Tema e ditës

Vdes Lucy ODonnel Lucy O’Donnell  ishte vetem  46 vjec. Nderroi jete pasi vuante nga nje semundje. </p> Lucy nuk ishte ndonje  personazh i famshem per publikun me ndonje performance ne kinema apo muzike, por kujtohet si frymezimi i Beatles per kengen e vitit 1967, “Lucy in the sky with diamonds”.</p> Kenga titulloheji  “Sgt Pepper’s Lonely Hearts Club Band”, u gjet nga Julian, djali i John Lennon.</p> Ne 1966 Julian kishte sjelle ne shtepi nje vizatim, frymezuar nga O’Donnell, shoqja e tij e kopshtit duke shpjeguar “Eshte Lucy ne qiell me diamantet”.</p> Ajo ne ate kohe ishte tre vjec, ndersa Julian vetem 4.</p> Shume asokohe menduan se titulli LSD, i referohej droges, po ne fakt Lucy tregoi se pati qene ajo frymezimi i kenges.</p> “Julian kishte bere nje vizatim dhe ate dite i ati erdhi per ta marre”, tregoi dy vite me pare Lucy ne nje interviste per BBC.</p> Ky artikull eshte marre nga: http://thashethe.me/?p=1300. Per me shume artikuj te ngjashem vizitoni: http://thashethe.me/?p=1300

Manila: 240 të vdekur, 1.9 milionë të pastrehë <p class="wp-caption-text">240 të vdekur, 1.9 milionë të pastrehë , Foto: REUTERS</p> Ka shkuar në 240 numri i vdekjeve të konfirmuara nga përmbytjet në Filipine. Shtëpitë e 1.9 milionë njerëzve në Manila dhe në zonat përreth janë përmbytur. 380 mijë njerëz kanë kërkuar strehim në qendrat e emergjencës.</p> Të shtunën e kaluar stuhia tropikale Ketsana shkaktoi sasi rreshjesh të barasvlefshme me ato të një muaji. 12 orët e rreshjeve kanë shkaktuar përmbytjet më të rënda në 40 vitet e fundit për Filipinet.</p> Ky artikull eshte marre nga: http://www.shqipmedia.com/?p=23270. Per me shume artikuj te ngjashem vizitoni: http://www.shqipmedia.com/?p=23270

Busek: Njohjet e reja varen shumë nga vendimi i GJND-së Në intervistën për rubrikën Pika mbi i në Radio Kosova, Erhard Busek president i Forumit Alpbach tha se kërkesa e Serbisë për bisedime të reja për statusin është jo realiste dhe po bëhet nga zyrtarët serbë për nevoja politike të brendshme.…</p> Ish nënkancelari austriak në vitet 1991 1995 dhe drejtuesi shumëvjeçar i Paktit të Stabilitetit Erhard Busek, aktualisht drejtor i Institutit për Studime të Evropës Qendrore dhe president i Forumit të njohur Alpbach, thotë se ndikim vendimtar për njohjet e reja të Kosovës, sidomos të pesë vendeve të Bashkimit Evropian, do të ketë vendimi i Gjykatës Ndërkombëtare të Drejtësisë.</p> *Zoti Busek tani kur po zhvillojmë këtë intervistë ju ndodheni në Moskë, pyetja parë që më bie ndërmend është kjo: keni vërejtur ndonjë sinjal se Moska zyrtare po heq dorë nga qëndrimi i saj i ashpër kundrejt politikës së vendeve perëndimore ndaj Ballkanit. Më konkretisht, mos keni vërejtur ndonjë sinjal se Rusia po lëshon pe ndaj pavarësisë së Kosovës?</p> Erhard Busek: Jo, në as një mënyrë. Vërtet, nuk por vërej ndonjë sinjal pozitiv se Rusia do ta bëjë këtë. Po shoh se qeveria ruse po pret derisa të etablohet Komisioni Evropian pas zgjedhjeve të fundit për të parë se me çfarë politika të reja do të dalë Komisioni Evropian dhe Këshilli Evropian. Ndonjë sinjal tjetër nuk është për tu regjistruar.</p> *Serbia jo vetë se nuk po pranon planin e Ahtisarti, por vazhdimisht po kërkon bisedime të reja, sipas tyre për statusin e Kosovës. Së fundi kjo u tha edhe nga presidenti serb Boris Tadiq në Asamblenë e Kombeve të Bashkuara. Sa realiste është kjo kërkesë e presidentit Tadiq?</p> Erhard Busek: Nuk është aspak realiste. Kjo kërkesë e Serbisë nuk përmendet fare as këtu në Moskë. As që flet ndokush për bisedime të reja për statusin. Pra, kjo nuk është temë as për Moskën zyrtare. Kjo është punë e kryer. Mendoj se kjo që thonë udhëheqësit serbë, e bëjnë për nevoja të brendshme politike në Serbi dhe jo se politikanët serbë vërtet mendojnë se ka ndonjë shans për këtë. Mendoj se së pari duhet të presim rezultatin e Gjykatës Ndërkombëtare të Drejtësisë për të parë më pas se si do të zhvillohen proceset.</p> *Mendoni se mund të ketë ndonjë rol qëndrimi i Gjykatës Ndërkombëtare të Drejtësisë tek vendet që ende nuk e kanë njohur pavarësinë e Kosovës?</p> Erhard Busek: Plotësisht jam i bindur për këtë ashtu siç besoj se çfarëdo vendimi i Gjykatës së Drejtësisë nuk do ta ndryshojë qëndrimin e Serbisë për Kosovën. Para pak ditësh isha në Beograd dhe qeveritarët serbë ma thanë hapur se çfarëdo vendimi që të sjellë Gjykata e Drejtësisë në Hagë, qoftë ai edhe pozitiv për Kosovën, ne mbesim të pa lëkundur në qëndrimin tonë</p> *Zoti Busek kemi edhe pesë vende të Bashkimit Evropian që nuk po e njohin Kosovën, mund të ndodhë që ato së shpejti ta ndërrojnë mendimin e tyre?</p> Erhard Busek: Kjo varet nga vendimi i Gjykatës Ndërkombëtare të Drejtësisë. Për shumicën e këtyre vendeve arsyeja e mosnjohjes së pavarësisë së Kosovës lidhet me problemet e brendshme që kanë dhe aspak drejtpërdrejt me Kosovën.</p> *Zoti Busek, si e vlerësoni bashkëpunimin policor midis policisë së Euleksit dhe policisë së Serbisë që është vendosur përmes një protokolli të nënshkruar ditë më parë?</p> Erhard Busek: Të ju them të drejtën me këtë problematik nuk jam marrë dhe më mirë preferoj të mos flas për atë se çfarë problemesh mund të prodhojë ajo marrëveshje.</p> *Një pyetje për zgjedhjet komunale të 15 nëntorit, a shini mundësinë që serbët më në fund të ndërpresin bojkotin dhe të dalin në këto zgjedhje? Beogradi edhe kësaj radhe ka folur kundër daljes së serbëve në zgjedhjet komunale të Republikës së Kosovës.</p> Erhard Busek: Është në interesin e serbëve që të veprojnë të pavarur nga Beogradi dhe të marrin përgjegjësinë për veten në Kosovë. Shumë më mirë u bie të inkuadrohen në jetën politike në Kosovë se sa të dëgjojnë komandat që u vijnë nga Beogradi</p> *Zoti Busek ku e shihni sot Kosovën e pavarur në rrugën e saj drejt integrimeve evropiane?</p> Erhard Busek: Mendoj se kjo varet nga plotësimi i kushteve që Bashkimi Evropian i ka vendosur për vendet që dëshirojnë të anëtarësohen në BE dhe në këtë drejtim Kosova mendoj ka edhe shumë rrugë për të bërë.</p> *Sa është e rëndësishme perspektiva e evropiane për Kosovën parë nga fokusi i stabilitetit ekonomik dhe stabilitetit në përgjithësi në rajon?</p> Erhard Busek: Mendoj se perspektiva evropiane për Kosovën është një faktor me shumë rëndësi për stabilitetin e rajonit, por kjo varet nga vetë Kosova sa a do të përmbush konditat e BE për anëtarësim. Mendoj se Kosova duhet të bëjë gjithëçka që është e mundur për të përmirësuar situatën ekonomike dhe sociale në vend kjo është me shumë rëndësi.</p> *Nga janari 2010 BE po heq vizat për Serbinë, Maqedoninë dhe Malin e Zi, por jo për Shqipërinë, Bosnjën dhe Kosovën?</p> Erhard Busek: Kjo është për të ardhur keq, mendoj se duhet hequr vizat edhe për këto tri vende dhe kjo sa më shpejt që është e mundur në mënyrë që të tria vendet, Shqipëria, Kosova dhe Bosnjë e Hercegovina të mos izolohen, sepse përjashtimi i tyre nga heqja e vizave nuk i shërben stabilitetit në rajon.</p> *Është e tëra një çështje teknike siç thoni ju, apo në këtë rast bëhet fjalë edhe për një prapavijë politike?</p> Erhard Busek: Argumentimi është teknik, kështu thuhet nga Bashkimi Evropian. Por ky argument mund të bie sapo të përmbushen kushtet teknike për të cilat flitet nga ana e BE-së. Kjo është në dorën tuaj që ta bëni. Tek pastaj mund të shihet nëse ka pasur prapavijë politike</p> RTK</p> Ky artikull eshte marre nga: http://www.shqipmedia.com/?p=23265. Per me shume artikuj te ngjashem vizitoni: http://www.shqipmedia.com/?p=23265

