Pjese nga Ditari qe nuk mbaj...

[TDSH]

Re: Pjese nga Ditari qe nuk mbaj...

Ketu erdha kot...sa per te shkruajtur per ate profesoreshen (profesoreshe i thencin) dy pellembe mbi toke, me ato kembe e krahe si shtangiste, me floket te zeza pisk te prepa ne nje model qe te kujton ndonje shembelltyre te shtrember te Kleopatres. Per te mos permendur ketu veshjet-me ca pantallona qe duken sikur te kene hyre ne uje pasi jane lare qindra gere me nxehtesine e gabuar, te sapo dala nga lavatricja rudha-rudha e te pa hekurosura, duke vazhduar me tej me trupin qe i mbart, e aq me teper imazhi qe te vjen ne mendje kur mendon per nje profesoreshe fisnike qe dergjet lart e poshte ambjenteve te universitetit me nje kostum apo veshje zyrtare...eshte teper larg nga imazhi i saje. Mbasi kishin kaluar nja 30 minuta te mira qe jepte leksion- me shume se sa leksion do ta quanja nje lloj bashkebisedimi dhe qartesim idesh brenda mendjes se saj, te cilit sja gjen dot fillin nga asnjera ane- morra gazeten qe kisha ne cante dhe fillova te lexonja ca tituj sa per te shurdh?uar zerin iritues qe vinte prej saj, merrte lloj lloj nuancash lart e poshte e qe ne fund te jep nje dhimbje koke te mire. Ajo afrohet te shperndaje nje material dhe rrembimthi me thote-could you put that away please...E pashe njehere..., sakaq nje lloj zjarri i inatosur mu versul nga stomaku per drejt gurmazit e deri tek formulimi i buzeve dhe gjuhes per te nxjerre disa tinguj...percudi si thashe asgje. Sikur te mos me kish ndodhur mua tere ajo kryengritje ne brendesine time, me qetesi e hoqa menjane dhe vazhdova te ndiqnja monotonine e diskutimit te saje, derisa tik taket e ores ndaluan atu ku mbaronte klasa.
Rruges pergjate bankave qe me nxirrnin nga radha qe isha ulur ne drejtim te daljes se deres mbanja canten ne krah e cila qe e renduar dhe fryre nga librat, padashje (vertet padashje) i morra me vete kanocen e nje "diet coca-cola" qe e kishte harruar ne banken e pare. Sinqerisht nuk ishte veprim i qellimshem, ose me mire dicka qe bera pa vete dije por qe buronte nga inati qe akoma me gurgullonte ne stomak. Ne dore akoma mbanja gazeten, te cilen desha s'desha e perdora per te pastruar lengun mbi banke. Ne kete kohe ajo afrohet te me ndihmoje. Pasi isha siguruar se pantallontat e reja lino nuk me ishin bere pis i kerkova te falur per pakujdesine time, e me pas i thashe "it looks like my news paper came in use one way or another".

Dola jashte, binte shi! Ne mendje kisha akoma ironine e pantallonave te mija, te sajat, dhe coca coles qe u derdh.

 

[edda]

Re: Pjese nga Ditari qe nuk mbaj...

Vdekja- mjaft qe ta shqiptoj apo degjoj kete fjale dhe me hapet nje grope ne stomak qe sa vjen edhe zmadhohet duke me perpire pastaj te teren.
Shpesh mendoj qe kjo ndodh se jam shume sensibel, se e di çdo te thote te humbasesh nje njeri te dashur por ndonjehere me duket se ajo qe me ben te ndjehem keq ndodh me teper per faktin se e di qe i njejti "fat" do me takoje edhe mua.
Nejse, ajo qe me beri te shkruaj keto rreshta s'eshte frika ime nga vdekja por diçka qe me ka bere shume pershtypje sot.
Sot ne mengjes me merr dikush ne telefon dhe me pyet ne ç'ore avocati eshte ne zyre. "S'e di- i them- sepse sot eshte shume i zene. Nese ke diçka per ti thene, ma thuaj, do ia referoj sapo te vije". "Jam Klaus, kusheriri i tij, ime eme vdiq. Neser eshte funerali ne x ore" Mu mek zeri. Doja ti thoja diçka por te vetmet fjale qe me dolen ishin "Ngushellimet e mia!". Imagjinova per nje çast reagimin e avokatit.
Pas rreth nje ore, gjate te ciles perserita me dhjetera here ç'duhej ti thoja per ti shprehur keqardhjen time, avokati erdhi. I tregoj per telefonaten dhe kur vij tek ora e varrimit "Mos!!!" bertet "Pikerisht neser kur une duhet te jem ne nje convegno ne Trento. Para 2 muajsh qeshe ne Radein, kur vdiq tezja tjeter". Mbeta pa fjale.

