Kush e lufton korrupsionin?

[Ergler]

Re: Kush e lufton korrupsionin?

</font><blockquote><font class="small">Citim:</font><hr />
...sa budalla.

Aty ku lufta behet thjesht per pushtet, nuk ka vend per lufte antikorrupsion. Sa here e kemi thene: Sali Berisha lufton per pushtet. Sali Berisha eshte i paafte per te menaxhuar cfaredolloj gjeje tjeter pervec pushtetit. Ai pushtetin kerkon, dhe ate merr. Ne kerkojme mire-menaxhimin dhe marrim trapin.

A mund te me thuash ne cilin vend te botes nuk luftohet per pushtet.Pushteti te jep privilegje dhe kush eshte ai qe nuk i do ato.Pushteti mor mik te fut ne historine e nje vendi,si per mire edhe per keq. /pf/images/graemlins/smile.gif


[/ QUOTE ]

 

[Leshatani]

Re: Kush e lufton korrupsionin?

Siq po duket korrupcioni eshte pjese e kultures tek disa popuj.

 

[ujku81]

Re: Kush e lufton korrupsionin?

Korrupsioni eshte gjithandej or mik, problemi eshte mungesa e kultures se shtetit tek disa popuj.

 

[komino]

Re: Kush e lufton korrupsionin?

Shefi i planifikimit të buxhetit gjyqësor në KE paralajmëron shtetin shqiptar për rreziqet që sjell ulja e buxhetit

KE: Gjyqësori, ulja e buxhetit rrit korrupsionin

Përfaqësuesit e KE-së i pohuan Kondit se një gjyqtar duhet të fillojë punë me 1 mijë euro në muaj

Ened Janina

TIRANË- Komisioni Evropian paralajmëron shtetin shqiptar se ulja e buxhetit për sistemin gjyqësor është një rrezik i madh për rritjen e korrupsionit në këtë sistem. Kjo deklaratë është bërë dje nga shefi i planifikimit të buxhetit gjyqësor pranë misionit të KE-së, Juris Avotinis, gjatë një takimi në Gjykatën e Lartë, me bordin e Zyrës së Administrimit të Buxhetit Gjyqësor, drejtuar nga Thimjo Kondi. Kjo deklaratë e rëndë është mbështetur edhe tek një studim që është bërë për herë të parë nga EURALIUS dhe Transparency International. Edhe në këtë studim është evidentuar shumë qartë rreziku i rritjes së korrupsionit në radhët e gjyqtarëve, pas uljes së buxhetit për sistemin gjyqësor. Për të parandaluar këtë fenomen negativ, KE-ja ka ofruar ndihmën e saj për të asistuar në implementimin e buxhetit. Sipas ekspertëve të KE-së, për të luftuar korrupsionin, paga me të cilën duhet të fillojë punë një gjyqtar i ri duhet të jetë një mijë euro në muaj dhe më pas duhet të rritet ndjeshëm.
***
Gjatë një takimi të zhvilluar dje ndërmjet kryetarit të Gjykatës së Lartë, Thimjo Kondi dhe shefit të planifikimit të buxhetit gjyqësor pranë misionit të KE-së, Juris Avotinis është vënë edhe një herë në dukje rreziku se korrupsioni ndër radhët e gjyqtarëve mund të ketë një rritje. Gjatë takimit Juris Avotinis tha se hapi i parë i rekomanduar nga KE për institucionet vendim marrëse në Shqipëri është rritja e buxhetit gjyqësor. Këtë deklaratë shefi i planifikimit të buxhetit gjyqësor pranë misionit të KE-së e ka argumentuar duke paraqitur edhe një studim që është bërë kohët e fundit. Ky studim është kryer nga ekspertët e Transparency International dhe është paraqitur për herë të parë në Shqipëri nga përfqësues të EURALIUS. Studimi në fjalë tregon qartë se shkurtimi i buxhetit të sistemit gjyqësor në Shqipëri për këtë vit (2006), ka shkaktuar rrezikun e rritjes së korrupsionit në radhët e gjyqësorit. Kjo pasi është vënë re se ky buxhet është reduktuar ndjeshëm që nga viti 2004. Për këtë arsye, i është rekomanduar institucioneve vendim-marrëse shqiptare të zbatojnë praktikat me të mira të shteteve anëtare të BE-së.
***
Duke zbatuar këto praktika në rritjen e buxhetit të sistemit gjyqësor, shtetet anëtare të Bashkimit Evropian kanë arritur rezultate të suksesshme në përmirësimin e nivelit të lartë të korrupsionit nëpërmjet programeve afatshkurtra dhe afatmesme. “Misioni i Asistencës Evropiane në fushën e Drejtësisë (EURALIUS) ka rekomanduar se rritja e buxhetit të gjyqësorit, është një nga hapat më të rëndësishëm që duhet të hedhë Shqipëria për të arritur standardet europiane dhe për t'u integruar në Bashkimin Europian”,- tha dje zëdhënësja e Gjykatës së Lartë, Ida Vodica. Sipas saj, si një nga elementet kryesore në rritjen e transparencës, apo thënë ndryshe uljes se korrupsionit, ky rekomandim bëhet pas një studimi shkencor krahasimor me vendet anëtare të BE-së. Pjesë e rëndësishme në buxhetin gjyqësor duhet të zërë edhe rritja e pagës së gjyqtarëve duke filluar me ata të shkallës së parë, me një pagë mesatare në fillimin e karrierës 1000 euro në muaj për 2-3 vitet e ardhshme dhe rivleresimin e saj në një afat edhe me të gjatë.





15/04/2006
www.shekulli.com.al

 

[komino]

Re: Kush e lufton korrupsionin?

Qeveria zgjedh pa garë firmën që do prodhojë kartat e identitetit
Tirane- Duket se Këshilli i Ministrave me vendimin më të fundit për caktimin me prokurim të drejtëpërdrejtë të firmës "Smart Card Integrators, Inc" ka përcaktuar indirekt paraprakisht fituesin e garës së tenderit që do të realizohet për prodhimin e kartave të identitetit. Mendohet se, vlera e këtij tenderi mund të jetë rreth 14 milion Euro. E gjithë kjo punë e udhëhequr nga Zëvëndësministri i Brëndshëm që mbulon pushtetin lokal, Ferdinand Pone do të kurorëzohet me shpalljen fitues të tenderit të firmës "SAGEM", e cila aktualisht menaxhon rrjetin informatik të Ministrisë së Brëndshme.

Normalisht, procedura e një tenderi për prodhimin e kartave të identitetit parashikon që fillimisht të përcaktohen specifikimet teknike përfundimtare, të kartës së identitetit. Specifikimet teknike parashikojnë ndërtimin e një mikrocipi që do të vendoset në kartën e re të identitetit, e cila faktikisht parashikohet të prodhohet me një nivel shumë të lartë cilësor. Për herë të parë, sic edhe ka premtuar Berisha, shqiptarët do të kenë në duar karta identiteti biometrike. Në rast se realizohet është një proces që duhet vlerësuar pasi kartat e identitetit do të jenë të standarteve bashkëkohore. Në teknologjinë e prodhimit të këtyre kartave dihet se, përgatitja e specifikimeve të prodhimit të një mikrocipi që do të përmbajë në memorien e tij të dhënat është një teknologji në vetvete dhe shumë e personalizuar. Gati mund të konsiderohet si një lloj patente prodhimi realizimi i specifikimeve teknike të mikrocipit. Cdo firmë prodhuese ka një marrëveshje me një firmë konsulente që punon mbi këto specifikime që i harton ajo dhe asnjë firmë tjetër. Në këtë mënyrë është e qartë se, firma që do të prodhojë specifikimet indirekt ka të përcaktuar dhe prodhuesin. Në momentin që qeveria shqiptare do të shpallë specifikimet teknike për prodhuesin që do të futet në garë, realisht ai është i paracaktuar. Me këto specifikime të përgatitura mund të punojë vetëm firma prodhuese që ka një marrëveshje bashkëpunimi prodhimi me firmën konsulente. Cdo firmë tjetër e ka të pamundur që të prodhojë mikrocipin.

