Tema e ditës

Fati i Kosoves & terroristet shqipetaro-maqedonas Si mendoni se do influencoje arrestimi i shqipetareve maqedonas ne kete kohe kritike kur po vendoset fati i Kosoves? Mendoni se eshte bere me qellim? Tre nga shqiptarët e arrestuar në SHBA nga FBI kanë lindur në Maqedoni http://lajme.shqiperia.com/index.php?page=shownews&newsID=36600 Tre nga shqiptarët e arrestuar në SHBA nën akuzën se janë pjesë e grupit terrorist kanë lindur në Maqedoni. Keshtu ben te ditur agjencia e lajmeve Makfaks e cila I referohet nje burimi anonim ne Ministrine e Brendshme maqedonase. Bëhet fjalë për vëllezërit Duka të cilët kanë lindur në Ohër dhe Dibër, e që jetonin në fshatin Spas (Shpëtimi) të Arrestimi I tyre eshte bere pasi, ne baze te disa provave dhe xhirimeve ne videokaseta DVD, eshte zbuluar se ishin duke pergatitur nje sulm te armatosur kunder bazes ushtarake te Fort Dix, ne Nju Xhersi ku eshte sterviten ushtaret qe nisen per ne Irak. Aktpadia prej 27 faqesh e paraqitur në Gjykatën Federale të qytetit Camden të Nju Xhersit përshkruan aktivitetin e këtyre 6 personave në përpjekje për të vrarë qindra ushtarë amerikanë rezervistë në bazën Ft Dix para se ata të niseshin për në Afganistan e Irak. Personat e arrestuar jane: Janë arrestuar Shain Duka (1981), Diton Duka (1978) me nofkat "Distan", "Entoni" apo "Toni" dhe Elvir Duka (1983) me nofkat "Elvis" dhe "Sulejman", si dhe Agron Abdullahu, për të cilin supozohet se është nga Kosova, meqë ishte "snajperist në Kosovë". Vëllezërit Duka jetonin në Çeri Hil në Nju-Jork. Ata janë shpërngulur në SHBA në mënyrë ilegale para disa viteve, ndërsa kanë punuar në një kompani për vendosje dhe rikonstruim të kulmeve. Autoritetet amerikane pohojnë se kundër të gjithë të dyshuarve kanë dëshmi të forta se një periudhë të gjatë kanë përgatitur sulm mbi kompleksin ushtarak Fort Diks, si dhe mbi bazën e afërt detare. Shqiptari i katërt jetonte në Buena Vista, po ashtu në Nju-Jork dhe punonte në një supermarket. Edhe ai në mënyrë ilegale është shpërngulur në SHBA. Ai ngarkohet vetëm për posedim ilegal të armëve, ndërsa i vetmi shtetas i SHBA-ve është jordanezi, i cili konsiderohet të jetë lider i grupit.

Janollatos, pergjigju 16 pyetjeve...ASIMILIM HELEN??? At Nikolla Marku(Elbasan): Janullatos, betohu para Zotit dhe përgjigju për 16 pyetjet e mia At Nikolla Marku, kreu i Kishës Orthodokse Autoqefale Kombëtare Shqiptare, “Shën-Maria”, me qendër në Elbasan, ka folur sërish për gazetën “SOT”, lidhur me problematikën dhe përpjekjet e tij qysh prej 13 vitesh, për të arritur shkëputjen dhe indipendencën e Kishës Orthodokse Shqiptare, nga ndikimi grek, i përfaqësuar nga Hirësia e tij Janullatosi. Z. At-Marku, prej vitesh njiheni si “luftëtari” i vetëm në përpjekjet për shkëputjen e ndikimit helen ndaj autonomisë së Kishës Autoqefale Shqiptare, cili është motivi? A ka motiv më të bukur dhe më të besueshëm para besimtarëve dhe para Zotit, kur e di përse punon dhe lufton, për çështjen kombëtare, për interesat dhe virtytet shqipëtare, duke i çliruar ato nga rreziku i përhershëm grek. Por unë në vazhdim dua t’i kërkoj Janullatosit përgjigjet e 16 pyetjeve të cilave ai vetëm i shmanget. 1- Ç’na kujton viti 1908, kur në Boston Kisha greke refuzon të varrosë një djalë shqiptar 25 vjeç, a thua nuk ishte ky bir i Zotit, ky refuzim u bë sepse kishte zëra dhe ishin hedhur alternativat për të ndërtuar Kishën e parë Shqiptare siç është ajo e Shën-Gjergjit ne Boston? 2- Kush i dha urdhër kishës Siriane të Bostonit për të mos e varrosur djaloshin shqiptar? 3-Ç’mund të na thoni z. Janullatos, mbi ekzistencën e statutit të Kishës Orthodokse Shqiptare, të hartuar në Korçë në vitin 1929 dhe të miratuar në vitin 1937 nga Patrikana e Stambollit, po për sakrifikimin e Kryepeshkopit të pare të Shqipërisë At Visarion Xhuvani, i cili në kulmin e karrierës së tij, kleri grek i kerkoi të largohej nga detyra pasi kishte kerkuar forcimin e Kishës Shqiptare? 4-A mbetet në fuqi sot ky Statut, dhe si njihet nga bota Orthodokse mbarëbotërore, po spjegimi i nenit 16 të këtij statusi dhe rëndësia e veçantë e tij? 5-Si shpjegohet ardhja juaj z. Janullatos, me titullin Eksark ( i përkohshëm) dhe qëndrimi i tij jashtë çdo kakuni juridik në krye të Kishës? 6- Përse veprat teologjike fetare të përkthyera nga Fan Noli, u zëvëndësuan me përkthime greke, ku spikat në literature, kulturë e përzierë me ndikim helenist, ndaj përse nuk rikthehen veprat tona kishtare të shkruara në gjuhën e nënës e me diksionin e ëmbël të gjuhës shqipe? 7- Përse ju z. Janullatos, gjithmonë prezantoheni dhe deklaroni në media se, “Shqiptarët nuk janë të zotë të drejtojnë Kishën Shqiptare”, duke na quajtur edhe të papjekur për të drejtuar? 8- Me ç’të drejtë morale dhe fetare ju duhet të përfaqesoni orthodoksinë shqiptare në Shqipëri, kur bijtë e këtij vendi janë më burra dhe më të zotë se ju? 9- Hirësi, ju pyes nga i merrni paratë ju, cilët janë njerëzit që ju financojnë, tregoni dokumenta dhe motivimin e tyre legal, përse fshihen ndihmat, cilët janë emrat e njerëzve që ju financojnë ju, pse hezitoni apo është Kisha dhe shteti grek pas jush? 10- A ju ka kontrolluar shteti shqiptar deri sot lidhur me financimet? 11- Hirësi, duhet të dini se, një nga veprat më madhore të kombit shqipetar është shkolla Kostandin Kristoforidhi, ju e keni ndryshuar atë me pak para nga pamja e jashtme dhe e brëndshme, kush ju mësoi të ndryshoni historinë tone, kur dihet se ajo u ndërtua tre shekuj më parë nga patriotët elbasanas për dije dhe mësim të gjuhës shqipe? 12- Kujt i shërben ndërhyrja juaj dhe ju? 13- Përse kërkoni ta ndryshoni destinacionin e shkollës K.Kristoforidhi, çfarë planesh ke kurdisur për atje? 14- Sa i paligjshëm keni qenë deri sot në Shqipëri, betohuni para Zotit? 15- A e njihni ju hirësi ligjet dhe kanunet Teologjike, që i kanë lënë amanet martirët tanë dhe historia jonë? 16- A keni dëshirë të vdisni në territorin shqiptar dhe të bëheni Shenjtor? Z. At-Marku, a keni patur mbështetjen e politikës në rrugën tuaj të vështirë dhe betejat me Hirësinë e Tij? Në pozicionin ku ndodhem unë vërej me keqardhje se forca të mbrapshta edhe nga politika, nuk kanë dhënë aq sa duhet por edhe kanë penguar në misionin tim kombëtar të çlirimit të ndikimit grek mbi Kishën Orthodokse shqiptare. Në krye të Kishës Orthodokse Autoqefale Shqiptare qëndron prej 13 vitesh një i huaj në mënyrën më ilegjitime, duke punuar dhe forcuar interesat helene në Shqipëri. Ne kurrsesi, nuk mund të harrojmë kontributin e Kostandin Kristoforidhit, Petro Nini Luarasit, Papa Kristo Negovanit, Visiarion Xhuvanit, Luigj Gurakuqit, Aleksandër Xhuvanit, Eqerem Çabejt apo të Kostaq Cipos e Mahir Domit, shumica e tyre martirë të periudhës së Rilindjes Kombëtare, që bënë plejadën e ndritur të ngritjes së gjuhës Shqipe, të çështjes kombëtare shqiptare, që rrojtën e vdiqën faqendritur para Perëndisë e Kombit. Per Gazeten Sot - 08 gusht '05, bisedoi Artur Ajazi per me shume info Gazeta Sot

