Tema e ditës

DR akuzon BDI-në për paaftësi në qeveri </p> Demokracia e Re në një konferencë për shtyp nëpërmjet zëdhënesit të saj Arijanit Hoxha  ka akuzuar BDI-në për paaftësi  që tregon në  qeveri .</p> Para disa ditëve, në publik doli kjo fletushkë, nëpërmjet të cilës në emër të Qeverisë, VMRO-DPMNE, i jep llogari qytetarëve për të arituarat e veta. Përpara mua kam programet zgjedhore të vitit 2008, me të cilat edhe VMRO-DPMNE edhe BDI, i kërkuan votat e qytetarëve, pra RILINDJA NË 100 HAPA (ndryshe e njohur si PRERODBA e VMRO-së) dhe ofertën e BDI-së me të cilën fitoi zgjedhjet parlamentare të vitit 2008. Në këtë fletushkë që ju shihni, shumë lehtë konstatohet se Qeveria jep llogari që po punon sipas programit politik të VMRO-DPMNE-se, dhe në disa raste mund të shihet qartë se edhe dikasteret që udhëhiqen nga kuadro të BDI-së janë vënë 100% në shërbim të implementimit të programit të quajtur RILINDJA NË 100 HAPA, të VMRO-së. Prej këtu ne pyesim publikisht BDI-në, se çka ka realizuar nga programi i saj që në zgjedhjet parlamentare të 2008-ës, i premotoj votuesve shqiptare? Qytetarëve shqiptarë u intereson se a ka hyrë BDI-ja në qeveri me programin e saj politik, dhe nësë ka hyrë, le të del publikisht të tregojnë se cilat janë të arriturat e tyre nga premtimet parazgjedhore me të cilat ata fituan zgjedhjet. Të nderuar funksionarë të BDI-së, shqiptarët nuk ju votuan që juve të jeni dekor i Qeverisë së Gruevskit dhe të viheni në shërbim të implementimit të PRERODBËS së VMRO-së, shqiptarët ju votuan që ju ti zgjidhni hallet dhe problemet me të cilat ata ballafaqohen çdo ditë, ata ju votuan që ju të ngrini zërin dhe të mbroni interesat e tyre dhe jo ti harroni premtimet që keni dhënë ndaj votuesve shqiptare dhe tani të mbani premtimin që i keni dhënë partnerit tuaj të koalicionit. Me shumë të drejtë mund të konstatoj se tani e vërtetuat slloganin tuaj parazgjedhor, JU E MBANI FJALËN, mirpo jo atë që i dhatë shqiptarëtve, por JU E MBANI FJALËN që i keni dhënë partnerit tuaj të koalicionit, VMRO-DPMNE-së, thuhet në fund të konferencës për shtyp.</p> Ky artikull eshte marre nga: http://www.shqipmedia.com/?p=23811. Per me shume artikuj te ngjashem vizitoni: http://www.shqipmedia.com/?p=23811

Shfuqizimi i ligjit Antimafie i ka kushtuar shtetit shqiptar 5 milionë USD Shfuqizimi i pjesshëm i ligjit “Antimafie” nga Gjykata e Lartë në vitin 2007 i ka privuar shtetit shqiptar një fitim prej 5 milionë dollarësh nga asetet e grupeve dhe individëve kriminalë, që janë hetuar dhe gjykuar nga Prokuroria dhe Gjykata e Krimeve të Rënda. Kreu i Agjencisë së Administrimit të Pasurive të Sekuestruara dhe Konfiskuara, Hekuran Vladi, në një intervistë për gazetën “Shqip”, tregon problemet që ka hasur shteti gjatë viteve me pronat dhe paratë e mafies, ku mungesa dhe problemet e legjislacionit i kanë kthyer kriminelëve miliona dollarë, megjithëse nuk mund të justifikonin prejardhjen e tyre. Vladi është i mendimit se ligji duhet të ndryshojë dhe në të të preken vetëm personat që kryejnë një vepër penale që parashikohet në ligjin “Antimafie”, ndërsa pohon se kriminelëve duhet tu sekuestrohet edhe qindarka e fundit që mund të marrin nga aktiviteti i paligjshëm. Ai thotë se ligji është një paralajmërim për të gjithë kontingjentin që më vonë mund të merret me trafiqe apo të bëjë pjesë në bandë. Vladi saktëson se agjencia që drejton i ka rekomanduar ministrisë propozimet përkatëse për rregullimin e ligjit “Antimafie”, që është bërë me nismën e Kryeministrit Sali Berisha.</p> Cilat janë problemet aktuale të Agjencisë së Administrimit të Pasurive të Konfiskuara dhe Sekuestruara? Agjencia që drejtoj, funksionon në bazë të ligjit 9824, i cili është bërë në shtator të vitit 2004 dhe për bazë është marrë ligji “Antimafie” italian. Ky ligj ishte për parandalimin e krimit të organizuar, por mua më duket si titull strategjie. Në fakt është ligj për sekuestrimet civile, i cili do të thotë se personat apo organizatat, grupe të organizuara për krime të rënda, përveç burgut, përveç çështjes penale në ngarkim të tyre, prokuroria fillon një hetim pasuror ndaj tyre dhe u merr pasuritë atyre, ose të personave të lidhur me ta. Ata duhet ti justifikojnë gjykatës burimet e ligjshme se nga i kanë marrë këto pasuri, ose përndryshe gjykata i konfiskon. Kjo është një nga masat më të forta të marra ndaj krimit të organizuar. Ka pasur efektet e veta. Duhet theksuar edhe një gjë, që është ligj që shumë pak vende të BE-së e kanë. Shqipëria është shumë para. Vendet fqinje nuk e kanë. Duhet konsideruar si një masë ekstreme. Sesa eficiente ka qenë kjo masë prej 2004-ës edhe sa eficiente duhet ta bëjnë, kjo është një çështje për të cilën po diskutohet. Kjo është arsyeja kryesore për të cilën doli domosdoshmëria e amendimit të ligjit. Nëse do të listojmë problematikat e këtij ligji, unë mund të flas shumë për problemet e tij në tërësi. Do të preferoja për problemet që agjencia kishte, nga 2008-a që është krijuar dhe deri më tani. E them me kompetencë të plotë se problemi kryesor ishte parashikimi i procedurave që nga fillimi i hetimit pasuror e deri tek ekzekutimi i masës së sekuestros apo konfiskimit. Ne kemi pasur probleme me ekzekutimin e vendimit, pasi në to nuk parashikohej saktë as vendndodhja, as dokumentacioni i pasurisë në ngarkim të të pandehurve, as inventarët e shumë gjëra të tjera, që të merrej në dorëzim pasuria për të cilën gjykata kishte vendosur sekuestrimin apo më vonë vendimin e konfiskimit. Mënyra sesi e kemi zgjidhur ka qenë në bashkëpunim me institucionet. Pra është zgjidhur më shumë me bashkëpunimin e Prokurorisë dhe Gjykatës për Krime të Rënda. Është zgjidhur si vullnet i njerëzve që punojnë, gjykatësve dhe prokurorëve, sesa në bashkëpunim nga vetë ligji. Duke pasur parasysh saktësimin e procedurave, marrja e vendimit të gjykatës për ekzekutimin e masës dhe mënyrën e regjistrimit të pasurisë, do të thosha se kishim edhe ne problemet tona që i paraqitëm për amendim.</p> Prokuroria është ankuar për mosekzekutimin e vendimeve të gjykatës për sekuestron. Përse ka ndodhur një gjë e tillë? Në vitin 2005, 2006, 2007, Prokurori i Përgjithshëm ka shfaqur rezerva në raportimin para Parlamentit për mosekzekutimin e vendimit të gjykatës. Duke u munduar të nxjerrë në pah punën e tij të sekuestrimit ka shprehur rezerva për mosekzekutimin e vendimeve për sekuestrim dhe konfiskim. Arsyet për mosekzekutimin e vendimeve kanë qenë dy. E para, problemet ligjore të procedurave për ekzekutimin e masës së sekuestros, kurse e dyta sepse nuk kishte një agjenci. Për këtë problem, qeveria ngriti në korrik të 2008-ës agjencinë dhe në fund të vitit 2008, agjencia ka vendosur kontroll të plotë në të gjitha pasuritë që gjykata kishte vendosur sekuestrimin apo konfiskimin në masën 100 për qind, përjashto ato pasuri që kishin probleme dhe nuk gjendeshin, ose që kishin gabime procedurale, si ngatërrim emri. Ishte emër mbiemër dhe ishte i biri i dikujt tjetër. Ajo që ka ndodhur prej futjes në zbatim të plotë të ligjit, nga hetimi, marrja e vendimit dhe ekzekutimi është kthimi i pasurive për kriminelët.</p> Ju thatë që i është kthyer pasuria kriminelëve. Si ka ndodhur një gjë e tillë? Ka ndodhur prej 2007-ës e deri tani. Nëse bazohemi te vlera e tregut të pasurive, në llogaritjet tona, nëse pasuritë ku është vendosur sekuestro apo konfiskimi, në total kapin vlerën e 6.5 milionë dollarëve, vetëm 11 për qind e tyre, ose 730 mijë dollarë janë konfiskuar, ndërsa 5 milionë dollarë, ose 78 për qind u janë kthyer “kriminelëve”. Pra ka ndodhur edhe çudia që është kthyer pasuria. Gjykata ka vendosur që të kthejë pasurinë që më parë ishte konfiskuar. Ligji e parashikon barrën e provës mbi personin që vendoset sekuestro. Në 90 për qind të rasteve nuk është ky shkaku i kthimit të pasurisë. Janë paraqitur argumente të arsyeshme nga ana e personave që zotëronin këto pasuri se ishin në mënyrë të ligjshme. Por ka pasur defekte të ligjit, mbi të cilat është kapur edhe vendimi unifikues i gjykatës në vitin 2207. Kjo e bëri të menjëhershme amendimin e ligjit. Realisht vëmendja kryesore për këto ndryshime ka qenë nga Kryeministri e partnerët ndërkombëtarë.</p> Cilat kanë qenë kërkesat tuaja për ndryshimin e ligjit “Antimafie”? Puna ka filluar me urdhër të posaçëm të Kryeministrit, i cili ngarkoi këshilltarin e tij për sigurinë, Avenir Begën, për të filluar punën dhe për ti vënë amendimet e veta për ligjin. Në zyrë të këshilltarit të Kryeministrit jemi mbledhur, përfaqësues të Ministrisë së Brendshme, unë, përfaqësues i Gjykatës e Prokurorisë, i Ministrisë së Drejtësisë, si dhe të gjithë përfaqësuesit e misioneve ndërkombëtare, UPDAT, EURALIUS dhe Këshilli i Europës. Të gjithë kemi dhënë listën që prekte çdo institucion. Secili prej këtyre institucioneve ka dhënë propozimet e tij për ligjin. Më pas është ngarkuar nga Kryeministri, Ministria e Drejtësisë për fillimin e punës për draftimin e ligjit, duke pasur parasysh se është një ligj delikat. Ka një dosje të madhe të rekomandimeve për debatet e mëvonshme. Agjencia ka kërkuar saktësimin e procedurave për sekuestrimin dhe konfiskimin e pasurive. Agjencia kërkoi që gjykata të vendoste në mënyra të sakta të gjitha detajet e konfiskimit. Të jepte informacion sa më të saktë për pasurinë dhe pastaj procedurat e ekzekutimit e më tej procedurat e tjera që lidhen me mënyrën e përdorimit të pasurive të konfiskuara dhe tjetërsimit në favor të shtetit apo institucioneve. Por nuk është e lehtë të vendosësh sekuestro mbi një pronë me të ardhura kriminale. Vendi ynë ka agjencinë që vendos kontrollin e plotë. Kam shembuj nga kolegët e mi që kanë hotele, lokale apo vila, që i kanë në administrim dhe nuk ia blen njeri. Një hotel në Napoli, Itali, po shkatërrohet dhe nuk e blen njeri. Çështja është edukimi ligjor që ky ligj ka në thelb, që te heqja e mundësive të krimit të organizuar, ngushtimi i hapësirave për të korruptuar, deri te çështja e edukimit ligjor të njerëzve, e kontingjentit që mund të merret me ato lloj krimesh. Nëse i futesh drogës, prostitucionit apo trafikut të drogës, normale që këto janë krime të rënda dhe duhen justifikuar edhe pasuritë që kanë vënë njerëzit e tu të afërt me djersë.</p> Për draftin e ri të “Antimafies” ka pasur debate politike se shkel të drejtat e njeriut… Opozita, për të kundërshtuar gjithçka, është shprehur Ky artikull eshte marre nga: http://www.albaniasite.net/?p=26801. Per me shume artikuj te ngjashem vizitoni: http://www.albaniasite.net/?p=26801

