Tema e ditës

Bill Klinton, hero në Prishtinë: Kosova duhet të jetë Zot i paqes së vet Pas zbulimit të shtatores, Bill Clinton edhe njëherë ka falënderuar udhëheqësit e vendit dhe popullin e Kosovës, duke thënë se ai ndihet i privilegjuar që atij i është ndërtuar një shtatore sa ishte gjallë.</p> Ai po ashtu ka përsëritur se ka biseduar me gruan e tij, sekretaren e shtetit të SHBA-ve, Hillary Clinton, e cila i ka thënë atij se ai duhet ta bëj një foto para statujës së tij.</p> “‘Duhet ta bëni një foto para saj’ më tha ajo”, tha Clinton.</p> “Unë dua të ju them juve disa gjëra në mënyrë serioze, së pari unë jam shumë i nderuar që isha këtu për të ndalur ato gjëra të tmerrshme që u ndodhnin juve dhe për të qenë pjesë e asaj që ndodhte këtu. Unë jam shumë i vetëdijshëm se ka pasur edhe shumë të tjerë që kanë ndihmuar për shpëtimin e shumë jetëve në Kosovë dhe që iu kanë ndihmuar juve për të ndërtuar demokracinë”, tha Clinton.</p> Për më tepër, Clinton ka siguruar popullin e Kosovës se do të kenë përherë mbështetjen e palëkundur të Shteteve të Bashkuara të Amerikës</p> “Para dhjetë vjetëve ne kemi ndalur diçka të tmerrshme këtu, ndërsa sot pas dhjetë vjetëve ju jeni duke bërë një punë të mirë, jeni të lirë, jeni të pavarur dhe do të ecni përpara si vend shumetnik. Ne duhet të zgjidhim diçka shumë të thjeshtë, edhe nëse jemi në Kosovë, por edhe kudo që jemi në botë”, tha ish-presidenti Klinton.</p> Clinton ka rikujtuar edhe ata të cilët pas luftës së Kosovës kontribuan në ndërtimin e shtetit të Kosovës. Ai ka falënderuar NATO-n, ish-sekretaren e shtetit Madeleine Albright, Wesley Clark, ish-presidentin George Bush dhe ish-sekretaren Condelize Rice për kontributin e dhënë.</p> “Dhe dua t’ju siguroj se edhe administrata e tanishme në krye me presidentin Obama dhe sekretaren Hillary Clinton do ju ndihmojnë për të ndërtuar të ardhmen”, tha ai.</p> Ndërsa kryeministri Thaçi ka premtuar se sheshin Bill Clinton do ta bëj një shesh madhështor për Kosovën.</p> “Shtatorja e juaj është shtatore që i përket të gjithë qytetarëve të Kosovës sepse ju jeni hero i popullit të vendit tim”, tha Thaçi.</p> Zbulohet shtatorja</p> Tashmë është bërë zbulimi i shtatores se Bill Clinton në sheshin që mban emrin e ish presidentit amerikan.</p> Para zbulimit Kryetari i Shoqatës, “Miqtë e Amerikës”, Agim Rexhepi ka thënë se kjo shtatore është nderimi që populli i Kosovës ia bën një heroi të gjallë të tij.</p> Skulptura është punuar nga skulptori Hezair Mustafa, ndërkaq në pritje të Clinton kanë dalë me mijëra njerëz për ta nderuar mikun e tyre!</p> Clinton: Kosova ka ndërtuar institucione demokratike</p> Ish-presidenti i SHBA’ve Bill Clinton në fjalimin që ka mbajtur para deputeteve të Kuvendit të Kosovës ka thënë se Kosova me punën e saj ka arritur që të krijoi institucione demokratike, shtyp të lirë dhe shoqëri të fortë civile.</p> Ai në fjalimin e tij, në fillim, ka përkujtuar edhe ish presidentin e Kosovës, Ibrahim Rugova dhe një gurë të cilin ai ia kishte dhuruar.</p> “Ai gur kristal të cilin ma dha Rugova i është dhuruar një universiteti por për një kohë ai ishte i njohur edhe në SHBA me emrin “Guri i Rugovës”, ka thënë Clinton.</p> Clinton, ka shtuar se ai është lindur në një vend që ka gjeologji të ngjashme me Kosovën, në Arkanzas. “Atëherë, ai (Rugova), më tha se duhet të na ndihmosh”, ka thënë Clinton.</p> Clinton po ashtu ka treguar edhe vlerësimet dhe punën që është duke e bërë administrata e tanishme amerikane që Kosova të ec përpara. “Kur u nisa për në Kosovë bisedova në telefon me Hillary’in dhe edhe ajo ua dërgoi të fala nga ana e saj – përderisa është duke u përpjekur që të arrihet paqe në Lindje të Mesme. Zëvendëspresidenti Biden por edhe të tjerët kanë treguar përkushtimin e tyre që të ju ndihmojnë “, ka thënë Clinton.</p> Clinton ka treguar se në Botë sot nuk ka rëndësi sesa të mëdhenj janë popujt. Sipas tij të gjithë popujt kanë tregimet e veta- të mira dhe të këqija.</p> Ish-presidenti ka thënë se ai do të bëj gjithçka që është e mundur që t’i ndihmoj përsëri popullit të Kosovës por edhe Kosova nuk duhet të bëj dallime në mes të fqinjëve të saj. Ndërkaq, ai ka thënë se është krenar me Kosovën.</p> Sipas tij, Kosova ka përparuar, ajo është pranuar në FMN ndërkaq me hapa të sigurt është duke shkuar drejt anëtarësimit të saj në NATO dhe BE.</p> Ai ka thënë se “Kosova duhet të jetë Zot i paqes së vet”.</p> Nga ana tjetër Kryetari i Kuvendit të Kosovës, Jakup Krasniqi ka thënë në fillim se ishte pikërisht SHBA dhe miqtë e saj që ndërprenë një spastrim etnik dhe një katastrofë në Kosovë. “Kosova ka ndryshuar shumë dhe nuk i ngjanë më Kosovës së luftës më parë dhe është shndërruar në një vend multietnik pa dallime politike dhe fetare”.</p> Kurse Presidenti i Kosovës, Fatmir Sejdiu tha se populli amerikan ka një meritë të veçantë për pavarësinë e Kosovës.</p> “Qytetarët e Kosovës të janë mirënjohës për vendimin dhe ndërhyrjen ushtarake dhe parandalimin e një gjenocidi të të paparë në Kosovë. Ju nuk lejuat që të flijohen mijëra viktima civile…”, tha Sejdiu.</p> Ndërkaq, kryeministri Thaçi tha se vizita e presidentit Clinton në Kosovë është një ditë e lumtur për të gjithë në shtetin e Kosovës, sepse kështu Kosova nderon mikun më të madh të Kosovës, ish presidentin e SHBA-ve, z. Bill Clinton..</p> “Ftesa e sotme është një simbol i dashurisë. Festa e sotme është një mirënjohje e thellë nga institucionet e reja të Republikës së Kosovës. Shtatorja që do ta zbulojmë sot është një shtatore për triumfin e paqes dhe të tolerancës në botë. Ju z. Clinton e bashkuat botën demokratike për të ndërhyrë dhe sjell paqe në Kosovë. Paqen, jetën e lirë, lirinë dhe lumturinë e Kosovës. Zoti i bekoftë SHBA, Kosovën, juve z. President, familjen tuaj”, tha Thaçi.</p> Momentalisht ish presidenti amerikane është duke u takuar me mijëra qytetar të cilët kanë sfiduar ngricat për ta pritur mikun e Kosovës, njeriun i cili parandaloj masakrat kundrejt popullsisë civile në Kosovë me intervenimet ushtarake të NATO-s në mars të vitit 1999.</p> Clinton arrin në Prishtinë</p> Ish-Presidenti Amerikan, Bill Clinton, ka mbërritur në Prishtinë.</p> Ai vjen për herë të tretë, në vendin tonë, por kësaj radhe në Republikën e Kosovës.</p> Njeriu që dha kontribut të jashtëzakonshëm për lirinë e Kosovës, sërish do të ketë rastin të përjetojë dashurinë e kosovarëve për të. Me ftesë të Kryeministrit Hashim Thaçi, miku amerikan, fillimisht do të ketë një takim me Presidentin Fatmir Sejdiu dhe Kryeministrin Thaçi. Më pas, Clinton do të mbajë një fjalim në një seancë solemne në Kuvendin e Kosovës. Në orën 13:20 është paraparë ceremonia e zbulimit të shtatores së tij në sheshin “Bill Clinton”.</p> Vizita e tij shihet si rikonfirmim i miqësisë ndërmjet popullit të Kosovës dhe atij amerikan. Kështu u shpreh kryeministri i Kosovës, Hashim Thaçi, gjatë mbledhjes së Qeverisë, të shtunën, ku edhe shpalosi agjendën e vizitës së ish-Presidentit Clinton.</p> Thaçi ka thënë se Qeveria dhe institucionet e Kosovës kanë bërë të gjitha përgatitjet për pritjen e ish presidentit të SHBA-së, Bill Clinton. Ai tha se në shenjë mirënjohje dhe respekti për angazhimin e madh që ka dhënë ish-presidenti Clinton për lirinë dhe demokracinë e Kosovës, populli kosovar i ka ngritur një shtatore në qendër të kryeqytetit.</p> “Besoj që do të jetë një pritje e nivelit më të lartë dhe natyrisht i ftoj edhe gjithë qytetarët që të jenë në Sheshin ‘Bill Clinton’”, ka thënë Kryeministri Thaçi. Edhe Presidenti Fatmir Sejdiu ka ftuar institucionet dhe qytetarët e vendit për t’i bërë një pritje madhështore mikut të madh të vendit tonë.</p> “Republikën e Kosovës e viziton Presidenti Bill Clinton, njeriu i cili i priu angazhimit më të madh humanitar të botës moderne për ta shpëtuar popullin e Kosovës nga zhbërja fizike. Duke i pasur parasysh meritat e tij të jashtëzakonshme për lirinë dhe pavarësinë e Kosovës, si president i vendit, ju ftoj që këtë të diel t’i bëjmë një pritje madhështore, ashtu siç na ka hije, Presidentit Clinton”, thuhet në mesazhin e Presidentit Sejdiu.</p> Ai ka ritheksuar mirënjohjen e përhershme të popullit të Kosovës për Shtetet e Bashkuara të Amerikës dhe rolin e tyre të pazëvendësueshëm për lirinë dhe pavarësinë e Kosovës.</p> “Republika e Kosovës do t’u jetë përherë mirënjohëse Shteteve të Bashkuara të Amerikës dhe Presidentit Clinton, i cili, në çastet në të rënda të historisë sonë, udhëhoqi aleancën e madhe të vendeve demokratike e liridashëse të botës për ta ndaluar makinerinë gjenocidiale të Millosheviçit, e cila po e dëbonte popullin e Kosovës nga vatrat e veta, si dhe po i shndërronte fshatrat e qytetet tona në tokë të djegur”, ka thënë Sejdiu.</p> Po ashtu, Presidenti Sejdiu ka theksuar se vizita e Presidentit Clinton në Kosovë, e para pas pavarësimit të vendit, është një inkurajim i madh për institucionet dhe qytetarët e Republikës së Kosovës, në udhën e pakthyeshme të integrimeve euroatlantike.(Shekulli)</p> Ky artikull eshte marre nga: http://www.albaniasite.net/?p=25267. Per me shume artikuj te ngjashem vizitoni: http://www.albaniasite.net/?p=25267

