Tema e ditës

Albforumi · 15 Oct 2009

Kryengritja e vitit 1833 nga dr L.Gërveshi Në fillim të viteve ‘30 të shekullit të XIX qeveria turke ndërmori një sërë masash për forcimin e pushtetit qëndror. Reforma ushtarake dhe përqëndrimi i pushtetit lokal në duart e nëpunësve turq ishin nga themelet e kësaj reforme. Edhe në truallin e Shqipërisë u zbatuan këto reforma duke ngjallur pakënaqësinë në popull. Në jug të vendit në pranverë të vitit 1833 filluan trazirat e para. Në krye të kryengritjes u vunë Tafil Buzi, Zenel Gjoleka, Balil Nezha, Çobo Golemi, Çelo Picari. U çlirua qyteti i Tepelenës, në Gjirokastër u eleminuan të dërguarit e Portës së Lartë. Emin Pasha që ishte vali në Janinë, nisi trupat në drejtim të Gjirokastres. Sa morën vesh që trupat u nisën, lebërit nga ana e tyre u nisën në drejtim të Janinës. U përplasën me forcat turke në afërsi të fshatrave Kakavije, Peshkëpi, Kserovalt, Guver. Shumica e kryengritësve u vendos në qafën e Peshkëpisë, nën udhëheqjen e Balil Nezhës. Kuç, Kallarat e Bolenë gjithë me Balilë u ngrenë në lumë e zunë dyfenë mandata derë më derë. Balil Nezha ishte nga Nivica, një nga krerët e Labërisë, kishte eksperiencë në luftë, i njohur për trimërinë e tij e i respektuar nga të gjithë. U vu vetë në krye të forcave duke u shquar në këto luftime. Te hani në Kserovaltë Balil-o, Balil o dritë e bëre sulmin e parë. Topçinjtë me top ta dhanë flaka të mori fustanë. Luftimet ishin të ashpra, Balili përjetësohet në këngë: Në qafë të Peshkëpisë Balil-o, Balil nuri lufton i bir’i Xhixhisë me të bir e Rumelisë. O Balil jelek me koqe me nizamët u përpoqe tre barrë fishek i dogje. Në këto vargje me një thjeshtësi çarmatosëse, populli përshkruan këtë luftë: lufton i bir’i Xhixhisë me të bir e Rumelisë. Nga njëra anë populli i thjeshtë, i biri i Xhixhisë, Balili që mund të ishte kushdo nga Labëria ku nënat shpesh për respekt thirren Xhixhi, nga ana tjetër i biri i Rumelisë, Emin Pasha, i biri i Mehmet Reshit Pashës që ishte qeveritari i përgjithshëm i Rumelisë (Turqia Evropiane). Populli i thjeshtë me me një perandori. Në qafë të Peshkëpisë lufton i bir’i Xhixhisë me taborrë të Turqisë për lirinë e Shqipërisë të mori plumbi në sisë. I biri i Xhixhisë luftonte për lirinë e Shqipërisë, u plagos por nuk e lëshoi armët nga dora. Kënga thotë: Balil fermele me zogje me nizamë ç’u përpoqe sa u zhurite, u dogje. -O Balil ç’i bëre lotë? -I kam derdhur për shokë për të tetë nivicjotë. Tetë nivicjotët ishin nga Nivicë-Bubari, në kryengritje merrnin pjesë edhe trimat e Bregut nën udhëheqjen e kapedanëve Spiro Gjika e Jano Kumit. Dielli që lëshon çika u kërkon Kapetan Gjika Kumiu me shtatë drita. Vishni armët e florinjta të vemi ku është e liga. Kështu trimat e Bregut e të Himarës, në luftë si në dasmë. Kapedan Jano Kumi, trim e udhëheqes i Himarës, ishte shquar e sprovuar në luftra për autonominë e Himarës. Në këtë luftë e rrethuan forcat turke, luftoi me trimëri të rrallë deri sa u vra. Populli edhe sot pas gati 180 vjetësh i këndon: Te rrapi në Peshkëpi kapetan Jano Kumi të rrethuan me dori me treqind suvari të të mirrnin kokën ti o bilbil delinkalli si të rrethuan ati. Tetë nivicjotë që qenë të gjithë zorqeth levendë të tetë në luftë mbenë na nderuan vilajenë. Të tetë në luftë u vranë armët nga gryka s’i dhanë po bashkë me me to ranë. Lufta vazhdoi edhe më e egër, në fshatin Guver u bë një betejë shumë e ashpër, aty luftonin trimat e Çobo Golëmit. Turqit kishin zënë pozicione nëpër shtëpi. U vranë shume shqiptarë, ndër ta edhe vëllai i Çobo Golëmit. Ra tërmet e u tund vëndi bën dyfek Çobo Golëmi kapetan i këtij vëndi. Kapetan që kur kish lerë që lufton me pallë nxjerrë bën dyfek me sadrazemë. U desh ndërhyrja e Tafil Buzit personalisht për të çliruar Guverin, u kapën rob komandantët turq Hasan Beu dhe Shishko Mirjallai. Në një këngë për ngjarjet e vitit 1847, Tafil Buzi u drejtohet turqve: Në të zënça dot Guverë do t’a bëj si tjetër herë domethënë si në vitin 1833. Ndërsa Çobo Golëmit populli i këndon: O halldup shallvaregjerë në ta zënça dot Guverë do t’i bëj njëmijë të prerë. Zu Hasan Beun të gjallë edhe Shishko Mirjallanë i preu për të vëllanë atë Duro Mustafanë dhe për shokët që ju vranë. Por në fund kryengritësit u tërhoqën sepse forcat turke të ndihmuara nga peshkopi i Drinopojës (Gjirokastrës) kaluan nga një grykë tjetër. Në këto kushte forcat shqiptare u tërhoqën në drejtim të Tepelenës, nën udhëheqjen e Tafil Buzit në fshatin Luzat i shpartalluan plotësisht forcat e Emin Pashës. Kryengritjes ju bashkuan Berati, Delvina, Vlora e Çamëria. U rrethua kështjella e Beratit. Porta e Lartë largoi Emin Pashën nga Shqipëria e Jugut me shpresën se do shpërndaheshin kryengritësit, gjithashtu në këto rrethana sidomos pas çlirimit të Beratit, miratoi disa nga kërkesat e shqiptarëve, si drejtimin e krahinave kryengritëse me shqiptarë dhe heqjen dorë përkohësisht nga rekrutimi i nizamëve. Në këto kushte forcat shqiptare u shpërndanë duke besuar se do t’u plotësoheshin premtimet. Kështu përfundoi kryengritja e viti 1833 në Shqipërinë e Jugut, një vepër e mbetur përgjysmë. Posted in Lart & Poshtë, Në rrënjët e muzikës popullore Tagged: Emin Pasha, Guver, Hodo Nivica, Kakavije, kën, këngë popullore, kenge labe, Kserovalt, Peshkëpi, Tafil Buzi, zenel gjoleka Ky artikull eshte marre nga: http://tiranacalling.wordpress.com/?p=2637. Per me shume artikuj te ngjashem vizitoni: http://tiranacalling.wordpress.com/?p=2637

Albforumi · 14 Oct 2009

Kunguj gjigande deri ne 2 metra Fenomen jashtetokesor apo nje shaka e natyres? Ende nje mister ajo cka po ndodh ne kopshtin e nje banori te fshatit Abazaj, ne Kruje. Ne platacionin e tij po rriten kunguj gjigande. Kemi mbjelle shume perime te ndryshme, por kungujt kane pesuar nje rritje jashte normales, rrefen pronari i kopshtit teksa mban ne dore nje prej bimeve qe arrin nje lartesi rreth 2 metra ne nje lidhje te drejperdrejte ne emisionin Pasdite ne Top Channel. Ai rrefen se nuk ka kryer asnje sherbim te vecante qe ka cuar ne fenomenin e cuditshem. U eshte bere i njejti sherbim si nje vit me pare, thote banori. Ai thekson se kungulli eshte i ngrenshem dhe ka nje shije shume te mire./top-channel Ky artikull eshte marre nga: http://www.kuriozitete.net/?p=549. Per me shume artikuj te ngjashem vizitoni: http://www.kuriozitete.net/?p=549

Albforumi · 14 Oct 2009

Robin Hood ne versionin femer Zemërgjerësia i ka kushtuar një femre në SHBA, 1 vit e 1 dite burg. Bëhet fjalë për një Robin Hood të kohëve moderne por në versionin femër që ka zbritur nga pyjet e Nottinghamshire për tu punësuar në një bankë në Detroit. Personi në fjale i zhvati bankës së kredive në të cilën punonte, plot 340 mijë dollarë për të ndihmuar klientët të cilëve u refuzohej e drejta për kredi. Patricia Keezer është kapur në momentin që do kreditonte me 2 mijë dollarë një person që duhej të shlyente disa gjoba, por ajo nuk ka treguar aspak pendesë sepse rrëfeu që këtë veprim e kryente prej 8-vjetësh. Gjykatësja e distriktit të Detroitit, Marianne Bottani e ka cilësuar të pandehurën një Robin Hood të kohëve moderne. Ky artikull eshte marre nga: http://www.kuriozitete.net/?p=545. Per me shume artikuj te ngjashem vizitoni: http://www.kuriozitete.net/?p=545