Buxheti 2008, munguan gjysmë miliardi euro Sa është buxheti i Shqipërisë? Përgjigjja bëhet shumë e vështirë nëse ballafaqon buxhetet faktike të miratuara të Parlament gjatë viteve të fundit dhe ato të planifikuara të publikuara në faqen në internet të Ministrisë së Financave. Gjatë katër viteve të fundit, ka një hendek në rritje mes asaj që qeveria programon si të ardhura e shpenzime buxhetore dhe asaj që miraton si buxhet faktik. Në vitin 2008, hendeku qe 64 miliardë lekë në shpenzime dhe 41 miliardë lekë në të ardhura, ose përkatësisht 521 milionë dhe 334 milionë euro. Gjatë vitit 2009, ka gjasa që gënjeshtra me të dhënat e buxhetit të jetë rritur edhe më tej, por për ta zbuluar këtë, duhet të presim deri nga shtatori i vitit të ardhshëm, kur do të miratohet edhe buxheti faktik.</p> Si funksionon</p> Parlamenti miraton çdo vit planin e të ardhurave dhe shpenzimeve buxhetore për vitin pasardhës. Për vitin 2005 p.sh., buxheti miratohet në Parlament në muajt e fundit të vitit 2004. Por nga fundi i vitit 2006, qeveria dorëzon në Parlament një dokument tjetër, i cili quhet Buxheti Faktik 2005. Prezantimi i buxhetit plan shoqërohet gjithmonë me deklarata pompoze politike. Gjatë së gjithë dekadës së fundit, buxhetet plan janë përdorur me bollëk për propagandë politike.</p> Nga ballafaqimi i ligjeve të buxheteve plan me buxhetet fakt, vërehet edhe hendeku i madh, që duket se tregon një realitet të dyfishtë të financave publike shqiptare, njëra e përbërë nga buxheti plan dhe tjetra nga buxheti faktik.</p> Asgjë statistikë e besueshme</p> Realiteti i dyfishtë në financat publike nxjerr në pah edhe faktin se asnjë nga treguesit e tjerë makroekonomikë nuk është më i besueshëm. Të dhënat e të ardhurave dhe shpenzimeve të buxhetit të shtetit përdoren për të vlerësuar Prodhimin e Brendshëm Bruto dhe ecurinë e ekonomisë, por me një diferencë të tillë gjysmëmiliardëshe të gjitha këto statistika bëhen tërësisht të pabesueshme. Për më tepër, duke marrë parasysh këto të dhëna, është e pamundur që të masësh se sa ka qenë rritja ekonomike e sa kanë qenë shpenzimet e qeverisë për zëra të ndryshëm gjatë të gjithë këtyre viteve. Duket se qeveria po jeton në një realitet virtual, i përbërë nga shifra tërësisht të fabrikuara. Dhe fabrikimi nuk është se ka ndodhur një herë në vit. Ai është përsëritur çdo muaj. Të dhënat e buxhetit të shtetit publikohen çdo muaj, më datë 20, dhe kështu ka ndodhur gjatë të katër viteve të fundit.(Shqip)</p> Ky artikull eshte marre nga: http://www.albaniasite.net/?p=26804. Per me shume artikuj te ngjashem vizitoni: http://www.albaniasite.net/?p=26804

