Kampione i Shqiperise 2003-2004 ? ??

[endrit maci]

Re: Kampione i Shqiperise 2003-2004 ? ??

Nuk e kuptoj se kush e ka vene ne diskutim fitoren e kampionatit nga Tirona
Ky kampionat mbaron ne fazen e trete dhe Tirona shpallet kampion
Para TIRONA

 

[Alesio]

Re: Kampione i Shqiperise 2003-2004 ? ??

KAMPIONATI SHQIPTAR A1.
Java 2.

Rezultatet.

Partizani-Lushnja 1-0
Flamurtari-Tirana 0-3
Besa-Elbasani 1-1.

Renditja.

1.Tirana 2 Ndeshje 6 Pike
2.Partizani 2 N 6 P
3.Elbasani 2 N 4 P
4.Teuta 1 N 3 P
5.Dinamo 1 N 3 P
6.Besa 2 N 1 P
7.Shkumbini 1 N 0 P
8.Vllaznia 1 N 0 P
9.Flamurtari 2 N 0 P
10.Lushnja 2 N 0 P

Sot zhvillohen :
Vllaznia - Teuta
Shkumbini - Dinamo

 

[Alesio]

Re: Kampione i Shqiperise 2003-2004 ? ??

Tirana, ritëm kampionësh edhe në Vlorë

Bardheblutë fitojnë lehtësisht 3-0 ndaj Flamurtarit, duke qenë shumë superiorë
Flamurtari e ka filluar kampionatin mjaft keq. Në dy ndeshjet e para ka pësuar vetëm humbje dhe ka një golaverazh negativ 1-5. Pra, sikurse shihet, nuk ka ku të shkojë më keq ky Flamurtari i këtij fillimkampionati. Në ndeshjen me Tiranën skuadra e kuqezinjve është paraqitur mjaft anemike, pa shpirt gare dhe me gjendje fizike për të dëshiruar. Flamurtari nuk arriti gjatë 90 minutave t'i kundërvihej Tiranës dhe, në momente të veçanta, kur loja ishte e ekuilibruar, tiranasit e kanë qarkulluar lirshëm topin me një takim. Bardheblutë kanë shënuar 3 gola, për faj të gabimeve në vendosje të mbrojtësve vlonjatë, të cilët, me lëvizjet e tyre krijonin hapësira të lira për kundërshtarin.

Thanë pas ndeshjes:

Sulejman Mema, trajner i Tiranës:
"Jam kënaqur nga loja e skuadrës sime. Megjithatë duhet të luanim më shpejt, pasi kam dhënë detyra të konsolidojmë më tepër skuadrën. Ekipi i Flamurtarit u shfaq i papërgatitur gjatë 90 minutave, pavarësisht se ka edhe problemet e veta. Kam vërejtje për 2-3 lojtarë të mirë, të cilët shfaqën shenja mendjemadhësie gjatë lojës. Flamurtari, në të ardhmen, mendoj se do ta marrë veten. Në fakt na u duk i vështirë, në bazë të traditës, por realisht loja kundër tyre na rezultoi mjaft e lehtë".

Ardi Bozhani, trajner i Flamurtarit:
"Eshtë një humbje jashtëzakonisht e rëndë. Superioriteti i Tiranës ishte i dukshëm. Ekipi im shfaqi shenja lodhjeje. Mendoj se këto dy javë do të të rikuperojmë diçka në këtë drejtim".

'Sporti Shqiptar'

 

[Alesio]

Re: Kampione i Shqiperise 2003-2004 ? ??

Besa-Elbasani, miqësisht në "Niko Dovana"

Kavajasit dhe elbasanasit e mbyllin në barazim 1-1
Takimi midis Besës dhe Elbasanit është karakterizuar nga episode interesante loje dhe raste të shumta për shënim, të cilat nuk u realizuan, më tepër për mospërqendrim para porte të sulmuesve dhe lodhje fizike, veçanërisht në pjesën e dytë të takimit. Elbasanasit e nisën lojën më mirë dhe u duk se do ta kishim më të lehtë me Besën, pas atij rasti të pastër të Stojkut në minutën e 3-të dhe të golit të Memellit në minutën e 7-të. Në të vërtetë, nuk ndodhi kështu, pasi Besa e rriti lojën e saj, duke vështruar më tepër portën e Gogunjës. Nga ana tjetër, Elbasani reagoi me kundërsulmin e rrezikshëm, me Stojkun dhe Memellin. Këta dy të fundit, nëse do të ishin treguar më të saktë në finalizim, do ta kishin ndëshkuar përfundimisht Besën e Kavajës. Gjithsesi, insistimi i Besës për të barazuar u konkretizua me penalltinë e fituar në minutën e 37-të. Kavajasit kanë arritur të shënojnë edhe golin e dytë, mirëpo, për fatin e tyre të keq, është anuluar nga gjyqtari anësor i ndeshjes. Në pjesën e dytë të takimit të dyja ekipet treguan shenja lodhjeje, gjë që u shoqërua me një ulje të ritmit të lojës. Duhet thënë se takimi midis Besës dhe Elbasanit nuk u ngrit mbi nivelin mesatar.

Thanë pas ndeshjes

Haki Arkaxhiu, zëvendëstrajneri i Besës:
"Mendoj se ishim më afër fitores. Ajo që nuk deshëm, na ndodhi. Pësuam një gol në fillim të takimit, megjithatë ishim superiorë. Në mënyrë të padrejtë na u mohua një gol nga ana e gjyqtarit. Besa do të shkojë gjithmonë drejt forcimit. Mendoj se situata aktuale nuk mund të quhet alarmante".