 

[Diddy19]

Re: Pjese nga Ditari qe nuk mbaj...

Dt.22 Nentor....

E shtune ne darke!Erdhi edhe darka ,ne mengjes mendoja se do te duhej te kalonte nje jete e tere derisa te vinte darka e se shtunes,e jo me pastaj sa do duhej per te kaluar edhe e diela,2 ditet qe une urrej me teper..Pse?? Sepse ja,eshte e shtune ne darke dhe une rri mbyllur ne dhomen time te kolegjit.Ne fundjave ajo me ze frymen mua!!! Shoket e mi me siguri po hane darke (ose kane ngrene tashme) dhe po pergatiten te dalin per te bere qejf.Po une?? Une kam ngelur ketu vetem,gjithe shoket e shoqet e mia kane ikur ne shpi per fundjave:i shihja dje nga dritarja e dhomes me canta e valixhe ne duar dhe me vinte zili sepse ato mund te largoheshin nga nje vend si ky ,te pakten ne fundjave kurse une jam e detyruar te ngulitem ketu per nje vit te tere,pa pasur mundesi te ndryshoj as ajrin te pakten:i shihja tek largoheshin duke terhequr valixhe dhe me kujtohej ajo dite kur une pas nje viti kthehesha ne shtepine time ,tek prinderit e mi.Me te vertete ajo qe ndjeja une ate dite ishte shume shume me e thelle nga ajo qe ndjejne shoket e mi kur kthehen cdo fundjave ne shpi po do jepja cdo gje qe kisha qe te ndjeja me pak emocion sec ndjeva ate dite po te ndjeja cdo fundjave nje emocion me te vogel,po te pakten ta kaloja fundjaven me ato qe dua fort.Ne kshu rastesh preferoj qe emocionet e forta t'ia le te tjereve!
Ehhh,kjo eshte e keqja e fundjaves ketu tek une:fakti qe jeta pothuajse ndalon(te djelave vdes fare),te ben te rrish ulur per nje kohe me te gjate (ose maksimumi shtrire) dhe kur s'te ze gjumi fillon e mendon.Cfare ka per te menduar??Per nje pesimiste si une eshte me mire sikur te mos mendoj fare..Po eshte e paevitueshme ne kushtet ne te cilat ndodhem tani Sikur jeta ime te ishte ashtu sic e pashe mbreme ne enderr do kishe dicka te gezueshme ,pozitive per cfare te mendoj..kurse kshu...
Ja ,kam ngelur gjithe diten ne internet.Pervec nje shkeputjeje te vogel nderkohe qe merresha me "estetisten time personale("shyqyr qe eshte fundjava per tu marre nje cike me veten se gjate javes e le te gjithen pas dore),s kam bere gje tjeter..Duhet te mesoj,kam ca tulla qe me presin..po hic fare..eshte gjeja e fundit qe me shkon ndermend te bej..
Nejse nejse se askush s ka vdekur nga merzitja deri tani..s'do jem e para besoj.. Ja ,ra dhe telefoni ,bejne zile dhe presin qe ti marr une.Epo mire,derisa ta kem falas edhe po te marr..s me kushton asgje...

 

[alinos]

Re: Pjese nga Ditari qe nuk mbaj...

E di cfare Salo?
Ditaret me te mire i mbajne ata qe marrin poste prej nesh! Sa here kemi shkruar letra, e se fundmi e-maile te gjata, plot me vete brenda?!
Une relativisht shume here!
Do isha kurioze te lexoja c'kam thene atehere, do ishte njelloj si te lexosh nje ditar te harruar ne nje cep! Nje ditar te ngjyrosur... Nje vete te shkruar...

 

[Danae]

Re: Pjese nga Ditari qe nuk mbaj...

