Sporti Shkodran ( Vllaznia )

[genci]

Re: Sporti Shkodran ( Vllaznia )

RUSET, ARDHJA NGA PODGORICA

Pas pergjigjes pozitive te UEFA-s per nderkombetarizimin e stadiumit "Loro Borici" te Shkodres, qe ka mberritur ne zyrat e FSHF-se, qyteti verior do te kete privilegjin te percjelle me tifozllekun qe e ka karakterizuar gjithmone edhe ndeshjen e pare nderkombetare ne qytetin e tyre, ate te 29 marsit, qe do te luhet mes kuqezinjve tane dhe ruseve te Valeri Gazajevit. Ne kete linje duket se po ecen edhe institucioni qendror i futbollit shqiptar, i cili ia ka hapur perfundimisht driten jeshile stadiumit "Loro Borici" per te qene ai stadiumi e kesaj ndeshjeje te pare zyrtare per trajnerin e ri kuqezi, Hans Peter Brigel, ne krye te stolit te kombetares shqiptare. Te premten, ne Federaten Shqiptare te Futbollit ka qene dhe vete presidenti i Vllaznise, Myftar Cela, i cili ka takuar e biseduar me numrin 1 te futbollit shqiptar, Armando Duken, dhe me sekretarin e FSHF-se, Sulejman Staroven per pritjen qe do t'i behet ekipit rus. Pas takimit te tyre, presidenti i kuqebluve, Cela, ka pohuar se po punohet intensivisht per t'u krijuar te gjitha kushtet dhe komoditetet e duhura ekipeve qe do te luajne me 29 mars, po ashtu edhe tifozeve qe do te vijne ne Shkoder per ta ndjekur kete ballafaqim ne stadiumin "Loro Borici".

Po shihet lista e te gjitha hoteleve qe i plotesojne komoditetet e duhura ne raste te tilla, ne te cilat do te sistemohet delegacioni rus. Vete klubi ka hartuar nje material per kete ndeshje dhe ia kemi derguar UEFA-s, e cila do te jape edhe ajo mendimin e saj perfundimtar per hotelet ku do te qendrojne ruset. Delegacioni rus do te vije ne Shkoder permes aeroportit te Podgorices (Malit te Zi) dhe pastaj, nje nate para ndeshjes, do te sistemohet ne Shkoder. Ne kete menyre eshte menjanuar udhetimi i gjate dhe i papershtatshem nga Rinasi drejt Shkodres, i cila perbente pengesen kryesore dhe shume serioze per mundesite e zhvillimit te kesaj ndeshjeje ne qytetin verior. Gjithashtu, eshte vendosur perfundimisht qe ndeshja e ekipeve Shpresa te Shqiperise dhe Rusise te luhet ne Tirane, ne stadiumin kombetar "Qemal Stafa".

www.kohajone.com

 

[genci]

Re: Sporti Shkodran ( Vllaznia )

30 nentor vllaznia-besa

Dje ish-futbollisti i Dinamos nënshkroi dhe zhvilloi stërvitjen e parë me kuqeblutë
Asllani: Me Vllazninë sërish kampion
Kur dukej se Vllaznia kishte hequr përfundimisht dorë nga ish- futbollisti i Dinamos, Klodian ASllani, papritur presidenti Myftar Çela, me një taktikë të mirëfilltë të merkatos, e ka veshur kuqeblu atë. Dje, në orën 14.15, minuta kuçovari i talentuar është shfaqur në fushën e stërvitjes së Vllanzisë. Menjëherë është zhveshur dhe më pas ka qenë nën urdhrat e Dedjes, duke zhvilluar kështu stërvitjen e parë si kuqeblu. Ja si është shprehur në intervistën ekskluzive për "Sportin shqiptar" blerja e fundit e Vllaznisë, Klodian Asllani.
- Ju shohim në stërvitje me Vllazninë. Kjo do të thotë se tani e tutje do të jeni pjesëtar i saj?
- Përderisa jam këtu në Shkodër, kjo do të thotë se jam tashmë pjesëtar i Vllaznisë. Me presidentin Çela kam rënë dakord me gjithçka dhe jam i kënaqur që tani e tutje do të jem pjesëtar i kësaj skuadre.
- Përse zgjodhët Vllazninë, kur keni pasur edhe oferta të tjera?
- Oferta është e vërtetë që kam pasur nga shumë skaudra të tjera, por zgjodha Vllazninë, pasi dihet se cila është ajo. Një skuadër që ka qenë gjithnjë në elitën e futbolit shqiptar dhe, për më tepër, edhe sivjet është pretendente për titull. Pra, mendoj se është logjikë shumë e thjeshtë që zgjidha këtë skuadrës.
- Ndërkohë i keni ndërprerë përfundimisht marrëdhëniet me Dinamon?
- Gjërat po shkojnë drejt zgjidhjes dhe, sot ose nesër, përfundimisht mund të them se do të jem i lirë prej saj.
- Tifozët shkodranë ju kujtojnë ende si njeriun që u prishi buzëqeshjen dhe njëkohësisht gëzuat Dinamon me atë gol që e shpalli këtë ekip kampion...
- Unë vërtet shënova, por bëra detyrën time, pastaj edhe gëzimi ka qenë tepër i thjeshtë, pa i fyer ata. Prandaj nuk mendoj se tifozët shkodranë më mbajnë mend për keq, përkundrazi.
- Së fundi, keni ndonjë mesazh për ta në këtë ditë të parë tuajën si kuqeblu?
- Unë vërtet me atë gol që shënova mora titullin kampion nga Shkodra, duke qenë pjesëtar i Dinamos, por u premtoj tifozëve shkodranë se me të tillë gola do ta sjellim prapë titullin sivjet në Shkodër.
Gjergj Kola

