Tema e ditës

Lucy ka nje paraardhes Shyhen kufijte e provave kohore qe vertetojne fillesat e jetes se njeriut ne Toke sepse tashme Lucy ka nje paraardhes dhe nuk eshte ekzemplari me i vjeter i zbuluar.</p> Skeleti i pjesshem i australopitekut femer eshte kaluar nga nje tjeter skelet femeror i quajtur Ardi, shkurtim i Ardipithecus ramidus. Revista Science ka publikuar sot nje studim te gjate me 11 pune shkencore qe vertetojne primatin e ri.</p> Ardi u zbulua ne Etiopi dhe shpesh here eshte cilesuar si unaza lidhese mes shimjeve dhe njeriut pasi na afron shume me kete kafshe. </p> Ardi eshte rreth 1 milione vjet me i vjeter se Lucy. Keto te dhena u moren pas analizave te hollesishme qe iu bene kafkes, dhembeve dhe skeletit. Ardipithecus ramidus eshte specie qe nuk u zhvillua me ritme te shpejta drejt njeriut te australopitegut.</p> Ne analizat qe u jane bere duarve dhe kembeve eshte vene re nje mozaik i nderlikuar qe nuk u ngjan as shimjeve dhe as njerezve. Sipas Tim White nga University of California at Berkeley, kjo eshte nje dritare e re per studimet rreth prejardhjes se njeriut. /Top-channel</p> Ky artikull eshte marre nga: http://www.kuriozitete.net/?p=398. Per me shume artikuj te ngjashem vizitoni: http://www.kuriozitete.net/?p=398

Kanguri është vene në shenjëstër të njërëzve Një tragjedi ka ndodhur ne Australi ku kafsha simbol e kontinenit te vecuar,eshte vene ne shenjester te njerezve. 140 kangure jane masakruar.</p> Për arsyje se janë bër pengesë qe mund ti benin gares “Bathurst 1000″ qe do zhvillohet ne Mount Panama diten e enjte.</p> Komuna e Bathurst e konfirmon dhenien e urdhrit per vrasjen e kangureve, por shton se ka pasur autorizimin e Sherbimit te Parqeve dhe Faunes per te garantuar sigurine e piloteve dhe publikut.</p> Ne vitit 2007 te kesaj gare, nje kangur u filmua teksa po kalonte mespermes pistes.</p> Pas ketij lajmi, ambientalistet kane zhvilluar nje proteste, duke e cilesuar kete si nje masaker jo humane dhe te panevojshme.</p> Deputeti Lee Rhiannon tha se vrasja e 140 kangureve nuk justifikohet me pengesen e gares. Ndersa nga ana tjeter, nje zedhenes io komunes ka reaguar duke thene se numri i kangureve ne kete zone eshte rritur ndjeshem dhe tashme ata jane kthyer ne nje problem.</p> Ky artikull eshte marre nga: http://www.kuriozitete.net/?p=395. Per me shume artikuj te ngjashem vizitoni: http://www.kuriozitete.net/?p=395

Administrata, 15 milionë $ abuzime TIRANË- Abuzimet e administratës i kanë shkaktuar shtetit shqiptar një dëm prej 15 miliardë lekësh të vjetra. Kontrolli i Lartë i Shtetit ka raportuar dje në Komisionin Parlamentar të Ekonomisë duke treguar edhe abuzimet e shumta që janë zbuluar në buxhetin e vitit 2008.</p> Sipas kreut të KLSH-së, Robert Çeku, insopektorët kanë konstatuar një serë shkeljesh të hasura në administratën qendrore e atë lokale, dogana, tatime, ente shtetërore, etj.</p> Të ardhurat</p> Për shkak të paaftësisë në mbledhjen e të ardhurave të buxhetit të shtetit i është shkaktuar një dëm prej rreth 1 miliardë e 149 milionë lekë të reja. Nga këto, pjesa më e madhe, rreth 931 milionë lekë janë shkaktuar si pasojë e mosarkëtimit të të ardhurave jo tatimore nga kontratat e qirasë dhe ato koncesionare.</p> Por nuk mbeten pas tatimet dhe doganat. Sipas raportit të KLSH-së, për vitin 2008 si pasojë e shkeljeve, në total efekti negativ në buxhetin e shtetit për të ardhurat tatimore rezulton të jetë minus 111 milionë lekë të reja. Këtu përfshihen, shmangiet nga tatimi mbi të ardhurat, tatimi në burim për projektet me financim të huaj më rreth 60 milionë lekë.</p> Kësaj shifre i shtohen edhe mosrealizimet nga një serë Agjencish Rajonale të Tatimeve, të cilat në total kapin një shifër prej 44 milionë lekësh. Për t’u theksuar është edhe detyrimi prej 6.9 milionë lekësh që Ministria e Punëve të Jashtme dhe ajo e Turizmit Kulturës Rinisë dhe Sporteve nuk kanë shlyer ende ndaj organeve tatimore.</p> Ndër Agjencitë Rajonale të Tatimeve të cilat me shkeljet e tyre kanë kontributin më të madh në këto tregues janë ajo e Durrësit, me minus 31.4 milionë lekë, ajo e Korçës me 4.7 milionë, Agjencia Rajonale e Lezhës me pesë milionë lekë dhe ajo e Krujës me tre milionë.</p> Për sa i përket doganave, gatë vitit 2008 shtetit i është shkaktuar një dëm prej 32.7 milionë lekësh. Shkeljet nga administrata e pushtetit vendor duke shkaktuar një dëm prej 22 milionë lekësh në buxhetin e shtetit, e bëjnë pushtetin lokal ndër shkaktarët më të mëdhenj në totalin e dëmit për vitin 2008.</p> Shpenzimet</p> Në total, dëmi ndaj buxhetit të shtetit, shkaktuar si pasojë e shpenzimeve të realizuara në shkelje të ligjit është 365.7 milionë lekë, ku vendin e parë e mbajnë ministritë dhe administrata e lartë shtetërore me rreth 177 milionë lekë.</p> Nga këto, një dëm prej 87 milionë lekësh është shkaktuar nga Drejtoria e Përgjithshme e Rrugëve, 55 milionë nga Qendra Universitare Spitalore “Nënë Tereza” dhe 11.2 milionë nga Drejtoria e Përgjithshme e Ujësjellës-Kanalizimeve.</p> Në listën me shkelje të kapura nga KLSH-ja, janë të përfshira edhe disa ministri. Kështu, një dëm prej 9.6 milionë lekësh, buxheti i vitit 2008 ka pësuar nga shkeljet në Ministrinë e Turizmit, Kulturës Rinisë dhe Sporteve, ndërsa rreth tre milionë lekë është dëmi i shkaktuar nga Ministria e Arsimit dhe Shkencës.</p> Ministria e Shëndetësisë ka shkaktuar një dëm prej 1.6 milionë lekësh, ndërsa ajo e Punëve të Jashtme ka kryer shkelje me vlerë 2.2 milionë lekë. Për sa i përket shkeljeve të hasura gjatë realizimit të projekteve me financim të huaj, në total dëmi i shkaktuar kap shifrën e 65.7 milionë lekëve, ku pjesën më të madhe e përbëjnë shkeljet në projektet e ujësjellësve.</p> Dëmi i shkaktuar buxhetit të shtetit 931 milionë lekë të ardhurat jo tatimore 111 ” ” Tatimet 65.7 ” ” Nga projektet me financim të huaj 32.7 ” ” Doganat 22 ” ” Pushteti Vendor 87 ” ” Dr. Përgjithshme Rrugëve 55 ” ” QSUT 11.2 ” ” Dr. Përgjithshme Ujësjellës-Kanalizime 9.6 ” ” MTKRS 3 ” ” Ministria e Arsimit 2.2 ” ” Ministria e Jashtme 1.6 ” ” Ministria e Shëndetësisë 1.5 miliardë lekë dëmi në total total(Shekulli)</p> Ky artikull eshte marre nga: http://www.albaniasite.net/?p=23303. Per me shume artikuj te ngjashem vizitoni: http://www.albaniasite.net/?p=23303

