Tema e ditës

Jemeni, vendi ku uji është më i çmuar se nafta Në rrugët e Jemenit mund të hasësh me shumicë vetëm njëlloj mjeti: kamionët që transportojnë ujë. Ai mbartet në autobote të mëdha të shndritshëm që shoqërohen nga njerëz të armatosur, zakonisht luftëtarë fisesh, burra të fuqishëm të gatshëm për të përballuar çdo lloj sulmi të mundshëm ndaj ngarkesës së çmuar, që kalon nëpër malet e luginat e vendit. Kjo, sepse uji në këtë vend plot shkretëtira e nxehtësi është një mall me shumë vlerë, një mall i çmuar që shpesh vlerësohet më shumë se vetë nafta. Uji po shndërrohet në një lëndë, të cilën kanë mundësi ta blejnë vetëm të pasurit. Të tjerët duhet të përgatiten për një realitet të hidhur e të thatë. Linjat e rregullta të furnizimit me ujë në më të shumtën e rasteve nuk funksionojnë, ose janë ndërprerë në shumë zona të caktuara të vendit. Kjo ka bërë që banorët ti drejtojnë sytë nga qielli në pritje të shiut për të lagur buzën, apo për të vaditur të mbjellat. Në këto kushte gjithnjë e më të vështira, Jemeni ka shumë mundësi të shndërrohet në vendin e parë në botë pa rezerva të mjaftueshme ujore për të shuar etjen e popullsisë. E të mendosh që popullsia në atë vend është në rritje e sipër. Për sa i përket kryeqytetit të vendit, Saana, këtu mund të jetosh me ujë edhe për 10 vite, por pas 10 vitesh burimet ekzistente ka shumë gjasa të thahen. Në Jemen lëvizjet e popullsisë kushtëzohen nga uji. Në zonat ku burimet janë tharë, njerëzit ikin e sulen nëpër qytete, apo zona ku ka ende ujë. Si të mos mjaftonte ky telash i madh e me pasoja jetike, vendi është në një situatë të gjithëkahershme lufte e konflikti civil. Vitet e fundit kanë ndodhur 3 kryengritje e rrëmuja të mëdha, që kanë shkaktuar dëme të shumta te civilët, kaos dhe kanë lënë të shkatërruar edhe ato pak rrjete ekzistuese që shpërndanin ujin. Ky vend shquhet për një shkallë shumë të lartë të lindshmërisë. Vitin e kaluar ajo ishte 3.4% dhe mungesa e ujit është aq kritike sa ajo po shndërrohet edhe në shkak rebelimesh civile. Hanah është një nënë e re. Ajo është vetëm 18 vjeçe dhe jeton në afërsi të kryeqytetit. Hanah rrëfen për tmerret e një jete pa ujë, për më tepër kur një familje ka edhe fëmijë. Sipas saj, ka raste që në shtëpinë e saj uji nuk vjen për javë të tëra, më pas vjen për pak kohë dhe ikën përsëri për tu rikthyer kushedi se kur. Ajo dhe i shoqi janë punëtorë fabrike, fitojnë shumë pak dhe ato para që fusin në xhep i rijapin sërish për të blerë ujë të pijshëm për fëmijët, sepse nuk bëhet fjalë për tu larë, apo për të mbajtur higjienën. Ky është rasti i një familjeje që përpiqet të mbijetojë në kushte të vështira, por si ajo janë shumica e familjeve të varfra të vendit. Në Jemen çdo njeri përfiton 100 metra kub ujë në vit, çka përbën një shifër shumë të ulët në krahasim me limitin e varfërisë që është 1000 metra kub ujë për person në vit. Rezervat tokësore janë thuajse në mbarim, pasi ato janë përdorur shumë këto vite. Dikur uji gjendej edhe 20 metra thellë, ndërsa sot duhet të gërmosh 200 metra për të gjetur ujë. Të dëshpëruar nga një situatë e tillë, shumë banorë të Jemenit gërmojnë dhe bëjnë lidhje të paligjshme, duke e thelluar edhe më shumë problemin e ujit në vend. Ka zona ku uji vjen vetëm një herë në 45 ditë dhe zona të tjera që nuk kanë fare dhe që për të marrë pak ujë banorët duhet të kaptojnë malet dhe luginat e thepisura e të mbajnë radhë të gjata. “Nëse qeveria nuk do ti japë zgjidhje këtij problemi, njerëzit do të nisin të tërbohen dhe të revoltohen keqas si në qytetet e mëdha, ashtu edhe në zonat më të thella të vendit. Kjo mungesë ka rritur kriminalitetin, sëmundjet, dhunën dhe nuk është faji i askujt, sepse mungesa e ujit është vdekjeprurëse dhe dramatike”, thotë një banor. Qytetarët e Jemenit kanë jetuar me pak ujë prej qindra vitesh, por problemi është shtuar me hapjen e uzinave e fabrikave dhe me përdorimin e ujit në industri. Kjo ka bërë që edhe ato pak rezerva të shterojnë. Shumë jemenas mundohen që të marrin lëngjet jetike nga bimët, apo pemët përreth. Kështu ata përdorin disa lloj gjethesh, që kur i shtyp në gojë të heqin etjen. Njerëzit e këtij vendi të varfër janë mësuar me varfërinë, me luftërat, por asnjëra nuk mund të krahasohet me mungesën e ujit. Ata janë të dëshpëruar dhe të pashpresë.(Shqip)</p> Ky artikull eshte marre nga: http://www.albaniasite.net/?p=24555. Per me shume artikuj te ngjashem vizitoni: http://www.albaniasite.net/?p=24555

