Kur njeriu sillet si i civilizuar
Klevisi, më në fund, mund të kurohet jashtë
Vitore Nela
Kur ai hyri në redaksi dhe na u prezantua, ne u vumë ne mendime, sepse emri i tij diç na thoshte. Me Mahmut Zgurin ne “Shekulli-Kontakt”, ishim njohur dikur nga data 15 gusht. Atëherë ai erdhi personalisht në redaksi dhe tregoi për nipin e tij 7-vjeçar, vogëlushin Klevis, i cili kishte nevojë për ndërhyrje urgjente kirurgjikale. Klevisi ka lindur me probleme nga enët e gjakut në këmbë. Që nga ajo kohë prindërit ishin munduar që të merrnin një vizë pranë ambasadës greke, por pa rezultat. Para se t’i drejtoheshin Shekullit ata kishin bërë dhe tentativën e fundit më datë dy gusht. Të sigurt se kësaj here do ta merrnin, sepse plotësonin të gjitha kushtet që nga rekomandimi i doktorit në Tiranë, ata ishin nisur për në ambasadë. Çuditërisht, pasaportat i morën pa vizë. I dëshpëruar, gjyshi i Klevesit erdhi në redaksinë e “Shekulli Kontakt”, ku na shpjegoi situatën dhe kërkoi që nipi i tij të ndihmohej. Të nesërmen ne botuam historinë e Klevisit të vogël dhe apelin e gjyshit tij.
Dje Mahmut Zguri u ul sërish në tavolinën e pritjes në “Shekulli- Kontakt”, por kësaj here fytyra e tij ishte e çelë dhe tregonte gëzim. Më në fund, ishin pajisur me vizë dhe do të niseshin për kurim në Greqi. Me sytë gati në përlotje ai tha: “Dua të falënderoj ministrin Cikuli që dha notën, ambasadën, doktorin e fëmijëve Hysen Heta dhe sigurisht, gazetën tuaj, që ndikoi fuqishim në sensibilizimin e këtyre institucioneve për hallin që kishim”. Shërim të shpejtë, Klevis!
Klevisi, më në fund, mund të kurohet jashtë
Vitore Nela
Kur ai hyri në redaksi dhe na u prezantua, ne u vumë ne mendime, sepse emri i tij diç na thoshte. Me Mahmut Zgurin ne “Shekulli-Kontakt”, ishim njohur dikur nga data 15 gusht. Atëherë ai erdhi personalisht në redaksi dhe tregoi për nipin e tij 7-vjeçar, vogëlushin Klevis, i cili kishte nevojë për ndërhyrje urgjente kirurgjikale. Klevisi ka lindur me probleme nga enët e gjakut në këmbë. Që nga ajo kohë prindërit ishin munduar që të merrnin një vizë pranë ambasadës greke, por pa rezultat. Para se t’i drejtoheshin Shekullit ata kishin bërë dhe tentativën e fundit më datë dy gusht. Të sigurt se kësaj here do ta merrnin, sepse plotësonin të gjitha kushtet që nga rekomandimi i doktorit në Tiranë, ata ishin nisur për në ambasadë. Çuditërisht, pasaportat i morën pa vizë. I dëshpëruar, gjyshi i Klevesit erdhi në redaksinë e “Shekulli Kontakt”, ku na shpjegoi situatën dhe kërkoi që nipi i tij të ndihmohej. Të nesërmen ne botuam historinë e Klevisit të vogël dhe apelin e gjyshit tij.
Dje Mahmut Zguri u ul sërish në tavolinën e pritjes në “Shekulli- Kontakt”, por kësaj here fytyra e tij ishte e çelë dhe tregonte gëzim. Më në fund, ishin pajisur me vizë dhe do të niseshin për kurim në Greqi. Me sytë gati në përlotje ai tha: “Dua të falënderoj ministrin Cikuli që dha notën, ambasadën, doktorin e fëmijëve Hysen Heta dhe sigurisht, gazetën tuaj, që ndikoi fuqishim në sensibilizimin e këtyre institucioneve për hallin që kishim”. Shërim të shpejtë, Klevis!
