Tema e ditës

Fier, operacion kerkimi per grabitesin e bankes Drejtoria e policise se Fierit ka nisur nje operacion kerkimi per nje person ende te paidentifikuar qe ne oren 11:10 minuta te dites se sotme grabiti nen kercenimin e armeve filialin e bankes Raiffeisen.</p> Ishin punonjesit e bankes ata qe lajmeruan policine menjehere sapo grabitesi doli nga banka. Ai ishte i maskuar dhe mbante kapele, rreth te 30-ave dhe sipas deshmitareve calonte. Eshte futur brenda ne banke dhe i ka drejtuar armen arketares duke kerkuar qe t’i jepte te gjitha parate qe kishte, nje shifer ende e pa caktuar.</p> Me pas eshte larguar me shpejtesi dhe mendohet te jete larguar me nje automjet me targa belge.</p> Ndersa policia eshte duke kerkuar ne rruget e qytetit, jane duke u marre ne pyetje punonjesit e bankes, punonjesit e sigurise si dhe po shikohen pamjet e filmuara nga kamerat e sigurise se bankes. (TCH)</p> Ky artikull eshte marre nga: http://www.albaniasite.net/?p=26508. Per me shume artikuj te ngjashem vizitoni: http://www.albaniasite.net/?p=26508

Fito 5 ftesa per Google WAVE Sherbimi Google WAVE tashme mund te perdoret dhe ne Shqiperi.Ky sherbim eshte nje menyre e avancuar se si emaili duhet te punoje ne te ardhmen.Per me shume informacion dhe demostrim live mund te shikoni me poshte :</p> </p> Aktualisht ky sherbim eshte ne version beta dhe po ftohen perdorues nga e gjithe bota per testimin e tij.Une jam regjistruar qe ne fillim dhe llogaria ime u aprovua para 1muaji,por ishte i pamundur perdorimi i tij pasi lejoheshin vetem perdorues nga Amerika Veriore,por arrita ta perdor pak duke perdor nje Proxy Amerika,ndersa tani ky sherbim mund te perdoret kudo.</p> Gjithsesi me kane mbetur dhe 5 ftesa nese jeni te interesuar te jeni pjese e ketij sherbimi te Google.</p> Mjafton te komentoni me poshte dhe te lini Gmail-in tuaj.</p> </p> Artikuj qe mund tju interesojne:</p> Siguro profilin tend ne FaceBook 10 Programe falas per MAC OSX Microsoft mposht Google ?? Pse Windows 7 ? Robotat qe puthen “pa pike turpi” Ky artikull eshte marre nga: http://albpc.com/?p=1618. Per me shume artikuj te ngjashem vizitoni: http://albpc.com/?p=1618

Skllavët e kohëve moderne, 800 mijë të trafikuar në vit Departamenti amerikan i Shtetit vlerëson se rreth 800 mijë viktima trafikohen çdo vit përmes kufijve ndërkombëtarë. Shtetet Bashkuara janë shpesh destinacioni për shumë prej këtyre viktimave, ku ata mbahen në kushte që veprimtarët e të drejtave të njeriut i konsiderojnë si skllavëri të kohëve moderne. Disa nga këto veprimtarë morën pjesë në konferencën dy-ditore të Marrëveshjeve të të Drejtave të Njeriut në Dejton, Ohajo, për të ndihmuar në rritjen e ndërgjegjësimit për problemet me të cilat përballen viktimat. Siç njofton korrespondenti i Zërit të Amerikës Kejn Farabau, konferenca u zhvillua këtë javë ndërkohë që organet e rendit janë angazhuar në një operacion mbarë kombëtar kundër trafikut të qenieve njerëzore.</p> Sharla Musabih i ka parë Emiratet e Dubait të transformohen nga një qytet i vogël, në një nga qytetet më të mëdha dhe me zhvillimin më të shpejtë në Lindjen e Mesme.</p> Rritja e Dubait e ka bërë atë destinacion për ca njerëz të varfër që kërkojnë punë. Sipas zonjës Musabih, qyteti ka tërhequr edhe kriminelë që kërkojnë viktima në botën e errët të trafikimit të qenieve njerëzore.</p> “Shumë gra po bien viktima të njerëzve që shkojnë në zonat rurale dhe u premtojnë atyre punë të mrekullueshme.”</p> Por sipas zonjës Musabih, këto punë të mrekullueshme shpesh përfundojnë në punë të detyruar dhe prostitucion.</p> Zonja Musabih ka drejtuar shpesh përpjekjet e vetme për të ndihmuar në luftën për të drejtat e viktimave të trafikimit në Dubai. Puna e saj u bë gjithnjë e më e vështirë ndërkohë që popullsia e Dubait rritej. Përpjekjet e saj kanë tërhequr vëmendje jo të favorshme në Dubai, prandaj ajo jeton tani në Shtetet e Bashkuara.</p> “Mendoj se e kam ngritur zërin shumë për viktimat. Dhe nxora në pah gjërat që po ndodhnin. Më nxorën jashtë dhe më përgojuan nëpër mjetet e informacionit.”</p> Zonja Musabih ndau disa nga eksperiencat e saj me organet e rendit dhe agjencitë sociale të mbledhura në Universitetin e Dejtonit në Ohajo për Marrëveshjet e Trafikimit Njerëzor. Drejtori i Programit të Universitetit për të Drejtat e Njeriut Mark Ensalako thotë se një prej synimeve të konferencës është zbardhja e këtij problemi në rritje në Shtetet e Bashkuara.</p> “Do të ishte gabim i madh nëse amerikanët do të mendonin se vepra penale e trafikimit njerëzor, apo skllavëria e kohëve moderne, kufizohet vetëm brenda Botës së Tretë. Ajo është kudo, ashtu si edhe në Shtetet e Bashkuara.”</p> Polaris Project, apo Projekti Polaris, është një nga organizatat më të mëdha kundër trafikut njerëzor në Shtetet e Bashkuara. Ai vlerëson se rreth 17 mijë e 500 shtetas të huaj trafikohen në Shtetet e Bashkuara çdo vit. Ata thonë gjithashtu se rreth 244 mijë të rinj të tjerë janë në rrezik për t’u shfrytëzuar gjithashtu.</p> Për ta luftuar këtë problem në rritje, zoti Ensalako thotë se nga fundi i tetorit, Byroja Federale e Hetimeve apo FBI-ja, filloi një operacion mbarë-kombëtar kundër trafikimit të qenieve njerëzore.</p> “Ata arrestuan dhjetëra trafikantë dhe liruan më shumë se 50 femra që detyroheshin të punonin si prostituta. Shumë prej tyre ishin fëmijë në Ohajo, më e vogla ndër ta ishte 10 vjeç.”</p> Zoti Ensalako thotë se arrestimet e fundit konfirmojnë faktin se realiteti i trafikimit nuk është vetëm problem ndërkombëtar, por edhe lokal, që prek çdo komunitet në Shtetet e Bashkuara. Zoti Ensalako shpreson se konferenca do të jetë një nga të shumtat që do të edukojnë publikun si dhe organet e rendit për të arritur objektivin e përfundimit të trafikimit të qenieve njerëzore.(Shekulli)</p> Ky artikull eshte marre nga: http://www.albaniasite.net/?p=26496. Per me shume artikuj te ngjashem vizitoni: http://www.albaniasite.net/?p=26496

Bojkoti, 5 deputetë të PS-së thyejnë vendimin: Do futemi në Kuvend Grupi i pesë deputetëve socialistë, që kanë shpallur Lëvizjen për Mendim Ndryshe në Partinë Socialiste (LMN) i bëjnë thirrje përmes një rezolute deputetëve të tjerë që të marrin pjesë në Kuvend. Pas 20 Nëntorit, 5 deputetë të PS-së do thyejnë vendimin</p> TIRANË- Grupi i pesë deputetëve socialistë që kanë shpallur Lëvizjen për Mendim Ndryshe në Partinë Socialiste (LMN) i bëjnë thirrje kolegëve të tyre që të heqin dorë nga bojkoti i Kuvendit dhe në emër të reformave integruese të jenë prezentë në jetën parlamentare duke filluar që nga dita e hënë. Thirrja është bërë nëpërmjet një rezolute që drejtuesit e kësaj lëvizje kanë hartuar dje dhe që pritet t’ia drejtojnë jo strukturave të PS-së, por individualisht të gjithë të zgjedhurve të tjerë socialistë të cilët kanë zgjedhur të respektojnë vendimet e forumeve partiake.</p> Rezoluta</p> Rezoluta që është shpërndarë dje edhe për mediat nis pikërisht me një prezantim të situatës, që ka krijuar vendimi i ambasadorëve të Bashkimit Evropian për të marrë në shqyrtim kërkesën e Shqipërisë për statusin e vendit kandidat. Duke e konsideruar këtë moment si historik për vendin tonë dhe aspiratat e shqiptarëve për të qenë pjesë e familjes së madhe europiane deputetët “rebelë” të Partisë Socialiste, gjykojnë se opozitës i takon të luajë një rol të rëndësishëm në reformat, që kërkon ky proces. “Ne, një grup politikanësh të opozitës, në respekt të ëndrrës dhe aspiratave të shqiptarëve për një Shqipëri Europiane, me një konsensus maksimal politik dhe angazhim e mbështetje të gjerë nga publiku për realizimin e objektivave madhorë të integrimit të vendit tonë, në NATO e BE, të përgjegjshëm për arritjen e të gjithë standardeve dhe nevojën e angazhimit të gjithë forcave politike, shoqërisë civile dhe të aktorëve të interesit në procesin e integrimit europian të vendit pavarësisht pozicioneve dhe rotacioneve politike, me kërkesën për një angazhim serioz e efikas të qeverisë në përmbushjen e të gjithë kritereve e detyrimeve dhe për rolin e pazëvendësueshëm të opozitës për realizimin e tyre me konsensus të gjerë, i kërkojmë të gjithë deputetëve të opozitës të rishikojnë vendimin për bojkotin e kuvendit për të qenë prezent në seancën kuvendore të datës 16 nëntor 2009 (me rastin e marrjes se vendimit të KE lidhur me aplikimin e Shqipërisë për anëtarësim në Bashkimin Europian)….”, – thuhet në rezolutë.</p> Më tej, hartuesit e saj argumentojnë se një hap i tillë duhet ndërmarrë për ta bërë grupin parlamentar socialist, pjesë të këtij momenti të rëndësishëm për gjithë shqiptarët. Gjithashtu ata argumentojnë se interesat e vendit duhet të mbivendosen ndaj interesave të politikës së ditës. “Me synimin për ta bërë grupin kuvendor të opozitës pjesëmarrëse në këtë moment të rëndësishëm për Shqipërinë dhe shqiptarët dhe demonstruar se opozita aktuale ashtu si në të kaluarën, por edhe në të tashmen e në të ardhmen në drejtimin e vendit ka vendosur sistematikisht dhe vendos interesat madhore të Shqipërisë e të shqiptarëve mbi gjithçka duke synuar njëkohësisht të arrijë pa kompromis e me konsensus standardet europiane dhe të plotësojë të gjithë detyrimet që rezultojnë nga ky proces përmes pjesëmarrjes së saj aktive dhe veprimeve konstruktive institucionale”, – theksohet më tej në këtë rezolutë.</p> Transparenca</p> Ndërkohë, që në këtë dokument, ata nuk kanë anashkaluar as çështjen e transparencës së zgjedhjeve parlamentare të 28 qershorit, për të cilën opozita ka marrë edhe vendimin për bojkotin e Kuvendit. Kështu, sipas LMN-së, rikthimi në Kuvend i deputetëve të majtë do të bëjë të mundur gjithashtu që të arrihet edhe hetimi i zgjedhjeve të shkuara për të bërë transparencën për të cilën PS-ja dhe aleatët e saj janë angazhuar prej afro tre muajsh.</p> “Të vetëdijshëm për koston jo pozitive që ka shkaktuar mos arritja e të gjithë standardeve në nivelin e tyre maksimal në zgjedhjet e 28 qershorit 2009 dhe situata aktuale parlamentare me bojkotin nga opozita, por me angazhimin tonë maksimal për gjetjen e një zgjidhje të shpejtë përmes një dialogu konstruktiv e institucional, që do garantonte arritjen e plotë të standardeve demokratike në zgjedhjet e ardhshme”, – shprehen përfaqësuesit e LMN-së në këtë rezolutë. Megjithatë, ata nuk bëjnë të ditur nëse do ta thyejnë bojkotin në rast se pjesa tjetër e deputetëve socialistë nuk do i përgjigjen kësaj thirrje. Siç bëhet e ditur nga burime pranë këtij grupimi, ata do të presin një reagim deri në datën 20 nëntor, kur opozita ka parashikuar të mbajë dhe protestën e madhe në kryeqytet. Pas këtij momenti mësohet se ata do të vendosin edhe për hapin që do të hedhin në drejtim të thyerjes së bojkotit.</p> ********</p> Rama: Më 20 nëntor shembim murin e votës</p> KORÇË- Kryetari i PS-së Edi Rama ka ftuar qytetarët të marrin pjesë në protestën e opozitës në 20 Nëntor në Tiranë, për të shembur atë që ai e ka quajtur muri i politikës së vjetër, që mban peng votën e lirë.</p> “Të mblidhemi në 20 nëntor për të protestuar me forcë për shpresat dhe ëndërrat tuaja, për të ardhmen, të cilat janë të burgosura në kutitë e votimit”- tha ai.</p> Në fjalën e tij në protestën e radhës në qytetin e Korçës, lideri socialist i bëri apel kryeministrit Berisha të mbajë larg duart nga kutitë. Rama ka theksuar se brenda kutive Berisha fsheh gjurmët e vjedhjes elektorale, ndaj dhe nuk do t’i hapë.</p> Ndërsa deputeti Pandeli Majko ka theksuar se PS nuk mund të heshtë për këtë heshtje të qeverisë që s’mund të vazhdojë më kështu. Sipas tij, kutitë e mbyllura janë simbol i aferave të korrupsionit, simbol i keqqeverisjes së Shqipërisë.</p> “Në 20 nëntor të gjithë në Tiranë, bashkë, që të ballafaqohemi me qeverinë. 20 Nëntori fillimi i demonstrimit të madh të të gjithë shqiptarëve për hapjen e kutive”- tha ai.</p> Sipas kreut të PLD-së Spartak Ngjela se votën e shqiptarëve nuk mund ta mbajë të mbyllur një qeveri që nuk ka fituar zgjedhjet dhe e korruptuar. “Ne nuk jemi mbledhur këtu për t’u lutur, por kjo është një revoltë, sepse kjo është gjuha që qeveria ka dëshirë të dëgjojë” tha ai.(Shekulli)</p> Ky artikull eshte marre nga: http://www.albaniasite.net/?p=26499. Per me shume artikuj te ngjashem vizitoni: http://www.albaniasite.net/?p=26499