Konkurs Fotosh: Ketu Jetoj Une Klubi i Tiranës organizon konkurs fotografie me temën: “Këtu jetoj unë” • Si e shikoni ju lagjen tuaj, qyteti ku jetojmë? • Cilat janë gjërat që do të ishit krenar t’ia tregonit të gjithëve ? • Cilat janë gjërat e bukura, të shëmtuara, nostalgjike, groteske, qesharake, absurde dhe pa lënë mënjanë gjërat tërheqëse që ju mendoni se duhen fotografuar në qytetin tonë. Janë të ftuar të marrin pjesë të gjithë ata që dëshirojnë të shprehin diçka për ambjentin ku jetojnë dhe qytetin e tyre. Për fotot më të mira do të shpërndahen çmime! Çmimi i I ---- 100 euro Çmimi i II ---- 50 euro Çmimi i III ---- 25 euro Datat e konkursit janë: 16 maj– 30 maj Dorëzimi i fotografive 30 maj – 2 qershor Përzgjedhja e fotove 3 qershor Ekspozitë e hapur tek Parku Rinia Për të marrë pjesë në këtë konkurs duhet plotësoni këto kritere: • Pjesëmarrësit nuk duhet të jetë më shumë se 25 vjeç • Pjesëmarrësit nuk duhet të dorëzojnë më shumë se 3 foto të shoqëruara me 2-3 fjali shpjeguese për fotografi dhe informacion kontakti të aplikuesit. • Pranohen vetëm foto dixhitale me rezolucion të lartë. • Formati i dorëzimit mund të bëhet dorazi me CD ose USB pranë zyrave të MJAFTIT në adresën: Rruga e Elbasanit, Nr, 71, Tiranë. Ose ato mund t’i dergoni me postë elektronike në adresën: ketu.jetoj.une@gmail.com Klubi i Tiranës

iken Blair, vjen Brown... pas frances nje shtet tjeter i rendesishem europian pritet te ndryshoje liderin. tony blair ne nje pronuncim te paralajmeruar ka vendosur te largohet nga detyra e kryeministrit te britanise pas 10 vitesh ne kete post. brenda qershorit blair do lere zyren dhe pritet qe pasuesi i tij te jete gordon brown... roli i blair ne politiken globale ka qene i nje rendesie te vecante. ai do te mbahet mend per fitoret dhe deshtimet ne lidhje me ceshtje te ndryshme si psh. lufta ne irak apo qendrimi perballe euros.