Këtë proces po udhëheq Zëvëndësministri Ferdinand Pone. Projektvendimi i tij tashmë ka marrë edhe firmën e Sali Berishës. Këshilli i Ministrave ka vendosur me një vendim të tij "lejimin e Ministrisë së Brendshme, që, për fondin limit prej 4 000 000 (katër milionë) lekësh, miratuar në buxhetin e vitit 2006, të përdorë procedurën "prokurim i drejtpërdrejtë", me shoqërinë "Smart Card Integrators, Inc, për prokurimin e shërbimit "Konsulencë në procesin e përgatitjes së specifikimeve, teknike, përfundimtare, të kartës së identitetit". Shoqëria "Smart Card Integrators, Inc" ka një marrëveshje pikërisht me firmën prodhuese "SAGEM" të firmosur në nëntor 2001. Kuptohet që kjo marrëveshje bashkëpunimi biznesi mes këtyre firmave ka si objekt edhe sipërmarrje të tjera, por që duket se, tashmë po i afron radha Shqipërisë.

I gjithë procesi i prodhimit të kartave të identitetit kaq cilësore do të ishte i rregullt nëse ai i nënshtrohej një gare të rregullt në një tender të hapur ndërkombëtar. Por, qeveritarëve aktualë i duhet që të veprojnë nëë mënyrë direkte dhe të shpejtë për të përfituar. Për të justifikuar prokurimin e drejtëpërdrejtë për të gjithë këtë sipërmarrje ekonomike po përdoret afrimi i zgjedhjeve për pushtetin lokal. Duke qënë se shqiptarët janë pa karta identiteti aq të domosdoshme për një proces të rregullt elektoral krijohet mundësia për të përfituar nga justifikimi me emergjencën. Por ky nxitim ka edhe një difekt tjetër. Nëse qeveria parardhëse parashikonte në një studim fizibiliteti që në fillim të informatizohej i gjithë regjistri i popullsisë në Shqipëri dhe më pas të pajiseshin shqiptarët me karta identiteti mbi bazën e këtyre të dhënave të vërtetuara, tashmë bëhet e kundërta. Do të prodhohen në fillim kartat dhe më pas do të informatizohet regjistri i popullsisë. Kjo normalisht lë shteg për fallsifikime e shpërdorime. Në numrin ne ardhshëm të gazetës "Zeri i Popullit" do të jepen më shumë hollësi për këtë biznes të ri prej 14 milion euro të qeverisë Berisha. /Alban Beqa


www.zeripopullit.com

 

[komino]

Re: Kush e lufton korrupsionin?

Vendim i Këshillit të Minis
trave datë 12.04.2006

Për lejimin e ministrisë së punëve të brendshme të përdorë procedurën "prokurim i drejtpërdrejtë" për prokurimin e shërbimit "Konsulencë e huaj në procesin e përgatitjes së specifikimeve teknike, përfundimtare, të kartës së identitetit"

Në mbështetje të nenit 100 të Kushtetutës, të pikës 3, të nenit 17, të ligjit nr. 7971, datë 26.7.1995, "Për prokurimin publik", të ndryshuar, dhe të nenit 8, të ligjit nr. 9464, datë 28.12.2005, "Për buxhetin e shtetit, të vitit 2006", me propozimin e ministrit të Brendshëm, Këshilli i Ministrave

Vendosi:

1. Lejimin e Ministrisë së Brendshme, që, për fondin limit prej 4 000 000 (katër milionë) lekësh, miratuar në buxhetin e vitit 2006, të përdorë procedurën "prokurim i drejtpërdrejtë", me shoqërinë "Smart Card Integrators, Inc, për prokurimin e shërbimit "Konsulencë në procesin e përgatitjes së specifikimeve, teknike, përfundimtare, të kartës së identitetit".

2. Ngarkohet Ministria e Brendshme për zbatimin e këtij vendimi.

Ky vendim hyn në fuqi menjëherë.

 

[Kondrapedali]

Re: Kush e lufton korrupsionin?

O Gene, po edhe ti po kaq i verbër sa ZP je? Në paragrafët 2 e 3 jepen specifikimet se si kryhet konceptimi dhe prodhimi i kartave të identitetit dhe thuhet që në bazë të konceptimit zgjidhet edhe prodhuesi. Pra që ka vetëm një prodhues të mundshëm për atë lloj koncepti.
Në paragrfin e fundit quhet e parregullt pasi (në shabllon) ofertat duhen kaluar në ankand. Më keq akoma, bëhet një analizë mbi urgjencën e këtyre kartave dhe Sh. Beqa thotë që nuk duhet ngutur pasi ish-qeveria socialiste kishte pas pas menu me bo i her regjistrimin elektronik të popullsis. Vazhdon më tutje duke shkruar idiotllikun akoma më të madh që pajisja me karta identiteti para se të regjistrohet popullsia në sistem kompjuterik lejon fallsifikime e shpërdorime. Nuk e di a i lexojnë ndonjëherë artikujt e tyre këta njerëz para se t'i publikojnë. Mesa duket po, por ka të bëjë me gjendjen emocionale si dhe shkallën e koqllikut që i ka zënë (e kjo duket se ka kap edhe ca anëtarë t'forumit).

 

[komino]

Re: Kush e lufton korrupsionin?

...Cdo firmë prodhuese ka një marrëveshje me një firmë konsulente që punon mbi këto specifikime që i harton ajo dhe asnjë firmë tjetër. Në këtë mënyrë është e qartë se, firma që do të prodhojë specifikimet indirekt ka të përcaktuar dhe prodhuesin. ...


mbase i referoheshe kesaj kur e quan idiotesi! Mund ta quajme genjeshter, mund ta quajme mashtrim perderisa nuk kane vene referenca po vetem nje DIHET

Nese eshte e vertete ajo qe thone (lidhja e drejtperdrejte e konsulentit me prodhuesin) atehere eshte i vertete fakti qe prodhuesi zgjidhet qe me zgjedhjen e konsulentit.

Te te jap nje shembull abstrakt
Une punesoj nje konsulent per te percaktuar menyren se si do te shkoj ne hene. Menyra qe me keshillon ai ofrohet vetem nga nje firme transporti e caktuar. Pyetje: me cilen firme transporti do te shkoj une ne hene?


Nese konsulenti me thote se karta e identitetit duhet te kete karakteristikat 1,2,3,4,5,6,7, etj etj dhe une bej tender per te zgjedhur firmen qe me ofron keto karakteristika, nderkohe qe konsulenti im eshte i lidhur ngushte (nese eshte e vertete) me nje nga "konkurentet, cili beson se do e prodhoje karten e identitetit?

Tani, ose do degjojne konsulentin dhe punesojne firmen "e tij" ose nuk do e degjojne dhe keshtu shkojne dem parate e konsulences.

 

[komino]

Re: Kush e lufton korrupsionin?

paska edhe nje kontrate te firmosur me 2001

ups

nuk qenkan edhe aq te verber

 

[komino]

Re: Kush e lufton korrupsionin?

c'kuptim ka karta e identitetit elektronike pa sistem elektronik?!

certifikat aktuale kane nje nivel te caktuar sigurie (vulat e ndryshme) e kane afat skadence mjaft te ngushte.

Karta elektronike nuk vlen asgje pa sistem elektronik.

 

[komino]

Re: Kush e lufton korrupsionin?

nderkohe po pregatitet nje ligj i ri qe pritet te SHKURTOJE afatet e prokurimeve publike.