Papandreu: Ballkani, duhet futur i gjithi në BE brenda 2014-s Kryeministri i ri grek, Jorgos Papandreu, ithtar i njohur i diplomacisë aktive, që kur ishte ministër i jashtëm, ndërmori një nismë të re për përshpejtimin e procesit të integrimit të Ballkanit Perëndimor në familjen evropiane, proces që sipas tij ka rënë në “batakun e teknokracisë burokratike dhe në thelb ka ngrirë integrimin evropian” të vendeve të rajonit në fjalë. Me nismën e tij të paraqitur fillimisht në Ankara, në takimin jo të radhës të ministrave të jashtëm të Evropës Juglindore dhe së fundi para homologëve të tij evropianë, në samitin e Brukselit, Papandreu kërkon t’i jepet “një dinamikë e re procesit të integrimit” duke venë një “objektiv simbolik, por edhe të guximshëm”.</p> “Një objektiv politik për integrimin e Ballkanit Perëndimor në Bashkimin Evropian deri në vitin 2014, pra 100 vjet pas shpërthimit në Sarajevë të Luftës së parë Botërore” tha Papandreu i cili shprehu njëkohësisht vlerësimin se nisma nuk do të kultivojë “shpresa të rreme” me skonto kriterësh, por do t’i japë “shpresë dhe vizion të ri gjitonisë” ballkanike.</p> Realpolitika greke, por edhe një obligim më i thellë moral i Greqisë ndaj fqinjve të saj, si vendi më i vjetër evropian i rajonit ballkanik, bëjnë që Greqia të pretendojë sërish, ashtu si në vitin 2003 në Selanik, rolin e lokomotivës në integrimin evropian të vendeve ballkanike. E “zbuloi” vetë Papandreu kur tha se është në “interes të Greqisë kjo perspektivë” e kompletimit evropian, e cila veç të tjerash krijon dhe një dinamikë të re për kapërcimin e mosmarrëveshjeve bilaterale si ajo e emrit me Shkupin. Për shembull “Problemi i emrit për të cilin pata rastin ta diskutoj në mënyrë të qartë me homologun tim Gruevski” tha Papandreu, i cili e sheh “kartën evropiane” si të vetmin mjet efikas dhe për zgjidhjen e mosmarrëveshjeve me Turqinë.</p> Kur Evropa do periferinë e saj të integruar në gjirin e saj, Greqia ka çdo arsye që “oborri i saj i prapëm”, me rreth 20.000 biznese të saj të vogla dhe të mesme dhe interesa të mëdha gjeostrategjike, të përfshihet mundësisht sa më shpejt në familjen evropiane. “Mendoj se është më se e qartë pse Greqia dëshiron të shohë këto vende të bëhen pjesë e Evropës: Kjo do të thotë se zgjidhen përfundimisht problemet politike, rritet niveli i jetesës së këtyre vendeve, ndërpritet ose kufizohet lëvizja e popullsive që akoma sot është deri në një fare mase problem për Greqinë. Mendoj se edhe Greqia edhe rajoni kanë vetëm për të fituar nga eventualiteti i integrimit të plotë të këtyre vendeve në B.E.” i thotë Deutsche Welles drejtori i përgjithshëm i Fondacionit Grek të Politikës së Jashtme dhe asaj Evropiane (ELIAMEP) Thanos Dokos. Konseguente në këtë rol të saj, sipas tij, Greqia sheh se problemi pezull i emrit bëhet “pengesë për një politikë më aktive në rajon”.</p> Por sa i realizueshëm është objektivi i vitit 2014, apo bëhet fjalë për një moment simbolik historik që thjesht mund të sjellë një shtysë të mëtejshme?</p> “Nga pikëpamja e përmasave të këtyre vendeve, të popullsisë dhe ekonomisë, janë vende që mund të absorbohen lehtë, sipas termit dhe kritereve të shtuara prej Francës në integrimin e vendeve të ndryshme. Nga ana tjetër, ekziston akoma një situatë jo stabile në një masë të konsiderueshme në rajon dhe nuk duhet të harrojmë se Evropa është e lodhur dhe e shqetësuar nga zgjerimi me 10 vendet e vitit 2004 dhe Rumanisë dhe Bullgarisë të vitit 2007. Pra është më shumë simbolik si moment, por kjo nuk do të thotë se flasim për një datë shumë të mëvonshme. Në një të ardhme jo të largët është i arritshëm integrimi i Ballkanit Perëndimor, një çështje shumë më e lehtë nga ajo e vendeve të tilla si Turqia apo Rumania” sqaron bashkëbiseduesi ynë.</p> Skeptik dhe bile me pikëpamje diametralisht të kundërt shprehet në Deutsche Welle analisti i mirënjohur grek Jorgos Delastik, që e sheh propozimin e Papandreut si një përpjekje të tij “për të shpetuar shtetet e brishta të rajonit”. “Për fat të keq, problemet në Bosnjë, FYROM dhe Kosovë përbëjnë bomba të kurdisuara” thotë Delastik, që vitin 2014 e konsideron të “paarritshëm si nga ana kohore po kështu edhe politike”.</p> ******************************************</p> UPDATE – Votimi i sotem ne Parlamentin Europian i cili ka miratuar me shumicë votash rezolutën për heqjen e vizave për Maqedoninë, Malin e Zi dhe Serbinë, ka shkaktuar nje reaksion zinxhir, per te mpakur efektet negative qe ky vendim jep ne dy shoqerite e vetme që kanë mbetur tashmë të përjashtuara nga levizja e lire në BE: shqiptaret dhe boshnjaket.</p> Reagimi i pare sic pritej erdhi nga mediat prane qeverise ne Tirane, te cilat perseriten si kryelajm informacionin se ne korrik pritet nje lajm per vizat edhe per Shqiperine.</p> Pakesimin e efektit psikologjik te votimit te PE-se qe perkthehet ne dobesim te mbeshtetjes politike, e vijoi fqinji yne Italia.</p> Ashtu sic edhe pritej dhe ashtu sic ka bere shpesh kohet e fundit, Franko Fratini ka dhene menjehere nje deklarim ku perseriti premtimin se ne proceset e integrimit Italia mbeshtet shqiptaret, tashme te fundit ne rradhën e perfitimit nga levizja pa viza.</p> Dhe me pas ka ardhur natyrshem reagimi i kryeministrit te vendit, i cili me euforine e tij te zakonshme, pikerisht ne kete dite te votimit te PE-se, tha sonte ne mbremje ne Kuvend se shqiptaret, po jetojne dite historike.</p> ****</p> Berisha në Kuvend</p> TIRANË- Nderkohe qe mbetemi te fundit qe nuk kemi perfituar ende levizjen e lire en Europe, gati 20 bjet pas renies se rregjimit komunist, Kryeministri i vendit Sali Berisha ka premtuar serish sonte nga foltorja e Kuvendit se do të plotësohen të gjitha kushtet e nevojshme të kërkuara nga BE për heqjen e vizave, pasi kjo, sipas tij, është çështja më primare e qeverisë. Ai tha se shqiptaret po jetojne dite historike. Ndërkohë, pavarësisht kontestimit të opozitës, ai ka theksuar se zgjedhjet e 28 qershorit janë më të mirat që janë realizuar ndonjëherë, të vlerësuara edhe nga faktori ndërkombëtar. “Qeveria dhe autoritet, forcat politike kurorëzuan procesin zgjedhor më të mirë në historinë e vendit, u aplikuan teknologjitë më moderne të identifikimit të qytetarëve dhe të numërimit të votave, kuroëzuan procesin ku kodi zgjedhor u përcaktua nga opozita” theksoi Berisha Ai ka siguruar shqiptarët se qeveria e ka çështjen më kapitale heqjen e vizave dhe për këtë do të plotësojë çdo kërkesë të nevojshme e do të marrë çdo reformë.</p> Fratini: Asnjë vend i Ballkanit nuk duhet të mbetet jashtë BE-së BUKURESHT- Ministrat e jashtëm të Italisë, Rumanisë dhe Hungarisë janë angazhuar për integrimin e të gjitha vendeve të Ballkanit perëndimor në Bashkimin Evropian. “Asnjë vend i Ballkanit perëndimor nuk duhet të mbetet jashtë Bashkimit Evropian dhe integrimi i gjithë Ballkanit perëndimor duhet të jetë prioritet”, ka thënë ministri i Jashtëm italian Franko Fratini. Ministri i Jashtëm i Hungarisë, Peter Balash, gjithashtu ka thënë se synim kryesor i Iniciativës së Evropës Qendrore duhet të jetë integrimi i vendeve të Ballkanit perëndimor në BE. Edhe shefi i diplomacisë së Rumanisë, Katalin Predoju, ka mbështetur integrimin në BE të vendeve të Ballkanit perëndimor. Këto komente janë bërë në takimin e sotëm të ministrave të jashtëm të vendeve anëtare të Iniciativës së Evropës Qendrore që po mbahet në Bukuresht.</p> Hiqen vizat për Serbinë, Maqedoninë dhe Malin e Zi, miratohet rezoluta</p> Parlamenti Europian ka miratuar sot me shumicë votash rezolutën për heqjen e vizave për Maqedoninë, Malin e Zi dhe Serbinë.</p> Rezoluta e Parlamentit Evropian është konsultative dhe ka vlerën e rekomandimeve politike, ndërkaq vendimin përfundimtar pritet ta marrë Këshilli i Ministrave të Bashkimit Evropian, deri më 30 nëntor.</p> Prezantuar nga Raportuesja Tanja Fajon kjo deklaratë shpreh mbështetjen e thelle te Unionit për liberalizimin e vizave me vendet e Ballkanit. Fajon tha se heqja e vizave për Serbinë, Malin e Zi dhe Maqedoninë para afatit të paraparë është dhuratë për Krishtlindje qytetarëve të Ballkanit.</p> Nuk është përcaktuar asnjë datë për liberalizimin e vizave me Shqipërinë e Bosnjën, por theksohet se Parlamenti e Keshilli do te shqyrtojne amendimin e Rregullores per regjimin e vizave me këto dy vende, si çështje urgjente. Ndaj i behet thirrje Shqipërisë dhe Bosnjës që të përmbushin sa me shpejt kriteret e përcaktuara ne udhërrëfyesin e shpërndare nga Komisioni.(Shekulli)</p> Ky artikull eshte marre nga: http://www.albaniasite.net/?p=26493. Per me shume artikuj te ngjashem vizitoni: http://www.albaniasite.net/?p=26493

