Sporti Shkodran ( Vllaznia )

[genci]

Re: Sporti Shkodran ( Vllaznia )

Besa 0
Vllaznia 1
Shënues: / Doçi 50’
E mërkurë, 30 nëntor 2005, ora 13.30, në stadiumin “Besa” të Kavajës
Besa: Duro, Dragusha, Kraja, Bikola, Abdulla, Veliaj, Lila, Babaj (Bratja 65’), Karapici (Binogol), Rraklli, Fortunat (Bubeqi 55’). Tr. A.Canaj
Vllaznia: Ndoja, Ndreka, Kelmendi (Hasani 88’), Teli, Radusinoviç, Leandro, Sinani, Lika (Belisha 75’), Rinaldo (Zheraldinjo 90’), Ahi, Doçi. Tr. H.Dedja
Gjyqtarë: L.Guzja, S.Avdo (Tiranë), E.Biçaku ( Librazhd)
Vëzhgues: S.Papa (Fier)
Kartona të verdhë: Fortunat, Babaj, Bratja / Ahi, Sinani, Rinaldo
Karton i kuq: / Sinani

 

[genci]

Re: Sporti Shkodran ( Vllaznia )

Vllaznia- Elbasani, sfida që kënaqi tifozët



Vllaznia- Elbasani 0-0

Vllaznia: Ndoja Ndreka Teli Radusinoviç Kelmendi Doçi Lika Leandro Ahi (Beka ’79) Sulejmani (Zheraldinjo ’42) Rinaldo Tr: H. dedja

Elbasani: Kotorri Dede Brahja Vrapi Abraham Çapja Tetova (T. Osmani ’46) Osja Devolli (Merxha ’57) Qorri K. Dalipi Tr: I. Daja

Gjyqtarë: S. Jareci (Tiranë), I. Shima (Durrës), E. Koreshi(Lushnjë)

Kartona të verdhë: Radusinoviç, Devolli



Minutat e lojës:

‘1 Rinaldo gjuan në hyrje të zonës, pret portieri Kotorri

’21 Leandro fut një top të bukur në zonë për Telin që e stopon bukur atë, por ndonëse i vetëm me portierin Kotorri nuk arrin të shënojë pasi gjuajtja e tij është e lehtë dhe portieri elbasanas me vështirësi e dërgon topin në korne

’28 Zbritje e shpejtë e Vllaznisë, Lika nxjerr të zbuluar Sulejmanin që gjuan keq duke humbur një tjetër rast të pastër për shënim

’31 Goditje dënimi nga e djathta e sulmit elbasanas. Topi shkon në zonë për tek Dalipi që me kokë gjuan bukur dhe portieri Ndoja ka grushtuar topin duke shpëtuar portën e tij. Gjuan edhe Abraham por jashtë.

’40 Dede me një kundërzbtije të shpejtë përpak sa nuk e dërgon topin në rrjetën shkodrane.

’43 Abraham gjuan nga jashtë zonës, pret Ndoja

52 Aksion i bukur i Vllaznisë, topi shkon tek Leandro që gjuan me të majtën fort dhe topi kalon ngjitur me traversë

’53 Doçi shfaqet në zonën elbasanase por në momentin e gjuajtjes bllokohet nga mbrojtësit miq

’79 K. Dalipi me kokë fare pranë portës gjuan fort por portieri Ndoja reagon mjaft mirë duke e grushtuar topinmbi traversë

’87 Zheraldinjo gjuan nga rreth 30 m fort dhe portieri Kotorri me shumë vështirësi e ka grushtuar topin

’89 Pas një goditje dënimi nga e djathta e sulmit elbasanas, Tefik Osmani e ka dërguar topin në rrjetën e Vllaznisë por loja ishte ndërprerë më përpara se ai të godiste topin nga ana e gjyqtarit Jareci për një faull të mbrojtësit elbasanas ndaj Kelmendit

’90 Rinaldo shfaqet i vetëm me portierin Kotorri por gjuajtja e tij nuk është e saktë sepse ai vetëm sa e ka prekur topin pa arritur ta dërgojë në rrjetë.



Komenti

Vllaznia e Elbasani kanë ndarë nga një pikë në ndeshjen edjeshme dhe nga sa u pa në fushën e lojës, ky ishte rezultati më i drejtë i këtij takimi. Të dyja skuadrat kanë dhënë më të mirën në fushën e lojës por pa arritur dot të shënojnë qoftë edhe një gol që do të ishte goli i fitores. Si vendasit ashtu edhe miqtë e kanë nisur ndeshjen me mungesa në formacionet e tyre. Tek Vllaznia mungesa e Sinanit por edhe e Belishës ka ndikuar mjaft e sidmos në sulm, kjo gjë është vërejtur shumë ngaqë sulmuesit e tjerë nuk e kishin asnjëri potencën e kapitenit. Nga ana tjetër për Elbasanin mungonin sulmuesit Bejzade e Nora megjithatë në njëfarë mënyrë kjo gjë nuk është ndjerë pasi loja e Qorrit dhe Dalipit, nuk i ka lënë gjë mangut. Pjesa e parë nis më mirë për kuqeblutë. Disa raste të tyre do të kenë kulmin në minutën e 21-të. Atëherë kur Teli është shfaqur i vetëm përballë Kotorrit por nuk ka shënuar. Një rast i pastër që tregon se mbrojtësit e kanë shumë të vështirë të shënojnë aq më tepër që Teli nëse do të dërgonte topin në rrjetë do ta kishte festuar në mënyrën më të mirë të mbajturit e shiritit të kapitenit në këtë takim. Pas minutës së 30-të janë elbasanasit ata që zgjohen disi në lojën e tyre. Ata nuk i kushtojnë rëndësi vetëm mbrojtjes por herëpashere shohin edhe drejt portës së Ndojës. Në 2-3 momente ky i fundit ka reaguar mjaft mirë duke zgjidhur situata shumë të vështira. Nga ana tjetër në sulmin shkodran diçka nuk shkon dhe ttrajneri Dedja vendos të ndryshojë diçka. Largon nga loja Sulejmanin për të futur Zheraldinjon i cili zë vend në mesfushë për të kaluar në vijën e parë Ahin. Megjithatë sërish nuk është se do kishte shumë përmirësim. Mungesa e Sinanit ndjehet tek të gjithë. Pjesa e parë mbyllet pa gola. E dyta nis me një zëvendësim edhe për miqtë kur futet T. Osmani në vend të Tetovës. Rastet nuk vonojnë për të dy ekipet. Leandro e doçi nuk janë të saktë në minuitat e para të kësja pjese loje. Ndërkohë portieri Ndoja në minutën e 79-të bën një pritje të shkëlqyer teksa ka netralizuar një gjuajtje të bukur mne kokë të K. Dalipit. Loja në minutat e fundit do të ketë shumë emocione. Rastet nuk mungojnë në të dy portat. Fillimisht është Zheraldinjo që me një gjuajtje nga larg vë në vështirësi Kotorrin. Më pas është një gol i anulluar i T. Osmanit e në fund një rast tjetër i pastër i Rinaldos. Gjithsesi ishte thënë që kjo ndeshje të mbyllej në barazim. Dy skuadrat kanë ndarë nga një pikë e për më tepër kanë kënaqur me lojën e zhvilluar ata sportdashës që ishin të pranishëm në shkallët e stadiumit.



Thanë:

Hysen Dedja (trajner i Vllaznisë): “Ishim përgatitur për ta fituar këtë ndeshje por nuk ia arritëm sepse kishim përballë një kundërshtar aspak të lehtë. Rastet ishin si për ne ashtu edhe për elbsanasit por nëse asnjëra skuadër nuk fitoi, e rëndësishme është që zhvilluam një lojë të bukur duke kënaqur sportadashësit. Mendimi im gjithsesi është se Vllaznia la dy pikë në këtë ndeshje”

Ilir Daja (trajner i Elbasanit):”Kishim dy mungesa të rëndësishme në sulm ashtu si edhe faktin tjetër që Dalipi nuk ishte as ai në maksimumin e tij. Megjiuthatë kiëshim raste për të shënuar ashtu siç pati edhe Vllaznia që zhvilloi një ndeshje mjaft të mirë. E rëndësishme është që loja ishte e bukur. Sa për golin e anulluar nuk mund të them asgjë pa parë moviolën e kësaj ndeshjeje edhe për faktin që nuk më pëlqen të merrem me gjyqtarët”.



Të veçanta:

*Ndryshe nga ndeshjet e fundit, dje kanë qenë të pranisëhm më shumë tifozë në shkallët e “Loro Boriçit”. Numri i tyre ka shkuar në 6 mijë mes të cilëve kanë qenë edhe 200-300 tifozë elbasanas. *Tribuna VIP e stadiumit të Sghkodrës dje ka qenë e mbipopulluar me drejtues të dy skuadrave, pushtetarë lokalë e politikanë të ndryshëm. Ka rënë në sy edhe prania e prefektes së Elbasanit, një tifoze e deklaruar e skuadrës kryesuese të kampionatit. *Shumë xhentil është paraqitur trajneri i Elbasanit Ilir Daja pas ndeshjes. Ndonëse shumkush në kampin portokalli ka patur vërejtje në adresë të gjyqtarit Jareci për golin e anulluar në minutat e fundit të ndeshjes, Daja ka nxituar të shkojë e të takojë bluzat e zeza e t’i përgëzojë ata për gjykimin e ndeshjes. Gjergj KOLA

 

[genci]

Re: Sporti Shkodran ( Vllaznia )