Provokacionet ne gusht 1949 Para disa ditësh në shtypin e përditshëm lexova artikullin e Z. Nuri Dragoj për provokacionet e gushtit të vitit `49-të, të bëra nga ushtria greke ndaj territorit shqiptar. Si historian, si njohës i shumë personaliteteve të asaj kohe dhe si dëshmitar okular, nuk mund të hesht ndaj shtrembërimeve të fakteve dhe mosnjohjes së duhur të realitetit historik. Dihet se pas mbarimit të Luftës së Dytë Botërore në Shqipëri dhe Greqi u vendosën sisteme shoqëroro-politike diametralisht të kundërta . Në Shqipëri pushtetin e morën forcat komuniste, kurse Greqia në sajë të ndërhyrjes anglo amerikane, shpëtoi nga kthetrat e komunizimit. Duhet theksuar se forcat e armatosura të Partisë Komuniste greke, të quajtur EAM, vazhduan luftën e armatosur dhe arritën të pushtojnë gjithë Greqinë kontinentale, deri në periferi të Athinës, ku u krye edhe një atentat në dhjetor të vitit 1944 ndaj kryeministrit të Britanisë së Madhe, Wiston Churchil. Në vitin 1946-të u firmos paqja e Varqizës për të bërë zgjedhje të lira dhe demokratike. Në vitin 1947-të komunistët grekë të nxitur nga Moska, filluan përsëri luftën e armatosur për të marrë pushtetin. Ndihma materiale dhe armatime ushtarake për EAM –istët vinin dhe nga blloku komunist dhe hynin ilegalisht në territorin grek nëpërmjet kufirit bullgaro-jugosllav. Pas rezolucionit të Bukureshtit në qershor të `48-ës, Jugosllavia titiste u përjashtua nga blloku komunist dhe u cilësua si “Kali i Trojës” në lëvizjen komuniste.Qysh në verën e vitit 1948-të shteti jugosllav ndaloi çdo ndihmë për eamistët grekë dhe mbylli kufirin me Greqinë. Në të njëjtën kohë, ushtria qeveritare greke mundi të vendosë kontrollin gjatë kufirit greko- bullgar. I vetmi vend që mund të ndihmonte nga ana tokësore forcat komuniste greke mbetej Shqipëria. Qeveria e Enver Hoxhës u tregua e gatshme për të zbatuar urdhrat e Moskës, që territori shqiptar të kthehej në një trampolinë për të furnizuar komunistët grekë me çarëdolloj materialesh në funksion të marrjes së pushtetit. Çdo muaj në portin e Durrësit mbërrinte nga Kostanca e Rumanisë një anije sovjetike e ngarkuar me armatime ushtarake dhe materiale të ndryshme për të furnizuar EAM-istët grekë. Anija shkarkohej natën nga një repart ushtarak special dhe ngarkohej në 50 kamione “tatra” duke u nisur menjëherë për në zonën e Bozhigradit dhe Trestenikut të Korçës. Ky material merrej në dorëzim në kufirin shqiptaro-grek nga përfaqësuesit e EAM-it dhe nëpërmjet tuneleve që kishin hyrjen në tokën shqiptare, transportohej në brendësi të tokës greke. Në verën e viti 1949-të ushtria greke, e ndihmuar dhe nga forcat ajrore anglo-amerikane, filloi një operacion masiv për t`i shpartalluar përfundimisht forcat komuniste greke, të përqendruara kryesisht në malin e Gramozit, në Vici dhe Kajmalcallan. Operacionin e udhëhiqte kryekomandanti i ushtrisë greke, Aleksandër Papagos, kurse forcat ajrore anglo- amerikane, Van Flit. Qeveria komuniste shqiptare në bashkëpunim me EAM-istët kishte hapur themele dhe ndërtuar depo për të furnizuar komunistët grekë në sektorin e Bozhigradit dhe Trestenikut e të Gramozit. Gjithë armatimet dhe materialet që vinin nga kampi komunist futeshin në brendësinë e tokës greke nëpërmjet tuneleve. Sigurisht që organet e zbulimit grek kishin të dhëna të hollësishme për vendin ku ndodheshin dhe funksionet që kryenin bazat e vendosura në territorin shqiptar. Komanda e operacionit grek i kërkoi shtetit shqiptar mbylljen e menjëhershme të themeleve dhe ndërprerjen e çdo ndihme për EAM-istët, përndryshe do të ballafaqohej me goditjet e ushtrisë greke. I ndodhur përpara një situate të tillë, që mund të sillte rreziqe të paparashikuara, dikatori Hoxha kërkoi ndihmë nga Moska për të përballuar një agresion grek. Qeveria sovjetike, që i dinte mirë planet e ushtrisë greke, e qetësoi diktatorin se provokacionet e ushtrisë greke nuk kishin si synim rrëzimin e qeverisë së Enver Hoxhës, prandaj ato duhet të përballoheshin nga ushtria shqiptare. Këtë gjë e pohuan dhe pa asnjë ekuivok edhe këshilltarët sovjetikë pranë Shtabit të Përgjithshëm të ushtrisë shqiptare. “Ne do t’ju ndihmojmë , por jo ushtarakisht”. Ky deklarim solli një pështjellim në radhët e anëtarëve të Shtabit, ku gjenerali Hamit Keçi deklaroi haptazi se ushtria shqiptare nuk ishte në gjendje të ndalonte sulmin grek as edhe një ditë e jo 10 ditë siç kishte deklaruar Enver Hoxha. Hamit Keçi u arrestua po atë ditë dhe u dënua si armik i popullit për shprehjet e tij disfatiste. Repartet e ushtrisë greke sulmuan më 2 gusht dhe hynë në sektorin e Bozhigradit pas një rezistence të dobët të ushtrisë shqiptare. Në ditët në vijim, në zonën e Korçës u dislokuan mbi 6 mijë efektiva të ushtrisë shqiptare për të ndaluar një ofensivë greke në brendësinë e territorit shqiptar. Grekët, pasi shkatërruan tunelet dhe pikat e furnizimit për forcat komuniste greke, u tërhoqen nga sektori i Bozhigradit në brendësinë e territorit të tyre. Më 12 gusht forcat greke hynë përsëri në territorin shqiptar në zonën e Bilishtit për të shkatërruar qendrat e furnizmit të EAM-it, që ndodheshin në afërsi të fshatit Trestenik. Në lidhje me luftimet që u zhvilluan në dy javët e para të muajit gusht të vitit `49-të në zonën e Korçës midis ushtrisë shqiptare dhe asaj greke, gjeneral Hulmsi Spahiu, ish-komandant i Artilerisë shqiptare më ka treguar: “Ushtria shqiptare në zonën e Korçës komandohej nga oficerë gjysmë analfabetë. Ajo ishte e pajisur si mos më keq si në armatim, ashtu dhe në veshmbathje e ushqime. Ushtrisë i mungonte krejtësisht eksperienca e luftës frontale. Që në fillim të provokacioneve greke, reparte të vogla dhe sidomos efektivat e pikave kufitare mbetën të izoluara pa bukë dhe municione. Kjo i detyroi disa dhjetëra ushtarë të dezertonin dhe të kërkonin strehim politik në shtetin grek. Por, gabimi më i madh u bë nga artileria jonë e vendosur në fshatin Pojan të Korçës. Ajo për disa minuta bombardoi ushtrinë shqiptare në fushën e Devollit duke shkaktuar mbi 50 të vrarë dhe shumë të plagosur... Kur provokacionet e ushtrisë greke përfunduan, pasi ishin plotësuar objektivat e saj (shkatërrimi i bazave të furnizimit të EAM-it) Enver Hoxha, i veshur me uniformë madhore të gjeneral-kolonelit, i shoqëruar me një shpurë ministrash dhe oficerësh, vizitoi spitalin ushtarak të Tiranës për të dekoruar ushtarët e plagosur në provokacionet greke.... Enver Hoxha mbajti një fjalim të shkurtër duke u mburrur për “fitoren e shkëlqyer ” të ushtrisë shqiptare kundër monarko –fashistëve grekë. Si gjithmonë, disfatat Enver Hoxha i paraqiste si fitore dhe populli i mjerë i duartrokiste. Është për të ardhur keq dhe është e pafalshme që disa studiues dhe historianë të sotëm për ngjarjet e rëndësishme që kanë ndodhur gjatë kohës së diktaturës komunistes i referohen arkivave të Partisë së Punës dhe historiografisë krejtësisht të politizuar të asaj kohe, duke i parë fenomentet historike me syzet e Enver Hoxhës. Nuk ka absurditet më të madh që edhe pas 16 vjetësh pluralizëm, mitet dhe legjendat e sajuara nga propaganda komuniste t`i serviren opinionit publik si të vërteta historike. Shqiptarët janë ushqyer me gënjeshtra dhe demagogji për gjysmë shekulli dhe sot, kanë nevojë që të mësojnë të vërtetën e mohuar për 45 vjet.