Pakti, kryenegociatori takim sekret me shqiptarët në SHBA Ferit Hoxha do të japë leksion të mbyllur me diasporën për marrëveshjen me Greqinë</p> Ish-kryenegociatori i ekipit shqiptar në bisedimet për ndarjen e kufirit detar mes Shqipërisë dhe Greqisë, Ferit Hoxha, ka kërkuar një takim të mbyllur me përfaqësues të komunitetit shqiptar që jeton dhe punon në SHBA. Kërkesa e Hoxhës, aktualisht përfaqësues i përhershëm i Shqipërisë në OKB, është bërë me anë të e-meil-it, duke trajtuar axhendën, temën e leksionit dhe qëndrimin që duhet të mbajnë dëgjuesit e pranishëm në takimin e mbyllur. Ftesa e Ambasadorit Hoxha, me temë përcaktimin e kufirit detar shqiptaro-grek është bërë me anë të postës elektronike në 8 Nëntor, duke sqaruar edhe detajet e takimit të 14 Nëntorit në një sallë të Universitetit të Nju Jorkut. Leksioni i parashikuar për 2 orë, do të mbahet në rrethana të “blinduara” pasi sipas organizatorëve, në sallë do të pranohen vetëm ata që kanë konfirmuar pjesëmarrjen. Sipas organizatorëve të leksionit të Ambasadorit Hoxha asgjë nuk do të bëhet publike, sepse tekstualisht: “Ajo që thuhet në leksion e në pyetje-përgjigje, mbetet në sallë e nuk mund të citohet pa lejen e personit”. Sipas përmbjatjes së emeil-it, arsyeja e takimit janë paqartësitë dhe tensionet në shoqërinë shqiptare si dhe në bashkësinë shqiptaro-amerikane lidhur me marrëveshjen për ndarjen e kufirit detar me Greqinë. Sipas tyre, shume nga ekspertët e njohur të komunitetit shqiptar janë shprehur publikisht për marrëveshjen, ndërsa shtypi i bashkësisë shqiptaro-amerikane e ka trajtuar këtë temë gjerësisht dhe interesi në bashkësinë shqiptaro-amerikane lidhur me këtë temë është tejet i ndjeshëm.</p> Reagimi</p> Pjesëtarë të komunitetit shqiptar të njoftuar për leksionin e ambasadorit që do të mbahet këtë të shtunë e kanë mirëpritur organizimin e takimeve të tilla dhe kanë falenderuar organizatorët. Por në reagimet që ata përcollën përmes gazetës “Shekulli” ata nuk ngurruan të vënë në dukje disa aspekte të çuditshme të takimit. Një prej të ftuarve që komunikoi direkt me gazetën u shpreh i çuditur pse ambasadori e ka quajtur “leksion” takimin dhe me çfarë qëllimi bëhet: “Kush priten të edukohen, jo-shqiptarët apo shqiptarët, apo mos pritet të edukohen ato shqiptarë që u rrekën për të darkuar e dalë në pamje me Kryeministrin shqiptar kur ishte në Amerikë kohët e fundit?”. Ata i shtrojnë disa pyetje paraprake ambasadorit Hoxha që kryesoi ekipin negociator shqiptar, si: “A mos nevojitet të “sqarohen” shqiptarët e Amerikës me qëllim që më pastaj të rreken duke festuar dhurimin e sipërfaqes shqiptare grekëve? Çfarë pritet të justifikojë “lektori”, vetveten në gatimin e çorbës apo dhurimin Greqisë? Pse kjo këmbëngulje e qeverisë shqiptare? A e dinte “lektori” që qeveria e Kuvendi shqiptar para një viti e gjysëm pati shfuqizuar ligjet për kufinjtë detarë shqiptarë 12 milje larg nga bregu, me qëllim që t’i hapte muaj më vonë rrugë dhurimit që po i bëhet grekëve? Si mund të marrë të drejtën kushdo qoftë t’i heqë copa Shqipërisë dhe t’ia dhurojë me tabaka grekëve? Si mund të përcaktohet kufiri detar duke qenë atje larg e lart në OKB e Nju Jorkut? Cilat dokumenta kanë qenë ato që e kanë magjepsuar “lektorin” për këtë dhurim? Z. Hoxha ishte pak ditë më parë në Tiranë, në krah të kundër admiralit Kristaq Gërveni, në një debat me studentë në një universitet privat. Aty ai tha se: “Kërkesa e palës greke për t’u angazhuar në këtë ushtrim, erdhi pas publikimit në një të përditshmeje shqiptare të një harte që përcaktonte vendin se ku po kërkohej naftë në det, nga një kompani e huaj, e licencuar nga qeveria shqiptare, Medoil”. Sipas tij procesi i bisedimit nuk ka qenë i lehtë, se janë organizuar me dhjetëra takime pune, ku ka pasur edhe momente të vështira. Prej shumë muaj, nga Prilli 2009 kur marrëveshja u nënshkrua në Tiranë mes qeverisë shqiptare dhe asaj greke, opinioni publik por edhe ekspertët kanë kërkuar konsulta të gjera, dhe mes specialistëve, në transparencë të plotë për të sqaruar shumë prej pikave të errëta të marrëveshjes, e cila sipas studimit të ekspertit të pavarur, prof. asoc. dr. Myslim Pasha i jep Greqisë mbi 354.4 km 2 det shqiptar.(Shekulli)</p> Ky artikull eshte marre nga: http://www.albaniasite.net/?p=26481. Per me shume artikuj te ngjashem vizitoni: http://www.albaniasite.net/?p=26481

Fushata, sulmohet me armë kandidati i AAK-së PRISHTINE – Persona ende të panjohur kanë sulmuar mbrëmë me armë zjarri kandidatin e Aleancës për Ardhmërinë e Kosovës për kryetar komune në Mitrovicë, Hysni Ahmeti.</p> Zëdhënësi i Policisë së Kosovës në këtë qytet, Besim Hoti, ka thënë se zoti Ahmeti ishte i vetëm në automjetin e tij, kur persona të panjohur kryen sulmin.</p> “Më shumë se një plumb i shkrepur ka goditur automjetin. Zoti Ahmeti nuk ka pësuar lëndime”, ka thënë zëdhënësi i policisë, Besim Hoti, duke shtuar se organet e rendit janë duke zhvilluar hetime.</p> Presidenti i Kosovës, Fatmir Sejdiu, ka dënuar atentatin ndaj Hysni Ahmetit, kandidat i AAK-së për kryetar të Mitrovicës duke thënë se” ky akt, njësoj sikurse ai i mbrëmshmi në Deçan, është një përpjekje e ligë për ta njollosur procesin e mirë parazgjedhor që kanë zhvilluar partitë politikë, kandidatët e pavarur dhe të gjithë qytetarët anekënd Kosovës, të cilët kanë marrë pjesë në veprimtaritë përuruese që janë zhvilluar deri sonte”.</p> *****</p> Feith reagon për sulmin ndaj Thaçit</p> Përfaqësuesi Special i Bashkimit Evropian, Pieter Feith, bëri sot thirrje që fushata për zgjedhjet komunale të vazhdojë në mënyrë të qetë.</p> Duke iu referuar sulmit që ka ndodhur ndaj eskortës të kryeministrit Thaçi, në Deçan, Feith ka thënë se incidenti nuk ishte në interesin e askujt.</p> “Aktet e dhunës nuk kanë vend në një fushatë zgjedhore demokratike. Shpreh keqardhjen për incidentin e djeshëm në Deçan i cili nuk ishte në interesin e askujt”.</p> “Kam folur me kryeministrin dhe me z. Haradinaj. Kam marrë garanci të qarta se fushata dhe dita e zgjedhjeve do të vazhdojnë në atmosferë të qetë”, ka thënë Feith. /Telegrafi/</p> Kthehej nga fushata, sulmohet eskorta e Hashim Thaçit</p> Kryeministri i Kosovës dhe lideri i Partisë Demokratike të Kosovës, Hashim Thaçi, është sulmuar sot në Deçan.</p> Ngjarja ka ndodhur sapo ai ka përfunduar fushatën në këtë komunë, e cila aktualisht udhëhiqet nga AAK. Eskorta e liderit të PDK-së është gjuajtur me gurë nga persona të panjohur.</p> Rojet e kryeministrit janë treguar të gatshme për ta mbrojtur liderin e PDK-së , ndërkohë që burime nga vendi i ngjarjes bëjnë të ditur se ka pasur edhe të shtëna armësh.</p> Eskorta e kryeministri para pak kohe është nisur në drejtim të Prishtinës. /Telegrafi/</p> Ky artikull eshte marre nga: http://www.albaniasite.net/?p=26484. Per me shume artikuj te ngjashem vizitoni: http://www.albaniasite.net/?p=26484