Heremiti, jeta e tërhequr e njeriut që i kushtohet Zotit dhe lutjes Si jeton një heremit që lutet gjithë ditën në kohët moderne? Në një manastir të ndërtuar me gurë në një luginë të thellë në zemër të Libanit jeton një heremit, dikur një pasanik e njeri i shëtitur, që vendosi një ditë të linte të gjitha për të gjetur paqe</p> Ai është 75 vjeç dhe vjen nga një familje e pasur kolumbiane. Para se të vendoste që të tërhiqej nga bota e të jetonte si heremit në vetmi, kishte një jetë shumë të lehtë dhe të kollajshme. Befas një ditë gjithçka iu mërzit: bota, njerëzit, kotësia e të qenit i pasur dhe vendosi të tërhiqej në paqen e manastirit të Hawkas, një manastir i ndërtuar i tëri me gurë. “Kemi jetuar në një shtëpi shumë komode në një lagje të pasur, ku jeta ishte shumë e lehtë. Isha një njeri me fat, sepse nuk më duhej që të vuaja për të mbajtur frymën gjallë. Gjithçka e kisha të gatshme, të lehtë e të arritshme”, rrëfen tashmë at Dario, prova e vetme e të cilit tani është vetëm rroba e tij e leshtë e zezë që e mban mbi trup dimër e verë. Familja e tij së bashku me gjashtë motrat dhe vëllezërit jetonin në Medejin në verilindje të Kolumbisë, edhe pse vetë prifti mohon që ata kishin lidhje me baronin e famshëm të drogës, Pablo Eskobar, një njeri shumë i pasur dhe i fuqishëm. “Paraja kurrë e për asnjë çast nuk më bëri të lumtur. Përkundrazi, më solli shumë andralla. Ndaj vendosa të lë gjithçka dhe ti drejtohem vetëm Zotit e ti përkushtohem vetëm marrëdhënies me të”, thotë heremiti që mban një mjekër të gjatë, tashmë e gjitha e thinjur dhe ka një fytyrë të mirë e xhentile, ku shquhet herë pas here një buzëqeshje e paqtë. “Jam i bindur se po të provonit të bënit jetën që bëj unë nuk do të zgjidhnit jetë tjetër”, ngulmon vetmitari. Manastiri ku ai jeton ndodhet në Luginën e Shenjtorëve, një vend ku ka shumë heremitë e manastire dhe, sipas tij, është vendi ideal për tu kaluar në vetmi dhe në lutje. Kjo luginë ndodhet në Liban, vend ku ai mbërriti në fillim të viteve 90, pas takimit që pati me një prift libanez në Shtetet e Bashkuara që i foli për bukuritë natyrore dhe shpirtërore të Libanit. Para se të zgjidhte manastirin ku qëndron tani, ai shëtiti dhe pa shumë të tjerë, derisa vendosi të ndalej në Qadishan e gurtë. “Në këtë vend që shpesh ruhet nga era dhe shijohen të gjitha stinët në plotësinë e tyre, unë kam gjetur qetësinë shpirtërore dhe nuk do të ikja edhe sikur të më jepnin pasuritë dhe thesaret më të mëdha të botës”, thotë heremiti me sytë që i shndrisin nga paqja. Edhe për jastëk ai ka një copë shkëmb, ndërsa shtrihet në një vig të drunjtë, mbi të cilin është vendosur vetëm një dyshek i hollë. Ornamentet e vetme të dhomës së tij janë një kryq e një orë. “Nuk mund të fle më mbi një jastëk dhe ushqehem me ato që rris vetë në bahçe. Ato që nuk mund ti përgatis vetë mi sjellin nga manastiri tjetër. Menyja e heremitit është një meny vegjetariane e pasur në fasule, patate e speca, të gjitha të rritura në kopshtin e manastirit. Dikur ai ishte profesor filozofie, teologjie dhe psikologjie, por tani si heremit jeton në varfëri të potë dhe është i lumtur, më i lumtur se në ditët kur mund të kishte gjithçka në jetë, përveçse lumturisë dhe paqes. Nuk sheh televizor, nuk lexon gazeta, nuk e ndjek radion apo internetin. Në vendin e vet ka 10 vjet që nuk ka shkelur dhe thuajse i ka shkëputur të gjitha lidhjet edhe me familjen. “Nuk dua që ata të vijnë këtu ku jam. Lutem për ta dhe për fatin e Kolumbisë, por nuk do të shkel më kurrë në atë vend”, thotë heremiti. Në manastirin ku ai jeton ka edhe disa murgj e heremitë të tjerë që bëjnë të njëjtën jetë të izoluar e të veçuar si ai dhe ndërkaq herë pas here në manastir vijnë edhe alpinistët që u ngjiten shkëmbinjve përreth. Ndodh që ata mund të kalojnë natën në manastir e me këtë rast i tregojnë atit atë që ndodh në botën jashtë. “Zakonisht nuk flas gjatë me ata që vijnë për të bujtur, por qëllon që edhe kam bërë muhabete me ata që më janë dukur interesantë. Ka raste kur vijnë gra e mendojnë se meqenëse jam heremit duhet të di gjithçka e këto gra më pyesin për fatin, për të ardhmen e tyre, a do të kenë mundësi që të gjejnë burrë”. Edhe pse jeta e këtij heremiti është shumë e tërhequr dhe e mbyllur, ai e di mirë se çfarë bëhet në skenën politike të Libanit. Kanë ardhur njerëz të më pyesin se kush do ti fitojë zgjedhjet, apo cili do të jetë fati i partive të caktuara politike, por unë kam vënë buzën në gaz me këtë naivitet të atyre që më kanë pyetur. Dikur në të ri kishte një pasion të veçantë për futbollin, që tani i është shuar me kalimin e viteve dhe me ndryshimin e mënyrës së jetesës. Pjesën më të madhe të ditës, madje 14 orë rresht ai e kalon në lutje, apo duke u marrë me zarzavatet e kopshtit, si dhe duke lexuar libra mistikë. 5 orë në 24 ia kushton gjumit. Sipas rregullave të përcaktuara nga Vatikani nuk i lejohet që të shkurtojë mjekrën, apo të flejë më shumë se 5 orë. Pavarësisht jetës që e kalon në heshtje të thellë e në një marrëdhënie vetëm me Zotin, at Dario thotë se ai nuk mërzitet kurrë dhe rekomandon që edhe të tjerët, njerëzit e botës së zhurmshme e plot stres duhet që ti kushtojnë më shumë vëmendje jetës shpirtërore, meditimit, kohës së kaluar me veten, të mendojnë se nga vijnë, ku shkojnë dhe ta kuptojnë se të gjitha gjërat kanë një qëllim dhe bëhen për një qëllim. “E rëndësishme është të dëgjosh mençurinë që qëndron brenda nesh, por që e kemi shtypur me mënyrën e keqe të jetesës, me kotësitë e kësaj jete dhe mosbesimin që kemi te fakti që jemi zotër të vegjël që mund të mbrujmë realitetin tonë me vullnetin e lirë.(Shqip)</p> Ky artikull eshte marre nga: http://www.albaniasite.net/?p=24558. Per me shume artikuj te ngjashem vizitoni: http://www.albaniasite.net/?p=24558

Alternative To Open Heart Surgery Interventional Cardiologists Help The Faint Of Heart Without Surgery Ky artikull eshte marre nga: http://www.medic24.org/?p=123. Per me shume artikuj te ngjashem vizitoni: http://www.medic24.org/?p=123

Damaging Inflammatory Response Could Hinder Spinal Cord Repair Ky artikull eshte marre nga: http://www.medic24.org/?p=121. Per me shume artikuj te ngjashem vizitoni: http://www.medic24.org/?p=121