Adela: Sinani na ftoi bashkë me Bjordin për një klip Nderkohe qe Sinani ka mohuar cdo komunikim me Adelen dhe cdo propozim per te, vete Adela ka thene dicka tjeter ne nje interviste te saj ne faqet roze te shtypit te perditshem. Ja nje pjese e intervistes se saj te diteve te fundit, publikuar ne te njejten dite qe Sinani fliste rreth perplasjes se heshtur te ketyre dy personazheve te muzikes dhe shout televiziv shqiptar.. :</p> Pra Adela ke vendosur të këndosh? Duke qenë se unë e dua shumë muzikën, kisha dëshirë të bëja një këngë, thjesht për kënaqësi jo si punë. Gjithsesi është një projekt që është shtyrë në kohë por nuk është anulluar. Do më pëlqente të bëja një këngë që flet për historinë time të dashurisë.</p> Po projekti me Sinan Hoxhën çfarë ishte? Në fillim të verës Sinani na kishte ftuar së bashku me Bjordin për të qenë protagonist në një klip të tij por ky projekt nuk u realizua.</p> Pse, pasi sipas informacioneve tona pagesa ishte joshëse? Sepse ne prisnim që të bëheshim pjesë e një spektakli të rëndësishëm dhe donim të përqendroheshim vetëm aty.</p> E ke fjalën për “E diell”? Po. Në fakt pati një mospërputhje mes asaj që tu premtua dhe asaj që t’u ofrua apo jo? Pikërisht, por duke më ofruar një rol në kërcim, ata përmbushën mesa duket premtimin e tyre. Po tani, a mund të thuhet se Krasta ta mbylli atë rrugë që vetë ai deshi të ta hapte? Nuk mendoj se ma mbylli rrugën, përkundrazi ai ishte shoqëruesi im deri në një pikë të kësaj rruge, deri aty sa ecëm së bashku. Më pas mbase ai u lodh, mbase u mërzit… dhe më la vetëm. Tani unë duhet të rinisem dhe këtë rrugë ta vazhdoj vetëm. “Mbase u mërzit, mbase u lodh”… thoni ju. A keni menduar ndonjëherë se mbase edhe u zhgënjye? Këto që thashë janë thjesht aludime të mia pasi unë akoma nuk e di të vërtetën, por ama di një të vërtetë tjetër shumë të madhe, atë që unë asnjëherë nuk kam bërë asgjë për të zhgënjyer atë apo këdo tjetër.(Shekulli)</p> Ky artikull eshte marre nga: http://www.albaniasite.net/?p=25270. Per me shume artikuj te ngjashem vizitoni: http://www.albaniasite.net/?p=25270