Lubonja e Baze replikojnë ashpër Lubonja e Baze kanë repikuar në distancë i pari nga gazeta Korrieri dhe i dyti nga TemA në kuadrin e debatit të hapur ditët e fundit pas dhunës mbi botuesin e TemA. Tonet janë ashpërsuar dhe qëndrimet janë bërë më radikale. Më poshtë janë dy artikujt e botuar dje dhe sot të dy prej njerëzve më të njohur të skenës së medias në Tiranë.</p> * * * * *</p> Liri e medias apo liri e shprehjes?</p> Fatos Lubonja</p> Rasti i rrahjes së Mero Bazes nga biznesmeni Taçi ka rindezur edhe një herë debatin mbi lirinë e mediave. Së fundi ka pasur një debat të ashpër në emisionin “Opinion”, i cili pati si jehonë dy peticione kundër njëri-tjetrit, të firmosur nga qindra gazetarë e një numër shkrimesh. Po përpiqem të shpreh mendimin tim lidhur me çka është thënë në këto debate nëpërmjet këtij shkrimi, që e konsideroj si vazhdimësi të dy shkrimeve që kam botuar së fundi në gazetën “Korrieri”, me titujt “Mbi mizerabilitetin e mediave” dhe “Fenomeni ‘Taçi’”.. Gjykoj se ka një spekulim me termin “liria e mediave”, kur kjo përdoret duke nënkuptuar lirinë e shprehjes. Janë dy gjëra të ndryshme, veçanërisht në Shqipëri. Mediat në Shqipëri nuk janë viktima, që kërkojnë të çlirohen, sikurse janë përpjekur shumë gazetarë (dhe jo vetëm), t’i paraqesin ato në këtë debat, duke identifikuar rrahjet e gazetarëve me rrahjen e mediave. Në Shqipëri, viktima e vërtetë është liria e shprehjes, kurse çështja e lirisë së mediave është diçka tjetër, më e komplikuar, madje me kundërthënie të forta. Sepse mediat te ne janë fatkeqësisht një nga shtyllat kryesore të sistemit të korrupsionit që është ngritur në Shqipëri, të cilin në shumë shkrime paraardhëse e kam quajtur “regjim mediatik”, i cili, si çdo regjim, është shtypës edhe i lirisë së shprehjes. Le ta shtjelloj çka dua të them, duke u nisur nga debati mbi televizionin “Klan” (e jo vetëm), që u lakuan pas “Opinionit”, për shkak të deklaratave të Frangajt. Çfarë është televizioni “Klani”? Sipas Bazes dhe mbrojtësve të tij, është një instrument i pushtetit të Berishës. Sipas asaj që tha Erion Veliaj në “Opinion”, është një viktimë e pushtetit, si shumë media të tjera, sepse nuk mund të mbijetojë dot pa lidhjen apo pa i shërbyer atij. Sipas drejtorit Frangaj, zgjedhja e “Klanit” për të qenë me pushtetin është një zgjedhje editoriale, ashtu siç është një zgjedhje editoriale ajo e “Top Channel” apo e “Neës 24″ për të mbështetur opozitën. Cila është e vërteta e gjithë këtyre televizioneve dhe e shumëve rreth tyre? Sipas meje, këto tre argumente nuk e përjashtojnë krejtësisht njëri-tjetrin, por e vërteta e të vërtetave është ajo që e dimë të gjithë: këto media ose lindën si anekse të bizneseve të tjera të pronarëve të tyre, për t’i mbrojtur e zhvilluar ato duke shantazhuar politikën apo duke i shërbyer asaj, ose u bënë të tilla gjatë rrugës. Kurse të ashtuquajturën gazetari e “liri shprehjeje”, si material me të cilin punon media, ato e kanë përdorur në mënyrë selektive e abuzive për të shantazhuar politikën apo për t’i shërbyer asaj. Ky është thelbi i së vërtetës së tyre, i zhveshur nga detaje dhe nga hipokrizia e shumë pronarëve e gazetarëve. Dhe mediat nuk mund të quhen kurrsesi viktima të pushteteve, siç tha Veliaj, sepse ato kanë pasur një rol aktiv në ngritjen e ruajtjen e këtij sistemi. Dhe jo vetëm televizioni “Klan”. Televizioni “Top Channel” apo “Neës 24″ e me radhë janë edhe ato instrumente pushteti, por të pushtetit të opozitës, e cila është ndërtuesja e këtij sistemi mediatik pas vitit 1997, me protagonistë kryesorë Metën dhe Ramën, në njërën anë, dhe një numër biznesmenësh nga më të njohurit në vend në anën tjetër. Ato nuk janë pra të lira, pasi ato janë të ndërvarura plotësisht me pushtetet, që ato normalisht, po të ishin të lira, do të duhet të kontrollonin. Mjafton të kesh parasysh se mediave, ashtu si dhe partive politike dhe bizneseve më të fuqishme, nuk u dihen burimet e të ardhurave për të nxjerrë konkluzionin se bash te kjo ndërvarësi e bashkëfajësi qëndron lidhja midis tyre. Prandaj, kur bëhet fjalë për dhunim ose favorizim të mediave, këtë duhet ta kuptojmë në kontekstin e luftës për pushtet midis dy forcave politike ekonomike, instrumente të të cilave janë edhe mediat. E në këtë luftë, ai më i forti, që zakonisht është ai që ka pushtetin qendror, fillon e dhunon tjetrin. Në këtë kontekst po zhvillohet edhe konflikti i fundit lidhur me rrahjen e Bazes. Edhe Baze vetë nuk është thjesht një gazetar. Ai është edhe një pronar, të cilit i janë prekur interesat nga pushteti politiko-ekonomik që ka në krye Berishën. Që të jemi deri në fund të vërtetë, duhet thënë se ai gëzoi disa privilegje në krye të herës, kur Berisha mori pushtetin dhe ia morën ato me forcë, kur filloi të kritikojë pushtetin. Shkaku i prishjes ende nuk është bërë i qartë as nga Baze, as nga Berisha. Kryeministri ka heshtur (vetëm tani, d.m.th., shumë vonë për një juriste, e bija e tij, ka deklaruar se prishja ka ardhur lidhur me shitblerjen e “Temës”, ku Baze, sipas saj, i ka propozuar një skemë që mbante erë pastrim parash), kurse Baze ka pretenduar se prishja është bërë për të denoncuar mosmbajtjen e premtimeve nga kryeministri për të luftuar korrupsionin. As njëri e as tjetri argument nuk janë bindës. Dyshimi se prishja është shkaktuar për pazare të prishura është shumë i fortë dhe kjo flet shumë për çka po përpiqem të shtjelloj. Edhe Baze, pra, sipas meje, nuk ka arritur të bindë për principialitetin e kritikave të tij jo vetëm pse Berishës i ka mbështetur në të kaluarën bëma shumë më të rënda, por edhe sepse një luftë principiale kundër korrupsionit nënkupton goditjen e tij 360 gradë dhe jo përqendrimin në dy-tri shënjestra dhe lënien jashtë të shumicës, e veçanërisht të sistemit që e prodhon atë. Me këtë nuk dua të them se ai ka shpifur, siç akuzohet nga kundërshtarët e tij. Këtë mund ta provojë vetëm gjykata dhe vetë jam i prirur të besoj se më shumë se shpifja, e nervozon e vërteta. Por dua të them se ka goditur në mënyrë selektive, pra se ka përdorur të njëjtat metoda për të cilat akuzohet Berisha kur i thuhet se godet mediat në mënyrë selektive. Po kështu, këtë luftë Baze nuk do të mund ta bënte kurrsesi pa pasur një prapavijë politike dhe ekonomike, sepse thjesht si gazetar i pavarur, nuk do të mund ta mbante dot gazetën “Tema” as edhe një ditë të vetme. Dua të them pra, se në thelb të këtij konflikti nuk kemi të bëjmë me luftën midis medias si “qen roje” e interesit publik në njërën anë, dhe kërcënuesve të këtij interesi, cilëtdo qofshin ata, në anën tjetër, por me luftën midis dy pushteteve: pushtetit në rritje të Berishës dhe Metës e mediave pranë tij nga njëra anë, dhe atij të Ramës dhe mediave pranë tij, që synojnë ripërmbysjen e kësaj situate në anë tjetër. Nëse mund ta çoj pak më tej metaforën me “qenin roje”, mediat tona, si të thuash, lehin për të ruajtur gardhin e pronarëve dhe politikanëve të lidhur me ta, çka do të thotë se lehin në mënyrë selektive, sepse hajdutë të tjerë i lënë ta kalojnë gardhin pa problem. Në këtë lloj lehjeje ekziston edhe një kod heshtjeje që Baze së fundi e ka shkelur. Sipas këtij kodi, gazetarët kanë akuzuar politikanët e njëri-tjetrit, por jo pronarët e njëri-tjetrit. Sipas këtij kodi, Sali Berishën, Edi Ramën e Ilir Metën mund t’i akuzosh sa të duash, por jo biznesmenët dhe veçanërisht jo pronarët e mediave që mbështesin ata. Ata duhet të jenë të lirë të kalojnë gardhin. Kështu, teatri i gjoja demokracisë sonë funksionon në rregull: të parët bëjnë lojën e demokracisë në skenë, të dytët tërheqin fijet e lidhjeve korruptive në prapaskenë. Kurse në darkë, pas rënies së perdes, të dyja palët bëjnë hesapin se sa kanë fituar nga spektatorët. Ajo çka bie në sy sot përtej elementit psikologjik të Bazes, i cili në këtë njëanshmëri është shquar edhe për përdorje të goditjeve nën bark, është se interesat e palëve në konflikt, ku janë përfshirë edhe gazetarët, po bëhen më të ashpra. Ndoshta për shkak të krizës ekonomike që ka varfëruar tryezën. Ndoshta për shkak të polarizimit të mëtejshëm të politikës shqiptare; (ekzistenca e LSI-së si një pol i tretë siguronte pak më shumë hapësira). Ndoshta për shkak se në krye të politikës kanë mbetur dy persona antropologjikisht të ngjashëm, që ëndërr finale kanë eliminimin e çdo kundërshtari. Ndoshta pse kjo është rruga e pashmangshme e një diçkaje të ngritur keq, që kështu është e dënuar të dështojë. Dikush, në këtë pikë, do të më thotë nëse është e drejtë të përdoret fjala “dështim” për këtë sistem mediatik. Pse të mos themi se kjo dialektikë ndeshjeje e interesave të kundërta edhe për pushtet mund ta çojë përpara të vërtetën edhe lirinë e shprehjes? Në shkrimin paraardhës e kam pohuar edhe vetë, por duke shtuar dyshimin e fortë, se “përvoja që kemi me akuzat e ndërsjella e të dyja palëve, që “harrojnë” përgjegjësinë e tyre, nuk na ka çuar shumë përpara”. Kam shkruar edhe për gazetari që “vret” të vërtetën nëpërmjet luftës së gjysmë të vërtetave. Për të kthjelluar këto dyshime, më erdhi në ndihmë një shkrim i gazetarit italian Marco Travaglio, ribotuar pikërisht në gazetën “Tema”, mbi gazetarët me kurriz të drejtë dhe me kurriz të lakuar. Midis të tjerash, Travaglio, duke folur për gazetarinë që i shërben njërës palë kundër palës tjetër thotë: “Është shumë më e mirë mungesa totale e informacionit, sesa një shumicë e informacioneve gjysmake ose false”. E më pas shton: “Duke bashkuar dy gjysmë të vërteta, nuk arrihet një e vërtetë. Arrihet një dopio gënjeshtër, e më keq akoma, duke bashkuar gënjeshtra të ndryshme, arrihet një gënjeshtër me fuqi të shumëfishuar”. Për mua kjo gazetari e gjysmë të vërtetave, ashtu sikurse edhe politika e gjysmë të vërtetave që pasqyron ajo, janë një alibi e fuqishme edhe për sistemin gjyqësor që akuzohet sot pse nuk vepron. Një gazetari e së vërtetës të plotë do të ndihmonte edhe një sistem gjyqësor së pavarur, që do të ndëshkonte çdo krim kundër interesit publik dhe anasjelltas, një sistem gjyqësor i pavarur do të ndihmonte një gazetari të të vërtetave të plota. Kjo historia e “gjysmë të vërtetave” ka filluar herët në mediat tona, shpejt pas lindjes së këtij sistemi mediatik që kemi sot. Një datë simbolike mund të ishte fushata e katarsisit të Nanos, i cili pati mbështetje të fortë mediatike. Rezultatet dihen: në vend të katarsisit patëm shtim të pisllëkut. Sot, pas dhjetë vjetësh, nuk di të them nëse prej asaj kohe e këtej shprehja e lirë, si nevojë për të vërtetën e plotë, ka ecur përpara apo prapa. Kur shikoj gazetarët e rinj që ka prodhuar ky sistem, që tashmë nuk merakosen fare të kenë një të vërtetë të tyren, por edhe shpinën gjithnjë e më të përkulur të të vjetërve, them me siguri që ka bërë prapa në favor të gazetarisë së gjysmë të vërtetave. Dhe një nga shkaqet, sipas meje, është se gjatë këtyre viteve ky sistem është konsoliduar në kuptimin se klasa e politikanëve, biznesmenëve dhe gazetarëve që e ka ndërtuar atë, është konsoliduar në pushtet. Me aq sa mund të flitet për konsolidim, sepse rasti “Baze” tregoi gjithashtu edhe brishtësinë dhe kalbëzimin e këtij sistemi. Dikush do të më thotë: këto i dimë, i ke thënë edhe herë të tjetra, por puna është sesi ta ndryshojmë këtë gjendje. Personalisht, para katër vjetësh e kam paraqitur një projekt, të cilin ma hodhën poshtë me fjalë dhe me heshtje, me veprime dhe mosveprime, si mazhoranca e Berishës, ashtu edhe opozita e Edi Ramës dhe mediat e tyre. Sipas meje, kjo sepse ata ishin tashmë vetë sistemi i gjysmë të vërtetave apo i dopio gënjeshtrës që unë propozoja të prishej. Në ndonjë nga shkrimet pasardhës, duke ndjekur edhe debatin që po zhvillohet, do të përpiqem t’i artikuloj disi më mirë disa prej ideve të asaj kohe, që më duket se mbeten aktuale, por edhe më të vështira për t’u realizuar sesa katër vjet më parë.</p> *********************** REPLIKA E BAZES:</p> Shqetësimet për bashkëjetesën dhe mbijetesën në media</p> Mero Baze</p> (Një replikë me kolegun Fatos Lubonja)</p> Dje, ndoshta me vonesë, kuptova se problemet, me të cilat ndeshet puna ime si gazetar dhe problemet, me të cilat ndeshet kolegu im, Fatos Lubonja, janë të ndryshme. Në shkrimin e tij të djeshëm në gazetën “Korrieri”, në një përpjekje të mundimshme për të bërë diferencën mes lirisë së shprehjes dhe lirisë së medies, Lubonjën, ndryshe nga unë, e shqetësonin dy probleme të mëdha: Problemi i parë dhe shumë i madh për të është se “cilat janë pazaret e prishura mes meje dhe Berishës”, një pyetje kjo e neveritshme prej së paku katër vjetësh, dhe problemi i dytë, i cili shfaqej gati në formë habie dhe meskiniteti, ishte se ku i gjej unë paratë, që akoma, e theksoj akoma, vazhdoj të botoj gazetën “TemA”. Në fakt, problemet që ka liria ime dhe liria e shumë kolegëve të tjerë të mi për të qenë gazetarë sot, janë të ndryshme. Ato kanë të bëjnë mbi të gjitha me përpjekjet për të thënë të vërtetat tona dhe marrjen përsipër të kostos shpesh deri fizike për të mbijetuar pas këtij akti. Shqetësimet e zotit Lubonja i ngjajnë rëndom shqetësimeve të njeriut që përpiqet të përligjë bashkëjetesën e tij me diçka që s’do ta kishte qejf ta kishte si fat, por që s’ka fuqi ta zbojë tutje, kurse unë dhe kolegët e mi të gazetës “TemA” nuk e kemi problem këtë lloj bashkëjetese, por mbijetesën, që tashmë na e kanë imponuar. Meqë për zotin Lubonja shqetësimet e mia reale nuk janë pjesë e shqetësimeve të tij, siç nuk janë dhe të një pjese tjetër të medies, për respekt të historisë së tij do t’i përgjigjem, jo për shqetësimet e mia, por për shqetësimet e tij. Shqetësimi i tij mundimshëm, nëse “unë me Sali Berishën jemi prishur për pazare”, tani, edhe pas gati katër vitesh, është banal. Zoti Lubonja ose të ngjashmit e tij në këtë makth duhet së paku të gjejnë qoftë dhe një rast, kur dikush në këtë vend është prishur me Sali Berishën, se s’ka rënë dakord për pazare me të. Edhe ata që 18 vite më parë janë ndarë me të për pazare postesh, janë rikthyer tek ai, se e kanë gjetur më në fund pazarin. Edhe ata që janë ndarë me të pas 1997-ës, se nuk kishin çfarë të vidhnin në opozitë, janë rikthyer prapë, sapo erdhi në pushtet. Edhe ata që kanë urdhëruar arrestimin madje dhe vrasjen në tentativë të tij, janë rikthyer prapë dhe tashmë kërkojnë eliminimin e opozitarit të radhës. Pra, profili i Sali Berishës, sidomos pas rikthimit në pushtet, nuk të lë asnjë dyshim se me të mund të prishesh për pazare. Për pazare me të tani mund të bëhesh mik dhe të harrosh gjithë historinë tënde me të, dhe nëse e ke pasur armiqësore, siç e kanë pasur shumë nga ata që janë në kabinetin e tij. Arsyeja tjetër, përse unë me Sali Berishën nuk jam prishur për ndonjë pazar, është dhe sjellja jonë e ndërsjellë. Është e vërtetë se unë kam bërë akuza të forta dhe ekstreme ndaj tij dhe ai po ashtu s’ka lënë gjë pa bërë për të shkatërruar biznesin dhe mbijetesën time si gazetar. Në të tilla raste, një njeri që do të ishte prishur për pazare, s’do të guxonte as të hapte gojën dhe ai tjetri as të ngrinte dorën. Nëse do të kisha qoftë dhe një moment kompromentimi me Sali Berishën, do t’i ngjaja atyre bashkëpunëtorëve fatkëqij të Sigurimit, që vetëm për operativin e tyre nuk flasin. Dhe për ta mbyllur këtë debat të pështirë, që fyen dhe Sali Berishën në fakt, do të thosha se dikush që prishet për pazare, nuk largohet nga pazari. Shembuj ka me bollëk dhe te vetë stacioni televiziv Klan, ku Lubonja angazhohet. Dhe duke e hedhur poshtë me neveri këtë meskinitet, do t’iu lutesha më mirë të debatonim përse duhet prishur miqësia me udhëheqës të tipit Sali Berisha, kur ata sundojnë, kështu siç po sundon ky. Nëse unë e kthej debatin në të kundërt dhe pyes plot kolegë të mi, përse nuk e ngrenë zërin kundër Sali Berishës, po të përdor logjikën e tyre, kam të drejtë të them, se kjo ndodh, sepse ata nuk janë prishur ende në pazare me të apo janë dorëzuar në një sistem që poshtëron profesionin tonë. Nuk e kam thënë kurrë dhe nuk do ta them kurrë këtë për askënd, dhe për ata që i shoh se turfullojë të pafuqishëm nga ky poshtërim, pasi kjo nuk është një betejë kolektive, por mbi të gjitha individuale. Duke qenë e tillë ajo nuk detyron askënd të luftojë medoemos, por natyrisht dhe askënd të fyejë ata që luftojnë medoemos. Kur në këtë betejë ka shumë individë dhe kur ata dominojnë me betejat e tyre, natyrisht një debat i tillë si ky i Lubonjës kundër meje bëhet periferik. Argumenti i Fatos Lubonjës se unë kam mbrojtur “bëma dhe gjëma” më të mëdha të Sali Berishës më parë dhe kjo është një arsye, se të dy i jemi nënshtruar një “Kodi të Heshtjes”, është po ashtu i pabazë. Unë, jo vetëm që s’kam mbrojtur asnjë bëmë të Sali Berishës në pushtet, por ndjehem keq që jam shumë i vetmuar shpesh në betejat kundër bëmave të tij. Unë kam qenë një mbështetës publik dhe gati-gati një luftëtar për të ri-ngritur figurën e Sali Berishës pas vitit 1997, kur ai ishte në opozitë dhe përfaqësonte një opozitë, e cila po dërrmohej pa mëshirë. Nuk dua të ribëj histori, pasi atë s’ka qejf ta kujtojë as Sali Berisha dhe as TV Klani, por dua të them se për mua shumë pak gjëra kanë ndryshuar në profilin tim si gazetar. Unë kam përballë të njëjtët njerëz, të njëjtat probleme dhe të njëjtat teza: Antiopozitarizmin dhe korrupsionin. Kam përballë sërish TV Klanin, që nuk është se zgjedh “politikë editoriale”, siç thotë Lubonja, por zgjedh pushtetin e korruptuar për t’i dalë zot fitimeve të veta të paligjshme. Krahasimi vulgar se TV Klan ka zgjedhur pushtetin si Top Channel opozitën, megjithëse çalon, edhe sikur të merret i mirëqenë, ka një diferencë të madhe morale, nëse nisemi nga paranoja e Lubonjës se dikush i paguan. Të zgjedhësh opozitën, e ke të sigurt, se së paku nuk ke zgjedhur pagesën, s’ke zgjedhur tenderët, s’ke zgjedhur pushtimin e tokave të të tjerëve, s’ke zgjedhur zaptimin e Kinostudios, dhe as reklamat qeveritare me shumicë. Asnjë paralele nuk mund të bëhet mes këtyre dy fateve. Kjo më shfajëson dhe mua për atë pse kam mbrojtur Sali Berishën në opozitë për tetë vite, pasi në atë kohë gazeta ime dhe unë sërish ishim pa pará, me mundësi ekstreme mbijetese dhe me një pushtet arbitrar, që stimulonte izolimin dhe ekstremizimin e qëndrimeve. Ato “bëma dhe gjëma” që unë ia kam justifikuar Sali Berishës për tetë vite në liri, janë thjesht betejat e tij për të mbrojtur opozitën, për të protestuar ndaj vjedhjes së votave, dhe natyrisht, për të mundur një sistem kleptokrat. E vetmja gjëmë që nuk i mbuloj dot Sali Berishës është se tashmë është aleat me ata që mundi më 3 korrik të 2005 dhe unë jam sërish përballë gjithë tyre, tashmë dhe Sali Berishës. Shqetësimi tjetër madhor i Fatos Lubonjës, i përsëritur dhe më parë, është burimi financiar i gazetës “TemA”. Dua t’i kujtoj Fatos Lubonjës, se prej 11 muajsh shtypshkronja dhe investimet e tjera të gazetës “TemA”, të cilat shkonin deri në 500 mijë euro, janë bllokuar me dhunë dhe janë shkatërruar prej qeverisë. Deri atëherë gazeta mbahej me biznesin e shtypshkronjës së saj në mënyrë modeste dhe mund të mbijetonte. Prej 11 muajsh ajo është në rrugë prej Sali Berishës, dhe thuajse ka kaluar çdo limit mbijetese. Ekipi është shkurtuar tri herë dhe tashmë ajo është më shumë një neësletter editoriale sesa një gazetë e mirëfilltë dhe e plotë pikërisht për shkak të problemeve financiare. Unë vetë punoj aty vullnetarisht dhe paguaj prej pagës sime në një medie tjetër rrogat modeste të disa gazetarëve që bëjnë të mundur botimin e saj. Në këtë gjendje skeletike që e ka katandisur qëndrimi politik i Sali Berishës ndaj medies kritike, ajo ka një buxhet aq modest, sa do turpëronte çdokënd që do ishte përgjegjës i atij projekti. Për këtë unë jam gati që nesër t’u lë me orë të tëra, nëse keni kohë, të bisedoni me financieren e gazetës dhe po deshët dhe ta administroni atë vetë për të parë nga vijnë paratë dhe sa duhen për të mbijetuar. Ajo që më shqetëson në këtë rast, është meskiniteti i tepruar, që të punosh në një medie si TV Klani, ku miliona euro shkojnë në mënyrë të paligjshme nga arka e qeverisë në xhepat e pandershëm të një botuesi të korruptuar dhe të mos të të zërë gjumi, përse nuk mbyllet një “neësletter” si gazeta “TemA”, e cila i prish gjumin qeverisë. Jo, i dashur Fatos. Në këtë gjendje që e ka çuar qeveria gazetën “TemA”, ajo nuk mbyllet më. Ajo që mua më duket e tepërt, është se në gjithë këtë lukuni mediesh, që rrojnë, herë duke iu servilosur Ilir Metës me Edi Ramën, kur ishin bashkë në pushtet, dhe tani Ilir Metës me Sali Berishën, çuditem se si shqetësim përbën fakti se, “si ka mundësi që nuk mbyllet kjo gazeta “TemA”. Kjo është një pyetje torturuese për zotin Berisha, i dashur Fatos, dhe ty nuk të ka hije. Lëre atë t’ia bëjë vetes dhe miqve të vet këtë pyetje dhe kur të humbasin qetësinë, siç e kanë humbur shpesh këtë vit, të nisin jeniçerët e tyre të djegin makina, të rrethojnë redaksitë dhe të mbrojnë ditën banditët, që nisin për të linçuar gazetarë natën. Mos e lejo veten të vuash nga të njëjtat makthe që vuan dhe Sali Berisha për ditën kur do mbyllet kjo gazetë. Realisht nuk ke asgjë të përbashkët me të, dhe këtë gjë e them dhe e besoj. Beteja jote e respektuar kundër Edi Ramës në fillim të viteve 2000 nuk u paragjykua kurrë nga askush, as si prishje pazaresh dhe as si financim i dikujt tjetër. Është e tepërt të vulgarizosh betejën tonë për mbijetesë me paranoja që ne nuk i kemi pasur sinqerisht për ty. Ne e dimë se nuk jemi duke bërë një gazetari normale, pasi kjo s’mund të bëhet kurrë në një mjedis anormal, jo-konkurrent, dhe të korruptuar prej pushtetit. Ne e dimë se nuk jemi engjëj në betejën tonë, pasi përballë kemi djajtë. Por jemi në luftë për mbijetesën tonë dhe si çdo luftë që nuk është mbyllur kurrë, pse ka munguar fisheku i fundit, dhe beteja e kësaj gazete me qeverinë nuk ka për t’u mbyllur kurrë për 30 lekëshin e fundit të një lexuesi, që ngrihet çdo mëngjes për ta blerë, qoftë dhe për ato pak faqe që i kanë mbetur, me një foto policësh në krye të çdo faqeje. Lëre Berishën ta përjetojë këtë makth, se ai e meriton. Ti ke bërë plot beteja për lirinë dhe pavarësisht zhgënjimit, s’ke pse zhgënjen dhe të tjerët. Na lër të zhgënjehemi vetë.(Shekulli)</p> Ky artikull eshte marre nga: http://www.albaniasite.net/?p=26487. Per me shume artikuj te ngjashem vizitoni: http://www.albaniasite.net/?p=26487