Albforumi · 14 Oct 2009

Djegin lepujt për tu ngrohur Mijëra trupa të lepujve të egër nga parqet në Stockholm çdo vit përdoren si pjesë e karburantit të ngrohtoreve në Suedinë e mesme. Pjesëtarët e shoqatave për mbrojtjen e kafshëve thonë se së bashku me lepujt e egër digjen edhe lepujt të cilët mbahen si kafshë shtëpiake, por që janë humbur në park. Mbi gjashtë mijë lepuj janë mbytur vetëm vitin e kaluar. Trupat e ngrirë dërgohen në një furrë të posaçme në qytetin Karlskog në të cilën ata shërbejnë si karburant me të cilin ngrohen banorët e Värmlandit. Anna Johannesson nga Shoqata për mbrojtjen e lepujve të egër ka kërkuar që të gjendet një zgjidhje tjetër, e jo të digjen lepujt. Ky artikull eshte marre nga: http://www.kuriozitete.net/?p=541. Per me shume artikuj te ngjashem vizitoni: http://www.kuriozitete.net/?p=541

Albforumi · 14 Oct 2009

Bëhet i pasur duke mbledhur shishe Një njeriu të pastrehe rus i kanë ndihmuar bashkëkombësit e tij të cilët në këtë kohë krize pinë më shumë alkool se kurrë më parë. Mashkulli i pastrehë rus për një vit është bërë shitës në bursë pasi ka mbledhur shishe të zbrazëta të alkoolit për para, shkruajnë mediet ruse. Burri 63-vjeçar Leonid Konovalov ka mbledhur deri në 2.000 mijë shishe në ditë gjatë vitit të kaluar në kohën kur Rusinë e ka kapluar një krizë e rëndë ekonomike. Për shkak të krizës rusët janë duke pirë më shumë, që mua më ka ndihmuar të largohem nga mbeturinat, ka deklaruar Konovalov, përndryshe një ish-inxhinier nga qyteti industrial Kemerov në lindje të Sibirit. Shumë të pastrehë rusë gropojnë nëpër mbeturina në kërkim të shisheve dhe kanaçeve në këmbim të parave. Dikur i pastrehë Konovalov është punësuar në bursë falë shtytjes së nipave të tij, derisa transaksioni i parë i kryer nga ai në punën e re ka qenë 50.000 euro. Ky artikull eshte marre nga: http://www.kuriozitete.net/?p=537. Per me shume artikuj te ngjashem vizitoni: http://www.kuriozitete.net/?p=537

Albforumi · 14 Oct 2009

Sinjalet e tradhtisë Mendoni se partneri juaj nuk po tregohet i sinqertë me ju? Keni vënë re ndryshime dhe nuk jeni e sigurt për sjelljen e tij? Ja 33 sinjale për të kuptuar nëse po ju tradhton ose jo Nëse nuk është një gjeni në fushën e gënjeshtrave dhe e njihni më mirë sesa njeh ai veten, atëherë nuk do ta keni të vështirë që të kuptoni nëse ka një tjetër. Nëse jeni të verbuar nga xhelozia dhe jeni mbështjellë nga dyshimi se njeriu i zemrës po ju tradhton, mund ta zgjidhni këtë enigmë vetëm përmes këtyre këshillave që do të lexoni më poshtë. Meshkujt nuk e dinë se ekzistojnë disa sinjale që i bëjnë ata ta zbulojnë vetë të vërtetën. Ja cilat janë shenjat: 1. Nuk shqetësohet për nevojat e tua. 2. Fillon të të bëjë shumë dhurata, që të mos ndihet shumë në faj 3. Sjellja e tij po ju tregon se diçka nuk shkon? Atëherë ndiqni instinktin tuaj. Bëni sikur nuk kuptoni dhe shikoni. Ju i njihni veset, sjelljen dhe rutinën e tij më mirë se kushdo tjetër. Nëse ndryshon diçka, atëherë keni të drejtë të shqetësoheni. 4. Keni filluar të debatoni shumë shpesh… Si gjithmonë ai luan rolin e të fyerit dhe del nga shtëpia për të bërë një shëtitje që të qartësojë mendimet. Duhet ta kuptoni që kjo është një justifikim për tu takuar me tjetrën. Sigurisht, mund të jetë edhe paksa i mërzitur për mënyrën se si po ju trajton, por në fund nuk shqetësohet shumë, sepse ka vrarë dy zogj me një gur. 5. Nëse ziheni ose debatoni shumë dhe vazhdimisht, të jeni të bindur se dëshiron ti japë fund lidhjes. 6. Shpesh nuk është me humor të mirë, por duket sikur e merr veten kur qëndroni larg njëri-tjetrit. Nëse lidhja juaj zgjat prej kohësh, me siguri po i vjen fundi. 7. Nuk ju flet më: jetoni bashkë, por jeni si dy të huaj. Është bërë i ftohtë dhe duket se nuk i bëjnë më përshtypje ndjenjat tuaja. 8. Shijet e tij muzikore kanë ndryshuar. Tani i kushton më shumë vëmendje pamjes së jashtme dhe vesh gjëra që më parë nuk i vishte. 9. Nuk e vlerëson më veten: kjo nuk do të thotë se ka medoemos një tjetër, por një njeri i pasigurt për veten shpesh sheh të tjerët dhe mund të ketë gjetur siguri te një lidhje tjetër. 10. Kritikon vazhdimisht njerëz të tjerë: në një farë mënyre po përpiqet tju thotë se nuk i interesojnë të tjerat, por në fakt mund të tërhiqet nga ndonjë tjetër. 11. Ka gjithmonë kohë tju flasë për gjëra që dikur nuk i pëlqenin. 12. Ofendohet nga komentet tuaja, edhe atëherë kur nuk ka asgjë për tu fyer. 13. Nuk kujdeset më për ju, për fëmijët dhe punët e shtëpisë. 14. E mbyll derën kur ju dilni për të bërë pazar, ndërkohë që më parë e linte hapur (ndoshta për të folur me tjetrën online ose për të qëndruar larg teje). 15. Nuk ju bën më komplimente për pamjen tuaj. 16. Nuk ju thotë më “të dua”. 17. Bën si i indinjuar kur bëni diçka për të, aq sa mund të dyshoni nëse është e drejtë ajo që keni bërë apo jo. Nëse vërtet po ju tradhton, atëherë po mendohet për sjelljen e tij. 18. Ndërsa luani me letra ju akuzon se keni një lidhje tjetër, edhe pse nuk ka asnjë provë. 19. Kalon më shumë kohë me miqtë sesa me ju. 20. Nuk është i interesuar për të ardhmen e lidhjes suaj. 21. Nuk është më i dashur me ju. 22. Është më shumë i interesuar të lexojë një libër, ose të shohë televizor, sesa të flasë ose të bëjë dashuri me ty. 23. Flet shpesh për problemet që ka me një person tjetër. 24. Ka filluar të përdorë shprehje të reja, ose bën lojëra fjalësh, që më parë nuk i bënte me ty. 25. Kalon më pak kohë me ty dhe fëmijët. Ka gjithmonë një pamje që diçka nuk shkon dhe nuk është i qetë si dikur. 26. Nuk ju përpuqen më mendimet, por kur i kërkoni të bisedoni, ose se për çfarë po mendon, përgjigjet që nuk ka asgjë. 27. Bëhet shumë xheloz për privatësinë tuaj. 28. Nuk është i interesuar kur bëni dashuri. 29. Flet shpesh për dikë tjetër. 30. Shpesh kur ngrihet nga shtrati ndihet konfuz, sepse nuk e di se me kë gjendet. 31. Miqtë tuaj ju pyesin se çfarë po ndodh: familjarët dhe shokët tuaj më të ngushtë e kuptojnë menjëherë që mes jush situata është shumë e tensionuar, madje më shumë nga çmund ta vëreni ju vetë. 32. Reagon keq kur i thoni që po ju tradhton. 33. Mënyra e tij e të fjeturit ka ndryshuar: edhe pse gjatë ditës pushon ndihet i lodhur, sheh ëndrra të çuditshme, ka ankth të vazhdueshëm dhe flet në gjumë.(Shqip) Ky artikull eshte marre nga: http://www.albaniasite.net/?p=24091. Per me shume artikuj te ngjashem vizitoni: http://www.albaniasite.net/?p=24091

