Kush e lufton korrupsionin?

[komino]

Re: Kush e lufton korrupsionin?

Arrestohet me para në duar, kryetari i komunës së Golemit, Demir Lika. Pranga edhe ish-zyrtarit të Turizmit

Korrupsioni, pranga zyrtarëve të PD

Policia, kurth Likës në momentin e shkëmbimit të parave, në këmbim të një leje ndërtimi

Dashamir Biçaku

TIRANE- Arrestohet për mitmarrje, kryetari i komunës së Golemit në Kavajë, Demir Lika, si dhe ish- drejtori i Politikave të Zhvillimit në Ministrinë e Turizmit, Arben Golemi. Aksioni për arrestimin e përfaqësuesit vendor të Partisë Demokratike në zonën turistike të Golemit kishte ditë që përgatitej, pas informacioneve të mbërritura në polici e që e akuzonin atë për dhënien e lejeve të ndërtimit kundrejt shumave të majme të parave. Kurthi i ngritur nga policia e Kavajës ka rezultuar aq i suksesshëm, saqë e ka çuar kryetarin e komunës me plot para në duar drejt prangave. Lajmin e arrestimit të Demir Likës e dha për mediat ministri i Brendshëm, Sokol Olldashi, gjatë një deklarate të shkurtër shtypi. “Dua t’u njoftoj fare shkurt. Policia ka arrestuar kryetarin e komunës së Golemit në Kavajë, Demir Likën, me akuzën e korrupsionit. Ai është kapur në flagrancë, ndërsa policia i ka bllokuar atij një sasi prej 17 mijë e 70 eurosh, 10 milionë lekësh dhe 3 mijë dollarësh”,- tha Olldashi në deklaratën e tij. Burime nga Ministria e Brendshme pohojnë se për akuza të ngjashme është arrestuar dje edhe i dorëhequri prej një muaji nga Ministria e Turizmit, Arben Golemi.
Denoncimi
Demir Lika, përfaqësues i Partisë Demokratike, u zgjodh kryetar i komunës së Golemit në zgjedhjet vendore të vitit 2003, por për arrestimin e tij, ministri Olldashi nuk ka hezituar të falenderojë punonjësit e policisë që i vunë prangat me akuzën e korrupsionit. Burime nga Ministria e Brendshme pohojnë se çështja që e çoi atë në pranga ka lidhje me dhënien e një lejes së ndërtimit të një rruge drejt një fshati turistik në Golem. Bëhet me dije se kryetari i Komunës kishte refuzuar prej muajsh firmosjen e lejes, pa futur në xhep një shumë të mirë parash. Duket se i interesuari për rrugën e ka parë më të volitshme t’i drejtohej policisë, sesa të paguante “gjobën” e caktuar për marrjen e lejes së ndërtimit. Paraditen e djeshme, i “dirigjuar” nga drejtues të policisë ai ka simuluar një shkëmbim parash me kryetarin e Komunës e në momentin që ky i fundit ka marrë në dorë paratë i janë vënë prangat. Burimet e mësipërme pohojnë se në këtë çështje është implikuar edhe drejtori i para një muaji i Politikave të Zhvillimit në Ministrinë e Turizmit, i cili është arrestuar pasditen e djeshme.
Të implikuarit
Mësohet në këtë çështje mitmarrjeje janë implikuar edhe dy persona të tjerë, të cilët po hetohen nga sektori i Antikrimit Ekonomik. Menjëherë pas kapjes në kushtet e flagrancës, Lika është dërguar në ambientet e drejtorisë së Tiranës, ku edhe është izoluar. Pak orë më vonë mësohet të ketë mbërritur edhe ish- drejtori në Ministrinë e Turizmit, Arben Golemi, i cili është marrë në pyetje në lidhje me rastin e denoncuar të mitmarrjes. Sipas burimeve të policisë, ka pasur vazhdimisht ankesa se Lika kërkonte ryshfet në shkëmbim të lejeve të ndryshme të ndërtimit në zonën e lakmuar të Golemit. Hetuesit e çështjes dyshojnë se në këtë aferë korruptive ishin të implikuar përveç tij edhe Arben Golemi e dy zyrtarë të tjerë, të cilët pritet të arrestohen ditët e ardhshme. “Ujdia” e tyre për ndarjen e fitimeve duket se ka ecur mjaft mirë, deri në momentin që njëri prej investitorëve ka denoncuar në polici se mund ta ndërtonte rrugën, vetëm nëse do paguante mjaft para për të kënaqur “xhepat” e të arrestuarve të djeshëm. Agjentët e Antikrimit Ekonomik po punojnë tashmë për të grumbulluar të tjera të dhëna, në lidhje me korrupsionin e dhënies së lejeve të ndërtimit në zonën e Golemit.

KODI

Mitmarrja, zyrtarët rrezikojnë 12 vjet burg

TIRANË- Menjëherë pasi janë shoqëruar në ambientet e policisë së Tiranës, dy ish- funkisonarët në nivel vendor dhe qendror janë përballur me akuzën e mitmarrjes dhe të korrupsionit. Të dy personat e mësipërm, sipas burimeve të policisë, akuzohen për marrje ryshfeti me anë të shpërdorimit të detyrës. Vepra e mësipërme, sipas burimeve është kryer në bashkëpunim edhe me së paku dy persona të tjerë të shpallur tashmë në kërkim nga policia, për të njëjtën vepër penale. Të gjithë personat e mësipërm në bazë të nenit 260 të Kodit Penal të Republikës së Shqipërisë rrezikojnë të dënohen deri në 12 vjet burg, që është edhe kufiri maksimal i këtij krimi. Arrestimi i Demir Likës dhe Arben Golemit u krye pas një denoncimi të mbërritur në polici e ku ata akuzoheshin se kishin kërkuar ryshfet për dhënien e një leje ndërtimi për një rrugë që do të lehtësonte kalimin e makinave drejt një fshati turistik.




02/06/2006
KATEGORIA: Kronike nga Tirana


www.shekulli.com.al

 

[komino]

Re: Kush e lufton korrupsionin?

kane filluar te kerkohen "koka turku"

gjithsesi lufta ndaj korrupsionit te madh mbetet ne dore te personave potencialisht te korruptueshem

 

[komino]

Re: Kush e lufton korrupsionin?

