Bing-Bang i ri

gurax

gurax

Pan ignoramus
Re: Bing-Bang i ri

Gangster, ne shkrimin e atman une nuk pashe ndonje fjale apo ofendim si keto qe ke shkruar ti. Nese atman do t'i kerkoja vetem te moderoje frymen me te cilen ka shkruar, ty do te kerkoj te njejten gje por me insistim 10fish. Universi eshte qe tashti deshmitar per keto qe ke thene, per sa i perket pjeses qe ka te beje me Universin vete te pakten. Nese ofendohesh po qe se dikush shan Zotin, do me falesh por une jam ne gjendje ta shaj edhe shume me hidhur se c'e ka share atman. Ketu Zoti s'ka fare vend dhe nese ty s'te pelqen nje gje e tille, mesohu te jetosh me realitetin se ky eshte dhe s'ka tjeter.

Personalisht une jam me idene qe mbron atman. LHC, si cdo gje tjeter shkencore nuk eshte se do te vertetoje asgje lidhur me Zotin. LHC eshte i verber dhe nuk i intereson shume Zoti. Shkaterrimi i Tokes eshte iminent duam apo s'duam ne. Jo vetem i Tokes por edhe i Diellit dhe sistemit diellor. Nuk e di ke quan ti qe po mbjell terror dhe panik me idene e energjise se erret qe do shkaterroje Token. Cdo planet ka nje lindje, nje jete dhe nje fund. Cdo yll ka nje lindje, nje jete dhe nje fund. Cdo galaktike ka nje lindje, nje jete dhe nje fund. Cdo strukture ne Univers ka nje lindje, nje jete dhe nje fund. Toka ne asnje menyre nuk ben perjashtim nga ky rregull. Transformimi i energjise nga nje forme ne nje tjeter eshte nje fakt i pakundershtueshem deri me sot dhe ajo qe me siper edhe une e quajta "lindje, jete dhe fund" eshte forma me te cilen shfaqet ky transformim dhe eshte menyra se si ne e shohim kete transformim. Deri me sot, ne kete transformim nuk ka asgje hyjnore dhe eshte shume natyral. LHC nuk eshte asgje tjeter vecse vegla eksperimentale per te vezhguar kete transformim. Ashtu sic jane shqisat qe dedektojne transformimin e shkembit ne rere apo reres ne llave dhe me pas perseri ne shkemb. Ashtu sic eshte nje laborator kimie per transformimet nga nje lende ne tjetren. Ashtu sic eshte Fermilab per transformimet berthamore dhe sub berthamore. LHC eshte nje Fermilab me i fuqishem se Fermilab.

Zoti le te rrije pushim akoma nderkohe. Nuk eshte fare i nevojshem per te tera keto sa permenda, perkundrazi.
 
Al-Punk

Al-Punk

Still here
Re: Bing-Bang i ri

Ju Lutem Gangster dhe Atman, kjo eshte nje teme shume e bukur, perpiquni te mos ia prishin kenaqesine e leximit dhe diskutimit lexuesve te tjere.
 
S

sara 2

Primus registratum
Re: Bing-Bang i ri

Ej e moret vesh njona anej nga india kishte vra veten dje nga frika dhe paniku se si do shkaterrohej toka kur te niznin ate makinarin.
(e ngjova te lajmet e italia 1 dje)
 
S

sara 2

Primus registratum
Re: Bing-Bang i ri

iiii se harrova me thane,mua me pelqen jash mase ky eksperiment.Per aq sa di une (shume pak ne krahasim me ate qe duhet) do te lindin disa molekula te reja (me duket) por qe ka gjasa qe keto te reja te mos jene por te jene te reja per njohurine tone dmth se keto molekula ekzistojne por jo ne toke por ne ndonje planet apo trup qellor ne kufite e universit.....

waw kjo ide me entuzjazmon jasht mase

Nje gje po mundohem te kuptoj: keto molekula qe do te krijohen do te jene te reja rishtazi apo do te jene si ato qe ekzistojne tashme por thjesht jane larg nesh diku ne univers?

se nese ky ex ka per qellim te perseris edhe nje here procesin e big bang -ut i bie qe keto molekula jane prodhuar nje here ne big bang e tashi po perseriten? mah nuk e di. shpresoj te jem gjall kur te dalin rizultatet e ketij eksperimenti kot per kurjozitet nuk i dihet
 
Al-Punk

Al-Punk

Still here
Re: Bing-Bang i ri

Nje artikull informues mbi kete eksperiment ishte publikuar sot ne Gazeten Shqip.

