Re: Kosova me tjeter flamur????
Cfare flamuri per Kosoven
Flamuri qe qendron ne zyren e Rugoves, ai me Shkaben dykrenare mbi te cilen shkruhet Dardania dhe me nje rreth te kuq qe e ndan nga nje sfond i kalter, ka ngjallur shume diskutime. Te gjitha anet e nje debati qe ka perfshire elitat e Prishtines
Nga Prishtina Gjergj Filipaj
Flamuri i kosoves shpallur nga Ibrahim Rugova
Ne duelet e ardhshme sportive mes Kosoves dhe Republikes se Shqiperise mund te ndodhe qe te mos valvitet me nga dy taboret, shqiponja dykrenare ne petkun tradicional te kuq, nderkohe qe te dy perfaqesueset mund te kene secila himnin e vecante.
Ne rastin e daljes se Kosoves ne arenen nderkombetare, presidenti dr.Ibrahim Rugova, ka propozuar qe simbolet e Kosoves te jene te ndryshme prej atyre te Republikes se Shqiperise. Ideja e leshuar dite me pare nga kryetari i Kosoves, dr. Ibrahim Rugova, nenkuptonte propozimin e ndryshimit te flamurit kombetar, qe eshte njekohesisht edhe flamur zyrtar i Republikes se Shqiperise, qe me pas do te identifikohej me kulturen, traditen dhe shtetin e Kosoves.
Sipas kryetarit Ibrahim Rugova, Kosova duhet te kete nje flamur qe ndryshon nga ai i Republikes se Shqiperise, te trasheguar nga Gjergj Kastrioti-Skenderbeu, Ismail Qemal Vlora dhe figurat e tjera kombetare shqiptare. Shkaba dykrenare eshte propozuar te jete si ajo e meparshmja, por tashme ne nje sfond te ri te kombinuar nga ngjyra e kalter me ate te kuqe (shkaba e zeze dykrenare me mbishkrimin 'Dardania', ne nje rreth te kuq, dhe me sfond te kalter).
Rendom ky flamur qendron ne zyren presidenciale te dr.Ibrahim Rugoves. Por nga ai nuk eshte sqaruar sesi do te klasifikohen simbolet, si shteterore apo kombetare kosovare. Zyrtaret ne presidence kane thene se eshte ende heret te diskutohet lidhur me ceshtjen e simboleve identifikuese te Kosoves.
Politikane te grupeve kundershtare me LDK-ne mendojne se simbolet e Kosoves duhet te jene te te gjithe vendit dhe jo te nje personi te vetem.
Simbolet e paprekura
Flamuri me shkaben dykrenare ne sfondin e kuq eshte nje nga simbolet kombetare shqiptare, thote prof.dr.Jahja Drancolli, shef i Katedres se Historise ne Univeristetin e Prishtines, dhe shton se ky eshte nje nga elementet e platformes politike per bashkim kombetar.
"Nga ky kendveshtrim qe nga kohet e copezimit te hapesires etnike shqiptare, tendenca e bashkimit nenkuptonte edhe simbolet unike si pjese te ketij procesi", thote ky profesor ne ze i historise.
"Duke kaluar neper disa faza te tjera e njera nder ato faza do te ishte pavaresia e Kosoves. Pikerisht ketu, deshira, vullneti dhe lidhja e shqiptareve historikisht dhe emocionalisht me flamurin kuq e zi do te mund te binte ndesh me ligjet nderkombetare, te cilat ate flamur gjitheshqiptar politikisht e pranojne vetem si te shtetit politik shqiptar", mendon prof.dr.Jahja Drancolli, duke sqaruar se trevat etnike shqiptare gjate historise, kishin identitetin e tyre simbolik.
Ai pohon se ky diveristet simbolesh nuk duhet kuptuar si mungese e nje identiteti mbarekombetar, sepse sipas tij ne momente vendimtare teresia e ketyre simboleve u shkri ne nje.
"Flamuri i Kastrioteve identifikohet me ate gjitheshqiptar. Ngjarjet politike qe pasojne me vone nuk ishin te favorshme per shqiptaret dhe copezimi politik i trevave te tyre nxori ne drite probleme, te cilat na lidhen ne ngushtesisht me ceshtjen e simboleve", thote ky historian qe e ka studiuar hollesisht heraldiken shqiptare.
Dilema identike rreth zgjedhjes se simboleve dhe stemave shteterore kane pasur edhe Austria, Zvicra dhe se fundi rasti i dy Gjermanive, thote ky studiues.
"Analogji te tilla mund te priteshin edhe me rastin e Kosoves dhe Shqiperise politike. Mirepo, si do qe te jete edhe nese do te ndodh kjo, si studiues i shkencave historike jam i mendimit se elementet baze te flamurit kombetar, sfondi i kuq e shqiponja e zeze duhet gjithsesi te mbeten te paprekura", mendon profesor Jahja Drancolli. Dallimet mes simboleve shteterore te Kosoves dhe te Shqiperise sipas tij i kenaqin dispozitat e ligjeve nderkombetare se dy shtete me nje flamur nuk mund te valojne ne seline e OKB-se ne East River, ne New York.
"Ky variant do te ishte i pranueshem e ne perspektive ai nuk do ta perjashtonte variantin politik te bashkimit kombetar. Aq me teper kur dihet se liria dhe pavaresia gjithmone dhe kudo jane fituar me sakrifica, ndaj sakrifikimi i ndonje elementi te flamurit, perkohesisht do te ishte i pranueshem me qellim qe te mos pengohet ceshtja jone me madhore", thote Drancolli dhe sqaron se derisa simbolet shteterore jane te perkufizuara me kufijte politike, ata kombetare jane emerues i perbashket i tere etnosit. "Flamuri eventual i Kosoves do te mund te ishte flamur shteteror, nderkaq ashtu sic eshte tani, ai mund te ishte flamur gjithekombetar dhe perdorimi i tij do te nenkuptonte bashkimin eventual mbarekombetar", pohon ai.
Si shembuj profesor Drancolli permend Britanine e Madhe dhe Shtetet e Bashkuara te Amerikes, te cilat kane simbole shteterore, por edhe kombetare.
Po a ka ardhur koha
Sikur ceshtja e pavaresise se Kosoves te varej nga percaktimi i shenjave shteterore, atehere edhe mund te votohej pro propozimit te kryetarit te Kosoves, per caktimin e simboleve shteterore kosovare, thote Jusuf Bajraktari, drejtor i Institutit te Historise ne Prishtine.
"Eshte ende heret dhe ne kemi probleme te tjera perpara caktimit te simboleve shteterore te Kosoves", thote ai duke shtuar se nje dite duhet te caktohen simbolet identifikuese te Kosoves, per te cilat sic thote ai, populli ka derdhur gjak.
"Kosova duhet te kete simbolet e shtetit te pavarur, por jo ad hoc", mendon Bajraktari dhe shton se duhet te behet nje zgjidhje e pranueshme per te gjithe. "Nisma e kryetarit Rugova nuk duhet pare si dicka qe sulmon vlerat kombetare, por sigurisht qe iniciativa e tij duhet te kaloje neper institucionet kosovare si Kuvendi, etj.", thote ai.
Nderkaq Jusuf Bajraktari tregon se Vilajeti i Kosoves ne te kaluaren ka pasur disa shenja simbolike qe e kane dalluar nga vilajetet e tjera shqiptare. "Por ne te gjitha vilajetet baza ka qene e njejte, flamuri kuq e zi me shkaben dykrenare", sqaron drejtori i Institutit te Historise. Flamuri qe mban kryetari Ibrahim Rugova eshte nje mori elementesh qe formojne nje konglomerat te simboleve vizuale, thote prof.Shyqyri Nimani, ligjerues ne Fakultetin e Arteve ne Prishtine.
"Kryetati Rugova duhet te tregoje se kush e ka bere flamurin dhe simbolet ne te, cfare baze ka perdorur ne pergatitjen e simboleve", thote Shyqyri Nimani, njohes dhe studjues i heraldikes shqiptare.