Dedja: Barazimi nuk na dëshpëron

Gjergj KOLA

Në kampin shkodran është pritur fitorja me Elbasanin, kjo as që ka diskutim. Por nisur nga mënyra si është zhvilluar takimi, duhet pranuar fakti që Vllaznia edhe mund ta humbiste ndeshjen. Megjithatë rastet nuk kanë munguar edhe për vendasit të cilët falë nxitimit të Telit e Rinaldos apo dhe pritjeve të portierit Kotorri, nuk kanë shënuar. Këtë gjë e ka të qartë edhe vetë tekniku Dedja kur shprehet: Ka qenë një ndeshje me shumë emocione. Para zhvillimit të saj ne kishim dy objektiva: e para të siguronim fitoren dhe e dyta, të kënaqnim publikun tonë me një lojë të bukur. Këta objektiva u realizuan përgjysëm sepse vetëm sa kënaqëm tifozët por nuk arritëm të merrnim tre pikët. Nëse pyesni nëse lamë dy apo morëm një pikë, unë do të thosha të parën. Kemi luajtur më mirë se kudnërshtari, kemi qarkulluar më tepër topin dhe pasur më shumë raste. Por megjithatë futbolli i pranon të gjitha dhe ne kemi siguruar kështu një tjetër pikë”. Nëse kuqeblutë nuk kanë shënuar në këtë ndeshje, natyrisht që justifikimi kryesor është mungesa e sulmuesit të tyre kryesor Sinani. Rinaldo kolegu i tij i sulmit është munduar shumë të bëjë më të mirën në këtë ndeshje por gjithsesi roli i kapitenit është i pazëvendësueshëm në këtë skuadër. Këtë gjë e di mirë edhe trjaneri Dedja i cili e ka ndjerë mungesën e Sinanit prandaj shton: “Nuk ka trajner që të mos e dëshirojë në skuadër një lojtar të tillë. Aq më tepër Vllaznia ka shumë nevojë për Sinanin sepse ai është lideri i ekipit. Po të ishte ai në fushë kundër Elbasanit, jam i bindur se loja dhe rezultati i këtij takimi do të kishin qenë më ndryshe”. Shkodranët pavarësisht nga ky barazim me kryesuesit e kampionatit, gjithsesi nuk janë stepur në pretendimet e tyre të mëtejshme në këtë sezon. I rëndësishëm, për njeriun që është duke e drejtuar nga pankina aktualisht Vllazninë, është fakti që skuadra po e ruan vazhdimësinë e rezultateve të saj pozitive të javëve të fundit. Që do të thotë se kuqeblutë sërish shohin nga Kupat e Evropës. Këtë objektiv e ka të fiksuar në mendjen e tij Hysen Dedja prandaj në fund do thoshte: “Kuptohet, do të ishte shumë më mirë nëse ne do të kishim marrë tre pikë me Elbasanin. Por edhe barazimi ka vlerat e tij sepse nuk e ul moralisht atë. Nuk kemi humbur prej 5 ndeshjesh e ky është një tregues pozitiv. Megjithatë na duhet të vazhdojmë kështu. Kemi filluar të mendojmë e të punojmë për ndeshjen me Dinamon dhe jam i bindur se kemi për të marrë rezultat pozitiv. Jemi ende brenda objektivit tonë për një vend në Kupat e Evropës dhe besoj se do t’ia dalim”. Në këtë mënyrë kuqeblutë tashmë janë duke menduar për shumë më lart nga ku kanë qenë deri tani. Një pretendim që deri diku bazohet edhe tek gjendja e skuadrës dhe përbërja e saj. Dhe kur trajneri Dedja e thotë këtë gjë, duhet t’i besojmë.

 

[genci]

Re: Sporti Shkodran ( Vllaznia )

Vllaznia pretendon fitoren në Tiranë me Dinamon


Gjergj Kola

Pragndeshja me Dinamon duket qartë që po karakterizohet nga një angazhim maksimal nga të gjitha strukturat e klubit shkodran. Duke filluar që nga presidenca e klubit, drejtori teknik e sekretari, për të vazhduar me stafin drejtues e futbollistët, të gjithë janë të vetëdijshëm se kjo ndeshje është shumë e rëndësishme për fatin e mëtejshëm të Vllaznisë. Nëse deri më tani kuqeblutë kanë dhënë provat për një kthesë shumë të rëndësishme në ecurinë e tyre, shoqëruar kjo me 5 ndeshjet e fundit pa humbje, tashmë duhet parë më larg. Trajneri Dedja ishte i pari që deklaronte që para dy javësh se skuadra e tij shikonte drejt kupave të Europës dhe kjo deklaratë fillimisht u pa si një çështje emocionale e trajnerit pas një fitoreje. Por me fitoren në Kavajë dhe lojën dinjitoze kundër Elbasanit, të gjithë gradualisht u bindën se kjo skuadër ka forca për të bërë shumë më tepër nga sa ka bërë deri tani. Për këtë arsye, të gjithë presin tashmë edhe një tjetër rezultat pozitiv brenda në "Qemal Stafa" kundër Dinamos. Në të vërtetë, shumëkush mendon se Vllaznia duhet të jetë e kënaqur edhe me një barazim ndaj bluve dhe dikush tjetër mendon që me problemet që po kalojnë blutë, pa diskutim që shkodranët konsiderohen të favorizuar. Megjithatë, Dinamo mbetet Dinamo dhe në këtë logjikë kuqeblutë e ndiejnë frikën përballë këtij kundërshtari. Por ajo çfarë dëgjon në çdo deklaratë të kuqebluve është siguria për një lojë e përballje mes të barabartësh. Këtë e thonë të gjithë, duke filluar nga kapiteni Sinani dhe duke përfunduar te më i riu i skuadrës, 18-vjeçari Lika. E rëndësishme është që Vllaznia do të udhëtojë drejt kryeqytetit me një qëllim të vetëm, për të synuar fitoren. Kjo gjë nuk do të jetë e lehtë, megjithatë objektivi është më se i qartë. Aq më tepër që tashmë edhe presidenca e klubit duket se është "zgjuar", teksa sheh që investimi i tyre nuk po shkon dëm.

09/12/2005

 

[genci]

Re: Sporti Shkodran ( Vllaznia )

Trajneri i Partizanit e konsideron mjaft të vështirë sfidën e radhës me shkodranët

Starova: Vllaznia, më e vështirë se Elbasani


Adi METALIU

Partizani kërkon t’i kalojë me sukses edhe dy sfidat e mbetura të fazës së dytë, Vllazninë dhe Tiranën. Trajneri i Partizanit, Sulejman Starova, me deklaratat e tij, kërkon t'i mbajë futbollistët me këmbë në tokë. "Ngaqë fituam në Elbasan nuk do të thotë se mund t'ia dalim mbanë lehtë edhe në Shkodër. Vllaznia është një skuadër me tradita të shquara në futbollin shqiptar dhe kurrsesi nuk mund të konsiderohet e lehtë për t'u kaluar. Pavarësisht rezultatit zhgënjyes me Dinamon, kjo skuadër ka treguar nivel në lojë. Trajneri Dedja ka punuar shumë mirë dhe niveli i Vllaznisë ka ardhur duke u rritur," - thekson trajneri i të kuqve. Pesë fitore radhazi nën drejtimin e tij flasin shumë dhe nuk kanë nevojë për komente të tjera. "Dora" e Starovës ka qenë vendimtare në kthimin e situatës në favor të të kuqve, por, përsëri, trajneri tregohet modest dhe ia dedikon rezultatet përkushtimit të futbollistëve në stërvitje dhe në fushën e lojës. "E kam thënë edhe më parë, skuadra është po ajo. Janë po ata lojtarë që e kanë nisur sezonin, por ndryshimi është te dëshira e tyre për të fituar. Kjo reflektohet në përkushtimin e tyre në stërvitje dhe në zbatimin e detyrave taktike," - vijon më tej Starova. Pa mbaruar ende faza e dytë, Partizani ka hedhur një hap të rëndësishëm drejt titullit, por për trajnerin e kuq është shumë herët për të folur për këtë. "Kampionati është shumë i gjatë dhe nuk mund të flasësh akoma për titullin. Vështirësitë vijnë duke u rritur, prandaj duhet më shumë punë për t'ia dalë mbanë. Ky kampionat po bëhet mjaft i bukur sepse lufta po përqendrohet në të dy frontet, për titullin dhe për të mos rënë nga kategoria. Unë konstatoj se ndërmjet skuadrave të superligës nuk ka shumë disnivel. Si skuadrat kryesuese ashtu dhe ato skuadra që mbyllin klasifikimin janë thuajse në nivel të barabartë, kështu që me kalimin e javëve mund të kemi përmbysje të renditjes. Këtë e theksova për të treguar vështirësitë që do të hasim në të ardhmen, ku nuk do ta kemi të lehtë përballë çdo kundërshtari," - është shprehur Starova.

13/12/2005

 

[genci]

Re: Sporti Shkodran ( Vllaznia )

Bylykbashi: Në Shkodër do ta kemi mjaft të vështirë


Adi METALIU

Dorian Bylykbashi, kapiteni i Partizanit, mendon se me Vllazninë Partizani do ta ketë më të vështirë se me Elbasanin, pavarësisht se skuadra shkodrane ka pasur një ecuri me lëkundje në këto dy faza të para. "Opinioni i përgjithshëm e konsideronte thuajse të pamundur tripikëshin e Partizanit në Elbasan, por ja që ne morëm maksimumin, duke e zhgënjyer këtë opinionin. Në të vërtetë, ishte një takim mjaft i vështirë, por Partizani tregoi se i kishte forcat për ta mposhtur këtë kundërshtar. Ndërsa tani, kur ne renditemi në vend të dytë, fitorja e Partizanit në Shkodër konsiderohet më se normale nga ky opinion. Kurse unë mendoj se kundër Vllaznisë duhet të jemi më të përgatitur, sepse është një takim më i vështirë se ai në Elbasan. Vllaznia është një skuadër me tradita dhe gjithmonë ka dhuruar emocione në "Loro Boriçi". Fakti që në Shkodër luhet futboll i pastër na ngroh shumë. Nëse një skuadër luan për fitore dhe loja e saj i përgjigjet rezultatit pozitiv, suksesi është më se i arritshëm, ndryshe nga disa fusha të tjera, ku, edhe pse luan mirë, nuk merr atë që meriton. Për këtë arsye, unë mendoj se suksesi i Partizanit në Shkodër do të varet mbi të gjitha nga loja jonë. Në ndeshjet e fundit kemi treguar se, përveç tripikëshit, kemi zhvilluar lojëra të mira, prandaj synimi ynë i parë është marrja e tri pikëve," - ka deklaruar kapiteni i kuq.
16/12/2005

 

[genci]

Re: Sporti Shkodran ( Vllaznia )

Nen ritmin e shiut, dhe shoqerimin e te ftohtit, thuajse nje breshnize bore, Vllaznia e Shkodres nen drejtimin e Serjan Dedjes arrin nje fitore historike.