Kuqeblutë, me Besën, do të luajnë në Lushnje dhe urojnë të mos kenë fatin e Tiranës
Vllaznia: Fusha asnjanëse s'është favor për ne
Shkodranët nuk e konsiderojmë ndonjë avantazh të madh faktin që ndeshja e kësaj jave me Besën do të luhet në fushë asnjanëse. Sipas tyre, e rëndësishme është që motivimi i skuadrës kuqeblu të jetë maksimal, të tjerat pastaj pak rëndësi kanë. Trajneri i Vllaznisë, Hysen Dedja, i pyetur se a ndihet i favorizuar nga fakti i mësipërm, u shpreh: "Nuk mendoj se ky është ndonjë avantazh i madh për ne. Të njëjtin rast pati edhe Tirana para pak javësh, po me Besën, por në Lushnjë la dy pikë. Prandaj puna jonë si grup drejtues është që t'i motivojmë lojtarët sikur ndeshja të luhej në Kavajë. Ata nuk duhet të nisen me mendimin se luajmë në një fushë asnjanëse dhe e kemi të lehtë fitoren." Ndërkohë, kuqeblutë, teksa kanë mësuar se ndeshja e kësaj jave do të luhet pa asnjë ndryshim nga javët e tjera, pra ditën e shtunë, nuk i kanë bërë asnjë ndryshim strukturës së procesit stërvitor. Eshtë vazhduar me të njëjtin ritëm, për rrjedhojë, dje, ekipi i Vllaznisë, si çdo të martë tjetër, zhvilloi dy seanca stërvitore. Paradreke në sallën e forcës dhe pasdite në fushën e stërvitjes, ndërkohë që sot do të vazhdohet me ndeshjen e kontrollit. Pozitive këtë javë, si asnjëherë tjetër ndoshta këtë kampionat, ka qenë fakti që trajneri Dedja në stërvitje i ka pasur të gjithë lojtarët të gatshëm. Për rrjedhojë, të shtunën, ai nuk do të ketë asnjë futbollist të dëmtuar apo të dënuar me kartonë. Megjithatë, kjo nuk do të thotë aspak që ndeshja me Besën, për të gjitha këto arsye, të jetë më e lehtë. Përkundrazi, sipas Dedjes, në këto momente ku ka hyrë kampionati nuk duhet toleruar për asnjë minutë, jo vetëm në ndeshje, por as në stërvitje. Faktikisht, vetë lojtarët kuqeblu duket se e kanë kuptuar këtë. Këtë e vërteton fakti që në stërvitje nuk ka asnjë mungesë, madje në stërvitjen e parë të javës, atë të së hënës, kanë qenë të gjithë lojtarët. Edhe Bledar Devolli kishte mbërritur në Shkodër nga skaji tjetër i Shqipërisë. Kuqeblutë janë të vetëdijshëm se kampionati tashmë është i hapur për ta dhe nuk duhet gabuar më.
Gjergj Kola

Barac, vetëm në dhjetor kuqeblu
Malazezi Barac, me sa duket, me Vllazninë mund të luajë vetëm pas dhjetorit të këtij viti. Pengesat që po i nxjerrin drejtuesit e ekipit grek e kanë mërzitur së tepërmi, megjithatë ai duket i vendosur për t'u veshur kuqeblu. Këtë e tregon më së miri prania e tij çdo ditë në stërvitje, nën "urdhrat" e trajnerit Hysen Dedja. I pyetur se kur do të luajë në formacionin e Vllaznisë, Savo Barac është përgjigjur kështu për "Sportin shqiptar": "Nuk e di as unë se kur do luaj. Mendoja se këtë gjë do ta bëja prej kohësh, por është Federata Greke e Futbollit ajo që po më pengon, duke mos më nisur lejen e aktivizimit me Vllazninë. Me skuadrën greke Patraikos, me të cilën kam pasur një kontratë, i kam ndërprerë marrëdhëniet dhe prej saj jam i lirë, megjithatë sërish më pengojnë. Ndoshta më duhet të pres dhjetorin për të luajtur në Shkodër." Pikërisht muaji dhjetor i këtij viti përkon edhe me fundin e kontratës njëvjeçare që Baraci ka të firmosur me grekët. E pas kësaj periudhe, ai mund të mos ketë asnjë pengesë. Ndërkohë, trajneri Dedja, ndonëse nuk e ka të gatshëm mesfushorin 29-vjeçar malazez, vazhdon ta stërvitë çdo ditë, duke e shfrytëzuar këtë periudhë edhe për njohjen më mirë të vlerave të tij. Nga ana e vet, presidenti Çela fillimisht ka qenë i mendimit se kontrata njëvjeçare që ka firmosur me Baracin duhet prishur, por më pas duket se ka ndërruar mendje, ngaqë dhjetori është afër.
Gjergj Kola


http://sportishqiptar.com.al

 

[genci]

Re: Sporti Shkodran ( Vllaznia )

Shkurt 13, 2003


Ekipi ynë kombëtar ka fituar 5-0, rezultati më i thellë në histori. Brigel i kënaqur edhe nga loja

Shqipëria shkatërron Vietnamin
Myrtaj shënon dopietë, aktivizohet edhe Murati


--------------------------------------------------------------------------------

Kombëtarja shqiptare ka fituar thellësisht kundër përfaqësueses vietnameze. Myrtaj ka shënuar dopietë, Bushi gol spektakolar,ndërsa Dragusha dhe Pinari realizojnë golate parë me përfaqësuesen shqiptare. Murati është bashkuar me Kombëtaren dhe ka luajtur në pjesën e dytë.

Ekipi ynë kombëtar ka triumfuar në takimin miqësor kundër Vietnamit. Kuqezinjtë kanë shënuar plot pesë herë në portën e kundërshtarit, duke shkatërruar plotësisht ekipin e ardhur nga Azia. Eshtë rezultati më i thellë që shënon Kombëtarja shqiptare. Serinë e golave e ka hapur Alban Bushi, i cili në minutën e 15 ka realizuar një gol spektakolar. Florian Myrtaj, në mesin e pjesës së parë shënon dy herë resht (golat e parë për Kombëtaren) për 6-7 minuta. Pjesa e parë është dominuar plotësisht nga tanët. Në fillimin e pjesës së dytë (ndërrohen portierët për kuqezinjtë) janë përpjekur të ndryshonin diçka në lojë, por Dragusha (i grumbulluar për herë të parë me Kombëtaren) shënon golin e katërt, i cili pason me golin e pestë të shënuar nga Pinari, i cili ashtu si dhe Myrtaj e Dragusha shënon për herë të parë. Edvin Murati edhe pse ka qenë me grip ka luajtur gjatë gjithë pjesës së dytë, duke konfirmuar se është i gatshëm në çdo moment për Kombëtaren. Takimi është luajtur 100 km larg Norças. Kanë qenë 500 tifozë shqiptarë, të cilët kanë përkrahur ekipin, duke valëvitur flamurin kuqezi.

Trajneri Brigel ka pasur në dispozicion 17 lojtarë (përfshi edhe dy lojtarët e ardhur nga ekipi i Dinamos). Të gjithë lojtarët kanë pasur mundësinë të aktivizohen, pasi tekniku gjerman ka bërë të gjitha zëvendësimet që ka pasur në dispozicion. "Jam i kënaqur nga loja dhe rezultati që arriti ekipi. Kushtet e terrenit përsëri kanë qenë jo të mira. Futbollistët kanë treguar impenjim maksimal. Nuk dua të veçoj asnjërin, pasi të gjithë dhanë maksimumin. Më vjen keq që nuk arrita t'i shohë edhe të tjerët, sepse ishin të dëmtuar", është shprehur Brigel për "Gazetën" pas ndeshjes.

