Te hiqet monumenti i Sulejman Pashes ne tirane!

[adani]

Te hiqet monumenti i Sulejman Pashes ne tirane!

Marre nga gazeta shekulli:
Për Sulejman Pashën ka një keqkuptim të qëllimtë: atë e quajnë themelues të Tiranës, kur ky fakt nuk është i vërtetë. Tirana nuk u themelua në shek.XVII

Të hiqet monumenti i Sulejman Pashës


Maks Velo

Në fakt, ai nuk mund të quhet monument, dhe unë titullin, nuk dija si ta emërtoja.
Nuk dija dhe po hezitoja ta quaj, “…një farë shtylle bronxi me fytyrë njeriu”, apo “…një kolonë që ndalon keqas qarkullimin e makinave”, apo “…një belurçinë e ngritur nga mendjet e nxehta anadollake të disa ish-udhëheqësve bashkiakë”.
Monument quhet një vepër e rëndësishme arti (skulpturë, mozaik apo kompozitë arkitektonike) e cila nderon një ngjarje historike apo figurë të shquar, e cila vlerësohet dhe respektohet, njihet nga të gjthë, dhe e cila bëhet një moment i rëndësishëm në kompozimin urban dhe një vepër e dashur për qytetarët.
Për mua ky “monument” nuk është vepër arti, aq më pak e rëndësishme.
Nuk nderon por e poshtëron shkollën tonë të skulpturës, e cila ka vepra si “Luftëtari Kombëtar” i Paskalit. Nuk po flas për autorin dhe ata që e aprovuan se atyre me doemos u ka pëlqyer, përderisa harxhuan tërë ato para të qytetarëve të kryeqytetit.
Ky “monument” nuk e nderon, por e poshtëron Sulejman Pashë Bargjinin.
Ky “monument” nuk respektohet dhe nuk vlerësohet nga qytetarët, asnjë njeri nuk mund t’i afrohet, nuk kam parë njeri që ta fotografojë, dhe aq më tepër asnjë nga kalimtarët nuk e njeh, asnjë nuk i hedh sytë, përveç shoferëve të shkretë të cilëve u del pa pritur dhe i pengon keqas. Monumenti shëmton tërë atë hapësirë dhe pengon rëndë qarkullimin rrugor dhe është bërë shkak për disa incidente rrugore.
Pyetja e parë që të vjen në mënd është se si mund të ngrihej ky monument dhe përse u ngrit në fshehtësi si një komplot kundër qytetit.
Ky u ngrit në fund të vitit 2000, në fund të qeverisjes vendore të kryebashkiakut Brojka, por përgjegjësit e vërtetë janë dy personazhe të tjerë, ish- nënkryetari Buron Kaceli dhe shefi i Kulturës Shaqir Rexhvelaj.
Më duhet të them se pati një valë osmanofile me emërtime rrugësh dhe sheshesh si dhe ngritje monumentesh, (në këtë kohë është ngritur edhe monumenti i Hoxhë Dalliut para medresesë, një vepër tjetër shumë e dobët e të njëjtit autor).
Sa për Sulejman Pashën ka një keqkuptim të qëllimtë: atë e quajnë themelues të Tiranës, kur ky fakt nuk është i vërtetë. Tirana nuk u themelua në shek.XVII, por njëmbëdhjetë shekuj më parë në shek.VI dhe për këtë dëshmon njësia e rëndësishme urbane me kishë, banjo dhe banesa, në përroin e Shëngjinit. Atëhere për ta injoruar këtë, gjetën shprehjen “Qytet urban” që nuk ka asnjë kuptim. Themelimi i një qyteti janë njësitë e para urbane, dhe ato janë të shek.VI.
Kjo është si të festosh përvjetorin e një njeriu duke filluar nga mosha njëzet vjeç. Këtë nuk e ka bërë njeri, po ja që e bëjnë turkoshakët tanë, haxhiqamilët e rinj. Sigurisht kjo ishte nën influencën e një politike të përgjithshme proislamike që u stimulua në periudhën 1992-1997, dhe që nuk është rasti ta analizojmë.
Të gjithë, aq më tepër shtetarët, mundohen ta shtyjnë sa më thellë në histori themelimin e një qyteze që më vonë zhvillohet në një qytet apo sikurse është rasti i Tiranës në kryeqytet. Për këtë vlejnë edhe një copë terrakotë apo një majë heshte. Por ja që ish- bashkiakërve tanë nuk u mjaftokërka edhe një kishë e tërë me dysheme me mozaik, dhe kjo për arsyen e vetme se është kishë.
Dhe këta janë kundër, paçka se Evropa ku duam të shkojmë është e krishterë.
Këta dhe ca të tjerë si këta, historianë, duan patjetër që themelimin e Tiranës t’ia atribuojnë pushtimit osman, prandaj edhe i ngritën monumentin Sul Mulletit.
Dhe unë meqënëse e shoh nga dhjetë herë në ditë i bëra një poezi:
Tebdil hava
zabit zullum
turk me imam
derdimen Pasha
poture dollma
goxha jatagan
kobure ferman
tëpkë surrat
Burhan azgan
dalldi hesap
dembel rehat
vatan gjynah.
Të përpiqesh të ringjallësh epokën osmane, më të errëtën, më të llahtarshmen, nga e cila ky vend e ky popull doli më keq se nga komuniteti primitiv, mund ta bësh vetëm po të jesh tërësisht nën influencën e opiumit oriental. Se çfarë hoqi Shqipëria gjatë pesë shekujve është e tmerrshme vetëm ta kujtosh. Po shkruaj vetëm një fakt.
Për pesëqind vjet u ndërtuan 200 km. rrugë, kurse për tre vjet nga 1916-1918 Ushtria Austro-Hungareze ndërtoi 650 km. rrugë.
Jemi populli më i vonuar në Europë, më i varfri, më i çorganizuari, më i korruptuari, më i prapambeturi, që e kemi kaq të vështirë ta rimarrim veten. Edhe komunizmi tek ne ish i tillë, më i tmerrshmi në Europë se ish me veshje turkoshake.
Kujtoni poezinë popullore :
Mbeçë, more shokë, mbeçë
Përtej Urës së Qabesë.
…………………………..
Nuk ka poezi-esse historike si kjo, kënduar nga një popull i tërë për gjëmën që e zuri në letërsinë popullore ballkanase dhe botërore. Dhimbja kur lexoj këtë poezi më ngulet si një shtizë tejpërtej.
Nuk është një nizam shqiptar që u vra me tre plumba në kraharor, dhe sorrat e korbat e hanë në shkretëtirë, po është historia e Shqipërisë që u gozhdua në avullnajën e hapësirave osmane, dhe ky popull i vjetër e i krishterë u nda nga Europa.
Mbetëm atje tek Ura e Qabesë, prandaj nuk na pranojnë kaq lehtësisht në Europë.
Dhe këta turçelinj - turq me imam - vazhdojnë me ngulm të na thonë, se nuk jemi europianë.
Këto dy monumente, çuditërisht janë dy monumentet e parë osmanikë ngritur tek ne.
As në kohën e mbretërisë as në kohën e komunizmit nuk pati një tentativë të tillë.
Prandaj i urrej dhe i dënoj këta Haxhi Qamilë modernë të kamufluar, që na ngrenë këto munumente sikur Tirana të ish Bagdad.
Edhe Enver Hoxha, megjithëse u angazhua personalisht për të lavdëruar figurën e banditit Haxhi Qamili (kanë të përbashkët një H-xh gërryërse), nuk guxoi të urdhëronte ngritjen e një monumenti të tij në Tiranë.
Kjo është e para shpatë osmane e derdhur në bronx, deri më sot. Asnjë nuk kish guxuar të ngrinte monumentin e një anadollaku. Dhe dredhia orientale është perfekt, “…ngritëm atë të themeluesit të Tiranës”, të thonë. Po atje përballë kemi një Pashë. Dhe me këtë duan të na identifikojnë. Dhe e kanë vendosur në aks të ekuestrit të Skënderbeut.
Vëndi i zgjedhur është më i keqi i mundshmi: në mes të kryqëzimit të dy arterieve të ngarkuara tej mase me lëvizje makinash në çdo kohë. I gjithë blloku bazament-skulpturë pengon seriozisht pamjen dhe ngatërron drejtuesit e makinave.
Kjo bën që asnjë këmbësor të mos mund t’i afrohet dot, kur dihet se rregulli i parë i monumenteve është që të jetë në një vënd të qetë ku njerëzit të mund ta admirojnë.
Por me sa duket, edhe ata që e vendosën e kanë ditur që nuk kishe çfarë t’i admirosh.
Bazamenti është shumë i shëmtuar, pa proporcion dhe tepër ordiner.
Nga ana artistike, monumenti është shumë i dobët, nuk kam parë skulpturë më të dobët, përveçse ndonjë vepër diletanteske derdhur në beton nëpër rrethe.
Por në Tiranë nuk ka asnjë monument kaq të dobët.
Vepra është e pakonstruktuar, pa ritëm, pa lëvizje, pa mendim, pa ajër, pa ekuilibër, pa dinamikë. Është e ngjeshur dhe e rënduar së poshtmi. Nga mbrapa nuk ke ç’sheh.
Më duket si një shuk-shukosje me topa hallvë.
Që të jem i saktë ka një arritje të pashpjeguar. Portreti i ngjan ish- nënkryetarit të Bashkisë që e porositi, Buron Kacelit. Ka një ngjashmëri aq të madhe sa nuk mund të jetë e rastësishme. Veri Buronit një qeleshe dhe një palë mustaqe, dhe ke Sulën e Mulletit.
Me sa duket, autori Maks Shurdhi atë ka pasur në mendje tërë kohës, (si porositës sigurisht).
Ky monument është një turp artistik dhe qytetar. Duhet të hiqet dhe le të bëhet shëmbull për raste të tjera, që autorë me aftësi të kufizuara artistike të mos marrin guxim të zaptojnë territoret e qyteteve tona që meritojnë skulptura më me vlera. Se përndryshe diletantizmi artistik do na mbushë jo vetëm ekspozitat po edhe sheshet dhe parqet.
Monumentet qytetare janë investime të rëndësishme shoqërore dhe duhet të kontrollohen me kujdes.
I propozoj Këshillit Bashkiak që të marrë vendimin për ta hequr, për ta zhvendosur dhe për ta vënë në një vend tjetër, tek Ura e Tabakëve apo në parkun e Namazgjasë.
___________________________________
:thumbsup:

 

[kastriot]

Re: Te hiqet monumenti i Sulejman Pashes ne tirane!

Po pra se nuk kemi probleme te tjera dmth te gjitha punet i kemi ne rregull dhe po na shqeteson vetem monumenti i Sulejman Pashes.
Ekonomine e kemi top fare, stabiliteti politik po ashtu, shqipetare emigrante te mbytur nuk kemi me, kriminalitet, droge, prostitucion jane fenomene te panjohura per ne,ne Evrope sapo kemi arritur(mbas 14 vjetesh me gomardare)dhe vetem ky Sula po na shqetson :goofy: /pf/images/graemlins/tongue.gif

 

[Ahmed]

Re: Te hiqet monumenti i Sulejman Pashes ne tirane!

Pas hijes së një monumenti


ERVIN HATIBI

Ditë më parë shtypi ndërkombëtar njoftoi incidentin e ambasadorit izraelit në Suedi, i cili gjatë një ekspozite shkatërroi një instalacion të quajtur “Borëbardha dhe çmenduria e së vërtetës”. Punim i një artisti izraelit, instalacioni paraqiste një pishinë gjaku ku lundronte një varkë letre me foton buzëqeshëse të një avokateje 29 -vjeçare palestineze, atentatore vetëvrasëse. Gjatë “intervencionit” pak diplomatik të ambasadorit, flakja në mes të ujit të kuq e një ndriçuesi, krijoi një qark të shkurtër elektrik në mjediset e ekspozimit duke i shtuar incidentit diplomatik edhe panikun te të pranishmit. Pak më parë këtij incidenti, ditët e fundit të vitit të vjetër, në Poloni, artistja Dorota Nieznalska u dënua me gjashtë muaj punë në dobi të interesit publik, për krimin e fyerjes së ndjenjave fetare, sepse pati ngjitur foton e organeve mashkullore mbi një kryqëtore (crucifix). Po në Poloni, ekspozita “Qeni në artin polak” u mbyll nën presionin e një komiteti qytetar, për arsye se një instalacion i paraqitur, figuronte silueta priftërinjsh duke sajuar me to një si kolibe qeni. Po në të njëjtën vazhdë, artisti belg Thierry de Cordier për pak sa nuk u kthye në armik publik në Greqi gjatë një ekpozite të artit bashkëkohor, me titull “Outlook” ( më e rëndësishmja e organizuar ndonjëherë në Greqi, sipas gazetës “The Observer”). Artisti në fjalë, kishte ekspozuar një tablo ku përziheshin në një mënyrë të rënduar pamjet e gjenitaleve me simbole fetare. Përzierje e cila meritoi debat dhe pakënaqësi tepër të zëshme që nga njerëzit e politikës, gjyqësorit, Ministrisë së Kulturës (e cila e tërhoqi tablonë nga ekspozimi) e deri tek arqipeshkvi orthodoks Epifanos Ekonomu.
Dje në faqet 18-19 të “Shekullit”, kishim të bënim prapë me dy ngjarje të tilla, ku bashkëgjykohet arti me politikën, fenë, seksualitetin. U njoftuam se një universitet në Neë Orleans ka bllokuar përgatitjen e shfaqjes së pjesës “Monologjet e vaginës”, deklamuar edhe në skenat shqiptare. Pastaj në faqen 19 artisti ynë i njohur Maks Velo që në titullin e artikullit të vet, bënte thirrjen: “Të hiqet monumenti i Sulejman Pashës”.
Nuk është e vetmja herë që, së largu, ndaj të njëjtat qëndrime estetike me M.Velon. Duke e ndjekur gjatë një bisede televizive, si shikues kam ndarë me të të njëjtin mospëlqim kur stigmatizonte bodyguard-in monstruoz që kanë ngulur në formë statuje përballë selisë së Shoqatës së të Përndjekurve. Po ashtu, nga larg, duke e ndjekur artistin-arkitekt në daljet e tij publike, kam ndjerë dhimbjen e tij për errësimin e Tiranës me kulla të larta ngujimi vend e pavend. Pa diskutim, që edhe me heqjen e monumentit të parehatshëm të Sulejman Pashës isha krejt dakord. Çdo njeri me sado pak-fare shije nuk mund të mësohet dot kurrë me një monument të tillë, “një farë shtylle bronxi me fytyrë njeriu” (siç shkruan Velo), një barrikadë vertikale e cila formon një koreografi të sëmurë në karshillëkun e vet me polici e trafikut dhe me “Ushtarin e Panjohur”.
Në shkrimin e tij të djeshëm Maks Velo, krahas shqetësimit për shëmtimin e kryeqytetit, zbulon edhe dy-tri konspiracione reaksionare që sipas tij duken sheshit. Sipas tij, gjatë viteve të para ’90, nën frymëzimet e një politike zyrtare proislamike, kryeqyteti u mbush me emërtesa e momumente osmanofile. Nën këtë prizëm konspirativ ai sheh edhe atë statujën e shëmtuar afër banjave publike. Kështu, thotë se Sulejman Pashë Bargjini (“Sulë Mulleti” e quan Velo të ndjerin) nuk e meriton monumentin ( i shëmtuar a i bukur qoftë) sepse nuk është themelues i Tiranës dhe e dyta, më e keqja , se është Pashë. (Pashë si Vasoja i madh dhe si një duzinë e gjysmë shqiptarësh të tjerë të njohur.) Për t’i hequr të drejtën e themeluesit të kryeqytetit, autori i shkrimit të djeshëm vë në dyshim datat me të cilat tradicionalisht ne kemi shënuar datëlindjen e Tiranës. Velo është arkitek dhe studiues. Nuk kam ndërmend t’i hyj teorive të urbanistikës apo të caktoj ideologjikisht fillimin e historisë, se nuk e kam as zanat, as zakon. I jap kështu nga larg M.Velos prapë të drejtë, dhe sinqerisht, e gëzofshim ditëlindjen e re të kryeqytetit..