Bufon: Bavarezët janë rivalët tanë në grup Portieri i Juventusit, Xhixhi Bufon, ndihet i karikuar për sfidës. Kundër Bajernit do të jetë një ndeshje për të cilën ia vlen të jesh futbollist. Numri një i Kombëtares italiane: Nuk duhet të kemi frikë, edhe pse luajmë kundër një skuadre të fortë. Bavarezët janë rivalët tanë në grup, do të luftojmë kundër tyre dhe Bordosë për vendin e parë në grup.</p> Ky artikull eshte marre nga: http://www.shqipmedia.com/?p=23261. Per me shume artikuj te ngjashem vizitoni: http://www.shqipmedia.com/?p=23261

Shamia çudibërëse merr provimet Më thotë një shok se do ta rregullojmë. Ja merre ketë shami dhe fshi djersët. Mora shaminë dhe u ndjeva shumë i qetë dhe gjithçka erdhi në kujtesën time”, shprehet Kujtimi. Hajmalitë mbahen gjithnjë nga njerëzit për të sjellë fat. Kujtim Ahmeti, i besimit bektashian ka ruajtur me kujdes shaminë dhe tregon se pikërisht kjo hajmali i ka sjelle shume fat. “Kjo shami ekziston dhe ndodhet tek të gjithë edhe ne momentin që nuk e kam në xhep, unë e kam ketë shami. Dikush thotë se shamia e ka ndihmuar në fitoren e gjyqeve dhe në udhëtimet e gjata. Dikush tjetër tregon se shamia ‘çudibërëse’ do të kalojë edhe oqeanin për t’i shkuar një tjetër personi që do të mbrojë doktoraturën në kontinentin amerikan…</p> Ky artikull eshte marre nga: http://www.shqipmedia.com/?p=23257. Per me shume artikuj te ngjashem vizitoni: http://www.shqipmedia.com/?p=23257

Menoti: Iniesta, futbollisti më i mirë në botë Ish-trajneri i kombëtares argjentinase, Sezar Luis Menoti i deklaroi revistës gjermane “Kiker” se mesfushori i Barcelonës, Andres Iniesta, është futbollisti më i mirë në botë, për momentin. Menoti shtoi, se Kristiano Ronaldos, ende i mungon diçka, për t’u bërë më i miri. Për të futbollisti, më i mirë i të gjitha kohërave mbetet Alfredo Di Stefano dhe pas tij, Pele, Krujf e Maradona.</p> Ky artikull eshte marre nga: http://www.shqipmedia.com/?p=23254. Per me shume artikuj te ngjashem vizitoni: http://www.shqipmedia.com/?p=23254