"Duhet te sqarohet se pse eshte bere nje rreth i kuq ne nje fushe te kalter dhe perse eshte vendosur ylli gjaashtecepesh siper shkabes dykrenare", pyet ai duke menduar se flamuri qe perdor Ibrahim Rugova nuk perfaqeson teresisht Kosoven.
Shyqyri Nimani tregon se ne flamurin ne fjale, ylli gjashte cepesh ndodhet siper shqiponjes dykrenare por edhe ne gjoksin e saj."Ka disa elemente qe perseriten", sqaron Nimani.
"Duhet te krijohet nje komision per te diskutuar sesi duhet te behen simbolet e Kosoves, se nese jane dy shtete duhen edhe dy flamuj te ndryshem", thote ai.
Stema e Dardanise paraqet nje mburoje te stilit norman, brenda se ciles ndodhet nje Luan qe mban nje shtize ne dore, dhe siper gjindet nje kurore, thote Shyqyri Nimani duke treguar nje ripunim te bere ne vitin 1702 nga Paulo Ritter-Vitezoviq, por sic thote Nimani as kjo steme nuk mund te mirret per baze ngase mungon forma filestare.
"Flamuri kombetar eshte i bazuar ne stemen e Kastrioteve, fjala vjen". Gjithesesi ai thote se eshte ne interes te kosovareve qe te kene flamurin e pervecem te tyre pasi "...Ne te kundert te huajt do te na vendosin nje flamur me rrathe dhe katrore, sic ka ndodhur ne Bosnje".
Zeri i opozitareve
"Nuk ka shtet pa simbole ashtu si nuk ka simbole pa shtet", thote Hajredin Kuci, nenkryetar i Partise Demokratike te Kosoves duke shtuar se per vendosjen e simboleve shteterore duhet te respektohen procedurat demokratike. "Shteti e siguron flamurin dhe jo flamuri shtetin", kujton zevendesi i Hashim Thacit.
"Propozimi i Presidenti Rugova dihej te ish bere permes Kuvendit te Kosoves, pse jo mund te kalonte edhe ne referendum", vazhdon Kuci. Tendenca e vendosjes se simboleve personale si simbole shteterore sipas Kucit e zbeh natyren e tyre. "Duhet te mirret parasysh qe simbolet kombetare duhet te miratohen nga qytetaret e Kosoves", thote ai duke sqaruar se per kete ceshtje se pari duhet te miratohet ligji perkates. Ai mendon se ne rrethanat egzistuese nuk eshte koha qe te diskutohet per kete ceshtje".
Ai thote se nese do pyetej ai flamuri i Kosoves do te ishte shume i ngjashem me ate te Shqiperise.
"Do benim nje shtese te vogel ne ate menyre qe te dallohet vetem pak nga flamuri i Shqiperise. Dy shtete nje komb nuk ka shume dallime", sqaron Kuci.
Ndersa deputeti i AAK-se, Bujar Dugolli, thote se ka plot ceshtje te tjera qe meritojne me shume vemendje sesa vendosja e simboleve shteterore. "Presidenti duhet t'i beje mire detyrat e veta dhe te mos inicoje dicka per cka nuk eshte koha per te inicuar, ato jane vetem propozime te tija, ngase Parlamenti eshte institucion me i larte dhe vete populli duhet te deklarohet ne referndum", thote ai dhe shton se "ne e kemi simbolin kombetar, flamurin tone kombetar dhe askush nuk mund ta vere ne dyshim, dykrenaren
me flamurin e kuq, qe i ka percjelle me vite te tera shqiptaret ne lufterat cliruese". Sipas Dugollit aq sa ka te drejte Shqiperia ne flamurin kuq e zi aq ka edhe Kosova. Ai mendon se shenjat identifikuese te shtetit kosovar duhet te behen permes mekanizmave te caktuar.
"Ne e kemi flamurin dhe himnin kombetar, kete s'ka te drejte askush ta heqe nga perdorimi", thote ai duke theksuar se perpjekja per te zevendesuar flamurin kombetare mund te jete gabim trashanik i kryetarit Ibrahim Rugova.