Albforumi · 14 Oct 2009

Partnerët idealë? Lidhjet mes partnerëve me të njëjtin nivel arsimimi dhe shtrese sociale janë bërë gjithmonë e më të shpeshta në shoqërinë tonë. Ja se çmendojnë sociologët… Nga e njëjta shtresë sociale Numri i martesave mes personave të shtresave të ndryshme sociale po bie vazhdimisht, ndërsa nga ana tjetër studimet e sociologëve tregojnë se si numri i martesave mes partnerëve me të njëjtin nivel edukimi është rritur në mënyrë të vazhdueshme këto vitet e fundit. Këto dy aspekte (të pasurit që martohen me të pasurat dhe të diplomuarit që martohen me persona me të njëjtin nivel edukimi), priren ta forcojnë çështjen akoma edhe më shumë. “Në shoqërinë tonë shkalla e edukimit është bërë një tregues gjithmonë e më i rëndësishëm i potencialit ekonomik të një individi. Rezultati? Ka shumë ndryshore në lojë, por nuk ka asnjë dyshim se sot burrat luftojnë në mënyrë më “agresive” për tu lidhur me gra të arsimuara”, shpjegon një profesor psikologjie. Kështu, për shembull, në faqen e internetit Match.com, një nga më të mëdhatë në Amerikë për “zemrat e vetmuara”, numri i burrave që kërkojnë të takojnë gra që kanë pagesa të mira është dyfishuar në katër vjet, duke thënë se një në çdo dy veta mendojnë kështu (mes grave në fakt ka ndodhur e kundërta: rëndësia e lekëve të partnerit “të ardhshëm” që në të kaluarën ka qenë një faktor dominant, duket në rënie). Studimet kanë evidentuar se në Amerikë fëmija i dy prindërve të diplomuar ka një probabilitet rreth 81 për qind për të përfunduar universitetin, kundrejt 63 për qind të një fëmije të një çifti “të përzier” (një prind i diplomuar, ndërsa tjetri jo) dhe 30 për qind të një fëmije nga prindër të padiplomuar. Duke u nisur nga këto të dhëna, studiuesit kanë ndërtuar një simulim matematik, duke treguar se reduktimi i numrit të çifteve “të përziera” me kalimin e kohës do të provokojë një rritje domethënëse të pabarazisë ekonomike mes familjeve. “Kur fusim në modelin tonë faktorë si mesatarja e ndryshme e lindjeve nga klasat e ndryshme sociale – prindërit më pak të shkolluar kanë në përgjithësi më shumë fëmijë – efekti i rritjes së martesave mes personave me të njëjtin nivel edukimi është rënia e numrit të përgjithshëm të studentëve dhe kjo dinamikë në tregun e punës tenton të ulë më vonë fitimet e punëtorëve jo të kualifikuar në krahasim me të diplomuarit”, shpjegojnë ekspertët. Ata kanë konfirmuar gjithashtu se sa më i lartë të jetë niveli i pabarazisë në shoqëri, aq më të rralla janë martesat mes qytetarëve të klasave të ndryshme sociale. Faktikisht, kërkime të shumta sociologjike tregojnë se qeniet njerëzore janë të prirura nga natyra për tu lidhur me partnerë që janë të ngjashëm me to. Proverba e vjetër se “gruan e mirë mund ta gjesh në vendin tënd”, nuk ka të bëjë vetëm me kombësinë e çiftit që vendos të lidhet, por edhe me besimin, kulturën, moralin, politikën dhe statusin social. Atëherë, ku qëndron problemi dhe cili është efekti i tij? Është rritja e martesave mes personave nga e njëjta klasë shoqërore, apo edukimi i njëjtë që rrit pabarazinë sociale? Apo është e vërtetë e kundërta, se një hendek ekonomik shumë i madh bën që të zhduken rastet për kontakte mes anëtarëve të klasave të ndryshme? Disa ekonomistë në “Brookings Institution”, dyshojnë se dinamikat e lidhjeve kanë ndryshuar shumë: “Janë gratë ato që kanë ndryshuar”, duke parë se në botë vajzat e familjeve të mira kanë pasur gjithmonë një nivel të mirë edukimi. “Në të kaluarën ishte rregull që gruaja e një burri me pagë të mirë të bëhej shtëpiake, ndërsa gratë nga shtresat e varfra e kishin të nevojshme të punonin. Sot, jo vetëm që është shumë e mundur që një grua e pasur të punojë, duke i shtuar fitimet e saj atyre të bashkëshortit, por gjithashtu është e mundur që një vajzë e varfër të mos jetë e martuar, kështu që nuk mund ti varë shpresat te paga e dikujt tjetër”. Për ta, shuma e këtyre dy faktorëve është përgjegjëse për rritjen e ndryshimit mes të ardhurave familjare të regjistruara nga viti 1979 e deri në vitin 1996 në Amerikë. Nëse do të merrej në konsideratë statusi ekonomik i grave, ndryshimi nuk është rritur, por është zvogëluar. “Ka më shumë gra që punojnë, që vazhdojnë të punojnë edhe pas martesës dhe që kanë mundësi të mira për të bërë karrierë”, thonë sociologët, duke nënvizuar se kjo është një e mirë, duke parë se jo të gjitha gratë që janë të martuara – ose duke llogaritur edhe mesataren e divorceve në Amerikë – do të jenë patjetër në të ardhmen. Një psikolog i evolucionit në universitetin “New Mexico”, hedh një tjetër mendim. Ai mbështetet në rolin e shkollave private në sistemin edukativ amerikan, ku studiojnë fëmijët e elitës dhe në veçanti në pyetjet standarde që pothuajse prej 50 vjetësh përdoren për përzgjedhjen e kandidatëve. “Në Amerikë inteligjentët priren të frekuentojnë të njëjtat shkolla ku përreth kanë persona të njëjtë me veten. Atëherë përse duhet të çuditemi nëse zgjedhin të lidhen mes tyre”, thotë ai. Gjithashtu, ai tregon se prirja e amerikanëve për tu martuar me persona të barabartë me ta lind nga dëshira për të jetuar mes të njëjtëve. “Një person konservator dhe besimtar është më e mundur që të zgjedhë të transferohet në një shtet që i përshtatet atij, ndërsa një gay do të ndihej më mirë në kulturën e qyteteve të tilla si Nju Jork apo San Francisko”. Më tej shton se kjo mund të ketë efekte shumë pozitive: “Mendoj se komunitetet e formuara nga njerëz me vlera morale, fetare dhe politike të ndryshme, mund tu ofrojnë individëve më shumë liri zgjedhjeje dhe lumturi”.(Shqip) Ky artikull eshte marre nga: http://www.albaniasite.net/?p=24094. Per me shume artikuj te ngjashem vizitoni: http://www.albaniasite.net/?p=24094

