Sporti Shkodran ( Vllaznia )

[djal]

Re: Sporti Shkodran ( Vllaznia )

Fitore e merituar e Tiranës ndaj Vllaznise

Tirana ka arritur një fitore të merituar të Shtunën në stadiumin "Loro Boriçi" te qytetit te Shkodres ndaj rivales se saj më afërt, Vllaznisë. Me fitoren e rëndësishme 4-2, Tirana vazhdon te kryesoje e vetme me meritë tabelën e klasifikimit (36) me 10 pike larg vendit të dytë ku ndodhet Vllaznia (26). Interesimit te madh te publikut për këtë takim iu përgjigjen me lojë të bukur të dyja ekipit. Pjesa e parë nis me gol për Tiranen me ane te Mukes. Shkodranët kërkojnë të barazojnë rezultatin e lojës, por janë përsëri tiranasit që kanë mundësi të shënojnë. Pikërisht minutat e 31-te dhe 33-te ishin më fatlumet për kuqeblute, të cilët shënojnë me anë të Ishkës dhe Devollit. Me rezultatin 2-1 për shkodranët perfundon pjesa e pare e lojes. Pjesa e dyte foli per Tiranen, qe ishte me kembengulese ne drejtim te zones shkodrane. Bardheblute krijojnë shume raste shenimi, por që humben nga sulmuesit qe u nxituan, por edhe per merite te portieri shkodran Grima që bëhet shpetimtari i portes se tij. Ne minuten e 79-te, Fortuzi që hyri në pjesën e dytë, barazon rezultatin me penallti. Me pas, ne fushen e lojes dominoi vetem skuadra e Tiranes, qe shenoi edhe golin e trete me anen e Fortuzit ne minuten e 83-te. Pas ketij goli, shkodranet u dorezuan plotesisht, nderkohe qe ne fund te lojes Halili shenoi edhe golin e katert per miqte nga kryeqyteti.
/pf/images/graemlins/frown.gif /pf/images/graemlins/frown.gif /pf/images/graemlins/frown.gif /pf/images/graemlins/frown.gif /pf/images/graemlins/frown.gif /pf/images/graemlins/frown.gif

 

[djal]

Re: Sporti Shkodran ( Vllaznia )

Jep dorëheqjen trajneri i Vllaznisë, Hysen Dedja


Menjëherë pas humbjes së pësuar sot pasdite (e Shtune) nga ekipi i Tiranës 2-4, trajneri i Vllaznisë, Hyesn Dedja, ka dhënë dorëpheqjen nga drejtimi i pankinës shkodrane. Tekniku Dedja e motivoi largimin e tij me rezultatet e dobta të arritura nga skuadra e tij në dy ndeshjet e para të fazës së dytë. Ai ka shtuar se, ka kërkuar nga futbollistët që të vazhdojnë përgatitjet e tyre qe Vllaznia te jete një ndër ekipet më të mira të vendit. "Janë të gjitha mundësitë që skuadra shkodrane të renditet në vend të dytë dhe të jetë finaliste e Kupës së Shqipërisë. Ndërkohë, me investimet e prewsidentit Çela, ekipi i Vllaznisë duhet të ishte pretendent për të dyja trofetë", theksoi Dedja, i cili shtoi se, "duke parë se gjërat nuk po shkonin si duhet, e shoh të udhës të largohem nga drejtimi i skuadrës". Mësohet se tashmë kanë filluar të lakohen edhe emrat e parë që mendohet të ulen në pankinën shkodrane. Flitet së në krye të ekipit kuqeblu mund të vije trajneri nga Tirana, Ramadan Shehu, i cili deri para pak kohësh ka qenë trajner i ekipit të Besës. Ndërkohë, flitet edhe për afrimin e një trajneri nga Mali i Zi. Por, këtyre zërave do t'i japë fund presidenti i Vllaznisë, Myftar Çela, gjatë kësaj jave.

 

[genci]

Re: Sporti Shkodran ( Vllaznia )

Bajko: Vllaznia, ekipi më i fortë pas '90-s

Para sfidës së radhës, trajneri i Partizanit vlerëson shkodranët dhe thekson se lufta për titull vazhdon
Të premten, në orën 15.00, ekipi i Partizanit do të luajë ndeshjen e parë të javës së 16-të të kampionatit. Në stadiumin "Qemal Stafa", përballë njëri-tjetrit, do të vihen Partizani dhe Vllaznia. Të kuqtë kanë barazuar në ndeshjen e fundit në fushën e tyre me Teutën, ndërsa shkodranët kanë humbur në "Loro Boroçi" me Tiranën e vendit të parë. Partizani dhe Vllaznia ndajnë vendin e dytë dhe të tretë me pikë të barabarta në tabelën e klasifikimit. Për Partizanin, kjo ndeshje është shumë e rëndësishme, pasi do të luajë me një nga rivalet e drejtpërdrejta të paktën për vendin e dytë. Në intervistën e tij, drejtuesi i të kuqve theksoi se Vllaznia ka ekipin më të mirë në Shqipëri, prandaj ndeshja paraqitet mjaft e vështirë:
- Pak ditë para ndeshjes me Vllazninë, cila është gjendja e fundit e Partizanit?
- Gjendja e ekipit pas ndeshjes me Teutën dhe para takimit të radhës me Vllazninë paraqitet përgjithësisht e mirë, megjithëse do të kemi mungesën e disa lojtarëve titullarë. Kështu, pas skualifikimit të dy lojtarëve titullarë, Brakini dhe Dhëmbi, do të mungojë edhe lojtari tjetër i skuadrës, Beqiri, pasi është i sëmurë me grip. Jo vetëm për Partizanin, por edhe për ekipet e tjera të kampionatit tonë, përveç terreneve shumë të vështira dhe gjykimeve të dobëta, është shtuar edhe një armik tjetër, që është gripi. Gjithsesi, mendoj se Partizani ka lojtarë të tjerë të rinj, të cilët do të luajnë dhe do ta justifikojnë fanellën e kuqe.
- Cili është reparti që ju shqetëson më shumë para ndeshjes së radhës me Vllazninë?
- Mesfusha. Ndaj Vllaznisë do të mungojë mesfushori kryesor dhe njëkohësisht një nga lojtarët më të mirë të skuadrës sonë, Paulin Dhëmbi. Në takimin e radhës, i cili presupozohet mjaft i rëndësishëm për të ardhmen tonë, Dhëmbi është një nga lojtarët e pazëvendësueshëm, ndaj i druhem më shumë këtij reparti.
- Si e shikoni kundërshtarin e radhës pas rezultateve të fundit dhe para ballafaqimit me ekipin tuaj?
- Unë do të thosha se ndeshja me Vllazninë është shumë e vështirë, pasi dihet kontigjenti i lojtarëve dhe forca e shkodranëve. Këtë e them jo se do të jenë kundërshtarët tanë të radhës, por për mua ekipi i Vllaznisë, me lojtarët që ka në dispozicion, është ekipi më i mirë i 12 viteve të fundit. Pavarësisht nga rezultatet e fundit, ku shumë personave u është krijuar përshtypja se Vllaznia nuk do të jetë në gjendje të ecë më, në realitet unë mendoj se do të ndodhë e kundërta. Ndeshja është e hapur për të dy ekipet, ndërsa rezultatin do t'ia lëmë fushës së lojës.
- A do ta vazhdojë Partizani luftën për titull, apo do të luajë për vend të dytë?
- Tirana vërtet është shkëputur 10 pikë, por unë mendoj se janë shumë pak për të thënë se ka mbaruar kampionati. Sa të jem unë në krye të Partizanit, do të luftoj deri në javën e fundit për të fituar titullin kampion. Kampionati është i hapur jo vetëm për Partizanin, por edhe për ekipet e tjera, të cilat pretendojnë të fitojnë titullin. Në të ardhmen na presin shumë ndeshje dhe sfida të tjera më të rëndësishme, prandaj do të përpiqemi të jemi të kujdesshëm.


Ky Artikull u publikua më 12 Mar 2003. Autor Aranit MURAÇI - Sporti Shqiptar

 

[genci]

Re: Sporti Shkodran ( Vllaznia )

- GAZETA E SHKODRES Mars 16, 2003


Ai krijoi shoqatën e tifozëve. Shikon vetëm 20 minuta lojë, pjesën tjetër entuziazmon të tjerët

Pas ekipit me bori në dorë
Astrit Ramani, tifozi i zjarrtë i Vllaznisë


--------------------------------------------------------------------------------

SHKODER

Eshtë i dashuruar marrëzisht pas skuadrës së futbollit të Vllaznisë. Me një bori të vogël, të cilën e mban në dorë për të ndezur shpirtrat e tifozëve gjatë ndeshjeve, ndjek në çdo cep të Shqipërisë skuadrën e tij të zemrës.

Quhet Astrit Ramani. 39-vjeçari mbahet si shpirti i tifozërisë shkodrane. Ai tashmë është bërë një person publik në Shkodër (të gjithë e njohin për tifozërinë e tij ndaj ekipit të Vllaznisë) dhe kjo i jep kënaqësi pasi çdo gjë e bën nga pasioni. Pasioni i tij për Vllazninë ka nisur në vitin 1983, kur kjo skuadër ka fituar titullin kampion në Berat. Ajo ditë ka qenë dita më e lumtur e tij.Në çdo ndeshje të ekipit të tij, Astrit Ramani do të veshë kostumin e tij të veçantë dhe që e bën të njohur për të gjithë: bluzë, pantollona dhe kapele ngjyrë blu dhe kuq ashtu si kostumi i Vllaznisë. Megjithëse nuk i ndahet skuadrës, Ramani shi-kon vetëm pak minuta nga ndeshjet e saj me ekipet e tjera të futbollit, kushdo qofshin ata. Gjatë gjithë kohës ai merret me organizimin e tifozëve. "Të them të vërtetën nga 90 minuta lojë, unë nuk shoh as 20 minuta, pasi qëndroj me fytyrë nga spektatorët dhe organizoj tifozët. Shenjat e mia deshifrohen menjëherë prej tyre, pasi tashmë i kanë mësuar", tregon ai. 39-vjeçari ka krijuar shoqatën e tifozëve të ekipit të futbollit Vllaznia në vitin 1995, fillimisht me 50 veta, ndërkohë që numri i tyre është shtuar gradualisht. Përkrahjen për skuadrën e zemrës tifozët e bëjnë vullnetarisht. Ata e ndjekin pas atë në çdo cep të vendit, flejnë natën nëpër makina, përplasen me policë dhe pavarësisht indiferencës së drejtuesve të skuadrës, ata prapë nuk tërhiqen. Ky grup njerëzish është zemra e skuadrës shkodrane. Pak ditë më parë trajneri i Kombëtares, Brigel u shpreh se Shkodra është qyteti që ka tifozërinë më të zjarrtë në vend. Ndërkohë, organizatori numër një i kësaj tifozerie, Astrit Ramani shpreh shqetësimin se nëse drejtuesit e klubit të Vllaznisë do të vazhdojnë të jenë indiferentë, kjo mund të pasojë me lar-gimin e tifozëve. Kurrsesi ai nuk e do këtë gjë, pasi tifozerinë ndaj skuadrës shkodrane ia ka ushqyer edhe gruas e cila di saktë gjithë datat e ndeshjeve të kësaj skuadre dhe dy fëmijëve të tij, vajzës 11 vjeçe e djalit 8-vjeç.

www.balkanweb.com

 

[genci]

Re: Sporti Shkodran ( Vllaznia )

Partizani - Vllaznia 3-1, përndizen "demat e kuq"

Të kuqtë, pas gjashtë barazimeve radhazi, fitojnë 3-1 me Vllazninë


Shënues: Hallaçi 17', Merkoçi 44', Kaçi 45', Ndreka 64'
Partizani - Vllaznia 3-1
Partizani
Nallbani 6.5
Behari 6.5
Ndreka 7
Sheta 6
Daiu 6.5
Beqiri (Tafaj 73') 6.5
Hallaçi 6
Allmuça 6
Zheraldinjo 6
Merkoçi (Kuli 73') 6
Karioka (Metani 90') 7
Trajner N.Bajko