Vllaznia eshte tashme me 24 pike ne vendin

 

[genci]

Re: Sporti Shkodran ( Vllaznia )

SUPERLIGA, PARTIZANI NDALET NGA VLLAZNIA




Partizani pas disa fitoreve rradhazi ndalet ne \‘Loro Borici\‘. Me nje gol te Zheraldinjos, Vllaznia ka arritur te marre tre pike ne shtepine e saj duke thyer te kuqte e Sulejman Staroves. Ne takimet e tjera te javes se 17-te te Superliges shqiptare, Dinamo ka fituar 3-1 ndaj Skenderbeut, qe vinte fitues nga takimi me Besen. Kjo e fundit kete rradhe ka mundur djemte e Teutes me rezultatin e ngushte 1-0. Nderkohe Lushnja eshte mundur nga Shkumbini, po me rezultatin 1-0 me gol te shenuar nga Lorenc Pasha ne minuten shtese te pjese se pare.





Elbasani 34
2 Partizani 31
3 Tirana 28
4 Dinamo 27
5 Besa 26
6 Vllaznia 24
7 Skënderbeu 20
8 Shkumbini 18
9 Teuta 15
10 Lushnja 13

 

[genci]

Re: Sporti Shkodran ( Vllaznia )

Sinani & Co ndalin Partizanin dhe Starovën

Vllaznia- Partizani 1-0

Vllaznia: Ndoja, Teli, hasani, Radusinoviç, Hoti, Ahi, Doçi, Leandro (Zheraldinjo ’70), Lika (Ars. Beqiri ’89), Sinani, Rinaldo (Cani ’53). Tr: H. dedja

Partizani: Shehi, Gallo, Delain, Ard. Beqiri, Kardek, Allmuça, Rodrigo (Hallaçi ‘6), Dhëmbi, Muzaka (El. Bakaj ’83), Bylykbashi, Abilaliaj (Halili ’81). Tr: S. Starova Shënues: Zheraldinjo ‘80

Gjyqtarë: L.Guzja, S. Avdo, D. Rexha (Tiranë)

Kartona të verdhë: Abilaliaj, Ahi, Ndoja

Minutat e lojës:

‘2 Goditje dënimi për Partizanin, Bylykbashi nis një top në zonë dhe Rodrigo gjuan me kokë por jashtë. ’14 Sinani vonon në gjuajtje, megjithatë arrin ta godasë topin me të majtën por gjuajtja e tij është e lehtë dhe pritet nga Shehi ’18 Aksion i bukur i të kuqve, Bylykbashi pason bukur në trekëndësh me Abilaliajn, gjaun sërish kapiteni mik dhe topi i devijuar edhe nga portieri Ndoja godet shtyllën e djathtë pingule ’20 Kros i Likës nga e majta për Leandro që shfaqet i lirë brenda zonës, gjuan por portieri Shehi e pret mirë topin ’21 Sinani ka arritur ta dërgojë topin në rrjetë por ai anullohet për pozicion jashtë loje të sinjalizuar nga anësori Avdo. ’22 Doçi shfaqet i lirë brenda zonës së partizanit por gjuajtja e tij me të majtën nuk është në katërkëndëshim e portës. ’28 Doçi pengohet në mënyrë të parregullt brenda zonës nga njëri prej mbrojtësve të kuq por gjyqtari Guzja nuk ka akorduar 11-metërsh ’37 Sinani mundohet të çajë mbrojtjen mike por në momentin e gjuajtjes pengohet nga njëri prej mbrojtjësve të Partizanit që e dërgon topin në korne. ’46 Doçi në pozicion ballor me portën gjuan jashtë ’54 Cani godet me kokë një top të pasuar nga Sinani por topi nuk përfundon në portë. ’60 Sinani gjuan fort nga jashtë zonës, topi godet njërin prej mbrojtësve të Partizanit dhe shkodranët pretendojnë për 11-metërsh por sërish Guzja nuk akordon asgjë. ’61 Goditje dënimi nga e djathta e sulmit të kuq, Bylykbashi harkon në zonë dhe Delain godet me kokë por jashtë. ’69 Sinani nis Canin që i shmanget Delain por në momnetin e gjuajtjes nuk është i saktë duke e dërguar topin jashtë portës. ’75 Këtë herë është Lika ë gjuan nga 18 m por sërish shkodranët janë të pasaktë në goditjen e portës ’80 Sinani shmang bukur nga e majta Delain fut një top në zonë për Ahin që vonon në gjuajtje megjithatë e pason topin shkurtazi tek Zheraldinjo që pranë pikës së penalltisë gjuan fort me të majtën dhe gol, 1-0. ’84 Bylykbashi shmang një mbrojtës të Vllaznisë pason për tek Delain që me kokë sërish nuk është i saktë duke gjuajtur jashtë

Komenti

Vllaznia ka arritur ta ndalë Partizanin dhe serinë e tij të fitoreve rradhazi. Sinani& Co kanë zhvilluar një ndeshje të përkryer plot shpirt gare e për rjedhojë kanë marrë tre pikë mjaft të vlefshme. Golin e fitores vërtet e ka shënuar Zheraldinjo por iniciuesit e vërtetë të kësaj fitoreje kanë qenë kapiteni i kuqebluve dhe trajneri Dedja. I pari ka bërë gjithçka mirë në këtë ndeshje duke qenë shpirti dhe zemra e ekipit. Ndërsa i dyti, pikërisht tekniku Dedja ka meritën sepse me zëvendësimet e bëra dhe skemën taktike që ka aplikuar në fushë ka dalë trimfues. Nxjerrja jashtë e Rinaldos dhe aktivizimi i sulmuesit 19 vjeçar, të shpejtit cani ka rezultuar shumë e rëndësishme.a shtu si dhe aktivizimi i Zheraldinjos në vend të Leandros. Nga ana tjetër Partizani megjithëse ka luajtur mirë nuk ka dhënë atë që pritej prej tij. E njëjta skemë loje si në Elbasan, e aplikuar edhe dje përballë Vllaznisë, i ka dhënë të drejtën Dedjes “ta spiunojë” shumë mirë e për rrjedhojë ta bëjë të paefektshme lojën e të kuqve. Ndonëse në rradhët e kësaj skuadre janë disa lojtarë cilësorë, ai që e vinte i vetëm në panik mbrojtjen e vendasve ka qenë Bylykbashi. Abilaliaj thuajse nuk është ndjerë fare ne lojën e tij e po ashtu edhe Dhëmbi e Muzaka janë markuar siç duhet nga mesfushorët shkodranë. Në rradhët e këtyre të fundit ka rënë në sy Doçi, Ahi, Lika e Hoti, një katërshe e gjitha e re por shumë e vendosur dhe e saktë në veprimet e tyre. Pa harruar edhe Hasanin, njeriun që bëri të harrohej Ndreka për këtë ndeshje. Megjithatë nëse duhet bërë një analizë e lojës së fituesve të këtij takimi, nuk mund të lësh njeri pa përmendur.të gjithë kanë luajtur mirë, madje në mënyrë të shkëlyqe e në këtë mënyrë, Vllaznia ka fituar jo vetëm për vete por edhe për kampioantin. Elbasani falë kësaj “dhurate” të shkodranëve thuajse e shohin veten kampion të dimrit. Ndërkohë që Partizani me ndeshjen e djeshme mësoi edhe njëherë tjetër se pavarësisht 5 fitoreve rradhazi, kampionati ka edhe të “tatëpjeta”. Renditja e kampionatit është zbukuruar së tepërmi tashmë dhe vazhdimi i sezonit me siguri që ka për të qenë tepër interesant. Përveç skuaadrave të evidentuara deri tani, tashmë duket se të gjithë duhet t’i bëjnë mirë llogaritë edhe me Vllazninë. Një skuadër që po konsolidohet përditë e më tepër e kjo u pa edhe në ndeshjen e djeshme kundër Partizanit.

Thanë: -

Hysen Dedja (trajner i Vllaznisë): “Ka qenë një fitore vërtet e merituar për Vllazninë. Një takimi i luajtur me shpirt të lartë gare e për rrjedhojë erdhi edhe suksesi. Dua të veçoj lojën e repartit të mbrojtjes dhe atij të mesfushës që kanë qenë në një ditë të shkëlqyer sot, por mbi të gjitha do vlerësoja Sinanin. Një lider i vërtetë i ekipit tonë që ka zhvilluar një ndeshje të përkryer e për rrjedhojë u shpërblyem me fitore”. -Sulejman Starova (trajner i Partizanit): “Vllaznia e meritoi fitoren e këtij takimi sepse ishte më e vendosur në kërkimin e saj, pa harruar që edhe terreni i rënduar i fushës nuk na lejoi të zhvillonim një lojë më të mirë. Në fitoren e ekipit shkodran padisktuim që meritën më të madhe e ka Sinani i cili ishte në një ditë shumë të mirë sot dhe i fitoi thuajse të gjithë dyluftimet me lojtarët tanë. Planet tona disi prishen me këtë humbje por kampionati ende nuk ka shkuar në gjysmën e tij dhe ka ende kohë për të rregulluar bilancet. E rëndësishme është që skuadra vazhdon të luajë mirë.