Albforumi · 14 Oct 2009

Mbreter Ilire, 2400 vjet me parë,Ne Maqedonine e sotme Në librin “Ilirët”, të historianit bashkëkohor anglez, John Wilkes, përkthyer edhe në shqip (2005), jepet ky citim nga vepra e lashtësisë “Illyrike” e historianit Appiani: Helenët quajnë ilirë ata që banojnë përmbi Maqedoni e Trakë, nga Kaonia e Thesprotia deri në lumin Danub. Ky është vendi i tyre për së gjati, kurse për së gjeri ai shkon nga Maqedonia dhe malet e Trakës deri në Panoni e Adriatik dhe deri rrëzë Alpeve. Mban 5 ditë më këmbë për së gjeri dhe 30 ditë për së gjati”. Iliria e lashtë përbëhej nga shumë fise me popullsi autoktone ilire midis të cilëve mund të përmenden: Dardanët, Ardianët, Dokleatët, Labeatët, Albanët, Taulantët, Enkelejtë, Dasaretët, Paionët, Kaonët, Thesprotët, Molosët, Japodët, Liburnët, Dalmatët etj. Fise ilire të mirëfillta ishin edhe Japigët dhe Mesapët në gadishullin Italik, me shtrirje kryesisht në zonën e Apulias (Pulia e sotme) dhe që u përhapën edhe në jugperëndim të gadishullit Apenin. Më poshtë, në këtë shkrim po paraqesim një përshkrim për fisin ilir të Paionëve ose Pejonëve, që shtrihej në territoret e Maqedonisë së sotme dhe përafërsisht aty ku banojnë shqiptarët autoktonë, si dhe për mbretërinë e Paionisë dhe mbretërit e saj në shek. IV para erës së re, ose më qartë plot 2400 vjet më parë. PAIONIA Paionia; Paionët (Paeonians) ose Peonët ishin fise ilire që banonin në luginën e sipërme të Vardarit dhe në kufi me Dardanët. Në drejtim të lindjes ata shtriheshin deri te lumi Struma, (Bullgari) por dhe më tej. Përmenden për herë të parë nga Homeri, si aleatë të Trojanëve dhe në mbrojtje të Helenës në luftën kundër Akejve. Në gjysmën e parë të shek. IV para erës së re, Paionët krijuan mbretërinë e tyre, e cila u detyrua tu bëjë ballë për shumë kohë sulmeve të maqedonasve. Principatat e Paionëve u përqendruan në mbretëri duke u shtrirë pranë lumenjve Vardar dhe Struma dhe në disa kohë edhe më tutje se kaq. Nga perëndimiPaionia përfshinte edhe Pelagoninë, hapësirën mbi liqenin e Ohrit dhe të Prespës. Qyteti kryesor i mbretërve paionianë ishte Bylazora (Veleshi i sotëm në Maqedoni -FYROM) pranë lumit Aksios, sot Vardar. Më vonë, vendqendrimi i mbretërve kaloi në Stobi (në Pusto Gradskon e sotëm). Ekziston mendimi se qyteti i lashtë ilir i Damastionit, të ketë qenë përfshirë në mbretërinë e Paionisë. Ky mendim gjen mbështetje edhe nga monedhat e shumta prej argjendi të shek. IV-III para erës së re, që mbajnë mbishkrimin DAMASTION dhe që klasifikohen se i përkasin mbretërisë së Paionisë. Paionët u bashkuan me ilirët e tjerë dhe i bënë qëndresë ekspansionit të Maqedonisë drejt veriut. Në vitin 360-359 para Krishtit, fiset jugore të Paionisë filluan mësymjen kundër Maqedonisë, me shpresën e ndonjë sulmi të mundshëm edhe nga viset e tjera të Ilirisë. Mbreti i Maqedonisë, Filipi II krijoi një ushtri dhe u mundua ti parandalonte pushtimet e mundshme nga ana e ilirëve dhe nga mësymjet e paionëve. Paionët krijuan dinastinë e tyre e njohur si mbretëria ilire e Paionisë, qysh nga fillimi i shek. IV para erës së re. Dinastia mbretërore e Paionisë u bë e njohur dhe pati vazhdimësi për më se një shekull, përmendim: Mbretin Likeu (Lykkaioy; Lykkaeios, 359-340 para Kr.); Patrai (Patraioy, 340-315 para Kr.), Audoleoni (315-286 para Kr.). Mbretër të Paionisë kanë qenë edhe Aristoni (286 para Kr.), Leoni (278-250 para Kr.), Dropioni (250-230 para Kr.) etj. Në mesin e këtyre sundimtarëve, Audeleoni ka mundësi të ketë një nga më të njohurit, ngaqë një nga vajzat e tij qe martuar me Pirron e Epirit. Mbretërit e Paionisë kanë qenë të njohur për prerjen e monedhave, kryesisht prej argjendi dhe të cilësisë së lartë. Autori i këtij shkrimi, në kërkimet e tij për të njohur sa më gjerë botën e Ilirisë së lashtë dhe historinë e kombit shqiptar, zbuloi nëpërmjet internetit në muze dhe arshiva të huaja disa dhjetëra monedha ilire, të njohura pak, ose aspak të njohura, dhe midis tyre më se 100 copë monedha dhe të gjitha prej argjendi, të prera nga mbretërit e Paionisë. Këto janë edhe disa nga monedhat më të hershme të botës ilire (shek. IV, III para Kr.). Kështu Mbreti Likeu me rreth 40 prerje dhe të gjitha prej argjendi, Mbreti Patrai me rreth 35 prerje prej argjendi, si dhe Mbreti Audoleon, me rreth 30 monedha të ndryshme dhe të gjitha prej argjendi. Në një monedhë paioniane paraqitet figura e Mbretit Ariston, që ishte vëllai i Mbretit Patrai, i cili luftoi në krye të 1 000 trupave ilire përkrah Aleksandërit të Madh në fushatat e tij drejt lindjes. Panonia përbëhej nga disa nënfise: Aestraei, Agrianes, Derrones, Doberes, Laiaious, Odomantians, Paioplai, Siriopaiones. Pas pushtimeve romake, Paionia u përfshi në provincën romake të Maqedonisë së bashku me Ilirinë e Jugut, Thesalinë, Trakën, dhe Epirin e Veriut. Perandori me origjinë ilire Diokleciani, gjatë riorganizimit administrativ të Perandorisë Romake, Paioninë dhe Pelagoninë, i bashkoi në një provincë të vetme me emrin Maqedonia e Dytë ose Salutaris. Mbreti: TEUTAMADO Shek. IV para erës së re Teutamado (Teytamado). Një nga mbretërit e Paionisë në Ilirinë lindore. Rreth shek. IV para erës së re (rreth vitit 325 para Kr.). Në historiografinë shqiptare ky mbret nuk përmendet fare, pasi ai nuk njihet dhe nuk është cituar në ndonjë botim në shqip as edhe në gjuhë të huaj. Në një muze të huaj ruhet një monedhë e Mbretit TEUTAMADO prej argjendi që mendohet të jetë e shek. IV para Kr. dhe për të cilën thuhet se Teudamado ishte Mbret i Paionisë. Në faqen e parë të monedhës është vendosur figura e Zeusit me drejtimin djathtas, ndërsa në faqen e pasme paraqitet Mbreti plak i hipur mbi kalë dhe me një shpatë të shkurtër në dorë, shpatë tipike ilire. Poshtë, i rrëzuar për tokë, është figura e një luftëtari armik. Sipër kësaj monedhe, me shkronja të mëdha, lexohet emri i Mbretit: TEYTAMADO. Ky emër nuk është fare i panjohur për historinë e ilirëve (kujtojmë Mbretëreshën Teuta, të shoqen e Mbretit Agron dhe Triteutën, gruan tjetër të tij, e cila lindi Mbretin ilir, Pin, ndaj mund të hamendësohet se fjala TUEUTAMADO, mund të kuptohet dhe si TEUTA+MADO (Teuta i Madh?!). Ky supozim mbështetet edhe me tekstin përcjellës të kësaj monedhe, ku bëhet fjalë për një mbret plak që lufton mbi kalë kundër armikut. Poshtë dhe në anën e majtë të monedhës është një shpend mitologjik, që duket sikur ka dy koka (bycapitis). Sidoqoftë, këto mendime rreth kësaj monedhe duhen marrë thjesht si “hamendësime”, pasi fjalën e saktë dhe shkencore mund ta thonë shkencëtarët, historianët dhe gjuhëtarët e specializuar. Kjo monedhë unike e me vlera të jashtëzakonshme për historinë e ilirëve dhe të kombit shqiptar (shek. IV para erës së re), ndodhet në një muze të huaj dhe është monedha që kushton më shumë nga fondi i Ilirisë, rreth 30 500 dollarë. Ajo është grupuar me disa monedha të tjera prej argjendi të qytetit të pazbuluar ilir të Damastionit, monedha ku dukshëm në njërën anë është figura e Zeusit dhe në anën tjetër, janë vendosur disa vegla pune për shkrirjen e metaleve dhe ku lexohet fjala: PELLAG. LIKEI 356-335 para erës së re Likei, Luppeios (Lykkaioy; Lykkaeios). Mbret i Paionisë ilire, në periudhën 356-335 para erës së re. Ishte një nga themeluesit e dinastisë mbretërore të Paionëve, që sundoi për një periudhë relativisht të gjatë kohe në shek. IV para erës së re. Demosteni, në veprën e famshme të tij, “Filipiket”, u thoshte athinasve se “për sa u përket Paionëve, ilirëve dhe të gjithë fqinjëve të tij (të Filipit të Maqedonisë), në përgjithësi, duhet besuar se për ta është më e kënaqshme të jenë të pavarur e të lirë sesa të nënshtruar” (cituar nga prof. Neritan Ceka në librin e tij “Ilirët”). Këtu, oratori i shquar e kishte fjalën për një aleancë të lidhur në vitin 356 para Kr., kur Diodori njofton se tre mbretër, të Paionisë, Ilirisë dhe Trakisë, u bashkuan për të sulmuar Filipin II të Maqedonisë. Nga Paionia marrëveshja u nënshkrua nga Likei, nga Iliria prej Grabosit, ndërsa nga Thrakia prej Ketriporit. Në literaturën me temë historinë e ilirëve, të botuar deri më sot në gjuhën shqipe Ky artikull eshte marre nga: http://www.albaniasite.net/?p=24088. Per me shume artikuj te ngjashem vizitoni: http://www.albaniasite.net/?p=24088

