Për ty Enver Hoxha këngë do thur tërë jetën...Populli me shpirt!

[GJENERALI]

Për ty Enver Hoxha këngë do thur tërë jetën...Populli me shpirt!

Shqipja sot për ty këndon

Shatdhet’ vjet para ksaj dite,
në shtëpin’ gjinokastrite,
në mes trimash, një trimneshë,
heroinë e luaneshë,
lindi djalin, bash shqipojën,
trim mbi trimat Enver Hoxhën.
Ty moj nan’, të qofshim falë,
që na e fale ne kët djalë,
kët’ sokol, kët’ trim me fletë,
që na nxori n’drit’ përjetë!
O Enveri i shqiptarve,
o flamur i proletarve,
edhe foshnja kur belbzon,
emrin tand ma par’ mëson.
Shqipja sot për ty këndon,
Jet’ në shekuj të uron!

Shalë-Shkodër,1978

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Bir i shtrënjtë i vegjëlisë

Do ta hedh vallen të plotë.
Të këndoj zemra ma thotë,
gjashtëmbëdhjet tetor si sot
lindi një diell në botë,
diell me rreze të fortë:
Enveri, kok’ e Partisë,
bir i shtrënjtë i vegjëlisë.
O shok’, në valle të madhe
Do thërras dhe këta male
Të larta e shum’ krenare,
që jan’ dëshmitar’ në halle;
iso të mbaj’ Shqipëria,
në përvjetorin e tia.

Vajzë-Vlorë,1978

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Kur t’shikoj ty Puk’ nga bjeshka

Kur t’shikoj ty,Puk’,nga bjeshka,
m’njan si nuse rreth me kreshta!
I shof malet mbush’ me drita,
e shof Drinin mbush’ me prita,
i shof grusht gra e burra,
qendisin toka, male, curra!
I shof pyjet valle-valle,
nga Komani në Iballe;
edhe bjeshka ka hap’ gjinë,
minerali flori ndrin.
Ty, Parti, t’paçim gjithmonë,
me Enverin n’zemrën tonë!

Pukë,1978

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Jemi gati kurdoherë

O Enver, ill i karvanit,
shpëtimtari i vatanit;
o Enver, ill i pashuar
në gjith’ botën i dëgjuar!
Lumturi neve na solle,
ka armiqtë na shpëtove,
planet ua shkatërrove,
nëpër plehëra i hodhe.
Rrofsh, Enver, me gjith’ Partinë,
Lumturi për Shqipërinë!
Me Partinë dhe Enverë
jemi gati kurdoherë
Shqipërin’ ta zbukurojmë,
socializmin të ndërtojmë.
O Enver, ill i vërtetë,
të na rrosh njëmilë vjet!

Vlorë,1982
Grup çam

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Karafila nga Kosova

Si nji fllad i freskët vere,
si nji gurr’ që s’di të shterrë,
uragan timpani i lodrës,
çudit skenat e Evropës.
Janë kangt e vallet tona,
t’reja e t’lashta sa vet’ bota.
Lule njom’ me pika vese,
dhurojn’ miqt’ me buzëqeshje;
përshëndesin me fjalt tona:
«Tungjatjeta, Enver Hoxha!»
Në mes miqve nji vlla,
mbushun syt’ me lot gëzimi,
n’gjuh’ të nanës ai tha
do fjal’ t’thjeshta, fjalë urimi:
“Qysh nga malet, pyjet tona,
ku këndojn’ mijra bylbyla,
ju kam sjell’ sot nga Kosova,
këtë tuf’ me karafila.
Të m’ia çoni këto lule
Bacë Enverit në Shqipni;
për ditlindjen ta uroni,
iu baftë dita njimijë!”

