BSH bashkefajtore per mjerimin e shqiptareve

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

Bonot e thesarit: Në 3 muaj, shteti humbi 6 milionë dollarë


16 Tetor Nga Broker

Situatë monopol në tregun e bonove. 60% e tyre blihen nga Raifessen. Pasoja, rriten interesat e kredive në të gjithë sistemin e bankave të nivelit të dytë.

Në intervistën që Guvernatori i Bankës së Shqipërisë dha për Zërin e Amerikës para tri javësh, pyetjes së gazetares që shtypi shqiptar ditët e fundit ka botuar shkrime skeptike për nivelin e lartë të normave të interesit të bonove të thesarit, ai i përgjigjej:

“Mesazhi që ne japim, dhe kjo u duk qartë në deklaratën e Bankës së Shqipërisë ditë më parë, është që duhet të kuptojmë të gjithë që tashmë kemi një treg privat, se atë që kemi shpresuar me kohë, tashmë e kemi. E kam thënë që në ditët e para të ardhjes sime si guvernator se 2005-a dhe më tej do të jetë ndryshe nga 2004-a, sepse kemi një treg ndryshe. Kemi të paktën 60 për qind të një tregu shtetëror, siç ishte Banka e Kursimeve, tashmë të privatizuar. Kemi një bankë me një sjellje private, e cila, mbi të gjitha, ka parimet e saj të konsolidimit dhe të arritjes së rezultateve sa më të mira financiare”.

Pak kohë më parë, Banka e Shqipërisë i “shpjegoj“ të gjithë shqiptarëve me një deklaratë për shtyp më 21 shtator se nuk ka pse të skandalizohemi për nivelin e lartë të interesit të bonove, sepse kjo rritje është si rezultat i “tregut të lirë” që aplikohet në këto ankande.

Eshtë e qartë se “tregu privat“ që përmend guvernatori në intervistë nuk ka të njëjtin kuptim e ”tregut të lirë” që na përmend në deklaratën e saj Banka e Shqipërisë.

Një treg mund të jetë privat, por nuk mund të jetë në mënyrë të domosdoshme edhe “i lirë“ edhe shembuj kemi plot në Shqipëri, ku ka tregje private që në të njëjtën kohë nuk janë të lira.

Shtrohet pyetja: si mund të jetë “i lirë“ tregu i bonove të thesarit, ashtu si pretendon të na mbushi mendjen Banka e Shqipërisë, kur 60% të këtij tregu e zotëron vetëm Banka Raifessen?

Duke lexuar fjalët e Guvernatorit, kuptuam më në fund se kush është shkaktari i këtyre rritjeve kaq të larta e të pajustifikuara të interesave të bonove të thesarit këto muajt e fundit.

Gjithashtu, të gjithë ne jemi shumë të pakënaqur për „sjelljen private„ të kësaj banke që për „konsolidimin dhe të arritjes së rezultateve sa më të mira financiare“ të saja, të zgjedhi metodën e ngritjes së interesave të bonove të thesarit të një shteti sovran me 35% brenda 3 muajsh (për bonot 12 mujore interesi nga 6,78% në ankandin n.1030 e datës 21.06.2005 të shkojë në 9,14% në ankandin n.1058 të 27.09.2005, ku gjatë gjithë kesaj periudhe interesi i repove që percaktohet nga Banka e Shqipërise ka qenë konstant në shifrën e 5%) .

Në të njëjtën kohë banka Raiffessen të gjithë klientëve që depozitojnë në sportelet e saj i jep vetëm 3,25% në vit interes edhe në periudhën në fjalë u kishte ofruar edhe shifrën simbolike të 2,85% në vit që nuk arrin të mbulojë dhe inflacionin.

“Sjellja private” e bankës që mbulon 60% të tregut shqiptar ka bërë të mundur që edhe interesi i kredive që ofrohen në lekë nga i gjithë sektori bankar në Shqipëri të ketë një rritje, sepse interesi i tyre është i lidhur direkt me interesin e bonove të thesarit, duke i shtuar një përqindje shtese që varion nga 3-5% sipas klientit e bankës së nivelit të dytë.

Pra, përveç këtij efekti që po ndihet e do të ndihet në të ardhmen në ekonominë shqiptare të kreditdhënies, duke vënë në vështirësi realizimi e premtimit elektoral të ekzekutivit të ardhur në pushtet mbas zgjedhjeve të 3 korrikut për një 4-fishim të kredisë në ekonominë shqiptare (është shumë më e vështirë për të gjithë shqiptarët të marrësh kredi në këto nivele kaq të larta interesi sesa më parë), “sjellja private” e bankës më të madhe në vend solli një kosto direkte e të menjëhershme për financat e shtetit shqiptar, sepse tashmë po paguhen interesa deri në 35% më të larta nga muajt e fundit të qeverisjes së mëparshme socialiste.

Kështu po të shikojme me vëmendje statistikat e Bankës së Shqipërisë, në muajin maj interesat e bonove 12-mujore ishin në nivelin 6,80%, ndërsa në muajin qershor, interesi ishte 6,77% e 6,78% (21 qershor 2005) .

Duke marrë për bazë nivelin e interesave në ankandin e fundit përpara zgjedhjeve të 3 korrikut (6,78%) e duke bërë diferencen e interesave të reja në ankandet në vijim me këtë nivel të mësipërm, del akoma më qartë rritja e pajustifikuar e interesave në këto 3 muajit e fundit.

