Re: A besoni tek futja e Shqiperise ne BE. Nese po c'te mira mund te sjelle?
E shoh se nuk e kemi lehtë ta kuptojmë njëri tjetrin,megjithëse shqiptar jemi dhe synojmë hyrjen në UE (BE). Se kur do bëhet kjo mbetet një ?
Unë shpreha vetëm një ide se cili emër do të ishte më mirë të përdorej, UE apo BE. Por asnjëherë nuk thash e as që kërkova (!) që nga ky çast shqiptarët duhet ta përdorin fjalën sipas idesë sime. Por të përpiqesh të ushtrosh një far "pushteti" ndaj një personi tjetër se "unë jam ai i dituri" e "ti je ai i padituri" na sjell në situatat e debateve të parlamentit shqiptar, ku edhe kryeministri jo rrallë me celular të hapur del në foltore etj.etj që të mos hyj më gjatë.
Ka ndodhur që disa herë të njejtat gazeta shqiptare në të njetin numër ditor kanë përdorur në një rast emërtimin BE e pak më vonë UE. I njejti politikan, thotë në TV në një rast UE e në një rast tjetër BE.
Por, është shumë e vërtetë se shumica i thotë BE dhe deshtëm apo s´deshtëm tash kështu ka mbetur dhe për hajr na qoftë.
Sidoqoftë, e ka thënë dikush në mos Shekspiri: drandofilës thuaj si të duash asaj era drandofil i vie!.
E rëndësishme duhet të jetë përmbajtja, ne në Kosovë i themi "pitja do harç". Pa harç s´ka pite të mirë. E harçi i UE (BE) do të jetë ndërgjegjësimi i klasës politike shqiptare për nevojën e anëtarsimit të Shqipërisë në Europë. Që këtë mos ta thonë vetëm sa për të përfituar simpati ndër zgjedhës për të fituar vota por vërtetë të angazhohen e të mos detyrohen për angazhime të këtilla nga europianët. Që të bëhen reformat e paralajmëruara në sistemin juridik, administrativ, në ekonomi e ku do që duhet bërë. Shqiptarët edhe sot e kësaj dite nuk mund të lëvizin lirisht në Europë. Shqiptarët as sot e kësaj dite nuk mund të punojnë lirisht në Europë. Shqipëria nuk është vetëm Tiranë, megjithëse edhe kjo ka shumë për të bërë për tu bërë Europë.
Shqiptari i rëndomtë don ta dijë se cka fiton e cka humb po të hyjmë në UE. Kush tregoi deri sot për këto gjëra. Unë për veten time nuk e di se dikush u përpoq të thot thjesht diçka për këto gjëra bazë.
Po flas se kështu e ndjej dhe kështu logjikoj tani për tani. Se kur të shikosh Kosovën gjërat janë me të lanë mendt. Ne ende se kemi bërë shtetin e flasim për hyrje në UE. Madje politikanët kosovar me fjalën integrim evropian zgjohen, besa së pari bien në gjumë me atë fjalë e pastaj zgjohen. E mbrama me hajr thojnë pleqtë kosovar, e ndër ta më radhit edhe (Gigo-ja) mua. Por s´jam aq plak sa kujton ai. Besa s´jam plak fare por jam i ri dhe s´plakem kurrë!