Bosch raporton për Shqipërinë: Zgjedhjet, Gërdeci, bojkoti i PS Kreu i prezencës së OSBE-së në Tirane, Robert Bosch ka prezantuar raportin për Shqipërinë para këshillit të përhershëm të kësaj organizate në Vjenë. Në raport, Boch ka evidentuar zhvillimet kryesore politike në vend, duke filluar që nga zgjedhjet e 28 qershorit, për të cilat nënvizohet se arritën shumicën e angazhimeve, por jo plotësimin e standardeve më të larta të kërkuara, pushimi i çështjes ndaj Mediut, si i pandehur për Gërdecin e deri në bojkotin e opozitës që kërkon hapjen e kutive të votimit.</p> Më poshtë mund të lexoni pjesë nga raporti i mbajtur nga Bosch për disa nga pikat kryesore të zhvillimeve në Shqipëri</p> Zgjedhjet “Zgjedhjet nuk përmbushën potencialin e Shqipërisë për një proces të standardeve më të larta”- thuhet në raport, ku shtohet se ky proces u shoqërua edhe me mangësi e probleme. Sipas raportit pati politizim gjatë procesit të numërimit të votave. Në të theksohet më tej se fushata u shoqëruar me tone të ndezura dhe akuza, ndërkohë që nuk munguan edhe incidentet. “Megjithëse nuk pati prova manipulimesh, në disa zona fletët e votimit ose nuk u numëruan ose rezultatet nuk u përfshinë në tabelën përfundimtare. Kolegji Zgjedhor në përgjithësi ishte profesional, por vendimmarrja ishte e nxituar”, thuhet në raport.</p> Bojkoti i PS-së Deri tani, PS-ja ka zgjedhur që t’i bojkotojë të gjitha seancat e Kuvendit të ri, pas vendimit që ajo ka marrë për ta kushtëzuar hyrjen e saj në parlament me plotësimin e disa kushteve të lidhura me procesin zgjedhor, i cili, sipas PS-së, ishte i pandershëm. Deri më sot, nuk dihet ende se sa do të zgjasë ky bojkot. Më 9 tetor 2009, Kryeministri shprehu publikisht gatishmërinë e tij për të arritur deri diku një kompromis, duke i ofruar PS- së shumicën e anëtarëve të çfarëdolloj komisioni që mund të krijohet për hetimin e zgjedhjeve të qershorit, sipas kërkesës së PS-së, me kusht që të mos shkelej ligji. Mirëpo, vetëm pak orë më pas, Kryetari i PS-së e hodhi poshtë publikisht ofertën e Kryeministrit, pasi në të nuk përmendej mundësia e hapjes së kutive të fletëve të votimit. Qëndrimi i PS-së u duk se u ashpërsua edhe më tej me një varg protestash publike. Protesta e parë u mbajt më 10 tetor 2009, përpara Kryeministrisë, me pjesëmarrjen e tre deri në shtatë mijë mbështetësve.</p> Gërdeci, Mediu sërish me imunitet Pas një viti hetimesh mbi shpërthimin e Gërdecit, në shkurt të vitit 2009, Prokuroria e Përgjithshme deklaroi se 28 zyrtarë ishin përgjegjës për tragjedinë. U deklarua se Gjykata e Lartë do të shqyrtonte çështjen ligjore kundër ish-ministrit të Mbrojtjes, F. Mediu. Të pandehurit e tjerë janë duke u gjykuar nga Gjykata e Shkallës së Parë të Tiranës. Në shtator të vitit 2009, Gjykata e Lartë e pushoi çështjen kundër Mediut, me argumentimin se, duke u rizgjedhur si anëtar i Kuvendit dhe duke u emëruar si Ministër i Mjedisit, Pyjeve dhe Administrimit të Ujërave, ai kishte fituar përsëri imunitet, ndërkohë që prokuroria nuk kishte arritur të rinovonte kërkesën për heqjen e imunitetit përpara seancës gjyqësore. Më 8 tetor 2009, familjarët e viktimave të Gërdecit ngritën një padi të re penale kundër Mediut, duke kërkuar de facto rihapjen e çështjes kundër tij. Këto familje kanë ndër mend ta paraqesin çështjen edhe në Gjykatën Evropiane për të Drejtat e Njeriut. Kryeministri S. Berisha ka ritheksuar qëndrimin e qeverisë, se të gjithë anëtarët e Kuvendit do të jenë në dispozicion të plotë të Prokurorisë, në rast të çfarëdolloj procedimi ligjor në të ardhmen.</p> Gjyqësori Sa i përket shtetit të së drejtës, me gjithë përparimet e bëra gjatë vitit të kaluar, ku mund të përmendim përpjekjet e vazhdueshme për krijimin e gjykatave administrative, si dhe hapat e para në drejtim të zyrtarizimit të ofrimit të ndihmës ligjore, procesi i reformës gjyqësore nuk ka përfunduar ende. Procedurat gjyqësore mbeten të ngadalta, transparenca e plotë shpeshherë mungon dhe shumë çështje të rëndësishme mbeten ende për t’u trajtuar më fuqishëm, si, për shembull, korrupsioni në sistemin gjyqësor. Reformat nuk mund të bëhen thjesht duke rishkruar të ashtuquajturat ligje organike. Ka më shumë rëndësi që të rishikohet se si funksionojnë në të vërtetë këto institucione. Nëse rezulton se procedurat civile apo penale nuk zbatohen në praktikë, atëherë ose duhet të ndryshohen procedurat, ose duhet që ato të zbatohen me më shumë rreptësi. Veç kësaj, duhet që përpara miratimit të një ligji të rëndësishëm, Qeveria të nxitet që të bëjë konsultime më të gjera me palët më të prekura nga ligji në fjalë.</p> Lustracioni Në rastin më të mirë, Prokuroria do ta ruajë pavarësinë e saj dhe e vetmja pasojë do të jetë degradimi deri diku i përgjegjshmërisë së prokurorëve dhe dobësimi deri diku i rolit të Presidentit. Në rastin më të keq, Prokuroria mund të bjerë nën autoritetin e Kuvendit, duke e dobësuar kështu ndarjen kushtetuese të pushteteve. Në janar 2009, Kuvendi miratoi ligjin për pastrimin e figurave mes debateve të shumta politike. Ky ligj synonte shqyrtimin e figurave të funksionarëve të zgjedhur ose të emëruar për sa i përket përfshirjes së tyre në regjimin komunist. Ai u kritikua gjerësisht dhe në mënyrë publike nga faktorët vendas dhe ndërkombëtarë, përfshirë këtu Prezencën, lidhur kryesisht me disa elementë që dukej se shkelnin Kushtetutën. Ndër shkeljet mund të përmendim përjashtimin e mundshëm të kandidatëve zgjedhorë dhe heqjen nga detyra të të zgjedhurve, si dhe ndikimin e mundshëm mbi gjyqësorin, meqenëse një numër i madh gjyqtarësh dhe prokurorësh mund të rrezikojnë të humbin vendet e punës.</p> Korrupsioni Në lidhje me anti-korrupsionin, Shqipëria ka ndërmarrë disa reforma, siç është miratimi i Strategjisë për Parandalimin dhe Luftën ndaj Korrupsionit dhe Qeverisjen Transparente 2007- 2013, si dhe miratimin e një numri të konsiderueshëm ligjesh, në përputhje me legjislacionin e BE-së. Qeveria ka krijuar, gjithashtu, një sistem online për regjistrimin e bizneseve dhe prokurimet. Politika e decentralizimit, që vazhdon në vend, siguron mundësi monitorimi përmes angazhimit të shoqërisë civile në procesin e vendimmarrjes në nivel vendor. Janë vendosur, gjithashtu, masa më të rrepta për kontrollin e pasurive të zyrtarëve publikë. Gjithsesi, korrupsioni mbetet problem serioz, sidomos në sistemin gjyqësor, shëndetësor dhe atë arsimor. Sfidues vazhdon ende të mbetet zbatimi efektiv i legjislacionit kundër korrupsionit dhe një bashkërendim më i mirë nevojitet ndërmjet institucioneve publike përgjegjëse për këtë çështje.</p> Pronësia Në fushën e reformës së pronës, investimet dhe huadhënia do të vazhdojnë të hasin pengesa, derisa të garantohet pronësia mbi pronën. Çështja ndërlikohet më tej nga kuadri ligjor, i cili nuk siguron një përkufizim të njësuar të pronësisë. Një shqetësim tjetër përbëjnë edhe kërkesat e ish-pronarëve për kompensim apo kthim. Në një proces të mëparshëm privatizimi, qeveria miratoi një ligj që u lejonte ish-pronarëve të rizotëronin apo të merrnin kompensim për tokën e shpronësuar në mënyrë të paligjshme në regjimin e kaluar. Gjithsesi, para se të miratohej ky ligj, pjesa më e madhe e tokës u kishte kaluar ndërkohë atyre që e kishin punuar atë gjatë epokës komuniste, duke bërë kështu që kompensimi të mbetej zgjidhja e vetme ligjore. Shumë pak ish-pronarë kanë përfituar kompensim dhe, jo çuditërisht, kjo çështje mbetet tejet e politizuar.</p> *****************</p> Bosch-Metës: Me opozitën duhet të vendosni bashkëpunim</p> TIRANË – Ambasadori i OSBE-së në Shqipëri, Robert Bosch i ka kërkuar sot ministrit të Jashtëm, Ilir Meta që të bashkëpunojë me opozitën për zhvillimin e jetës politike në parlament dhe jo jashtë tij. “Kuvendi është vendi i duhur për bashkëpunim politik ku qeveria dhe opozita të zbatojnë edhe rekomandimet e OSBE/ODIHR-it për zgjedhjet”, u shpreh Bosch për mediat, direkt pas takimit me Metën.</p> Ndërkohë ai iu përgjigj edhe gazetarëve lidhur me qëndrimin e opozitës, duke thënë se “PS duhet të marrë pjesë në parlament”. Por theksoi se ne presim që partitë politike në Shqipëri të bashkëpunojnë në mënyrë që Shqipëria t’i bashkohet Europës sa më shpejt që të jetë e mundur.(Shekulli)</p> Ky artikull eshte marre nga: http://www.albaniasite.net/?p=24533. Per me shume artikuj te ngjashem vizitoni: http://www.albaniasite.net/?p=24533