Taçi për liri, të hënën para gjykatës Biznesmeni Rezart Taçi i ka kërkuar Gjykatës së Tiranës revokimin e masës së sigurisë “burg pa afat”. Ditën e hënë, presidenti i kompanisë “Taçi Oil”, që gjendet në Burgun 302 në Tiranë për shkak se ka goditur gazetarin Mero Baze, do të dalë para gjyqtares Fahrije Budo, duke kërkuar sërish lirinë. Në këmbim do të paraqesë sërish një garanci të majme pasurore. Seanca për revokimin e masës së sigurisë ishte vendosur të zhvillohej ditën e djeshme, por për shkak të disa problemeve procedurale u shty për ditën e hënë. Disa ditë më parë, gazetari Mero Baze është paditur për kryerjen e veprës penale të “fyerjes” dhe “dëmtimeve të tjera me dashje” ndaj Irgen Selfos. Ndërkohë, dy ditë më parë në prokurori ka mbërritur akt-ekspertimi mjekoligjor që i është kryer Irgen Selfos. Ka rezultuar se ai ka dëmtime në fytyrë e në trup për shkak të goditjeve që ka marrë në sherr e sipër. Ndërsa në prokurori ka mbërritur edhe përgjigjja e akt-ekspertimit të gazetarit Baze, i cili kishte fraktura në të gjithë trupin.(Shqip)</p> Ky artikull eshte marre nga: http://www.albaniasite.net/?p=26807. Per me shume artikuj te ngjashem vizitoni: http://www.albaniasite.net/?p=26807

Obama kërkon të lirohet San Suu Kyi <p class="wp-caption-text">Foto: AP</p> Presidenti Barack Obama i ka kërkuar personalisht kryeministrit të Birmanisë, gjeneralit Thein Sein, që të lirojë udhëheqësen e opozitës, Aung San Suu Kyi. Ai e përcolli këtë mesazh gjatë një takimi në Singapor me udhëheqësit e dhjetë vendeve që bëjnë pjesë në organizatën e Azisë Juglindore.</p> Njoftimin e dha zëdhënësi i Shtëpisë së Bardhë, Robert Gibbs.</p> “Presidenti, siç e dini po zhvillonte një takim të programuar me udhëheqësit e dhjetë vendeve të Aseanit.”</p> “Në këtë takim ai e ngriti sërish kërkesën e lirimit të udhëheqëses së opozitës në Birmani, Aung san Su Kyi, ashtu siç pat deklaruar edhe në Japoni.”</p> “Pra ai e ngriti këtë çështje drejtpërdrejtë, para qeverisë së Birmanisë,” tha zëdhënësi i Shtëpisë së Bardhë, Robert Gibbs.</p> Në një deklaratë të përbashkët pas takimit që u zhvillua të djelën në Singapor, bëhet thirrje që zgjedhjet që pritet të zhvillohen në Birmani javën e ardhshme, të jenë të lira, të ndershme, gjithëpërfshirëse dhe transparente, por nuk përmendet lirimi i udhëheqës së opozitës në Birmani.</p> Nga Singapori, zoti Obama ka mbërritur në Shangai në kuadrin e turneut të tij aziatik.</p> Disa qarqe në Shtetet e Bashkuara e shohin Kinën si një kërcënim gjithnjë e më të madh për Amerikën.</p> Ndërsa vetë presidenti Obama e ka përshkruar Kinën si partnere jetike dhe si konkurrente.</p> Presidentit Obama i duhet bashkëpunimi i Kinës për të trajtuar shumë prej çështjeve më të rëndësishme në axhendën e tij, si riaktivizimi i ekonomisë globale, marrja e masave për të përballuar ndryshimet e klimës, mospërhapja e armëve bërthamore e deri te roli i mundshëm i Kinës në përmirësimin e situatës në Afganistan.</p> Disa kanë shprehur shqetësim se zoti Obama nuk po e ngre zërin sa duhet për çështje të tilla si Tibeti apo të drejtat e njeriut, pasi Kina ka potencialin ta ndihmojë Amerikën t’i përmbushë objektivat e mësipërme.</p> BBC</p> Ky artikull eshte marre nga: http://www.shqipmedia.com/?p=23807. Per me shume artikuj te ngjashem vizitoni: http://www.shqipmedia.com/?p=23807

Mijëra fansa pritën protagonistët e filmit Twilight Personazhet e filmit të famshëmNew Moon janë prezantuar të shtunën në kryeqytetin gjerman të Berlinit. Tre aktorët e rinj Robert Pattinson, Kristen Stewart, Taylor Lautner dhe drejtori i filmit Chris Weitz u pritën shumë ngrohtë nga mijëra fansa të filmit, të cilët kishin ardhur për të parë nga afër idhujt e tyre.</p> </p> Ky artikull eshte marre nga: http://www.shqipmedia.com/?p=23803. Per me shume artikuj te ngjashem vizitoni: http://www.shqipmedia.com/?p=23803

Angli: Broshurë për tju mësuar policëve si të ngasin biçikletën Një broshurë prej 93 faqesh, e cila shërben për të informuar policët britanikë se si të ngasin biçikletat, është vënë në shënjestër të kritikave të mediave. Broshura për biçikletat, e cila ende ndodhet në fazën e projektit, ua shpjegon policëve në mënyrë të detajuar si mund të frenojnë biçikletën, respektivisht si mund të kthehen majtas apo djathtas apo edhe ta mbajnë baraspeshën për tu mos rrëzuar. Tabloidi britanik “The Sun” ka prezantuar pjesë nga kjo broshurë ndërsa kritikon burokracinë britanike për shpenzime të panevojshme.</p> Ky artikull eshte marre nga: http://www.shqipmedia.com/?p=23800. Per me shume artikuj te ngjashem vizitoni: http://www.shqipmedia.com/?p=23800