David Tukiçi: Jeta është ëndërr Kompozitori në një intervistë për muzikën e koncertit të sotëm në AA, për shkëputjen nga muzika e lehtë, nivelet e zhvillimit të sotëm, krjimin e tij të parë operistik “La vitta è sogno”, TOB më 2010-n dhe… për vetminë</p> Sonte, ora 19.00, në Akademinë e Arteve, Orkestra e Radiotelevizionit Shqiptar luan “Koncertin e Tukiçëve”. Pianisti Genc Tukiçi interpreton pjesët “Lahuta tregon”, “Koncert për piano dhe orkestër nr. 2″ dhe “Suitë shqiptare për orkestër simfonike”, krijime shqiptare kompozuar nga David Tukiçi dhe krijimin e tij “Variacione për piano solo mbi Bach-O sole mio”. Koncerti dirigjohet nga Dominique Routis. Një ditë përpara koncertit e takuam kompozitorin David Tukiçi në Radio -Televizion, me të cilin ai ka një histori të gjatë. Një histori që nis që nga dalja e tij e parë në Festivalin e dhjetorit me këngën “Globi rrotullohet” (14 vjeç), vijon me duetin me Nertila Kokën në këngën “Sagapo, të dua” (Festivali i 90-tës) e me një sërë kompozimesh “Dy gëzime në një ditë”, këngë me të cilën Nertila Koka fitoi çmimin e parë në festivalin e 25 të Këngës (1986), “Mirësevjen ditë e re” kënduar nga Afërdita Laçi, ose “Të jesh artist” e Lindita Theodhorit. Këto i kishte ende të freskëta në mendje kompozitori në bisedën e djeshme, e cila, më saktë, ishte një udhëtim i këndshëm nga Radioja për tek aeroporti “Nënë Tereza”, ku Tukiçi priste të motrën. Një bisedë e ngrohtë jo vetëm për faktin se dëgjon një kompozitor të tregojë për krijimet, historitë e festivaleve, ikjet dhe ardhjet, jetën e tij, po edhe se ke përpara një bashkëbisedues që flet hapur, tregon bukur, është i vëmendshëm, pa harruar edhe gjuhën e veçantë, në të cilën herë ngre krye theksi francez e herë dialekti shkodran (origjina e tij). Në këtë bisedë për muzikën, Tukiçi tregon për krijimet muzikore që sjell në koncert sonte, ato që kanë bërë shkëputjen me muzikën e lehtë, në çfarë nivelesh zhvillohet ajo sot dhe si duhet ruajtur kjo pasuri në arkivat e RTSH-së. Ai nuk është në Tiranë vetëm për koncertin. Ka paraqitur në Teatrin e Operës, krijimin e tij të parë operistik “La vitta è sogno” (Jeta është ëndërr), një vepër lirike që ai e ka kompozuar mbi dramën e Pedro Calderon de la Baca, dramaturg spanjoll. “Për këtë vepër i kërkova libretistit italian Giacomo Carbone që ta kthejë në vargje. Është një operë legjendë me tri akte, për të cilën punova tre vjet. Në skenën shqiptare mendohet të vijë në prill të 2010-s”, – tha kompozitori. David Tukiçi ka studiuar në Akademinë e Arteve piano dhe kompozicion. Në vitin 1992 u largua nga Shqipëria për në Itali ku studioi 2 vjet kompozicion. Vazhdoi studimet në Paris, në Akademinë “École Normale du Paris” ku u diplomua për kompozicion dhe dirigjim. Jeton vetëm në Catanzaro të Italisë, por sipas kompozitorit “asnjëherë një artist nuk është vetëm. Unë jetoj me tingujt, më shoqërojnë gjatë gjithë kohës edhe kur fle”.</p> Kur i keni shkruar veprat e koncertit të sotëm? I kam shkruar vite përpara. Kur i dëgjoj, më duket sikur i kam shkruar dje. Kjo tregon se janë vepra që i kanë rezistuar kohës. “Lahuta tregon” e kam shkruar në vitin 2002, është një skicë simfonike, një vepër e krijuar për lahutën, këtë instrument epik të popullit tonë që është karakteristik në Malësi. Edhe unë jam pak malësor sepse nëna ime është nga Lohja e Malësisë së Shkodrës. Në vitet 2000, Shqipëria jetonte ngjarjet e Kosovës, ngjarjet që ndodhnin në mbarë territoret shqiptare. Unë jam frymëzuar nga këto ngjarje dhe mendoj se gjëja më e mirë është t’i tregoja me një instrument si Lahuta. “Koncerti për piano dhe orkestër nr. 2″ (2000) është shkruar vite përpara, por unë jam i kënaqur kur e dëgjoj edhe sot. Më duket sikur është një vepër aktuale. “Suita Albanese” (1995) është një shkrirje e dy – tre krijimeve dhe prezantohet sot për herë të parë. Gjithashtu edhe “Lahuta tregon” dhe improvizimi i Gencit, vëllait, luhet për herë të parë sonte. </p> Këto vepra e bënë shkëputjen me muzikën e lehtë? Karriera ime ka filluar si këngëtar i muzikës së lehtë. Në vitet ‘70, kur isha 14 vjeç, kam kënduar këngën “Globi rrotullohet” me të cilën më njohin të gjithë, kompozim i Nikolla Zoraqit. Është një gjë e mrekullueshme kur policët e aeroportit më thonë: “David mirëserdhe, globi rrotullohet”. Kënga që ndiej unë se i duan njerëzit janë “Sagapo të dua” që e kam kënduar me Nertila Kokën. Ose krijimet “Dy gëzime në një ditë”, “Të jesh artist” kënduar nga Lindita Theodhori dhe “Mirësevjen ditë e re” e Afërdita Laçit. Të gjitha këto këngë janë shkruar përpara vitit ‘92, pasi pas këtij viti unë u largova për në Itali dhe tani jetoj në Catanzaro (Itali). Për mendimin tim, muzika e lehtë është një gazetë e ditës, ajo jep ngjarjet që ndodhin çdo ditë. Edhe kënga e muzikës së lehtë jeton me atë moment që jeton vendi. Kompozitori që shkruan atë këngë, sjell në mënyrë artistike emocionet e një dite, a ngjarjes së një viti. Kurse, muzika simfonike të jep më shumë hapësirë. Ti mund të tregosh diçka më shumë, më thellë. Për shembull, tek “Suita Albanese” unë përshkruaj Shqipërinë në vitet pas ‘92-shit, çfarë është bërë. Kur vjen tani nuk e njeh më Shqipërinë. Ja tani, në këtë udhëtim që po bëjmë bashkë, shoh që kanë ndryshuar shumë gjëra, rrugët, aeroporti, gjithçka është transformuar.</p> Kjo është edhe arsyeja pse filluat të krijonit muzikë klasike? Me intuitë e kuptova që kam një mashë më shumë sesa ata që shkruajnë vetëm këngët, pra mund të bëja edhe muzikën shqiptare të kultivuar. Mund të shkruaja muzikë simfonike, apo muzikë operistike, gjë që vlerësohet më shumë. Tashmë kënga e muzikës së lehtë është siç ka qenë folklori dikur. Tashmë këngën e lehtë e shkruan kushdo dhe mjaft të kesh një kitarë dhe bën këngë shumë të bukura, por për një opera, apo simfoni, nuk mjafton kitara. Gjithashtu, më kanë ndihmuar shumë studimet që kam bërë. Për fatin tim, kam hedhur një bazë të mirë me shkollën shqiptare dhe kam mbaruar me një profesor të madh, Çesk Zadenë, i cili vetë kishte studiuar në Moskë, shkollën më të fortë në botë në muzikë, në shkollën ruse. Vetë ai ka studiuar me një nga kompozitorët më të mëdhenj në botë, Dimitri Shostakoviç. Nëse do të bëja një lidhje të tillë, them se kam pasur fatin “të jem nip” i Shostakoviçit, se babai im në muzikë është Çesk Zadeja. Në krahun tjetër, pata fatin që studiova në Francë me Mishel Merlenë.</p> Ç’mendoni për muzikën e sotme shqiptare? Në Shqipëri, krahas ndërtimeve, krahas hapjeve të rrugëve, edhe muzika, edhe gjithçka është transformuar. Radiotelevizionin shqiptar unë e gjej më mirë se ç’ka qenë dhe e drejton një njeri që e do shumë muzikën. Në momente të vështira, Petrit Beci është kapacitet për mendimin tim sepse ai e ka shpëtuar këtë orkestër. Orkestra Simfonike e RTSH-së ka avancuar shumë. Unë vij pas shumë kohësh, kam punuar në Radiotelevizion dhe i njoh instrumentistët. Ka instrumentistë shumë të mirë brenda saj dhe në përgjithësi është një kompleks kompakt. Për sa i përket muzikës, them që emërtimi “Muzika e Re Shqiptare” nuk është shumë i saktë, nuk ekziston muzikë e re apo e vjetër. Muzika është ose e bukur ose e shëmtuar, ky është një problem estetik. Nëse do të mendonim se ka një muzikë të re, atëherë nuk do të donim të dëgjonim Bahun, Bethovenin dhe të gjithë ata që konsiderohen të vjetër.</p> Po muzika e lehtë? Para dy vitesh unë kam qenë në jurinë e Festivalit të 46-të të Këngës. Mbaj mend që Edmond Zhulali ka qenë në konkurrencë me Adrian Hilën. Zhulali kishte kompozuar këngën “Jeta kërkon dashuri” e Flaka Krelanit dhe Doruntina Dishës, kurse Adrian Hila kishte “Zemrën e lamë peng” me të cilën këngëtarja e re Olta Boka shkoi edhe në festivalin Evropian. Mbaj mend që ne muzikantët e jurisë, ishim për këngën e Edmond Zhulalit sepse ishte një këngë me të vërtetë shqiptare. Në juri u bënë disa kompromise për të cilat ne na erdhi keq. Kur fton një muzikant në juri duhet ta dëgjosh fjalën e tij, sepse ne nuk mendojmë kush e ka bërë këngën. Mua më intereson vetëm kënga që do të përfaqësojë Shqipërinë. Për mua ajo shkon në Festivalin Evropian, nuk shkon vetëm një kompozitor. Ne ishim të gjithë unanim për atë fakt, por ja që në juri bënin pjesë edhe jomuzikantë. Aty duhet të jenë njerëz kompetentë që të çojnë këngën më të bukur nëpër festivale. Sot kënga është transformuar shumë, nga vitet që kam shkruar unë. Tani kemi të gjitha rrymat rock, rap, të gjitha rrymat që bëhen në botë, pasqyrohen edhe në muzikën shqiptare. Kompozitorët shqiptarë janë të lirë të shkruajnë atë që mendojnë, kurse ne ishim të detyruar të ishim “brenda rregullave”. Kurse, për sa i përket cilësisë, unë do të jepja një këshillë, ose mendim. Për mua, gjithmonë kënga duhet të ngelet këngë, tjetër është një këngë e kërcyer dhe tjetër është një këngë e kënduar. Duhet të jetë një këngë që këngëtari të arrijë ta këndojë, jo të jetë e pamundur. Në atë festival që isha unë, ndjeva një tendencë për të bërtitur. Duhet të ketë një vijë melodike që emocioni të mos shprehet me të bërtitur.</p> Çfarë mendimi keni për pasurinë muzikore që ka Radiotelevizioni Shqiptar, si duhet të ripërtërihet ajo, për të mos u fshirë nga harresa? Më parë ka ekzistuar një festival i ri-interpretimeve të këngëve. Mendoj se si ai festival të ketë edhe të tjerë sot, në mënyrë që këngët të rinovohen me këngëtarë të rinj.(Shekulli)</p> Ky artikull eshte marre nga: http://www.albaniasite.net/?p=26490. Per me shume artikuj te ngjashem vizitoni: http://www.albaniasite.net/?p=26490

