Vetëvritet 11-vjeçarja besimtare

Vetëvritet 11-vjeçarja besimtare

Në foto: Vogëlushja Alda Cenaj, e vetëvrarë dje në shtëpinë e saj


FIER - Përballë këmbënguljes së prindërve për të hequr dorë nga parimet e misionit “Dëshmitarët e Jehovait”, një nxënëse në klasën e pestë i ka dhënë fund jetës duke u vetëvarur në tualetin e shtëpisë. Vetëm 11 vjeç, e mitura A. C, kishte rënë në kontakt me fletushkat që misionarët shpërndanin nëpër rrugët e Fierit. Vajza e mitur dukej se i lexonte me zell ato dhe shfaqte mendime ndaj tyre, por një gjë e tillë nuk është pranuar kurrsesi prej prindërve te saj.

 

[peson]

Re: Vetëvritet 11-vjeçarja besimtare

Fier, nxënësja e klasës së pestë u vetëvar pasi debatoi me prindërit për misionin që kishte përqafuar

<span style="font-weight: bold">Vetëvritet 11-vjeçarja besimtare</span>


FIER - Përballë këmbënguljes së prindërve për të hequr dorë nga parimet e misionit “Dëshmitarët e Jehovait”, një nxënëse në klasën e pestë i ka dhënë fund jetës duke u vetëvarur në tualetin e shtëpisë. Vetëm 11 vjeç, e mitura A. C, kishte rënë në kontakt me fletushkat që misionarët shpërndanin nëpër rrugët e Fierit. Vajza e mitur dukej se i lexonte me zell ato dhe shfaqte mendime ndaj tyre, por një gjë e tillë nuk është pranuar kurrsesi prej prindërit e saj. Sipas hetimeve të para të policisë lidhur me këtë ngjarje të pazakontë, prindërit e vajzës së mitur kanë thënë për uniformat blu se në mëngjesin e djeshëm ata kanë pasur një debat me të bijën vetëm 11 vjeç dhe më pas ka ndodhur dhe tragjedia.

Ngjarja
Ishte bërë gati për në shkollë por një debat me prindërit nuk e ka lënë atë të nisej edhe pse ora kishte shkuar 08:30. Tragjedia ka ndodhur rreth orës 08: 30 të ditës së djeshme, në lagjen “1 Maj”, të qytetit të Fierit. 11- vjeçarja, nxënëse në klasën e 5-të, është gjetur e pajetë në tualetin e shtëpisë. Sipas policisë që shkoi në vendngjarje, vajza e mitur i ka dhënë fund jetës me shallin e saj. Ishin prindërit ata që e gjetën të pajetë vajzën e tyre. Ata mësohet të kenë deklaruar për grupin hetimor se në mëngjesin e djeshëm kishin debatuar me të miturën dhe më pas ajo ka hyrë menjëherë në tualetin e shtëpisë. Ndërsa kanë vërejtur se vajza e tyre është vonuar shumë në tualet, prindërit e shqetësuar kanë shkuar tek dera dhe kanë trokitur, por nuk kanë marrë asnjë përgjigje. E kanë thirrur disa herë, por si përgjigje kanë marrë vetëm heshtjen. Siç mësohet të kenë thënë prindërit e vogëlushes për grupin hetimor, ajo që i ka trembur më shumë ata ka qenë një hije e zezë që depërtonte në xhamin e derës së banjës. Menjëherë ata kanë vendosur të thyejnë xhamin e derës së tualetit dhe janë llahtarisur kur e kanë parë vajzën e tyre të vetëvarur me një shall. Ata e kanë dërguar me urgjencë të miturën në spitalin e Fierit, që ndodhet vetëm 300 metra larg banesës së tyre. Por më kot pasi sipas mjekëve vajza kishte ndërruar jetë që në banesë.

Motivi
Ekspertët e kriminalistikës së komisariatit të policisë së Fierit kanë qenë të parët që kanë patur kontakte me familjarët e vajzës, në lidhje me rrethanat e kësaj tragjedie. Ata kanë pohuar se nga dëshmitë e prindërve vajza prej disa kohësh lexonte parimet e sektit fetar “Dëshmitarët e Jehovait”. Ata nuk e kanë përkrahur një gjë të tillë, pasi sipas tyre A. C, ishte shumë e vogël për të nisur një rrugë të tillë. Për këtë arsye, mëngjesin e djeshëm vajza kishte pasur një debat me prindërit të saj, të cilët i kanë kërkuar me këmbëngulje që të mos vazhdonte të përqafonte parimet e “Dëshmitarëve të Jehovait”. E ndodhur në kushte të rënda psikologjike dhe e shtyrë dhe nga reagimi prindërve, 11- vjeçarja ka vendosur të vetëvaret me shallin që mbante në qafë. Sipas ekspertëve që shkuan në vendngjarje, e mitura e ka varur veten duke e lidhur shallin në mbajtësen metalike të peshqirave të banjës. Prindërit fillimisht nuk e kanë vlerësuar vonesën e saj në tualet, por kur kanë kaluar 25 minuta nga hyrja e saj aty, ata kanë vendosur që të trokisnin në derë.

Provat
Një grup hetimor i komisariatit të Fierit që po merret me këtë rast të pazakontë ka gjetur në shtëpinë e së miturës disa broshura të sektit fetar “Dëshimtarët e Jehovait”, të cilat lexoheshin nga 11-vjeçarja. Sipas ekspertëve, mësohet se në banesë u gjetën dhe disa citate të prera nga këto broshura, citate këto që kishin të bënin pikërisht me jetën e pasvdekjes si dhe me parajsën që e pret çdo anëtar të këtij sekti fetar. Nga të njëjtat burime policore theksojnë se citatet e prera nga këto broshura janë sekuestruar në cilësinë e provës materiale nga policia kriminale e Fierit.

Në familje
Askush prej familjarëve të vajzës nuk mund të pronocoheshin lidhur me këtë tragjedi. Babai i së miturës, Ylli, 48 vjeç, dhe Vjollca, 45 vjeç, të shokuar dhe të traumatizuar nga ajo që u kishte ndodhur nuk mund të tregonin asgjë për vajzën e tyre. Motra e viktimës, gjimnaziste, qante me ngashërime, ndërsa vëllai në klasën e dytë nuk e kuptonte mirë atë që kishte ndodhur. Familja e së miturës jeton në kushte të mira ekonomike, në një vilë trekatëshe në lagjen “1 Maji”. Babai i së miturës merret me aktivitet privat dhe është pronar i dy pikave të karburantit, një në Fier dhe një në Librazhd. Ata janë me origjinë nga Leskoviku dhe prej vitesh jetojnë në Fier. Një nga të afërmit e familjes, që nuk deshi të identifikohej tha se kjo ngjarje ka si shkak leximin e librave të misionit “Dëshmitarët e Jehovait”. Këto libra dhe broshura, sipas të afërmit të familjes, vajza i kishte marrë rrugës nga misionarët e këtij besimi që shpërndajnë fletushka. Por nxënësja e klasës së pestë, sipas të afërmit, nuk ishte e anëtarësuar në këtë sekt.

Vetëvarja në tualet
Në mëngjesin e djeshëm 11-vjeçarja A. C gjendet e vetëvarur nga prindërit e saj në tualetin e shtëpisë. Vajza e mitur nxënëse në shkollën “Jani Bakalli”, nuk ishte nisur ende në shkollë pasi kishte debatuar me prindërit e saj për shkak të një besimi fetar, të cilin ajo e kishte përqafuar kohët e fundit. Pas këtij debati, vajza në kushte të rënduar psikologjike është futur në tualetin e shtëpisë dhe vonesa e saj aty ka shqetësuar prindërit

Prindërit, 25 min pritje
Plot 25 minuta kanë pritur prindërit e së miturës që vajza e tyre të dilte nga tualeti, por kur kjo nuk ka ndodhur ata kanë rendur tek dera. I kanë rënë disa herë derës së tualetit, ndërsa janë trembur pasi nga xhami kanë parë një si hije të zezë. Pasi nuk kanë marrë asnjë përgjigje ata kanë vendosur që të thyejnë xhamin. Prindërit kanë mbetur të lemerisur nga skena që kanë parë, ndërsa menjëherë e kanë dërguar vajzën e tyre në spital

Mënyra e vetëvarjes
Një grup hetimor i policisë që shkoi në vendgjarje tha se vajza 11-vjeçare i kishte dhënë fund jetës duke u vetëvarur. Për të realizuar qëllimin e saj, 11-vjeçarja në kushte të rënduara psikologjike ka hequr shallin dhe e ka lidhur atë në mbajtësen metalike të peshqirëve të banjës. Mendohet se nëse reagimi i prindërve do të ishte më i shpejtë, e mitura mund të shpëtohej nga vdekja. Por prindërit nuk e kanë menduar kurrsesi se vajza do të ndërmerrte këtë veprim

Provat
Në banesën e 11-vjeçares policia tha se ka gjetur disa broshura të sektit fetar “Dëshimtarët e Jehovait”, të cilat lexoheshin nga 11-vjeçarja. Sipas ekspertëve, mësohet se në banesë u gjetën dhe disa citate të prera nga këto broshura, citate këto që kishin të bënin pikërisht me jetën e pasvdekjes si dhe me parajsën që e pret çdo anëtar të këtij sekti fetar. Citatet dhe broshurat janë sekuestruar në cilësinë e provës materiale nga policia kriminale e Fierit.

I afërmi
Një nga të afërmit e familjes, që nuk deshi të identifikohej tha se kjo ngjarje ka si shkak leximin e librave të misionit “Dëshmitarët e Jehovait”. Këto libra dhe broshura, sipas të afërmit të familjes, vajza i kishte marrë rrugës nga misionarët e këtij besimi që shpërndajnë fletushka. Por nxënësja e klasës së pestë, sipas të afërmit, nuk ishte e anëtarësuar në këtë sekt. Edhe hetimet e grupit hetimor të policisë së Fierit janë në këtë pistë


13/02/2005

 

[peson]

Re: Vetëvritet 11-vjeçarja besimtare

<span style="font-weight: bold">Mësuesja: “Në asnjë rast nuk më kishte rënë në sy si besimtare”</span>


Vetëvarja e së miturës ka shokuar dhe mësueset e shkollës ku ajo mësonte. 11-vjeçarja ishte nxënëse në klasën e pestë në shkollën 9-vjeçare “Jani Bakalli”, shkollë që ndodhej vetëm 300 metra larg shtëpisë së viktimës. Dje në banesën e nxënëses së vetëvarur kishin ardhur pothuajse të gjitha mësueset dhe mësuesit e kësaj shkolle, të cilët nuk mund ta besonin atë që kishte ndodhur. Tefta Andoni, mësuesja kujdestare e 11-vjeçares, sapo kishte dalë nga shtëpia e nxënëses së saj të vetëvarur, kur u shpreh për gazetën “Shekulli” se ishte e pabesueshme ajo që kishte ndodhur. “Ishte një vajzë e qeshur, e shoqërueshme, e talentuar”,- thotë mësuesja Andoni, e cila jep lëndën e gjuhë- letërsisë. Ajo kujton se vetëm pak ditë më parë u kishte dhënë nxënësve të klasës ku mësonte 11-vjeçarja një temë hartimi për një lypës. “Ishim në orën e gjuhës dhe A. C m’u drejtua, mësuese do ta lexoni hartimin tim. I thashë se do ta lexoja të parin hartimin e saj, sapo të fillonim orën e letërsisë. E kishte shkruar shumë bukur dhe e vlerësova me notën 10”,- kujton mësuesja kujdestare. Me zë të dridhur ajo të thotë se “A. C ishte një vajzë e shkëlqyer, me temperament, dhe mësonte shumë”. Sipas rrëfimit të mësueses Andoni, 11-vjeçares i pëlqente shumë të shkruante poezi. “Në asnjë rast nuk ka rënë në sy se kishte përqafuar sektin fetar “Dëshmitarët e Jehovait”. Këtë nuk e kishte reflektuar në asnjë rast. As në hartimet apo poezitë që shkruante. Jam shumë e tronditur nga kjo humbje. Nuk më besohet se nuk do ta shoh më atë ëngjëll në bankat e klasës sime”,- përfundon mësuesja kujdestare.