Gjergji Poloska, zëvendëstrajneri i Elbasanit:
"Nëse do t'i kishin shfrytëzuar rastet që na u krjuan gjatë ndeshjes, Elbasani do të fitonte. Por futbolli kështu e ka. E vlerësoj Besën për shpirtin luftarak që tregoi".

'Sporti Shqiptar'

 

[Alesio]

Re: Kampione i Shqiperise 2003-2004 ? ??

Partizani vazhdon me pike te plota.

Partizani fiton minimalisht 1-0 me Lushnjën për javën e dytë të kampionatit. Të kuqtë e teknikut Spahiu i janë falur golit mjeshtëror me goditje dënimi nga jashtë zone të elbasanasit Dorian Bylykbashi. Ky ka qenë dhe momenti më i bukur i të gjithë 90-minutëshit të luajtur. Ndeshja ka filluar e shpejtë për të dy skuadrat, por me një epërsi të lehtë të të kuqve. Megjithatë fundi i 45 minutave të parë ka qenë barazimi pa gola. Asnjëra nga skuadrat nuk ka mundur të rrezikojë seriozisht portën kundërshtare. Ndërkohë që vetëm dy minuta pas fillimit të pjesës së dytë, Bylykbashi shënon një gol të mrekullueshëm, duke i dhuruar avatazhin Partizanit. Që nga ai moment lushnjarët kanë dominuar pothuasje takimin, por pa mundur të gjejnë golin e barazimit, i cili do t’iu dhuronte dhe pikën e parë në këtë sezon.

'Shekulli'

 

[Alesio]

Re: Kampione i Shqiperise 2003-2004 ? ??

Medin Zhega konfirmohet si trajneri i Vllaznisë

Trajneri Medin Zhega do të jetë sërish në krye të pankinës shkodrane. Këtë e bëjnë të ditur burime nga grupi i biznesmenëve shkodranë. Sipas të njëjtit burim, fjalët e përhapura se tekniku Zhega do të largohet, nuk janë të vërteta. Trajneri Zhega gëzon besimin e opinionit të gjerë sportiv në qytetin e Shkodrës dhe këshillit drejtues të klubit, ndaj ai do të vazhdojë të punojë me skuadrën shkodrane. Të njëjtat burime vënë në dukje se, nuk është diskutuar asnjëherë për levizje trajnerësh nga ekipi kuqeblu. Tani skuadra shkodrane, pas zgjidhjes së problemeve financiare, ka nevoje për të eliminuar ato të meta dhe dobësi të vërejtura gjatë ndeshjes me Partizanin dhe me Dandin. Drejtues të klubit Vllaznia bëjnë të ditur se ekipi do të përgatitet për ndeshjen e se martës ndaj Teutës, që do të luhet në stadiumin "Loro Boriçi", ku synohet të nisë seria e fitoreve.

'Shekulli'

 

[Alesio]

Re: Kampione i Shqiperise 2003-2004 ? ??

Dinamo: Në Peqin vetëm për fitore

Formacioni i sotëm mendohet të jetë i njëjtë me atë që luajti të enjten ndaj Lokerenit
Blutë duket se kanë mbetur shumë të kënaqur nga paraqitja e skuadrës në ndeshjen e Kupës UEFA me Lokerenin, që u luajt ditën e shtunë në Belgjikë. Megjithëse Dinamoja humbi me rezultatin 3-1, stafi teknik është shprehur tepër i kënaqur nga mënyra e lojës, të trija repartet u lidhën mjaft mirë me njëri-tjetrin. Të njëjtën e gjë e pohojnë edhe vetë futbollistët. Kështu, sipas të gjitha parashikimeve, edhe në takimin e sotëm me Shkumbinin, i vlefshëm për javën e dytë të kampionatit të 65-të, blutë e kryeqytetit do të ndjekin të njëjtën strategji si në Belgjikë. Ndaj Lokerenit Dinamoja luajti me katër lojtarë në mbrojtje, Xhafa u pozicionua pak më i avancuar në qendër se kapiteni Pisha, Alikaj nga e majta e Gallo nga e djathta. Edhe mesfusha me Ahmatajn, Bakallin, Qosan, Poçin dhe sulmi me Qorrin e Xhihanin, funksionuan shumë mirë, ndaj mendohet që formacioni anti-Shkumbin të mos ndryshojë nga i takimit të së enjtes.

'Sporti Shqiptar'

 

[Alesio]

Re: Kampione i Shqiperise 2003-2004 ? ??

Trajneri i kuqebluve shkarkohet si "Zhugovi", menjëherë pas ndeshjes së kthimit me Dandin
Vllaznia: Ikën Zhega, vjen "Deda"


Skuadra shkodrane është e para që ha "kokën" e një trajneri, ndër simotrat pjesmarrëse të grupit A1. Medin Zhega, ish tekniku i përfaqësueses shqiptare e ka vuajtur në kurriz të tij humbjen në shifra të tilla në Skoci ndaj Dandit. Humbje kjo që ka qenë e treta për të në ndeshjet zyrtare, që nga koha e uljes në këtë stol. Zëvendësi i Zhegës është gjetur shpejt dhe nuk është ndonjë emër i panjohur për futbollin shqiptar. Ai është malazezi 44-vjeçar, Dervish Haxhiosmanoviç, i cili, përveçse e ka drejtuar për një sezon Vllazninë, duke e shpallur edhe kampione të Shqipërisë, ka drejtuar edhe Erzenin e Shijakut. Vendimi për largimin e Zhegës kishte kohë që përflitej në radhët e biznesmenëve-sponsor të kuqebluve. Mirëpo, para nisjes për në Skoci, vetë presidenti Agron Çela, i pyetur për këtë problem, do të thoshte: "Përderisa Zhega ka udhëtuar me skuadrën drejt gadishullit britanik, atëherë ai do të vazhdojë të qëndrojë në krye të Vllaznisë." Por, sikurse duket, humbja 4 0 ndaj Dandit ka shërbyer si preteksti më i mirë për ta larguar ish-teknkikun e kombëtares nga drejtimi i mëtejshëm i Vllaznisë. I pyetur dje në lidhje me këtë largim të papritur, Zhega nuk ka pranuar të bëjë asnjë koment, duke preferuar heshtjen. Ndërkohë dje paradreke, ekipi është grumbulluar në kompleksin sportiv "Zmijani", në prag të ndeshjes së nesërme me Teutën. Po dje paradreke, presidenca kuqeblu, në orën 11.30, ka bërë edhe prezantimin e trajnerit të ri para skuadrës. Në këtë moment ka qenë i pranishëm presidenti Agron Çela, dy zëvendësit e tij, Valter Fushaj dhe Xhevdet Amuli, anëtari i kryesisë Flamur Hoxha dhe sekretari i klubit Agim Medja. Ky i fundit ka shpjeguar para futbollistëve dhe pjestarëve të stafit drejtues të skuadrës arsyet që e shtynë, sipas tij, kryesinë e klubit dhe presidencën kuqeblu të bëjnë ndryshime në stolin e Vllaznisë. Përveç kësaj, Medja i ka uruar suksese malazezit në punën e tij në drejtim të kuqebluve. Pas tij ka folur vetë tekniku i sapoardhur, i cili, që në fjalën e parë të thënë, e ka quajtur veten trajner të vjetër këtu. "Shumica prej jush e dinë fare mirë metodën time të punës, prandaj do t'u kërkoja që në këtë kontakt të parë t'i shtrëngohemi punës. Unë do të kërkoj të ndihmojnë njëri tjetrin, në mënyrë që sa më shpejt të hedhim edhe kandidaturën tonë për titull," ka thënë "Deda". Pas tij ka folur shkurt edhe zëvendëspresidenti Valter Fushaj, i cili ka shtuar: "Besoj se të gjithë e keni të qartë se fjala e trajnerit do të jetë ligj. Për këtë, ju, si futbollistë, duhet të dëgjoni vetëm çfarë thotë ai. Nuk duam të dëgjojmë për replika apo probleme mes jush dhe Haxhiosmanoviçit në stërvitje apo diku tjetër. Çdo problem që do keni, do ta zgjidhni në të vetmin vend, në analizën që do të zhvilloni me trajnerin."
Gjergj KOLA

Presidenti i kuqebluve argumenton motivet e shkarkimit të trajnerit
Çela: Zhegën e shkarkuan rezultatet
Vendimi për ta larguar Medin Zhegën nga drejtimi i Vllaznisë, në pamje të parë ka qenë i papritur për shumëkënd. Mirëpo kuptohet qartë se ai paska qenë i ikur nga kuqeblutë, përderisa, menjëherë pas shkarkimit të tij, ka ardhur menjëherë trajneri i ri.
Presidenti Agron Çela, pas lëvizjeve në stafin teknik të skuadrës kuqeblu, ka shpjeguar arsyet e largimit të Zhegës. "Vendosëm ta largonim Zhegën jo se kishim ndonjë gjë personale me të, por sepse qenë rezultatet që e shkarkuan atë. Në tri ndeshje që ai ka drejtuar Vllazninë, kemi pësuar tri humbje, kemi pësuar 12 gola dhe kemi shënuar vetëm një. Vetë këto shifra tregojnë se diçka duhej bërë, prandaj vendosëm t'i hapnim rrugë dikujt tjetër," ka thënë ai. Nga ana tjetër, si arsye e largimit të ish trajnerit të përfaqësueses shqiptare nga stoli kuqeblu, ka shërbyer edhe mospërputhja e kërkesës së Zhegës me atë që i kanë afruar drejtuesit e klubit. Pra, bëhet fjalë për kushtet financiare të kontratës që duhej të firmoste trajneri i shkarkuar tashmë. Vetë Zhega, prej kohësh kishte theksuar se donte të mbetej në fuqi kontrata sipas marrëveshjes me ish presidentin Myftar Çela. Bëhej fjalë për 30 mijë euro "kesh" në dorë dhe për një rrogë mujore prej 150 mijë lekësh të reja. Këto kërkesa, natyrisht, janë dukur absurde për drejtuesit kuqeblu, aq më tepër që tregu i futbollit shqiptar tashmë ka rënë ndjeshëm. Presidenti aktual Agron Çela, në deklarimin e tij, thotë diçka edhe për këtë pikë të mosmarrëveshjeve me Zhegën: "Përveç rezultateve negative që arriti, Zhega nuk na dha mundësi që të merreshim vesh për kontratën. Kushtet financiare të tija ishin krejt të kundërta me ato që ne ishim gati t'i afronim." Po ashtu, presidenti Çela ka shpjeguar edhe shkaqet që e detyruan të zgjedhë malazezin Haxhiosmanoviç për të drejtuar Vllazninë. "Vendosëm të caktojmë këtë trajner, sepse ai është trajneri i duhur për këtë skuadër. Haxhiosmanoviçi, edhe më parë e ka drejtuar me meritë Vllazninë, prandaj menduam ta rikthejmë në drejtimin e skuadrës sonë, me qëllimin e mirë që të na shpallë sërish kampionë," ka thënë në fund numri 1 i klubit kuqeblu.
Gj.KOLA

Drejtuesit kuqeblu, "të etur" në merkato. Vjen malazezi i parë
Mbërrin Perishiç, në pritje Klodian Duro
Merkatoja e kuqebluve duket se tashmë ka nisur. Ndryshimet e fundit që kanë ndodhur tek Vllaznia, përveç trajnerit, po shoqërohen edhe me lëvizje të fuqishme në tregun e lojtarëve. Kështu, i pari që ka mbërritur është malazezi Goran Perishiç. Ky i fundit ka ardhur dje në Shkodër, së bashku me trajnerin Haxhiosmanoviç. Siç bëhet e ditur nga vetë lojtari i sapoardhur, mosha e tij është 26 vjeç, ndërkohë që karrierën futbollistike e ka zhvilluar në vendin e tij të lindjes dhe në Greqi. Në sezonet 1994-1999, ai ka luajtur me Buduçnost, më pas ka kaluar në Greqi te Larisa, ku ka luajtur për një vit e gjysmë. Pastaj rikthehet sërish te Buduçnost. Kampionatin e kaluar ka luajtur në Athinë, me Ethnikos Astrea. Pozicioni i tij i preferuar është ai i mbrojtësit të lirë, por luan mirë edhe si stoper apo mesfushor. Nga drejtuesit e klubit thuhet se Perishiç do të jetë në provë për disa ditë, por fakti që vetë Haxhiosmanoviçi e ka marrë me vete, do të thotë se qëndrimi i tij në Shkodër është i sigurtë. Gjithashtu, një tjetër emër i lakuar dje te Vllaznia ka qenë elbasanasi i njohur Klodian Duro. Fakti që ai ende nuk ka firmosur për asnjë ekip tjetër, ka futur në valle për ta "pronësuar" atë edhe shkodranët. Me këtë ekip, lojtari i përfaqësueses sonë ka luajtur edhe më parë, derisa u largua për në Turqi. Shanset që Duro të vishet kuqeblu janë të mëdha edhe për faktin se ai mbetet i adhuruari i tifozerisë shkodrane. Një tjetër futbollist që pritet të mbërrijë te Vllaznia është Asim Gjokoviç. Ai ka luajtur deri në fund të sezonit të kaluar me këtë ekip dhe u largua pas vdekjes së presidentit Myftar Çela. Tani, që trajner ka ardhur bashkatdhetari i tij, Haxhiosmanoviç, që ia njeh mirë vlerat, një gjë e tillë duket mëse e realizueshme.
Gjergj Kola 'Sporti Shqiptar'

 

[Alesio]

Re: Kampione i Shqiperise 2003-2004 ? ??

Sulmuesi durrsak, i rikthyer në origjinë, flet për Teutën dhe ndeshjen e së martës ndaj Vllaznisë
Bespalla: Të tregohemi të saktë në finalizim


Justin Bespalla, njëri nga sulmuesit e Teutës, pas një eksperience tek ekipi i Erzenit, është rikthyer në origjinë. Madje, ai ka gjetur besimin e trajnerit Bici, i cili e ka aktivizuar që në ndeshjen e parë të kampionatit. Në ballafaqimin me Shkumbinin Bespalla ka qenë autori i atij asisti, që solli golin e fitores për Teutën. Në një deklarim për "Sportin shqiptar", Bespalla do të shprehej:
- Bespalla, si e ndieni veten tashmë, kur jeni sërish pjesë e Teutës?
- Sigurisht, ndjehem mirë. Teuta është një ekip me të cilin më lidhin shumë kujtime. Luaj përsëri me shokët e mi dhe, për më tepër, kemi një ekip që do të synojë trofetë në këtë sezon.
- Bici ju ka aktivizuar që në ndeshjen me Shkumbinin, ndonëse jo që nga minuta e parë. Si e vlerësoni këtë besim të trajnerit?
- Sido që të ndodhte, unë jam i detyruar të respektoj vendimet e trajnerit. Më aktivizoi në ndeshjen me Shkumbinin dhe e falënderoj për besimin. Gjithsesi, do të punoj më shumë, për t'i shërbyer sa më mirë ekipit.
- Keni dhënë një asist, që u kthye në gol nga Begeja. Do të dëshironit të kishit qenë vetë autori i golit të parë të Teutës në këtë kampionat apo kjo ka pak rëndësi?
- Ishte një top i vështirë, që për fat e arrita dhe ia pasova Begejës. Ai shënoi një gol mjaft të rëndësishëm, sepse na dha 3 pikët e para. Nuk kishte fare rëndësi se kush e dha pasimin për gol, sepse mbi të gjitha na gëzoi fitorja.
- Në ndeshjen e parë keni humbur shumë raste në sulm. Ku qëndron problemi, sipas jush?
- Mendoj se ka qenë më shumë çështje përqendrimi se sa mangësi e sulmit. Them se do ta kalojmë shumë shpejt këtë problem. Teuta ka një sulm cilësor me Mancakun dhe Begejën, të cilët do të jenë pararoja e sukseseve të skuadrës sonë. Gjithsesi, me sa u pa në ndeshjen me Shkumbinin, them se duhet punuar më shumë në finalizimin e aksioneve.
- Po ju, a do të dëshironit të aktivizoheshit që nga minuta e parë e ndeshjeve?
- Kjo është çështje që i përket trajnerit dhe jo mua. Unë, sa herë të aktivizohem, do të jam maksimumin. Kjo është detyra ime.
- Si e konsideroni sfidën e radhës në kampionat me Vllazninë?
- Do të jetë një ndeshje e vështirë, për të cilën jemi përgatitur gjatë gjithë javës stërvitore. Mendoj se i kemi forcat që ta përballojmë me sukses këtë ndeshje.
Llambi Kallço 'Sporti Shqiptar'

 

[Alesio]

Re: Kampione i Shqiperise 2003-2004 ? ??

Zëre i shtohet infermierisë durrsake.

Shtylla e mbrojtjes durrsake, Arian Zëre, ka pësuar një dëmtim në ligament, pas një përplasjeje për topin e parë në seancën stërvitore të ditës së premte. Në seancën stërvitore të së shtunës, që Teuta ka zhvilluar në aneksin e stadiumin "Niko Dovana", mbrojtësi i kësaj skuadre i ka parë shokët si spektator. Në të njëjtën kohë, në një deklarim për "Sportin shqiptar", Zëre është shprehur: "Kam pësuar një dëmtim në këmbë. Gjithsesi, shpresoj të jem i gatshëm deri ditën e ndeshjes me Vllazninë. Sipas mjekëve të skuadrës, bëhet fjalë për një dëmtim, që mund të rikuperohet shumë shpejt".
Llambi Kallço 'Sporti Shqiptar'

 

[Alesio]

Re: Kampione i Shqiperise 2003-2004 ? ??

Trajneri vlonjat, i shqetësuar nga prania e 40 futbollistëve në stërvitje
Bozhani: Nuk stërviten 3 skuadra njëherësh
Flamurtari nuk e ka nisur mbarë kampionatin. Humbja me rezultat të thellë, 0-3, ndaj Tiranës, i ka vendosur në pozita të vështira vlonjatët jo vetëm në klasifikim, por edhe në aspektin psikologjik. Bardheblutë, të shtunën që shkoi, kanë "vallëzuar" në tapetin e gjelbër të stadiumit "Flamurtari", ndërkohë që përpara tyre ndodhej një ekip tepër modest. Nisur nga shqetësimet për gjendjen e skuadrës dhe faktorët që kanë ndikuar në rezultatet e pakënaqshme të saj, trajneri Bozhani, në një intervistë për "Sportin shqiptar", komenton:
- Flamurtari pësoi humbjen e dytë radhazi dhe ka një golaverazh mjaft negativ, 1-5. Cili është komenti juaj?
- Fakti që skuadra nuk ka marrë ende asnjë pikë në dy ndeshje, do të thotë se përgatitja nuk është në nivelin e duhur, për të përballuar kampionatin. Për të dalë në këtë konkluzion, nuk jam nisur nga rezultatet e deritanishme, por nga moszhvillimi i një faze të rregullt përgatitore. Gjithashtu, vonesat në seleksionimet e herëpashershme të grupit të lojtarëve e kanë bërë të vetën. Mungesat financiare kanë krijuar jo vetëm pakënaqësi te lojtarët, por janë bërë shkak edhe për të bërë merkato vere. Në këtë drejtim ka ndodhur e kundërta. Na janë larguar 2-3 lojtarë cilësorë.
- Të pesë golat e pësuar, Flamurtari i ka pësuar në qendër të mbrojtjes. Ç'do të shtonit më shumë rreth këtij fakti?
- Eshtë i njëjti shqetësim i ndeshjes me Elbasanin. Kjo gjë u konstatua edhe në ndeshjen me Tiranën. Megjithëse e kapa si problem (pas ndeshjes së parë), punova gjatë gjithë javës në stërvitje, por u gabua përsëri në këtë pikë. Futbollistët mbrojtës vuajnë mungesën e përqendrimit në rastet e kundërsulmeve të kundërshtarit. Ndryshe nga repartet e tjera të skuadrës, në mbrojtje kemi lojtarë me eksperiencë dhe të aftë. Unë mendoj se as mesfushorët nuk u janë përgjigjur si duhet detyrave mbrojtësve, pasi disa prej tyre po shfaqin shenja lodhjeje.

Kastriot Brahimi 'Sporti Shqiptar'

 

[Alesio]

Re: Kampione i Shqiperise 2003-2004 ? ??

Një gol i mohuar dhe një 11-metërsh i padhënë, pengu i kavajasve në ndeshjen me Elbasanin
Besa i qahet golit të anuluar
Sfida Besa-Elbasani, për nga mënyra sesi u zhvillua, i dhuroi të gjitha çka përmban një ndeshje futbolli. Gola të shënuar, gola të anuluar, pretendime për 11-metërsha dhe raste të shumta shënimi, por, fatkeqësisht, të humbura. Sidoqoftë, duhet thënë se loja e të dyja ekipeve nuk u ngjit dot mbi nivelin mesatar. Ashtu siç pritej, kavajasit vinin në këtë ballafaqim me synimin e vetëm, fitoren. Mirëpo janë gjendur të befasuar qysh në minutat e para, kur portokallinjtë kanë arritur të kalojnë në avantazh, falë golit të Memellit. Madje miqtë elbasanas i befasuan kavajasit falë veprimeve të rrezikshme të dyshes Stojku-Memelli. Megjithatë, duhet thënë se, ndryshe nga takimi i parë, kavajasit treguan më shumë nivel e dëshirë për lojë. Edhe pse u gjendën të shokuar nga goli i Memellit, verdhezinjtë u përpoqën deri në minutën e fundit, jo vetëm për të barazuar, gjë që e arritën, por edhe të merrnin fitoren. Sulmi, me Shimën e Kapllanin, lëvizi më mirë dhe, ç'është më kryesorja, e goditi portën kundërshtare disa herë. Madje Shima u bë protagonist kryesor i sulmit, tek shënoi edhe një gol, që u anulua nga gjyqtari anësor. Ky veprim ngjalli protesta të shumta te drejtuesit e Besës. Mirëpo ky anulim i golit të verdhezinjve u pasua me një rast tjetër të diskutueshëm, kur Gogunja, portieri elbasanas, pengon gabimisht njërin nga sulmuesit kavajas, por përsëri gjyqtari nuk jep 11-metërsh. Sidoqoftë, barazimi 1-1 mbeti i pandryshuar deri në vërshëllimën e fundit të kryesorit Metohia. Besa mori pikën e parë në këtë kampionat, por nuk bindi plotësisht me lojën që bëri. Defekti i saj vazhdon të mbetet tek organizatori, rol të cilin nuk mund ta kryejë si duhet askush. Kavajasit mbyllën një takim ku, me gjithë përpjekjet dhe dëshirën e tyre për të fituar, mund edhe të ishin ndëshkuar. Si përfundim, Besës i duhet ende punë e djersë për të paraqitur fytyrën e saj të vërtetë. Duhet pritur gjithashtu që presidenti Bizhdili të përforcojë sërish skuadrën. Romanishini dhe Sheta janë të pamjaftueshëm për t'i garantuar Besës suksesin. Në rolet kryesore të lojës kjo skuadër vazhdon të çalojë.

Feriz Ferizaj 'Sporti Shqiptar'

 

[Alesio]

Re: Kampione i Shqiperise 2003-2004 ? ??

Dinamo mund shkumbinin 4-1

Dinamo ka lënë pas paraqitjen negative të bërë në kupat e evropës dhe ka arritur të shpalosë qartë synimet e saj në kampionat pas fitores së dytë në trasfertë ndaj Shkumbinit. Rezultati i fiksuar, por natyrisht edhe loja e zhvilluar kanë qenë mesazhi më i qartë se blutë do të jenë rivalët kryesorë për trofetë e këtij sezoni.

Kjo sfidë ka nisur me një minutë heshtje në kujtim të kompozitorit të njohur F.Deda, i ndarë nga jeta pak ditë më parë.Fitorja në fushën sportive të Peqinit ka patur vulën e fantazistit elbasanas ilir Qorri, i cili ka realizuar të katër golat, duke u ngjitur në kreun e golshënuesve të kampionatit. Në minutën e 26-të blutë kanë nisur një aksion perfekt nga majta, ku Ahmataj ka dhënë një assist për Qorrin, i cili i vetëm me Kotorrin ka goditur me kokë dhe ka shënuar.

Kundërpërgjigja e vendasve mungon dhe në këtë mënyrë të përzgjedhurit e trajnerit Marko do të arrijnë të realizojnë edhe golin e dytë në minutën 35, ku sërish elbasanasi është shfaqur mjaft oprtunist përballë portierit peqinas. Pjesa e parë mbyllet me rezultatin 2-0.

Në fraksionin e dytë të lojës skuadrat do të paraqesin të njëjtën tablo. Peqinasit nuk kanë forcë të kundërpërgjigjen dhe blutë mirëadminstrojnë gjithçka, madje do të arrijnë të realizojnë edhe dy herë të tjera.

Në minutën e 76-të një gabim i rëndë i mbrojtjes vendase do t’i krijojë mundësinë Qorrit të vihet i vetëm përballë Kotorrit, të cilin do ta mposhtë sërish. Një moment i tillë dëshpëron maksimalisht tofozerinë, e cila fillon të braktisë shkallët e stadiumit.

Goditjen përfundimtare blutë do ta japin në minutën e 82, ku sërish protagonistë janë Ahmataj dhe finalizues Qorri, i cili realizon golin e tij të katrët në këtë 90-të minutësh dhe të pestin për të në këto dy javë. Ngushullimi i vetëm për peqinasit do të vijë vetëm në minutën e fundit kundit Rdervishi do të fitojë një 11m, të cilin do ta kthejë në gol, duke fiksuar shifrat finale Shkumbini 1-dinamo 4.

'Tele Sport'

 

[Alesio]

Re: Kampione i Shqiperise 2003-2004 ? ??

PARTIZANI




> Partizani


Dy fitoret e arritura në po kaq takime në kampionat kanë ngrohur atmosferën në kampin e kuq. Ndër më të gëzuarit krejt natyrshëm është trajneri Ilir Spahiu, I cili në deklarimin e tij për telesport shprehet se skuadra ka marrë maksimumin jo vetëm përsa I përket rezultateve, por edhe lojës së Zhvilluar

Ndërkohë një nga risitë e sjellura nga trajneri I ri Spahiu tek Partizani është dhe luajtja në mbrotje e skuadrës në vijë të drejtë, gj e cila ka patur padyshim ndikim në rezultatet positive të arritura.



Një lëvizje e tillë sipas trajnerit të të kuqve nuk ka qenë e lehtë për ta aplikuar, por avantazhet e saj do të jenë një shtysë përt skuadrën për të paraqitur një lojë më kualitative .
Kampionati do të pësojë një stop të detyruar prej dy javësh, për shkak të ndeshjeve që ekipi ynë përfaqësues do të zhvillojë me Gjeogjinë. Një periudhë e tillë ka ardhur në momentin e duhur për trajnerin Spahiu, I cili do të bëjë edhe meremetimet e duhura në skuadër .

'Tele Sport'

 

[Alesio]

Re: Kampione i Shqiperise 2003-2004 ? ??

Hans Peter Brigel i ardhur sot në mesdite për ndeshjet e fundit eleminatore të kampionatit europian, nuk ka pranuar faktin që në kombëtaren shqiptare të ketë probleme disipline.
Gjermani i përfaqësueses që ka mbëërritur në aeroportin e Rinasit rreth orës 12.30 minuta. Ai i është përgjigjur Telesportit në lidhje me çështjet më të rëndësishme.
Duke anashkaluar tre bojkotet e fundit apo deklarimet e Tares, pas ndeshjes se humbur me Maqedoninë, Brigeli ka dashur të përqëndrohet vetëm në dy takimet e rradhës me Gjeorgjinë.
Si zakonisht trajneri gjerman nuk ka munguar në vlerësimin e kundërshtarit, ndonëse ai mendon se Shqipëria do të marrë rezultate pozitive kunder tyre.
Duke pritur disa lojtarë dhe stafin e tij për të udhëtuar drejt rezidencës së kombëtares, trajneri Brigel i është përgjigjur kështu, pyetjes nëse ky ishte udhëtimi i tij i fundit në Shqipëri, si trajner i kombëtares.

'Tele Sport'

 

[Alesio]

Re: Kampione i Shqiperise 2003-2004 ? ??

Lorik Cana lojtari i fundit i fituar në kombëtaren shqiptare

Lorik Cana lojtari i fundit i fituar në kombëtaren shqiptare, pret dy takimet e fundit për të arritur përfundimisht ëndrrën e tij për të qenë titullar në përfaqësuese.
20 vjeçari i Paris SG, mund të luajë një rol të rëndësishëm në dy takimet e rradhës, për arsye të mungesës së Altin Lalës.
Megjithatë ai preferon të flasë në përgjithësi për këtë përfaqësuese
Lojtari më i ri i përfaqësueses, do të mbetet sërish tek Paris SG ndonëse klubi e kishte nxjerrë në listën e transferimeve.
Ai luajti në takimin e fundit të klubit parizien në kampionatin francez .
Cana nga ana tjetër i është rikthyer rolit të tij si mesfushor qendre, pasi trajneri i Paris SG Halilhodzhiç e kishte provuar si qendërmbrojtës.

'Sporti Shqiptar'

 

[Alesio]

Re: Kampione i Shqiperise 2003-2004 ? ??

KAMPIONATI SHQIPTAR A1.
Java 2.

Rezultatet.

Partizani-Lushnja 1-0
Flamurtari-Tirana 0-3
Besa-Elbasani 1-1
Shkumbini - Dinamo 1-4

Renditja.

1.Tirana 2 Ndeshje 6 Pike
2.Partizani 2 N 6 P
3.Dinamo 2 N 6 P
4.Elbasani 2 N 4 P
5.Teuta 1 N 3 P
6.Besa 2 N 1 P
7.Shkumbini 2 N 0 P
8.Vllaznia 1 N 0 P
9.Flamurtari 2 N 0 P
10.Lushnja 2 N 0 P

Neser : e marte me 2-9-03 zhvillohet ndeshja:
Vllaznia - Teuta

 

[Alesio]

Re: Kampione i Shqiperise 2003-2004 ? ??

Kombetarja: Grumbullimi i cunguar per Gjeorgjine
Nuk kane qene te pranishem Cipi, Skela, Haxhi, Dragusha, Bellaj, Shkembi, Myrtaj e Tare. Briegel: Sukseset me gjeorgjanet do na ndihmojne per nje renditje me te mire te FIFA-s dhe per nje short me te lehte per eliminatoret e Kampionatit Boteror 2006. Igli Tare pret femijen nga gruaja e tij, Sandra, takohet te premten me ekipin ne Tbilisi

Bledar KUKA

TIRANE - Ka qene nje grumbullim qe ka nisur i cunguar ai i ekipit perfaqesues shqiptar per ndeshjen ndaj Gjeorgjise. Dje, ne Hotel Linza ne kryeqytet dhe ne fushen e stadiumit "Selman Stermasi" kane zbritur pak lojtare qe kane zhvilluar seancen e pare stervitore. Mungesat kane qene te shumta, por sipas Besnik Celes (shef i sektorit te ekipeve kombetare ne FSHF) e Kreshnik Agollit (perkthyes dhe ndihmes i Briegel), te gjitha te justifikuara. Nuk kane qene te pranishem Cipi, Skela, Haxhi, Dragusha, Bellaj, Shkembi, Myrtaj e Tare. Treshja e Frankfurtit ka pasur dje ne darke ndeshjen e turit te pare te Kupes se Gjermanise, ne fushen e Kickers Offenbach (fituar 4-3 me penallti). Bellai, Shkembi, Haxhi, Myrtaj kane pasur ndeshje, gjithashtu, ndersa Igli Tare nuk do te paraqitet fare ne Tirane. Agolli u shpreh: "Tare ka marre leje sepse pret nje femije dhe do te bashkohet ne Tbilisi te premten me ekipin kombetar. Ne jemi te qete sepse ai po stervitet nderkohe, me Bolognen". Gruaja e Iglit, Sandra, ndodhet ne Brescia dhe nuk ka mundesi te levize as per ne Bologna, edhe sepse mjeku qe po e ndjek gjendjen e saj eshte ne Brescia. Keshtu, Igli ka bere rrugen Bologna-Brescia shpesh keto dite.

Briegel: Gjeorgjia, ndihme per eliminatoret e Boterorit

Trajneri i perfaqesueses shqiptare, Hans-Peter Briegel, ka mberritur dje ne oren 12.30 ne Aeroportin "Nene Tereza" ne Rinas dhe ne oren 17.30, bashke me ndihmesit e tij, ka zhvilluar seancen stervitore ne stadiumin "Selman Stermasi". Briegel, ka folur per gazetaret, para nisjes se stervitjes. "Na duhen rezultate pozitive ndaj Gjeorgjise, - ka thene ai, - qofte per te arritur nje vend sa me te mire ne renditjen e grupit tone, por edhe per te permiresuar renditjen e FIFA-s, duke kaluar Gjeorgjine, ne menyre qe te kemi short me te favorshem per eliminatoret e ardhshme te Kampionatit Boteror 2006. Kete ua kam thene lojtareve qe para ndeshjes ne Prilep me ish-RFJ te Maqedonise".

Briegel eshte i shqetesuar per formen e lojtareve duke thene se "problem eshte se ne krahasim me vitin e kaluar, ka nje defekt ne keto momente, pasi nje pjese e futbollisteve nuk jane lojtare formacioni baze ne skuadrat ku luajne dhe nje pjese e tyre jane edhe pa skuadra".

A do ta vazhdoje Briegel kontraten me Shqiperine?

Trajneri gjerman e anashkaloi kete pyetje te gazetareve duke thene: "Me mire kete le ta leme vetem si pyetje". Ndersa presidenti i FSHF-se, Armand Duka, u shpreh se "eshte shpejt te flasim per kete gje".

Deri dje kishin ardhur keta lojtare: Strakosha, Lika, Aliaj, Dabulla, Dede, Beqiri (ka nje demtim te lehte), Murati, Klodian Duro, Mukaj, Hasi, Cana, Bushi,

Mbrojtesi Elvin Beqiri ka pasur nje demtim te lehte dhe ka zhvilluar nje stervitje individuale, duke bere vrapim ne pjesen anesore te fushes. Kombetarja do te kete sot dy stervitje, nje ne 09.30 ne mengjes dhe nje ne 17.30 pasdite po ne "Selman Stermasi".

Kalimi nga Durresi ne Tirane eshte bere sepse stadiumi "Niko Dovana" nuk e ka fushen ne gjendjen me te mire per shkak te problemeve ne furnizimin me uje.

Lista e Kombetares

Portjere: 1.Foto Strakosha, 2.Elion Lika

Mbrojtes: 3. Elvin Beqiri, 4. Geri Cipi, 5. Ardian Aliaj, 6. Nevil Dede, 7. Rezart Dabulla.

Mesfushore: 8. Klodian Duro, 9. Ervin Skela, 10. Edvin Murati, 11. Altin Haxhi, 12. Lorik Cana, 13. Mehmet Dragusha, 14. Arjan Bellaj, 15. Blendi Shkembi, 16. Besnik Hasi, 17. Redi Jupi.

Sulmues: 18. Igli Tare, 19. Alban Bushi, 20. Florian Myrtaj, 21. Devi Muka,

'Korrieri'

 

[Alesio]

Re: Kampione i Shqiperise 2003-2004 ? ??

Partizani: Demtohet Karioka, ndoshta 3 jave pushim

Sulmuesi brazilian i Partizanit, Karioka, rrezikon te qendroje jashte fushes se blerte per te pakten tre jave, per shkak te demtimit te pesuar ne kaviljen e djathte gjate takimit te se Shtunes ndaj Lushnjes. Braziliani ka nje hematome ne kavilje dhe nuk ka marre pjese ne stervitjen e djeshme me pjesen tjeter te skuadres. "Kam dhimbje kur e mbeshtes kemben ne toke dhe nuk jam ne gjendje te zhvilloj nje seance stervitore se bashku me skuadren. Shpresoj te rikthehem shpejt ne fushe dhe te jap kontributin tim per Partizanin", tha ai per ATSH-ne. Demtimi i Kariokes, i cili eshte nje nga sulmuesit kryesore te skuadres, e ka shqetesuar trajnerin Ilir Spahiu, i cili eshte ne pritje te vendimit te mjekut te klubit, per kohezgjatjen e rekuperimit te brazilianit. Nderkohe, neser pritet te zhvillohet nje vizite mjekesore per te ekzaminuar me saktesi kohen e duhur per rekuperimin e sulmuesit. Karioka ka lene fushen e lojes ne mesin e pjeses se pare, per shkak te demtimit te pesuar ne kavilje dhe eshte zevendesuar nga lezhjani.

Henri Ndreka 'Korrieri'

 

[Alesio]

Re: Kampione i Shqiperise 2003-2004 ? ??

Sot Vllaznia-Teuta, plotesojne javen e dyte
Ne ora 17.00 ne stadiumin "Loro Borici" te Shkodres, Vllaznia e Teuta do luajne ndeshjen e peste dhe te fundit te javes se dyte te kampionatit kombetar te futbollit. Ekipi shkodran eshte kthyer me shume vonese nga Skocia, pas ndeshjes me FC Dundee ne Kupen UEFA. Shkodranet do kene ne krye trajnerin Dervish Haxhiosmanovic, pasi drejtuesit e klubit larguan ish-trajnerin Medin Zhega.

'Korrieri'