Berisha: Enciklopedia shpërthim racist ndaj shqiptarëve Kryeministri i Shqipërisë, Sali Berisha të hënën mbrëma në një deklaratë për shtyp e ka cilësuar enciklopedinë maqedonase si një shpërthim racist ndaj shqiptarëve.</p> Në pyetjen gazetareske se: Cili do të jetë qëndrimi zyrtar, për sa i përket enciklopedisë të përpiluar nga akademikët maqedonas; Berisha përgjigjet: </p> Për sa i përket këtij problemi, më duhet të them se ky ishte një shpërthim racist ndaj shqiptarëve, duke dëshmuar se ai institucion ka mbetur në stadin e Çubrilloviçit, por nga ana tjetër më duhet të theksoj se shqiptarët nuk kanë pse të impresionohen nga asnjë ndërhyrje e atyre që kanë probleme me identitetin e tyre. E gjithë doktrina e vjetër, rraciste, antishqiptare, e fqinjëve tanë është e bazuar në dy shtylla kryesore; në pasigurinë genuine që ndjejnë, jo për faj të shqiptarëve, është e bazuar në përpjekjet e kërkimit të identitetit, sepse ata që falsifikojnë historinë e tyre të cilën e shkruajnë një herë në një mënyrë, e njëherë në një tjetër, të cilët thonë se njëherë kemi ardhur në shekullin e 6 e njëherë, në shekullin e 26 para Krishtit, ata dëshmojnë se janë në kërkim të identitetit. Shqiptarët nuk janë në kërkim të identitetit. Shqiptarët kanë qenë këtu, në të gjitha kohërat, kanë vuajtur për shumë gjëra, por kurrë nuk kanë vuajtur për identitet, pra duhet të kesh një vetëdije për këtë. Sidoqoftë unë kam besim, duke marrë parasysh faktin se Presidenti i Maqedonisë e konsideroi këtë një problem serioz dhe më siguroi se pas kthimit në vendin e tij, pasi ai kishte qenë për një vizitë në Gjermani e më pas në SHBA, pra pas kthimit ai do të bënte ndërhyrjet e tij. Në se një grup ka mbetur në stadin e Çubrilloviçit marrëdhëniet midis qeverisë shqiptare dhe asaj maqedonase janë shumë larg tyre, janë marrëdhënie të një natyre krejtësisht tjetër. Unë kam besimin se autoritet maqedonase do të ndërhyjnë për të retifikuar një akt primitiv të një mendimi që ka mbetur në stadin e Çubrilloviçit.</p> Ky artikull eshte marre nga: http://www.shqipmedia.com/?p=23249. Per me shume artikuj te ngjashem vizitoni: http://www.shqipmedia.com/?p=23249

Çavez dhe Gadafi kërkojnë definicion të ri për terrorizmin Presidenti i Venecuelës Hugo Çavez dhe lideri libian Moamer Gadafi kërkuan definim të ri global për terrorizmin.</p> Në takimin e mbajtur një ditë pas samitit të liderëve afrikanë dhe amerikanojugorë në Venecuelë, Çavezi dhe Gadafi dje firmosën deklaratë me të cilën kërkojnë mbajtje të konferencë globale në të cilën do të përpilohej definimi i ri i terrorizmit.</p> Asnjëri prej tyre nuk fliste publikisht për dokumentin i cili hedh poshtë tentimet për lidhje të luftës legjitime dhe vetëpërcaktimit me terrorizmin, bëhet e ditur në faqen e internetit të Qeverisë së Venecuelës. </p> Ky artikull eshte marre nga: http://www.shqipmedia.com/?p=23244. Per me shume artikuj te ngjashem vizitoni: http://www.shqipmedia.com/?p=23244

Rikthimi i madh i Barbra Streisand Barbra Streisand rikthehet në skenën muzikore me “Love is the answer”, albumin e saj më të ri të punuar së bashku me artisten e madhe kanadeze të xhazit, Diana Krall</p> Barbra Streisand rikthehet në skenën muzikore me “Love is the answer”, albumi i saj i ri i prodhuar së bashku me artisten e madhe kanadeze të xhazit, Diana Krall, dhe legjendarin Tommy Li Puma. Albumi që doli dje në Amerikë mendohet të ketë një sukses të jashtëzakonshëm. Streisand është artisja femër me numrin më të madh të disqeve të shitura në SHBA, numër që kalon shifrën e 71 milionë kopjeve. Një zë unik dhe i pangatërrueshëm me mbi 60 albume të realizuara në më shumë se 40 vjet karrierë. Këngët e albumit në përgjithësi janë ato të klasikëve të mëdhenj në një version të ri në të cilin, prezenca e Diana Krall i jep një shije të mrekullueshme xhaz. Mes këngëve spikasin e famshmja “If You Go Away” e Jaques Brel, kënduar nga Streisand në dy versione, anglisht dhe frëngjisht, “In The Wee Small Hours Of The Morning” që arriti suksesin nga Frank Sinatra dhe “Smoke Gets In Your Eyes” versionet më të famshme të së cilës janë ato të Nat King Cole dhe The Platters. Arranximet muzikore të këngëve të “Love Is The Answer” janë të Johnny Mandel.</p> “Love Is The Answer” do të dalë në dy versione, atë standard dhe atë në versionin De Luxe. Bota e muzikës ka shumë yje, por me Barbra Streisand nuk mund të krahasohet asnjëri. Aktorja, drejtuesja, këngëtarja dhe producentja e famshme, njëkohësisht edhe aktiviste e të drejtave të njeriut dhe adhuruese e ushqimit, është edhe koleksionuese kukullash. Me 63 albume të nxjerra në karrierën e saj, ajo akoma mban rekordin e artistes më të shitur amerikane të të gjitha kohërave. E rritur në Bruklin, në Nju Jork, Barbra kujton se jetonte në një apartament të vogël me familjen e saj dhe ka pasur një fëmijëri të vështirë, për shkak të gjendjes së saj ekonomike. “Jam rritur në Williamsburg deri kur u bëra 7 vjeç. Çdo muaj paguanim 40 dollarë qira për apartamentin. Jetonim të gjithë në një dhomë. Unë dhe nëna flinim në të njëjtin krevat, ndërsa vëllai në një krevat portativ”, tregon ajo. Më pas familja vendosi të transferohej në një shtëpi më të madhe. “Më kujtohet që aty ishim më lirshëm dhe paguanim çdo muaj një qira që kushtonte 105 dollarë”. Nuk ka rëndësi se sa e famshme është tani, Barbra tregon se ajo në thelb mbetet vajza e vogël që në fëmijërinë e saj nuk ka pasur kurrë një kukull. “Kur rritesh i varfër, mbetesh i varfër edhe në arsye”, tregon ajo. Kur ishte fëmijë, këngëtarja 67-vjeçare tregon se përdorte një shishe me ujë të ngrohtë si kukullën e saj të vetme. “Kur nuk ke gjëra, duhet të përdorësh imagjinatën. Gruaja që kujdesej për mua më punoi me shtiza një kapelë rozë dhe një pulovër për tia veshur kukullës sime”, rrëfen Barbra. Por, ndoshta kjo mungesë e fëmijërisë ka bërë që ajo sot të jetë një koleksionuese kukullash, madje ka hapur një dyqan kukullash në shtëpinë e saj gjigante prej 1000 metrash katrorë. Gjendja e saj financiare ka ndryshuar përgjatë dekadave, por Barbra tregon se ajo në thelb ka mbetur e njëjtë: njeri i thjeshtë dhe e sinqertë si atëherë kur nuk kishte asgjë. “E kam përsëritur gjithmonë se suksesi nuk të ndryshon. Në shpirt, brenda vetes mbetesh gjithmonë e njëjtë. Thjesht ti nuk je më ajo që ke qenë, sepse je më e suksesshme”. Ajo tregon se vështirësitë e kaluara në jetë nuk e bënë që të hiqte dorë nga ëndrrat e saj. Që e vogël kishte imagjinuar një jetë dhe karrierë të suksesshme për veten. “Doja të bëhesha e famshme. Ndoshta sepse që fëmijë kisha qenë e mbyllur dhe e padalë. Mendoj se jeta që kam bërë dhe problemet me të cilat kam jetuar më kanë motivuar shumë”. Por më vonë ajo tregon edhe për tronditjen që pësoi kur vërtet arriti të bëhej e famshme në jetë. “Nuk isha përgatitur për ta jetuar menjëherë famën. Gjithmonë kam dashur të bëhesha e famshme, por kur ia arrita qëllimit, vërtet që nuk po më pëlqente më. Mua nuk më pëlqen fama, nuk dua që dikush të ecë në gjurmët e mia. Nuk dua që njerëzit të mërziten nëse diçka nuk shkon”. Kur ti shndërrohesh në modelin e ëndrrave të njerëzve, tregon Barbra, është e vështirë të mos i kënaqësh ata. Vite më parë, ajo tregon se arriti të pranonte adhurimin dhe të vlerësonte veten. “Kur ti e pranon veten ashtu si je, e pranon atë më të mirat dhe të këqijat që ti ke. Pastaj e kupton se gjërat pozitive dëshiron ti ndash edhe me tjerët. Tani nuk kam më frikë të performoj para publikut”. Por, për 27 vjet, Barbra tregon se frika e ka frenuar të ngjitet në skenë. Frika lidhej me vitin 1967, gjatë koncertit të saj në Nju Jork. Më shumë se 135000 njerëz ishin mbledhur për të ndjekur këtë ngjarje historike. “Harrova fjalët. Më pas kjo ndjenjë frike më pushtonte gjithmonë. Nuk dola në skenë derisa u zbuluan teleprompterat”. Kanë kaluar shumë vjet që kur Barbra u largua nga Bruklini, dhe tani përveç albumit të saj të 63-të “Love is the answer” do të nxjerrë edhe kukullën e saj të parë. Me një numër të kufizuar në treg, kukulla e dizajnuar nga Barbra Streisand dhe e prodhuar nga “Mattel” do të dalë në shitje në nëntor. “Kam punuar shumë për këtë kukull. U kujdesa me gjithë shpirt për të gjitha detajet. Sepse unë jam një njeri që shoh me kujdes edhe gjërat më të vogla. U interesova personalisht, për ngjyrën e flokëve, veshjet dhe gjithçka tjetër. Mendova se meqenëse nuk është një qenie njerëzore duhet të jetë perfekte. Ndryshe nga ne njerëzit që nuk jemi perfekt në asgjë që bëjmë”, përfundon ajo.(Shqip)</p> Ky artikull eshte marre nga: http://www.albaniasite.net/?p=23096. Per me shume artikuj te ngjashem vizitoni: http://www.albaniasite.net/?p=23096

