Re: Si vishen shqiptaret?
Të politizosh shfaqjen e një mode tek të rinjtë e sotëm, është në vetvete një pisllëk dhe kur ky politizim kalon deri në mohimin e identitetit të popullit, kemi të bëjmë me një poshtërsi.
Të gjykosh për mënyrën se si vishen shqiptarët, në thelb nuk ka asgjë të keqe, por pyetjen ta shtrish mbi shtratin e një populli dhe diskutimet t’i drejtosh mbi hullinë e një grup - moshe mjaft mirë të përcaktuar, për të gatuar me pluhur mendimesh baltën që duhet t’i hidhet një populli të tërë, ky është IMORALITET, i QËLLIMSHËM, ose thjesht QORRLLËK. Këtu vërtetohet një nga rastet e rralla kur “sidoqoftë” justifikon veten e vet.
Do të thotë se; mund të jesh imoral – i paskrupull, ngaqë nuk njeh tek vetja asgjë që t’i përkasë një etnie të caktuar, e kështu je një hiç që nuk justifikon të qënët.
- I qëllimshëm; - kur i përket asaj race që lëpin kockat dhe se të le përshtypjen se paguhet pikërisht për këtë gjë, ndryshe, qënie që nuk ka asnjë mendim të vetin.
- Qorr; do të thotë se truri ka humbur funksionet, dmth, nuk është i ndërgjegjshëm për ekzistencën e vet.
Ndaj “sidoqoftë” që i shqyrton të tre mundësitë, është vetëm një hallakatje që nuk të shpëton nga harakiri.
* * *
Flasim për modën e një grupmoshe që përfshin nga klasa e shtatë e tetë, e deri, pak a shumë 25 vjeç.
- Në këtë rast, ç’hyn sistemi i mëparshëm me një grupmoshë që në shumicë nuk kishte lindur atëkohë, ose që e shumta ishte gjashtë-shtatë vjeç? E cila ende nuk di ç’seksi i përket? A nuk i thonë kësaj t’ja futësh si kau pelës?
- E dyta, akuzohet komunizmi si shkak i humbjes së identitetit (hoxha në këtë rast e ka kujtesën shumë të shkurtër sepse harroi që vetëm para një viti në polemikën për identitetin, midis Kadaresë dhe Qoses, epiqendra ishte feja dhe jo ideologjia. Nëse Arkimedi tha se më jepni një pikë në hapësirë dhe do të lëviz globin, nuk është e njëjta gjë me thënien, më krijoni një mundësi dhe do të shpërngul vëmendjen).
Këtu duhet vënë në dukje diçka mjaft e rëndësishme. Për çdo diktaturë, qoftë e majtë apo e djathtë, shtylla vertebrore është nacionalizmi. Gjë që nënkupton theksim i identitetit kombëtar dhe jo dobësim apo zhdukje. Është demokracia ajo që e prish ekuilibrin e identitetit të një populli, sepse, psh, Europa e bashkuar tenton edhe një shkrirje të tillë, jo si qëllim i saj, por si veti e bashkimit. Në këtë rast janë të kërcënuar të gjithë popujt, veçanërisht ata që s’kanë rrënjë të thella historike.
Të thuash, ose më keq, të pohosh, se gjenetikisht ka shpëtuar diçka, ndërsa historikisht jo, është njësoj si të fshihesh pas gishtit tënd. Nuk mbulohet e pëgëra me shurrë, - thuhet, sikurse pisllëku i mendimit që e xhvesh popullin shqiptar nga identiteti nuk mund të pastrohet duke thënë se ka shpëtuar diçka gjenetikisht.
Ç’është identiteti?