Mos harro ti hedhim nje sy interpretimit qe do i behet ligjit te ri kur te publikohet. Me shprese se deri atehere nuk ka patur zgjedhje te reja

 

[komino]

Re: Kush e lufton korrupsionin?

Inspektorati i Lartë i Deklarimit dhe Kontrollit të Pasurive ka gjobitur 70 zyrtarë për mosdeklarim në kohë

Fshehën pasurinë, gjoba 2 zv/ministrave

Zv/ministri i Bujqësisë, Ndue Preka, dhe ai i Transporteve, Stavri Ristani, gjobiten me 30 mijë lekë

Ened Janina

TIRANË- Inspektorati i Lartë i Deklarimit dhe Kontrollit të Pasurive gjobit dy zv/ ministra dhe disa zyrtarë të tjerë shtetërorë, për mosdeklarimin në kohë të pasurive të tyre. Ndue Preka, zv/ministër i Bujqësisë, Ushqimit dhe Mbrojtjes së Konsumatorit si dhe Stavri Ristani, zv/ministër i Punëve Publike, Transportit dhe Telekomunikacionit janë gjobitur dje nga Inspektorati me nga 30 mijë lekë të reja. Ndërkohë, gjoba janë vendosur edhe për tre drejtorë drejtorish; një zëdhënës; një prefekt dhe një ambasador. Lajmi është pohuar dje, nga burimet zyrtare të Inspektoratit. Sipas tyre, në total janë gjobitur 70 zyrtarë të ndryshëm shtetërorë, ku pjesa më e madhe e tyre janë kryetarë komunash. Në listën në fjalë ndodhen edhe emrat disa punonjësve të Tatim- Taksave dhe doganave shqiptare.
***
Më datë 31 mars është mbyllur edhe procesi i deklarimit periodik të pasurive të zyrtarëve shtetërorë, por një pjesë e tyre nuk kanë bërë deklarimet e pasurisë në kohë. Pas verifikimit të informacionit të marrë Inspektorati ka bërë gati edhe masat administrative në drejtim të tyre. Burimet zyrtare të ILDKP-së shpjeguan dje se masat i kanë marrë në bazë të ligjit nr. 9367, dt.7.4.2005 “Për parandalimin e konfliktit të interesave në ushtrimin e funksioneve publike”. “Më saktësisht, neni ku jemi bazuar në vënien e gjobave është neni 44, pika c. Në këtë nen thuhet: për mosdeklarim periodik në afat dhe pa shkaqe të arsyeshme, zyrtari ose personi i lidhur me të që mbart detyrim për deklarim, dënohet me gjobë nga 20 000 (njëzet mijë) lekë deri në 30 000 (tridhjetë mijë) lekë”,- thanë dje burimet zyrtare të Inspektoriatit. Në listën prej 70 zyrtarësh shtetërorë që janë gjobitur nga ana e ILDKP-së spikasin e emrat e zv/ ministrave të Bujqësisë, Ndue Preka dhe atij të Punëve Publike, Stavri Ristani. Të dy këta zyrtarë nuk kanë bërë në kohë deklarimin e pasurisë së tyre.
***
Ndërkohë, edhe tre drejtorë drejtorie në Ministrinë e Punëve Publike nuk kanë deklaruar në kohë pasuritë e tyre. Këta janë Gazment Dibra; Ilia Qerfozi dhe Marin Biçoku. Të pestë këta zyrtarë janë gjobitur me 30 mijë lekë të reja, ndërsa zëdhënësi i kësaj ministrie, Gerti Bogdani, nuk ka bërë në kohë deklarimin e pasurisë së tij dhe u gjobit me 25 mijë lekë. Gjoba 25 mijë lekëshe kanë marrë edhe katër punonjës të tatimeve në rrethet Gjirokastër, Korçë, Vlorë dhe Lezhë. Gjithashtu janë gjobitur një doganier dhe një specialist në Drejtorinë e Përgjithshme të Doganave si dhe një doganier në Vlorë. Përsa i takon zyrtarëve shqiptarë jashtë territorit të Shqipërisë, Inspektorati ka gjobitur vetëm ambasadorin tonë në Maqedoni. Vladimir Prela është gjobitur me 25 mijë lekë të reja, për mosdeklarim në kohë të pasurisë së tij. Gjobë pak më të ulët, 20 mijë lekë, ka marrë edhe prefekti i Gjirokastrës, Spiro Ksera. Gjithashtu, gjobë 20 mijë lekëshe ka marrë edhe Kryetarja e Komisionit Shqiptar të Birësimeve, Teuta Gjokrrushi. Burimet zyrtare të Inspektoratit të Lartë të Deklarimit dhe Kontrollit të Pasurive pohuan dje se gjoba 20 mijë lekëshe kanë marrë edhe tre punonjës të Hipotekës në qytetet Delvinë, Durrës dhe Pogradec. Ndërkohë, pjesa tjetër e të gjobiturve janë kryetarë të komunave të ndryshme si dhe kryetarët e bashkive Librazhd, Shaqir Kuka e kryetari i bashkisë Rubik, Mark Ruçi.


ZYRTARËT E GJOBITUR

Ndue Preka Zv / Ministër, Ministria e Bujqësisë 30000
Stavri Ristani Zv / Ministër, Ministria e Transporteve 30000
Gazment Dibra Drejtor Ministria e Transporteve 30000
Ilia Qerfozi Drejtor Ministria e Transporteve 30000
Marin Biçoku Drejtor Ministria e Transporteve 30000
Gerti Bogdani Zëdhenës Ministria e Transporteve 25000
Artur Braho P/Policise Tatimore Dega e Tatimeve Gjirokastër 25000
Tefik Alolli P/Policise Tatimore Dega e Tatimeve Korçë 25000
Shkelqim Rama P/Policise Tatimore Dega e Tatimeve Vlore 25000
Gjergj Pergjoka P/Policise Tatimore Dega e Tatimeve Lezhë 25000
Genc Goga Doganier D.P.Doganave 25000
Adrian Godo Doganier Dega e Doganës Vlorë 25000
Vojo Dervishi Specialist D.P.Doganave 25000
Vladimir Prela Ambasador në Shkup M.P.Jashtme 25000
Spiro Ksera Prefekt P.Qarkut Gjirokastër 20000
Teuta Gjokrrushi, Kryetare Kom.Shqiptar i Birësimeve 20000
Saimir Dervishi, Regjistrues ZRRPP Delvinë 20000
Edmond Hoxha Regjistrues ZRRPP Durrës 20000
Sokol Mihali, Regjistrues ZRRPP Pogradec 20000




11/05/2006
KATEGORIA: Kronike nga Tirana
www.shekulli.com.al

-----------------------------------------------

 

[komino]

Re: Kush e lufton korrupsionin?