Mediat e huaja për zgjedhjet në Kosovë: Testi i parë i shtetit të ri “Populli i Kosovës po voton në zgjedhjet lokale, zgjedhjet e para që nga koha kur vendi shpalli pavarësinë nga Serbia, vitin e kaluar”.</p> Kështu fillon raportimin televizioni BBC në lidhje me zgjedhjet e Kosovës, i cili i ka kushtuar një vëmendje të veçantë ditës së sotme.</p> Krahas lajmeve të rëndësishme ndërkombëtare, mediet prestigjioze botërore i kanë kushtuar vëmendje të veçantë edhe zgjedhjeve në Kosovë.</p> Sipas tyre, ky është testi i parë i shtetit të ri, i cili ka shpallur pavarësinë nga Serbia në shkurt të vitit 2008.</p> Kështu sipas BBC-së, Qeveria e Kosovës ka deklaruar se është e vendosur të organizojë zgjedhje të lira dhe të ndershme në të cilën edhe shqiptarët etnikë dhe pakica serbe do të votojë.</p> “Mijëra e paqeruajtës të NATO-s janë ende të stacionuar në Kosovë”, thuhet në këtë shkrim të gjatë të këtij mediumi.</p> Gazetari i këtij mediumi nga Prishtina, Lowen Mark, ka raportuar se në këto zgjedhje, pritet një pjesëmarrje deri në rreth 40 për qind.</p> “Shteti i Kosovës përballet me testin e parë, zgjedhjet lokale”. Ky është titulli i shkrimit që agjencia e lajmeve Reuter ka publikuar sot në lidhje me zgjedhjet në Kosovë.</p> Edhe kjo agjenci sjell parashikimet se në këto zgjedhje do të dalin rreth 40 për qind e kosovarëve për të votuar.</p> Në të njëjtën kohë, ky medium prestigjioz ndërkombëtar ka publikuar edhe deklarata të qytetarëve shqiptarë dhe serbë në lidhje me daljen ose jo në këto votime.</p> “Votuesit e Kosovës u drejtohen kutive të votimit, test për shtetin e ri”, shkruan sot e përditshmja e madhe amerikane The New York Times.</p> Gazeta citon kryeministrin e vendit Hashim Thaci të ketë deklaruar se këto votime janë “hap i madh për Kosovën”.</p> Agjencia e madhe e lajmeve AP, duke raportuar për këto zgjedhje, citon Momçillo Trajkoviç, udhëheqësin serb dhe kandidatit për kryetar të komunës së Gracanicës.</p> Duke hedhur votën e tij, ai ka deklaruar se ky akt është një mundësie mirë edhe për pakicat, ngase gjatë tërë kohës ai ka parë ikje të bashkëkombësve të tij.</p> “Ky votim këtu tregon se … frika … është duke humbur”, tha ai, duke iu referuar presionit të bërë nga zyrtarët serbë që ata të mos votojnë.</p> Sipas agjencisë, për këto zgjedhje janë regjistruar rreth 1.5 milion votues, për të zgjedhur organet lokale në mbi 2 mijë vendvotime.</p> Rezultatet paraprake priten brenda disa orësh pas mbylljes së qendrave në orën 19. (Express)</p> Mediat e huaja: Zgjedhjet në Kosovë përçajnë serbët</p> Zgjedhjet lokale në Kosovë po shihen me interes nga mediat e huaja, të cilat bashkë me zhvillimet e fundit të fushatës raportojnë ecurinë e procesit zgjedhor, duke vënë theksin në reagim e serbëve për këto zgjedhje. “Zgjedhjet në Krosovë, përçajnë serbët”. Me këtë artikull raporton BBC situatën zgjedhore në Kosovë, ku raportohet se tashmë ka filluar votimi për zgjedhjet lokale. Këto janë zgjedhjet e para të organizuara nga Prishtina. Në zgjedhjet e para që organizohen nga autoritetet vendore që nga shpallja e pavarësisë do të votohet në 36 komuna. Ndërkohë mbetet i paqartë qëndrimi i elektoratit serb në 6 komuna.Elektorati serb e ka gjetur veten mes thirrjeve të autoriteteve vendore dhe ndërkombëtare në Kosovë për të dalë në votime dhe të atyre në Beograd, që i ka kërkuar t’i bojkotojnë. Komisioni Qendror i Zgjedhjeve ka garantuar se materialet zgjedhore janë shpërndarë pa asnjë vështirësi. Policia gjithashtu thotë se ka ndërmarrë të gjitha masat që të garantojë siguri në ditën e votimit. Zgjedhjet do të vëzhgohen nga misioni ENEMO, i cili ka përhapur tashmë ekipet e tij në gjithë Kosovën. Përfaqësuesve ndërkombëtarë thonë se votimi i 15 nëntorit është me rëndësi të madhe për të ardhmen e Kosovës. Ata u kanë bërë thirrje qytetarëve dhe institucioneve kosovare që të dëshmojnë pjekuri në zgjedhjet e para të organizuara nga autoritetet e Kosovës. Diplomatët ndërkombëtarë në Kosovë, kanë filluar ditën e zgjedhjeve në Kosovë, me vizita të ndryshme nëpër qendra të votimit anekënd vendit.</p> Ndërkombëtarët në Kosovë Ambasadori i Shteteve të Bashkuara të Amerikës në Kosovë, Christopher Dell, ka qëndruar në mëngjesin e së dielës në Graçanicë, ku është njohur me ecurinë e procesit të votimit në orët e para të hapjes së kutive. Ai është ndier i impresionuar me pjesëmarrjen e votuesve serbë në zgjedhje. “Deri më tani duket se ka më shumë votues këtu në Graçanicë, sesa në një shkollë që e vizitova në Prishtinë. Janë njerëzit që e menaxhojnë qendrën e votimit, janë vëzhguesit. Gjithçka po ecën mirë kështu që unë jam mjaft i inkurajuar”, u shpreh ambasadori Dell. Ndërsa, shefi i Zyrës Civile Ndërkombëtare, Pieter Feith, ka vizituar një qendër votimi në Prishtinë ku ka biseduar me kryesuesin e kësaj qendre dhe është njohur me ecurinë e procesit. “Gjithçka po shkonte mirë në këtë qendër të votimit. Përshtypjet janë shumë të mira. Shpresoj në përqindje sa më të lartë të mundshme të pjesëmarrjes së votuesve”, tha Feith. Në mëngjes, Graçanicën e ka vizituar edhe Doris Pack e cila kryeson një delegacion vëzhguesish nga Parlamenti Evropian.(Shekulli)</p> Ky artikull eshte marre nga: http://www.albaniasite.net/?p=26792. Per me shume artikuj te ngjashem vizitoni: http://www.albaniasite.net/?p=26792

Majko: Topi negociator për krizën? E mirëpresim Socialistët e kanë pritur pozitivisht gatishmërinë e Presidentit të Republikës, Bamir Topi, për të negociuar mes mazhorancës dhe opozitës për të zgjidhur krizën politike të krijuar pas zgjedhjeve parlamentare të 28 qershorit. Ish-kryeministri shqiptar, i cili është një nga udhëheqësit e socialistëve, Pandeli Majko, e ka përshëndetur deklaratën e kreut të shtetit, megjithëse nuk ka qenë shumë optimist për një reagim pozitiv nga ana e Berishës. Në një prononcim për gazetën “Shqip”, Majko deklaroi se “padyshim, gatishmëria e Presidentit është më se e mirëpritur megjithëse vjen pak vonë, pasi zhvillohet në një kohë që opozita po proteston prej kohësh. Dhe kjo opozitë që ka dalë në protestë i përket një spektri të gjerë politik nga e majta deri tek e djathta”. Sipas anëtarit të Kryesisë së Partisë Socialiste, palët duhet të ulen në tryezë për të negociuar, pasi kërkesat e opozitës nuk sjellin destabilitet, por krijojnë mundësi përfundimtare që Shqipëria të zhvillojë zgjedhje të lira dhe të ndershme. Dy ditë më parë, kreu i shtetit shqiptar, Bamir Topi, në një intervistë dhënë gjatë emisionit “Ora e Debatit”, deklaroi se “u takon partive të marrin një vendim për të filluar dialogun. Nuk fillon në një terren të thatë. Skena politike shqiptare, përveç krizave, nuk ka se si të mos ketë edhe rrugëdalje nga kriza. Unë nuk kam ndërhyrë për të ndërmjetësuar, por duhet që partitë ta shprehin vullnetin për të arritur te ndërmjetësimi”.</p> Menjëherë pas këtij qëndrimi nga numri një i shtetit kanë nisur edhe reagimet e kujdesshme nga klasa politike shqiptare. Ndërkohë që nga mazhoranca duket se nuk ka ndonjë politikan që të komentojë deklaratën e Topit, nga ana e opozitës ka ardhur një qëndrim pozitiv, edhe pse entuziast për një rol të kreut të shtetit shqiptar për të hyrë në lojë e si aktor i rëndësishëm institucional. Megjithatë, ish-kryeministri Pandeli Majko, shprehet pesimist për një reagim të shpejtë pozitiv të mazhorancës për ti dhënë “mandatin” e negociatave Presidentit Topi. Në prononcimin për “Shqip”, Majko u shpreh se “sipas gjasave do të ndodhemi përpara një pozicioni të ngurtë të PD-së, pasi Berisha nuk e pranon lehtë një protagonizëm të Presidentit Topi”. Në fakt, situata e marrjes përsipër nga ana e kreut të shtetit për të iniciuar një tryezë të përbashkët ose të ndarë bisedimesh mes mazhorancës dhe opozitës, është pjekur pas një serie zhvillimesh politike, ku faktori ndërkombëtar ka luajtur një rol aktiv. Një ofensivë e vërtetë diplomatike ka ndodhur gjatë kësaj jave, duke u nisur nga Brukseli e duke përfunduar në Tiranë. Komisioneri Europian për Zgjerimin, Olli Rehn, përsëriti sërish qëndrimin se duhet dialog për të zgjidhur krizën. Ndërkaq, ambasadori i Shteteve të Bashkuara në Tiranë, John Withers, zhvilloi në fillim të javës një takim kokë me kokë me Presidentin Topi, ku u fol gjatë për mekanizmat e zgjidhjes së krizës. Për të ardhur më pas në takimin e dy ditëve më parë të trojkës së përbërë nga diplomatët e SHBA-së dhe BE-së, të cilët patën një bisedë në zyrën e Kryeparlamentares, Jozefina Topalli. Ambasadori amerikan, John Withers, deklaroi pas takimit se “do të donim të shihnim një zgjidhje të kësaj, por mendoj se është me rëndësi jetësore që të kuptohet që kjo është diçka që duhet ta zgjidhë udhëheqja politike shqiptare”. Qëndrimi i diplomatëve është perceptuar me kujdes nga opozita, por sipas Majkos “ndërkombëtarët po flasin gjithnjë e më shumë për krizë politike. Është më se urgjent që klasa politike të nisë zgjidhjen e krizës që të mbyllet përfundimisht ky kapitull”.(Shqip)</p> Ky artikull eshte marre nga: http://www.albaniasite.net/?p=26795. Per me shume artikuj te ngjashem vizitoni: http://www.albaniasite.net/?p=26795

