Re: Kosova me tjeter flamur????
--------------------------------------------------------------------------------
Opinion: Lidhur me idenë që Kosova të ketë himnin dhe flamurin e vet
Me propozimin e tij zoti Rugova dëshmon mungesën e pragmatizmit të tij politik dhe strategjik...
--------------------------------------------------------------------------------
Gjermani, 12 dhjetor 2002 / Shkruan: Brahim Halimi
Me që çdo individ ka të drejtë të shprehë mendimin e tij të lirë për çështje të ndryshme, sigurisht se, ai ka të drejtë që edhe të jep opinionin e tij lidhur me mendimet e të tjerëve gjegjësisht të jep vlerësimin e tij rreth ndonjë veprimi apo akti politik, pasojat e të cilit mund të jenë qoftë pozitive apo negative për interesin kombëtar në përgjithësi apo për Kosovën në veqanëti ....
Në Kosovë, udhëheqja institucionale e saj përfshirë këtu edhe kryetarin Rugova, është duke zbatuar një politikë tepër pasive, sidomos, nëqoftëse marrim parasyshë gjendjën në të cilën gjendemi, synimet që kemi përpara dhe levizshmërinë e proceseve tjera qoftë në rrafshin rajonal-ballkanik apo në atë europian dhe botëror.
Para së gjithash nga udhëheqja e jonë ka munguar dhe ende mungon iniciativa, propozimi me propozimet e tjera alternative, pragmatizmi dhe strategjia etj., mungesa e të cilave ka ndikuar negativisht në përparimin e procesit të pavarësisë së Kosovës gjegjësisht e ka ngadalësuar këtë proces. Pra siq po vërehet udhëheqja dhe klasa politike e Kosovës ende nuk është mësuar të bëjë politikën, ajo sikur edhe deri më tani më shumë e parapëlqen zbatimin e politikës se sa bërjën e saj, mjerisht.
Sidomos nëse kemi parasysh pozicionin e Serbisë : si agresore ndaj disa popujve dhe vendeve vetëm brenda një dekade...; tash, e ballafaquar me Tribunalin e Hagës për Krime të Luftës dhe kundër njerëzimit për shkak të zbatimit të politikës gjenocidale në Kosovë dhe në Bosnje....; e ballafaquar me kritikat e SHBA-ve për shkak të ndihmës që Serbia i ka dhënë Irakut ...; dhe, prap ajo ka arritur dhe po arrinë që gradualisht ta përmirësoj imazhin e saj, duke u kyqur dhe synuar anëtarësimin e mëtejmë të saj në mekanizmat e rëndësishëme ndërkombëtare....., përse klasa e jonë politike nuk e ka shfrytëzuar më shumë dhe më mirë këtë moment favorizues për Kosovën, është një çështje që një ditë do të dal një vlerësim kompetent por kur ....!
Pas propozimit të kryetarit Rugova për Hymnin dhe Flamurin, shtrohet pyetja: Cilat do të ishin aktet dhe veprimet konkrete të cilat e kishin dhe e kanë radhën para Hymnit dhe Flamurit dhe që do të krijonin efekte konkrete pozitive për Kosovën ?
Nga prizmi i të vështruarit neutral të të gjithë problematikës, përparësi do të kishin këto akte dhe veprime konkrete:
- rishpallja e pavarësisë së Kosovës nga Kuvendi i saj, apo përcaktimi i kohës së mbajtjës së Referendumit,sidomos nëse bashkësia ndërkombëtare e pranon preambulën e Kartës kushtetuese serbo-malazeze (me Kosovën brenda...)e siq duket ajo po e pranon ;
- hapja e zyrave të Kosovës (qofshin ato edhe zyra të Unmikut për Kosovën ) në shtete të ndryshme apo sëpaku në disa qendra të rëndësishme ndërkombëtare;
- hartimi zyrtar i kerkesës për pranim në OKB, në UE, në NATO dhe në disa qendra të rëndësishme ndërkombëtare, në vend të kerkesave formale (në formë bisedash që nuk prodhojnë kurrfar efekti) siq është vepruar deri më tani;
- parashtrimi i kerkesës zyrtare para organeve kompetente ndërkombëtare, për ta marrur hisen e mbetur nga ish federata jugosllave si dhe për kthimin e të gjitha mjeteve të plaqkitura (nga Serbia), përfshirë këtu edhe mjetet e Fondit për Pensionistët dhe për çështje sociale ;
- parashtrimi zyrtar padisë së Kosovës kundër Serbisë para Gjykatës Ndërkombëtare..., sepse ajo që ka ngjarë me dëshmitë e paraqitura në Hagë ishte diq që i përmbledhte vetëm aktet individuale dhe atë sipas iniciativës dhe përgaditjës së Tribunalit të Hagës ;
- reagimi me më vendosmëri kundër shkëputjës së pjesëve të territorit të Kosovës etj ...
Të gjitha këto akte të përmendura por edhe secili veq e veq do të prodhonin disa efekte pozitive që në njërën anë do të ndihmonin në përparimin e procesit politik të Kosovës, ndërsa në anën tjetër do të ndikonin në ngadalësimin e përparimit të afrimit të Serbisë me Europën .....!
Përsonalisht nuk i parapëlqej aktet formale të cilat më shumë krijojnë efekte përsonale se sa efekte të tjera me interes të përgjithshëm. Sidomos për çështjet e mëdha siq janë Hymni, Flamuri, Referendumi etj, politikanët duhet ta thonë të fundit fjalën e tyre. Pra së pari do duhej pasur diskutime dhe debate të gjëra nga Akademia dhe Institucionet e tjera profesionale, nga ekspertë të fushave të ndryshme etj, të anketohet edhe disponimi i popullit dhe pastaj iu vjenë radha politikanve të cilët duke e pasur parasyshë rrjedhën e dabateve dhe diskutimeve publike do të mund të vendosnin më lehtë pa bërë bujë të madhe dhe politizim të panevojshëm, për çështjet e shtruara.
Këtë formë e aplikojnë( bile edhe për çështje më të vogla )edhe shtetet e tjera në të cilat sistemi i vlerave demokratike ka një përvojë mjaftë të gjatë.
Prandaj, pa dashur që të prek në përsonalitetin e kryetarit tonë dhe në simpatinë e njerzëve që kan ndaj tij, duke i vlerësuar disa nga faktet e paraqitura por dhe shumë të tjera që këtu nuk i kam përmendur, kam përshtypjën se z.Rugova, për mungesë të pragmatizmit dhe strategjisë politike, ka ngatërruar rënditjen e akteve dhe veprimeve që do duhej marrur në kohë të caktuar.....!
Të shpresojmë për një bashkëpunim dhe bashkërënditje më të mirë të politikanëve tanë në interes të suksese të reja drejtë Pavarësisë së Kosovës.
Përshëndetje të gjithë lexuesve
Brahim Halimi