Sqarimet që shtojnë dyshimet Qeveria shqiptare u mundua të sqarojë dy net më parë opinionin publik, për marrëveshjen përvëluese të paktit detar me Greqinë, duke përdorur metodën më të shëmtuar që, duhej të ishte arma e fundit e të dëshpëruarit, por jo, ajo kërkohej: duke vënë përballë një oponenti, me tituj shkencorë, mjeshtër kërkimesh, hartograf dhe qytetar kurajoz, një ushtarak, që për hir të së vërtetës ka kaluar shumë orë në nëndetëse deri 20 vite më parë dhe tani është në majë të hierarkisë ushtarake të vendit, por që nuk ka në jetëshkrim, të paktën punën me hartat.</p> Debati i mesnatës në televizionin proqeveritar ishte kuruar me kujdes që të dukej si përballje specialistësh, por në fakt aty ishte vetëm njëri specialist për të mbrojtur jo thjesht oponencën e vet, por atë pjesë që territorit shqiptar ia merr marrëveshja e nënshkruar nga qeveria.</p> Në krahun tjetër ishte ish-detari, pjesë e grupit negaciator të Shqipërisë, që mbronte postin e vet, pa arritur të mbrojë qeverinë nga dyshimet e qenësishme që ka pakti detar. Sqarimet nuk u dhanë, as rezultati nuk u arrit, sepse ajo çfarë kishte kërkuar koloneli në rezervë Myslim Pasha, ishte përballja me specialistët dhe zyrtarët e lartë, me qëllimin e mirë, rishikimin e pikave të errëta të paktit, së paku tetë prej tyre, ratifikimi i të cilave, i merr Shqipërisë detin dhe të ardhmen lidhur me të.</p> Me kaq, qeveria e ka mbyllur përballjen me oponencën e kolonelit Pasha, paçka se argumentet që ajo solli në studion e debatit ishin thirrjet publike për të mbyllur gojën dhe perifrazimi i qitapeve të kohës së Enver Hoxhës, si një dëm politik dhe historik që Shqipëria i paska bërë fqinjit të saj jugor, i cili ende nuk e ka hequr Ligjin e Luftës.</p> Opinioni publik, megjithatë i pret përgjigjet e ekipit qeveritar, sepse dyshimeve të vjetra të hedhura nga kolonel Pasha i janë shtuar të tjera të reja dhe që e çojnë debatin përtej interesave të momentit.</p> Ende qeveria shqiptare nuk ka një hartë të marrëveshjes për paktin detar. Ajo çka treguar deri më sot kundëradminral Gerveni dhe ekipi negociator kanë qenë skema mbi skemat e hartuara prej mjeshtrit Pasha.</p> Harta të qeverisë shërbejnë ende hartat e Hoxhës, i cili ishte treguar më patriot se qeveritarët e sotëm, duke mos hartuar marrëveshje për ujërat me një vend fqinj që kishte në fuqi ligjin e luftës.</p> Në ekipin negociator të Shqipërisë, nuk dihet se sa shqiptarë ka, qoftë nga gjaku, qoftë nga interesat që ata përfaqësojnë dhe mbrojnë.</p> Kreu i ekipit, Ferit Hoxha, tashmë i shpërblyer si ambasador në OKB, ishte sekretar i përgjithshëm në Ministrinë e Punëve të Jashtme, me bashkëshorte një shtetase franceze, ashtu si ministri i jashtëm në kohën e nënshkrimit të marrëveshjes, Lulzim Basha, gruaja e të cilit ka lënë shtetësinë shqiptare për të mbajtur atë të Mbretërisë së Holandës.</p> Pjesa ushtarake e ekipit u përfaqësua nga Kristaq Gerveni, atëherë kapiten i rangut të parë, për t’u graduar në shtator si kundëradmiral. Nuk dihet se cili ka qenë pozicioni I tij, në këtë marrëveshje, për faktin se ai i përket një pakice vllahe, që e ka marrë shtetësinë shqiptare rreth 6 dekada më parë dhe se familjarë të tij e kanë lidhur jetën me Greqinë, ku jetojnë dhe punojnë.</p> Për të mbetur në Greqi. Mediat greke nuk shkruan asnjë rresht për muaj të tërë, megjithëse ish-ministrja e Jashtme Bakojanis e kishte cilësuar marrëveshjen si një sukses të paparë të Greqisë.</p> Lajmi i djeshëm i gazetës greke, “Kathimerini”, shkurtimisht jep të ardhmen e zymtë të paktit, duke ia lënë në derë opozitës këtë, si qëndrimin kundër qeverisë për inat të vjedhjeve të votave në zgjedhjet e 28 qershorit.</p> Fakti është se deri 10 ditë më parë, askush nga PS-ja nuk dëshironte të fliste për këtë problem dhe falë edhe dëgjesës që organizoi “Shekulli” dhe apeleve të mediave të tjera, opozita doli nga apatia, për të kuptuar rëndësinë e kësaj gurguleje jo thjesht mediatike dhe ta çonte për apelim në Gjykatën Kushtetuese.</p> Ndërsa agjencia e lajmeve të Eipirit të Veriut shkon më tutje, në lajmin e vet sepse aty thuhet: “… Merret, gjithashtu, parasysh zgjerimi i ardhshëm i ujërave territoriale greke me 12 milje.</p> Së fundi, kufiri është një linjë moderne, pasi përcakton jo vetëm shelfin kontinental, por dhe zona të tjera detare, si Zonën Ekskluzive Ekonomike. Për ata që nuk kanë kuptuar, kushtet e mësipërme janë pikërisht të njëjtat si ato që pretendojmë në detin Egje nga Turqia”.</p> Nëse edhe këto zhvillime, fshihen pas asaj që qeveria shqiptare e përfaqësuar nga kundër admiral Kristaq Gerveni, ka firmosur dhe po mundohet ta bëjë fakt të kryer ndarjen e detit në dëm të vendit, një përballje televizive është, vetëm një hi syve që u hidhet shqiptarëve.</p> Metalla: Marrëveshja sipas së drejtës ndërkombëtare</p> Pas kërkesës së dërguar në Gjykatën Kushtetuese nga gjashtë parti opozitare, për të hedhur poshtë marrëveshjen e qeverisë shqiptare me atë greke për ujërat territoriale, ka reaguar edhe grupi parlamentar i Partisë Demokratike. Deputeti i kësaj partie, Osman Metalla, deklaroi se kërkesat e liderit të Partisë Socialiste, Edi Rama janë të pabazuara dhe e gjitha kjo është një sulm ndaj interesave të Shqipërisë. “Atakimi që i bëhet kësaj marrëveshjeje është një sulm që u bëhet interesave të Shqipërisë. Vendosja e kufijve detarë është një element i rëndësishëm strategjik për sigurinë kombëtare.</p> Të gjitha pretendimet e kërkesës së zotit Rama janë të pabazuara”, – tha dje Metalla. Deputeti i PD-së theksoi gjithashtu, se nuk ka pasur kufij detarë të përcaktuar më parë mes Shqipërisë dhe Greqisë. Sipas tij, në marrëveshjen e nënshkruar mes dy vendeve, përcaktimi i vijës ndarëse është bërë në përputhje me praktikat e së drejtës ndërkombëtare.</p> “Në asnjë kohë nuk ka pasur kufij të përcaktuar detarë mes Republikës së Shqipërisë dhe Republikës Greke. Në përcaktimin e vijës ndarëse janë zbatuar praktikat më të mira të së drejtës ndërkombëtare detare”,- shtoi ai.</p> Marrëveshja mes dy vendeve fqinje, për delimitimin e sipërfaqes së ujore u ankimua në Gjykatën Kushtetuese dy ditë më parë nga partitë e majta dhe të djathta opozitare, të cilat në kërkesën e tyre kërkonin që kjo Gjykatë të hedhë poshtë këtë marrëveshje dhe të pengojë ratifikimin e kësaj marrëveshjeje nga Parlamenti, pasi kësaj marrëveshjeje i ka munguar transparenca dhe se qeveria shqiptare po shkel në mënyrë të hapur Kushtetutën duke i dhuruar hapësirë ujore shtetit grek.(Shekulli)</p> Ky artikull eshte marre nga: http://www.albaniasite.net/?p=24524. Per me shume artikuj te ngjashem vizitoni: http://www.albaniasite.net/?p=24524