 

[genci]

Re: Sporti Shkodran ( Vllaznia )

Sport: Kampionat i çiklizmit për shkollat 8-vjeçare dhe te mesme


SHKODER, 13 Shkurt/ATSH-M.Malja/.- Ne qytetin e Shkodrës u zhvillua dje (e Merkure) kampionati lokal i çiklizmit për shkollat 8-vjeçare dhe mesme te qytetit. Kjo veprimtari u organizua nga klubi sportiv "Vllaznia", zyra e sporteve e bashkise dhe drejtoria arsimore e rrethit. Sekretari i klubit "Vllaznia", Gezim Mema, tha per ATSH-ne se, "ne këtë aktivitet morën pjesë 53 çikliste amatore nga 14 shkollat 8-vjeçare dhe të mesme të qytetit. Ata pedaluan në segmentin Shkoder- Beltoje, 10 km". Në përfundim të garës, për shkollat e mesme vendin e parë e zuri nxenesi i shkolles "Oso Kuka" Besmir Leka, në vend të dytë Stili Tafili i shkolles "28 Nentori" dhe në vend të tretë Besard Kryeziu i shkollës mekanike "Arben Broci". Ndërsa për shkollat 8-vjeçare vendin e pare e zuri nxenesi shkolles "Ndre Mjeda", Ilir Mani, në vend të dytë Saimir Kruja i shkolles "Ismail Qemali" dhe në vend të tretë Arion Tula i shkolles "Skenderbeg". Inspektori i klubit sportiv "Vllaznia", Ylvi Komi, tha se, qëllimi i këtij kampionati ishte përzgjedhja e elementit të ri që do të inkuadrohet në ekipet e para të rinjve dhe te rinjve të Vllaznise. "Ne kërkojmë që edhe sporti i çiklizmit të ngrihet në nivelet që ka qënë para viteve '90-te", theksoi ai. Per çiklistet fitues shoqata norvegjeze "Dhe Door" me qendër ne Shkoder, shperndau stimuj materiale

 

[genci]

Re: Sporti Shkodran ( Vllaznia )

Sport; Basketboll- Meshkuj: Shenuesit me te mire

TIRANE, 17 Shkurt/ATSH-Alketa Beqiri/.- Shenuesit me te mire te kampionatit kombetar te basketbollit per meshkuj pas javes se 11-te, jane: Grupi A1: 1 Vorfa Vllaznia 262 pike 2 E.Karaj Tirana 234 pike 3 Byberi Vllaznia 227 pike Shenuesit me te mire per tre pike jane: 1 E.Karaj Tirana 29 2 Palko Studenti 27 3 Halili Apolonia 24 Grupi A2: 1 Lundra Partizani 379 pike 2 Domi Apolonia 320 pike 3 Serdari Pogradeci 308 pike Shenuesit me te mire per tre pike jane: 1 Lundra Partizani 53 2 Serdari Pogradeci 40 3 Sauli Apolonia 34

 

[genci]

Re: Sporti Shkodran ( Vllaznia )

Sport: Basketboll (f)- Faza e dyte: Kampionati kombetar i te rejave (java e pare)

TIRANE, 17 Shkurt/ATSH-Alketa Beqiri/.- Ditën e Diele u zhvilluan ndeshjet e javes se pare te fazes se dyte te kampionatit kombetar të basketbollit per te reja. Rezultatet jane: Grupi A Sonia Basket - Mati 49-56 Vllaznia - Tirana 70-25 Renditja eshte: Vllaznia 2 pikë, Mati 2, Sonia Basket 1, Tirana 1, DHL 0 pike. Grupi B Studenti - Elbasani 64-87 Flamurtari - Lushnja 53-42 Renditja eshte: Elbasani 2 pikë, Flamurtari 2, Lushnja 1, Studenti 1, Skënderbeu 0 pike

 

[genci]

Re: Sporti Shkodran ( Vllaznia )

Sport: Basketboll (m) - Faza e dytë; Kampionati kombëtar i të rinjve (java e parë)

TIRANE, 17 Shkurt/ATSH-Alketa Beqiri/.- Ditën e Dielë janë zhvilluar ndeshjet e javës së parë të fazës së dytë të kampionatit kombëtar në basketboll për të rinj. Rezultatet e kësaj jave janë: Grupi A Studenti - Shkodra Basket 94-79 Vllaznia - Epidamus 50-65 Lushnja - Dinamo 48-66 Renditja eshte: Dinamo 2 pikë, Epidamus 2 pikë, Studenti 2 pikë, Shkodra Basket 1 pikë, Vllaznia 1 pikë, Lushnja 1 pikë. Grupi B Tirana 2004 - Pogradeci 57-23 Skënderbeu - Elbasani 82-73 Teuta - Partizani 61-57 Renditja eshte: Tirana 2004 2 pikë, Skënderbeu 2 pikë, Teuta 2 pikë, Partizani 1 pikë, Elbasani 1 pikë, Pogradeci 1 pikë. Grupi C Sonia Basket - Apollonia 96-62 Dertliu - Flamurtari 32-58 Tomorri - Tirana 63-82 Renditja eshte: Flamurtari 2 pikë, Sonia Basket 2 pikë, Tirana 2 pikë, Tomorri 1 pikë, Apollonia 1 pikë, Dertliu 1 pikë.

 

[genci]

Re: Sporti Shkodran ( Vllaznia )

SPORT Shkurt 19, 2003


Miratohen strukturat e ekipeve zinxhir të Kombëtares nga U-15 deri U-21, pritet zgjedhja e trajnerëve

Më 30 prill, Bullgari-Shqipëri
Brigel vjen më 7 mars për përgatitjet anti-Rusi


--------------------------------------------------------------------------------

Kombëtarja shqiptare në datën e lirë (më 30 prill) për ndeshje miqësore ndërkombëtare do të luajë kundër Bullgarisë. Ndeshja do të luhet në Bullgari. Vetë Federata bullgare ka qenë e interesuar, pasi ka dërguar një faks konfirmimi pranë FSHF-së. Në 2004 do të bëhet një tjetër ndeshje miqësore me Bullgarinë, por në Shqipëri.