Clint Eastwood tregon Mandelën “Invictus” është filmi me aktorët Morgan Freeman dhe Matt Damon që flet për botërorin e regbisë në vitin 1995. Pasi fituan finalen, Nelson dhe kombëtarja e tij, që përbëhej nga të bardhë, bashkuan Afrikën e Jugut</p> “Sporti ka fuqinë të ndryshojë botën. Mund të jetë më efikas se sa një qeveri për të thyer pengesat raciale”. Këtë frazë e pati thënë në vitin 1995 Nelson Mandela, që sapo ishte zgjedhur President i Afrikës së Jugut në zgjedhjet e para të lira të vendit të tij. Sot, e përsërit Clint Eastwood teksa merret me montazhin dhe përfundimin e “Invictus”, filmi që tregon historinë se si Mandela përdori kombëtaren e regbisë dhe kampionatin botëror për të bashkuar vendin e tij. Ish-regjisori i filmave uestern dhe policesk, tani në moshën 80-vjeçare, është shndërruar në një regjisor të rafinuar dhe shumë të angazhuar nga pikëpamja sociale. Edhe filmi i tij i fundit “Gran Torino” fliste për racizmin dhe pranimin në shoqëri të gjërave që janë ndryshe. Invictus do të dalë në dhjetor në Shtetet e Bashkuara të Amerikës, në kohën e duhur për të qenë pjesë e sezonit të çmimeve “Oskar”. Përkundrazi, që tani është mes favoritëve. Zgjedhja për ti besuar Morgan Freeman-it rolin e Mandelës erdhi nga vetë ish-presidenti afrikanojugor, që në një intervistë të dhënë disa vjet më parë kishte thënë se ky aktor ishte më i përshtatshmi për të përfaqësuar. Freeman, që e ndien veten shumë krenar nga fjalët e Mandelës, njëkohësisht edhe producenti i filmit, tregon: “Mos dëgjoni mendjen, por zemrën kur doni të bëni diçka”. Shoqëria e tij “Revelations entenainment” bleu në fakt të drejtat e “Playing the enemy: Nelson Mandela and the game that made a nation”, librit të gazetarit John Carlin, nga është marrë subjekti i filmit. Edhe pse në sheshin e xhirimeve Freeman e quante Eastwood-in, shtatë vjet më të madh se ai, “shef”, në të vërtetë të dy aktorët janë shumë miq. Falë “Milion dollar baby, të drejtuar nga Clint Eastwood, Morgan Freeman fitoi “Oskarin” si aktori më i mirë jo protagonist pas tri nominimeve. Filmi nis nga marsi i vitit 1994, kur Mandela sapo ishte zgjedhur President. Kishte dalë nga burgu në vitin 1990, pas 27 vjetësh dhe në vitin 1993 kishte fituar çmimin “Nobel” për paqe. Lideri i vjetër i “Nacional African Congres” mendoi ta përdorte botërorin e regbisë në vitin 1995 që organizohej në Afrikën e Jugut për të bashkuar vendin e tij. Ishte hera e parë që vendi pranohej në një kompeticion ndërkombëtar, pasi ishte përjashtuar për shumë vjet nga olimpiadat për shkak të Aparteidit. “Kundër çdo logjike Mandela zgjodhi regbinë, sportin e snobëve dhe të të bardhëve për të realizuar një slogan që dukej i pamundur: një skuadër, një komb”, shkruan Carlin në librin e tij. Në skuadrën afrikanojugore, “Springboks”, kishte vetëm një sportist me ngjyrë, Chester Williams. Favoritët ishin neozelandezët, të gjithë të zinj, që e nisnin çdo ndeshje duke kërcyer vallet e tyre tradicionale, me qëllim që të ngrinin humorin dhe të fiksonin kundërshtarin. Afrikanojugorët ishin të nëntit në klasifikimin botëror. Mundën Australinë, Rumaninë, Kanadanë, Samoan perëndimore, Francën dhe arritën në finale, ku në kohën shtesë kaluan edhe Zelandën e Re me rezultatin 15-12. Para ndeshjes, me këshillën e njërit prej truprojave të tij, Mandela hyri në fushë i veshur me uniformën e kapitenit, për të përshëndetur skuadrën dhe ndezur tifozët. Pikërisht njeriut të bardhë, Piennar, Mandela i dorëzoi trofeun në fundin e takimit. Fotoja e shtrëngimit të duarve mes tyre, e krahasuar menjëherë me atë të Jyasser Arafat dhe Isaac Rabin në vitin 1993, bëri xhiron e botës. “Fituan jo vetëm për 62 mijë tifozët e stadiumit, por për 63 milionë banorët e vendit tonë”, tha Pienaar. Për të interpretuar kapitenin Eastwood ka zgjedhur Matt Demon. “Shkova në Afrikën e Jugut një muaj para fillimit të filmit për të njohur personazhin tim”, tregon Damon. “Më ka treguar histori të bukura, si për shembull atë për mëngjesin e finales, kur ai dhe shokët e skuadrës për tu çlodhur kishin bërë një shëtitje jashtë hotelit dhe katër fëmijë me ngjyrë që shisnin gazeta i kishin njohur. Në atë moment e kishte kuptuar se ngjarja do të ishte historike, përtej një ndeshjeje të thjeshtë. Për të mos folur pastaj kur ai dhe shokët nisën të këndonin himnin kombëtar alternativ, atë të të zinjve”. Plakushi Clint e pranon se më parë nuk merrte vesh fare nga sporti i regbisë: “Gjëja më e vështirë ishte ta bëja kinematografik një sport që nuk njihte rregulla dhe kultura”. Ky është filmi i tij i 30, në 38 vjet punë si regjisor. Por në kohët e fundit Eastwood i ka përshpejtuar ritmet. Ka nxjerrë 5 filma në 3 vitet e fundit. Si aktor ai u largua zyrtarisht pas “Gran Torino”, një film që i kushtoi pak, por që çuditërisht u bë suksesi më i madh komercial i karrierës së tij: 142 milionë dollarë vetëm në Amerikë. “Sinqerisht fitimet janë gjëja e fundit që më shqetësojnë. Zakonisht më mjafton të bëj paratë e mjaftueshme për të xhiruar një tjetër film. Por kësaj here shpresoj që dhe për Mandelën të jetë një sukses botëror”. Ndërkaq, Eastwood i ka projektuar edhe idetë mbi të ardhmen: pas dy muajsh do të fillojë në Francë “Hereafter”, një triller ireal, ku sërish Matt Damon do të jetë protagonist dhe Steve Spielberg producent ekzekutiv. Në listën e pritjes është një tjetër film biografik pasi Clint bleu të drejtat e “First: the life of neil A. Armostrong”, historia e njeriut të parë në Hënë. Por çfarë ndodhi më tej me Springboks? Një mëngjes të 2007-s, Mandela që nuk ishte më President, por gjithmonë tifoz, regjistroi një videomesazh: “Gjithë skuadrës: kujtoni atë ditë të lumtur të vitit 1995, kur të gjithë ne fituam botërorin e regbisë. Por gjëja më e rëndësishme ishte se bëmë të famshëm dhe fituam veten tonë, bashkuam një komb. Shpresoj që të keni aftësinë, forcën dhe vendosmërinë për të fituar sërish. Jemi një komb fitues. Kemi kaluar shumë pengesa për të mbërritur këtu ku jemi. Ju takon juve që jeni pjesë e kombëtares të përfaqësoni këtë shpirt. Luani fort, por ndershmërisht dhe risilleni kupën në shtëpi. Forca, Springboks, forca!”. Ishte data 20 tetor. Atë ditë afrikanojugorët mundën në Paris, Anglinë me rezultatin 13-5, duke fituar sërish titullin botëror. Përralla vazhdon.(Shqip)</p> Ky artikull eshte marre nga: http://www.albaniasite.net/?p=25274. Per me shume artikuj te ngjashem vizitoni: http://www.albaniasite.net/?p=25274

Një tjetër tragjedi ka tronditur vëndin amerikan Nje tjeter tragjedi amerikane nga ato qe bejne xhiron e botes ne pak ore, ka tronditur vendin. </p> Behet fjale per shtetin e Ohajos, ne Kleveland ku ne shtepine e nje burri jane gjetur 6 trupa te pajete. Policia nisi hetimin per Anthony Sowell, i cili dyshohej per perdhunimin e nje femre, por ajo qe duhej te ishte nje kontroll rutine ne shtepine e tij, ka rezultuar zbardhja e nje tragjedie.</p> Gjate kontrollit te shtepise, policet kane gjetur 6 trupa te pajte. Sowell eshte arrestuar edhe ne vitin 1989 kur u denua me 15 vjet heqje lirie per perdhunim.</p> Ky artikull eshte marre nga: http://www.kuriozitete.net/?p=826. Per me shume artikuj te ngjashem vizitoni: http://www.kuriozitete.net/?p=826

Studimi, 60% e shqiptarëve te dentisti vetëm kur kanë dhimbje “Shqiptarët nuk kujdesen për gojën, ndërsa promocioni i shëndetit oral është shumë i mangët. Jo pak por rreth 60% e shqiptarëve shkojnë te dentisti kur kanë dhimbje”.</p> Këtë e bëri të ditur në Konferencën Vjetore të Stomatologjisë, Dorian Hysi pedagog në Departamentin e Stomatologjisë në Fakultetin e Mjekësisë, i cili theksoi se shëndeti i gojës duhet parë me prioritet nga të gjithë. “Vihet re se shqiptarët shkojnë te dentisti vetëm kur kanë dhimbje.</p> Kështu, të dhënat tregojnë se rreth 50-60 % shkojnë te stomatologu vetëm kur kanë dhembje. Ndërkohë, normat janë që çdo 6 muaj të shkohet te stomatologu për një kontroll dhe pastrim edhe pa pasur dhembje, gjë e cila mungon”,- pohon Hysi, duke shtuar se pjesa më e madhe e të anketuarve rezultuan që kishin qenë te stomatologu njëherë në 2 vjet që është një distancë shumë e madhe.</p> Në prishjen e dhëmbëve, sipas tij, ndikon edhe përdorimi i ëmbëlsirave dhe pijeve të ëmbla. “Vihet re një rritje e përdoruesve të pijeve të ëmbla, me sheqer dhe me përmbajtje acidi, sikurse pijet e gazuara si limon soda, coca-cola, etj, që kanë efekt prishës, kur përdoren në sasi të madhe”,- theksoi ai, duke mos përjashtuar ndikimin negativ që ka përdorimi i tepruar i ëmbëlsirave.</p> Ndërsa për sa i përket përdorimit të fillit dentar, përdorimi i të cilit është shumë i rëndësishëm sepse parandalon prishjen midis dy dhëmbëve është 2 %, pra shumë shumë e ulët.(Shekulli)</p> Ky artikull eshte marre nga: http://www.albaniasite.net/?p=25264. Per me shume artikuj te ngjashem vizitoni: http://www.albaniasite.net/?p=25264