Bode e Ruli kundershtojne Berishen
Tiranë- Ministri i Financave Ridvan Bode dhe Ministri i Ekonomisë Genc Ruli kanë kundërshtuar Kryeministrin Berisha në mbledhjen e qeverisë për monopolin që po krijohet me bekimin e tij në tregun e sigurimeve.Me urdhër të Kryeministrit po krijohet gradualisht një monopol në tregun e sigurimeve me anë të heqjes së drejtës së shitjes së primeve të sigurimit të kompanive të sigurimeve 1500 pikave të shitjes të kontraktuara nga 8 shoqëritë e sigurimeve. Kjo e drejtë e shitjes të gjithë pikave të shitjes iu ka skaduar kjo e drejtë që në tetor 2005. Të gjithë këto janë jashtë kontrollit të strukturave shtetërore nën presionin direct të kompanive të sigurimeve. Deri tani kjo e drejtë e shitjes ishte e monopolizuar vetëm në pikat kufitare. Berisha në këtë moment ka urdhëruar që kjo e drejtë të shtrihet në të gjithë territorin e Shqipërisë. Këtë të drejtë të dhënë vetëm një subjekti e kanë kundërshtuar si të jashtëligjshme dhe në kundërshtim me rregullat e konkurrencës në një ekonomi të lirë tregu, Ministri i Financave Ridvan Bode dhe Ministri i Ekonomisë Genc Ruli në mbledhjen e qeverisë kur diskutohej kjo masë e kanë kundërshtuar hapur kryeministrin. Mirëpo, Berisha ka marë rolin e Mato Grudës në filmin "Njeriu me top" duke deklaruar se "do bëhet kështu. Atë e di unë." Nën emrin e vënies së rregullit në tregun e sigurimeve do të vendoset të ndërmerret një masë tjetër akoma më korruptive. Këtë shërbim kompanive të sigurimit për të gjithë klientët në të gjithë territorin e Shqipërisë do t'ua ofrojë vetëm një subjekt i vetëm i cili ka marrë edhe viston e kryeministrit, duke ananshkaluar edhe Ministrinë e Financave. Kështu një subjekt i vetëm do të kontrollojë të gjithë shitje e primeve të sigurimit të detyrueshëm në të gjithë territorin e Shqipërisë, kundrejt 10 për qind norme fitimi. Kjo shitje e monopolizuar do të bëhet me bekimin e Kryeministrit Berisha. Tregu i sigurimeve kap shifrën ne 40 milionë USD sipas raportit të Autoritetit Mbikqyrës të Sigurimeve për vitin 2005. Subjekti që do të monopolizojë shitjen e të gjithë primeve të sigurimit nga 8 shoqëritë e sigurimeve do të përfitojë 10 % nga shërbimi që i ofrohet kompanive të sigurimit. Kuptohet që ky 10 % fitim nuk do t'i merret kompanive të sigurimit por klientëve. Pas 1 majit, Ministria e Financave ndërmorri një masë për dyfishimin e cmimit të primeve të sigurimit për mjetet motorike. Nga një sigurim i tillë vjen dhe pjesa më e madhe e të ardhurave të kompanive të sigurimeve Në fillim të majit kanë hyrë në fuqi tarifat e reja të sigurimeve. Ministria e Financave ka urdhëruar rritjen e tyre në mënyrë të shkallëzuar sipas fuqisë motorike duke filluar nga data 1 maj 2006. Ky hap është vlerësuar edhe nga shoqëritë e sigurimeve. Deri më sot, për një makinë paguhej rreth 6 500 lekë për sigurimin e detyrueshëm, për një periudhë njëvjeçare. Tarifat do të ndryshojnë në varësi të kapacitetit motorik që kanë automjetet. Sipas urdhrit të ri të Ministrisë së Financave, primi i pastër minimal që duhet të paguajnë autoveturat me kapacitet motorik deri në 1 200 cm3 është 5 500 lekë, ndërsa primi maksimal 7 500 lekë; për autoveturat me kapacitet motorik mbi 1 200 cm3 deri në 1 800 cm3 primi minimal është 7 500 lekë deri në 9 600 lekë; për autoveturat me kapacitet motorik mbi 1 800 cm3 deri në 2 500 cm3 primi minimal është 9 600 lekë, ndërsa primi i pastër maksimal 11 000 lekë; për autoveturat me kapacitet motorik mbi 2 500 cm3 primi i pastër minimal është 11 000 lekë, ndërsa maksimali 15 000 lekë. Urdhri i ministrit të Financave ka ardhur pas kërkesave të kompanive të sigurimit për një rregullim të tarifave, në bazë të riskut që mbartin automjetet.

Tregu i sigurimeve kap shifrën ne 40 milionë USD

Tirane- Tregu i sigurimeve kap shifrën ne 40 milionë USD sipas raportit të Autoritetit Mbikqyrës të Sigurimeve për vitin 2005. Subjekti që do të monopolizojë shitjen e të gjithë primeve të sigurimit nga 8 shoqëritë e sigurimeve do të përfitojë 10 % nga shërbimi që i ofrohet kompanive të sigurimit. Kuptohet që ky 10 % fitim nuk do t'i merret kompanive të sigurimit por klientëve. Pas 1 majit, Ministria e Financave ndërmorri një masë për dyfishimin e cmimit të primeve të sigurimit për mjetet motorike. Nga një sigurim i tillë vjen dhe pjesa më e madhe e të ardhurave të kompanive të sigurimeve. Ne vitin 2005 volumi i primeve te shkruara bruto rezultoi 4,026.3 milione leke, kundrejt 4,151.4 milione leke qe ishte ne vitin 2004, per pasoje te ardhurat e siguruara nga primet e shkruara ne aktivitetin e sigurimeve u ulen me 3,01 perqind kundrejt nje viti me pare. Ne vitin 2005 tregu i sigurimeve vazhdon te jete i orientuar drejt Sigurimit te detyrueshem edhe pse Sigurimi vullnetar pati nje rritje krahasuar me vitin 2004. 6 Volumi i primeve bruto nga portofolet e sigurimit te detyrueshem (pergjegjesite ndaj paleve te treta ne perdoruesit e mjeteve motorrike) ne vitin 2005 rezultoi Buletin Janar-Dhjetor 2005 2,585.84 milione leke ose 12.88 perqind me i ulet se ai i vitit 2004, duke zene nje pozicion me rreth 64,23 perqind te totalit te primeve bruto krahasuar me vitin 2004 qe zinte nje pozicion me rreth 71,49 perqind totalit te primeve bruto. Ky efekt lidhet kryesisht me uljen e tarifave te primit te sigurimit te detyrueshem, ne zbatim te urdherit te Ministrit te Financave Nr.11 date 25.03.2005 "Per miratimin e Primit te Sigurimit te Detyrueshem te mbajtesve te mjeteve motorike per pergjegjesine ndaj paleve te treta" Volumi i primeve te shkruara nga portofolet e Sigurimeve vullnetare per vitin 2005 rezultoi 1,440.19 milione leke ose 21.70 perqind me i larte se ai i vitit 2004, duke zene nje pozicion me rreth 35,77 perqind te totalit te primeve bruto, krahasuar me 28,51 perqind qe zinte ne vitin 2004. Volumi i primeve te shkruara ne sigurimin e Jetes ne vitin 2005 rezultoi 238.38 milione leke ose me nje rritje prej 109,09 perqind duke zene 5.92 perqind te totalit e primeve bruto. Raporti deme/prime ne vitin 2005 rezultoi 29,77 perqind kundrejt 25,00 perqind ne vitin 2004. Ne Sigurimin e Jetes ky raport rezultoi 6.29 perqind kundrejt 6,08 perqind ne te njejten periudhe te vitit 2004. Raporti deme /prime per sigurimin e detyrueshem rezultoi 31,39 perqind, kundrejt 28,87 perqind ne te njejten periudhe te vitit 2004, ndersa per sigurimin vullnetar ky raport rezultoi 26,86 perqind ne vitin 2005, kundrejt 15,30 perqind ne vitin 2004. Gjate vitit 2005 tregu i sigurimeve u nda ndermjet shoqerive INSIG sh.a, SIGMA sh.a, SIGAL sh.a, ATLANTIK sh.a, INTERSIG sh.a, DUKAGJINI AL sh.a, INTERALBANIAN sh.a dhe ALBSIG sh.a. Ne kete treg kapitali vendas eshte mbizoterues ndersa kapitali i huaj perfaqesohet me pjesemarrje 39 perqind ne shoqerine Insig sh.a dhe 12 perqind ne shoqerine Sigal sh.a.

www.zeripopullit.com

 

[komino]

Re: Kush e lufton korrupsionin?