Eshtë konfirmuar skuadra kundërshtare e ndeshjes së radhës miqësore. Përfaqësuesja shqiptare do të luajë kundër Kombëtares bullgare në një nga qytetet e Bullgarisë, por nuk është bërë e ditur ende se ku. Pas dështimit të FSHF-së për tu ndeshur me Kroacinë, ka qenë vetë Federata bullgare që ka dërguar një faks pranë zyrave të FSHF-së, në të cilën i bëhej ftesë Shqipërisë për të luajtur më 30 prill. FSHF-ja ka pranuar dhe e konfirmon zyrtarisht këtë. Me palën bullgare është biseduar edhe për një ndeshje kthimi miqësore, e cila është planifikuar të luhet në Tiranë në një nga datat e përcaktuara nga UEFA në fillim të vitit të ardhshëm. Ndërkohë Federata shqiptare është në kontakt me disa skuadra të tjera për të gjetur rivalet e datave të tjera për ndeshjet miqësore të programuara për këtë vit. Duke filluar nga viti i ardhshëm FSHF-ja do t'i kushtojë më shumë vëmendje ndeshjeve miqësore, ku do të hartojë një program ashtu sikurse Federatat e ndryshme të vendeve europiane hartojnë programet e tyre çdo vit.

Trajneri i Kombëtares shqiptare, Hans Peter Brigel, do të vijë në Shqipëri më 7 mars. Ai do të fillojë përgatitjet për dy ndeshjet e radhës, kundër Rusisë (më 29 mars) dhe kundër Irlandës (më 2 prill). Trajneri Brigel do të njihet edhe me ekipet zinxhir që nga U-15 deri te U-21. Komiteti Ekzekutiv në mbledhjen e fundit ka miratuar strukturat e ekipeve kombëtare të moshave, duke filluar që nga U-15. Trajnerët e këtyre ekipeve do të zgjidhen në mbledhjen e ardhshme. Këta trajnerë do të paguhen nga Federata dhe nuk duhet të kenë impenjime të tjera përveç punës së trajnerit. Çdo trajner i ekipeve zinxhir ka të drejtën të ndjekë skuadrat e grupmoshave të Kombëtares. Trajnerët do të paguhen nga 40 mijë lekë deri 80 mijë lekë (trajneri i shpresave).

 

[genci]

Re: Sporti Shkodran ( Vllaznia )

Sport; Shkoder- Ringjallet përseri sporti i volejbollit


SHKODER, 19 Shkurt/ATSH-M.Malja/.- Pas 10 vitesh ndërprerje, është ringjallur përseri sporti i volejbollit në qytetin e Shkodrës. Ka qënë iniciativa e drejtuesve të klubit shumesportesh "Vllaznia" qe volejbolli të rigjallerohet ashtu siç ka qënë para viteve '90, nder me cilesoret e këtij qyteti. Nën drejtimin e trajnerit të pasionuar të këtij sporti, Artan Kalaja, është ngritur ekipi i të rinjve ne volejboll, ku janë përzgjedhur elementet më të mirë nga kampionatet lokale të zhvilluara mes shkollave të mesme dhe 8-vjeçare të qytetit. Ekipi i rinjve të Vllaznisë, megjithëse ka vetëm pak kohë që është krijuar, sivjet po merr pjesë në kampionatin kombetar te te rinjve, duke debutuar me sukses. Trajneri Kalaja thotë se, "ne gjirin e ekipit janë afruar mjaft lojtarë të mire, të cilët po stërviten me deshire dhe pasion dhe shpresojmë që shumë shpejtë të marrim pjesë në kampionatin kombëtar të te rriturve. Objektivi ynë është që sporti i volejbollit të ngrihet në ato nivele që ka qënë para viteve '90". "Ne duhet te ecim ne gjurmet e volejbollistëve të tille si, Tonin Fistani, Sander Paloka, Ali Bushati, Mark Kroqi, Irfan Boriçi etj, te cilët e bënë sportin e volejbollit ndër me cilesoret e qytetit", shprehet ai. Ndërkohë, eshte ngritur edhe ekipi i te rejave, që po stervitet nga ish-volejbollistja e viteve '80-'90, Nora Deda. Edhe pranë këtij ekipi janë afruar vajza të talentuara që premtojnë shumë per volejbollin. Synohet që vitin e ardhshem edhe ky ekip të marre pjese ne kampionatin kombetar te te rejave. Pranë klubit shumesportesh "Vllaznia" funksionojne ekipet e basketbollit, shahut, çiklizmit, notit, atletikes, boksit, mundjes, peshengritjes etj, të cilët stërviten nga trajnerët më të mirë të qytetit. Megjithë kushtet e vështira të tranzicionit, sportistet shkodrane kane arritur rezultate te larta në shumë disiplina, duke u shpallur kampione te vendit. Ndersa peshëngritesi i talentuar, Erkand Qerimaj (15 vjeç), eshte shpallur kampion i Evropës ne Kampionatin Evropian U-16, që u zhvillua vitin e kaluar në Nice të Frances

www.ata-al.net

 

[djal]

Re: Sporti Shkodran ( Vllaznia )

Forca Vllaznia /pf/images/graemlins/smile.gif

Mbrojtësi i ekipit të Vllaznisë, Ilir Dibra, eshte shprehur se, skuadra e tij do të kualifikohet që në ndeshjen e parë ndaj Partizanit ne turin çerekfinal te Kupes se Shqiperise. "Duke parë përgatitjen e ekipit tonë gjatë kësaj periudhe dhe kontigjentin e lojtarëve të grumbulluar nga presidenti Çela, jam shumë i bindur se në ndeshjen e parë që do të zhvillohet të Shtunën ne stadiumin "Loro Boriçi", ne do të arrijmë të kualifikohemi, thote ai. Me lojtarë të tille si, Sinani, Bejzade, Asllani, Arberi, Romanishin, Botakola etj, gjithçka mund te arrihet". Sipas tij, trajneri Dedja do ta ketë të veshtirë për të percaktuar 11-shin e formacionit, pasi të gjithë futbollistet gëzojnë një formë shumë të mirë sportive. Prej 2 muajsh pranë ekipit shkodran, përveç Gjukoviç, janë afruar edhe dy malazeze te tjere, mesfushori Boraç dhe sulmuesi Pejoviç, të cilët po tregojnë një përgatitje të kenaqshme dhe jane nen vezhgimin e vazhdueshem te teknikut Dedja për t'u aktivizuar ne rradhet e kuqebluve.