Bumçi, ministrit jo poste drejtuese në parti Pas Bejës edhe kryetari i PD-së së Tiranës, Bumçi mbështet idenë e ndarjes së posteve partiake me ato ekzekutive</p> Shtohen zërat që kërkojnë që ministrat demokratë të heqin dorë nga postet partiake. Pas Fatos Bejës edhe kryetari i Partisë Demokratike për Tiranën, Aldo Bumçi, shprehet se për të rritur efikasitetin e jetës partiake duhet të kalohet në një stad tjetër organizimi të strukturave të partisë.</p> Kështu, edhe ai ashtu si Beja vlerëson se është e nevojshme që të sanksionohet në statutin e Partisë Demokratike papajtueshmëria e dy posteve. Thënë ndryshe, në ligjin themeltar të kësaj partie duhet të përcaktohet detyrimi që një person që mban një post në ekzekutiv nuk mund të mbajë në të njëjtën kohë edhe një postë në forumet e larta drejtuese të partisë, natyrisht duke përjashtuar këtu rastin e kryeministrit, i cili është edhe kryetar partie. Disa prej ministrave që mbajnë poste drejtuese në parti sipas Bumcit, duhet të zëvendësohen për shkak të impenjimeve të shumta në ekzekutiv.</p> “Kur fiton zgjedhjet është normale që figurat kryesore, njerëzit që kanë mbajtur peshën e kësaj partie në opozitë të kalojnë në qeverisje. Në periudhën 2005 – 2009 pjesa kryesore e vëmendjes ishte te qeveria dhe partia u la në një farë mënyre në heshtje. Mendoj që duhet ta tejkalojmë këtë fazë, të krijojmë një traditë. Në fund duhet të kemi një parti që të jetë aktive, të mbajë kontaktet me njerëzit, për këtë arsye ekziston partia.</p> Strukturat të mblidhen, të jetë funksionale, pra duhet të ketë një vëmendje më të madhe në parti dhe kjo nuk mund të bëhet nëse postet janë në njësuara”,- shprehet kreu i komisionit parlamentar të Integrimit Aldo Bumçi. Megjithatë, ai kërkon të qëndrojë larg debatit me emrat konkretë që duhet të heqin dorë nga postet partiake, duke theksuar se bëhet fjalë për një çështje parimore. Nuk është debati me emra të përvetshëm që e ndihmon këtë”- tha Bumçi.</p> Ndërkohë që pjesë e kësaj reforme që pritet të përmbyllet brenda muajit dhjetor kur edhe do të mbahet Kuvendi Kombëtar i PD-së, do të jenë edhe të gjithë drejtuesit e strukturave dhe degëve të partisë që në zgjedhjet e shkuara parlamentare nuk siguruan një rezultat pozitiv. Për këtë arsye ai shprehet se nuk do të kursehet zëvendësimi i krerëve të atyre strukturave që siguruan rezultate të dobëta në 28 qershor.</p> “Një analizë nuk është për të prerë koka. Nisesh për të rregulluar aq më tepër që zgjedhjet kanë ndodhur disa muaj përpara zgjedhjeve të përgjithshme. Nëse diku ka një rënie të ndjeshme duhet parë pse ka ndodhur dhe patjetër do të merren edhe hapat e nevojshëm për ta korrigjuar.</p> Nëse korrigjimi kërkon edhe ndryshimin e kryetarit të atij seksioni, edhe ajo do të bëhet” – shprehet Bumçi. Vetëm një javë më parë kryesia e Partisë Demokratike vendosi që të mbledhë në datën 20 dhjetor Kuvendin Kombëtar të Partisë, i cili ndermjet të tjerave do të zgjedhë edhe kryetarin e ri të partisë.(Shekulli)</p> Ky artikull eshte marre nga: http://www.albaniasite.net/?p=25261. Per me shume artikuj te ngjashem vizitoni: http://www.albaniasite.net/?p=25261

Tiramisuja që peshon 1.075 Keku tiramisu  më e madh në botë, i cili peshon 1.075 kilogramë, është paraqitur në Francë dhe është regjistruar në Librin e Rekordeve Guinness. </p> Rekordi i deritanishëm ka qenë tiramisuja nga Zvicra e cila ka peshuar 782 kilogramë.</p> Keku i ri gjigant është krijuar nga dhjetëra pastiçerë, natën në mes të enjtes dhe të premtes, në kuadër të panairit të çokollatës në qytetin francez Villeurbanne, afër Lyonit.</p> Për ta bërë atë janë shpenzuar 300 kilogramë djathë të llojit mascarpone, 60 kilogramë gjalpë të ëmbël, 108 kilogramë biskota, 192 kilogramë sheqer, 3.8 kilogramë kakao pluhur, 12 kilogramë çokollatë, 120 litra ujë, nëntë litra kafe, 18 litra verë…</p> Ky artikull eshte marre nga: http://www.kuriozitete.net/?p=822. Per me shume artikuj te ngjashem vizitoni: http://www.kuriozitete.net/?p=822

Qikat shkojnë e vinë Sa të deshta unë e di i madhi Zot Nesër do të qash ti pse më humbe sot Djalë i ri me çdo të mirë Ta plotësoj çdo dëshirë Por ty kjo nuk të mjafton </p> Qysh e lype ke me gjetë Se kështu e ka kjo jetë Ke me m’lyp e ke me vujt Me mu kthy nuk ke me mujt </p> (2x) Sa për mu ty mos ta nin Qikat shkojnë e qikat vinë E ma t’mirën qikë në botë Ama mu o Zot </p> Sa të deshta unë e di i madhi Zot Nesër do të qash ti pse më humbe sot Djalë i ri me çdo të mirë Ta plotësoj çdo dëshirë Por ty kjo nuk të mjafton </p> Qysh e lype ke me gjetë Se kështu e ka kjo jetë Ke me m’lyp e ke me vujt Me mu kthy nuk ke me mujt </p> (2x) Sa për mu ty mos ta nin Qikat shkojnë e qikat vinë E ma t’mirën qikë në botë Ama mu o Zot </p> Qysh e lype ke me gjetë Se kështu e ka kjo jetë Ke me m’lyp e ke me vujt Me mu kthy nuk ke me mujt </p> (2x) Sa për mu ty mos ta nin Qikat shkojnë e qikat vinë E ma t’mirën qikë në botë Ama mu o Zot </p> Ama mu o Zot </p> Ky artikull eshte marre nga: http://www.tekste-shqip.com/?p=4900. Per me shume artikuj te ngjashem vizitoni: http://www.tekste-shqip.com/?p=4900