Problem i madh në shkrimin e Maks Velos, më duket dalja vullnetarisht nga sfera e diskutimit profesional, por edhe nga frerët e etikës së një diskutimi normal politik (politik, siç meriton të jetë diskutimi për figura historike që bëjnë hije përditë mbi gjithë qytetarët.) I formuar me paragjykime të ulëta për “orientalët” (vëllezërit e tij të një gjaku”), Maks Velo quan fillimisht tiranasin Sulejman Bargjini “turk”, pastaj “turq me imam” quan edhe “komplotistët” e Bashkisë së Tiranës që ngrehën statujat e “Hoxhë Dalliut” (bëhet fjalë për patriotin Hafiz Ibrahim Dalliu) dhe “Sulë Mulletit”. Shovinistët serbë dhe miqtë e tyre e kanë përdorur fjalën “turk” për të emërtuar shqiptarët, dhe Maks Velo e di këtë. Por motivi i tij është i dukshëm: “…i urrej (vini re!) dhe i dënoj këta Haxhi Qamilë modernë të kamufluar që na ngrenë këto monumente sikur Tirana të ishte Bagdad”. Urrejtja e Maks Velos e errëson deri aty sa quan vepër osmanofile vendosjen e statujës së Hafiz Ibrahim Dalliut pranë Medresesë së tij. Hafizin, po të kishte rrojtur edhe më, Maks Velo do ta takonte në burgjet ku e mbylli diktatura komuniste sapo erdhi në fuqi. Para komunistëve, atë e kishin burgosur disa herë turqit, sepse Hafizi shpallte se ishte shqiptar dhe jo turk siç i quan Velo njerëzit me emra myslimanë. Fobitë e Maks Velos, që nuk janë më sekret, i sugjerojnë edhe fjalorin për ta artikuluar mllefin: ”turçelinj”, “anadollakë”, “turkoshakë”, “turq me imam” (kjo e fundit do të ishte “me iman”, “me besim” pra, por Velo i pavëmendshëm e bën “me imam” pra “hoxhë”. E në të dyja rastet,”imama” apo “iman” përfolet fyeshëm besimi fetar i bashkëqytetarëve të tij. Po ashtu kur tallet me fjalët “Hoxha, Haxhiu” të cilat janë tituj fetarë por edhe emër-mbiemrat që mbajnë sot e gjithë ditën njerëzit edhe në Shqipëri.) Mbi të gjitha zgjidhet emri “turk” si fyerje, kur ky emër nuk shënon ndonjë devijancë apo ves, por thjesht një përkatësi kombëtare normale, si fjala “shqiptar” apo “grek” apo “japonez”. Me kapërcime të tilla nga “shqiptar” (me emër mysliman) në “turk” na kujtohet të gjithëve turpi i Himarës gjatë zgjedhjeve, ku një shqiptarofob, thërriste “Shqipëria-Al Kaida” duke ekspozuar kryqin si armë nëpër kamerat televizive. Shantazhi me Evropën “e krishterë”, dhe përmendja si krim e përkatësive kulturore e fetare, por tashmë edhe etnike, po bëhen fatkeqësisht të zakonshme në Shqipëri. Nuk është puna se Maks Velo ka qejfet e veta artistike dhe pozon si racist apo pseudofanatik fetar. Para disa pak javësh një deputet dhe kryeredaktor i rëndësishëm iu referua negativisht ish-Presidentit të vendit me cilësimin MYSLIMANI Berisha, dhe ky i fundit, përgjegjës për stigmat e neveritshme gjoja-islamike që i vendosen qeverisjes së vet, por as edhe ndonjë tjetër i interesuar, nuk reagoi. Ministrit të Jashtëm të vendit Kastriot Islami i kritikohet publikisht si defekt mbiemri i tij, i cili nuk na ndihmonka për integrimin, dhe as i përfoluri, as mbrojtësit e të drejtave të njeriut, as Komuniteti Mysliman nuk ndihen për këtë cinizëm kriminal, ku njeriu fajësohet për mbiemrin që ka!!!. Dy herë rresht, si në kohën e “myslimanit Berisha” e tani vonë, qeveritë shqiptare pozojnë sikur do ta japin lejen e ndërtimit të xhamisë së madhe, në pronën e saj vakëf, që besimtarët të mos bllokojnë sheshet në raste faljesh festive (se mjaft “na” kanë bllokuar sheshet osmanët Dalliu & Bargjini), por në fakt shohim se ngrihen vetëm faltore të tjera gjigande, e në truaj publikë bile. Me këto refrenet se “Evropa është e krishterë dhe nuk na pranon kështu si jemi”, dakord që po i heqim ca statuja hoxhallarësh e pashallarësh e po i vendosim nëpër getot që propozon Maks Velo (tek Ura e Tabakëve thotë ai, apo tek Namazgjaja), po me ne “turqit “ që kemi lindur me faj (me mbiemrin Islami psh apo me emrin Shaqir), si do t’i vejë halli? Dhjetë vjet më parë, në janar të 1994 shkruaja një editorial me rastin e një fushatëze islamofobe të kohës, dhe me modesti parashikoja se fondamentalizmi antiislamik, ka për ta prodhuar domosdo më në fund edhe fondamentalizmin islamik në Shqipëri, se kur pi antihelmin përpara helmit, njëlloj helmohesh.

