Lutje

G

godfather

Primus registratum
Re: Lutje

Zot, kur kam urí,
më nep ndokend qì ka nevojë me u ushqye;

kur kam etje,
më dërgo ndokend qì ka nevojë me pi;

kur kam të ftoftë,
me dërgo ndokend me e ngrofë;

kur kam nji keqardhje,
më dhuro ndokend me ngushllue;

kur barra jeme t'bâhet e rânde,
më bân me da barren e nji tjetrit;

kur jam i vorfen,
më udhëhiq te ndonji nevojtar;

kur nuk kam kohë,
më nep ndokend me ndihmue per do çaste;

kur jam i fyem,
bân qì un me pâsë dikend me levdue;

kur jam i ligshtuem,
më dërgo ndokend me i dhânë zemer;

kur kam nevojë per mirkuptimin e tjerve,
më nep ndokend qì ka nevojë per têmin;

kur kam nevojë qì te kujdesen per mue,
më dërgo ndokend per të cilin me u kujdesë;

kur mendoj vetem per vedi,
terhiq vemêndjen tême mbi nji tjeter njerí.


Nënë Tereza
 

Guest
Re: Lutje

...Kur te jem vetem
dergome te lutem, ate qe dua..

Kur te jesh i merzitur,
Do dergoj une, buzeqeshje ne buzet e tua..

Kur te kesh ftohte,
Eja ketu, e ngrohu tek mua.. /pf/images/graemlins/wink.gif
 
Kondrapedali

Kondrapedali

Kondrapedali
Re: Lutje

images
/pf/images/graemlins/laugh.gif
 

Guest
Re: Lutje

Dua te bej nje lutje per te te kujtuar te gjithe ata femijet qe nuk do perqafojne prinderit e tyre sonte; ate prinder qe sdo u japin naten e mire femijeve te tyre; ato gra qe sdo kene prane bashkeshortet e tyre ; ato vajza qe nuk do perqafohen nga perqafimi i ngrohte e te dashurve te tyre; ata shoke qe nuk do marrin keshillen e mikut te tyre me te mire; per jeten e atyre te rinjeve qe nuk do i shohin enderrat e tyre te realizuara....per cdo pasoja qe sjell lufta o Zot te lutem.
Kujdesu ti per cdo pasoje te saj dhe be te mundur qe te mbreteroje paqja si ne qiell ashtu edhe ne toke.

te lutem! /pf/images/graemlins/smile.gif
 
R

Rambla

Primus registratum
Re: Lutje

Nese ti ekziston me verte prap nuk te drejtohem ty. edhe nese ben mrekullira (qe s'besoj..) kjo eshte e mundshme dhe per njerezit:

içik me pak solidaritet dhe içik me shume sinqeritet mundesisht.
 
A

Anna O.

Primus registratum
Re: Lutje

I lutem vetes te mos nxitohet! Te jete me e bute e me e drejte me mua dhe te me qendroje prane denjesisht. Te mos largohet neper kthina mendimesh ngaterrestare, mos trazoje me dashje ne te shkuaren time, mos behet pre e kurtheve te ndjenjave, te pakten jo e atyre kurtheve ku ra dikur! I lutem te jete moskokcarese ndaj kotesive, te qendroje larg njerezve te kote, te shohe qarte, dhe mbi te gjitha te mos mjaftohet me kuptimin e gjithckaje por te dije te veproje ne te miren time! Dhe dicka te fundit, te mesoje kohen e ardhme te foljeve ne shqip!
 
P

Princesha

Primus registratum
Re: Lutje

Flm per te gjitha gjerat qe me ke dhan o Zoti im, edhe per te gjitha deshirat qe mi ke plotesu dhe vazhdon te mi plotesosh...