Prokurim i drejtëpërdrejtë për ujësjellësat, 1 milionë USD firmave të Berishës
Tiranë- Plot 1 milion dollarë janë prokuruar në mënyrë të drejtpërdrejtë për ujësjellësa duke u lënë në dorë të firmave pranë Partisë Demokratike. Vendimi për këto prokurime nuk është bërë publik në asnjë prej mbledhjeve transparente të qeverisë, por ka kaluar nga një ministër tek tjetri për të marrë firmën dhe për t'u quajtur pas kësaj si i miratuar. Gazeta do të sjellë sot vendimin për prokurim të drejtpërdrejtë të 1 milion dollarëve për ujësjellësa në zonat bregdetare, kalur në firma të njerëzve pranë qeverisë. Pikërisht për këtë arsye, prokurimet janë vonuar deri në këtë periudhë për t'u cilësuar si urgjente dhe për t'u bërë në mënyrë të drejtpërdrejtë. Ky lloj prokurimi ishte kundërshtuar dhe quajtur si aferë korruptive nga opozita e dikurshme që sot qeveris vendin. Dhe sidomos nga ministri i Punëve Publike, Lulzim Basha, në kohën kur ishte një orator i mirë në Komitetin e Orientimit të Politikave. Qeveria është përpjekur ta kalojë këtë fakt heshtur, pa e bërë publik, por njëkohësisht pa lënë pa shpërblim me dhjetëra firma që drejtohen nga njerëz pranë kabinetit. Një pjesë e ketyre firmave rradhiten në listën e financuesve zyrtarë të fushatës zgjedhore për Partinë Demokratike. Në të njëjtën kohë, duke përzgjedhur këto firma, paratë që arrijnë në shifra të konsiderueshme arrijnë përmes tyre edhe njëherë në xhepat e qeverisë. Vendimi për prokurim të drejtpërdrejtë i disa ujësjellësave në zonat bregdetare të vendit nuk është bërë publik as në mbledhjet e qeverisë, as në njoftimet për shtyp të ministrisë së Punëve Publike dhe as në njoftimet zyrtare të Agjencisë të Privatizimeve Publike. Pak kohë më parë, qe kryeministri që thirri për urgjencën e një ujësjellësi në qytetin e Durrësit, si një prej qyteteve bregdetare më të mëdha të vendit. Kjo urgjencë mori formën e një thirrjeje për firmat për tender ndërkombëtar dhe përfundimisht turistët në këtë zonë do të përballen edhe këtë sezon turistik me shumë probleme përsa i përket furnizimit me ujë të pijshëm, që ishte premtuar për 24 orë rresht nga qeveria që në 100 ditëshin e parë të saj. Kjo ishte sa për shfaqjen e rradhës, sepse pjesa tjetër është bërë fshehur duke favorizuar gjithë firmat të lidhura me interesa financiare me qeverinë.

Premtimi i harruar:Asnjë prokurim i drejtëpërdrejt

Tiranë- Pak kohë pasi kishin premtuar se nuk do të bënin asnjë prokurim publik të drejtpërdrejtë, qeveria ndërmori kushedi të satin vendim. Pas blerjes së energjisë elektrike, me pretendimin se bëhej në kushtet e urgjencës, qeveria po përdor të njëjtat arsye për të prokuruar në mënyrë të drejtpërdrejtë edhe ujësjellësat. Përvec kryeministrit që deklaroi se do ta fshinte njëherë e mirë këtë praktikë, duke e cilësuar si një nga mënyrat më korruptive të bëra nga qeveria e mëparshme për të shtuar përfitimet e saj edhe vetë ministri ka mbështetur të njëjtën ide. Në një prej fjalimeve të shumta të tij përpara KOP, Basha ka përsëritur se prokurimi i drejtpërdrejtë nuk do të jetë më mënyra e realizimit të investimeve. Që nga nëntori i këtij viti, qeveria ka blerë më shumë se 10 herë energji më prokurim të drejtpërdrejtë, duke zgjedhur cmimet më të kripura dhe në të njëjtën kohë duke pretenduar se po blinte lirë. Nuk mjaftoi kjo, por u desh edhe ndryshimi i ligjit të prokurimeve dhe heqja e fondit limit, me justifikimin se bëhej për shmangien e dështimit të tenderave të energjisë. Ashtu si u duk në të gjitha blerjet e bëra, qëllimi i vetëm ishte përfitimi në kurriz të taksapaguesve shqiptarë që blenë me paratë e tyre errësirën e plotë.

Firmat pranë Berishës,lekë sërisht në xhepat e Qeverisë

Tiranë- Vendimi për të prokuruar në mënyrë të drejtpërdrejtë 1 milion dollarë për firma pranë njerëzve të qeverisë, nuk është vetëm një shpërblim për to. Përmes këtij prokurimi, bëhet e mundur që gjithë paratë e investimit të konsiderueshëm të kthehen edhe njëherë në xhepat e zyrtarëve, duke filluar nga kryeministri dhe gjithë ministrat me rradhë. Ky ka qenë qëllimi i vetëm i prokurimit të drejtpërdrejtë të ujësjellësave në zonën bregdetare. As mbajtja e premtimit për furnizim 24 orë me ujë të pijshëm për bregdetin dhe as preokupimi i qeverisë për të krijuar kushtet më të mira për sezonin turistik. Bëhet fjalë për shuma të mëdha parash, 1 milion dollarë që qeveria nuk mund ta lërë t'i shpëtojë nga duart. Nëse firmat që do të realizojnë investimet e plota apo të pjesshme për ujësjellësat drejtohen nga njerëz të afërt me qeverinë, apo mundësisht që bëjnë pjesë në listën e financuesve të Partisë Demokratike skema është mëse e qartë dhe e sigurt. Qeverisë vetëm sa i takon t'i hapë rrugë këtij prokurimi miliona dollarësh, qoftë edhe fshehurazi për firmat e besuara dhe pas kësaj destinacioni i parave në kthim është i sigurt; edhe njëherë në xhepat e qeveritarëve.

Nuk ka më urgjencë për ujësjellësat

Pavarsisht mënyrave antiligjore që po ndjek qeveria, nuk mund të vazhdojë të pretendojë se këto bëhen për shkak të interesave "urgjente" për të siguruar ujë të pijshëm 24 orë për këtë sezon turistik. Kjo për faktin se nëse qeveria ka filluar të shqetësohet vetëm në fillim të qershorit për të hapur fazën e prokurimit të drejtpërdrejtë, do të duhen të paktën dy muaj të tjerë për procedurat dhe ca më shumë akoma për të filluar punimet deri në përfundimin e tyre. Në këtë mënyrë është e sigurt se në asnjë prej zonave turistike të vendit, nuk do të ketë një ujësjellës të ri gjatë sezonit prej atyre që kanë deklaruar me kaq "urgjencë" qeveritarët. Faza urgjente është djegur njëherë e mirë që me fillimin e sezonit të këtij viti, kur puna e qeverisë rezultonte zero në këtë drejtim. Duket se kjo nuk mund të jetë tjetër vecse demagogji, sepse punimet për një ujësjellës nuk mund të zgjasin vetëm 5 muaj, nëse nuk bëhet fjalë për një investim që do të jetë tërësisht jashtë pune për pak kohë. Kjo do të thotë se si në këtë zonë ku filluan punimet për ujësjellësin e ri, ashtu edhe tek zonat e tjera për të cilat qeveria nuk e ka akoma një plan, sezoni turistik i këtij viti do të jetë sërisht me pobleme për ujin e pijshëm. Mesa duket uji do të mungojë dhe as energjia elektrike nuk është më e sigurt. Kjo është thyerja e një tjetër premtimi, prej atyre që u përmendën aq shpesh sa u duk se ishin gjëja më e thjeshtë për t'u realizuar. Në fakt, pas 100 ditëve të famshme të qeverisjes bilanci është vetëm një ujësjellës dhe ky sapo ka nisur nga ndërtimi.www.zeripopullit.com