28/01/2004

 

[Gysi]

Re: Te hiqet monumenti i Sulejman Pashes ne tirane!

Cfarë mund t’I thuash Max të “Velurit” pas gjithë atij vreri histerik që vjell në faqet e gazetës të ngjyera në ujërat e zeza të fabrikës së bukës. Unë mund t’a pranoj një debat të tillë brenda disa limitetve dhe normave qytetare njerëzore të të ndarit të opinioneve mes njerëzve që vrasin mendjen për këtë vend, por nuk mund të durohet era e keqe e të vjellurit të atyre që kullosin në plehëra të dekompozuaraprej kohësh. Aq më tepër me një tension kaq të lartë nervozizmi absurd. Aq I sëmurë shfaqet ky njeri sa urrejtja patologjike e ka bërë edhe poet. Por sigurisht kur merr përsipër të bëhesh multiintelektual, e të japësh mend për gjithcka, nga cdo fushë e jetës, vec brockulla do të nxjerrësh. Por fatkeqësia është se këto brockulla I hanë mjaft njerëz barkbosh, sot në këtë vend, duke e ngatërruar erën e fekaleve që ato lëshojnë me erën e petullave – ngatërresë që vjen ngaqë fjalët rimojnë me njëra-tjetrën, megjithëse në të vërtetë janë diametralisht të kundërta. Por problemi qëndron se ka edhe nga ata njerëz sot, që në vend të petullave (të cilat fatkeqësisht vijnë nga kultura orientale) preferojnë brockullat, mjaft qe të jenë pro kulturës dhe shijes “oksidentale” – fatkeqësisht edhe këto dy fjalë rimojnë shumë me njëra-tjetrën. Kështu poeti Max Veleritja tek sa imiton Nolin në “Marshi I Barabait” që I kushtohet mbretit Zog (me të cilën për mua Noli ka shkarë nga vlerat e veta), duket se ka tendencën të krijojë edhe rryma të reja në poezinë e sotme tranzicionale shqipe, rrymë të cilëm mund t’a emërtojmë ndryshe vrerizëm, apo pështymizëm. Kështu degjeneron përherë arti kur shfrytëzohet abuzivisht si një W.C, ku shkarkojmë tërë mbeturinat trupore të patretshme nga stomaku I prishur, I keqpërdorur. Po sigurisht ai nuk e ka talentin e Fan Nolit, megjithëse kjo nuk e pengon aspak patologjizmin I tij të shfryjë mbi penën e ngjyer në farmak. Gjithsesi, në këtë bejte, përvec rimës së aty-këtushme, arritje është edhe shprehja e gjallë e gjendjes shpirtërore të autorit që e bën të kollitet në këtë mënyrë