-Të veçanta: *

Një munër i madh personalitetesh e kanë ndjekur këtë takim në tribunën VIP të stadiumit “Loro Boriçi”. Përveç donatorëve të Vllaznisë dhe atyre të Partizanit, ka rënë në sye dhe prania e donatorit të Tiranës Refik Halili. *Ndeshjen e djeshme e kanë ndjekur edhe disa fubollistë shkodranë që luajnë me ekipet e tjera si Beqiri, Salihi, Osja etj. Shumë nga tifozët e pranishëm në stadium nuk kanë ngurruar të shprehin keqardhjen që këta lojtarë të talentuar nuk janë pjesë e Vllaznisë aktualisht. Të ishin dhe ata kuptohet, çfarë skuadre do kishin shkodranët. *E gjithë ndeshja e djeshme është shoqëruar nga një shi i dendur dhe temperatura të ulëta të cilat kanë ndikuar natyrisht në nivelin e ndeshjes. Megjithatë ata 3 mijë tifozë të pranishëm në stadium nuk kanë hezituar të mbështesin fuqimisht skuadrën e tyre në kërkim të fitores. *Nuk kanë munguar edhe tifozët e Partizanit në këtë ndeshje. Një grup prej 200-300 tifozësh të kuq kanë qenë të vendosur në pjesën e majtë të tribunë qendrore.

 

[genci]

Sporti Shkodran ( Vllaznia )

Dedja fillon të mendojë për emrat e merkatos së Vllaznisë


Gjergj KOLA

Kohë për të menduar gjatë nuk ka. Vllaznia është hedhur menjëherë në merkato, ose të paktëm ka filluar t'i bëjë planet për të. Siç bëhet e ditur, presidenti Çela i ka kërkuar trajnerit Dedja të bëjë gati një listë me emrat e lojtarëve që ai dëshiron të ketë te Vllaznia për vazhdimin e kampionatit. Këtë fakt e bën të ditur vetë trajneri Dedja, i cili e konsideron njëkohësisht shumë pozitive këtë gjë. "Pas përfundimit të fazës së dytë, natyrisht që kemi filluar të bëjmë edhe ne planet për merkato. Kam pasur një bisedë me presidentin, ku kemi diskutuar në lidhje me këtë gjë dhe ai më ka shprehur gatishmërinë e tij dhe të kolegëve të tij donatorë për të investuar sërish për blerjen e lojtarëve të tjerë cilësorë. Njëkohësisht më është kërkuar mua si trajner të hartoj edhe një listë me emrat e lojtarëve që unë mendoj t'i kem te Vllaznia dhe më pas presidenca do të nisë tratativat për të bërë të mundur afrimin e këtyre lojtarëve," ka thënë trajneri Dedja. Sot do të ketë edhe një tjetër takim mes presidencës shkodrane dhe trajnerit pikërisht për këtë çështje. Ndërkohë, i pyetur nëse e ka të gatshme tashmë këtë listë lojtarësh për t'ia paraqitur presidencës, numri 1 i stolit shkodran përgjigjet: "Në njëfarë mënyre janë ata lojtarë që janë lakuar edhe ditët e fundit në shtyp. Por nuk përjashtohet edhe mundësia që të ketë të tjerë lojtarë. E rëndësishme është që tratativat me këta futbollistë duhet të mbyllen sa më shpejt, në mënyrë që unë të filloj punën në ditët e para të janarit me të gjithë kontigjentin e nevojshëm të lojtarëve." Sa i takon merkatos së Vllaznisë, shumëkush në Shkodër mendon se nuk është e nevojshme të investohet sërish për të blerë të tjerë lojtarë, kur skuadra është shumë larg pretendimeve serioze që ajo duhet të ketë. Këtë mendim mbase ka edhe ndonjëri nga drejtuesit e klubit, që mendon se do të ishte më mirë të investohej për fitimin e disa futbollistëve të rinj. Por njeriu që mban përgjegjësinë kryesore për rezultatet e kësaj skuadre me tradita të mëdha në rrugën e saj 86-vjeçare, pikërisht Hysen Dedja, thotë të kundërtën: "Mendimi im si trajner është që duhet investuar për të sjellë të tjerë lojtarë cilësorë në skuadër. Shkodra është e madhe, është një qytet sportdashës dhe nuk kënaqet vetëm me faktin se do fitojmë disa lojtarë të rinj. Tifozët duan trofe dhe, meqë Vllaznia ka ende shanse për t'i arritur ato, edhe në këtë sezon që jemi nuk ka pse të mos pretendojmë deri në fund." Kuqeblutë në dy fazat e kampionatit që kaluan ka treguar një ecuri me shumë oshilacione, si rrjedhojë e së cilës ata renditen vetëm të gjashtët në renditje. Një nga defektet kryesore që është vërejtur në këtë skuadër është mosqëndrueshmëria e saj në rezultatet e ndeshjeve jashtë. Këtë e pranon edhe Dedja, që ndërkohë ka marrë përsipër ta riparojë këtë të metë në të ardhmen. "Eshtë e vërtetë që në ndeshjet jashtë kemi çaluar disi, por besoj se kjo gjë do të vijë duke u rregulluar bashkë me rezultatet dhe renditjen e Vllaznisë," thotë ai në përfundim të prononcimit të tij për gazetën "Sportin shqiptar".






26/12/2005

 

[genci]

Partizani kërkesë Vllaznisë: Na jepni Sinanin

SPORT

Gjergj Kola

-Partizani kërkesë Vllaznisë: Na jepni Sinanin

Një lajm i tillë është thuajse i konfirmuar zyrtarisht megjithatë në kampin shkodran askush nuk ka dëshirë të bëjë shumë komente në lidhje me këtë çështje. Ajo që nuk mohohet është fakti që Partizani e ka bërë një kërkesë të tillë. Ka qenë vetë presidenti i skuadrës së kuqe, Albert Xhani ai që në një takim që ka pasur me njërin nga drejtuesit e Vllaznisë pikërisht zëvendëspresidentinValter Fushaj, i ka kërkuar atij lënien të lirë të kapitenit të kuqebluve. Kjo me qëllim që kapiteni shkodran për pjesën e mbetur të sezonit të veshë fanellën e kuqe. Një kërkesë e tillë ka shumë gjasa t’i jetë bërë edhe presidentit Agron çela. E gjitha kjo ka ardhur ngaqë Sinani ka një kontratë deri në fundin e sezonit me Vllazninë dhe pa miratimin e drejtuesve të këtij klubi, natyrisht që ai nuk mund të largohet. Duke qenë kështu teksa nevoja për një sulmues tipik siç është rasti i Sinanit, është shumë e madhe për skuadrën e Partizanit që do të tentojë me forcë titullin këtë sezon, drejtuesit e kuq janë gati që të lëshojnë dy-tre lojtarë që ata kanë aktualisht në skuadër. Nuk bëhet e ditur me siguri se cilët lojtarë i ka ofruar Xhani Vllaznisë, por ky është një fakt. Vetë protagonisti i gjithë kësaj historie, Vioresin Sinani nuk ka dëshirë të flasë rreth kësaj çështjeje. Po ashtu edhe drejtuesit skuadrës shkodrane të cilët natyrisht që janë të pavendosur për t’i gjetur një zgjidhje kësaj çështjeje. Parë në planin e përgjithshëm këmbimi i një lojtari të vetëm me dy apo tre të tjerë, duket një “biznes” i leverdishëm. Por në aspektin tjetër, atë të vlerave të Sinanit, kuptohet që roli i tij tek Vllaznia është i pazëvendësueshëm. Por një “ok” i presidencës shkodrane për këtë këmbim duket shumë i vështirë për t’u dhënë. Aq më tepër që ajo vetë ka planet e saj për të ndërtuar një skuadër edhe më të fortë për pjesën e mbetur të sezonit. Vetë lojtari shpeshherë është shfaqur i lëkundur në qëndrimin e tij tek Vllaznia aq më tepër që ajo ka treguar shumë luhatje në ecurinë e saj. Partizani e ka kërkuar Sinanin edhe në merkaton e verës madje ka qenë një ndër objektivat kryesore të preidentin Xhani. Tani ai që vazhdon të këmbëngulë për çuarjen deri në fund të kësaj tratative është edhe donatori tjetër i të kuqve Piro Angjeli. Në këtë kontekst, një kërkesë e tillë nuk ka sesi të mos bëj përshtypje aq më tepër që është ndër rastet e rradha që skuadrat tona po kërkojnë të aplikojnë formën e këmbimit të lojtarëve me mirëkuptim. Por në përgjigjen përfundimtare të kësaj kërkesë natyrisht që një vend shumë të rëndësishëm do zërë edhe pretendimi i tifozerisë kuqeblu për të mos e lëshuar për asnjë lloj çmimi dhe asnjë lojtar tjetër, “beniaminin” etyre Vioresin Sinanin. Gjergj KOLA

 

[genci]

Shkodran nuk e len Sinanin te largohet

Vllaznia: Nuk e lëmë Sinanin të largohet


Gjergj KOLA

Zëvendëspresidenti i kuqebluve, Valter Fushaj, e ka pranuar pranuar faktin se Sinanin kërkohet nga Partizani. "Lajmi është plotësisht i vërtetë. Presidenti Xhani prej kohësh tenton që ta ketë në skuadrën e tij Sinanin, por reagimi ynë ka qenë shumë i dobët. Që në njëfarë mënyrë është edhe një përgjigje negative e kësaj kërkese. Sinani është lider në ekipin tonë dhe ne si presidencë nuk kemi ndër mend kurrsesi t'i largojmë liderët nga Vllaznia. Kjo sepse ata kanë gjithnjë vend në këtë skuadër dhe, për më tepër, ne jemi duke u përpjekur që të sjellim në Shkodër të tjerë lojtarë cilësorë. Pra, Partizani duhet t'i bëjë planet pa Sinanin," ka thënë numri 2 i klubit shkodran. Në këtë mënyrë, e gjithë kjo çështje duket se merr fund këtu. Për kuqeblutë, Sinani është i pashitshëm dhe dëshira e hershme e Albert Xhanit për ta veshur atë të kuq për të disatën herë bie poshtë.