Vritet me tre plumba në kokë mjeku i spitalit të Durrësit, Fatmir Thaçi DURRËS – Një ngjarje e rëndë ka ndodhur sot në spitalin e Durrësit. Mjeku radiolog, Fatmir Thaçi është vrarë në ambientet e punës. Shtetasi Ali Lorja e ka qëlluar me tre plumba pistolete në kokë dhe më pas i është dorëzuar policisë. Dyshohet se xhelozia është bërë shkak për këtë vrasje. Dy muaj më parë bashkëshortja e autorit, Liljana Lorja që punonte si infermiere në këtë spital është vetëhelmuar. Dyshohet se bashkëshorti e ka shtyrë drejt aktit të flijimit, pasi dyshonte se ajo e tradhtonte me mjekun Fatmir Thaçi.</p> Ngjarja ndodhi rreth orës 09:30 të ditës së sotme. Atentatori ka hyrë në laboratorin e Radiologjisë, ku ka gjetur vetëm mjekun të cilin e ekzekutoi me plumba në kokë. Krismat kanë shokuar personelin dhe pacientët, që tentuar ti japin ndihmë të plagosurit. Ndërkohë autori i ngjarjes ka hedhur armën në vendin ku kreu krimin dhe priti në oborrin e spitalin forcat e policisë duke mos bërë asnjë lloj rezistence.</p> Drejtoria e Policisë së Durrësit doli me një komunikatë për shtyp një orë pas ngjarjes. “Është vrarë me armë zjarri tip pistoletë shtetasi Fatmir Thaçi, 52 vjeç banues në qytetin e Durrësit, me profesion mjek radiolog”, thuhet në komunikatë, ndërsa më tej sqarohet se “menjëherë pas njoftimit të marrë shërbimet e policisë bënë të mund arrestimin e autorit të ngjarjes, shtetasin Ali Lorja 46 vjeç dhe sipas të dhënave paraprake ngjarja ka ndodhur për motive të dobëta”.</p> Mjekët e spitalit mohojnë të ketë pasur një lidhje mes mjekut të vrarë dhe infermieres së helmuar. Por nga ana tjetër ata pranojnë se bashkëshorti i Liljanës, disa herë kishte shkuar në spital duke u grindur me të shoqen. Ndërsa burimet konfidenciale thonë se Aliu, ishte mjaft xheloz për të dhe kishte dyshime të forta se e tradhtonte me mjekun në fjalë. Madje dyshohet se ai e ka shtyrë gruan e tij drejt vetëflijimit. Sot, 2 muaj nga vdekja e saj, ai ka shkuar në spital dhe ka vrarë personin me të cilin dyshonte se e tradhtonte gruaja. Gjithçka pritet të sqarohet pas marrjes në pyetje të autorit të ngjarjes i cili është tashmë i arrestuar.</p> Forca të shumta policie kanë rrethuar spitalin e Durrësit. Vrasja e mjekut ka terrorizuar personelin, por të frikësuar janë edhe pacientët që tentojnë të dalin nga spitali. Ekspertiza po mbledh provat në vendin e ngjarjes, duke paralizuar kështu gjithë punën në spitalin rajonal. Ndërkohe janë lajmëruar edhe familjarët e mjekut që mbeti viktimë e një agresori që e qëlloi për motive ende të dyshimta.</p> Lajmi i datës 8 korrik 2009: Vetëhelmohet infermierja e spitalit të Durrësit</p> Dje në mesidtë është dërguar me urgjencë në spitalin e Durrësit shtetasja Liljana L. lindur dhe banuese në Durrës, pasi kishte konsumuar lëndë helmuese. Nëna e dy fëmijëve ka marrë ndihmën e parë nga kolegët e saj më pas është dërguar në spitalin ushtarak në gjendje shumë të rëndë ku edhe ka humbur jetën sot në orët e para të mëngjesit. Liljana punonte si infermiere në spitalin e qytetit të Durresit. Nga deklarimet e dhena paraprakisht mendohet se ajo ka konsumuar një sasi helmi qe perdoret per ngordhjen e mijve, ndërsa nuk thuhen arsyet e kësaj vetëvrasjeje.(Shekulli)</p> Ky artikull eshte marre nga: http://www.albaniasite.net/lajme-flash/vritet-me-tre-plumba-ne-koke-mjeku-i-spitalit-te-durresit-fatmir-thaci.html. Per me shume artikuj te ngjashem vizitoni: http://www.albaniasite.net/lajme-flash/vritet-me-tre-plumba-ne-koke-mjeku-i-spitalit-te-durresit-fatmir-thaci.html