Vllaznia
Grima 6.5
Devolli 6
Zmijani 6
Beqiri 6.5
Dibra 5.5
Kaçi (Belisha 67') 6
Bokotola 6
Romanishin 5.5
Ishka (Arbri 79') 5.5
Bejzade 6
Sinani (67' Gjukoviç) 5.5
Trajner: R. Shehu
Gjyqtarë: A. Tahullai (Tiranë), S. Avdo (Tiranë), V. Guranjaku (Elbasan)
Kartonë të verdhë: Sheta, Tafaj, Ndreka,
Karton i kuq: Romanishin, Allmuça
"Radiografia"...
7'- Goditje dënimi për Partizanin. Daiu godet fort, por topi përplasat në murin e shkodranëve.
10'- Kombinime të bukura midis Bejzades dhe Devollit, të cilët futen në zonë, por e humbasin topin në momentin e fundit.
12'- Merkoçi del i vetëm në zonë e shkodranëve, por nuk e kontrollon mirë topin.
15'- Zheraldinjo ecën mirë nga e djathta, gjuan në afërsi të zonës dhe topi për pak sa nuk përfundon në rrjetë.
17'- Aksion i bukur për të kuqtë nga krahu i majtë i mesfushës. Zheraldinjo pason për Kariokën, i cili e kalon topin shpejt te Merkoçi. Ky i fundit nxjerr të lirë Hallaçin, i cili shënon golin e parë. 1-0.
19'- Merkoçi fut sërish një top tjetër në zonën kundërshtare, por nuk shfrytëzohet nga Karioka.
27'- Bejzade futet në zonë, pason për Bokotolën, por ky i fundit nuk godet mirë.
35'- Kaçi bëhet protagonist i një goditjeje të bukur, por topi nuk shkon në kuadrat.
40'- Karioka shkëputet i vetëm, por e pengon Romanashini. Ukrainasi kishte karton të verdhë, kështu që detyrohet ta lërë ekipin e tij me 10 lojtarë.
43'- Sinani del i vetëm në zonë, godet fort, por topi përfundon ngjitur me shtyllën pingule.
44'- Karioka driblon bukur në zonë, godet fort, por grushton Grima. Edhe një herë Karioka pason për Merkoçin, i cili nuk e ka të vështirë ta dyfishojë rezultatin. 2-0.
45'- Goditje dënimi për shkodranët. Kaçi gjuan bukur, duke e dërguar topin direkt në rrjetë. 2-1.
48'- Hallaçi, nga e djathta, fut një top në zonë për Kariokën, i cili nuk arrin ta dërgojë në rrjetë.
53'- Kaçi nxjer të lirë në zonën e Partizanit Devollin, i cili godet menjëherë me kokë dhe topi kalon ngjitur me traun e Nallbanit.
55'- Sinani godet fuqishëm, por pa rrezikuar portën.
60'- Beqiri kalon bukur tre lojtarë, pason për Allmuçën, por ky gjuan dobët.
64'- Zheraldinjo kroson nga këndi dhe Ndreka shënon golin e tretë, pas një goditjeje të bukur me kokë. 3-1.
70'- Devolli godet në afërsi të zonës, por topi kalon në afërsi të shtyllës së majtë pingule të Nallbanit.
75'- Zheraldinjo del i vetëm në zonë, kërkon të pasojë për Kariokën, por pa ia arritur qëllimit.
78'- Devolli ecën bukur nga krahu i djathtë, godet në afërsi të zonës, por topi pengohet nga një mbrojtës shumë pranë portës.
84'- Karioka del përsëri i vetëm përballë Grimës, godet fort, por tregon aftësitë e tij portieri shkodran, duke e grushtuar topin.
89'- Ndreka kërkon të shënojë përsëri me kokë, por topi përfundon jashtë portës së Grimës.
90'- Beqiri, për Vllazninë, godet dhe ka rastin e fundit për të shënuar, por topi devijohet, duke përfunduar jashtë kuadratit.

Deklaruan...
Genci Tomorri, zv.trajner i Partizanit: "Ne e kishim deklaruar edhe më parë se, përveç fitores, nuk do të pajtoheshim me rezultat tjetër, megjithëse kishin mungesa dhe përballë kishim Vllazninë e Shkodrës. Në përgjithësi, jemi të kënaqur për shkak se ekipi luajti mirë dhe arriti të shënojë. Gjatë pjesë së parë ishim më superiorë se kundërshtari dhe ditëm t'i shfrytëzonim rastet që na u krijuan. Kartoni i parë i kuq për shkodranët nuk besoi se ndikoi në rezultatin e ndeshjes, pasi ne luajtëm më mirë edhe kur doli lojtari ynë pas disa minutash. Me këtë fitore do t'i drejtojmë sytë nga kreu, por mendjen do ta kemi poshtë. Pra, nuk do ta lëshojmë vendin e dytë dhe do të synojmë që t'i afrohemi sa më shumë Tiranës kryesuese."

Ramadan Shehu, trajner i Vllaznisë: "Me ndeshjen e sotme u vërtetua që skuadra e Vllaznisë është e njëtrajtshme dhe vuan akoma nga ngarkesa psikologjike. Gjatë ndeshjes, ekipi krijuoi raste, të cilat, po t'i kishim shfrytëzuar më mirë, loja nuk do të kishte marrë kët rrjedhë. Gjithsesi, ideja ime në këtë takim ishte që ekipi të mos goditej nga kundërshtari, por Vllaznia u ndëshkua shumë shpejt, prandaj nuk ia arriti këtij qëllimi. Na mbetet akoma punë për të bërë për ndeshjet e tjera, sepse Vllaznisë i duhet të dalë sa më shpejt nga kjo situatë e pafavorshme ku ndodhet."

Specialisti, nga Panajot Pano: "Përgjithësisht, ishte një ndeshje e mirë nga të dy ekipet. Nga loja që zhvillua, u duk qartë se edhe Vllaznia edhe Partizani nuk ishin të përgatitura mirë fizikisht. Ekipi i Partizanit arriti të shënojë shumë shpejt. Kjo bëri që kryeqytetasit ta kontrollonin më mirë lojën në minutat në vazhdim dhe, si pasojë e kësaj, ta fitonin ndeshjen. Kjo fitore i jep më shumë shpresë Partizanit për t'iu afruar kryesueses, ndërsa Vllaznia po i largohet akoma më shumë titullit."

Të veçanta
Përveç presidentit të Partizanit, Xhani, dhe presidentit të Vllaznisë, Çela, në tribunën "VIP" ndodhej edhe presidenti i Dinamos, Deliorgji, si dhe shumë deputetë dhe figura të politikës.

Për të ndjekur Vllazninë kishin ardhur edhe rreth 300 tifozë nga Shkodra. Në fakt, pritej një numër shumë i madh tifozësh, por humbjet e fundit të Vllaznisë i kanë zhgënjyer përkrahësit e këtij ekipi, të cilët erdhën në Tiranë shumë të reduktuar.

Në momentin që futet në lojë Gjukoviçi del gabimisht nga fusha Ishka. I habitur, trajneri Shehu i bën me shenjë gjyqtarit të katërt për një lapsus i vogël dhe njofton që nga loja duhet të dalë Sinani e jo Ishka. Ky i fundit u zëvendësua disa minuta më vonë.

Trajneri i Partizanit, Neptun Bajko, u largua menjëherë pas përfundimit të ndeshjes, duke iu shmangur përsëri medias sportive.


Ky Artikull u publikua më 15 Mar 2003. Autor Aranit MURAÇI - Sporti Shqiptar

 

[genci]

Re: Sporti Shkodran ( Vllaznia )

20 Mars 2003

Sulmuesi kuçovar i Vllaznisë do të luajë kundër skuadrës me të cilën u shpall kampion sezonin e kaluar

Asllani: E dua një gol ndaj Dinamos
Mungesa e gjatë ia ka shtuar "oreksin" për të shënuar, prandaj Klodian Asllani dëshiron të "thyejë akullin" që këtë javë, përballë ish-skuadrës së tij, Dinamos. Një gol që vetë kuçovari dëshiron t'ia dërgojë si "dhuratë" presidentit të bluve, Delijorgji, njeriut që e largoi nga kjo skuadër. Përveç "etjes" për gol, Klodi ka folur edhe për krizën aktuale të Vllaznisë, duke dhënë shkaqet që e çuan skuadrën në këtë gjendje. Për të gjitha këto, mesfushori-sulmues i Vllaznisë ka pranuar të flasë në intervistën e tij për "Sportin shqiptar":
- Riktheheni në formacionin e Vllaznisë pikërisht në ndeshjen ndaj ish-skuadrës suaj, Dinamos. Keni emocione në prag të kësaj sfide?
- Natyrisht, emocione kam, pasi me Dinamon kam kaluar çaste të bukura, madje vitin e kaluar arrita të shpallesha kampion. Por këto tani i takojnë së kaluarës, pasi unë jam i karikuar në maksimum për t'i shërbyer sa më mirë skuadrës së Vllaznisë. Jam profesionist dhe kjo nënkupton më së miri këtë që thashë më lart, duke hedhur tej emocionet e rastit.
- Vetë largimi juaj i çuditshëm nga Dinamo dhe debatet e mëvonshme lënë të nënkuptojnë një lloj "hakmarrjeje" ndaj bluve, apo jo?
- Nuk bëhet fjalë fare për hakmarrje. Largimet të tilla ndodhin, por diku bëhen me debate, diku jo. Në rastin tim, shkaktari i largimit nga Dinamo ishte presidenti Delijorgji. Kam dëgjuar edhe para pak kohësh që ai kërkon pezullimin tim nga kampionati, por unë shtoj se ai nuk ka çfarë kërkon, sepse, në rastin tim, kemi të bëjmë me prishje të njëanshme të kontratës nga ana e tij. Pavarësisht nga këto, problemet mbeten vetëm mes ne të dyve, e këtu s'ka të bëjë fare ekipi. Shumicën e lojtarëve të Dinamos i kam shokë, megjithatë, të shtunën, do t'i kem rivalë në fushë, ndërkohë që pas ndeshjes dua të pi një kafe me ta.
- Vllaznia vazhdon të jetë në krizën e saj më të thellë të këtyre viteve të fundit. Sipas jush, çfarë i mungon asaj?
- Unë mendoj se shkaku kryesor i krizës është mungesa e finalizimit të aksioneve. Tjetër shkak, sipas meje, është edhe mungesa e shpirtit të garës te të gjithë ne.
- Pak më lart kritikuat finalizimin e aksioneve, ndërkohë që edhe ju vetë nuk e keni gjetur ende rrugën e rrjetës. Pse ndodh kjo, kur vitin e kaluar me Dinamon keni shënuar më tepër gola, madje edhe përcaktues?
- Eshtë e vërtetë që në këtë kampionat kam shënuar vetëm një gol, atë ndaj Tiranës, kur luaja me Dinamon, ndërkohë që me Vllazninë në kampionat nuk e kam gjetur ende rrugën e golit. Këtë gjë e ndiej shumë, por shpresoj që gjërat tani do të vijnë duke u përmirësuar.
- Së fundi, Klodi, mendoni se misioni juaj për të rigjetur golin do të nisë që këtë javë ndaj Dinamos?
- Duke parë vetë situatën në të cilën ndodhet Vllaznia, mendoj se gjëja më e rëndësishme është të fitojmë, pavarësisht se kush prej nesh do të shënojë. Por nuk e fsheh, e dëshiroj një gol ndaj ish-skuadrës sime. Goli të sjell shumë gjëra pozitive, prandaj shpresoj shumë të rigjej rrugën e golit që këtë javë.
Gjergj Kola