Duke e shumëzuar këtë diferencë me shumën e pranuar të parasë të kërkuar nga qeveria shqiptare në këto ankande na del ky rezultat: 624.140.834 lekë të reja.

05.07.2005 Nr. i ankandit 1034 10501740000 * (6,83-6,78=0,05 %) = 5250870 lekë

19.07.2005 Nr. i ankandit 1038 10458600000 * (6,96-6,78=0,18%) = 18825480 lekë

02.08.2005 Nr. i ankandit 1042 10382660000 * (7,26-6,78=0,48%) = 49836768 lekë

16.08.2005 Nr. i ankandit 1046 4898240000 * (7,81-6,78=1,03%) = 50451872 lekë

30.08.2005 Nr. i ankandit 1050 8994910000 * (8,41-6,78=1,63%) = 146617033 lekë

13.09.2005 Nr. i ankandit 1054 6724130000 * (8,93-6,78= 2,15%) = 144568795 lekë

27.09.2005 Nr. i ankandit 1058 8838560000 * (9,14-6,78= 2,36%) = 208590016 lekë

Tot = 624.140.834 lekë të reja

Me kursin lekë-dollar të kësaj periudhe janë plot 6 milion dollar pagesa më tepër interesa nga buxheti i shtetit vetëm në 3 muaj e vetëm për bonot me maturim 12 mujor.

Është një shumë e konsiderushme për buxhetin e shtetit, duke e krahasuar edhe me vlerën e përgjysmimit të tatimit për biznesin e vogël që po bën kaq jehonë në mediat shqiptare.

Duhej të kishte vëmëndje më të madhe për këtë fakt që përkeqësohet akoma më shumë nëse do të marrim parasysh që në këto 3 muajt e mbas zgjedhjeve janë kryer edhe 7 ankande të tjera për bonot me maturim 6-mujor, por edhe çdo javë ankande për bonot me maturim 3-mujor që të gjitha me interesa në rritje në krahasim me interesat stabile të muajve përpara zgjedhjeve të 3 korrikut.

Këto llogaritje shtesë janë të lehta për t’u bërë nga çdo kush nga ne, por një gjë nuk është e qartë: pse banka Raifessen me pozicionin dominant që ka u kujtua vetëm pas 3 korrikut të kondiciononte tregun shqiptar me “sjelljen private” të saj duke bërë të mundur një rritje prej 35% të interesave?

Gjithashtu, pse Banka e Shqipërisë me instrumentet e saj direkt e indirekt nuk ndërhyn në mënyrë që interesat të kthehen në nivelin e tyre të ekuilibrit?

Çfarë po bëhet nga qeveria që financat e një shteti sovran mos të jenë kaq të ekspozuara nga “sjellja private” e një banke e nivelit të dytë?

Pse nuk po liberalizohet në mënyrë masive tregu i bonove të thesarit që të gjithë shqiptarët të marrin pjesë në to nga sportelet e bankave të nivelit të dytë duke paguar një komision të arsyetueshëm ashtu siç ndodhë rëndomë në Europë.

Pse nuk i jepet licenca Alba-postës sh.a. që ne 530 sportelet e saj të shtrirë në të gjithë vendin të bëjë të mundur shqiptarëve të marrin pjesë në keto ankande, ku interesi është 2,5 herë më i madhe sesa 3,25% i bankës Raiffesen?

Pse nuk merren masat ndaj shoqërive që me “sjelljen private” të tyre cënojne rëndë financat e indikatoret makro-ekonomik të një shteti?

Kam besim në fjalet e fundit të Guvernatorit në intervistën e tij për Zërin e Amerikës kur flet për rolin “vigjilent” të Bankës së Shqipërisë në raste “distortions” të yield-eve të bonove të thesarit, e për shikimin me mjaft kujdes e ndjekjen nga ana e këtij institucioni në qoftë se ka “shpërpjestime për sa i përket rolit monopol ose konkurrencës” të operatorëve që operojnë në këtë treg e që për mendimin tim janë mëse evidente.

6 milionë dollarët e humbur në këto 3 muaj vetëm nga bonot e thesarit 12-mujore duhet të na bëjnë të gjithëve të reflektojmë.

http://www.gazetametropol.com/tekst.php?idt=17957

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

eshte interesante te dihen edhe humbjet nga interessi i larte per llogarit e bonove 3 e 6 mujore.

duhet thene se ne ankandin e fundit kemi nje "ulje" ne 8,85% te interesave .

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

disa muaj me pare ne kete teme e ne piken 27 kemi thene:

27- Banka e Shqiperise eshte bashkefajtore per gjendjen e mjeruar te shqiptarve sepse:

akoma nuk ka Detyruar bankat e nivelit te dyte qe te Publikojne ne te gjitha ambientet e tyre te hapura per publikun reklamime me titull :
" Normat e Trasparences " ku te vihen ne dukje :

- Baza e interessit qe aplikohet nga banka ndaj klientit ,cmimet qe do te paguaj klienti per sherbimet qe i ofron banka, shpenzimet e dukeshme e ato te padukshme qe aplikon banka ndaj klientit, e te gjitha kushtet e kontrates ne menyre te sintetizuar ne termat kryesor si per nje llogari rrjedhese , si per nje llogari kursimi, kredi etj etj .

- banka e nivelit te dyte duhet te DETYROHET qe perpara firmosjes te cdo kontrate, te beje te mundur qe klienti duhet te jete njohur me shkrim me te gjithe termat e kontrates qe kerkon te nenshkruaj me banken ku eshte klient.