Fushë-Arrëz-Pukë, 1983

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Ty parti ta lumsha synin

Moj parti, ta lumsha synin,
s’duron kend me t’prek’ kufinin!
Kush mendon me t‘prek’ ndër tela,
prek shqiponjën me dy krena.
Forca jote asht unitet,
Parti popull e pushtet;
Kush kujton se na kap zapin,
pa hanxhinë e ban hesapin.
Kufit’ tan’ jan’ gur mermerit,
Piramidë e roje nderit,
i ruen forca e Enverit;
i ruen puna vetmohuese,
që asht vesh’ Shqipnia nuse.
Moj Parti, moj rreze dielli,
je si lule drandafilli,
të gith’ bota kërkojnë erë;
lum Shqipnia që t’leu n’derë!
Rrajt’ e tua e kan’ marr’ tokën,
kan’ qit’ lule në tan’ botën.
Dhe kto lule plot aromë
do të bashkohen, sa do vonë.
Anemban’ na vjen jehona,
rrofsh, Parti, sa malet tona!

Lezhë,1968

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Enver Hoxha t’kndojm’ Lavdi

Enver Hoxha, t’kndojm’ lavdi,
Që nga Jugu në Veri;
për ty kndon fushë e malsi,
burrë e grue, plak e i ri.
Tan’ Shqipnia zien prej gzimi,
festojm’ ditën e nji trimi;
trim marksist, si e njeh gjith’ bota,
msuesi ynë, Enver Hoxha.
E fuqishme asht Shqipnia,
n’krye të saj qëndron Partia.
Enver Hoxha në Tiranë,
n’Kongres t’Frontit, ai ka thanë:
Shqiptart han’ barut me dhamë!
Tan’ kem’ dal’ prej çarkut t’pushkës
e kurkuj nuk ia dim’ tutën.
Dy milion jem’ si e ham’ bukën,
për dyqind e kapim pushkën.

Tropojë, 1968

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Jetën lidhe me vatanin

Gjirokastër heroinë,
lum për djalin që ti rrite!
Ke rrit’ trim, ke rrit’ dai,
për kët trull, për kët Shqipni;
Zemrat tona gzojn’ njiherit,
në ditlindjen e Enverit,
urojn’ t’bardhat nanat tona:
T’njefshim t’mirën, o Enver Hoxha!
Si ortek që zbret prej malit,
derdhëm n’sofër t’festivalit
fjal’ prej zemre, bardh’ si bora:
Bir i popullit të lumt’ dora!
N’lule t’ballit gjujm’ tradhtinë,
qelibar e rujm Partinë.
Gjumi kurrë nuk të zuni,
vepra jote armiqt’ tundi;
çove lart grushtin e zanin,
jetën lidhe me vatanin.
T’lindi kombi burr’ të rrallë,
lum Partia që t’ka n’ballë!

Pukë,1983

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Kem’ lidh’ zemrat n’shtiz’ t’flamurit

Mijra zemra, si vargmal,
ia shkrujn’ emrin Partis’ nanë;
çdo gja plaket përmbi dhe,
veç ti je gjithmonë e re.
Ty të paçim, o Enver,
prina, prina si përherë!
Fjala jote – gur’ i bjeshkës,
s’luajm’ prej vendi përjet’ t’jetës!
Kem’ nji fjal’ që peshon tokën,
e bajm’ kang’ për Enver Hoxhën.
Me Partin’ kem’ bes’ prej guri,
kem’ lidh’ zemrat n’shtiz’ t’flamurit!

Bajram Curri, 1983

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Dhe njëmij’ o Enver djali

Gjirokastër ballergjëndë,
ç’ësht’ ky nur që të ka rënë?
Më qesh buza, më fjeks balli,
ditëlindjen më ka djali.
Nëpër dallgë historie,
o Enver, se ç’të kan’ hije
thinjat me lule rinie!
Shqipërin’ na rinove,
në ball’ të Partisë nënë,
gjith’ gëzimet që na solle,
mblidhën vetë e bëhen këngë.
Sot, në ditlindjen e madhe,
kalldrëmet jan’ zën’ në valle;
mbi gur’ ndizen lule mali.
Dhe njëmij’, o Enver djali!