Ramadan Shehu: Kujdes nga blutë!
Tekniku i kuqebluve, Ramadan Shehu, i ka paralajmëruar edhe dje futbollistët e tij se këtë javë i pret një ndeshje mjaft e vështirë. Për këtë qëllim, ai ua ka bërë të qartë atyre se duhet të kenë shumë kujdes nga blutë. Dita e djeshme ka qenë shumë e ngarkuar për ekipin e Vllaznisë. Ashtu si javën e kaluar, dje, tekniku Shehu ka zhvilluar një seancë teorike, brenda së cilës ka analizuar me lojtarët edhe humbjen e fundit me Partizanin. Siç bëhet e ditur, për më tepër se një orë, kuqeblutë kanë diskutuar e mësuar nga goja e drejtuesve të tyre se si do luajnë në fushë këtë javë. Mësohet se Shehu ka shfaqur rezervat e tij ndaj lojtarëve të sulmit për lojën që kanë zhvilluar ndaj të kuqve. Por, duke e lënë prapa këtë sfidë, tekniku Shehu, i cili ka debutuar me humbje në stolin shkodran, dëshiron që të mos e ndjekë ky fat edhe këtë javë. "Unë u bëra të ditur lojtarëve të mi se përballë do të kenë një skuadër shumë të fortë, si Dinamo. I kam parë blutë të dielën, ndaj Tiranës, dhe mendimi im, por edhe i shumëkujt, është se Dinamoja luajti si e barabartë me Tiranën, madje mund të kishte qenë ajo fituesja e ndeshjes. Kam parë në fushë një skuadër të vendosur mirë në aspektin taktik, e po ashtu shumë të rrezikshme në sulm. Për të gjitha këto, e konsideroj shumë të vështirë ndeshjen e kësaj të shtune përballë Dinamos," - ka thënë tekniku i Vllanzisë, Shehu.
Shqetësues për njeriun e stolit kuqeblu është fakti se edhe këtë javë nuk do të ketë mundësi të zbatojë ashtu si duhet skemat dhe taktikat e lojës që ka në kokë. Kjo, pasi nuk do t'i ketë në dispozicion të gjithë futbollistët, kur Romanishini është i pezulluar dhe Beqiri i sëmurë me grip. "Mungesat e lojtarëve, natyrisht, ta prishin atë skemë dhe mënyrë loje që ke në mendje, por duhet të mësohemi edhe me to. Megjithatë, e përsëris, me Dinamon do të jetë një ndeshje mjaft e vështirë," - thotë në fund trajneri Shehu.
Gjergj Kola

Kapiteni i bluve mendon se edhe me pak fat skuadra mund të marrë një rezultat pozitiv në Shkodër
Pinari: Pikët, më të rëndësishme se loja
Dinamoja do të luajë ditën e shtunë me Vllazninë në stadiumin "Loro Boriçi", atje ku sezonin e kaluar u shpall kampione e vendit, pas 13 vjetësh. Ky stadium ka qenë me shans për blutë, të cilët shpeshherë kanë fituar në Shkodër. Por ndeshja e kësaj jave, midis këtyre skuadrave, do të luhet në rrethana të tjera, ku si Dinamoja ashtu edhe Vllaznia, gjenden larg objektivave që kanë pasur në fillim të këtij sezoni. Shkodranët ndodhen në vendin e tretë dhe vijnë pas tri humbjesh radhazi në fazën e dytë të kampionatit. Ndërsa blutë ndodhen në vendin e pestë, me pikë të barabarta me Shkumbinin, i cili ka kaluar në vendin e katërt. Edhe Dinamoja vjen pas humbjeve me Apoloninë në Fier dhe me Tiranën në derbi. Të dyja skuadrat do të kërkojnë të bëjnë kthesën në takimin e së shtunës, në mënyrë që të mos i largohen vendit të tretë, i cili do të mund t'i fuste në kupat e Evropës. Megjithëse Dinamoja ka zhvilluar një ndeshje të mirë në derbin me Tiranën, nuk ka arritur të marrë asnjë pikë. Kryesuesit e kampionatit kanë arritur t'i shfrytëzojnë shumë mirë gabimet e bluve në fillim të ndeshjes dhe kanë shënuar dy gola të shpejtë. Kapiteni i kampionëve, Luan Pinari, pohon se skuadra do të udhëtojë drejt Shkodrës me mendimin për të marrë të paktën një pikë. Sipas mbrojtësit të Dinamos, takimi do të jetë më i vështirë se ai me Tiranën, pasi Vllaznia nuk ka çfarë të humbasë më dhe do ta kërkojë me çdo kusht fitoren. Në një prononcim për "Sportin shqiptar", kapiteni Pinari është shprehur:
"Objektivi ynë kryesor në ndeshjen me Vllazninë do të jenë pikët, sepse ato janë më të rëndësishme se loja e bukur. Kemi luajtur mirë në Fier dhe në Tiranë, por kemi dalë duarbosh, kështu që na interesojnë më shumë pikët për të qenë sa më afër synimit tonë, i cili është futja në kupat e Evropës. Në këtë takim shpresojmë që edhe fati të na ndihmojë, pasi në dy javët e fundit kemi qenë me të vërtetë të pafat. E rëndësishme është të mos mundemi, sepse një humbje e tretë do të ishte fatale, duke pasur parasysh pozicionin tonë në tabelën e renditje. Kemi shansin të luajmë në një fushë shumë të mirë, siç është ajo e "Loro Boriçit", ku do të përpiqemi të japim më të mirën. Për Dinamon, të gjitha ndeshjet që kanë mbetur janë shumë të vështira, por kjo me Vllazninë do të ishte mjaft vendimtare. Shkodra na ka sjellë fat dhe shpresojmë që të ndodhë kështu edhe këtë herë."
Fatjon RUPI


marre nga www.sportishqiptar.com.al

 

[genci]

Re: Sporti Shkodran ( Vllaznia )

Vllaznia - Dinamo 1-1

Shkodër, kuqeblutë lenë përsëri pikë në "Loro Boriçi"
Vllaznia, goli që s'mjafton për të kaluar krizën

Shënues: Bejzade 4', Dashi 28'

Vllaznia
Grima 6
Devolli (Osja 89') 6
Zmijani 6
Beqiri 6
Dibra (Arbri 84') 5
Kaçi 6
Ishka 6
Bokatola 5
Belisha 5
Sinani (Asllani 46') 5
Bejzade 7
Trajner: R. Shehu

Dinamo
Lika 7
Bika 6.5
Çipi 6
Pinari 6.5
Muka 6
Tiko 6.5
Bakalli 6.5
Dashi (Pollozhani 80') 6.5
Pisha 6
Qorri (Dalipi 18') 5
Qosja (Kalari 73') 6
Trajner: A. Cikleanu
Gjyqtarë: A. Janku, G. Maloku, A. Pregja (Tiranë)
Kartona të verdhë: Bokatola, Pinari, Bakalli

4' - Aksion nga e djathta i Vllaznisë, Bejzade brenda zonës, ndonëse në pozicion të vështirë, ka gjuajtur saktë dhe ka shënuar 1-0.
5' - Dashi ka mundësi të rrezikojë portën e Grimës, por heziton të godasë.
13' - Sinani tenton parabolën, duke parë Likën e dalë nga porta, por jashtë.
18' - Sinani servir bukur një top për Bejzaden, i cili, me portën bosh, godet fort dhe topi përplaset në traversë.
20' - Qosja del i vetëm përballë Grimës, por portieri i Vllaznisë e largon mjaft mirë topin. Më pas është Tiko që kërkon të çojë topin drejt portës së boshatisur, por ndërhyn shpejt Beqiri.
28' - Kombinim i bukur në hyrje të zonës i dinamovitëve dhe Dashi, nga 18 metra, ka gjuajtur saktë duke barazuar 1-1.
45' - Sinani, 3-4 metra larg portës, gjuan tepër dobët, duke e dërguar topin jashtë.
47' - Bejzade gjuan nga 20 metra fort, pret mirë Lika.
51' - Ishka gjuan fort, portieri dinamovit e grushton topin, pa e zotëruar dhe aty Asllani nuk arrin ta çojë dot atë në rrjetë.
52' - Ishka tenton përsëri, por këtë herë jashtë.
55' - Kaçi pason për Ishkën, që kërkon të çojë topin drejt portës, por ai pengohet nga dora e një mbrojtësi të Dinamos, megjithatë gjyqtari Janku ka vazhduar lojën.
56' - Pas një rrëmuje në zonën e Dinamos, është Dibra që ka mundësi të gjuajë në portë, por vonon.
68' - Kaçi ka kërkuar të çojë një top mbi Likën, por ky i fundit e ka çuar atë mbi traversë.
69' - Ishka ka gjuajtur fort nga jashtë zonës, por jashtë.
74' - Asllani ka goditur me kokë një top të ardhur nga këndi, por pa e çuar dot në portë.
85' - Bejzade kërkon të bëjë spektakël me një gjysmëkthesë të topit, por pret pa ndonjë problem Lika.
88' - Asllani çan mbrojtjen nga e djathta, por nuk arrin ta çojë topin aty ku duhet.
90' - Ishka godet fort, por dhe një herë tjetër jashtë.

Thanë
Ramadan Shehu, trajner i Vllaznisë: "Nuk jemi të kënaqur me rezultatin, pasi mund të merrnim më tepër. Krijuam shumë raste, por na mungoi finalizimi. Nuk arritëm të konkludonim, edhe për meritë të kundërshtarit, i cili u mbrojt mjaft mirë. Na duhej patjetër fitorja për të dalë nga kjo situatë, por, megjithatë, nuk ia arritëm. Vllaznia këto 2 javët e fundit ka lëvizuar diçka, por jo aty ku duhet. Tani nuk ka më ndeshje të dobëta dhe, sinqerisht, them se tani kanë filluar problemet e Vllaznisë".
Agim Canaj, zëvendëstrajner i Dinamos: "Vinim në këtë takim në pozita të barabarta me Vllazninë dhe me synimin e vetëm për të mos dalë pa pikë nga Shkodra. Ashtu si dhe me Tiranën, morëm shpejt një gol nga pakujdesia e mbrojtjes, por pas këtij momenti loja jonë u rrit, arritëm të barazonim dhe kjo na kënaqi. Në 45 minutat e dyta loja pati grintë, ekipet i ruheshin njëri-tjetrit dhe barazpesha ishte e tillë deri në fund."

Monologu nga Medin Zhega:
"U zhvillua përgjithësisht një takim me faza interesante, me raste për të dyja ekipet. Vllaznia shënoi shpejt, por nuk diti të ruajë avantazhin. Prej kësaj përfitoi, natyrisht, Dinamo, e cila e barazoi rezultatin dhe më pas luajti mjaft saktë. Vllaznia, duhet pranuar, në pjesën e dytë krijoi një volum shumë të madh pune, duke i pasur të gjitha shanset të shënonte. Por futbollistët e saj duhet ta dinë se, po nuk fitove dyluftimet, nuk mund të fitosh ndeshjen e, si rrjedhojë, humbet. Pra, ata humbën shumë dyluftime gjatë kësaj pjese loje. Përsa i përket anës taktike të lojës, jam i mendimit se skuadrat tona luajnë shumë hapët, nuk luajnë në bllok, duke krijuar çarje në lojën e tyre. Ju e patë vetë se Vllaznia, duke u përpjekur të shënonte me çdo kusht, krijoi hapësira prapa, duke i dhënë mundësi Dinamos të rrezikonte. Madje, nëse lojtarët e saj do të ishin më të kujdesshëm, edhe mund të kishin shënuar. Megjithatë, ka qenë një takim me nivel të pëlqyeshëm."

Të veçanta
- Shumë pak tifozë dje në shkallët e "Loro Boriçit". Vetëm 2 mijë të tillë të pranishëm e vërtetonin më së miri zemërimin e tyre me skuadrën e Vllaznisë.
- E kanë ndjekur ndeshjen e djeshme: shefi i sektorit të garave në FSHF, Sulejman Mema dhe ai i kategorisë së parë Hito Hitaj.
- Presidentët e të dyja ekipeve, Myftar Çela dhe Mihal Delijorgji, e kanë ndjekur të qetë takimin krah për krah njëri-tjetrit në tribunën VIP, por pa shumë emocione, ndoshta nga vetë pozitat e skuadrave të tyre.
- Ora elektronike dhe reklamat nuk janë vënë dje në punë, si rrjedhojë e mungesës së energjisë elektrike në stadium.
- Drejtori teknik i Dinamos, Muhedin Targaj, nga tribuna VIP ka telefonuar disa herë gjatë pjesës së dytë në celularët e njerëzve të pankinës së Dinamos, duke i urdhëruar ata për lëvizjet taktike apo zëvendësimet që duheshin bërë.