<div class="ubbcode-block"><div class="ubbcode-header">Quote:</div><div class="ubbcode-body">

Enigmat e universit, sa pranë zbardhjes jemi?
Makineria me pak fjalë përbëhet nga një tunel nëntokësor, perimetri i të cilit është 27 kilometra. Në pika të ndryshme përgjatë tunelit janë vendosur katër instrumente masive që luajnë rolin e mikroskopëve subatomikë. Ato do të përdoren për të analizuar krijimin e energjisë jashtëzakonisht të madhe nga përplasja e dy rrezatimeve me protone. Qëllimi i eksperimentit është kuptimi i forcave themelore të natyrës dhe copëzave subatomike, që janë edhe përbërësit e lëndës së universit.

Por një eksperiment i tillë ka shkaktuar shumë diskutime?

Edhe pse "copëzuesit e atomit" janë ndërtuar edhe më parë, ky i fundit është shumë i ndryshëm për sa i takon sasisë së energjisë së përfshirë në të. Dy rrezet e protoneve do të lëshohen nga kahet e kundërta të tunelit me një shpejtësi që do t‘i afrohet shumë asaj të dritës. Kjo do të thotë që Pyetja e madhe ato të bëjnë 11000 xhiro rreth tunelit brenda një fraksioni të sekondës. Kur të kenë fituar shpejtësi të madhe, do të përplasen me njëra-tjetrën dhe rezultati i këtij "takimi" do të gjenerojë një energji rreth 7 herë më të madhe se makineritë e tilla të ngjashme. Një e tillë Tevatron ndodhet në Batavia të Ilinoisit, në Shtetet e Bashkuara të Amerikës. Shkencëtarët e LHC shpresojnë që të marrin një energji të nivelit 14 teraelektron volt (TeV) dhe në këtë mënyrë të krijojnë kushtet për një përplasje. E fundit e këtij lloji ka ndodhur gjatë "Big Bang"-ut, kur universi u krijua rreth 13.7 miliardë vjet më parë.

Cili është qëllimi i këtij eksperimenti?

Në mënyrë që të kuptojmë se nga se përbëhet lënda dhe forcat që e mbajnë atë të bashkuar dhe unike, është e nevojshme që të arrijmë të ndajmë përbërësit e saj subatomikë. Vetëm duke ndarë një proton, shkencëtarët janë të aftë të shohin se çfarë ndodh brenda kësaj copëze jashtëzakonisht të vogël të lëndës. Përgjigjja vjen edhe nga copëza më të vogla, disa prej të cilave janë aq të vogla saqë deri më tani i janë shmangur "kapjes". Deri në këtë moment njohim 12 substanca subatomike dhe 4 forca, por ky është vetëm fillimi. Ajo çka është më e rëndësishme është fakti që shkencëtarët shpresojnë që të zgjidhin disa prej problemeve më të mëdha të fizikës. Ata shpresojnë për shembull që një ditë të unifikojnë të gjitha forcat e ndryshme të natyrës, që nga forcat e vogla bërthamore brenda bërthamave atomike e deri te forca e gravitetit, që vepron mes planetëve të galaktikave. Ata e quajnë këtë teori "teoria e gjithçkaje" dhe ekziston shpresa që LHC do të japë një kontribut të rëndësishëm për zgjerimin e njohurive tona të deritanishme në lidhje me çështjet thelbësore që kanë të bëjnë me krijimin, kohën dhe natyrën e lëndës.

A përbën rrezik përfshirja në një eksperiment të tillë?

Ka disa teoricienë që mendojnë se përplasjet mund të krijojnë disa vrima të zeza të vogla. Por edhe në rast se një gjë e tillë do të rezultojë nga eksperimenti, ato do të jenë të përmasave sub-mikroskopike dhe do të zhduken brenda fraksionit të një sekonde. Megjithatë, numri i shkencëtarëve që mendojnë se ky eksperiment paraqet rrezik është i vogël. Por ata që janë të këtij mendimi mendojnë se vrima e zezë që mund të krijohet mund të "gëlltisë" brenda saj gjithë Gjenevën, ose botën mbarë. Disa shkencëtarë rusë kanë sugjeruar se mund të jetë e mundur që LHC të krijojë kushtet që teorik- isht mund të mundësojnë udhëtimin në kohë. Ata imagjinojnë një skenar sikur nga kjo vrimë e zezë që mund të krijohet mund të na vijnë në këtë realitetin tonë udhëtarë nga e ardhmja, ndërkohë teoricienë të tjerë thonë se këta "udhëtarë" duhet të kenë përmasat e një grimce atomi për të kaluar përmes "vrimave të krimit", përmes hapësirës dhe kohës.

Çfarë do të ndodhë saktësisht kur të nisë eksperimenti?

Për herë të parë shkencëtarët do të tentojnë që të fusin një rreze protonesh brenda një tuneli dhe t‘i japin asaj shpejtësi të madhe për të qarkulluar brenda qarkut. Më pas, ndoshta një ditë më vonë, por me siguri ditët që do të pasojnë, do të lëshohet rrezja e dytë e protoneve në kahun e kundërt me të parën dhe ajo do të fitojë gjithashtu shpejtësi. Ka mundësi, edhe pse është shumë e vështirë, që të dyja rrezet të përplasen ende pa arritur shpejtësinë e duhur, por në një rast të tillë eksperimenti do të dështonte. Ai do të ketë rezultat vetëm kur përplasja e rrezeve të protoneve do të ketë arritur shpejtësinë e duhur. Vetëm në kushte të tilla mund të krijohet terreni për arritjen e zbulimeve interesante.

Cilat janë disa nga zbulimet e mundshme?

Zbulimet më interesante do të jenë ato që pritet më pak të ndodhin, apo që janë tërësisht të paparashikueshme. Megjithatë, ekziston një copëz subatomike që teoricienët janë të bindur se ekziston. Ajo njihet me pseudonimin "Thërrmija e Zotit" dhe mund të na shpjegojë për shembull se përse lënda ka masë dhe në këtë mënyrë të na çojë në një shkallë më të thellë njohjeje të teorisë së forcave të gravitetit. Në nivelet e energjisë së LHC-së ka të ngjarë që të regjistrohet edhe ekzistenca e parë e kësaj thërrmije. Teoricieni që e mbështet më fort ekzistencën e saj është profesor Peter Higgs, i cili ka besim në masën 90% që kjo copëz që mban shkencërisht emrin e tij do të zbulohet. Por ky është vetëm një nga zbulimet e mundshme që LHC mund të bëjë. Fizikanët shpresojnë se makineria do të zbulojë gjithashtu edhe copëzat misterioze supersimetrike që mendohet se u krijuan në fillimet e para të universit. Teoria e supersimetrisë thotë që të gjitha copëzat që ekzistojnë kanë një partner më të rëndë diku, por deri tanin nuk është vërtetuar asgjë. Nëse LHC do të zbulojë fakte për copëzat supersimetrike, mund të zbulohet edhe arsyeja se përse 90% e masës së universit ekziston në formën e "lëndës së errët". Sa e vështirë ishte të ndërtoje një makineri si LHC? Shumë. Tuneli 27 kilometërsh ishte shumë i vështirë të ndërtohej nën tokë. Magnetet gjigante që do të përdoren për të arritur përshpejtimin e grimcave duhet të mbahen bashkë me një forcë që u reziston të 500 tonëve për metër katror, ekuivalente me një avion për metër katror. Ata janë super të ftohtë, në temperaturën -273C, duke e shndërruar LHC si vendin më të ftohtë në universin e njohur deri më tani, me një kapacitet ngrirës për të mbajtur 140 mijë frigoriferë shtëpiakë në temperaturën -271.2C. Data e eksperimentit të sotëm ishte caktuar tre vjet më parë.

A ia vlen një eksperiment i tillë?

Po... * Ne duhet të njohim të fshehtat e universit, për të kuptuar më mirë vendin dhe rolin tonë në të * Kostoja është qesharake në krahasim me njohuritë e reja që mund të na japë një eksperiment i tillë Jo... * Këto lloj zbulimesh mendohet se nuk ndikojnë drejtpërdrejt në mirëqenien e jetës së njerëzve në këtë planet * Fizika e grimcave është më pak e rëndësishme se mjekësia dhe biologjia * Nëse shkencëtarët kanë gabuar në përllogaritje dhe intuita, atëherë ekziston rreziku i krijimit të vrimave të zeza dhe më pas askush nuk mund të parashikojë gjë saktësisht...</div></div>
 
Kondrapedali

Kondrapedali

Kondrapedali
Re: Bing-Bang i ri

Ky lloj eksperimenti nuk shërben vetëm për të kuptuar se nga vijmë, ku vemi e për ç'hyjmë në punë por mund të çelë dritare të reja për pëftim të energjive të pastra. Pra, nëse eksperimenti rezulton pozitiv, hapet rruga për sigurimin e energjisë me kosto më të ulët për njerëzimin (më pak luftëra, më pak shfrytëzim të vendeve të varfra dhe në përgjithësi më shumë pasuri për njerëzimin).
 
J

jimmy84

Primus registratum
Re: Bing-Bang i ri

Ju kam zili per optimizmin. Sinqerisht optimizmi eshte dhurate e madhe. Mua me ka ra per pjese "syri kritik". /ubb/images/%%GRAEMLIN_URL%%/laugh.gif (po jo pa shkak ama).
Reduktimi i varferise, zgjidhja e probleme sociale politike ekonomike energjitike ambientaliste etj etj etj kane 2 burime kryesore:
1. Shkencen (zhvillimin teknologjik)
2. Vullnetin e vete njerezve (te fuqishem kuptohet).

Pra keto probleme nuk na kane zbritur nje dite te bukur dhe tani do na i zgjidhe shkenca. Shkenca keto probleme i ka gjetur dhe c`eshte me e keqja i ka thelluar. Sepse gjithmone teknologjia eshte perdorur per te sofistikuar ate qe kamunistat e quanin "shfrytezimi i njeriut nga njeriu".
Prandaj te me falni qe nuk ndaj te njejtin optimizem.
(Ndoshta shembulli me i mire eshte farmaceutika por edhe elektronika apo informatika).
Keshtu qe sipas kendveshtrimit tim cdo zbulim i madh i ketij lloji edhe nqs do zgjidhe nja dy probleme do hape shume te tjere dhe do thelloje problemet ekzistuese.
Nuk dua te bej rolin e "kritikut mistrec" qe di vetem te kritikoje dhe aq me pak rolin e fatalistit qe ne cdo gje sheh "fundin e botes" (te paren s`e kam qejf, e dyta me hap barkun), thjesht kenaqesia dhe kërsheria qe me sjellin keto zhvillime shoqerohen nga keto qe thashe me siper.
 
M

merc

Forumium praecox
Re: Bing-Bang i ri

Sa per tju shtuar optimizmin rrini shikojini ter diten keto kamera online nga vendndodhja e LHC
/ubb/images/%%GRAEMLIN_URL%%/crazy.gif
 
H

Hellena

Primus registratum
Re: Bing-Bang i ri

whoaa po ato qe beheshin si vrima te zeza real jan apo thjesht efekte .. aty kur dilte offline cam pastaj
 
gurax

gurax

Pan ignoramus
Re: Bing-Bang i ri

Efekte Nisii. Nese do ndodhte, do dilnim edhe ne offline ne te njejten kohe me kamerat. Nese po flasim per nje vrime te zeze qe do gllaberoje Token me nje fjale. /ubb/images/%%GRAEMLIN_URL%%/pippiripi.gif
 
2

2celjan-fr3

Primus registratum
Re: Bing-Bang i ri

e frikshme si ide, por kjo gjithashtu na kujton sesa te vegjel jemi ne njerezit, ne do jetojme vetem kur ajo u ndertua dhe po beheshin provat e para, kur te vihet ne pune dhe do dalin rezultatet do i jetojne te tjere, ndersa te mirat qe do perfitohen dhe do zbatohen, hec e merre vesh, nipat mbase...
Por frika akoma ska ikur.lol, deri ne Janar, do jete dicka si ndezja e motorit, ke makinat e vjetra, ndersa ne Janar fillon plotesisht
 
M

merc

Forumium praecox
Re: Bing-Bang i ri

Epo te kaloje ky vit. qe te ta bejme te plote se perndryshe sdo quhej
 
S

shine*

Primus registratum
Re: Bing-Bang i ri

Viti do kaloj me shume rezultate sepse 'aparatura' eshte prishur (qe tani) dhe do duhen te pakten dy muaj qe te rregullohet. Demtimi ndodhi rreth 36 ore pas ndezjes dhe duhet kohe qe te cohen temperaturat e tynelit ne zonen e difektit ne temperaturen e ambientit, te rregullohen e me pas te cohen prap ne 0 K.
Keni kohe akoma per te predikuar panik :p.
 
S

sara 2

Primus registratum
Re: Bing-Bang i ri

po mir po meqe u prish ajo gjoja
una sapo e dergova tek ato web cam qe kane postuar me lart
E PSE PUNONIN ATO???

i kan rregjistru mduket
 
You must log in or register to reply here.
Top