Te lutem mi fal edhe fajet, jam e lumtur qe te kam ty afer gjithmon :angel:
 
P

Pipi

Primus registratum
Re: Lutje

I LUTEM ZOTIT ME ME DHANE KURAJON QE TE MOS KTHEHEM PRAPA NE KOHE. TE MOS BIE PRE E ASAJ QE VAZHDOJ T'NDJEJ, POR QE E DI QE DO ME BEJE TE HUMBAS ENDRRAT. :wub:
 
T

treshi

Primus registratum
Re: Lutje

Frikacak'e skam ik akoma /pf/images/graemlins/wink.gif

po jam shume kshu /pf/images/graemlins/frown.gif
 

Guest
Re: Lutje

Nuk te lutem o Zot per ate cfare s´kam,por te them Faleminderit,per cfare kam.. /pf/images/graemlins/wink.gif

Gezuar Pashket!!
 

Guest
Re: Lutje

Dëshira

Zot!
Sot
Jam,
Kam,
Shoh,
Njoh,
Rronj,
Shkonj;
Kam gas
Dhe flas
E them
Të kem
Ditë,
Dritë,
Jetë,
Vetë,
Ah, dua,
Që thua,
Të mos vdes,
Po të mbes
Përjetë
Të ketë
Shpirti im
Pa mundim
Shëndenë
Të jenë
Me mua
Sa dua.
Sonte jam gjall',
E jam mirë,
Po kam dhe mall
E dëshirë,
Zot i vërtetë
I gjithësisë!
Të rronj përjetë
Ndaj njerëzisë!
Ti ke në dorë,
Çdo gjë që të duash;
Nukë je i gjorë,
Arrin që të thuash;
Pa bëhenë gjithë ç'dua,
Po të më dëgjosh mua,
Le të bëhetë thua,
Dhe gjithë janë bërë!
Atë që thua ti vetë,
Zot i math e i vërtetë!
Ajo bënetë në jetë,
Edhe mbaronet' e tërë!
Ti epi jetë njerëzisë,
Shto e beko dhe bagëtinë,
Se ti je Zot' i gjithësisë,
Në dorëz' e ke mirësinë
Njerëzis' epi jetë të gjatë,
Mundimet fare nga jeta ngreji,
Djepinë shkret' e lugënë thatë
Mos e shih kurrë, po mbushur leri.
Fal
Dhe ep
Gjithë ç'ke
Nga të mirat,
E të pështirat
Hidhi këtje,
A vari më ndonjë grep,
A mbuloji më ndonjë mal,
E lërë vetëm mirësitë,
Fal edhe dritë e jet' e ditë
Le të prehet gjithë njerëzija
E të mos ketë kurrë të këqija;
Ligësitë, djallëzitë e marrëzitë
Le të mos rrojnë paskëtaj edhe një ditë
Veç mirësija në këtë jetë të mbretëronjë,
Urdhëri yt, puna jote, Zotth' i math e i vërtetë,
E v^ërteta le të rronjë, gënjeshtra le të pushonjë
Bëj si të duash, ç'të them unë Zot i vërtetë? Ti e di vetë!
 
P

papucja

Primus registratum
Re: Lutje

Zot, ne me degjon,
me jep drite te shikoj,
e c'te shoh mos ta harroj,
Me shendet e gjate te rroj,
nipa mbesa perreth meje,
e me buze ne gaz te shkoj.
Te dua nene e babane,
motren e vellane,
te gjithe njerezit anembane.
Te ndihmoj me c'te mundem,
kedo qe ka nevoje per mua,
te dua e te dashuroj,
zemren kujt mos t'ia lendoj,
se c'ben e c'jep ne kte jete
do te marresh ne te vertete.
Zot, aty je, a me degjon
kam nje brenge s'di me beson,
jeta qenka plot mundime,
e ka lodhur zemren time,
here me fjale here me veprime.
Nuk e di nga t'ia filloj,
ndoshta qe femi besoj,
kisha endrra plane shume,
qe kane rrjedhur si nje lume,
jane zhdukur pa lene gjurme.
Dhe tani kur e mendoj,
falme Zot, por tanime,
une me nuk enderroj,
vec punoj, degjoj, shikoj.
Me jep force dhe kurajo,
cdo mundim ta kapercej,
me jep gaz e me jep lote
cdo dhimbje e gezim ta ndjej,
me jep drite per sy e mendje,
te shoh mire e me endje,
por mbi te gjitha Zot,
me jep endrra, endrra plot.
 
You must log in or register to reply here.
Top