Topi, apel partive politike: Bashkëpunoni për reformën në drejtësi Presidenti i Republikës, Bamir Topi i është drejtuar sot me një apel partive politike për të vendosur bashkëpunimin në interes të zhvillimit të reformave, e në mënyrë të veçantë të asaj në drejtësi. Deklarata vjen në kulmin e tensionit të marrëdhënieve mes dy partive të mëdha, PD e PS për hapjen e kutive dhe transparencën e 28 qershorit. Kreu i shtetit gjatë fjalës së tij në konferencën që mbahet sot për drejtësinë ka deklaruar se për këtë reformë kërkohet bashkëpunim i pandërprerë i forcave politike në vend, duke shtuar se realizimi i saj është detyrim i politikës. “Klasa politike e ka detyrim të merret me reformën, kjo ka qenë arsyeja që unë dhe gjatë fushatës për zgjedhjet kam bërë apel për partitë politike, jo se ata nuk e kanë në programin e tyre. Reforma në drejtësi kërkon patjetër bashkëpunim, vetëm ai mes forcave mund të krijojë ligje të mira. Forcat politike dalin para publikut dhe votëbesohen, ballafaqim i tyre edhe në funksion të reformës në drejtësi, që vazhdon me luhatje. Ka raste kur politika bie dakord brenda 24 orësh për çështje të rëndësishme, reforma në gjyqësor kërkon bashkëpunim të pandërprerë”- tha Topi. Ai iu drejtua me një thirrje të gjitha partive, “t’i rikthehen me vëmendje këtij momenti shumë të rëndësishëm, që kërkon kohezion politik, profesionalizëm, monitorim”. Duke folur më tej për sistemin e drejtësisë, Topi ka shtuar se kualiteti i punës nuk është ai që kërkohet sot. Pa përmendur emra ai ka deklaruar se ka gjyqtarë të mirë, por një pjesë edhe defektozë e sipas tij, gjërat duhen thënë ashtu si janë. “Disa gjyqtarë e kërkojnë karrierën nëpërmjet rrugëve jo të ndershme. Nuk janë të pakta rastet kur një pjesë e gjyqtarëve janë shumë të devotshëm kur duan të marrin një pozicion të caktuar dhe janë mospjesëmarrës në interesa të mëdha publike, kur diskutohet për çështje të nxehta që prekin gjyqësorin. Diskutohet për pavarësi politike, por nuk është thjesht kjo. Ka pavarësi të karakterit financiar që përflitet nga publike. Do marr në konsideratë informacionin që vjen nga publiku, përmes linjës zyrtare por edhe nga opinioni”- tha Topi. Ai deklaroi më tej se për emërimet dhe qarkullimet duhet të ketë transparencë ekstreme.</p> *******</p> TIRANË (UPDATE) – “Gota e plotësimit të standardeve për Shqipërinë është ende gjysmë plot”. Kështu ka deklaruar dje, ambasadori i Prezencës së Komisionit Europian në Tiranë, Helmut Lohan, duke prezantuar progres-raportin 2009 të KE për Shqipërinë.</p> Sipas tij kërkohet reformë në gjyqësor, luftë ndaj krimit të organizuar dhe korrupsionit, por edhe administratë më efektive. Ai tha se Shqipëria ka bërë progres krahasuar me një vit më parë, por detyrimet e këtij shteti janë më të mëdha krahasuar me vitet e tjera, pasi tashmë është vend anëtar i NATO-s dhe kandidat për në BE.</p> Për çështjen më të rëndësishme të shqiptarëve, liberalizmin e vizave ai tha se pozitive janë nisja e aplikimit për pasaporta biometrike dhe kompjuterizimi i gjendjes civile. “Shqipëria ka kohë që gjatë vitit 2010 të plotësojë edhe kriteret e tjera të BE-së dhe më pas komisioni të marrë në shqyrtim atë që quhet marrëveshje e regjimit të vizave”.</p> Fjala e plotë e Lohan në konferencë për shtyp:</p> Unë nuk do t’iu them me hollësi raportin, por do të doja të trajtoja dy çështje të rëndësishme për Shqipërinë dhe pastaj do t’iu bëj përmbledhjen e raportin.</p> Zgjedhjet</p> Në raportin tonë është vënë re se zgjedhjet parlamentare në përgjithësi ishin në përputhje me standardet evropiane. Ato janë më të mira se vitet e shkuara por ende ka mangësi. Partitë politike duhet të adresohen nga komentet e misionit vëzhgues për zgjedhjet.</p> Liberalizimi i vizave</p> Progres raporti vlerëson se Shqipëria ka ecur përpara në plotësimin e standarde për liberalizmin e vizave. E në veçanti kjo ka të bëjë me kompjuterizimin e gjendjes civile dhe pasaportat biometrike. Tani Shqipëria ka një shans të plotësojë edhe ato kritere që kanë mbetur deri në liberalizmin e vizave. Dhe ka kohë që ti plotësojë këto standarde brenda 2010-ës.</p> Përmbledhje e progres raportit</p> Shqipëria ka vazhduar të bëjë ecurive pozitive në përputhje me partneritetin europain, në parlament, qeveri, antikorrupsion të drejtat e njeriut, dhe respektimin e pakicave.</p> Shqipëria po ashtu ka ruajtur stabilitetin makro- ekonomik në mes të krizës ndërkombëtare ekonomike.</p> Shqipëria ka vazhduar të ketë ecuri në respektimin e standardeve europiane, ka implementuar në përgjithësi MSA. Së fundmi ka luajtur rol kontrkutiv në stabilitetin rajonal dhe marrëdhëniet e mira me fqinjët që janë pjesë e BE-së.</p> Sfidat</p> Plotësimi i atyre kushteve që bëhen gjithmonë e të më rrepta në përputhje me standardet evropiane, si kufizim të kapaciteteve të administratës, krimin e organizuar, mbrojtja e konsumatorit dhe politikat sociale.</p> Kërkohet konsolidim i mëtejshëm i pavarësisë së institucioneve shtetërore, ligji duhet të forcohet më tej. Po ashtu duhen hapa për të siguruar pavarësi, transparencë dhe efikasitet të gjyqësorit dhe administratës shtetërore.</p> Sfidë mbetet lufta krimit të organizuar dhe korrupsionit krimit të organizuar dhe korrupsionit. Çështje e pazgjidhura e pronësia dhe ekonomia informale që janë problem për komunitetin dhe biznesin.</p> ora 13.15</p> Progres-raporti i KE, Rehn: Shqipërisë i duhet shumë punë</p> Shqiperisë i duhet ende punë për të arritur standardet e kërkuara nga BE-ja. Ky është thelbi i progres-raportit të KE-së prezantuar sot në Bruksel nga komisioneri për Zgjerimin, Oli Rehn. Sipas tij, mungesa e dialogut politik ka kthyer pas në kohë progresin në reformat bazë. “Duhet më shumë punë nga Shqipëria për menaxhimin e krizës ligjore për të luftuar krimin e organizuar dhe korrupsionin”, thuhet në raport.</p> Raporti vlerëson punën në procesin e liberalizimit të vizave, por nënvizon se ka nevojë për më shumë përmirësime, në mënyrë të veçantë në pajisjen e qytetarëve me pasaporta biometrike.</p> Duke u ndalur në zgjedhjet e qershorit, raporti thekson se është arritur shumica e angazhimeve të kërkuara, por jo standardet më të larta për zgjedhjet demokratike. Raporti nënvizon më tej se gjatë procesit të numërimit të votave u vu re politizim. “Politizimi i numërimit të votave do të rishihet në zgjedhjet e ardhshme”, theksohet në të.</p> Gjyqësori Raporti thekson se marrëdhëniet mes shtetit dhe institucioneve vazhdon të jetë i vështirë. “Është rritur shqetësimi për një tendencë të ekzekutivit të zgjerojë kontrollin mbi institucionet e pavarura në veçanti në drejtësi”-tha Rehn. Sipas raportit pak progres është bërë edhe në kompletimin e kornizës ligjore për reformën gjyqësore. “Kapaciteti administrativ i KLD mbetet i dobët si dhe ndërhyrjet e qeverisë. Përpjekjet e qeverisë për të kufizuar pavarësinë e gjyqësorit kanë politizuar debati për reformën në drejtësi dhe progresi po pengohet.”</p> Zbatimi i MSA Ai nënvizon se është bërë pak edhe në kuadër të zbatimit të MSA-së. “Kapaciteti për koordinimin ndër-ministror mbetet i dobët. Kapaciteti administrativ për të zbatuar angazhimet e MSA-së, një përparësi kyçe të Partneritetit Evropian, ka nevojë të forcohet më tej”- thuhet në të.</p> Vizat Duke iu referuar raportit, Rehn ka theksuar se “Shqipëria ka bërë përparime në kuadër të dialogut të liberalizimit të vizave, por nuk ka përmbushur të gjitha standardet e përcaktuara. “Në kuadër të dialogut liberalizimin e vizave, Shqipëria ka bërë përparim të mirë në fushën e drejtësisë, lirisë dhe sigurisë, por ende nuk i ka përmbushur të gjitha standardet e përcaktuara në plan”. Sipas tij, duhet të bëhen përpjeke të mëtejshme në shpërndarjen e pasaportave biometrike, në çështjen e kufirit dhe të menaxhimit të migracionit dhe në kuadrin institucional për të luftuar krimin e organizuar dhe korrupsionin.</p> Administrata Pak përparime edhe në administratën publike. Raporti nënvizon se implementimi i kuadrit ligjor në shërbimin civil ka nevojë për më shumë punë. Madje, sipas tij zbatimi i tij ka qenë problematik dhe i pabarabartë. Gjithashtu raporti vë në dukje se “ka vazhduar emërimi dhe ndryshimi i punonjësve të administratës publike bazuar në motive politike.”</p> Komisioni Europian publikon sot progres raportin për Ballkanin</p> Komisioneri Evropian për Zgjerimin Olly Rehn do të paraqes në Bruksel raportin vjetor të këtij organizmi për përparimin e vendeve të Ballkanit Perendimor në procesin e përpjekjeve të rajonit për t’u integruar në Bashkimin Evropian.</p> Mësohet se raporti do të konfirmojë vendosmërinë e BE-së që të gjitha vendet të anëtarësohen në familjen europiane sapo të përmbushin kushtet e përcaktuara. Komisioni konstaton se rajoni ka shkallë të ndryshme të zbatimit të reformave politike e ekonomike.</p> Në Tiranë,opozita dhe opozita pritet t’i lexojnë, sipas traditës, krejt ndryshe njëra-tjetrës përfundimet e kësaj analize të Komisionit Evropian.</p> Ndërkaq, Maqedonia pret që Raporti i KE-së për të të jetë pozitiv. Media paralajmëron se me të do të rekomandohet data për fillimin e negociatave përfundimtare për anëtarësim të vendit në BE.</p> Në Kosovë, kryeministri Hashim Thaçi, pavarësisht njoftimeve të medias se dokumenti i Komisionit Evropian ka kritika serioze në adresë të sundimit të ligjit dhe shtrirjes së korrupsionit, ka deklaruar të martën se raporti është lajm i mirë për Kosovën, kurse për vërejtjet ka thënë se ato janë shqetësim edhe i qeverisë së tij. /BBC/</p> Ky artikull eshte marre nga: http://www.albaniasite.net/?p=24527. Per me shume artikuj te ngjashem vizitoni: http://www.albaniasite.net/?p=24527