Rastësisht u pam (Dhe Emmy)</p> Emmy: Zemra seç mu ça Kur dikush më tha Se më tradhtove Veç një javë të ndarë Mendja s’më kish marr Te më harroje </p> (2x) Si të të thërras Kur s’kam zë të flas Nuk kam më forcë as të bërtas Kur humb vetbesim Jo s’ka më shërim Më mirë që shkove</p> Valton: Fjalët që po t’thonë Veç po të mashtrojnë Ti po i besoje Mos ndëgjo njeri Pyte zemren ti E s’do t’gaboje</p> Ku të gjej tani Dashuri si ti Pse mu largove Rastësisht u pam Gabimisht u ndam Se kur s’më besove</p> Emmy & Valton: Ref. 2x Rastësisht u pam Gabimisht u ndam Si dy të huaj Shpinën ktheve ti Shpinën ktheva unë Na kanë mashtruar </p> Emmy: Si të të thërras Kur s’kam zë të flas Nuk kam më forcë as të bërtas Kur humb vetbesim Jo s’ka më shërim Më mirë që shkove</p> Valton: Fjalët që po t’thonë Veç po të mashtrojnë Ti po i besoje Mos ndëgjo njeri Pyte zemren ti E s’do t’gaboje</p> Ku të gjej tani Dashuri si ti Pse mu largove Rastësisht u pam Gabimisht u ndam Se kur s’më besove</p> Emmy & Valton: Ref. 2x Rastësisht u pam Gabimisht u ndam Si dy të huaj Shpinën ktheve ti Shpinën ktheva unë Na kanë mashtruar</p> Valton: Rastësisht u pam Gabimisht u ndam Si dy të huaj Shpinën ktheve ti Shpinën ktheva unë Na kanë mashtruar</p> Ky artikull eshte marre nga: http://www.tekste-shqip.com/?p=4898. Per me shume artikuj te ngjashem vizitoni: http://www.tekste-shqip.com/?p=4898

Rastësisht u pam (Dhe Valton Krasniqi)</p> Emmy: Zemra seç mu ça Kur dikush më tha Se më tradhtove Veç një javë të ndarë Mendja s’më kish marr Te më harroje </p> (2x) Si të të thërras Kur s’kam zë të flas Nuk kam më forcë as të bërtas Kur humb vetbesim Jo s’ka më shërim Më mirë që shkove</p> Valton: Fjalët që po t’thonë Veç po të mashtrojnë Ti po i besoje Mos ndëgjo njeri Pyte zemren ti E s’do t’gaboje</p> Ku të gjej tani Dashuri si ti Pse mu largove Rastësisht u pam Gabimisht u ndam Se kur s’më besove</p> Emmy & Valton: Ref. 2x Rastësisht u pam Gabimisht u ndam Si dy të huaj Shpinën ktheve ti Shpinën ktheva unë Na kanë mashtruar </p> Emmy: Si të të thërras Kur s’kam zë të flas Nuk kam më forcë as të bërtas Kur humb vetbesim Jo s’ka më shërim Më mirë që shkove</p> Valton: Fjalët që po t’thonë Veç po të mashtrojnë Ti po i besoje Mos ndëgjo njeri Pyte zemren ti E s’do t’gaboje</p> Ku të gjej tani Dashuri si ti Pse mu largove Rastësisht u pam Gabimisht u ndam Se kur s’më besove</p> Emmy & Valton: Ref. 2x Rastësisht u pam Gabimisht u ndam Si dy të huaj Shpinën ktheve ti Shpinën ktheva unë Na kanë mashtruar</p> Valton: Rastësisht u pam Gabimisht u ndam Si dy të huaj Shpinën ktheve ti Shpinën ktheva unë Na kanë mashtruar</p> Ky artikull eshte marre nga: http://www.tekste-shqip.com/?p=4896. Per me shume artikuj te ngjashem vizitoni: http://www.tekste-shqip.com/?p=4896

Gjykata Administrative, Dobjani i dërgon objeksionet parlamentit Në projektligj, kërkohet që emërimi i gjyqtarëve të bëhet me propozim të Ministrisë së Drejtësisë dhe pëlqimin e KLD-së</p> TIRANË- Avokati i Popullit, Ermir Dobjani, në një rekomandim drejtuar kryetares së Kuvendit dhe kreut të Komisionit të Ligjeve, i kërkon këtyre të fundit të vlerësojnë mendimet e institucionit që drejton, në lidhje me diskutimet për projektligjin “Për gjykimin e mosmarrëveshjeve Administrative dhe Organizimin e Drejtësisë Administrative”, që ndodhet në këtë komision.</p> Sipas rekomandimit përkatës zyra e Dobjanit ka kërkuar të ndryshohet numri i gjyqtarëve në një proces gjyqësor, nga tre në një gjyqtar të vetëm në Gjykatën e Shkallës së Parë dhe nga tre gjyqtarë në Gjykatën e Apelit dhe atë të Gjykatës së Lartë. Shkak për këtë ndryshim, sipas tij, do të jetë shpejtësia e gjykimit, që trupi gjykues me 3 apo pesë gjyqtarë domosdoshmërish e pengon përshpejtimin e gjykimit të çështjes brenda afatit 30 ditor sa është përcaktuar shqyrtimi i një çështjeje. “Mendojmë se patjetër Gjykata e Shkallës së Parë duhet të gjykojë me gjyqtar të vetëm çështjen, Apeli dhe Gjykata e Lartë me nga tre gjyqtarë.</p> Në se ne do të bëjmë një gjykatë administrative që do te veprojë njëlloj si deri më tani, me tre gjyqtarë, afatet e gjykimit nuk do të respektohen, siç ka ndodhur prej kohësh vazhdon të mos respektohen,- thuhet në rekomandimin e Avokatit të Popullit. Gjithashtu, në këtë rekomandim kërkohet të ndryshohet edhe neni ku përcaktohet se tre gjyqtarët e një çështjeje e përcaktojnë vetë nga analiza e dosjes se cila çështje është komplekse dhe duhet gjykuar me tre gjyqtarë e cila vetëm me një gjyqtar.</p> “Përcaktimi i bërë në këtë nen duket jo i drejtë, pasi për të përcaktuar nëse çështja është me karakter kompleks apo jo, do të thotë që të tre anëtarët e trupi gjykues do t’i futen analizës në themel të çështjes. Lënia në dorë në vijim të kësaj analize, vetëm mbi një nga anëtarët e trupit gjykues nuk ka kuptim, pasi ata kanë kryer gjysmën e punës, kanë krijuar në vetvete një gjykim mbi çështjen konkrete dhe mund fare mirë të shpallin argumentimin e saj, pa qenë e nevojshme t’ia lënë përgjegjësinë vetëm njërit.</p> Në këtë logjikë, duket nonsens përcaktimi se pa u shqyrtuar provat për çështjen konkrete, të mund të arrihet në konkluzion për karakterin kompleks ose jo të saj”-thuhet më tej në rekomandim. Dobjani ka kërkuar me ngulm që gjykimi i çështjeve në Shkallë të Parë të bëhet vetëm nga një gjyqtar.</p> Propozimet e gjyqtarëve</p> Në rekomandimin e tij, bie në sy edhe propozimi për ndryshimin e një fjale në nenin ku përcaktohet propozimi i gjyqtarëve për në Gjykatën Administrative. “Propozimet pranë Këshillit të Lartë të Drejtësisë për emërimet e gjyqtarëve t’i bëjë Ministria e Drejtësisë, por me pëlqimin e anëtarëve të KLD-së dhe jo të mjaftohet me marrjen e mendimit nga këto të fundit. Ndryshimi i mësipërm do t’i shërbejë pjesëmarrjes në procesin e ngritjes së strukturave përkatëse, të institucionit që do të kontrollojë veprimtarinë e zbatimit të ligjshmërisë në dhënien e vendimeve”- thuhet në rekomandim.</p> Kërkohet 6 muaj kohë për stafin</p> Gjithashtu, Avokati i Popullit kërkon që Gjykata Administrative t’i lihet 6 muaj kohë për të përgatitur dhe përzgjedhur stafin e personelit dhe administratës.</p> Në fund të mendimit të tyre Dobjani shprehet se “megjithatë, konstatojmë se mendimet dhe sugjerimet tona, të cilat ju kemi dërguar për variantin e mëparshëm të këtij projekt-ligji, nuk janë mbajtur parasysh, ndërkohë që një sërë parashikimesh të paqarta, jo te plota, apo edhe kontradiktore me njëra-tjetrën, vazhdojnë të pasqyrohen në variantin aktual të këtij projekt-ligji. Po kështu, ka dispozita të caktuara të cilat janë të paqarta dhe që bien në kundërshtim me përmbajtjen e dispozitave të tjera të projekt-ligjit”.</p> Çështjet që pritet të shqyrtojë Gjykata Administrative</p> TIRANË- Çështje të tilla si në fushën imobiliare, rasti i ndërtimeve të ngritura pa leje ndërtimi; në fushën e marrëdhënieve të punës të nëpunësit civil, çështjet e shërbimit civil, disiplina në këtë shërbim dhe largimet prej punës, pritet të jenë ndër çështjet që do të shqyrtohen nga gjykata Administrative.</p> Më tej ajo pritet të gjykojë edhe çështje në fushën fiskale, për taksat e tatimet, në fushën e përgjegjësisë civile të administratës, padi që kërkojnë të angazhojnë përgjegjësinë e shtetit apo të bashkësive vendore, në shumën deri 8000 euro. Pjesë e gjykimit të saj pritet të jenë edhe kundërvajtjet administrative, pensionet, ndihma sociale, komunikimi dhe informacioni, dokumentet administrative, etj.(Shekulli)</p> Ky artikull eshte marre nga: http://www.albaniasite.net/?p=25258. Per me shume artikuj te ngjashem vizitoni: http://www.albaniasite.net/?p=25258