Të përpiqesh të ringjallësh epokën osmane, më të errëtën, më të llahtarshmen, nga e cila ky vend e ky popull doli më keq se nga komuniteti primitiv, mund ta bësh vetëm po të jesh tërësisht nën influencën e opiumit oriental. Se çfarë hoqi Shqipëria gjatë pesë shekujve është e tmerrshme vetëm ta kujtosh..

Verbëria e tij shkon deri aty sa të keqen më të madhe të këtij vendi, pasojat e së cilës nuk po na shqiten, të mos quajë komunizmin, prej të cilit ai ka vuajtur burgun, dhe që sapo e kemi hequr qafe, por turkun prej të clit jemi shkëputur prej gati 100 vjetësh. Ose, ndryshe, në aspektin fetar, e keqja e turkut që na mbushi mendjen të ndërrojmë fenë qenka makabriteti më I madh I këtij vendi, dhe jo ai I komunizmit, që na ndaloi edhe të përmendnim fjalën Zot. Në fakt shpesh herë njeriu fiton simpati për agresorin e vet dhe dajaku, sa më I fortë të jetë, aq më tepër fillon t’I lezetojë shpinës. Më kujtohet një varg I Majakovskit: “ndonjëherë a e keni parë, se si dorën që e rreh e lëpin qeni?

Dhe autori I shkrimit në fjalë, me idetë që shfaq, sulmon pikërisht rrymën nacionaliste shqiptare, duke përkrahur kështu atë të kundërshtarëve të saj, që përgjithësisht përfaqsohet nga ata që mbijetuan në rrënojat e partisë mëmë , të cilët sot po mbajnë lart me vetmohim flamurin e integrimit në Europë. Dhe, që t’a identifikojë gjithmonë si një dhe të vetme të keqen fatale të këtij vendi, islamizimin, përpiqet të pajtojë dhe të bashkojë për t’I futur në një thes të vetëm të kundërtat më ekstreme historisë sonë. Kështu Maks Velo përpiqet të bëjë një sintezë mjaft naïve të komunizmit me islamin, dhe në këtë rast nuk është I vetmi. Mjaft të tjerë me një zell të admirueshëm parashtrojnë “argumenta” nga më të ndryshmet për të na e vërtetuar këtë. Dhe në kuadrin e personave që përfaqësojnë rrymat e mendimit ai përpiqet të heqë paralele midis Sulejman Pashë Bargjinit, Hafiz Ibrahim Dalliut, Haxhi Qamilit dhe Enver Hoxhës. Sesi mund t’a puqësh Hafiz Dalliun me këta dy të fundit, vetëm Maksi e di. Se si mund t’I thuash Hafizit turk, kur ai thuajse tërë jetë e shpenzoi për t’I crrënjosur këto keqkuptime tek njerëzit, kur ai u burgos e u internua nga turqit për shkak të veprimtarisë së tij patriotike, madje ai ka marrë pjesë edhe në cetën e serisalltikut me armë në dorë, për këtë cështje, përsëri edhe këtë vetëm Maksi e di. Po kështu, të njëjtat vuajtje hafizi hoqi edhe në kohën e komunizmit, duke u burgosur, ku dhe iu nënshtrua torturave c’njerëzore, ku dhe vdiq.
Vec të tjerash qëndrimin që hafiz Dalliu ka mbajtur ndaj lëvizjes rebele të Haxhi Qamilit, e ka shprehur mjaft mirë edhe në poemën e tij satirike “Grenxat e kuqe”.
Vogjëlia s’kishin fort faj,
Trembeshin si budallaj.
Pyetshin ca hoxhë e dervisha
Dhe ca priftën nëpër kisha.
Kush të drejtën s’ua kallëxonte,
Kush mund, propaganda bante;
Kah t’ia mbajnë xhahilët e shkretë;
Me nji anë derr e me nji anë det.

Sigurisht që për Maksin, I cili shfrytëzon të mosqenit historian, për t’a vërvitur muhabetin si të dojë, të gjitha këto nuk kanë rëndësi. E rëndësishme është të ngrihet alarmi për rrezikun e madh të shqipërisë, Islamin, dhe arsyetim gjendet rrugës. Dhe kjo nuk mund të bëhet pa hedhur baltë. Po jo baltë skulpturash, me të cilën bëhen monumentet, por baltë mocalesh, ku lëvrijnë dhe zhgërryhen një mori zvarranikësh nga më të neveritshmit, e gjë kohëve të fundit gjen sa të duash në këtë vend. Të hedhësh baltë mbi figura të tilla si Albert Brojka në kohë të trazuara si kjo e sotmja nuk është edhe ndonjë gjë e madhe, por të hedhësh baltë mbi figura të shquara, të mëdha të kombit, që kanë sakrifikuar gjithcka për të si Ibrahim Dalliu, ky është një krim ndaj vetë këtij kombi, I cili I ka nxjerrë me mjaft sakrificë monument e veta. Flas për monumentet e vërteta, jo për ato që ndryshken të vrenjtur nëpër piedestale. Përvec dhunimit, torturimit, persekutimit që iu bë për së gjalli Dalliut, më duket se ai është vrarë dy herë për së vdekuri. Një herë nga lënia në harresë që iu bë nga diktatura c’njerëzore që pati fatkeqsinë të përjetojë ky komb po kaq I përvuajtur, dhe për herë të dytë nga përjekje e nisma të tilla, që përpiqen t’a identifikojnë këtë fikurë me atë cka ai e luftoi përgjatë tërë jetës së tij.

