Lufta me matufët
Nga Shkelzen Maliqi – </p>
Akademia serbe ka hartuar projekte që pastaj shteti i ka përvetësuar si programe të luftërave. Ka pak gjasa që kjo të ndodhë edhe në Maqedoni. Në këtë aspekt, pretendimet e akademikëve matufë maqedonas janë më shumë për të qeshur, dhe jo për tua shpallur luftën.</p>
Degradimi i Akademisë – Deklarata më e çuditshme dhe më pompoze për Enciklopedinë e Maqedonisë ka qenë ajo e Ali Ahmetit në Klan Kosova. Ai tha hiç më pak se akademikët maqedonas e kanë prishur armëpushimin. Të nesërmen, Ahmeti i hëngri fjalët e veta për vazhdimin e luftës, sepse bën pjesë në Qeverinë e Maqedonisë dhe, në të vërtetë, as që e kishte ndërmend ta prishë edhe ai armëpushimin. Ishte vetëm një acarim retorik i tij i çastit, në gjithë atë zhurmë që është bërë rreth enciklopedisë që shqiptarët i trajton në mënyrë të shtrembëruar dhe fyese.</p>
Sa i përket akademikëve maqedonas, do të ishte befasi nëse enciklopedia e tyre do të ishte ndryshe. Ajo që u rishfaq sërish në këtë enciklopedi është qëndrimi zyrtar i nacionalizmit maqedonas (i mishëruar në shumë aspekte me institucionet shtetërore, ato publike dhe shumicën e mediave) për çështjen shqiptare dhe për vendin dhe rolin prej pakicës që, sipas tyre, do të duhej ta kishin shqiptarët në Maqedoninë si shtet i maqedonasve.</p>
Duke qenë të gjitha të stërnjohura, ku përfshihet edhe neglizhenca dhe reagimet e vonuara të faktorit shqiptar, i cili gjithnjë tregohet sa i manipuluar po aq edhe i korruptuar, nuk do të ndalem shumë në atë për çka tani reagohet ashpër, deri edhe te kërcënimi retorik i Ahmetit, por në diçka që mua më duket esenciale: është çështja e degradimit të plotë të një koncepti të Akademisë së Shkencave dhe Arteve, ku kësaj ngrehine i paracaktohej pozita e një superstrukture intelektuale dhe roli i kulmit të dijeve, të identitetit dhe të së vërtetës të një kombi. Akademitë ende paramendohen si maja e autoritetit dhe objektivitetit shkencor dhe të dijeve dhe krijimeve më të avancuara dhe më cilësore. Konceptohen si një oborr i dijetarëve kulmorë në një monarki të dijeve. Fillimisht, madje, edhe janë themeluar si akademi mbretërore. Dituria e kuptuar si fuqi dhe pushtet është bërë partner i pushtetit, i monarkive në fillimet, e pastaj edhe i çdo sistemi që bazohej në hierarkinë e pushteteve (politike, ekonomike, të dijeve, te klerit etj.).</p>
Ky koncept i monarkisë së dijeve, sot është zbehur dhe ka shumë vende demokratike ku çdo qytet o krahinë i ka një ose edhe më shumë akademi, që në të vërtetë më shumë punojnë si institute kërkimore, shkencore ose të letrave dhe arteve, pa pretendime që të bëhen kulmi i dijeve dhe i të vërtetave të fundit.</p>
Akademitë në vendet ballkanike ende pretendojnë që të luajnë rolin e pushtetit të dijeve, por duke filluar nga akademia serbe, tani edhe e maqedonëve, e nuk janë larg edhe të tjerat, ato e kanë degraduar dhe komprometuar totalisht veten, kështu që nuk duhet të merren më me seriozitet si prodhuese dhe verifikuese të të vërtetave të fundit.</p>
Akademia serbe ka hartuar projekte që pastaj shteti i ka përvetësuar si programe të luftërave. Ka pak gjasa që kjo të ndodhë edhe në Maqedoni. Në këtë aspekt pretendimet e akademikëve matufë maqedonas janë më shumë për të qeshur, dhe jo për tua shpallur luftën.</p>