Vazhdon dëshmia e Colit: Vrasës me pagesë në ekzekutimin e Lul Berishës Pas dështimit të atentatit të parë kundër Lul Berishës, banda e drejtuar tashmë nga Indrit Dokle nuk hoqi dorë. Rekrutimi i djemve nga Burreli nuk po jepte rezultat, ndaj edhe anëtarët e bandës u detyruan të paguajnë dy kosovarë, të cilët sollën nga Kosova në Tiranë, brenda një kamioni me patate dy antitanke. Megjithatë, fati do të ishte edhe këtë herë me Lul Berishën, pasi njëri prej kosovarëve plagosi veten aksidentalisht. Në dëshminë e tij, Adriatik Coli rrëfen për planin e ekzekutimit gjakftohtë të Avni Gashit si dhe motivet që i shtynë të përplasen me truprojën e diskos tek “Sheratoni”, ç’ka do të shënonte edhe vrasjen e fundit të kryer prej bandës së Durrësit.</p> TIRANË- …Ne morëm vesh më vonë se kur e kishim qëlluar Indrit Taullain, ai kishte shkuar me vrap tek një lokal i njohur dhe atje e kishte marrë në telefon Lul Berishën. I kishte thënë: më kanë qëlluar. Luli nuk kishte shkuar vetë, por i kishte telefonuar ndërmjetësit dhe i kishte thënë që të merrte Indrit Taullain. Edhe ai kishte çuar një njeri tjetër. Na thanë se ky i fundit e kishte takuar Indrit Taullain dhe kishte vërejtur se ai ishte shumë i trembur dhe nuk ishte normal. Luli nuk e besonte historinë që i kishte ndodhur Indrit Taullait, pasi i thoshte se si ka mundësi që nuk të kanë vrarë, sepse këtu qenkan gëzhojat dhe t’i ke shpëtuar dhe je hedhur nga 50 km në orë. Na thanë madje se Luli kishte filluar të dyshonte tek Indriti dhe biles kishte bërë prova me makinë, duke ecur me 50 km në orë me makinën e tij dhe i thoshte Indritit që të hidhej, por Indriti nuk hidhej. Në takimet që ndërmjetësi ka bërë me ne, si moment nuk më kujtohet mirë, por pas vrasjes së Klodit na tregoi se Plarenti me Indrit Taullain ziheshin të dy, duke thënë se nuk e vrave ti, por e vrava unë. Indriti i thoshte “po ku qëllon Lenti, e di ti se si qëllon Lenti”. Pas ngjarjes së ndodhur me Indrit Taullain ramë në qetësi. Unë i thashë Indrit Dokles se do të ikja. Kjo për arsye sepse kishin filluar dyshimet mes nesh, pasi Indriti më thoshte pse nuk po del Luli, mos e lajmëron njeri atë etj. Kështu që unë u largova për në Itali, në muajin korrik të vitit 2005. Në Itali kam qëndruar deri në mes të muajt gusht 2005. Gjatë kësaj kohe komunikoja rregullisht me Indritin. *** Kur erdha nga Italia, kisha mbledhur 100 mijë euro nga tregtia e drogës. Kur erdha unë, menjëherë jam vendosur në Tiranë tek shtëpia që kishte Indriti bashkë me dashnoren e tij. Aty gjeta Ervinin, Selën, Kujtim Bunën, një djalë me emrin Spartak nga Burreli dhe Sardian Sulejmanin nga Durrësi. Të nesërmen unë me Indrit Doklen dhe Ervinin nga Burreli shkuam me avion në Prishtinë, që nga Tirana për t’u interesuar për trafikun e drogës. Pasi bëmë muhabetet rreth trafikut të drogës, u kthyem në Tiranë të nesërmen. Mora vesh se Indrit Dokle, këta burrelasit i dërgonte vazhdimisht në Durrës që ta ruanin Lulin dhe ta vrisnin. Pasi unë u ktheva nga Italia, Sela shkoi dhe nja tre a katër herë të tjera në Durrës, së bashku me Sardianin dhe Spartakun për ta vrarë Lulin, por nuk u bë gjë. Kujtim Buna, një natë bëri fjalë me Selën në prani të të gjithëve dhe po i thoshte përderisa do marrësh lekët, përse nuk shkon me e vra, apo po shkon për t’u tallur. Ngrihet Ervini dhe thotë se këtij nuk i kanë vrarë as nënë e as babë. Aty ndërhyn Indriti, duke thënë ty nuk të takon me fol shumë, se në qoftë se nuk e vrisni ju, do të vrasim vetë, kështu që prishet muhabeti dhe vendosem të ndërronim shtëpi dhe u ndamë me ta. Nga ai moment iku Sela me Spartakun dhe pas dy ditësh iku edhe Ervini. Pastaj ne vendosem me njëri-tjetrin që të largoheshim prej aty. Në atë kohë, unë rrija me Indritin, Sardjan Sulejmanin dhe Kujtim Bunën, pasi me burrelsat ishim prishur. Gjatë kësaj kohe po bënim plane për të vrarë Lulin me kundërtank, për këtë gjë u interesua Kujtim Buna, i cili i telefonoi një personi nga Kosova për të blerë dy kundërtank njëpërdorimësh. Këto dy kundërtanke i sollën dy shtetas kosovarë, të moshës rreth 40 vjeç njëri prej tyre ishte i gjatë dhe rreth 1.80 m dhe i shëndetshëm, kishte flokë biondë, ndërsa tjetri ishte më i shkurtër rreth 1.65 m me trup të dobët dhe me flokë të rëna. Bisedat paraprakisht me këta i kishte bërë Kujtimi dhe me këta Kujtimi ishte shoqëruar, që e morëm vesh më pas. Tre apo katër ditë pas porosisë së Kujtimit, dy kosovarët për të cilët fola, sollën në Tiranë dy kundërtanket e fshehur në një kamion të mbushur me patate. Kamionin me patate e kanë sjellë deri në afërsi të rrugës “Komuna e Parisit”. *** Në këtë vend ndaluan makinën pak larg, i morën kundra-tanket në një thes dhe na i sollën në shtëpi. Kur erdhën në shtëpi po na mësonin se si t’i përdornim. Nga udhëzimet e tyre mësuam se këto ishin njëpërdorimshe dhe pasi bëhej shpërthimi i parë që çanin blindën, shpërthenin përsëri brenda dhe kishin një temperaturë 4000 gradë. Në këtë kohë, Kujtimi bisedoi me kosovarin e shkurtër dhe i kërkoi t’i gjente nja dy kosovarë, të cilët duhej të qëllonin për të vrarë Lul Berishën. Erdhën dy kosovarët që i solli baca i vogël, me këtë emër e thërrisnim kosovarin e shkurtër që solli kundra- tanket. Me këta e bëmë pazarin për 80 mijë euro për të vrarë Lul Berishën. Ne u kërkuam që të qëllonin me kundra- tank, por ata nuk pranuan dhe thanë se është më lehtë ta vrisnim me pistoleta, pasi t’i afrohemi afër. Ne këtyre u dhamë dy pistoleta si dhe fotografinë e Lul Berishës, fotografi kjo e prerë nga fotot e dala në kohën kur grupi ishte bashkë. Njëri nga kosovarët ishte më i shkurtër dhe e quanin “kinezi”, ndërsa tjetrit nuk ia mbaj mend emrin. Dy kosovarët i dërgoi në Durrës Sardian Sulejmani dhe u tregonte vendin dhe lokalin ku do t’i gjuanin Lulit. Kosovarët i strehuam në plazh, tek një hotel të cilit nuk ia di emrin. Ditën që ka ndodhur ngjarja, dy kosovarët po qëndronin në zonën afër lokalit të Lulit, por të shkëputur me nga 50 metra nga njëri -tjetri. Në kohën kur po prisnin daljen e Lulit, njëri prej kosovarëve ishte sulmuar prej tre personave të cilët i ishin qepur për ta rrahur. Ky kishte futur dorën tek pistoleta dhe e ka shkrepur pa dashje, duke plagosur veten. Siç na tregoi Sardiani më vonë, ai i kishte rënë telefonit të këtij kosovarit, por nuk përgjigjej. Në një nga këto thirrjet, ai është përgjigjur me gjysmë zëri. Atëherë është afruar Sardiani me kinezin dhe e kanë gjetur kosovarin të shtrirë në tokë. Ai i ka kërkuar Sardjanit ndihmë. Por Sardiani ia ka marrë armën të vetë plagosurit dhe kinezit dhe ka ikur që aty, duke i lënë në rrugë. Ndërkohë, kinezi ka lajmëruar policinë dhe ka shkuar bashkë me shokun e tij në spital. Kur policia më pas ka shkuar në spital, kinezi i është dorëzuar policisë dhe kjo tentativë vrasjeje ndaj Lul Berishës dështoi. *** Indrit Doklesi ishte bërë fiksim se Avni Gashi kishte spiunuar kur ishte vrarë Klodi. Kjo përshtypje i ishte krijuar, pasi natën e vrasjes së Klodit, Avniu kishte qenë duke shkuar për në Tiranë dhe kishte ndaluar në autostradë, ku kishte parë makinën e Klodit përmbys. Këtë muhabet, Avniu na e kishte treguar mua dhe Indritit. Atë ditë do të luhej ndeshja Shqipëri-Turqi në Tiranë. Para se të fillonte ndeshja, unë me Indritin, Sardianin dhe Kujtim Bunën ishim tek shtëpia me qira tel “21 dhjetori”. Indriti e mori në telefon Avniun dhe i tha: “hajde e flasim për punë pune, por mos i trego njeriu që ke ardhur këtu”. Indriti la takim me Avniun tek hoteli aty pranë dhe e porositi që të vinte me furgon që të mos ta shikonte njeri. Dhjetë minuta para ndeshjes, Avniu i bëri telefon Indritit e i tha se kishte ardhur tek hoteli. Indriti i tha: më prit se po vij aty. Në këtë moment ne ishim te garazhi poshtë shtëpisë sime dhe po prisnim ardhjen e Avniut. Pas telefonatës që i bëri Indritit, ky i fundit dërgoi Sardianin në këmbë për ta marrë, pasi shtëpia ishte rreth 300 metra larg hotelit. Pas rreth 5 minutash, Sardiani erdhi së bashku me Avniun pa asnjë merak, pasi njiheshin me njëri-tjetrin. Sapo Avniu erdhi, ai u takua me mua, Kujtimin dhe Indritin dhe u ulëm tek karriget. Unë në atë kohë isha duke luajtur në kalçeto dore me topa ping-pongu së bashku me Kujtimin. Përpara se të vinte Avniu, ne e kishim planifikuar se ai do të vritej. Sapo Avniu u ul në një karrige, Indriti e pyeti atë