Re: Momente...
Pezull, shtypje e fortë në gjoks... Ç'të jetë vallë ? Një degjenerim mendor, një shenjë e fikjes që n'a pret ? Eh, e kush po pyet për emrat që mund të vihen ? Ja kështu është dhe kaq. Nxjerrje fryme e rënduar, gishta që dridhen, dhe sy të hutuar, që nuk ndalen askund... por diku aty ato pikasin armikun tim të përjetshëm... Cili është ky armik, do thoni ju ? Eh po ja, vetëm një armik kemi ne, vetveten tonë, të dalur para nesh nja tre metra duke mbajtur brinjët me dorë nga të qeshurit për mjerimin tonë, për skamjen tonë... Ok, miku im (tani i them miku im sepse jam mësuar me të, dhe bile kohët e fundit ka filluar t'i vijë keq për mua), mund të qeshësh, dhe fort madje, sepse kësaj rradhe ka mundësi të qesh dhe unë... nga "lumturia" e të qenurit kaq i lehtë, kaq i pa peshë, për të fluturuar (fluturuar i thënçin, më mirë të themi për t'u lënë fluturuar) andej-këndej, pa asnjë kokëçarje, pa asnjë hije të ndonjë rreziku të mëvonshëm... Sa mirë o njerëz, të jesh pa një vendbanim, pa një "në shtëpi tënden", ku çdo ditë që vjen të përshëndet vetëm kalimthi, sepse "normalisht" ajo është aty vetëm për njerëzit që janë "tek vetja e tyre", e kështu... duhet shkelur syri për të bërë kuptuar që ja, iku dhe një ditë... Et voilà, nous y sommes... rrotull e rrotull, e pa guxuar të shohim ditën në sy... domosdo, drita është tepër e fortë, e bërë për të fortët kuptohet, mjerë të dobëtit, bile pse jo : Poshtë të dobëtit ! Edhe pastaj, asgjë, asgjë prej gjëje deri në një takim të ri me pothuajse asgjënë, dhe pastaj tourner rond, në kapje të cepit të rrethit... dhe dihet kjo, huq... mos u lodhni, sa herë t'ia bëni kësaj provën, aq herë do bindeni që kur kërkojmë aty ku nuk gjendet, të vetmen gjë që do të gjejmë është vetë kërkimi... Ç'ironi ! Të kërkosh gjithçka përveç kërkimit dhe të biesh tek ky kërkim, ky është kulmi ! Kulmi i verbimit nga drita tejet e fortë... Çudi, që edhe drita të fshehë njëlloj sa dhe terri, kjo të bën të dyshosh që tani, në këtë moment madje, në orën 02.13 të datës 02 Mars 2005, bën ditë siç asnjëherë tjetër... Ok, ika se nuk po kuptoj asgjë...