Albforumi · 14 Oct 2009

Doni të jetoni gjatë? Atëherë përvishjuni punës! Pushimi të lodh, të plak para kohe dhe të shkurton jetën, ndërsa të punuarit gjatë e të qenit aktiv, ndihmon për të pasur një jetë sa më të gjatë e të shëndetshme. Ky është përfundimi i një studimi amerikan. Gjatë një mbledhjeje, ekspertët kanë bërë publike disa shifra të cilat flasin vetë: në botë ka më shumë se 600 milionë persona të cilët kanë arritur të 60-at (trefishi në krahasim me një shekull më parë) dhe sipas parashikimeve, në vitin 2050, numri i tyre do të rritet edhe më shumë, duke arritur numrin 2 miliardë (pra, tri herë më shumë se sot). “Mungesa e një pune fikse apo e një aktiviteti të rregullt fizik sjell rreziqe të mëdha demence (skizofreni) apo sëmundjesh të tjera të rënda, të cilat e bëjnë vdekjen më të afërt”, nënvizon një nga organizatorët e studimit, i cili drejton një grup ndërkombëtar shkencëtarësh të angazhuar në këtë drejtim. “Është mënyra më e mirë për të luftuar kundër plakjes dhe për të vënë në lëvizje muskujt dhe trurin, sepse të qenit pasiv shkatërron muskujt dhe boshatis trurin”, pohon një onkolog, që është dhe një nga organizatorët e një seminari mbi punën dhe pleqërinë. “Nëse një qen gjuetie apo një kalë vrapimi nuk kryejnë një aktivitet të rregullt fizik, jeta e tyre shkurtohet. Trupi i njeriut është formuar në atë epokën kur i duhej të punonte shumë për të fituar bukën e gojës. Megjithatë, njeriu duron, njësoj si në rastin e këtyre dy kafshëve, pa një aktivitet fizik e mendor të përditshëm dhe kjo mund të shndërrohet në një çekuilibër hormonal”. Sipas ekspertit, minimumi i përditshëm është, nëse trupi e lejon, një gjysmë ore në ditë shëtitje për çdo moshë. “Për sa i përket trurit, duhet të mendojmë se, në ndryshim nga shumë makina, sa më pak të përdoret aq më shumë konsumohet e plaket”, thotë ai. Megjithatë, të punosh gjatë nuk është zgjedhje medoemos negative, siç tregon edhe rasti i atyre personave të cilët e ëndërrojnë për vite daljen në pension dhe sapo arrijnë në momentin e shumëpritur, e lënë veten të dominohen nga kjo e fundit. “Dihet që të qenit sedentar, të vetmuar e të izoluar janë faktorë të rrezikshëm për një sërë patologjish që lidhen me plakjen. Veçanërisht mund të bëhen faktorë nxitës të patologjive kardiovaskulare e neurovegjetative, të ngjashme me sëmundjen Alzheimer”, kujton ai. Një studim i sapopublikuar në një revistë shkencore konfirmon që aktiviteti mendor në moshën e tretë e largon rrezikun e dëmeve konjektive dhe demencën e pleqërisë. “Efekti mbrojtës vjen edhe nga leximi i revistave dhe librave, shkrimi i letrave, si dhe frekuentimi i bibliotekave. Një aktivitet intensiv cerebral dhe fizik u lejon qelizave të funksionojnë më mirë dhe të jenë më të gjalla, duke krijuar kështu një terren të përshtatshëm për funksionimin e neuroneve. Ka një prodhim më të lartë hormonesh cerebrale, që quhen “neurosteroide” dhe jemi nën vëzhgimin e tyre. Mbajtja e tyre në gjendje aktive vepron mbi funksionimin e të gjithë organizmit”, shpjegon doktori, që dëshiron tu japë një mesazh personave të cilët dalin në pension: “Duhet të shihni përpara dhe ta lini pas të shkuarën, sepse kërkimi i kohës së humbur mund të prishë kohën që ka mbetur për të jetuar”. Por a ekziston një lidhje e provuar mes dinamizmit të një personi dhe sistemit të tij imunitar? Fatkeqësisht, shkenca nuk ka rritur ende në një përfundim të saktë. “Nuk e dimë ende me saktësi se çfarë ndodh me funksionimin e qelizave cerebrale”, thotë studiuesi, i cili preferon të ndalet në një tjetër pikë të rëndësishme: “Njerëzit ndryshojnë nga njëri-tjetri, kanë një histori të tyren personale, kanë jetuar në një ambient të veçantë, si dhe kanë gjene specifike. Në këtë rast duhet gjetur kombinimi i duhur mes gjendjes shëndetësore, ambientit shoqëror dhe elementit kryesor që është dëshira”. Duke qenë dinamikë, edhe falë punës, ulet rreziku i zhvillimit të ndonjë kanceri. “Në organizmin e secilit prej nesh ka forma tumorale, të cilat mund të zhvillohen në çdo moment. Kalimi nga një gjendje aktive në atë pasive, mund të bëhet faktori kryesor për zhvillimin e kancerit”. Një pohim që tregon se të punosh gjatë mund të ketë efekte të dobishme në përmirësimin e jetës, është konfirmuar edhe nga disa studiues kanadezë, të cilët kanë kryer një studim të bazuar mbi disa përfundime mbresëlënëse: kush del në pension në moshën 55- vjeçare ka një mesatare vdekshmërie më të lartë se ai që punon deri në 65 vjeç. Studimi i publikuar në një revistë shkencore ka analizuar 3500 punëtorë të një industrie petrokimie, të cilët kishin dalë në pension në moshën 55, 60 dhe 65 vjeç. Autorët pohojnë se dalja herët në pension çon në një jetë më të mirë. “Studimi ynë kërkon të paraqesë diçka tjetër. Dalja në pension në moshën 50 ose 60-vjeçare, nuk shoqërohet me një jetë më të gjatë. Madje është vënë re se vdekshmëria është e lartë te personat që dalin në pension në moshën 55-vjeçare sesa te 65-vjeçarët dhe kjo nuk varet nga gjendja social-ekonomike. Pra kush punon, gëzon. Është e rëndësishme që e gjithë shoqëria ta mbështesë problemin e moshës së tretë. Një të moshuari nuk mjafton ti thuash se është e nevojshme të dalë nga shtëpia e të merret me një punë, por i duhet krijuar një ambient ku mund të jetojë e të gëzojë ditët e fundit që i kanë mbetur”, përfundojnë ekspertët.(Shqip) Ky artikull eshte marre nga: http://www.albaniasite.net/?p=24083. Per me shume artikuj te ngjashem vizitoni: http://www.albaniasite.net/?p=24083

Albforumi · 14 Oct 2009

Stë kam faj Ti o loqka jeme shumë mos u merzit Erdhën ditët e tua që edhe ti më prit Jo s’ka gjë, ti loqk mos u mërzit Ti nuk je i fundit, nuk je as i pari Ktu nuk mbaron jeta, ktu nuk shuhet zjarri Jo s’ka gjë, për mu jeta vazhdon Bukuria ime vazhdon të ngacmon Por mos u mërzit se tash fillojnë ditë e zeza Ref. 2x Ti mos prit që unë të kthehem E di mirë prap do t’zhgënjehem Dhe kur deshte ti me majt S’të kam faj që s’din me dasht Ti mu mos më prit se mua nuk ma ndien Që të shoh të vuash, kjo mu më pëlqen Jo s’ka gjë, për ty ma nuk ma ndien Ti nuk je i fundit, nuk je as i pari Ktu nuk mbaron jeta, ktu nuk shuhet zjarri Jo s’ka gjë, për mu jeta vazhdon Bukuria ime vazhdon të ngacmon Por mos u mërzit se tash fillojnë ditë e zeza Ref. 4x Ti mos prit që unë të kthehem E di mirë prap do t’zhgënjehem Dhe kur deshte ti me majt S’të kam faj që s’din me dasht S’të kam faj që s’din me dasht Ky artikull eshte marre nga: http://www.tekste-shqip.com/?p=4648. Per me shume artikuj te ngjashem vizitoni: http://www.tekste-shqip.com/?p=4648