Marrëveshja për ujërat, e pajustifikueshme Marash Malaj, ish-pedagog i “Skënderbej” dhe në komandën e forcave detare</p> “Marrëveshja e publikuar për ndryshimin e kufirit ujor me Greqinë është falje e territorit dhe kjo është e pajustifikueshme. Qeveritë shkojnë e vijnë, ndërrohen , por hapësira tokësore e ujore e vendit nuk ndryshon dhe është e shenjtë. Kjo nuk është e drejtë pasi askush nuk mund të ndryshojë kufijtë sipas dëshirës apo për asnjë arsye tjetër. Ka konventa ndërkombëtare që i kanë të përcaktuar kufijtë , edhe ato ujorë dhe nuk mund të ndryshohen”. Kështu shprehet për gazetën “Shekulli” koloneli në rezervë Marash Malaj , i cili ka shërbyer për vite të tëra në forcat e armatosura të Republikës së Shqipërisë, ku për 11 vjet ka shërbyer edhe në komandën e forcave detare , ndërsa ka qenë dhe pedagog për shumë vite në akademinë ushtarake “Skënderbej”. Marash Malaj, i cili aktualisht drejton dhe shoqatën e ushtarakëve në rezervë në Shkodër tregon se për kufijtë ujorë, ashtu si dhe për ato tokësorë ka harta të sakta , me koordinatat përkatëse, harta ajrore që përcaktojnë definitivisht vijën kufitare mes shteteve. Dhënia e një pjese të territorit të një shteti , një shteti tjetër , qoftë ai tokësor apo ujor është e palejueshme edhe ligjërisht .” Në zonën e Shkodrës ka kufi ujor, detar dhe liqenor me Malin e Zi. Janë 12 milje kufi detar i Shqipërisë me Malin e Zi , (ku matja bëhet jo nga kepet apo gjiret bregdetare ) dhe nuk ka pasur ndonjë rast të zënies së hapësirës ujore të njëri – tjetrit. Ka pasur ndonjë raste shkelje të kufirit ujor nga anije, peshkarexha apo ndonjë motorbarkë, por këto kanë ardhur si pasojë e humbjes së orientimit në det apo stuhive dhe asnjëherë nuk janë quajtur incidente. Një rast i tillë ka qenë në vitin 1965, ku një motorbarkë italiane, si skaf, hyri në hapësirën tonë detare në zonën veriore, por kjo ndodhi aksidentalisht pasi ato kishin humbur në det dhe kërkuan ndihmë që ia dha nga ne . I vetmi incident ka qenë ai i vrasjes së Fran Ivanajt, i cili u vra në pjesën tonë ujore, por nuk ka pasur ndryshim kufijsh asnjëherë. Në pjesën e liqenit të Shkodrës, i cili është i përbashkët për dy vendet ka probleme që lidhen me mospranimin e shenjave të kufirit ujor mes dy vendeve, që quhen Bova dhe kjo sjell që peshkatarët e dy vendeve të lëvizin në liqen pa pasur kudo kufi ndarës , por kjo nuk ka sjellë asnjëherë problem, pasi liqeni patrullohet me polici kufitare të përbashkët të dy vendeve” tregon Marash Malaj. Sipas tij, çdo shqiptar që e ndjen veten të tillë , nuk mund të pranojë ti falet pjesë kufiri një vendi tjetër . Kufijtë janë të përcaktuar dhe të paprekshëm . “Dëgjojmë raste kur për çështje shumë më të vogla për nga rëndësia , siç janë kufijtë e tokave në pronësi individuale , ndodhin incidente të rënda deri në vrasje, ndërsa kur flitet për kufij të një vendi , çështja është shumë e rëndësishme dhe askush, kushdo qoftë ai nuk duhet e nuk mund të luajë me to”,- thotë Malaj.(Shekulli)</p> Ky artikull eshte marre nga: http://www.albaniasite.net/?p=26478. Per me shume artikuj te ngjashem vizitoni: http://www.albaniasite.net/?p=26478

