Operacion i përbashkët antidrogë Shqipëri-Itali, arrestohen 11 persona

Policia e Shtetit ka dhënë detaje për operacionin e përbashkët antidrogë me homologët italianë, ku janë arrestuar 11 persona, 4 prej të cilëve në Vlorë.

Policia e Shtetit njofton se grupi kriminal transportonte drogë nga Shqipëria në Itali me avion. Në Itali u sekuestruan 350 kg hashash.

Operacioni i përbashkët i policisë sonë me atë italiane u shtri në Rimini dhe Brindizi.

/ Top Channel

 

[Universal]

“Arrest me burg” për kreun e rrjetit të trafikut të drogës

Gjykata e Krimeve të Rënda ka dhënë masën “arrest me burg” për një prej shtetasve të arrestuar pak ditë më parë në Shqipëri, Sokol Burhamaj, gjatë operacionit të përbashkët mes Policisë së Shtetit dhe homologëve italianë.

Shtetasi Sokol Burhamaj, i njohur edhe me mbiemrin e mëparshëm Lamaj, dyshohet të ketë pasur rol kryesor në rrjetin e trafikut ndërkombëtar të drogës, së bashku me dy vëllezërit e tij Neko dhe Fatos Burhamaj. Ai akuzohet “trafik ndërkombëtar droge të kryer në bashkëpunim”.

Sa i përket rrjetit, mes të arrestuarve ishte edhe një oficer policie në Qarkun e Vlorës, i njohur me emrin Vilson Lamaj, i cili rezulton prej vitesh rezident në Itali, ndërsa në këtë grup trafiku kishte rolin e pilotit të drogës.

Në total, gjatë aksionit të përbashkët antidrogë mes Shqipërisë dhe Italisë u arrestuan 14 persona, 6 prej të cilëve në vendin tonë dhe 8 të tjerë në vendin fqinj.

/ Top Channel