për ngjarjen e vrasjes së Klodit dhe ai i tregoi momentin që na kishte treguar më parë. Pas pesë minutash ata afrohen afër meje dhe Kujtimit. Sardiani ishte në krah të djathtë të Avniut. Kur Avniu afrohet afër kalçetos, e qëllon me silenciator nga xhepi i brendshëm i xhaketës së krahut të majtë dy herë në kokë. Avniu bie menjëherë në tokë. Unë mora një qese të zezë, vesha një palë doreza dhe me qese i mblodha kokën e Avniut. Qesen e shtrëngova me skoç rreth qafës, në mënyrë që mos të dilte gjaku. Kujtimi më ndihmoi duke e ngritur kokën e Avniut që unë ta fusja në qese dhe ta shtrëngoja me skoç. Pastaj i hoqa jelekun Avniut, pasi ishte bërë me gjak e tërhoqa nga pellgu i gjakut. Hapa bagazhin e “Jaguarit” dhe shtrova qese të zeza dhe pastaj morëm kufomën dhe e futëm brenda të katërt. Jelekun e futëm me një qese dhe e hodhëm në një kazan plehrash në lagje. Pasi e futëm trupin e Avniut në bagazh, filluam të pastronim pellgun e gjakut, të cilin e kemi pastruar me shtupa dhe detergjente. Shtupat, fshesët dhe celularin e Avniut, pasi e thyem, i hodhëm të kazani i plehrave në lagje. Kur i mbaruam këto punë, Indriti na tha që ai do të ikte para me Kujtimin, ndërsa unë me Sardianin do ta ndiqnim mbrapa me “Jaguar”. *** Indriti me Kujtimin morën një taksi dhe kur taksia erdhi, ne e ndoqëm nga mbrapa. Makinës “Jaguar” i jepja unë, ndërsa Sardiani ishte në vend të parë. Vazhduam rrugën për në autostradë dhe në Sukth morëm Indritin dhe Kujtimin, të cilët kishin zbritur nga taksia. Pastaj kaluam mbikalimin dhe morëm rrugën Plepa – Tiranë. Aty qëndruam në një lokal dhe hëngrëm bukë. Në atë kohë, ishte pjesa e dytë e ndeshjes Shqipëri-Turqi. Ne pritëm sapo u errësua pak dhe me pas hipëm makinës dhe morëm drejtimin për në Tiranë. Pasi kishim bërë rreth 100 metra rrugë, pamë një lavazh makinash dhe na u duk vendi i përshtatshëm për të hedhur kufomën e Avniut.Kthyem makinën me prapakolp, unë me Kujtimin veshëm doreza nga ato që përdoren për pastrim shtëpie, dolëm nga makina, hapëm bagazhin dhe pasi morëm kufomën e Avniut, e ulëm në tokë. Pastaj unë i hoqa qesen që kishte në qafë dhe këtë qese e futa në një qese tjetër të pastër dhe Avniun e vrarë e hodhëm tek disa ferra poshtë lavazhit. Mbasi e hodhëm trupin, i hoqëm dorezat dhe i futëm tek qesja me gjak. Këtë qese e futëm përsëri në bagazhin e makinës dhe pasi u futëm në makinë u nisëm dhe morëm rrugën nga kishim ardhur. Kur dolëm te katër rrugët e Shijakut, ndoqëm rrugën për në Tiranë. Kur kaluam Maminasin, ndaluam makinën dhe dogjëm qeset me çakmak dhe nga ato nuk ngeli asgjë. Pastaj vazhduam rrugën për në Tiranë, kur shkuam te garazhi i shtëpisë sime. Ata ikën të tre tek shtëpia e re, që kishim marrë me qira, ndërsa unë qëndrova. Më pas mora vesh nga Indriti se armën me të cilën Sardiani qëlloi Avniun, ai e kishte bërë copa-copa dhe e kishte hedhur nëpër puseta të lagjes. Të nesërmen te garazhi i shtëpisë sime ka ardhur Kujtim Buna dhe unë me Kujtimin pastruam edhe njëherë vendin ku u vra Avniu. Mbasi e pastruam mirë dhe na u mbush mendja se nuk kemi lënë asnjë shenjë, filluam të mbyllnim dy vrimat që kishte lënë pistoleta në momentin që u qëllua Avniu. Vrimat i mbushëm me llaç dhe i lyem me gëlqere. Vrimat ishin në faqen e majtë të murit, në pozicion sipër njëra tjetrës kur futesh te garazhi majtas. Pasi i bëmë këto punë, Kujtimi iku, ndërsa unë qëndrova. Disa ditë më pas, Indritin e morën në telefon nga shtëpia e tij dhe i thanë se ka ardhur një fletë-thirrje nga Prokuroria e Durrësit. E kishin sjellë dy oficerë krimesh. Indriti konsultohet me babanë e tij dhe i thotë që nuk kam pse të shkoj. Indriti i tha babait të tij të takonte avokatin, në mënyrë që të pyeste nga prokuroria se për çfarë e kishin thirrur. Avokati nuk kishte kthyer përgjigje dhe pas dy ditësh, Indritit i vjen fletë-thirrja e dytë nga Prokuroria e Durrësit, të cilën ia kishte çuar tek shtëpia një mikrobus policie. Indritin e morën përsëri nga shtëpia e tij dhe e lajmëruan se kishte shkuar mikrobusi i policisë së durrësit dhe i kishte çuar fletë-thirrjen. Indriti vendosi që të paraqitej në Prokurori. *** Një ditë para se të shkonte në Prokurori, ai ishte së bashku me mua tek shtëpia e tij me qira. Atë natë, tek shtëpia e Indritit ishte Kujtim Buna, Sardian Sulejmani dhe unë. Kujtimi doli nga shtëpia rreth orës 18:00 – 19:00 dhe na tha se do të shkonte të takonte disa shokë. Vjen në shtëpi aty nga ora 22:30, ishte i prerë dhe filloi të shante me fjalë të ndyra. Unë dhe Indriti e pyetëm se çfarë kishte që shante, por ai vazhdonte duke rrahur duart dhe duke sharë. Indriti e pyeti se çfarë kishte. Ai u përgjigj që truproja i diskos ia kishte bërë për kunj. Ne e pyetëm si është puna dhe ai tha see kishte hyrë në disko me një shef policie të Lezhës dhe atë nuk e kishte kontrolluar bodigardi, kurse Kujtimin e kishte kontrolluar. Kujtimi nga mërzia dhe nga inati kishte filluar të pinte në disko dhe kur erdhi në shtëpi, rreth orës 22:30 ishte bërë tapë. Indriti, pasi dëgjoi këtë i tha Kujtimit ik e zihu. Në këtë moment, Kujtimi stepet pak dhe unë e Indriti i thamë ta linte këtë muhabet për ta zgjidhur nesër. Kujtimi më përgjigjet mua, duke më thënë: “unë të kam ngrënë bukën në shtëpi ty, ndërsa ti akoma s’ma ke ngrënë bukën mua”. Indriti i thotë Kujtimit që ai është më i madh se ty, prandaj duhet me ia dëgju fjalën. Kujtimi, pas këtyre fjalëve merr në telefon një shok të tij që është punonjës policie, me origjinë nga Kukësi. Kujtimi i tha atij që të shkonte tek shoku i vet që ishte një mundës me origjinë nga Kukësi, me banim në Laprakë dhe të merrte dy pistoletat. Po ashtu, Kujtimi mori në telefon edhe mundësin që e thirri në emër, po mua nuk më kujtohet dhe i tha që do të vijë shoku ynë t’i marrë pistoletat dhe t’ia japësh. Ai punonjësi i policisë shkoi i mori armët dhe ia solli po atë natë tek shtëpia, me qese. Ne kishim zbritur nga shtëpia dhe dolëm para restorantit turk, që ndodhet në rrugën e Kavajës dhe e pritëm atë policin që erdhi me makinën e tij. Hipën që të katërt, unë, Kujtimi, Indriti dhe Sardiani. Në makinë morëm pistoletat që ishin dy, unë të tipit ‘CZ” dhe “Beretën” e mori Kujtimi. Të gjithë bashkë shkuam te disko që ndodhej tek “Hotel Sheratoni”. Aty zbritëm nga makina dhe hymë në disko, unë, Indriti dhe Sardiani, ndërsa Kujtimi dhe polici qëndruan tek dera e diskos. Indriti takoi përgjegjësin e sigurisë së diskos dhe dolën që të dy jashtë, duke biseduar, ndërsa unë me Sardianin i shoqëruam nga pas. Kur dalim jashtë, duke kaluar derën e diskos, Indriti i thotë përgjegjësit se cili është badigardi që e ka kontrolluar Kujtimin. Pas këtij momenti, Kujtimi shkon tek cepi i hyrjes së diskos që futesh për nga hoteli. Nga ajo si tip porte që ndodhej në këtë krah nga shkoi Kujtimi del një person që e tërheq Kujtimin si leckë. Unë ndërkohë i them se kush je ti, se ne jemi katër vëllezër. Në këtë moment, pas meje ishte Indriti i cili me zë të lartë i thotë personit që po tërhiqte Kujtimin: “kush je ti”. Ky person i thotë se jam Ilir Koldashi, po ti kush je. Indriti iu përgjigjet “unë jam Indrit Dokle”. Ai i thotë: t’i je ai krimineli?. Indriti i përgjigjet se jam nga Hasi, ndërsa atij i tha emrin e fshatit të tij. Personi nuk iu përgjigj dhe ne morëm rrugën për të ikur. Indriti del tek dera e portës së diskos. Personi ishte afër me Kujtimin dhe Sardianin. Në krahun tim ka qenë përgjegjësi i diskos. Indriti, para se të dalë tek dera shan duke thënë: “mbajeni mend se do t’ubëj motrën të gjithëve”. Personi i thotë: “mua më shan nga motra, more kllëf” dhe i turret Indritit. Indriti i tha që unë nuk të shava ty. Kujtimi i del përpara këtij personi që u prezantua si Ilir Koldashi dhe e qëllon me të dy duart në fytyrë. Iliri i gjuan Kujtimit me grusht dhe ata lidhen me njëri-tjetrin duke u mundur t’i qëllonin njëri-tjetrit me grusht. Në atë kohë, Ilirin e kisha me kurriz dhe nxora pistoletën dhe e qëllova dy herë dhe pastaj ika me vrap. Vrapova në drejtim të pastiçerisë “Venecia” dhe mbas meje vjen Kujtimi dhe Sardiani me vrap. Indriti ikën avash -avash, ndërsa ne morëm drejtimin për në rrugën që të çon te Fakulteti i Gjuhëve të Huaja.(Shekulli)</p> Ky artikull eshte marre nga: http://www.albaniasite.net/?p=23298. Per me shume artikuj te ngjashem vizitoni: http://www.albaniasite.net/?p=23298