Mos i quani Top Modele Quhen Lara, Isabeli, Kendra dhe janë modelet më të famshme të momentit. Edhe pse kanë një karrierë të shkëlqyer, nuk mund të arrijnë suksesin e Naomit</p> Në fillim janë të gatshme për gjithçka, madje edhe për të bërë fotografi krejtësisht të zhveshura. Por pasi hyjnë në agjencitë e modeleve, gjërat ndryshojnë njëqind për qind dhe rregullat bëhen tepër strikte. Rregulli numri një: të mos pranojnë të bëjnë çdo sfilatë dhe të marrin pjesë në të gjitha festat. Rregulli numër dy: të fotografohen vetëm nga fotografë të famshëm dhe nga revista me reputacion të madh. Po fotografitë nudo? Herë pranojnë e herë jo. Varet, si të jenë me humorin dhe nëse publikohen poshtë sfilatave, të zinjtë ata që kanë guxuar ta bëjnë. Vajzat pranojnë të fotografohen të zhveshura vetëm nëse ua kërkojnë vetëm stilistët e mëdhenj. Giorgio Armani-t ose Miuçia Prada-s, mund tu mbetet qejfi, vetëm nëse modelja në fjalë punon në agjencinë e tyre të modës. Për deontologjinë profesionale të modeleve, ose pseudo të tillë, është Luvie Chaban, drejtuesi i agjencisë “Woman” në Nju Jork, një prej personave më të fuqishëm të globit në fushën e menaxhimit.</p> “Të ishte për to, do të pranonin të bënin gjithçka, për të fituar sa më shumë para. Por ky është një profesion që duhet ndërtuar, nëse dëshiron të bësh karrierë”, shpjegon themeluesja e agjencisë “Random”, pas fillimit të sezonit të ri të sfilatave milaneze. “E rëndësishme është të bashkëpunosh me një menaxher profesionist, që arrin të administrojë gjithçka, të zgjedhë ofertat dhe të frenojnë zilinë”. Nëse fama e madhe e Naomi Campbell, ose e Cindy Crawford tani janë një mirazh, dihet që bëhet fjalë për një profesion të paguar mirë. “Për të qenë më konkretë, nëse dikur modelet merrnin 25-30 mijë euro për një sfilatë, sot paguhen 15-20 mijë euro maksimumi”, thotë një menaxher, i cili ka punuar me modelet Carla Bruni dhe Naomi Campbell. “Tani modelet jo vetëm që paguhen më pak, por nuk mund të quhen Top Model në kuptimin e plotë fjalës. Tregu në botën e modës është aq i shpeshtë saqë mund ti djegë të gjitha modelet, madje edhe ato që kanë fytyra të bukura. Edhe pse Natash, Isabeli, ose Dorothea, pozojnë për kopertina të rëndësishme, ti quash Top është qesharake. Gjithmonë vjen një e re që i magjeps stilistët. Të them një emër? Mirte Maas. E kërkoi Alexander Wang, stilisti më i suksesshëm i momentit, për sfilatën e tij njujorkeze dhe si pasojë, vajza u ngjit menjëherë në podiumin e top-modeleve”, thotë i shqetësuar menaxheri, më pas shton: “Është e kotë ta mohosh, bota vazhdon të jetë në krizë. Shpresojmë që kjo situatë të jetë e përkohshme. Në Milano nuk do të sfilojnë as “Burberry” e as “Pringle”, që zakonisht kanë modele të mrekullueshme. Do të jenë në Londër dhe kjo për ne është një humbje”.</p> Përveç krizës, vazhdon të ekzistojë rregulli që agjencitë e modës marrin 20 për qind të fitimeve të çdo modeleje që u “përket”. Ndërkohë, sfilatat vazhdojnë të shtohen dhe shpesh koincidojnë në të njëjtat orare. Problemi më i madh është kur stilistët duan të njëjtat modele. “Me të vërtetë janë të lehta pendë, por nuk fluturojnë”, ironizon menaxheri. Pjesa më e madhe e modeleve vijnë nga Lindja. Perëndimoret nuk i tërheq shumë ky profesion. Dëshirojnë më të tepër të jenë seksi, por nuk e kanë kuptuar se moda nuk ka gjini. Janë vetëm femrat ose homoseksualët ata që i zgjedhin modelet. Një tjetër problem që ka ulur imazhin e botës së modës është anoreksia. Kryesisht nga kjo sëmundje preken vajzat e Lindjes, që edhe pse janë gjenetikisht të dobëta, në moshën 15-vjeçare fillojnë palestrën dhe dietat për të ruajtur elegancën, derisa arrijnë në anoreksi.(Shqip)</p> Ky artikull eshte marre nga: http://www.albaniasite.net/?p=23099. Per me shume artikuj te ngjashem vizitoni: http://www.albaniasite.net/?p=23099

Deficiti buxhetor fluturon në 6.4-7% të PBB-së Deficiti i buxhetit të shtetit pritet të mbërrijë në 6.4 për qind sipas vlerësimit të qeverisë dhe 6.8 deri mbi 7 për qind sipas llogarive të FMN-së, duke shënuar nivelin më të lartë që nga viti 2001, kur në Shqipëri u vendos për herë të parë stabiliteti monetar. Sipas buxhetit të ndryshuar për këtë vit, i cili u miratua javën e kaluar në Kuvend, qeveria do të shpenzojë 75 miliardë lekë, (rreth 550 milionë euro), më shumë se sa të ardhurat e veta. Plani i fillimit të vitit ishte që deficiti buxhetor të mos kalonte kufirin prej 4.2 përqindësh të PBB-së, ndërkohë që FMN pati rekomanduar një deficit prej 3.5 përqindësh si të përshtatshëm për ruajtjen e stabilitetit makroekonomik të vendit. Rritja e deficitit erdhi si pasojë e uljes së planit të të ardhurave të buxhetit me 7.7 miliardë lekë dhe rritjes së shpenzimeve me 17 miliardë lekë.</p> Që nga viti 2001, qeveria shqiptare ka pasur nivel të deficitit buxhetor më të ulët se kaq, duke variuar mesatarisht në 5.4 për qind.</p> Loja me PBB-në</p> Qeveria shqiptare e ka bërë llogarinë e deficitit buxhetor në raport me PBB-në, duke marrë për bazë vlerësimin e vet të PBB-së nominale prej 1.18 trilionë lekësh, me rritje prej 5.8 përqindësh. Në fakt, fillimisht Ministria e Financave pati përcaktuar rritje ekonomike prej 4.8 përqindësh, por kur propozimi i ndryshimit të buxhetit mbërriti në qeveri, vetë Kryeministri urdhëroi ndryshimin se sipas tij, rritja ekonomike do të jetë 5.8 për qind. Kjo lojë shifrash në të vërtetë sjell një deficiti buxhetor prej 6.4 përqindësh, më i ulët nga sa pritet të jetë realisht. Sipas Fondit Monetar Ndërkombëtar, PBB nominale e Shqipërisë për vitin 2009 do të jetë 1.1 trilionë lekë e për pasojë, deficiti buxhetor do të jetë 6.8 për qind të PBB-së. Vlerësohet se Shqipëria mund ta ruajë stabilitetin makroekonomik, pra çmimet dhe kursin e këmbimit të lekut, duke ruajtur një deficit buxhetor prej rreth 4 përqindësh të PBB-së.</p> Vlerësim tepër realist për të ardhurat</p> Qeveria duket se është treguar tepër optimiste edhe me parashikimin se të ardhurat e buxhetit për këtë vit do të jenë 327 miliardë lekë (rreth 2.5 miliardë euro), me një rënie prej vetëm 7.7 miliardë lekësh në krahasim programin e fillimvitit. Deri në muajin gusht, qeveria ka pësuar një deficit në programin e të ardhurave prej 17.3 miliardë lekësh dhe tendenca e realizimit të të ardhurave ka qenë negative nga muaji në muaj. Rrjedhimisht, ka pak gjasa që për katër muajt e mbetur, qeveria të rikuperojë të ardhura shtesë për të realizuar programin e ri.</p> Ndikim te vlera e lekut</p> Statistikat zyrtare japin një korrelacion të fortë mes ecurisë së kursit të këmbimit të lekut me nivelin e deficitit buxhetor. Kështu, gjatë viteve 2000-2002, kur deficiti buxhetor varionte në 6-7 për qind të PBB-së, euro kushtonte 130-140 lekë, ndërsa gjatë viteve 2004-2008, kur deficiti qe 3-5 për qind, euro kushtoi në Shqipëri 120-130 lekë. Vijimi i politikës së deficitit të lartë ka gjasa të vulosë edhe fatin e lekut.</p> Pse u rrit deficiti</p> Qeveria e shtoi ndjeshëm deficitin e buxhetit të shtetit gjatë viteve 2008-2009, për shkak të dëshirës së vet për të financuar projekte më të mëdha nga sa mund të përballonte, duke programuar huamarrje të lartë. Kështu, importi i dritave me çmim shumë të lartë pa i rritur çmimet e dritave në tregun e brendshëm, shkaktoi largim masiv të valutës nga Shqipëria gjatë viteve 2007 dhe 2008. Paratë për importin e dritave u paguan dhe vijojnë të paguhen nga buxheti i shtetit. Në vitin 2007 filloi edhe ndërtimi masiv i segmentit Rrëshen-Kalimash, i cili solli edhe dyfishimin e deficitit të buxhetit të shtetit. Kështu, gjatë vitit 2007, ky segment konsumoi 1.8 për qind të PBB-së, nga të cilat, 1.4 për qind ishin importe. Në vitin 2008, rruga hëngri 2.9 për qind të PBB-së, nga të cilat 2.3 për qind qenë importe. Këtë vit, rruga pritet të hajë deri në fund të vitit 3.4 për qind të PBB-së. Rruga Rrëshen-Kalimash ka qenë prej vitesh përgjegjëse për më shumë se 50 për qind të PBB-së.(Shqip)</p> Ky artikull eshte marre nga: http://www.albaniasite.net/?p=23087. Per me shume artikuj te ngjashem vizitoni: http://www.albaniasite.net/?p=23087