----------------------------------------------

lajmi vjen nga zp se burimi normal i web site te kryeministrise nuk e permban

Ne fakt shpesh here kryeministria nuk i publikon ne seksionin (akte te qeverise) disa vendime te saj sic ndodhim pak kohe me pare me ndryshimin e ligjit per buonot e privatizimit (qe u rifuten ne loje duke i shtyre afatin)

 

[komino]

Re: Kush e lufton korrupsionin?

www.shekulli.com.al

Është miratuar procedura prokurim i drejtpërdrejtë për ujësjellës në zonën e Durrësit dhe Kavajës

Qeveria, prokurim të drejtpërdrejtë për 7 projekte


F. P

TIRANË- Nevoja për ndërtimin dhe përmirësimin sa më të shpejtë të disa pjesëve infrastrukturore në zonën e plazhit, ka detyruar qeverisën që të miratojë me prokurim të drejtpërdrejtë 7 projekte infrastrukturore. Stavri Ristani, zëvendësministër i Punëve Publike, Transportit dhe Telekomunikacionit, ka bërë të ditur dje se situata në zonën Durrës-Kavajë paraqitet shumë alarmante dhe për këtë arsye është kërkuar një ndërhyrje e shpejtë. Sipas tij, menjëherë janë bërë projektet dhe më pas i është kërkuar qeverisë dhe APP-së procedura prokurim i drejtpërdrejtë, me qëllim që projektet të mbarojnë brenda këtij muaji. “Situata e trashëguar nga qeverisja e mëparshme është katastrofike dhe e ka transformuar zonën Durrës-Kavajë në zonë emergjence. Për t’i paraprirë zgjidhjes emergjente të kësaj situate për verën e vitit 2006, gjatë 5 muajve të parë të këtij viti u punua me intensitet për hartimin e projekteve emergjente deri në nivel projekt-zbatimi për zonën Durrës - Kavajë. Menjëherë pas përfundimit të projekteve u kërkua nga Agjencia e Prokurimit Publik dhe Këshilli i Ministrave aprovimi i procedurës së prokurimit të drejtpërdrejtë, në mënyrë që efekti i këtyre ndërhyrjeve emergjente të ndihet gjatë sezonit turistik 2006. Zonat e ndërhyrjes janë të shpërndara në 7 lote të veçanta, me vlera që variojnë nga 9 milionë lekë deri në 22 milionë lekë. Zbatimi i projekteve nuk bëhet nga 1, as 2, as 3, por 7 kompani të ndryshme, ku secila prej tyre ka vetëm një kontratë. Afati i përfundimit te punimeve është 25 qershori”, - tha dje Ristani. Zëvendësministri ka akuzuar qeverinë e mëparshme për krijimin e një situate katastrofike dhe ka kërkuar që të mirëkuptohen këto ndërmarrje të qeverisë së tanishme. “Dua të ritheksoj se është e papranueshme që tani që qeveria po i jep zgjidhje problemit të emergjencës së ujit të pijshëm të Durrësit dhe të zonës së plazhit, shkaktarët e kësaj situate ngrenë zërin për abuzime në mënyrën e zgjidhjes së problemit. Është ironike që ata që nuk dhanë zgjidhje për 8 vjet me radhë sot iu bien bilbilave duke tentuar që të ndalojnë proceset”, - u shpreh Ristani.

1-Përmirësimi i furnizimit me ujë, lagjja 14 dhe nënstacioni Shkozet, lagjja 13 Plazh- Durrës, puset te Përroi Agait, dhe sistemimet te “Ura e Dajlanit“, 8 683 mijë lekë
2 – Shkëputje dhe sistemim lidhjesh tek Ura Tones dhe lagjja nr.1, 2 Stalla Sukth, 12 289 mije lekë
3 - Shkëputje dhe sistemim lidhjesh tek Ura Trenit Erzen, zona ura e trenit – st.pompimit Xhafzotaj dhe Komuna Rrashbull, 10 247 mijë lekë
4 - Depo Nr. 4 Arapaj dhe zona plazhit Currila, 9 460 mijë lekë
5- Sistemim linjash dhe vendosje kontratorë uji në hotelet e plazhit Durrës, 8 251 mijë lekë
6 - Ujësjellësi Porto-Romano, ndërhyrje emergjente, 13 613 mijë lekë
7 – Ndërtim Ujësjellës-Kanalizime në lagjen 18, Durrës, 21 873 mijë lekë

Projekti i Emergjencës për zonën e Plazhit Durrës është ndarë në 7 lote për të bërë të mundur përfundimin e tyre në fund të qershorit 2006. Është e pamundur praktikisht që me volumet e punimeve të këtij projekti, me shtrirjen e gjerë të nenobjekteve si dhe numrin e madh të tyre, të mund të realizoheshin duke e prokuruar si një të tërë.




08/06/2006
KATEGORIA: Ekonomi

 

[komino]

Re: Kush e lufton korrupsionin?

V E N D I M

PËR

LEJIMIN E MINISTRISË SË EKONOMISË, TREGTISË DHE ENERGJETIKËS, TË PËRDORË PROCEDURËN “PROKURIM I DREJTPËRDREJTË”, PËR MARRJEN E SHËRBIMEVE TË KËSHILLIMIT DHE PËR NJË SHTESË FONDI NË BUXHETIN E VITIT 2006, MIRATUAR PËR KËTË MINISTRI


Në mbështetje të nenit 100 të Kushtetutës, të pikave 3 e 5, të nenit 17, të ligjit nr.7971, datë 26.7.1995, “Për prokurimin publik”, të ndryshuar, të neneve 21 e 27, të ligjit nr.8379, datë 29.7.1998, “Për hartimin dhe zbatimin e buxhetit të shtetit në Republikën e Shqipërisë”, dhe të nenit 8, të ligjit nr.9464, datë 28.12.2005, “Për buxhetin e shtetit, të vitit 2006”, me propozimin e ministrit të Ekonomisë, Tregtisë dhe Energjetikës, Këshilli i Ministrave


V E N D O S I:


1. Lejimin e Ministrisë së Ekonomisë, Tregtisë dhe Energjetikës, që për fondin prej 25 000 000 (njëzet e pesë milionë) lekësh, të përdorë procedurën “Prokurim i drejtpërdrejtë”, me Korporatën Ndërkombëtare Financiare (IFC), për marrjen e këshillimit për rishikimin e legjislacionit në fushën e koncesioneve dhe forcimin e kapaciteteve institucionale, për zbatimin e tij.

