria i jep të drejtë OSHEE-së ti sekuestrojë shtëpitë të gjithë personave që kanë detyrime të papaguara në masën 150 mijë lekë të reja. Në ligjin e ri të ardhur tashmë në Parlament “Për sektorin e energjisë elektrike”, në nenin 90 parashikohen rastet se si sillet OSHEE-ja kur klienti ka detyrime të papaguara. “Në rast se detyrimi i papaguar që rrjedh nga një kontratë furnizimi energjie elektrike është mbi 150 000 lekë për klientin familjar dhe mbi 2 000 000 lekë për klientin jofamiljar, furnizuesi ka të drejtë të zbatojë mjetin e sigurimit të detyrimeve të papaguara, duke vendosur barrë hipotekore mbi pasurinë e paluajtshme që furnizohet me energji elektrike në bazë të kësaj kontrate furnizimi, detyrimet e së cilës nuk janë paguar. Barra hipotekore do të vendoset për një periudhë deri në përfundimin e procedurave të ekzekutimit të detyrueshëm”, thuhet në gërmën ‘e’ të këtij neni. Lidhur me këtë ligj ka reaguar sot edhe deputeti demokrat, Eduard Halimi, i cili shkruan në facebook se “Cmenduria e Rames nuk ka kufi. Pas burgosjes historike se mijera shqiptareve te pamundur per pagimin e energjise elektrike gjate vitit 2014, ne 14 janar te ketij viti ka firmosur nje projektligj “Per energjine elektrike” ku i kerkon Parlamantit ti jape miratimin atij dhe taksidareve te OSHE per te sekustruar pasurite e shqiptareve, shtepi, apartamente, dyqane, toka bujqesore, troje e cfare te kene”. “Ky projektligji eshte jo vetem antikushtetues por mbi te gjitha eshte nje barbari juridike e njeriu delirant i cili duhet ndalur. Detyrimi i pagimit të faturës së energjisë elektrike është detyrim në të holla, për ekzekutimin e të cilit ndiqen rregullat e parashikuara nga Kodi i Procedurës Civile. Fatura e energjise eshte titull ekzekutiv por ekzekutimi behet nga permbaruesi vetem pasi te shprehet gjykata me pare në masën që do të jetë e nevojshme për plotësimin e detyrimit dhe jo nga kryeministri apo taksidari i tij. Te sekuestrosh banesat, toka bujqesore e troje qe kane vlera qindra here me te madhe se nje fature energjie 1 milion leke, dhe per me teper kete ta besh pa autoritetin gjyqesor por si kryeminister, eshte barbari ligjore”, shkruan Halimi. Neni 90 Nëse klienti nuk paguan detyrimin e energjisë elektrike ndaj furnizuesit të ngarkuar me shërbimin universal si detyrim i shërbimit publik, brenda afatit të caktuar në kontratë, furnizuesi i energjisë elektrike, nëpërmjet personave të autorizuar nga ana e tij, përveç inicimit të procedurave të ndërprerjes së energjisë, ndërmerr masat e mëposhtme: d) Inicion procedurat e ekzekutimit të detyrueshëm duke kërkuar lëshimin e urdhrit të ekzekutimit dhe inicimin e ekzekutimit të detyrueshëm, sikurse përcaktohet në Kodin e Procedurës Civile dhe ligjin nr.8662, datë 18.9.2000 “Për trajtimin si titull ekzekutiv të faturës së konsumit të energjisë elektrike”, për çdo vlerë të papaguar detyrimi. e) Në rast se detyrimi i papaguar që rrjedh nga një kontratë furnizimi energjie elektrike është mbi 150 000 lekë për klientin familjar dhe mbi 2 000 000 lekë për klientin jofamiljar, furnizuesi ka të drejtë të zbatojë mjetin e sigurimit të detyrimeve të papaguara, duke vendosur barrë hipotekore mbi pasurinë e paluajtshme që furnizohet me energji elektrike në bazë të kësaj kontrate furnizimi, detyrimet e së cilës nuk janë paguar. Barra hipotekore do të vendoset për një periudhë deri në përfundimin e procedurave të ekzekutimit të detyrueshëm. Panorama

Ajo u bë e famshme në 2010 pasi u lidh me ish të dashurin e Kim Kardashian, futbollistin Reggie Bush. Carmen Ortega është rikthyer në qendër të vëmendjes, këtë herë per format e saj. Por një tjetër fakt që mediat e sjellin në vëmendje është se ajo po imiton idhullin e saj, Kim Kardashian. Edhe fustani me të cilin ajo u pa të premten, ishte i njëjtë më atë që kishte veshur ylli i Reality Show, Kardashian në Qershorin e vitit të kaluar.Fustan transparent dhe pa recipeta, ku gjithë vëmendja përqendrohet tek gjoksi. tvklan.al

