Re: Shqiperia ne Festivalin Europian
postimin mund ta lexoni me te shtjelluar ketu
Ndonëse Shqipëria është e para herë që merr pjesë në këtë konkurim, kjo nuk do të thotë që shqiptarët e kanë për herë të parë që “prekin” skenën e këtij festivali apo të paktën të kenë tentuar të bëjnë kështu. Këngëtarja italiane me origjinë shqiptare Ana Oxa (Hoxha) ka prezantuar Italinë në vitin 1989 me këngën “Avrei voluto” në një duet me Fausto Laeli. Ndërkohë një tjetër shqiptar, Armend Rexhepagiqi rreth njëmbëdhjetë vjetë më parë ka dalë i katërti në klasifikimin e shtetit Jugosllav për këngëtarin dhe grupin i cili do të prezantonte republikat e këtij shteti në Festivalin Evropian të Këngës, duke qënë deri më sot këngëtari shqiptar i cili i është “afruar” më tepër kësaj skene, si prezantues i vendit të tij. Gjithashtu ne vitin 2000 Erzana Berisha (Nje nder kengetaret me te mira qe kemi) ka qene pjesmarrese ne Festivalin e Maqedonise me kengen “Iluzion” duke u renditur e shtata ne klasifikim.Grupi fitues prezantoi Maqedonine ne Eurosong te 2000.Një lajm i çuditshëm kohët e fundit nga përfaqësuesit shqiptar ka njoftuar se Shqipëria do të prezantohet në këtë festival me këngëtaren e re Anjeza Shaini,e cila do të këndojë këngën e saj në anglisht...Një sekond...në ANGLISHT? Unë personalisht mendoj se kjo është një zgjedhje e gabuar.Duke qënë se Shqipëria prezantohet për herë të parë në këtë festival ne duhet të prezantohemi në gjuhën tonë SHQIP. Këtu nuk është fjala për të fituar festivalin apo jo, këtu është fjala për një prezantim të vendit tonë.Do kemi rastin në të ardhmen të prezantohemi me një këngë “për të fituar”, por si për herë të parë është më mirë të prezantohemi në gjuhën tonë.Na kuptojnë apo jo kur këndojmë në shqip, ky nuk është problemi ynë, nuk shoh ndonjë shqiptar të ankohet se nuk kupton kur këndohet në anglisht. Për më tepër nuk di pse ju duket kaq e lehtë këndimi në anglisht përfaqësuesve tanë? Njëkohësisht është përfolur për mënyrën e zgjedhjes së përfaqësuesit shqiptar në Eurosong, duke kërkuar të bëhet një tjetër përzgjedhje midis këngëtarëve apo fituesve të festivaleve. Kjo “kërkesë” është e pakuptimtë, sepse askush nuk i kërkoi Vera Grabockës e Ardit Gjebreas apo Petrit Bozos që kur të marrin pjesë në konkurset ndërkombëtare të bukurisë të përzgjedhin bukuroshe jashtë spektakleve të tyre, përkundrazi sejcili ka siguruar një konkurs për të përfaqësuar Shqipërinë me konkursin e tij, e njëjta gjë edhe me Festivalin e Këngës, e vetmja vërejtje do të ishte ndryshimi i këngës e cila këtë vit ishte nën...shumë nën nivelin e duhur. Sigurisht Mariza Ikonomi do të kishte bërë një prezantim dinjitoz të Shqipërisë në Eurosong, por kënga e saj la shumë për të dëshiruar, ndërkohë nëse do të ishte prezantuar me “Zjarrin do ta gjej” një prej këngëve të albumit të saj, jam shumë i sigurt se jo vetëm do kishte hyrë në natën finale por edhe do ishte vendosur në tre finalistët e Eurosong. Perfundimisht disa dite me pare, mesojme se Anjeza do te jete kengetarja e 13 ne naten e pare te Eurosong, kenga e saj tashme e kthyer dhe e riperpunuar ne anglisht (Qe ka mundesi mos ti ngjaj fare origjinalit) prezantohet edhe ne vende te tjera te Evropes fale nje pakti te vendeve jo-Big apo little. A do te jete e sukseshme...per momentin, le te besojme ne fatin e fillestarit...
2004 do ta vendosi Shqipërinë në hartën e konkurseve evropiane, duke i dhënë mundësinë vendit tonë të prezantohet ndryshe, përball një publiku qindra milionësh. Artistët tanë shumë të talentuar mund të shohin një rreze shprese në karrierat e tyre, e të shpresojmë që ky element të mos frymëzoj intrigat e zakonëshme për dhënien e çmimit të parë në “Festivalin e Këngës” të cilit sapo ju është ofruar një komardare shpëtimi.Pakënaqësira ka ngado, këtë e vërtetoi më së miri edicioni i fundit i “Këngës Magjike”, në të cilin votat ju lanë vetë këngëtarëve, e sërisht këngëtarët shtrembëruan buzët kur dëgjuan fituesit, pavarsisht se festivali i Gjebreas ndyshe nga ai i rivalit të tij, është mjaft bujar me dhjetrat e çmimeve që ofron. Sa për pjesmarrjen aq të diskutuar të këngëtarëve më të njohur...pak rëndësi ka. Në mos këtë vit, do kthehen vitin tjetër, në fund te fundit, jo të gjithë janë të zotë si Gjebrea, ti largohen “Festivalit të Këngës” përgjithmonë dhe të organizojnë një të tyrin.
---------------------------------------------
Having a great voice isnt enough anymore. Artistet duhet te mesojn artin e joshjes se audiences, kane ikur kohet e kengeve alla "Elsa Lila, apo Laura Pausini" Zera te bukur e te rinj ka me bollek, tashme duhet te jesh pak me shume, te dalesh ne skenne dhe nejrzit te mos mundin te ndajn syte nga ti. Anjeza esht akoma nje fillestare, "qe premton" !!
Edhe une e kam qejf Anjezen.
, por mbeta goxha me i impresionuar nga ajo natyra fshatarake e videos serbe.
