Banka e kursimeve -- Raiffeisen Bank pronari i saj?

[anduela]

Re: Banka e kursimeve -- Raiffeisen Bank pronari i saj?

Qeveria shpall fitues te BK banken "Raiffeisen"
Banka austriake, "Raiffeisen" eshte shpallur pronare e Bankes se Kursimeve nga Keshilli i Ministrave gjate mbledhjes se djeshme. Banka shitet pa dividentin e 2003 i cili eshte 2,5 miliarde leke. Nano: Banka austriake garanci e sigurte per integrimin e sistemit bankar ne ate nderkombetar

Blerina Hoxha

Keshilli i Ministrave ka miratuar si fitues te gares per privatizimin e Bankes se Kursimeve, banken austriake "Raiffeisen", dje gjate nje mbledhje te posacme per kete qellim. Me kete vendim zyrtarizohet privatizimi i bankes me te madhe te nivelit te dyte ne vend ndaj nje investitori prej Europes Perendimore. Sakaq, Ministri i Financave, Kastriot Islami pak ore pas Vendimit te Keshillit te Ministrave ka shpjeguar ne nje konference per shtyp vlerat monetare qe ka perfituar buxheti nga privatizimi i bankes. Sipas tij, banka eshte shitur pa dividentin e ketij viti, cka do te thote se, ne buxhetin e shtetit do te arketohen edhe 2,5 miliarde leke ose me shume se 20 milione dollare te llogaritura si fitim ketij viti. Ky kusht ishte i percaktuar ne kontraten e shitjes dhe bankat pretendente per blerjen e BK kane qene te ndergjegjshme per te pervetesuar banken pa fitimin vjetor. Ne kete situate Ministria e Financave pretendon se ka realizuar nje tender shitjeje te suksesshem, pasi vlera monetare e perfituar eshte me e larte se vlera e tregut. Vlera kontabel e Bankes se Kursimeve e vleresuar nga kompanite e auditimit KPMG dhe Deloite & Touche ka rezultuar rreth 4,6 miliarde leke, ndersa vlera e tregut eshte vlersuar ne kuoten minimale 8 milione dollare dhe ne ate maksimale 11 milione dollare. Nderkohe qe nje pjese e suksesit i faturohet investitorit serioz qe do te menaxhoje depozitat e qytetareve ne te ardhmen, "Raiffeisen"-it si nje nder perbereset e rrjeteve bankare me te medhaja ne bote. Kur Banka e Kursimeve ishte ne proces shitjeje, ekperte te ekonomise jane shprehur "kush blen Banken e Kursimeve blen ekonomine shqiptare". Kjo per faktin se ajo eshte banka me e madhe e nivelit te dyte ne vend me 63 per qind te dominaces ne tregun bankar, me zoterimin e 80 per qind te blerjes se bonove te thesarit, me shtrirjen gjeografike me te madhe ne vend, me numrin me te madh te klienteve dhe te aseteve gjithashtu. Banka e Kursimeve dikton politikat monetare ne vend dhe shitja e saj kundrejt nje investitori serioz, pritet qe pervec rritjes se cilesise se sherbimeve te sjelle edhe nje konkurence ne treg qe pritet te reflektohet ne uljen e kostove e sidomos per interesat e kredive. Drejtori i Pergjithshem i "Raiffeisen" eshte shprehur se prioritet i bankes se tij sidomos ne deget ne vendet ne zhvillim eshte kreditimi i biznesit te vogel dhe te mesem. Ghithashtu ai ka garantuar se, prania e "Raiffeisen" eshte nje garanci me shume per sjelljen e investitoreve nga Europa Perendimore. Po keshtu Banka e Kursimeve do te integrohet ne rrjetet me te fuqishme bankare ne bote.