Gjenetikisht , 97% jemi si minjtë, vetëm tre përqind ndahemi nga ta. Pra, kur flasim për identitet fizik, kuptohet ndarja nga kafshët, ose nga natyra, por kur flasim për identitet popujsh, për kombësi, atëhere është duhuri t’i referohesh gjuhës, zakoneve, traditave. Në rendin e mëparshëm është bërë çmos që identiteti shqiptar të forcohet, për vetë faktin e pohuar më sipër; të qënët diktaturë. Në këtë pikë mund të sillja shumë shembuj, por do të qe një zgjatje e kotë. Ansambli ynë i këngëve e valleve popullore, ka marrë gjerdanin e artë në festivalin botëror të grupeve foklkoristike, organizuar në Dizhon të Francës. Zakonet e dasmës ishin zakone dasme të trashëguara. Çdo shtojcë në dollitë, nuk e ndryshoi thelbin e tyre. Vdekja kryhej sipas riteve të saj. Vetëm Nexhmije Hoxhës, në gjyq, i numëruan kafetë që ishin pirë në shtëpinë e saj kur vdiq i shoqi. Gjë e turpëshme dhe kundër çdo zakoni shqiptar.
* * *
Të shkruash, është kulturë, por çfarë thua në ato që shkruan, dëshmohet niveli i saj. Analizojmë dy termat që janë trau i çatisë i dy shkrimeve perverse të hoxhës.
(Nga ana tjeter, kultivimi i nje ksenocentrizmi te theksuar tek shqiptaret gjate viteve te diktatures, si pasoje e nje izolimi total, ku njeriu kishte nevoje per nje komunikim me boten jashte, beri qe gjithashtu shqiptaret te ngrene mite te fuqishme per "boten e pertejme", boten e pertej detit, gje qe ben qe sot, te adaptojme verberisht gjithcka prej saj, edhe ate qe ajo vete e njeh si negative.)
Ksenocentrizëm...Kur e lexova fjalën rrëmova në kujtesë për të gjetur diçka të tillë dhe gjeta dy që nuk mund të bashkoheshin me njëra tjetrën, të paktën për frazën ku atyre u duhet të jetojnë në një agoni të përherëshme(scripta manent):
- Kseno – i huaj,
- Centrizëm... – këtu ka një vështirësi në të përshtatur të fjalës me veshjen e duhur pa e nxjerrë atë lakuriq. Centro – qendër. Centrizëm – qëndrim politik as andej as këtej edhe andej edhe këtej. Asnjëra nuk shkon. Mbetet ta konsiderosh si “përqëndrim”. Atëhere e bashkojmë: Ksenocentrizëm – përqëndrim i huaj. Qendër e huaj, Huajqëndrim, huaj... etj etj. Tani futeni këtë fjalë të përkthyer në mes të frazës dhe zbërtheni kuptimin.
(Nga ana tjeter, tendencat e reja drejt adaptimit te kulturave te huaja, te predikuara se tepermi nga mediat shqiptare, por edhe te rrjedhur prej nje lloj ksenofilie te kultivuar ne kushtet e nje izolimi total ne kohen e diktatures, jane gjithashtu arsye serioze te mungeses se nje lloj qendrueshmerie ndaj presioneve kulturore asimiluese.)
Ksenofili – Ndryshe nga fjala e parë që analizuam e cila është një Kimerë, kjo e dyta paraqitet më e saktë si formë por bie në kundërshtim të plotë me fjalën e mësipërme dhe krijohet një çoroditje mendimesh e kundërshti dhe mungesë e dukëshme e logjikës në të gjë që e zhvleftëson gjithëçka.
Kseno - e huaj.
Fili – dashuri.
Dashuri për të huajën?! Në kushtet e një izolimi u kultivua dashuri për të huajën, në një kohë kur: ... por edhe te rrjedhur prej nje lloj ksenofilie (dashuri për të huajën!!!)... si pasoje e nje izolimi total, njeriu kishte nevoje per nje komunikim me boten jashte, beri qe gjithashtu shqiptaret te ngrene mite te fuqishme per "boten e pertejme", boten e pertej detit, gje qe ben qe sot, te adaptojme verberisht gjithcka prej saj, edhe ate qe ajo vete e njeh si negative.)
Ksenocentrizmi del si një fjalë që ka të bëjë me mbylljen dhe izolimin e shqipërisë nga diktatura në një kohë kur ne kishim nevojë për komunikim me botën përtej.
Ksenofilia del si një fjalë që tregon për dashurinë ndaj të huajës...
Tashmë përsërit edhe njëherë pyetjen:
- Për ç’merita ky njeri qëndron ende si administrator i forumit?
)