Re: Franca rrezon Kushtetuten europiane!
Ndoshta dal pak nga tema po nje artikull te sporti tregon per demokracine e vertete amerikane ku sipas llogjikes i bije qe formacionin e eikut kombetar qe do luaje nje ndeshje miqesore ne Detroit duhet ta beje administrata amerikane e jo trajneri shqiptar /pf/images/graemlins/tongue.gif
SHBA nuk e njeh këtë "kombëtare"
Olsi Avdiaj
Ambasada e Shteteve të Bashkuara të Amerikës në Tiranë nuk u jep vizën të paktën 6 futbollistëve të kombëtares shqiptare, të cilët kanë aplikuar në zyrën konsullore të këtij institucioni. Burime të sigurta pranë Federatës Shqiptare të Futbollit dje janë shprehur se Estraf Billës, Johan Drizës, Luan Pinarit dhe Dorian Bylykbashit u është refuzuar viza nga ana e amerikanëve gjatë intervistës së djeshme, ndërkohë që edhe dy të tjerë, jo plotësisht të konfirmuar, kanë pasur të njëjtin fat. Sipas informacionit zyrtar të bërë publik nga FSHF-ja, amerikanët kanë refuzuar të japin vizë për këta futbollistë, pasi, sipas tyre, nuk janë kontigjent i kombëtares, ose të paktën kanë shumë kohë që nuk aktivizohen në skuadër. Mësohet se veç 4 emrave të bërë publikë, tashmë viza u është mohuar edhe 2 futbollistëve të tjerë. Burime jozyrtare dhe të pakonfirmuara bëjnë të ditur se këta janë Gjergji Muzaka (ky ka pohuar se e ka lënë dokumentacionin në ambasadë) dhe Xhevahir Sukaj.
Të katër lojtarët e sipërpërmendur janë paraqitur për intervistë në Ambasadën Amerikane, por zyra konsullore e kësaj ambasade u ka refuzuar vizën. Sipas pohimeve të vetë futbollistëve, zyra konsullore gjatë intervistës u ka bërë të qartë se ata nuk kanë qenë pjesë e kombëtares shqiptare prej shumë kohësh dhe kështu nuk mund të pajisen me vizë amerikane. Këtë fakt e ka pohuar dje edhe zëdhënësi i shtypit në FSHF, Lysien Nurishmi. Sipas këtij të fundit, pajisja me vizë e 5-6 lojtarëve nuk është bërë pasi drejtuesit e ambasadës pretendojnë se këta lojtarë prej shumë kohësh nuk janë lojtarë dhe nuk kanë luajtur me ekipin kombëtar. "Lojtarët tanë nuk janë pajisur me vizë sepse pala amerikane ka pretenduar se këta futbollistë nuk janë pjesë e ekipit kombëtar, ose të paktën nuk luajnë prej kohësh me kombëtaren. Kjo ka qenë arsyeja për të gjithë këta futbollistë, emrat e të cilëve nuk mund t'i bëj të ditur," - është shprehur dje zëdhënësi i shtypit në federatë, Lysien Nurishmi.
Reagon zyrtarisht Ambasada Amerikane
Ambasada Amerikane, pasi ka refuzuar t'u japë vizë të paktën 4 futbollistëve të kombëtares shqiptare, ka dhënë edhe qëndrimin e saj zyrtar. Kështu, zëdhënësi i Ambasadës së SHBA-së në Tiranë ka bërë një deklarim zyrtar për gazetën "Shekulli" dhe "Sporti shqiptar", ku shprehet: "Secili aplikim është studiuar me kujdes dhe seriozitet nga ana e ambasadës dhe është vepruar në përputhje me ligjin e SHBA-së." Kaq ka qenë deklarimi zyrtar i zëdhënësit të shtypit në emër të Ambasadës Amerikane, e cila nuk ka dhënë asnjë shpjegim tjetër.
Zyrtarët e FSHF-së mbyllin gojën
Dje, gjatë gjithë ditës, zyrtarët e Federatës Shqiptare të Futbollit, rastësisht apo jo, nuk kanë qenë të gatshëm për mediat. Në FSHF, në orën 12.00, kur edhe lejohen të hyjnë gazetarët, nuk ka qenë i pranishëm zëdhënësi i shtypit, por edhe funksionarë të tjerë të këtij institucioni. Presidenti i FSHF-së, Armand Duka, nuk është përgjigjur në telefon, edhe pse gazeta "Sporti shqiptar" ka bërë disa tentativa. Shefi i sektorit të ekipeve kombëtare, Besnik Çela, i kontaktuar dje nga gazeta, nuk është se ka thënë shumë. Pyetjes se cilët nga lojtarë nuk e kanë marrë dot vizën, Çela nuk i ka dhënë ndonjë përgjigje të saktë. "Nuk di gjë, nuk di gjë për asnjë. Unë dhashë intervistën dhe ika. Për lojtarët nuk di gjë. As për një anulim të turneut nuk di asgjë." Kaq ka thënë dje shefi i sektorit të ekipeve kombëtare, Besnik Çela. Ndërkohë, sekretari Bici nuk e ka hapur telefonin. I vetmi pas shumë përpjekjesh që ka pranuar të flasë ka qenë zëdhënësi i shtypit i FSHF-së, Lysien Nurishmi. Ky i fundit ka konfirmuar se 5-6 lojtarë nuk i kanë marrë vizat në Ambasadën Amerikane. Çuditërisht, edhe zëdhënësi i shtypit nuk ka pranuar të thotë asnjë emër, me pretekstin se nuk dinte gjë.
Turneu, i dështuar në këto momente
Turneu i Amerikës, në të cilin do të merrte pjesë kombëtarja "e sajuar" shqiptare, duket se nuk do të zhvillohet. Kjo sepse në këtë moment që flasim kuqezinjtë e Brigelit nuk mund të udhëtojnë drejt Amerikës. Faktikisht, skuadra jonë është minus 6 lojtarë dhe duke futur edhe dinamovitët, numri i tyre shkon në 14 lojtarë, pra jo të mjaftueshëm. Dje, në dyert e federatës, për të marrë vizën mësohet se nuk janë paraqitur as Amarildo Belisha dhe Admir Teli, të cilët janë grumbulluar me Elbasanin në Pogradec dhe janë shprehur se nuk do të grumbullohen me ekipin kombëtar. Ndërkohë, dje janë hapur fjalë se turneu i Amerikës është anuluar. Këtë gjë nuk e ka pranuar zëdhënësi i shtypit në FSHF. Sipas tij, ka akoma shpresa që të merren vizat nga këta lojtarë. Gjithsesi, vetë zyra e shtypit në federatë ka pohuar se në këtë moment që flasim turneu me kaq lojtarët nuk mund të zhvillohet dhe mund të konsiderohet i dështuar
Qahuni nga Evropa qe ka pranuar mbi 1 milion e ca shqiptar ne gjirin e saj dhe mbroni Ameriken qe mer nga 100 dollare ne dite per mbi 100 persona e jep vetem 10 viza maksimumi ne dite!