- Gjithashtu duhet qe te detyrohen bankat e nivelit te dyte qe ne menyre periodike ti Komunikojne klientit te gjitha Ndryshimet kur termat e kontrates se lidhur midis tij e bankes kane ndryshuar,kur normat e interessit si per kursimet por edhe per kredite me interess variabel kane ndryshuar , gjithmone kur jane ne disfavor per te.

- Bankat e nivelit te dyte duhet qe ne periudha 3 mujore te Informoj klientin e saj me SHKRIM , ne adressen e tij te fundit, per te gjitha levizjet qe jane bere ne llogarine e tij , ku ai te njihet per cdo eventualitet .

- Bankat e nivelit te dyte duhet te detyrohen qe te ngrejne nje zyre per te gjitha ankimet qe kane Klientet ndaj Bankes.

Banka e Shqiperise duhet te Detyroje , te kontrolloj , te kryej ispezione ne raste se Bankat e nivelit te dyte nuk zbatojne “Normat e Trasparences " , e te penalizoje administratoret e drejtusit e ketyre bankave kur evindentohet se jane shkelur rregullat.

Banka e Shqiperise /pf/images/graemlins/smash.gif ne frymen e mbrojtjes se “kontraktusit me te dobet” midis bankes e klientit (eshte gjithmone ky i fundit me i dobeti) duhet te levizi e ti futet punes /pf/images/graemlins/shrug.gif /pf/images/graemlins/shrug.gif .

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

BANKA E SHQIPËRISË
DEPARTAMENTI I MARRËDHËNIEVE ME PUBLIKUN

NJOFTIM PËR SHTYP

Fjala përshëndetëse e Guvernatorit të Bankës së Shqipërisë, z. Ardian Fullani në ceremoninë e 5-vjetorit të privatizimit të Bankës Kombëtare Tregtare, Hotel Sheraton, 18 tetor 2005

Data e publikimit 18.10.2005



Të nderuar zonja dhe zotërinj,

Sot ndjehem i nderuar që në këtë takim jubilar të shoh se si është rritur dhe konsoliduar BKT dhe bashkë me të i gjithë sistemi bankar në Shqipëri. Me kënaqësi konstatoj se sistemi bankar pas një periudhe të gjatë ristrukturimi po mer rolin që i takon në ekonomi, atë të angazhimit të fondeve të lira drejt nevojave gjithmonë e në rritje të biznesit dhe të konsumatorit shqiptar, duke përmirësuar në të njëjtën kohë numrin dhe cilësinë e shërbimeve.

Për këtë arsye, ndjehem i nderuar që më jepet rasti të marr fjalën në këtë takim, për të adresuar dhe diskutuar bashkarisht me ju disa çështje të momentit dhe të perspektivës, të cilat i gjykoj se janë të rëndësishme për rritjen e mëtejshme të kontributit të sistemit bankar në zhvillimin ekonomik të vendit.

Më lejoni të filloj nga puna jonë si Bankë e Shqipërisë në drejtim të krijimit të një klime të favorshme për zhvillimin e biznesit dhe të ekonomisë.

Politika monetare e ndjekur vitet e fundit në vazhdimësi ka synuar uljen e mëtejshme të çmimit të parasë për t’i dhënë frymëmarrje ekonomisë, ndërkohë që kemi qenë të sukseshëm në mbajtjen nën kontroll të inflacionit. Për rrjedhim, gjykoj se kemi krijuar stimuj të qenësishëm në drejtim të krijimit të një klime biznesi të qëndrueshme ku vendimet dhe planet e biznesit nuk rrezikohen nga pasiguria e erozionit inflacionist.
Prej pothuajse një periudhe disavjeçare Banka e Shqipërisë ka qenë e angazhuar me të gjithë kapacitetet e saj për krijimin e një infrastrukture pagesash bashkëkohore, me qëllimin që sistemi bankar të jetë më pranë dhe i hapur në marrdhëniet me klientelën. Kështu, pasi përfunduam sistemin e pagesave në vlerë të madhe dhe atë në vlerë të vogël, tashmë kemi vënë gjithë forcat për krijimin e regjistrit të kredive. Aktualisht, pas përfundimit të sistemit të kryqëzimit të pagesve në vlerë të vogël, kemi krijuar një mundësi më shumë jo vetëm për sistemin bankar por edhe për biznesin e shërbimeve me natyrë periodike për të rritur eficiencën e tij ekonomike. Me këtë rast, i bëjmë apel të dy palëve, bankave dhe bizneseve, të bashkëpunojnë me njëra tjetrën për të shfrytëzuar më efektivisht përparësitë e ofruara nga ky sistem i ri.
Banka e Shqipërisë gjykon se një sistem bankar ndihmon rritjen ekonomike kur ai në rradhë të parë është i shëndoshë financiarisht. Ekonomitë në zhvillim si ekonomia jonë, në përgjithësi karakterizohen nga një qëndrueshmëri e brishtë. Është kjo arsyeja që Banka e Shqipërisë është përpjekur të ndërmarrë një tërësi masash, të cilat synojnë forcimin e aftësive të saj mbikëqyrëse, me qëllim paisjen e një sistemi bankar të fortë, të shëndoshë dhe eficient.
Në lidhje me performancën e sistemit bankar:

Gjatë vitit 2005 janë shënuar zhvillime të spikatura. Të dhënat e deritanishme tregojnë se kredia për ekonominë ka shënuar një rritje prej gati 3–4 pikë përqindjeje të PPB-së, duke dhënë sinjale të qarta për një gjallërim premtues të financimit të ekonomisë në të ardhmen. Deri në gusht 2005, krahasuar me fundin e vitit të kaluar, aktivet e sistemit u rritën më tej me 14.5 për qind, ndërkohë që pati shtim të produkteve bankare dhe zgjerim të rrjetit të tyre. Krahasuar me fundin e vitit 2004, sistemi bankar shfaqet me një nivel fitimi që ka ardhuar në rritje, në masën 4.65 miliardë lekë. Kthimi mbi kapitalin (ROE) rezultoi në nivelin 24.8 për qind, ndërkohë që cilësia e kreditit, e shprehur si raport mes kredisë me probleme (neto) dhe totalit të portofolit të kredisë është vetëm në nivelin 2.39 për qind, nga 4.2 për qind në fund të vitit 2004. Megjithatë, nuk është vendi për t’u përfshirë nga euforia e shifrave, sepse kreditë janë ende të reja dhe cilësia e tyre mbetet për t’u monitoruar me kujdes.
Një zhvillim tjetër i mirëpritur i sistemit bankar i takon shërbimit të klientelës i cili nëpërmjet terminaleve elektronike natyrshëm është shoqëruar edhe me rritjen e numrit të kartave elektronike në qarkullim. Tashmë bankat ofrojnë karta debiti dhe krediti në bashkëpunim me kompanitë ndërkombëtare Visa dhe MasterCard, Diners Club. Gjashtë banka ofrojnë shërbimin e ATM-ve dhe numri i këtyre të fundit, në fund të muajit gusht 2005, arriti në 180 ndërkohë që numri i pikave të shitjes ka arritur në 391.
Pa dyshim një aspekt i rëndësishëm mbetet dhe shtrirja dhe fuqizimi i mëtejshëm i sistemit bankar. Zgjerimi gjeografik i mbulimit të territorit me biznes bankar, rritja e konkurrencës, prezantimi i shumë produkteve të reja pa harruar edhe zhvillime të tjera të kohëve të fundit, përbëjnë një argument më shumë në rolin vital që ka pasur dhe do të vazhdojë të ketë sistemi bankar në të ardhmen. Harta e mbulimit të vendit me biznes bankar u zgjerua më tej, duke përfshirë rajone të reja të pambuluara më parë. Në fund të gushtit numri total i degëve arriti në 109 ose 21 degë më shumë se fundi i vitit paraardhës.
Përfitoj nga ky eveniment që të shpreh se vlerësime pozitive rreth sistemit bankar janë dhënë edhe në raportin e përgatitur nga Banka Botërore dhe Fondi Monetar Ndërkombëtar, në përfundim të vlerësimit që ata bënë për sektorin financiar në Shqipëri (FSAP). Sigurisht që ky është një lajm i mirë. Konkluzionet e FSAP, të kësaj pasaporte të rëndësishme ndërkombëtare, janë një tregues i konkluzioneve tona më të hershme, se sistemi financiar në Shqipëri është i karakterizuar nga një sistem bankar i mbikëqyrur dhe efektiv si dhe nga segmentet e tjera, të cilat ende janë në fazat e para të zhvillimit ku kryegjëja mbetet rregullimi dhe mbikëqyrja e tyre.
Megjithë zhvillimet pozitive ende mbetet shumë për t’u bërë. Shkalla e ndërmjetësimit financiar vazhdon të jetë relativisht e ulët (rreth 11 për qind e PPB-së). Ende disa sektorë të ekonomisë si bujqësia, vazhdojnë të kreditohen pak ose aspak. Kontributi i kreditit bankar në investime prodhuese është ende i ulët dhe për më tepër, duke konsideruar peshën e lartë që zë kredia në mbështetje të aktivitetit tregtar, mund të dilet në konkluzionin se pjesa më e madhe e kredisë shkon për financimin e importeve. Po kështu, shkalla e përdorimit të sistemit bankar nuk është në parametrat që kërkon koha dhe për më tepër, shkalla e përdorimit të cash-it vazhdon të jetë e lartë.

Përveç të tjerash, tregjet financiare vazhdojnë të mbeten të cekta dhe objekt spekulimesh. Një arsye për këtë situatë janë alternativat e kufizuara të investimit të fondeve të lira. Ende si alternativë më e mirë vazhdon të jetë financimi i deficitit buxhetor. Megjithatë, sistemi bankar duhet të mendoj, seriozisht për pasurimin e tregut me instrumente të tjera dhe jo për shfrytëzimin në maksimum të këtij investimi pa rrezik.

Për të qenë më konkret, në vazhdim do të nënvizoj disa drejtime të cilat mendoj, se në një këndvështrim afatmesëm janë parësore për të stimuluar dhe gjallëruar më tej rolin e kredisë bankare në ekonomi, si mjeti kryesor me anë të të cilit sistemi bankar nxit zhvillimin ekonomik në një ekonomi tregu.

Duke filluar nga kontributi i Bankës së Shqipërisë, në radhë të parë ai lidhet me përmbushjen e detyrimeve ligjore për arritjen e stabilitetit të përgjithshëm makroekonomik me një theks të veçantë në kontrollin e inflacionit. Ne mbetemi të vendosur në qëndrimin tonë se një inflacion nën kontroll është një kontribut i çmuar për arritjen e objektivave të rritjes ekonomike të vendit, të rritjes së punësimit dhe të nivelit të jetesës në përgjithësi.