 

[djal]

Re: Sporti Shkodran ( Vllaznia )

Sot (e Enjte) do te vijne ne vendin tone perfaqesuesit e Federates Ruse te Futbollit, Aleksander Volkov dhe Viktor Votolovskty. Zedhenesi i Federates Shqiptare te Futbollit (FSHF), Adriatik Gjashta, tha per ATSH-ne se, "dy perfaqesuesit e Federates Ruse vijne ne Shqiperi per te inspektuar stadiumin "Loro Boriçi" te qytetit te Shkodres, mjediset e akomodimit si dhe infrastrukturen e qytetit, ne prag te ndeshjes mes perfaqesueseve te Shqiperise dhe Rusise per eleminatoret e Kampionatit Evropian 2004". Perfaqesuesit e federates ruse do te udhetojne nga Podgorica per ne Shkoder, aty ku pritet te akomodohet kombetarja ruse dhe ne mbremje do te udhetojne drejt Tiranes. Takimi mes perfaqesueseve te Shqiperise dhe Rusise do te luhet ne stadiumin "Loro Boriçi" ne Shkoder me 29 Mars, ndersa ai i ekipeve Shpresa do te luhet ne stadiumin kombetar "Qemal Stafa".

 

[genci]

Re: Sporti Shkodran ( Vllaznia )

22 Feb 2003

Vllaznia-Partizani: Gjyqtari, rrokadë Sokolash

Kryendeshja e turit të tretë të Kupës së Shqipërisë, ajo që do të luhet sot mes Vllaznisë dhe Partizanit, do të drejtohet nga një tjetër gjyqtar dhe jo nga ai që ishte caktuar të mërkurën, përmes shortit. Me një fjalë, nuk do të jetë Sokol Jareci, njëri prej gjyqtarëve shqiptarë me stemën e FIFA-s, ai që do të gjykojë këtë ndeshje, por një tjetër Sokol, kësaj here Çekaj, gjyqtari laçian i perspektivës. Gjithçka është rrokullisur kaq shpejt dhe jashtë çdo parashikimi, sa që mund të thuash se edhe një regjisor i mirë nuk do t'i motivonte kaq natyrshëm lëvizjet e kësaj rrokade në minutat e fundit. Krejt papritur, dje pak para mesditës, drejtuesit e Federatës së Futbollit kanë konfirmuar faktin se Sokol Jareci qenka dëmtuar një natë më parë, sipas tyre, saktësisht në orën 21.00 të mbrëmjes të së enjtes, dhe ka vënë në dijeni edhe FSHF-në. Justifikimi i Jarecit, i cili ka pasur një "çlirim" të tillë edhe për vetë FSHF-në, ka qenë i shkurtër dhe i prerë: "Kam pësuar një tërheqje muskulare në stërvitje, prandaj nuk jam në gjendje të udhëtoj drejt Shkodrës për të drejtuar ndeshjen Vllaznia-Partizani." Kaq ka thënë vetë Jareci, ndërkohë që tërheqja e tij ka bërë që komisioni i caktimit të gjyqtarëve të mblidhet sërish dje për të diskutuar këtë problem. Në fakt, nuk ka pasur shumë diskutime për verifikimin e shkallës apo vërtetësisë së dëmtimit të gjyqtarit shqiptar të FIFA-s, Jarecit, por tre përfaqësuesit e komisionit në fjalë, Kotherja, Canaj dhe Zajmi, e kanë mbajtur frymën te goglat në një vazo të vetme. Ato janë përzierë sërish, por tashmë vetëm për ndeshjen Vllaznia-Partizani. Në short janë përfshirë tre gjyqtarë të listës rezervë nga rrethet, pikërisht Sokol Çekaj, Zeqir Kongjini dhe Myrteza Allkja. Pas hapjes së goglës së tërhequr nga vazoja përkatëse, është mësuar edhe emri i gjyqtarit që do të drejtojë sot ndeshjen e "Loro Boriçit", Vllaznia-Partizani. Ai është laçiani Sokol Çekaj, i cili nuk është kontestuar nga asnjëra palë.
Tërheqja e Jarecit, "muskulare" apo...?
Po t'u referohesh të gjitha fakteve të bëra publike edhe në shtyp, nuk është shumë e vështirë të hamendësosh se tërheqja e Jarecit nga gjykimi i kryendeshjes së sotme të turit të tretë të Kupës së Shqipërisë, Vllaznia-Partizani, ka ardhur në rrethana të tjera për të dhe jo nga ndonjë tërheqje e mundshme muskulare, sikurse është justifikuar zgjuarësisht ai. Mjafton të kujtojmë këtu faktin se, menjëherë sapo u mor vesh emri i tij si gjyqtar i ndeshjes së Shkodrës, rrufeshëm ka mbërritur kontestimi i parë i kampit të kuq, drejtuesit e të cilit kishin kërkuar që më parë që kjo sfidë të gjykohej nga një treshe gjyqtarësh të huaj. Fillimisht, drejtuesit e Partizanit kërcënuan se nuk do të pranojnë të gjykohen nga ky gjyqtar, sepse i qëndrojnë mendimit për një gjykim të huaj. Sidoqoftë, nuk kishte qenë e thënë që kontestimi i Jarecit të mbetej vetëm me kaq, pasi, më datën 19 shkurt, ditën e shortit të parë, në orën 16.00, përfaqësuesit e kuqebluve kanë depozituar në Federatën Shqiptare të Futbollit kontestimin kategorik për gjyqtarin kryeqytetas. Në këtë mënyrë, "bilbili" në fjalë u shpall "non grata" nga të dy kampet, gjë e cila nxori shumë pikëpyetje edhe për vetë institucionin qendror të futbollit shqiptar. Në pamje të parë u krijua përshtypja se ky gjyqtar nuk do të ndryshohej, pasi zyrtarë të FSHF-së (Hito Hitaj dhe Sulejman Mema) do të pohonin dy ditë para ndeshjes se pretendimet e të kuqve dhe të kuqebluve nuk do të merren parasysh, pasi caktimi i Jarecit si "bilbili" i ndeshjes së "Loro Boriçit" është bërë sipas rregullores përkatëse të aktivitetit dhe shorti ka qenë i hapur e transparent, nga i cili u përzgjodh gjyqtari më i mirë i vitit që shkoi. Me një fjalë, ata linin të kuptonin se presionet që vinin nga të dyja kampet, nuk do të merreshin parasysh. Por dje ka ndodhur krejtësisht e kundërta. Nga Shkodra vijnë habere jo të mira për FSHF-në. Kryesia e klubit të Vllaznisë, pas një mbledhjeje të saj, kishte vendosur që të mos dilte në fushën e lojës ndaj të kuqve, nëse nuk do të ndryshonte gjyqtari Jareci. Përveç këtij kushti, shkodranët kanë shkuar më tej në kërkesat e tyre, teksa kanë kërkuar domosdoshmërisht që gjyqtari i sfidës me Partizanin të mos jetë nga Tirana, por nga rrethet. Një "ultimatum" i tillë i ka zënë në befasi zyrtarët e Federatës, por një "manovrim" i Jarecit i ka nxjerrë ata nga situata. Në mesditën e djeshme është mësuar se gjyqtari Jareci, i zgjedhur në shortin e së mërkurës për të drejtuar këtë ndeshje, kishte lajmëruar se nuk ishte në gjendje ta bënte këtë gjë, pasi kishte pësuar një tërheqje muskulare gjatë stërvitjes. Një lajm i tillë, jo i mirë për drejtuesit e FSHF-së, ka mbërritur tek ata në orën 21.00 të mbrëmjes së enjtes, në një kohë kur protestat nga kampi shkodran kishin arritur kulmin. Prandaj, duke i parë me kujdes të gjitha këto lëvizje të paparashikuara, natyrshëm të lind pyetja: Vallë, përse u tërhoq gjyqtari Sokol Jareci nga drejtimi i ndeshjes Vllaznia-Partizani? Nga tërheqja muskulare apo nga presioni mediatik i bërë nga të dy kampet ndaj tij? Sipas të gjitha gjasave, duhet të ketë qenë kjo e fundit, zgjidhje e cila u shërbeu edhe zyrtarëve të Federatës, duke caktuar Çekajn si "bilbilin" e sfidës së "Loro Boriçit". Megjithatë, kjo zgjidhje duket se do të hapë shumë telashe për institucionin qendror të futbollit shqiptar, të cilit do t'i duhet të përballet kështu me raste të tjera kontestimesh për gjyqtarët, pasi ia kanë hapur vetë derën një praktike të tillë joserioze. Nëse dikush mund të thotë se këtë herë u plotësua në njëfarë mënyre dëshira e kuqebluve, sipas të gjitha gjasave, në ndeshjen e kthimit do ta kërkojë këtë "privilegj" Partizani, drejtuesit e të cilit, dje, pas ndryshimit të gjyqtarit, kanë pohuar: "Jarecin nuk e hoqëm ne, por e hoqi Vllaznia. Nëse kësaj radhe nuk u mor parasysh kërkesa jonë për gjyqtar të huaj, radhën tjetër kjo do të bëhet se s'bën..."