 

[peson]

Re: Vetëvritet 11-vjeçarja besimtare

Historia e 24- vjeçares Silvana H. që prej nëntë vjetësh bënte pjesë në misionin “Dëshmtarët e Jehovait”

Silvana, vajza që vdiq se nuk shkeli besimin


Shekulli

(Vajza, vdiq rreth tre javë pas këtij shkrimi)

TIRANË – U dergj në spital prej mëse një vit, për shkak të një sëmundjeje të rëndë në veshka. Luftoi me vdekjen por kurrsesi nuk pranoi transfuzionin e gjakut. Sa herë që dilte nga koma u lutej mjekëve me fjalët “ju lutem mos më futni gjak”, pasi një nga parimet e misionit “Dëshmitarët e Jehovait”, ku vajza 24–vjeçare bënte pjesë prej 9 vjetësh dhe që e kishte ngulitur në mendje, ishte ndalimi i transfuzionit të organeve dhe gjakut. Silvana H., lindur në Burrel, prej gati tre vitesh nuk jeton më. Disa vite të jetës ajo i kaloi në Elbasan dhe më pas familja e saj u shtrëngua për t’u zhvendosur në Tiranë. Kjo për shkak të sëmundjes së vajzës. Prej më shumë se një viti, ajo lëngoi në dhomën 18 të katit të gjashtë në spitalin nr.1 të Qendrës Universitare “Nënë Tereza”, ndërsa në asnjë mënyrë nuk i lejoi bluzat e bardha që të fusnin gjak në venat e saj.
Si nisi besimi që i breu jetën
Ishte fillimi i viteve ’90 kur në qytetin e Burrelit, aty ku dhe banonte Silvana, erdhi një fluks misionarësh, pjesë e grupit fetar “Dëshmitarët e Jehovait”. Silva u bashkua me ta për shkak të propagandës që ata bënë në këtë qytet të vogël verior. Që atëherë nisi të përqafonte këtë fe të re. Gjatë kalimit të viteve, besimi në këtë fe iu rrënjos thellë. Merrte pjesë në të gjitha veprimtaritë fetare që organizonin Dëshmitarët. Por pak kohë më vonë, një sëmundje e rëndë filloi ta shqetësojë. Veshkat, njëra pas tjetrës, i dolën jashtë funksionit. Gjendja sipas mjekëve, u përkeqësua dhe vajza duhej t’i nënshtrohej patjetër kurimit për të shpëtuar nga vdekja. Mjekët thanë atëherë se prej një viti vajza jetoi vetëm me serum. Silvana çdo tre ditë i nënshtrohej dializës, por sipas mjekëve sistemi i saj imunitar ishte shkatërruar. Herë pas herë ajo kishte nevojë urgjente për të marrë gjak, por nuk pranonte. Prindërit ishin tepër të traumatizuar me atë që po ndodhte me vajzën e tyre. Hyseni, babai i Silvanës, shpesh ishte grindur me misionarët që vinin për ta vizituar atë në spital. Pa dijeninë e Silvanës që po vdes përditë nga pak, ai u përpoq që të siguronte dokumentacionin për të mjekuar vajzën diku jashtë shtetit. U mundua shumë dhe ia arriti qëllimit, por më kot pasi vajza e tij që nuk kishte pranuar për asnjë moment marrjen e gjakut ndërroi jetë atje në dhomën nr.18 të Spitalit nr. 1 në Tiranë.

Botuar në gazetën “Shekulli” në prill të vitit 2002


Precedentët
Vetëm një vit më parë, në një fshat të qytetit të Lushnjes u vetëflijua një gjimnaziste. Edhe në këtë rast, sipas hetimeve të policisë, viktima kishte përqafuar me vullnet të lirë misionin “Dëshmitarët e Jehovait”. Sipas hetimeve të policisë, vajza lexonte mjaft literaturë të këtij besimi. Adoleshentja i dha fund jetës me çiften e të atit. Ajo sipas hetimeve, nuk ishte anëtare e këtij misioni, por thjesht një simpatizante.


Një 24- vjeçare, me orgjinë nga Burreli, gati 3 vjet më parë ndërroi jetë në spitalin nr. 1 të Tiranës për shkak të një sëmundjeje në veshka. Vajza rezultoi se ishte misionare e sektit “Dëshmitarët e Jehovait”, dhe sipas mjekëve në asnjë rast ajo nuk pranoi të merrte gjak, pasi misioni ku ajo bënte pjesë nuk e pranonte një gjë të tillë. Vajza kur dilte nga gjendja e komës u lutej mjekëve që të mos fusnin gjak në venat e saj.


Në mëngjesin e djeshëm një 11- vjeçare nga Fieri vetëvaret në tualetin e shtëpisë së saj. Sipas hetimeve të policisë, e mitura ka debatuar me prindërit e saj, pasi këta të fundit i kanë kërkuar asaj që të heqë dorë nga feja që kishte përqafuar. Pas debatit me prindërit, nxënësja e klasës së pestë është futur në tualetin e shtëpisë, ku dhe është vetëvarur me shallin që ajo kishte në qafë. Policia ka gjetur disa broshura të këtij misioni


13/02/2005

 

[peson]

Re: Vetëvritet 11-vjeçarja besimtare

E Diele, 13 Shkurt 2005 Koha Jone


11-VJECARJA VAR VETEM ME SHALL

FIER - Vetvaret me shall ne tualet nje 11-vjecare nga qyteti i Fierit, e bija e nje biznesmeni te njohur karburantesh. Alda Cenaj, nxenese e klases se peste ne shkollen publike &quot;Jani Bakalli&quot; te qytetit, eshte gjetur e vdekur dje, ne mengjes, nga prind-_ e saj. Kur kane hapur deren e banjes se shtepise se tyre, ne lagjen &quot;1 Maji&quot;, prinderit jane tmerruar teksa kane pare kufomen e bijes se tyre, te varur me nje shall ne tubin e dushit. Policia, qe ka mberritur me pas ne vendngjarje, ka konkluduar se behej fjale per nje vetevrasje, por nuk ka zbardhur motivin. Nderkohe, te aferm te familjes u kane treguar gazetareve se arsyeja qe e ka shtyre te mituren te merrte kete veprim mund te kete qene frymezimi i saj nga librat fetare. Thuhej se ajo besonte ne Jehovain. Ndonese e paangazhuar ne ndonje organizate, ajo lexonte me shume deshire ne shtepi letersi fetare mbi krijuesin e botes, mbi zhvillimit e jetes ne planete dhe mbi te ardhmen e njerezimit. Duket se ajo ka vendosur per te ndermarre aktin e vetefljimit te saj, pikerisht mbi bazat e Jehovait, sipas interpretimit te saj. &quot;Ato libra e moren ne qafe&quot;,, citohet te jete shprehur i hidheruar nje i aferm i familjes Cenaj. Te njejtat burime bejne te ditur se Alda ishte nxenese shume e mire, por se i ati e kishte qortuar qe te mos jepej shume pas leximit te librave fetare, sepse mund te binte ne mesime. Mendimin me te mire per formimin e saj japin edhe mesues te shkolles 9-vjecare qe ajo frekuenton. Vajza e vogel ishte pjese e nje familjeje te shendoshe ne pikepamje te moralit dhe te edukimit. Mesohet se ajo ishte e bija e nje biznesmeni karburantesh, i cili fale punes se tij i kishte siguruar familjes te ardhura te mjaftueshme per nje jetese normale.

 

[MLK]

Re: Vetëvritet 11-vjeçarja besimtare

Shteti shqiptar me qeverine e tij kane neglizhuar nje problem teper te mprehte, ate te legjislacionit mbi fene dhe sidomos me sektet qe veprojne ne Shqiperi. Here pas here mesojme ngjarje te ndryshme ku grupe &quot;bamiresie&quot; shkolla &quot;fetare islamike&quot; qe me teper jane sekte e nuk kane asnje lloj kontrolli nga organizmat shteterore per ushtrimin e aktivitetit qe krejne, veprojne sipas qefit e pothuajse pa asnje rregull apo ligj. Te indoktrinosh femeije rrugeve me libra fetare quhet manipulim pasi nje femije nuk eshte koshient per nje pjese te madhe te ketyre qe thuhen ne keto &quot;libra&quot; e te ashtuquajtura vende kulti. Nje femije minoren eshte ne pergjegjesine e prinderve dhe pa firmen dhe autorizimin e tyre nuk mund te frekuentoje sekte te tilla, e aq me teper kur &quot;feja&quot; shitet rrugeve si nje biznes ordiner. Deshmitaret gjeovah jane per mua nje sekt dhe kam pas disa here bisedime me ta e kur shohin qe njerezit kane argumentat e duhur dhe i njohin mire kush jane, ikin me bishtin nder shale, perndryshe te ngjiten te dera e shtepise si miza pas m...t.
Deshmitaret gjehovah pretendojne se kane bere bamiresi e kane ndihmuar te varferit ne luften e Bosnjes, ajo qe harrojne te thone eshte se ata kane ndihmuar vetem &quot;vellezerit&quot; e tyre gjeovah, dhe kur komshiu i tyre ishte duke vdekur, dhe pse i varfer ata kane rrefuzuar te ndihmojne. Gjehovat jane nje sekt dhe si i tille qeveria shqiptare duhet te merret seriozisht me ta, perpara se sa te ndodhin gjera akoma me te renda.
Si shpesh here, viktimat e budallalliqeve te &quot;adulteve&quot; jane femijet e pafajshem.

 

[peson]

Re: Vetëvritet 11-vjeçarja besimtare

Per mua keto <span style="font-weight: bold">“Dëshmitarët e Jehovait”, </span> jane shume te besdishem , ekzistojne instucione fetre si Xhamija ,Kisha ,Teqje etj ku njerezit shkojne e luten ne Zot asnje nuk i detyron ,qe te besojne ne kete apo ate fe ,cdo gje eshte e lire pra dhe besimi eshte i lire

 

[MLK]

Re: Vetëvritet 11-vjeçarja besimtare

Ja dhe nje rast tjeter
Deshmitaret e Jehovait: Jo transfuzionit te gjakut
E Diele, 13 Shkurt 2005
Silvana Hoxha vdiq pasi refuzoi te merrte gjak per te spetuar

TIRANE - Nje vajze 24 vjecare, e semure rende dhe e shtruar ne spitalin e Tiranes, vdiq rreth dy vjet me pare, duke refuzuar sipas familjes se saj, te shkele besimin Jehovaj. Silvana Hoxha, e lindur ne Burrel, ishte Deshmitare e Jehovait dhe bente pjese ne kete mision prej te pakten 9 vjetesh. E ndjera qendroi nje vit ne dhomen 18 te katit te gjashte ne spitalin nr. 1 te Qendres Universitare &quot;Nene Tereza&quot;. Ajo nuk i lejoi bluzat e bardha t'i jepnin gjak, edhe pse ishte shume rende. Veshkat i ishin shkaterruar dhe ndodhej ne dialize. Familjaret treguan atehere se besimi ne kete fe iu rrenjos thelle dhe ajo merrte pjese ne te gjitha veprimtarite fetare qe organizonin Deshmitaret. Madje thirri ne kete fe edhe mjaft te tjere perreth edhe pse shume pak e perkrahen. Familja tregonte se vajza ishte ne koma por sa here permendej, thoshte: &quot;Ju lutem mos, mos me futni gjak&quot;. Te afermit jane grindur me Deshmitaret, vecanerisht Hyseni, babai 58-vjecar pasi sipas tij, ata vinin ne spital duke i kerkuar te mos beje transfuzion gjaku. Pak jave me vone, ne maj 2002, Silvana nderroi jete.

 

[renea]

Re: Vetëvritet 11-vjeçarja besimtare

ata te Jevohavit po ndeshkojne vetne kot, askund ne bibel nuk gjenden legalizmat qe permendin ata, Zoti eshte me shume meshire dhenes se sa legalist.

 

[peson]

Re: Vetëvritet 11-vjeçarja besimtare

 

[peson]

Re: Vetëvritet 11-vjeçarja besimtare

Xhoana Rajdho është vetëvarur në banjon e shtëpisë. Jetonte me gjyshërit, pasi i kishte prindërit e divorcuar

<span style="font-weight: bold">Tiranë, vetëvaret 11-vjeçarja në banjon e shtëpisë</span>


Dashamir Biçaku

TIRANË- Vetëm pak ditë pas vetëvarjes tronditëse të 11-vjeçares nga Fieri, një tjetër bashkëmoshatare e saj vetësakrifikohet për motive ende të paqarta. Xhoana Rajdho, 11- vjeçarja nga Alliasi në Tiranë, nxënëse e klasës së pestë të shkollës “Ramazan Jarani” ka varur veten në banjon e shtëpisë së saj. Trupi pa jetë i vogëlushes është gjetur nga gjyshi i saj, Haki Ziri. Ngjarja e rëndë për opinionin kryeqytetas ka ndodhur pasditen e djeshme, rreth orës 15.00. Xhoana është shkëputur nga kuzhina, ku po qëndronte së bashku me gjyshin e saj dhe ka shkuar në banjën e shtëpisë. Gjyshja që kujdesej për vogëlushen dhe të afërm të tjerë të saj kanë shprehur tronditjen e tyre, duke mos e kuptuar arsyen e Xhoanës për t’i dhënë fund jetës. “Në drekë, ajo ka qenë në gjendje fare të qetë dhe normale”,-thonë mes lotësh ata. Dyshimet për këtë vetëvarje tronditëse bien mbi një katër që Xhoana kishte marrë në shkollë. Gjyshja e vajzës, Xhevrie Ziri, tha dje për “Shekullin” se Xhoana e kishte kaluar këtë problem, pasi kishte marrë një tjetër notë kaluese. Madje, sipas gjyshes, një mësuese kishte qenë në shtëpinë e Xhoanës, ku ishte takuar me të ëmën për problemin e një note të dobët që ajo kishte marrë tri ditë më parë në shkollë. Burimet e policisë thonë se ngjarja dyshohet të ketë ndodhur për probleme të shkollës, por sipas tyre, nuk përjashtohej edhe mundësia e problemeve familjare, për shkak se prindërit e Xhoanës jetonin të divorcuar prej më shumë se nëntë vitesh. Ndërkaq, gjyshërit e vajzës thonë se Xhoana e mban mend pak të atin, për shkak se ai nuk është interesuar kurrë për të.
Vetëvarja
Sipas të afërmëve, Xhoana i është justifikuar gjyshit të saj se donte të shkonte në tualet. Sipas burimeve të policisë, pasi ka mbyllur derën nga brenda, ka marrë shallin e saj dhe e ka lidhur atë në shufrën e hekurit ku vendoset peshqiri. Pas dhjetë minutash, Haki Ziri ka dyshuar në ndonjë lojë që vajza mund të bënte dhe është drejtuar për tek banjoja, por ka vënë re se dera ishte e mbyllur nga brenda. Brenda pak minutash, ai ka dalë nga krahu tjetër i shtëpisë, ku ndodhej një ballkon që komunikonte me banjon e që andej ka mundur të hyjë brenda. Gjyshja e Xhoanës thotë për “Shekullin” se i shoqi kishte shtangur në vend, kur kishte parë trupin e mbesës së tij, të varur me shallin e saj në shufrën e peshqirit. “Ishte ende e nxehtë, kur Hakiu e kishte gjetur në banjë, por gjithçka kishte mbaruar”,- thotë një fqinj i tyre. Menjëherë, Haki Ziri e ka nisur mbesën e tij për në spitalin nr.2, ku megjithë ndihmën e mjekëve ajo ka humbur jetën.
Motivi
Menjëherë pas ngjarjes, në pallatin 21 të rrugës “Niko Avrami” kanë mbërritur agjentët e policisë kriminale të komisariatit numër 1, të cilët kanë kryer veprimet hetimore për vetësakrifikimin e Xhoanës. Për të sqaruar rrethanat që e shtynë vogëlushen Xhoanë të varë veten, punonjësit e policisë kanë marrë në pyetje gjyshin e saj, Haki Zirin. Ai u ka treguar se mbesa e tij kishte ardhur rreth orës 13.00 nga shkolla dhe më pas ishte ulur të bënte detyrat. Kishte ngrënë edhe fruta. Ndërsa ekspertët dhe mjekët ligjorë kanë konkluduar se vajza ishte vetëvaruar me një material konfeksion, të cilën e kishte lidhur pas qafës dhe më pas e kishte lidhur në një shufër të fortë metalike, e më pas ishte hedhur nga një bidon uji që ndodhej fare afër. Por ajo që nuk është sqaruar plotësisht, është arsyeja që e shtyu 11-vjeçaren të vinte në jetë me gjakftohtësi, planin e saj të vetëvrasjes. Dyshimi i vetëm lidhet me sedrën e Xhoanës, pas notës së keqe të marrë në shkollë, ndërsa pritet që sot të merren në pyetje mësuesit e saj të shkollës”Ramazan Jarani”.


17/02/2005

 

[peson]

Re: Vetëvritet 11-vjeçarja besimtare

E Enjte, 17 Shkurt 2005


NDARJA E PRINDERVE, VAR VETEN 12-VJECARJA

Rigels Malile

TIRANE- Dje nuk ka shkuar ne shkolle. Eshte shtirur pa qejf dhe ka pritur qe i ati te dilte per punet e perditshme. Vetmia ne te cilen ishte mbyllur prej gjashte muajsh, ndersa prej kaq kohesh prinderit ishin divorcuar, dje ka arritur kulmin e fatalitetit per 12- vjecaren Joana Ziri. Ajo i ka dhene fund jetes ne menyre tragjike mesditen e djeshme, duke u vetevarur ne menyre teper tragjike me kabllin e televizorit ne tualet. Joana Ziri ka zgjedhur fundin e jetes ne pamundesi per te perballuar nje jete te mbushur me stres nga divorci i prinderve te saj gjashte muaj me pare. Vogelushja eshte gjetur nga i ati, e vetevarur ne tualetin e shtepise ne te cilen banonte, ne rrugen &quot;Niko Avrami&quot; te Tiranes. Ngjarja e rende ka ndodhur dje rreth ores 12:30 ne rrugen, prane Kinostudios. Burime nga policia bejne te ditur se vajza ka varur veten ne kushtet e depresionit te thelle te perjetuar nga ndarja e prinderve te saj. Ajo ka perdorur kabllin e televizorit si mjet per t'u veteflijuar, pikerisht ne momentin qe i ati kishte dale. Vajza, sipas te afermve dhe njerezve qe e njihnin, ka qene nje tip mjaft i qeshur perpara ndarjes se prinderve, por divorci ka ndryshuar thuajse teresisht edhe menyren e saj te jeteses. Prej gjashte muajsh, kohe kur edhe prinderit ishin ndare, shfaqej e mbyllur ne vetvete dhe nuk hapej me askend. Sipas te afermve, Joana mbyllej ne dhomen e saj dhe dilte andej vetem pas kerkesave te shumta te te atit. Por duket se 12-vjecarja e klases se gjashte nuk ka mundur te jetoje dot pa te emen. Burimet prane familjes Ziri bejne te ditur se divorci kishte ardhur per shkak te kontradiktave banale midis prinderve te vajzes. Joana Ziri mesonte ne klasen e gjashte dhe sipas mesuesve ishte nje nga nxeneset me te mira te shkolles. Pas ndarjes se prinderve, Joana kishte filluar te neglizhonte edhe mesimet duke qendruar shpesh indiferente dhe e hutuar ne marredheniet me mesuesit dhe shoket. Diten e djeshme vajza nuk ka shkuar ne shkolle, duke i thene te atit se s'ishte ne gjendje te shkonte ne mesim. Ajo ka pritur momentin qe i ati te largohej per ne pune dhe pasi ka cmontuar kabllin e televizorit, eshte mbyllur ne banje. Ka qene ora rreth 12:30 kur ne shtepi eshte kthyer babai, i cili e ka gjetur te vetevarur ne banje. I shokuar, ai ka dashur ta transportoje ate per ne spital, por nuk ka patur asnje shprese per vajzen e cila eshte gjetur e vdekur. Vajza nuk ka lene ndonje shenim sipas policise qe po heton ngjarjen. Gjithsesi, policia po heton per te dhene nje version zytar per ngjarjen tronditese te ndodhur dje ne rrugen &quot;Niko Avrami&quot; ne kryeqytet.

koha jone

 

[peson]

Re: Vetëvritet 11-vjeçarja besimtare

Vajza 11-vjeçare kishte shkruar emrin e saj në bangë dhe kishte përqafuar shoqet, duke u thënë: ”S’do u takoj më”

Joana frekuentonte sektin &quot;Dëshmitarët e Jehovait&quot;

Kryetari i Bordit: Ka marrë mësime mbi jetën në parajsë dhe shpëtimin që gjendet pranë Jehovait

Dashamir Biçaku

TIRANË- Ka shkruar për herë të fundit emrin e saj, Ana, mbi bankën ku ulej gjithnjë, pak para se të largohej nga shkolla. Joana Rajdho ka shkuar deri në shtëpinë e saj, duke “bluar” në kokë vendimin ekstrem, që dukej se e kishte marrë prej pak ditësh. Fare e palëkundur, e shtyrë ndoshta nga frekuentimi i sektit fetar të Jehovait ku kishte dëgjuar shumë për amshimin e jetës së pafundë në parajsë, Ana i është drejtuar njërës prej shoqeve të saj më të mirë: “dua të të përqafoj, se nuk do të takoj më”. Këto kanë qënë fjalët e fundit që nxënësit e klasës së pesë E, të shkollës “Ramazan Jarani” kanë dëgjuar nga goja e vogëlushes Joanë, para se ajo të kryente aktin ekstrem, vendimin e së cilit e kishte marrë tashmë. Krejt e qetë ka marrë rrugën për nga shtëpia e gjyshërve, ku banonte së bashku me të ëmën. “U largua e qetë, pasi na puthi e përshëndeti”. Kështu i është përgjigjur pyetjeve të mësuesve, njëra prej shoqeve të ngushta të Joana Rajdhos. Në shkollën ku mësonte vajza 11-vjeçare, tronditja për vetësakrifikimin e ndodhur lidhet me mësimet teologjike që Joana kishte marrë, gjatë frekuentimit të Dëshmitarëve të Jehovait.
Kryetari i bordit
Ndue Kola, kryetari i bordit të shkollës “Ramazan Jarani” si dhe pedagog në Universitetin Ushtarak në Tiranë, ka pranuar të rrëfejë për “Shekullin” gjithçka që kishte mësuar nga shokët e shoqet e klasës së Joanës, por edhe nga mësuesit e saj. “Mësuam se vajza kishte probleme familjare, pasi prindërit i ka të divorcuar prej vjetësh. Gjithashtu, prej shokëve e shoqeve të saj mësuam se ajo kishte frekuentuar deri disa kohë më parë, sektin fetar të Jehovait, ku duhet të ketë marrë mësime mbi jetën e përjetshme në parajsë, si dhe për shpëtimin që mund të gjente duke qenë pranë Jehovait”-thotë Ndue Kola. Më tej ai shton se pas vetëvarjes së Esmeralda Cenes në Fier, Joana ishte shprehur: Sa të këqinj qenkan! Nuk do të shkoj më kurrë tek ata. Megjithë qëndrimin e prerë të Joanës, kjo duket se ndikoi fare pak që ajo të mos shkonte drejt “Jetës së përjetshme në Parajsë”. Kryetari i bordit të shkollës, Ndue Kola, rrëfen se ata menjëherë kanë kontrolluar regjistrin e klasës së pestë, ku mësonte Ana dhe kanë vënë re se ajo nuk kishte marrë asnjë notë mbetëse, ndërsa është këshilluar nga mësuesja e matematikës, Ylbere Këllezi, që të përgatitej më mirë për herën tjetër në mësim. “Pyetëm mësuesen dhe ajo nuk i kishte vënë notën katër në rregjistër, por vetëm e kishte këshilluar që herën tjetër të mësonte më shumë”,- shprehet Kola. Sipas tij mësohet se Joana kishte marrë 7, në orën e biologjisë dhe se marrja e një note të dobët në matematikë, nuk kishte ndikuar aspak në gjendjen emocionale të saj.
Dyshimet
Loreta, njëra prej mësueseve të shkollës mendon se mundësia e një dëshirë për të imituar Alda Cenen nga Fieri, moshataren e saj që u vetëvar me 12 shkurt në qyetin e Fierit, mund të ketë qenë edhe shkaku i mundshëm i ngjarjes së rëndë. Sipas mësuesve dhe burimeve të policisë, dy janë motivet më të mundshme të vetëvarjes së Joana Rajdhos: së pari, problemet familjare të saj, që kanë të bëjnë me gjendjen social- psikologjike të vogëlushes, idea për babanë që nuk e ka parë thuajse asnjëherë. Së dyti, frekuentimi i sektit të Jehovait, ku merren mësimet për jetën e përtejshme dhe mbërritjen në parajsë, pranë Jehovait. Ndërkaq, hetuesit e policisë mësohet se kanë marrë deklarimet e disa prej mësuesve të shkollës “Ramazan Jarani”, prej nga kanë nxjerë edhe një konkluzion paraprak se vetësakrifikimi është kryer për motive që lidhen me problemet familjare si dhe frekuentimin e sektit fetar.


18/02/2005

 

[OROSHI]

Re: Vetëvritet 11-vjeçarja besimtare

Gishteza,te paska hyre tmerri nga Deshmitaret e Jehovait me duket &lt;img src=&quot;/pf/images/graemlins/laugh.gif&quot; alt=&quot;&quot; /&gt; .Une kam degjuar vete nga dy vajza qe kishin ca vite qe frekuentonin kete sekt,qe ata jane vetem pak me shume strikte ne rregulla sesa sektet e tjera!!