10 vjeçarja shet gjyshen në eBay Një vajzë 10 vjeçare është penguar ta shesë gjyshen e saj në auksionin online eBay. </p> Një zëdhënëse e eBay-it tha se vajza kishte futur në listë të shitjes gjyshen 61 vjeçare, duke e përshkruar si të tërheqëse, por edhe të mërzitshme.</p> Zëdhënësja tha se kishte pasur disa oferta për blerje.</p> Kompania tha se oferta ishte zbavitëse, por është hequr, për shkak të rregulloreve kundër trafikimit të qenieve njerëzore.</p> Ky artikull eshte marre nga: http://www.kuriozitete.net/?p=381. Per me shume artikuj te ngjashem vizitoni: http://www.kuriozitete.net/?p=381

Kryetari i fshati refuzon të heq dorë nga profesioni i lypësit Kryetari 56-vjeçar Dharmveer Bhoora thotë se ai aq shumë para nga kërkimi i lëmoshës sa që ai mundet të subvencionojë projektet e këshillit të fshatit Khaikheri, në veri të Indisë. Ai thotë se brenda një jave të mirë, mund të mbledhë deri në 400 euro.</p> “Paratë të cilat i grumbullojë nga lëmosha mjaftojnë për familjen time e nganjëherë edhe për tërë fshatin”, ka thënë Bhoora.</p> “Tani unë jam përgjegjës për tu përkujdesur për zhvillimin e fshatit dhe disa nga paratë të cilat unë i mbledh nga lëmosha gjithashtu do të shfrytëzohen për të implementuar projekte zhvillimore në fshat, ka shtuar ai.</p> Jam shumë falënderues për secilin cent të cilin njerëzit më japin derisa kërkoj lëmoshë, dhe jam i sigurt se kjo do ti bëj njerëzit të ndjehen mirë pasi që ata nuk po më ndihmojnë vetëm mua dhe familjen time por gjithashtu tërë fshatin tim, ka përfunduar Bhoora.</p> Ky artikull eshte marre nga: http://www.kuriozitete.net/?p=385. Per me shume artikuj te ngjashem vizitoni: http://www.kuriozitete.net/?p=385