28/12/2005

 

[genci]

Hamdi Salihi , Sulmuesi Shkodran

Sulmuesi shkodran e sheh kampion ekipin e tij, çka mendon se do të ndikojë te numri i golave të tij 29-12-2005

Salihi: 40 gola për një Tiranë kampione


Aranit MURAÇI



Pasaporta e Hamdi Salihit
Emri: Hamdi
Mbimeri: Salihi
Vendlindja: Shkodër
Ditëlindja: 19.1.1984
Roli: Sulmues
Numri i fanellës: 21
Karriera: Vllaznia '03-'04 (14 gola), Vllaznia '04-'05
(16 gola), Panionis (asnjë gol), Tirana '05-'06 (14 gola)

Hamdi Salihi ka lindur dhe është rritur në Shkodër, në atë qytet që cilësohet nga të gjithë dhe me të drejtë djepi i futbollit shqiptar. Sulmuesi pati fatin të konfirmohej shpejt në arenën kombëtare për golat e shumtë që shënoi me fanellën e Vllaznisë në sezonin e tij të parë. Atëherë Vllaznia po kalonte një ndër momentet më të vështira në historinë e saj. Pas vrasjes së ish-presidentit Myftar Çela, ekipi seleksionoi shumë të rinj dhe një ndër ta ishte ai që do të bënte jo pak jehonë me golat që shënonte çdo javë. Hamdi Salihi rrëfen ngritjen e tij të shpejtë në karrierë. 3 vite më parë një lojtar i të rinjve të Vllaznisë, kurse sot sulmuesi numër një i kampionatit tonë, me 14 gola në 17 ndeshje. Që prej fillimit të këtij edicioni luan në radhët e kampionëve të vendit. Aktualisht, sulmuesi kryesor i Tiranës, Hamdi Salihi, gjithashtu pjesë përbërëse e ekipit Shpresa, thotë se e ka për detyrë të shënojë edhe më shumë se kaq. Karriera e tij sapo ka filluar dhe e di se ka shumë për të bërë në vazhdim. Sulmuesi muajin tjetër mbush 22 vjeç. Si njeri, karakteristikë kryesore ka qetësinë, dallohet për urtësinë, një futbollist fjalëpak, mjaft punëtor, është shembull dhe jo më kot admirohet te Tirana. Talenti është vetëm një anë e "medaljes" së tij:
"Këpuca e artë" për dy fazat e para
Hamdi Salihi ka shënuar në total gjatë dy fazave të para plot 14 gola, duke kryesuar me diferencë të madhe listën e golashënuesve të kampionatit tonë. Kampionatit deri në fund i kanë mbetur edhe dy faza. Sulmuesi shkodran shënon vazhdimisht dhe duket se nuk ka të ngopur me gola. Thotë se deri në fund nuk e ka menduar numrin e golave, por është optimist se do të shënojë më shumë se numri në dy fazat e para, ashtu sikurse tregon optimizëm kur thotë se Tirana do të shpallet kampione e Shqipërisë. Dhe sikur Tirana të ketë po këtë ecuri që pati në dy fazat e shkuara, Salihi, sipas logjikës, duhet të shënojë në total afro 30 gola. "Mendoj se do të shënoj më shumë," - dhe miraton numrin 40, një shifër vërtet marramendëse për çdo sulmues. Ecuria e Salihit të bind se mund t'ia arrijë vërtet qëllimit. Por a do t'ia arrijë? "Ju po më pyesni a do të shpallet Tirana kampione?" - kundërpërgjigjet futbollisti. "Sigurisht, - vazhdon ai më tej, - dhe kjo do të thotë se ne do të luajmë shumë më mirë në 18 ndeshjet e mbetura të kampionatit. Edhe pse jemi në këtë pozicion krejt të pafavorshëm, kemi marrë një mbështetje nga klubi dhe mendoj se duhet të reagojmë sa më shpejt. Do ta kthejmë Tiranën në krye të klasifikimit. Të gjithë jemi optimistë se këta luajnë lojtarë shumë të mirë, kanë eksperiencë dhe ego që të arrijnë suksesin." Por cili është goli më i veçantë për Salihin nga të gjithë që ka shënuar deri tani. "Çdo gol që i shërben ekipit kur fiton ndeshjen," - thotë ai. "Numri i golave që kam dëshirë të shënoj duhet të përputhet me suksesin e skuadrës. Unë kam shënuar 14 gola në dy fazat e para dhe nuk ndihem aspak mirë. E them këtë sepse Tirana është në vendin e 4-t në klasifikim dhe ky pozicion nuk më kënaq as mua, askënd këtu. Prandaj them se duhet të bëjmë më shumë për pjesën e mbetur të kampionatit."
Më tej, lufta do të jetë më e ashpër. Megjithatë, lojtari, sikurse edhe protagonistët e tjerë, mendon se do të arrihet suksesi. "Ka përfunduar faza e parë dhe e dytë. Tirana gjithmonë reagon kur ka ulje-ngritje. Jemi në një pozicion që na bën të presim me padurim ndeshjet e tjera, për të shkëmbyer vendet me skuadrat që janë para nesh në klasifikim," - thotë shkodrani.
Për sa i përket ekipit kombëtar, autori i 14 golave me Tiranën thotë: "Të gjithë ëndërrojnë të jenë me ekipin përfaqësues. Të jesh te Tirana e të shënosh shumë gola është më e lehtë, prandaj jam optimist se do të arrij të jem pjesë e përfaqësueses në të ardhmen," - përfundon Hamdi Salihi.
Goli i parë, "peshqesh" për Nallbanin
Salihi, ndeshjen e parë zyrtare me fanellën e Vllaznisë e ka zhvilluar në qershor të vitit 2003. Interesant është fakti se ky futbollist, atëherë vetëm 19 vjeç, e nisi karrierën duke luajtur një ndeshje ndërkombëtare. Shkodranët fituan të drejtën të përballeshin me skecezët e Dandit në turin e parë, i vlefshëm për Kupën UEFA. Vllaznia u shpërbë gati, megjithatë nën drejtimin e trajnerit të atëhershëm Medin Zhega, vetëm sa u përfaqësua në UEFA. Ajo u eliminua nga kjo veprimtari që në turin e parë, pasi gjendja nuk premtonte asgjë më shumë. "Thjesht u përfaqësuam, pasi trajneri Zhega na grumbulloi në një kohë që s'kishim përgatitjet fare." Më tej, Salihi u rreshtua përkrah skuadrës në ndeshjet zyrtare të kampionatit. Vllaznia e nisi si mos më keq, kurse Salihi shkëlqyeshëm. "Ndeshjen e parë e luajta kundër Partizanit në "Qemal Stafa". Humbëm me rezultatin 4-1. Unë shënova golin e vetëm të Vllaznisë dhe të parin në karrierë. Kam shënuar ndaj Nallbanit, me të cilën luaj aktualisht te Tirana. Që të jem i sinqertë, më ka ecur disi këto vite dhe mendoj se kam qenë me fat." Vllaznia po zbriste poshtë e më poshtë, ndërsa Salihi "fluturonte" në krye të klasifikimit të golashënuesve. Gjatë këtij kampionati ai shënoi 14 gola.
Sezoni i dytë, mes Shqipërisë dhe Greqisë
Gjatë kampionatit të vitit të kaluar ai luajti vetëm dy fazat e para në Shkodër. Dhe u bë sërish protagonisti kryesor i kampionatit. Salihi shënon plot 16 gola. Largohet në përfundim të fazës së dytë drejt Greqisë. "Foto Strakosha më mori në telefon dhe më ftoi tek ekipi i tij, Panionios. Isha në Greqi. U futa në bisedime me drejtuesit e Panioniosit, të cilët më dhanë një kontratë që ta firmosja. E pashë, më pëlqyen kushtet financiare dhe pranova. Me grekët nuk më eci shumë. Luajta 5 ndeshje si titullar dhe nuk shënova asnjëherë. Por ama shtyllën e godita afro 5 herë, pa përmendur rastet e shumta që i humbëm gjatë ndeshjeve." Më tej, Salihi tregon se nuk po aktivizohej rregullisht, çka ndikoi që të largohej para kohe. "Te skuadra pati probleme financiare dhe lojtarët e huaj nisën të largoheshin. Edhe unë ika para kohe."
Rikthehet në Shqipëri, aktualisht me Tiranën
Kur po përfundonte sezoni, Hamdi Salihi u rreshtua përkrah kampionëve, që prisnin të kurorëzoheshin për të tretin vit radhazi. Sapo përfundoi kampionati i shkuar, ai pranoi ofertën bardheblu, duke u bërë zyrtarisht lojtar i Tiranës. "E pranova interesimin e Tiranës, pasi kjo ishte skuadra që afronte kushtet më të mira në Shqipëri. Por Tirana më kishte kërkuar edhe kur luaja me Vllazninë. Një nga investuesit e Tiranës, Lutfi Nuri, më kishte bërë ofertën e parë që kur isha te Vllaznia. Kisha një kontratë 3-vjeçare me Vllazninë dhe nuk më lejuan të lëvizja në atë kohë. Megjithatë, ika në mes të kampionatit prej Vllaznisë. Kur lashë Greqinë e gjeta derën të hapur te Tirana, që më ftoi, më priti ngrohtë dhe më afroi një kontratë të kënaqshme. Që nga fundi i kampionatit të shkuar jam pjesë e Tiranës dhe jam i kënaqur që jam këtu." Salihi rikthehet te goli. Me Tiranën bën një përfaqësim të shkëlqyer në "Champions". Tirana kalon turin e parë dhe eliminohet në të dytin. Megjithatë, sulmuesi shkodran pati peshën kryesore të sulmit dhe e nis kampionatin me oreks të madh.

Student dhe nostalgji për Shkodrën
Hamdi Salihi ka lidhje të ngushta me qytetin e tij të lindjes, Shkodrën. "Kam nostalgji për Vllazninë që më rriti, klubin që më dha mbështetje, tifozët e për gjithçka tjetër në Shkodër. Thjesht ruaj nostalgji andej." Miqtë e tij janë futbollistë, shumica lojtarë të dy skuadrave që ai luan, Vllaznisë e Tiranës. "Te Vllaznia kam shokët më të mirë, si Telin, Belishën e ma radhë. Edhe te Tirana pothuajse të gjithë lojtarët i kam shokë." Ndërkohë, përveç futbollit, lojtari shkon shpesh në Shkodër, sepse është student "part-time" në Universitetin "Luigj Gurakuqi", në degën histori-gjeografi. "Kam familjen, por jam edhe student, prandaj shkoj shpesh në Shkodër."