Ky Artikull u publikua më 22 Feb 2003. Autor A. LLESHI - Sporti Shqiptar

 

[djal]

Re: Sporti Shkodran ( Vllaznia )

Vllaznia-Partizani 0-0

Një ndër takimet më të rëndësishme të turit të tretë të Kupës së Shqipëërisë ishte ai që u zhvillua të Shtunën pasdite në stadiumin "Loro Boriçi" të Shkodrës ndërmjet Vllaznisë dhe Partizanit, që përfundoi me rrjeta të paprekura. Interesimit të madh të publikut shkodran nuk iu përgjigj niveli i lojës së Vllaznisë, që sot nuk ka qenë në ditët e saja më të mira. Pjesa e parë ka qenë në ekuilibër të plotë, ku të dyja portat janë vizituar pak nga sulmuesit e te dy skuadrave. Në minutën 18-te, sulmuesi i Partizanit, Karioka, ka goditur shtyllën e portës shkodrane, ndërsa ne minuten e 30-te sulmuesi shkodran Bejzade godet shtyllen e portes se mbrojtur nga Nallbani. Ne minuten e 43-te Sinani i kishte te gjitha mundesite per te shenuar per kuqeblute, por gjuajti jashte. Pjesa e dyte nisi perseri me nje aksion te rrezikshem per vendasit, por i pakonkretizuar. Partizani tregon me shume kujdes ne mbrojtje, duke i mbyllur te gjitha shtigjet per Sinanin, Bejzaden dhe Asllanin. Ndersa tek Vllaznia u ndje mungesa e lidhjes se tre reparteve, qe luajten te shkeputur. Megjithe perpjekjet e te dyja ekipeve, takimi perfundoi pa gola 0-0, duke lene gjithçka te hapur per ndeshjen e kthimit ne Tirane.

 

[genci]

Re: Sporti Shkodran ( Vllaznia )

Sport: Basketboll- Meshkuj: Shenuesit me te mire


TIRANE, 24 Shkurt/ATSH-Alketa Beqiri/.- Shenuesit me te mire te kampionatit kombetar te basketbollit per meshkuj pas javes se 12-te, jane: Grupi A1: 1. Vorfa Vllaznia+Valbona 300 pike 2. B.Daliu Tirana+Dinamo 245 3. Byberi Valbona 238 Shenuesit me te mire per tre pike jane: 1. E.Karaj Tirana 29 2. Palko Studenti 28 3. Halili Vllaznia+Valbona 26 Grupi A2: 1. Lundra Partizani 408 pike 2. Domi Apolonia 340 3. Serdari Pogradeci 324 Shenuesit me te mire per tre pike jane: 1. Lundra Partizani 58 2. Serdari Pogradeci 44 3. Sauli Apolonia 34

------------------------------------------------------


Sport; Basketboll- Faza e dyte; Kampionati kombetar i te rejave


TIRANE, 24 Shkurt/ATSH-Alketa Beqiri/.- Te Dielen jane zhvilluar ndeshjet e javes se dyte te fazes se dyte te kampionatit kombetar te basketbollit per te reja. Rezultatet jane; Grupi A Sonja Basket -Vllaznia 54-62 Tirana- DHL 35-56 Renditja eshte: Vllazvia 4 pike, DHL 2, Mati 2, Sonja Basket 2, Tirana 2 pike. Grupi B Studenti - Flamurtari 73-67 Lushnja - Skenderbeu 54-66 Renditja eshte: Studenti 3 pike, Flamurtari 3, Elbasani 2, Skenderbeu 2, Lushnja 2 pike



----------------------------------------------------


Sport: Basketboll- Faza e dyte: Kampionati kombetar i te rinjve


TIRANE, 24 Shkurt/ATSH-Alketa Beqiri/.- Te Dielen jane zhvilluar ndeshjet e javes se dyte te fazes se dyte te kampionatit kombetar te basketbollit per te rinj. Rezultatet jane: Grupi A Studenti- Lushnja 64-25 Dinamo - Vllaznia 72-61 Renditja: Dinamo 4 pike, Studenti 4, Epidamus 2, Vllaznia 2, Lushnja 2 Shkodra Basket 1 pike. Grupi B Partizani- Skenderbeu 75-71 Pogradeci- Elbasani 61-64 Teuta - Tirana 2004 85-88 Renditja: Tirana 2004, 4 pike, Teuta 3, Partizani 3, Skenderbeu 3, Elbasani 3, Pogradeci 2 pike. Grupi C Sonja Basket- Tomori 101-38 Apollonia -Flamurtari 43-59 Tirana -Dertliu 104-37 Renditja eshte: Flamurtari 4 pike, Sonja Basket 4, Tirana 4, Tomori 2, Apollonia 2, Dertliu 2 pike



marre nga www.ata-al.net

 