2. Ministrisë së Ekonomisë, Tregtisë dhe Energjetikës, në buxhetin e miratuar për vitin 2006, t’i shtohet fondi prej 13 000 000 (trembëdhjetë milionë) lekësh, për realizimin e këtij prokurimi. Ky fond të përballohet nga fondi rezervë i Këshillit të Ministrave.

3. Ministria e Ekonomisë, Tregtisë dhe Energjetikës të parashikojë në buxhetin e vitit 2007, pjesën tjetër të fondit, të nevojshëm për realizimin e këtij prokurimi, në shumën prej 12 000 000 (dymbëdhjetë milionë) lekësh.

4. Ngarkohen Ministria e Ekonomisë, Tregtisë dhe Energjetikës dhe Ministria e Financave për zbatimin e këtij vendimi.

Ky vendim hyn në fuqi menjëherë.


K R Y E M I N I S T R I

SALI BERISHA

 

[MLK]

Re: Kush e lufton korrupsionin?

Cuditerisht, ne krye te Ministrise se Ekonomise, Tregetise dhe Energjitikes ndodhet Genc Ruli /pf/images/graemlins/laugh.gif
Kjo ministri ka ne te njeten kohe ne ngarkim dhe problemin Energjitik shqiptar i cili ndodhet aktualisht ne nje krize pa asnje lloj zgjidhje.
Nese situata eshte emergjente ne fushen e ujesjellesave, dhe Ministria e Ekonomise i kerkon Sali Berishes ti jape te drejten te proçedoje pa tender per lidhjen e kontratave atehere do te thote se diçka po leviz vendit dhe kjo qeveri e pranoka proçeduren pa tender.
Pyetja shtrohet, pse valle Genc Ruli jo vetem qe nuk kerkon nga qeveria e tij te nise negocjimet per realicimin e HEC-eve te reja si te Kalivaçit, Skavices, Bratiles apo Bushati-t por nuk u kthen asnje pergjigje kompanive koncesionare (kompani nga me te njohurat ne bote, pra skemi te bejme me me kompani greke, turke, apo nga vende bananiere).
Nuk mund te ket zhvillim me vizione te ndryshme per te njetin problem, e ketu del qarte se motori qe ben te levize Ministrine e Ekonomise nuk eshte permiresimi i gjendjes ne vend, zgjidhja e krizave por mitmarrja.

 

[annamaria]

Re: Kush e lufton korrupsionin?

Kush e lufton? E kush mund ta luftoje nese te gjithe e ushqejne?
Pak rendesi ka nese e ushqen me luge kafeje apo me luge gjelle.

 

[komino]

Re: Kush e lufton korrupsionin?

Skandali-KESH ka blerë më shtrenjtë se privatët?!
Tiranë- Korporata Elektroenergjitike Shqiptare ka blerë shumë më shtrenjtë energji edhe kur ka patur oferta të ulta në kompanitë. Ashtu si për cdo aferë tjetër që është duke bërë akoma qeveria Berisha me blerje dhe shitje, justifikimi ka qenë urgjenca për të dalë nga kriza energjitike. Por me këtë nuk mund të justifikohen miliona euro të hedhura dëm përmes edhe blerjeve jo të nevojshme. KESH ka blerë energji nga EFT të paktën disa euro më tepër për kilovatorë edhe se energjia që vinte në Shqipëri për Darfo. Nëse për këtë klient, të licencuar për të blerë energji nga vetë ERE, energjia vinte në vend me 41 euro për një kilovatorë, Korporata ka blerë nga kjo kompani edhe me 43 deri në 46.25 euro. Ky është vetëm një prej shembujve që tregon se KESH ka abuzuar me urgjencën dhe nevojën për blerje të shpejta për të dalë nga kriza energjitike. Pasi janë bërë edhe blerje të tjera nga kompani të ndryshme që kanë bërë ofertat e tyre në tenderat zyrtarë të Korporatës Elektronergjitike. Por menjëherë pas deklarimit të tenderit si të pavlefshëm dhe të dështuar për të disatën herë, KESH nuk ka nguruar të blejë energji nga po e njëjta kompani, por me një cmim disa herë më të lartë se ai i ofruar në tender. Rruga është hapur edhe përmes vendimeve të prokurimit të drejtpërdrejtë, ku palë e aferës është bërë zyrtarisht edhe vetë qeveria. Duke hequr madje edhe fondin limit, Korporata ishte e lirë të blente me cfarëdo lloj cmimi. Kjo u përdor për të justifikuar më pas të gjitha blerjet e mëparshme por edhe ato që u realizuan me shumicë më vonë. Me siguri që KESH e ka të njëjtin justifikim të gatshëm edhe për faktin se ka blerë shumë më shtrenjtë energji nga e njëjta kompani që sillte energji në Shqipëri me cmime më të ulëta për biznesin. Por meqënëse gjatë gjithë kësaj kohe, qeveria dhe KESH kanë preferuar më mirë të bëjnë blerje shumë të kripura, deri në 54 euro për megavat, nuk kanë pse të bëjnë ndryshe. Për më tepër kur shpenzimet bëhen në shërbim të daljes nga kriza energjitike dhe për t'u siguruar qytetarëve energjinë. Cmimet me të cilat ble energji Korporata me prokurim të drejtpërdrejtë është 10 euro më i lartë për megavatorë, ndërkohë që ajo mund të kishte gjetur një mesatare të ndërmjetme mes këtyre cmimeve që propozon në tender dhe atyre që i ofrohen nga kompanitë pjesmarrëse. Të paktën ky cmim mund të ishte 45 deri në 50 euro, por si gjithmonë edhe këtë paaftësi të drejtuesve të KESH për të menaxhuar gjendjen, duhet ta paguajnë qytetarët përmes faturave të stërfryra. Ashtu sic duhet të paguajnë për arkëtimet në rënie dhe asnjëherë në rritje sic është pretenduar ditët e fundit nga Korporata dhe sidomos për humbjet në rrjet, për të cilat duhet të ishin marrë masa përpara se energjia të blihej me cmime shumë më të kripura se tenderi.