 

[genci]

Vllaznia kerkon Licin dhe Rizvanollin

Të dy këta futbollistë shqiptarë janë në bisedime, ndërsa Bokatola dhe një afrikan tjetër pritet të vijnë 04-01-2006

Vllaznia kërkon Licin dhe Rizvanollin

Gjergj Kola


Për ekipin shkodran, ky vit ka nisur me ambicie të mëdha për krijimin e një kontigjenti lojtarësh cilësorë për vazhdimin e sezonit. Nata e mbrëmshme ka qenë shumë intensive sa u takon bisedave dhe kontakteve me lojtarët e planifikuar për t'u veshur kuqeblu. Presidenca e klubit, pasi ka dëgjuar më parë kërkesat e trajnerit Dedja, i ka intensifikuar lëvizjet e saj për t'i mbyllur sa më shpejt këto blerje. Bisedimet kanë zgjatur deri në orët e para të mesnatës dhe vetëm sot do të merret vesh nëse kanë rezultuar të suksesshme apo jo. Nga sa mësohet fillimisht, në bisedime me drejtuesit e Vllaznisë ka qenë tiranasi Rizvanolli. I rikthyer nga Hungaria, sulmuesi i njohur është vënë në kërkim të gjetjes së një ekipi të ri. Skuadra shkodrane ka qenë e preferuara e tij e radhës, por ajo që ka vendosur në këtë mes ka qenë oferta financiare e presidencës kuqeblu. Nëse kjo lëvizje realizohet, atëherë në dispozicion të trajnerit Dedja do të jetë edhe një sulmues tjetër, përveç Sinanit, Rinaldos dhe të riut Cani. Nga ana tjetër, një lojtar tjetër i preferuar i Dedjes pa dyshim ka qenë edhe Suad Lici. Ky i fundit ka kohë që kërkon të shkëputet nga azerbajxhanasit e Bakusë dhe, për rrjedhojë, Vllaznia mund të jetë sërish destinacioni i tij i ardhshëm. Megjithatë, edhe kjo gjë nuk mund të quhet e përfunduar, përderisa ende nuk ka ndonjë përgjigje të saktë mbi bisedimet e mbrëmshme. Por përveç Rivanollit dhe Licit, bëhet e ditur se në planet e kuqebluve janë edhe lojtarë të tjerë cilësorë, me të cilët kontaktet mund të jenë në fazën e bisedimeve përfundimtare. Në këtë mënyrë, ajo çfarë duket e sigurt është fakti që shkodranët me shumë të ngjarë do të jenë shumë aktivë në merkaton e janarit. Kjo pasi ndërhyrja në merkato ka qenë një domosdoshmëri për presidencën e kësaj skuadre, pasi askush në Shkodër nuk pajtohet me vendin e gjashtë që mban aktualisht Vllaznia në renditje. Përveç të lartpërmendurve, mbërrin edhe Bokatola, apo dhe afrikani tjetër i premtuar për të ardhur, që luan në rolin e mesfushorit pas dy sulmuesve. Kësisoj, duket se situata në kampin kuqeblu është drejt përmirësimit rrënjësor. Trajneri Dedja me siguri që, nëse realizohen këto lëvizje, nuk do të "qahet" më për mungesën e lojtarëve cilësorë. Megjithatë, deri në fund të janarit, periudhë kur dhe mbyllet ky sezon i merkatos, surprizat nuk mund të mbyllen me kaq te Vllaznia. Kjo sepse presidenca e saj ka premtuar për një ndërhyrje shumë të fortë në merkato dhe kjo gjë duket se do të bëhet realitet. Megjithëse më parë se të mbyllen lëvizjet për të afruar lojtarë, natyrisht që duhen zgjidhur edhe disa probleme të tjera të vogla brenda skuadrës, në mënyrë që çdo gjë të jetë e shoshitur mirë.

Kuqeblutë, sot udhëtimi në Mal të Zi
Drejtuesit e skuadrës shkodrane e kanë vendosur tashmë: ekipi i drejtuar nga Hysen Dedja deri në pragun e ndeshjes me Tiranën do të stërvitet në Ulqin të Malit të Zi. Një udhëtimi i tillë do të bëhet pikërisht sot në drekë, teksa kuqeblutë do të lënë pikën doganore të Murriqanit për të kaluar më pas në tokën malazeze. Ende nuk është shumë e qartë se cila do të jetë përbërja e skuadrës, aq më tepër kur priten lëvizje, ardhje e largime lojtarësh. Trajneri Dedja, megjithatë, e ka bërë gati listën e lojtarëve që dëshiron të marrë me vete në Ulqin dhe tashmë mbetet për t'u parë nëse këto gjëra do të realizohen apo jo. Megjithatë, ekipi i Vllaznisë do të jetë në stërvitje sot paradite një herë në Shkodër. Gjatë kësaj seance natyrisht që do bëhen gati edhe pasaportat që duhen për kalimin e kufirit dhe po ashtu do të shihet më nga afër edhe fakti nëse do të vijnë apo jo lojtarët e premtuar. E sigurt duket vetëm që Bokatola do të mbërrijë sot në Shkodër, për t'iu bashkuar ekipit, ndërkohë që ende nuk dihet me saktësi nëse do të vijë vetëm apo i shoqëruar nga afrikani tjetër që pritet të sjellë me vete.


Çështja "Sinani", ajo që pret zgjidhje
Një problem më vete dhe shumë i rëndësishëm për t'u zgjidhur është pa dyshim ai i kapitenit të ekipit, Vioresin Sinani. Ky i fundit po kërkohet me insistim nga Partizani. Me gjithë deklaratat e drejtuesve të Vllaznisë se ai nuk lëshohet as për shuma të mëdha parash, nuk është çudi që kjo lëvizje të realizohet. Vetë lojtari nuk ka dëshirë t'i komentojë shumë gjatë ato çfarë po shkruhen e thuhen rreth tij, duke e konsideruar thjesht një çështje mes Vllaznisë dhe Partizanit. Nga ana tjetër, bëhet e ditur se në ditën e festës së federatës në prag të fundvitit, presidenti i kuqebluve Agron Çela ka qëndruar dhe biseduar gjatë me dy donatorët e skuadrës së kuqe, Xhani e Angjeli. Vetë Sinani nuk është kundër kësaj lëvizjeje nëse palët bien dakord, megjithatë qetësia në fjalë dhe ditët në vazhdim nuk është çudi të sjellin edhe realizimin e kësaj transferte shumë të bujshme.

 

[genci]

Suad Lici: Jam rikthyer në shtëpinë time

Suad Lici: Jam rikthyer në shtëpinë time


Gjergj KOLA

Shkodranët kishin kërkuar të sillnin në qytetin e tyre disa nga "ish" ët e Vllaznisë. Suad Lici ishte njëri prej të shumëkërkuarve nga tifozët kuqeblu, aq më tepër që ai prej disa kohësh edhe stërvitej me skuadrën e drejtuar nga trajneri Hysen Dedja. Por kjo nuk do të mjaftonte nëse presidenti Agron Çela nuk do të arrinte të bindte edhe financiarisht lojtarin e njohur për të qëndruar në Shkodër. Për rrjedhojë, mbrëmjen e së martës, gjithçka ka përfunduar ashtu siç kishin dashur të gjithë. Mbi të gjithë ka "fërkuar duart" trajneri Dedja, që e donte me çdo kusht në skuadër një lojtar me vlerat e Licit. Vetë presidenti Çela është dukur shumë entuziast për marrëveshjen e arritur, prandaj thotë: "Kemi arritur të mirëkuptohemi me Licin dhe tashmë ai është pjesë e Vllaznisë. Shpresojmë që edhe në ditët e ardhshme të arrijmë edhe të tjera marrëveshje me lojtarë të nivelit të Licit, për të ndërtuar atë skuadër që presin të gjithë," ka thënë "bosi" i kuqebluve. Nga ana tjetër, i kënaqur me rikthimin te skuadra e zemrës është dukur edhe vetë protagonisti i kësaj transferte. "Për mua është një rikthim në shtëpinë time, asgjë tjetër. Drejtuesit e Vllaznisë më shprehën dëshirën e tyre dhe insistuan që të luaja për këtë skuadër, gjë që ishte dhe dëshira ime, prandaj u arrit marrëveshja," ka deklaruar dje Lici. Në të vërtetë, për të nuk ka qenë e lehtë të vendoste se ku do të luante për pjesën e mbetur të sezonit. Pas polemikave dhe mosmarrëveshjeve me azerbajxhanasit e Bakusë, shkodrani 31-vjeçar është rikthyer në Shqipëri, duke tentuar të gjejë strehën e tij të re. Vllaznia nuk ka qenë ndërkohë oferta e vetme për të. Edhe Tirana kampione në fuqi ka këmbëngulur shumë për ta pasur në skuadër mesfushorin e majtë, nisur edhe nga fakti që ai e njeh mirë ambientin bardheblu, ngaqë ka luajtur dy sezone me ta. Zgjedhja që ka bërë Suadi për të qëndruar sërish në "Loro Boriçi" natyrisht që mund t'i ketë lënë të zhgënjyer drejtuesit e Tiranës, por ndërkohë ata të Vllaznisë janë më se të kënaqur.




05/01/2006

 

[genci]

Shpallen 10 sportistët më të mirë për 2005

GAZETA E SHKODRES
Janar 7, 2006


Medalje mundësit Tonin Dema


Shpallen 10 sportistët më të mirë për 2005



--------------------------------------------------------------------------------



SHKODER – Shpallen dhjetë sportistët më të mirë në Shkodër për vitin 2005. Disa ditë më parë, klubi shumësportësh “Vllaznia” dhe televizioni lokal Shkodra TV 1, organizuan një spektakël, ku u shpallën dhjetë sportistët më të mirë të qytetit verior. Nisma, e cila pohohet se do të kthehet në traditë, u mbështet edhe nga Bashkia e këtij qyteti. Ceremonia për ndarjen e çmimeve, në të cilën morën pjesë të ftuar nga të gjitha llojet e sportit, u zhvillua në ambientet e televizionit Shkodra TV 1. Organizatorët e këtij aktiviteti kanë deklaruar se anketa për 10 sportistët më të mirë të Shkodrës për vitin 2005, ka nisur në fillim të muajit dhjetor të vitit të kaluar dhe ka përfunduar më datë 30 të këtij muaji. Përzgjedhja është bërë nga emra të njohur të fushës së sportit. Pas përfundimit të anketës janë shpallur fitues: Erkand Qerimaj në peshëngritje me 377 pikë; Jetmir Kuçi në boks me 287 pikë; Artur Gavoci po në peshëngritje me 299 pikë; Rovena Marku në not me 266 pikë; Nelson Hysa në boks me 217 pikë; Vioresin Sinani në futboll me 149 pikë; Admir Bregu në atletikë me 129 pikë; Albert Marashi në atletikë me 80 pikë; Admir Teli në futboll me 66 pikë, si dhe Artur Lagja në peshëngritje me 63 pikë. Gjatë spektaklit të organizuar për dhjetë sportistët më të mirë të Shkodrës, iu dha titulli “Mirënjohja e Sportit Shqiptar” mundësit shkodran Tonin Dema. Titulli ishte akorduar nga Federata Shqiptare e Mundjes që në vitin 1995 dhe për arsye objektive, ai është tërhequr pas dhjetë vitesh.

 

[genci]

LAJME SPORTIVE

LAJME SPORTIVE

Gjergj Kola

-Presidenti Çela: Merkatoja nuk është e mbyllur për Vllazninë


Interesimi i të gjithëve në Shkodër është pikërisht mbi faktin se çfarë do bëjë presidenca e klubit për të ndërtuar atë skuadër që presin të gjithë. Nevoja për një merkato cilësore është evidente e kjo pranohet nga të gjithë. Kjo edhe nga trajneri i Vllaznisë Hysen Dedja i cili më shumë se çdokush tjetër e ndjen mungesën e këtyre lojtarëve në ekipin që ai drejton, për më tepër që objektivat e klubit janë ende të larta. Por përveç ardhjes së Licit, planet e tjera duket se nuk kanë shkuar ashtu siç mendohej. Bokatola u vonua më tepër sesa duhej ndërkohë që për futbollistin e Kombëtares Elvin Beqiri, shanset për një veshje kuqeblu janë gjithnjë e më të pakta. Në këtë situatë, ai që nuk tërhiqet është pikërisht presidenti Agron Çela i cili shfaqet sërish shumë entuziast për një merkato cilësore dhe ekip të kompletuar për pjesën e dytë të sezonit. Numri 1 i klubit shkodran para së gjithash ka sqaruar faktin që kongolezi Bokatola është e sigurtë që do jetë pjesë e kuqebluve por vonesa e tij ka qenë thjesht për arsye proceduriale. “e vërteta e vonesës së ardhjes së Bokatolës nuk ka të bëjë me ndonjë ndërrim mendje të tij apo diçka tjetër. Ai ndodhet në Francë dhe ka pasur një gabim në plotësimin e dokumentave që i janë dashur për të marrë vizë për në Shqipëri. Ne mbrëmë (të enjten) i kemi dërguar edhe njëherë tjetër garancinë e kërkuar dhe besoj se sot (dje) duhet të jetë paisur me vizën përkatëse dhe shpejt ai do jetë në Shkodër. Unë e quaj punë të përfunduar ardhjen e tij dhe bashkimin me skuadrën”-ka sqaruar Çela. Por pista e kongolezit nuk është e vetmja që presidenca shkodrane është duke ndjekur. Siç bën të ditur vetë “bosi” i kuqebluve, me shumë të ngjarë brenda disa ditësh mund të vijnë për t’u provuar edhe disa lojtarë brazilianë. Bisedimet paraprake me një menaxher që ka premtuar sjelljen e tyre tashmë janë mbyllur dhe mbetet vetëm ardhja. Këtë e bën të ditur edhe presidenti Çela që shton: “Përveç Bokatolës, jemi duke tentuar të gjejmë edhe të tjerë lojtarë cilësorë. kemi biseduar me një menaxher për ardhjen e 4 futbollistëve brazilianë dhe ne presim që ata të vijnë këto ditë për t’u provuar. Megjithatë pa ardhur këtu dhe pa i parë aftësitë e tyre, nuk kam dëshirë të them që kemi marrë lojtarë cilësorë. por përveç brazilianëve nuk përjashtohet mundësia për të ardhur edhe lojtarë të tjerë. Megjithatë ditët kalojnë dhe trajneri Dedja nuk ndjehet i qetë pa pasur në dispozicion ato lojtarë që ai dëshiron. Gjithsesi përpjekjet e presidencës për të mos dalë duarbosh nga merkatoja e janarit, është për t’u vlerësuar sepse në çdo rast kur ka lindur nevoja për lojtarë, ajo nuk ka ngurruar të shpenzojë para pavarësisht faktit se çfarë lojtarë janë blerë.
Gjergj KOLA

-Sot në Ulqin miqësorja Vllaznia- Elbasani


Prania e disa ekipeve shqiptare në të njëjtën rezidencë, në hotel “Olimpik” të Ulqinit, u ka dhënë mundësi trajnerëve të tyre të planifikojnë edhe zhvillimin e disa ndeshjeve miqësore për të parë më nga afër ecurinë e tyre. Një miqësore e tillë do të zhvillohet sot në një nga fushat e qytetit bregdetar malazez mes ekipeve të Vllaznisë dhe Elbasanit. Trajneri Dedja e Daja kanë rënë dakord për zhvillimin e këtij takimi që do t’i shërbejë jo pak atyre për të parë ecurinë e skuadrave të veta. Përveç kësaj miqësoreje me portokallinjtë, kuqeblutë e Vllaznisë në ditët e ardhshme pritet të zhvillojnë edhe një tjetër miqësore. Kundërshtari i rradhës do të jetë ose Besa e Kavajës ose Buduçnosti i Podgoricës, skuadër që edhe kjo është duke e bërë fazën përgatitore në Ulqin.
Gjergj KOLA


-Boks
-Artur Drini: Dua t’i jap Shqipërisë një titull botëror


Skeda personale:
Emri: Artur Drini (drinaj)
Datëlindja: 23.6.1973
Vendlindja: Shkodër
Vendbanimi: Berlin (Gjermani)
Karriera si amator: 5 herë kampion i Shqipërisë me Vllazninë dhe fitues i 4 kupave
Karriera si profesionist: 2 herë Kampion i Gjermanisë, 18 ndeshje si profesionist (10 fitore, 1 barazim, 7 humbje)


Karriera e tij është vërtetë brilante. Ndonëse pa shumë bujë dhe pa shumë emër në Shqipëri (madje mund të thuhet se atë pakkush e njeh këtu), Artur Drini bokson për Federatën IBF që është një shkallë më lart se ajo e Luan Krasniqit. Shkodrani 32 vjeçar para pak kohësh ka luajtur për të fituar titullin botëror të kësaj federatë, një ndeshje që ka shumë të ngjarë të përsëitet këtë vit. Dhe dëshira e Drinit është për ta zhvilluar këtë sfidë, më e rëndësishmja e jetës së tij, në Shqipëri. Kjo sepse është shqiptar dhe kërkon ta ngrejë emrin e këtij vendi sa më lart në arenën ndërkombëtare. I larguar që në vitin 1999 nga vendi ynë ai ka vazhduar rrugën e boksit profesionist dhe tashmë duket se ka arritur në majën e tij. Emocionet natyrisht që janë të mëdha e këto Artur Drini i shpreh edhe në këtë intervistë të tij
-Artur, sikur jeni harruar këtu në Shqipëri ndërkohë që lajmi se jeni ndeshur për titullin kampion bote ka bërë jo pak bujë. Si është e vërteta?
-Të them të drejtën edhe unë jam pak i pakënaqur me faktin që ndeshjeve të mia dhe karrierës sime nuk i është bërë jehona e duhur. Sa për ndeshjen e titullit botëror mund të sqaroj që ajo është zhvilluar në Kenia më datë 29 nëntor përballë vendasit Nasser Athumani. Ndeshje të cilën e humba megjithtaë me shunë të ngjarë unë do jem sërish në finale për titullin botëror të peshës 63.7 kg të Federatës IBF.
-Para se të merremi me këtë çështje, a mund të na sqaroni se e fituat të drejtën për të dalë në këtë finale?
-Në rradhë të parë dalja ime në finalen për titull kampion bote ka qenë edhe një fat që pakkush e ka. Përveç kësaj ekziston edhe një ranglistë e boksierëve më të mirë dhe unë mbaj aktualisht vendin e 22-të në Evropë për peshën 63.7 kg. duke qenë kështu, por falë edhe përpjekjeve të mikut tim të ngushtë, hollandezit Marsel Nissen që merret me lidhjen e ndeshjeve të tilla, mu dha e drejta të dalë në finale përballë Athumanit meqë titulli i kësaj peshe ishte vakant. Unë e nisa mirë ndeshjen, e vura në vështirësi kundërshtarin dhe në momentin që mendova se po e hidhja nokaut (ai kishte marrë edhe një të çarë të madhe në faqe) mora një goditje të papritur në mjekër prej së cilës rashë.
-D.m.th e keni humbur ndeshjen, atëherë pse thoni që do ta diskutoni sërish këtë finale?
-Menjëherë pas asaj ndeshjeje, duke parë menaxheri dhe trajneri im këmbëngulën që kundërshtari im t’i nënshtrohej kontrollit antidoping dhe nga analizat e urinës që u bënë Athumani rezultoi pozitiv. Përveç kësaj iu morën edhe kampionët e gjakut por përgjigja përfundimtare e njëkohësisht pezullimi i këtij boksieri pritet të bëhet gjatë muajit prill ose në fillim të marsit. Por sipas deklarimeve edhe të presidentit të Federatës IBF për Evropën, Benendetto Montella, çdo gjë është e përfunduar dhe duhet të bëhem gati për të diskutuar sërish titullin kampion të botës ndaj një kundërshtari tjetër që do vendoset në ditët e ardhshme.
-Dhe ku mendoni ta zhvilloni këtë finale të rëndësishme gjithnjë nëse vendoset për t’u bërë?
-Drejtuesit e Federatës IBF më kanë kërkuar edhe vendin se ku do dëshiroja ta zhvilloja këtë finale për kampion bote që mendohet të bëhet në nëntor ose dhjetor të këtij viti. Unë kam dhënë dy alternativa: e para Shqipëria dhe Tirana sepse është vendi im dhe e dyta Gjermania dhe Berlini qyteti që më ka ndihmuar shumë në karrierën time. Shanset që kjo ndeshje të bëhet në Tiranë janë shumë të vogla sepse Shqipëria nuk është anëtare e Federatës së boksit profesionist. Por edhe nëse nuk realizohet kjo, edhe në Berlin nuk do ta ndjej veten i braktisur sepse në ndeshjet e mia më kanë ndjekur plot 1300 shqiptarë emigrantë.
-Pra vështirë të ju shohim duke boksuar në Shqipëri?
-Do të bëj përpjekjet maksimale për këtë megjithatë gjatë kësaj periudhe. Nga ana tjetër edhe ardhja ime këto ditë në Shqipëri, është bërë pikërisht për këtë arsye. Sëbashku me ish-trajnerin tin Zef Gjoni kemi biseduar rreth mundësive të zhvillimit të një apo takimeve të tjera përpara kësaj finaleje. Shpresoj shumë që kjo të realizohet.
-Së fundi e ëndërroni shumë këtë titull të lartë të kampionit të Botës?
-Të them të drejtën po. Mbi të gjitha sepse i kam shkuar shumë pranë e për më tepër që është një titull shumë më i rëndësishëm, madje më me vlerë se edhe ai për të cilin luftoi Luan Krasniqi. Federata në të cilën unë konkurroj pra IBF është e treta në botë sa i takon nivelit të boksierëve. E para është ËBC, pastaj vjen ËBA, IBF-ja dhe e katërta është ËBO, versioni ku konkurron Krasniqi. Duke qenë kështu mendoj se ia vlen të ëndërroj sepse do jetë një titull vetëm për Shqipërinë. Kam refuzuar 3 herë ofertat e ardhura për të marrë pasaportë gjermane sepse dua të mbetem shqiptar dhe jam krenar për këtë.

