Re: ne pranga ARCOBALENOT!!!
O M A Faqja 10 - AKTUALITET Mars 7, 2000
Operacioni i policisë/ Bashkë me tre tranvestitët dhe një prostitutë, u kapën pranë Gropës së Hajdin Sejdisë
Pranga sekretarit të Gay -Albania
Policia: Jordanezi kryente prostitucion në publik
--------------------------------------------------------------------------------
Gerti Xhaja
g.xhaja@gazetashqiptare.com
TIRANE
Policët e turrur nga dy furgonë të grupeve të gatshme, i kanë bërë të vrapojnë qysh në orët e para të mëngjesit të djeshëm prostitutat dhe homoseksualët që gjendeshin në lulishten mbi Xhaminë e Et’hem Beut në kryeqytet. Pas disa minutash vrapim, policët të ndihmuar edhe nga skuadra e antitrafikut të Policisë së Tiranës, kanë bllokuar dhe më pas shoqëruar katër homoseksualë, mes të cilëve edhe sekretarin e shoqatës së tyre, jordanezin Naser Almalak, si dhe prostitutën 40-vjeçare, Fatbardha Doku. Vetëm disa orë më pas Policia e Tiranës do të deklaronte se 43-vjeçari Almalak së bashku me tranvestitët Briken Lika, 18 vjeç; Fatjon Metushi, 25 vjeç; Fatjon Hyseni, 26 vjeç; dhe prostituta Fatbardha Doku, janë arrestuar pasi akuzohen për kryerje prostitucioni pranë Pallatit të Kulturës.
Aksioni
Në fakt, ka qenë shqetësimi i institucioneve që ndodhen pranë ish-Gropës së Hajdin Sejdisë, ajo që ka vënë në lëvizje uniformat blu të Tiranës. Shembja e mureve rrethuese dhe mbushja me sheshimin e gropës, e ka zbuluar aktivitetin e tranvestitëve dhe prostitutave, të cilat i kishin kthyer këto ambiente në baza e tyre të fshehta. Nisur nga shqetësimet e shumta, shërbimet e Komisariatit të Policisë numër 1 të Tiranës kishin kryer edhe më parë disa aksione për shoqërimin e kësaj kategorie prostitutash. Por në gjitha rastet tranvestitët dhe prostitutat ia kishin “hedhur” me një këshillim që zgjaste deri në tre orë. Këtë herë oficerët e antitrafikut dukeshin të sigurt në sigurimin pas hekurave të qelive për katër homoseksualët dhe prostitutën 40-vjeçare. Për ta është marrë masa e arrestit në kushtet e flagrancës për ushtrim prostitucioni në ambiente publike, masë e cila mund t’i mbajë deri në tre vjet në burg të arrestuarit.
Masa
I kanë siguruar në birucat e katit të parë të godinës së Drejtorisë së Policisë së Tiranës, aty ku sigurohen kriminelët ordinerë. E vetmja që është interesuar për ta ka qenë pastruesja e banesës së jordanezit Naser Almalak. Ajo ka sjellë ndërresa dhe ushqime për të, ndërkohë që për prostitutën dhe tre tranvestitët endacakë deri në mbrëmje nuk ishte interesuar askush. Burimet policore janë shprehur se atyre u është siguruar edhe një avokat që do i përfaqësojë ligjërisht në seancën e masës së sigurisë që pritet të zhvillohet nesër në Gjykatën e Tiranës. Por izolimi i tyre nuk ka qenë në ambientet e ngritura enkas për viktimat e prostitucionit.
Faqja 10 - AKTUALITET Mars 7, 2000
“Nëse nuk më nxirrni që këtej do vdes”
Anxhela, “Miss Albania“ pret damarët në qeli
--------------------------------------------------------------------------------
Fatjon Metushi, i njohur edhe si Anxhela, ka prerë damarët në ambientet e izolimit të Drejtorisë së Policisë së Tiranës, vetëm 5 orë pas shoqërimit të tij. 15-vjeçari është dëgjuar më parë të deklarojë kë-rcënueshëm se nëse nuk e nxirrnin do të vdiste. Sipas burimeve policore, Anxhela mendohet të ketë qenë nën efektet e mos marrjes së drogës, kur ka thyer dritaren e qelisë dhe me xhamat e saj ka prerë damarët. Fatmirësisht, prerjet nuk kanë rezultuar të rënda dhe pas mjekimit të kryer, tranvestiti ndodhet jashtë çdo rreziku për jetën. Anxhela, i njohur për imitimet e spikeres së njohur Ilva Tare, dhe fitimin e Konkursit të improvizuar “Miss Albania”, ka lindur në Shkodër dhe ka ardhur në Tiranë qysh në moshën 4-vjeçare duke bërë një jetë endacake në kryeqytet. Tranvestiti ka qëndruar për një kohë të gjatë në ambientet e Qendrës Spitalore “Nënë Tereza” dhe është rritur me fitimet e nxjerra nga lypësia.
Faqja 10 - AKTUALITET Mars 7, 2000
ligji
Tranvestitët e prostitutat rrezikojnë 3 vite burg
--------------------------------------------------------------------------------
Homoseksualizmi ka qenë i dënueshëm nga Kodi Penal i Republikës së Shqipërisë deri në janarin e vitit 2001, kur dhe u shfuqizua. Në Shqipëri ekzistojnë dy shoqata homoseksualësh.
Por kryerja e marrëdhënieve seksuale ose homoseksuale në vende publike ose në ambiente të ekspozuara nga vështrimi i njerëzve, përbën kundërvajtje penale dhe dënohet me gjobë ose me burgim gjer në një vit.
Kurse ushtrimi i prostitucionin është gjithashtu i dënueshëm nga Kodi Penal, i cili parashikon nga gjobë deri në tre vjet burgim për këtë kundërvajtje penale. Në rastin e arrestimit të katër homoseksualëve dhe prostitutës në ambientet pranë ish- Gropës së Hajdin Sejdisë, bashkimi i këtyre neneve mund të shkojë deri në tre vite burgim.
GAZETA SHQIPTARE