 

[lir]

Re: Vetëvritet 11-vjeçarja besimtare

Gjynah femija...

gjynah dhe M. Jackson... &lt;img src=&quot;/pf/images/graemlins/laugh.gif&quot; alt=&quot;&quot; /&gt;

 

[do vdes per ty]

Re: Vetëvritet 11-vjeçarja besimtare

pershendetje te gjitheve juve qe keni shkruar ne kete teme. une jam nje vajze qe kisha lidhje shume te ngushta familjare me alden e vogel. sote fola me mamin ne telefon sepse une jetoj jashte shteti edhe mami me foli gjate per ngjarjen qe eshte si vijon:

prinderit e aldes ishin shume te acaruar se si gazetat per tu shitur e kane marre qimen edhe e kane bere tra, dmth alda paska qene besimtare e cmendur pfffffffffffffff aman aman biles top channel(ndoshta nje kanal tjeter) pa piken e turpit kishte vajtur me kamer me tha mami te filmonte shtepine gjate varrimit edhe xhaxhaji aldes i kishte marre kameramanet me shqelma aman boll u plasi zemra prinderve te shkrete po ste lene rehat edhe gazetaret, ne nje kohe qe ti fute ne dhe femijen qe e rrite per 11 vite. te gjithe jemi nga pak besimtar besojme ne zot cdo dite ose te pakten kur jemi keq themi do zoti behet keshtu.
nga qe e njof mire familjen edhe alden e vogel e njifja mire me kujtohet si tani kur e takova kete behar( engjell i vogel me floke te verdha te gjata) . alda ishte shume goce e zgjuar po kur them shume dmth shumeeeeeeee ekstrem per moshen e saje, por ishte edhe tip qe prekej njekohesisht . tek e fundit femrat jane te ndjeshme sherri me mamin ate dite e kishte merzitur shume sic e kane prinderit shqiptare qe sdine ti flasin femijes me gjuhe te embel gjynaf mos qofte se engjelli i vogel iku. prinderit tane shumica na trajtojne me ate formen qe kane vepruar gjysherit tane dhune kur jemi te vegjel ndersa kur rritemi sherr edhe terror psikologjik( jo se na duan te keqen po me ate forem i kane rritur prinderit sdine ti edukojne femijet ndryshe) ky eshte edhe shkaku, femija eshte deshperuar shume nga bertitjet e prinderve edhe dacka qe e ka shoqeruar nga pas fieri eshte shume qytet konservator ku kanuni te thyen koken( ka familje liberale gjithashtu por kush ka jetuar ne tirane edhe ka ardhur dy dite ne fier besoj e kupton per cfare po flas).megjithate sic e thashe nuk u ve faj prinderve se ai brez dmth brezi prinderve tane i edukojne femijet ne shume raste me dhune ose mallkime , jo se sna duan edhe njehere thjesht me kete forem i kane rritur prinderit ai eshte niveli sot per sot ne shqiperi mos dilni kunder, ata qe duhet ta ndryshojme jemi neve te rinjte e sotem ndaj edhe vetevrasja eshte ne kulem tek femrat sepse nuk kemi prinder qe te ulen edhe flasin me ne edhe te thone qe jeta vazhdon(edhe pa dashnorin qe te la,me falni se dola jashte teme po flas per femrat e tjera qe gjithashtu vetevriten)
po e mbyll ketu duke i folur ati engjelli qe iku: alda e vogel tu prefte shpirti ne qetesi ishe nje engjell qe i lendove shume mamin babin tend dhe kedo qe njohu ty ...mami dhe babi jot skane me lot te qajne se u kane shteruar te gjithe qame per ty dhe tani lotet me rrjedhin faqeve aldushe vogel.
i paharruar qofte kujtimi jot
me dhimbje dhe dashuri ajo qe te perqafoi fort fort kete behar... do te kujtoj gjithmone me mall(((((((((((((((( floku jot i bukur edhe i verdhe do i mungoje ballkonit tek kati dyte ku ti dilje smundem te shkruaj me se skam fuqi vetem dije qe i hidherove shume te tere dhe kurre sdo te harrojme

 

[S6T6N6]

Re: Vetëvritet 11-vjeçarja besimtare

kjo qe po ndodh eshte nje skandal i madh. prokuroria duhet te filloje menjehere hetimet dhe te beje lidhjet midis dy ngjarjeve thuajse identike. ne momentin qe do vertetohet se ne keto vdekje tragjike kane gisht deshmitaret e jehovait (dhe nuk dyshoj per kete) duhen marre masa urgjente per debimin e tyre te menjehershem nga vendi yne (per ata qe jane te huaj)si dhe ndalimin me ligj te kesaj feje malinje ne vendin tone.

 

[peson]

Re: Vetëvritet 11-vjeçarja besimtare

Anila Ziri rrëfen për “Shekullin” dyshimet e saj, lidhur me vetëvarjen e Joanës, ngjarjen më të rëndë të jetës

Nëna: Joana qau dy orë në shkollë, ditën e vetëvarjes


Dashamir Biçaku

TIRANË - “Joana ka qarë dy orë në shkollë, pas katrës së marrë në lëndën e matematikës. Këtë na kanë thënë nxënësit dhe shoqet e vajzës”. Kështu është shprehur për gazetën “Shekulli”, dje nëna e Joana Rajdhos, Anila Ziri, katër ditë pas ngjarjes tragjike që i mori jetën fëmijës së saj. Anila ka hedhur poshtë versionet e hedhura nga mësuesit e shkollës, se e bija kishte kryer vetëvrasjen për shkak të besimit fetar, apo problemeve familjare që ata kishin në shtëpi. Sipas saj, çdo informacion i dhënë nga mësuesit e nxënësit e shkollës, për një vetësakrifikim për çështje të fesë nuk qëndron, pasi Anila shprehet se Joana nuk ka frekuentuar asnjëherë misione fetare, apo të ketë marrë mësime të tilla. Lidhur me shkakun e notës së dobët të marrë në shkollë, Anila pohon se nuk mund të fajësojë për ngjarjen mësuesit apo ndokënd. Në një intervistë, Anila Ziri ka sqaruar dyshimet e saj lidhur me ngjarjen më tragjike që i ka ndodhur në jetë. Anila, si e keni marrë vesh vdekjen e vajzës ?
Nuk e di kush më ka marrë, por nuk e mendoja kurrë se mund të kisha pasur problem të tillë me vajzën. Dyshoja se mos mamaja, mund të kishte pësuar ndonjë gjë, pasi kohët e fundit ajo nuk ka qenë mirë. Vuante nga tensioni dhe zemra. Më pas mora vesh se kishte ndodhur ajo që tashmë dihet. Por e vërteta, nuk qëndron ashtu siç kanë deklaruar drejtuesit apo përfaqësues të ndryshëm të shkollës, ku mësonte vajza ime.
Cilat janë dyshimet tuaja, lidhur me vetëvarjen tronditëse të Joanës?
Së pari, dua të sqaroj se vajza ime nuk ka qenë një nxënëse e shkëlqyer, por me një nivel mesatar. Kishte marrë nota të dobëta edhe më parë, por më pati dhënë fjalën se do të mësonte, megjithëse ëndrra e saj ishte të bëhej valltare. Ajo më kishte premtuar që do të mësonte dhe nuk do të merrte më nota të dobëta. Madje ndonjëherë unë i kam ndenjur vetë mbi kokë, kur ajo mësonte lëndë të ndryshme, si historinë apo të tjera. Ditën e ngjarjes ajo ka qarë dy orë në shkollë, për çështjen e një note katër që ajo kishte marrë në lëndën e matematikës. Nuk e di në mësuesja ia ka vënë në regjistër apo vetëm ia ka komunikuar me gojë, por ne dimë që ajo ka qarë dy orë në klasë. Por unë nuk mund t’i kërkoj llogari mësuesve për një çështje të tillë, sepse nota është vlerësim për nxënësin dhe nota të tilla vihen gjithmonë.
Shokët e klasës së Joanës kanë thënë që ajo shkonte tek një shoqatë fetare, ku merrte mësime për fenë. A mendoni se kjo gjë ka ndikuar tek vajza juaj?
Ajo nuk ka shkuar kurrë në vende të tilla. Këtë ua them me bindje të plotë. Ndonjëherë, mund të na ketë ardhur ndonjë person, që shpërndan libra. Ne i kemi marrë, por Ana nuk kishte dëshirë për t’i lexuar. Siç u thashë, ajo donte të bëhej valltare. Pra në këtë drejtim, gjëra të tilla, nuk mendoj se mund të kenë ndikuar tek ajo.
Shoqet e vajzës tuaj janë shprehur se Joana frekuentonte “Dëshmitarët e Jehovait” dhe u kishte thënë se po shiheshin për herë të fundit? A mendoni se ajo e kishte planifikuar më parë aktin tragjik?
Ata fëmijë mund të jenë mësuar nga dikush. Unë jam nëna e Joanës, dhe më mirë se unë nuk e di askush se ku shkonte fëmija im. Ndoshta ky mund të jetë edhe një trillim.
Drejtuesit e shkollës janë shprehur se vajza kishte edhe probleme familjare. A mendoni se mungesa e të atit mund të ketë ndikuar ?
Nuk është aspak e vërtetë një gjë e tillë. Unë vërtet jam e ndarë, por ajo nuk e ndiente fare këtë gjë. Ajo nuk më ka pasur vetëm mua si nënë që kujdesesha për të, por ka pasur dy motrat e mia, ka pasur nënën time, ka pasur babanë tim që e donin akoma më tepër se unë.
A e ka shprehur ndonjë herë mungesën e të atit Joana ?
Jo kurrë. Ajo ka ardhur në këtë shtëpi, fare foshnje dhe nuk e ka pasur fare këtë koncept. Për të, familja e saj ishte këtu. Ajo asnjëherë nuk ka nxjerrë nga goja e saj fjalën “baba”.
Atëhere cili mendoni se mund të ketë qenë shkaku i kësaj ngjarjeje tepër të rëndë ?
Të vërtetën e di vetëm ajo. Ndoshta ajo mund të ketë qenë ndikuar nga ngjarja e Fierit, por nuk mund të them se çfarë saktësisht. Ajo ka ardhur në shtëpi atë ditë, shumë e gëzuar. Është ulur të bënte detyrat dhe më pas ka shkuar në banjë, ku pa u kuptuar fare prej babait që ndodhej me të dhe njerëzve të tjerë, ka kryer një veprim të tillë. Tashmë çdo gjë duket se ka mbaruar, por mua nuk më besohet se ka ndodhur një gjë e tillë me vajzën time.


NGJARJA

Si u vetëvar Joana Rajdho

Pasditen e së mërkurës, Joana i është larguar prej syve gjyshit të saj, Haki Ziri, me preteksin se donte të shkonte në tualet. Sipas burimeve të policisë, pasi ka mbyllur derën nga brenda, ka marrë shallin e saj dhe e ka lidhur atë në shufrën e hekurit ku vendoset peshqiri. Pas dhjetë minutash, Haki Ziri ka dyshuar në ndonjë lojë që vajza mund të bënte dhe është drejtuar për tek banjoja, por ka vënë re se dera ishte e mbyllur nga brenda. Brenda pak minutash, ai ka dalë nga krahu tjetër i shtëpisë, ku ndodhej një ballkon që komunikonte me banjon e që andej ka mundur të hyjë brenda. Gjyshja e Xhoanës tha pak ditë më parë për “Shekullin” se i shoqi kishte shtangur në vend, kur kishte parë trupin e mbesës së tij, të varur me shallin e saj në shufrën e peshqirit. “Ishte ende e nxehtë, kur Hakiu e kishte gjetur në banjë, por gjithçka kishte mbaruar”,- pohoi ajo pak ditë më parë. Vajza 11-vjeçare është dërguar në mjediset e spitalit, por fatkeqësisht nuk është kthyer në jetë. Vetëvarja e Joana Rajdhos vjen pas një tjetër ngjarjeje të rëndë, të ndodhur në Fier, ku bashkëmoshatarja e saj i dha fund jetës për motive të mistershme.


20/02/2005

 

[xhim_jevgu]

Re: Vetëvritet 11-vjeçarja besimtare

Vallahi une e urrej Marksin, po nje gje e ka thene mire &quot;Feja eshte Opium per popullin, Kurse komunizmi eshte dru kokes!&quot;

 

[S6T6N6]

Re: Vetëvritet 11-vjeçarja besimtare

dje u mblodh parlamenti i shqiperise dhe n/kryetarja jozefina topalli e ngriti si problem ngjarjen ne fjale duke i kerkuar parlamentit diskutimin ne nje komision me dyer te mbyllura njekohesisht duke i kerkuar medias qe te evitoje bujen per rastet ne fjale pasi femijet influencohen nga ngjarjet dhe kopjojne bashkemoshataret e tyre. i te njejtit mendim ka qene dhe zv.kryeministri dokle.