[genci]

Re: Sporti Shkodran ( Vllaznia )

Sport: Turne ndërkombetar boksi ne Shkoder


SHKODER, 24 Shkurt/ATSH-M.Malja/.- Në pallatin e sportit "Qazim Dervishi" të qytetit të Shkodrës u zhvillua dje (e Diele) turneu ndërkombëtar i boksit, në nderim të boksierëve shkodrane qe nuk jetojne me. Ky aktivitet, ku moren pjese boksierë nga Mali i Zi, Kosova dhe ekipi kombëtar shqiptar (nuk erdhen boksieret nga Kroacia, Bosnja, Serbia dhe Sllovenia), u organizua nga bashkia e qytetit, në bashkëpunim me Federatën Shqiptare të Boksit. Sipas specialisteve, në këtë veprimtari u zhvilluan ndeshje me nivel të lartë, ku boksieret pjesemarres treguan një pergatitje te kënaqshme fizike dhe tekniko-taktike. Nga 10 takimet ne peshat perkatese te zhvilluara, 7 prej tyre u fituan nga boksierët shqiptare, 2 nga boksierët e Malit te Zi dhe nje nga Kosova. Figuren me te mire ne kete turne e bëri boksieri i njohur shkodran, Sokol Buliqi (91 kg), i cili tregoi një përgatitje të lartë fizike, duke mundur ne 40 sekonda boksierin nga Mali i Zi, Rodoviç. Fituesit e tjere ishin Asim Doko (Flamurtari), Hysa, Dashi (Vllaznia), Çeta, Hoti (Flamurtari), Koçi (Klajd Klub). Pas perfundimit të kësaj veprimtarie, trajneri i ekipit të Kosoves, Hamdi Selimi, tha se nuk është hera e parë që zhvillojmë të tilla takime me boksierët shqiptare, ku kam pare se sporti i boksit ne Shqiperi po zhvillohet ne rruge cilesore. Ndërsa trajneri i ekipit kombëtar shqiptar, Zef Gjoni, tha se, ashtu si dhe në veprimarite e tjera nderkombetare, boksierët tanë treguan një nivel të lartë përgatitjeje

 

[genci]

Re: Sporti Shkodran ( Vllaznia )

Sport: Futboll- Çela kërkon impenjim më të madh të futbollisteve shkodrane


SHKODER, 27 Shkurt/ATSH-M.Malja/.- Presidenti i kuqebluve, Myftar Çela, në analizen e zhvilluar te Merkuren për ndeshjen ndaj ekipit të Partizanit (0-0) per turin çerekfinal te Kupes se Shqiperise, përveç kritikave ndaj lojës së zhvilluar nga skuadra shkodrane, ka folur me tone të ashpra ndaj dy-tre futbollistëve titullarë dhe ne veçanti ndaj kapitenit Sinani. Ai ka kërkuar një impenjim më të madh të gjithë futbollisteve në fushën e lojës, duke filluar që në ndeshjen e Durrësit me Teuten per javën e parë të fazës së dytë të kampionatit kombëtar të futbollit. Në përfundim të mbledhjes nuk është marrë asnjë masë ndeshkimore. Sipas sekretarit të klubit shkodran, Agim Medja, e rendesishme ka qene vënia e pikave mbi i, ku secili ka marrë përgjegjesitë për gabimet e bëra. Megjithate, eshte arritur ne konkluzion se mundësitë ekzistojnë për më shumë cilesi ne lojen e ekipit te Vllaznise. Nderkohe, jane hedhur poshte nga presidenti Çela lajmet e përhapura për largimin e teknikut Dedja. Sipas Çeles, Vllaznia nuk ka nevojë për trajner tjetër. "Dedja, tha ai, do të vazhdojë punën e tij, pasi gëzon besimin tim të plotë".

www.ata-al.net

 

[djal]

Re: Sporti Shkodran ( Vllaznia )

Humbje Vllaznis Me Teuten .......TEUTA--VLLAZNIA 2-1

Teuta e Durrësit ka fituar me rezultatin 2-1 ndaj Vllaznisë së Shkodrës në takimin e parë të fazës së dytë të kampionatit të 64-t kombëtar të futbollit. Futbollistët durrsakë kanë treguar se kthesa e nisur në fund të fazës së parë nën drejtimin e trajnerit Hasan Lika synon edhe suksese të tjera në këtë sezon sportiv. Ndeshja e zhvilluar në stadiumin "Niko Dovana" të Durrësit ka qenë me momente interesante per te dyja ekipet, qe e kerkuan golin me aksione te vazhdueshme. Por, pavaresisht perpjekjeve te te dyja ekipeve, pjesa e pare perfundoi 0-0. Mancaku, Kumalo e Begeja kanë humbur disa raste për vendasit, ndërsa për shkodranët është paraqitur rrezikshëm Bejzade. Në minutën e 15-të të pjesës së dytë pas një aksioni model Begeja ka mposhtur portierin Grima pas një goditjeje me kokë, duke shfrytëzuar një kros nga Zëre. Por, gëzimi i sportdashësve durrsakë ka zgjatur vetëm 7 minuta. Goli i barazimit për Vllazninë mban firmëm e dyshes Kaçi-Dedja, ku i pari mbyll një aksion të nisur nga kolegu i tij. Në minutat e mbetura të dyja skuadrat luajnë me shumë kujdes, por Teuta ia arrin qëllimit falë një goli mjaft të çmuar në minutën e 83-të. Babamusta me kokë e ka përcjellë në rrjetë topin, duke shuar shpresat e shkodranëve për të marrë të paktën një pikë, mjaft të vlefshme për rivalitetin me Tiranën. Sportdashësit durrsakë kanë duartrokitur fort skuadrën e tyre të zemrës, e cila është ngjitur në kuotën e 18 pikëve. Vllaznia është thyer në përpjekjen e saj të parë pas pushimeve dimërore, megjithëse përballë saj ndodhej një nga skuadrat më të mira të 10 viteve të fundit

 

[djal]

Re: Sporti Shkodran ( Vllaznia )