Gjirokastër, 1983

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Sup me sup jem lidh si malet

Jam nji çik nga Dragobia,
hije m’ka sot çiftelia;
vetë e gdhenda me dru malit
n’dern e shpellës t’bac’ Bajramit;
vetë e thura kangën time,
Enver Hoxhës me i sjellë urime:
O vetim’ që shkrep mes reve,
lavdi vendit ku ti leve;
pa ty vendi digjej eshkë,
trim mejdanesh, burrë i thjeshtë!
Ti qëndron në ball’ t’çdo shqote,
E skuq botën fjala jote.
Pyet Evropa e pyet Ballkani:
Kush po i prin këtij karvani?
Nji Parti trimneshë e rrallë,
Enver Hoxha gjithmon’ n’ ballë.
Me të shekujve ngjeshim hapin,
me rrufet’ forcat i matim.
Dhe njiher’ qe besa jonë:
na ke mbrapa njishkollonë.
Vrulli yn’ nuk mund të ndalet,
sup me sup jem’ lidh’ si malet.
Për rrethimin n’katër anët,
kemi zemrat bash si armët.
Le ta dij’, pra, mir’ tradhtia,
pushkën top e ka Shqipnia!

Dragobi, Tropojë 1973

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Me kaq po e mbyll per sonte,dhe ja lej fjalen Historianeve si:

OROSHI,
Renea88,
Kontrapedali,
Prodigy*

...neser vazhdoj prap se kam edhe nja 32 tekste te tjera qe i ka kenduar populli veet! Naten e mire!

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Miremengjes!
Komente gjate nates (sipas ores se Shqiperise) nuk paska pasur!Megjithate do kete sot kjo eshte e sigurte /pf/images/graemlins/laugh.gif Po vazhdoj me publikimin e disa tekseteve te kengeve qe populli yne ka kenduar per 45 vjet rrjesht,dhe madje ka nga ata qe tregohen nostalgjike dhe neper festa familjare,vazhdojne dhe i kujtojne me mall dhe me te drejte!
____________________________________________________

Urim zemre

Në ditlindjen tande,
nji kang’ do këndoj,
kanga-urim zemre,
anekand t’jehojë.
Ti, udhëheqësi ynë,
diell i lirisë,
jet’ të gjat’ t’uron
Peza e Partisë.
Kndoi sot, o Pezë,
Enverit petrit,
se me te në krye
emri nalt na u ngrit!

Pezë-Tiranë, 1974

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Mir’ se erdhe Enver djali

Atë dit’ që erdh haberi:
Dilni, se po vjen Enveri!
Çelen portat, ndritën lagjet,
feksen sheshet dhe sokaqet.
Mir’ se erdhe Enver djali
se neve na mori malli.
Anetë të mira shumë
Në çdo hap, në rreth e vunë.
Gazi yt me shatë nure,
mbi çdo gur lëshoi lule.
“Këtë radh’ do flas pa kartë,
thot’ udhëheqësi i Partisë”,
t’i zë të gjitha me radhë
kujtimet e vegjëlisë.”
Te furra e Haso Imerit
ia kthen këngës vetë Enveri;
këngës seç ia merr Partia,
iso mban gjith’ Shqipëria.
Mir’ se erdhe Enver djali,
se neve na gëzoi xhani!

Gjirokastër, 1978

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Partis’ besën ia kam dhanë

Jam një vajzë kosovare,
le e rrit’ në tok’ shqiptare,
në kët’ votër, djep i nderit,
n’koh’ t’Partisë e t’bacë Enverit.
Babë e nan’ më kan’ mësue
ça kan’ vuejt’, mos me harrue,
m’u ba trime porsi Shota,
bash si Bulja e Mrik Lokja.
Paj, për prind e për Shqipni,
e fal jetën, bahem fli;
Partis’ besën ia kam dhanë,
se m’ka bij’ dhe e kam nanë.
Si gjith’ shoqet, plot gëzime
asht e mbushun jeta ime.
Dorën grusht, paj, si përherë,
na buzqesh baca Enver;
prej mallngjimit, s’mahem dot,
pa kuptue, na shkon ndoj lot.
Paj, përball’ kur m’asht afrue
e m’shtrin dorn me m’përqafue,
peshë u çova, n’grykë e mora,
bash si babë e përqafova.