OSBE, Bosch prezanton raportin për Shqipërinë: Zgjedhjet kishin mangësi Kreu i prezencës së OSBE-së në Tirane, Robert Bosch ka prezantuar raportin për Shqipërinë para këshillit të përhershëm të kësaj organizate në Vjenë.</p> Në raport, Boch ka evidentuar zhvillimet kryesore politike në vend, duke filluar që nga zgjedhjet e 28 qershorit, për të cilat nënvizohet se arritën shumicën e angazhimeve, por jo plotësimin e standardeve më të larta të kërkuara.</p> “Zgjedhjet nuk përmbushën potencialin e Shqipërisë për një proces të standardeve më të larta”- thuhet në raport, ku shtohet se ky proces u shoqërua edhe me mangësi e probleme. Sipas raportit pati politizim gjatë procesit të numërimit të votave.</p> Në të theksohet më tej se fushata u shoqëruar me tone të ndezura dhe akuza, ndërkohë që nuk munguan edhe incidentet.</p> “Megjithëse nuk pati prova manipulimesh, në disa zona fletët e votimit ose nuk u numëruan ose rezultatet nuk u përfshinë në tabelën përfundimtare. Kolegji Zgjedhor në përgjithësi ishte profesional, por vendimmarrja ishte e nxituar”, thuhet në raport.</p> Bosch-Metës: Me opozitën duhet të vendosni bashkëpunim</p> TIRANË – Ambasadori i OSBE-së në Shqipëri, Robert Bosch i ka kërkuar sot ministrit të Jashtëm, Ilir Meta që të bashkëpunojë me opozitën për zhvillimin e jetës politike në parlament dhe jo jashtë tij. “Kuvendi është vendi i duhur për bashkëpunim politik ku qeveria dhe opozita të zbatojnë edhe rekomandimet e OSBE/ODIHR-it për zgjedhjet”, u shpreh Bosch për mediat, direkt pas takimit me Metën.</p> Ndërkohë ai iu përgjigj edhe gazetarëve lidhur me qëndrimin e opozitës, duke thënë se “PS duhet të marrë pjesë në parlament”. Por theksoi se ne presim që partitë politike në Shqipëri të bashkëpunojnë në mënyrë që Shqipëria t’i bashkohet Europës sa më shpejt që të jetë e mundur.(Shekulli)</p> Ky artikull eshte marre nga: http://www.albaniasite.net/?p=24530. Per me shume artikuj te ngjashem vizitoni: http://www.albaniasite.net/?p=24530

Gratë e Kuvajtit se shpejti me pasaporta Gratë në Kuvajt, në të ardhmen, mund të pajisen me pasaportë, pa miratimin e bashkëshortëve të tyre.</p> Deri më tash një gjë e këtillë ka qenë rreptësisht e ndaluar.</p> Vendimin për pajisjen me pasaporta e kanë marrë autoritetet e atjeshme.</p> Kuvajti ndryshe njihet për një sistem më të hapur politik në një rajon jashtëzakonisht konservativ. </p> Gratë e këtij vendi më 2005 kanë fituar të drejtën për të votuar. /rel/</p> Ky artikull eshte marre nga: http://www.kuriozitete.net/?p=674. Per me shume artikuj te ngjashem vizitoni: http://www.kuriozitete.net/?p=674

Monster kunder gjuajtjes se balenave E kane pagezuar me “Ady Gil”, emrin e biznesmenit te Hollywood qe financoi kete veper.</p> Behet fjale per monstren e detit, me nje motor diesel ekologjik.</p> Pas disa muajsh “Ady Gil” do te nise nje mision shume te rendesishem: do te pengoje dhe veshtiresoje punen e anijeve per gjuajtjen e balenave ne Antartik.</p> Me “Ady Gil”, ekologjistet jane te bindur se mund te vene ne kontroll anijet japoneze te cilat peshkojne keto qenie te ujit, teper te rendesishme per jeten dhe zhvillimin e gjallesave ne det. /tch/</p> Ky artikull eshte marre nga: http://www.kuriozitete.net/?p=670. Per me shume artikuj te ngjashem vizitoni: http://www.kuriozitete.net/?p=670

Kalimashi, Mima: Spaguhet në rrugë të bërë me taksa. Shehu: Opsion i mundshëm. Turqit, gati postbllokun Përfaqësues të administratës i janë shmangur përpjekjeve të Shekullit për të marrë një reagim zyrtar lidhur me deklarimet e firmës menaxhuese turke, për tarifa pagesash që do të aplikohen pas rihapjes së Tunelit të Kalimashit.</p> Ndërkohë që zyrtarisht ka ende ngurrim për tu prononcuar, kanë ardhur gjatë ditës dy deklarata të ndryshme nga dy përfaqësues të mazhorancës, dy ish-zëvendësministrat Florion Mima dhe Sheferedin Shehu.</p> Z.Mima, i pyetur rreth lajmit të botuar dje në Shekulli, deklaroi në një emision televiziv në mëngjes, se “nuk mund të ketë pagesa për kalimin në tunel sepse kjo është një rrugë e ndërtuar me taksa”. Ai këmënguli se një vendim i tillë është i pamundur.</p> Disa orë më vonë, ishte z.Shehu, që në linjë telefonike për Shekullin, deklaroi se “pagesat përgjatë rrugës janë një opsion i mundshëm” për shkak të kostove të mëdha të këtij aksi.</p> Ndërkohë firma turke në aksin rrugor ka blerë trarët dhe pajisjet elektronike për pagesat dhe është duke i montuar ato.</p> *************************************************</p> KUKËS – Tuneli i Kalimashit do të jetë me pagesë pas rihapjes. Do të jetë kompania menaxhuese turke “Savronik” që do të mbledhë paratë për automjetet që do të qarkullojnë përmes tunelit, si dhe në autostradën Morin-Kukës-Milot.</p> “Me rihapjen e tunelit do të fillojë edhe aplikimi i pagesave dhe për këtë do të bëhet instalimi i trarëve elektronikë”, thotë për “Shekulli”-n njëri prej operatorëve të kompanisë menaxhuese. Sipas operatorit, trarët kanë ardhur, por ende nuk janë instaluar.</p> Ky proces së bashku me informatizimin e të gjithë kontrollit të tunelit do të kryhet gjatë periudhës që tuneli vazhdon të qëndrojë i mbyllur, ku krahas punëve ndërtimore do të realizohen edhe punimet elektronike, si vendosja e kamerave të kontrollit dhe instalimi i pajisjeve elektromekanike.</p> Tarifat e pagesave për kalimin e automjeteve në tunelin e Kalimashit janë përcaktuar paraprakisht. Ato do të jenë 200 lekë për veturat, 500 lekë për furgonët dhe 1000 lekë për autobusët dhe kamionët.</p> Ndërkohë që sistemi i pagesës do të jetë tërësisht elektronik, i ngjashëm me sistemin e pagesave për parkimin e automjeteve në aeroportin e Rinasit, ku çdo pagesë do të jetë e kontrolluar nga sistemi, kur në momentin ku do të dalë vlera e printuar e pagesës, do të bëhet e mundur hapja e traut.</p> Qeveria shqiptare ka lidhur një kontratë dyvjeçare me kompaninë turke “Savronik” për menaxhimin e tunelit të Kalimashit.</p> Në dispozicion të kësaj kompanie është akorduar një vlerë prej 3 miliardë lekësh që do të përdoret për një periudhë 2-vjeçare për menaxhimin e plotë të tunelit të Kalimashit. Ndërkohë, kompania ndërtuese “Bechtel&Enka” që nga mbrëmja e 11 tetorit vazhdon punën përgjatë 24 orëve në të dy tubat e tunelit.</p> Në tunelin përmes të cilit është qarkulluar para 11 tetorit po vazhdon përforcimi i strukturave me shufra çeliku dhe më pas me betonimin e sipërfaqeve anësore në gjatësinë prej rreth 1 kilometër në mesin e tunelit. Kompania “Bechtel&Enka” ka deklaruar muajin maj të vitit të ardhshëm si afatin e fundit për përfundimin e të gjitha punimeve në të dyja galeritë e tunelit të Kalimashit.</p> Fuoristradat, 1500 lekë për të kaluar “mbi” tunel</p> Mbyllja e tunelit të Kalimashit ka bërë që të gjithë udhëtarët nga Kukësi, Hasi e Kosova të drejtohen nga rruga e ashtuquajtur e vjetër, pikërisht në segmentin Morinë-Kukës-Fushë-Arrës-Pukë-Bushat-Lezhë-Tiranë apo Morinë-Kukës-Fushë-Arrës-Shpal-Rrëshen.</p> Por mbyllja e tunelit ka stimuluar biznesin e automjeteve tip “fuoristrada” të cilat qarkullojnë në rrugë të vështira. Pronarë të këtyre automjeteve janë vënë në dispozicion të udhëtarëve që dëshirojnë të qarkullojnë nga Kalimashi në Thirrë përmes një rruge malore që lidh dy grykat e tunelit. Kjo rrugë është e gjatë rreth 15 kilometra dhe shtrihet deri në lartësitë mbi 1000 metër mbi nivelin e detit. Rruga është përdorur më parë për transport të lëndës drusore dhe me fillimin e punimeve në tunel është riparuar nga “Bechtel&Enka” dhe është përdorur nga personeli i kësaj kompanie për t’u lidhur me të dy anët e tunelit, kur kjo vepër nuk kishte përfunduar së shpuari nga të dy anët. Kundrejt një pagese prej 1500 lekësh, pronarët e fuoristradave u shërbejnë udhëtarëve nga Kalimashi në Thirrë dhe anasjelltas.</p> Por kjo rrugë paraqet plot rreziqe në qarkullim për shkak se ajo shtrihet në një terren malor dhe me një pjerrësi të madhe. Ndaj policia ka marrë urdhër që të mos lejohet qarkullimin përgjatë këtij segmenti. Por drejtuesit e këtyre mjeteve i kanë bërë sfidë policisë, ku nuk janë penguar nga askush që të qarkullojnë.(Shekulli)</p> Ky artikull eshte marre nga: http://www.albaniasite.net/?p=24509. Per me shume artikuj te ngjashem vizitoni: http://www.albaniasite.net/?p=24509

Trajneri Brus: Liverpuli shënonte vetëm nëse kalonte mbi trupin e Canës Vazhdon në Angli jehona e Lorik Canës, pas asaj paraqitjeje të shkëlqyer në ndeshjen e fituar 1-0 ndaj Liverpulit të shtunën. Ai që nuk rresht së thururi elozhe për shqiptarin është trajneri i tij te Sanderlendi, Stiv Brus. “Është gabim të flasësh për individë, por besoj se të gjithë e patë vetë, sqaroi tekniku i Brus. Performaca e tij, sidomos në pjesën e dytë, ishte e mrekullueshme si futbollist dhe si kapiten. Liverpuli mund të shënonte vetëm nëse kalonte mbi trupin e Canës”. Ndërkohë që vetë mesfushori shqiptar është rikthyer sërish të flasë në mediat angleze për triumfin e së shtunës, i cili u arrit falë një goli që solli shumë polemika në Premier League. “Ishte diçka e mrekullueshme, u shpreh Cana. Nuk e kisha parë kurrë një gjë të tillë dhe sigurisht ata nuk e kanë të lehtë ta pranojnë”. Ndërsa menjëherë pas kësaj ndeshje kanë reaguar edhe tifozët e Arsenalit, skuadrës që e kishte emrin e shqiptarit në listën e merkatos së verës kaluar. Ata këmbëngulin se Arsen Venger duhet të jetë menduar që nuk e bleu Canën, i cili do të ishte një përforcim shumë i mirë në mesfushën e Arsenalit gjatë këtij sezoni”.(Shqip)</p> Ky artikull eshte marre nga: http://www.albaniasite.net/?p=24493. Per me shume artikuj te ngjashem vizitoni: http://www.albaniasite.net/?p=24493