Java e 14 e Kapjonatit Shqiptar te Fotbollit

1 Tirana 33 pik
2 Vllaznia 26 pik
3 Partizani 25 pik
4 Dinamo 25 pik
5 Shkumbini 19 pik
6 Flamurtari 19 pik
7 Teuta 18 pik
8 Besa 17 pik
9 Erzeni 17 pik
10 Lushnja 15 pik
11 Bylis 15 pik
12 Elbasani 13 pik
13 Apolonia 12 pik
14 Beslidhja 10 pik

 

[genci]

Re: Sporti Shkodran ( Vllaznia )

SHQIPERI-RUSI, NE MOS RRJEDH DO PIKOJE

Shkoder - Ndarja e fitimeve financiare te ndeshjes nderkombetare ne mes te Rusise dhe Shqiperise, ne mes te Federates se Futbollit dhe te Bashkise se Shkodres vazhdon te mbaje pezull ceshtjen e zhvillimit te ndeshjes me 29 mars. Kryetari i Bashkise se Shkodres Ormir Rusi ka besim ne nje marreveshje te mundshme ne mes te Bashkise dhe te Federates, ndersa eshte i mendimit se do te ishte nje fat i madh per Shkodren qe ndeshja te zhvillohej pikerisht ne Shkoder. "Une nuk mendoj se ne duhet te arrijme deri aty qe te anullojme ndeshjen nderkombetare, as ne si Bashki, por as Federata. Normalisht zgjidhjet duhet te gjenden pa arritur ne ekstreme. Dhe une jam partizan i kesaj. Me vjen keq qe spotdashesit shkodrane edhe mund te jene indinjuar nga kerkesat e bashkise, por gjithkush duhet te dije se ne ceshtjen e stadiumit "Loro Borici", Bashkia e Shkodres dhe Keshilli Bashkiak nuk duhen anashkaluar. Tifozeria shkodrane, megjithese eshte e zjarrte, nuk duhet te shfrytezohet nga Federata ne kembim vetem te kenaqesise. Kjo eshte njera ane. Nga ana tjeter jane ligjet, jane raportet ekonomike. Une kam besim se federata dhe bashkia do te gjejne edhe gjuhen e perbashket" eshte shprehur keshtu Ormir Rusi.

Federata kerkon shkresa

Federata kerkon dhe rremon shkresa dhe vendime per te perligjur fitimet, ndersa ngjan gati e penduar per faktin qe eshte zgjedhur stadiumi i Shkodres. Ne nje veshtrim te pare ngjan se Bashkia dhe Federata jane vene ne gare per te drejtat ndaj Stadiumit "Loro Borici". Ndeshja, biletat qe pritet te kene cmime te kripura mire, por te padiskutueshme per tifozet shkodrane qe ne raste te tilla nuk preferojne te kursejne asgje, por edhe e drejta e transmetimit televiziv jane ceshtjet ku duket se asnjera nga palet nuk ka ndermend te leshoje pe. Nga nje ane federata eshte shume e vendosur te mbaje si zakonisht per veten e saj te gjithe fitimet qe vijne nga nje ndeshje e tille. Burime nga Bashkia e Shkodres kane bere te ditur per "KJ" se Fedarata te pakten deri tani ka kundershtuar kerkesen e institucionit lokal e vetmit pronar te "Loro Boricit". "Federata eshte mesuar qe gjithmone te kete per vete te gjithe pjesen e fitimit jo te pakte. Madje, kerkesa e Bashkise se Shkodres i ka ardhur si rrufeja ne kohe te thate dhe ne nje reagim te pare e ka quajtur jo te drejte nje kerkese te tille. Deri tani vec konfirmimeve te pazyrtarizuara per kundershtim nuk kemi asgje te vedosur" eshte nje nga zyrtaret e Bashkise se Shkodres. Ai ka theksuar se ka te dhena qe Federata eshte duke kerkuar ne sirtare vendime te ndryshme per te perligjur edhe pervetesine e fitimit te FSHF. Madje drejtuesit e Federates duken se jane te penduar qe kane vendosur te zhvillojne ndeshjen ne Shkoder. Nderkohe qe mesohet per nje nderhyrje te Presidentit te Sportklub "Vllaznia", Myftar Cela, ne Federate. Nga ana e saj Bashkia kerkon minimalisht shumen prej te pakten 300 mije dollaresh amerikane. Kjo sipas bashkiakeve nuk eshte ndonje shume e madhe ne krahasim me perfitimet financiare te ndeshjes, por per arken e Bashkise ne nje kohe kur investimet dhe buxheti jane ne pike kritike, eshte nje shume e konsiderueshme. "Eshte e palogjikshme qe, megjithese ne do te mbajme peshen kryesore per nje ndeshje te tille dhe per organizimet e fitimet te merren nga dikush tjeter qe ne fakt duket te jete ne rolin e mikut. Bashkia eshte poseduesja e stadiumit" ka thene zyrtari. Megjithate, ceshtja duket se ka marre fund. Ndeshja do te zhvillohet ne Shkoder.

R.Llazari

 

[genci]

Re: Sporti Shkodran ( Vllaznia )

Sport; Futboll- Çela: "Nuk do të ketë largim të drejtuesve të Vllaznisë


SHKODER, 5 Mars/ATSH-M.Malja/.- Presidenti i klubit te futbollit te Vllaznise, Myftar Çela, ka deklaruar se nuk do të largohet nga drejtimi i ekipit tekniku Hysen Dedja. "Nuk kemi pse të largojmë trajnerët për dy ndeshje që skuadra jone nuk ka dhënë gjithçka në fushën e lojes", eshte shprehur ai. Çela ka zhvilluar dje (e Marte) një takim me disa nga futbollistët kryesore të ekipit dhe me stafin drejtues, ku ka kërkuar të dije nga futbollistët aresyet e mosangazhimit të tyre sa duhet në fushën e lojes. Në takim, të gjithe futbollistët kanë vlerësuar punën e drejtuesve të ekipit, nderkohe qe janë shprehur se në dy ndeshjet e fundit nuk jane zbatuar detyrat e dhena nga trajneret. Futbollistët Sinani, Bejzade, Asllani, Botakola etj, që ishin pjesëmarrës në këtë takim, jane shprehur se kthesa e kuqebluve do të verehet që këtë javë në ndeshjen e Vllaznise me Tiranen, e cila do të zhvillohet në stadiumin "Loro Boriçi" te qytetit te Shkodres. Ato kanë premtuar se Vllaznia do te jete krejt ndryshe ndaj Tiranës. Ekipi shkodran pas javes se 14-te te kampionatit kombetar ndodhet në vendin e dytë te tabelës se klasifikimit me 26 pike, 7 pikë larg ekipit kryesues të Tiranes

www.ata-al.net