Marrëveshja për ujërat, e pajustifikueshme Marash Malaj, ish-pedagog i “Skënderbej” dhe në komandën e forcave detare</p> “Marrëveshja e publikuar për ndryshimin e kufirit ujor me Greqinë është falje e territorit dhe kjo është e pajustifikueshme. Qeveritë shkojnë e vijnë, ndërrohen , por hapësira tokësore e ujore e vendit nuk ndryshon dhe është e shenjtë. Kjo nuk është e drejtë pasi askush nuk mund të ndryshojë kufijtë sipas dëshirës apo për asnjë arsye tjetër. Ka konventa ndërkombëtare që i kanë të përcaktuar kufijtë , edhe ato ujorë dhe nuk mund të ndryshohen”. Kështu shprehet për gazetën “Shekulli” koloneli në rezervë Marash Malaj , i cili ka shërbyer për vite të tëra në forcat e armatosura të Republikës së Shqipërisë, ku për 11 vjet ka shërbyer edhe në komandën e forcave detare , ndërsa ka qenë dhe pedagog për shumë vite në akademinë ushtarake “Skënderbej”. Marash Malaj, i cili aktualisht drejton dhe shoqatën e ushtarakëve në rezervë në Shkodër tregon se për kufijtë ujorë, ashtu si dhe për ato tokësorë ka harta të sakta , me koordinatat përkatëse, harta ajrore që përcaktojnë definitivisht vijën kufitare mes shteteve. Dhënia e një pjese të territorit të një shteti , një shteti tjetër , qoftë ai tokësor apo ujor është e palejueshme edhe ligjërisht .” Në zonën e Shkodrës ka kufi ujor, detar dhe liqenor me Malin e Zi. Janë 12 milje kufi detar i Shqipërisë me Malin e Zi , (ku matja bëhet jo nga kepet apo gjiret bregdetare ) dhe nuk ka pasur ndonjë rast të zënies së hapësirës ujore të njëri – tjetrit. Ka pasur ndonjë raste shkelje të kufirit ujor nga anije, peshkarexha apo ndonjë motorbarkë, por këto kanë ardhur si pasojë e humbjes së orientimit në det apo stuhive dhe asnjëherë nuk janë quajtur incidente. Një rast i tillë ka qenë në vitin 1965, ku një motorbarkë italiane, si skaf, hyri në hapësirën tonë detare në zonën veriore, por kjo ndodhi aksidentalisht pasi ato kishin humbur në det dhe kërkuan ndihmë që ia dha nga ne . I vetmi incident ka qenë ai i vrasjes së Fran Ivanajt, i cili u vra në pjesën tonë ujore, por nuk ka pasur ndryshim kufijsh asnjëherë. Në pjesën e liqenit të Shkodrës, i cili është i përbashkët për dy vendet ka probleme që lidhen me mospranimin e shenjave të kufirit ujor mes dy vendeve, që quhen Bova dhe kjo sjell që peshkatarët e dy vendeve të lëvizin në liqen pa pasur kudo kufi ndarës , por kjo nuk ka sjellë asnjëherë problem, pasi liqeni patrullohet me polici kufitare të përbashkët të dy vendeve” tregon Marash Malaj. Sipas tij, çdo shqiptar që e ndjen veten të tillë , nuk mund të pranojë ti falet pjesë kufiri një vendi tjetër . Kufijtë janë të përcaktuar dhe të paprekshëm . “Dëgjojmë raste kur për çështje shumë më të vogla për nga rëndësia , siç janë kufijtë e tokave në pronësi individuale , ndodhin incidente të rënda deri në vrasje, ndërsa kur flitet për kufij të një vendi , çështja është shumë e rëndësishme dhe askush, kushdo qoftë ai nuk duhet e nuk mund të luajë me to”,- thotë Malaj.(Shekulli)</p> Ky artikull eshte marre nga: http://www.albaniasite.net/?p=26478. Per me shume artikuj te ngjashem vizitoni: http://www.albaniasite.net/?p=26478