Trashet skandali i Albtelekom, dy këshilltarë të Berishës
Tiranë- Skandali i Albtelekom po vazhdon të përfshijë më tepër njerëz të afërt të kryeministrit brenda tij. Kryetari i Këshillit Mbikqyrës, Selami Xhepa nuk është i vetmi që është vënë në dijeni dhe ka heshtur ndaj shkeljeve dhe abuzimeve të rënda me fatura miliona euro. Anëtar i këtij këshilli është edhe drejtori i drejtorisë së mardhënieve me Publikun në kryeministri, Neritan Sejamini, i cili e con në dy numrin e këshilltarëve të Berishës që bëjnë pjesë në skandalin e madh të Albtelekom. Kështu lista e gjatë e ministrit, drejtorit, këshilltarit, ministrit tjetër të Ekonomisë dhe të tjerëve persona të emëruar dhe që implikojnë direkt kryeministrin, është shtuar edhe me një këshilltar tjetër. Pas këtij fakti, Berisha nuk mund të pretendojë akoma se mund ta kalojë lehtë këtë skandal, thjesht duke larguar drejtorin, apo duke përshpejtuar procedurat për privatizim të Albtelekom. Zbardhja e skandalit të marrëveshjes mes Albtelekom dhe Albanian On Line hedh dritë edhe mbi arsyet pse qeveria po zvarrit pa fund privatizimin e Albtelekom. Ndonëse kishte premtuar se do të përfundonte këtë proces që në vitin 2005, tashmë kanë kaluar edhe katër muaj nga viti 2006 dhe akoma nuk po bëhet gjë për privatizimin. Por kjo është tërësisht e kuptueshme, me marrëveshjet klienteliste që janë lidhur dhe forcuar në pak muaj mes Albtelekom dhe kompanive në pronësi të njerëzve të afërt me kryeministrin. Qeveria nuk ka sesi të merret me privatizimin, ende pa siguruar disa favore për klientët e saj që kanë financuar fushatën elektorale të maxhorancës së sotme, për zgjedhjet e 3 Korrikut. Sigurisht që edhe vetë qeveria ka fitimet e saj në këto marrëveshje të lidhura. në kohën kur erdhi në pushtet, Berisha premtoi se do të ndërmerrte privatizimin. Madje shkoi edhe më larg duke deklaruar se procesi do të përfundonte brenda vitit 2005. Në fakt ka kaluar një kohë më e gjatë se ajo e përcaktuara dhe deri tani nuk është ndërmarrë asnjë hap qoftë edhe për hapur procesin, sepse mbyllja e tij është një pikëpyetje më vete.

 

[komino]

Re: Kush e lufton korrupsionin?

V E N D I M

PËR

LEJIMIN E MINISTRISË SË SHËNDETËSISË TË PËRDORË PROCEDURËN « PROKURIM I DREJTPËRDREJTË », PËR SHËRBIMIN E KOLAUDIMIT DHE TË SHPËRNDARJES SË MEDIKAMENTEVE E TË MATERIALEVE MJEKËSORE TË KONSUMIT, QË PROKUROHEN NGA MINISTRIA E SHËNDETËSISË NË EMËR TË INSTITUCIONEVE TË KUJDESIT SHËNDETËSOR



Në mbështetje të nenit 100 të Kushtetutës, të pikës 3, të nenit 17, të ligjit nr.7971, datë 26.7.1995, &amp;#8220;Për prokurimin publik&amp;#8221;, të ndryshuar, dhe të nenit 8, të ligjit nr.9464, datë 28.12.2005, &amp;#8220;Për buxhetin e shtetit, të vitit 2006&amp;#8221;, me propozimin e ministrit të Shëndetësisë, Këshilli i Ministrave



V E N D O S I:



Lejimin e Ministrisë së Shëndetësisë, që, për fondin e vet limit prej 65 639 000 (gjashtëdhjetë e pesë milionë e gjashtëqind e tridhjetë e nëntë mijë) lekësh, miratuar për vitin 2006, zëri &amp;#8220;Shpenzime korrente&amp;#8221;, të përdorë procedurën &amp;#8220;Prokurim i drejtpërdrejtë&amp;#8221;, me Fufarma, sha, për shërbimin e kolaudimit dhe të shpërndarjes së medikamenteve e të materialeve të mjekimit, të cilat prokurohen nga Ministria e Shëndetësisë, në emër të institucioneve të kujdesit shëndetësor.


Ngarkohet Ministria e Shëndetësisë për zbatimin e këtij vendimi.


Ky vendim hyn në fuqi menjëherë.



K R Y E M I N I S T R I

SALI BERISHA

 

[komino]

Re: Kush e lufton korrupsionin?

Drejtori i KESH denoncon Qeverinë. Vodhi!
Tiranë- Shpjegimet dhe transparencën që ka kërkuar kryeministri nga KESH, ia ka dhënë vetë drejtori i Përgjithshëm i Korporatës, Andi Beli. Sipas tij deklarata bëhet kur KESH është që prej një muaji e gjysëm nën kontrollin e Drejtorise se Antikorrupsionit te Kryeministrise dhe prej tre ditësh nga Ministria e Energjetikes. Beli ka shfajësuar Korporatën nga cdo përgjegjësi për krizën që kaloi vendi dhe sidomos për blerjet super të shtrenjta, të cilat sipas tij i ka bërë vetëm qeveria. "Ne baze te nje parashikimi te bere nga OST dhe si gjithmone te konfirmuar nga Divizioni i Prodhimit i KESH per vendimin e Qeverise te dates 30 dhjetor 2005, nevojitej qe te kontraktohej nje sasi prej 250MW ne bande e domosdoshme per gjithe tremujorin e pare te vitit. Gjate gjithe periudhes te fillimit te viti u bene perpjekje qe te kontraktohej deri ne vleren e kerkuar 250MW duke u perplasur me faktin qe nuk arriheshin te siguroheshin rruget e trasmetimit. Deri ne mesin e muajit Janar u lidhen pjesa me e madhe e kontratave qe siguruan stabilitetin ne vend. Me daten 24 Janar ndryshohet papritmas plani i importit ne vleren 150MW me arsyetimin qe prurjet ne Lumin Drin po rriten. Dmth flasim per nje reduktim te planit te importit ne vleren 40% nga ana e OST dhe te konfirmuar nga Divizioni i Prodhimit vetem 20 dite pas parashikimit te prezantuar ne Qeveri. Ne keto kushte u analizua e sasise se enegjise per te cilen ishin siguruar rruget e trasmetimit. Kjo sasi nuk rezultonte me e madhe se 150MW dhe kjo korrispondonte me sasine e kerkuar. Ne mes te muajit shkurt,dmth pas XX dirtesh te korrigjimit te pare, u kerkua nga OST dhe Divizioni i Prodhimit qe importi i energjise te ndalohej plotesisht pa marre parasysh nivelet minimale te kontratave, mosrespektimi i te cilave sjell penalitete per KESH. Kjo kerkese e dyte e korrigjimit te programit u be mbi bazen e shpalljes se gjendjes se jashtezakonshme. Ne muajt e dimrit nuk perben force madhore, ose gjendje e jashtezakonshme renia e shiut dhe per rrjedhoje dhe rritja e nivelit te lumenjve, ose rritja e prurjeve te tyre. Argumenti i OST per shpalljen e gjendjes se jashtezakonshme nuk qendron per vete motivin qe nuk paraqet gjendje te jashtezakonshme ardhja e nje prurjeje me te larte ne Drin, kur eshte plotesisht e kontrollueshme dhe nuk sjell pasoja fatkeqesish natyrore, ose kryengritjeje popullore.