Albforumi · 14 Oct 2009

Shkurt Nje Kronike Prokuroria, misteret e të dyshuarit Kristo Historia Njeriu që njihet ndryshe edhe si Muhamed Abdullah ka rënë në sy që në vitin 2002 për një raport të acaruar me Salih Tivarin. Artan Kristo, një besimtar i devotshëm që bënte pjesë te rryma radikale, dy vite para vrasjes së sekretarit të përgjithshëm të Komunitetit Mysliman ishte emëruar përfaqësues i fondacionit “Al Haramain” në Shqipëri. Fondacioni, i cili me vendim të qeverisë shqiptare të vitit 2004 hyri në listën e financuesve të terrorizmit, kishte kërkuar dhjetëra herë të realizonte investime në Shqipëri, por me një kusht: që paratë të depozitoheshin në arkën e Komunitetit Mysliman dhe më pas të investoheshin si financime të këtij institucioni. Salih Tivari e kishte kundërshtuar këtë veprim. Ndërkohë, Artan Kristo kishte marrë miratim nga zyrtarë të tjerë të Komunitetit Mysliman, me të cilët shkon në zyrën e Tivarit. Dy dëshmi janë administruar nga prokuroria. Në to thuhet se Artan Kristo dhe Salih Tivari kanë shkëmbyer fjalë të rënda dhe kërcënime në zyrë, në praninë e një zyrtari tjetër të lartë të Komunitetit Mysliman. Të paktën tri letra të dërguara nga Komuniteti Mysliman në adresë të “Al Haramain” tregojnë, sipas prokurorisë, “kërcënimet” me të cilat përballej Salih Tivari, që duhej të pranonte financimet. Informacionet terroriste kalonin nga shtetet e Sirisë dhe Iranit Prokuroria sekuestron 600 CD, katër servera dhe pesë laptopë. Kishin lidhje me vendet islamike Një rrjet informacioni mjaft i sofistikuar është gjetur në vendstrehimet e Artan Kristos, i arrestuar dy ditë më parë nën akuzën e nxitjes së propagandës për terrorizëm. Me urdhër të Gjykatës së Tiranës, policia ka sekuestruar 600 CD, katër servera dhe pesë laptopë, të gjithë në pronësi të Kristos, i mbajtur nën vëzhgim edhe nga shërbimet inteligjente amerikane që veprojnë në Shqipëri. Burime nga Policia e Shtetit thanë për gazetën “Shqip” se sendet e sekuestruara janë dërguar në laboratorin e policisë shkencore për ekzaminime, ndërsa kanë dalë edhe informacionet e para. Katër kompjuterët kanë pasur lidhje me disa servera në shtetet e Iranit dhe Sirisë, në të cilat kalonin kërcënimet, për tu postuar më pas në forumin në faqen e internetit www.albselefet.com/forum. Të gjitha të dhënat e gjetura kanë pasur të njëjtat mbishkrime, por emra të ndryshëm, çka ka ngritur dyshime se personi që i niste këto të dhëna ishte vetëm një. Në hetimet dymujore të Prokurorisë së Tiranës janë përdorur të gjitha teknikat e hetimit, nga ku ka rezultuar se Artan Kristo postonte në një faqe interneti nxitje për terrorizëm. Sekuestrimet Prej dy muajsh Prokuroria e Tiranës dhe Seksioni Kundër Akteve Terroriste në Policinë e Tiranës ishin vënë në gjurmë të disa kërcënimeve për terrorizëm në një faqe interneti. Janë kryer veprimet e para, ndërsa pala shqiptare ka kërkuar më shumë informacion te shërbimet amerikane që veprojnë në Shqipëri. Prej dy muajsh janë kryer dhjetëra verifikime, nga ku rezulton se mesazhet kërcënuese që postoheshin në faqen e internetit kishin prejardhje nga shtetet e Iranit dhe Sirisë. Prokuroria dhe policia kanë gjetur origjinën e mesazheve, ndërsa drejtësia shqiptare veproi menjëherë për ti ndaluar këto informacione që vinin nga vendet islamike. Dy ditë më parë, krahas arrestimit të Artan Kristos, agjentët e Antiterrorit në Policinë e Tiranës, në bashkëpunim me hetues të prokurorisë, kanë kryer një sërë kontrollesh në vendstrehimet e 31-vjeçarit. Kanë arritur të gjejnë rreth 600 CD, me fjalime dhe mesazhe komprometuese. Janë sekuestruar katër kompjuterë në formën e serverave. Gjatë verifikimeve të para ka rezultuar se në servera ka materiale shkencëtarësh dhe të teologëve arabë. Hetuesit kanë kërkuar ndihmën e shërbimeve më të specializuara. Krahas CD-ve dhe katër serverave, prokuroria ka arritur të bllokojë edhe pesë kompjuterë laptopë, nga ku postoheshin në faqen e internetit mesazhet kërcënuese. Mesazhet kërcënuese Një automjet i policisë, pa targa, ka transportuar dje në mesditë në Prokurorinë e Tiranës dhjetëra sende që i janë sekuestruar Artan Kristos. Agjentët e policisë kanë dërguar në zyrat e hetuesve të çështjes kompjuterët dhe dhjetëra dokumente, nga ku mund të dalin mesazhet kërcënuese që janë postuar në faqen e internetit. Por, pas arrestimit të Artan Kristos, që njihej në rrethet e besimtarëve me emrin Muhamed Abdullai, anëtarë të forumit “Albselefet”, ku ai dyshohet se kishte propaganduar kryerje të veprave me qëllime terroriste, deklarojnë se janë kundër çdo forme të terrorizmit. Por ndërsa kjo faqe aktualisht ndodhet nën survejim dhe prokuroria ka tërhequr materialet nxitëse të Kristos, vetë forumi e ka fshirë postimin e tij. Megjithatë, burimet nga prokuroria thanë se në serverat e sekuestruar dhe në dëshmitë e disa personave faktohet që shtetasi Artan Kristo ka konsumuar elementët e veprës penale të propagandës dhe nxitjes për qëllime terrorizmi. Reagimet Kolegët e Kristos: Dikush spiunoi te SHIK-u “Prokuroria të merret me Gërdecin, Kosta Trebickën, Remzi Hoxhën dhe Fatmir Xhindin” Vazhdojnë diskutimet në faqen e internetit www.albselefet.com për arrestimin e Artan Kriston, teksa kolegët e tij deklarojnë se “dikush ka spiunuar në zyrat e SHIK-ut në Durrës”. Ata pohojnë se nuk besojnë që një njeri i Zotit mund të realizojë akte terroriste. “Ndoshta ka qenë rastësi, por dje janë parë disa persona të ashtuquajtur hoxhallarë të dalin nga portat e SHIK-ut (Shërbimi Informativ Kombëtar), për shembull, si rasti në Durrës, dy net më parë”, shkruan njëri prej tyre, i cili shton se nëse hoxha i nderuar del në gjyq, atëherë do të vijnë edhe dëshmitarët që kanë ngritur akuzën nga “besimtarët”, sikurse ishte cekur në letrën e arrestit. Ndërsa një “koleg” tjetër i të ashtuquajturit Muhamed Abdullahi deklaron se kjo sështë gjë tjetër veçse një “ngecje” akuzash. “Ata çmirkeqët, gjasmë prokuroria apo CIA derdhën djersë derisa arritën të kuptojnë kush është ky person. Do të thotë që janë të gjitha të pavërteta, false, shpifje, gënjeshtra, mashtrime, sepse asgjë sështë e saktë nga sa pretendojnë. Le të merren me Gërdecin, le të merren me Kosta Trebickën, të gjejnë vrasësit e Remzi Hoxhës, Fatmir Xhindit etj., që skanë fund marrëzitë e këtyre të marrëve”, shkruan personi me pseudonimin “Agimalb”. Sipas tij, këta amerikanët që ju duan të mirën këtyre njerëzve anembanë globit, janë bisha. “Agimalb”-i shton se “ata duan të shuajnë dritën e Allahut, por Allahu e përsos dritën e tij edhe pse e urrejnë atë pabesimtarët”. Më tej shton se në Shqipëri probleme të kësaj natyre ska pasur, e sdo ketë inshallah lidhje terrori, sepse ne nuk po na lufton kush. Në fund thotë se “Allahu e ndihmoftë vëllain tonë e të gjithë myslimanët kudo, që u bëhen padrejtësi nga këta njerëz që shpejt kanë për ta shijuar hidhësinë e dënimit nga punët e tyre të pista, nëse nuk pendohen e heqin dorë”. Imami i xhamisë së Tabakëve: Në fenë islame ka rryma ekstremiste Imami i xhamisë së Tabakëve në Tiranë, Elvis Naçi, deklaroi dje në një televizion privat se në fenë myslimane në Shqipëri po shfaqen gjithnjë e më shumë tendenca ekstremiste. Duket se arrestimi i Artan Kristos, besimtar i fesë islame, i dyshuar për nxitjen dhe kryerjen e akteve terroriste, ka hapur një debat të nxehtë në komunitetin islam. Naçi, pa e paragjykuar rastin në fjalë dhe duke e lënë atë në dorë të drejtësisë, pranon ekzistencën e rrymave ekstremiste, për të cilat thotë se po operojnë në një terren të lirë e pa kontroll. Përhapja e këtyre ideve të rrezikshme edhe për vetë komunitetin mysliman, sipas imamit Naçi, po bëhet përmes literaturës fetare, për të cilën, gjithashtu, sipas tij, nuk ka kontrolle. Shfaqja e rrymave të ndryshme brenda këtij komuniteti në Shqipëri është shfaqur me konflikte të ndryshme prej disa vitesh. Arrestimi i Artan Kristos u shtohet dyshimeve për ekzistencën e rrymave ekstremiste, po Ky artikull eshte marre nga: http://www.albaniasite.net/?p=24080. Per me shume artikuj te ngjashem vizitoni: http://www.albaniasite.net/?p=24080

Albforumi · 14 Oct 2009

Zgjedhjet e nëntorit, debat në Kryesi Kryesia e Partisë Socialiste i propozoi dje Asamblesë Kombëtare bojkotin e Zgjedhjeve të pjesshme lokale të 15 nëntorit. Kryetari i kësaj partie, Edi Rama, kërkoi qysh në fillim të mbledhjes që të mos hyhet në zgjedhje, për shkak të standardeve që nuk u arritën në zgjedhjet e 28 qershorit. Si rezultat, mes shumë debatesh e kundërshtive nga anëtarët e Lëvizjes për Mendimin Ndryshe, shumica e kryesisë pranoi propozimin e kryesocialistit, duke e lënë në detyrën e Asamblesë Kombëtare që do të mblidhet ditën e shtunë për të zyrtarizuar bojkotin e zgjedhjeve. Burime nga kryesia e kësaj partie saktësuan se anëtarët e Kryesisë, Ben Blushi, Andis Harasani dhe Kastriot Islami kërkuan njëzëri hyrjen në zgjedhje, duke arsyetuar se PS-ja nuk mund të tërhiqet kështu nga garat zgjedhore. Megjithëse mendimet e këtyre anëtarëve nuk e kanë bindur dot pjesën tjetër, e cila ka mbështetur propozimin e kryetarit dhe më pas është pranuar ideja e tij. Një tjetër vendim i marrë nga Kryesia është që ti kalojë për miratim Asamblesë ngritjen e grupit të punës për ndryshimet statutore. Pas mbledhjes në një komunikim me mediat, Edi Rama, kryetari i Partisë Socialiste, e ka cilësuar si të natyrshëm vendimin për të bojkotuar zgjedhjet e 15 nëntorit. “Dhe në këtë rrugë ne jemi shumë të vendosur dhe ky është një proces që ka të bëjë me fatet e një demokracie të kapur peng e të futur në krizë në të gjitha funksionet jetike të saj dhe nuk ka të bëjë me asnjë lloj taktike apo çfarëdo qoftë tjetër që lidh interesat e PS-së,/////// këto janë interesat e një vendi të tërë dhe të një populli të tërë, që në vitin 2009 nuk mund dot të merret peng në mes të Europës nga një pushtet familjar i ricikluar përmes grabitjes së votës”, tha ai. Ndërsa deputeti Ben Blushi deklaroi se u mor një vendim që përfaqëson interesat personale të Edi Ramës. “Ishim kundër bojkotit të zgjedhjeve, kërkuam të hynim, pasi është një mundësi për të treguar se socialistet dinë ta mbrojnë votën. Një parti që nuk hyn në zgjedhje i heq vetes mundësinë për të ekzistuar”, tha ai. Ndërsa për sa i përket bojkotit të Parlamentit, Blushi u shpreh se nuk do të ndjekë seancat, duke respektuar vendimin e Partisë Socialiste. Asambleja Kombëtare do të diskutojë çështjen e ndryshimeve statutore të përfolura mjaft edhe në kongresin e jashtëzakonshëm të 28 gushtit. Do të ngrihen dy grupe pune. Një prej tyre do të drejtohet nga vetë kryetari i PS-së, Edi Rama, dhe një grup tjetër që do të drejtohet nga Gramoz Ruçi, kryetari i Asamblesë Kombëtare. Por duket se kjo çështje ka pasur qysh dje përplasjet e para. Dy anëtarë kryesie, Arben Malaj dhe Saimira Pino, anëtarë të Lëvizjes për Mendimin Ndryshe, refuzuan të jenë pjesë e grupit të punës. Sipas deklarimeve të hershme të kryetarit të opozitës, pjesë e diskutimeve të këtij grupi do të jetë edhe platforma “Blushi” e bërë publike në muajin gusht, e cila synon që të kufizohen kompetencat e kryetarit të partisë. Ndërkohë, Kryesia e PS-së diskutoi edhe për axhendën politike, e cila pritet të intensifikohen në periudhën tetor-dhjetor 2009. Po ashtu do të diskutohet mbi organizimin e zgjedhjeve në organizatat socialiste. Një pikë tjetër e mbledhjes së Kryesisë së PS-së ishte edhe riorganizimi i organizatave socialiste në emigracion.(Shqip) Ky artikull eshte marre nga: http://www.albaniasite.net/?p=24071. Per me shume artikuj te ngjashem vizitoni: http://www.albaniasite.net/?p=24071