Gatuzo pritet në Tiranë për makinën e vjedhur në vitin 2006 Vizita e fundit e mesfushorit në Shqipëri ishte gjatë miqësores mes Milanit dhe Shqipërinë, qe u zhvillua në maj të këtij viti. Por s’e kishte menduar se mund te kthehej per nje makine te vjedhur/ Xhenaro Gatuzo, pritet të vijë në Shqipëri për të marrë automjetin e tij, të deklaruar të vjedhur që në 2006. Makina e futbollistit lëvizte në Shqipëri me targa Tirane pa mundur ti kthehet të zotit. Burime të policisë thanë se ky automjet do të mbahet edhe për ca ditë për të kryer procedurat për tju kthyer më pas futbollistit italian. Kjo ne foto është makina tip Range Rover, me targa CW542YG, e grabitur në Milano më 2 tetor të 2006-ës. Policia nuk të le as ta prekësh dhe as ta filmosh. Poseduesi prej disa kohësh i mjetit kishte siguruar targa të reja te Tiranes duke qarkulluar lirshëm për mëse dy vjet në Shqipëri. Lajmi ka bërë bujë edhe në mediat italiane. Vizita e fundit e Gatuzos në Shqipëri gjatë ndeshjes miqësore mes Milanit dhe Shqipërinë u zhvillua në maj të këtij viti, por ylli italian i botës së futbollit nuk e kishte imagjinuar se disa muaj më vonë do të gjente në këtë vend makinen e tij. Ishte Ministria e Transportit, e cila vetëm pasi hodhi të dhënat online të shasive mbi automjetet në qarkullim, arriti të mësonte se ky automjet i përket futbollistit italian. Gatuzo nuk është i pari dhe as i fundit që preket nga sindroma e humbjes së automjetit. Më parë edhe makina e yllit anglez, Dejvid Bekam, u kap gjatë kalimit të kufirit mes Shqipërise e Maqedonisë. Sot trupa të policisë kanë nisur një operacion për sekuestrimin e makinave luksoze, të cilat qarkullojnë pa dokumentacionin e duhur. Ishte Ministria e Transportit, e cila vetëm pasi hodhi të dhënat online të shasive mbi automjetet në qarkullim, arriti të mësonte se ky automjet i përket futbollistit italian./TvKlan/</p> Ky artikull eshte marre nga: http://www.albaniasite.net/?p=26474. Per me shume artikuj te ngjashem vizitoni: http://www.albaniasite.net/?p=26474

E rrallë, burri që nuk i lejohet te qeshe kurrë 52-vjeçari vuan nga një sëmundje e rrallë të quajtur katapleksi që nuk e lejon të qeshë kurrë përndryshe pëson kriza të rënda. E qeshura të zgjat jetën por Majk Hallouell nga Britania e Madhe ajo ia bën më të vështirë. 52-vjeçari vuan nga një sëmundje e rrallë të quajtur katapleksi që nuk e lejon të qeshë kurrë përndryshe pëson kriza të rënda. Gjithçka nisi 6 vjet më parë kur Hallouell shkoi te dentisti dhe pësoi krizën e parë. Që atëherë, kur i nënshtrohet emocioneve të forta si psh një e qeshur apo frikë e papritur, muskujt e tij tkurren dhe ai bie menjëherë në tokë. Mjekët nuk i kanë dhënë asnjë shpresë për kurim, por Hallouell ka një tjetër sëmundje, narkolepsi. Atë e zë gjumi 7 deri në 8 herë në ditë. /theSun/</p> Ky artikull eshte marre nga: http://www.albaniasite.net/?p=26465. Per me shume artikuj te ngjashem vizitoni: http://www.albaniasite.net/?p=26465

E shoqja e qorton se pi, burri ngul nje gozhde ne koke Per fatin e tij, gozhda nuk preku as trurin dhe as organet e tjera jetesore. Keshtu qe burri shpetoi pasi u dergua ne spital. Te shoqes nuk i pelqenin dehjet e tij te shpeshta, prandaj sa here qe dilte te pinte me miqte, kur te kthehej ne shtepi, ai duhej te perballej me qortimet e bashkeshortes. Keshtu, nje dite, kur u kthye ne shtepi, perpara kritikave te panumerta, kerkoi te vrase veten, duke ngulur nje gozhe ne koke. Gjithcka ndodhi ne jugun e Kines, ku Lin Ma, 66 vjec, i martuar me Sune, 60 vjec, u kthye ne shtepi i dehur nga nje feste. Duke e pare ne nje gjendje teper te deshperuar, gruaja u irritua shume dhe nisi ti bertase sic bejne shume gra me burrat e tyre. Lin, megjithate nuk mund te duronte dhe keshtu qe mori nje gozhde te gjate 20 centimetra dhe e nguli ne koke. Per fat, gozhda nuk preku as trurin dhe as organet e tjera jetesore. Keshtu qe burri shpetoi pasi u dergua ne spital. Mendoja se nuk ia vlente me te jetoja, prandaj kerkova ti jap fund ka deklaruar burri -. U zgjova me nje dhembje te keqe koke, me te keqe se heret kur isha dehur. /theSun/</p> Ky artikull eshte marre nga: http://www.albaniasite.net/?p=26468. Per me shume artikuj te ngjashem vizitoni: http://www.albaniasite.net/?p=26468

Obama, ne krye te njerezve te pushtetshem sipas Forbes Lideret boteror dhe ata te industrise udheheqin renditjen e 10 te pareve, qe bazohet ne nje numer personash qe me nje fare personaliteti mund te ndikojne edhe pertej sferes se vet te ndikimit. Presidenti amerikan Barack Obama mund ti shtoje nje mirenjohje tjeter listes se gjate te vleresimeve. Tashme, ai figuron si njeriu me potent ne bote, ne nje renditje te revistes Forbes. Obama, popullariteti i te cilit ne atdhe dhe jashte tij duket se ka rigjalleruar imazhin e SHBA, udheheq nje liste njerezish me influence ne bote, aty ku shfaqen edhe kreu i Al Kaedes, Bin Laden (vendi i 37-te) dhe drejtuesja amerikane e talk show Oprah Winfrey (e 45-a). Ne perpilimin e kesaj renditjeje te pazakonte, Forbes ka deklaruar se ka ngushtuar zjedhjen ne 67 persona, pasi eshte nje numer i bazuar ne konceptin qe mund te reduktoje nje populate prej 6.7 miliard banoresh ne ata qe kane rendesi nder 100 milione njerez. Objektivi qe i kemi vene vetes ne stilimin e kesaj renditjeje eshte te zbulojme fuqine me shume sesa te bejme homazh. Por edhe te tregojme me kalimin e kohes sesa e lehte eshte te humbesh dhe sa e veshtire eshte te perfitosh, thote revista. Lideret boteror dhe ata te industrise udheheqin renditjen e 10 te pareve, qe sipas Forbes bazohet ne nje numer personash qe me personalitet mund te ndikojne edhe pertej sferes se vet te ndikimit, pa harruar edhe kontrollin qe kane te risite financiare dhe mbi aktivitetin e ushtruar nga pushteti i tyre. Ja se cilat jane dhjete vendet e para: 1. Barack Obama (president i SHBA) 2. Hu Jintao (president i Kines) 3. Vladimir Putin (kryeministri rus) 4. Ben Bernanke (drejtor i Federal Reserve) 5. Sergey Brin e Larry Page (themelues te Google) 6. Carlos Slim (administrator i meksikanes Telmex) 7. Rupert Murdoh (president i News Corp) 8. Michael T. Duke (Administrator i dyqaneve Wal-Mart) 9. Abdullah bin Abdul Aziz (mbret i Arabise Saudite) 10. Bill Gates (themelues i Microsoft dhe bashkedrejtues i Bill & Melinda Gates Foundation) /reuters/</p> Ky artikull eshte marre nga: http://www.albaniasite.net/?p=26471. Per me shume artikuj te ngjashem vizitoni: http://www.albaniasite.net/?p=26471