Nga ana tjetër, Banka e Shqipërisë do të nxisë dhe do të mbështesë pa hezitim zhvillimin dhe konsolidimin e mëtejshëm të sistemit bankar në veçanti, dhe të sektorit financiar në një kuptim më të përgjithshëm. Ne jemi thellësisht të angazhuar për të ndërmarrë të gjithë hapat e duhur për plotësimin e të gjithave rekomandimeve të lëna nga FSAP-i. Për këtë, ne jemi të gatshëm që të ofrojmë kapacitetet tona njerëzore për të kontribuar në këtë drejtim. Përfitoj nga rasti që të bëj një apel në drejtim të marrjes së masave të menjëhershme në drejtim të rikonceptimit të procesit licencues dhe mbikëqyrës së pjesëve të tjera të sektorit financiar.

Banka e Shqipërisë do të vazhdojë të ndjekë një politikë të kujdesshme në plotësimin e funksionit të saj si autoritet licencues i subjekteve financiare që përfshihen në aktivitete kreditimi. Në kontekst të kësaj që thashë më sipër, përfitoj nga rasti që të shpreh angazhimin tonë për të përfshirë në strukturën tonë të mbikëqyrjes të gjitha ato shoqëri apo insitucione krediti, të cilat në një mënyrë ose në një tjetër mobilizojnë fonde të popullatës ose administrojnë fonde publike në procesin e kreditimit.

Duke vlerësuar problemin e informacionit, si një element kritik në lehtësimin e aktivitetit të kredidhënies, dëshiroj t’iu kumtoj se Banka e Shqipërisë e ka përfshirë projektin e ndërtimit të regjistrit të kredive në planet e saj të afërta dhe jemi thellësisht të angazhuar që ta përfundojmë atë sa më shpejt. Ky regjistër do të jetë nën administrimin e Bankës së Shqipërisë dhe pjesëmarrja e bankave anëtare të sistemit do të jetë e detyruar. Vetëm kështu, do të mund të reduktohet evazioni i informacionit, do të sigurohet integriteti i tij dhe njëkohësisht do të ishte i disponueshëm për secilën nga bankat anëtare të sistemit.

Duke qenë të ndërgjegjshëm se problematika e kreditit është komplekse dhe e lidhur me shumë pengesa që burojnë nga pasaktësitë dhe keqfunksionim i sistemit të regjistrimit të pasurive të paluajtshme, nga mangësitë në procedurën civile për ekzekutimin e hipotekës, të cilat vështirësojnë funksionimin e Zyrës së Përmbarimit në realizimin korrekt të këtyre procedurave, ne do të ndërmarrim nisma që synojnë rritjen e efektivitetit të përdorimit të hipotekës, si një mjet i rëndësishëm jo thjesht garantues, por edhe përzgjedhës.

Nga ana e tij, sistemi bankar ka një rol parësor në krijimin e një klime më të ngrohtë në marrëdhëniet biznes-bankë.

Para së gjithash, do të kërkoja që sistemi bankar të jetë më transparent dhe më i hapur ndaj publikut. Transparenca është një ndër faktorët e rëndësishëm që forcon lidhjet klient – bankë dhe për më shumë ajo i jep një kuptim më të madh konceptit të reciprocitetit në marrëdhëniet dypalëshe bankë – depozitues dhe bankë – biznes. Mendoj se ende shumica e njerëzve të thjeshtë shfaq njëlloj hezitimi për t’iu drejtuar bankës. Shkak mund të jetë edhe mungesa e sqarimeve të detajuara të rastit. Bankat duhet të jenë më aktive, jo thjesht në reklaminin e produkteve dhe të shërbimeve të reja, por dhe në shpjegimin më të saktë të çmimeve/kostove, që ato mbartin dhe kërkesave të nevojshme që duhen plotësuar për përfitimin e tyre. Ka jo pak raste që klientët janë të paqartë çfarë norme interesi paguajnë për kreditë e tyre apo çfarë kriteresh përdoren nga bankat për të përfituar kredi. Edhe në anën e depozitorëve komunikimi është jo optimal. Ndërkohë që ndryshime të vogla të interesave të depozitave mund të justifikohen me ndryshimet e kushteve të tregut, ndryshime disi më të forta kanë nevojë të shoqërohen me informacion dhe me shpjegim përkatës më të plotë. Rritja e kësaj transparence duhet bërë jo thjesht në emër të etikës, por dhe të rritjes së konkurrencës në treg.
Sistemi mund të luaj në rol më të madh në reduktimin e cash-it në ekonomi duke rritur dhe përmirësuar më tej nivelin e shërbimeve. Zhvillimet pozitive të kohëve të fundit kanë patur efektet e tyre në reduktimin e sasisë së parasë cash në ekonomi. Nga ana tjetër, kemi zhvilluar një aktivitet të dendur publik, me karakter sqarues dhe promovues ku nuk kanë munguar edhe takimet e një natyre tjetër ku ne si sistem bankar së bashku jemi angazhuar konkretisht. Më lejoni t’iu kujtoj takimet e hapura që kemi bërë me biznesin e shërbimeve utilitare si dhe atë në lidhje me veprimtarinë e tregut primar të bonove të thesarit. Shpresoj që tashmë, pas finalizimit të projektit të kryqëzimit të pagesave në vlerë të vogël, secila bankë nga ana e saj duhet të mendojë seriozisht për të rritur shkallën e përfitimit nga ky fasilitet i ri që po ofron Banka e Shqipërisë, në këtë moment. Pas përfundimit të këtij projekti mendoj se duhet të mendojmë më me seriozitet për shtimin numerik dhe cilësor të pagesave elektronike. Për këtë qëllim, do t’iu bëj thirrje që të filloni të mendoni që tani në lidhje me projektet e ardhme në infrastrukturën e pagesave. Unë personalisht do të insistoj që edhe në këtë drejtim ne si sistem bankar të hedhim sytë nga direktivat e Bashkimit Evropian, me qëllim që çdo hap i yni në të arshmen të jetë i prirur drejt integrimit të vendit me BE. Pak kohë më parë jam njohur me një inciativë të re të BE, e cila kërkon që brenda një periudhe kohe të caktuar, ndërmjet të tjerash të ndërtohet një sistem i unifikuar i pagesave brenda Eurozonës, duke përfshirë edhe pagesat me kartë. Për këtë qëllim, do të sugjeroja që specialistët përkatës nga shoqata dhe Banka e Shqipërisë të njihen sa më shpejt me këtë projekt duke na sjellë dhe sugjerimet përkatëse në këtë drejtim. Gjithashtu, mbetem konstant në qëndrimin tim se ne në Shqipëri duhet të adoptojmë zgjidhjet më të përparuara në gjithë projektet infrastrukturore që ne do të aplikojmë. Besoj se nuk kemi pse të marrim në shqyrtim modele të vjetruara tashmë, të cilat përveç kostos fillestare do të kërkonin vazhdimisht fonde të tjera për mirëmbajtjen dhe modifikimin e tyre.