Ferdi: Kalendari i Françeskës vuaj si qen “Franceska është shumë e zhveshur në “Kolorado kafe”, atje ku po pozon për kalendarin e saj, por janë punët e saj dhe unë nuk i fus hundët. Është karriera e saj, nuk mund t’ii ndaloj asgjë”.</p> Duket më i sgurt në vetvete (nuk kam qarë për dashurinë. Ka ndodhur të paktën dy herë, por ka qenë shumë kohë më parë) dhe as i frikësuar për të humbur të fejuarën e tij. Ferdi Berisha, madje ka pranuar që e fejuara e tij të marrë falenderimin e tij për bërjen e një kalendari: “nuk e fsheh….vuaj si një qen, por do ta mbështes kudo”. Pra, lidhja e tyre vazhdon më së miri, mes tyre nuk ka ndryshuar asgjë, as dashuria dhe as tërheqja fizike dhe pse xhelozia është një problem i madh.</p> “Por siç u ndodh të gjithëve, unë jam xheloz, ndoshta pak më shumë se sa normalja, por nuk e kam mohuar asnjëherë dhe kështu ndonjëherë bëj ndonjë skenë. Edhe pse pendohem për disa gjëra që i them, nuk mohoj asnjë nga fjalët e mia. Unë kështu jam gatuar…”</p> Për mall nuk shikoj fotografitë e lojës së Grande Fratellos (Përpiqem t’i shmang, pasi kam shumë nostalgji. Pra, është aty fillimi i dashurisë sonë dhe të shohësh ato fotografi është një gjë shumë prekëse), por ndërkohë kam gati librin tim, i cili i dedikohet historisë sime.</p> “Librin e kam realizuar bashkë me shkrimtarin Sabelli Fioretti dhe praktikisht ka përfunduar. Vetëm jemi duke vendosur kur dhe si ta lançojmë. Përsa i përket përmbajtjes janë të gjithë elementët që nga ardhja në Itali dhe deri te fitorja e Grande Fratellos dhe natyrisht dhe ndjenja për Françeskën”.(Shekulli)</p> Ky artikull eshte marre nga: http://www.albaniasite.net/?p=25246. Per me shume artikuj te ngjashem vizitoni: http://www.albaniasite.net/?p=25246

Qendro: Policia pengoi forcërisht Inspektoriatin Ndërtimor Bashkia padit policinë e Tiranës, për pengimin me forcë të ushtrimit të detyrës</p> Përplasja e të premtes në mbrëmje mes policisë bashkiake dhe asaj të shtetit në lidhje me vendimin e Ministrisë se Transporteve për një truall toke në qendër të kryeqytetit ka përfunduar në një dosje në Prokurorinë e Tiranës.</p> Mesditën e djeshme Drejtori i Insprektoriatit të Ndërtimit në Bashkinë e Tiranës, Afrim Qendro paditi Policinë e Tiranës. Kjo e fundit mbrëmjen e së premtes pas konflikteve me policinë bashkiake ka ndaluar për disa orë inspektorin e Bashkisë, Genti Lala.</p> Konfliki mes dy policive nisi katër ditë më parë, kur Policia e Bashkisë doli në mbrojte të pronës private në kryeqytet, gjatë kohës kur Inspektoriati i Ndërtimit nisi zbatimin e urdhrit për mbushjen e gropës me synim ndërtimin e një lulishteje.</p> Pak para dorëzimit të kallëzimit në prokurori Qendro u shpreh se: “Policia e Shtetit ka krijuar një incident të rëndë, duke penguar forcërisht, në kundërshtim me ligjin, Inspektoriatin Ndërtimor të Bashkisë së Tiranës, në detyrën e tij brenda territorit administrativ.</p> Në veprimet e tyre, kanë shoqëruar për shkak të cilësive të veçanta, Inspektorin e Lartë Lala, përgjegjës të zonës, për disa orë në komisariatin e Tiranës”.</p> Kjo ka qenë edhe arsyeja që e ka detyruar Bashkinë e Tiranës, të depozitojë në prokurori kallëzimin penal. Ky veprim i kreut të inspektoratit të ndërtimit është paraprirë nga një dalje në publik e Adminstratorit të Përgjithshëm të Bashkisë, Dritan Agolli.</p> Ai ka bërë publike një dosje me materialet të cilat vërtetojnë se trualli që gjendet mes “Rrugës së Kavajës” dhe “Rrugës së Durrësit”, është pronë e Komunitetit Mysliman dhe familjes Kika.</p> Dokumentet e paraqitura nga Agolli, përfshijnë certifikatën e pronësisë, skicat e planimetrisë për vendosjen e një hoteli 16 – katësh, të kompanise “Gasing Co”, kartelën e pasurisë së paluajtshme, listën e bashkëpronarëve të regjistruar në zyrën vendore të pasurive të paluajtshme, certifikatën për vërtetimin e pronësisë si dhe vendimin për lejen e ndërtimit për kompleksin hotelier.</p> Dokumentet e paraqitura nga Agolli nisin në vitin 1995 dhe përfundojnë në vitin 2008 dhe tregojnë se qeveri të ndryshme e kanë miratuar këtë pronë si shesh për ndërtim. Pas daljes në publik të Agollit ka reaguar Ministri i Transporteve Sokol Olldashi.</p> Ai u shpreh se nuk është ndërhyrë në një pronë private, pasi vendimi i Këshillit të Ministrave i datës 19.12.2007, e ka kaluar këtë pronë në fondin e Agjencisë së Kthimit dhe Kompensimit të Pronave, duke e kthyer në pronë shtetërore. Ministria e Transporteve pretendon se kjo pronë është shtetërore dhe për të Bashkia e Tiranes nuk ka dhënë asnjë leje ndërtimi.</p> Sokol Olldashi.</p> Toka në qendër është shtetërore</p> “Ne bazë të dokumentit të qeverisë, toka është futur në fondin e Agjencisë për Kthimin dhe Kompensimin e pronave më datë 19 dhjetor 2007. Në bazë të dokumentit të hipotekës, kjo tokë rezulton pronë e regjistruar me pronarë të ligjshëm në datën 15 janar 2008. Nuk kemi ndërhyrë në pronë private, por në shtetërore.</p> Ne i kemi kthyer qytetareve një hapësirë për lulishte dhe nuk e lame zonën në një gropë plehrash, përsa kohe aty nuk ka një plan zhvillimi. Reagimi i Bashkisë së Tiranës nuk është normal, pasi toka në qendër është shtetërore dhe nuk ka leje ndërtimi nga pushteti lokal. Ne kemi vendosur që në qendër të Tiranës të ndërtohet një lulishte”.</p> Dritan Agolli</p> “Bashkia gjithmonë në krahë të pronarëve legjitimë”</p> Të premte në mbrëmje pushteti në shkelje flagrante të Kushtetutës, ligjit dhe Kartës së Autonomisë Vendore, nisi dhjetëra kamionë të ngarkuar me baltë, të shoqëruara me dhjetëra makina policie, drejt qendrës së Tiranës, për të mbuluar me baltë një pronë private dhe për të përbaltur Bashkinë e Tiranës, për dhënie leje ndërtimi klienteliste. Bashkia e Tiranës, baltës së politikës që ka kohë që hidhet mbi të, do t’i përgjigjet me prova dhe fakt.</p> Prona për të cilën bëhet fjalë është në pronësi private të Komunitetit Myslyman dhe bashkëpronarëve të familjes Kika, e vërtetuar me certifikatë pronësie. Kjo pronë ka një histori 14 vjeçare miratimi lejesh, histori ku gjejmë emrat e të gjithë kryetarëve të bashkive dhe kryeministrave të mëparshëm. Arsyet e këtij kalvari ku parakalojnë kryeministrat e këtij vendi, i takojnë t’i zbardhin organet e specializuara dhe jo Bashkia e Tiranës.</p> Bashkia e Tiranës deklaron publikisht, se do të gjendet gjithmonë në krahë të pronarëve legjitimë dhe biznesit të ligjshëm, do të gjendet gjithmonë përballë dhe nuk do të gjunjëzohet nga cilido që kërkon t’i bëjë presion e t’i hedhë baltë apo që kërkon të cenojë të drejtat e saj, të cilat ia jep Kushtetuta dhe Ligji, qofshin këta policë të urdhëruar apo padronë të veshur me pushtet”.</p> Tafaj: Maturantët të besojnë në shkolla, mos t’u drejtohen kurseve private</p> “Maturantët të besojnë në shkolla dhe të mos u drejtohen kurseve private. Ne nuk do të lejojmë që mësuesit të spekulojnë dhe të detyrojnë nxënësin të shkojë në kurse për të plotësuar mangësitë e shkaktuara me ose padashje në shkollë”.</p> Kjo është deklarata që Ministri i Arsimit dhe Shkencës, Myqrem Tafaj, bëri para mësuesve të qarkut të Tiranës, gjatë një takimi për prezantimin e analizës vjetore të DAR. “Nxënësit që kanë vështirësi në nxënien e dijes duhet të gjejnë mbështetjen e shkollës, dhe shkolla duhet ti ketë këta nxënës detyrë primare”, u shpreh ministri i cili propozoi pesë orë shtesë, në javë veç programit mësimor.</p> Këto orë do të përfshijnë veprimtari të ndryshme si konsultat dhe aktiviteteve kulturore. “Çdo nxënës duhet të përfshihet në një rreth mendor ose shkencor”,- u shpreh Tafaj. Duke renditur si prioritet të punës zhvillimi i veprimtarive në shërbim të nxënësve ai u kërkoi mësuesve të pranishëm të hartojnë një plan ku të përfshihen konsultat, aktivitetet dhe rrethet shkencore.</p> Një tjetër prioritet që Tafaj renditi në takimin e djeshëm ishte edhe pjesëmarrja në arsimin e mesëm dhe atë profesional, duke rritur numrin e nxënësve që frekuentojnë këto shkolla. Ministri “urdhëroi” mësuesit që të bindin nxënësit që të mos braktisin shkollat.(Shekulli)</p> Ky artikull eshte marre nga: http://www.albaniasite.net/?p=25249. Per me shume artikuj te ngjashem vizitoni: http://www.albaniasite.net/?p=25249