50 Cent Crime Wave Click here to view the embedded video.</p> Ky artikull eshte marre nga: http://hiphopi.com/50-cent-crime-wave.html. Per me shume artikuj te ngjashem vizitoni: http://hiphopi.com/50-cent-crime-wave.html

Shqipëria, 10 mijë euro gjobë për dushet me ujë të ftohtë Mungesa e ujit të ngrohtë në dushet e stadiumit “Qemal Stafa” i ka kushtuar Federatës Shqiptare të Futbollit 10 mijë euro gjobë (15 mijë franga zvicerane). Ndëshkimi i dhënë nga Komisioni i Disiplinës së FIFA-s është dorëzuar vetëm pak orë më parë në zyrat e institucionit që drejton sportin më popullor në vend. Vendimi është argumentuar “për marrjen e masave të dobëta organizative në përfundim të ndeshjes eliminatore kundër Danimarkës”. Jehona e barazimit 1-1 në takimin e luajtur në Tiranë më 9 shtator, u la në hije nga problemet e theksuara që ka impianti më i madh në vend. Edhe pse ishte një rezultat historik për Shqipërinë (e cila prishi serinë negative përballë danezëve që zgjaste prej më shumë se 40 vitesh), në qendër të vëmendjes është vënë mungesa e kushteve minimale në dhomat e zhveshjes dhe uji i ftohtë që rridhte nga dushet e gjyqtarëve dhe skuadrës mike.</p> Problemet kanë nisur pas raportimit të treshes së gjyqtarëve të asaj ndeshje, ku kryesor ishte turku Kuneit Çakir, se në dhomën e tyre mungonte uji i ngrohtë për dushin pas ndeshjes. “Bilbilat” e kanë konsideruar absurd këtë fakt dhe menjëherë kërkuan ndërhyrjen e delegatit të UEFA-s, italianit Danilo Filakione. Zyrtari i “qeverisë” europiane të futbollit i ka kërkuar shoqëruesve të FSHF-së që ky problem të zgjidhej sa më shpejtë, pasi ajo që po ndodhte ishte e papranueshme. Por, situata është përkeqësuar edhe më shumë, kur disa minuta më pas, ankesa erdhën edhe nga stafi teknik i përfaqësues daneze. Edhe skuadra, e cila u kualifikua në fazën finale të Botërorit 2010 në Afrikën e Jugut, si kryesuese e Grupit 1 nuk arriti të largohej në kushte normale nga “Qemal Stafa”. Një pjesë e konsiderueshme e lojtarëve të drejtuar nga Morten Olsen vendosën të mos rrezikonin, duke preferuar të qëndronin pa u larë (të paktën deri në mbërritjen në hotel). Megjithatë, nuk munguan “guximtarët”, ata që pas dushit të ftohtë në fushën e lojës, vendosën të provojnë edhe ujin e ftohtë në dushet e stadiumit të vetëm në vend, që plotëson kriteret minimale për zhvillimin e ndeshjeve ndërkombëtare. Lajmi bëri jehonë jo vetëm në Shqipëri, por edhe në disa media kontinentale, ndërkohë që delegati Filakione nuk u tregua aspak tolerant rreth këtij episodi të turpshëm për imazhin e vendit tonë.</p> Tashmë që ky problem është vënë në qendër të vëmendjes nga FIFA-s dhe UEFA-s, në rast se episodi përsëritet, Shqipëria rrezikon penalizime edhe më të rënda. Të dyja institucionet e futbollit e kanë theksuar se “Qemal Stafa” e kalon klasën “me mik” për të pritur sfidat ndërkombëtare: skandale të tilla edhe në të ardhmen, mund të bëjnë që përfaqësuesja kuqezi të detyrohet të luajë në impiante të tjera, ndoshta edhe jashtë vendit. Për hir të së vërtetës, mungesa e ujit në stadiumin më të madh në vend nuk ndodhi për herë të parë pas takimit me Danimarkën. Dushin e ftohtë e kishte provuar edhe Milani në miqësoren e 12 majit, të zhvilluar me Kombëtaren “B”.(Shqip)</p> Ky artikull eshte marre nga: http://www.albaniasite.net/?p=24490. Per me shume artikuj te ngjashem vizitoni: http://www.albaniasite.net/?p=24490

Formulari A3, sot nis shpërndarja Maturantët, të cilët nuk fituan asnjë të drejtë studimi në fakultetet në të gjithë vendin, apo nuk mbetën të kënaqur nga rezultatet, sot do të nisin procedurat për fazën e tretë.</p> Sipas udhëzimit të Ministrisë së Arsimit, sot në të gjitha drejtoritë rajonale arsimore apo gjimnaze do të nisë shpërndarja e formularit. Për këtë formular të interesuarit kanë bërë kërkesë duke nisur nga java e kaluar. Në këtë mënyrë, autoritetet arsimore kryen edhe shumëfishimin e saktë të formularit.</p> Sipas Ministrisë së Arsimit kanë të drejtë të plotësojnë formularin A3 të gjithë kandidatët, të cilët:</p> nuk kanë mundur të përfshihen në listat e fituesve për tu regjistruar në ciklin e parë të studimeve me kohë të plotë në Institucionet Publike të Arsimit të Lartë në vitin akademik 2009 2010. Kanë të drejtë të tërheqin formularin A3, ata që janë përfshirë në listat e fituesve dhe nuk janë regjistruar në Institucionet Publike të Arsimit të Lartë në vitin akademik 2009-2010. Po ashtu kanë të drejtë ata që janë fitues të regjistruar në një program studimi në vitin akademik 2009-2010 dhe nuk preferojnë të ndjekin atë program studimi. Maturantët do të kenë vetëm pesë ditë kohë për të plotësuar formularin dhe për ta dorëzuar atë pranë shkollave të mesme apo drejtorive arsimore rajonale.</p> Formulari</p> Formulari A3 do të shpërndahet në DAR/ZA në datë 21 tetor 2009. Kandidatët, pasi ta plotësojnë, duhet ta dorëzojnë formularin A3 po në DAR/ZA deri më 26.10.2009.</p> Agjencia e Pranimeve në Institucionet e Arsimit të Lartë (APRIAL) në datën 30.10.2009 do të shpallë listën përfundimtare të kandidatëve fitues të ndarë, sipas programeve të studimit përkatës, të renditur, sipas rendit zbritës të pikëve dhe të preferencës më të lartë të kërkuar prej tyre në formularin A3, në përputhje me kuotat e rishpërndara.</p> Institucionet publike të arsimit të lartë, nga data 31.10.2009 do të shpallin në vende të dukshme, në mjediset e tyre, datat dhe oraret e veprimeve të regjistrimit/çregjistrimit, procedurat përkatëse, listën e dokumenteve të nevojshme për regjistrim, si edhe të dhëna të tjera që i gjykojnë të nevojshme për sigurimin e ecurisë normale të procesit të pranimeve në ciklin e parë të studimeve me kohë të plotë, në institucionet publike të arsimit të lartë.</p> Regjistrimet</p> Regjistrimi i kandidatëve fitues të kësaj faze do të bëhet pranë sekretarive mësimore të institucioneve publike të arsimit të lartë në datat 1, 2, 3 dhe 4 nëntor 2009, nga ora 8.00 deri në orën 18.00. Për regjistrim, kandidati të dorëzojë dosjen individuale, me dokumentet e nevojshme.</p> Sakaq, do të tërheqin formularin ata kandidatë që u paraqitën në Drejtoritë Rajonale ose Zyrat Arsimore (DAR/ZA) përkatëse deri në datë 16 tetor 2009, ora 18.00 dhe bënë kërkesën për plotësimin e formularit A3.(Shqip)</p> Ky artikull eshte marre nga: http://www.albaniasite.net/?p=24484. Per me shume artikuj te ngjashem vizitoni: http://www.albaniasite.net/?p=24484