Gjithashtu, tashmë që administrata publike është bërë kliente e sistemit, mendoj se ka mundësi reale për të zgjidhur nëpërmjet sistemit bankar pagesat e shërbimeve utilitare.

Duke iu rikthyer tregjeve financiare mendoj se megjithë kufizimet e përmendura edhe në kushtet aktuale ka hapësira për të përmirësuar konkurrencën nga ana e bankave. Do të doja të tërhiqja vëmendjen në drejtimet e mëposhtme.

Sistemi duhet të jetë më aktiv dhe të mbajë premtimet e tij publike për të vënë sportelet e tij në shërbim të shitjes së bonove thesarit drejtpërdrejt publikut të interesuar. Ne si Bankë e Shqipërisë i kemi mbajtur premtimet e tona, duke aplikuar një komision i cili presupozon mbulimin e kostos së transaksionit ndërkohë që këtë masë do ta shoqërojmë me ndalimin e arkëtimit të prurjeve cash në sportelet e Bankës së Shqipërisë. Gjithashtu, bankat duhet të investojnë në teknologji moderne për të mundësuar realokimin e fondeve të klientëve të tyre në alterativa të ndryshme investimi, me anë të mjeteve elektronike dhe jo si ndodh jo rrallë sot që individët lëvizin akoma me çanta me cash.
Bankat duhet të jenë me aktive në drejtim të tregut sekondar të bonove. Duhet t’i bëhet e qartë publikut se kushdo që është i interesuar mund të skontojë bonot e tij në çdo moment ashtu sikurse çdo individ që ka pak para mënjanë çdo ditë mund t’i drejtohet sistemit bankar jo vetëm për të depozituar, por edhe për të blerë bono thesari.
Tregu ndërbankar mund dhe duhet të përmirësohet. Në ditët e sotme bankat tregtare shkëmbjnë një sasi të madhe likuiditeti me bankën qendrore. Por, duhet të intensifikohet edhe shkëmbimi i këtij likuditeti ndërmjet bankave tregtare. Kjo do të siguronte më shumë mundësi financuese dhe investuese për individët dhe firmat, përfshirë dhe bankat.
Bankat duhet t’i kushtojnë më shumë vëmendje tregjeve të valutës dhe të bonove të thesarit, në drejtim të thellimit dhe zgjerimit të mëtejshëm të tyre. Kështu, përveç paraqitjes së instrumenteve financiare të reja do të ishte gjithashtu e nevojshme, të avancohej në përdorimin e instrumenteve ekzistuese. Këto përmirësime do të ishin në përfitim të ekonomisë në përgjithësi, pra; individëve, kompanive dhe vetë bankave, por edhe të bankës qendrore dhe qeverisë. Kështu, individët do të kishin më tepër mundësi për të investuar kursimet e tyre, kompanitë do të mund të shfrytëzonin më mirë aktivitetet e reja të biznesit, bankat do të kishin përfitime më të larta dhe banka qendrore bashkë me qeverinë do të bëheshin më eficiente në zbatimin e politikave të tyre.
Më lejoni tani të përqëndrohem pak tek të ftuarit e nderuar biznesmenë, të cilët me gjithë mbështetjen modeste financiare të ofruar në fillimet e tranzicionit, kanë treguar një performancë realisht impresionuese. Në pozicionin tim si drejtues i njërit prej institucioneve të rëndësishme në vendimmarrjen e politikave ekonomike, duke përfituar nga kjo ngjarje do të dëshiroja të ofroja disa sugjerime, të cilat sinqerisht shpresoj t’i mirëprisni dhe t’i mirëkuptoni. Në radhë të parë do të kërkoja më shumë profesionalizëm në marrëdhëniet e biznesit me bankat. Pa dashur ta ekzagjeroj, do të thoja se jemi ende larg praktikave dhe standardeve më të mira, e për rrjedhim të gjitha segmentet ekonomike, politike, financiare, sociale, lënë ende për të dëshiruar. Marrëdhëniet që duhet të vendosen midis jush dhe bankave duhet të jenë marrëdhënie të bashkëpunimit reciprok, të hapura dhe ligjore. Më konkretisht, biznesi duhet të kuptojë se: banka është pjesë e pandarë e aktivitetit të tij, në qoftë se ai dëshiron të jetë i suksesshëm për një kohë të gjatë.