Milani rigjen fitoren thyhet Juventusi Pas avantazhit 2-0 të bardhezinjve, napoletanët kanë përmbysur gjithçka, duke fituar 2-3.Një arritje historike. Pas njëzetenjë vitesh, Napoli arrin të mposhtë Juventusin në Torino. Në vitin e largët 1988 kanë qenë Maradona dhe Kareka që kanë dalë fitmtarë ndaj “Zonjës së Vjetër”, dhe ditën e djeshme “vrasësit” e bardhezinjve, që kanë pësuar dhe humbjen e dytë në kampionat, kanë mbajtur emrat e Hezus Datolos dhe Marek Hamsikut. Skuadra e Maxarrit ka fituar 3-2 ndaj asaj të Ferrarës në përfundim të një takimi spektakolar, me një ritëm të lartë dhe shumë rasteve për gol.</p> Një arritje fantastike, e bërë akoma më e rëndësishme nga përmbysja e mrekullueshme e rezultatit nga ana e të kaltërve, të cilët, ashtu si në mesjavë kundër Milanit e kanë parë veten në disavantazh të dy golave, me Trezegenë që ka shënuar në pjesën e parë për vendasit dhe Xhiovinko, që ka dyfishuar në fillimin e pjesës së dytë.</p> Trajneri Maxarri, kur rezultati ka qenë 2-0 për Juven, ka bërë lëvizjen e duhur: në fushë Datolo në vendin e Kampanjaros dhe lojtari i krahut argjentinas ka përmbysur ndeshjen me shpejtësinë e dritës; në fillim duke dhënë një krosim për mesfushorin sllovak Hamsik, i cili ka rihapur ndeshjen, më pas duke mposhtur Bufonin një metër larg portës.</p> Dhe në momentin kur kundërshtari po ushtronte një presion të madh, me teknikun Ferrara që ka hedhur në fushën e lojës sulmuesin brazilian Amauri, i cili ka qenë me temperaturë, Napoli ka gjetur golin që i ka dhuruar tri pikë shumë të rëndësishme dhe fitoren historike.</p> Krosimi i radhës nga ana e ish-lojtarit të Boka Zhuniorsit, Datolo, Tiago Mota nuk largon në mënyrën e duhur dhe Marek Hamsik me një goditje të fuqishme me të djathtën ka bërë të heshtë “Olimpikon” e Torinos. Në minutat e fundit bardhezinjtë kanë kërkuar në mënyrë të dëshpëruar golin e barazimit, por pa e arritur atë, duke e mbyllur takimin me dhjetë lojtarë pas kartonit të kuq të marrë nga sulmuesi Amauri.</p> Tashmë, Juventusi, pas kësaj humbjeje të befasishme, rrezikon t’i thotë lamtumirë luftës për titull që në fundin e muajit tetor, me rivalët e Interit që do të kenë mundësinë të thellojnë avantazhin e tyre sot kundër Livornos.(Shekulli)</p> Ky artikull eshte marre nga: http://www.albaniasite.net/?p=25252. Per me shume artikuj te ngjashem vizitoni: http://www.albaniasite.net/?p=25252

