Re: Bashkia e Himares kerkon pavaresine!!!!!!!!!
Partia Republikane dhe Sabri Godo reagojne:
“Mendoj se ashtu si kam thënë edhe 6 muaj më parë, Berisha duhet ta pushojë këtë kryetar bashkie dhe njerëz të tillë që punojnë për copëtimin e vendit. Këta njerëz nuk kanë vend në administratën tonë. Këta duhet të shikohen si elementë që kanë vënë të gjithë fuqinë e tyre për të dëmtuar marrëdhëniet greko-shqiptare”, u shpreh Godo. Sipas kandidatit për president të PR-së, në pamje të parë kjo deklaratë mund të merret si një deklaratë e papërgjegjshme, por ai tha se ajo kjo mund të jetë e lidhur me vendimin e fundit të qeverisë greke për të regjistruar qytetarët për t’u dhënë atyre kombësi greke. “Në vështrim të parë mund të merret si deklarata e një njeriu të papërgjegjshëm, i cili prej kohe prej kohe e ka manifestuar një ide të tillë për të punuar për aneksimin e Himarës. Por nëse e shohim në kontekstin e një veprimtarie më të gjerë të bërë nga burime greke, si regjistrimi i qytetareve për t’i dhënë shtetësinë greke, mund të supozohet se Bollano i shërben planeve më të gjera”, vijoi më tej Godo. Në fund, ai theksoi se pala shqiptare duhet të bisedojë me atë greke për këtë çështje, por kjo nuk mund të pengojë palën shqiptare që të penalizojë të gjithë ata që kryejnë veprimtari anti-kushtetuese. “Mendoj se ka vend të bisedohet me palën greke, por kjo nuk duhet të ndalojë qeverinë tonë për të penalizuar njerëz që kryejnë veprimtari antikushtetuese dhe që kanë të bëjnë me tërësinë territoriale”, u shpreh Godo.