 

[genci]

Alimehmeti: Tirana mund të fitojë sërish në Shkodër

Alimehmeti: Tirana mund të fitojë sërish në Shkodër


A.Muraçi

Në "Loro Boriçi", Tirana, si asnjë ekip tjetër i kampionatit tonë, ka dalë shpesh më kokën lart nga fusha. Dëshmitarë të triumfeve të njëpasnjëshme të bardhebluve, si në Shkodër dhe pa diskutim edhe në kryeqytet, janë bërë të gjithë tifozët shkodranë. Këta të fundit gjithnjë i kanë pritur me mjaft interes sfidat me Tiranën. Por po bëhen disa vite që Vllaznia nuk fiton dhe nuk i kënaq asnjëherë tifozët e saj kur luan me Tiranën. Sidoqoftë, këtë herë ka një eufori nga Vllaznia për të arritur një fitore të padiskutueshme ndaj Tiranës. Ndërkohë, kjo eufori e tyre nuk është komentuar gjatë në kampin bardheblu, sepse trajneri Alimehmeti thotë vetëm pak ditë para sfidës më interesante të javës së 19-të se ky gryp e ka të qartë misionin në Shkodër e kudo tjetër, si dhe në çdo javë të mbetur të kampionatit ndaj të gjithë kundërshtarëve. "Ne do të nisemi këtë të shtunë drejt Shkodrës për një qëllim të vetëm, të fitojmë patjetër ndeshjen me Vllazninë. Eshtë ndeshja e parë e vitit, ndaj për ne mendoj se është dyfish e rëndësishme të fitojmë atje. Një tripikësh vlen si për synimin tonë final, ashtu edhe për vlerat që mbart ky takim historik. Ne nuk shohim ndonjë arsye të fortë për të komentuar dëshirën e ekipit kundërshtar, shprehur në shtyp në lidhje me një fitore të sigurt në këtë ndeshje. Tirana me grupin që ka synon ngjitjen e menjëhershme. Shkurt, po i bëjmë planet për një tripikësh në Shkodër. Gjithçka tjetër ia lëmë fushës," - thotë Alimehmeti.

Një tjetër bolivian te bardheblutë
Një mbrojtës bolivian ka marrë ditët e fundit miratimin e donatorëve që investojnë për klubin "Tirana", kështu që ai pritet të dalë në stërvitje me bardheblutë gjatë javës, para ndeshjes me Vllazninë. Këtë e saktësuan dje burime brenda klubit, të cilët thanë se në mungesë të elementëve shqiptarë vëmendja është përqendruar në tregun e huaj. Me të njëjtët agjentë që sollën sulmuesin Andaveris në merkaton e tetorit, Tirana ka komunikuar dhe beson se do ta sigurojë kartonin e mbrojtësit bolivian, që në fakt pritej të vinte që dje paradite në kryeqytet. Megjithatë, para se lojtari të dalë në stërvitje, në kampin bardheblu komentohet se flitet për një element cilësor, që mendohet se do t'i shërbejë objektivit final të Tiranës. Mbrojtësi amerikano-latin është aktualisht goditja e parë e merkatos së janarit.





10/01/2006

 

[genci]

Bokatola pritet të vijë sot te Vllaznia

Bokatola pritet të vijë sot te Vllaznia


Gjergj KOLA

Riçard Bokatola, kongolezi i planifikuar për të ardhur te Vllaznia, ende nuk ka mbëritur në Shkodër, ndonëse ka qenë i pari lojtar që dukej i sigurt për t'u veshur kuqeblu. Justifikimet për mosardhjen e tij herë kanë qenë të shoqëruara me disa pengesa në marrjen e vizës hyrëse në Shqipëri e herë të tjera me justifikime sa për të kaluar radhën. Megjithatë, premtimi i fundit i vetë kongolezit është se do të mbërrijë nga Franca në aeroportin e Rinasit pikërisht sot në drekë. Por, pavarësisht faktit se do të mbërrijë, është e sigurt që ai nuk do të jetë i gatshëm për të luajtur ndaj Tiranës, pavarësisht formës që mund të ketë. Trajneri Dedja i ka bërë planet me lojtarët e tjerë që ka në stërvitje në Ulqin. Ndërkohë, siç është bërë e ditur, me ekipin kuqeblu që nga e hëna është duke u stërvitur edhe futbollisti malazez Xhorxheviç, për të cilin do të jepet një përgjigje përfundimtare në fundin e kësaj jave.




11/01/2006

 

[genci]

Një Tiranë sulmuese ndaj Vllaznise

Një Tiranë sulmuese ndaj Vllaznisë


A. MURAÇi

Kampionët në fuqi zhvilluan dje një test në vigjilje të ndeshjes së parë zyrtare të vitit. "Në Shkodër nuk na interesojnë rezultatet e kaluara, pasi po mendojmë për të fituar edhe këtë herë ndaj Vllaznisë," - tha Alimehmeti, i cili kishte skicuar një ekip sulmues. Ndërkohë, ata që do të luajnë nga minuta e parë në Shkodër duhet të marrin edhe një "ok" të dytë, nisur nga gjendja e përgjithshme e tërë grupit. Gjatë dy pjesëve pati ndryshime në të dy formacionet. Në pjesën e parë si titullar ishte Tafaj në krah të djathtë, ndërkohë që Dabulla luajti në po të njëjtin rol gjatë pjesës së dytë. Bakalli luajti në qendër të mesfushës dhe këmbeu vendin me Bulkun gjatë pjesës tjetër të lojës. Ndërsa lëvizja e fundit u bë në sulm, pasi Xhafa që ishte për një pjesë loje me formacionin tjetër iu bashkua më tej formacionit të parë. Ndërkaq, në krahasim me Tiranën e 2005-ës, që luajti gjatë fazës së fundit të kampionatit, nuk u pa ndonjë ndryshim i madh. Në portë pritet të luajë portieri Hidi. Në mbrojtje të sigurt janë Pisha në qendër dhe Hajdari nga e majta dhe më shumë i mundshëm nga e djathta shihet aktivizimi i Dabullës, duke qenë se është në rikuperim e sipër. E njëjta gjë mund të thuhet edhe për Bulkun, i cili mendohet të jetë bashkë me Patushin në qendër të mesfushës. Nga e djathta e këtij reparti do të jetë Sina, ndërsa në të majtë u pa një ndryshim, sepse ky rol dje iu besua Duros. Kapiteni Muka luajti në rolin e fantazistit pas dy sulmuesve. Gjatë testit të djeshëm, Salihi-Merkoçi ishin titullarë që në fillim të lojës, por më pas, pas një kontraktimi të lehtë, u largua sulmuesi shkodran dhe në vend të tij u aktivizua vlonjati F. Xhafa. Kjo është pak a shumë fytyra e Tiranës që do të bëjë prezantimin për vitin 2006 në "Loro Boriçi", përballë Vllaznisë. Dhe megjithëse ende nuk është fiksuar plotësisht 11-shja bazë, ndaj Vllaznisë duket qartë se do të jetë një Tiranë kërkuese në sulm, për të siguruar patjetër fitoren. Skema që ka menduar trajneri Alimehmeti është 3-4-1-2, çka nënkupton se bardheblutë nisen këtë të shtunë drejt Veriut me qëllimin e vetëm që të sigurojnë pikët maksimale. Asnjë i skualifikuar dhe në përgjithësi gjendja e bardhebluve pak ditë para javës së 19-të duket optimiste.





12/01/2006