Ky Artikull u publikua më 23 Mar 2003. Autor Gjergj Kola - Sporti Shqiptar

 

[genci]

Re: Sporti Shkodran ( Vllaznia )

Pas humbjes 4-1, do japin maksimumin në Shkodër"
28/03/2003

"Pas humbjes 4 - 1 ne Volgograd, Shqiptaret do japin maksimumin per te na mundur ne fushen e tyre." Kane qene keto fjalet e Rusëve per UEFA.com. Gjithashtu ruset i tremben dhe trajnerit te ri te Kombetares Shqiptare per te cilin nuk kane shume informacion dhe nuk dine se cfare lloj loje dhe formacioni do te perdore ne Shkoder kunder Ruseve. Për ta shtuar akoma më shumë këtë frike, Briegel e ka bërë të pamundur per Ruset apo kedo tjeter, qe te shikojë seancat stervitore te Kombëtares tone në "Loro Boriçi".
Ne intervisten per UEFA.com, trajneri rus Valeri Gazzaev tha se nje arsye tjeter qe ndeshja me SHqiperine do te jete shume e veshtire, eshte se kjo eshte debutimi i pare i trajnerit Briegel i cili padyshim do te kerkoje te fitoren, dhe gjithashtu Kombetarja Shqiptare do debutoje per here te pare ne "Loro Borici" te qytetit te Shkodres keshtu qe edhe lojtaret do te kerkojne me kembengulje fitoren per ta inaguruar me sukses stadiumin e ri nderkombëtar.
Kapiteni i skuadrës Ruse, Alexei Smertin shtoi: "Nuk ka më skuadra te dobta në Europe, nuk ka për të qënë një ndeshje e lehtë".

 

[genci]

Re: Sporti Shkodran ( Vllaznia )

29 Mars 2003

Shkoder

Ne Stadiumi Loro Borici sot u zhvillua ndeshja
Shqiperi-Rusi ku Shqiperia fitoj me rezultatin e
thelle 3-1. Po ashtu me 2 Prill zhvillohet ndeshja
Shqiperi-Irlande po ne Loro Borici

Rroft Shqiperia /pf/images/graemlins/smile.gif

p.s ja futme Rusit /pf/images/graemlins/laugh.gif


Formacioni Ishte

SHQIPERIA
1 Strakosha
2 Beqiri
3 Çipi
11 Aliaj
14 Lala
6 Hasi
18 Duro
13 Skela
7 Murati
17 Tare
10 Rraklli
Ne Stol
12 Beqaj
4 Dede
9 Myrtaj
8 Bellai
5 Duro
15 Shkembi
16 Dragusha

 

[shkodranja si shpirt]

Re: Sporti Shkodran ( Vllaznia )

jam shum e gezuar qe kjo ndeshje perfundoj3-1per ne shqiptaret. Lotet me rridhnin nga gezimi po do te isha me e lumtur sikur ta mundnim irlanden 3_1 kam nje shoqe nga irlanda e vec mburret per skuadren e vet ju lumte shqiperia na beni te ndjehemi krenar per vendin tone good luck ne ndeshjen tjeter

 

[genci]

Re: Sporti Shkodran ( Vllaznia )

 

[genci]

Re: Sporti Shkodran ( Vllaznia )

3 Prill 2003


Trajneri i kuqebluve i lutet Zotit që fitorja e parë të vijë ndaj Bylisit

Shehu: Vllaznia, e etur për një fitore
"Skuadra shkodrane, në këto momente, ka nevojë për një fitore më tepër se kurrë." Kështu mendon trajneri i saj, Ramadan Shehu, kur flitet me të për ndeshjen e kësaj jave me Bylisin. Ai njëkohësisht duket edhe pak supersticioz, kur thotë se këtë herë edhe Zoti duhet të jetë me skuadrën e tij. "Të them të drejtën, Vllaznia ka shumë nevojë për një fitore në këto momente dhe këtë herë, ndaj Bylisit, shpresoj që edhe Zoti të jetë me ne. Një tripikësh këtë të shtunë do të na ndihmonte edhe për t'u ngritur moralisht, ngaqë ndodhemi edhe në prag të ndeshjes së kthimit për kupë, ndaj Partizanit,"- thotë Shehu. Gjatë javës së kaluar, ekipi shkodran ka zhvilluar një stërvitje të fortë, për të bërë ndonjë përmirësim nga aspekti fizik, pas asaj plogështie të vërejtur te futbollistët. Ndoshta tani nuk është momenti i përshtatshëm për stërvitje të tilla, por Shehu shpjegon se një gjë e tillë është detyrueshme, duke parë vetë gjendjen e sportistëve. "Gjatë javës së kaluar kemi zhvilluar një stërvitje me ngarkesa, kur kemi shtuar edhe dy seanca të tjera paradite. Kjo është bërë me qëllim që lojtarët të mund të dalin nga ajo gjendje plogështie, në të cilën ndodhen,"- ka vijuar më tej Shehu. Për ndeshjen e kësaj të shtune, Vllaznia duket se nuk do ta ketë shërbimin e disa prej lojtarëve, si Sinani, Dibra dhe Arbri. I pari, kapiteni i kuqebluve, po kalon një periudhë me probleme dhe duket shqetësuese ardhja e tij në formën më të mirë. Dibra është dëmtuar para pak ditësh në pulpën e djathtë, por duket se tashmë ajo është harruar. I dëmtuari tjetër, Klodian Arbri, dje nuk ka qenë në stërvitje dhe i duhet të bëjë edhe njëherë rezonancën magnetike. Përveç këtyre të dëmtuarve, skuadrës shkodrane do t'i mungojë këtë javë edhe kongolezi Bokatola, i cili është i pezulluar me tre kartonë të verdhë. Por tekniku Shehu, më shumë se nga mungesat, ka frikë nga mënyra se si do të përgatiten futbollistët për këtë takim. Madje ai nuk i kushton rëndësi fare faktit se ende nuk ka siguruar fitoren e parë në krye të kësaj skuadre, por asaj që një fitore e tillë do t'i vlente shumë ekipit. "Për shumëkënd, ndeshja ndaj Bylisit konsiderohet e lehtë, por, në të vërtetë, Bylisi në të dy këto takimet e fundit ka zhvilluar ndeshje shumë të mira, si në Durrës ashtu edhe ndaj Partizanit. Duke qenë kështu, shpresoj që lojtarët e mi do të futen në fushë me idenë se kanë përballë një kundërshtar të vështirë, të cilin duhet punë për ta mposhtur,"- thotë trajneri i Vllaznisë, Ramadan Shehu.
Gjergj Kola

S'kanë marrë paratë nga presidenti i Besëlidhjes dhe janë divorcuar me lezhjanët
Cungu & Martini: Duam të luajmë me Vllazninë
Dy futbollistët e njohur shkodranë Armando Cungu dhe Edi Martini kanë filluar stërvitjen me ekipin e Vllaznisë. Pasi kanë prishur kontratën me Besëlidhjen, ku kanë qenë të huazuar për fazën e dytë të këtij kampionati, ata kërkojnë tashmë të luajnë për ekipin e qytetit të tyre. Por, për të ndodhur kjo, duhet vendimi nga komisionet përkatëse të FSHF-së apo dhe komiteti ekzekutiv i saj. Pa dhënë ata "ok"-in e duhur, këta 2 sportistë nuk mund të luajnë dot. Njëri prej tyre, pikërisht mesfushori i talentuar Armando Cungu, pas stërvitjes së djeshme, duke folur për këtë problem, ka lënë të nënkuptojë se FSHF-ja nuk mund t'i lërë ata pa luajtur deri në fund të sezonit. "Jemi larguar nga Vllaznia në fund të fazës së parë, ngaqë stafi drejtues i saj nuk e kishte ndër mend të na aktivizonte. Kaluam te Besëlidhja për 6 muaj të huazuar, por pas pak kohësh u larguam nga ky ekip, ngaqë presidenti i saj nuk u tregua korrekt për sa i përket anës financiare. Nga Besëlidhja i kemi marrë të gjitha letrat, duke mos pasur asnjë detyrim dhe kemi bërë kërkesën në FSHF për të vazhduar deri në fund të sezonit me Vllazninë, ekipi me të cilin jemi të federuar. Nuk mendoj se do të bëhet pengesë problemi i mbylljes së transferimeve të lojtarëve, sepse FSHF-ja është një institucion që ka për detyrë të mbrojë interesat tona, veçanërisht kur presidentët nuk tregohen korrektë ndaj lojtarëve,"- ka thënë Armando Cungu. Tekniku aktual i Vllaznisë ka shprehur interes për t'i pasur në dispozicion këta dy lojtarë, por gjithnjë nëse Federata do t'u japë të drejtë për t'u riveshur kuqeblu. Ramadan Shehu beson se Cungu dhe Martini kanë për t'i dhënë shumë gjëra këtij ekipi, ku janë rritur e bërë sportistë me emër. Armando Cungu do t'i jepte pamje tjetër repartit të mesfushës, pikërisht në qendër të tij, aty ku gjërat nuk kanë shkuar aspak mirë këtë sezon. Po ashtu, edhe sulmuesi Edi Martini do të ishte i nevojshëm për vijën e parë të sulmit, ngaqë kuqeblutë po vuajnë shumë për gjetjen e rrugës së rrjetës. Aftësitë goditëse të këtij lojtari do të ishin të nevojshme për këtë ekip, megjithatë për t'u parë mbetet fakti nëse komisionet përkatëse të FSHF-së dhe komiteti ekzekutiv i saj do t'u japin të drejtë atyre për t'u riveshur kuqeblu.
Gjergj Kola

Rajmond Shala, mbrojtësi shtatlartë dhe me perspektivë, vlerëson ecurinë e ekipit
Apolonia, forca te kolektiviteti
Mbrojtësi shtatlartë i Apolonisë, Rajmond Shala, është një nga futbollistët më të gjatë në kampionatin shqiptar. Lartësia e tij 1.91 centimetra do të bënte për vete edhe trajnerët e basketbollit. I etiketuar nga specialistët e futbollit fierak si e ardhmja e qendrës në mbrojtje, ai do të jetë pasues i denjë i futbollistëve fierakë ndër vite, si Tegu, Ndreu, Meçe apo Papuçiu. Edhe pse është aktivizuar pak nga drejtuesit e ekipit bardhëjeshil në ndeshje e fundit, ai ka treguar se me pak kurajo dhe duke zhvilluar stërvitje intensive, mund të bëhet një shtyllë e fortë për fierakët. I dashuruar shumë me futbollin, ai ka për zemër shumë muzikën popullore shqiptare dhe pëlqen shumë filmat tanë. Në intervistën për "Sportin shqiptar", Shala tregon për ambiciet e tij dhe për shokët e ekipit dhe stafin drejtues, që për të janë të mrekullueshëm.
- Kur ka qenë debutimi juaj me Apoloninë?
- Qysh i vogël jam aktivizuar me ekipet zinxhirë të Apolonisë, por me ekipin e të rriturve, për herë të parë, kam luajtur kampionatin e kaluar në Shkodër. Këtë sezon, trajnerët më kanë besuar herë pas here fanellën e ekipit të parë dhe për besimin që kanë treguar jam munduar t'ua shpërblej me të gjitha forcat. Nuk e di sesa ka qenë kontributi im, por e them me bindje se asnjëherë nuk i kam bërë hile stërvitjes dhe ndeshjes.
- Në disa ndeshje përgatitore dhe në ato të Kupës së Shqipërisë keni synuar nga portat kundërshtare për të shënuar, ndërsa tani ju shikojmë më shpesh. Si është e vërteta?
- Vetë lartësia ime trupore më lejon që të marr pjesë jo vetëm në detyrat mbrojtëse, por kur ekipi organizon goditjet nga këndoret, ose ndonjë faull nga pozicionet anësore, mund të shkoj atje për të goditur me kokë. Eshtë e vërtetë që në ndeshjet për kampionat nuk kam qenë edhe aq aktiv, por kjo nuk ka ardhur si rrjedhojë e frenimit nga drejtuesit. Më thoni cili trajner mund ta privojë futbollistin e tij të shënojë? Për vetë gjendjen që kemi, unë kam qenë disi më i rezervuar në këtë drejtim, por kjo nuk do të thotë që në të ardhmen të mos jap kontributin tim në lojën sulmuese.
- Presidenti Koço Kokëdhima shpesh flet me superlativa për ju, madje shpreson që në vitin 1005 ju të jeni midis 11 futbollistëve më të mirë të Shqipërisë. Ju çfarë do të thoshit?
- Më vjen mirë që presidenti ka besim tek unë, por kjo nuk ma rrit mendjen, por më shton më tepër obligimin për të dhënë maksimumin. Që të arrij deri në përfaqësuese duhet që patjetër t'i ngjis shkallët një e nga një. Kjo, para së gjithash, kërkon edhe një aktivizim të suksesshëm me skuadrën Apolonia, sepse pa kontributin e secilit mbijetesa e saj do të ishte e pamundur. Për momentin, detyra ime kryesore, së bashku me shokët e tjerë të ekipit, është që të stërvitemi dhe të japim maksimumin në ndeshjet që kemi përpara, në mënyrë që Apolonia të mos rrezikohet për dalje nga A1.
- Cila është arma më e fortë e Apolonisë për momentin?
- Edhe pse jemi ekip i ri, do të thosha se kemi një kolektivitet mjaft të mirë. Kohët e fundit, trajneri Sejdini i ka mëshuar shumë idesë për forcimin e mentalitetit të fituesit. Për mendimin tim, me ndeshjet e zhvilluara në fazën e dytë, ne ia kemi dalë të zhvillojmë ndeshje të mira. Na duhet që në ndeshjet në vazhdim të japim maksimumin dhe të gabojmë sa më pak. E përsëris, se arma jonë është kolektiviteti dhe kjo për një ekip futbolli nuk është pak.
Arbër Emiri

marre nga www.sportishqiptar.com.al

 

[genci]

Re: Sporti Shkodran ( Vllaznia )

SPORT

Prill 6, 103

Vllaznia del nga kriza e rezultateve. Shkumbini mban me dinjitet vendin e tretë

Tirana shkatërron Erzenin, shuan shpresën e të kuqve

Eduard Ilnica

Fitore të thella të Tiranës dhe Vllaznisë në transferta. Më kot ka shpresuar Partizani për një dështim të ekipit bardheblu në Shijak. Tirana e ka shkatërruar përfundimisht Erzenin (rezultati më i thellë i fazës së dytë), duke e mbajtur të pandryshuar diferencën prej 7 pikëve me skuadrën e Partizanit. Janë edhe 8 javë kampionat dhe diferenca ngelet e pandryshuar. Të kuqtë shpresojnë që Tirana të dështojë në një ndeshje deri në javën e 22-të, për t'u ndeshur pastaj në ndeshjen direkte, ku varen të gjitha shpresat. Megjithatë deri atëherë ka kohë dhe fizionomia e kampionatit mund të ndryshojë.

Vllaznia më në fund ka dalë nga kriza e rezultateve. Shkodranët, ashtu si bardheblutë, kanë fituar thellë në transfertë. Duhet thënë se Vllaznia kishte një rival jo shumë të fortë, por morali i shkodranëve është rritur shumë. Shkumbini mposht denjësisht derbin e Shqipërisë së mesme, duke mbajtur me dinjitet vendin e tretë në renditje dhe duke realizuar objektivat e vëna në fillim të kampionatit për një vend në Kupën UEFA. Loja në Peqin ka qenë tepër e tensionuar. Janë dhënë 8 kartona të verdhë, si dhe dy kartona të kuq, nga një për secilin ekip. Një takim shumë i tensionuar ka qenë edhe takimi i Vlorës, ku rezultati i është përgjigjur më së miri lojës. Mund të thuash që Dinamo mori një pikë të vlefshme me Flamurtarin, pasi vlonjatët kishin arritur të thyenin më parë Tiranën në "Qemal Stafa" dhe ishin shumë të karikuar. Teuta ka vazhduar serinë pozitive, ndërsa barazimi mes Besës dhe Apolonisë nuk i ka vlejtur askujt.


JAVA E 18-të E KAMPIONATIT

Partizani - Besëlidhja 2-0

Erzeni - Tirana 1-5

Besa - Apolonia 1-1

Shkumbini - Elbasani 2-0

Teuta - Lushnja 2-1

Bylis - Vllaznia 1-4

Flamurtari - Dinamo 1-1


www.balkanweb.com

 

[genci]

Re: Sporti Shkodran ( Vllaznia )

9 Prill 2003

Federata e Futbollit i konsideron pretendimet e drejtuesve të klubit të kuq si një lloj "sëmundjeje" të Partizanit
Garat: Sazan Velçani do të gjykojë!
"Ndeshjen e kthimit të turit të tretë të Kupës së Shqipërisë, e cila do të luhet sot pasdite në stadiumin kombëtar "Qemal Stafa", mes Partizanit dhe Vllaznisë, do ta gjykojë gjyqtari që ishte caktuar para dy ditësh me short, Sazan Velçani, dhe askush tjetër." Ky ka qenë qëndrimi zyrtar i Federatës Shqiptare të Futbollit, i bërë publik dje përmes zëdhënësit të këtij institucioni, Adriatik Gjashta. Ky i fundit, në emër të institucionit qendror të futbollit shqiptar, duke u deklaruar në lidhje me pretendimet e ngritura nga klubi i futbollit "Partizani", të cilët kanë kërkuar që ndeshja e kthimit mes skuadrës së tyre dhe Vllaznisë të gjykohet nga gjyqtari më i mirë i vitit të kaluar, ka pohuar: "Federata Shqiptare e Futbollit ka zbatuar rregulloren e saj për caktimin e gjyqtarëve të katër ndeshjeve të turit të tretë të kupës. Si zakonisht, edhe kësaj here është proceduar me short të hapur dhe transparent për të gjithë, prej të cilit janë caktuar edhe emrat e gjyqtarëve të secilës ndeshje. Është e vërtetë që klubi i futbollit "Partizani" ka dërguar një kërkesë në sektorin e garave, ku, me sa duket, kërkon të diktojë në caktimin e gjyqtarit të ndeshjes që ata do të luajnë sot me Vllazninë. Sipas tyre, duhet zgjedhur njëri nga dy gjyqtarët më të mirë të vitit të kaluar për ta gjykuar këtë ndeshje, gjë e cila nuk mund të pranohet nga FSHF-ja, sepse të kuqtë nuk kanë të drejtë. Ekziston një situatë e tillë, ku drejtuesit e klubit të kuq nuk kontestojnë thjeshtë gjyqtarin Velçani, gjë të cilën nuk e kanë bërë deri tani zyrtarisht, por duan të vendosin veton për të zgjedhur mes dy gjyqtarëve që dëshirojnë ata. Ç'është e vërteta, nuk i kuptojmë dot të tilla kërkesa që, po t'i shikosh në vijimësi, kundërshtojnë njëra-tjetrën. Të mos harrojmë se para ndeshjes së parë të këtij çifti, të luajtur në Shkodër, kanë qenë po drejtuesit e skuadrës së Partizanit që e kanë kontestuar gjyqtarin Jareci, ndërsa sot e kërkojnë si më të mirin e vitit të shkuar. Duke i parë të tilla qëndrime kontradiktore brenda kërkesave të një klubi për gjykimin, ne i konsiderojmë ato si një strategji të klubit në fjalë, për të bërë presion psikologjik mbi gjyqtarin para ndeshjes, pasi ato nuk kanë asnjë bazë ligjore."
A. LLESHI

 

[genci]

Re: Sporti Shkodran ( Vllaznia )

Elvin Beqiri: Kombëtarja, krenaria ime!

Mbrojtësi shkodran rrëfen emocionet e dy ndeshjeve të para zyrtare para publikut shqiptar

Endrra e shkodranit 22-vjeçar, tashmë është bërë realitet. Elvin Beqiri ka fituar përfundimisht zemrën e trajnerit gjerman të kombëtares, Hans Peter Brigel dhe ka qenë titullar i padisktueshëm në dy takimet e fundit të përfaqësueses sonë. Në intervistën pas paraqitjeve brilante në "Loro Boriçi" dhe "Qemal Stafa", numri 2 i kuqezinjve (të njëjtin që ka mbajtur edhe i famshmi Hysen Zmijani), Elvin Beqiri ka shpjeguar të gjitha detajet e karrierës së tij të re, që nga fillimi, e deri në ndeshjen me Irlandën në Tiranë. Krenar për çfarë ka arritur deri tani, gjithsesi, ai është modest në çdo fjalë që thotë, duke mos dalë për asnjë moment nga natyra e tij e qetë. Ja si shprehet ai:
- Elvin, më mirë se kaq me këto dy paraqitje të shkëlqyera në radhët e kombëtares shqiptare nuk ka si bëhet, apo jo?
- Natyrisht, për mua ishin ndeshjet e para zyrtare në formacionin e kombëtares sonë, madje para publikut shqiptar. Njëkohësisht, dua të falënderoj shumë të gjithë pjesëtarët e ekipit për mbështetjen që më kanë dhënë, si një lojtar i ri që isha. Po ashtu, do të veçoja besimin që pati trajneri Brigel për të më aktivizuar si titullar në dy sfida shumë delikate. Unë i jam shumë mirënjohës atij, e po ashtu, edhe gjithë tifozerisë shqiptare, por në veçanti asaj shkodrane, që me mbështetjen e saj më dha më shumë forcë për të dalë me sukses në paraqitjen time.
- A e kishit menduar më parë, se në këto dy ndeshje do të ishit titullar në formacionin kuqezi?
- Jo, vërtetë s'ma kishte marrë mendja. Mendoja se do të isha i gatshëm në stol, por jo se do të luaja nga minuta e parë. Aq më tepër, që para ndeshjes me Rusinë pata një dëmtim në kavilje, që m'i ftohu edhe më shumë shpresat për të luajtur, duke më bërë pesimist. Por, puna e shkëlqyer e mjekëve Heqimi dhe Kasa, si dhe e masazhatorit të kombëtares, më bënë të jem i gatshëm për ndeshjen në "Loro Boriçi".
- Kur e morrët vesh se do ishit titullar?
- Dy ditë para sfidës me rusët, kur gjatë stërvitjes, trajneri Brigel më dha atë jelek që kishin veshur lojtarët, të cilët do të luanin në formacionin titullar. Që aty, emocionet kanë qenë të jashtëzakonshme, por, njëkohësisht, ndjehesha shumë i lumtur.
- Sfida me rusët u luajt në "Loro Boriçi". Për ju personalisht, ky fakt shkaktonte më tepër frikë, apo kurajo?
- Frikë, aspak, por shumë emocione dhe kurajo. Unë jam rritur para publikut të mrekullueshëm shkodran dhe e njoh mirë tifozllëkun e tyre. Para tyre, detyrimisht, ke përgjegjësi të madhe, por kjo ma bënte më të lehtë punën.
- Keni besuar në atë paraqitje tuajën dhe tërë ekipit ndaj Rusisë?
- Isha shumë optimist në vetvete dhe besoja se ndeshja do të shkonte shumë mirë për ne, ndonëse isha më i riu në ekip. Edhe unë, ashtu si gjithë shokët e tjerë të skuadrës, besoja në një fitore të madhe, që ia arritëm në fund.
- Shumëkush ka menduar se aktivizimi juaj në Shkodër u bë më tepër për hatër të tifozëve të këtij qyteti, ndërkohë që edhe ndaj Irlandës ju u treguat po aq i sigurt, si edhe në "Loro Boriçi". Ishte më e lehtë për ju ndeshja në "Qemal Stafa"?
- Duhet pranuar se pas ndeshjes së parë, pak a shumë, fitova më tepër besim në vetvete. Kjo do të thotë, se në fushë e pata më të lehtë, ngaqë isha edhe më i qetë psikologjikisht. Mendoj se kam dhënë më të mirën, por nuk e di çfarë mendimi ka trajneri Brigel për këtë gjë.
- Katër pikë në këto dy takime janë shumë për Shqipërinë?
- Shumë? Duke parë se me kë luanim, them se janë vërtet shumë, sepse Rusia dhe Irlanda janë ndër skuadrat më në zë në Evropë dhe finaliste në Botërorin e fundit. Nga ana tjetër, ju e patë vetë se po të na ndihmonte edhe pak fati, në ndeshjen e dytë, mund të kishim marrë edhe më tepër. Gjithsesi, them se objektivat tona deri diku i arritëm.
- Keni qenë i vetmi përfaqësues i kampionatit shqiptar në përfaqësuesen tonë. Kjo, ju bënte të ndiheshit edhe më tepër krenar?
- Së pari, dua të them, se jo vetëm unë, por edhe lojtarë të tjerë nga kampionati ynë mund të kenë vend në ekipin kombëtar. Të paktën, nga ato që po tregon trajneri Brigel. Ai sheh formën e secilit në ndeshje, pastaj edhe në stërvitje, e mbi bazën e tyre, veçon ata që kanë formën më të mirë, duke ndërtuar formacionin titullar.
- Së fundi, tani që keni realizuar ëndrrën "kombëtare", çfarë ju mbetet për të synuar në të ardhmen?
- Unë jam vetëm në fillimet e karrierës sime dhe mendoj se jo gjithçka përfundon me këto dy takime. Objektivi im është të kem një formë shumë të mirë sportive përgjatë gjithë sezonit, për të qenë pjesëtar i përhershëm i kombëtares shqiptare, sepse është nder dhe krenari për çdo futbollist. Po ashtu, dua t'i shërbej në maksimum Vllaznisë, derisa do të luaj në radhët e saj. Në të ardhmen do të kisha dëshirë dhe obejtiv të luaja në ndonjë ekipi të njohur evropian.

Ky Artikull u publikua më 09 Apr 2003. Autor Gjergj Kola

 

[genci]

Re: Sporti Shkodran ( Vllaznia )

Portieri i të kuqve, Blendi Nallbani, thekson se në ballafaqimin e sotëm do të fitojë ekipi më i mirë

Nallbani: Kualifikimi nuk njeh fushë

Në stadiumin kombëtar "Qemal Stafa" do të luhet njëra nga ndeshjet më të forta të çifteve çerekfinaliste të Kupës së Shqipërisë, ajo midis Partizanit dhe Vllaznisë. "Deri tani kemi treguar se jemi më të fortë se shkodranët,"- u shpreh kapiteni i të kuqve, Blendi Nallbani, i cili theksoi më pas: "Gjatë këtij sezoni jemi ndeshur plot tri herë me shkodranët dhe në asnjë takim nuk kemi luajtur dobët. Përkundrazi, ndaj Vllaznisë kemi zhvilluar ndeshjet më të bukura dhe kemi marrë vetëm rezultate pozitive. Pozitiv, mbi të gjitha, ka qenë fakti se është zhvilluar futboll me të vërtetë cilësor, ku nuk ka munguar spektakli në fushë nga të dyja skuadrat. Vllaznia ka lojtarë mjaft cilësorë, të cilët kanë formuar një ekip shumë të fortë. Në takimin e parë të kupës, ne luajtëm më mirë se kundërshtari, por nuk shënuam dot në portën e tij, kështu që nuk shkuam më shumë se barazimi pa gola. Kësisoj, unë parashikoj një ndeshje të hapur midis dy ekipeve, të cilat do të kërkojnë medoemos kualifikimin. Kupën e pretendojmë si ne, ashtu edhe Vllaznia, prandaj nuk është quajtur më kot kjo ndeshje një finale e parakohshme," - vijoi më tej portieri i Partizanit. Më pas, Nallbani shtoi se ekipi i tij do të bëjë të pamundurën që të arrijë synimin që ka në kupë, pasi tifozët presin me padurim kualifikimin e Partizanit. "Kemi kaq kohë që mendojmë për ndeshjen e kthimit me shkodranët, saqë para takimit të fundit të kampionatit, kundër Besëlidhjes, nuk e kishim mendjen fare tek ekipi lezhjan. Tifozët duan kualifikimin tonë, prandaj do të bëjmë të pamundurën që t'ia arrijmë qëllimit. Siç e theksova më lart, deri tani nuk kemi humbur asnjë ndeshje me Vllazninë, kështu që sot nuk kemi pse të bëjmë të kundërtën," - vazhdoi më pas Nallbani. Portieri i mirënjohur i të kuqve nuk e bazon kualifikimin e Partizanit te faktori-fushë, pasi, sipas tij, Partizani dhe Vllaznia janë ekipe që nuk njohin fushë të huaj: "Kur kemi luajtur në Shkodër, kemi qenë si në shtëpinë tonë, pasi atje të lënë të luash futboll. Rezultatet e arritura në "Loro Boriçi" apo në "Qemal Stafa", para disa ditësh në Tiranë, nuk kanë pasur lidhje fare me fushën, por kanë ardhur si pasojë e lojës. Kështu që edhe në ballafaqimin e sotëm, Partizani do të fitojë me Vllaznisë, vetëm nëse është më i fortë, jo ngaqë fusha është anë pozitive për të arritur fitoren," - shtoi ai. Në fund të fjalëve të tij, Nallbani foli edhe për mundësinë e kualifikimit. "Nuk besoj se do të jetë e lehtë si në ndeshjen e kampionatit, para disa ditësh, pasi do të ndikojë edhe ana psikologjike e rezultatit të parë. Shkodranët do të kërkojnë të shënojnë në portën tonë, pasi kjo do t'ua lehtësonte mjaft punën, por, nga ana tjetër, edhe ne jemi të përgatitur për të mos i lejuar të depërtojnë në portën tonë. Deri tani, në tri ndeshje, ata kanë shënuar vetëm një gol, çka do të thotë se ne jemi më të favorizuar për ta kaluar turin," - e përfundoi komentin e tij Blendi Nallbani.
Aranit MURAÇI


Merkoçi-Hallaçi, ose dyshja e vitrinës

Nga ndeshja e kontrollit është parë se Partizani, përveç kapitenit Nallbani në portë, do të luajë me katër mbrojtës. Behari, Daiu, Ndreka dhe Sheta do të jenë lojtarët që do të mbajnë larg zonës sulmuesit e Vllaznisë. Para tyre, në rolin e shkatërruesit, pritet të luajë Beqiri, i cili do të ketë përpara në mesfushë Dhëmbin, Zheraldinjon dhe Hallaçin. Sulmi do të mbështetet nga dyshja e zakonshme tashmë, Karioka- Merkoçi. Këta janë lojtarët e testuar nga Bajko, që pritet të dalin sot në fushë në sfidën më interesante dhe më të fortë të ndeshjeve të kthimit për Kupën e Shqipërisë.


Partizani, regjim në "Chateau Linza"

Dje paradite, ekipi i Partizanit ka bërë vetëm një seancë të shkurtër stërvitore në kompleksin e vet sportiv, ndërsa më pas, me autobusin e klubit, lojtarët dhe drejtuesit e kuq janë nisur në drejtim të periferisë së Tiranës, ku janë sistemuar në hotelin e njohur "Chateau Linza". Sipas drejtuesve të klubit të kuq, në mjediset e hotelit ekipi ka bërë edhe një seancë tjetër stërvitore. Në "Chateau Linza", të kuqtë do të qëndrojnë edhe sot paradite dhe vetëm pak orë para fillimit të ndeshjes kundër Vllaznisë do t'i drejtohen stadiumit "Qemal Stafa", ku do të zhvillohet edhe sfida e madhe.


Të kuqtë "qepin" gojën

Me gjithë kontestimin dhe kërkesën e Partizanit për një gjyqtar tjetër, drejtuesit e FSHF-së nuk kanë marrë asnjë masë, duke e lënë emrin e Velçanit të palëvizur. Pas kësaj, reagimi i të kuqve ka qenë më i butë. Ata kanë theksuar se po përgatiten për ndeshjen e kupës, ndërsa për gjykimin thanë se kanë marrë garancinë për një gjykim të mirë, prandaj do të dalin sot në fushë edhe me Velçanin.
A.M


Sulmuesi i kuqebluve kërkon të shfaqet si duhet në takimin e kthimit për kupë

Bejzade: Premtoj një gol ndaj Partizanit
Një prej pikave më të forta të Vllaznisë, sulmuesi Skerdi Bejzade, ka besim se në takimin e sotëm ndaj Partizanit do të arrijë të shënojë. Deklaratën në fjalë, futbollisti e ka bërë teksa kuqeblutë vazhdonin përgatitjet e fundit për këtë takim. Në fjalët e tij dukej qartë optimizmi për një kualifikim të skuadrës shkodrane, megjithatë, tashmë mbetet për t'u parë sesi do të luajë ajo në fushën e blertë të "Qemal Stafës". "E parandiej që ndaj Partizanit do të shënoj gol. Për këtë kam shumë besim, për të ndihmuar Vllazninë në rrugën drejt kualifikimit,"- thotë për "Sportin shqiptar" Bejzade. Lojtari në fjalë po stërvitet me mjaft preokupim, si një profesionist i vërtetë, duke hedhur poshtë aludimet për veprime që thyejnë disiplinën në skuadër, siç mund të jetë shkruar këto ditë. Të qenit pjesëtar i ekipit shkodran ia ka bërë disi të vështirë jetën larg familjes, por ai asnjëherë nuk është ankuar për këtë gjë, por ka vazhduar punën. Fazën e dytë, futbollisti i ardhur nga kryeqyteti nuk e ka nisur ashtu siç e përfundoi të parën, ndoshta edhe nga ecuria jo e mirë e Vllaznisë gjatë këtyre javëve. Në 5 javë kampionat ka arritur të shënojë vetëm një gol, atë ndaj Dinamos, dhe tani ndodhet në vendin e dytë të renditjes së golashënuesve më të mirë të kampionatit. Ndaj Bylisit, të shtunën, Skerdi nuk ka shënuar, si për të thënë se golin do ta ruajë për sot. Megjithatë, takimi me Partizanin pritet të jetë shumë i vështirë. Tekniku Ramadan Shehu, debutimin e tij në stolin shkodran e ka pasur në takimin e kampionatit mes këtyre 2 ekipeve, takim që u fitua 3-1 nga të kuqtë e Bajkos. Nga ky ballafaqim, natyrshëm Shehu duhet të ketë nxjerrë mësimet e veta, të cilat duhet t'i vërë sot në zbatim. Ndonëse në fjalët e para është shprehur se formacionin nuk do tëketë shumë ndryshime sot, ajo çka mësohet është se priten lëvizje në formacion. Shehu është në dilemë, për stoperët që do të vendosë para Beqirit, për ndonjë pozicion në repartin e mesfushës, pse jo edhe në sulm. Te ky i fundit, Bejzade ka marrë përsipër të realizojë në portën e Nallbanit, por pritet sesi do të realizohet kjo prognozë e tij. Vllaznia nuk është ende në ditët e saj më të mira, kjo tashmë kuptohet nga të gjithë. Më e rëndësishme për të është që nga kjo gjendje të dalë gradualisht. Pas suksesit në Fier, kualifikimi i sotëm do ishte "ilaçi" më i mirë për kuqeblutë, ngaqë edhe shorti në vazhdim është shumë i përshtatshëm.
Gjergj Kola