Në përfundim, do të inkurajoja lidhje më të institucionalizuara të sistemit bankar me shoqatat dhe me organizimet e ndryshme të biznesit. Ndoshta është koha që shoqata e bankierëve të vendosë kontakte të rregullta me përfaqësitë e biznesit, kontakte të cilat pa dyshim do t’i çonin marrëdhëniet biznes banka në një nivel më të lartë.

Gjithashtu, përfitoj nga rasti të rinovoj angazhimin e Bankës së Shqipërisë për të marrë pjesë duke ofruar ekspertizën e saj në projekte, tryeza, forume, debate, etj., të cilat do të synojnë në përmirësimin e klimës së biznesit dhe në shtimin dhe kanalizimin më eficient të kredisë bankare.

Ju faleminderit.

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

gjithmone me vonese governatori, e mbi te gjitha gjithmone jep keshilla kur duhet edhe ti DETYROJE keto banka tregtare qe jane pak trasparente .

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

amerika e ngriti interesin ne 4%.
te gjithe ata persona qe kane marre kredi ne Valut me interess variabel do te fillojne te paguajn me shume.

gjithashtu edhe kursi i dollarit kaloj nga 92 ne 102 lek te reja .

nuk e di a ka gjene dicka e menduar mire aiqe ka marre kredi ne keto kushte.?!
te shohim si do te shkojne ngjarjet.

gjate kesaj kohe .........kredia qe shqiptaret u kane marre bankave ne gusht te 2005 arriti ne 100 miliard lek te reja = me 1 miliard dollar.

77-78 % e kesaj shume eshte borxh ne valute .

cila eshte shifra qe duhet te arrisi shuma e kredise ne valute qe te pelcasi kjo tullumbace e lejuar nga Banka e Shqiperise??


pastaj......kur do te pelcasi ??

kush do ta ngreje zerin ....per kete piramide qe po lejohet ?

te shohim sesi do ti veje halli kesaj pune.

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

l

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

ne fund te 2004 Banka e Shqiperise kishte rezerva ne Flori (e konvertuar) ne shumen 30 milion dollar kundrejt nje rezerve totale prej 1371 milion dollar .

jemi ne nivele 2,2%.

sikur te ishim ne nivele me te larta ??!!

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

</font><blockquote><font class="small">Citim:</font><hr />
ne fund te 2004 Banka e Shqiperise kishte rezerva ne Flori (e konvertuar) ne shumen 30 milion dollar kundrejt nje rezerve totale prej 1371 milion dollar .

jemi ne nivele 2,2%.

sikur te ishim ne nivele me te larta ??!!

[/ QUOTE ]
jo per gje por vendet e tjera e kane me te larte kete perqindje.

gjithashtu do te kishim dicka me shume te ardhura meqe floriri prej 4-5 vitesh njeh vetem rritje.

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

ne amerike jemi ne nivelin e 4,25%.
ere te keqia po fryjn per ata qe jane debituar ne dollar me interes variabel.

 

[Nakenak]

Re: banka e SHQIPERISE bashke-fajtore per gjendjen e mjeruar te shqiptarve -3

Pse 4,25 te duket keq ty e? Prit dhe pak prit, mbaj mend 5 ose 5,25...

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

</font><blockquote><font class="small">Citim:</font><hr />
Pse 4,25 te duket keq ty e? Prit dhe pak prit, mbaj mend 5 ose 5,25...

[/ QUOTE ]

kur interessi ne amerike e ne europe rritet, mua me shkon mendja te ata mijra shqiptar qe jane futur ne borxh me VALUTE edhe ne tetor 2005 kishte arritur shifren e 830 milion dollarve ,e ka nje rritje 50% nga tetori i vitit te kaluar.
te shohim si do ti shkoje halli kesaj pune ne tetorin 2006.

 

[hudra]

Re: banka e SHQIPERISE bashke-fajtore per gjendjen e mjeruar te shqiptarve -3

gjite bota eshte e zhytur ne borxhe p sh ketu ne finland borxhet e qytetareve eshte shuma 49 miljard euro borxhe, kjo shume vec per banesat, dhe te mos flasim per trilonat borxhe ne biznes.

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

ne filand borxhet nuk jane 80% ne dollar, jen japonez apo franga zvicerane zoti hundra, por ne monedhen vendase qe eshte euro.