Libraria fillon 'erotica-hotline' Austri: Nuk eshte nje peshperime tipike qe degjohet gjithenje ne librarite e qytetit apo te shkolles. Viena's City Hall ka leshuar nje 'sex hotline' me qellim te rrise para per kapitalin e pergjitheshem te librarise. Eshte shume i 'cuditshem' ky veprim por duket i sukseshem. Telefonuesit duhet te paguajne 53 cents per minute qe te degjojne nje aktore tek lexon me 'epsh dhe zjarrm' pasazhe nga takime erotike tek periudha Victoriane. Parate e mbledhur do te investohen ne rinovimin e librarise dhe zgjerimin e saj ne libra. Brilante.

Armiqt tonë Virtual Te maskuar me emblema shqiptar Nuk e di nese e shkruaj kete ne vend te gabuar Artikull shkruar ne Forumin Shqiptare: Ne kundershtim te njerezve qe udheheqin forumin me te madh Shqiptare Forumi(ANTI)Shqiptar.Com Me titull: Armiqt tonë Virtual Te maskuar me emblema shqiptare! http://forumishqiptar.com/showthread.php?t=80431 ( nga ketu eshte fshire nga Albo heleni ) *************************************** Shkrimi ne kundershtim me Forumin Shqiptar dhe ne mbrojtje te interesave shqiptare *************************************** Është hera e pare qe hap një teme qe ka lidhje me Forumi(anti)Shqiptar.Com dhe problemet qe ky paraqet ................... ................... ................... .. Artikull shkruar në Forumishqiptar.Com në lidhje me antishqiptarizmen e kryeadministratorev e te këtij forumit ndaj Shqipatreve dhe identitetit shqiptar. ................... ................... ................... .. linku: http://forumishqiptar.com/showthread.php?t=80431 Shkrimi origjinal: Përshëndetje! Është hera e pare qe hap një teme qe ka lidhje me Forumi(anti)Shqiptar dhe problemet qe ky paraqet ! Të mbeshtjellesh me emblemat shqiptare dhe ta emerosh vetveten me terma SHPIRT SHQIPTARI dhe një kohesisht te ngritesh kundër interesave mbareshqiptare ose të mundohesh te sllavizosh ose greqizosh tokat shqiptare dhe identitetin tonë te lasht shqiptare është ne kundërshtim me kombin dhe me vet veten përderisa ndihesh shqiptare!!! Është shumë skandaloze dhe tepër fyese për një forum qe quhet FORUMSHQIPTAR ose pretendon te jet Shqiptare dhe te jet prone ose te udhehiqet nga njerëzitë qe ne shumë e shumë mënyra mundohen te perqajne dhe te mbjellin urrejtje dhe bindje te kqija ndershqiptare mes krahinave dhe fisev shqiptare si dhe mes feve qe ne shqiptarët vazhdojme ti kem! E di mirë!! qe ky shkrim do të prek ndergjegjjen(nëse kan) të atyre qe ende enderrojne qe Qameria është Greke ose Epiri është Grek ose Kosovë është Serbi apo shqiptarët e Maqedonis jan maqedonas! Mjafton te shikoni vetëm disa tema te diskutuara nga ata autoret me emblema shqiptare sikur gomari i veshur me lekuren e ujkut! Disa Shkrime: http://www.forumishqiptar.com/showthread.php?t=75298&page=2 http://www.forumishqiptar.com/showthread.php?t=75298&page=2 http://www.forumishqiptar.com/showthread.php?t=55032&page=4 http://www.forumishqiptar.com/showthread.php?t=75036 http://www.forumishqiptar.com/showthread.php?t=72301 http://www.forumishqiptar.com/showthread.php?t=62343 Si përfundim unë nuk e di se cili mund te jetë misioni dhe qëllimi i këtij njeriu apo i gjithë njerëzve qe mund te qendrojne pas tij Por e di qe te gjithë ne duhet te tregohemi te kujdesshem qe të mos biem pre e mendesive dhe e komenteve boshe qe mund te ndikojne negativisht ne mënyrën tonë te te gjykuarit dhe qe e c'nderojnë te qenurin tonë shqiptare. Disa Shkrime Nga Albo: Sa i përket Nikolla Markut, atdhetarit shqiptar qe po kërkon shkeputjen e kishes greke ndaj asaj shqiptare. http://forumishqiptar.com/showthread.php?t=71375 Kjo për Camerine: http://forumishqiptar.com/showthread.php?t=74070&page=2 Ndërsa kjo tjetra me identitetin shqiptar: http://forumishqiptar.com/showthread.php?t=76366 Do u bëja thirrje te tërë forumisteve te këtij forumi qe te evitonin ALBASOUL-in dhe forumin e tij http://www.forumishqiptar. com. dhe mos te mirren seriozisht shkrimet e njeerzve qe mundohen ose ndonjë her e kan arrit qëllimin e tyre kundër shqiptareve! Lord Kosovë 25.04.2007

Bojkotoni Himaren! "Konsumatoret",fushate bojkoti ndaj turizmit te Himares,fushata e nisur nga ZMK-ja ka ssi synim doreheqjen e Bollanos me ane te nej fushate te kushtezuar dhe selektive,duke i kerkuar te gjithe turisteve shqiptare qe te bojkotojne cdo lloj sherbimi apo blerje gjate kohes se sezonit turistik ne te gjitha pikat e sherbimeve te qytetit te Himares ne rast se ato nuk kane 2 shenja dalluese te reagimit "anti-Bollano",qe eshte vendosja e <span style="color: #FF0000">flamurit shqiptar dhe B.E ne nje ambient te dukshem</span>,ku ofrohet sherbimi turistik,si forme identifikimi te reagimit ndaj kryetarit te baskise.Kjo besoj se eshte nje forme e zgjuar e bojkotimit dhe e provuar edhe jashte

Boris Yeltsin vdes ne moshen 76 vjecare Te Henen qe shkoi vdes Presidenti i pare i zgjedhur lirisht nga populli Rus, i cili njihet per reformat demokratike ne Rusi pas nje deshtimi te zemres ne Central Clinic Hospital ne Moske. Kremilini ka deklaruar te Merkuren si dite zie ne nder te ish presidentit Yeltsin, i cili do te varroset ne varrezat e Novodevichy ne Moske ku gjenden figurat me te shquara te historise Ruse si Nikita Khrushchev dhe Anton Chekhov.

Cho Seung-hiu: Studenti-vrases i Virginia Tech Nje total prej 33 studentesh duke perfshire dhe Cho-ne u vrane te Henen e kaluar. Me poshte jane disa prej shkrimeve dhe komenteve te tija. (ne anglisht se kohe nuk kam te perkthej) "You had a hundred billion chances and ways to have avoided today, but you decided to spill my blood. You forced me into a corner and gave me only one option. The decision was yours. Now you have blood on your hands that will never wash off, I didn't have to do this. I could have left. I could have fled. But now I will no longer run...' Ankesa te here pas hershme ndaj tij ishin bere prej studenteve dhe profesoreve. Neglizhenca e autoriteteve ne shkolle beri qe vrasja e dy studenteve ne 7:15 am te vijonte me vrasjen e 30 te tjereve pas 2 oresh.