Kaçi: Ndihem mirë atje ku më vë trajneri

Të shtunën që kaloi, shtatshkurtri mjaft teknik ka hapur e mbyllur serinë e 5 golave, që Vllaznia shënoi në portën e mallakastriotëve. Kaçi duket mjaft i kënaqur që po e gjen me lehtësi rrugën e rrjetës, aq më tepër që duket se po mban edhe premtimin e dhënë në fundin e fazës së parë, kur pati thënë: "Personalisht, nuk jam i kënaqur me golat e shënuar gjatë fazës së parë (vetëm dy të tillë) dhe premtoj se fazën tjetër do të shënoj më tepër, ndonëse nuk jam sulmues i mirëfilltë." Në të vërtetë, 6 golat e Kaçit (2 më pak se golashënuesit më i mirë i kampionatit), aq më tepër që nuk ka luajtur në të gjitha ndeshjet, tregojnë më së miri aftësitë e tij nuhatëse ndaj portave kundërshtare, pavarësisht nga pozicioni ku luan në fushë. Lidhur me këtë të fundit, vetë lojtari nuk ka dëshirë t'i komentojë zgjedhjet e trajnerit, por mjaftohet duke thënë se bën atë që i kërkohet. "Pozicioni im në fushë është i ndryshëm, herë si mesfushor i majtë, herë edhe i djathtë, por shpesh edhe në sulm. Jam përpjekur të bëj gjithmonë më të mirën, duke dhënë maksimumin në fushën e lojës, pavarësisht se ku luaj. Nuk më pëlqen t'i kundërshtoj vendimet e trajnerit, pasi ashtu i mendon ai gjërat, dhe ne, si futbollistë, duhet të zbatojmë vetëm detyrat që na ngarkohen,"- ka thënë më tej lojtari me numër 11 i formacionit shkodran. Kampionatin e kaluar, Albert Kaçi shënoi 8 gola, duke u renditur i dyti, pas kapitenit Sinani, për ekipin shkodran. Kur kanë mbetur edhe 8 javë kampionat, duket se ai do ta thyejë "rekordin" e tij personal, për sa u përket golave të shënuar, çka do të vërtetonte edhe rritjen e tij si futbollist, në krahasim me një vit më parë. E ndërsa folëm për golat, Kaçi duket se mendjen e ka te ndeshja e sotme me Partizanin. Një kualifikim i mundshëm ndaj të kuqve do ta lehtësonte shumë atë dhe shokët e tij të ekipit në rrugën e mëtejshme të sezonit. "Nuk ma merr mendja se është e rëndësishme nëse shënoj apo jo ndaj Partizanit. Rëndësi ka që të shënojë dikush, sulmues, mbrojtës apo mesfushor qoftë ai, pse jo edhe portieri Grima, vetëm e vetëm që të kualifikohemi, për të mos e çuar dëm këtë sezon, në të cilin kemi bërë shumë gabime,"- thotë mesfushori i Vllaznisë, Albert Kaçi.
Gjergj Kola

www.sportishqiptar.com.al

 

[genci]

Re: Sporti Shkodran ( Vllaznia )

9 Prill 2003

Partizani-Vllaznia 2-2


Kryendeshja e këtij turi ishte, ajo e zhvilluar në stadiumin "Selman Stërmasi" mes Partizanit dhe Vllaznisë. Partizani e mbylli pjesën e parë me rezultatin 2:0 në favor të vet, duke krijuar një bindje të tepruar në fitore. Mirëpo në pjesën e dytë Vllaznia u lëshua e tëra në sulm dhe ushtroi një presion të jashtëzakonshëm përballë Partizanit që mendonte vetëm të mbronte rezultatin. Shkurtimi i diferencës së golave në 2:1 nxiti emocione të shumta, por pakkush do të besonte në një kualifikim të Vllaznisë derisa erdhi minuta e fundit e shtesës pesë-minutëshe, të dhënë nga gjyqtari i katërt, kur Vllaznia shënoi golin e barazimit dhe njëkohësisht, të kualifikimit të saj për në gjysmëfinale.
Nga ana e futbollistëve të Partizanit pati protesta të shumta për një pozicion jashtë loje të shkodranëve dhe këto protesta u pasuan edhe me një karton të kuq për Ndrekën. Në përfundim, asgjë nuk ndryshoi dhe me këtë barazim, Vllaznia siguroi, pas shumë vështirësish, kalimin në gjsymëfinale.


marre nga www.futbolli.com

 

[genci]

Re: Sporti Shkodran ( Vllaznia )

SPORT Prill 10, 2003


Shkodranët në gjysmëfinale falë golit të dyshimtë. Sulmohet gjyqtari Velçani

Kualifikohet Vllaznia, shtesa e lojës fatale për Partizanin


--------------------------------------------------------------------------------

Eduard Ilnica

E papritura ka ndodhur dje në "Qemal Stafa", ku Vllaznia është kualifikuar pikërisht në minutat shtesë të lojës. Takimi ka përfunduar në barazim 2-2, por shkodranët kanë kaluar në gjysmëfinale falë golave të shënuara në fushën kundërshtare. Goli i barazimit ka qenë i dyshimtë, pasi lojtari i Kombëtares shqiptare, Elvin Beqiri e kishte prekur topin me dorë, ndërsa gjyqtari Velçani ka vazhduar lojën dhe aty ka përfituar Kaçi, i cili me një gjuajtje tërthorazi ka befasuar portierin Nallbani. Kjo ka ndodhur pikërisht në minutën e 4-t shtesë të pjesës së dytë (nga 5 të tilla). Të kuqtë kanë protestuar, por ka qenë në disfavorin e tyre, pasi Ndreka merr karton të kuq. Më pas gjyqtari nuk ka lejuar ekzekutimin e një goditje këndi, duke mbyllur takimin. Lojtarët e Partizanit janë revoltuar së tepërmi, duke e shtyrë arbitrin. Eshtë dashur ndërhyrja e policisë për të shmangur një konfrontim të mundshëm.
Janë kualifikuar për në gjysmëfinale edhe Dinamo e Teuta. Të dyja skuadrat nuk e kanë patur aspak të lehtë për t'u kualifikuar. Kështu Dinamos i janë dashur tre pritjet e portierit Lika, pasi takimi edhe në dy shtesat 15 minutëshe kishte përfunduar në barazim pa gola, ashtu si takimi i parë. Dinamovitët janë treguar më të saktë në ekzekutimin e penalltive. Lushnjarët kanë shpresuar shumë dhe kanë treguar se mund t'i bëjnë ballë një kampioneje, por fati nuk i ka dashur. Teuta po tregon formën e mirë edhe në Kupë. Flamurtari kishte marrë dy rezultate pozitive javët e fundit, duke mundur në "Qemal Stafa" Tiranën dhe duke barazuar në Vlorë me Dinamon, por në Durrës nuk i ka rezistuar dot presionit të durrsakëve, të cilët me një gol në avantazh arritën të kualifikoheshin.
Ndeshjet e para gjysëmfinale luhen më 23 prill, ndërsa ato të kthimit më 7 maj, por më parë pritet hedhja e shortit. Në gjysmëfinale mund të takohen Tirana dhe Vllaznia, ndeshja midis tyre mund të jetë një finale e parakohshme.

KUPA E SHQIPERISE

K. V.
Partizani - Vllaznia 2-2 (0-0)
(Ndreka '34, Karioka '44 / Beqiri '72,
Kaçi '94)

Dinamo - Lushnja 0-0 (3-2 p.) (0-0)

Teuta - Flamurtari 2-1 (0-0)
(Mancaku '11, Tetova '82 / Nenaj '52)

Tirana - Shkumbini 2-0 (4-2)
(Lici '43, Xhafa '47)

www.balkanweb.com

 

[genci]

Re: Sporti Shkodran ( Vllaznia )

Kaçi, "këmba e artë" e Vllaznisë

"Qemal Stafa": Të kuqtë eliminohen nga kupa, pas barazimit 2-2 në minutat e fundit shtesë

Partizani: Nallbani, Behari, Daiu, Ndreka, Sheta, Allmuça, Beqiri
Dhëmbi, Zheraldinjo (Muzaka 69'), Merkoçi (Hallaçi 69'), Karioka (Kuli 86')
Trajner: N. Bajko
Vllaznia: Grima, Beqiri, Zmijani, Dibra, Devolli (Osja 79'), Ishka, Asllani, Belisha, Kaçi, Bejzade (Romanishin 88'), Sinani (Bokotola 59')
Trajner: R. Shehu
Gjyqtarë: S. Velçani (Patos), Sh. Lamçe (Tiranë), F. Hysomema
Kartonë të verdhë: Devolli, Ishka, Dhëmbi, Behari
Shënues: Ndreka 39', Karioka 44', E. Beqiri 73', Kaçi 93'

"Radiografia"...
8'- Shkodranët shfaqen rrezikshëm te porta e Partizanit. Dy-tre lojtarë godasin topin, por mbrojtja e ngjeshur e të kuqve e pengon të përfundojë në rrjetë.
19'- Sheta pason me kokë për Dhëmbin. Ky, shumë pranë portës, nuk arrin ta kalojë topin në rrjetë.
20'- Sinani del përballë Nallbanit, gjuan, por topi prek rrjetën e jashtme të portës.
30'- Sinani del i vetëm përballë Nallbanit, gjuan, por grushton portieri i të kuqve. Aty topi goditet sërish dhe topi pengohet në duart e Allmuçës. Shkodranët kërkojnë 11-metërsh.
39'- Ndreka pason për Kariokën, i cili e kthen edhe një herë topin te mbrojtësi lezhjan. Ky i fundit godet jashtë zonës, duke e kaluar topin në rrjetë. 1-0.
44'- Karioka, në duel shpejtësie me Beqirin, ka treguar klasin e tij. Shkëputet dhe, pasi del i vetëm me Grimën, gjuan, duke shënuar golin e dytë. 2-0.
52'- Shkodranët sulmojnë në portën e Partizanit. Belisha gjuan mbi portën e Partizanit.
67'- Kaçi del i lirë përballë Nallbanit, godet fort, por pret në pozicion portieri i të kuqve.
73'- Kaçi depërton bukur nga e djathta e krahut të sulmit të Vllaznisë. Futet në zonë, pengohet nga Sheta dhe 11-metërsh. Beqiri gjuan bukur, duke rihapur lojën. 2-1.
76'- Dhëmbi ecën bukur nga e majta, kalon një top për Kariokën, i cili ka rastin më të mirë për të shënuar golin e tretë.
86'- Momente tensioni në fushë. Shkodranët sulmojnë vazhdimisht për të shënuar golin e barazimit.
93'- Një kros në zonën e Partizanit. Beqiri e kthen me kokë dhe Kaçi, fluturimthi, e dërgon topin atje ku Nallbani nuk e priste, duke barazuar ndeshjen dhe kualifikuar Vllazninë.

Komenti
Jo më kot çifti Partizani-Vllaznia ishte cilësuar finalja e parakohshme e Kupës së Shqipërisë. Këtë e tregoi edhe ballafaqimi i djeshëm midis dy prej skuadrave më të mira të kampionatit tonë. Rezultati i ndeshjes së parë e kishte lënë të hapur kualifikimin për të dy ekipet. Në krye, loja nisi e qetë, pa shumë raste të pastra për shënim. Në gjysmën e parë të pjesë së parë të ndeshjes, shkodranët e kontrolluan më shumë topin dhe, si pasojë, krijuan disa raste për shënim. Këtu vlen të përmendet rasti më i mirë me anë të Sinanit, i cili del i vetëm përballë Nallbanit dhe më pas një mbrojtës e prek topin me dorë. Shkodranët pretendojnë për 11-metërsh. Pas kësaj minute zgjohen të kuqtë, të cilët kontrollojnë lojën dhe dalin rrezikshëm te porta e Grimës. Ndreka shquhet me lojën e tij nga krahu i djathtë, duke depërtuar mirë dhe, si pasojë, shënon golin e parë për Partizanin. Një minutë para përfundimit të pjesës së parë, Karioka i ka çuditur të gjithë me shpejtësinë e tij, duke e lënë Beqirin pas dhe, pasi është futur në zonë, ka shënuar golin e dytë. Me këtë gol u duk se Partizani e siguroi kualifikimin, por shkodranët nuk hoqën dorë nga pretendimet e tyre dhe e kërkuan kualifikimin deri në minutat e fundit. Gjatë pjesës së dytë, ata luajtën më mirë se kundërshtari dhe u shfaqën më shpesh te porta e tij. Në mesin e pjesë së dytë, shkodranët, pasi e kishin zhvendosur lojën në portën e Partizanit, do të shënonin golin e parë me 11-metërsh, duke e hapur edhe një herë lojën. Shënimi i golit nga Vllaznia e shtoi edhe më shumë tensionin në fushë. Gjatë 20 minutave të fundit, Partizani u përpoq të fitonte kohë, ose të zinte në befasi kundërshtarin me anë të kundërsulmit, ndërsa shkodranët u hodhën në sulm dhe kërkonin medoemos të barazonin ndeshjen. Dhe ndodhi atëherë kur nuk e priste askush. Në minutën e tretë shtesë, një goditje e bukur e Kaçit, një nga më të mirët në fushë, e nxori jashtë kupës Partizanin, duke i dhënë kualifikimin ekipit shkodran.