 

[Santiago]

Re: banka e SHQIPERISE bashke-fajtore per gjendjen e mjeruar te shqiptarve -3

Rane interesat e bonove te thesarit. Para nja dy ditesh norma e interesit e bonove 3 mujore ra ne nivelin e 5.28 per qind. Po te marresh parasysh qe normat e interesit neper banka per depozitat 3 mujore jane diku tek 4.5 per qind mendoj se levizja nese vazhdon ka per te kthyer ne normalitet tregun e bonove. /pf/images/graemlins/thumbsup.gif

 

[Santiago]

Re: banka e SHQIPERISE bashke-fajtore per gjendjen e mjeruar te shqiptarve -3

Ndërkohë që qëllimi i politikave të Bankës së Shqipërisë dhe Ministrisë së Financave ishte ulja e kostos së borxhit qeveritar dhe liberalizimi i tregut të bonove të thesarit për të nxitur pjesëmarrjen e individëve në të, pikërisht javën e kaluar ndodhi e kundërta. Banka e Shipërisë në zbatim të kufijve të vendosur nga Ministria e Financave nuk plotësoi gjithë kërkesën e publikut për bono thesari. Kjo që ndodhi është një aksident në rrugën për normalizimin e tregut të bonove në veçanti dhe tregut të kredisë në përgjithësi.
Në rradhë të pare vetë qeveria shqiptare duhet të jetë më e interesuar për uljen e normës së bonove të thesairt pasi është pikërisht ajo që paguan interesat. Duke ditur që ofertat e individëve janë jokonkuruese kjo do të thotë që interesi është që të pranohen sa më shumë oferta jokonkuruese dhe të kundështohen ofrtat konkuruese me normë më të lartë. Pra vetë ministria e financave duhet që të jetë pro ofertave konkuruese të publikut pasi matematikisht sa më shumë oferta jokonkuruese të pranojë aq më e ulët do të jetë kostoja e borxhit që do të marrë. Nga ana tjetër mendoj se sa më e madhe të jetë pjesa e bonove që thithet nga publiku aq më i garantuar është ky treg. Tregu actual i cili dominohet nga kërkesa e disa bankave apo institucioneve financiare është më pak i sigurtë dhe shumë më pak i kontrollueshem (nga ministria e financave) se sa një treg i nesërm që do të përbëhej nga shumë individë që kërkojnë shuma të vogla, çka do të thotë që një operator i vetëm nuk ka ndikim të madh në treg dhe nuk mund të drejtojë tregun (përkundër asaj që ndodh aktualish ku është një operator i vetëm, Raiffesien bank, që ndikon në treg).
Banka e Shqipërisë nga ana e saj, edhe pse në rolin e sekserit, përsëri ka interesat e saja lidhur me mirtëfunksionimin e këtij tregu. Ky institucion është po aq i interesuar për rënien e normave të interesit pasi është po ky institucion (BSH) i cili ka në politikat e tij afatshkurtra objektiv normave të interesit, objektiv ky që ndikohet shumë nga interesate bonove të thesarit. Nga ana tjetër është në interesin e BSH që të bëhet një zëvendësim i bankave me publikun. Pra gradualisht duhet që të ndodhë një balancim ku të pakësohet shuma që blejnë bankat dhe të shtohet shuma që blen publiku. Kjo jo vetëm që do të ulte normën e interesit por njëkohësisht do të fokusonte bankat e nivelit të dytë më tepër drejt kredisë direkte në ekonomi.

 

[Nakenak]

Re: banka e SHQIPERISE bashke-fajtore per gjendjen e mjeruar te shqiptarve -3

kur shteti shet Tresury bonds (bonot e thesarit) rrjedhoja:
Money Supply ulet----&gt; interesi rritet

kur shteti blen Tres. Bond
Money supply rritet ---------&gt; interesi ulet



"It is the spending that makes the economy flow"-Keynes.

 

[ujku81]

Re: banka e SHQIPERISE bashke-fajtore per gjendjen e mjeruar te shqiptarve -3

Per fat te keq edhe sektori bankar eshte ne forme monopoli!! Ndryshimi nga sektoret e tjere eshte qe rolin e rregullatorit BSH e luan me mire se p.sh ERT ne sektorin e telekomunikacioneve, ose "Autoriteti i Konkurences"

 

[Santiago]

Re: banka e SHQIPERISE bashke-fajtore per gjendjen e mjeruar te shqiptarve -3

</font><blockquote><font class="small">Citim:</font><hr />

kur shteti shet Tresury bonds (bonot e thesarit) rrjedhoja:
Money Supply ulet----&gt; interesi rritet

kur shteti blen Tres. Bond
Money supply rritet ---------&gt; interesi ulet



"It is the spending that makes the economy flow"-Keynes.

[/ QUOTE ]

Kujdes plako se nuk eshte ashtu.... /pf/images/graemlins/booki.gif
Ajo qe thua ti ndodh kur eshte Banka Qendrore qe shet apo blen Bono /pf/images/graemlins/thumbsup.gif

 

[Leopardii]

Re: banka e SHQIPERISE bashke-fajtore per gjendjen e mjeruar te shqiptarve -3

</font><blockquote><font class="small">Citim:</font><hr />
Rane interesat e bonove te thesarit. Para nja dy ditesh norma e interesit e bonove 3 mujore ra ne nivelin e 5.28 per qind. Po te marresh parasysh qe normat e interesit neper banka per depozitat 3 mujore jane diku tek 4.5 per qind mendoj se levizja nese vazhdon ka per te kthyer ne normalitet tregun e bonove. /pf/images/graemlins/thumbsup.gif

[/ QUOTE ]

po skena e top-chanel e njerezve qe shtyheshin perpara deres se BSH qe te blinin bono thesari eshte SKANDALOZE per nje vend qe kerkon te hyje ne Europe.

une skam pare skena te tilla ne perendim.

sikur te benin te mundur prenotimin nga bankat e nivelit te dyte apo edhe te Alba-postes do te evitonim keto "figura di merda" qe behen ne vitin 2006 ne shqiperi.

kemi 2 vjet tashme qe e themi ne kete teme ....... po ku marrin vesh zoterinjt e BSH.

mjere ne per ata.