TIRANE- Një shifër prej 5 miliard lekësh e depozituar në një bankë të nivelit të dytë në Shqipëri, 67 mijë metra katror që ndodhet në fshatin Rinia në Durrës dhe disa pasuri të tjera që janë në emër të biznesmenin serbo-boshnjak Damir Fazlliç, janë sekuestruar tre ditë më parë me një vendim përmbarimor. Njeriu me shumë afrimitet me ish-kryeministrin Sali Berisha, kreun aktual të PD Lulzim Basha dhe kreun e PR Fatmir Mediun, rezulton debitor i një kredie të marrë në “Union Bank” me vlerën 3.3 milion euro. Si pasojë e mospagimit të kësaj kredie në 13 mars gjykata e Tiranës ka vendosur nxjerjen e urdhërit të ekzekutimit të pasurive që ishin në emër të Damir Fazlliç dhe dy kompanive të tij, qipriotes “Alpha” Sh.p.k dhe “Crawn Acquisitions”. Vendimi për sekuestrimin e pasurisë së mësipërme është marrë në 28 prill 2015 nga përbaruesi Edvin Malotaj që vepron në kompaninë “Strati Baliff Service”. Gazeta “Shqiptarja.com” disponon të plotë vendimin e sekuestros konservative,që bllokon pasurinë e biznesmenit serbo-boshnjak Damir Fazlliç. //shqiptarja.com

17/09/2014, 10:03 Në Gjykatën e Krimeve të Rënda ka nisur me dyer të mbyllura seanca ndaj Arben Frrokut, të akuzuarit kryesor për vrasjen e komisar Dritan Lamajt. Në seancën e sotme pritet që të flasë edhe dëshmitari kyç, Arben Ndoka, i cili pretendon se ditën e vrasjes së Lamajt, ka parë në vendin e ngjarjes biznesmenin Arben Frroku. Ndërkohë seanca e 10 shtatorit u shty për shka të mungesës së Prokurorëve. Në seancën e 6-të gjyqësore, një shkresë e ardhur nga Zyra për Mbrojtjen e Dëshmitarëve konfirmon se janë humbur kontaktet me Ndokën. Avokati Genc Gjokutaj pati kërkuar ndryshim të masës së sigurisë për klientin e tij, por kërkesa nuk u pranua nga trupa gjyqësore seancën e 30 korrikut. Sipas Gjokutaj, klienti i tij “ Arben Frroku po vuan padrejtësisht, dënimin në burg.

ublikoi shifrat te henen ku tregohet se popullsia e Shqiperise ka pasur nje ulje prej 26,000 nga janari i 2010 deri ne janar 2015. Sipas parashikimeve per pupullsine nga INSTAT, nga 2011 ne 2031 popullisa do te ulet ne pjesen me te madhe te vendit, me perjashtim te disa prej qyteteve kryesore si Tirana, Durres dhe Vlora. Sipas shifrave te INSTAT, popullisa e Tiranes pritet te kete nje rritje prej 25%, nga 763,560 ne 965,000 ne 2031. Popullis apritet te kete nje rritje rreth 3% ne zonat e Durresit dhe Vlores. Popullisa pritet te kete renien me te madhe ne veri ne Kukes dhe Diber, si dhe ne jug ne Gjirokaster. Ne keto qytete pritet nje renie prej 30% deri ne 2031. Pjesa tjeter e vendit pritet te kete gjithashtu renie rreth 10-20% deri ne 2031. Emigracioni eshte bere faktori kryesor per zvogelimin e popullsise ne Shqiperi edhe pse rritja natyrale vazdhon te jete pozitive. Albanian population declines by 26 thousand people since 2010

Daniela Santanche, deputetja e “Forza Italia”, njëkohësisht krahu i djathë i Silvio Berluskonit ka shokuar me deklaratën e saj, vetëm një ditë pas tragjedisë në Mesdhe, ku nga fundosja e një anijeje humbën jetën rreth 700 emigrantë afrikanë. Për Televizionin SKY TG24, ajo ka deklaruar sot në mëngjes se Italia duhet të fillojë të aplikojë një strategji vetëmbrojtëse. Santanche sugjeroi të fundosen anijet që në nisje, “ashtu siç bëmë me shqiptarët”. “Më mirë një akt lufte, se sa një luftë e humbur”, ishte deklarata e deputetes italiane, deklaratë që ka tronditur opinion publik dhe ka provokuar debate të shumta. / Top Channel

Një ngjarje e rëndë ka ndodhur mëngjesin e së enjtes në qytetin e Vlorës, ku një grua 54-vjeçare ka djegur me benzinë nënën e saj të moshuar. Sipas informacioneve të fundit, ngjarja ka ndodhur në lagjen Pavarësia të qytetit bregdetar, ku uniformat blu kanë mbërritur menjëherë me të marrë lajmin. Fillimisht agjentët kanë vënë në pranga 54-vjeçaren e identifikuar me inicialet R.SH, ndërsa kanë shoqëruar për në spital nënën e saj 84 vjeç. Kjo e fundit ndodhet në gjendje të rëndë, ndërsa vajza e saj, referuar dëshmive paraprake, vuante nga probleme mendore. / Top Channel