 

[ilirjan]

Re: Te hiqet monumenti i Sulejman Pashes ne tirane!

Mu me pelqen monumenti, (nga ana artistike nuk mor vesh), por sa kam pa ne qytete te botes ka monumente qe s,shifen me sy,
Monumenti ka tipare shqiptare,veshje shqiptare, fustanella psh. eshte veshja e tironsave te vjeter, ku qeka e keqja se spo e mor vesh, Maks Velo osht si karikatur per vete 1 meter burre, ndoshta ka kompleksin e rraces.

 

[adani]

Re: Te hiqet monumenti i Sulejman Pashes ne tirane!

Cfar te them ....!Duhet nje doktor i syve forte i mire ne profesione ne shqiperi qe te shperndaje ca syza miopie te trasha ,qe me ne funde ca shqipetare te shikojne nje cike me tutje se hunda e tyre .Muhu ma hada :smash: ... Wake up people .

 

[receli]

Re: Te hiqet monumenti i Sulejman Pashes ne tirane!

Sikur edvin rama te mos ishte kryetari hajdut i Tiranes kurre maks veloja sdo ish marre me Sulejman Pashen.
edvin hatibi ben 2 metra artikull e sja mban bi-tha te qelloj ne shenje.
Maksi shkruan ashtu se e ka shit sumen tek edvin Rama e nano Klosi.

 

[Ahmed]

Re: Te hiqet monumenti i Sulejman Pashes ne tirane!

Bravo Guri;
Fjale me vend.Ervin Hatibit nuk ia mban te shkruaj hapur.
Ku na u be ky M Velo qe te na quaj ''turkoshak''(sic na drejtohen neve muslimaneve shqiptare katoliket e veriut),te nderuarin Hafiz Ibrahim Dalliun.Imagjino sikur nje musliman te shkruante ne gazete kundra Gjergj Fishtes,e t'a quante ate Serb.Gazetat katoliko-centriste do te versuleshin pa pushim.
Pale,edhe ky faqepetulla tjeter;Kadare,po u drejtohet muslimaneve me te njetjin term,(njerit nga gollobordasit;Kimet Fetahut.(s'me interesojne minoritetet dhe problemet e tyre).Kadare i drejtohej Kimet Fetahut ''turko-muslimani'' Fetahu......Kadare harron emrin e vet qe e ka edhe ai 'musliman''-Ismail.Fushatat e Islamofobise kohet e fundit kane fryme frankofone dhe katolikocentriste.

 

[Gysi]

Re: Te hiqet monumenti i Sulejman Pashes ne tirane!

Nuk eshte problemi qe nuk ia mban Ervinit. Per kete ai qe nuk ha buke tek asnjeri prej tyre nuk ka kujt t'i frikesohet. Ervini nuk eshte tip qe frikesohet kollaj. Per mua ai di te te vrase mire edhe me qull, por une mendoj se nuk ia vlen t'ia hysh debateve te politikave te vockla te interesave akoma me te vockla te njerezve po kaq te veckel ne shqiperi. Problemi ketu qendron tek idete.
Sigurisht qe ne kemi nje lume prblemesh sot qe nuk ia dalim dot as t'i numerojme. p.sh. perpara se te na vrase syte Sula qe bllokon trafikun, duhet te na vrase syte vete trafiku qe eshte bere i pakontrollueshem sot, si pasoje e kaosit te infrastruktures ne Tirane, fryt i nje politike te kioskizimit 15 katesh te cdo hapsire te mundshme per t'u shfrytezuar per ndertim. Por kjo nuk do te thote qe nuk duhet t'a vrasim mendjen edhe per monumentet. Problemi qendron kur njerez realisht me mjaft probleme te shendetit mendor (sic eshte Maksi, qe besoj se i shtohet edhe nga beqaria e lashte), fillojne e shfrytezojne shtypin per te shkarkuar gjithe ngarkesat dhe impulset psikologike te tyre. Qe te nresh nje debat te tille duhet se pari te ruash ne vetvete edhe nje kod etik, nje norme te kontrolluar debati te bazuar mbi argumente, si dhe duke qene elastik, jo mer kallashin tashti edhe veshja, ti bi kujt ti bi.

Mua me vjen keq se keta njerez qe ulerasin per integrim ne Europe, nuk kane as normat me elementare te tolerances dhe te pranimit te mendimit te tjetrit, gje e cila perben nje nga elementet kryesor te vlerave te pretenduara te kultures Europiane, apo te asaj qe quhet, sipas ketij krahu te mendimit "shoqeri e hapur".

Eshte e patolerueshme qe opinioni publik apo debati publik te zhvillohet ne kete Meyre. si duhet te sille pastaj njerezit e thjeshte kur degjojne apo lexojne te tilla gjra?! Po keshtu, nje gjuhe te tille, nje gjuhe Kobreje e kam pare ne mjaft raste edhe ne postime te ndryshme ne kete forum, duke u bere per mua nje gangrene per debatin e sotem si dhe per nevojen per t'i pare gjerat me realisht. kjo lloj gjuhe pjell vec kokfortesi. Kjo eshte nje forme qe nxit nje konfliktualitet te rrezikshem si dhe percarje kombetare gjithashtu. Dhe vec kesaj edhe nga ana humane perben nje fashizem dhe terrorizem intelektual, nje mendim monist qe ka qene gjithmone frut i diktaturave.

 

[Ahmed]

Re: Te hiqet monumenti i Sulejman Pashes ne tirane!

Tirana dhe Sulejman Pasha


ILIR MULLETI

Unë që po replikoj me z.Maks Velo jam një nga pasardhësit e Sulejman Pashës. (Sul Mulletit sipas z.Velo). Por mbi të gjitha jam një qytetar i Tiranës i lindur dhe rritur në Tiranë. Njoh shumë mirë historinë e qytetit tim që është një pjesë edhe historia e familjes sime. Z.Velo thotë për Sulejman Pashën se “e quajnë themelues të Tiranës kur ky fakt nuk është i vërtetë”. Sipas historisë së Perandorisë Osmane, Tirana është themeluar nga Sulejman Pashë Bargjini me origjinë nga fshati Mullet afër Tiranës rreth viteve 1604 -1610. Të njëjtin opinion shprehin edhe historianët dhe udhëtarët e huaj që kanë vizituar dhe studiuar Shqipërinë siç janë austriaku Johan Georg Van Hahn në vitin 1852, dhe francezi Henry Hecquard në vitin 1857. Në vitin 1927 profesor Osman Myderizi boton një libër për Tiranën, që nga themelimi i qytetit deri në 15 -vjetorin e indipendencës së Shqipërisë. Edhe Myderizi ashtu si edhe një Guidë Turistike italiane për Shqipërinë (botim i vitit 1940, fq. 150) konfirmojnë të njëjtin themelues për Tiranën. Në të kundërt të z.Velo, unë besoj se monumenti që është vendosur në sheshin “Sulejman Pasha” e nderon qytetin dhe qytetarët e Tiranës. Vendosja e monumentit është tamam midis 3 objekteve që ndërtoi Sulejman Pasha pra Xhamia e Vjetër (sot Ushtari i Panjohur), Furri i Bukës (Sot kafe “Europa”) dhe Hamani ose Banjot (përballë kafe “Europës” ose ish -Mapo Zingani). Të ndërtosh një monument historik nuk do të thotë të ringjallësh epokën osmane, por do të thotë të vesh në vend vlerat historike-kulturore të këtij qyteti zemërmadh që hapi dyert për të pritur dhe mbajtur këdo që erdhi dhe kërkoi punë e strehim për një jetë më të mirë. Përkundrazi, ishte opinioni oriental bolshevik ai që për 50 vjet me radhë shkatërroi Tiranën dhe gjithë Shqipërinë. Ishin arkitektët e famshëm të kësaj periudhe që prishën kishën e Shën Vangjelizmoit në zemër të Tiranës që ishte një vepër me vlera të mëdha fetare dhe artistike për të ndërtuar një godinë 15 -katëshe pa asnjë lloj vlere; që prishën Pazarin e Vjetër me 1600 dyqane; që prishën Bashkinë e Tiranës, një tjetër vepër madhore e ndërtuesve në vitet e monarkisë. Zoti Velo, do të isha plotësisht dakord me ju sikur t’i propozonit bashkisë dhe Këshillit Bashkiak që monumenti i Sulejman Pashë Bargjin Mulleti të vendosej ku është sot Monumenti i Ushtarit të Panjohur dhe ky i fundit të vendoset në një vend tjetër të rëndësishëm. E them këtë sepse aty ku është Ushtari i Panjohur ka qenë Xhamia e Vjetër (ose Sulejman Pasha ) e cila u shkatërrua nga lufta e dytë botërore. ZotinVelo e tremb fakti se duke vu monumente pashallarësh, Europa e krishterë do të na mbyllë derën. Por Europa, pashallarët e bejlerët i ka edhe në sheshet e muzetë e veta, në Romë, Gjenevë, Bruksel, Vienë etj. Fatkeqësisht, z.Velo me sa duket vuan nga komplekse e fobi dhe ashtu sikurse të tjerët i frynin në vesh Haxhi Qamilit, ai i fryn bashkisë apo Këshillit Bashkiak për të marrë vendime absurde

 

[adani]

Re: Te hiqet monumenti i Sulejman Pashes ne tirane!

postuar nga fotaq:
Unë që po replikoj me z.Maks Velo jam një nga pasardhësit e Sulejman Pashës. (Sul Mulletit sipas z.Velo).
___________________________________
Ateher ti nuk je me origjine shqipetare dhe mos ngel i ofenduar por mos u perziej shume me zakonet traditat dhe kulturen shqipetare se ne damarret e tu nuk vlone gjake shqipetari por gjake turku.personalisht nuk kame apsolutisht as me turkun e as me pasardhesit e turkut por kur ata i fusin hundet ne punet tona me ngjyra qe ne si njohim ateher kame pune deri ne funde .Turku turke e me zakonet e tija e ne shqipetare e me zakonet tona , prape miqe do te ngelemi.

 

[Ahmed]

Re: Te hiqet monumenti i Sulejman Pashes ne tirane!

Jashte Teme

Ne Af nuk ka vend per ofendime!

 

[adani]

Re: Te hiqet monumenti i Sulejman Pashes ne tirane!

Jashte Teme

Ne Af nuk ka vend per ofendime!

 

[Ahmed]

Re: Te hiqet monumenti i Sulejman Pashes ne tirane!

Jashte Teme!

Ne Albforum nuk ka vend per ofendime!