24 Nentor '03
Ne fakt une mbaj nje bllok ku emocionet i hedh ne argje por jo sonte...
Sonte dua te hedh dy shkronja shtypi aty ku shpesh hedh nga vetja ime.
Bllokun e kam mbushur me vargje qe flasin per ju,e shoh qe fletet po mbarohen.
Nuk eshte merite e imja,e di,aq sa eshte merita juaj,aq sa une u jam mirenjohese per faktin se ju ekzistoni,se me shkruani edhe po te mos u nis nje mail me muaj,qe me mbani aq fort shtrenguar ne cdo perqafim,qe mbushni ditet e mia ne cfaredo vendi e shteti te jem,qe me merrni ne telefon te me thoni se u merr malli,qe shkruani aq bukur e qe keni nje shpirt aq te madh.
u jam thjeshte mirenjohese qe ju ekzistoni ashtu si i jam mirenjohese rrymes qe u solli ne jeten time.
Po te mos u kisha ju do isha e varfer,tmerresish e varfer,por e di qe tek ju une gjej themele te forta,gjej veten dhe diversitetin,krahasimin dhe uniken e ju me jeni kaq te vyer sa bota ime eshte e mbushur plot mijera imazhe tuajat qe i mbart me vete ngado.

p.s perfshire edhe shkelqimin e henezes. :kiss:

 

[qeshem]

Re: Pjese nga Ditari qe nuk mbaj...

26 nentor

sot u prezantova me nje nga fytyrat e shumta te dhimbjes, nuk e mendoja qe mund te ishte edhe e qeshur, mund te prisja cdo gje prej saj por vetem kete ngazellimin ogurzi nuk e prisja ...
sot dhimbja mu shfaq hareshem sic nuk e kisha njohur kurre, e kisha pare te me avitej,te me joshte, te me perkedhelej, te me sulmonte, e prape te me shqelmonte por sot inaguroi fytyren e saj te re...

e sotmja me frymezoka mallkim dhe ... me qeshet ....

 

[Dua]

Re: Pjese nga Ditari qe nuk mbaj...

O-la-la! Kam hequr bara te renda nga vetja. Permes gojes dhe te shprehurit. Uuuhhhh, ndihem mire. /pf/images/graemlins/smile.gif

D.

 

[devolution]

Re: Pjese nga Ditari qe nuk mbaj...

Fillimisht postuar nga Iola:
[qb] Kur kalova pellgun me uje qe ndodhej para asaj porte qe vetem porte nuk qe, nuk e mendova se do e kisha aq te lehte te te gjeja... nje resht... dy dhe ja qe nuk e kisha harruar ku ishe pavarsisht se ketu ku je ne na humbet mendja.
Me ka marre malli per ty... ti ma beson kete?
Me ka marre malli te kapem pas pardesyse tende dhe te te ndjek si manare neper mbledhjet me veteranet ne sallen e madhe te kinoteatrit apo te varem pas kurrizit tend kur luan shah me shoket dhe une qe te qurravitem per nje akullore.
Ti mi beson te gjitha keto apo jo?
Nuk mendon se erdha te te gjeja sepse jam nje egoiste e pakorigjueshme qe dua thjesht te ndihem mire me veten time apo nje frikacake e madhe tashme qe ka frike se ti tund koken dhe rrudhesh ne fytyre kur shikon qe andej gabimet qe une bej.
Me ka marre malli per ty,kam nevoje per ty,per ty si aleat tamam ashtu si dikur kur ulurisja me te madhe:

Mos me bertisni mua se do i them gjyshit pastaj.. [/qb]

... e mrekullueshme!!!
Per here te pare ne jeten time lexoj dicka kaq "te thjeshte" perbrenda nje kompleksiteti kaq te gjere.
...Do te deshiroja te vazhdonte disi me shume, me plot' mos me thuaj se kjo eshte e gjitha - dua te besoj se ky eshte fillimi, apo jo?!

 

[abs]

Re: Pjese nga Ditari qe nuk mbaj...

nje `pjesez` ditari nga dje...

...,"nuk kam frike nga vdekja, simbas meje aty mbaron gjithcka", e tjerë e tjerë..., kishte thene 87vjecari ne intervisten e bere nga ca te rinj para tre muajsh...i cili tashme ishte operu per te treten here ne zemer...shtrihej ne krevat kur publiku shijonte premieren, e duartrokisin per pergjigjet plot humor e mencuri...
Mrame u mblodhem ne shtepine e tij dhe pame filmin.
Lotet e tij s permbaheshin nga ngasherimi.
Her pas here me te shoqen, shoqeronte kengen qe kendohej po nga ato ne film, e qante me ngasherim.
"Jam i magjepsur nga kjo Ndienj qe me dhuaruat, nje Falenderim te madh, se kam menduar ndonjehre se do ndiej kaq lumturi me moshat kaq te reja, dua te jetoj, dua t ju shoh perseri, ich bin auch dein Kind A"...thoshte...
oh Gott, ishte nje moment shume emocionale...
"Gruaja ime eshte e mrekullushme tha, 57 vjet jemi bashke, 57 vjet eshte shoqeruesja ime me e mire, ate nate qe ka mbet shtatzane per here te pare kurre se harroj, te gjitha qelqurinat dhe pikturat ne mure kane levize, ka qene data 13"...thoshte i mrekulluar dhe i magjepsur nga ajo qe ndiente...