Vjedhja,kontrata të lidhura me firma që s’bënin dot importin

Tiranë- Kapërcimi sa më shpejt i krizës është përdorur si justifikim nga qeveria për të zgjedhur kompanitë që ajo donte nga tenderat e dështuar të KESH për energjinë. Ato nuk u përzgjodhën në bazë të cmimit që ofronin, madje as nga mundësia për të transportuar energjinë për në Shqipëri, cka solli prishje të kontratës ende pa nisur importi dhe miliona euro penalitete të paguara nga Korporata. Kompania Interfin, akoma edhe sot e kesaj dite nuk ka depozituar ne KESH dokumentet qe deshmojne qe kjo kompani ka nje licence per tregtimin e energjise elektrike. Ky dokument ne baze te ligjit tone per prokurimin e energjise elektrike e nxjerr kete kompani te pavlefshme. Vlen te nenvizojme faktin qe te gjitha dokumentet e tjera ishin te plota. Kjo ishte arsyeja qe u konsiderua ne VKM e 30 dhjetorit me shpresen se brenda afateve ligjore kjo kompani do te paraqiste licencen. Kompania IKROS. Kompania IKROS kishte cmimin me te lire te ofruar ne kete prokurim te drejtperdrejte. Problemi kryesor i kesaj kompanie ishte gjetja e rrugeve te rtrasmetimit. Me kete kompani u realizua i njejti skenar qe paten edhe kompani te tjera me te cilat u lidhen kontratat por nuk u mundesua asnjehere marrja e energjise: Rovinari ne Rumani, Montmontaza ne Kroaci. Perpjekjet e IKROS per te sjelle energji vazhduan pa rezultat deri afersisht ne mes te muajit shkurt. Nje korrispondence e dendur ekziston ne KESH me kete kompani. Eshte arritur deri aty sa te kerkohen penalitetet per mosdelivrim te energjise.

Lul Basha,840 milionë lekë

Vetëm pak nga vendimi 1 milionë dollarësh për prokurim të drejtpërdrejtë për ujësjellësa në bregdet



Tiranë- Eshtë mjaftuar të thotë se duhet t'i bëjë punët me urgjencë sepse nuk punoi për muaj me rradhë, ndaj ka miratuar shtatë objekte me prokurim të drejtpërdrejtë. Kjo ka ndodhur pikërisht me ministrinë e Lulzim Bashës, atij që deklaronte me të madhe se nuk do të përdorte asnjëherë këtë mënyrë prokurimi, duke qenë se kjo ishte abuzive dhe një rrugë e hapur për korrupsion. Në fakt plot shtatë ujësjellësa, sisteme ujësjellësash dhe përmirësim i furnizimit me ujë që janë prokuruar në mënyrë të drejtpërdrejtë nga ministria e Punëve Publike. Kjo ka bërë të ditur vetëm objektet dhe shifrat, por nuk ka dhënë asnjë sqarim lidhur me firmat që do të administrojnë këto shuma të konsiderueshme parash. Përmirësimi i furnizimit me ujë, lagjia 14 dhe nënstacioni Shkozet, lagjia 13 Plazh- Durrës, puset te Përroi i Agait dhe sistemimet te "Ura e Dajlanit", 8683 mijë lekë. Shkëputje dhe sistemim lidhjesh tek Ura Tones dhe lagjia nr.1, 2 Stalla Sukth, 12 289 mijë lekë. Shkëputje dhe sistemim lidhjesh tek Ura Trenit Erzen, zona ura e Trenti, stacioni i pompimit Xhafzotaj dhe komuna Rrashbull, 10247 mijë lekë. Depo nr.4 Arapaj dhe zona plazhit Currila, 9460 mijë lekë. Sistemim linjash dhe vendosje kontraktorë uji në hotelet e plazhit të Durrësit, 8251 mijë lekë. Ujësjellësi Porto- Romano, ndërhyrje emergjente, 13613 mijë lekë. Ndërtim Ujësjellës- Kanalizime në lagjen 18, Durrës, 21873 mijë lekë. Në fakt, ministria ka bërë publike vetëm disa nga prokurimet e drejtpërdrejta, ndërsa të tjerat janë mbajtur të fshehura. Plot 1 milion dollarë janë prokuruar në mënyrë të drejtpërdrejtë për ujësjellësa duke u lënë në dorë të firmave pranë Partisë Demokratike. Vendimi për këto prokurime nuk është bërë publik në asnjë prej mbledhjeve transparente të qeverisë, por ka kaluar nga një ministër tek tjetri për të marrë firmën dhe për t'u quajtur pas kësaj si i miratuar. Gazeta do të sjellë sot vendimin për prokurim të drejtpërdrejtë të 1 milion dollarëve për ujësjellësa në zonat bregdetare, kalur në firma të njerëzve pranë qeverisë. Pikërisht për këtë arsye, prokurimet janë vonuar deri në këtë periudhë për t'u cilësuar si urgjente dhe për t'u bërë në mënyrë të drejtpërdrejtë.

Beso Malaj: Olldashi shpif

Tiranë- Ministri i Brendshëm, Sokol Olldashi duhet të mbajë përgjegjësi për shpifjet dhe akuzat e pabaza. Ky ka qenë reagimi i Beso Malaj, vëllai i ish ministrit të Financave, Arben Malaj, lidhur me deklarimet e dy ditëve më parë në media të ministrit. Ai e ka përmendur emrin e tij si përfitues të fabrikës së fermentimit të duhanit, përmes privatizimit, gjë që mohohet në mënyrë kategorike nga Malaj. "Nuk jam marrë kurrë gjatë këtyre 8 viteve me garat që ka bërë shteti". Beso Malaj është shprehur se është i gatshëm që të hapin të gjitha letrat dhe kanë për të parë se emri i tij nuk është as si pjesmarrës në tendera dhe as me oferta, jo më të ketë përfituar nga këto. Ai është deklaruar gjithashtu i gatshëm për t'u përballur me ministrin Olldashi në media, madje edhe përpara institucioneve kompetente. Nëse ministri i Brendshëm e ka të lehtë të akuzojë le ta provojë këtë me një dokument të vetëm që tregon përfshirjen e Beso Malaj në të tilla përfitime. Malaj është shprehur se nëse Olldashi heq dorë nga imuniteti, ai do ta kallëzojë për shpifje.

Firmat pranë Qeverisë

Tiranë- Vendimi për të prokuruar në mënyrë të drejtpërdrejtë 1 milion dollarë për firma pranë njerëzve të qeverisë bën të mundur që gjithë paratë e investimit të konsiderueshëm të kthehen edhe njëherë në xhepat e zyrtarëve, duke filluar nga kryeministri dhe gjithë ministrat me rradhë. Ky ka qenë qëllimi i vetëm i prokurimit të drejtpërdrejtë të ujësjellësave në zonën bregdetare. As mbajtja e premtimit për furnizim 24 orë me ujë të pijshëm për bregdetin dhe as preokupimi i qeverisë për të krijuar kushtet më të mira për sezonin turistik. Qeverisë vetëm sa i takon t'i hapë rrugë këtij prokurimi miliona dollarësh, qoftë edhe fshehurazi për firmat e besuara dhe pas kësaj destinacioni i parave në kthim është i sigurt; edhe njëherë në xhepat e qeveritarëve. Pavarsisht mënyrave antiligjore që po ndjek qeveria, nuk mund të vazhdojë të pretendojë se këto bëhen për shkak të interesave "urgjente" për të siguruar ujë të pijshëm 24 orë për këtë sezon turistik. Bëhet fjalë për shuma të mëdha parash, 1 milion dollarë që qeveria nuk mund ta lërë t'i shpëtojë nga duart. Nëse firmat që do të realizojnë investimet e plota apo të pjesshme për ujësjellësat drejtohen nga njerëz të afërt me qeverinë, apo mundësisht që bëjnë pjesë në listën e financuesve të Partisë Demokratike skema është mëse e qartë dhe e sigurt.wwww.zeripopullit.com

 

[MLK]

Re: Kush e lufton korrupsionin?