Lëvizjet në Polici: pas drejtorëve, radha e shefave të komisariateve Ministri i Brendshëm, Lulzim Basha, në takimin e fundit me të gjithë drejtuesit e Policisë së Shtetit paralajmëroi vazhdimin e ndryshimeve në postet drejtuese të policisë. Të njëjtën gjë tha edhe drejtori i përgjithshëm i uniformave blu. Sipas burimeve të sigurta të gazetës, pas lëvizjeve të drejtorëve të policive në shumicën e qarqeve, reforma e firmosur nga ministri i Brendshëm, zbret dhe në nivele më të ulëta, siç janë shefat e komisariateve. Të njëjtat burime kanë bërë të ditur për “Shqip”, se duke nisur që nga dita e hënë, ndryshimet do të fillojnë të bëhen në të gjithë komisariatet e policisë në vend, duke nisur nga kryeqyteti që ka gjashtë komisariate. Sipas tyre, ndryshimet do të bëhen pas porosive të ministrit Basha, me qëllim për të rritur nivelin e sigurisë në vend dhe për specifika të ndryshme sipas rretheve. Gjithashtu konfirmohet se dje janë ndryshuar drejtorët e kufirit në qarqet Kukës dhe Korçë, ndërkohë që lëvizje në këtë sektor do të ketë që nga dita e hënë në të gjitha qarqet e vendit. Kjo përkon me strategjinë e re që është në funksion të marrëveshjeve dhe “detyrave të shtëpisë” me Bashkimin Europian, sipas të cilave, prioriteti kryesor do të jetë kufiri. Përveç drejtorive ekzistuese në Tiranë dhe rrethe, numri i punonjësve dhe specialistëve të kualifikuar, apo që do të trajnohen nga homologët ndërkombëtarë në këtë sektor, do të shtohet, pikërisht për të rritur sigurinë dhe luftën ndaj trafiqeve të ndryshme në vijën kufitare. Kjo strategji është pra një nga kushtet kryesore të BE-së, që shqiptarët të lëvizin pa viza në Europë. Gjithashtu pritet që brenda këtij viti, duke nisur që javën në vazhdim, të ketë një riorganizim të Policisë Rrugore, e cila do të jetë një drejtori e përgjithshme më vete, që do të ketë në varësi disa zyra rajonale në rangun e drejtorive. Sipas të njëjtave burime, organizimi i kësaj force policore bëhet me qëllim që problemi më gangrenë me të cilin përballet policia dhe komuniteti, aksidentet, të minimizohet sa më shumë të jetë e mundur. Mësohet se kjo minireformë tashmë është hedhur mbi letër me emra konkretë të shefave që do të qarkullojnë apo edhe do zbresin në detyrë, dhe pret vetëm firmat e ministrit të Brendshëm Basha dhe drejtorit të përgjithshëm, Hysni Burga. Vetëm pak ditë më parë ata firmosën lëvizjet e drejtorëve të policisë në nëntë qarqe të vendit. P.H.(Shqip)</p> Ky artikull eshte marre nga: http://www.albaniasite.net/?p=26798. Per me shume artikuj te ngjashem vizitoni: http://www.albaniasite.net/?p=26798

Gjendet ujë në Hënë Gene German, njeriu i fundit që shkeli Hënën (misioni “Apolli 17″, kanë kaluar rreth 37 vjet) tani gëzon si një fëmijë para mikrofonave të “Fox TV”. Kush do ta kishte menduar atëherë që pjesa e padukshme e Hënës, “Dark Side of the Moon”, pikërisht ajo që nuk shihet, fshihte sekretin më të rëndësishëm? Janë dashur metodat e forta të NASA-s, “një bombardim” i kratereve për të nxjerrë në sipërfaqe sasi të mëdha uji, ose siç bën të ditur agjencia hapësinore: njëqind kile ose pak më shumë. Atëherë parashikimet ishin të drejta: “bombardimi paqësor” i realizuar më 9 tetor nga sonda L-Cross, ka nxjerrë në dritë nga ajo errësirë elementin më të çmuar për jetën.</p> Të mos keqkuptohemi, ky nuk është burimi që lokalizoi misioni i hedhur në korrik të këtij vitit. Shkencëtarët dyshonin prej kohësh se Poli i Jugut që nuk prekej nga rrezet e diellit, mund të ishte shumë i ftohtë dhe sipërfaqja e tij të ishte e mbuluar me akuj. Komuniteti shkencor ka dalë në këtë përfundim pas zbulimit të hidrogjenit në misionet e mëparshme. Bomba e lëshuar nga sonda ka ngritur pluhur dhe materiale të tjera, dhe ai material së bashku me një mori të dhënash ka sjellë lajmin e mirë. “Kemi bërë krahasime me dy lloj matjesh: me rrezet infra të kuqe dhe ultraviolet. Përqendrimi dhe përhapja kërkojnë edhe disa analiza të tjera, por e dimë se sa mjafton për të konfirmuar se Kabeus (krateri hënor) përmban ujë”, thotë Anthony Colaprete, përgjegjësi i projektit “Lcross”, në një prej Qendrave të Kërkimit të NASA-s.</p> Sot shkencëtari i Hënës e ka të pamundur të qëndrojë me këmbë në tokë. “Jemi të lumturuar”, thotë. Ndoshta ngazëllimi i tij lidhet edhe me faktin se zbulimi ka ardhur në një periudhë jo fort të lumtur për agjencinë hapësinore. Projekti “Lcross” ishte menduar si parapërgatitje e rikthimit të njeriut në Hënë në vitin 2020, një hipotezë të cilën e kishte hedhur edhe ish-presidenti George Bush. Por një grup i pavarur ekspertësh, të udhëhequr nga Norman Agustine, e ka hedhur poshtë hipotezën: nuk është më koha për projekte hapësinore shumë të kushtueshme, sepse NASA nuk ka më asnjë dollar, sidomos tani që është edhe periudhë krize.</p> Për NASA-n, uji i Kabeusit është oazi në shkretëtirë, fillimi i mijëvjeçarit të ri. 79 milionë dollarë ka kushtuar vetëm anija hapësinore “Lcross”, por fatmirësisht misioni po jep rezultate shpresuese. “Gjëja më e bukur është se jemi ende në pikën e parë”, thotë Perter Schulz, nga universiteti “Brown”. “Është njësoj kur shpon tokën për të gjetur naftë: pasi e ke gjetur vendin e duhur, kërkon, sepse ka mundësi që përreth të gjesh shumë të tjera”.</p> Sigurisht që zbulimi nuk është përfundimi i misionit. Por nga vjen ky ujë? Greg Delory, docent i Berkelit, hedh disa hipoteza: mbetjet e kometave të vjetra, bashkëveprimi i sipërfaqes hënore me erën diellore… “E vetmja gjë e sigurt është se ai akull gjendet aty prej miliarda vitesh dhe priste që ta zbulonim pikërisht ne, në një ditë të begatë të vitit 2009″, thotë Doug Cooke, një profesor i NASA-s i Dhomës së Uashingtonit.</p> Intervista</p> Flet astrofizikani Fabio Peri</p> “Një stacion i përhershëm. Tani ajo ëndërr po afrohet”</p> Sonda të tjera kishin shfaqur praninë e ujit në Hënë, por sa herë që tentohej të nxirrej në dritë, uji dukej sikur fshihej thellë dhe nuk do të zbulohej kurrë. Kjo gjë kishte ndodhur me sondën Lunar Prospector dhe stacioni i tretë të Saturnit 5 që kishte lëshuar në Hënë “Apollo 14″. Edhe impakti i sondës “Lunar Reconnaissance Orbiter”, mbi të cilën astronomët kishin shpresuar shumë, në momentin e parë nuk kishte dhënë rezultate shpresuese. Por tani, pas krahasimit të të dhënave, ja ku erdhi edhe lajmi i shumëpritur. Në Hënë ka ujë në formë akulli.</p> Profesor, pse është kaq e rëndësishme që keni gjetur këtë element?</p> Ka shumë aspekte që e bëjnë këtë zbulim të rëndësishëm. Aspekti i parë është teknik. Uji është një element shumë i rëndësishëm për të ndërtuar një stacion hënor të përhershëm, por për ta çuar atje lart ka kosto jashtëzakonisht të lartë. Do të kushtojë më pak nëse do të nxirret në vend.</p> Fakti që keni gjetur ujë në Polin e Jugut hënor është favorizuese për atë që dëshiron të vërë në atë vend një bazë njerëzore?</p> Sigurisht që po, sepse nëse nga njëra anë ka kratere ku nuk arrin kurrë drita e diellit dhe kjo gjë u lejon akujve të qëndrojnë aty për miliona vjet, nga ana tjetër gjenden zonat ku ditët hënore janë jashtëzakonisht të gjata dhe kjo lejon shfrytëzimin e energjisë diellore në maksimum. Veç të tjerash, nga ajo zonë është e mundur të shohësh pothuajse në mënyrë të përhershme Tokën dhe ky është një aspekt psikologjik shumë i rëndësishëm për astronautët që duhet të rrinë disa muaj në Hënë.</p> Uji, përveç përdorimit personal, mund të përdoret edhe për punë të tjera?</p> Mund të hidhen hipoteza për nxjerrjen e hidrogjenit nga molekula e tij për ta shfrytëzuar si element për të prodhuar energji, por duhet të shohim sa ujë ka dhe nëse procesi është i vlefshëm nga pikëpamja ekonomike dhe teknologjike.</p> Cilat janë elementet e tjera që e bëjnë të rëndësishëm zbulimin?</p> Është aspekti shkencor. Prej kohësh shkencëtarët përpiqen të kuptojnë se nga vjen ai ujë. Janë hedhur hipoteza se ai formohet në mënyrë konstante nga erërat diellore, fluksi i grimcave që vijnë nga dielli, brenda të cilave gjendet joni hidrogjen, duke u lidhur me oksigjenin (që është me tepri në Hënë) formojnë ujin.</p> Shpesh thuhet se ku ka ujë ka jetë. A është e tepërt të hidhet kjo hipotezë për satelitin tonë?</p> Do thosha po, sepse për të pasur jetë, duhet të ketë ujë të lëngët dhe një atmosferë që të ndalojë rrezatimet kozmike që vrasin jetët që në zanafillë, kushte që në Hënë nuk ekzistojnë.(Shqip)</p> Ky artikull eshte marre nga: http://www.albaniasite.net/?p=26786. Per me shume artikuj te ngjashem vizitoni: http://www.albaniasite.net/?p=26786