Kufizime ne Emigracion nga qeveria Amerikane? Nje nga temat e perditshme qe diskutohet dhe qe gjithenje lihet ne harrese deri ne zgjedhjet e rradhes, eshte immigracioni. Ka vetem nje pergjigje per kete pyetje: Duhet apo jo qe qeveria Amerikane te vendose kufizime ne emigracion? Ju lutem jepni arsyet tuaja per te mbeshtetur pergjigjen.

Irak: Kërkojmë ndjesë, kemi vrarë djalin tuaj, por Irak: Kërkojmë ndjesë, kemi vrarë djalin tuaj, por ja ku i keni 500 dollarë Ministria amerikane e mbrojtjes sipas kërkesës së Unionit për mbrojtjen e të drejtave të njeriut ACLU publikoi 496 kërkesa dëmshpërblimi për vdekjen e civilëve gjatë luftimeve në Irak dhe Afganistan, të cilët zbulojnë vetëm një pjesë të vogël të tregimeve të tmerrshme rreth fatit të popullatës civile në këto vende. Armata amerikane në bazë të këtyre kërkesave shpenzoi gjithsejtë 32,3 milion dollarë dëmshpërblim: 34,6 milion për Irak dhe 720.000 për Afganistan. Sipas dosjes së Pentagonit, Salah Ad Din, civil nga provinca irakiane, ka bërë të ditur se ushtarët amerikan me 100 plumba vranë familjarët e tij që ishin duke fjetur, duke vrarë nënën e tij, babanë dhe vëllain. Përveç tre personave, ushtarët amerikan kanë vrarë edhe 32 dele, pas pranimit të përgjegjësisë, irakianit i është paguar dëmshpërblimi në shumë prej 11.200 dollarë dhe 2.500 për "heshtje". Në rastin tjetër ky lloj dëmshpërblimi i është paguar familjes së një djaloshi të cilin e kishte shkelur kamioni ushtarak pas "ndarjes së dhuratave" në shkollën e qytetit Karbali. Kërkesa për dëmshpërblim e një irakiani është refuzuar sepse djali i tij ishte vrarë gjatë luftimeve mes forcave amerikane dhe vullnetarëve irakian. "SHBA-të nuk mund ta pranojnë kërkesën tuaj sepse vdekja e djalit tuaj është pasojë e luftimeve. Na vjen keq për humbjen e djalit tuaj. Ju dëshirojmë të gjitha të mirat në Irakun e lirë", qëndron në letrën të cilën ia dërgoi oficeri amerikan babait të dëshpëruar. Për vrasjen e djaloshit nëntë vjeçar, të cilin, siç thuhet, ushtari amerikan e kishte vrarë gabimisht sepse kishte menduar se në çantën e tij shkollore kishte bomba, Pentagoni pagoi 500 dollarë. Saff

Sotir Nini Te gjithe tashme e dine kete emer qe per fate te keq besoj zgjodhi nje kombetare e nje vendi te huaj dhe jo kombetaren e vendit ku ka lindur ai edhe prinderit e tij ne nje vende qe gjithmone e ka pranuar edhe te panjohur e ka mirepritur ai na tradhtoj dhe vajti me kundershtare tane shekullor ne cdo fushe,Ky njeri i cili injoroj fanellen kombetare te shqiperise.Ju si besoni cfare duhet te kishe bere te pranonte shqiperine apo greqine?e nderon kjo?