Fatkeqesisht gazeta Zeri i Popullit merret me propogande partiake e jo me pasqyrim te drejte dhe objektiv te situates.
Kjo ç'orienton e desinformon lexuesit dhe ne vend te qartesoje diçka e ben ate akoma me te turbullt.
Kryeredaktori i saj Erion Braçe, ka patur me vite me rradhe ne dore te botoj artikuj per te denoncuar shkeljet abuzive qe jane bere ne Kesh dhe kete se ka ber kurre.
Pra kjo gazete eshte e vetshpallur organ i PS-se dhe si e tille nuk ka asnje lloj vlere per lexuesin e thjeshte e i sherben vetem militanteve te PS.
Nese trajtoni problemin e energjise qe eshte shkrojtur ne ZP, problemi shtrohet mbrapsh e çdo njeri qe e lexon arrin ne konkluzione te gabuara.
Autori i shkrimit ose nuk mer vesh fare nga funksionimi i tregut te energjise, ose me qellim ka ber nje artikull per militantet qe ska lidhje fare me realitetin.

 

[komino]

Re: Kush e lufton korrupsionin?

sigurisht qe zp eshe gazete militantesh

por eshte edhe gazete me fonde dhe intreres te mjaftueshem per te nxjerre ne pah disa nga abuzimet qe behen qeverisje (te cilat i njohin mire se i kane bere edhe vete me pare).

Nga zp merrni lajmin dhe jo komentin (besoj se kushdo nga ju ketu eshte i afte te beje dallimin). Edhe une nuk marr vesh fare nga tregu i energjise por di qe eshte perdorur shume shpesh procedura e prokurimit te drejperdrejte dhe tani di qe rezultati ka qene cmimi relativisht me i larte. Pikerisht keto praktika cuan ne te semes qeverisjen e PS.
Edhe njehere, nga zp merrni lajmin dhe jo komentin.
Nje shembull, disa dite me pare publikuan rastin e prokurimit te drejtperdrejte ne ujesjellesa pa kaluar nga trasparenca e akteve te kryeministrit dhe per kete arsye gazetat e tjera nuk e dinin dhe menjehere me pas qeveria e hapi thesin. Zp ka interes dhe mundesi te hetoje punen e qeverise. Merrini informacionet deri ku i konsideroni si te tilla dhe jo si komente.

 

[MLK]

Re: Kush e lufton korrupsionin?

ZP deklaron se çmimi i energjise i blere nga KESH ne krahasim me çmimin e blere nga DARFO eshte disa here me i larte (ky quhet mashtrim).
Thote se KESH ka abuzuar pasi ka blere energji pa çmim limit, ky quhet desinformim, pasi KESH ishte e vetmja kompani energjitike qe nuk kishte te drejte te blinte me çmim tregu.
Si mund te blesh ne periudhe krize me çmim limit?!
Kush eshte ai budalla qe e ka shkruar kete se nuk ka as minimumin e njohjes se si funksionon nje treg energjie!
Cmimet i percakton tregu e ska si ti pêrcaktoj vetem bleresi!
Keshtu qe mos e beni propogande partish forumin, duke ber copy-paste te artikujve te organit propagandistik te PS apo te PD.
Nuk ka kuptim qe te behet Zeri Popullit bis ky forum e as RD-ja, ndryshe i humbet interesi.

 

[komino]

Re: Kush e lufton korrupsionin?

e ke gabim

interes ka sa te duash

ja psh ti na sqarove se eshte normale qe energjia te blihej me shtrenjt nga kesh se nga darfo ne nje moment te caktuar. Dime gjithashtu se gazetari i zp ka bere vetem krahasimin e cmimeve pa qene expert ne tregun energjitik dhe pa u informaur (apo duke dashur te perdore injorancen e atyre si une) po per kete duhet forumi ne fund te fundit (apo jo?)

 

[MLK]

Re: Kush e lufton korrupsionin?

Atehere nese e shohim ne kete prizem, do te ishte interesante te trajtohej te tema e mediave, pasi me teper material ka per trajtimin e tyre se sa per korrupsionin!
Nuk them se ne KESH apo anetaret e kesaj qeverie nuk vjedhin (perderi sa e kane bere kete para 7 vjetesh sma do mendja te ken ndryshuar!) Ajo qe doja te thoja ka lidhje me faktin se ne artikujt e ZP nuk ka asnje argument kredibel per te evidentuar korrupsionin!
Eshte shume kollaj te shkruash se filan fisteku... kishte komshi perballe....Vehbi Alimuçen....e dyshohet te kete dore ne ngritjen e piramidave me te!
Ne kete rast kemi te bejme me th&th qe nuk perben asnje lloj prove, megjithate gazeta merr persiper te akuzoje hapur vetem me qellim manipulimin e diskreditimin e dikujt.

 

[komino]

Re: Kush e lufton korrupsionin?

une nuk kam thene ne asnje moment se qeverisja e berishes eshte e korruptuar dhe nuk me intreson aspak c'thote ZP ne kete drejtim

Tema (kjo teme) nuk eshte nje proces penal ndaj qeverise per korrupsion por nje proces politik mbi mundesite qe qeveria i lejon zhvillimit te korrupsionit.

Perberja e task forces qe teorikisht duhet te luftoje korrusionin, zhvillimi i tenderave me prokurim te drejperdrejte, ndryshimet ne legjislacion, cmimet me te larta se te tregut blerje dhe me te uleta se te tregun ne shitjet e administrates publike etj etj jane objekt i kesaj teme.

Kam kundershtuar lehtesine me te cilen akuzohej per korrupsion pa asnje prove qeveria e meparshme dhe vazhdoj ta kundershtoj sot per qeverine aktuale.

Pra, ne kete teme, behet fjale per rruge te hapura dhe simptoma te praktikave te paqarta dhe ZP e te gjithe gazetat e tjera merren per aq sa vlejne ne kete kontekst.

Besoj se e ke vene se qe infomacionet i marr sa here qe mundem nga publikimet e kryeministrise por experienca me ka treguar (ne vecanti i referohem ndryshimit te ligjit per buonot e privatizimit) qe ndodh te mos publikohen ne ne web disa vendime (ose publikohen me vonese apo une nuk i gjej) dhe ne kete rast kemi Zp qe paguhet per te hetuar me shume se gazetat e tjera.
(lexo edhe RD per te gjetur oportunitete zhvillimi te biznesit)

 

[Leshatani]

Re: Kush e lufton korrupsionin?

... poashtu korrupsionin e lufton edhe POLICI shqiptare me shqiponje ne balle duke ua kerkuar "nje kafe" (lexo 100 £)
turistave.
kulture, kulture ...e mjera kulture...
per 100 £ polici e shet nderin ,moralin nderin dhe shqiponjen e Gjergjit.

 

[MLK]

Re: Kush e lufton korrupsionin?

Po e riperseris dhe nje here se ZP nuk ka per qellim informimin e popullit por rrjeshtimin e tin ne rradhet e PS.
E njeta gje vlen dhe per RD e nga ky moment ato qe shkruhen ne keto media duhen lexuar me shume shume kujdes.

 

[komino]

Re: Kush e lufton korrupsionin?

polici o leshatan e shet nderin edhe per 1$ e jo me per 100

Mlk, sigurisht qe duhen lexuar me shume kujdes dhe, e perseris per te disaten here, prej tyre merr lajmin dhe jo komentin.

 

[komino]

Re: Kush e lufton korrupsionin?

Nje shembull nga zp eshte ai i tenderit te ujesjellesave (as zp nuk tha gje per buonot e privatizimit se ka mundesi qe edhe socialistet te jete pregatitur te perfitojne prej tij)

Ndersa nga rd mund te sjell si shembull lajmin e miratimit te zones industriale ne koplik qe do te ndertohet nga pugliezet (katunaret e italise) dhe kush ka pak interes ne ato zona mund te filloje te mendoje per perfitimet.

 

[komino]

Re: Kush e lufton korrupsionin?

ja nje tjeter shembull nga
Ne kurre nuk do te mund te dinim me burimet tona se kush i fitoi tenderat me prokurim te drejperdrejte dhe cili prej tyre ka lidhje me partine ne pushtet. Zp paguhet per kete pune dhe ka interes ti publikoje. Ky perben nje lajm ndersa komentin hidheni tutje.

-----------------------------------------------

Salirryshfeti, Mori 5 mijë euro,jep 300 milionë lekë
Tiranë- Përmes prokurimeve të drejtpërdrejta, qeveria ka hedhur në prehër të klientëve të saj plot 1 milionë dollarë. Fakti është pohuar nga vetë ministria e Punëve Publike, kur ka bërë zyrtare investimet "urgjente" në ujësjellësa për zonat turistike. Ministria nuk ka treguar asgjë për firmat që kanë marrë paratë e shumta në duar, por deri tani ne kemi arritur të konfirmojmë një prej tyre. "Siak" është një nga firmat që do të administrojë një shumë të konsiderueshme përmes prokurimit të drejtpërdrejtë dhe ku 20% e kësaj shume, për të mos thënë edhe më tepër shkojnë direkt si fitime të firmës. Ky fakt konfirmon edhe se gjithë prokurimet e drejtpërdrejta janë përdorur për të bërë para elektorale nga ana e kreut të qeverisë. Firma "Siak" është në pronësi të Avni Hoxhës, i cili bën pjesë në listën e financuesve të fushatës për Partinë Demokratike. Ai figuron të jetë në rradhën e "sponsorëve" që kanë dhënë kontributin e tyre për partinë në valutë dhe personalisht Hoxha ka dhënë një shumë prej 5 mijë dollarësh. Sigurisht që shifrat e deklaruara në listën e financimit të fushatës së Partisë Demokratike janë pak të besueshme duke patur parasysh shpenzimet e mëdha, ku mes të cilave ka qenë edhe pagesa për kompaninë që u mor drejtpërdrejt me fushatën. Megjithatë, edhe sikur kontributi i pronarit të firmës "Siak" të ketë qenë shumë më tepër se 5 mijë dollarë, ja ku ka ardhur koha që ai të shpërblehet me shumë më shumë nga sa ka dhënë. Ashtu si Avni Hoxha edhe shumë të tjerë, të cilët kanë marrë në dorë të mirat publike që u ka dhënë vetë kryetari i qeverisë si rryshfet. Tërësisht në mënyrë tanxhente, pa më të voglin ngurim edhe pasi ishte betuar se do ta zhdukte prokurimin e drejtpërdrejtë nga qeveria e tij e pastër për nga korrupsioni, Berisha i jep një prej financuesve të tij, ish kandidat i zgjedhjeve të tre viteve më parë, një shumë prej 300 milion lekë. Këto emra që njihen edhe zyrtarisht si financueset e fushatës elektorale të Partisë Demokratike, jo vetëm që po marrin frytet e të qënit mbështetetëse të partisë në pushtet. Ndërsa, Berisha përmes tyre po realizon blerjen e parave elektorale përmes të mirave publike që i gëzon duke qenë në postin e kryeministrit. Tendera, licenca, deri edhe lejet e ndërtimit po shndërrohen në para elektorale për fushatën e Partisë Demokratike. As "shitja" e të mirave publike nuk bëhet transparente dhe as Partia Demokratike nuk bën të njohur burimet e saj të parave. Rasti më i fundit ka qenë ai i prokurimit në mënyrë të drejtpërdrejtë i miliona dollarëve, për të cilin transparenca ka qenë zero. Qeveria është kufizuar të tregojë se më në fund nisi të shqetësohet edhe për investimet publike, sidomos në zonat turistike, por në fakt nuk deklaroi se cilat ishin firmat që do të merreshim me administrimin e parave që Berisha vetë ua la në dorë.

Fituesi, jo përmes një tenderi

Tiranë- Nëse përzgjedhja e firmave do të ishte bërë përmes një tenderi, atëherë nuk do të kishim kaq siguri për të akuzuar për allishverishe dhe klientelizma në dhënien e parave të takspaguesve shqiptarë. Mbase edhe tenderi do të ishte bërë në mënyrë tërësisht të padrejtë, por prokurimi i drejtpërdrejtë që u dha miliona dollarë në duar firmave të Berishës nuk lë asgjë për të dyshuar se tashmë ka nisur vetëm shpërblimi i besnikëve dhe asgjë më shumë se kaq. Berisha po bën para përmes tyre, për t'ua kthyer edhe njëherë në formë shpërblimi dhe pastaj sërisht nga fillimi. Nuk ka shpjegim tjetër për një qeveri që ishte betuar se nuk do ta përdorte më prokurimin e drejtpërdrejtë. Përvec kryeministrit që deklaroi se do ta fshinte njëherë e mirë këtë praktikë, duke e cilësuar si një nga mënyrat më korruptive të bëra nga qeveria e mëparshme për të shtuar përfitimet e saj edhe vetë ministri ka mbështetur të njëjtën ide. Në një prej fjalimeve të shumta të tij përpara KOP, Basha ka përsëritur se prokurimi i drejtpërdrejtë nuk do të jetë më mënyra e realizimit të investimeve.

Dhurata firmës: 20% fitim, plus 10% fondi rezervë

Tiranë- Prokurimi i drejtpërdrejtë do të thotë që në bërjen e preventivit, plot 20% e shumës totale të shënohet si fitim për firmën së cilës i është dhënë objekti përmes kësaj mënyre prokurimi. Kjo është e përcaktuar që në fillim të punimeve për realizimin e investimit, ndërkohë që ka edhe një fond rezervë që përbëhet nga 10% e shumës së prokuruar. Zakonisht edhe kjo pjesë konsiderohet si fitim në xhepat e firmës, përderisa është një shumë që nuk shpenzohet pothuajse në asnjë rast. Ai vlerësohet si rezervë, por firmat nuk arrijnë asnjëherë të harxhojnë gjithë shumën e parave, ndaj fondi mbetet vetëm i tyre. Në këtë mënyrë, përmes prokurimit të drejtëpërdrejtë këto firma fitojnë plot 30% të shumës së prokuruar. Kjo është edhe arsyeja pse vetë qeveria zgjodhi këtë mënyrë prokurimi për të shpërblyer gjithë njerëzit e saj. Tani për tani dihet me siguri njëra prej firmave, që është në pronësi të një nga financuesve të fushatës elektorale të Partisë Demokratike. Duke qenë se shuma e parave të prokuruara në mënyrë të drejtpërdrejtë është shumë e konsiderueshme, edhe fitimi për firmat e Berishës është shumë i madh.

Shumëfish për financuesit e PD

Tiranë- Nuk është vetëm rasti i firmave pranë kryeministrit dhe qeverisë në përgjithësi që morën miliona dollarë përmes prokurimit të drejtpërdrejtë, por dita-ditës bëhen pazare edhe me leje ndërtimi, licenca, madje edhe ato që me hipokrizi Berisha ka filluar t'i quajë si lehtësira fiskale për biznesin. Kjo tregon shumë qartë se kryeministri është në konflikt të hapur interesi. Nëse ato që u konsideruan si premtimet e pakta, që filluan deri diku të realizohen nga qeveria, të paktën në teori, në këtë rast mund të thuhet se janë edhe përpjekjet më të para të Berishës për të filluar pazarin e madh në shërbim të qëllimit të vetëm. Pa dyshim mund të cilësohet si tregëtari i parave të zgjedhjeve që nga fillimi i detyrës së tij, përmes të cilës më shumë i ka shërbyer kryetarit të Partisë Demokratike sesa kryeministrit të vendit. Përndryshe vetë Berisha nuk kishte pse të merrej personalisht me licenca, të merrte kompetenca edhe për qera objektesh për biznesin dhe deri tek detyrat më të vogla të dhënies së lejeve për sheshe ndërtimi. Këto nuk flasin aspak për një njeri të punës që ka marrë përsipër të realizojë gjithë programin e tij elektoral sepse nëse do të ishte kështu do t'ia fillonte me ato më prioritaret. Ndërsa në fakt gjithë kjo degjeneroi në një pazar që u shndërrua jo vetëm në prioritetin e gjithë qeverisë por edhe më urgjenti, pa përfillur asnjë drejtim tjetër të qeverisjes. Që nga dita e parë, kur kryetari i Partisë Demokratike është ulur në karrigen e kryeministrit të vendit, nuk ka punuar asnjë ditë si kreu i qeverisë. Preokupimi i tij i vetëm ka qenë vetëm mbledhja e parave, blerja e tyre duke shitur cdo të mirë publike në dorën e Berishës si kryeministër. Cdo tender, cdo rrugë, deri tek cdo leje ndërtimi shpërblehet me para në dorë. Nuk është aspak e rastësishme që gjithcka përfundon vetëm në xhepat e firmave pranë qeverisë, sepse në këtë mënyrë është e sigurt që paratë kthehen edhe njëherë në duart e zyrtarëve.

Emrat e financuesve të PD

Emrat e sponsorizuesve në Lekë:



Iljaz Spahia 1.000.000

Petrit Doksani 1.000.000

Hazir Gashi 1.000.000

Shkëlqim Hoxha 1.000.000

Xhemal Çela 1.000.000

Refit Halili 1.000.000

Dragush Prespa 1.000.000

Saadi Dokja 500.000

Arben Berisha 500.000

Haremin Fratari 1.000.000

Alizot Cenaj 1.000.000

Fatmir Gjuzi 1.000.000

Fatos Duçollari 1.000.000

Osman Stafa 1.000.000

Petrit Shano 1.000.000

Nikolle Broci 50.000

Angjelina Qorri 51.300

Ferik Ferra 200.000

Kuota Partie 1.647.500



Emrat e sponsorizuesve në Dollarë:



Avni Hoxha 5.000

Ismet Mavriqi 5.000

Mevlan Xhindole 8.000

Petrit Maho 10.000

Behar Shehu 10.000

Arben Qirjako 10.000

Flamur Noka 12.000

Ardi Kollozi 10.000

Dash Sula 10.000

Sami Gjergji 10.000

Sabit Muda 10.000

Ylli Asllani 9.823

Flori Kalivopulli 10.000

Bujar Leskaj 10.000

Ramë Geci 10.000

Esat Ademi 10.000

Sejdin Zera 5.000

Aldi Kazazi 10.000

Bislim Ahmetaj 10.000

Migena Reçi 10.000

Luljeta Hysi 10.000

Lutfi Nuri 10.000

Zim Krosi 5.000



Emrat e sponsorizuesve në Euro:



Përparim Golli 10.000

Ibrahim Berisha 7.000

Drita Hoxha 8.000

Met Malo 8.000

Bashkim Ulaj 8.000

Gerti Duni 8.000

Dionis Teqja 8.000

Selman Tema 7.000

Arsen Çaushi 8.000

Rasim Hajdari 8.000

Ferdinand Hoti 1.000


---------------------------------

 

[komino]

Re: Kush e lufton korrupsionin?

UDHËZ I M
PËR

NJË NDRYSHIM NË UDHËZIMIN NR.1, DATË 1.1.1996,
TË KËSHILLIT TË MINISTRAVE, “PËR PROKURIMIN PUBLIK”, TE NDRYSHUAR

Në mbështëtje të nenit 100 të Kushtetutës dhe të pikës 1, të nenit 5, të ligjit nr.7971, datë 26.7.1995, “Per prokurimin publik”, të ndryshuar, me propozimin e Kryeministrit, Këshilli i Ministrave:

U DH Ë Z O N:

Pika 3, e kapitullit I, “Enti prokurues dhe urdhri i prokurimit”, të udhëzimit nr.1, datë 1.1.1996, të Këshillit të Ministrave, të ndryshuar, ndryshohet, si me poshtë vijon:

“3. Përcaktimi i fondit limit nga enti prokurues të bëhet në bazë të çmimeve të publikuara nga INSTAT-i, institucionet e tjera shtetërore përkatëse ose sipas testimit të tregut.

Nëse këto të dhëna nuk sigurohen nga burimet e mësipërme, enti prokurues mund të përdorë publikimet ndërkombëtare.”.

Ky udhëzim hyn në fuqi pas botimit në “Fletore zyrtare”.

KRYEMINISTRI
SALI BERISHA