Vendimi për bjerjen e energjisë më shtrenjtë, i Qeverisë

Tiranë- "Vendimi i qeverise per prokurim te drejtperdrejte eshte marre ne harkun e mbasdites se dates 30 dhjetor 2005, nje dite e premte pushimi per te gjithe te tjeret, por jo per Qeverine dhe KESH qe po mbanin peshen e krizes me te madhe te verifikuar ndonjehere. Menjehere pas njoftimit qe vendimi ishte marre, pa pritur zbardhjen e tij, duke patur parasysh gjendjen emergjente ne vend e cila ishte: Asnje kWh energji nuk ishte i garantuar nga importi per oren 00.00 te dates 1 janar, dmth pas dy ditesh, ne nje dite te djele, 30s pas nderrimit te viteve, u nisen menjehere faxet firmave qe u perfshine ne vendimin e Qeverise. Nder keto u pergjigj vetem EFT, EGL dhe Ezpada me komunikim telefonik, sepse tashme zyrat ne te gjithe vendet perkatese ishin te mbyllyra. Duhet te nenvizojme edhe faktin qe megjithe komunikimin tone me vonese dhe jashte rregullave nderkombetare keto firma mundesuan ndricimin e gjithe Shqiperise per daten 1 janar. Keto firma kane vazhduar te furnmizojne me energji Shqiperine edhe per 15ditet ne vazhdim pa asnje garanci pagese nga ana jone, meqe kontratat nuk mund te nenshkruheshin duke qene te gjitha institucionet te mbyllura per pushimet e dimrit". Beli ka shpjeguar se për shkak të krizës, nuk i është kushtuar rëndësi cmimit të energjisë por vetëm rrugës së sjelljes së kësaj energjie në Shqipëri. Sipas tij, për këtë arsye janë zgjedhur kompanitë që e plotësonin këtë kriter. "Si konkluzion vetem keto kompani arriten te gjejne rruget e sjelljes se energise ne Shqiperi ne oren 00.00 te dites se djele te 1 janarit, me nje komunikim nga pala shqiptare ne pasdreken e dites se premte te dates 30 dhjetor. Ne baze te rregullave nderkombetare te gjitha planifikimet e rrugeve te kalimit te energjise mbyllen ne oren 14.00 te dites se premte. Ne menyre te vecante per fundin e viti ekziston nje planifikim i dedikuar qe fillon ne oren 14.00 te dites se premte 30 dhjetor dhe vazhdon deri me daten 6 te janarit. Komunikimi per vendimin e Qeverise eshte komunikuar me telefon pas ores 14.00". Sipas Belit OST-Elektra perdori rruget e trasmetimit te prenotuara per sasite e veta, "qe nuk u shiten ne KESH, per te sjelle ne Shqiperi energjine e nje konkurenti, pra ne dem te interesave komerciale te saj".

Rritja në faturat e energjisë,300 deri në 630 lekë

Tiranë- "Konsumatoret qe do te perfitojne nga skema e kompesimit te rritjes se çmimit te energjise elektrike praktikisht nuk kane rritje çmimi(Behet fjale per 270 mije konsumatore ose rreth 37% e numrit total te konsumatoreve)". Drejtori i Përgjithshëm i KESH ka shpjeguar se konsumatoret te cilet aktualisht konsumojne nen 210 kWh per te cilet kemi nje rritje ne fature nga 300 leke me TVSH per konsumin 100 kWh/muaj deri ne maksimumin 630 leke me TVSH per konsumin 210 kWh/muaj. Konsumatoret qe konsumojne mbi 210 kWh/muaj per te cilet mesatarisht nuk kemi ndryshim çmimi

Vetëm me inisative të KESH, sipas Belit, është futur për herë të parë cmimi per konsumatoret ne tension te larte 6leke/kWh. "Dy jane kompanite qe manaxhojne sot sistemin tone: padyshim KESH dhe OST qe eshte Operatori i Sistemit te Trasmetimit. Eshte edhe ERE qe merret me mbikqyrjen e gjithe punes se sistemit, miraton cmimet e energjise qe i shitet konsumatoreve brenda vendit, miraton cmimet e energjise qe prodhohet ne vend nga hidrocentralet e vegjel dhe qe KESH eshte i detyruar te bleje psh. Spahiu-Gjancin qe eshte nje hidrocentral model ne tipin e tij eshte miratuar nje cmim prej 6.3leke/kWh qe te keni idene e krahasimit me cmimin e Tensionit te Larte dhe e perkthyer ne gjuhen e importi 52,5euro/MWh".



Ruli pergjegjes

As komisioni i kryesuar nga Ministri nuk eshte shprehur deri me sot per shpalljen e gjendjes se jashtezakonshme ne ato dite te Shkurtit. Megjithate per te evituar demin ekonomik te gjitha kontratat u ulen nen nivelet minimale te kontraktuara, madje me nje nga kompanite, ate qe kushtonte me shtrenjte Ezpada u shpall arbitrarisht dhe ne menyre te njeanshme gjendja e jashtezakonshme". Beli ka shpjeguar se be kushtet e nje mungese te theksuar te rrugeve te trasmetimit kjo eshte e vetmja forme e sigurimit te energjise. "Si konkluzion nuk mund te reduktohej i gjithe importi ne zero per efekt te penaliteteve dhe qe do te kushtonin me shume se energjia qe do te merrej, pa llogaritur demin ne sigurimin e energjise per KESH ne prag te tenderit te ri te energjise"www.zeripopullit.com

 

[komino]

Re: Kush e lufton korrupsionin?

Skandal në portin e Durrësit, Ndreu përjashton disa firma nga tenderi
DURRËS- E kemi thënë në disa artikuj ku kemi trajtuar problemin e portit të Durrësit se drejtori i këtij porti Eduard Ndreu është simboli i korrupsionit madje një telenovelë e vërtetë e këtij fenomeni që tashmë ka shkaktuar irritimin punonjësve të portit por edhe të qytetarëve durrsakë. Në morinë e skandaleve të tij nuk kishte si të mos përjashtohej ai i tenderave. Çdo vit në portin e Durrësit bëhen tendera për disa shërbime në këtë port që konsistojnë në pastrimin e territorit, tenderi për pastrimin e basenit dhe evadimin e vajrave si dhe tenderi për ngarkim shkarkimin.

I pari është tenderi për pastrimin territorial ku paraqitën dokumentacionin edhe dy kompani serioze të cilat kanë vite që merren me këtë punë pasi kanë fituar tenderin edhe herë të tjera sipas të gjitha ligjeve në fuqi. Por në tenderin e këtij viti në port drejton Ndreu dhe mesa duket ai kërkon ti gllabvërojë këta tendera.

Pa pyetur fare që këto firma kanë të drejtë në bazë të dokumentacionit të paraqitur të marrin pjesë në tender, Ndreu i ka përzënë ato në mënyrë brutale duke mos i dhënë mundësinë të marrin pjesë në tender. Ky është një veprim krejtësisht i jashtëligjshëm i Ndreut dhe për këtë arsye këto dy firma do të ngrenë padi penale për drejtorin e portit. Edhe një kompanie tjetër që tentoi të paraqiste dokumentacionin i është bërë presion që të devijohet nga ky tender.

Arsyeja e përjashtimit të këtyre firmave është shumë e qartë kur mësohet se në këtë tender u paraqit dokumentacioni i 3 firmave fantazëm nga i njëjti person që ka lidhje me Ndreun dhe që sigurisht do të jetë ai fituesi i tenderit. Ky është një veprim tërësisht skandaloz i Ndreut që përbën një akt antiligjor por historia nuk mbaron këtu. Ndreu po përgatit terrenin edhe për dy tenderat e tjerë që do të bëhen më pas.