Kapiteni lëshon i pari anijen në fundosje – Kriza e paralajmëruar e RTK-së është përshpejtuar me dorëheqjen Drejtorit Gjeneral. Agim Zatriqi zgjodhi momentin më të papërshtatshëm, në prag të zgjedhjeve lokale, për ikje të parevokueshme. E xhindosën më në fund presionet politike, mosgatishmëria që të zgjidhet çështja e financimit dhe ndalesa nga ana e Komisionit të Pavarur të Mediave që RTK të transmetojë reklama në mëngjes dhe në mbrëmje (kohët më atraktive për reklama!). Ky favorizim i televizioneve private do tu hakmerret atyre faktorëve politikë që synojnë kontrollin mbi RTK-në, sepse me këto kondita që janë krijuar, RTK më parë do të bëhet kufomë e gjallë e degraduar në një servis steril shtetëror. Vështirë se do të ketë atë ndikim që e ka sot. Edhe Bordi dhe Drejtori i ri Gjeneral, zgjedhja e të cilëve mbase do të përshpejtohet tani, do ta kenë detyrën e vështirë që të rianimojnë kufomën pas këtij degradimi drastik që e dënon RTK-në në ulje të shikueshmërisë deri në irelevancë të plotë.</p>
Rama, sfida e radhës për Berishën – Pas zgjedhjeve të 28 qershorit, Edi Rama ishte përqendruar në sigurimin e pushtetit të plotë mbi PS-në, duke sfiduar statutin e partisë që kërkonte të japë dorëheqje pas humbjes në zgjedhje. Por, ai humbjen e ktheu në fitore, duke ia siguruar vetes një mandat të ri për betejat e ardhshme me Sali Berishën. Rama do të provojë që ta shkurtojë mandatin e dytë të Sali Berishës, ose të përgatitë transformimin e plotë të PS-së dhe një strategji fituese për vitin 2013. Shumëkush i ka nënçmuar aftësitë e Edi Ramës, por ai tani e ka mandatin e të majtës, që të përgatisë sfidën e radhës për Sali Berishën. Rama startin nuk e ka të pashpresë. Është në krye të partisë më të madhe në Shqipëri, dhe njëkohësisht e ka pushtetin në Kryeqytet deri në vitin 2011. Si edhe Berisha në opozitë, edhe Rama e ka atë vullnetin që disa e quajnë prej psikopati, që të bëhet Kryeministër i radhës. Vetëm se Sali Berisha është bërë tepër dinak dhe mëson shumë, kështu që nuk do të dorëzohet aq lehtë.</p>
Ky artikull eshte marre nga: http://www.shqipmedia.com/?p=23219. Per me shume artikuj te ngjashem vizitoni: http://www.shqipmedia.com/?p=23219
Akademia serbe ka hartuar projekte që pastaj shteti i ka përvetësuar si programe të luftërave. Ka pak gjasa që kjo të ndodhë edhe në Maqedoni. Në këtë aspekt, pretendimet e akademikëve matufë maqedonas janë më shumë për të qeshur, dhe jo për tua shpallur luftën.</p>
Degradimi i Akademisë – Deklarata më e çuditshme dhe më pompoze për Enciklopedinë e Maqedonisë ka qenë ajo e Ali Ahmetit në Klan Kosova. Ai tha hiç më pak se akademikët maqedonas e kanë prishur armëpushimin. Të nesërmen, Ahmeti i hëngri fjalët e veta për vazhdimin e luftës, sepse bën pjesë në Qeverinë e Maqedonisë dhe, në të vërtetë, as që e kishte ndërmend ta prishë edhe ai armëpushimin. Ishte vetëm një acarim retorik i tij i çastit, në gjithë atë zhurmë që është bërë rreth enciklopedisë që shqiptarët i trajton në mënyrë të shtrembëruar dhe fyese.</p>
Sa i përket akademikëve maqedonas, do të ishte befasi nëse enciklopedia e tyre do të ishte ndryshe. Ajo që u rishfaq sërish në këtë enciklopedi është qëndrimi zyrtar i nacionalizmit maqedonas (i mishëruar në shumë aspekte me institucionet shtetërore, ato publike dhe shumicën e mediave) për çështjen shqiptare dhe për vendin dhe rolin prej pakicës që, sipas tyre, do të duhej ta kishin shqiptarët në Maqedoninë si shtet i maqedonasve.</p>