 

[lil-butterfly]

Re: Te hiqet monumenti i Sulejman Pashes ne tirane!

shume teme interesante...

me vjen keq qe me paskan shpetuar keto shkrime pa lexuar nga gazetat sepse jane shume interesante. me vjen keq se si disa njerez si puna e M. Velos flasin per historine e Shqiperise kur nuk e kane idene me te vogel se c'duan te thone. me vjen keq se si nje shqiptar perdor terma te tilla per bashkeatdhetaret e vet, kjo eshte e patolerueshme. nuk kam pare ne asnje vend te botes, historiane apo studiues, qe te ulin vlerat e vendit te tyre. mbase M. Velo detyrohet akoma qe te shkruaje mendimet e te tjereve edhe akoma nuk ka arritur qe te jete vetvetja.

si kusheri e afert e Ilir Mulletit (dhe rrjedhimisht pasardhese e Sulejman Mulletit) nuk kam c'ti shtoj me shume atij shkrimi pasi informacione te tilla, bazuar mbi baza a fakte (foto, shenime, letra etj...) kane qene edhe mbeten pasuria me e madhe qe familja trashegon dhe kjo na ben qe te jemi vertet krenare

 

[adani]

Re: Te hiqet monumenti i Sulejman Pashes ne tirane!

Jashte Teme!

Ne AF nuk ka vend per ofendime!

 

[adani]

Re: Te hiqet monumenti i Sulejman Pashes ne tirane!

Jashte teme!

 

[Ahmed]

Re: Te hiqet monumenti i Sulejman Pashes ne tirane!

Jashte Teme!

Pa ofendime!

 

[Gysi]

Re: Te hiqet monumenti i Sulejman Pashes ne tirane!

Ju lutem mos te mos e personalizojme muhabetin. Nuk mund te fitohet asgje nese fillojme etiketojme njeri-tjetrin si turk, grek apo vlleh. Kjo eshte ne dem te arsyes se shendoshe qe kerkon argument e jo subjektivizem. Pikerisht prandaj e kritikova me siper shkrimin e Maksit, sepse perdor nje gjuhe qe e largon vemendjen nga argumenti, duke u marre me lakimin e epiteteve nga me sugjestionuesit, gje qe e erreson arsyen dhe vetem pjell konfliktualitet.
Le te merremi me temen. Ajo qe me indinjon ne shkrimin e Maksit eshte se ai jo vetem shfaq si pa te keq mungese te plote respekti per figura nga me te shquarit e kombit, jo vetem qe flet me tufe pasaktesirash, por te gjitha keto vijne per nje qellim qe per mua eshte teper i mbrapshte.

P.sh. Maksi nuk besoj se e vret fort mendjen per ditelindjen reale te qytetit, apo per themeluesin e vertete te tij, por ajo qe e irriton Maksin, si te prekurit e Djallit, eshte fakti qe kjo gje, ashtu si edhe mjaft te tjera lidhen me Islamin. Ai nuk eshte se kerkon te godase turkofiline ne kete vend, qe per mua, te pakten sot nuk perben asnje lloj problemi, por duke etiketuar figura kombetare si turq ai kerkon te shfryje ndaj te qenit muslimane te ketyre figurave. Dhe kjo eshte nje fatkeqesi e vertete. Ai ne shkrimin e vet e shpreh qarte qe ajo qe e irriton eshte se ne qender te Tiranes eshte vene nje pashe.

Kjo është e para shpatë osmane e derdhur në bronx, deri më sot. Asnjë nuk kish guxuar të ngrinte monumentin e një anadollaku. Dhe dredhia orientale është perfekt, “…ngritëm atë të themeluesit të Tiranës”, të thonë. Po atje përballë kemi një Pashë. Dhe me këtë duan të na identifikojnë. Dhe e kanë vendosur në aks të ekuestrit të Skënderbeut.

Po te ishte problemi thjesht tek pasha, jo me larg se 200 m me tutje kemi nje bej ne sheshin kryesor te kryeqytetit.
Aq me pak Maksi e vret mendjen per bukurine e monumentit. Po te ishte keshtu ai duhet te ishte cjerre deri nengjirje per monumentin e Fan Nolit qe per mua e kane bere sikur e kane ngrene grenxat, e qe duhet hequr se tremb femijet kur kalojne rruges. Keni para ndonjehere ndonje zog te qendroje prane tij?! E pra une besoj se dordolec me te mire, per te perzene zogjte, qe te mos u prishin qetesine parlamentareve tane nuk mund te gjente as SIllua vete (mos me keqkuptoni se nuk kam asgje me Fan Nolin).
E pra Maksi nuk dihet per kete monument qe e ofendon se tepermi figuren e Nolit. Por per mua inati i Maksit qendron tek "islamiket". Dhe kaq tendencioz eshte sa te mos beje asnje dallim nga keta "islamike" anadollake, por te fuse ne nje thes, Ibrahim Dalliun, Haxhi Qamilin dhe Enver HOxhen. Teza mjaft banale keto, sa qe vetem nje inacor i verber mund t'i perdore.

 

[adani]

Re: Te hiqet monumenti i Sulejman Pashes ne tirane!

Une nuk u indinjova sepse sula ishte mysliman por sepse ne artikull Maksi e paraqet ate si turk dhe kjo nuk me pelqeu.Nuk e di mire origjinen e tij.Thjeshte i bazuar sipas artikullit te shkruar nga z.Maks Velo.
Fotaq mos merr shume zjarr nga ***** se nuk trembem kollaj une.Neqoftese ti je pasardhes i Sules bravo te qofte ,une jame pasardhesi i nje heroi me trime se ai sula yt dhe qe nuk dua ta permend keru.Te jesh mire dhe mundou te kuptosh natyren e shkrimeve qe bejne anetaret ketu ne forume.Kupto se kush ka qellime te mira ne shkrime dhe kush eshte spiun i grekut dhe i serbit.Dhe ne funde fare mundohu te kuptoshe qe njerez jemi dhe gabime bejme.Pore gabime thashe, jo dashakeqe qe dashke te me heqesh nga forumi mua ti.