Shtypi grek kërkon arrestimin e Bushit Shtypi grek kërkon arrestimin e Bushit Sporti Shqiptar Nga RAMADAN BIGZA Gazeta "SportDay" e ka rreshtuar sot Alban Bushin në 11 shin më të mirë të javës, ndërkohë që po sot, një nga prokurorët ka kërkuar që t'i bëhet një kontroll i imët dokumentacionit, që posedon Bushi për qëndrimin e tij në Greqi. Brenda këtyre kulmeve në mund t'i quajmë kështu janë zhvilluar ngjarjet, ku të gjitha gazetat kanë pasur protagonist futbollistin shqiptar, Alban Bushi. Disa kanë shkruar me tone të përmbajtura e disa të tjera nuk i kanë kursyer fjalët, madje shumë prej e tyre e kanë kaluar edhe sensin e masës, atë sens etik e profesional që kërkon në fakt shtypi. Ndërkohë që dy trajnerët, spanjolli Viktor Munioz dhe trajneri grek Maqis Kacavaqis, kanë folur në mënyra të ndryshme, por asnjëri prej tyre nuk ka shprehur ndonjë indinjatë ndaj futbollistit shqiptar. Madje rastet, fjala vjen, si ai i Bushit në ndeshjen ndaj Panathinaikosit, drejtori i gazetës "Derby", i cili foli në darkë në kanalin prestigjioz "Alter", i cilësoi të zakonshme, si gjëra që ndodhin në çdo ndeshje futbolli, madje, siç tha ai, ndodhin edhe në Champions League. Një shtyp i tërë ndaj një futbollisti duket se është shumë. Eshtë shumë kur pikërisht ky futbollist ka shkëlqyer në lojën e tij, ka shënuar edhe një gol ndaj një skuadre të madhe, siç është Panathinaikos, dhe ka festuar, siç thotë ai vetë, në mënyrën e tij. E mbi të gjitha, ky futbollist i lançuar aq shumë, nuk ka marrë gjatë lojës asnjë karton të verdhë apo të kuq. Atëherë me të drejtë mund të pyesim: Nga lind e gjithë kjo pakënaqësi ndaj tij? E kam fjalën për atë pakënaqësi, që shprehet në shtyp jo me profesionalizëm, por me inat, çka nuk është fakt në natyrën e shtypit. E gjitha kjo të çudit pa masë kur mëson se këtë gjë e bëjnë ata gazetarë, që me thënë të drejtën kanë qenë tepër realistë në pasqyrimin e vlerave të futbollistëve shqiptarë që janë aktivizuar ndër vite në Greqi. "Ethnosport": Largojeni nga futbolli grek! Eshtë e papranueshme për një revistë prestigjioze sportive, siç është "Ethnosport", të shkruajë: "Largojeni tani nga futbolli grek. Në ndonjë shtet tjetër Bushi do të ishte dënuar si kriminel për fyerje. Gjesti i Bushit i kalon caqet e rrugaçërisë përpara kamerave. Kjo duhet të quhet dhunë. Futbolli grek, që ka pësuar shumë "thika" nga huliganët, u plagos rëndë dje nga një lojtar huligan"?! A ka gazetari që shkruan në këtë gjuhë për një futbollist, që siç thashë, nuk është ndëshkuar me asnjë karton, qoftë ky i kuq apo i verdhë. Huliganizmi në sport nuk luftohet me shprehje, që cënojnë rëndë dinjitetin e njeriut. Gazetari kërkon të gjejë huliganë edhe atje ku ata nuk ekzistojnë. A është etike që një gazetar të japë urdhër, duke shkruar se në qoftë se duam të kërkojmë pastrim të vërtetë të futbollit... duhet sot të nxjerrë përgjithmonë Bushin nga stadiumet tona". Kush ia jep të drejtën këtij gazetari të urdhërojë në këtë mënyrë? "Athlitiqi foni": Ata, kush do t'i arrestojë? Por fatkeqësisht ka edhe më keq se kaq sa është shkruar tek "Ethnosporti". Gazeta "Athlitiqi foni", një gazetë pranë Panathinaikosit, ngre një version tjetër, duke bërë pyetjen sugjestionuese: "Ata kush do t'i arrestojë?" Fjalën e ka për gjyqtarin Briakos dhe futbollistin Bushi. Këtu ka humbur krejtësisht logjika dhe sundues edhe në mendjen e gazetarëve janë bërë pasionet. Eshtë krejt e rregullt të shkruhet siç shkruan "Goal news", që "Briako me të drejtë nxori jashtë Papadhopullosin për shpullën që i ra Bushit, por ai duhej të nxirrte jashtë edhe futbollistin shqiptar. Një mendim ky që gjithsesi është në natyrën e një analize, që vetë gazetari bën ndaj fenomeneve që ndodhin. E njëjta gazetë shkruan se "Futbollisti shqiptar duhet të mendojë shumë sot për atë çfarë ka bërë dje dhe të kërkojë të falur". E kjo, pra, është normalja. Dhe Bushi e ka bërë një gjë të tillë. I cituar nga agjencia e lajmeve "in.gr." futbollisti shqiptar ka pranuar se ka bërë një gjest të keq ndaj Papadhopullosit, por ka thënë se atij i vinte keq që kundërshtari ka marrë karton të kuq. Një karton i verdhë do të ishte më i drejtë ka thënë sulmuesi shqiptar. E njëjta agjensi citon Bushin të ketë thënë për gjestin e tij pas shënimit të golit, se ai ishte një festim me dikë nga stoli. "Futbolli është një lojë që të nxeh gjakrat dhe kush është më i duruar apo më i zgjuar, fiton, kështu që fitova unë." Duke folur rreth përplasje së tij me kapitenin e skuadrës greke, Bushi ka thënë se nuk i foli e megjithatë i kërkoi ndjesë. Diçka rreth normales e ka quajtur situatën edhe trajneri spanjoll, Viktor Munioz, i cili në konferencën për shtyp ka thënë: "Të gjithë e pamë se Bushi e pështyu Papadhopullosin, por në asnjë mënyrë nuk i jap të drejtë lojtarit tim. Ai është profesionist dhe nuk duhej të kundërvepronte." Edhe më i zbutur në vlerësimet e tij ka qenë trajneri i Apollon Kallamariasë, Maqis Kacaqis. Tekniku grek mësohet të ketë thënë: "Nuk e pashë nëse Bushi e pështyu Papadhopullosin. Nëse bëri ndonjë veprim të keq, e bëri për veten e tij që të festojë. "Më dhëmb karta e Papadhopullosit,- tha Bushi për mediat vendase,- dhe për këtë i kërkoj falje. Nuk kemi për të ndarë asgjë. Në lojë, të gjithë kemi gjak të nxehtë. Të gjithë lojtarët e Panathinaikosit kishin diçka ndaj meje. Ndoshta se kisha bërë disa deklarata për këtë ndeshje",- citohet të ketë thënë sulmuesi shqiptar. Prokuroria, hetim dokumentave të Bushit E megjithatë, çështja ka shkuar deri atje sa nuk ia pret mendja askujt, te prokuroria, ku njëri prej tyre ka kërkuar që t'i bëhet një kontroll i imët dokumentacionit që posedon Bushi për qëndrimin e tij në Greqi. Të duket disi i dyshimtë ky veprim, kur futbollisti shqiptar nuk ka kryer asnjë veprim që bie ndesh me ligjet e shtetit grek. Më shumë një veprim ligjor, shihet si një mundësi për të zbutur tonet, që me thënë të drejtën në faqet e gazetave janë shumë të larta. Dhe kjo ndodh në një kohë kur futbolli vendës është përfshirë në raste të dhunshme, siç janë ngjarjet që kanë ndodhur në të njëjtën ditë në stadiumin e Agrinjos, ku pas rrahjes së futbollistëve të të dy ekipve në fushë, u plagosen 5 veta. Pas plagosjes në Larisa të një prej drejtuesve të Olimpiakosit. Pas rastit të rëndë të Rivaldos ndaj një futbollisti vendas etj. E me gjithë këto ngjarje, krejtësisht të veçanta, rasti i Bushit, ka dalë i parë. Ka dalë si një rast që duhet të ndëshkohet rëndë, që me të duhet të merret prokuroria e tj. Sigurisht që kjo nuk është as punë e qeverisë dhe as e prokurorisë. Siç tha ministri i shtypit, kjo punë u takon atyre që merren me këto punë, pra drejtuesve të sportit. Edhe presidenti i superligës, Petros Kokalis, foli me tone më të qeta, duke bërë fjalë për respektimin e rregullave etj. Megjithatë, askush nuk është për sjelljet e këqija në stadium. Edhe në këtë rast nuk është se ne po i dalim zot Bushit. Ai duhet kritikuar për mënyrën e të festuarit, për veprimin e pështyrjes së kundërshtarit etj. Futbolli është sport vlerash sportive dhe kurrsesi arenë sharjesh e zënkash. Por futbolli nuk është as sport ku gazetarët të fyejnë e të ngrenë gjithfarë akuzash. Nuk është një sport që në pendën e gazetarit rëndom më shumë pasioni sesa logjika. Futbolli dhe ata që e luajnë atë janë në radhë të parë njerëz, me nivele të ndryshme, me kulturë të ndryshme, me pasione të ndryshme. Megjithatë, mbi ta nuk mund të ushtrohet diktat mediatik. Thirrjet "Ata kush do t'i arrestojë?", apo "Largojeni tani nga futbolli grek", nuk u shkojnë gazetave sportive. Më shumë se gjithçka, këto tregojnë tifozllëk, për të mos u shtyrë më tej në hamendësime. Jemi të bindur se, nëse nuk do të kishte barazuar Panathinaikosi, nuk do të ndodhte kështu.

Katër të vdekur në një shtëpi, Italia nuk shpëton Rëfimi i Sofie Selimajt, gruaja që ka humbur 4 fëmijë dhe burrin, të gjithë të sëmurë nga "mosfunksionimi i veshkave" Sofia: Nuk po shkoja për asgjë tjetër, doja vetëm t'i dhuroja veshkën vajzës sime dhe t'i shpëtoja jetën Andela na shikon pas xhamit të një fotoje të vënë mbi një frigorifer që shërben njëkohësisht edhe si komo, në dhomën e vetme të apartamentit të familjes Selimaj në Varosh të Vlorës. Përballë saj, me sytë fiksuar mbi foton e 23-vjeçares, që humbi jetën për "mungesë" vize, qëndron e ëma Sofie Selimaj, me sytë që i janë shterur lotësh, ndoshta ndërsa shihte komonë-frigorifer, prej nga i buzëqeshin dy vajzat dhe burri, të tre të vdekur nga mosfunksionimi i veshkave.Një a dy minuta, pasi jemi takuar e kemi pëshpëritur ngushëllimet të gjithë heshtim dhe sytëdashje pa dashje na shkojnë herë te Sofia, herë të fotoja mbi komo... Dhoma ku jemi, ndodhet në katin përdhes të një biçim pallati 2 katësh. Aty na pritën pesë gra të veshura me të zeza ulur në copa sfungjerësh të shtruara në të katër cepat e dhomës ku e vetmja orendi duket se janë fotot e fëmijëve dhe burrit të vdekur të Sofies, të vendosura mbi korniza, në muret e palyera prej kohësh....Sofia ndez një cigare dhe fiksohet sërish mbi foton, sikur kërkon të nxjerrë prej xhamit vajzën, për ta pasur sërish të gjallë. Ajo e di që nuk mund ta bëjë. Do ta kishte bërë një muaj më parë, por atëherë i duhej një vizë. Nëse do të kishte pasur një vizë, për të kapërcyer detin, Sofia do të ishte kthyer me të bijën dhe nuk do të shihte foton, ndërsa ndizte njëra pas tjetrës cigare, të cilat pastaj i mbante me zor mes duarve dhe buzëve që i dridheshin. Ne pa dashje fillojmë të mendojmë, sikur Sofia të kishte pasur një vizë, por fotoja është në kornizë dhe në krah të saj ndodhet Dhoksia, motra e madhe dhe ajo e vdekur nga "mos funksionimi i veshkave"(Nefrologjike), pa mundur të bëjë qoftë edhe një dializë; Mujo babai i vdekur po nga e njëjta sëmundje në Tiranë dhe Mezani djali 18 vjeç, i shtruar për të njëjtat arsye në një spital në Greqi, ku nuk e mjekojnë se nuk ka dokumente. Sikur të kishte vizë... "Ta kishin hedhur në anë të detit..." Sofia pret sa kthejmë kafetë e mortit dhe pastaj nis e flet. Fillimisht fjalët i ngatërrohen i bëhen lëmsh, ndërsa zëri i acarohet. Por historia e saj është e thjeshtë, ajo fillon me pritje në oborrin e Konsullatës Italiane në Vlorë, vazhdon me pritje në oborrin e Konsullatës Italiane në Vlorë dhe mbaron me pritjen e një arkëmorti që zbret andej nga dy vjet më parë nisi të bijën. "I përplasa dorën në tavolinë konsullit, se ai hapte dhëmbët, i thashë se nëse më vdiste vajza ai do të ma kishte në qafë",- tregon ajo duke shkundur duart si të vuante nga ndonjë tik nervor. Në gjithë atë që thotë, pa na lejuar asnjëherë ta ndërpresim, ngatërrohen bekimet për mjekët që ia mbajtën të gjallë vajzën për 2 vjet, për ata që u kujdesën për të ndërsa ajo si nënë nuk mund të merrte vizë, me mallkimet për ata që nuk e lejuan t'i qëndronte pranë të bijës. "Të më kishte thënë konsulli, se përse nuk ma jepte vizën dhe t'i kisha thënë të ma hidhte vajzën këtej detit, të paktën ta kisha këtu, por ai asgjë nuk më tha. Mezi më priti një herë dhe as dosjen e mbushur me fakse urgjente nga spitali, epikriza (analizë e posaçme veshkash) dhe pasaportën nuk mi ktheu",- thotë ajodhe duke e theksuar shqipton emrin e Konsullit të Përgjithshëm të Italisë në Vlorë- "Ai, Lorenzo Tomasoni". Sofia ndalon vetëm për të marrë frymë. Me zërin që e ngre gjithmonë e më shumë, me duart që i lëviz gjithmonë e më fort. "Nëse nuk më jepnin vizën, të ma kishin hedhur në këtë anë të detit",- thotë dhe tregon me orë e data duke kapërcyer nga viti në vit, ditët që iu deshën të kalonte në konsullatë dhe pritjen e pafund e të pashpresë për një vizë. Fillimisht tregon se ka mundur të marrë një leje qëndrimi 6- mujore në Itali, kjo në kohën kur edhe vajzës iu dha e drejta për të shkuar për kurim në vendin fqinj. Një mjek italian në Vlorë, Karlo Guardiani, kishte gjetur të bijën në gjendje të rëndë në spitalin e Vlorës ku kishte pësuar dy vdekje klinike. Me ndihmën e tij është mundur të sigurohej viza për të dyja dhe vetëm një grup ushtarësh të "Guardia di Finanza-s", ka marrë përsipër të transportonte dhe pastaj të fuste me forcë në një traget të linjës vajzën që edhe pse ishte duke vdekur nuk e lejonin të udhëtonte për shkak të një vule. Në Itali vajzën e shtruan në Spitalin e Potenzas dhe me kujdesin e mjekut Guardiani ajo mori kurën e duhur dhe arriti të merrte veten. "Do t'iu mbetem borxh gjithë jetën këtyre njerëzve, që nuk di mese t'ua shpërblej për atë që bënë me vajzën time",- thotë ajo duke thirrur Zotin që t'i bekojë këta njerëz që edhe pse u treguan të gatshëm, nuk mundën të shpëtonin jetën e vajzës së saj, por kjo për faj të vizës. 6 muajt e leje qëndrimit mbaruan dhe Sofies i duhejtë kthehej në Shqipëri, për të marrë një vizë të dytë. Gjatë kësaj kohe ajo kishte bërë të gjitha analizat dhe kishte rezultuar dhuruese e vlefshme për të bijën, por në kohën kur duhej të kthehej për të bërë operacionin askush nuk i jep vizë. Ajo e kujton mirë 4 shkurtin e 2006-s, kur për herë të parë e kthyen pa asnjë përgjigje nga dyert e konsullatës. 4 shkurti ishte dita e parë, e ditë-pritjeve të saj të pashpresa dhe ajo donte vetëm një vizë, që të mund t'i jepte vajzës veshkën, por atëherë... "Dyert m'u mbyllën të gjitha" Askush veç bashkëqytetarëve që e ngushëllonin, nuk e priti Sofien, që nuk kërkonte asgjë veç vizës, që duhej ta merrte për t'i qëndruar pranë të bijës dhe në fund për t'i dhuruar asaj një veshkë. "Ishin të gjitha gati dhe unë nuk doja që t'i gjenin veshkë, veshkën do t'ia jepja unë, vetëm për të do të shkoja në Itali. Nuk po i kërkoja asgjë tjetër. Vetëm të më kishte dhënë vizë, se unë veshkën vajzës sime do t'ia dhuroja, por nuk më ndihmoi asnjë njeri. Të gjithë m'i mbyllën dyert",- shpërthen ajo në një breshëri fjalish, herë të lidhura herë të palidhura, që megjithëse të shqiptuara me ton të lartë, tingëllojnë më shumë si vajtime të një gruaje që nuk ka më lot..."I shkova Liri Berishës kur erdhi në një festë për jetimët këtu në Vlorë, madje e mora në telefon, por asnjë përgjigje nuk mora. Nuk mora përgjigje as nga Bujar Leskaj, as nga deputetët e tjerë të Vlorës, që të gjithë më mbyllën derën",- thotë Sofia, ndërsa fut andej këndej nëpër fraza se, "vajzën ia kërkon shtetit" se, "shtetit i kërkon të drejtën" se "nuk dua të dijë çdo të bëjnë, mua të më kthejnë vajzën" . Dhe megjithëse s'e kërcënon duke shkundur duart, nga toni që u jep fjalëve e di që janë thjesht "përçartjet" e një nëne që nuk mund të bënte asgjë më shumë, pasi ishte e pafuqishme përballë dyerve të konsullatës dhe indiferencës së qeveritarëve. "Dua të di përse nuk ma dhanë vizën",- thotë ajo edhe pse e kupton që gjithë kjo nuk ka asnjë kuptim e vajzën nuk ia kthen dot. "Dua të di përse nuk më ktheu përgjigje konsulli, kur i vinin njëri pas tjetrit fakset ku shkruhej se duhej të shkoja urgjent. Transplanti ishte me afat dhe ai mbaroi në shtator të vitit që shkoi. Prej asaj dite unë vetëm kam dërguar pafundësisht epikriza e analiza në konsullatë, pa marrë asnjë përgjigje, madje pa më pritur askush". Dhe gruaja ndez sërish një cigare, lëshon dorën, mbi shiltet e sajuara me sfungjer në dhomën pa mobilje dhe mban frymën, si të priste përgjigjen të cilën ka frikë se nuk do ta marrë kurrë. Në këtë anë të detit, presin "Andelat" Zor se shteti shqiptar ka ndonjë statistikë, të atyre njerëzve që vdesin se ndërsa presin në radhë para ambasadave, nuk arrijnë të marrin një vizë. Askush nuk di sa janë ata që mbetën të vdekur maleve, ata që i rrëmbyen dallgët, ata që u vranë prej policive kufitare dhe "Andelat", që presin nënën apo këdo t'iu dhurojë veshkën apo çfarëdo për të jetuar. Ato që presin vulën për të jetuar,por mbeten të vetme në spitale ku s'njohin askënd apo ku i njohin të gjithë dhe askush nuk mund të bëjë asgjë për to. Në këtë anë të detit presin "Andelat". Në prill njëra prej tyre zbriti me një arkivol të mbyllur hermetikisht nga një traget i linjës. Thonë që e kishin veshur si nuse, por askush nuk mund ta shihte, pasi tabuti nuk hapej. Në 6 prill ajo u përcoll për në varreza e u mbulua me baltën e vendit të saj që nuk mund të bënte asgjë për të, veç ndoshta t'i dërgojë tani erën e detit me të cilin u rrit, detit që nuk lejoi nënën e saj t'i shkonte në ndihmë. Të gjitha "Andelat" më 6 prill ishin ulur këmbëkryq në dhomën me shilte të stisura të familjes Selimaj, ku prej komosë së stisur sheh duke qeshur Andela, në krah të djathtë të saj motra më e madhe Dhoksia, në krah të majtë i ati. Të gjithë të vdekur... Mezani 18 vjeç rëndë në Greqi E gjithë familja e Selimajve në Vlorë, duket se ka vuajtur trashëgiminë e një sëmundjeje që iu ka marrë jetën pjesës më të madhe të familjes.Një grua na thotë se më parë familjesi kishin vdekur edhe dy fëmijëtë tjerë, të cilët e bëjnë më të plotë tragjedinë që u ka marrë jetën 5 vetave dhe e gjitha për shkak të mungesës së mjekimit. Andela, Dhoksija, e cila ka lënë një fëmijë jetim, Anita, Marengleni dhe babai i tyre Mujo, të gjithë kanë vdekur nga mosfunksionimi i veshkave. Vetëm dy nga të shtëpisë së Selimajve nuk vuajnë nga sëmundja. Sofia dhe Skënderi 14-vjeç, ndërsa djali tjetër Mezani ndodhet tashmë në një spital në Greqi, në gjendje të rëndë dhe askush nuk e merr përsipër ta kurojë, pasi as ai nuk ka dokumentet. Sofia që herë-herë sheh telefonin, duket se tani e ka mendjen tek djali, të cilin duhet me doemos ta shpëtojë, por sërish i kanë dalë përpara vizat. Jeta e Mezanit është sërish në udhëkryq, për shkak të vulave dhe tragjedia duket sërish sikur troket në derën e shtëpisë së Selimajve. "Këtu jam me qira",- tregon Sofia duke na shpjeguar më tej se shtëpinë që kishte e kishte shitur dhe paratë i kishte harxhuar nëpër spitale, ku ka lënë edhe shpresën e saj. Konsulli: Nuk kam kohë të flas, më keni marrë në numrin personal "Nuk kam kohë që t'ju përgjigjem, për 10 minuta kam një takim zyrtar",- kështu iu përgjigj interesit të gazetës Konsulli i Përgjithshëm i Italisë në Vlorë, Lorenzo Tomasoni, pasi i thamë se përse e kishim telefonuar në celularin e tij pasditen e së dielës. Ai na sqaroi se numri ishte personal, ku nuk duhej ta telefononim dhe nuk pranoi të përgjigjej mbi çështjen. Pak ditë më parë, ai kishte thënë për të përditshme italiane "Corriere della Sera", se nëse do t'i kishte dhënë vizën gruas do të kishte shkelur ligjin. Ndërkohë, deputetë të së majtës në senatin e vendit fqinj, kanë kërkuar një interpelancë me Ministrin e Brendshëm dhe atë të Jashtëm, në lidhje me këtë rast, duke këmbëngulur në sqarimin e rrethanave të ngjarjes, të cilën e kanë cilësuar tragjike. Media italiane e ka cilësuar rastin si shumë të rëndë, duke ia vënë fajin burokracive që kishin çuar në vdekjen e vajzës shqiptare 23 vjeçe.