NJë STATUT I RRALLë LIGJOR I QYTETIT Të DRISHTIT I VITIT 1468 Megjithëse, misioni dhe qëllimi i hartimit të këtij Statuti shprehet qartë jo vetëm në hyrjen e tij, por në tërë përmbajtjen e dispozitave që renditen në të, në këqyrjen, analizën dhe interpretimin literal ligjor të neneve gjenden mjaft elemente të karakterit laik të këtij Kodi. Siç shprehen vetë autorët e Statutit, në hartimin e tij ata nuk janë mbështetur vetëm në rregullat apo rregulloret kanonike biblike të papatit, por edhe në “kushtetuta të vjetra të cilat rezultojnë të paqarta⦔, çka do të thotë se ata janë mbështetur në burimet e traditës zakonore vendase, me origjinë popullore, pra laike. (12). (Statuta et Ordinationes Capituli Ecclesiae Cathedralis Drivastiensis”, Ombra GVG , f.142) Elementë laikë në statut gjejmë edhe në rastet e zgjedhjes së rektorëve dhe prokuratorëve. Në mënyrë të çuditshme, hartuesit e këtij dokumenti i kanë dhënë të drejtën për të marrë pjesë në votim jo vetëm klerikëve, por edhe përfaqësuesve nga populli, besimtarëve të thjeshtë. “…Tre pleq dhe dy të rinj të cilët të betohen se do të zgjedhin si rektor dhe prokurator… atë që e njohin si më të dobishëm.” (13). (Statuta et Ordinationes Capituli Ecclesiae Cathedralis Drivastiensis”, Ombra GVG , Kapitulli 2) Ndërsa vazhdojmë më tej, (neni IX i Statutit) duke iu referuar konkretisht gjendjes ekonomike të Drishtit dhe të banorëve të saj, ku do të shtrinte efektet e veta ky Statut, hartuesit e këtij ligji mes të tjerave, mbështetur në realitetet e kohës, shprehen: “Meqë jemi të varfër dhe kemi të ardhura të pakta, duhet të këmbëngulim në punën e duarve…” (14)(Statuta et Ordinationes Capituli Ecclesiae Cathedralis Drivastiensis”, Ombra GVG , Kapitulli IX) Siç shihet, ky lloj formulimi në këtë nen, nuk ka asgjë të përbashkët me dispozitat e një kanoniku religjioz. Ai i ngjan në këtë rast, më shumë një këshille popullore që u jepet qytetarëve të varfër për të përballuar kushtet e vështira ekonomike, sesa një predikimi të mirëfilltë religjioz.</p> NGRITJA E NORMAVE MORALE NË NIVELIN E NORMAVE KANONIKE Hartuesit e këtij Statusi (kanoniku), duke dashur që të ruhen dhe të ngjizen në ritualet kristiane disa prej zakoneve të mira të edukatës dhe moralit popullor vendas, kanë përpiluar edhe dispozita të reja, që i kanë bërë pjesë të neneve të këtij Statuti, të tilla si më poshtë. Në nenin XII, urdhërohet: “…. Morëm vendim që askush të mos guxojë të ndërhyjë ose të flasë pa leje para … pleqve. Në rast të kundërt dënohet…” (15)(Statuta et Ordinationes Capituli Ecclesiae Cathedralis Drivastiensis”, Ombra GVG , Kapitulli XII) Nën këtë logjikë dhe me këtë objeksion, ne gjejmë në këtë Statut edhe një numër tjetër dispozitash me orientim dhe bazë nga trashëgimia morale vendase, por, pa dashur të zgjatemi në secilin prej tyre, do të përmendim edhe dy më tipiket, atë me nr. XXXVII dhe XXXVIII, ku thuhet: “Asnjeri sduhet të guxojë të luajë zaresh ose ndonjë lojë tjetër të pandershme me të holla (bixhoz)…” “Kur mblidhemi për drekë askush të mos guxojë të sjellë me vete ndonjë vajzë…” (16).(Statuta et Ordinationes Capituli Ecclesiae Cathedralis Drivastiensis”, Ombra GVG , Kapitulli XII) Pra, siç shihet, bazë e predikimeve dhe mesazheve, që përcjellin dispozitat e këtij kanoniku, nuk janë vetëm e thjesht normat kristiane, por edhe ato morale popullore, të cilat vijnë prej trashëgimisë zakonore vendase. Në këtë mënyrë, ne shohim në mënyrë konkrete atë operacion ligjor që thirret “ngritje e disa prej normave morale e zakonore vendase në nivelin e normave kanonike”.</p> NJË INICIATIVË E DUKSHME LIGJORE Në studimin e vëmendshëm të këtij kanoniku dallohet qartë dhe dukshëm, në jo pak nene të tij, iniciativa ligjore e hartuesve të këtij përmbledhësi procedurash dhe aktesh materiale ligjore. Është pikërisht kjo iniciativë që e nxjerr Statutin përtej shabllonit tipik dhe stereotip kristian, sikurse radha e statuteve të tjera të përmendura të natyrës së njohur. Është e kuptueshme se Statuti është hartuar dhe mbështetur kryesisht në normat bazike kristiane, por ai e thotë qartë se është përshtatur për qytetin e Drishtit dhe banorët drishtianë. Orientimi dhe terreni drishtian është i pranishëm kudo në nenet e këtij Statuti dhe i shprehur nominalisht me emrin e këtij qyteti arbëror, konkretisht dispozitat e tij të shumta si, Nenet IX, X, XI, XII, XV, XXXVII, XXXVIII, XXIX, XLVII, LIV, etj. (.. e kishës së Drishtit…, për këtë arsye kanonikët e kishës së Drishtit,… përse në kishën e Drishtit nuk është numri i kanonikëve… prej dere të mirë drishtiane… .unë x.. i zgjedhur kanonik i kishës së Drishtit…, …. i kishës së Drishtit i uron…., etj) (17).(Statuta et Ordinationes Capituli Ecclesiae Cathedralis Drivastiensis”, Ombra GVG , Kapitulli IX,.. XII…LIV) Nga ana tjetër, nëse rregullat kristiane janë unike dhe të unifikuara për të gjithë institucionet, besimtarët, qytetet dhe katedralet e tyre kristiane, pavarësisht nga vendi, etnia, raca, etj., Statuti i Drishtit nënvizon jo rrallë, brenda rreshtave të tij, se ai është kanonik i qytetit të Drishtit, për katedralen dhe besimtarët e këtij qyteti. Jo vetëm kaq, por në njërën prej dispozitave me karakter procedural, kuvendi ka shpallur dhe miratuar me kurajë një normë që synon ta bëjë akoma më drishtiane hierarkinë e këtij institucioni. Kështu, në nenin XLIV thuhet: “Prandaj, duke ndjekur këtë zakon të mirë, morëm vendim që kanonikë të zgjedhim atë … me emër të mirë, … që ka shërbyer në kishën tonë….që në moshë të vogël,.. dhe të jetë prej dere të mirë dhe të vjetër drishtiane nga të dy prindërit, sepse ka 40 vjet e këtej, që bashkëkanonikët vijnë nga dyer të tilla.” (18).(Statuta et Ordinationes Capituli Ecclesiae Cathedralis Drivastiensis”, Ombra GVG , Kapitulli XLIV) Dispozita e mësipërme, por edhe disa të tjera në këtë Statut, shprehin qartë edhe një prirje tjetër juridike, të njohur si “precedenti”, praktikë kjo e “Common Law”-ut britanik.</p> ELEMENTËT SHQIPTARË Statuti është i shkruar në latinisht. Por, kjo nuk u jep aspak terren njerëzve naivë të ngazëllehen dhe proklamojnë se kanoniku “nuk është shqiptar!!!” Edhe “Magna Carta”, e vitit 1215, me të cilin mburret me të drejtë Britania, por edhe Europa, si dokument i parë i trashëgimisë së shkruar ligjore, është i shkruar në latinisht. Megjithatë, ky fakt nuk e bën aspak italian këtë monument të memories dhe trashëgimisë zakonore! Përkundrazi, gjithë bota e njeh dhe e respekton atë si dokumentin e papërsëritshëm të së drejtës britanike! Nga ana tjetër duhet të dimë se, gjer në agun e Rilindjes Europiane, latinishtja ishte gjuha zyrtare e tërë “perandorisë kristiane” europiane. Por, mendoj se nuk ka arsye të qëndrojmë më gjatë në këtë çështje. Pa dyshim, që Statuti ka dispozita nga e drejta kanonike tradicionale kishtare kristiane. Është krejt e pritshme, normale dhe në vlerën e tij të ketë këtë orientim, sepse në thelb ai është një përmbledhës normash ligjore me orientim religjioz-kristian. Duke qenë i tillë, përmes këtyre dispozitave, Statuti sjell dhe transmeton edhe vlera morale dhe shpirtërore, ndër më të arrirat e një bote të tërë kristiane dhe qytetërimit perëndimor, të përzgjedhura dhe përpunuar në shekuj. E pa dyshim, kjo ishte një vlerë dhe nevojë për Arbërinë e asaj kohe. Por, bashkë me to, hartuesit e këtij Statuti kanë ofruar dhe kanë renditur si pjesë të neneve të tij edhe një numër dispozitash dhe predikimesh morale që vijnë nga trashëgimia zakonore shqiptare. Çfarë kanë bërë dhe çfarë bëjnë ligjvënësit tanë sot? Të njëjtën gjë që kanë bërë pararendësit e hartimit të këtij Statuti. Kanë marrë dhe vazhdojnë të marrin nga legjislacioni europiano-perëndimor akte ligjore, statute, kode etj., të vlerësuar si më të arrirët dhe i përshtati Ky artikull eshte marre nga: http://www.albaniasite.net/?p=26789. Per me shume artikuj te ngjashem vizitoni: http://www.albaniasite.net/?p=26789