Nena humbet shikimin per dy vajzat Shume prinder thone se i kane femijet si driten e syve por ne SHBA nje mama e ka sakrifikuar edhe driten e syve per te shpetuar dy vajzat e saj. </p> Prej dy vjetesh ajo nuk shikon fare dhe ka hequr dore nga trajtimi i semundjes per te kuruar te bijat, te cilat vuajne nga e njejta semundje.</p> Pasi nderpreu kurimin, ajo nuk arrinte te shikonte as nje fije drite. 48 vjecarja Monique Zimmerman-Stein vuan qe prej lindjes nga sindroma Stickler, nje semundje gjenetike qe demton retinen.</p> Ne nje interviste per St. Petersburg Times ajo rrefen se ne moshen 16 vjecare humbi shikimin ne syrin e djathte dhe me te majtin arrinte vetem te dallonte se kur ishte dite dhe nate. Dy vajzat e saj trasheguan sindromen e se emes. 10 vjecarja Aliyah shikon shume pak, ndersa 13 vjecarja Dava nuk shikon me nga syri i majte.</p> Polica e sigurimit mbulon shpenzimet deri ne 80 % por kurimi i te trejave do te ishte i mundur nese do vuanin nga crregullime te lehta. Familja eshte mbytur nga borxhet, 500 mije dollare ne 10 vitet e fundit dhe eshte detyruar te shese gjithe mobiljet. Keshtu, mamaja ka hequr dore nga 380 dollaret mujore per kurim duke ua transferuar te bijave.</p> E di qe nuk do shikoj me asnjehere por nese kjo do sherbeje per te shpetuar vajzat e mia, mendoj se kam marre vendimin e duhur. Cdo mama do ta bente nje gje te tille, shprehet Monique Zimmerman-Stein. /Top-Channel</p> Ky artikull eshte marre nga: http://www.kuriozitete.net/?p=388. Per me shume artikuj te ngjashem vizitoni: http://www.kuriozitete.net/?p=388

Në Japoni gazeta lexohët në televizionë Janë marr masa që gazeta e shtypur te dale nga kriza e rënies se numrit të lexuesve dhe e publicistive Botuesit e gazetave përpiqen me të gjitha menyrat qe ta spostojne punen e tyre edhe drejt mediave të ndryshme, ne koherence me zhvillimin e teknologjise.</p> Pothuajse cdo gazete ka webfaqe në internet, titujt i lexohen qe ne mengjes neper televizione dhe radio me qellim qe shitja te mos këte renie.</p> Japonezet janë munduar që të shpikin dicka te re.”</p> Sharp” ka prezantuar linjen e re te televizoreve “Acquos”, duke bere nje marreveshje të rëndësishme eksperientale me një të përditshme shume të njohur japoneze “Mainichi Shimbun”, që do t’i lejoje lexuesve japoneze ne modelin e ri te televizorit te lexojne te perditshmen japoneze drejtperdrejt ne ekranin e televizorit.</p> Leximi i te perditshmes eshte i mundur qe prej ores 5:30 te cdo mengjesi. Perdoruesi mund te arrije vetem nepermjet telekomandes qe te kete gazeten e tij ne shtepi pa qene nevoja t’ia sjellin me poste, te ndeze kompjuterin apo te shkoje te dyqani poshte shtepise per ta blere ate.</p> Vetem me ane te telekomandes imazhi mund te zmadhohet, ndersa artikujt mund t’i degjoje audio fale nje teknologjie te re, sinteze vokale e mundshme vetem ne kete lloj televizori.</p> Ky artikull eshte marre nga: http://www.kuriozitete.net/?p=392. Per me shume artikuj te ngjashem vizitoni: http://www.kuriozitete.net/?p=392