Kështu në lidhje me ngarkim shkarkimin janë dy kompani ajo e Zamir Ramadanit dhe e Petrit Hanit që janë kompani serioze dhe kanë vite që merren me këtë punë gjithmonë në respekt të ligjit për tenderat. Ndreu po krijon terrenin për ti përjashtuar edhe këto dy kompani dhe këtë plan po e thurr ngadalë për arsye se pronarët e këtyre dy kompanive janë përkrahës të PD-së. Megjithatë ky fakt nuk do ta ndalë Ndreun në djallëzitë e tij sepse e ka hallin tek tenderat dhe nuk pyet më për asgjë. Megjithatë shumë shpejt këto kompani do ti drejtohen prokurorisë dhe gjykatës për këto veprime skandaloze të Ndreut që po vepron me portin sikur të jetë prona e tij personale. Megjithatë ky është vetëm një aspekt i njeriut skandal të portit pasi ai po kryen edhe një marifet tjetër në favor të shtimit të të ardhurave të tij personale. Kështu sektori i elektrovinçave është drejt privatizimit por për ta shtirë në dorë këtë sektor Ndreu pasi ka pushuar nga puna inxhinierët që punojnë aty ka emëruar brigadier të këtij sektori dajën e tij Jadiqar Toro, natyrisht pa arsimin përkatës ashtu si shumë të tjerë që janë emëruar në port. Natyrisht ky veprim të jep të kuptosh që Ndreu do të ketë dorë të lirë në privatizimin e sektorit të elektrovinçave.

Një çudi tjetër e Ndreut, që jo pa qëllim e theksuam në fillim se është një telenovelë korrupsioni, është edhe emërimi si kryeinspektor personeli i Ramazan Kicës nga Burreli, me të cilin natyrisht do të merremi në numrat e ardhshëm sepse edhe ata që emëron Ndreu në poste të rëndësishme i zgjedh sipas vetes së tij. Në këtë artikull po përmendim vetëm faktin që Kica po shqyrton me zell të madh biografinë e çdo punëtori të portit në mënyrë që ata që kanë bindje socialiste të pushohen nga puna pasi spastrimi politik në port vazhdon ende. Eduard Ndreu nuk mund të jetojë dhe punojë dot pa bërë korrupsion fillesat e karakterit të tij korruptiv kanë qenë që në kohën e monizmit kur familja e tij që nuk shihej me sy të mirë nga regjimi i atëhershëm e adoptoi tek familja Toska kështu që Ndreu pati mundësinë të futej në shkollë të lartë me një mbiemër tjetër.

Ndërkohë, pas vitit 1993 Eduardi e ndryshoi përsëri mbiemrin dhe nga Toska mori përsëri mbiemrin e tij dhe u quajt Eduard Bashkim Ndreu dhe filloi ta quante veten të persekutuar. Në këto kushte ai u punësua si oficer i qarkullimit rrugor në Durrës. Pas vitit 1997, duke parë që në Shqipëri erdhën në pushtet socialistët ai u bë simpatizant i PS duke bërë një kërkesë për pranim në këtë parti. Në këtë mënyrë ai gjeti metodat për tu bërë drejtor i patentave nga ku largohet në vitin 2003 për abuzime në detyrë.

Kur punonte në këtë post ai mori në punë edhe një dajë të tij, Qazim Toro, por edhe ai u largua nga puna për korrupsion. Mesa duket Ndreu e paska zakon që në çdo detyrë të shkojë të marrë nga një dajë me vete. Në janar të vitit 2005 Ndreu bëhet anëtar i PD-së dhe krijon miqësi me Olldashin i cili e emëron sekretar të një zone elektorale të PD-së ku konkuronte deputeti aktual Flori Bajramaj.

Ndreu ka financuar gjatë kësaj kohe fushatën e Olldashit dhe Telitit të cilën ia shpërblyen këtë nder duke e bërë drejtor të portit të Durrësit ku tashmë Ndreu bën çfarë i do qejfi. Interesant është fakti që gjatë periudhës kur ai u largua nga kjo punë dhe mbeti për një periudhë të gjatë pa punë arriti të ndërtonte dy vila, njëra dy katëshe dhe tjetra katër katëshe. Edhe nëse do të ishte në punë Ndreu me rrogën që merrte nuk do të mund ti ndërtonte kurrë dy vila të tilla të cilat për nga luksi mund të krahasohen me vilën e Zogut. Por ai ishte pa punë dhe i ndërtoi ato në Rrashbull të Durrësit. Ku i gjeti paratë për të ndërtuar këto vila luksoze ky njeri i papunë?

Por përveç këtyre dy vilave luksoze ku Ndreu qëndron në dimër, ai bleu edhe një apartament në plazhin e Durrësit në mënyrë që Ndreu të qëndronte në verë. Ndreu bleu në këtë pallat gjysmën e katit të fundit me sipërfaqe 120 metra katror dhe me vlerë rreth 100 000 euro, me pamje panoramike dhe me verandë ku Ndreu pas punës "së lodhshme" në port shtrihet sa gjatë gjerë dhe mendon për shpikje të tjera korruptive. Tashmë Ndreu bën politikën e kuadrit në port, me autoritetin e Olldashit por edhe të zëvendësministrit të transporteve dhe telekomunikacionit, ish doganierit Armand Teliti. Tashmë ky drejtor plot pompozitet deklaron me zë të lartë kudo se për sa kohë të kem Olldashin dhe Telitin do të bëj si dua vetë.

Ndreu është nënkryetar i PD-së së Durrësit por edhe vetë demokratët e qytetit bregdetar kanë shprehur vazhdimisht pakënaqësi dhe nuk e duan këtë person me shumë fytyra dhe me shumë probleme të errëta në të kaluarën e tij. Sa për qytetarët durrsakë ata janë shumë të irrituar nga ky njeri i cili me mbështetjen e Olldashit dhe Telitit po sillet si pronar i portit. Sigurisht ky është vetëm një person nga masa e të korruptuarve të PD-së që gëzojnë mbrojtjen e partisë shtet, me ndryshimin e vetëm që Ndreu është një nga më të spikatuarit dhe telenovela e tij korruptive nuk ka të mbaruar.www.zeripopullit.com

 

[komino]

Re: Kush e lufton korrupsionin?

Gati raporti përfundimtar i departamentit të Kontrollit. Ja emrat e fajtorëve në Albtelekom

Kuko e Panariti, gati kallëzimi


“Në prokurori kush toleroi e favorizoi abuzimet”



--------------------------------------------------------------------------------

Të bëhet kallëzim penal në organin e Prokurorisë për të gjithë personat që me veprimet apo mosveprimet e tyre kanë toleruar dhe favorizuar këto abuzime apo kanë përfituar prej tyre”. Raporti përfundimtar i Departamentit të Kontrollit të Brendshëm Administrativ dhe Antikorrupsion i Këshillit të Ministrave, nuk paralajmëron asgjë të mirë për drejtuesit e Albtelekom-it, por dhe bashkëpronarin e shoqërisë Albania Online. I firmosur nga drejtori i këtij departamenti Enkelejd Alibeaj, raporti në 19 faqet e tij, ka mundur të evidentojë të paktën dy emra si fajtorë për situatën e krijuar në Albtelekom. Ilirian Kuko, Drejtor i Përgjithshëm i Albtelekom-it dhe Ylli Panariti i Albania Online, janë dy njerëzit të cilët duket se tashmë do të kenë punë me organin e drejtuar nga zoti Sollaku, kryeprokuror. Por për të mbërritur deri atje, fati i tyre është në tryezën e kryeministrit Berisha, i cili do të vendosë për hapat e mëtejshme që do të merren ndaj tyre. I pari, Kuko, i ardhur nga Shtetet e Bashkuara të Amerikës dhe i konsideruar si shembull i administratorit të sukseshëm dhe i dyti, Panariti, ish-këshilltar i tij dhe një nga anëtarët aktivë të KOP-it.