Umberto Eco: Bëjmë lista, sepse nuk duam të vdesim Në çmënyrë ne si qenie njerëzore mund të përballemi me pafundësinë? Si mund ta “përtypim” të pakuptueshmen? Përmes listave, renditjeve, katalogëve, përmes koleksionimeve nëpër muzeume dhe në enciklopedi dhe fjalorë.</p> Shkrimtari dhe simbolisti italian, Umberto Eco, që po merret me kurimin e një ekspozite të re në muzeun e Luvrit, Paris, në një intervistë rrëfen për rëndësinë që kanë listat në historinë e kulturës, mënyrat përmes së cilave përpiqemi që të shmangim mendimet për vdekjen dhe përse Google është i rrezikshëm për të rinjtë. Ju konsideroheni një nga njerëzit më mendjendritur sot në botë dhe aktualisht po merreni me hapjen e një ekspozite në Luvër. Subjekti i ekspozitës tingëllon shumë i thjeshtë dhe ka të bëjë me listat, ose listimin. Poetët që listojnë, rendisin gjërat në veprat e tyre apo piktorët që grumbullojnë edhe ata gjëra të ndryshme në piktura. Përse keni zgjedhur këtë subjekt? Lista është zanafilla e kulturës. Është pjesë e historisë së artit dhe letërsisë. Cili është qëllimi i kulturës? Të bëjë të kuptueshme pafundësinë. Njëherazi synon edhe të krijojë rregull, sigurisht jo gjithmonë, por mjaft shpesh. Por në çmënyrë ne si qenie njerëzore mund të përballemi me pafundësinë? Si mund ta “përtypim” të pakuptueshmen? Përmes listave, renditjeve, katalogëve, përmes koleksionimeve nëpër muzeume dhe në enciklopedi dhe fjalorë. Ka lista ekstravagante të tilla si ajo e femrave me të cilat ka shkuar Don Xhovani i famshëm. Të paktën sipas libretistit të operës së Moxartit bëhet fjalë për 2063 vajza e gra. Por sigurisht, kemi edhe lista të një natyre krejtësisht tjetër si lista e blerjeve, menyja, lista e sendeve të trashëguara që janë gjithashtu në llojin e tyre arritje kulturore. A mund të konsiderohet një person i kulturuar, ose që merret me kulturën si një rojtar që synon të vendosë rregull në vendet ku mbizotëron kaosi? Listat nuk e shkatërrojnë kulturën, por e krijojnë atë. Nëse do të hidhni një vështrim në historinë e kulturës do të gjeni kudo lista nga më të shumëllojshmet: lista shenjtorësh, ushtrish, bimësh mjekësore, apo thesaresh e tituj librash. Mendoni pak për natyrën e koleksioneve të shekullit të 16-të. Meqë ra fjala edhe romanet e mia janë të mbushura me lista, renditje. Llogaritarët bëjnë lista, por ato i gjen edhe në veprat e Homerit, Joyce apo Mann. Po, por ata sigurisht që nuk janë llogaritarë. Në veprën “Uliksi”, James Joyce përshkruan se si protagonisti i tij, Leopold Bloom, hap sirtarët dhe rendit gjërat që gjen në to. Unë personalisht e konsideroj këtë si një listë letrare dhe kjo mënyrë është shumë e vlefshme për të përshkruar një personazh si Bloom. Ose për shembull le të marrim Homerin. Tek “Iliada” ai përpiqet që të japë idenë e përmasës së ushtrisë greke. Fillimisht ai përdor fjali të tilla si: “Ashtu sikundër një zjarr i madh i ngjitet majës së malit duke shndritur gjithë sipërfaqen, ashtu edhe ushtria gjigante me armaturë që shkëlqenin ndriçonte natën”. Por duket se nuk është kënaqur me një përshkrim të tillë dhe duke mos gjetur ndoshta metaforën e duhur i lind ideja e thjeshtë e renditjes, pra listimit të të gjithë gjeneralëve të ushtrisë. Por duke bërë këtë listim, a nuk duket sikur ai i shmanget natyrës poetike të shkrimit të tij? Fillimisht mund të duket se listimi është një fenomen primitiv dhe tipik i kulturave të hershme, të cilat nuk kanë një koncept të qartë për universin dhe si pasojë kufizohen në renditjen e karakteristikave të ndryshme të sendeve, apo edhe fenomeneve. Por në historinë e kulturës, listat kanë mbizotëruar pa reshtur çka do të thotë se nuk janë thjesht një element i kulturave primitive. Edhe në Mesjetë ka ekzistuar një imazh shumë i qartë i universit e njëherazi edhe në atë epokë ka pasur lista. Më pas në Rilindje bazuar në të rejat astronomike lindi një këndvështrim i ri për gjithësinë dhe botën dhe ndërkohë listat ekzistonin sërish. Dhe sigurisht që ato mbizotërojnë edhe në epokën post-moderne. Kanë një magji të parezistueshme dhe të patjetërsueshme. Po përse Homeri i rendit gjithë ata gjeneralë dhe luftëtarë nëse e di qartë se ai kurrë nuk do të mund tu japë atyre një emër. Homeri dhe të gjithë ne si racë njerëzore mrekullohemi dhe kemi qenë gjithmonë të mrekulluar nga pafundësia, nga hapësirat e pamasa, yjet, galaktikat, universet. Si ndihet një person kur sheh qiellin? Ajo që përjeton është pamundësia, pamjaftueshmëria e fjalëve për të shpjeguar atë që ndien. Megjithatë, njerëzit nuk kanë reshtur kurrë së përshkruari qiellin dhe këtë e bëjnë thjesht duke renditur atë që shohin, pra yjet, hënën, diellin, retë⦠Edhe të dashurit janë në të njëjtën pozitë. Kur dy njerëz dashurohen ndiejnë njëherazi edhe mungesën e fjalëve për të përshkruar atë që po u ndodh, sepse ajo është thjesht e papërshkrueshme, e pamatshme dhe e pakufizueshme. Po ata nga ana tjetër nuk mënojnë kurrë së përpjekuri për ta bërë një gjë të tillë, pra për të futur në fjalë atë që ndiejnë. Dhe këtë e bëjnë përmes krijimit të listave: sytë e tu janë të bukur, goja jote e mrekullueshme, flokët kaq të verdhë⦠e kështu me radhë rendisin detaje pas detajesh. Përse humbasim kaq shumë kohë duke u përpjekur të plotësojmë gjëra që realisht nuk mund të plotësohen, apo përfundojnë praktikisht? Ne kemi një kufi, shumë dizinkurajues dhe poshtërues: vdekjen. Ja përse parapëlqejmë që të gjithë duam pafundësinë dhe duam që gjërat që duam të mos kenë fund. Është një lloj mënyre për tiu shmangur vdekjes, sepse ne nuk duam të vdesim. Në ekspozitën tuaj në Luvër do të shfaqni edhe punë të konceptuara nga arti vizual. Por këto punë, piktura kanë korniza, apo kufij dhe nuk mund të pasqyrojnë më shumë nga sa e kanë kufirin.</p> Jo, përkundrazi, arsyeja se përse i duam dhe na pëlqejnë pikturat dhe veprat e artit është se besojmë se jemi të aftë që të shohim përtej tyre, por përmes tyre. Ato na përcjellin në pafundësi. Përse janë këto listime, renditje veçanërisht të rëndësishme për ju? Drejtuesit e Luvrit mu drejtuan dhe më kërkuan që të kuroja një ekspozitë në muzeun e famshëm dhe më kërkuan gjithashtu edhe idetë. Për mua thjesht ideja e të punuarit në një muze ishte ndjellëse në vetvete. Kam qenë në Luvër vetëm, së fundi dhe mu duk vetja si një personazh i romanit të Dan Brown. Ishte njëherazi e mrekullueshme dhe misterioze. Kuptova menjëherë se ekspozita ime duhet të përqendrohej te listat. Po përse vallë më intereson shumë ky subjekt? Këtë nuk mund ta them me saktësi. Më pëlqejnë listat për të njëjtën arsye që disa njerëz pëlqejnë futbollin, apo pedofilinë. Njerëzit kanë interesat e tyre. Ju jeni i famshëm edhe për aftësinë që keni për të shpjeguar pasionet tuaja. Po, por jo duke folur për veten. Që nga koha e Aristotelit jemi përpjekur që të përcaktojmë gjërat bazuar në thelbin e tyre. Përcaktimi i njeriut? Një kafshë që vepron në mënyrë të paramenduar. Natyralistëve iu deshën 80 vjet që të përshkruanin platibusin (një zvarranik) Ata zbuluan se ai jetonte nën ujë dhe gjithashtu edhe në tokë, se bënte vezë dhe megjithatë ishte gjitar. Pra si na duket përshkrimi? A nuk ngjan ai me një listë karakteristikash? Një përcaktim do të ishte më i mundur në rastin e një kafshe më të njohur Ndoshta, por a do ta bënte një gjë e tillë kafshën më interesante? Mendoni për shembull për tigrin, një kafshë grabitqare. Si do tia përshkruante një nënë tigrin fëmijës së saj? Përmes renditjes, pra listimit të karakteristikave të tigrit: tigri është i madh, si një mace, ka thonj të mprehtë, është i fortëâ¦e kështu me radhë. Del pra se listimi, lista është një shenjë e një shoqërie shumë të avancuar dhe të kultivuar, sepse lista na lejon që të nxjerrim në pah thelbin e një përcaktimi.</p> Duket sikur po thoni që ne nuk duhet që të përcaktojmë më gjërat dhe se progres do të thotë vetëm listim, numërim Do të ishte çliruese. Periudha baroke ishte një epokë listash. Menjëherë të gjitha përcaktimet skolastike që ishin bërë në epokat pararendëse e humbën kuptimin dhe vlerën. Njerëzit përpiqesh Ky artikull eshte marre nga: http://www.albaniasite.net/?p=26783. Per me shume artikuj te ngjashem vizitoni: http://www.albaniasite.net/?p=26783