Helmohen 50 nxënës në Fushë-Kosovë, hetohen shkaqet Mbi 50 nxënës të shkollës së mësipërme aktualisht po trajtohen në Qendrën Klinike Universitare në Prishtinë. Ata kanë shfaqur simptoma të ngjashme që janë pengesa në frymëmarrje, dhimbje koke e barku, plogështi si dhe shenja të një reagimi kolektiv psikologjik, por asnjë nuk është në rrezik për jetën.</p> Lajmi konfirmohet për Radion Evropa e Lirë nga drejtori i Qendrës Klinike Universitare “Jusuf Ulaj”. Duke folur për shkaktarët e mundshëm ai tha për REL se “nuk kemi shenja tipike të shfrytëzimit të një helmi të posaçëm”, por ai shtoi se “po bëhen të gjitha analizat”.</p> Të sëmurët e parë në shkollën “Hivzi Sulejmani” janë shfaqur pasditen e djeshme. “19 nxënës, shumica vajza, janë sëmurur të mërkurën pasdite me simptoma të njëjta, pengesa në frymëmarrje, dhimbje koke dhe plogështi”, njoftoi sot Ministria e Arsimit. Kjo e fundit në një komunikatë thekson se rasti po hetohet nga Policia e Kosovës.</p> Instituti Shëndetësor ka marrë mostrat e nxënësve të sëmurë për analiza. Ministria e Arsimit kërkon të mos krijohet panik deri në dhënien e rezultateve nga organet kompetente. /REL/ </p> Ky artikull eshte marre nga: http://www.albaniasite.net/?p=23293. Per me shume artikuj te ngjashem vizitoni: http://www.albaniasite.net/?p=23293

Grupi i Llapit dënohet me 13 vjet burg PRISHTINE – Sot në Gjykatën e Qarkut në Prishtinë, një trup gjykues i përzier, i përbërë prej një gjykatësi kosovar dhe dy gjykatësve të EULEX it, në procesin për krime lufte, të ashtuquajturin “Grupi i Llapit”, e dënoi me heqje lirie.</p> Kështu Latif Gashi është dënuar me 6 vjet burgim për krime të luftës për shkak të trajtimit çnjerëzor të civilëve të paraburgosur dhe krime të luftës për shkak të rrahjes dhe torturimit të civilëve të paraburgosur. I akuzuari i dytë Nazif Mehmeti është dënuar me 3 vjet burgim për krime të luftës, për shkak të trajtimit çnjerëzor të civilëve të paraburgosur dhe krime të luftës për shkak të rrahjes dhe torturimit të civilëve të paraburgosur.</p> Ndërsa Rrustem Mustafa është dënuar me 4 vjet burgim për krime të luftës për shkak të trajtimit çnjerëzor të civilëve të paraburgosur dhe krime të luftës për shkak të rrahjes dhe torturimit të civilëve të paraburgosur. Më 7 korrik 2009, në Gjykatën e Qarkut në Prishtinë kishte filluar rigjykimi kundër Latif Gashit, Nazif Mehmetit dhe Rrustem Mustafës. Gjatë seancës së provave të këtij rigjykimi ishin mbajtur dymbëdhjetë seanca dëgjimore. Lënda ishte ndjekur nga një prokuror i EULEX it. Lënda ishte hetuar gjatë vitit 2001 deri në vitin 2002 dhe për herë të parë u paraqit në gjykatë në vitin 2003 kur edhe u morën aktgjykimet dhe u shqiptuan dënimet. Me vendim të Gjykatë.(Shekulli)</p> Ky artikull eshte marre nga: http://www.albaniasite.net/?p=23290. Per me shume artikuj te ngjashem vizitoni: http://www.albaniasite.net/?p=23290

Kënga I Gotta Feeling then rekorde </p> Për 14 javë rresht ka qëndruar në krye të klasifikimit europian Billboard Top 100 kënga e grupit të suksesshëm Black Eyed Peas, gjë që shënon një rekord. Kënga e tyre Hit I Gotta Feeling qëndron aktualisht në krye të listës, por kënga e mëparshme e tyre Boom Boom Boom ka qëndruar për 24 javë rresht në majë të këtij klasifikimi, kur u publikua pak muaj më parë, duke thyer kështu rekordin për këto 50 vitet e fundit.</p> Ky nuk është gjë tjetër, vecse tregues i suksesit të jashtëzakonshëm që ka arritur grupi Black Eyed Peas, sidomos me albumin e fundit.</p> </p> Ky artikull eshte marre nga: http://www.shqipmedia.com/?p=23493. Per me shume artikuj te ngjashem vizitoni: http://www.shqipmedia.com/?p=23493

Platini: Ukraina do të organizojë bashkë me Poloninë Euro 2012 Presidenti i UEFA-s, Mishel Platini konfirmoi sot, se siç është parashikuar, Ukraina do të jetë, së bashku me Poloninë, organizatore e europianit të futbollit 2012. Platini iu dha fund kështu zërave për heqjen e Ukrainës nga lista, pasi nuk ka arritur të plotësojë kushtet infrastrukturore, për mungesë fondesh. Sipas Platinisë, e vetmja çështje që nuk është zgjidhur është, se në sa qytete të Ukrainës, do të zhvillohen ndeshjet dhe ku do të luhet finalja e europianit.</p> Ky artikull eshte marre nga: http://www.shqipmedia.com/?p=23490. Per me shume artikuj te ngjashem vizitoni: http://www.shqipmedia.com/?p=23490

Ronaldo siguron këmbët 150 milionë euro Fituesi aktual i “Topit të Artë”, Kristiano Roanldo, ka siguruar këmbët e tij të shenjta për një shifër, rreth 150 milionë euro. Me këtë nismë, sipas mediave spanjolle, lojtari i Realit të Madridit, kalon Dejvid Bekham, që këmbët i ka siguruar për 110 milionë euro. Këto burime saktësojnë se arsyeja gjendet tek fakti, se Ronaldo është 10 vjet më i ri, ka fituar “Topin e Artë” dhe është lojtari më i paguar në planet. </p> Ky artikull eshte marre nga: http://www.shqipmedia.com/?p=23487. Per me shume artikuj te ngjashem vizitoni: http://www.shqipmedia.com/?p=23487