Dominon Hemilton, vuan Ferrari Anglezi i MekLaren fiton garën e Singaporit, duke kryesuar nga fillimi</p> Një Luis Hemilton i mrekullueshëm fshin gabimin trashanik të Monzas dhe dominon garën e Singaporit. Një fitore shumë e bukur e kampionit të botës, i cili, pas “pole position” dje, ka kryesuar nga fillimi deri në fund. Është autor i një gare perfekte edhe në disa momente delikate, si hyrja e “Safety car”. Ka mundur Timo Glokun, që merr një vend të dytë të mirë me Tojotën dhe Fernando Alonson, i treti me Renault. Ai bën një dedikim special për të përjashtuarin përjetë, Flavio Briatore. Pikërisht Briatores, spanjolli ka dashur ti dedikojë vendin e dytë në pod. Vetëm i katërti Sebastian Vetel, i cili për një kohë të gjatë ka luftuar me Hemilton, por është penalizuar me një “drive through” për shpejtësi të ndaluar gjatë pit-stopit të dytë. Në të kundër, sigurisht që do ishte renditur i dyti.</p> Një shëtitje â Një penalizim i rëndësishëm, sepse pas tërheqjes së çuditshme të Mark Vebber (për shkak të frenave) u ka hequr të dy pilotëve të Red Bull shpresën për të fituar titullin. Dy makinat BraunGP të Xhenson Baton dhe Rubens Barrikelo, në fakt, edhe pse pa shkëlqim, janë renditur në vend të katërt dhe të pestë, që praktikisht mund të quhet një tjetër shëtitje drejt Botërorit. Në veçanti për anglezin, i cili në lojën e pit-stopeve ka përfunduar para brazilianit. Nëse në garën e ardhshme të Japonisë Xhezon do të mund të fitojë 6 pikë kundrejt ferraristit, atëherë do të jetë edhe matematikisht kampion i botës.</p> Vuan Ferrari âFerrari rikthehet i turpëruar nga kjo transfertë. Raikonen dhe Fizikela kanë garuar në pozicionet më të këqija, ato larg zonës së pikëve. Në fund Kimi ka përfunduar i 10-ti pas Nakazhimës, italiani i 13-ti mes Trulit dhe Liucit. U tërhoqën për shkak të problemeve teknike dy pilotët e Toro Rossos, Buemi e Alguersuari (që në pit-stop ka përplasur një mekanik, sepse u nis pa marrë miratimin), Sutil, Grosxhean, Vebber e Hajdfeld (i pafajshëm, pasi u godit nga Sutil, i cili rrezikon një penalitet për garën e ardhshme).</p> Të penalizuarit – Gara ka qenë lineare vetëm për Hemiltonin, në krye që nga fillim dhe perfekt në të gjitha 61 xhirot. I ndjekur nga Rosberg e Vetel, ka fiksuar një diferencë të vogël me Glok. Pastaj në dy pit-stopet e radhës rivalët e tij më të afërt praktikisht janë eliminuar. Në fillim Niko, i cili në dalje nga korsia e bokseve është përplasur me trafik-ndalësen (”drive through” i paevitueshëm). Pastaj Sebastian, i cili në ndalesën e dytë ka thyer limitin e shpejtësisë në pit-lane: dhe iu desh ti nënshtrohej një “drive through”. Në fund, Glokut e Alonsos u është dashur të përfitojnë, duke u ngjitur në pod. Pikë kanë marrë edhe Kovalainen e Kubica. Të dielën e ardhshme do garohet në pistën e Japonisë, që do të jetë edhe akti i tretë nga fundi i sezonit.(Shqip)</p> Ky artikull eshte marre nga: http://www.albaniasite.net/?p=23090. Per me shume artikuj te ngjashem vizitoni: http://www.albaniasite.net/?p=23090

Rashdi, dashuria dhe jeta Gratë, bukuria, thashethemet e më pas arti i të shkruarit, letërsia, dy gjuhët që përdor dhe qytetet e pafundme në të cilat ka qenë. Takim me shkrimtarin e “Vargjeve Satanike”</p> Në botë nuk janë të shumtë shkrimtarët e përmasave dhe të origjinalitetit të Salman Rashdit. Megjithatë, kur e ke përballë, mendon se këtë njeri e kishe përfytyruar ndryshe para se ta njihje. Arsyet janë të ndryshme: ndoshta për shkak të veshjes së tij shumë ekstravagante, ndoshta për shkak të bluzës së bardhë me copëza lëkure leopardi, e ndoshta për namin që ka si një shijues i jetës së ditës dhe asaj të natës, të jetës shpirtërore dhe asaj fizike. Si në çdo vend ku shkon, qoftë edhe për pushime, ai nuk harron që të marrë me vete laptopin, disa libra dhe mbi të gjitha të organizojë konferenca të vogla me lexues dhe dashamirës të shkrimeve të tij. Fama e tij dhe mbi të gjitha shkrimet nuk janë shoqëruar deri më tani me ndonjë “Nobel”, por me shumë çmime të rëndësishme për botën e letërsisë dhe me një kërcënim nga Teherani në lidhje me librin që e bëri të famshëm “Vargje Satanike”. Ai zakonisht është një njeri që e përdor shumë mirë buzëqeshjen, si dhe gjuhën e tij të dytë, anglishten, të cilën tashmë e ka perfeksionuar në atë shkallë sa të shkruajë e të hedhë në letër gjithë mendimet e veta. Madje, përdor anglishten e zotërinjve me stërhollime gramatikore e frazash që e bëjnë ta dallosh menjëherë nga shkruesit e tjerë jo britanikë. Por po aq mirë ai di të përdorë edhe ironinë, madje sarkazmën hera-herës, që sipas tij, është pjesë e pashmangshme e realitetit tonë. Në vitin 1999, pak pas deklaratës së qeverisë iraniane se tashmë e kishte hequr dënimin me vdekje ndaj shkrimtarit, duke e lënë më në fund të lirë, Rashdi iu rikthye jetës publike që do të thotë se për të nisën të qarkullonin thashetheme, sikundër ai vetë nisi të qarkullonte nëpër festa e mbrëmje me vajza të bukura e njerëz të famshëm, kryesisht britanikë. Kur e pyetën një herë në një intervistë në lidhje me të gjitha thashethemet që qarkullonin për të dhe që mund tia prishnin imazhin, Rashdi u përgjigj se thashethemet janë rrezik i zanatit dhe se ai ishte shumë i qartë për risqe të tilla e se i kontrollonte fort mirë. Shkrimtari i madh që ka sjellë në jetë një botë me personazhe të shumta e të çuditshme, ndoshta nuk do të ishte bërë i tillë sikur të kishte një jetë të zakonshme. Ai i kërkon vetë situatat e jashtëzakonshme e personazhet e çuditshme. Veç kësaj, ai është i famshëm edhe për marrëdhëniet e tij me femrat. Për tu martuar me ish-gruan e tij 25 vjet më të madhe në moshë, Padma Lakshmi, ai divorcoi bashkëshorten e tretë. Për të pasur një divorc të shpejtë, ai i dha ish-gruas plot 7 milionë euro. Por fatkeqësisht dhe kjo përpjekje e katërt e bashkëshortes nuk i doli mbarë dhe nuk dihet ende se sa para i ka dhënë ai ish-gruas së tij të katërt që vendosi ta linte një ditë të bukur. Nga të gjitha këto përvoja ka mësuar se në marrëdhënien në çift është shumë e rëndësishme miqësia. “Libri juaj i fundit quhet E mrekullueshmja e Firences dhe rrëfen për Italinë dhe Indinë në epokën e Rilindjes. Libri para këtij titullohej: “Klouni Shalimar” dhe është historia e një vrasësi të lindur në Kashmir. Por një nga përpjekjet e tij më të suksesshme është edhe shkrimi i historisë së Orfeut dhe Euridicës, më pas keni shkruar reportazhe shumë të bukura për Nikaraguan, ese për politikën, futbollin dhe madje edhe përralla për fëmijë. Në çdo material keni përdorur një gjuhë të re të foluri. Ka raste që ajo është e thjeshtë dhe e kuptueshme, e herë të tjera bëhet shumë hermetike, e koklavitur dhe e pasur me figura letrare”. “Kur nis të shkruaj pyes gjithmonë veten: ku zhvillohet ngjarja dhe mbi të gjitha në çfarë epoke. Vetëm pasi i kam dhënë përgjigje një pyetjeje të tillë unë vendos që të zgjedh edhe gjuhën që u shkon për shtat atyre ngjarjeve. Në rastin e librit për Firencen kam dashur të rrëfej një mister dhe misteri është gjithmonë interesant, por duke qenë se kisha zgjedhur një ngjarje në të shkuarën, madje në të shkuarën e largët u frymëzova nga librat dhe stilet e veprave të tilla si ato të Aristotelit dhe Don Kishotit”. Rashdi ka shkruar për të tashmen në reportazhet e tij dhe për të shkuarën në romane, po a do të shkruajë ndonjëherë për të ardhmen? Ai vetë thotë se e ka menduar një gjë të tillë dhe se do ti pëlqente dhe madje mund të jetë edhe subjekti i romanit të tij të ardhshëm. Ai ka qenë gjithmonë i magjepsur nga historitë fantastiko-shkencore dhe libri i tij i parë me tregime, për të cilin ai nuk është se ka ndonjë konsideratë të madhe profesionale tani, është një rrëfim fantazie dhe fantashkence njëherazi. Ai e ka përdorur fantashkencën edhe në romane të tjera, por jo në të gjithë linjën, por në linja të veçanta. Kur ishte i ri i pëlqente shumë që të lexonte për të rejat e fundit të shkencës dhe për parashikimet e së ardhmes. Veçanërisht kjo lloj gjinie pati një bum të vërtetë në vitet 60 që sot konsiderohet edhe si periudha e artë e fantazisë. Fatkeqësisht, sot kjo lloj letërsie kaq pjellore dhe intriguese nuk ekziston më, të paktën në ato përmasa. Pjesa më e madhe e shkrimtarëve të sotëm fantastiko-shkencorë nuk shkruajnë me ndonjë nivel dhe fantazitë janë të vakëta. Kështu, Rashdi rrëfen se ai ishte i ngopur dhe nuk e lexonte më këtë lloj krijimtarie, por kishte menduar që ta sillte vetë edhe pse kishte pak droje, pasi një letërsi e tillë kërkonte edhe punë kërkimore dhe hulumtime në fusha të ndryshme të shkencës. Nga ana tjetër fantashkenca është një fushë që i jep shumë hapësirë një shkrimtari dhe kjo është premisa e parë që ky zhanër është i destinuar për të rilindur. Sipas tij, është i vetmi zhanër që i jep mundësi shkrimtarit që të lëvrojë shumë ide. Ndërkohë në librat e tij, Rashdi ka shkruar për shumë qytete të ndryshme të botës, kjo sepse autori ka jetuar dhe ka shkuar në shumë qytete. E në morinë e këtyre metropoleve të mëdha e të vogla cili është ai që shkrimtari e konsideron qytetin më interesat të botës?</p> Sipas tij, deri në vitin 2001 qyteti më interesant i botës ishte Nju Jorku, por më pas situata ndryshoi dhe rënia në fakt ndodhi para këtij viti. Nju Jorku, sipas shkrimtarit, ka qenë qendra kulturore e botës dhe kjo deri në fund të viteve 70. Në atë epokë, shumë pak gjëra kishin të bënin me paratë. Rashdi vazhdon të thotë se në vitet 80 hyri fuqishëm kulti i parasë dhe pagesave dhe arti u shndërrua në konsum dhe pjesë e biznesit fitimprurës. Paraja ndryshoi vlerat e deriatëhershme dhe vlerat u zëvendësuan nga injoranca e mitet e rreme. Qyteti rreshti së prodhuari art e në vend të artit prodhimi i tij i parë ishin paratë. Më pas, situata rrodhi duke u përkeqësuar deri më 11 shtator që shënoi jo vetëm për Nju Jorkun, por për tërë botën një epokë të re. Sipas shkrimtarit, sot në botë nuk ekziston një vend kryesor që të mund të konsiderohet si Roma e re. Ndoshta për disa vjet një qytet i tillë mund të jetë Pekini, apo Mumbai. Fakti është se bota po ndryshon në një mënyrë marramendëse. Por duke iu rikthyer dashurisë së parë të shkrimtarit, Nju Jorkut, që është edhe vendi ku ai ka jetuar për një kohë të gjatë çfarë vërtet i pëlqen atij në këtë qytet? Rashdi thotë se çdo qytet të kërkon dhe të jep diçka dhe për sa i takon Nju Jorkut është një qytet që kërkon shumë nga banorët e tij. Në këtë metropol, njerëzit punojnë 12 orë në ditë dhe kjo është një nga gjërat që i pëlqejnë më shumë shkrimtarit, pasi në një vend ku të gjithë punojnë shumë, është shumë më e lehtë që të punosh më mirë dhe si pasojë edhe ai e ka pasur periudhën e Nju Jorkut shumë produktive. Por kur një shkrimtar dashurohet me një qytet, bëhet fjalë për një dashuri që zakonisht ka si shkak një arsye të caktuar dhe zgjat një periudhë të caktuar. Rashdi është shumë kozmopolitan. Dashuritë e tij për njerëz të ndryshëm e qytete të ndryshme janë tashmë të njohura e si pasojë pikërisht këto dy tema të mëdha, pra përkatësia dhe çrrënjosja janë ndër temat kryesore të shkrimeve dhe romaneve të tij. Sipas vetë fjalëve të shkrimtarit, njerëzimi jeton në një dilemë të përjetshme ekzistenci Ky artikull eshte marre nga: http://www.albaniasite.net/?p=23093. Per me shume artikuj te ngjashem vizitoni: http://www.albaniasite.net/?p=23093

Enciklopedia; zhvillohet protestë në Tetovë Edhe studentët janë shprehur kundër falsifikimeve që janë bërë në enciklopedinë e publikuar nga Akademia e Shkencave dhe Arteve të Maqedonisë. Me këtë rast nën organizimin e Shoqatës për mbrojtjen dhe afirmimin e identitetit shqiptarë në Maqedoni “ILLYRICUM LIBERTAS”, dhe nën përkrahje të plotë të unioneve të studentëve të të dy universiteteve në Tetovë USHT-së dhe UEJL-së, të mërkurën në ora 12 do ketë organizohet një marsh protestues. Kjo enciklopedi përmban një numër të madh të fakteve të falsifikuara historike dhe interpretime krejtësisht të gabuara për të kaluarën e afërt dhe më të largët të kombit shqiptar. Duke i pasur parasysh gjithë këto fakte shoqata për mbrojtjen dhe afirmimin e identitetit kombëtar Illyricim libertas në bashkëpunim të plotë me dy unionet studentore të UEJL-së dhe USHT-së organizon një marsh protestues me moton Jo falsifikimit të historisë shqiptare, jo pseudoenciklopedisë, deklaroi Valon Kurtishi nga orginizata Illyricum Libertas. Mbështetjen e tyre e konfirmuan edhe dy Unionet e studentëve të USHT-së dhe UEJLsë, të cilët përveç përkrahjes që dhanë bënë apel edhe për përkrahje në protestën e të mërkurës.</p> Marshi do te mbahet diten e merkure, 30 shtator, me fillim ne ora 12,00. Nisja do te behet nga sheshi para UEJL-se ne menyre te organizuar.</p> Ky artikull eshte marre nga: http://www.shqipmedia.com/?p=23240. Per me shume artikuj te ngjashem vizitoni: http://www.shqipmedia.com/?p=23240

Kur akademikët ia fusin kot Nga Rufi Osmani – </p> Dalja në dritë e Enciklopedisë së Maqedonisë publikim i realizuar me mjete të popullit të Maqedonisë, e ku me një përqindje të madhe kontribuon popullata shqiptare e vendit, më shumë na zhgënjeu dhe na irritoi si shqiptarë se sa na befasoi. Tash më jemi mësuar që kohë pas kohe Akademisë së Shkencave dhe Arteve të Maqedonisë (mbase të inspiruar nga elaboratet e Vasa Çubrilloviqit me bashkëmendimtarët) të del me risi të këtilla. Mos të harrojmë, se bëhet fjalë për institucion i cili me dekada ka qenë i rezervuar ekskluzivisht për maqedonasit. E kemi të freskët angazhimin e kësaj akademie në përgatitjen e hartave për ndarje të territoreve të Maqedonisë. Prandaj sihariqet e radhës në këtë enciklopedi (nëse mund të quhet si e tillë), për ne janë çështje déja vu. Ndonëse kemi mundur të presim marrëzira dhe provokime të këtij lloji në këtë enciklopedi, si duket të njëjtit, ia nxorën fundin.</p> Që e keqja të jetë më e madhe, ata që e hartuan të njëjtën, pas reagimit të strukturave politike, organizatave të ndryshme nga vendi e nga jashtë, sikur nuk çajnë kokë dhe vazhdojnë me injorancë të theksuar me mbrojtjen e qëndrimeve të tyre denigruese antishqiptare. Me gojë plotë në këtë enciklopedi shqiptarët i kategorizojnë si fise ardhacakë tash së pari në Maqedoni, se janë faktor destabilizues, i emërtojnë me emërtime poshtëruese, si shiptari (malësorë) terroristë, popull pa histori, zbulojnë data të reja historike për formimin e shtetit shqiptar, për prejardhjen joshqiptare të personaliteteve eminente shqiptare etj.</p> Pa mos hyrë thellë në analizat e qëndrimeve të këtilla skandaloze, nuk do mend se mungesa e identitetit maqedonas apo mospranimi i të njëjtit nga pjesa dërmuese e fqinjëve (edhe më tutje me përjashtim të shqiptarëve!!), problemi me emrin, komplekset e inferioritetit etj, mbase janë disa nga shkaqet e hartimit të një enciklopedie të këtillë skandaloze. Këtu ne si shqiptarë jemi të pafuqishëm dhe nuk mund tua shërojmë komplekset në fjalë. Komplekset e këtilla mund të shërohen me kthjellime dhe ballafaqimin me të vërtetën. Është obligim i ASHASH dhe ASHAK të hartojë enciklopedi për historinë shqiptare ku do të dilnin në shesh të vërtetat e pakontestueshme shkencore të qarqeve relevante botërore si pandam i të pavërtetave të plasuara nga akademikët maqedonas.</p> Ajo që mundemi ne si shqiptarë ta bëjmë është që pas këtyre provokimeve nuk na ngel gjë tjetër përveç të kërkojmë që hartuesit e enciklopedisë : - të mos publikojnë marrëzira çifti i kësaj enciklopedie duke u bërë gazi i botës, - të konsultojnë literaturë relevante të pranuar në qarqet akademike-shkencore botërore, - të shkarkohen nga shovinizmi i verbër dhe ta kryejnë punën e tyre duke u mbështetur në faktet historike të pranuara për botërisht nga qarqet shkencore-akademike si dhe të konsultohen me akademikët dhe punëtorët shkencor shqiptar nga Maqedonia, Kosova dhe Shqipëria, - të punojnë më shumë në gjetjen e modaliteteve për definimin e identitetit të kontestuar maqedonas para opinionit ndërkombëtar qoftë atij politik dhe atij shkencor - tu kërkojnë falje publike shqiptarëve për ofendimet e paraqitura në këtë enciklopedi dhe të premtojnë se ofendime të këtilla nuk do të përsëriten në të ardhmen</p> Provokimet e këtilla shkojnë në dëm të shtetit të Maqedonisë, marrëdhënieve ndëretnike mes shqiptarëve dhe maqedonasve dhe shërbejnë si mollë sherri në mes tyre. Krijimi i armiqësive me shqiptarët, amerikanët, anglezët e të tjerët, me siguri se nuk u shërben interesave maqedonase. Maqedonia është aq e vogël sa të pretendohet se bota rrotullohet rreth saj. Ajo që mund të ndodh në të ardhmen, e që ndërlidhet me provokime të këtilla, rast shumë i freskët nga fqinjësia e afërt, do të jetë përgjegjësi e hartuesve të kësaj enciklopedie si dhe atyre që qëndrojnë pas dhe që i mbështesin të njëjtit. Zoti u ndihmoftë!</p> Ky artikull eshte marre nga: http://www.shqipmedia.com/?p=23235. Per me shume artikuj te ngjashem vizitoni: http://www.shqipmedia.com/?p=23235