Hannover, 40 mije persona ne funeralin e Enke Rreth 40 mije persona kane marre pjese ne funeralin e Robert Enke, portieri i kombetares se Gjermanise dhe i Hanoverit i cili vrau veten te marten e shkuar. Ceremonia e transmetuar drejperdrejt nga disa stacione lokale, u zhvillua ne AWD Arena te Hannoverit. Mes te tjereve, pjesemarres ishin edhe lojtare te tjere te kombetares gjermane dhe shoket e skuadres se Enke.</p> Jashte satdiumit ishin qindra persona ne radhe qe prej ores 7:30 te mengjesit. Burimi : TopChannel</p> Ky artikull eshte marre nga: http://www.albaniasite.net/?p=26781. Per me shume artikuj te ngjashem vizitoni: http://www.albaniasite.net/?p=26781

Hannover, 40 mije persona ne funeralin e Enke Rreth 40 mije persona kane marre pjese ne funeralin e Robert Enke, portieri i kombetares se Gjermanise dhe i Hanoverit i cili vrau veten te marten e shkuar.</p> Ceremonia e transmetuar drejperdrejt nga disa stacione lokale, u zhvillua ne AWD Arena te Hannoverit.</p> Mes te tjereve, pjesemarres ishin edhe lojtare te tjere te kombetares gjermane dhe shoket e skuadres se Enke.</p> Jashte satdiumit ishin qindra persona ne radhe qe prej ores 7:30 te mengjesit.</p> Burimi : TopChannel</p> Ky artikull eshte marre nga: http://www.albaniasite.net/?p=26778. Per me shume artikuj te ngjashem vizitoni: http://www.albaniasite.net/?p=26778