Durrës, 1980

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Lum nanlokja që t’përkundi

Palorto, o djep prej guri,
o kala, o djep flamuri;
t’bukrat ngjyra t’hedh ylberi,
sot ditlindjen ka Enveri!
Gurt e kshtjellës kur kan’ ndie,
zanin e ambël t’nji fmie,
“U rrit me hajr, gjithkush ia bani,
për Shqipnin’ me zemër luani!”
Lum nanlokja që t’përkundi,
tuk e tuk në djep prej druni!
Lum gjith’ nanat e Shqipnisë
për kët’ bir që i prin Partisë!
Lum e lum Partia e Punës,
Enver Hoxha n’ball t’tribunës!
Urojn’ malet e Atdheut:
T’u rrit ndera, burr’ i dheut!
Ti i ndez zemrat shqiptare
në beteja fitimtare.
Synin pushk’, dorn ke prodhimi;
Tungjatjeta, Enver trimi!
Në çdo dallg’ si sot e mot,
me ty n’ball’, topi s’na lot!

Blinisht-Lezhë, 1978

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Dit’ e prillit më të gjdhirë

Dit’ e prillit më të gdhirë,
lajm i zi për Shqipërinë!
Ç’kini male që gjëmoni?
Ç’kini fusha që rënkoni?
U hap lajmi në çdo anë,
vdiq Enveri në Tiranë.
Kur fillova për të qarë,
qava si motra vëllanë.
Si qëndron e rri i qetë
atje brenda në Kuvend?
Ti detyrën e mbarove,
themelet çelik i hodhe.
Toka seç bëri betimin,
do ta mbajë si floririn!

Matohasanaj-Tepelenë

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Korba kur erdhi haberi

Korba, kur erdhi haberi,
Enver, o vëlla,
na thanë që vdiq Enveri!
Mu në zemër seç na theri.
O Enver, zemër me çika,
nuk u trëmbe nga e liga,
të bën syri shtatë drita.
Të qan gjithë Shqipëria,
zi të thellë ka Partia.

Fushë Bardhë-Gjirokastër

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Nan’ Shqipnija po qan djalin

Ku i ka prilli karafilat?
Kjo pranver’ ku i ka bylbylat?
Ku asht kanga e kallijve?
Pse u shu buzqeshja e fmijve?
Pse nga dhimbja u bluka guri?
Pse hesht shqipja te flamuri?
N’mal rënkojn’ e thahen ahet,
lulja n’shkam s’duron e thahet.
Shqipet n’bjeshk’ fluturimin ndalin,
nan’ Shqipnija po qan djalin.
Cou bir, fërkoma ballin!
Kam hap gjoksin me pjshtjell’ malin.
Trimi i nanës, i urtë, i mirë,
çou, buzqesh e mos rri shtrirë!
Çou, prij luftën e përpjekjen,
o vigan ** sfidon vdekjen!
S’t’ shohim dot kështu stolisë,
pran’ flamurit n’gjysëmshtizë.
Sa ni det asht pika e lotit,
sa ni mal asht shtrati i topit.
Të gjith’ sot betimin e bajmë,
veprën tane ma lart ta çojmë.

Kabash-Pukë

 

[GJENERALI]

Re: Për ty Enver Hoxha këngë do thur tërë jetën...Populli me shpirt!

Kët’ flamur për Bacë Enverin

Ta dërgon Kosova trime
kët flamur, baca Enver,
** ta mbash në zemrën tande,
siç na kishe ne përherë,
se asht gjak nga gjaku ynë,
se asht zemër kosovari,
se asht dritë nga syri ynë,
se asht besë shqiptari.
Ta çon djali, ta çon nana,
ta çon lulja e rinisë
ta çon lulja burrnisë,
në ballë të Dardanisë,
ta çon gryka e Kaçanikut,
mbar’ Prishtina e Traboini,
ta çon Rrafshi i Dukagjinit,
Plavë, Gucia dhe Prizreni
ta çon bacë Sulejmani,
Mic Sokoli e Haxhi Zeka,
dada Shotë e bacë Bajrami,
Sef Koshorja e Azem Bejtja.
Aty asht Kosova mbarë,
që së largu po loton.
Po t’dërgojm’ veç kët flamur,
përfaqsues të zemrës sonë.

Koman-Pukë