Meta: Liberalizimi i vizave, brenda afateve të përcaktuara Ndërkohë që në Parlametin Europian, kërkesa e eurodeputetes sllovene Tanja Fajon për përfshirjen e Shqipërisë dhe Bosnjes në listën e shengenit është shoqëruar me debate dhe vetë KE kërkon përmbushjen e kushteve, kreu i diplomacisë Ilir Meta garanton se lëvizja e lirë do të bëhet brenda afateve të përcaktuara. Gjatë një komunikimi për mediat, Meta me cilësinë e Ministrit të Jashtëm ka deklaruar se qeveria është e angazhuar për të përmbushur detyrimet e kërkuara për procesin e liberalizimit të vizave, me qëllim mbajtjen e premtimit brenda afateve të përcaktuara. Sipas tij, ministria ka dorëzuar raportin e dytë për liberalizimin e vizave. Ai ka reaguar edhe për vendimin e PS-së për të protestuar kundër vjedhjes së votës, duke e quajtur atë një të drejtë të opozitës. “Qeveria ka vullnet për të përmirësuar standardet e zgjedhjeve që u vlerësuan me shumë objektivitet nga partnerët ndërkombëtarë”, u shpreh Meta.</p> 30 shtator Vizat, përfshirja e Shqipërisë e Bosnjes shkakton debate në KE</p> BRUKSEL- Kërkesa e eurodeputetes sllovene Tanja Fajon për përfshirjen e Shqipërisë dhe Bosnjes në listën e vendeve që përfitojnë liberalizim të vizave në Ballkan ka shkaktuar sot debate në Parlamentin Europian. Deputetja Fajon ka propozuar që Komisioni Evropian, të përfshijë të pesë shtetet e Ballkanit perëndimor në programin e liberalizimit të vizave të BE. Daphne Gogou nga kabineti i komisionerit përgjegjës për punët e brendshme dhe të drejtësisë, Zhak Barrot, tha se kërkesa e deputetëve të PE të Parlamentit Evropian, për të ndryshuar rregulloren e tanishme, do të shkaktojë vonesa të mëtejshme në zbatimin e regjimit të liberalizimit të vizave për Maqedoninë, Malin e Zi dhe Serbinë. “Të gjitha konkluzionet do të duhet të përkrahen nga shtetet anëtare të BE-së, dhe kjo merr kohë,” tha Gougou. Sipas saj, vlerësimi i bërë tregoi se kishte ende shumë pika kyçe që këto dy vende duhet të zbatonin. “Nuk është fjala vetëm për pasaportat biometrike, më lejoni t’ju tregoj se në të katër blloqet e udhërrëfyesit është një liste e tërë me kriteret që mbeten për t’u përmbushur”- tha ajo. Por, Fajon ka këmbëngulur duke argumentuar se “Nëse ne i fusim këto dy vende sot, me kushtin për të qenë në listën e Schengen-it të bardhë, ne u përcjellim qeverive mesazhin pozitiv se ne jemi gati, ndaj përmbushni detyrimet tuaja në çdo sektor, jini të përgjegjshëm sepse është në dorën tuaj”, ka deklaruar ajo. Sipas saj, ndryshimet e propozuara për përfshirjen e dy vendeve të përjashtuara nuk ulin standardet e përcaktuara në udhëzimin për liberalizimin e vizave. Shqipëria dhe Bosnja janë të përjashtuara nga vala e parë për shkak të mungesës së përparimit në kërkesat teknike.</p> Vizat, Presidenca Suedeze nuk ndryshon qëndrim për Shqipërinë</p> BRUKSEL – Përfaqësuesja e përhershme e Presidencës Suedeze në BE, Anna Craenen, u shpreh sot se liberalizimi i vizave për Shqipërinë dhe Bosnjën do të behet ne momentin që këto dy vende do të përmbushin kushtet. “Bosnja dhe Shqipëria do t’i bashkangjiten kur të kenë përmbushur kushtet e kërkuara”, u shpreh ajo, menjëherë pas iniciativës së europarlamentares, Fajon, për përfshirjen e Shqipërisë dhe Bosnjes në të njëjtin bllok me vendet e tjera të Ballkanit që përfitojnë këtë vit heqjen e regjimit të vizave Shengen.</p> “Ne llogarisim që të mund t’i dërgojmë Komisionit Europian aplikimin e Shqipërisë së shpejti për të dhënë opinionin e tij tashme që procedurat zgjedhore kanë përfunduar”, shprehet Creanen.</p> Presidenca Europiane vlerëson njësoj si Parlamenti Europian, se Kosovës i duhet dhënë një mesazh i qartë për lëvizjen e lire në të ardhmen. “Eshtë e rëndesishme po ashtu që Kosovës t’i jepet një perspektive europiane për levizje te lire në të ardhmen”, vijoi Creanen.</p> Deklaratat mbi ecurinë e vendeve të Ballkanit, përfaqësuesja e Presidencës Suedeze i bëri gjatë takimit të parë të Komitetit të Përbashkët Konsultativ të Shoqërisë Civile mes Bashkimit Europian dhe Maqedonisë.</p> 25 shtator</p> Eurodeputetja Fajon: Liberalizim vizash edhe për Shqipërinë</p> BRUKSEL – “Shqipëria dhe Bosnje-Hercegovina duhet të përfshihen në listën e vendeve të shengenit, njësoj si fqinjët e tyre, Maqedonia, Serbia dhe Mali i Zi”.</p> Kështu shprehet eurodeputetja sllovene, Tanja Fajon, në një draft raport hartuar prej saj, duke theksuar se dy vendet nuk duhet të lihen jashtë.</p> Mesazhi kyç në projektin e Fajon është “se raporti për heqjen e vizave për shtetasit e Maqedonisë, Serbia dhe Mali i Zi të plotësohet me një deklaratë duke thënë se Bosnjë-Hercegovina dhe Shqipëria duhet të arrijnë liberalizimin si fqinjët e tyre”. Projekt-raport gjithashtu bën thirrje për përfshirjen e Kosovës në procesin e liberalizimit të vizave.</p> Mediat e huaja raportojnë se Komisioni për Lirive Civile, Drejtësisë dhe Çështjet e Brendshme, komitetin e përhershëm të Parlamentit Evropian, do të shqyrtojë raportin mbi liberalizimin e vizave për Ballkanin Perëndimor.</p> Komiteti pritet të votojë mbi raportin e hartuar nga parlamentarja sllovene Tanja Fajon më 15 shtator. Raporti do të vihet në rendin e ditës të seancës plenare të Parlamentit Evropian në nëntor.</p> Në korrik, Komisioni Evropian paraqiti një propozim për të Bashkimit Evropian për të hequr regjimin e vizave për qytetarët e Maqedonisë, Serbisë dhe Malit të Zi që nga janari 2010.</p> Kurse për vendin tonë u deklarua se “duhet të plotësojë njëherë kushtet dhe të çojë përpara reformat|.(Shekulli)</p> Ky artikull eshte marre nga: http://www.albaniasite.net/aktualitet/meta-liberalizimi-i-vizave-brenda-afateve-te-percaktuara.html. Per me shume artikuj te ngjashem vizitoni: http://www.albaniasite.net/aktualitet/meta-liberalizimi-i-vizave-brenda-afateve-te-percaktuara.html