Admir
Forumium maestatis
Re: BESLIDHJA--Skuadra e zemres!!
Lezhjanët fitojnë 3-1 me koplikasit dhe i afrohen kreut
Veleçiku, "viktima" e radhës së Besëlidhjes
Nga Lezha, Lekë Miraj
Veleçiku-Besëlidhja 1-3
Besëlidhja: Llanaj, Prela, Lika, Kaçi, Matola (Cafi 46'), Haxhia, Osmani, Pjetrushi (Perloshi 46'), Bruka, Zenuni, Abazaj (Gega 80'). Trajner N. Lorenci.
Veleçiku: Bajri, Çokaj, Hasani, Muka, Radohima, Zmijani, Isufi, Pepa, Kraja, (Zenelaj 46') Burgaj, Lakaj. Trajner B. Duli.
Shënues: Lika 47', 90', Cafi 60', Pepa 67' (11-m).
Gjyqtarë: A. Nase (Tiranë), A. Lamçe (Patos), A. Shkëmbi (Tiranë).
Takimi ndërmjet dy skuadrave veriore të Veleçikut dhe Besëlidhjes ka filluar në një stadium me shkallë të boshatisura. Shkak për këtë është bërë njoftimi i publikuar në qytetin e Lezhës, sipas të cilit ndeshja do të fillonte në orën 14.00. Sipas sekretarit të klubit "Besëlidhja", Dodë Doda, ndryshimi i orës së fillimit të ndeshjes për në orën 13.30 është njoftuar me vonesë nga FSHF-ja, duke e hequr nga vetja përgjegjësinë për këtë pasaktësi. Megjithatë, koplikasit kanë mbërritur në Lezhë në kohën e duhur dhe ndeshja ka filluar në kushte mjaft normale, por pa asnjë shikues. Besëlidhja, tepër këmbëngulëse për të shënuar, krijon dy raste sapo fillon ndeshja, por që shpërdorohen nga Haxhia dhe Lika. Edhe koplikasit janë të vendosur mirë në fushë dhe kanë dëshirë për të treguar diçka nga vlerat e tyre reale. Madje miqtë përpiqen të luajnë si të barabartë në Lezhë. Ata përpiqen të prishin lojën e vendësve, ndërkohë që lezhjanët janë tepër konfuzë. Pjesa e parë e ndeshjes i ngjan më tepër një ndeshjeje kontrolli, sepse mungojnë rastet dhe befasia në sulm. Besëlidhja e ka ndier mungesën e Përloshit në këtë pjesë loje, sepse aksionet e saj janë pa mendim. Trajneri Lorenci ka shtyrë para Likën, në rolin e një sulmuesi të mirëfilltë, por ai e ka të vështirë të orientohet para portës të Bajrit. Me një fjalë, Besëlidhjes i mungon lojtari organizator dhe sulmuesi finalizues. Kështu që 45 minutat e para mbyllen të bardha, me një lojë konfuze dhe të paqartë nga të dy ekipet. Një lojë e tillë u interesonte më shumë miqve koplikas, që në këtë pjesë loje arrijnë të mos pësojnë gol, por edhe të mos rrezikojnë asnjëherë. Në pjesën e dytë, Lorenci ka ndryshuar shumë në formacionin lezhian, sidomos në vendosjen taktike të skuadrës. Është aktivizuar Përloshin dhe Cafin, është tërhequr Lika në mesfushë dhe skuadrës i është rikthyer frymëmarrja e duhur. Rezultati i kësaj manovre taktike nuk ka vonuar. Në minutën e 47-të, Lika ka shënuar një gol të bukur. Pas këtij çasti, loja e Besëlidhjes është gjallëruar mjaft. Perloshi tregon vlerat e veta reale, duke e udhëhequr skuadrën drejt suksesit. Në minutën e 60-të ka shërbyer në mënyrë të përsosur për Cafin, i cili brenda zone shënon golin e dytë. Kështu Besëlidhja çlirohet, e qarkullon saktë topin në gjysmëfushën mike, duke krijuar epërsi të dukshme ndaj koplikasve. Miqtë tentojnë të organizohen, por janë të pafuqishëm. Vetëm në minutën e 67-të arrijnë ta shkurtojnë diferencën e golave me anë të një penalltie të realizuar nga Pepa. Kjo ishte dhe vizita e vetme e tyre në portën e Llanajt. Këmbëngulin lezhjanët për ta thelluar rezultatin, por trau i Bajrit bëhet pengesë e gjuajtjeve të Përloshit dhe Cafit. Është dashur minuta e fundit, kur protagonist është sërish Perloshi që, me një asist të përpiktë për Likën, i ka dhënë mundësi këtij të fundit të shënojë golin e tretë për Besëlidhjen dhe të dytin për të në këtë ndeshje.
Opinione:
Valentin Gjetja, zv.trajner i Besëlidhjes:
"E kishim vlerësuar Veleçikun realisht, si skuadër që ka vlera dhe jo nga vendi që ka në klasifikim. Prandaj kemi punuar shumë gjatë javës. Mendoj se loja pati dy tablo krejt të kundërta për ne. Zhvilluam një pjesë të parë me shumë gabime në pasim, ndërsa në pjesën e dytë ndryshuam gjithçka. Futja e Perloshit ka qenë përcaktuese në këtë ndryshim. Kështu e dominuam lojën, shënuam 3 gola, por humbëm mjaft raste të tjera."
Besnik Duli, trajner i Veleçikut:
"Më ka pëlqyer loja e të dy ekipeve. Në pjesën e parë nuk pati asnjë diferencë në fushën e lojës ndërmjet nesh dhe Besëlidhjes. Diferenca u krijua në pjesën e dytë, nga futja në lojë e Perloshit."