Rama: Kthimi i tokave po bëhet me sekserë Kryesocialisti: Berisha përdor kryeshërbëtorin Basha. Banorët: U shmang një Gërdec i dytë, qeveria do të kthejë vitin 1997</p> VLORË – Kryetari i Partisë Socialiste, Edi Rama, ka qenë dje në Orikum të Vlorës për t’u takuar me banorët që janë prekur nga skandali i tokave në këtë zonë bregdetare. Atyre u është dhënë toka në bazë të ligjit 7501 por më pas iu është marrë për t’iu dhënë një grupi pronarësh që do të ndërtojnë aty komplekse pallatesh.</p> Këta pronarë kanë siguruar një mbrojtje speciale nga policia për shkak të lidhjeve të fuqishme që ka njëri prej tyre. Rrahman Selmanllari është bërë pronari i shtatë i tokës në konflikt dhe kjo mjafton që forcat speciale të shkojnë në ndihmë të pronarëve, duke u bërë palë në një proces ende të pambyllur.</p> Duke u njohur me faktin se nuk ishte aty për të bërë politikë, Rama ka dëgjuar banorët, të cilët kanë prezantuar problemet, shumë prej të cilave kanë marrë formë të mprehtë së fundmi. Në një situatë jo pak të tensionuar, banorët kanë ngritur shqetësimin se ku ka qenë roli i shtetit në situatën e krijuar së fundmi. “Ata na sollën policinë, por ne arritëm të shmangnim situata gjakderdhëse”,- thanë banorët.</p> “Ti thërrasin mendjes qeveritarët dhe të mos sjellin më forca policore këtu. Këtu u shmang një Gërdec i dytë dhe kanë qenë vetë banorët, të cilët kanë shmangur këtë. Kush i sjell këta policë? Nëse ne nuk do u kishim folur njerëzve, këtu do të ishte bërë luftë. Na kanë hequr zvarrë dhe kushdo që do të shikonte gra të afërta të familjes që u keqtrajtuan, do të kishte përdorur edhe armë, por ne arritëm ta shmangnim dhunën.</p> Ne jemi në një hall të rëndë dhe kërkojmë të marrë zgjidhje të plotë çështja e ligjit 7501. I bëjmë thirrje qeverisë të zgjidhë mirë çështjen e ligjit 7501, për të mos pasur kaos. Hiqni dorë nëse nuk doni të riktheni ‘97-ën, sa për pronarët ta zgjidhë shteti.</p> Të gjitha tokat që kanë marrë këtu pronarët, janë mbi 7501-shin. Kjo tokë nuk ka pasur pronarë. I bëjmë thirrje qeverisë që të japë zgjidhje të shpejtë, për të mos pasur konflikte të tjera”- kanë qenë këto disa nga citimet e banorëve pjesëmarrës në takim.</p> Në fjalën e tij, kreu i opozitës tha: “Sot janë prekur 56 familje, nesër do të jenë të tjerë dhe në tërësi 600 familjet që kanë këtë problem, do të preken. Qoftë me pronën e re dhe të vjetër, është bërë katrahurë dhe me kthimin e Sali Berishës në pushtet, kjo është shfrytëzuar edhe më tepër. Orikumi është vetëm një pjesë e zullumit që po bëhet në gjithë vendin me pronat.</p> Ajo polici që vjen këtu me shkopinj gome, është policia e shtetit tonë, është policia e shtetit tuaj, të kthyer në bandë që i shërben drejtpërsëdrejti familjes së Sali Berishës. Sali Berisha kërkon të bëhet pronari më i madh i Shqipërisë, familja e tij po bëhet latifondiste shqiptare. Ju e dini tani se edhe njohja, edhe kthimi i pronave po bëhet me sekserë. Po nuk bëre pazar me familjen kryeministrore nuk merr asnjë metër katror tokë. Këtu ka dhe një problem tjetër, nuk është një rast si ato të tjerat. Nuk është se nuk kanë shkelur këtu për problemin tuaj. Ju këtu jeni parë me Sali Berishën, i cili ju ka thënë se sa të fitojë, ky do të jetë problemi emergjent që do të zgjidhë qysh javën e parë në krye të qeverisjes sime”.</p> Kreu i opozitës akuzoi ministrin e Brendshëm, Lulëzim Basha, si kryeshërbëtorin e familjes që po keqpërdoret nga kryeministri Berisha. “U pa qartë kjo edhe dje në Tiranë. Duan të kërcënojnë nëpërmjet saj: o me ne, o s’keni pronë. Çështja është që kjo kërkon zgjidhje dhe unë shfrytëzoj këtë takim për t’i thënë Sali Berishës, “Eja këtu dhe fol me njerëzit, siç u ke premtuar.</p> Unë do të angazhoj jo vetëm deputetët që kam me vete Dedën dhe Toçin, por edhe juristët më të mirë që kemi, deputetë apo jo. Do të ngremë një grup specialistësh që do të bëjnë avokatinë tuaj, deri në zgjidhjen e këtij problemi. Në qoftë se shteti i kapur peng nuk u përgjigjet, ne së bashku do të gjejmë gjithë argumentet që t’i rreshtojmë në gjykatë.</p> Aty ku vidhet vota, vidhet dhe toka e gjithçka tjetër. Një pushtet që vjedh votën, vjedh çdo gjë tjetër. Personalisht, Sali Berisha po përdor pushtetin për t’u bërë pronari më i madh i pronave, latifondist. Jemi bashkë për të dhënë e për të gjetur zgjidhje ligjore. Unë jam me ju nëpërmjet rrugës së ligjit dhe fakteve”,- tha kryetari i PS-së, Edi Rama.</p> Toka</p> Rrahman Selmanllari e ka blerë tokën në Orikum nga familja Sinanaliaj, vetëm dy vjet pasi ka ardhur në pushtet Partia Demokratike. Kontrata e tij me familjen Sinanaliaj daton në vitin 2007 dhe është noterizuar nga noterja Drita Aga</p> Selmanllari</p> “Unë kam blerë tokë të certifikuar si të lirë e të rregullt në hipotekë, e për të cilën brenda ligjit kam paguar paratë si dhe kam lëshuar apartamente në Tiranë në përfitim të pronarëve të tokës. Toka që unë i kam blerë brenda të gjitha rregullave”</p> Pagesa</p> Toka në Orikum, 4700 m2 është paguar nga Selmanllari duke u dhënë pronarëve para në dorë dhe apartamente për të jetuar në Tiranë. Më pas një firmë ndërtimi ka marrë sipërfaqen e tokës për të ngritur një kompleks pallatesh buzë detit Jon</p> Zbulimi</p> Përfshirja e Selmanllarit në konflikt u zbulua nga mediat, pasi dyshuan te ndërhyrja tepër energjike e policisë për të dhunuar banorët. Dokumenti i pronësisë tregon se përveç 6 pronarëve nga Vlora ndodhej edhe një i 7, miku i Shkëlzen Berishës</p> Partia Socialiste</p> Deputeti Sajmir Tahiri ka akuzuar kryeministrin Berisha se ka ngritur një rrjet mafioz që po zapton tokat e bregdetit. Sipas tij, Selmanlari ka vjedhur tokën e pronarëve duke përdorur pushtetin që i siguron kryeministri Sali Berisha</p> *********************</p> Miku i Shkëlzen Berishës në listën e dëshmitarëve të prokurorisë. Selmanllari: Jemi miq prej më shumë se 10 vitesh”</p> Përfshirja e Selmanllarit në Gërdec</p> TIRANË – Emri i Rrahman Selmanllarit, mikut të ngushtë të djalit të kryeministrit Shkëlzen Berisha, është shfaqur edhe në dosjen e tragjedisë së Gërdecit. Selmanllari është marrë në pyetje dy herë nga hetuesit e çështjes në fazën hetimore, por i ka mohuar të gjitha lidhjet e tij me punishten e demontimit në Gërdec.</p> Nga ana tjetër hetuesit kanë mundur të sigurojnë prova dhe materiale që provojnë se miku i djalit të kryeministrit, Sali Berisha, “Rafi” ka qenë përfaqësues i kompanisë amerikane SAC-i për të ndjekur demonstrimin e parë të demontimit të municioneve të kalibrit të vogël në fabrikën e “ferrit”. Dokumentet zyrtare me emrin dhe firmën e Selmanllarit kanë tradhtuar “njeriun hije” të familjes Berisha.</p> Sipas dëshmive të siguruara, dyshohet se “Rafi” ka qenë prezent në pazaret mes Efraim Diverolit, president i kompanisë AEY, drejtorit të MEICO-s, Ylli Pinarit dhe Mihal Delijorgjit për trafikun fishekëve, ku një fakt i tillë është mohuar nga vetë Rrahman Selmanllari. Në dosjen hetimore të Gërdecit ndodhet edhe dëshmia e Selmanllarit. Kur ai është pyetur për marrëdhëniet me Shkëlzen Berishën është përgjigjur “Jemi miq të mirë prej më shumë se dhjetë vjetësh. Sa herë që ai ndodhet në Shqipëri, kalojmë shumë kohë bashkë”.</p> Pikërisht, për të gjitha këto arsye ai është thirrur nga Prokuroria për të dëshmuar në Gjykatë, në lidhje me tragjedinë e Gërdecit. Sipas prokurorëve, “Rafi” do të pyetet para togave të zeza për detyrën e tij në ngritjen e fabrikës së Gërdecit, lidhjet me të pandehurin kryesor të çështjes Mihal Delijorgji, lidhjet me kompaninë amerikane SAC-i si dhe informacionet për “grupin hije” që mendohet se bënte pjesë edhe ai në drejtimin e kësaj punishteje demontimi në ish-repartin e tankeve në Gërdec.(Shekulli)</p> Ky artikull eshte marre nga: http://www.albaniasite.net/?p=25255. Per me shume artikuj te ngjashem vizitoni: http://www.albaniasite.net/?p=25255