Duke qenë të gjitha të stërnjohura, ku përfshihet edhe neglizhenca dhe reagimet e vonuara të faktorit shqiptar, i cili gjithnjë tregohet sa i manipuluar po aq edhe i korruptuar, nuk do të ndalem shumë në atë për çka tani reagohet ashpër, deri edhe te kërcënimi retorik i Ahmetit, por në diçka që mua më duket esenciale: është çështja e degradimit të plotë të një koncepti të Akademisë së Shkencave dhe Arteve, ku kësaj ngrehine i paracaktohej pozita e një superstrukture intelektuale dhe roli i kulmit të dijeve, të identitetit dhe të së vërtetës të një kombi. Akademitë ende paramendohen si maja e autoritetit dhe objektivitetit shkencor dhe të dijeve dhe krijimeve më të avancuara dhe më cilësore. Konceptohen si një oborr i dijetarëve kulmorë në një monarki të dijeve. Fillimisht, madje, edhe janë themeluar si akademi mbretërore. Dituria e kuptuar si fuqi dhe pushtet është bërë partner i pushtetit, i monarkive në fillimet, e pastaj edhe i çdo sistemi që bazohej në hierarkinë e pushteteve (politike, ekonomike, të dijeve, te klerit etj.).</p>
Ky koncept i monarkisë së dijeve, sot është zbehur dhe ka shumë vende demokratike ku çdo qytet o krahinë i ka një ose edhe më shumë akademi, që në të vërtetë më shumë punojnë si institute kërkimore, shkencore ose të letrave dhe arteve, pa pretendime që të bëhen kulmi i dijeve dhe i të vërtetave të fundit.</p>
Akademitë në vendet ballkanike ende pretendojnë që të luajnë rolin e pushtetit të dijeve, por duke filluar nga akademia serbe, tani edhe e maqedonëve, e nuk janë larg edhe të tjerat, ato e kanë degraduar dhe komprometuar totalisht veten, kështu që nuk duhet të merren më me seriozitet si prodhuese dhe verifikuese të të vërtetave të fundit.</p>
Akademia serbe ka hartuar projekte që pastaj shteti i ka përvetësuar si programe të luftërave. Ka pak gjasa që kjo të ndodhë edhe në Maqedoni. Në këtë aspekt pretendimet e akademikëve matufë maqedonas janë më shumë për të qeshur, dhe jo për tua shpallur luftën.</p>
Kapiteni lëshon i pari anijen në fundosje – Kriza e paralajmëruar e RTK-së është përshpejtuar me dorëheqjen Drejtorit Gjeneral. Agim Zatriqi zgjodhi momentin më të papërshtatshëm, në prag të zgjedhjeve lokale, për ikje të parevokueshme. E xhindosën më në fund presionet politike, mosgatishmëria që të zgjidhet çështja e financimit dhe ndalesa nga ana e Komisionit të Pavarur të Mediave që RTK të transmetojë reklama në mëngjes dhe në mbrëmje (kohët më atraktive për reklama!). Ky favorizim i televizioneve private do tu hakmerret atyre faktorëve politikë që synojnë kontrollin mbi RTK-në, sepse me këto kondita që janë krijuar, RTK më parë do të bëhet kufomë e gjallë e degraduar në një servis steril shtetëror. Vështirë se do të ketë atë ndikim që e ka sot. Edhe Bordi dhe Drejtori i ri Gjeneral, zgjedhja e të cilëve mbase do të përshpejtohet tani, do ta kenë detyrën e vështirë që të rianimojnë kufomën pas këtij degradimi drastik që e dënon RTK-në në ulje të shikueshmërisë deri në irelevancë të plotë.</p>
Rama, sfida e radhës për Berishën – Pas zgjedhjeve të 28 qershorit, Edi Rama ishte përqendruar në sigurimin e pushtetit të plotë mbi PS-në, duke sfiduar statutin e partisë që kërkonte të japë dorëheqje pas humbjes në zgjedhje. Por, ai humbjen e ktheu në fitore, duke ia siguruar vetes një mandat të ri për betejat e ardhshme me Sali Berishën. Rama do të provojë që ta shkurtojë mandatin e dytë të Sali Berishës, ose të përgatitë transformimin e plotë të PS-së dhe një strategji fituese për vitin 2013. Shumëkush i ka nënçmuar aftësitë e Edi Ramës, por ai tani e ka mandatin e të majtës, që të përgatisë sfidën e radhës për Sali Berishën. Rama startin nuk e ka të pashpresë. Është në krye të partisë më të madhe në Shqipëri, dhe njëkohësisht e ka pushtetin në Kryeqytet deri në vitin 2011. Si edhe Berisha në opozitë, edhe Rama e ka atë vullnetin që disa e quajnë prej psikopati, që të bëhet Kryeministër i radhës. Vetëm se Sali Berisha është bërë tepër dinak dhe mëson shumë, kështu që nuk do të dorëzohet aq lehtë.</p>
Ky artikull eshte marre nga: http://www.shqipmedia.com/?p=23219. Per me shume artikuj te ngjashem vizitoni: http://www.shqipmedia.com/?p=23219