Re: Miss globe ne Durres???
Mesnatën e së dielës, “Miss Globe International 2004”, për herë të parë në Shqipëri, ka shpallur fituese “Miss Rusinë”, Kristina Slavinskaya-n
Rusja Slavinskaya, kurorë në Durrës
Ll.Kallço
“Miss Rusia”, Kristina Slaviskaya është shpallur fituese e “Miss Globe International 2004”, që u mbajt deri mesnatën e të dielës në amfiteatrin e qytetit të Durrësit. Slavinskaya është 16 vjeç, 1.74 centimetra e gjatë, peshon 50 kg dhe ka përmasat e trupit, 88-61-91. Ajo konkuroi katër finalistet, “Miss Estonia”, Monika Penso, “Miss Bjellorusia”, Sveta Lagonda, “Miss Çekia”, Zuzana Putnarova dhe përfaqësuen tonë “Miss Shqipëria”, Enkelejda Bargjon, e cila nuk ka dalë nga ajo skenë pa një trofe modest siç ishte çmimi “Miss Dreams of the World”.
Spektakli “Miss Globe International 2004” ku konkuruan 43 vajza nga vende të ndryshme të botës është prezantuar nga Adi Krasta i cili ka komentuar se qëllimi i organizimit të këtij spektakli bukurie mbetet përmirësimi i imazhit të Shqipërisë në botë dhe prezantimi i vlerave artistike, historike, kulturore.
Juria e kryesuar nga kreu i bashkisë së Durrësit, Lefter Koka, dha edhe çmimet "Miss Kozmopolitan" për “Miss Bullgarinë” Yanya Krasteva, çmimin “Miss all Nations që e ka fituar “Miss Venezuela” Carmin Martinez, “Miss International” për sllovenen Katarina Jurkovic. Juria ka përzgjedhur si kostumin më të bukur në paradën e vajzave me kostumet popullore të vendeve të tyre, atë të “Miss Paraguajit” Taniamaria Domaniczky. Ky ishte edicionin e 31-të i "Miss Globe International 2004”, dhe është sjellë në Shqipëri nga marrëveshja e nënshkruar ndërmjet mbajtësit të patentës së këtij konkursi, Charle See dhe agjencisë “Deliart Association”, me producent Petri Bozon. Spektakli me regji të Bozos u transmetua drejtpërdejt nga televizioni “Top Channel”. “Miss Globe International” u mbështet finaciarisht nga Ministria e Kulturës, Rinisë e Sporteve, Ministria e Turizmit, Bashkia e Durrësit, Shoqata e Ndërtuesve dhe një varg sponsorësh të tjerë.
se nga kjo foto qe kame pare ketu vetem germadha duken
,dhe ishin disa vizitore te huaj kryesisht angleze dhe shprehen keqardhje per gjendjen e amfiteatrit ca bejne ata kafshet te ne nuk vene dore ne asnje vend, ketej nga evropa marrin nje cope tulle pertoke dhe ta rreklamojne si gjetje arkeologjike ndersa ne kemi me mijera perrla dhe nuk dijme ti ruajme :smash:
