universiteti i liberalizuar po vetem aty ku nuk ka kerkesa!!!!!!!!!!!!!!!!!!!

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

Fillimisht postuar nga Kondrapedali:
[qb] Kurse mua gene më duket se çdo fjalë që mund të thonë anëtarët e PD për ty nuk është tjetër përveç se mashtrim, hile, sapun për djath apo nuk e di ç'tjetër.

Ai shembulli i dy studentëve që të mora më lart tregon jo vlefshmërinë e konkursit por kompleksitetin e çështjes.
Ti si djalë i zgjuar, duhet ta dish besoj se kudo ka norma që rregullojnë tregun e punës ku do futen studentët pasi të mbarojnë universitetet e këto norma rregullojnë edhe kontigjentin që do vazhdojë një fakultet madje edhe koefiçientin e vështirësisë që aplikohet në fakultet (Sa më shumë studentë aq më i madh koefiçienti i vështirësisë).

Më lart shkruajte po vetë:

eshte pikerisht rritja e kapacitetit te fakulteteve premtimi qe beri PD dhe qe do te coje ne liberalizim. KETE TE BEJE PD E JO LOJRA FJALESH.

Pra siç edhe e shikon është PD ajo që ka folur për rritje të kapacitetit por kjo nuk mund të lihet me kaq. Qeveria e ardhshme duhet t'i shkojë deri në fund reformës (ishalla me mend në kokë) e të gjejë zgjidhjen më të mirë për studentët shqiptarë.

Se mos harroj edhe këtë të fundit.

Universitetet nuk janë klube rinie që të mbajnë rininë larg rrugëve <img src="/pf/images/graemlins/wink.gif" alt="" /> . [/qb]

Une po flas per dicka konkrete dhe jo per "cdo fjale" te dale nga selia e PD

Pak rendesi ka nese eshte me i mire kriteri i provimit apo mesatares (e eliminojme per momentin nga diskutimi qe te perqendrohemi diku tjeter) Rendesi ka qe MBETET NJE KRITER PERZGJEDHJE.

Kjo eshte nje teme politike perderisa eshte hapur ne forumin politika.
Pd premtoi liberalizim dhe nese ky eshte liberalizimi qe kish ndermend te realizonte e ka shitur vertet sapunin per djathe.
Ose PD kerkon ta quaje premtimin te permbushur me kaq ( u liberalizua) ne do te jemi idiote nese nuk do te flasim
ose PD e di qe ky nuk eshte liberalizim e atehere po tallet me ne dhe kerkon te fitoje kredi politike nepermjet nje mashtrimi. (kerkon te tregoje qe ishte thjesht ceshtje vullneti politik dhe qeveria e shkuar thjesht nuk donte)

ne te dyja rastet veprimi i PD eshte per tu kritikuar dhe kete po bej ne kete teme.

PS: dhe do te hap nje teme te ngjashme sa here do te mendoj qe nje vendim apo veprim meriton kritika apo levdata. Jo "cdo fjale qe del nga PD" por vetem ato qe i konsideroj negative.

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

nuk kuptoj nese ajo e naons per krijimin e tre univeristeteve te reja (i vetmi info qe kam eshte ai artikulli me lart) eshte thjesht nje vendim i zhveshur pa permbajtje apo nje projekt i hartuar ne hollesi.
do te doja te dija nese vendimi ishte ne plan perpara deklarates se Pangos (dhe atehere e kuptoj nxitimin e PD) apo ishte nje pergjigje (nese eshte nje projekt i hollesishem nuk mund te ishte thjesht nje pergjigje)

do te doja te dija edhe nese eshte parashikuar mbulimi financiar.

ka ndonjeri informacione te vlefshme?

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

ky ishte njoftimi zyrtar


/8/2005
U zhvillua sot mbledhja e radhës e Këshillit të Ministrave, në të cilën u miratuan një numër vendimesh.


• Këshilli i Ministrave miratoi sot hapjen e tre shkollave të larta, universitare, publike. Kështu, Këshilli i Ministrave miratoi vendimin “Për hapjen e shkollës së lartë, universitare, publike, “Universiteti i Fierit”.

Për të krijuar mundësi dhe hapësira të reja zhvillimi dinamik të arsimit të lartë në vendin tonë mbi bazën e standarteve europiane Këshilli I Ministrave vendosi hapjen, në vitin e ri akademik 2005-2006, të shkollës së lartë, universitare, publike, “Universiteti i Fierit”, me seli qendrore në qytetin e Fierit, me dy fakultete:

a. Fakultetin e Edukimit;
b. Fakultetin e Shkencave të Aplikuara.

Universiteti i Fierit do të japë diplomë universitare në:

a. Fakultetin e Edukimit, në degët:

- Cikli i Ulët, parashkollor (tre vite akademike);
- Cikli i Ulët (tre vite akademike)
- Punonjës Social (tre vite akamike).

b. Fakultetin e Shkencave të Aplikuara, në degët:

- Inxhinjeri agronomike (tre vite akademike);
- Prodhim blegtoral (tre vite akademike);
- Infermieri (tre vite akademike);
- Inxhinjeri nafte (pesë vite akademike).


• Këshilli i Ministrave miratoi vendimin “Për hapjen e shkollës së lartë, universitare, publike, “Universiteti i Beratit”.

Gjithashtu Këshilli i Ministrave miratoi hapjen, për vitin e ri akademik 2005-2006, të shkollës së lartë, universitare, publike, “Universiteti i Beratit”, me seli qendrore në qytetin e Beratit, me dy fakultete:

a. Fakultetin e Edukimit;
b. Fakultetin e Shkencave të Aplikuara.

Universiteti i Beratit do të japë diplomë universitare në:

a. Fakultetin e Edukimit, në degët:

- Cikël i Ulët, parashkollor (tre vite akademike);
- Cikël i Ulët (tre vite akademike).

b. Fakultetin e Shkencave të Aplikuara, në degët:

- Administrim Publik (tre vite akademike);
- Menaxhim-Turizëm (tre vite akademike);
- Infermieri (tre vite akademike).


• Këshilli i Ministrave miratoi edhe vendimin “Për hapjen e shkollës së lartë, universitare, publike, “Universiteti i Durrësit”.

Universiteti i Durrësit, me seli qendrore në qytetin e Durrësit, do të ketë dy fakultete:

a. Fakultetin e Edukimit;
b. Fakultetin e Shkencave të Aplikuara.

Ky Universitet do të japë diplomë universitare në:

a. Fakultetin e Edukimit, në degët:

- Cikël i Ulët, parashkollor (tre vite akademike);
- Cikël i Ulët (tre vite akademike)
- Gjuhë të Huaja (tre vite akademike)
- Shkenca Sociale (tre vite akademike).

b. Fakultetin e Shkencave të Aplikuara, në degët:

- Inxhinjeri navale (pesë vite akademike);
- Menaxhim-Turizëm (tre vite akademike).


http://www.keshilliministrave.al/shqip/lajm.asp?id=5212

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

nga www.shekulli.com.al
Kandidatët do t’i nënshtrohen konkurseve. Vetëm në rastet kur kuotat nuk plotësohen, hyrja do të bëhet e lirë

Qeveria liberalizon universitetet

Ministria: “Njëqind për qind e maturantëve mund të ndjekin sivjet universitetet”

Olsi Kolami

Vendimi i fundit i qeverisë ka ndezur dritën jeshile për pranimet në universitete. 26 845 të rinj do të pranohen sivjet në sistemin e arsimit të lartë me kohë të plotë, nga 20 mijë që ishte propozuar zyrtarisht nga Ministria e Arsimit. Vendimi ka si qëllim t’u japë mundësi 26 mijë maturantëve të diplomuar në qershor të ndjekin universitetin, si dhe dhjetëra të tjerëve që kanë mbaruar arsimin e mesëm vitet e kaluara. Rritja e kuotave me mbi 6 mijë, është bërë kryesisht në degë që plotësojnë kushtet për të pranuar brenda këtyre kapaciteteve, ndërkohë për degë të tjera kuotat nuk kanë pësuar asnjë ndryshim. Vendimi i qeverisë parashikon që në degët më të kërkuara, ku kandidatët nuk mund të arrijnë pikët e nevojshme, mund të kryejnë transferimin e tyre në degë analoge. Edhe pse ky vendim është komentuar nga shefja e kabinetit të MASH-it, si një hap mjaft i rëndësishëm në procesin e nisur të liberalizimit, akademikët mendojnë se përpos rritjes së kuotave, jo kushdo ka mundësi të ndjekë degën që dëshiron, duke i kushtëzuar maturantët në zgjedhjen e tyre.
Kuotat
Kuotat e pranimeve në universitetet për vitin akademik 2005-2006, në sistemin me kohë të plotë, janë gjithsej 26 845 studentë. Sipas vendimit të Këshillit të Ministrave, kuota e pranimeve të reja është 26 305 studentë, kuota për degë të dytë 250 studentë, për vitet e ndërmjetme 250 studentë si dhe 40 të tjera për shtetasit e huaj. Ndërkohë që kuota e pranimeve të reja përbëhet nga 24 181 për kuotat kryesore, si dhe 1 815, ku përfshihen edhe kuotat dytësore dhe 309 kuota për shqiptarët jashtë trojeve të Republikës së Shqipërisë. Në të gjitha degët e gjuhëve të huaja ka një rritje prej 700 kuotash, në gjuhë-letërsi 1 370, degët e shkencave 1 035, infermieri 400, shkencat sociale 1 600, fakultetet e Ekonomisë 2 500, Universiteti Bujqësor i Tiranës dhe Universiteti Politeknik 1 900 si dhe Fakulteti Juridik 470 kuota. Shefja e kabinetit në MASH nuk ka bërë të ditur ndarjen e kuotave sipas degëve, duke theksuar se publikimi i tyre do të bëhet së afërmi. Ndërkohë që në Akademinë e Arteve, Institutin e Fizkulturës, Mjekësi, Stomatologji dhe Farmaci, nuk do të ketë asnjë ndryshim në lidhje me kuotat e parashikuara, kjo për vetë specifikën që kanë këto drejtime. Vendimi i qeverisë ka miratuar gjithashtu edhe kuotat për vitin akademik 2005-2006 në tre universitetet e reja në Durrës, Fier dhe Berat.
Konkurset
Vendimi i Këshillit të Ministrave parashikon se kusht për përzgjedhjen e studentëve do të jetë konkursi. “Në të gjitha universitetet kandidatët do t’i nënshtrohen konkursit. Vetëm në rastet kur nuk plotësohen kuotat e miratuara për degë të caktuara, nuk do të zhvillohet konkursi”, - thekson Papadhopulli. Numri i kërkesave në shumë degë është më i ulët krahasuar me atë të konkurrentëve, gjë e cila, sipas rregullores së pranimeve, u jep të rinjve të kualifikohen për në universitete pa iu nënshtruar konkurseve. Ndërkohë që kandidatët do të kenë mundësi që në rast se nuk fitojnë në një degë të caktuar, mund të transferohen në degë të tjera, duke iu referuar sistemit të pikëve që kanë fituar në konkurse. Ky sistem është përdorur edhe vitet e kaluara, ku konkurrentët mund të ndiqnin degë të tjera anologe, në rast se numri i kufizuar i kuotave për degë të kërkuara nuk i jepte atyre mundësinë të ndiqnin universitetin. Pak kohë më parë universitetet deklaruan se konkurrentët që nuk do të kalojnë pragun e pikëve të vendosura, nuk do të fitojnë statusin e studentit.
Degët e reja
Ndërkohë që sivjet do të hapen 11 kurse të reja studimi. Kështu në Universitetin e Shkodrës do të hapen 2 degë; punë sociale dhe gjuhë frënge; në Universitetin e Elbasanit do të hapen 3 degë të reja; Psikologji, Sociologji dhe Infermier-mami; në Universitetin e Korçës do të hapen 2 degë; Gjuhë-Letërsi dhe Inferimier-mami; në Universitetin e Vlorës hapet dega e Gjuhë- Letërsi Shqipe; në Universitetin Politeknik Inxhinieri matematike dhe Inxhineri fizike, ndërsa në Akademinë e Arteve dega Regji Filmi dhe Televizioni. Universiteteve private sivjet u shtohet një tjetër shkollë e lartë. Bëhet fjalë për Universitetin “Marin Barleti”, i cili u miratua dje me vendim të këshillit të ministrave. Ky universitetet përbëhet nga dy fakultete, ai i gjuhëve të huaja dhe matematikës së zbatuar. Fakulteti i parë ka tri degë të sistemit 3-vjeçar; Angisht, Gjermanisht dhe Frëngjisht, ndërsa Fakulteti i Matematikës së Zbatuar përbëhet nga dy degë; Matematikë-Administrim dhe Matematikë-Financë. Numri i studentëve të pranuar për çdo vit akademik do të jetë deri në 70 kandidatë për çdo degë.


Tarifa e studimit, nuk do të ndryshojë

Në mbjedhjen e djeshme qeveria ka hedhur poshtë propozimin e rektorëve për rritjen e tarifës së studimit. Ajo do të mbetet e njëjtë me atë të një viti më parë, pra 10 mijë lekë të reja. Vendimi parashikon që tarifat e shkollimit për studentët do të jenë 10 mijë lekë për kursin e parë dhe të dytë, 70 mijë lekë për kursin e tretë si dhe 25 mijë lekë për kursin e katër, duke iu referuar tarifës ekzistuese. Propozimi i rektorëve për rritjen e tarifës u bë shkak i buxhetit të kufizuar që kanë aktualisht universitetet për plotësimin e përmirësimit të kushteve në auditore. Sipas rektorit të Universitetit Politeknik, Përparim Hoxha, të ardhurat që do të mblidheshin nga kjo tarifë do të shkonin për shtimin e përmirësimin e laboratorëve, si dhe ngritjen e sallave të internetit. Një ditë më parë ky propozim hasi në kundërshtim nga Qeveria Studentore, e cila deklaroi se përpos premtit të rektorëve, askush nuk ishte konsultuar paraprakisht se cili do të ishte ndikimi i kësaj tarife në xhepat e studentëve, ndërkohë që deri tani edhe pse kjo tarifë është paguar rregullisht, ndryshimet në mjediset akademike kanë qenë minimale.


Rritja e kuotave në degët:

Gjuhët e Huaja 700 kuota
Gjuhë-Letërsi 1 370
Fakultetet e Shkencave 1 035
Infermieri 400
Shkencat Sociale 1 600
Fakultetet e Ekonomisë 2 500
Universiteti Bujqësor i Tiranës
dhe Universiteti Politeknik 1 900
Fakulteti Juridik 470 kuota

Kuotat

Kuotat kryesore 24 181 studentë
Kuota dytësore 1 815 studentë
Kuota për shqiptarët jashtë trojeve 309 studentë
Kuota për degë të dytë 250 studentë
Kuota për vite të ndërmjetme 250 studentë
Kuota për shtetasit e huaj, me kombësi joshqiptare 40 studentë


13/08/2005
KATEGORIA: Sociale
...............
.............................................

PD-se i mbetet te shtoje fondet dhe te heqe perfundimisht konkurimin ne deget qe kane nevoje kryesisht per laps, leter e mend ne koke

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

REKTORI I UNIVERSITETIT TE TIRANES, RROKAJ E QUAN POLITIK VENDIMIN E QEVERISE PER LIBERALIZIMIN E SHKOLLAVE TE LARTA

Rektori i Universitetit te Tiranes reagoi sot ndaj vendimit te qeverise per liberalizimin e shkollave te larta. Shezai Rrokaj thote se ne kete menyre cenohen standartet e mesimdhenies dhe vendimi eshte politik pasi ekzekutivi e njeh gjendjen aktuale te universiteteve. Sipas tij, nuk ka ambjente te mjaftueshme, laboratore e staf pedagogjik per te perballuar fluksin ne rritje te studenteve. Rrokaj ve ne dukje se kjo do te sjelle renien e cilesise ne mesimdhenie pasi pegagogeve iu shtohet ngarkesa.
-----------------------------------------

ka plot ish studente te zote qe do e benin gati falas punen e asistentit (pedagogu thjesht do te perzgjidhte textet e do te firmoste provimet)

 

[liridashes]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

Hapja e Universiteteve të reja si Hopi i Madh Përpara
Adri Nurellari
Marre nga gazeta panorama

Në vitin 1958 Mao Ce Duni hartoi dhe vuri ne jetë një strategji të quajtur “Hopi i madh përpara” e cila sipas tij do të bënte të mundur nëpërmjet kolektivizimit dhe krahut masiv të punës që prodhimi kinez i çelikut të kalonte atë amerikan pas një dekade. Kjo ishtë një përpjekje e dëshpëruar për të nxitur industrializimin e Kinës duke rritur ndjeshëm prodhimin simbol të industrisë, pra çelikun. Strategjia konsistonte në ndërtimin e komunave me rreth 5000 familje secila dhe në çdo komunë u ndërtua nga një furrnaltë çeliku (në total u ndërtuan rreth 600 000) duke synuar që të shfrytëzohej në maksimum krahu masiv dhe i lirë i fshatarëve të kolektivizuar e të shndërruar në punëtorë si dhe të shmangej importimi i makinerive të rënda nga jashtë. I gjithë populli u përqëndrua tek prodhimi gjysëm amator i çelikut dhe shpesh edhe fabrikat, shkollat, ushtria braktisnin punën e tyre dhe merreshin me shkrirjen e çelikut. Fillimisht prodhimi industrial u rrit por në vitin 1961 filloi një pikiadë të menjëhershme dhe Kina arriti që të kaptë sërisht sasinë e prodhimit industrial të para 1958-ës vetëm në vitin 1964. Pasojat e kësaj politike në përgjithësi ishin të llahtarshme. Përqëndrimi i burimeve njerëzore drejt industrise dhe largimi nga bujqësia bëri që tre vitet 1959-1961 ta zhysnin Kinën në një katastrofë njerëzore. Gjatë kësaj periudhe, si pasojë e zisë së bukës që pllakosi kanë vdekur rreth 30 milionë njerëz.
Ky është një rast tipik dhe ekstrem i një politike të centralizuar që synonte rritjen e prodhimit nëpërmjet fragmentizimit të burimeve në periferi. Edhe strategjia e hapjes së universiteteve të reja, kuptohet që nuk është ekstrem si situata e Kinës, por ka tipare të ngjashme me Hopin e Madh Përpara pasi synon rritjen e numrit të studentëve që shkojnë në shkollën e lartë (po ashtu si kinezët që donin të rrisnin prodhimin e çelikut) nëpërmjet hapjen e universiteteve lokale (furrnaltave të komunave në rastin kinez).
Në fakt është e vërtetë që ne kemi një numër studentësh me të vërtetë shumë të ulët dhe kjo është një çështje që duhet ta shqetësojë qeverinë, kushdo qoftë në krye të saj. Ne kemi student rreth 1.5% të popullsisë që është edhe përqindja më e ulët në Evropë. Duke patur parasysh që shteti ynë ka popullsinë më të re në Evropë gjë që do të thotë se edhe përqindja e popullsisë që duhejt të ishte nëpër bangat e universiteteve është më e lartë se kudo në Evropë, atëhere padyshim që situata është alarmante. Por edhe kjo përqindje që kemi nuk është ndonjë numër për t’u patur parasysh si një arritje pasi një e treta e studentëve janë part time ose me korrespondence, dhe një pjesë tjetër e mirë është duke ndjekur shkollat e larta lokale të cilat lënë shumë për të dëshiruar. Pra arsimi i lartë shqiptar është në një gjendje shumë të rëndë dhe ky është një handikap që ka për të patur gjurmë të thella në të ardhmen e vendit tonë.
Në ekonominë e sotme roli i pozicionit gjeografik, sasia e popullsisë dhe prania e burimeve natyrore ka kaluar në plan të dytë dhe cilësia e burimeve njerëzore ka marrë një rol suprem. Mjafton të shikohet se kush vende janë të zhvilluara sot për të dalë në këtë konkluzion. Ekonomia e dytë më e fuqishme në botë është Japonia që ndodhet në ekstrem të Lindjes dhe që ka një terren gjeografik të ashpër dhe krejt shterpë për sa i përket burimeve natyrore. Megjithatë falë cilësisë dhe produktivitetit të lartë të krahut të punës në Japoni, ekonomia atje është shumë më e zhvilluar se vende si Rusia e cila për nga pasuria në burimet natyrore zë mbase vendin e para në botë. Edhe pse Rusia ka gjithë atë territor të gjerë e të pasur me minerale të ardhurat e rusve janë mbi dhjetë herë më të ulta se ato të hollandeze, ndërkohë që këta të fundit jetojnë të ngjeshur në një territor të ngushtë me nje pjesë të mirë të tij nën nivelin e detit. Pra përveç stabilizimit të sistemit ekonomik të tregtisë së lirë, përmirësimi i cilësisë së burimeve njerëzore shqiptare ëshë i domosdosshëm për të arritur zhvillimin ekonomik.
Mirëpo zgjidhja që është zgjedhur nga qeveria e tanishme është e gabuar dhe hapja e tre universiteteve të reja është një hap jashtëzakonisht i dëmshëm për gjithë arsimin e lartë shqiptar. Dhe kjo nuk ka të bëjë vetëm me deformimin e tregut të arsimit të lartë dhe të faktit që nëse shqiptarët duan të kenë shkollë të lartë atëhere ata duhet ta merritojnë atë duke paguar dhe duke e marrë nëpërmjet universiteteve private. Ironia e fatit është se shteti ynë vendos kushte jashtëzakonisht të vështira dhe kritere cilësie shumë rigoroze për hapjen e universiteteteve të reja private ndërkohë që nuk e ka për gjë që të hapi universitete të reja piramidë në qytete të tjera të Shqipërisë.
Po ashtu si kinezët me çelikun ne po nisemi edhe me shkollimin e lartë nga një premisë e gabuar, nga iluzioni që ne duhet “ti përmbushim nevojat me forcat tona”. Përse vallë u dashka që të përpiqemi që të përmbushim nevojat për arsim brenda vendit, kur fare mirë studentët potencialë shiptarë mund të shkojnë e të studiojnë në vende të tjera. Dhe me thënë të drejtën kjo gjë nuk është aq shtrenjtë sa mendohet. Vende si Gjermania apo Franca e kanë shkollën falas dhe jeta në një vit shkollor aty kushton diçka tek 5000 euro në vit. Ndërkohë familjet shqiptare shpenzojnë afërsisht 1500 euro në vit për të mbajtur fëmijët në Universitetin e Tiranës ndërsa shteti shqiptar rreth 2500 euro për një student me shkëputje nga puna.
Megjithatë këto linja diskutimi nevojisin një artikull më vete për tu trajtuar. Por akti i fundit në vetvete i hapjes së tre universiteteve të reja publike është me të vërtetë shqetësuese për arsye të tjera.
Të hapësh universitete të reja lokale do të thotë të vendosësh prioritetin tek sasia dhe jo tek cilësia. Në fakt vendi ka nevojë për njerëz të kualifikuar mirë dhe jo për injorantë me diploma pasi kjo gjë thjesht e përkeqëson situatën egzistuese. Ne e kemi provuar tashmë taktikën e hapjes së universiteteve lokale dhe dihet mirë që ato kanë qënë një dështim i vërtetë për sa i përket cilësisë. Këto universitete janë katandisur më keq se shkolla të mesme të specializuara dhe në to e vetmja gjë që bëhet me sukses është kultivimi i korrupsionit dhe çertifikimi i injorancës. Ato shkolla janë bërë një gangrenë e vërtetë dhe nëse nuk merren masa urgjente refermuese, atëhere do të ishte më mirë të mbylleshin fare.
Hapja universiteteve të tjera publike thjesht do ta rëndojë situatën tashmë të rëndë. Përjashtim këtu mund të bëj universiteti i Durrësit pasi ky qytet është shumë afër Tiranës dhe fare mirë mund të konsiderohet si shtojcë e kapaciteteve universitare të Tiranës. Pra të njëjtit pedagogë që japin mësim në Tiranë kanë mundësi të udhëtojnë brenda ditës e të japin mësim në Durrës. Këtë gjë e bëjnë tashmë qindra mësues që shkojnë çcdo ditë nëpër fshatra çdo ditë. Ndërkohë që mijëra të rinj që jetojnë në Durrës dhe rrethinat e tij e që nuk mund t’ia lejojnë vetes të jetojnë në Tiranë ose të udhëtojnë për në Tiranë çdo ditë do kenë mundësi të studiojnë në qytetin e tyre. Për universitetin e Fierit dhe atë të Beratit fatkeqësisht nuk shikoj asnjë arsye bindëse (përveç ndonjë vote të shtuar) që të justifikojë një investim kaq të rëndësishëm.
Për të rritur numrin e studentëve, nëse ky është qëllimi kryesor mjafton që të zgjerohen kapacitetet egzistuese pasi kjo gjë kushton shumë më pak se hapja e universiteteve të reja dhe njëkohësisht mbahen nivele relativisht jo të ulta për sa i përket cilësisë. Fragmentizimi i burimeve tona që janë tashmë për të qarë hallin, është një kërcënim për cilësinë pasi është më cilësore një bibliotekë me 100 000 tituj sesa të hapësh tre shkolla ku secila të ketë të njëjtat 33 000 tituj, pra 66 000 tituj librash që studentët nuk do mund ti kenë në dispozicion. Në një farë mënyre analoge kjo ndodh edhe me shkollat e larta. Kush do shkoj të jap atje mësim, kur mbi 60% e pedagogëve shqiptar nuk kanë një gradë master e jo më një doktoraturë. Gjithashtu kush mbetet për të shkuar të studiojë në universitetet e reja lokale, kur dihet që tashmë 74% e maturantëve e kanë një vend në universitetet e Shqipërisë duke filluar nga 2004? Edhe sikur t’ë arrinim të ofronim vende për 26% e maturantëve që mbeten (pa llogaritur këtu ata që shkojnë të studiojnë jashtë), ne prapëseprapë do të kemi përqindjen më të ulët të Evropës për sa I përket studentëve. Prandaj nëse duam të shtojmë numrin e studentëve mbase së pari duhet ta bëjmë arsimin e lartë më joshës dhe dobishëm (gjë për të cilën këto taktika të fundit nuk hyjnë në punë sepse ulin cilësinë e për rrjedhojë dobinë e universitetit) dhe së dyti, duhet ta përqëndrojmë vëmendjen tek arsimi parauniversitar dhe jo ai universitar.

 

[liridashes]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

QORRSOKAKU I LIBERALIZIMIT SOCIALIST TE ARSIMIT TE LARTE
Adri Nurellari
Marre nga gazeta Shekulli


Me afrimin e vitit të ri shkollor, çështja e liberalizimit të shkollave të larta është bërë mbizotëruese në debatin publik. Edhe pse për maturantët e sapodalë nga shkollat e mesme kjo çështje tingëllon e ëmbël pas shmang ethet e provimeve të pranimit, për shumicën tjetër të popullsisë kjo duket gjë e çuditshme dhe tepër e befasishme. Kjo pasi këtë tezë të liberalizimit ata e dëgjuan për herë të parë në fushatën e PD-së dhe e panë pak kohë më pas të vënë në jetë nga qeveria socialiste pa kurrfarë parapërgatitje. Por ndryshe nga çuditë e tjera që zgjasin vetëm tre ditë, pasojat e kësaj çudie kanë për të zgjatur shumë. Është e çuditshme edhe për ata që merren me arsimin të cilët e dinë se edhe në vende të zhvilluara si Anglia, përqindja e maturantëve që shkojnë në shkollë të lartë vërtitet tek 50%. Ne me lëvizjet e fundit ne po përpiqemi ta bëjmë 100%, ndërkohë që e kemi tashmë 74%.
Disa nga argumentet që po përdoren në favor të liberalizmit në një farë mënyre qëndrojnë. Është e dobishme për vendin që të kemi më shumë student dhe procedurat e deritanishme të përzgjedhjes së studentëve që futen në shkollën e lartë kanë lënë shumë për të dëshiruar. Nga njëra anë konkurset i kanë hapur rrugën një korrupsioni masiv për të siguruar marrjen e të drejtës së studimit duke ia hedhur konkursit. Nga ana tjetër kanë çelur një treg jo dhe aq të moralët të kurseve të shtrenjta të parakonkursit të organizuara nga pedagogë të cilët i mësojnë studentëve ato çështje e ato përqasje që ata do të përfshijnë në tezat e konkurseve të pranimit. Dhe këto dy pasoja i kanë bërë konkurset të pabesueshëm dhe jo efikas Nëse përdoret mesatarja atëherë lindin dy probleme të tjera. Nga njëra anë është qesharake që të privohet nga e drejta për të studiuar për inxhinieri, një maturant që ka mesatare të ulët sepse ka marrë nota të ulta në letërsi dhe fizkulturë. Nga ana tjetër mesatarja e marrë nga një maturant i fshatit Lapardha të Beratit apo Vlorës, nuk ka të njëjtën vlerë me mesataren e dalë nga shkollat e mesme të kryeqytetit ku kërkesa e llogarisë është shumë më e lartë. Porse problemi i numrit të ulët të studentëve në përgjithësi dhe në mënyrë të veçantë problemi i mungesës së një sistemi efikas të përzgjedhjes së studentëve që futen ne universitet, nuk e gjejnë zgjidhjen më efikase tek një politike që shqyen dyert e shkollës së lartë pa bërë paraprakisht ndryshime të tjera thelbësore në organizimin, menaxhimin dhe financimin e këtyre shkollave.
Dhe kjo politikë mund të konsiderohet një qorrsokak për arsye që janë ndryshe nga ato që përmenden sot dendur. Sot pretendohet nga shumë se shteti nuk ka ambiente dhe pedagogë për të përballuar një liberalizim të plotë. E vërteta është se për të përballuar futjen e gjithë maturantëve në shkollën e lartë, mjafton që shteti të shkrijë institutet kërkimore të varura nga akademia e shkencave (gjë që e kanë bërë shumë kohë më para vendet e tjera ish-komuniste) dhe të vëri ndërtesat e tyre dhe personelin e tyre shkencor në funksion të departamenteve universitare. Problemi i vërtetë qëndron tek shpejtësia me të cilën zbatohet liberalizimi i arsimit të lartë dhe tek shpërfillja e shumë implikimeve dhe pasojave të pakëndshme që do të shkaktojë ky liberalizim. Pra nuk është çështja se a mund të realizohet liberalizimi? Por çështja është sa i dëshirueshëm është liberalizimi? Përpara se të bëhet ky liberalizimi duhet të qartësohet roli i shtetit në lidhje me arsimin e lartë. A duhet të jetë shteti thjesht pronar dhe menaxhues i institucioneve të arsimit të lartë, thjesht financues i arsimit të lartë, apo të dyja bashkë siç ndodh tek ne?
Që shteti është një menaxhues dështak këtë gjë e kemi provuar mjaft mirë në kurrizin tonë si pasojë e 50 viteve të komunizmit kur gjithë ndërmarrjet ishin shtetërore. Prandaj edhe përkrahet procesi i privatizimit, sepse biznesi privat bën të mundur kost-efektivitetin e një ndërmarrje. Po të aplikohet i njëjti parim tek arsimi i lartë, atëherë shihet që është e kotë që shteti të japë arsim të lartë përderisa ka sipërmarrës që kanë hapur shkolla të larta private dhe ka të tjerë që kanë dëshirë të hapin të tilla nëse i pranohen kërkesat. Përjashtim këtu mund të bëjnë ato degë që janë të një rëndësie të veçantë për vendin tonë si degët albanologjike (historia, arkeologjia, gjuhësia) dhe ato ushtarake, si dhe ato degë që përndryshe vështirë se do të tërhiqnin kapital privat për t’u hapur, si filozofia apo sociologjia. Ka shumë degë të tjera për të cilat ka boll njerëz që janë të gatshëm të paguajnë që të futen ose për të cilat ka syresh që janë të gatshëm të investojnë që t’i hapin si shkolla. Dhe këtu lidhet edhe roli i dytë që luan sot shteti në arsimin e lartë, ai i financimit të tij.
Arsimi i lartë është fakultativ dhe është në një farë mënyre investim i sigurte për një individ pasi ata që mbarojnë shkollën e lartë pritet të marrin të ardhura më të lartë dhe të arrijnë një status shoqëror më të lartë se të tjerët. Kur shteti nuk paguan për bukën e njerëzve e cila është më e domosdoshme për një njeri, atëherë pse u dashka që të paguajë për universitetin? Dhe kjo gjë dihet prandaj shumë njerëz janë të gatshëm të paguajnë për t’u arsimuar në universitete. Disa vite më parë kur u vendosën kuota studentësh me pagesë, u pa e qartë se numri i studentëve që janë të gatshëm për të paguar për të ndjekur disa kurse si juridiku, gazetaria etj. ishte shumë herë më i lartë se kuotat e caktuara për ta. Prandaj këtyre të fundit iu duhej që përveçse të ofronin para, të merrnin edhe një sasi të kënaqshme pikësh në konkurs. Gatishmëria dhe mundshmëria për të paguar shkollën e lartë shikohet edhe nga numri jashtëzakonisht i madh i studentëve që janë futur në shkollë part- time me pagese. Prandaj duhet flakur tutje miti që arsimi i lartë duhet të jetë falas për të gjithë dhe se shqiptarët nuk kanë takat që ta paguajnë. Ç’faj kanë familjet që nuk kanë fëmijë ose që nuk i çojnë fëmijët në universitet që me taksat e tyre të paguajnë shkollën e 1.5% të popullsisë së privilegjuar që ndjekin arsimin e lartë? Ç’kusur kanë familjet që duan ti çojnë fëmijët në shkolla private apo shkolla jashtë vendit që të paguajnë dyfish për arsimin? Në fakt qënia falas e universitetit është një ndër shkaqet e cilësisë së ulët ta shkollave tona. Shumica e studentëve nuk janë të përkushtuar se nuk e paguajnë vetë mësimdhënien por buxheti i shtetit, dhe nuk kanë ç’të humbasin prandaj i lënë pas dore detyrat e shkollës dhe nuk ndjekin rregullisht orët e mësimit, gjë që nuk ndodh kur ata ndjekin ndonjë kurs me pagesë të kompjuterit apo të gjuhëve të huaja. Bile shumë studentë abuzojnë dhe e shikojnë arsimin si një shtojcë të adoleshencës ose veprimtari zbavitëse shoqërore, si diçka që duhet bërë për të mos u ndarë nga shokët e gjimnazit.
Dikush mund të thojë se ka njerëz që pa shkollën falas, nuk do mund t’a paguanin universitetin? Në një rast të tillë unë personalisht do të preferoja përdorimin e sektorit të kreditimit për arsimin, por, medet, e di që shumica dërrmuese, nëpërmjet sistemit të demokracisë përfaqësuese, do vendoste ndryshe dhe do parapëlqente që të subvenciononte disa segmente të caktuara të shoqërisë. Mirëpo mbështetja e këtyre segmenteve të kufizuara të shoqërisë nuk do të thotë që të hapen shkolla enkas për ta (pra nuk justifikon rolin e parë të shtetit dmth të zotërimit dhe menaxhimit të institucioneve të arsimit të lartë), por mund të realizohet duke paguar drejtpërdrejtë pjesëtarë të këtyre grupeve nëpërmjet bursave, dhe këta të fundit të lejohen të shkojnë në shkollën që duan. Futja e një sistemi subvencionimi pozitiv nëpërmjet bursave ose kuponëve që iu jepen të varfërve apriori, në fakt do të ndihmojë në rritjen e konkurrencës e për rrjedhojë cilësisë së shkollave. Këta të varfër duke vendosur që t’i shpenzojnë bursat apo racionet e mbështetjes që marrin nga shteti në shkollën që ofron shërbimin më të mirë për ta (qoftë kjo edhe jashtë vendit), në këtë mënyrë detyrojnë shkollat që të konkurrojnë dhe përmirësojnë cilësinë. Mirëpo deri më sot të drejtat e studimit dhe bursat për këto minoritete vendoseshin në mënyrë arbitrare e me përpikmëri nga shteti.
Për rrjedhojë, me disa përjashtime (për të përmbushur këto përjashtime mjafton universiteti publik i Tiranës), ndërhyrja e shtetit në arsimin e lartë në kushtet e një shteti të lirë demokratik është e pajustifikuar. Prandaj të hapësh një universitet të ri në Berat dhe një në Fier do të thotë që të paguash me taksa publike ndërtimin e një ndërmarrje publike për prodhimin e një malli që fare lehtë e me një cilësi shumë më të mirë mund ta prodhojë një ndërmarrje private. Prandaj liberalizimi nuk do bëj gjë tjetër veçse do deformojë tregun shqiptar, dhe do pakësojë mundësinë që të tërhiqet kapitali privat në arsimin e lartë (është e natyrshme që rritja e pranimit tek fakulteti juridik do të dëmtojë në mënyrë të drejtpërdrejtë fakultetin juridik privat Luarasi.. Kjo gjë do të thotë që fatura publike e paguar për arsimin e lartë do jetë me e lartë dhe biznesit privat nuk do t’i jepet mundësia ta lehtësojë atë nëpërmjet shkollave private. Do të thotë që nuk do të shijojmë rritjen e cilësisë dhe larmisë së ofertës që realizon oferta private. Sa të lehtë e ka që të konkurrojë një shërbim si arsimimi privat, kur konkurruesi bën dumping e ta jep atë falas. Është njësoj sikur para restorantit tuaj dikush të hapi një mensë që jep ushqim falas. E vetmja mënyrë që të mbijetohet është shndërrimi i restorantit në luksoz. Mirëpo kjo gjë nuk mund të bëhet lehtë për arsimin pasi nëse shkollat e larta private bëhen shkolla luksi numri i atyre shqiptarëve që mund të paguajnë këtë luks zvogëlohet aq shumë sa që mund të mos jetë i mjaftueshëm sa ta mbajë këtë shkollë hapur (kjo është mbase një ndër arsyet pse shkollat e larta private shqiptare sot kanë kaq pak studentë). Plus që ata që janë shumë të pasur mund të shkojnë shumë më lehtë jashtë vendit prandaj shkollat private të larta e kanë si shansi të vetëm për të ecur pasjen si klient të shqiptarit të mesëm dhe jo të atij shumë të pasur. Prandaj për dëmin që i bën tregut kjo politikë, vetëm politikë liberalizimi nuk meriton të quhet, pasi liberalizmi si kuptim klasik ka dorën e fshehtë të tregut dhe jo ndërhyrjet e shtetit.
Ky artikull nuk pretendon që të shpjegojë problemet e arsimit apo zgjidhjet e tyre, por thjesht synon të tregojë se implikimet e kësaj politike janë shumë të mëdha prandaj një reformë e arsimit të lartë kërkon një studim më të kujdesshëm e më të plotë. Prandaj kjo politikë etatiste e pseudo-liberalizimit të arsimit të lartë është një qorrsokak nga ku bëjmë mirë të dalim tani qe jemi ende pa u futur mirë.

 

[Kondrapedali]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

Fillimisht postuar nga -:
[qb] Une po flas per dicka konkrete dhe jo per "cdo fjale" te dale nga selia e PD

Pak rendesi ka nese eshte me i mire kriteri i provimit apo mesatares (e eliminojme per momentin nga diskutimi qe te perqendrohemi diku tjeter) Rendesi ka qe MBETET NJE KRITER PERZGJEDHJE.

Kjo eshte nje teme politike perderisa eshte hapur ne forumin politika.
Pd premtoi liberalizim dhe nese ky eshte liberalizimi qe kish ndermend te realizonte e ka shitur vertet sapunin per djathe.
Ose PD kerkon ta quaje premtimin te permbushur me kaq ( u liberalizua) ne do te jemi idiote nese nuk do te flasim
ose PD e di qe ky nuk eshte liberalizim e atehere po tallet me ne dhe kerkon te fitoje kredi politike nepermjet nje mashtrimi. (kerkon te tregoje qe ishte thjesht ceshtje vullneti politik dhe qeveria e shkuar thjesht nuk donte)

ne te dyja rastet veprimi i PD eshte per tu kritikuar dhe kete po bej ne kete teme.

PS: dhe do te hap nje teme te ngjashme sa here do te mendoj qe nje vendim apo veprim meriton kritika apo levdata. Jo "cdo fjale qe del nga PD" por vetem ato qe i konsideroj negative. [/qb]

Gene, tema të tilla bën mirë të hapësh sa herë që të jesh i paqartë apo sa herë të kesh ndier ndonjë pisllik prapa perdeve. Kjo është ndërgjegje qytetare.

Në rastin në fjalë po bëhet shumë zhurmë për diçka që ka të bëjë më tepër me terminologjinë e përdorur sesa me vetë problemin.
Në fakt, me liberalizim të studimeve të larta nuk duhet nënkuptuar që edhe një idiot që mezi e merr çertifikatën për të ndenjur jashtë spitalit mund të futet në universitet pasi kjo do të ishte absurditet e shpenzim tepër i madh. Pra universiteti në radhë të parë i shërben (e kështu duhet të jetë) atyre që e kanë nivelin për të hyrtë në universitet. Për të qenë sa më realistë në përmbushjen e këtij kriteri, duhen vendosur disa mënyra verifikimi (konkurset, mesatarja, etj) përndryshe, shumica e atyre që do hyjnë nëpër universitete do thyejnë hundët e do kërkojnë metoda të tjera për të arritur rezultatet (pasi truri nuk i mjafton).
NjË problem tjetër është rritja kolosale e shpenzimeve pas një liberalizimi total të studimeve të larta. Një shpenzim i tillë përballohet vetëm nëse liberalizohen edhe pagesat që studentët duhet të bëjnë për t'u futur në shkollë. Ky përbën në vetvete një kriter përzgjedhje, kësaj radhe jo sipas aftësisë por sipas mundësisë!
Sido që të bëhet do ketë gjithmonë dikë që do të jetë kundër njërës apo tjetrës. Një gjë ama dihet, të gjithë janë kundër aktualitetit!

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

ky eshte nje diskutim krejt tjeter kontra.

vertet mbase eshte thjesht ceshjte terminologjie por jo nje fjale e perdorur gabimisht e pafajesisht. Eshte perdorur nga qeveritaret e ardhshem per te fituar kredi politike. Pra DUAN TE NA SHESIN SAPUNIN PER DJATHE.

Nese kuptuam kete, kjo teme e mbaroi punen e vet.

Diskutimin mbi mundesine liberalizmit real te universitetit e vazhdojme tek (i gjihte populli student) se atje ka marre nje rruge interesante.

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

www.shekulli.com.al

Pranimet e sivjetshme në universitete janë 40 për qind më shumë krahasuar me çka propozuan universitetet në prill

Miratohen kuotat e pranimit për 10 universitete

<span style="font-weight: bold">Berisha premton rritje tjetër të kuotave, nëse do të jetë e nevojshme </span>

Olsi Kolami

Në fillim të tetorit në auditore do të ulën 18 052 studentë. Ka qenë ky vendimi i djeshëm i qeverisë, ndërkohë që kryeministri Sali Berisha premtoi rritje tjetër kuotash nëse do të ketë kërkesa nga të rinjtë. Zyrtarizimi përfundimtar i numrit të pranimeve të reja në universitete ka shfuqizuar gjithashtu edhe vendimin e qeverisë Nano, e cila kishte miratuar 26 mijë kuota, pra 8 mijë më tepër. Kuota prej 18 054 studentësh përfshin gjithashtu kuotat kryesore, dytësore si dhe shqiptarët jashtë trojeve të Shqipërisë. “Pas tratativave të frytshme me drejtuesit e universiteteve, qeveria vendosi rritjen e kuotave të pranimit, duke parashikuar numrin më optimal të vendeve, të cilat, të në thelb përbëjnë 90 për qind të maturantëve që mbaruan gjimnazet, çka parashikon pranimin e të gjithë të rinjve në universitete, pasi praktika tregon se ky është kufiri maksimal i përqindjes së të rinjve që pranojnë vullnetarisht të ndjekin universitetet”, - ka deklaruar kryeministri Berisha. Sipas kryeministrit, vetëm më 1 tetor do të merret vesh realisht përqindja e maturantëve që do të hyjnë realisht në universitete dhe në rast se do të dalë një përqindje më e lartë nga sa është parashikuar, qeveria sërish do të ulet në një përpjekje tjetër për rritjen e kuotave, me qëllim që të mos lërë asnjë maturant pa shkollë. Kuota totale e pranimeve në të gjitha universitetet e vendit arrin në 18 054 ose 40 për qind më shumë nga çka kishin propozuar vetë universitetet në prill. Ndërkohë që kuota totale përfshin atë kryesore që është 12 610, kuotat dytësore me pagesë, që janë 10 për qind i kuotës totale, pra 1 503, kuota për shqiptarët jashtë trojeve me 301 vende, si dhe kuota për shtetasit e huaj me kombësi joshqiptare, e cila është 40. Po dje qeveria miratoi gjithashtu edhe 60 kuota të tjera, prej të cilave 300 do të shkojnë për degët e dyta si dhe 300 të tjera për vitet e ndërmjetme. Sipas ministrit të Arsimit dhe Shkencës, Genc Pollo, kuota e miratuar nga qeveria u përgjigjet kërkesave të universiteteve për një numër studentësh, i cili mund të përballohet me mjedise, ndërkohë që pritet që me një fond shtesë të shtohen në stafin akdemik edhe 100 pedagogë të rinj. Qeveria në marrjen e vendimit ka parasysh propozimet e universiteteve, mbështetur në hapësirën fizike të auditoreve dhe në ngarkesën mësimore shkencore të profesoratit. Gjithahstu është mbështetur në programin e qeverisë për rritjen e numrit të kuotave të pranimit në shkollat e larta. Numri i studentëve për çdo grup studimi, si rregull, është 30 për degët shoqërore dhe 25 studentë në grup për degët teknike dhe shkencore.


Qeveria premtohen mjedise të reja universitare
Porosia e fundit e kryeministrit dje pas mbledhjes së qeverisë, ka qenë që çdo metër katror të vihet në dispozicion të studentëve dhe universiteteve. Pritet që së afëmi të ngrihet një grup ndërministror, i kryesuar nga zëvendëskryeministri Rusmajli, që do të marrë në shqyrtim godinat që vitin e ardhshëm do të përdoren si mjedise universitare. Kështu ish-Shkolla e Partisë, Mihal Duri, Kombinati i Autotraktorëve dhe mjedise të tjera do të vihen në dispozicion të arsimit, me qëllim dyfishimin e numrit të studentëve, veçanërisht në Informatikë dhe Anglisht. Kryeministri premtoi vënien në dispozicion të fondeve shtesë nga qeveria, me qëllim që ato të përdoren për fakultete që kërkojnë laboratore, por edhe high-tech. Ndërkohë ministri Pollo ka kërkuar në emër të rektorëve shtimin e mjediseve të reja për disa universitete konkrete. Kështu është rënë dakord që një kat i spitalit të Shkodrës t’i kalojë në përdorim dhe më pas në pronësi universitetit, ndërkohë që shtëpitë e ushtarakëve në Elbasan dhe Gjirokastër mbeten një tjetër mundësi për t’u kthyer në mjedise akademike. Pollo ka kërkuar me urgjencë që godina e Studimeve të Teknologjisë dhe Ndërtimit të kalojë në dispozicion të Universitetit Politeknik, me qëllim shtimin e mjediseve për degën e Arkitekturës.




23/09/2005

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

c'kuptim kane kuotat e tilla?????!!!!!!!!!!

eshte apo nuk eshte i hapur per te gjithe univeristeti???????????????????????

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

Për universitetet e reja, vendoset pas 1 tetorit


Olsi Kolami

Pasi ka shfuqizuar vendimin e qeverisë Nano për mbylljen e tre universiteteve të reja, Berisha ka premtuar një zgjidhje për 3 mijë të rinjtë e regjistruar në universitetet e Durrësit, Beratit dhe Fierit. Pas 1 tetorit të rinjtë do të pranohen në universitetet e tjera të vendit, sipas një sistemi kriteresh që do të vendosen për pranimet e tyre, duke iu referuar kuotës së pranimit, e cila mbetet 1 mijë studentë. “Ministri Pollo do të marrë qysh nesër regjistrimet e të rinjve në universitetet e mbyllura dhe do të nisë negociatat me universitetet e Korçës, Gjirokastrës, Elbasanit dhe Vlorës, me qëllim që edhe të rinjve të mashtruar, nga universitetet kotece të qeverisë së shkuar, t’u përgjigjemi, duke mos u venitur ëndrrën për shkollën e lartë”, - theksoi kryeministri. Ndërkohë ministri Pollo e ka quajtur tallje hapjen e tre universiteteve nga qeveria e shkuar dhe ka premtuar se pas 1 tetorit do të rishikohet mundësia e pranimit të të rinjve në universitetet e tjera, sipas formulave që do të zbatohen për mënyrën dhe kriteret e pranimit, duke iu afruar të rinjve mundësinë të ndjekin studimet e larta. “MASH-i u përball me litarët e lënë jashtë nga qeveria së shkuar, megjithatë qysh në mbledhjen e parë të qeverisë së re, thirra konferencën e rektorëve për zgjidhjen e problemit të kuotave të cilat ishin shkatërruese për universitetet. Rektorët u treguan të vëmendshëm për të rritur kuotat në një maksim të mundshëm që nuk do të cënonte cilësinë e mësimdhënies dhe diplomës më të cilat do të pajisen studentët. Kemi rënë dakord për një shifër prej 18 052 studentë, që përmën një rritje prej 40 për qind krahasuar me propozimet fillestare të bëra nga universitetet”, -theksoi ministri Pollo.


Mjedise të reja propozuar për universitete:
Spitali i Shkodrës
Ish-Shkolla e Partisë
Mihal Duri në Tiranë
Kombinati i Autotraktorëve
Shtëpitë e Ushtarakëve në Elbasan dhe Gjirokastër
Instituti i Studimeve të Teknologjisë dhe Ndërtimit


Ndarja e kuotave

Kuota e pranimeve të reja 17 414
Kuota dytësore 1 503
Kuota për shqiptarët jashtë trojeve 301
Kuota për degë të dytë 300
Kuota për vite të ndërmjetme 300
Kuota për shtetasin e huaj me kombësi joshqiptare 40




23/09/2005
KATEGORIA: Sociale
www.shekulli.com.al
------------------------------------------------------

ishte tallje mesimdhenia pasdite ne godinat e shkollave te mesme
me mire tek kombinati i autotraktoreve
me mire akoma i leme ca kohe keta studente ne ajer qe te na e dine vleren me mire

ik hoxhe te vije prifti

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

do tu paguajne edhe rrugen nga berati ne tirane?

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

mendoni se sa do te shtohet kosto per konvikte e bursa

 

[komino]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

Presidentit të Republikës, Z. A.Moisiu

Kryetarit të Këshillit të Ministrave, Z.Sali Berisha

Ministrit të Arsimit, Genc Pollo

Avokatit të Popullit, Ermir Dobjani

Konferencës së Rektorëve të Universiteteve

Zyrës për Mbrojtjen e Qytetarëve(ZMQ)

Shoqatës për Mbrojtjen e konsumatorit

Pranisë së OSBE-së

Përfaqësuesëve të Bankës Botërore në Tiranë

DEKLARATË



Pas vendimit për mbylljen e Universitetit
të Durrësit, ne këshilltarët e bashkisë së këtij qyteti, me ndjenjë qytetare, u mblodhëm dhe diskutuam për këtë problem. Ne arritëm në përfundimin se vendimi për mbylljen e universitetit nuk i shërben mbarëvajtjes së komunitetit të qytetit të Durrësit. Në këto kushte, ne vendosëm që t'ju drejtohemi juve në mënyrë që të rishihet ky vendim dhe të mundësohet sërish hapja e këtij universiteti.

Ne ju garantojmë për mbarëvajtjen e këtij universiteti, pasi janë marrë të gjitha masat didaktike dhe infrastrukturore për mirëfunskionimin e tij. Është rekrutuar stafi mësimdhënës, si dhe janë përcaktuar auditorët për 6 degët e këtij universiteti.

Janë 1200 të rinj të cilët presin përgjigjen tuaj.


http://www.zeripopullit.com/arkiva/2002/01/30/Ekskluzive/eks3.htm

 

[Erolina]

Re: universiteti i liberalizuar po vetem aty ku nuk ka kerkesa!!!!!!!!!!!!!!!!!!!

Me duket se Pollo beri mire (per momentin) qe kembeguli ne anullimin e vendimit ne vrap e siper qe mori Nano pak para se te mbyllte deren.
A eshte Shqiperia ne te vertete gati te kete Universite ne cdo qytet e qyteze? Mua nuk me duket te jete keshtu as nga ana arsimore, as nga ajo financiare, as strukturore per Ut-te.
Ka disa pika qe e bejne te trishtueshem vendimin e Memushit:
1-Ishin bere pak ose aspak studime per te pare dhe projektuar hapjen e Universiteteve te reja.
2-Koha ne dispozicion midis dhenies se vendimit dhe fillimit te vitit te ri Akademik ishte edhe me e shkurter se koha qe ju desh Nanos per te ndermarre kete aventure te papergjegjshme.
3-Mungesa teresore e stafit mesimor.
4-Mungesa absurde e nderteses ku qenkej menduar te hapeshin Universitet.
5-Asnje studim per nivelin buxhetor qe duhej per te perballuar keto shtesa te reja ne UT dhe nga do te siguroheshin keto fonde vetem per nje muaj?
...etj...
Po si u marrka nje vendim kaq i renderishem brenda nje nate, shume pak para zgjedhjeve, pa asnje te dhene dhe pergatitje terreni e pa asnje pergjegjesi morale?
Asgje per t'u cuditur. Shkon per bukuri me vendim-marresit.
Po kjo qeveria e re, a beri mire qe e anulloi ate vendim dhe cdo beje me tej?
Nese i studion dhe ben publike ne menyre trasparente ato qe injoroi qeveria Nano, do te ishte vetem normale qe Berisha te liberalizonte UT-te dhe me kete rast, edhe te mbante njerin nga premtimet elektorale. (te tjeret eshte veshtire edhe t'i mbaje mend, jo me t'i zbatoje).
Me skeptizicem dhe frike, por ama e pres nje ndryshim dhe nderhyrje te pergjegjshme nga kjo qeveri per Universitet...vitin e ardhshem.

 

efektet negative te vendimmarrjes

po berisha ku e gjeti kohen te &quot;sutdionte&quot; &quot;studimet&quot; e nanos per hapjen e universiteteve?
Nje vendim politik per hapje e nje vendim politik per mbyllje.

ceshtja eshte: cili nga dy vendimet eshte me i demshem.

Ne fund te fundit ne diplome shkruhet nese universiteti qe ke kryer eshte i tiranes apo i durresit apo i shkodres apo i vlores dhe rregullimi i lihet tregut (apo nuk e duam ekonomine e tregut?)

cilat jane efektet negative te anulimit
1- treguam se cdo qeveri ne shqiperi do i nderroje ligjet sipas deshires edhe kur kane filluar aplikimin e luhet me te ardhmen e personave
2- treguam se disa qyetete ne shqiperi nuk &quot;meritojne&quot; te kene universitete e bejne mire te ulin koken
3- Treguam se premtimet e pak javeve me pare te berishes per liberalizim te universiteteve e investime ne arsim ishin shkruar ne leter higjenike - si vritet shpresa per ndryshim?!

 

[ardi21]

Re: efektet negative te vendimmarrjes

Po sa popull arsimdashes qe paskemi qene.... Se dija te them te drejten, po habitem. Dija qe jemi popull kafedashes, lloto dashes them e thash dashes po per arsimin sma kish marre mendja te them te drejten Jo se dyshoj ne deshiren e shqiptareve per arsimin por ne vullnetin e tyre per te realizuar kte gje.
E di si eshte kjo puna puna e universiteteve qe debatoni ju ktu si puna asaj shprehjes popullore qe HEDH NJE BUDALLA GURIN NE LUME E 100 TE MENCUR ZIHEN PER TA GJETUR...
Sinqerisht po me habisni. Ne vend te diskutohet per menyren se si ti bejme me efikase kto universitete qe kemi na u dashka te hapim e ca godina te tjera (se vec kte emer meritojne se smund te quhen universitete) gjasme se keshtu liberalizohen..
Jo zotri te dashur keshtu nuk liberalizojme keshtu i shkatrrojme universitete tona. Me doj se tema duhet moderuar disi me mire e ta kthejme kahjen e diskutimit nga ana e cilesise e jo e sasise. E dicka tjeter ata qe sdine te debatojne vete, me fjalet e tyre dmth, mos shkojne te na bejne copy paste neper gazeta tona se jemi lodhur me ato pseudoanalistet e pseudo editorialistet ordiner qe shkruajne atje....

 

[Erolina]

Re: efektet negative te vendimmarrjes

Gene, e ke marre shume te njeanshem kuptimin per anullimin e hapjes se Universiteteve.
Ti thua:
1- treguam se cdo qeveri ne shqiperi do i nderroje ligjet sipas deshires edhe kur kane filluar aplikimin e luhet me te ardhmen e personave
2- treguam se disa qyetete ne shqiperi nuk &quot;meritojne&quot; te kene universitete e bejne mire te ulin koken
3- Treguam se premtimet e pak javeve me pare te berishes per liberalizim te universiteteve e investime ne arsim ishin shkruar ne leter higjenike - si vritet shpresa per ndryshim?!

Nuk me duket se keto jane arsye qe spjegojne anullimin. T'i harrosh realisht per nje cast skepticimin dhe alergjine qe duket se ke ndaj Berishes dhe qeverise se tij te re(me te drejte ne disa raste), ndoshta edhe do te sprapsesh disi ne kete inatin e madh qe te ka kapur per UT-te.
1.-Qeverite ne Shqiperi vertet i marrin dhe anullojne vendimet sipas deshires(per fatin tone te keq), por jam e sigurte se di e ke shume te qarte se Berisha do te prese per mundesi me te medha per ta ushtruar kete fuqi qe i ka ardhur ne dore. Per universitetet, do te cuditesha edhe me shume nese ti mendon se ishin gati kushtet per t'i pasur sivjet...dhe per te nxjerre ne Korrik studente sasiore (sic ishte permendur me siper)...dhe le ta pranojme, dyshimshem cilesore.
2.-Problemi nuk qendron nese disa qytete jane te nenes e te tjeret te njerkes. Pyetja eshte: &quot;Sa e nevojshme, e dobishme dhe e perballueshme eshte hapja e secilit Universitet&quot;. Per punen e studimit, e kisha fjalen edhe te merren mire parasysh me shifra dhe evidenca nevojat e secilit rreth ne menyre te ndare dhe te vendoset mbi bazen e ketyre gjetjeve se ku do te hapen dyert, dhe jo te permendet fillimisht qyteti, t'i premtohet edhe nje UT dhe pastaj, te mendojme se ku do ta bekemi mesimin, me ke, c'do te studiojme ne kete UT etj.
3.-Berisha (Pollo do te doja te besoja me sakte), ka akoma kohe te tregoje se do te beje dicka (shpresojme te menduar mire) qe liberalizimi te mos ngelet vetem ne leter, vecanerisht ne ato te siper-permendurat.
Eshte heret te paragjykohet dhe le t'ju leme pak kohe. (megjithese realisht shume gjera kane filluar dyshueshem, frikshem dhe mbrapsht).

 

[komino]

Re: efektet negative te vendimmarrjes

e kam pak te njeanshem ne fakt

Po ne fund te fundit eshte berisha sot ne pushtet dhe atyre te tjereve ua kemi hequr vizen tashme.

Megjithate perpiqem te mos paragjykoj (berishen them).

efektet negative qe permenda me lart nuk i quaj shkaqe apo objektiva por pasoja te pritshme te nje vendimmarrje POLITIKE teper te nxituar.
Ketu ne fakt (e kam shprehur edhe me lart) po disktujme per aspektin politik te ketij &quot;problemi&quot;.

ishte premtuar liberalizim, ku eshte?!
ishin marre vendimet per te hapur universitete dhe shume studente besuan (besimi eshte themeli i zhvillimit) ne te ardhmen e tyre, pse te mbyllen?!
Nuk ishte bere nje studim i hollesishme per hapjen?! po per mbylljen cfare studimi u be? (tashme ish fakt i kryer me studente te rregjistruar)

pse te pranojme te paguajme larjen e hesapeve midis politikaneve? jo kaq haptazi te pakten!