---------------------
..., jeta dhe mrekullite e saj,sa shume ka per te gjetur...

 

[Dua]

Re: Pjese nga Ditari qe nuk mbaj...

Do You know I exist? Have You been born yet? Are you alive??? Keto fjale po me sillen neper koke sot. Me to rashe ne gjume, bashke me to u zgjova.

Pse u desht ta degjoja. Pse??? E tekefundit si mos ta degjoja, shikoja, kur po me thoshte dicka te dhimbshme duke me buzeqeshur.

D.

 

[Danae]

Re: Pjese nga Ditari qe nuk mbaj...

Siene 15/12/2003
I mahnitshem ish perendimi sonte ashtu si e gjithe dita ish e mahniteshme,ashtu si cdo rreze dielli ish e gezueshme,ashtu si era e ftohte ish aq e befte mbi fytyren time.
Kam ecur me koken lart duke u perpjekur te ruaj ne memorie cdo tulle te copetuar te cdo ngjyre,cdo ballkon me lule,e cdo terrace,cdo pamje te s.francescos,cdo kopesht brenda pallateve.
Sot kam ndjekur eren,diellin,zerin e zemres sime.Nuk e di se sa kohe do jem ketu,nuk e di as se ku do shkoj neser,po pyetjet nuk do i bej sot.
Pushimet e mia kane filluar qe ne oret e para te dites se sotme,dhe provimi i neserm thjesht me duket nje detyre qe do perballoj shume larg,te sotmen e kam jetuar intensivisht nga deshira te mos di per neser,nga deshira te mos kujtoj asgje nga e djeshmja,te sotmen e kam jetuar qe ta memorizoj,e ta kthej sa here do me marre malli per nje nga qytetet me te bukura ne bote.
Te sotmen e kam jetuar me bindjen se dua te shetit gjithe boten,duke menduar se pak nga pak kam filluar.endacake

 

[Dua]

Re: Pjese nga Ditari qe nuk mbaj...

Dhe ja prape une. Ajo e vjetra. Ajo qe vrapon, vrapon dhe vrapon duke u frikesuar qe jeta iken, nuk te pret. Duke u munduar mos ta leshoje asnje moment te saj. Vrap, vrap, vrap...po ku? S'eshte me rendesi caku, por udhetimi. /pf/images/graemlins/smile.gif

D.

 

[moonlight]

Re: Pjese nga Ditari qe nuk mbaj...

Mbreme pata nje enderr. Aspak e cuditshme duke patur parasysh cuditshmerine e natyrshme te endrrave ne pergjithsi. Isha ne Gjermani... se c'kisha veshur nje si tip carcafi roz qe me pengonte tek ecja... Ia mbylla syte tek nuk pipetija shokut tim te femijerise. "Gjeje kush jam" i thashe. Ai u hodh ne kembe, zgurdulloi syte bojqielli dhe ndenjem te dy te heshtur me nje buzeqeshje dridhese tejet emocionale. Ne syte e tij te lengshem pashe veten. U trondita prej imazhit tim tejet te bukur, shume me te bukur se vetja ime e zakonshme jashte iluzionit te endres. Fillova te qaj tek dilja prej pavetedijes ... ai zgjaste duart i gjunjezuar duke thirrur emrin tim si i marre ne mes te plazes se qytetit. Me nje ndergjegjje disi te turbullt arrita ta terheq mendimin kundrejt realizimit te ndjenjes fatale te zhgenjimit. "Kot nuk i thojne ender de"! Sidoqofte, do te doja te me shikonte ashtu sic jam e te me kerkonte pa me marre kurre me. S'na lejohet.
Ne enderrr ama ...
Dua te flej!

 

[Rrapatushja]

Re: Pjese nga Ditari qe nuk mbaj...

Mu kujtua njehere si veshtrimet na u ndeshen jashte hollit te madh te kishes. Brenda gjemonte, ndersa une rrotulloja ne dhembe nje cigare qe s'kisha ndermend ta pija.Djali qe kisha prane s'mi lakmonte me buzet, dhe veshtronte afrimin tend me hidherim. Por ti vetem buzeqeshje, me puthe ne faqe dhe me premtove se do te vije te me coje ne shtepi me vone. Sa i bute qe je gjithmone me mua. Te dua shume vellacko.

 

[alinos]

Re: Pjese nga Ditari qe nuk mbaj...

Data 13 janar 2004

Nje dite e paharruar per te. Cdo gje ishte e perkryer. Shpresojme qe fati do te aplikoje formulen "fillimi i mbare, gjysma e punes."
Nje pjese e imja gezon pa mase per ty, ndersa pjeset e tjera rrine e veshtrojne. Me kane humbur fjalet, shpresoj te mos me shterin ndjenjat...

 

[edda]

Re: Pjese nga Ditari qe nuk mbaj...

Sa e çuditshme eshte jeta, sapo ti i ve gjerat ne terezi dhe thua e kenaqur "me mire se kaq prishet" pikerisht atehere ndodh diçka e re apo befas dalin disa historira te vjetra dhe ti e ndjen veten perseri ne udhekryq. E po dreq o pune! Mendoja se i kisha dhene njefare drejtimi jetes sime. "Dua te jem femer, nene dhe grua e mire" - kete i thoja vetes dhe miqve shume here - dhe ne njefare menyre kete ekuiliber e kam arritur, kam ndertuar nje familje bej nje pune qe me jep shume sodisfaksione sepse bej ate qe dua te bej me te vertete ne jete: te ndihmoj ata qe kane nevoje per ndihme por u bene disa kohe qe nga fundi i sirtarit ka dale me vrull nje enderr e vjeter qe me gjemon ne tru me te njejten force dhe ritem te pikave te ujit qe dalin prej rubinetit te pambyllur mire.
Nje restorant shqiptar pikerisht ne zemer te Alto Adiges – pazza idea?!?! Mahh, chi lo sa … può darsi che sia un successo …o può darsi che mi ci vedrò un bel giorno piena di debiti dhe do te me duhet te marr seriozisht Mario-n qe kerkon disperatamente un albanese per far una rapina in Banca d'Italia /pf/images/graemlins/laugh.gif ….Shume pro dhe shume kundra me gumezhijne ne koke. Sikur gjithçka te shkoje mbare a do te jem e zonja te ruaje kete ekuiliber qe kam gjetur apo do ti jepem me mish e me shpirt kesa endrre duke kaluar gjithçka tjeter ne plan te dyre??

 

[Dua]

Re: Pjese nga Ditari qe nuk mbaj...

Kete here do shkruaj pjese nga ditari qe mbaj.

...qe me shkaravisin mendjen gjate dites, t'i ve ne leter, cdo mbremje. Se ashtu keshtu mua me merr malli te shkruaj me laps...te mos harrojme qe ne me t'vertete jemi njerez te shekullit 21, te nje shekulli me avancim shkencor e teknik marramendes. Por, jam edhe femije i nje kohe mosmekeq, te nje kohe kur kishim vetem nga nje laps dhe fletore me vete, disa shiltes (sfungjere) asnjehere te mjaftueshme, nje tabele shkrimi dhe shkumes, eh se perpak harrova edhe stufen gjate dimrit qe s'bente pune hic. E pra, pranadaj me merr malli te shkruaj me laps e jo me kompjuter, te merrem me "gjera te vogla" per disa, por aq nostalgjike e te rendesishme per mua " femijen e kohes se lapsit dhe shiltes". E po shkruaj e po kenaqem....ne laps.

D.

 

[Kordelja]

Re: Pjese nga Ditari qe nuk mbaj...

As nuk e di fare sa eshte data sot, cudi per be shume cudi per tipin tim extremisht te programuar. Nuk e kisha programuar kete moment, erdhi dhe une nuk e ndal dot por as e perballoj dot. U pashe disa here ne pasqyre sot nese isha une-une, nuk mu mbush fort mendja por me sa duket perderisa jam po une ajo qe arsyetoj, me siguri duhet te isha une ne pasqyre. Nuk perdorim ne cdo gjendje rregullen e treshit, kete here te pakten u rrezua rregulli. S'e di...s'di...

 

[Kordelja]

Re: Pjese nga Ditari qe nuk mbaj...

P.s.E megjithate ditar nuk mbaj.

 

[true confidental]

Re: Pjese nga Ditari qe nuk mbaj...

Kur isha ende “e vogel”, dija ti gjeja cdo dite nje kuptim, here real e here te frymezuar nga fantazia ime. Dhe asnje dite nuk ishte e njejte me tjetren, dhe cdo faqe ditari ishte nje kapitull i ri.
Sot kam nje boshllek idesh e sado qe u kundervihem me krijojne nje gjendje pezull, nuk eshte fluturim, as ndjenje dehjeje, eshte thjesht nje mungese e zgjatur ……….
Dhe cdo dite perserit tjetren e une perserit vetveten.