Lezhjanët fitojnë 3-1 me koplikasit dhe i afrohen kreut
Veleçiku, "viktima" e radhës së Besëlidhjes
Nga Lezha, Lekë Miraj
Veleçiku-Besëlidhja 1-3
Besëlidhja: Llanaj, Prela, Lika, Kaçi, Matola (Cafi 46'), Haxhia, Osmani, Pjetrushi (Perloshi 46'), Bruka, Zenuni, Abazaj (Gega 80'). Trajner N. Lorenci.
Veleçiku: Bajri, Çokaj, Hasani, Muka, Radohima, Zmijani, Isufi, Pepa, Kraja, (Zenelaj 46') Burgaj, Lakaj. Trajner B. Duli.
Shënues: Lika 47', 90', Cafi 60', Pepa 67' (11-m).
Gjyqtarë: A. Nase (Tiranë), A. Lamçe (Patos), A. Shkëmbi (Tiranë).
Takimi ndërmjet dy skuadrave veriore të Veleçikut dhe Besëlidhjes ka filluar në një stadium me shkallë të boshatisura. Shkak për këtë është bërë njoftimi i publikuar në qytetin e Lezhës, sipas të cilit ndeshja do të fillonte në orën 14.00. Sipas sekretarit të klubit "Besëlidhja", Dodë Doda, ndryshimi i orës së fillimit të ndeshjes për në orën 13.30 është njoftuar me vonesë nga FSHF-ja, duke e hequr nga vetja përgjegjësinë për këtë pasaktësi. Megjithatë, koplikasit kanë mbërritur në Lezhë në kohën e duhur dhe ndeshja ka filluar në kushte mjaft normale, por pa asnjë shikues. Besëlidhja, tepër këmbëngulëse për të shënuar, krijon dy raste sapo fillon ndeshja, por që shpërdorohen nga Haxhia dhe Lika. Edhe koplikasit janë të vendosur mirë në fushë dhe kanë dëshirë për të treguar diçka nga vlerat e tyre reale. Madje miqtë përpiqen të luajnë si të barabartë në Lezhë. Ata përpiqen të prishin lojën e vendësve, ndërkohë që lezhjanët janë tepër konfuzë. Pjesa e parë e ndeshjes i ngjan më tepër një ndeshjeje kontrolli, sepse mungojnë rastet dhe befasia në sulm. Besëlidhja e ka ndier mungesën e Përloshit në këtë pjesë loje, sepse aksionet e saj janë pa mendim. Trajneri Lorenci ka shtyrë para Likën, në rolin e një sulmuesi të mirëfilltë, por ai e ka të vështirë të orientohet para portës të Bajrit. Me një fjalë, Besëlidhjes i mungon lojtari organizator dhe sulmuesi finalizues. Kështu që 45 minutat e para mbyllen të bardha, me një lojë konfuze dhe të paqartë nga të dy ekipet. Një lojë e tillë u interesonte më shumë miqve koplikas, që në këtë pjesë loje arrijnë të mos pësojnë gol, por edhe të mos rrezikojnë asnjëherë. Në pjesën e dytë, Lorenci ka ndryshuar shumë në formacionin lezhian, sidomos në vendosjen taktike të skuadrës. Është aktivizuar Përloshin dhe Cafin, është tërhequr Lika në mesfushë dhe skuadrës i është rikthyer frymëmarrja e duhur. Rezultati i kësaj manovre taktike nuk ka vonuar. Në minutën e 47-të, Lika ka shënuar një gol të bukur. Pas këtij çasti, loja e Besëlidhjes është gjallëruar mjaft. Perloshi tregon vlerat e veta reale, duke e udhëhequr skuadrën drejt suksesit. Në minutën e 60-të ka shërbyer në mënyrë të përsosur për Cafin, i cili brenda zone shënon golin e dytë. Kështu Besëlidhja çlirohet, e qarkullon saktë topin në gjysmëfushën mike, duke krijuar epërsi të dukshme ndaj koplikasve. Miqtë tentojnë të organizohen, por janë të pafuqishëm. Vetëm në minutën e 67-të arrijnë ta shkurtojnë diferencën e golave me anë të një penalltie të realizuar nga Pepa. Kjo ishte dhe vizita e vetme e tyre në portën e Llanajt. Këmbëngulin lezhjanët për ta thelluar rezultatin, por trau i Bajrit bëhet pengesë e gjuajtjeve të Përloshit dhe Cafit. Është dashur minuta e fundit, kur protagonist është sërish Perloshi që, me një asist të përpiktë për Likën, i ka dhënë mundësi këtij të fundit të shënojë golin e tretë për Besëlidhjen dhe të dytin për të në këtë ndeshje.
Opinione:
Valentin Gjetja, zv.trajner i Besëlidhjes:
"E kishim vlerësuar Veleçikun realisht, si skuadër që ka vlera dhe jo nga vendi që ka në klasifikim. Prandaj kemi punuar shumë gjatë javës. Mendoj se loja pati dy tablo krejt të kundërta për ne. Zhvilluam një pjesë të parë me shumë gabime në pasim, ndërsa në pjesën e dytë ndryshuam gjithçka. Futja e Perloshit ka qenë përcaktuese në këtë ndryshim. Kështu e dominuam lojën, shënuam 3 gola, por humbëm mjaft raste të tjera."
Besnik Duli, trajner i Veleçikut:
"Më ka pëlqyer loja e të dy ekipeve. Në pjesën e parë nuk pati asnjë diferencë në fushën e lojës ndërmjet nesh dhe Besëlidhjes. Diferenca u krijua në pjesën e dytë, nga futja në lojë e Perloshit."
:shrug: