Bektashizmi dhe Shqiperia

[arun]

Re: Bektashizmi dhe Shqiperia

Lufta e Qerbelase eshte nje nga ngjarjet me te dhimbshme ne te gjithe HISTORINE e Islamit.Prandaj kujtimi i saj qendron gjithmone i gjalle ne mendjet e besimtareve Myslimane dhe sidomos te atyre Bektashiane.
Pa cila eshte kjo ngjarje dhe cilet jane personazhet e saj.
Iamam Hyjseni,i biri i Imam Aliut dhe nipi i Profetit Muhamet (AS) eshte deshmori kryesor i Qerbelase.
Kjo ngjarje ka ndodhur ne dhjete ditet e para te Henes Muharem,ne vitin 63 te Hixhretit (Kalendari Islam).
Familja e Ehli-Bejtit1) e kryesuar nga Imam Hyjseni2) rethohet ne fushen e Qerbelase ne rugen per te shkuar ne Qofe nga ushtria e Jezidit te birit te Mavijese.
Jezidi,i cili kishte hipur ne fronin e Halifit ne Sham filloi te zgjeronte influencen ne te gjithe vendet arabe me ane te forces dhe intriges.
Njeriu qe u perpoq per te ndalur doren gjakatare te Jezidit ishte Imam Hyjseni,dhe vrasja e Imamit ishte e vetmja rugezgjidhje per Jezidin.
Kur Imam Hyjseni u rethua ne Qerbela mesohet se qindra dashamires i shkuan ne ndihme por ky nuk i mbajti.Me te mbeten vete 72 veta.
Lufta e Qerbelase u be ne muajin Gusht te vitit 680 Pas Krishtit.
Megjithese Ushtria e Jezidit numeronte disa mijera Imam Hyjseni nuk pranoi
te njihte si Kalif Jezidin,sepse Jezidi njihej nje nje njeri jo i afte per ate post dhe si nje njeri i dhunshem.
Ushtria e Jezidit u ndaloi njerezve te Imam Hyjsenit te shkonin te pinin uje ne lumin Eufrat duke i lene pa uje per dhjete dite me radhe.
Ne krye te dites se dhjete filluan luftimet ne te cilat gjeten vdekjen Imam Hyjseni dhe besniket e Tij,por qe ne zemrat e Besimtareve gjeten pavdekesine.
Poeti yne Naim Frasheri na sjell disa vargje prekese per kete tragjedi:




Engjell qe mu qase prane
nga i madhi Zot
Pse me refen Qerbelane
a do te derth lot
O moj fush e Qerbelase
qe me ri ne sy
Plot me gjak te Ali-Abase
Valle c'esht Ai
C'eshte Ai qe shkon kaluar
iken si veri
Me dy tri foshnja ne duar
Eshte Abas-Ali
Shpie foshnjate per uje
se s'durojne dote
I ka mare etja shume
Edhe qajn me lot...
...........................
Frat o more lum i shkrete
mos kendo po qaj
Drth lot e renko per jete
mos qesh pasketaj
Se Hysejn e Fatimese
e faren e Tij
i vrau komb i pa-bese
Kombi faqezi
Hyseni desh njerezine
e per te u vra
per te shpetuar njerine
ra ne Qerbela....
Imamet te dymbedhjete
nga der e Aliut
Hoqn e vuane nde jete
per nder te Njeriut!
Ngjarja qe u treguam me larte quhet ndryshe Matem,qe ne Persisht do te thote Zi.Kjo ngjarje perkujtohet me dhimbje ne Teqete Bektashiane sepse Bektashinjte i kane zene bese fjales se Profetit Muhamet AS. kur foli per besnikerine qe besimtaret Myslimane duhet te kene karshi familjes Porfetike (Ehli-Bejtit).Zija zgjat dhjete dite dhe shoqerohet me mos pirje te ujit dhe
nuk lejohet te derdhet gjak (therje kafshesh).Ne keto dhjete dite nuk kujtohet vetem Imam
Hyseni,por te gjithe Profetet qe nga Ademi AS. e deri tek Krishti AS. e Muhameti AS.
Gjithashtu kujtohet edhe Imam Hasani,i vellai i Imam Hysenit qe u helmua nga Mavijeja,i ati i Jezidit.Kujtohen edhe deshmoret e Islamit qe u vrane neper luftrat qe beri profeti per te ruajtur Besimin.
Kur mer fund matemi,atehere ne Teqe fillon pergatitja e Hashurese.Embelsira e permotshme
qe behet me grure,sepse gruri eshte lenda e jetes (bukes) cka do te thote se jeta vazhdon.


1) Ehli Bejti eshte familja e Profetit Muhamet AS. Aliu,Fatimeja,Hasani e Hysejni...

2)Imam Hysejni,eshte i biri i Aliut qe lindi nga martesa me Fatimene te bijen e Profetit AS.
Thuhet se Aliu i kishte treguar Imam Hysejni per fushen e Qerbelase si fusha e belase,prandaj Imam Hysejni e priti fatin atje
Ngjarja e Qerbelase,apo sic njihet Matemi

 

[arun]

Re: Bektashizmi dhe Shqiperia

Baba Rexhepi nga gjirokastra

lindi ne qytetin e Gjirokastres ne lagjen Dunavat ne muajin tetor te vitit 1901.Ishte i biri i mulla Refat Beqirit dhe i Sabries,motres se Baba Selim Elbasanit dhe e mbesa e Baba Aliut.Baba Rexhepi u rrit ne Teqene e Zallit ne Gjirokaster prane Baba Aliut dhe baba Selimit.Pasi mbaroi shkollen pilotore dhe Liceun e qytetit shkelqyeshem ariti te mesonte mire gjuhet Italiane dhe Frenge.
Nga mesuesi ti Tij personal,Mulla Rakipi,ariti te mesonte tre gjuhet Klasike Islame qe ishin Persishtja,Arabishtja dhe Turqishtja.
Duke jetuar ne Teqene e Zallit,Ai mori edhe nga Baba Selimi mesimet e para reth Misticizmes Islame duke thelluar studimin e Tij reth Mesimeve Kuranore dhe Fjaleve te profetit.

Si u kompletua me kete kulture te gjere Fetare djaloshi Rexhep Beqiri dorezohet Dervish ne nje ceremoni te posacme ne Teqene e Asim Babait ose e quajtur ndryshe Teqeja e zallit.
Atdhetari Gjirokastrit,Avokat e gjykates i shquar ne kete qytet,zoti Vangjel Koco shkruante ne gazeten "Demokracia" "...Teqeja e Zallit po pergatit me kujdes e dituri dhe kulture te gjere nje dervish te ri,shprese per Memedhetaret e Memedhene.Ai eshte Dervish Rexhepi"
Dervish Rexhepi mori pjese ne Kongresin Bektashian qe u zhvillua ne Teqene e Sulejmanit ne vitin 1926 ,ne organizimin e Kongresit Bektashian qe u mbajt ne Teqene e Turanit ne Korce ne 1929.
Ishte anetar i stafit qe krijoi statutin themeltar Bektashian si edhe sekretar i Kongresit perpkrah kryetarit Baba Kamber Prishtes.
Dervish Rexhepi u brumos me atdhedashuri nga Rilidasit e medhenj Baba Aliu,pjestar i mbledhjes se Kuvendit te Gjirokastres ne vitin 1880 si edhe nga Baba Selimi,perhapesi i librave Shqip ne Shqiperine e Jugut dhe mbeshtetesi i Kuvendit te Vlores per Pavarsi.
Dervishi priti me urrejtje pushtimin fashist dhe pas vitit 1940 kur u zhvillua levizja clirimtare pa shenja e ideologji ai u be nje nga mbeshtetisit me te flakte.Kur te clirohej vendi te krijohej nje qeveri e zgjedhur nga populli shqiptar qe te vednoste nje demokraci te vertete.Keto parime demokratike te Dervish Rexhepit ndeshen ne kundershtimin e Partise Komuniste.Ne vitin 1943 denohet ne mungese nga komunistet me vdekje,cka e detyron Dervish Rexhepin te largohet per ne Tirane tek e motra e Tij,Fatime Sinoimeri.Perjetoi me dhimbje vellavrasjen e shkatuar nga komunsitet dhe emisaret e tyre Jugosllave dhe duke pare se edhe Ai vete ishte ne rezik per jeten largohet ne fundin e Nentorit te vitit 1944 me nje grup atdhetaresh ne drejtim te Italise.Se bashku me atdhetarin Mithat Frasheri vendoset ne Bari te Italise ne zonen qe kontrollohej nga forcat Aleate Anglo-Amerikane.
Ne vitin 1948 Ai largohet ne Egjypt ku vendoset ne Teqene e Kajgusez Sulltanit prane Kajros ku qendron kater vjete.Ne vitin 1952 emigron ne Shtetet e Bashkuara te Amerikes dhe jeton ne shtepine e te motres se Tij,zonjes Zejnepe Cuci.
Pas disa takimeve me memedhetaret Shqiptare anembane Amerikes dhe me ndihmen e Atdhetarit te madh,Fan S.Noli Dervish Rexhepi themelon ne Detroit te shtetit te Michiganit Teqene e pare Bektashiane ne Shtetet e Bashkuara te Amerikes.Kjo Teqe i celi dyert e Saj ne 14 maj te vitit 1954.Po ate vit Dervish rexhepit i jepet grada Baba me dekret te Baba Siriut te Kajros ku Ai kishte sherbyer si Dervish.
Pak me vone Baba Rexhepi filloi te botoje revisten "Zeri i Bektashizmit" dhe ne vitin 1970 boton vepren e Tij "Misticizma Islame dhe Bektashizma" nje veper e gjalle qe flet per Islamin dhe rugen e Haxhi Bektashit.
Hapja e Teqese Bektashiane ne Shtetet e Bashkuara ishte nje pune atdhetare e Baba Rexhepit sepse Ai e vazhdoi me nder rugen e Teqeve te tjera Bektashiane te Shqiperise qe u bene "fole te Shqiptarizmes".
Z.Chris Lepon,nje i krishtere qe nuk e kurseu ndihmen e Tij perk kete qellim deklaroi "...Jam teper i gezuar qe ne Amerike,krahas me Kishen dhe Xhamine u ngeh edhe Teqeja e Bektashinjve.Teqete ne Shqiperi kane lozur nje rol me rendesi ne perpjekjet kombetare per liri e pamvarsi.Shpresoj se te njetin rol do te loze edhe Teqeja jone."
E ky mendim nuk i zhgenjeu te gjithe Ata qe e shikonin Teqene si nje "memedhe te vogel".
I detyruar te jetoi me te shumten e Jetes se Tij ne mergim Baba Rexhepi
nderoi jete ne 10 gusht te vitit 1995 ne Teqene qe ngriti me duart e Tij.Trupi i Tij prehet ne Tyrbene qe ndodhet po ne kete teqe.U percoll me lote e dhimbje nga qindra shqiptare e miqte e Tij amerikane.

Me poshte eshte mesazhi i Baba Rexhepit i derguar te gjithe besimtareve Bektashiane me rastin e Nje-vjetorit te rihapjes se Teqese se Zallit.
"Te dashurit e mi,popull i Gjirokastres,Lazaratit,Libohoves,Nepravishtes... e te gjithe viseve qe tash per tash nuk jua mbaj mend emrat.Ky eshte Babai qe po ju flet,Babai
qe e adhuronit dhe ju adhuronte,Babai qe ju donte dhe e donit,Babai qe ju respektonte dhe e respektonit,Babai ju ju lut'te cdo te mire,Babai qe ju lutet ne te miren Tuaj e te Kombit.
E di,qe ne kete menyre nuk mund ta heqim dashurine tone pse jemi se largu,por kjo ndodh pse une jam ne nje moshe te kaluar,qe nuk mund te realizoj ate qe dashuroj.Nuk mund te vij dot e tju shikoj e te me shihni,prandaj po ju flas sot per se largu dhe shpresoj ne te ardhmen Zoti na e ben bare e shihemi te qajme hallet e dertet tona ashtu sic i kemi qare gjithe jeten.Mos harroni teqene e Zallit,mos harroni Teqene tuja,qe kurdohere e keni dashur dhe ju ka dashur,qe kurdohere e keni afruar dhe ju ka afruar.Ajo eshte Teqeja Juaj,qe ju di te miren tuaj,ne te miren e shoqerise,ne te miren e njerezimit,ne te miren e botes e te kombit tone.
Teqeja eshte ajo qe do t'ju udhezoje ashtu sic ju ka udhezuar,do tu rrefeje udhen e drejte,ashtu sic ua ka treguar gjithe jeten qe keshtu ne kete menyre te shkoni perpara,te jeni te vlefshem per veten tuaj,familjen tuaj,per njerezimin,per popullin tone per atdheun dhe te gjithe boten Shqiptare,ashtu sic duhet kurdohere.Kjo eshte pra te dashurit e mij keshilla e Babait,te cilen soto per sot po jua them per se largu,per arsye se jemi ples e nuk mund te gjej e t'ju shoh e te me shihni.
Por kjo sdo te me thene se u vendos me kaq.Mund qe te vije edhe nje kohe e te permirsohem me mire e te vij e tu vizitoj nje here,te nxjerim mallin qe kemi patur atehere,te nxjerrim dashurine tone qe kemi patur e te me shihni e tju shikoj.
Pra rrini te qete,kerkoni sic thashe ne te miren e njerezimit,ne te miren tuaj e te Kombit Shqiptar.Lamtumire te dashurit e Mij,Mirupafshim njehere tjeter."
="

 

[arun]

Re: Bektashizmi dhe Shqiperia

HIRESIA TIJ BABA REXHEPI GJIROKASTRES

Author: Nga Mergim Korcha

Mbas një periudhe thuaj se gjysëm shekullore gjatë së cilës përkushtimi ndaj Atdheut u quajt krim, virtyti faj dhe erudicioni shkak dënimi, më në fund dita e zëvëndësoi makthin e asaj nate të tejzgjatur komuniste ! Në ktë kontekst, dekreti Presidencial i nënshkruar nga Prof.Dr. Sali Berisha me anën e të cilit i akordohet Hirësisë Tij Baba Rexheb-it titulli i lartë : NDERI I KOMBIT
rektifikoi pozicionin dhe e vendosi figurën e të ndjerit Baba Rexheb-it në altarin e njerëzve më të shquar të Kombit tonë së bashku me laureaten tjetër të këtij titulli, Nënë Terezën, Shqiptaren e Kalkutës !
Tani e tutje, falë këij Dekreti Presidencial, Baba Rexheb-i nuk do të jetë më "tradhë- tar i popullit dhe kriminel që i ka duart e lyera me gjakun e popullit", por do të njihet ashtu siç ishte, vërtet një shënjtor i gjallë ! Sado që të mundohem, nuk e besoj se do të mund ta sintetizonja më mirë Baba Rexheb-in, nga c'e ka bërë Hirësija Tij, Arbëreshi At Bellusci duke e portretizuar kështu :" ... në bisedat me të shihnje se kishe të bënje me një plak erudit nga goja e të cilit dilnin vetëm fjalë t' ëmbla të një shenjtori që ftonte për dashuri dhe vllazrim në mes njerëzve, fjalë mëshire dhe bujarie ..." !
Mendoj tani se Dekreti Presidencial, i mbështetur edhe nga pohimi i At Bellusci-t, flasin në mënyrë bindëse dhe venë në dukje tendenciozitetin e paprincip me të cilin e ngarkuan me epitete të pathemelta Baba Rexheb-in armiqt'e ç'do patrioti dhe intelektuali të ndershëm, "kalemxhinjët dhe fallsifikatorët e historisë", komunistët e Enverit !
Për Baba Rexheb-in, ndërmjet të tjerëve, edhe unë kam shkruar për shtypin, si në Shqipëri edhe në diasporë. Shkrimet kanë qënë përqëndruar kryesisht të vinin në dukje vlerat e Baba Rexheb-it. Por tani, me ktë Dekret Presidencial, mendoj se i erdhi koha që të traj- tohet nga një këndvështrim më i gjerë figura e Tij Madhore duke shikuar konkretisht përse vlerat si edhe virtytet e Tija binin ndesh me luftën që komunistët u bënin gjithë njerëzve të ndershëm si edhe intelektualëve të shquar. Nje tjetër profil i Baba Rexheb-it :
E kam parasysh si tani atë buzëqeshjen e hollë të Babait tek më shikonte me ata syt'e Tij të ëmbël dhe me thosh gjithe shpoti' " ... e more bir, ja që kini të bëni me një tradhëtar që i ka të lyera duart me gjakun e popullit !" Por me kalimin e kohës e vinja re se Babai e persë- riste jo rrallë ktë "pohim". E kuptova atëbotë se Babanë e mundonin kta epitete të rreme që i kishin atribuar komunistët e Tiranës. Gjith'ashtu e kuptova, dorë pas dore, se inati i komunis- tëve e kishte burimin në tre faktorë :
Së pari, se Babai ishte atdhetar i skajshëm. Së dyti, se qe mishërimi i virtytshmërisë. Së treti, se kish një erudicion të pa anë e të pa fund. Lidhur me patriotizmin e Tij mendoj se, pa asnjë egzagjerim, mund ta konsiderojmë një "etallon" në ktë fushë që nga rinia e tij e herëshme e deri në ditën që u nda nga jeta toksore. Më 1920, së bashku me Murshidin e Tij, ( udhëheqësin shpirtror ), Baba Selimin, i dërguan ktë telegram Qazim Koculit*, strategut të Luftës Vlorës që I hodhi italianët në det : " Shpirtrisht jemi me ju. Po na deshët edhe fizikisht, brënda një të ngrysure dielli edhe një lindjeje të tij, na kini në Kotë !"
Gati një çerek shekulli më vonë, tashmë i formuar plotësisht si karakter, Baba Rexhebi propagandon i palodhur, skaj më skaj Qarkut Gjirokastrës, për ndalimin e luftës vëllavrasëse nxitur nga partia komuniste, vegël e verbër e politikës sllave si edhe që populli të mos gabo- hej nga propaganda " nacional clirimtare " e Bedri Spahiut me Shemsi Totozanin që çuan në masakrën e Gërhotit. Aktiviteti i palodhur i Baba Rexheb-it me fjalën e Tij të ëmbël dhe bin- dëse, bëri të mundur që besimi fetar dhe mëshira religioze ti kundërviheshin propagandës së Bedri Spahiut me shokë që nxisnin për gjak ! Me gjith'atë ajo qe një periudhë gjatë së cilës për shkak edhe të rrethanave, nuk kishte as Baba Rexheb e as patriotë tjerë të shquar që të mund të shërbenin si busullë për ta ndaluar zhvillimin e ngjarjeve që sot, për të gjithë është tashmë histori !
Mendoj të ndalemi tani këtu dhe seicili të meditojë dhe të nxjerrë mësim nga virtyti dhe humanizni i Baba Rexheb-it : Gjatë njërit prej udhëtimeve të mija në Shqipëri, rastisi që u botua një shkrim "autokritik" i Bedri Spahiut. Pa hyrë në diskutime li- dhur me pikpamjen time rreth shkrimit, gjë që do na nxirrte jashtë teme, po përshkruaj ve- tëm faktet. Vajta në Teqe tek Babai dhe pasi biseduam pak rreth gjërave të përgjithëshme e të përditëshme, nxora nga xhepi dhe i tregova shkrimin e B.Spahiut. M'u lut që t'ja lexonja. Më ndiqte me vëmëndje të jashtëzakonëshme. Kur mbarova së lexuari, Babai kishte rënë në mendime të thella. E lashë deri sa ... u kujtua vetë. "Dëgjo bir", më tha, "gjatë gjithë je- tës jam lutur per Bedrinë, (Spahiun), me që ay ka shumë nevojë ti lutemi Zotit për të se ka shumë, shumë, krime e gjynahe për të larë. Kur vjen pleqërija, normalisht edhe njerëzit më ateistë fillojn'e besojnë. Me Bedrinë më vika edhe më keq se shoh që edhe në pleqërin'e tij të thellë, ay prap se prap gënjen dhe i transformon ngjarjet e prandaj e shoh se ay e paska akoma më shumë nevojën e lutjeve të mija ... " Me kaq, Babai "e mbylli " kapitullin "Bedri" dhe vazhduam muhabete të tjera. Në ktë çast un'e kuptova njerin prej mësimeve të Babait që dëgjuar e kisha në mënyre të përsëritur, por " bluar " nuk e paskam patur fare : Sa he- rë na e kishte thëne dhe përsëritur Babai se " ... lutjen ndaj Zotit t'onë e kemi për detyrë dhe unë nuk ka çast që të jem'i lirë e të mos ta shfrytëzoj për tu lutur. Por duhet dini se për ju, njerëzit e mij të mirë unë lutem shumë pak, në qoftë se krahasoni lutjet për ju me ato që bëj për njerëzit e këqinj e aq më shumë për ata që më kanë bërë keq. E sa më keq të më kenë bërë, aq më shumë lutem për shpirtin e tyre që t'ja u shpëtojë Zoti I Math. Kjo sepse njerëzit e mirë i ka vetë I Madhi Zot në konsideratë e kështu për ata mjaftojnë më pak lutje ...!"
Për sa u takon besimeve fetare, Babai kishte një vizion filozofik shumë të gjerë. Mund thuhet me plot gojën se Ay ishte një ekumenist i math. Ay përsëriste shpesh se që ti avite- mi Zotit duhet pa tjetër të ngrihemi mbi mjegullat tokësore, ta vazhdojmë ngritjen edhe mbi ret'e atmosferës dhe vetëm atëhere mund ta shohin të shtrirë para syve t'onë rrugën e ndri- çuar nga Zoti i vetëm i gjithësisë ! Ky mësim i Tij na e ndriçon plotësisht figurën e tij si një ekumenist i math ku motua Tij ishte : të gjithë monoteistët të njajtin Zot kanë !
Një ditë duke biseduar me Babanë rreth mistikës në përgjithësi, si edhe rreth asaj Isla- mes në veçanti, kur u fut në terrenin'e tij të preferuar që ishte Bektashizma, më shikoi the- llë në sy dhe tha : " Mbase të duket e egzagjeruar që unë rrij e rrij dhe papushim them se njeriu kryesisht duhet ta luftojë egoizmën e tij. E beson ti se ajo është si një mal i lartë që e kemi përpara syve, ndërsa Zoti është prapa këtij mali ! Po nuk e zhdukëm dot pengesën, nuk e shohim dot kurrë Zotin e Math !"
Deri tani u bindem katerciperisht se Babai "e kishte mbushur kupen" per ta quaj- tur kriminel dhe tradhetar, (duke qene atdhetar i perkushtuar). Nga ana tjeter ishte "e kjar- te si drita e diellit" fajesia e Baba Rexheb-it, (si njeri me virtyteshmeri te larte). E tani e kemi akoma me te lehte detyren qe te percaktojme se si kishte shume e shume aresye per ta bere Baba Rexheb-in te perzgjedhur per tu denuar !
Erudicioni i math që kishte Baba Rexheb-i ishte si një minierë diamantesh e cila në pamje të parë tregon vetëm grykën e saj të hyrjes. Duhet futesh në galerit'e saja, thellë e më thellë, me "profesionalizëm", që ajo të shpalosë përpara syve të gjitha xhevahiret e çmu- ara që përmban ! E theksova kalimin "me profesionalizëm", sepse jam i bindur që edhe pa- ra syve të mij Baba Rexheb-i ka shpalosur aq erudicion sa për të mos më fyer mua nga ana e përgatitjes kulturore. E ktë e kuptoj tani, duke i kujtuar në mënyrë retrospektive të gji- tha bisedat që bënim me Babanë, gjatë të cilave zinte në gojë një nga shumë maximat e të Madhit Haxhi Bektash Veliu, që thotë : " Para të paditurit kurrë mos u trego i ditur se është si ti paraqitesh të pangrënit i ngrënë !" Gjatë një bisede me Babanë një ditë, se si m'u mbush mëndja dhe e pyeta : " ... sot që zotrote i kalove të 90-tat, a mund të më bësh një krahasim lidhur me livelin e dijeve që ke zotrote sot me horizontin që kishte Baba Selimi, (udhëheqësi shpirtror dhe njëkohësisht dajiu i Baba Rexhebit), në kohën që u ndave prej Tij në fundin e vitit 1944 ?" Baba Rexheb-i buzëqeshi, më shikoi thellë në sy dhe m'u përgjigj : " As që mund krahasohet liveli i dijeve të mija me të Baba Selimit, more bir". Insistova së rishmi duke the- ksuar që Babai ta linte më një anë modestinë e të më fliste sikur fliste për një person të tretë. Kur ay e pa se unë isha i vendosur "t'i a gjenja fundin muhabetit", u mendua thellë e filloi të flasë qetë, qetë "... që të bindesh ti se për sa i takon livelit të dijeve Baba Selimi qëndronte shumë më lart se sa unë sot, do të arsyetojmë bashkë : Baba Selimi e njihte persishten shu- më më me themel se sa e njoh unë. Edhe turqishten, si atë osmanen e gjith'ashtu modernen, i njihte më thellë se unë. Arabishten, gjith'ashtu, ay e përkthente me të gjitha finesat e saja. A të mbushet tani mëndja more bir se Baba Selimi i kishte më të përsosur të gjithë çelësat për ti hapur dyert e ndryshëme të mistikës bektashjane ?! Prandaj, tani duhet ta vazhdoj bisedën duke e shtrirë edhe duke e perifrazuar, dishka. Sipas mistikës bektashjane, gjëja më e madhe nga ç'do gjë janë Dija dhe Butësija. Me dije dhe njohuri gjen rrugën e Zotit. Me butësi duron vuajtjet nga turma ! E tani nuk ësht'e vështire të kuptosh se sa më i pajisur që të jesh me dije dhe njohuri, aq më kollaj e ke ta gjesh rrugën e Zotit ! Prandaj Baba Selimi i kishte shumë më të përsosura mjetet për ta gjetur ktë rrugë !" Atëhere i thirra mëndjes dhe kuptova se sa të gjerë dhe të thellë e kishin erudicionin e tyre mistik këta dy mjeshtra të mistikës bektashjane !
Për ti dhënë fund edhe këtij profili të ri të Baba Rexheb-it trajtuar në ktë shkrim, nuk mun- dem ta kaloj në heshtje edhe një fakt : Pa patur ndërmënd ktë herë ta trajtoj figurën e Ramiz Alisë, dua vetëm të kujtoj se me rastin e vdekjes Shefqet Peçit, ay u shpreh për figurën e Baba Rexheb-it me po atë mllef siç e kishte trajtuar për gati gjysëm shekulli propaganda gënjeshtare komuniste, ( që ay vetë e drejtonte ). Nisur nga fakti se propaganda është propagandë kurse faktet janë fakte, ftoj lexonjësit e ktyre rradhëve të gjykojnë vetë rreth figurës me përmasa fizike të imëta të Baba Rexheb-it, por kollos për sa i përket vlerave morale e atdhetare të tija ! Ndërsa për Ramiz Alinë do të thonja se, mbi gjysëm shekulli të shkuar, i influencuar nga disfata që shoqëronte Bedri Spahinë, (shokun e tij të armëve - lexo të krimeve), kur ky i fundit ba- llafaqohej me personalitetin e Baba Rexheb-it, ishte e natyrëshme që Ramizi të mbante ison e "Vishinskit" të ardhëshëm të gjyqeve speciale. Por të vazhduarët me shpifje edhe mbas gjysëm shekulli nuk ka shpjegim tjetër veç se me thënjen latine :
Errare humanum est sed perseverare diabolicum, (Të gabosh është njerëzore por insistimi në gabim është djallëzor). Me gjith'atë edhe Ramizi mirë bën që vjell vrer për Baba Rexheb-in, se ky i fundit, ashtu si bënte për Bedrinë, do të jetë lutur edhe për Ramizin !

* Qazim Koculi - Mbaruar Shkollën e Lartë të Admiraliatit në Stamboll. Gjatë Luftës Vlorës më 1920, qe strateg dhe udhëheqës ushtarak i palës shqiptare. Mussolini kurrë nuk e harroi ktë fakt dhe mbas 23 vjetësh ngarkoi vrasës gjakftohtë-profesionistë të cilët i bënë atentat edhe e vranë ktë patriot të shquar.