Albforumi · 14 Oct 2009

Linjat e energjisë, Shqipëria mbetet jashtë loje Marrëveshja për kufijtë e rinj detarë me Greqinë e nxjerr përfundimisht Shqipërinë tërësisht jashtë linjave ndërkombëtare të energjisë. Pajtim Bello, ish-ministri i Energjetikës, zbuloi dje në një intervistë për “Top Channel” prapaskenat e një debati të hershëm mes Tiranës dhe Athinës për gjurmët e një gazsjellësi që transporton gazin e Kaspikut nga Turqia në Itali fillimisht përmes ujërave detare të Greqisë. Bello sqaron planin e dy vendeve fqinje dhe çfarë kërkoi Shqipëria, në mënyrë që ajo të përfitonte nga kjo linjë. “Pala greke dhe pala italiane kanë pasur kohë që këtë vijë ta spostonin midis Korfuzit dhe Shqipërisë në ujërat tona bregdetare dhe të dilnin në Otranto. Kurse ne kemi kërkuar që të bëhet një projekt ku ne të ishim aksionerë dhe ky gazsjellës mos të shkonte në jug të Shqipërisë dhe në jug të Korfuzit, por të futej në territorin shqiptar nga lugina e Vjosës, të dilte po sipas luginës së Vjosës dhe të kalonte nga bregdeti shqiptar në Otranto”, tha Bello. Por propozimi i Tiranës, megjithëse i mbështetur nga Brukseli, u kundërshtua fuqishëm nga grekët. “Kemi pasur përgjigje negative, në mënyrë të veçantë nga Greqia”, tha Bello. Ndërkohë, harta aktuale që lidh Lindjen me Perëndimin e anashkalon Shqipërinë që nga veriu deri në jug. Gazsjellësi Turqi-Greqi-Itali ishte i vetmi që mund të kalonte përmes vendit tonë. “Gjithë ajo negociatë që është bërë, ka rënë, sepse tashmë ata e morën atë që deshën dhe nuk kanë pse të na pyesin më”, shtoi ish zv/ministri. Përveç mospërfshirjes së axhendës gjeostrategjike europiane, Shqipëria humbet nga devijimi i linjës se gazsjellësit rreth 2.5 miliardë kilovat/orë gaz në vit. Me kundërshtimin e marrëveshjes mes Greqisë dhe Shqipërisë për ujërat territorialë, kanë dalë në pah përfitimet e palës greke dhe humbjet e palës shqiptare. Veç akuzës për mungesë transparence, tanimë zërat janë shtuar për përfitimet ekonomike dhe në pah ka dalë ndërtimi i një gazsjellësi dhe marrëveshja e ndihmon Greqinë që ta shmangë Shqipërinë nga përfitimi. Kolonel Pashaj ka hartuar dhe studimin ku argumenton shkencërisht se marrëveshja i fal 354.4 km2 sipërfaqe ujore në detin Jon Greqisë, ndërkohë që shumë shoqata i kanë bërë apel Parlamentit që të mos e miratojë marrëveshjen. “Në një moment kur SHBA-të kanë 27 vjet që nuk e kanë ratifikuar marrëveshjen e Montegobejt dhe akoma kanë probleme me interesat e tyre kombëtare në të gjithë botën, pse u dashka që për 7-8 muaj ne shpejt e shpejt, në mënyrë hermetike, të nënshkruajmë marrëveshjen?”, është shprehur Pashaj.(Shqip) Ky artikull eshte marre nga: http://www.albaniasite.net/?p=24074. Per me shume artikuj te ngjashem vizitoni: http://www.albaniasite.net/?p=24074

Albforumi · 14 Oct 2009

Universitetet, formulari A3, programet e reja, aplikimi Maturantët që nuk kanë fituar të drejtë studimi, që nuk janë regjistruar dhe që nuk u pëlqejnë degët ku kanë fituar mund të plotësojnë formularin A3 për një mundësi të re. Në bazë të plotësimeve dhe meritë-preferencës do të kenë mundësi të përfitojnë nga kuotat e mbetura bosh apo nga programet e reja të miratuara pak kohë më parë nga qeveria. Ministria e Arsimit dhe Shkencës ka publikuar dje udhëzimin për plotësimin e kuotave të parealizuara, pas përfundimit të fazës së parë të regjistrimeve, në programet e studimit të ciklit të parë me kohë të plotë, në institucionet publike të arsimit të lartë. MASH-i njofton se kanë të drejtë të plotësojnë formularin A3 të gjithë kandidatët të cilët: nuk kanë mundur të përfshihen në listat e fituesve për tu regjistruar në ciklin e parë të studimeve me kohë të plotë në institucionet publike të arsimit të lartë në vitin akademik 2009 2010; janë përfshirë në listat e fituesve dhe nuk janë regjistruar në institucionet publike të arsimit të lartë në vitin akademik 2009-2010; janë fitues të regjistruar në një program studimi në vitin akademik 2009-2010 dhe nuk preferojnë të ndjekin atë program studimi. Kandidatët duhet të paraqiten në drejtoritë rajonale ose në zyrat arsimore (DAR/ZA) përkatëse deri në datë 16 tetor 2009, ora 18.00, për të bërë kërkesë për plotësimin e formularit A3. Pas kësaj, formulari A3 do të shpërndahet në DAR/ZA në datë 21 tetor 2009. Kandidatët, pasi ta plotësojnë, duhet ta dorëzojnë formularin A3 po në DAR/ZA deri më 26.10.2009. Agjencia e Pranimeve në Institucionet e Arsimit të Lartë (APRIAL) në datën 30.10.2009 do të shpallë listën përfundimtare të kandidatëve fitues, të ndarë sipas programeve të studimit përkatës, të renditur sipas rendit zbritës të pikëve dhe të preferencës më të lartë të kërkuar prej tyre në formularin A3, në përputhje me kuotat e rishpërndara. Institucionet publike të arsimit të lartë, nga data 31.10.2009 do të shpallin në vende të dukshme, në mjediset e tyre, datat dhe oraret e veprimeve të regjistrimit/çregjistrimit, procedurat përkatëse, listën e dokumenteve të nevojshme për regjistrim, si edhe të dhëna të tjera që i gjykojnë të nevojshme për sigurimin e ecurisë normale të procesit të pranimeve në ciklin e parë të studimeve me kohë të plotë, në institucionet publike të arsimit të lartë. Regjistrimi i kandidatëve fitues të kësaj faze do të bëhet pranë sekretarive mësimore të institucioneve publike të arsimit të lartë në datat 1, 2, 3 dhe 4 nëntor 2009, nga ora 08.00 deri në orën 18.00. Për regjistrim, kandidati të dorëzojë dosjen individuale me dokumentet e nevojshme. “Sqarojmë kandidatët që do të shpallen fitues gjatë kësaj faze, se tarifa e regjistrimit prej 1500 lekësh, e arkëtuar nga kandidati për regjistrimin përfundimtar të fazës së dytë të regjistrimeve në programet e studimit të ciklit të parë me kohë të plotë në institucionin publik të arsimit të lartë do të kalojë me xhirim nga llogaria e degës së Thesarit. Më pas, institucioni publik i arsimit të lartë ka llogarinë buxhetore, në llogarinë e Thesarit të institucionit tjetër publik të arsimit të lartë, në të cilin është realizuar regjistrimi përfundimtar i fazës së tretë të regjistrimeve. Këshilli i Ministrave ka miratuar edhe 17 programe studimi të reja sipas institucioneve të arsimit të lartë dhe kuotave.(Shqip) Ky artikull eshte marre nga: http://www.albaniasite.net/?p=24077. Per me shume artikuj te ngjashem vizitoni: http://www.albaniasite.net/?p=24077

