Re: Te jesh vullnetar...!
PERSHKRIMI I PROJEKTIT (2 kopje)
Duhet që të përshkruani të gjitha pikat e mëposhtme në përshkrimin e projektit që do të paraqesni. Nuk është nevoja të jjetë më i gjate se 3-5 faqe. Synimi është të dalë qartë qellimi që duhet të arrihet dhe efikasiteti i projektit që organizata do të realizojë. Lutemi të kërkoni ndihmë në Sekretarinë e Fondacionit në rast nevoje.
Profili i organizatës
Këtu përshkruhet shkurtimisht historiku i organizatës, fokusi i punës së saj, aftesitë manaxhuese për projekte, projektet e zbatuara.
Gjendja që kërkohet të ndryshohet(pararendja)
Këtu përshkruhet gjendja që ekziston dhe pse kërkohet të ndryshohet. Mirë është të përdoren të dhena statistikore ose nga sondazhe të bëra.
Objektivi(at) që kërkohet të arrihet(en)
Këtu përshkruhet ajo që kërkohet të arrihet me anë të projektit.
Aktivitetet
Në këtë seksion përshkruhen veprimet konkrete që do të kryhen për realizimin e objektivave.
Aktivitetet të vendosen në mënyrë kronologjike, grupet e njerëzve që do të marrin pjesë, duke u shoqëruar edhe me një kalendar kohor të realizimit të tyre
Rezultatet e pritshme
Në këtë seksion të përshkruhen rezultatet e pritshme në kuadrin e projektit.
Buxheti i detajuar (në lekë)
Buxheti duhet të përmbaje koston e personelit, koston administrative etj, si dhe shpenzimet që do të kryhen për plotësimin e gjithë aktiviteteve të projektit. Në buxhet duhet të vihen çmimet për njësi dhe totali për çdo zë të buxhetit. Në buxhet të paraqitet në kolona: buxheti total, ai i kerkuar, kontributi i shoqatës, kontribute të tjera (nëse ka).
Për blerje pajisjesh dhe shpenzime udhëtimi duhet të paraqitet një vlerësim real.
Vlerësimi - Raportimi
Këtu specifikohet se si shoqata mendon të matet ecuria e projektit dhe si e kur do të raportohet.
Rreziqet që mund të pengojnë realizimin e projektit
Në këtë seksion specifikohen konditat që duhet të ketë projekti për t'u plotësuar dhe ç’mund të ndodhë sikur ndonjë konditë të mos plotësohet.
Afatzgjatja e projektit
Këtu specifikohet koha e fillimit dhe ajo e mbarimit të projektit dhe nëse projekti ka lidhje me ndonje datë fikse ne kohë apo mund te zhvillohet kurdo brënda një periudhe.
Vendi ku do të realizohet projekti
Këtu thuhet qyteti, fshati ose adresa e institucionit ku do të realizohet projekti
Kooperimi me të tjerë
Thuhet nëse projekti realizohet në bashkëpunim me OJQ të tjera vendase ose të huaja, apo me ndonjë instancë apo organizëm qeveritar. Këtu duhet të dalë në pah ekspertiza dhe kontributi që do të japë secila organizatë në kuadrin e projektit.
Plani për publikime dhe median
Këtu specifikohet se si mendohet t'i bëhet jehonë me anë të shtypit dhe mjeteve të tjera të medias, aktivitetit që do të kryhet dhe në ç’kohë është menduar p.sh. konferenca e shtypit për të bërë sa më efekt në kontaktin me publikun dhe gazetarët.
SI DO TE VLERESOHET PROJEKTI?
Qëndra e Menaxhimit të Projekteve do të kontrollojë dokumentacionin tuaj për t'u siguruar që organizata:
Eshtë një OJQ e zgjedhëshme
Keni paraqitur të gjithë dokumentacionin e kërkuar në dosje
Keni paraqitur një projekt i cili është i vlerësueshëm dhe sjell ide e praktika të reja
Propozimet e OJQ-ve shqyrtohen nga Bordi i Fondacionit i cili pasi diskuton kërkesat dhe idetë e reja që ato sjellin, voton dhe me shumicë votash vendos për ato propozime që fitojnë e ato që nuk kualifikohen. Vendimet e bordit janë te pakthyeshme por shoqata që ka aplikuar ka të drejtë të riaplikojë.
Vendimet merren 30 ditë pas afatit të dorëzimit të publikuar në gazetë.
OJQ-ja që ka aplikuar duhet të firmosë marrëveshjen me FSHSHC brënda një muaji pas njofitmit për miratimin e fondit; pas këtij afati shoqata humbet të drejtën e përdorimit të fondeve të vëna në dispozicion. Mbas përfundimit të projektit, drejtuesi duhet të dorëzojë raportin përfundimtar brenda 30 ditësh.
PUNE TE MBARE NE NDIHME TE SHOQERISE CIVILE SHQIPTARE
marre nga
www.acsf.org.al