Përgjegjësit, Kuko
Ilirian Kuko, drejtor i përgjithshëm i Albtelekom-it dhe Ylli Panariti, i Albania Online, konsiderohen fajtorë për humbjet që shkojnë deri në miliona euro të shkaktuara në Albtelekom, për përfitime të padrejta prej tij, por dhe për uljen e vlerës në treg të gjigantit të telefonisë fikse në vend. Të njëjtin ton që kishin përdorur edhe specialistët e tij ditë më parë në projetraportin e tyre, përdor edhe drejtori i tyre Enkelejd Alibeaj. Edhe pse në dosjen e tij janë shënuar observimet e autoriteteve të Albtelekom-it, ato nuk janë marrë parasysh dhe drejtori Alibeaj firmos: “Megjithë informacionet e herëpashershme dhe bërjen tashmë publike të disa prej këtyre problemeve, përsëri, drejtori i përgjithshëm i Albtelekom-it, Ilirian Kuko jo vetëm nuk ka reaguar në drejtim të marrjes së masave konkrete për bllokimin e këtyre fenomeneve, por ka shprehur tendenca favorizimi në lidhje me operatorë të veçantë”. “Kallëzim penal për personat që me veprimet e mosveprimet kanë toleruar dhe favorizuar abuzimet”, shkruan në fund të raportit drejtori Alibeaj duke mos lënë shkas për mëdyshje se ndaj kujt ai ngre gishtin për të akuzuar. Sipas tij, shkak për humbjet e konsiderueshme në Albtelekom janë shkaktuar nga marrëdhëniet që kompania shtetërore ka krijuar me partnerët e tij privatë. Raporti përcakton se edhe kur këto marrëdhënie janë ngritur mbi bazën e marrëveshjeve korrekte, zbatimi i tyre në praktikë ka qenë i gabuar dhe në çdo rast, në dëm të vetë Albtelekom-it. Kompania ka arritur të akumulojë humbje të thella sidomos në marrëdhënie me Operatorët e Shërbimit me kartë të parapaguar e operatorët ruralë. Në vend që të ndërpriste këto kontrata, Albtelekom ka vazhduar t’i tolerojë dhe “ky fenomen ka bërë që Albtelekom-i të humbasë një sasi të madhe të tregut të trafikut ndërkombëtar që në fakt mund t’ia siguronte vetë konsumatorit shqiptar”, thuhet në raport.
Përgjegjësit, Panariti
Edhe në raportin përfundimtar të departamentit të Kontrollit në Këshillin e Ministrave, shoqëria e Ylli Panaritit, mund të konsiderohet si delja e zezë në gjithë numrin e partnerëve ruralë të Albtelekom-it. Sipas raportit “Shoqëria Albania Online figuron aktualisht më problematikja ndër Operatorët e Shërbimit me kartë të Parapaguar dhe Operatorët Ruralë më të cilët Albtelekom-i ka marrëveshje intekoneksioni ose kontrata shërbimi”. Në 17 rekomandimet që drejtori i departamentit Alibeaj firmos, pesë të tilla lidhen drejtpërdrejt me Albania Online. Madje në njërin prej tyre i kërkohet Këshillit Mbikqyrës së Albtelekom-it të “analizojë veprimet e drejtorisë së Albtelekom-it si dhe të gjithë strukturave të varësisë në lidhje me tolerimin e fenomeneve në tërësi dhe në veçanti të abuzimeve të kryera nga shoqëria Albania Online”. Raporti përcakton se shoqëria private e ish-këshilltarit të zotit Berisha ka krijuar probleme të shumta si në punën e saj si operator për Shërbimin me Kartë të Parapaguar, ashtu dhe për veprimtarinë e saj private si operator rural. Sipas autorit të raportit, në të gjithë këtë veprimtari, shoqëria është toleruar nga Albtelekom-i duke “u shndërruar në një nga operatorët kryesorë të tregut dhe duke arritur t’u imponojë edhe operatorëve të tjerë rregullat e lojës”. Por në këtë pikë duket se loja ka marrë fund. Të paktën nëse edhe organi i prokurorisë – dosja pritet të mbërrijë aty pas vendimit të vetë kryeministrit – do të ndajë të njëjtin mendim me zyrtarët e kryeministrit.



Rekomandimet
1. Albtelekomi të pezullojë shërbimin ndaj të gjithë Operatorëve të Shërbimit me Kartë të Parapaguar deri në zbatimin e kushteve teknike të marrëveshjeve.
2. Albtelekom të rishikojë aktivitetin e shoqërive Operatore Publike të Telekomunikacioneve në Zonat Rurale.
3. Albtelekomit të rishikojë të gjitha kushtet teknike të ofruara ndaj Operatorëve të Shërbimit me Kartë të Parapaguar dhe Operatorëve Publike të Telekomunikacioneve në Zonat Rurale.
4. ERT të rishikojë të gjitha kushtet teknike të ofruara nga Operatorët e Shërbimit me Kartë të Parapaguar dhe Operatorët në Zonat Rurale me qëllim shmangjen e abuzimeve dhe respektimin e kushteve të konkurencës së ndershme.
5. Të zbatohet vënia në punë e pajisjeve teknike që mundësojnë identifikimin e të gjitha thirrjeve hyrëse dhe dalëse në rrjet.
6. Në marrëveshjet e reja të interkonjeksionit të parashikohet në mënyrë të saktë përqindja e shmangjes së lejuar të trafikut në drejtim të numrit të thirrjeve të suksesshme dhe kohëzgjatjes së tyre.
7. Albtelekom dhe ERT të parashikojnë rakordimin periodik të faturimeve të trafikut që operatorë i bëjnë abonentëve të tyre.
8. Albtelekom dhe ERT të hartojnë një strategji e re e aplikimit të tarifave të interkonjeksionit në mënyrë që Albtelekom të bëhet sa më eficent në treg.
9. Albtelekomit dhe ERT të hartojnë strategji të re të aplikimit të tarifave të interkonjeksionit për shoqëritë që kërkojnë të operojnë me anë të VoIP.
10. Të ndërpritet menjëherë përdorimi i numrit telefonik 251637 nga shoqëria Albania Online SP.
11. Të prishen menjëherë kontratat përkatëse për shërbimin PABX me shoqërinë Albania Online SP për dhënien në përdorim të kësaj shoqërie të dy kapaciteteve E1
12. Nga Albtelekom dhe Enti Rregullator i Telekomunikacioneve të inspektohen të gjitha kontratat e tjera që shoqëria Albania Online SP ka nënshkruar me AT.
13. ERT të rishikojë zbatimin e kushteve të licensimit për shoqërinë Albania Online.
14. ERT të rishikojë zbatimin e kushteve të licensimit nga Operatori i Shërbimit me Kartë të Parapaguar Interalb.
15. Nga Këshilli Mbikqyrës i Albtelekom të analizohen veprimet e Drejtorisë së Albtelekom sh.a. si dhe gjithë strukturave të varësisë në lidhje me tolerimin e fenomeneve në tërësi dhe në veçanti të abuzimeve të kryera nga shoqëria Albania Online SP.
16. Të bëhet kallëzim penal në organin e Prokurorisë për të gjithë personat që me veprimet apo mosveprimet e tyre kanë toleruar dhe favorizuar këto abuzime apo kanë përfituar prej tyre.www.gazetashqiptare.com

 

[komino]

Re: Kush e lufton korrupsionin?

Me sa kuptova une, gjithe ky problem ishte se albaniaonline i ofroi konsumatorit lidhje nderkombetare me cmime te uleta. Pse gjihte kjo zhurme? ku jane konsumatoret? pse nuk ndihen konsumatoret ne mbrojtje te interesave te tyre??????????

 

[ujku81]

Re: Kush e lufton korrupsionin?

Sepse AOL ka fut nji hale me lek n'xhep, ka shkel kontraten dhe ligjin, Albtelekomi ka humb pare shume dhe Ilirian Kuko eshte nipi i Panaritit.
Do me shume se kaq?? /pf/images/graemlins/tonguee.gif