Albforumi · 14 Oct 2009

Majko: Presidenti të mbledhë Këshillin e Sigurimit Deputeti socialist kërkon që debati për paktin detar të kalojë në duart e isntitucioneve më të larta të vendit Me afrimin e ditës së ratifikimit në Kuvend, debati lidhur me marrëveshjen për hapësirën detare mes Shqipërisë dhe Greqise ka nisur të ndizet edhe më shumë. Pandeli Majko, ish- kryeministër dhe ministër i Mbrojtjes, shprehet se marrëveshja nuk është shumë transparente dhe për këtë Presidenti i Republikës duhet të thërrasë Këshillin e Sigurimit Kombëtar për ta marrë në analizë. “Presidenti duhet të thërrasë Këshillin e Sigurimit, të kërkojë informacione, pasi kjo çështje nuk mund të qëndrojë vetëm në nivelin mediatik. Kufijtë nuk janë as të Partisë Socialiste dhe as të Partisë Demokratike”, u shpreh Majko, gjatë një interviste në “Top Channel”. Sipas tij, edhe sikur 10 për qind e asaj që thuhet të jetë e vërtetë, atëherë ky është një problem që kap momentin e skandalit dhe që do të rëndojë në marrëdheniet dypalëshe. “Është e pritshme që për këtë çështje Presidenti i Republikës të thërrasë Këshillin e Sigurimit, të kërkojë konsulta dhe informacione edhe të organeve të specializuara, pasi kjo nuk mund të jetë vetëm në nivelin mediatik, apo të trajtimit politik opozitë – mazhorancë, pasi në këtë pikë duhet të jemi shumë të qartë, se kufijtë nuk janë as të PD-së as të PS-së”. Z. Majko sheh si përgjegjës kryesor qeverinë shqiptare: “Mendoj se edhe sikur 10 për qind e asaj që thuhet të jetë e vërtetë, kemi një problem shumë të madh, kemi një problem që po kap momentin e skandalit dhe që po rëndon marrëdhëniet dypalëshe. Por, e përsëris këtu nuk kemi pse të bëjmë me faj vendin fqinj, problemin e kemi brenda vetes.” Z. Majko pohon se është e pafalshme që pala shqiptare ka qenë e papërgatitur për këtë marrëveshje, e cila nuk ka ekzistuar në tavolinën e qeverive të majta gjatë viteve 1998-2005. “Po të doni mendimin tim edhe një metër është gjithsesi një problem në këtë histori të komplikuar që ne kemi marrë nga e kaluara dhe që ekziston. Mendon se kjo është një çështje që duhet menaxhuar me shumë përgjegjësi dhe me shumë transparencë në mënyrë që të mos lërë gjurmë”. Për deputetin socialist, mungesa e transparencës është një tjetër tregues i kësaj marrëveshjeje, sipas të cilës Shqipëria humbet rreth 354 km katrorë hapësirë ujore në favor të shtetit grek. ********************** Qindra mesazhe dhe thirrje për mosratifikimin e marrëveshjes për kufijtë detarë Shqiptarët në “Facebook”: Berisha tradhëtar! Qindra anëtarë të rrjeteve sociale, apo blogues, janë përfshirë në debatet për mosratifikimin e paktit detar mes Shqipërisë dhe Greqisë. Një faqe e hapur në rrjetin social Facebook, në linkun http://www.facebook.com/inbox/?ref=mb#/group.php?gid=77061783478&ref=ts, e titulluar “Kundër ratifikimit të marrëveshjes së “dhurimit” të 354.4 km2 në Jon”, bën thirrje për mosratifikimin e e marrëveshjes së “dhurimit” të 354.4 km2 në Jon. Në të thuhet se: “Shqipëria është trajtuar si një plaçkë lufte në marrëveshjen që qeveria Berisha nënshkroi me Greqinë më 27 prill të këtij viti. Shteti ynë, jo vetëm që është tkurrur në kufijtë e tij detarë në jug të vendit, por ka humbur edhe pozitat e tij të dikurshme në det, të cilat kanë qenë tepër strategjike në raport me Greqinë. Qeveria shqiptare më datë 27.04.2009 i dhuron Greqisë rreth 354.4 km2 sipërfaqe ujore dhe grekët afrohen 11 kilometra drejt Karaburunit, marrëveshje e cila është trumpetuar sërish si një “arritje e qeverisë”, por që në fakt cenon rëndë kufirin detar shqiptar, duke qënë se parimi i baraslargësisë nuk respektohet në asnjë nga pikat e tij”. Sipas administratorëve të grupit, qëllimi është të mbajë përdoruesit e Facebook të informuar mbi ecurinë e ratifikimit të kësaj marrëveshjeje dhe reagimet nga qarqe të ndyshme. Më poshtë janë disa prej qindra postimeve të fundit në këtë faqe: Erind Hasani kjo tregon se si tradhtarët e kombit i kthyen edhe një herë prapanicën grekut, vetëm për lek… kjo nuk është vetëm një turp, por edhe një krim për vendin.. Markus Sloejstrom Ç’ështe ky turp i madh me Shqipërinë e 2010 pu pu pu, mirë atëherë se kishim qejf turkun, por tani dolëm me të paturpshëm se Esat Pashë Toptani. Besmira Nika Të parët tanë dhanë jetën që Shqipëria të mos trajtohet si plaçkë në sy të botës, e na del tani 1 gomar që fal territoret shqiptare… ky është kulmi… Salih Kabashi (France) Nëqoftëse shqiptarët e kalojnë në heshtje këtë tregti me pjesë të territorit të vendit të tyre, atëherë nuk di se me çka do të tregojnë atdhedashurinë e tyre dhe për kur do ta lënë ngritjen e fuqishme gjithëpopullore mbrojtje të Atdheut. Serbë e grekë deri sot shqiptarëve u kanë marrë copa të Atdheut me luftëra e me gjenocid, ndërsa sot qeveritarët e Shqipërisë sovrane i falin ato. Kjo është tradhtia, e cila do duhej të ndëshkohej rëndë. Aulona Capaj Vetëm ne mbahemi si ajo fjala e urtë e popullit: “Të këqinjtë e portës, e të mirët e botës” Nuk e kuptoj si të jemi kaq të mallkuar me klasën politike! Erjon Ruko (Italy) Politikanët shqiptarë po e shesin shumë lirë të vetmen gjë të shtrenjtë që gjyshërit, baballarët tanë na kanë lënë – IDENTITETIN tonë të shtrenjtë! E thonë që ne shqiptarët jemi trima. Njeriu është ajo çka bën në jetë në fund të fundit dhe jo ajo çka mendon! Kush nga ne po bën ndonjë gjë? Kush? Ardian Elezi (Italy) Deri me sot historia ka njohur mbretër që kanë luftuar për të marrë toka dhe për të rritur pasuritë dhe fuqinë e tyre, dhe vetëm dy, ish mbreti Ucello (Zog) dhe ish Berisha e falin tokën e tyre thuaj se këta të dy janë mbretërit e rinj dhe modernë të kohës që ne të tjerët nuk i kuptojmë. Do ta kërkojmë Vlorën Admiral por nuk do ta gjejmë, do të bredhim nëpër Mesdhe si çifuti në shkretëtirë, por nuk do ta gjejmë më… Ju kujtohet filmi “Ballë për ballë”? Dhe neve ia falim pas 50 vjetesh … Ankohu Arti Tamburi (Ëindsor) Nënshkruani peticionin kundër ratifikimit nga Parlamenti të marrëveshjes së turpshme shqiptaro-greke për përcaktimin e kufijve detarë mes tyre. http://www.gopetition.com/online/31143.html Henri Nune Njëherë e një kohë atyre që shisnin atdheun e tyre u dhoshin Tradhëtarë! Por, tani kohët kanë ndryshuar dhe turpi është bërë nder. E vetmja gj që ka rëndësi është pushteti. Mjerë ne që kemi këta qeveritarë. Lindita Aliu shkroi Ky është jo vetëm skandal, por turp për shqiptarët. Mobilizohuni për çështje politike dhe bëni protestë sa më shpejt për interesin Tuaj! Protestë aktive në Tiranë dhe në vendet tjera. Kjo duhet bërë publike patjetër, që të senzibilozohet populli se çfarë katastrofe është kjo për sovranitetin shqiptar! Loris Koka nuk e imagjinoj dot si mund të bohet nji gjo e tillë Ersan Karameto Çuna si thoni për një protestë para Kryeministrisë?! Martin Roçi Nënshkruani peticionin http://www.gopetition.com/online/31143.html Andi Hoxha Në datë 19 tetor, Parlamenti shqiptar vendos për ratifikim apo jo të kësaj marreveshjeje. Janë të mirëpritura të gjitha sugjerimet se si mund të ndalohet ratifikimi i një marreveshjejetë tillë, e cila do të kishte pasoja të rënda për Shqipërinë. Eli Arjan në ato thellësira,mbase ka thesare e gjëra që me mjetet tona që s’ kemi nuk e dimë,dhe greku do të thotë janë thesare helene dhe jo ilire … ne i falëm Çamërinë, detin, emigrantët, etj ato kanë bërë gjenocide kundër popullatës sonë, është akoma ligji i luftës me shtetin shqiptar dhe akoma nuk njohin kufijtë tokësorë, qëndrimi i tyre është i qartë, duan veten e tyre mbrojën interesat e tyre, kurse ne e shesim atdheun per 5 Irvi Hyka Po çe duam detin ne na takon gjith EPIRI Princè OfPèrsià http://www.shek Ky artikull eshte marre nga: http://www.albaniasite.net/?p=24065. Per me shume artikuj te ngjashem vizitoni: http://www.albaniasite.net/?p=24065