Ramadan Shehu, trajner i Vllaznisë:
"Ishte një ndeshje shumë e vështirë për Vllazninë, pasi kishim përballë një kundërshtar serioz, që pretendon të fitojë titullin e kampionatit dhe atë të kupës. Sot, ne kishim ardhur të përgatitur për të marrë të paktën barazimin, pasi edhe ky rezultat do të na kualifikonte. Kundërshtari na ndëshkoi në pjesën e parë, por kjo nuk ua preu forcat lojtarëve që të luanin deri në minutën e fundit për të arritur atë që synonim. Jam i kënaqur përgjithësisht me lojën e futbollistëve, që nuk u dorëzuan asnjëherë dhe e kërkuan kualifikimin deri në minutën e fundit."

Perlat Musta, zv.trajner i Partizanit:
"Ekipi ynë luajti më mirë, prandaj nuk e meritonte në asnjë mënyrë eliminimin nga kupa. Por u pa qartë që gjyqtari nuk kishte dëshirë që Partizani të kalonte më tej, kështu që e dënoi me të gjitha mënyrat. Na vjen keq që u bë një gjykim skandaloz. Ngrihej flamuri në një moment kur të gjithë e shihnin se ishte aksion i rregullt, por anësori nuk e kishte mendjen. Jepet 11-metërsh për kundërshtarin, me qëllim që të hapej loja dhe në fund jepet shtesa sipas qejfit të tyre. U pa qartë se lojtari i Vllaznisë e preku topin me dorë në zonën tonë, por gjyqtari e vazhdoi lojën me qëllim që shkodranët të barazonin. Dhe kur e arriti këtë, gjyqtari e ndërpreu ndeshjen, duke e lënë aksionin tonë të papërfunduar. Pra, çdo gjë foli në mënyrë të njëanshme."

Albert Xhani, president i Partizanit: "Më vjen shumë keq që u eliminuam në këtë mënyrë nga kupa. Ne e dinim dhe e parashikonim një gjykim të tillë, pasi e kishim kontestuar më parë gjyqtarin e ndeshjes. Por, sa herë që kërkon Partizani një të drejtë, FSHF-ja nuk merr parasysh asgjë, madje bën të kundërtën e asaj që kërkojmë ne. Jo vetëm në rastin Velçani, por gjithmonë nuk besoj se gjyqtarët janë caktuar me short. Ata vendosen nga një grup i caktuar i Federatës, që kërkon të luajë me fatin e klubit tonë. Kjo bëri që Partizani të largohej padrejtësisht nga kupa. Për këtë, ne, si bord drejtues, do të marrim një vendim ekstrem, që nuk e kemi marrë ndonjeherë deri tani. Nuk mund të them në këtë moment se çfarë do të vendoset, pasi Partizani nuk është vetëm klubi im personal, por edhe i 300.000 tifozëve anembanë Shqipërisë, të cilët kanë mbetur shumë të fyer nga gjykimi i sotëm. Mendoj se do të bëjmë më të mirën e mundshme për tifozët tanë dhe për të ardhmen e Partizanit."

Specialisti nga Panajot Pano
Kjo ishte një ndeshje e hapur për të dyja skuadrat. Si Vllaznia, ashtu dhe Partizani e kishin vlerësuar shumë ndeshjen, kështu që u bë një lojë e bukur. Në fillim, skuadrat luajtën me shumë kujdes. Partizani nuk sulmoi shumë, por u tregua më i saktë në fund të pjesës së parë në portën kundërshtare, duke shënuar dy gola. Në pjesën e dytë pritej reagimi i shkodranëve, të cilët e kërkuan më shumë golin dhe e arritën, duke e hapur lojën. Por goli i barazimit, i cili u shënua në minutat shtesë, u pa qartë që ishte i dyshimtë. Gjykimi ishte me shumë gabime dhe solli tension në fushë, prandaj mendoj se ka ndikuar edhe në rezultatin e ndeshjes, pavarësisht nga loja e të dyja skuadrave.

Të veçanta...
Në tribunën "VIP" ishin të pranishëm presidenti i Partizanit, Albert Xhani, ai i Vllaznisë, Myftar Çela, si dhe presidenti i FSHF-së, Armando Duka.

Nga vetë rëndësia e ndeshjes, pritej një numër më i madh tifozësh për Partizanin. Ndërsa nga ana tjetër, rreth 500 tifozë shkodranë kishin udhëtuar në drejtim të Tiranës për të ndjekur ekipin e tyre. Pas shënimit të golit të parë, ata e përkrahën fuqishëm ekipin e tyre dhe u kënaqën shumë me kualifikimin e arritur në minutat shtesë.

Tension pas ndeshjes Vllaznia-Partizani. Policia filloi të shpërndante turmën përreth stadiumit "Qemal Stafa". Për fat të keq, bashkë me tifozët, policët shpërndanin edhe gazetarët që prisnin të merrnin deklaratat pas ndeshjes. Si pasojë, intervistat, si rrallëherë, u bënë jashtë stadiumit "Qemal Stafa".

Ky Artikull u publikua më 10 Apr 2003. Autor Aranit MURAÇI - Sporti Shqiptar

 

[genci]

Re: Sporti Shkodran ( Vllaznia )

Vllaznia - Flamurtari 1-0

Vllaznia, tjetër sukses që nuk bind

Shkodër, kuqeblutë mundën minimalisht 1-0 Flamurtarin përpara vetëm 1500 shikuesve
Vllaznia
Grima 6
Zmijani 6
Dibra 6
Osja 6
Beqiri 7
Kaçi 7
Ishka 6
Belisha 6
Bokatola 5
Bejzade (Gjokoviç 70') 6
Asllani 6
Trajner: R. Shehu

Flamurtari
Billa 7
Resuli 6
Driza 7
Veizi 6
Imeraj 6
Liçi 6
Sakaj 5
Idrizi (Shtrepi 80') 5
D. Xhafa 6
Vito 5
Rustemi (Liçaj 84') (Sejfullai 88') 5
Trajner: P. Bifsha
Shënues: Ishka 59'
Gjyqtarë: Z. Kongjini, A. Lamçe (Patos), E. Doda (Tiranë)
Kartonë të verdhë: Veizi, Liçi

2' - Kaçi depërton bukur nga e majta, pason tek Ishka, por ky i fundit gjuan keq mbi traversë.
4' - Vito godet nga 25 metra dhe Grima me vështirësi e grushton topin mbi traversë.
18' - Bejzade gjuan fluturimthi një top të larguar nga zona vlonjate, por ai përfundon jashtë.
20' - Imeraj gjuan bukur nga 20 metra, topi përplaset në traversën e portës së Grimës.
29' - Asllani, dy herë brenda zonës, tenton portën, por gjuajtja e tij është e lehtë dhe pret pa problem Billa.
32' - Bejzade pengohet në zonë nga një mbrojtës i Flamurtarit, por Kongjini nuk akordon 11-mmetërsh.
33' - D. Xhafa shfaqet i rrezikshëm në zonën shkodrane, por përfundon jashtë fushe, bashkë me topin, para se të gjuante për në portë.
34' - Ishka gjuan fort nga distanca, pret mirë Billa.
40' - Asllani bën gjithçka bukur në hyrje të zonës, por topi i gjuajtur prej tij trondit vetëm rrjetën e jashtme.
43' - Bejzade nxjerr në pozicion shënimi Asllanin, por ky i fundit vonon në gjuajtje, duke u dhënë mundësi kundërshtarëve të largojnë topin.
44' - Vito godet nga distanca, por topi kalon mbi traversë.
48' - Bokatola ka mundësi ta çojë topin në portë, por ndërhyn në kohë portieri Billa duke e zotëruar atë.
55' - Kundërzbritje e shpejtë e Flamurtarit me Idrizin, që nis bukur Viton, por gjuajtja e tij e lehtë pritet në pozicion nga Grima.
59' - Aksion i gjatë i Vllaznisë, Osja kroson nga e djathta dhe Ishka kërcen bukur me kokë, duke dërguar topin në rrjetë dhe 1-0.
75' - Kaçi i "vidhet" bukur mbulimit të Resulit, por gjuajtja e tij nuk është e fortë dhe topin e pret Billa.
84' - Gjokoviç nuk arrin të gjejë katërkëndëshin e portës vlonjate, kur provon të gjuajë nga jashtë zonës.
86' - Gjuan Kaçi dhe grushton bukur Billa.
87' - Asllani del huq, kur duhej të godiste portën vlonjate, pasi ishte një çast i përshtatshëm për të shënuar.

Thanë
Ramadan Shehu, trajner i Vllaznisë: "E kishim parashikuar të tillë të vështirë ndeshjen dhe ashtu na doli. Te loja jonë ndoshta u vu re edhe një farë lodhjeje e futbollistëve, megjithatë problem për Vllazninë mbetet humbja e rasteve të pastra për shënim. Me këtë fitore, si dhe me kualifikimin e kupës, skuadra po kalon çaste të mira; them se tashmë shanset tona për vendin e dytë në kampionat rriten dhe çdo gjë mbetet e hapur. Na del për detyrë të luajmë mirë edhe në ndeshjet e ardhshme."
Petraq Bifsha, trajner i Flamurtarit: "Nga mënyra se si u zhvillua loja, mund të them se Vllaznia e meritoi fitoren. Nga ana tjetër, edhe Flamurtari rrezikoi, sidomos në pjesën e parë në disa raste, duke treguar se kishte ardhur në Shkodër për të fituar, ashtu siç shkon ai në çdo takim tjetër. Në minutat e fundit hodha në sulm edhe një sulmues të tretë, Shtrepin, për të tentuar barazimin, por ishte vonë dhe nuk ia arritëm. Megjithatë, jam i kënaqur nga loja e ekipit tim."

Të veçanta
- Interesant ka qenë minuta e 59-të e takimit. Gjokoviç ishte bërë gati të futej në fushën e lojës e, ndërsa kishte shkuar te gjyqtari i katërt për të bërë zëvendësimin, priste vetëm ndërprerjen e lojës për t'u aktivizuar, por ndërrimi nuk u bë, pasi lojtari që ai do të zëvendësonte, pikërisht Ishka, në atë aksion bëhet dhe autor i golit të vetëm të takimit, duke fituar kështu edhe qëndrimin në fushë deri në fund të ndeshjes.
- Për një gjendje gripale, në dy ditët e fundit nuk u aktivizua në këtë takim kapiteni Sinani, i cili, megjithatë, ka qenë pranë skuadrës në pankinë. Shiritin e kapitenit ndërkohë e ka mbajtur portieri Grima.
- Vazhdon rituali i braktisjes së Vllaznisë nga tifozët e saj në këto ndeshjet e fundit. Takimin e djeshëm e kanë ndjekur vetëm 1500 tifozë.
- Në tribunën VIP të "Loro Boriçit" kanë munguar personalitetet. Kanë asistuar vetëm presidenti i Vllaznisë, Myftar Çela dhe deputeti i Shkodrës, Valentin Palaj. Ka rënë në sy mungesa e presidentit të Flamurtarit, Shkëlqim Selami.
- Konferencat e shtypit në Shkodër po zhvillohen në vijueshmëri, pas çdo takimi që luhet atje, duke krijuar kështu një traditë të mirë, paçka se hera-herës zhvillohen edhe pa drita.


Ky Artikull u publikua më 13 Apr 2003. Autor Gjergj Kola - Sporti Shqiptar
www.sportishqiptar.com.al